Rama apo Berisha, kush është më afër Trump? Pas ftesës së Trump për Bordin e Paqes, Shumica e shqiptarëve nuk i besojnë më nofkave dhe skenarëve imagjinare për rrëmbimin e kryeministrit.

53% e vulosin si fundi i tezës Ramaduro nga opozita, kurse vetëm gjysma e mbështetësve të Berishës i besojnë ende parullës “Asgjë nuk e shpëton Edi Ramën”.

35% e qytetarëve e kanë parë ftesën e Tramp, përtej preferencave personale dhe si shenjë e raporteve të mira mes qeverive Uashington-Tiranë.

Në shumicë dërrmuese, miratimin e ftesës së Trump nga Rama konsiderohet veprimi i duhur nga 67.4% e qytetarëve, 25.4% mendojnë se duhej një debat kombëtar para miratimit me urgjencë në parlament, kurse vetëm 7.2%, elektorat i djathtë, thonë se duhej refuzuar. Një sinjal ky se pjesa më militante e PD, është zhgënjyer nga rikthimi i Donald Tramp si mik i Edi Ramës. Por kjo jave ka shënuar gjithashtu një ngritje te kuotave te qeverise.

PS ka regjistruar rritjen e dytë në mbështetje prej 11 majit. Nga 47.1% në 48.5%.

Kurse PD këtë javë, pasi votoi pro Ramës për anëtar në Bordin e Paqes së Trump, mbajti dhe një protestë të dhunshme kombëtare.

Një protestë që mbështetet  nga 33% e te anketuarve, për arsyen pse u thirr, por vetëm nga 12 përqind për dhunen e saj. Shumica e te anketuarve, 55.7% e refuzojnë atë.

Dhe thuajse kaq qytetarë, 50.6% mendojnë se dhuna është mënyra e vetme se si vepron Berisha.

Vetëm 21.3% apo demokratët të cilët kanë 13 vite në opozitë, besojnë se kjo është rruga e duhur.

Por një numër qytetarët më i lartë se demokratët, 28.1% e shohin si një furtunë në gotë, pasi në fund nuk jep asnjë rezultat.

Megjithatë, Sali Berisha dhe protesta e dhunshme, e ngjitën PD me 1.1% brenda javës, nga 25.3% në 26.7%. ose me sakte suksesi i protestës, duket rritja e polarizimit. Dhe numri i hezituesve ulet, dhe rriten dy partitë e vjetra.

Duket se ndjeshëm këto javë po bie edhe shpresa e shqiptarëve për një parti të re. 2 javë më parë kjo shpresë ishte 25.6%, sot është 20%.

Sekretari i Përgjithshëm i NATO-s, Mark Rutte deklaroi këtë të hënë se Europa nuk është e aftë të mbrojë veten pa mbështetjen e Shteteve të Bashkuara të Amerikës, një deklaratë kjo e cila vjen vetëm disa ditë pas deklaratave të presidentit Amerikan Donald Trump për marrjen e Groenlandës, deklaratë kjo e cila çoi në pikën më të lartë tensionet transaltantike.

“Nëse dikush mendon se Bashkimi Evropian ose Evropa në tërësi mund të mbrohet pa SHBA-në, le të vazhdojë të ëndërrojë. Nuk mundet,” u shpreh kreu i Aleancës veri Atlantike para anëtarëve të komisioneve për mbrojtjen dhe politikën e jashtme të Parlamentit Evropian.

Ai e quajti idenë e krijimit të një “shtylle evropiane” të NATO-s si një koncept bosh dhe argumentoi se një ushtri evropiane do të sillte shumë mbivendosje me strukturat ekzistuese të aleancës. Sipas tij, kjo do të ishte edhe në interes të presidentit rus Vladimir Putin.

Rutte kërkoi gjithashtu që Bashkimi Evropian t’i lejojë Ukrainës të përdorë një pjesë të huas prej 90 miliardë eurosh për blerjen e armëve nga Shtetet e Bashkuara, pavarësisht përpjekjeve të disa vendeve si Franca që këto fonde të shpenzohen vetëm tek prodhuesit evropianë të armëve.

Rutte theksoi se SHBA-ja mbetet e përkushtuar ndaj NATO-s dhe se presidenti Trump vazhdon ta mbështesë aleancën duke theksuar se vete Washingtoni ka nevoje për Aleancçn Veri Atlantike

Sekretari i Përgjithshëm i NATO-s vlerësoi gjithashtu rolin e Trump në rritjen e shpenzimeve ushtarake të vendeve anëtare, duke thënë se pa presionin e tij, shumë shtete nuk do ta kishin rritur buxhetin e mbrojtjes në nivelin 2 për qind të Prodhimit të Brendshëm Bruto. “Pa SHBA-në, mbrojtja e Evropës do të kushtonte një mal me para ,” tha Rutte, duke shtuar se nëse Evropa do të përpiqej të mbrohej e vetme, shpenzimet do të arrinin deri në 10 për qind të PBB-së dhe do të duheshin miliarda euro për të zëvendësuar mburojën bërthamore amerikane.

Kreu i Aleancës Veri Atlantike shprehu shqetësimin e tij se ndasia mes Europës dhe Perëndimit në industrinë e Mbrojtjes do te sillte probleme edhe për Ukrainën, pasi Rutte deklaroi se Europa nuk mund ti siguroje pothuajse asgjë Ukrainës për t’u mbrojtur, sa i përket kërkesave ushtarake të këtij shteti që prej 4 vitesh është në luftë me Rusinë.

Efekti i protestës ka sjellë mobilizim të PS. Sali Berisha dhe protesta e dhunshme, e ngjitën PD me 1.1% brenda javës, nga 25.3% në 26.7%; ose me saktë suksesi i protestës, duket rritja e polarizimit.

Dhe numri i hezituesve ulët, dhe rriten dy partitë e vjetra. Duket se ndjeshëm në sondazhin “Zëri i Shqiptarëve” në ABC News se këto javë po bie edhe shpresa e shqiptarëve për një parti të re.

2 javë më parë kjo shpresë ishte 25.6%, sot është 20%.

Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

Aeroplanmbajtësja amerikan “Abraham Lincoln” dhe eskorta e saj kanë mbërritur në Lindjen e Mesme, njoftoi sot ushtria amerikane, duke forcuar kështu praninë e saj në rajon në një periudhë tensionesh të forta me Iranin.

Donald Trump kishte siguruar javën e kaluar se një armatë amerikane po nisej drejt Gjirit dhe se Uashingtoni po monitoronte me kujdes Iranin, ku pushteti kishte shtypur me gjak protesta masive.

Presidenti amerikan disa herë ka kërcënuar se mund të godasë Iranin për t’iu përgjigjur këtij shtypjeje, por dukej se ishte tërhequr nga ky kërcënim, pasi kishte siguruar se Teherani kishte pezulluar ekzekutimet e planifikuara të protestuesve.

”Anija, që deri më tani ndodhej në Detin e Kinës Jugore, është aktualisht e vendosur në Lindjen e Mesme për të promovuar sigurinë dhe stabilitetin rajonal”, deklaroi në X komanda ushtarake amerikane për Lindjen e Mesme (Centcom).

Që përpara njoftimit të Centcom-it, regjimi iranian kishte paralajmëruar sot për çdo ndërhyrje amerikane.

“Mbërritja e një anijeje të tillë lufte nuk do të ndikojë në vendosmërinë e Iranit (…) për të mbrojtur kombin”, tha zëdhënësi i Ministrisë së Jashtme, Esmail Baghai duke iu referuar dukshëm anijes.

“Republika Islamike e Iranit ka besim në kapacitetet e saj”, shtoi ai.

Irani dhe Izraeli zhvilluan në qershor 2025 një luftë 12-ditore, e shkaktuar nga një sulm pa precedent i Izraelit kundër objekteve ushtarake dhe bërthamore në territorin iranian dhe zona të banuara.

Kryeministri britanik, Keir Starmer do të udhëtojë sot drejt Kinës, në vizitën e parë kryeministrore në tetë vjet, konfirmoi zyra e tij.

“Starmer do të fluturojë gjithashtu për në Japoni këtë javë”, tha zyra e tij në Downing Street.

Vizita shënon një moment të rëndësishëm në përpjekjen e udhëheqësit të Partisë Laburiste për të ndërtuar ura me Pekinin pas një ngrirjeje në marrëdhëniet kino-britanike në vitet e fundit të qeverisë së mëparshme konservatore.

Kjo vjen pasi planet kontroverse për të ndërtuar një ambasadë të re gjigante kineze në Londër u miratuan nga qeveria e Starmer javën e kaluar.

Starmer do të shoqërohet nga udhëheqës biznesi, ndërsa ai kërkon të përmirësojë marrëdhëniet tregtare me superfuqinë në këtë udhëtim, i cili është i pari i një kryeministri britanik që nga vizita e Theresa May në vitin 2018.

Starmer përballet me presion nga vendi për të ngritur disa tema të vështira me udhëheqësin kinez Xi Jinping, përfshirë aktivitetin e spiunazhit të Kinës, trajtimin e pakicës ujgure dhe burgosjen e Jimmy Lai, një aktivist pro demokracisë në Hong Kong dhe shtetas britanik.

Një burim nga Downing Street tha se qeveria ishte e vendosur të ndiqte një qasje “të fortë dhe të pjekur” ndaj marrëdhënies së saj me Pekinin që “i vë familjet britanike në radhë të parë”.

PD këtë javë, pasi votoi pro Ramës për anëtar në Bordin e Paqes së Trump, mbajti dhe një protestë të dhunshme kombëtare.

Pyetjes në sondazhin në “Zërin e Shqiptarëve” në ABC News, se çfarë mbështesni në protestën e Berishës, 55.7 % e të anketuarve janë përgjigjur se nuk mbështesin as arsyen e as dhunën.

Pra shumica e të anketuarve, 55.7% e refuzojnë atë.

Ndërsa 33.0 % janë përgjigjur; Arsyet që e thirri.

Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

/abcnews.al/

Sekretari i Përgjithshëm i NATO-s, Mark Rutte përsëriti se aleanca pret përgjegjësi nga autoritetet në Beograd për ngjarjet në Kosovë, përfshirë sulmin në Banjskë dhe sulmet ndaj ushtarëve të KFOR-it gjatë tensioneve në pranverën e vitit 2023.

“Kam një marrëdhënie personale me presidentin [e Serbisë] Aleksandër Vuçiç. Njohim njëri-tjetrin prej shumë vitesh. Por, natyrisht, presim nga ai që të përcaktojë përgjegjësinë për atë që ndodhi disa vite më parë, dhe kjo për dy çështje. Për të dyja ka premtuar përcaktimin e plotë të përgjegjësisë”, tha Rutte.

Këto deklarata Rutte i bëri gjatë adresimit në Komitetin për Punë të Jashtme të Parlamentit Evropian (AFET), ku po ashtu konfirmoi mbështetjen për dialogun për normalizimin e raporteve mes Kosovës dhe Serbisë, që ndërmjetësohet nga Bashkimi Evropian.

Rutte po ashtu theksoi se NATO-ja është e përkushtuar ndaj situatës së sigurisë në Ballkanin Perëndimor, duke theksuar se aleanca ushtarake perëndimore nuk do të lejojë krijimin e një vakumi të sigurisë në Bosnje dhe Hercegovinë.

Tensionet mes Kosovës dhe Serbisë kanë qenë të rritura viteve të fundit dhe incidenti më i rëndë u regjistrua shtatorin e vitit 2023 në Banjskë të Zveçanit, kur një grup serbësh të armatosur sulmuan Policinë e Kosovës, duke vrarë një rreshter. Në këmbimet e zjarrit që pasuan u vranë tre sulmues serb.

Politikani nga Kosova dhe biznesmeni Millan Radoiçiq e mori përgjegjësinë për sulmin, dhe prej atëherë ai ndodhet në Serbi, ku nuk është ndjekur penalisht deri më sot.

Këtij incidenti të armatosur i paraprinë protesta në veri të Kosovës të mbajtura në maj të po atij viti. Më shumë se 90 pjesëtarë të misionit paqeruajtës të NATO-s në Kosovë, KFOR kishin pësuar lëndime – disa prej tyre lëndime të rënda – pas përleshjes me protestuesit serbë në Zveçan.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe – pas zgjedhjeve lokale të mbajtura më herët po atë vit, që u bojkotuan nga serbët lokalë.

Për ngjarjet në Zveçan, janë arrestuar dhe akuzuar dhjetëra persona, dhe disa janë dënuar me burgim pas marrëveshjeve me prokurorinë për pranimin e fajësisë. NATO-ja ka kërkuar që përgjegjësit për të dyja rastet të përballen me drejtësinë.

Gjatë diskutimit në AFET, temë ishte edhe marrëveshja që Rutte arriti javën e kaluar me presidentin amerikan, Donald Trump, me të cilën, siç u njoftua, i është mundësuar presidentit amerikan të heqë dorë nga kërcënimi për vendosjen e tarifave shtesë ndaj disa vendeve evropiane dhe për marrjen nën kontroll të Groenlandës.

Para ligjvënësve evropianë, Rutte prezantoi dy drejtime veprimi kur është fjala për sigurinë e Groenlandës dhe Arktikut: përpjekjet kolektive të NATO-s për forcimin e mbrojtjes ushtarake dhe ekonomike kundër ndikimit rus dhe kinez në Arktik si dhe bisedimet dypalëshe midis Danimarkës, Grenlandës dhe Shteteve të Bashkuara.

Sekretari i Përgjithshëm i NATO-s u shpreh se presidenti amerikan ka të drejtë për çështjen e Arktikut. Ai tha se bëhet fjalë për mbrojtje kolektive, pasi, sipas tij, rrugët detare po hapen.

“Kina dhe Rusia po bëhen gjithnjë e më aktive. Duhet t’i përballemi këtij problemi”, tha Rutte.

Ai konfirmoi përkushtimin e plotë të presidentit amerikan ndaj NATO-s dhe i dërgoi një mesazh aleatëve evropianë se “vetëm mund të ëndërrojnë” se mund të mbrohen vetë pa Shtetet e Bashkuara.

Javën e kaluar, Trump tha se ka arritur me Rutten pajtueshmëri për kornizën e marrëveshjes për Groenlandën. Para kësaj, gjatë një fjalimi në Forumin Ekonomik në Davos, udhëheqësi amerikan tha se donte bisedime të menjëhershme për ta blerë Groenlandën.

Ai e ka përjashtuar mundësinë e përdorimit të forcës për marrjen e këtij ishulli. Trump ka argumentuar se Groenlanda i duhet për sigurinë kombëtare./RE/

“SPAK duhet të ketë strategji”, kështu u shpreh Ibsen Elezi në një intervistë në emisionin “Real Story” në ABC News, ndërsa foli për punën e drejtësisë së re.

Gjatë intervistës, Elezi theksoi rezultati i punës gjithashtu shihet kur ndërpriten të ardhurat e sistemit të korruptuar.

Më tej nënvizoi se rolin e opozitës më shumë e ka luajtur media.

“Gjithmonë analizohet puna e SPAK se sa punë ka bërë. Duhet thënë që SPAK nuk ka pasur objektiv konkret për të realizuar. Ajo që më shqetëson është fakti që ky SPAK, dakord që po i godet gjithë këtë sistem ku janë ndërlidhur biznese organizata etj…Fakti që pastrohen kaq shumë para dhe SPAK thotë kemi konfiskuar 50-100 mln është si ajo 10 lekshja që i lë unë kamerierit. Pra strategjia shihet kur t’i i ndërpret të ardhurat këtyre. Problemi është që goditja e forcës së këtyre ekonomike, këto politikanë që o çojnë në ofshore paratë ai ndjek kush? Një pjesë e madhe e politikanë i kanë paratë në offshore. Vetëm një politikan është kap në offshore dhe po ndiqet. Këtu më shumë rolin e opozitës e ka luajtur media edhe PD gjithë çështjet që ka ngritur i ka bërë pasi janë bërë publike në media”, tha ai.

/abcnews.al/

Analisti Plator Nesturi në një intervistë në emisionin “Real Story” në ABC News, foli për paritë e reja

Gjatë intervistës, tha se partitë e reja, u duken sikur ishin me strategji të komanduar

“Kemi të bëjmë me 25 % të elektoratit që nuk duhet se ku është. Kemi parti të reja po mënyra se si e luajtën, mua më duket si një strategji e komanduar. Mos harrojmë. Kur bëhen zgjedhjet ne nuk shohim se si del rezultati. Sepse pak a shumë ne shohim se si është pjesa e atyre që nuk marrin pjesë në zgjedhje. Nëse kjo pjesë rritet atëherë është një sistem alarmi, domethënë që ky sistem nuk funksionon. Pas zgjedhjeve të 11 majit, ajo që ndodhi me zgjedhjet e pjesshme, Vlora të shkojë 12 % është alarm sepse nuk është vetëm një krah”, tha ai.

Ish-anëtari i Këshillit Kombëtar të PD, Ibsen Elezi komentoi në emisionin “Real Story” në ABC News, protestën e opozitës. Elezi nuk e cilësoi një revoltë siç edhe është paraqitur nga kreu i PD Sali Berisha, por një protestë e organizuar.

“Kur e planifikon dhe jep urdhra është protestë dhe është çështje organizimi. Kur do të organizosh protestë kombëtare, Berisha nuk nxjerr gjysmën e ushtarëve të vet. Pra nuk është një revoltë. Kur qytetarët nuk të besojnë edhe numri i njerëzve mbetet i kufizuar. Këta nuk arrijnë do të kthejnë në eficencë strukturat e veta sepse PD është e shkërmoqur totalisht”, tha ai.

Gjithashtu gjatë intervistës, Elezi shtoi se Partia Demokratike është një parti e shkërmoqur institucionalisht. Ndërsa nënvizoi se në PD janë shkelur rregullat bazike.

“Mungesa e rregullave ka ulur besueshmërinë edhe në struktura, lëre më besueshmërinë në popull. Vakumi të tret dhe ai për të mos lënë vakum, thotë unë po sulmojnë Ramën, po i trondit themelet. Cilat themele po i trondit Ramës? Por problemi nuk zgjidhet në këtë mënyrë, duhet të jetë model që qytetarët të besojnë. Këta janë armiq të institucioneve, pra a do kthehemi ne ta respektojmë rregullin dhe të mos e shkelim”, the më tej Elezi.

Për herë të parë, kryeministri Edi Rama, iu drejtua parlamentit izraelit në një fjalim historik, nderi më i lartë që i Kneseti u rezervon një numri të kufizuar udhëheqësish, përfshire presidentin amerikan Donald Trump.

Përpara deputeteve, Rama bëri thirrje për paqe mes izraeliteve dhe palestinezeve, si e vetmja mënyrë për të garantuar prosperitetin e rajonit.

“Ju bëjmë thirrje të gjithë izraelitëve kudo që jetojnë, ju bëjmë thirrje hebrenjve dhe palestinezëve që të bëjnë paqe, të shkojmë drejt një rruge të re për paqen. Palestinezët jetofshin me dinjitet me vendet e tyre. Dy kombet qofshin bashkë për njerëzimin dhe paqen.”, u shpreh Rama.

Nga Kneseti, Rama nuk e fshehu krenarinë për marrëdhëniet që Shqipëria ka ndërtuar jo vetëm me Izraelin por dhe me Turqinë dhe vendet arabe.

“Vërtetë shpresoj që marrëveshja e Abrahamit të vijojë dhe që ndoshta duke parë nga e shkuara e gjatë, me sytë drejt të ardhmes ky rajon do kuptojë se paqja mund të ngrijë të gjitha vendet në mrekulli. Shqipëria nuk do ishte më e bekuar se të numëronte Izraelin dhe vendet arabe mes miqve të afërt, dhe Turqinë gjithashtu meqë ra fjala. Ne mbajmë këto marrëdhënie për të qenë pjesë së bashku me vëllezërit tanë turq dhe të tjerët në një stabilizim të ardhshëm”, tha kryeministri Rama.

Shefi i qeverisë nënvizoi rëndësinë e stabilitetit në Rripin e Gazës ndaj rikonfirmoi angazhimin e Shqipërisë në Bordin e Paqes.

“Shqipëria është i vetmi vend që doli nga lufta e dytë botërore me shumë hebrenj të strehuar brenda territorit të saj. Vij këtu pasi Kuvendi miratoi vendimin për tu bërë pjesë e bordit të paqes dhe të bëjë Shqipërinë vend themelues të bordit të paqes që do të kontribuojë në këtë dritare mundësie të re për paqe për popullin e Gazës dhe rajonin”, nënvizoi ai.

Ndërsa risolli në vëmendje përpjekjet e popullit shqiptar për mbrojtjen e hebrenjve, Rama, ndau detaje nga sakrificat dhe risku që vendi ynë mori për të strehuar hebrenjtë gjate Luftës së Dytë Botërore.

“Gjatë Holokaustit, kur nazistët dërguan njerëzit e tyre, shqiptarët thanë se mund t’u merrnin floririn, por hebrenjtë nuk i nxirrnim. Kjo nuk është legjendë, kjo është Shqipëria”, shtoi Rama.

Ndërsa nënvizoi se Shqipëria është i vetmi vend ne Europë që ka miratuar një ligj antisemitizimin.

“Autoritetet shqiptare i dorëzuan hebrenjtë në siguri. Gjyshërit tanë, mbajtën një pjesë të Europës njerëzore, aty ku njerëzimi po humbiste ditë pas ditë. Pra nëse duam të qëndrojmë me peshën e dhuratës së jetës dhe ta vlerësojmë që fëmijët tanë të mos vuajnë nesër. Për këtë arsye Shqipëria, është i pari vend që kaloi legjislacion të ri kundër antisemitizmit”, shtoi kryeministri Rama.

/abcnews..al/

Një aksident i rëndë ka ndodhur në aksin rrugor Kabash-Porocan në Gramsh. Viktimë mbeti, Dëshira Hoxha e cila punonte si infermiere.

Ndërkohë pasagjerja Albana Boja dhe shoferi i kamionit Shaban Kotori që mbetën të plagosur, po marrin trajtim në spitalin e Traumës.

Sipas burimeve nga spitali, të dy personat ndodhen në gjendje stabël dhe aktualisht po kryejnë ekzaminimet e duhura mjekësore.

Kryeministri Edi Rama ka mbajtur fjalën e tij në Knesset, një fjalim historik në Parlamentin e Izraelit.  Kryeministri theksoi se Shqipëria ishte ajo që mbrojti hebrenjtë, duke nënvizuar se në kodin e shqiptarit, kur i huaji të troket në derë duhet ta mbrosh.

“Kodi mesjetar i nderit, shtëpia e shqiptarit i takon pritësit por edhe të ftuarit. Kur i ftuari troket në derën tënde, të huajin duhet ta mbrosh. Në kodin tonë nëse tradhton të panjohurin është më e turpshmja. Pra zgjedhja ishte e qartë më mirë të vdisnim se sa të dorëzonim hebrenjtë”, tha ai.

Më tej kryeministri nënvizoi se Shqipëria, u bë streha që mbrojti hebrenjtë. Gjithashtu kryeministri kujtoi edhe sulmin kibernetik iranian, duke nënvizuar se Izraeli ndihmoi dhe dha mbështetjen gjatë këtij sulmi.

“Autoritetet shqiptare i dorëzuan hebrenjtë në siguri. Gjyshërit tanë, mbajtën një pjesë të Europës njerëzore, aty ku njerëzimi po humbiste ditë pas ditë. Pra nëse duam të qëndrojmë me peshën e dhuratës së jetës dhe ta vlerësojmë që fëmijët tanë të mos vuajnë nesër, për këtë arsye Shqipëria është i pari vend që kaloi legjislacion të ri kundër antisemitizmit. Disa vite më parë Shqipëria vuajti një sulm të madh kibernetik. Ne premë atë fije të hollë floku komunikimi marrëdhënie me ta”, tha ai.

/abcnews.al/

U duk se nuk ishte dita e tij. Jannis Siner mund të jetë kampion në fuqi në Australian Open dhe numri 2 i botës në tenisin për meshkuj, por edhe ai ka momente “jo”.

Një I tillë thuajse u sendërtua në arenën qendrore në Australian Open përballë amerikanit me origjinë italiane, Spizirri.

Rivali fitoi setin e parë 6-4 dhe Siner pati probleme fizike. Siç pohoi vetë pas ndeshjes, vuajti nga ngërçi në shumë pjesë të trupit, ndërsa i nxehti po ashtu e shqetësoi në ditën më të nxehtë të turneut, sepse temperaturat arritën në 40 gradë Celsius.

Gjithsesi, për fat pati një ndërprerje pikërisht për shkak të vapës, dhe tenisti italian e mblodhi veten, ndërsa rivali po kryesonte 3-1 edhe në setin e dytë.

Ai fitoi tre sete radhazi thuajse me rezultat identik: 6-3, 6-4 e 6-4. U deshën plot tre orë e 42 minuta përballë numrit 85 në botë!

Imagjinoni shpenzimin e energjive në një ndeshje të luajtur nën diellin e fortë të verës australiane. Njëzetekatërvjeçari mbijetoi dhe do të vazhdojë misionin për titullin e tretë radhazi në Australian Open, dhe për Grand Slemin e pestë në karrierë.

Në të tetat e finaleve e pret një derbi ndaj patriotit të tij italian, Luçiano Darderi.

Ministria e Shëndetësisë dhe Mbrojtjes Sociale ka përfunduar procesin e vlerësimit të nevojave dhe kapaciteteve të dhënies së shërbimit të kimioterapisë në spitalet rajonale të vendit.

Në 7 spitale rajonale pritet të nis shpërndarja e infrastrukturës, dhe plotësimi i stafit, duke ulur radhën e pritjes dhe kostot për pacientin. Nga spitali i Elbasanit, ministria Sala tha se do të punojnë me protokollet e Institutit prestigjioz të Tumoreve në Milano.

“Në bashkëpunim me këtë Institut kemi përfunduar  protokollet e së shpejti do ua dërgojmë ato”, nënvizoi ministrja Sala.

Ministrja Sala ditën e hënë pritet të niset në Vjenë në Agjencinë Ndërkombëtare të Energjisë Atomike për të folur për modernizimin e pajisjeve e më pas në Institutin e Tumoreve në Milano për bashkëpunimin e mëtejshëm në onkologji mes dy vendeve.

Spitali Rajonal i Elbasanit, ka kryer 600 procedura kimioterapie gjatë vitit 2025 dhe rehabilitimi i Shërbimit të Patologjisë, ku do të përfshihet edhe kimioterapia ku do t’u vijë në ndihmë banorëve të 7 bashkive të qarkut e do lehtësojë fluksin në QSUNT.

Menaxhimi i mbetjeve në vend do të realizohet nga një agjenci Kombëtare e cila do të jetë me kapital 100 përqind shtetëror.

“Agjencia do të asistojë në të gjitha hallkat e trajtimit të mbetjeve që nga ndarja grumbullimi e më pas riciklimi.

Ndërsa pushteti vendor do të ketë detyrimin e mbledhjes së mbetjeve brenda territorit të tyre dhe ndarjen në burim.

Në koordinim me bashkitë  do të ketë një sërë nismash për të nxitur riciklimin pra të ndahet plastika, nga kartoni apo nga metali apo plehra të tjera”, tha ai.

Vendimi është publikuar në fletoren zyrtare dhe parashikon që Agjencia Kombëtare e Ekonomisë së Mbetjeve do të ofrojë, kundrejt pagesës, shërbimin e trajtimit fundor të mbetjeve dhe çdo shërbim tjetër, në përputhje me qëllimin e krijimit dhe statutin e saj. Kjo agjenci do të financohet nga buxheti i shtetit dhe  nga tarifat që do të paguajnë bashkitë për depozitimin e mbetjeve dhe nga shitja e materialeve për riciklim.

Kapitali fillestar për krijimin e Agjencisë Kombëtare të Ekonomisë së Mbetjeve është 20 milionë Lekë.

Përgjegjëse për këtë agjenci do të jetë Ministria e Mjedisit,  e cila brenda 30 ditëve nga hyrja në fuqi e këtij vendimi, ndjek procedurat e nevojshme ligjore, për themelimin dhe miratimin e statutit të shoqërisë aksionare si dhe regjistrimin e Agjencisë në Qendrën Kombëtare të Biznesi.

Organet drejtuese të AKEM do të jenë: Asambleja e Përgjithshme e Aksionarit; Këshilli Mbikëqyrës dhe Administratori.

Protesta e thirrur në orën 17:00 nga opozita ka vënë në gatishmëri Policinë e Shtetit. 1350 forca të policisë, duke nisur nga ato të rendit, FNSH, Shqiponjat do të jenë të angazhuar për mbarëvajtjen e protestës.

Si në çdo protestë do të krijohet kordoni me efektivë policie para kryeministrisë dhe perimetrit rreth saj. Të gjithë efektivët do të jenë të pajisur me maska kundragaz si dhe do të ketë edhe 5 autobotë me ujë nëse do të ketë nevojë në raste incidentesh.

Lidhur me protestën që do të zhvillohet Ambasada Amerikane në Tiranë u është drejtuar qytetarëve amerikanë që të shmangin protestën, dhe të jenë të kujdesshëm. Sipas ambasadës amerikane protestat dhe tubimet e mëdha shpesh fillojnë në mënyrë paqësore por situatat mund të ndryshojnë shpejt.

E realizoi ëndrrën e tij. Ndoshta jo atë më të madhen, por gjithsesi bëri një hap të madh në karrierë. Anis Mehmeti do të vazhdojë këtë sezon sërish në Kategorinë e dytë në Angli, por tashmë në një skuadër që pretendon realisht ngjitjen në elitë. Ipsuiç Tauni pagoi 3 milionë paundë, sipas raportimeve nga mediat britanike, por mund të quhet me shumë fat.

Kjo sepse kartoni i shqiptarit arrin në 10 milionë euro sipas agjencisë së specializuar “transfermarkt”, dhe ky transferim me vlerë kaq të ulët ndodhi sepse atij i përfundonte kontrata në fund të sezonit.

Bristol Siti pranoi më mirë 3 milionë paundë, sesa largimin me parametër zero në verë. Nëse shikon vlerën e futbollistëve në Championship, vëren se Mehmeti është një nga më të rëndësishmit.

Vetëm 30 lojtarë nga 680 gjithsej e kalojnë vlerën e kartonit të tij prej 10 milionë eurosh, ndërsa është e sigurt që ylli kuqezi 25-vjeçar do të bëhet edhe më i mirë, pasi pikërisht tani po rritet ndjeshëm profesionalisht.

Natyrisht, sfida tek Ipsuiçi është më e vështirë sesa në Bristol. Në ekipin që mban vendin e dytë në Championship ka 8 futbollistë me vlerë kartoni mbi 10 milionë euro, pra Mehmeti do të duhet të luftojë për vendin në formacion.

/abcnews.al/

Ja edhe një tjetër çmenduri. Interi u çuditshëm nuk zhgënjen kurrë, dhe në nisje të kësaj fundjave bëri një autokritikë sipas mënyrës së tij.

Humbja në shtëpi me shifrat 3-1 ndaj Arsenalit në Champions, u harrua ose të paktën kështu pretendohet, dhe tifozët u kënaqën me suksesin 6-2 ndaj Pizës.

U kënaqën në fund, sepse skuadra e tyre I bëri fillimisht me zemër, siç ndodh jo rrallë.

Toskanët kryesuan 2-0 pas gabimeve të portierit Zomer, dhe golave të shënuar nga Moreo në vetëm 23’.

Po kaq i rrufeshëm edhe reagimi, pasi Federiko Dimarko hyri në fushë në vend të Luis Henrikes.

Zielinski me penallti, Lautaro Martinez dhe Pio Espozito përmbysën rezultatin përpara pushimit.

U desh të pritej gjatë në pjesën e dytë, por pas 82’ epërsia zikaltër dha fryte.

Shënuan Dimarko, Boni dhe Mkitarian.

“La Gazeta delo Sport” përcjell autokritikën e trajnerit Kivu për gabimet e portierit Zomer: E kam fajin unë me kërkesat për të!

E përditshmja lavdëron dyshen Pio Espozito-Lautaro, ndërsa shkruan se tek Interi ka një problem Luis Henrike, brazilianin e braktisi edhe tekniku I tij.

“Il Korriere delo Sport” ngre në qiell Dimarkon, duke e quajtur udhëheqësin e kësaj skuadre: Hyn dhe transformon Interin, gol dhe dy asistë!

Interi për momentin është shkëputur 6 pikë në krye të Serisë A, me 52 ndaj 46, ndonëse Milani nuk ka luajtur ende për këtë javë.

Vlen të theksohet se zikaltërit shënojnë shum, 50 rrjeta në 22 ndeshje, shumë më tepër se kuqezinjtë që janë në kuotën 34.

Read More...