Dashi

E enjtja do të jetë mjaft pozitive, ku Venusi do të ketë ndikim tranzit dhe do e bëjë dashurinë mjaft të favorizuar. Ky është momenti i duhur për të shprehur idetë dhe projektet tuaja. Në punë do të ketë mundësi të shumta, por kjo gjë do ju tensionojë.

Demi

Në dashuri do të ketë momente tensioni. Kujdes duhet të tregoni me të lindurit e shenjës së luanit dhe ujorit, ku mund të hasni në probleme. Yjet do të jenë mjaft të favorshme në punë, ku do të ketë mundësi rikuperimi dhe rimarrje në dorë të situatës.

Binjakët

Mundohuni që të gjeni një moment për tu relaksuar. Dashuria do të jetë mjaft pozitive, ku do të keni mundësi që të bëni projekte premtuese. Kujdes duhet të tregoni me punën, dhe mos lejoni që problemet e saj të ndikojnë në sferat e tjera të jetës tuaj.

Gaforrja

Dashuria do të jetë mjaft e favorshme. Ky është momenti i duhur si për dashuritë e reja, edhe për rikuperimin e një raporti. Në punë duhet të ruani qetësinë para se të merrni disa vendime.

Luani

Qielli favorizon dashurinë. Një histori do të ketë mundësi që të rikuperohet, ashtu sikundër mund të lindë një lidhje e re. Situata do të jetë mjaft e favorshme edhe në punë.

Virgjëresha

Prilli ishte një muaj mjaft i veçantë, ku mund ta keni gjetur veten në situata të dyjëzuara. Në dashuri duhet treguar kujdes, pasi mund të përfshiheni në dy histori njëkohësisht. Në punë do ju duhet të merrni vendime.

Peshorja

Nëse nuk i duroni dot më disa persona, mund të ndryshoni sjellje ose të jeni më pak të sjellshëm. Në dashuri ndiheni të qetë, pasi keni arritur në disa përfundime. Në punë mund të ketë zhvillime premtuese.

Akrepi

Mund të jeni përballur me probleme në çift kohëve të fundit, por tashmë do të ketë mundësi për përmirësim. Kujdes duhet treguar me financat, në mënyrë që të mos shpenzoni shumë gjatë kësaj periudhe. Po ashtu mund të përballeni me lodhje, ndaj duhet të gjeni një moment për tu relaksuar.

Shigjetari

Ky është momenti ideal për të zgjeruar rrethin miqësor dhe kontaktet, duke pasur njohje të reja, shkruan noa.al. Mërkuri do të ketë ndikim të favorshëm në financa. Edhe në punë, do të arrini që të fitoni diçka më shumë.

Bricjapi

E enjtja do të jetë nën ritmin e duhur. Në dashuri gjërat do të ecin më mirë, por ju nuk do të jeni të qetë me veten. Mundohuni që të mos mendoni për gjëra që kanë ndodhur shumë kohë më parë dhe fokusohuni tek e tashmja. Në punë duhet qetësi, ndaj shmangni problemet. Do të keni dëshirë për ndryshim.

Ujori

Dashuria do të jetë mjaft e favorizuar pasi Venusi do të jetë në anën tuaj. Në punë, diçka do të lëvizë dhe më në fund do të merrni atë që dëshironi. Disa gjëra kanë nevojë për ndryshim radikal.

Peshqit

E enjtja do të jetë e mbushur me nervozizëm dhe dyshime. Në dashuri gjërat vijojnë që të jenë tejet të komplikuara, ndaj mundohuni që të ruani qetësinë dhe të mos bëni asgjë të nxituar. Puna do të ecë më së mirë, ku problemet e lindura së fundmi mund të zgjidhen.

The post Horoskopi ditor, e Enjte 5 Shkurt 2026 appeared first on iconstyle.al.

E ftuar sot në “Big Brother Radio” ishte bashkëshortja e Mirit, Rabea Shahini në një intervistë për Top Albania Radio. Ajo u shpreh për rrugëtimin e Mirit në “Big Brother Vip”, raportet dhe debatet që ai ka patur me banorët e tjerë, e shumë të tjera.

Marrëdhënia e Mirit dhe Selin ka qenë ndryshe nga të tjerat. Unë mendoj që edhe Selin përfiton shumë nga Miri, e shikon si një person i rritur nga ku mund të marë këshilla. Nuk jam xheloze. Edhe unë kam qenë xheloze kur kam qenë më e re, por unë dhe Miri kemi më shumë se një dekadë bashkë, ne e njohim me sy mbyllur njëri-tjetrin. Në një martesë duhet të kesh besim. Kam besim te ai se e njoh shumë mirë. Çfarë bën Selin nuk më përket mua, por edhe nëse ajo do donte diçka e di që ai do i thoshte stop.

Selin e ka kuptuar që te Kutia e Pandorës ka diçka lidhur me të dhe atë do të zbulojë. Nëse nuk do ishte Miri, Selin nuk do kishte arritur aty ku është. Ajo nuk do që të distancohet Miri se ajo ka shumë përfitime nga kjo gjë. Unë mendoj, ashtu si e shoh unë, është një presion i madh për Mirin sepse është i mbyllur aty brenda për aq gjatë. E shoh që është pak i lodhur, por çuditem si e gjen këtë durimin që ka. Nëse do isha unë atje brenda, nuk do kisha reaguar aq qetë sa ai. Nuk kam frikë fare nga ajo marrëdhënie. Kur ti ke një martesë dhe nuk ke besim, por ke xhelozi, kjo do të thotë që në marrëdhënië ka diçka që nuk shkon. Pak xhelozi i jep zjarr raportit, por aq shumë jo. Ata nuk kanë bërë asgjë, nuk puthen, nuk bëjnë asgjë.

The post ‘Flasim me sy mbyllur me njëri-tjetrin…”/ Bashkëshortja e Mirit komenton raportin e tij me Selin: Nuk jam xheloze appeared first on iconstyle.al.

Mbremjen e sotme, e ftuar në “Big Brother Radio” ishte bashkëshortja e Mirit, Rabea Shahini në një intervistë për Top Albania Radio. Ajo u shpreh për rrugëtimin e Mirit në “Big Brother Vip”, raportet dhe debatet që ai ka patur me banorët e tjerë, e shumë të tjera. Lidhur me surprizën e veçantë, që Artisja vajza e tyre i bëri Mirit, Rabea u shpreh:

Ajo ka dhënë përgjigjet që kishte në zemër. Doja të thoja edhe Selin, edhe Stelina, të dyja i kishte shumë qejf më tha. Ajo ka folur si një fëmijë i pafajshëm, atë që kishte në zemër. Pas takimit, ajo ishte e lumtur që takoi të atin më në fund. Por ishte edhe e mërzitur, sepse Miri ngeli ende brenda në shtëpi. Kur doli, ajo ka qarë shumë, e kisha shumë të vështirë ta qetësoja.

Dashuri ka me mua, me gocën me familjen e tij. Ai është xheloz vetëm për gjërat që ka përzemër, e ka për të mirë xhelozinë.

Po ashtu, ajo ka treguar edhe historine e njohjes me Mirin.

Rabea: E kam mësuar shqipen vetë. E njoha Mirin dhe ne flisnim anglisht. Por ne kishim një lidhje serioze dhe për mua kur ke një bashkëshort nga një shtet tjetër për mua është më se normale. Kisha edhe pak turp se mos bëj gabime.

Elona: A ishte dashuri me shikim të parë?

Rabea: Po, mund ta them. Unë jetoja dhe punoja në Gjermani, ku kisha një koleg dhe kemi qenë në kontakt vazhdimisht. Ai u martua me një shqiptare dhe më ftoi në dasmën e tyre dhe atje e pashë. Aty pyeta kush është ky, se është shumë i bukur. Kushërira e tij na prezantoi.

Miri më tha se ishte këngëtar, por unë s’e njihja. Më tha të futem në YouTube dhe të kërkoj “West Side Family”. Kështu ishte dashuri me shikim të parë. Kënga e preferuar nga “West Side Family” është “Jehona”. Është shumë e bukur, ishte një nga këngët e para të Mirit që kam dëgjuar, ka një vend të veçantë në zemrën time.

The post “Ishte dashuri me shikim të parë…”/ Nga njohja me këngëtarin deri tek takimi me vajzën, rrëfehet gruaja e Mirit appeared first on iconstyle.al.

Një burrë i vetëm në makinë, natën vonë. Një tjetër përballë ekranit, duke lëvizur mekanikisht. Dikush që punon pa pushim, dikush që zemërohet pa e ditur pse, dikush që hesht  jo sepse nuk ndien, por sepse nuk ka mësuar kurrë të flasë për atë që ndien. Edhe pse biseda për shëndetin mendor është hapur më shumë se kurrë, burrat vazhdojnë të shmangin psikoterapinë.

Këtë fenomen e analizon Stephen Blumenthal, psikolog klinik konsulent dhe psikoanalist, në një artikull të botuar në The Guardian. Sipas tij, arsyeja nuk është mungesa e dhimbjes apo problemeve, por mënyra se si burrat janë rritur dhe çfarë u është mësuar të quajnë “mashkullore”.

Të edukuar për veprim, jo për fjalë

Që në fëmijëri, djemtë inkurajohen të veprojnë, jo të shpjegojnë se si ndihen. Gjuha e emocioneve vjen vonë dhe shpesh nuk vjen fare. Shumë burra përjetojnë ankth apo depresion pa i njohur si të tillë; ata i shprehin në forma të tjera: tension, izolim, rrezikim, ose shpërthime zemërimi. Psikoterapia, e ndërtuar mbi të folurin dhe përpunimin emocional, u duket si një gjuhë e huaj që nuk e kanë mësuar kurrë.

Kur trajtimi perceptohet si “femëror”

Shërbimet e shëndetit mendor janë zhvilluar kryesisht përmes përvojave të grave: biseda ballë për ballë, rrëfim emocional, verbalizim i ndjenjave. Shumë burra, përkundrazi, ndihen më të sigurt krah për krah, në veprim të përbashkët, jo në ekspozim të drejtpërdrejtë. Kjo shpjegon pse ata shpesh përgjigjen më mirë ndaj formateve në grup, aktiviteteve me lëvizje ose strukturë të qartë jo sepse u mungon thellësia, por sepse ekspozimi i frikëson.

Dobësia dhe frika nga rënia në “hierarki”

Për shumë burra, të tregosh dobësi nënkupton rrezik: humbje terreni, ulje statusi, turp. Psikoterapia kërkon heqjen e “blindimit” emocional dhe kjo mund të duket kërcënuese, jo çliruese. Ironikisht, është pikërisht ky blindim i vazhdueshëm që i bën burrat më të brishtë në afatgjatë.

Miti i vetë-mjaftueshmërisë

Figura e burrit që “ia del vetëm” është thellë e rrënjosur. Por terapia nis nga një premisë e thjeshtë: nuk ke pse ia del vetëm. Kjo bie ndesh me një nga mitet më të qëndrueshme të identitetit mashkullor dhe e bën kërkimin e ndihmës të duket si dështim.

Kur emocionet “mbyten”

Shumë burra mendojnë se emocionet mund të përballohen vetëm në doza të vogla. Kur biseda thellohet, shfaqen ankthi, tensioni dhe ndjesia e “mbytjes”. Ata janë mësuar të japin zgjidhje të shpejta, jo të qëndrojnë me pasigurinë. Terapia, megjithatë, nuk ofron receta të menjëhershme ofron kohë. Dhe kjo është e vështirë për t’u duruar.

Ndihmë vetëm kur është vonë

Shpesh ndihma kërkohet vetëm kur gjithçka ka arritur kufirin: marrëdhënie në shkatërrim, varësi, kriza të hapura. Jo sepse shenjat mungonin, por sepse ndihma kërkohet tepër vonë. Kështu, problemet e vogla kthehen në male.

Standardet kulturore mungojnë

Rrallë shohim burra që flasin hapur për psikoterapinë si diçka normale, njësoj si ushtrimet fizike apo kontrolli mjekësor. Terapia shfaqet shpesh vetëm si “zgjidhja e fundit”, pas një krize. Kjo forcon idenë se, nëse shkon te psikologu, “diçka ka shkuar shumë keq”.

Fuqia nuk humbet, transformohet

Sipas Blumenthal, psikoterapia nuk ua heq pushtetin burrave; ajo e ndryshon formën e tij. Krijon një hapësirë ku kontrolli mund të relaksohet pa pasoja, ku ndjenjat nuk shtypen, por pranohen. Pengesa kryesore nuk është personale, por kulturore. Për sa kohë që vlera mashkullore lidhet vetëm me durimin dhe heshtjen, ndihma do të shihet si dobësi.

The post Pse burrat nuk shkojnë te psikologu? appeared first on iconstyle.al.

Lim Hoti ka reaguar për herë të parë publikisht vetëm pak ditë pas largimit të papritur nga shtëpia e Big Brother VIP Kosova, duke i dhënë fund çdo dileme që kishte mbajtur publikun në pritje.

Rrugëtimi i tij në reality show u shënua nga një trekëndësh i ndërlikuar emocionesh, ku në qendër ishin ish-partnerja Alba dhe banorja tjetër Dolce. Megjithatë, deklarata e parë e Limit jashtë shtëpisë ka qenë e prerë dhe pa ekuivoke: nuk ka vend për ribashkim me asnjërën prej tyre.

Në një intervistë telefonike për Andale Media, Limi ka zgjedhur të flasë hapur, duke ofruar një këndvështrim ndryshe nga ai që u krijua gjatë transmetimit të spektaklit. I pyetur për raportin me Albën, ai surprizoi me deklaratën e tij, duke e cilësuar atë si një figurë të dëmtuar nga dinamika mediatike.

“Mënyra si e shoh unë Albën është thjesht një viktimë e televizioneve. Më vjen keq që po e them,” u shpreh ai.

Përballë aludimeve se mund të kishte një sqarim apo një takim jashtë shtëpisë me njërën nga vajzat, Limi i ka mbyllur të gjitha dyert me një fjali të vetme, duke konfirmuar se jeta e tij private jashtë është tashmë e stabilizuar.

“Nuk po e pres asnjërën, me thënë të drejtën, sepse jam i zënë. Nuk po mendoj fare për këta persona,” deklaroi ai.

The post Po pret Albën apo Dolcen? Limi flet hapur pas daljes nga ‘BBVK’ appeared first on iconstyle.al.

Rrjeti i Organizatave të Personave me Aftësi të Kufizuara dënoi dje gjuhën e urrejtjes së përdorur ndaj gazetarit Stenaldo Mëhilli, person me aftësi të kufizuar në shikim, gjatë programit “Big Brother Albania VIP”.

Sipas organizatave, gjuha e përdorur është e papranueshme dhe përbën shkelje të rëndë të parimeve të barazisë dhe dinjitetit njerëzor. “Përbën ableizëm, një formë diskriminimi që buron nga premisa se personat me aftësi të kufizuara janë më pak të vlefshëm se personat pa aftësi të kufizuara”, thuhet në deklaratën e tyre.

Organizatat theksuan se kjo është gjithashtu gjuhë urrejtjeje, pasi nuk cenon vetëm individin, por edhe komunitetin e personave me aftësi të kufizuara.

“Duke përcjellë mesazhin se jetët tona janë më pak të denja për t’u jetuar se ato të të tjerëve, veçanërisht duke marrë parasysh audiencën e gjerë të këtij programi”, thuhet më tej në deklaratën e organizatave.

Më tej, ato theksuan se një gjuhë e tillë është përdorur historikisht për të izoluar dhe përjashtuar personat me aftësi të kufizuara, “duke i penguar ata të marrin pjesë në shoqëri në baza të barabarta me të tjerët. Ajo ushqen stigma dhe paragjykim”.

Njëjtë reagoi edhe Shoqata e të Verbërve të Shqipërisë, të cilët u shprehën se është një mesazh i rrezikshëm që cenon dinjitetin njerëzor dhe ushqen paragjykimet ndaj personave me aftësi të kufizuara.

“Shoqata e të Verbërve të Shqipërisë (SHVSH) dënon me forcë gjuhën e përdorur ndaj konkurrentit të verbër, Stenaldo Mëhilli, ku verbëria u etiketua si “dënim” apo “mallkim” (“Ty të ka dënuar Zoti / të ka mallkuar Zoti”)”, u shpreh shoqata.

Rrjeti i organizatave kërkuan që produksioni i “Big Brother Albania VIP” të marrë masa për përjashtimin e pjesëmarrësve që përdorin gjuhë urrejtjeje, si dhe ndërhyrjen e Autoritetit të Mediave Audiovizive (AMA).

Sipas Suela Lalës, drejtuese e Fondacionit “Së Bashku” që advokon për të drejtat e personave me aftësi të kufizuara, do të dërgojnë brenda ditës së sotme edhe një ankesë zyrtare pranë Autoritetit të Mediave Audiovizive dhe Komisionerit për Mbrojtjen nga Diskriminimi për të marrë masa administrative.

Në një reagim publik, Komisioneri për Mbrojtjen nga Diskriminimi dënoi gjuhën e përdorur dhe kërkoi vëmendje më të shtuar në transmetimin publik për të parandaluar situata që shkojnë drejt gjuhës së urrejtjes.

“KMD gjithashtu shpreh shqetësimin mbi paragjykimet dhe stereotipet negative që rëndojnë sidomos tek njerëzit më të pamundur, prandaj kërkon nga Operatori që të garantojë moscënimin e dinjitetit njerëzor”, u shpreh Komisioneri për Mbrojtjen nga Diskriminimi.

Komisioneri ftoi televizionin Top Channel dhe produksionin e “Big Brother VIP” të analizojnë protokollet e formatit dhe të krijojnë hapësirë për diskutim mbi personat me aftësi të kufizuara dhe zërat e tyre./Citizens

The post Gjuha e urrejtjes së përdorur ndaj Stenaldos, institucionet dhe organizatat dënojnë veprimet në ‘Big Brother VIP’ appeared first on iconstyle.al.

Donald Trump nuk e ka fshehur kurrë përplasjen e tij të hapur me CNN. Prej vitesh, ai e ka akuzuar rrjetin televiziv për “lajme të rreme”, ka sulmuar emisionet e tij dhe ka vënë shpesh në shënjestër gazetarët. Viktima e fundit e këtyre përplasjeve është Caitlin Collins, një nga figurat më të spikatura të CNN-it në mbulimin e Shtëpisë së Bardhë.

Në moshën 34-vjeçare, Collins është korrespondentja kryesore e CNN-së në Shtëpinë e Bardhë dhe moderatore e emisionit të përditshëm informativ The Source, që transmetohet çdo mbrëmje. Karriera e saj në gazetari nisi si reportere arti për The Daily Caller, faqe e themeluar nga Tucker Carlson, përpara se të kalonte në raportimin politik dhe mbulimin e zhvillimeve nga Shtëpia e Bardhë.

E diplomuar në vitin 2014 në University of Alabama për shkenca politike dhe gazetari, Collins ka rrëfyer se familja e saj nuk kishte interes të madh për politikën kombëtare, përtej lajmeve lokale. Megjithatë, karriera e saj mori hov në vitin 2017, kur ajo u transferua në CNN dhe u përfshi drejtpërdrejt në raportimin nga Shtëpia e Bardhë.

Vetëm disa vite më vonë, në moshën 28-vjeçare, Caitlin Collins u bë korrespondentja më e re kryesore e CNN-së në Shtëpinë e Bardhë, duke fituar shpejt vëmendje për stilin e saj këmbëngulës dhe pyetjet e drejtpërdrejta. Në vitin 2024, revista Time e përfshiu atë në listën e 100 personave që pritet të formësojnë të ardhmen, duke e përshkruar si një gazetare të palodhur, gjithmonë në kontakt me burimet e saj.

Një histori e gjatë përplasjesh me Trumpin

Marrëdhënia mes Trumpit dhe Collins është karakterizuar nga tension i vazhdueshëm. Gjatë viteve të tij në Shtëpinë e Bardhë, Trump është përplasur me të më shpesh se me shumicën e gazetarëve të tjerë. Episodi më i fundit lidhej me çështjen Epstein, ku Trump reagoi ashpër ndaj një pyetjeje të Collins, duke i thënë: “Je më e keqja” dhe duke e sulmuar edhe në plan personal.

Në raste të tjera, ai e ka quajtur gazetaren “të ligë”, “budallaqe” apo “prezantuese me shikueshmëri të ulët”, përfshirë edhe postime të gjata në Truth Social, rrjeti i tij social. Në vitin 2018, Collins u pezullua përkohësisht nga Shtëpia e Bardhë pasi e pyeti Trumpin për marrëdhëniet e tij me presidentin rus Vladimir Putin.

Po ashtu, ajo ka qenë në qendër të debateve edhe për pyetje mbi zgjedhjet e vitit 2020, deportime të paligjshme dhe tema të ndjeshme që lidhen me Joe Biden dhe vendime të Supreme Court of the United States.

Pavarësisht sulmeve të vazhdueshme, Caitlin Collins ka ruajtur qetësinë dhe profesionalizmin. Në një intervistë për New Yorker, ajo është shprehur se motoja e saj që në fillim të karrierës ka qenë: “Nuk ka të bëjë me mua”.

“Nëse i lejon të ta bëjnë personale, ke humbur që në fillim”, ka thënë ajo.

Pikërisht kjo qasje duket se e ka bërë Collins një nga gazetaret më të forta dhe më të respektuara në mbulimin e politikës amerikane – dhe një nga figurat që Donald Trump e ka pasur më të vështirë ta injorojë.

Kaitlan Collins airs split-screen footage showing her remaining composed as Trump snaps at her for asking about Epstein. pic.twitter.com/YoMbKwq6LL

— Acyn (@Acyn) February 4, 2026

President Trump argues the country should move on from the Epstein files and lashes out when asked about the survivors’ response to the latest release from the Justice Department. pic.twitter.com/NB2IJntX3h

— Kaitlan Collins (@kaitlancollins) February 4, 2026

The post Kush është Caitlin Collins, gazetarja që nuk ka frikë ta vërë ‘me shpatulla pas murit’ Trumpin? appeared first on iconstyle.al.

Ish-Presidenti i Republikës, Alfred Moisiu, është dërguar me urgjencë mesditën e sotme në Qendra Spitalore Universitare Nënë Tereza (QSUT), pas përkeqësimit të gjendjes shëndetësore.

Sipas burimeve spitalore të cituara nga RTSH, ish-kreu i shtetit është paraqitur në spital me vështirësi në frymëmarrje, çka ka bërë të nevojshme ndërhyrjen e menjëhershme të mjekëve. Pas mbërritjes në QSUT, Moisiu është shtruar në repartin e Reanimacionit pranë Klinikës së Kardiologjisë, ku po mbahet nën monitorim intensiv.

Nga informacionet zyrtare bëhet e ditur se parametrat jetësorë të zotit Moisiu janë aktualisht stabël, ndërsa stafi mjekësor po ndjek me kujdes zhvillimin e gjendjes së tij. Mjekët po kryejnë vlerësime të vazhdueshme për të përcaktuar momentin e duhur për një ndërhyrje të mundshme, e cila do të realizohet në varësi të ecurisë klinike.

Zyra e shtypit dhe burime nga spitali sqarojnë se situata po vlerësohet në dinamikë, ndërsa të gjitha protokollet e nevojshme janë aktivizuar për trajtimin e rastit.

“I gjithë stafi i shërbimit të Kardiologjisë është në gatishmëri të plotë për të mbajtur nën kontroll gjendjen shëndetësore të ish-Presidentit”, raporton gazetarja e RTSH-së nga QSUT.

Lajmi për shtrimin e Alfred Moisiut ka ngjallur reagime dhe interes të gjerë publik, ndërsa pritet që në orët në vijim të ketë përditësime të reja zyrtare mbi gjendjen e tij shëndetësore.

The post Alfred Moisiu shtrohet me urgjencë në reanimacionin e Kardiologjisë, ja si paraqitet gjendja e ish-presidentit appeared first on iconstyle.al.

Nëna e reperit të njohur Sean Combs, i njohur ndryshe si Diddy, raportohet se po përgatit një dokumentar të pavarur për të kundërshtuar akuzat e paraqitura në prodhimin e Netflix, me titull Sean Combs: The Reckoning.

Seriali dokumentar i publikuar në platformë trajton ngritjen dhe rënien e karrierës së Combs, duke u fokusuar te akuzat për sjellje të papërshtatshme, raportet familjare dhe dinamika personale të artistit. Reperi aktualisht po vuan një dënim prej 50 muajsh burg, për akuza që lidhen me transportimin e personave për qëllime prostitucioni.

Sipas burimeve të cituara nga Radar Online, nëna e tij, Janice Combs, është “thellësisht e zemëruar” nga mënyra se si Netflix ka trajtuar historinë e djalit të saj.

“Janice beson se dokumentari është një vrasje e karakterit. Ajo dëshiron që e vërteta të dalë në dritë – dhe me forcë”, ka deklaruar një burim i afërt.

Sipas të njëjtave informacione, dokumentari që po përgatitet nga ana e familjes do të përfshijë video arkivore, regjistrime në studio, pamje prapa skenave dhe dëshmi pozitive, të cilat synojnë të mbështesin versionin e Combs. Këto materiale, sipas burimeve, do të fokusohen edhe në faktin se reperi u lirua nga akuzat për trafikim qeniesh njerëzore, që lidhen me pretendimet për festa të njohura si “freak offs”.

Një tjetër burim thekson se Janice Combs u ka dhënë udhëzime të qarta bashkëpunëtorëve të djalit të saj që të kundërsulmojnë publikisht.

“Ajo është e bindur se këto akuza nuk mund të lihen pa përgjigje. Më besoni, askush nuk i thotë ‘jo’ Janice-s”, ka shtuar burimi.

Pas publikimit të dokumentarit në Netflix, Janice Combs reagoi edhe publikisht, duke mohuar pretendimet se Sean Combs e kishte goditur me shuplakë në të kaluarën. Në një deklaratë për Deadline, ajo akuzoi platformën se po “përhap pasaktësi dhe gënjeshtra” lidhur me jetën familjare të artistit.

“Po e shkruaj këtë deklaratë për të korrigjuar disa nga gënjeshtrat e paraqitura në dokumentar. Këto pasaktësi për edukimin dhe jetën familjare të Sean synojnë të mashtrojnë publikun dhe të dëmtojnë reputacionin tonë”, u shpreh Janice Combs.

Dokumentari kundërpërgjigjës pritet të ndezë edhe më tej debatin publik rreth figurës së Sean Combs dhe mënyrës se si platformat e mëdha trajtojnë histori kaq të ndjeshme.

The post “Askush nuk i thotë jo Janice-s”/ Nëna e Diddy-t nis betejën kundër Netflix appeared first on iconstyle.al.

Një stuhi e fuqishme ka goditur Gadishullin Iberik, duke shkaktuar përmbytje masive, evakuime dhe paralizim të jetës publike në jug të Spanja dhe Portugalia. Stuhia, e quajtur Leonardo, ka sjellë deri në 35 centimetra shi brenda vetëm 24 orëve, duke vënë autoritetet në alarm maksimal.

Agjencia spanjolle e meteorologjisë AEMET shpalli alarmin e kuq për disa zona të rajonit jugor të Andaluzia, për shkak të reshjeve të rrëmbyeshme dhe rrezikut të lartë të përmbytjeve. Sipas zëdhënësit të AEMET, Rubén del Campo, në rajon po binte një “sasi e jashtëzakonshme shiu”, ndërsa toka ishte tashmë e ngopur dhe lumenjtë mbanin nivele të rrezikshme uji nga reshjet e mëparshme.

Situata është bërë veçanërisht shqetësuese në zonat malore, përfshirë komunën e Grazalema, ku parashikimet flasin për reshje ekstreme brenda një kohe shumë të shkurtër.

Rreth 3,500 persona janë evakuuar në të gjithë Andaluzinë, ndërsa autoritetet raportojnë mbi 650 incidente, kryesisht përmbytje, rrëshqitje dheu dhe shembje të pjesshme ndërtesash. Një person mbeti i plagosur nga shembja e një ndërtese, por fatmirësisht nuk raportohet për viktima.

Kryetarja e bashkisë së Ronda, Maria Paz Fernandez, deklaroi për transmetuesin publik RTVE se “toka nuk mund t’i përballojë më reshjet”, duke konfirmuar rrëshqitje të shumta dheu në zonat rurale përreth. Ndërkohë, në Puente Tablas, në provincën e Jaén, lumi Guadalbullón doli nga shtrati, duke përmbytur fusha, rrugë dhe automjete. Policia spanjolle publikoi pamje dramatike nga zonat e përmbytura.

Të gjitha shkollat në Andaluzí u mbyllën, me përjashtim të provincës lindore Almeria. Qindra ushtarë u vendosën në terren për të ndihmuar shërbimet e emergjencës.

Kompania shtetërore hekurudhore Renfe njoftoi anulimin e pothuajse të gjithë trenave periferikë, rajonalë dhe të distancave të gjata në Andaluzí, ndërsa dhjetëra rrugë u mbyllën për shkak të përmbytjeve dhe rrëshqitjeve.

Edhe Portugalia po përballet me pasoja serioze nga moti ekstrem. Autoriteti i Mbrojtjes Civile raportoi mbi 3,300 incidente që nga e diela, kryesisht përmbytje, rrëzime pemësh dhe rrëshqitje dheu. Më shumë se 11,000 persona janë angazhuar në operacionet e emergjencës dhe rreth 200 banorë janë evakuuar në Portugalinë qendrore.

Në qytetin Alcácer do Sal, lumi Sado doli nga shtrati, duke përmbytur rrugën kryesore të qytetit. Rajoni i Lisbonës dhe Algarve janë ndër zonat më të prekura, ndërsa reshjet dhe erërat e forta pritet të arrijnë kulmin gjatë natës.

Shkencëtarët paralajmërojnë se ndryshimet klimatike të shkaktuara nga njeriu po rrisin intensitetin dhe shpeshtësinë e ngjarjeve ekstreme të motit. Kujtojmë se në tetor 2024, Spanja përjetoi përmbytjet më vdekjeprurëse në dekada, me mbi 230 viktima, kryesisht në rajonin e Valencias. Autoritetet në të dy vendet u bëjnë thirrje qytetarëve të shmangin lëvizjet e panevojshme dhe të ndjekin udhëzimet e shërbimeve të emergjencës, ndërsa stuhia Leonardo vazhdon të mbajë Gadishullin Iberik nën presion.

The post Gjendje emergjence në Spanjë dhe Portugali, përmbytje masive dhe evakuime appeared first on iconstyle.al.

Pulë, viç, derr, gjeldeti apo qengj, zgjedhja e mishit është një dilemë e përhershme për shumë njerëz. Shpesh vendosim bazuar te shija dhe jo te vlerat ushqyese, por çfarë thonë studimet më të fundit dhe ekspertët e ushqimit? Nutricionistja e njohur britanike Amanda Serif ka analizuar llojet më të zakonshme të mishit dhe ndikimin e tyre në shëndet.

Nga salçiçet e lira për hot dog deri te bifteku i shtrenjtë Wagyu, mishi është pjesë qendrore e dietës për miliona njerëz në mbarë botën. Çdo kulturë ka preferencat e saj: diku konsumohet më shumë qengji, diku pula, ndërsa në disa vende edhe lloje më pak të zakonshme. Megjithatë, pavarësisht dallimeve, ekspertët bien dakord se mishi i freskët dhe i papërpunuar është një burim i rëndësishëm proteinash, hekurit, zinkut dhe vitaminave.

Mishi i përpunuar – rreziku që nuk duhet nënvlerësuar

Jo të gjitha produktet e mishit janë njësoj. Produktet e përpunuara si sallamet, proshuta dhe salçiçet përmbajnë shpesh sasi të larta kripe dhe yndyrash të ngopura. Organizata Botërore e Shëndetësisë i ka klasifikuar këto produkte si kancerogjene dhe paralajmëron se konsumimi i rregullt rrit rrezikun e kancerit kolorektal.

“Një konsum i moderuar i mishit të freskët mund të jetë pjesë e një diete të shëndetshme, por salçiçet e skuqura çdo ditë nuk duhet të jenë ideja e askujt për ushqim të balancuar”, thekson Amanda Serif.

Pulë apo gjeldeti?

Mishi i pulës është më i konsumuar në botë dhe një burim i shkëlqyer proteinash të plota. Gjoksi i pulës ka më pak yndyrë dhe kalori, ndërsa kofshët janë më të shijshme për shkak të përmbajtjes më të lartë të yndyrës dhe mineraleve.

Gjeldeti, nga ana tjetër, konsiderohet edhe më i pasur me proteina dhe më i varfër në yndyrë, duke e bërë një zgjedhje shumë të mirë për ata që synojnë një dietë të lehtë dhe të shëndetshme.

Viçi – i vlefshëm, por me masë

Mishi i viçit është i pasur me hekur lehtësisht të përthithshëm dhe proteina cilësore, të domosdoshme për prodhimin e hemoglobinës. Megjithatë, si mish i kuq, ai duhet konsumuar me masë. Rekomandimi është jo më shumë se 2–3 porcione në javë (350–500 g) dhe preferimi i copave më të ligëta.

Derr – nga shumë i shëndetshëm te shumë i rrezikshëm

Mishi i derrit është ndër më të konsumuarit në Europë dhe ka një profil shumë të ndryshueshëm ushqyes. Filetoja e derrit është e pasur me proteina dhe relativisht e varfër në yndyrë, ndërsa barku i derrit është jashtëzakonisht kalorik dhe i pasur me yndyrë të ngopur. Problemi kryesor mbetet përpunimi i tij në produkte si proshuta dhe sallami, të cilat rrisin rrezikun për sëmundje kardiovaskulare dhe kancer.

Mishi nuk është armik i shëndetit, por zgjedhja e llojit, sasisë dhe mënyrës së përgatitjes është vendimtare. Preferoni mish të freskët, copa të ligëta, shmangni produktet e përpunuara dhe mos e teproni me sasinë. Një dietë e balancuar fillon gjithmonë me moderim dhe informim.

The post E vërteta që nuk thuhet shpesh: Cili mish rrit rrezikun e kancerit appeared first on iconstyle.al.

“Ferma VIP”, pritet të nisë shume shpejt!

Sipas burimeve ekskluzive për Iconstyle, reality show do të nisë në muajin mars. Projekti vjen me një formulë ndryshe, surpriza të forta dhe emra shumë të njohur të ekranit.

Burime pranë produksionit bëjnë me dije se moderimi i reality show-t do t’i besohet Arbana Osmanit, një nga figurat më të dashura dhe më të suksesshme të televizionit shqiptar. Rikthimi i saj në një format të tillë, pas atij të Big Brother VIP Albania, pritet të sjellë edhe më shumë interes dhe pritshmëri të larta nga publiku.

Por jo vetëm moderimi do të jetë risi. Edhe regjia do të jetë tërësisht e re, nën drejtimin e Eduart Grishajt, i njohur për stilin e tij unik dhe qasjen kreative në projekte televizive dhe kinematografike. Ky kombinim pritet t’i japë “Ferma VIP” një frymë moderne dhe dinamike, larg klisheve të zakonshme të reality show-ve.

Sa i përket kastit, burimet tregojnë se emra shumë të njohur të showbiz-it shqiptar do të jenë pjesë e këtij formati. Sipas zërave që qarkullojnë, Luiz Ejlli është emri më i përfolur për rolin kyç brenda reality show-t, atij të kryeplakut. Megjithatë, deri më tani asgjë nuk është konfirmuar zyrtarisht, duke e lënë këtë detaj të hapur për surpriza të mëdha.

Nuk dihet nëse “Mirëmbrëma Yje” e Arbanës do vijojë krahas FermaVIP, apo do mbyllë sezonin e saj!

The post EKSKLUZIVE / Zbulohet kur nis “Ferma VIP”, Arbana Osmani rikthehet në moderim, ja roli i Edit appeared first on iconstyle.al.

Aktorja Catherine O’Hara ndërroi jetë të premten në moshën 71 vjeç pas një sëmundjeje të shkurtër, detajet e së cilës nuk janë bërë publike. Edhe pse shkaku zyrtar i vdekjes së saj nuk është njoftuar ende, ajo kishte zbuluar më parë se jetonte me një sëmundje shumë të rrallë gjenetike.

Aktorja, e cila u bë veçanërisht e famshme si nëna e Kevinit në filmat “Home Alone”, ishte diagnostikuar me inversion të organeve, një gjendje në të cilën organet kryesore të kraharorit dhe barkut ndodhen në drejtim të kundërt me anatominë normale , duke prekur vetëm 1 në 10,000 njerëz.

Situs Inversus është një gjendje e rrallë, zakonisht e trashëgueshme, kongjenitale në të cilën organet kryesore viscerale (zemra, mëlçia, stomaku) janë në një pozicion të pasqyruar (majtas në vend të djathtë dhe anasjelltas). Zakonisht nuk shkakton probleme shëndetësore, por kërkon njoftimin e mjekëve për ndërhyrje mjekësore.

Në disa raste, një person mund të jetojë pjesën më të madhe të jetës së tij pa e kuptuar se e ka këtë gjendje, siç ishte rasti me aktoren e njohur.

Si u bë diagnoza fillestare?

Në vitin 2020, ajo zbuloi se mësoi për gjendjen e saj vetëm kur bëri një test për tuberkulozin rreth 20 vjet më parë. Atëherë mjekët vunë re se organet e saj ishin të përmbysura në një radiografi të kraharorit. Imazhet e brendshme me një radiografi ose ultratinguj janë e vetmja mënyrë për të zbuluar gjendjen.

Në fakt, aktorja tha se ishte pacientja e parë me inversion organesh që mjeku i saj kishte parë ndonjëherë. “Ne jemi shtatë vëllezër e motra,” vazhdoi ajo. “Prindërit e mi kishin ndërruar jetë deri atëherë. Nuk kisha dëgjuar kurrë për diçka të tillë për askënd tjetër. Ndërsa po ktheheshim me makinë në shtëpi, mendova: ‘Pyes veten për vëllezërit e motrat e mia të tjera, nëse e dinë se ku janë zemrat e tyre.’ Kur mjeku na tha se zemra ime ishte në anën e djathtë dhe organet e mia ishin të përmbysura, im shoq tha menjëherë: ‘Jo, koka e saj është përmbys,’” tha ajo.

Rastet e këtyre pacientëve i kanë hutuar shkencëtarët për shekuj me radhë. Shumë besojnë se kjo gjendje përmban të dhëna se si trupat tanë dallojnë të djathtën nga e majta dhe rëndësinë e kësaj preference.

Megjithatë, aktorja pranoi se nuk donte të dinte shumë për gjendjen e saj : “Nuk e di as emrin, sepse nuk dua ta di. Njerëzit do të mendojnë se jam shumë injorante që nuk e di, por në një farë mënyre nuk dua ta di, sepse nuk e dija më parë.”

Çfarë është inversioni i organeve?

Kjo gjendje prek organet kryesore, siç janë zemra, mushkëritë, stomaku, mëlçia dhe shpretka. Sipas Klinikës së Cleveland-it, organet formohen në një rregullim nga e majta në të djathtë, por në përmbysjen e organeve, ato zhvillohen në një rregullim nga e djathta në të majtë. Atriumi i majtë i zemrës dhe mushkëria e majtë janë në anën e djathtë të trupit. Mëlçia është në anën e majtë në vend të së djathtës, dhe stomaku dhe shpretka janë në anën e djathtë në vend të së majtës.

Ekzistojnë dy lloje të inversionit të organeve: dekstrokardia, ku zemra ndodhet në anën e djathtë të gjoksit, në vend të së majtës – lloji që kishte O’Hara – dhe levokardia , ku maja e zemrës tregon nga e majta, si normalisht, por pjesa tjetër e organeve është në rend të kundërt.

Çfarë shkakton inversionin e organeve?

Që kjo gjendje të ndodhë, një person duhet ta ketë trashëguar gjenin e mutuar nga të dy prindërit. Më shumë se 100 gjene janë lidhur me defekte të pozicionit të organeve.

Faktorë të tjerë rreziku përfshijnë një histori familjare të anomalive kongjenitale, diabetin mellitus të nënës, përdorimin e qetësuesve të kollës gjatë shtatzënisë , përdorimin e duhanit gjatë shtatzënisë dhe statusin e ulët socioekonomik.

A shkakton komplikacione?

Edhe pse organet janë të përmbysura, ato zakonisht funksionojnë normalisht. Megjithatë, kur përmbysja e organeve bashkëjeton me anomali të tjera kongjenitale, mund të shfaqen probleme shëndetësore. Në disa raste, vërehen defekte të zemrës ose diskinezia ciliare primare, një çrregullim që shkakton grumbullimin e mukusit në mushkëri. Kjo gjendje mund të çojë në infeksione të shpeshta të frymëmarrjes, të tilla si bronkiti dhe sinusiti.

Edhe pse përmbysja e organeve në vetvete nuk ndikon domosdoshmërisht në shëndet, është e rëndësishme që profesionistët e kujdesit shëndetësor të jenë të vetëdijshëm për këtë, pasi pozicioni i përmbysur i organeve në disa raste mund të çojë në diagnozë të gabuar ose vonesë në ofrimin e kujdesit.

A mund të rregullohet?

Nuk ka kurë për këtë gjendje dhe mjekët nuk rekomandojnë ndërhyrje kirurgjikale për të ripozicionuar organet në pozicionet e tyre “normale”. Nëse shfaqen simptoma ose ndërlikime që lidhen me gjendje të tjera bashkëshoqëruese, trajtimi përqendrohet në to. Në shumicën e rasteve, njerëzit me inversion të organeve mund të jetojnë një jetë krejtësisht normale dhe të shëndetshme, me një jetëgjatësi normale.

The post Sëmundja e rrallë me të cilën jetoi Catherine O’Hara, “nëna” e Kevinit nga filmi “Home Alone” appeared first on iconstyle.al.

Arabia Saudite njoftoi sot se planifikon të lëshojë pasaporta për devetë e mbretërisë, të cilat do të formojnë një bazë të dhënash të gjerë që do të lejojë një menaxhim më të mirë të tufave.

Ministria e Mjedisit, Ujit dhe Bujqësisë premtoi se iniciativa do të rriste “produktivitetin dhe efikasitetin” e sektorit dhe do të ofronte “një bazë të dhënash referimi të besueshme”.

Në postimin e saj në rrjetet sociale, ministria paraqiti edhe një foto të dokumentit në fjalë: një pasaportë jeshile me emblemën e vendit dhe e zbukuruar me imazhin e një deveje të artë.

Sipas Al-Ekhbariya, pasaportat do të ndihmojnë në “organizimin e shitjeve” dhe do të lehtësojnë “tregtinë dhe transportin”, duke mbrojtur njëkohësisht të drejtat e pronarëve duke thjeshtuar procesin e vërtetimit të pronësisë.

Në vitin 2024, qeveria vlerësoi se kishte rreth 2.2 milionë deve në Arabinë Saudite. Këto kafshë kanë qenë gjithmonë një mjet jetësor transporti për vendin, duke u dhënë prestigj pronarëve të tyre dhe duke sjellë fitime të konsiderueshme për mbarështuesit. Devetë marrin pjesë gjithashtu në konkurse bukurie, të cilat organizohen gjatë festivaleve vjetore.

Pronarët shpesh investojnë qindra mijëra dollarë në këto konkurse. Megjithatë, vitet e fundit, organizatorët janë përpjekur të ndalojnë kirurgjinë plastike te devetë (për shembull, për t’i bërë buzët e tyre më të varura ose gungat e tyre më harmonike), një praktikë që lulëzon pavarësisht sanksioneve të rënda.

The post Arabia Saudite surprizon botën! Pasaporta zyrtare edhe për devetë appeared first on iconstyle.al.

Princ Leka dhe Blerta Celibashi po përgatiten të hedhin hapin më të rëndësishëm në historinë e tyre të dashurisë: martesën. Burime ekskluzive për Vip Magazine bëjnë me dije se çifti ka nisur tashmë përgatitjet për ceremoninë, ndërsa dita e kurorëzimit pritet të jetë shumë pranë.

Lajmi vjen pas një periudhe të gjatë stabiliteti dhe ekspozimi publik për çiftin, të cilët prej kohësh nuk e kanë fshehur lidhjen e tyre. Vitin e kaluar, Princ Leka dhe Blerta festuan fejesën në një ambient intim në jug të vendit, në prani të familjarëve dhe miqve të ngushtë. Ceremonia bëri bujë në mediat shqiptare dhe u pasqyrua edhe nga disa media ndërkombëtare, duke tërhequr vëmendje të gjerë.

Që nga publikimi i lidhjes së tyre, dyshja janë shfaqur shpesh së bashku në evente të ndryshme publike në kryeqytet, duke reflektuar një raport të konsoliduar dhe një prani të qetë, por elegante. Daljet e tyre kanë qenë gjithmonë diskrete, por mjaftueshëm për të konfirmuar harmoninë mes tyre.

Tashmë, me përgatitjet për martesë në zhvillim, çifti pritet të kurorëzojë zyrtarisht dashurinë e tyre, duke shënuar një kapitull të ri në jetën personale të Princ Lekës dhe Blertës. Detajet e ceremonisë mbeten ende të rezervuara, por pritshmëritë janë të larta.

The post Pas një viti fejesë, Princ Leka dhe Blerta Celibashi marrin vendimin e madh appeared first on iconstyle.al.

Miranda Kerr ka folur hapur rreth divorcit të saj nga Orlando Bloom dhe premtimit që i bëri atij pas ndarjes. Modelja e Victoria’s Secret, e cila ishte e martuar me aktorin për tre vjet, foli për martesën e tyre dhe udhëtimin e tyre të mëvonshëm si prindër të 15-vjeçarit Flynn, duke folur në podcastin ‘We Need to Talk’ më 3 shkurt. Ajo gjithashtu përshkroi se si të dy arritën të krijonin një marrëdhënie pune për djalin e tyre.

Miranda tha konkretisht se ata premtuan të vinin nevojat e Flynn mbi të gjitha: “Të dy e dinim që marrëdhënia nuk po nxirrte më të mirën tek ne. Dhe kështu, kur morëm vendimin për t’u ndarë, i thashë atij: ‘Le t’i vendosim gjithmonë nevojat e Flynn në vend të parë'” .

Shikoni videon

Kerr, e cila u nda nga Bloom në vitin 2013 pas gjithsej gjashtë vitesh lidhje, tha se u desh përpjekje për të rindërtuar lidhjen e tyre për hir të fëmijës së tyre. Siç vuri në dukje ajo, ky proces përfshinte punë shpirtërore dhe, më e rëndësishmja, ” faljen e njëri-tjetrit ” dhe ” faljen e vetes, krijimin e paqes brenda situatës”.

Pas ndarjes së tyre, ata i dhanë përparësi djalit të tyre mbi veten e tyre. “Në të njëjtën kohë, le të sigurohemi që ta falim plotësisht njëri-tjetrin”, vazhdoi ajo, “për t’u pajtuar, sepse përndryshe kjo rëndon shumë mbi ju”.

Miranda Kerr theksoi se bashkëprindërimi ka të bëjë me lidhjen e qëndrueshme. “Kur ke një fëmijë me dikë, ai do të jetë gjithmonë prindi i fëmijës tënd për pjesën tjetër të jetës së tij”, tha ajo.

Në të njëjtën kohë, ajo pranoi se në fillim e kishte të vështirë të vendoste kufij, derisa takoi bashkëshortin e saj të tanishëm, Evan Spiegel. “Burri im ka kufij të mirë”, tha ajo, duke shtuar se në të kaluarën përshtatej me ndryshimet e minutës së fundit nga Bloom.

Miranda Kerr tani është nënë e tre fëmijëve të tjerë, Hart, Miles dhe Pierre, të cilët i ka me Evan Spiegel.

The post Miranda Kerr zbulon premtimin që i bëri Orlando Bloom pas divorcit të tyre appeared first on iconstyle.al.

Ish-banorja e Big Brother VIP 5, Stelina, ishte sot e ftuar në emisionin Shqipëria Live, ku ndau reflektime mbi eksperiencën e saj në shtëpinë më të famshme në vend.

Gjatë intervistës, ajo u ndal te rrugëtimi personal, emocionet dhe mësimet që mori nga qëndrimi në format, duke theksuar se çdo eksperiencë brenda shtëpisë ishte një kapitull më vete. Stelina komentoi shkurt edhe për disa prej ish-banorëve, duke zgjedhur fjalë të kursyera.

Megjithatë, kur moderatorja Sidorela Gjoni e pyeti konkretisht për Inën dhe Kejsin, Stelina preferoi të ruajë heshtjen, duke mos dhënë asnjë koment për dy emrat në fjalë.

Pjesa nga intervista:

Artani

Shumë pozitiv, por i lodhshëm me fjalët

Baby G

Bomba e shtëpisë për momentin

Brikena

Jam pak e konfuzuar kohët e fundit, si vajzë është shumë e mirë realisht, por kjo historia me Mateon më konfuzon pak.

Nuk ka ndjenja mendon fare?

Ajo e ka thënë

Pse i hapi një derë?

Mendoj se po e shfrytëzon për “Big Brother”

Po Mateo a ka ndjenja?

Mateon e shoh të përfshirë

Gimbo

Ça të them për Gimbon, njeri shumë i mirë, kënaqësi shumë e madhe që e kam njohur

Greta

Është shumë e mirë, po hera-herës nuk më pëlqen qëndrimi që ka me Selin. Do doja të ishte më e butë në lojë me Selin, kaq

Ina

Nuk kam koment fare

Juela

Ka qenë një nga banoret që e kisha të vështirë të bëja një komunikim me Juelën. Nuk e simpatizoj fare.

Kristi

Për mua është finalist. Nuk e di a do ta fitojë, po për mua është definitivisht finalist. Kristi fle gjithë ditë, çohet dy orë dhe bën çorap gjithë shtëpinë. Nuk e di se si e bën, nuk e kuptoj.

Kusita

Është my bestie

Mali

Më pëlqen shumë, shumë pozitiv. Ka patur momente që nuk më ka pëlqyer por argumentet e tij janë shumë bindës. Jam pak në mëdyshje me malin, hera-herës e shoh shumë larg në lojë, hera-herës e shoh shumë shpejt duke dalë.

Mateo

Është një nga djemtë më të mirë që ka patur “Big Brother” në të gjithë edicionet e tij.

Miri

Shoku im brenda dhe jashtë “Big Brother”

Selin

Kukulla e shtëpisë, e kam shumë xhan. Mendoj se kam fituar një mike shumë të mirë jashtë Big Brother. E shoh si finaliste të “Big Brother”. Mirin e kam nga zemra, kurse për Selin dhe Kristin i mendoj në finale

Rogerit

Nuk kam asnjë mendim pozitiv për të gjitha situatat që kanë ndodhur në shtëpi. I është dhënë mundësia disa herë mundësia të përmirësohet, por ka zgjedhur të jetë personazhi negativ i shtëpisë

Stenaldo

Më inteligjenti që ka patur ndonjëherë “Big Brother”

Keijsi

Do zgjedh të mos jap koment.

The post “Nga ‘bomba e shtëpisë’ te ‘negativi’”/ Stelina flet për banorët e ‘BBV 5’ appeared first on iconstyle.al.

Miliarderi amerikan Nelson Peltz, babai i aktores Nicola Peltz, ka reaguar për herë të parë publikisht lidhur me përplasjet që së fundmi kanë përfshirë vajzën e tij, bashkëshortin Brooklyn Beckham dhe familjen e famshme Beckham.

Gjatë pjesëmarrjes në eventin “WSJ Invest Live” në Florida, Peltz u pyet drejtpërdrejt për situatën e tensionuar familjare, por zgjodhi ta shmangë temën me ironi. “A ka qenë familja ime kohët e fundit në media? Nuk e kam vënë re fare”, tha ai me humor, duke shkaktuar të qeshura në sallë.

Megjithatë, pas tonit shpotitës, biznesmeni dha një mesazh të qartë dhe të prerë, veçanërisht për çiftin e ri. “Këshilla ime është të qëndroni sa më larg mediave”, deklaroi Peltz, duke nënkuptuar se ekspozimi publik vetëm sa e përkeqëson situatën.

Ai u tregua i rezervuar kur u pyet konkretisht për raportet mes vajzës së tij dhe familjes Beckham, duke theksuar se kjo është “një histori krejt tjetër”. Megjithatë, Peltz nuk kurseu fjalët e mira për Nicola-n dhe Brooklyn-in: “Janë të mrekullueshëm dhe uroj sinqerisht që të kenë një martesë të gjatë dhe të lumtur”.

Konflikti u rikthye në vëmendje pak javë më parë, kur Brooklyn Beckham konfirmoi publikisht thashethemet, duke akuzuar prindërit e tij, Victoria dhe David Beckham, për ndërhyrje dhe mospranim të Nicola-s.

Deri tani, familja Beckham ka zgjedhur heshtjen, ndërsa ajo që bie në sy është izolimi i Brooklyn-it, i cili shfaqet vetëm krah bashkëshortes, ndërkohë që pjesa tjetër e familjes duket më e bashkuar se kurrë.

The post Babai i Nicola Peltz flet për herë të parë pas skandalit me familjen Beckham appeared first on iconstyle.al.

Shumë besojnë se çdo ushqim ruhet më mirë në frigorifer, por kjo nuk është gjithmonë e vërtetë. Disa produkte, nëse futen në të, prishen më shpejt ose humbasin aromën dhe strukturën e tyre. Ja disa prej tyre dhe mënyrat më të mira për t’i ruajtur.

Qepët nuk duhet vendosur në frigorifer, pasi lagështia i bën të myken më shpejt. Ato ruhen më mirë në një vend të freskët dhe të thatë, larg patateve, me të cilat prishen më shpejt në kontakt. Kafeja duhet mbajtur në kavanoz hermetik në një vend të freskët dhe të errët, jo në frigorifer, për të ruajtur aromën dhe për të shmangur shijen e ushqimeve të tjera.

Borziloku ruhet më mirë në ujë të ftohtë si një lule, jo në frigorifer, ku vyshket shpejt. Vaj ullirit duhet të mbahet jashtë frigoriferit, në vend të errët dhe të freskët, pasi ftohja e humb vetitë dhe e bën të trashë. Mjalti, nga ana tjetër, nuk prishet kur mbahet i mbyllur në temperaturë ambienti dhe frigoriferi mund të ndryshojë strukturën e tij.

Buka thahet shpejt në frigorifer, ndaj më mirë ruhet jashtë. Avokadot piqen jashtë frigoriferit, ndërsa pjesët e përdorura mund të ruhet pjesërisht në të. Patatet nuk duhen mbajtur në frigorifer, pasi niseshtja shndërrohet në sheqer, duke ndryshuar shijen; më mirë vendosini në një qese letre në një vend të freskët.

Të ndjekësh këto rregulla të thjeshta ndihmon që ushqimet të ruajnë shijen, aromën dhe strukturën e tyre për më gjatë, duke shmangur humbjen e cilësisë për shkak të frigoriferit.

The post Ushqimet që nuk duhen mbajtur asnjëherë në frigorifer! appeared first on iconstyle.al.

Pothuajse 40 përqind e rasteve të reja të kancerit në nivel global ka të ngjarë të parandalohen, sipas një studimi të ri.

Studimi zbuloi se pirja e duhanit kontribuoi në më shumë raste të kancerit në nivel global sesa çdo faktor tjetër rreziku, e ndjekur nga infeksionet dhe përdorimi i alkoolit.

Hulumtimi u botua në Nature Medicine të martën, një ditë para Ditës Botërore të Kancerit. Studimi mori në konsideratë 36 lloje kanceresh në 185 vende, nga të dhënat e rasteve në mbarë botën në vitin 2022.

Gjithashtu, u shqyrtuan 30 faktorë të modifikueshëm të rrezikut të kancerit, të cilët mund të kontrollohen, ndryshohen ose menaxhohen për të ulur shanset e prekjes nga sëmundja.

Aktualisht, pirja e duhanit, infeksionet dhe pirja e alkoolit janë faktorët kryesorë që kontribuojnë në rastet e kancerit në nivel global, që do të thotë se kontrollimi i tyre mund të ulë potencialisht rrezikun e sëmundjes.

Duke përdorur të dhëna nga viti 2012, studiuesit shqyrtuan gjithashtu ekspozimin në nivel popullate ndaj secilit faktor rreziku, duke zbuluar numrin e rasteve të lidhura drejtpërdrejt me secilin kontribues.

Më parë, shumica e studimeve mbi kancerin janë përqendruar në faktorë të vetëm rreziku dhe në numrin e vdekjeve, në vend të numrit të përgjithshëm të rasteve.

Pirja e duhanit dhe infeksionet shkaqet kryesore të rasteve të kancerit të parandalueshme

Nga gjithsej 18.7 milionë raste të reja të kancerit në nivel global në vitin 2022, rreth 7.1 milionë, ose 38 përqind, ishin të lidhura me shkaqe të parandalueshme. Kanceri i stomakut, mushkërive dhe qafës së mitrës përbënte pothuajse gjysmën e rasteve të kancerit të parandalueshme.

Rreth 15 përqind e rasteve të parandalueshme ishin për shkak të pirjes së duhanit, i cili ishte faktori kryesor i rrezikut, ndërsa 10 përqind ishin për shkak të infeksioneve. Konsumi i alkoolit shkaktoi 3 përqind të këtyre rasteve.

Midis 9.2 milionë rasteve të reja tek gratë, afërsisht 30 përqind u konsideruan të shmangshme, me mbi 11 përqind të këtyre të përkeqësuara nga infeksione të tilla si papillomavirusi njerëzor (HPV).

Rajonet me të ardhura të ulëta dhe të mesme, si Afrika Sub-Sahariane, kanë shumicën e këtyre rasteve. Kanceri i qafës së mitrës, në veçanti, ishte veçanërisht i përhapur në këto zona.

Nga ana tjetër, në rajonet me të ardhura të larta si pjesa më e madhe e Evropës dhe Amerikës së Veriut, pirja e duhanit kontribuoi në numrin më të madh të rasteve të kancerit tek gratë.

Pirja e duhanit ishte gjithashtu kontribuesi më i madh në rastet globale të kancerit tek burrat, si në rajonet me të ardhura të ulëta ashtu edhe në ato me të ardhura të larta, përgjegjës për gati 25 përqind të 4.3 milion rasteve të kancerit të shmangshme. Shkaku i dytë kryesor tek burrat ishin infeksionet, të cilat ishin më të zakonshme në Azi, Afrikë dhe Amerikën e Jugut.

Ky studim i fundit synon ta bëjë më të lehtë zhvillimin e strategjive të parandalimit të kancerit duke marrë në konsideratë rajone të ndryshme dhe faktorët e tyre më të mëdhenj të rrezikut, në vend që të miratohet një qasje “një masë i përshtatet të gjithëve./VOXNEWS

The post Studimi: 40% e rasteve të reja të kancerit në botë mund të parandalohen! appeared first on iconstyle.al.