Këtë të hënë, del para gjykatës ish-drejtori i Burgut të Durrësit, Indrit Cërloj, i cili u arrestua tre ditë më parë. Gjykata e Durrësit caktoi ndaj tj më 16 janar masën e sigurisë ‘arrest në burg’ për Cërlojn, i cili akuzohet për shpërdorim detyre në rastin e arratisjes së Altin Ndocit.

Ndërkohë, masa do të jepet edhe për mjeken Ylvete Sema, 65-vjeçe, ndaj të cilës Gjykata vendosi arrest shtëpie.

Pak ditë më parë, Ministri i Drejtësisë, Besfort Lamallari, firmosi shkarkimin e Indrit Cërloj nga drejtor i IEVP Durrës.

Vendimi erdhi një ditë pas arratisjes së të paraburgosurit Altin Ndoci, teksa ky i fundit ishte dërguar për kontroll mjekësor në spitalin e qytetit.

Pas kësaj ngjarje, u krye menjëherë pezullimin e nga detyra të të gjithë zinxhirit komandues të IEVP Durrës.

Nga verifikimet paraprake rezulton se IEVP Durrës, për shoqërimin e planifikuar nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi.

Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve.

Ndërkohë në pranga u vunë 8 persona:

Komisar Dezdemon Pazaj – Punonjës i Policisë së Burgjeve;

Komisar Violeta Uka – Punonjëse e Policisë së Burgjeve;

Kryeinspektor Dorjan Saraçi – Punonjës i Policisë së Burgjeve;

Inspektor Sali Ferrollari – Punonjës i Policisë së Burgjeve;

Inspektor Fatjon Braçi – Punonjës i Policisë së Burgjeve;

Inspektor Preng Marvataj – Punonjës i Policisë së Burgjeve;

Kryeinspektor Aranit Çela – Punonjës i Policisë së Burgjeve;

Kryeinfermier Aulon Quku – Punonjës i IEVP Durrës.

The post U arrestua pas arratisjes së Altin Ndocit, del sot para gjykatës ish-drejtori i Burgut të Durrësit Indrit Cërloj dhe mjekja appeared first on Albeu.com.

Ministri i Transportit i Spanjës, Oscar Puente, e ka cilësuar si “jashtëzakonisht të çuditshëm” e cilësoi , aksidentin hekurudhor që ndodhi ditën e djeshme, të dielën, në Andaluzí, i cili i mori jetën të paktën 39 personave.

Sipas të dhënave më të fundit të publikuara nga El Pais, 73 persona janë plagosur, shumë prej tyre në gjendje të rëndë, kur vagonët e fundit të një treni të kompanisë Iryo, që ishte nisur nga Malaga në Andaluzí (në jug të vendit) me destinacion Madridin, dolën nga shinat pranë zonës Adamuz.

Si pasojë, mbi ta u përplas një tren tjetër i kompanisë Renfe, që po lëvizte në drejtim të kundërt.

Duke iu referuar shkaqeve të mundshme të aksidentit, ministri spanjoll theksoi disa herë se ato mbeten ende të panjohura dhe se zbardhja e tyre do t’i besohet Komisionit për Hetimin e Aksidenteve Hekurudhore.

Njëkohësisht, ai shprehu habinë për rrethanat në të cilat ndodhi tragjedia, duke nënvizuar se treni i kompanisë Iryo ishte pothuajse i ri, vetëm katër vjeç.

Gjithashtu, Puente bëri të ditur se linja hekurudhore në fjalë ishte rinovuar plotësisht në maj të vitit 2025, në kuadër të një investimi prej 700 milionë eurosh, ndërsa vendi ku ndodhi aksidenti ndodhet në një segment të drejtë të linjës, pa kthesa.

“Bëhet fjalë për një aksident jashtëzakonisht të çuditshëm; të gjithë teknikët dhe ekspertët janë të shokuar”, deklaroi ai. Sipas ministrit, hetimi pritet të zgjasë të paktën një muaj, për shkak të kompleksitetit të çështjes.

“Komisioni është i pavarur dhe do të hedhë dritë mbi shkaqet, në mënyrë që të kuptojmë saktësisht se çfarë ndodhi”, përfundoi ai.

The post Aksidenti hekurudhor në Spanjë, shkon në 39 numri i viktimave, raportohet për mbi 70 të plagosur appeared first on Albeu.com.

Sot, 19 janar 2026, dollari amerikan, blihet me 82.6 lekë dhe shitet me 83.5 lekë.

Euro, blihet me 96.2 lekë dhe shitet 96.8 lekë.

Franga zvicerane, këmbehet në blerje me 102.8 lekë, ndërsa në shitje me 103.8 lekë.

Dollari kanadez, sot në blerje këmbehet me 59.3 lekë, ndërsa në shitje me 60.5 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh sot me monedhat e huaja? Me sa po blihen dhe shiten dollari dhe euro appeared first on Albeu.com.

Pas tre viteve të vështira, ku aktiviteti u orientua kryesisht drejt mbijetesës dhe jo fitimit, industria e prodhimit të veshjeve dhe këpucëve po hyn në vitin 2026 me pritshmëri më pozitive, por ende jo të sigurta.

Industria e veshjeve dhe këpucëve në Shqipëri, po hyn në vitin 2026 në një nga momentet më kritike të ekzistencës së saj që prej tranzicionit.

Pas më shumë se dy dekadash si një nga motorët kryesorë të eksporteve dhe punësimit me pagë, fasoni po përballet me një kombinim faktorësh negativë, që po e çojnë sektorin drejt tkurrjes.

Prodhuesit paralajmërojnë se, nëse kushtet aktuale vijojnë, numri i fabrikave mund të përgjysmohet brenda tre deri në katër viteve të ardhshme.

Rënia e vazhdueshme e Euros, rritja e mëtejshme e pagës minimale, tkurrja e kërkesës nga tregjet europiane dhe kostot shtesë që priten nga procesi i anëtarësimit në Bashkimin Europian, po e vendosin fasonin shqiptar nën presion të dyfishtë.

Në të njëjtën kohë, konkurrenca nga platformat kineze të tregtisë online si “Temu” dhe “Shein” po godet prodhuesit europianë, duke reflektuar drejtpërdrejt edhe te porositë për Shqipërinë.

Pas tre viteve të vështira, ku aktiviteti u orientua kryesisht drejt mbijetesës dhe jo fitimit, industria e prodhimit të veshjeve dhe këpucëve po hyn në vitin 2026 me pritshmëri më pozitive, por ende jo të sigurta.

“Viti 2025 shihet si momenti kur fillojmë të kthehemi drejt fitimit, ndërsa në 2026 parashikojmë vijimin e përmirësimit të performancës financiare dhe operacionale”, – shprehet Eva Laro, e cila drejton një fabrikë këpucësh.

Ajo tha se kompania ka tashmë porosi të mbyllura deri në shtator të vitit 2026, një sinjal i rëndësishëm për stabilitetin e kërkesës dhe besimin e klientëve.

Fabrikat e vogla dhe të mesme do të ketë vështirësi dhe falimente, kurse fabrikat e mëdha, që kanë më shumë aftësi të përshtaten, pritet të rikthejnë fitimet më 2026.

Sektori përgjysmohet në periudhën afatmesme

Florian Zekja, biznesmen me përvojë në prodhimin e veshjeve për eksport, rendit disa faktorë që po e thellojnë krizën, të cilët pritet të kenë ndikim të drejtpërdrejtë edhe në vitin 2026.

Së pari, ai thekson se rënia e Euros po e nxjerr Shqipërinë jashtë konkurrencës rajonale, pasi çmimet nuk mund të rriten në një monedhë që vijon të zhvlerësohet.

Së dyti, pasiguria ekonomike në Europë, e përkeqësuar nga tensionet tregtare dhe politikat fiskale globale, po ndikon negativisht në shitjet e veshjeve dhe këpucëve të punës.

Së treti, rritja e kostove operative, nga transporti te qiratë dhe pagat, po e bën gjithnjë e më të vështirë menaxhimin e ndërmarrjeve fason.

Së fundi, situata gjeopolitike po ndikon drejtpërdrejt në industrinë e modës dhe në porositë për koleksionet e ardhshme.

Z. Zekja paralajmëron se anëtarësimi në BE do të sjellë kosto të reja të papërballueshme për një pjesë të madhe të fabrikave.

“Vetëm një certifikatë standardesh më kushton 20 mijë euro dhe nuk është e vetmja”, – thotë ai, duke parashikuar një tkurrje të fortë të sektorit që nga viti 2026.

Konsolidim dhe rritje për të mëdhenjtë, faliment për të voglat

Ajo parashikon se viti 2026 do të shënojë një ndarje të qartë mes fabrikave të mëdha dhe atyre të vogla.

Sipas saj, ndërmarrjet e mëdha presin rikthim gradual të rritjes në vitin 2026, të mbështetur nga përmirësimi i kërkesës në tregjet ndërkombëtare dhe nga investimet në produkte.

Ndërkohë, njësitë e vogla të prodhimit rrezikojnë falimentimin për shkak të rritjes së kostove, veçanërisht nga paga minimale dhe mungesa e fuqisë punëtore.

Megjithatë, rritja e kostove të punës, që në disa raste arrin deri në 25%, po krijon presion mbi çmimet dhe kapacitetet prodhuese.

“Klientët ankohen për çmimet dhe ekziston rreziku që presioni i kostove të ndikojë madhësinë e fabrikave në të ardhmen”, – thekson znj. Laro.

Florian Zekja, biznesmen me përvojë në prodhimin e veshjeve për eksport, e sheh vitin 2026 si një pikë kthese, ku shumë fabrika, sidomos të mesme dhe të vogla, do të detyrohen të dalin nga tregu. Ai rendit katër faktorë kryesorë që po e thellojnë krizën.

Së pari, rënia e vazhdueshme e Euros po e nxjerr Shqipërinë jashtë konkurrencës rajonale. “Është e pamundur të rrisësh çmimet, kur monedha me të cilën faturon zhvlerësohet pa limit”, – thotë z. Zekja.

Së dyti, pasiguria ekonomike në Europë, e thelluar nga tensionet tregtare dhe politikat fiskale globale, po reflektohet në rënie të porosive, veçanërisht për veshjet dhe këpucët e punës.

Së treti, rritja e kostove operative – transporti, qiratë, pagat – po e bën menaxhimin e ndërmarrjeve gjithnjë e më të vështirë. Së katërti, situata gjeopolitike po ndikon drejtpërdrejt në industrinë e modës, duke ulur shitjet e koleksioneve të ardhshme.

Ai paralajmëron se anëtarësimi në BE do të sjellë një valë kostosh të reja, sidomos për certifikime dhe standarde. “Vetëm një certifikatë më kushton 20 mijë euro, por janë disa të tilla”, – thekson ai, duke parashikuar tkurrje të fortë të sektorit që nga viti 2026.

2026, mes stabilitetit dhe rrezikut

Ekspertët theksojnë se rritja e kostove të prodhimit dhe paga minimale po ndikojnë drejtpërdrejt konkurrueshmërinë, duke kërkuar politika të balancuara që mbështesin punonjësit, pa cenuar qëndrueshmërinë e biznesit.

Hapja e kapitujve të negociatave me BE-në, sipas z. Prençe, e bën jetike përfshirjen reale të industrisë në procesin vendimmarrës, pasi prodhuesit do të jenë zbatuesit praktikë të standardeve europiane.

Një tjetër sfidë madhore mbetet mungesa e likuiditetit për investime, që po ngadalëson automatizimin dhe modernizimin, si dhe kostot e larta të certifikimeve dhe promovimit ndërkombëtar.

Megjithatë, ai shprehet se viti 2026 mund të shënojë ritëm të qëndrueshëm rritjeje, i nxitur nga partneritete më të forta europiane, investime në teknologji dhe bashkëpunim strategjik mes qeverisë dhe industrisë.

Rritje nga klientët ekzistues dhe segmentet teknike

Rritja e pritshme për vitin 2026 po mbështetet si te klientët ekzistues, ashtu edhe tek ata të rinj, me fokus të qartë në produkte me vlerë të shtuar.

Segmentet kryesore ku po orientohet prodhimi janë materialet teknike për sektorë si ushtarake dhe hiking, ku kërkohen standarde të larta cilësie dhe inovacioni.

Një linjë më e vogël prodhimi po shërben si terren për inovacion dhe testim, duke ndihmuar kompaninë të rritet “hap pas hapi” dhe në mënyrë të kontrolluar. “Po rritemi gradualisht, pa e sforcuar strukturën” – thekson znj. Laro.

Sfida e fuqisë punëtore dhe presioni i kostove

Në aspektin e burimeve njerëzore, viti 2026 mbetet sfidues. Nevoja për aftësi të specializuara po rritet në të gjitha kategoritë, ndërsa rekrutimi nga jashtë vendit mbetet kompleks.

Furnizimi kryesor me fuqi punëtore vijon të jetë tregu i brendshëm, me numrin e punonjësve që ka ardhur në rritje, nga rreth 600 në 750 persona./Monitor

The post Rënia e euros nxjerr Shqipërinë jashtë konkurrencës rajonale/ Fasoneria, mes konsolidimit dhe presionit të kostove në 2026 appeared first on Albeu.com.

Këtë të hënë vendi ynë, do të ndikohet nga kushte atmosferike të qëndrueshme. Moti parashikohet i kthjellët në pjesën më të madhe të territorit, ndërsa vranësirat të pakta deri mesatare kryesisht në lindje e jug të vendit.

Era do të fryjë me drejtim Verilindje-Lindje, me shpejtësi mesatare 8 m/s, përgjatë vijës bregdetare në Veri dhe zonat luginore era me shpejtësi deri në 16 m/s.

Deti – Valëzimi forcës 2-3 ballë.

The post Kushte të qëndrueshme atmosferike/ Njihuni me parashikimin e motit 19 Janar 2026 appeared first on Albeu.com.

Në kufje, moderatorja Kiara Tito, u njoftua se në shtëpinë e “Big Brother”, kishte mbërritur një “zarf i zi” dhe se momenti do të shfaqej në “Fan Club”.

Por, në të vërtetë, klipi ishte një surprizë e veçantë për të.

Në video u shfaqën momentet më të bukura të Kiarës, ndërsa mesazhi i urimit i kujtoi sa e dashur dhe e vlerësuar është nga fansat dhe të afërmit e saj.

Emocionet ishin të forta, dhe Kiara nuk mundi t’i mbante dot lotët, duke treguar një reagim të sinqertë dhe prekës që magjepsi të gjithë.

The post Zarfi i zi Big në Brother? Lot dhe emocione që prekën Kiara Titon (VIDEO) appeared first on Albeu.com.

Meteorologu i njohur Hakil Osmani, në një lidhje live për Euronews Albanian, u shpreh se moti deri ditën e martë, në orët e mesditës, do të jetë nën mbizotërimin e motit të qëndrueshëm, ku do të kemi intervale të gjata me kthjellime dhe kalime të shpeshta të vranësirave.

Sipas tij, gjatë orëve të vona të ditës së martë do të kemi prezencë të lartë të vranësirave, duke bërë që në zonat jugore kryesisht të ketë reshje shiu në disa qytete.

“Jo vetëm orët e vona të mbrëmjes, por edhe dita e mërkurë dhe pjesërisht dita e enjte do të sjellin prezencën e reshjeve, kryesisht në zonat jugore. Do të kemi gjithashtu prezencë dhe të reshjeve të dëborës në zonat e thella malore.

Nuk do të jenë reshje problematike, por me intensitet mesatar. Sinjalet tregojnë për përmirësim të kushteve të motit në zonat jugore, ndërsa zonat e tjera mbeten nën mbizotërimin e motit të qëndrueshëm. Dita e premte dhe dita e shtunë sjellin një përmirësim të përkohshëm, ndërsa ka sinjale që gjatë ditës së dielë reshjet të kthehen në vendin tonë.

Përsa i përket temperaturave, relativisht do të jenë të larta, por do të vijojnë me rënie në fillim të javës. Duke qenë se do të kemi masa ajrore të lagështa, temperaturat e ajrit do të rriten, por duke filluar nga mesjava deri në fundjavë do të rikthehen përsëri, rreth -1 dhe -2 gradë Celsius, kryesisht në orët e para të mëngjesit. Sinjalet për reshje në vendin tonë priten gjatë javës së fundit të këtij muaji”, u shpreh meteorologu.

The post Meteorologu Hakil Osmani zbulon se kur rikthehen reshjet e shiut dhe dëborës appeared first on Albeu.com.

Bashkëshortja e këngëtarit Erik Lloshi, Romina, teksa ishte e ftuar në emisionin “Fan Club”, ka folur për herë të parë publikisht për marrëdhënien mes tyre, pas aludimeve se çifti po kalon një krizë për shkak të pjesëmarrjes së artistit në Big Brother VIP Albania.

Romina sqaroi se nuk ka qenë aspak dakord me vendimin e Erik Lloshit për të hyrë në Big Brother, duke theksuar se ka preferuar gjithmonë të qëndrojë larg vëmendjes mediatike dhe ta mbajë jetën private jashtë syrit të publikut.

Ajo tregoi se kjo ka qenë arsyeja pse e ka kundërshtuar pjesëmarrjen e tij në format, duke përmendur edhe temperamentin e këngëtarit, të cilin e përshkroi si gjaknxehtë dhe impulsiv.

“Nuk kam qenë kurrë dakord të futej në Bigh Brother. Jam larg televizionit dhe nuk e kam dashur. Kam dashur që jetën personale ta kisha timen dhe të mos isha në syrin e publikut.

Eriku ka pak temperament të vështirë, është shumë gjaknxehtë. Kjo ka qenë arsyeja pse i kam thënë të mos futej në Big Brother se njerëzit aty luajnë me çdo kartë. Ai është njëri shumë i drejtë dhe jo aq agresiv sa e portretizojnë.

Eriku ka marrë ftesë dhe më parë dhe i kam thënë kategorisht jo, këtë herë nuk më dëgjoi. I thashë do marr valixhet dhe do të iki në shtëpi. Tashmë e mbështes totalisht, padiskutim. Tek Eriku ka gjëra që më pëlqejnë dhe disa që nuk i përkrah”,-u shpreh bashkëshortja e këngëtarit.

The post Bashkëshortja e Erik Lloshit: Nuk isha dakord të bëhej pjesë e “Big Brother”, i thashë do iki… appeared first on Albeu.com.

SPAK ka dalë me një njoftim zyrtar, lidhur me aksionin e zhvilluar kundër Call Centerëve. Në njoftim sqarohet se gjatë hetimeve është identifikuar një Qendër Thirrjesh (Call Center) që ndodhet në Tiranë, në ndërtesën “Atti Tower”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.

Në pranga janë vënë 8 persona, ndërsa dy të tjerë janë në kërkim.

Personat e arrestuar:

Remir Gjoligaj

Endri Gjata

David Qerimi

Elis Merkaj

Rentjan Peposhi

Odeas Kuqi

Gjashtë prej 8 të arrestuarve nga SPAK gjatë operacionit që u zhvillua në Tiranë për goditjen e Call Center-ave që mashtronin qytetarë italianë për investime në kriptovaluta të ndryshme.

“Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime.

Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar”, thuhet në reagim.

Njoftimi:

Prokuroria e Posaçme kundër Korrupsionit dhe Krimit të Organizuar rregjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.

Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.

Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Tower”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.

Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve. Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale tw menaxhuara nga drejtuesit e këtij aktiviteti të kundraligjshëm, duke përdorur platforma mashtruese.

Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Tower”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.

Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit.

Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.

Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.

Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i. Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Downtown One”, në Bulevardin Bajram Curri.

Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar.

Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.

Shtetasin e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.

Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas tw tjerw, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.

Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.

Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.

Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.

Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.

Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.

The post Operacioni kundër Call Center/ 8 të arrestuar, SPAK: Personat e kapur në flagrancë transportuan gjatë natës materiale në ambient tjetër, tentuan të… (EMRAT) appeared first on Albeu.com.

Mesfushori i Kombëtares Ylber Ramadani, do të vazhdojë të jetë pjesë e Leçes, të paktën edhe për një sezon. Gazetari i njohur italian Nikolo Skira, ka raportuar sot se klubi i Seria A ka aktivizuar opsionin e rinovimit të kontratës deri në vitin 2027.

Ramadani do të mbetej pa ekip në përfundimin e këtij sezoni, kur edhe i mbaronte kontrata. Palët nuk duket se do të vazhdonin bashkëpunimin, pas edicionit të kaluar ku mesfushori i Kombëtares humbi vendin e titullarit te Leçe.

Gjithçka ndryshoi gjatë pjesës së parë të këtij sezoni. Ramadani dallon si lojtari me më tepër kilometra të përshkuara në Seria A, ndërsa besimi te klubi është rikthyer.

29-vjeçari transferohej nga Aberden te Leçe në vitin 2023. Klubi italian e konsideron si një nga lëvizjet e zgjuara në vitet e fundit për mesfushën.

The post Ishte në prag largimi dhe u rikthye në lojtar kyç, mesfushori i Kombëtares mëson vendimin e rëndësishëm appeared first on Albeu.com.

Mbrëmjen e djeshme, spektakli i “Big Brother VIP Albania 5”, u mbyll si çdo herë tjetër, vetëm me një prej shprehjeve të Ledionit.

Edhe pse emisioni zgjati deri në orët e para të mëngjesit, nuk pati asnjë urim nga ana e tij për vajzën e datëlindjes.

Ndryshe nga viti i shkuar, ku ai nuk e kurseu një postim plot fjalë të ëmbla ndaj së shoqes, këtë vit, të paktën deri tani nuk na kanë zënë sytë asnjë postim dedikuar Sarës.

Kjo, nuk është hera e parë që dyshja konfirmon zërat që qarkullojnë rreth tyre. Në eventin e përvjetorit të 10-të të fondacionit “Fundjavë Ndryshe”, në sy ra menjëherë mungesa e Ledion Liços.

Sara Hoxha, u shfaq vetëm nën shoqërinë e së motrës, Lori Hoxha dhe partnerit të saj.

Në verën e këtij viti, filluan të qarkullojnë lajme se Sara Hoxha dhe Ledion Liço, po jetojnë të ndarë nga njëri-tjetri.

Në shtator, Ledioni postoi një foto bardh e zi të vetes, duke i shtyrë komentuesit të mendojnë se pasqyronte gjendjen e tij emocionale pas aludimeve për një ndarje nga Sara.

Puna krah njëri-tjetrit gjatë këtij edicioni të “Big Brother VIP Albania 5”, mbase nuk e ka përmirësuar marrëdhënien mes tyre.

Historia e dashurisë së Sarës e Ledionit daton që 11 vite më parë, me një martesë të kurorëzuar në vitin 2018 me një dasmë në Itali. Dyshja kanë tre fëmijë së bashku.

The post Çfarë po ndodh? Ky veprim i Ledionit konfirmoi zërat për një krizë mes çiftit appeared first on Albeu.com.

Prokuroria e Posaçme kundër Korrupsionit dhe Krimit të Organizuar, regjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.

Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.

Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Tower”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.

Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve.

Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale tw menaxhuara nga drejtuesit e këtij aktiviteti të kundraligjshëm, duke përdorur platforma mashtruese.

Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Tower”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.

Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit.

Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.

Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.

Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i.

Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Downtown One”, në Bulevardin Bajram Curri.

Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar.

Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.

Shtetasin e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.

Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas tw tjerw, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.

Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.

Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.

Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.

Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.

Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.

The post Operacioni kundër Call Center në Tiranë, SPAK njoftim zyrtar appeared first on Albeu.com.

Pas fitores 3-1 në Komo, Milani i Maks Alegrit, vazhdon të jetë në qendër të vëmendjes së tifozëve, gazetarëve dhe ekspertëve të futbollit italian.

Rezultati ka nxitur diskutime mbi filozofinë e lojës së kuqezinjve, ku disa lavdërojnë pragmatizmin dhe aftësinë për të marrë pikët, ndërsa të tjerë kritikojnë mungesën e spektaklit dhe kreativitetit në mesfushë dhe sulm.

Fjalët e trajnerit pas ndeshjes, që u shpreh: “Nëse do ta luanim këtë ndeshje edhe 10 herë, do të fitonim 8”, tregojnë qartazi një fokus të madh tek rezultati dhe efikasiteti, një qasje që disa e quajnë “rezultatizëm” dhe të tjerët e shohin si menaxhim të duhur të situatës.

Në sezonin e kaluar, dhe veçanërisht në këto 20 ndeshjet e para të këtij kampionati, Milani ka treguar shpesh karakter të jashtëzakonshëm duke fituar pikë në momentet vendimtare.

Gola në sekondat e fundit, penallti të fituara nga kundërshtarët dhe vendime taktike që kanë ndryshuar fatin e ndeshjes janë pjesë e këtij imazhi që tifozët e quajnë “Monstre Rossonere”.

Analistët dhe komentatorët ndajnë mendimet: disa i atribuojnë sukseset Milani vetëm rastësisë, ndërsa të tjerët theksojnë rëndësinë e rezistencës së skuadrës dhe aftësinë e trajnerit për të menaxhuar çdo situatë kritike.

Një element i rëndësishëm është edhe mënyra se si skuadra përballon mungesat e lojtarëve kryesorë për shkak të lëndimeve. Madje edhe me disa elementë të rëndësishëm jashtë fushës, kuqezinjtë arrijnë të marrin rezultate që ndonjëherë duken të pamundura. Karakteri, disiplinimi taktikostrategjik dhe mentaliteti i fituesit kanë qenë faktorë vendimtarë në shumë ndeshje. Milani ka treguar se mund të fitojë jo vetëm me lojë të bukur, por edhe duke menaxhuar situata të vështira.

Kjo ka bërë që skuadra të fitojë respektin e të gjithë futbollit italian dhe të krijojë një ndjenjë frike tek rivalët kryesorë, përfshirë Interin, që shohin kuqezinjtë si kundërshtar të fortë për titull dhe vendet e Champions League. Pavarësisht kritikave për mungesën e spektaklit, Milani ka arritur të krijojë një kombinim të mirë mes rezultatit dhe mbrojtjes së fortë, duke i dhënë besim skuadrës dhe tifozëve. Rezultatet dhe mënyra si trajtohen momentet e vështira flasin shumë për kulturën e fituesit që klubi ka krijuar gjatë viteve të fundit. Debati në Itali vazhdon: a duhet Milani të fokusohet vetëm te rezultati apo të ndërtojë një futboll më të bukur dhe kreativ?

Për momentin, klubi vazhdon të fitojë pikë dhe të qëndrojë në krye, ndërsa tifozët mbeten të ndarë mes adhurimit dhe kritikave. Një gjë është e qartë: Milani nuk është vetëm një skuadër, është një forcë që mund të bëjë diferencën në kampionat. Në fund, indiferent ndaj kritikave apo komenteve, Milani vazhdon të tregojë forcë dhe qëndresë. Rezultatet flasin vetë, dhe kjo është ajo që ndan skuadrën nga shumë të tjerë. Rivalët, përfshirë Interin, duhet të kenë kujdes, pasi Milani duket i aftë të surprizojë në çdo moment. Mentaliteti, aftësia për të përballuar presionin dhe vendosmëria për të fituar janë elementë që e bëjnë këtë skuadër të veçantë dhe të frikshme për çdo kundërshtar.

The post Milani “ndan” Italinë në dy pjesë, nis ndjekja për kreun appeared first on Albeu.com.

Ekonomistja Romina Radonshiq, teksa ishte e ftuar në “News24 Fundjavë”, foli për kufizimet për kompensimin e të ardhurave mujore të pensionistëve.

Gjatë intervistës, ajo shpjegoi se kush përjashtohet, duke u ndalur gjithashtu edhe tek vendimi i datës 30 dhjetor.

“Flitet shpesh jo vetëm për bonusin e fundvitit, por edhe për atë bonusin që u tha se ishte rritje, por që në fakt është një shtesë fikse në pension e marrë nga buxheti i shtetit. Ndërkohë shtesën do ta përfitonin të gjithë pensionistët sipas kategorive në vlera të ndryshme. Por u pa që nuk e përfituan sepse në muajin janar pjesa më e madhe e pensionistëve i kanë tërhequr pensionet e tyre”, tha ajo.

Por kush përfiton dhe kush janë kufizimet?

“Për ato pensionistë që kanë një pension të plotë dhe do të merrnin një shtesë mujore fikse dhe jo rritje, duhet ta përfitojnë, pra janë përfitues vetëm nëse pensioni i tyre është 40 mijë lekë të vjetra, nëse pensioni i tyre është mbi 40 mijë lekë të vjetra ato nuk e përfitojnë këtë shtesën mujore. Për ato që janë pension rural, shtesa do të ishte 1 mijë lekë çdo muaj. E përfitojnë të gjithë ata pensionistë që kanë një pension jo më të lartë se 18 mijë lekë. Nuk e përfitojnë nëse kanë një pension mbi 18 mijë lekë në muaj. Ndërsa për pensionet e pjesshme, do të përfitohet një shtesë mujore prej 800 lekësh, vetëm nëse pensioni i tyre i pjesshëm nuk e kalon vlerën 22 mijë lekë. Pensionet e invaliditetit kanë një shtesë prej 700 lekësh, e përfitojnë ata pensionistë nëse pensioni i tyre është deri në 30 mijë lekë të reja. Nëse kalon 30 mijë lekë të reja nuk e përfitojnë këtë shtesën. Ndërsa për pensionet familjare, përfitojnë shtesën prej 600 lekë, të gjithë ata që marrin pension familjarë nëse nuk kalojnë vlerën prej 18 mijë lekë”, shpjegoi ajo.

The post Kufizimet për kompensimin e të ardhurave mujore të pensionistëve/ Ekonomistja shpjegon skemën: Përfitimet dhe përjashtimet sipas kategorive appeared first on Albeu.com.

Deputetja e Partisë Demokratike, Jorida Tabaku, ka reaguar ndaj deklaratave të kryeministrit Edi Rama për Korporata Shqiptare e Investimeve (AIC), duke i cilësuar krahasimet me modelin italian si të pasakta dhe të pjesshme.

Sipas Tabakut, ndryshe nga Italia, ku institucionet publike të investimeve funksionojnë si banka zhvillimi që menaxhojnë rrezikun financiar dhe financojnë projekte strategjike, në Shqipëri AIC po përdoret për të marrë prona publike dhe për t’ua kaluar ato subjekteve private, pa garë dhe pa transparencë.

Reagimi i plotë:

Mbi Korporatën e Investimeve: Gjysmë të vërtetat mbi Italinë dhe e vërteta e Shqipërisë

Së fundmi, Kryeministri denjoi të bëjë disa komente mbi Korporatën Shqiptare të Investimeve (AIC). Me një vetëbesim që synon të bindë publikun përmes retorikës, ai deklaroi se kjo korporatë qenka një kopje e suksesshme e modelit italian të investimeve.

Nuk është hera e parë që Kryeministri përdor fjali të gjata dhe gjuhë të spërdredhur për të paraqitur gjysmë-të-vërteta si fakte të plota. Por në këtë rast, mjafton një krahasim i thjeshtë për të kuptuar se pretendimi nuk qëndron.

Në fakt, nga deklaratat e tij nuk është e qartë as se cilit institucion italian i referohet, sepse një “Korporatë Italiane Investimesh” me funksionet e AIC nuk ekziston.

Nëse Kryeministri e ka fjalën për Cassa Depositi e Prestiti (CDP), atëherë krahasimi bie menjëherë. CDP është bankë publike zhvillimi, e krijuar rreth 170 vite më parë, që menaxhon kursimet e qytetarëve italianë dhe vepron nën mbikëqyrje të rreptë bankare, rregulla strikte të prokurimit publik dhe kontroll të plotë institucional. Ajo financon projekte, por nuk administron, nuk tjetërson dhe nuk zhvillon pronë publike.

Nëse, nga ana tjetër, Kryeministri i referohet Agenzia del Demanio, institucionit që menaxhon pronat e shtetit italian, edhe ky krahasim nuk qëndron. Demanio administron dhe rikonstrukton pronën publike për funksione institucionale, sociale apo kulturore, por nuk hyn në pazare ndërtimi, nuk negocion përqindje me privatë dhe nuk e shndërron pronën publike në biznes spekulativ.

Pra, cilindo model italian të marrë si referencë Kryeministri, rezultati është i njëjtë: në Itali funksionet janë të ndara qartë me ligj. Banka financon, agjencia administron pronën; ndërsa në Shqipëri ato janë përqendruar në një ent të vetëm, pa garë dhe pa llogaridhënie.

Dallimet janë thelbësore. Në Itali, institucionet funksionojnë si banka publike që menaxhojnë para dhe rrezik financiar, ndërsa Korporata Shqiptare e Investimeve nuk menaxhon fonde, por merr prona publike me vendime qeverie dhe i fut ato në marrëveshje ndërtimi me privatë. Ndërsa institucionet publike europiane veprojnë përmes prokurimit publik dhe konkurrencës së hapur, AIC shmang garën dhe krijon privilegje të drejtpërdrejta për partnerë të përzgjedhur.

Po aq i rëndësishëm është edhe roli i shtetit. Në Europë, ndërhyrja publike bëhet aty ku tregu dështon – për banesa sociale, zona të varfra apo infrastrukturë strategjike. AIC bën të kundërtën, duke ndërhyrë aty ku tregu funksionon më së miri dhe duke krijuar konkurrencë të pandershme të sponsorizuar nga shteti. Ndërkohë, qeveria shqiptare është njëkohësisht edhe lojtari që ndërton, edhe arbitri që firmos për veten, ndërsa rreziku financiar i kësaj skeme nuk shfaqet sot në buxhet, por u lihet shqiptarëve si faturë për nesër.

Ky dallim nuk është teorik. Ai është konkret dhe ka emër.

Me një vendim të Këshillit të Ministrave, qeveria ia kaloi godinën e ish-shkollës jetimore “Zyber Hallulli” Korporatës Shqiptare të Investimeve. Një pronë publike me funksion social iu hoq fëmijëve jetimë përmes një firme qeveritare, pa debat publik dhe pa transparencë. Korporata e Investimeve veproi jo si institucion shtetëror, por si një pronar i keq: hoqi fëmijët nga godina, i zhvendosi në periferi dhe e nxori pronën nga funksioni i saj social.

Në një shtet europian, një veprim i tillë do të ishte i paimagjinueshëm. Prona publike do të rikonstruktohej, jo të shkatërrohej; funksioni social do të ruhej; fëmijët do të ishin prioritet, jo pengesë për një projekt ndërtimi.

Në Shqipëri ndodhi e kundërta. Fëmijët u larguan. Funksioni social u zhduk. Dhe prona publike u fut në logjikën e zhvillimit imobiliar, ku sot flitet për ndërtimin e një godine të madhe, me shumë gjasa një kullë tjetër, në shërbim të interesave të një pakice.

Kjo është diferenca thelbësore. Në Itali, prona publike ruhet dhe i shërben interesit publik. Në Shqipëri, përmes Korporatës së Investimeve, shteti po reduktohet në një biznes ordiner ndërtimi.

Dhe Italia, kësaj radhe, nuk mund të jetë as justifikimi dhe as alibia.

The post Jorida Tabaku: Korporata e Investimeve po përdoret për dhënie pronash publike appeared first on Albeu.com.

Në postim në platformën X, kryeministri Edi Rama, ka reaguar sërish lidhur me letrën e presidentit amerikan Donald Trump, për ftesën për Bordin e Paqes për Gazën.

Kryeministri Rama, nënvizon se Shqipëria është e ftuar në Bordin e Paqes për Gazën dhe se jo të gjitha shtetet e OKB e kanë marrë një ftesë të tillë.

Më tej, ai nënvizoi se ka një fakt të tillë se “Shqipëria do të paguajë 1 miliardë dollarë”, duke sqaruar se kjo është e pavërtetë.

Reagimi:

Tenxheret politike mediatike po bubullojnë e gërrgërrojnë aq fort sa thua se në Bordin e Paqes së Presidentit Trump nuk është ftuar Shqipëria, po një vend armik i Shqipërisë! Në Bordin e Paqes janë ftuar të gjitha shtetet e OKB GËNJESHTËR Shqipëria do të paguajë 1 miliardë EURO GËNJESHTËR Palestinezët do të vijnë në Shqipëri GËNJESHTËR E vërteta është shumë e thjeshtë se sa ç’pjell, sidomos në çdo rast kur nderohet Shqipëria, mllefi i injorancës dhe inati i ligësisë: Tenxheret politike e mediatike të mexhelisit tonë janë teneqera të zhurshmshme Shqipërisë së vjetër, ndërsa kjo që po vazhdojmë të ndërtojmë me shumë mund e këmbëngulje të madhe është një Shqipëri Tjetër, e dinjitetshme ndërkombëtarisht dhe e respektuar botërisht.

Sa për mua personalisht, rëndësi ka vetëm besimi i shumicës së shqiptarëve, që më kanë ngjitur e mbajtur katër herë në majën e shtetit shqiptar dhe respekti i atyre që janë në majat e botës a të Europës, i cili më duhet mbi të gjitha për të nderuar e lartësuar Shqipërinë. Ky është një moment i jashtëzakonshëm i Shqipërisë, ku tërbimi i tenxhereve thjesht na siguron se sa më shumë lehin qentë, aq më përpara është duke shkuar karvani.

Tenxheret politike mediatike po bubullojnë e gërrgërrojnë aq fort sa thua se në Bordin e Paqes së Presidentit Trump nuk është ftuar Shqipëria, po një vend armik i Shqipërisë!

🌪️Në Bordin e Paqes janë ftuar të gjitha shtetet e OKB
❌GËNJESHTËR

🌪️Shqipëria do të paguajë 1…

— Edi Rama (@ediramaal) January 18, 2026

The post Letra e Trump për Bordin e Paqes/ Reagon Rama: Nuk janë ftuar të gjitha shtetet e OKB, gënjeshtër që do paguajmë 1 miliardë euro appeared first on Albeu.com.

Tifozët e Mançester Junajtid thirrën njëzëri për Erling Halandin, teksa ai doli nga fusha për pjesën e parë pas një performance të dobët nga Mançester Siti.

Pasi arbitri fishkëlleu për fundin e pjesës së parë, 23-vjeçari ra pre e tifozëve vendas, të cilët e sulmuan duke thënë në kor: “Haland, si është babai yt”?

🚨Erling Haaland walks off to “Haaland how’s your dad?” chants from the Manchester United fans 😳

I find this disrespectful & distasteful 🤢 pic.twitter.com/E7S0zr6cNy

— Lea (@Lea_EFC) January 17, 2026

“Old Traford nuk harron kurrë. As nuk fal”, tha një tifoz në rrjetet sociale. Ndërsa një i dytë tha: “Ai do të shpërthejë tani”.

“Oh djalosh. Do të dhembë”, u përgjigj një i tretë. Dhe një tjetër shtoi: “Më thuaj që nuk e kemi motivuar vetëm për pjesën e dytë”.

Tifozët e Junajtid po i referoheshin një incidenti famëkeq midis babait të Haland, Alf-Inge Haland, dhe Roi Kin.

Gjatë një derbi në vitin 2001, Kin u hodh brutalisht drejt Haland dhe u përjashtua nga fusha për shkak se ia shtypi gjurin me forcë të madhe, diçka që ai e pranoi se nuk ishte aksident në autobiografinë e tij të vitit 2002.

The post Haland, si është babai yt? Tifozët e Mançester Junajtid nuk harrojnë incidentin famëkeq dhe i hakërrehen sulmuesit (VIDEO) appeared first on Albeu.com.

Autoritetet indoneziane, njoftuan se kanë gjetur rrënojat e një avioni mbikëqyrës peshkimi që u raportua i zhdukur në provincën Kelibia Jugore.

Avioni, një ATR 42-500, që i përkiste grupit Indonesia Air Transport, humbi të gjitha kontaktet me kontrollin e trafikut ajror në zonën Maros, Kelibia Jugore, ndërsa në bord ndodheshin tetë anëtarë të ekuipazhit dhe tre pasagjerë.

Avioni ishte marrë me qira nga Ministria e Çështjeve Detare dhe Peshkimit dhe po kryente misione mbikëqyrjeje të peshkimit. U raportua se të tre pasagjerët ishin punonjës të ministrisë.

The post Tragjike/ Tre pasagjerët punonjës në ministri, avioni me 11 persona në bord zhduket nga radari, autoritetet japin alarmin appeared first on Albeu.com.

Në kuadër të operacionit policor të koduar “Skadenca”, është goditur një rast i hedhjes në treg të ilaçeve të skaduara dhe të ilaçeve të futura kontrabandë, pa faturë tatimore.

Pas një pune hetimore disamujore të ndjekur me metoda speciale të hetimit, finalizohet operacioni policor i koduar “Skadenca”.

Magazinonte në banesë medikamente të ndryshme pa faturë tatimore dhe një pjesë të konsiderueshme të skaduara, të cilat më pas i hidhte në treg duke furnizuar farmacitë e qytetit të Fierit, kapet dhe vihet në pranga 42-vjeçari.

Sekuestrohen, në cilësinë e provës materiale, 1635 kuti me ilaçe të ndryshme të skaduara, si dhe 2654 kuti pa faturë tatimore, që dyshohet se janë futur kontrabandë.

Specialistët e Seksionit për Hetimin e Krimeve Ekonomike-Financiare, pas një pune hetimore disamujore të ndjekur me metoda speciale të hetimit, në bashkëpunim me Prokurorinë, bazuar në provat e siguruara nga hetimi, organizuan dhe finalizuan operacionin policor të koduar “Skadenca”.

Bazuar në provat e siguruara nga hetimi, Gjykata e Shkallës së Parë të Juridiksionit të Përgjithshëm Fier ka vendosur lejimin e kontrollit të banesës në pronësi të shtetasit B. B.

Si rezultat i kontrollit janë gjetur gjithsej 4289 kuti me medikamente të ndryshme, ku një sasi e konsiderueshme e tyre ishte e skaduar dhe pjesa tjetër pa faturë tatimore.

Nga hetimi ka rezultuar se ky shtetas, prej një periudhe të gjatë kohore, magazinonte medikamente të skaduara dhe më pas i hidhte në treg, duke furnizuar farmacitë e qytetit të Fierit, me qëllim përfitimi.

Në përfundim të veprimeve u bë arrestimi në flagrancë i shtetasit B. B., 42 vjeç, banues në Fier.

Materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Fier, në ngarkim të shtetasit B. B., për veprat penale “Prodhimi dhe tregtimi i barnave dhe pajisjeve mjekësore të falsifikuara ose të rrezikshme për jetën dhe shëndetin”, “Fshehja e të ardhurave”, “Ruajtja ose depozitimi i mallrave kontrabandë” dhe “Tregtimi dhe transportimi i mallrave që janë kontrabandë”.

The post Tregtonte ilaçe kontrabandë dhe të skaduara, arrestohet 45-vjeçari në Fier appeared first on Albeu.com.

Ditën e sotme, në fjalën e tij në podkastin “Flasim”, kryeministri Edi Rama, tha se SHBA nuk ka ndaluar vizat për Shqipërinë, por sipas tij, ka një pezullim të përkohshëm.

Gjithashtu, nënvizoi se kjo është një politikë e administratës së Trump që ka të bëjë me pezullim të përkohshëm të leje të punës dhe jo vizave në Amerikë.

“Dua të them dy fjalë për ata që u hodhën përpjetë, për ata që jetojnë të hedhur përpjetë dhe që në përpjetësinë e tyre i shtuan hedhjeve edhe një të radhës: dezinformim, çorientim të opinionit dhe helmin e atyre që kanë fuqi t’i dëgjojnë, duke thënë se Amerika ndaloi vizat për Shqipërinë. E pavërtetë.

SHBA nuk ka ndaluar vizat për Shqipërinë. Administrata aktuale, nën orientimin e Trump për politikën e emigracionit, ka vendosur që për 75 vende të bëjnë një pezullim të përkohshëm sa i përket lejeve të punës në SHBA. Jo vizave për në Amerikë, por lejeve të qëndrimit në Amerikë për punë, pasi për këtë kategori vendesh kanë vënë re fenomenin e marrjes së vizës për turizëm, biznes dhe mosrespektimit të afateve dhe qëndrimit atje. Kjo shkon në linjën normale të presidentit Trump dhe nuk ka pikë lidhje me ato që u thanë nga ato që hidhen përpjetë, dhe kur të bien në tokë do të shohin se terreni që po shohin është i rrëshqitshëm dhe do hidhen përpjetë lart e më lart”.

The post SHBA nuk ka pezulluar vizat, por lejet e qëndrimit për punë/ Rama: Nuk ka lidhje me çfarë u tha nga ato që hidhen përpjetë appeared first on Albeu.com.