Adriana Kalaja ka folur për përmbytjet, duke ironizuar kryebashkiakun Veliaj, dhe ka sqaruar kallëzimet që ka bërë në SPAK, të cilat në total kanë arritur në 90.
“Mu kujtua gjithë këto ditë, sa ishte Erion Veliaj në krye të Bashkisë Tiranë, na përmbytej Tirana çdo 2-3 muaj. Iku në Durrës, dhe tani u përmbyt Durrësi, bashkë me burgun…
Siç e përmendi edhe zonja Lala, vlerësoj nisjen e hetimeve kryesisht nga Prokuroria e Durrësit. Më 1 prill 2025, për pak mbushen 10 muaj që kam bërë kallëzim penal në SPAK. Brenda vitit 2025, u bënë gjithsej 90 kallëzime.
Sot, gjatë protestës në Durrës, e cila duhet të ishte më e madhe dhe më agresive për mënyrën se si po grabiten dhe shkatërrohen investimet e qytetarëve, kur del një ministër apo kryeministër, shpesh tallen me këtë fatkeqësi. Duhet shpallur gjendja e jashtëzakonshme.
Në protestën e 1 prillit 2025, disa qytetarë përmendën një emër, Spartak Kovaçi, ish-drejtor i ujësjellësit në Durrës. Sipas saj, përmes shoqërisë së tij, në skemën e quajtur 5B të Ballukut, është përfituar një vlerë e madhe nga hidrovorët, përfshirë spostimin e hidrovorit nga Porti në Porto Romano, me vlerë të konstatuar prej 46 milionë eurosh.
Kalaja shtoi se ka edhe problematika të tjera me ujësjellësin dhe kanalizimet. Nga 1 prilli deri sot, përveçse është regjistruar si kallëzim penal pa emër, nuk është bërë asnjë hetim. Prokuroria e Durrësit ka hapur hetime për çështje që, sipas saj, duhej t’i kishte hetuar SPAK.
“Pasojat ekstreme janë evidente. Me mijëra banesa janë të dëmtuara, disa në gjendje të parikuperueshme. Për këtë duhet shpallur gjendja e jashtëzakonshme,” tha ndër të tjera Kalaja./mxh
Gazetarja Klodiana Lala, duke folur për problematikat e përmbytjes në qytetin e Durrësit, njoftoi se kati i parë i burgut vijon të jetë i përmbytur dhe të paraburgosurit janë zhvendosur në katin e dytë, ndërsa autoritetet vendore dhe qendrore nuk po mbajnë përgjegjësi.
“Ka pasur problematika edhe në burgun e Durrësit, ku qelitë e katit të parë janë përmbytur tërësisht. Të gjithë të paraburgosurit, përfshirë zyrtarë të lartë nga ish-ministri Beqaj dhe kryebashkiaku Veliaj, janë zhvendosur në katin e dytë dhe për momentin po mbahen aty, pasi kati i parë nuk është rikthyer në normalitet.
Institucionet vendore nuk kanë ndërmarrë asnjë masë. Ka pasur një protestë, dhe kryetarja e bashkisë nuk ka kërkuar as ndjesë, edhe pse pjesa kryesore e hidrovoreve nuk ka funksionuar dhe ka shkaktuar miliona euro dëme. Duhet të ketë ndjesë dhe dëmshpërblime për banorët. Gjithë propagandës për hedhjen e plehrave nga qytetarët i harrohet fakti se inceneratori, për të cilin janë dhënë mbi 100 milionë euro, ende nuk funksionon.
Si është e mundur që nuk flitet për projektin e inceneratorëve, që duhej të ishte më i madhi në vend, dhe tani qytetarët akuzohen për hedhjen e plehrave? Janë mbi 1,000 banesa të dëmtuara,” tha Lala./mxh
Ministri i Mbrojtjes, Pirro Vengu, gjatë një lidhjeje direkte televizive, dha detaje mbi të dhënat më të fundit nga terreni lidhur me përmbytjet dhe zonat problematike.
Gazetarja Lala e pyeti ministrin për funksionimin e hidrovorit të Porto Romanos, ndërsa ai theksoi se aktualisht nuk është koha për debat politik, por për angazhim pranë qytetarëve dhe dhënien e ndihmës për ta.
Biseda:
Klodiana Lala: Nuk e nisët fjalën tuaj me një mesazh ngushëllimi për të ndjerin.
Pirro Vengu: E kam bërë në mënyrë të përsëritur sot, do të kërkoja mirëkuptimin tuaj.
Klodiana Lala: Prokuroria e Durrësit ka nisur hetim për tre vepra penale. Dyshohet se hidrovori i Porto Romanos nuk ka funksionuar siç duhet dhe ka pasur problematika me pastrimin e kanaleve dhe mbeturinave. Ndiheni ju dhe qeverisja përgjegjës për këtë situatë? Po të kishte funksionuar hidrovori normalisht dhe të ishin larguar mbeturinat, a do të ishte situata ndryshe?
Pirro Vengu: E nderuara zonjë, debati politik në këto momente nuk ndihmon, sidomos në përballimin e situatës së përmbytjeve. Strukturat janë në terren dhe po punojnë. Çdo aktor që dëshiron të kontribuojë është i mirëpritur…
Klodiana Lala: Ju e keni detyrim të angazhoheni.
Pirro Vengu: Politika pret, sot jemi me njerëzit dhe pranë tyre. Kërkoj mirëkuptimin tuaj të rikthehem në terren.
Klodiana Lala: Kjo është shmangie, zoti ministër.
Pirro Vengu: Nuk u jam shmangur përgjegjësive të mia.
Klodiana Lala: Ka një hetim që flet me fakte se hidrovori nuk ka funksionuar dhe ka shkaktuar pasoja.
Pirro Vengu: Sakrificën e forcave të armatosura duhet ta mbështesni.
Ferdinand Dervishi: Ai foli me kompetencë dhe tha se nuk ka ndodhur gjë në Shkodër. Ne pyetëm Shkodrën, u tha se ka rënë borë dhe jo shi. Gjithashtu, nuk është hapur porta e hidrocentralit në nivel që mund të shkaktojë përmbytje. Por kjo nuk do të thotë se shteti i ka bërë të gjitha punët siç duhet./mxh
Ish-zëvendëskryeministri Arben Ahmetaj ka dhënë një intervistë të katërt në Syri Tv.
Në intervistën e tij të katërt, Ahmetaj ka thënë ka pasur një plan për eliminim fizik për të.
Më tej, Ahmetaj ka thënë se është tentuar rrëmbimi i vajzës së tij 1-vjeçare.
“Ka vazhduar genocidi i mirëorganizuar ndaj familjes sime. E kam thënë se ka një strukturë gjysmëmafioze, e cila është vërtetuar në vite, e prbërë nga kreu i organizatës e deri te ndihmësit e tij.
Më kanë kërcënuar te rotondo e Nobis, ku jetoja. Brenda grupit kriminal ka qenë plani deri në eliminim fizik. Me demek unë kisha kaluar kufirin ilegalisht në Itali dhe do më çonin në burg për të mos dalë më i gjallë që aty. Janë tentuar të gjtiha format mafioze kriminale kundër meje dhe familjes sime. Është tentuar rrëmbimi i fëmijës sim, vetëm 1 vjeç.
Kam dyshime serioze se ka qenë plan arrestimi për të më eliminuar fizikisht”, tha Ahmetaj.
Më tjetër në intervistën e tij, ish-zëvendëskryeministri tregoi se në muajin tetor të vitit 2025 në numrin e tij të telefonit kishin shkuar 3 mesazhe që e kërvcënonin me vdekje.
Ahmetaj tha se njëri prej mesazheve të tetrorit ka vajtur nga një numër nga Venezuela ose Mianmari.
Mesazhe këto të cilat, Ahmetaj tha se u janë dërguar autoritetve dhe jo vetëm atyre zviceriane.
“Një nga tre mesazhet në tetor, numër o nga Venezuela o nga Mianmari. Nuk besoj se është koecidencë. Mesazhi është kërcënim me vdekje. Të treja këto mesazhe janë me autoritetet jo vetëm zviceriane, informacioni akoma informal më vjen që janë numra me ndryshim VPN shumë të shpejtë, më çon në logjikën që nuk janë për t’u marrë me shaka. Është koecidencë që ka të bëjë me ngjarjet e tetorit në Shqipëri? Nuk e di”, tha Ahmetaj./mxh
Kryetarja e komanduar e Bashkisë së Tiranës, Anuela Ristani ka shkuar në tregun e rrobave te “5 maji”, pas zjarrit që e përfshiu mbrëmjen e sotme.
Në një prponocim për mediat Ristani bëri me dije se perimetri i zjarrit është vënë në kontroll dhe nuk ka rrezikshmëri për banorët.
Më tej, Ristani deklaroi se bizneset përreth nuk janë djegur, por janë djegur vetëm magazinat ku ka pasur shitës individualë.
“Për fat të mirë nuk ka asnjë dëm në njerëz. Është vënë nën kontroll perimetri. Nuk arritëm ta shpëtojmë kapanonin. Nuk ka rrezikshmëri për banorët. Bizneset përreth nuk janë djegur, janë djegur vetëm magazinat ku ka shitës individualë”, tha Ristani./mxh
Ministri i Mbrojtjes, Pirro Vengu, gjatë një lidhje direkte për emisionin “Të Paekspozuarit” në MCN TV, ka shpjeguar situatën me përmbytjet në vend. Ai identifikoi situatën në Durrës si komplekse, ndërsa tha se në grykderdhjen e Vjosës, ka forca të shtuara dhe mjete për të përballuar situatën.
“Kemi dy situata kritike në këto momente. Situatë komplekse vijon në Durrës, për shkak të derdhjeve të lumit Erzen, Ka dislokim të fortë të forcave të armatosura, forcave civile. Vijojnë evakuime të konsiderueshme. Kemi 500 persona të evakuuar. Po marrim masa për ti akomoduar, në struktura hotelerie në Durrës. Edhe rezervat materiale të shtetit janë të angazhuara.
Nga ana tjetër, kemi situatë në grykëderdhjen e Vjosës, ku gjendemi me forca të shtuara dhe mjete, për të mbajtur argjinaturat dhe pritat lumore të përforcuara. Kemi situatë të qëndrueshme. Shtrirja në grykëderdhjen e Vjosës është e gjerë, kemi evuakuuar tre fshatra.
Fundjavën e kaluar kemi patur mbledhje të komitetit të emergjencave, janë bërë njoftimet përkatëse, krijuam edhe rritjen e gatishmërisë të forcave të armatosura. Situata dinamike në Durrës, ku priteshin reshje në të gjithë bregdetin dhe sot prurjet e lumenjeve, kanë krijuar këtë situatë të vështirë, ku jemi të dislokuar në Bashkinë e Durrësit, në Shijak, Bashkinë e Vlorës dhe të Fierit.
Jemi në gatishmëri në zonën e Bunës.
Edhe në jug të vendeti ku forcat xheniere janë të angazhuara në Gjirokastër.
Më pyesin pse ka vërshime të tilla në Gjirokastër apo Delvinë. E mbani mend situatën e zjarrit atje? Kemi faqe të tëra të zhveshura, që nuk kanë kapacitet mbajtës dhe kemi vërshime të dherave.
E mirëkuptoj kritikën për nivelin e gatishmërisë dhe nivelit të përballimit të situatave. Atë që mund tju them, është se kemi disa element suksesi. Përshembull situata në Shkodër, kemi një Shkodër të thatë për efekt të të gjithë investimet që janë realizuar përsa i përket kanalizimeve, pritave. Nga ana tjetër edhe në Vlorë, sot është e thatë pavarësisht reshjeve. Do të ketë patjetër momente për analizë, ka gjithmonë kohë për të bërë politike, sot jemi në një situatë ku pavarësisht se kemi ndryshime të natyrës klimatike, djegiet masive kanë krijuar pamundësinë e zonave malore që të mbajnë ujë, mund t’ju them se na duhet të investojmë fuqimisht”, tha Vengu.
Lidhur me ditët në vijim, ministri u shpreh optimist për ulje të prurjeve në grykderdhjen e Vjosës, por tha se ditën e nesërme priten erëra të forta në bregdet, të cilat janë të rrezikshme dhe mund të shkaktojnë dëme.
“Në matjet e fundit, kemi ulje në grykderdhjen e Vjosës. Si pasojë e të gjtihë uljeve që kemi identifikuar edhe në Përmet dhe Memaliaj, na bënë optimist që na duhet të kemi situatë edhe më të favorshme. Ditën e nesërme presim erëra të forta, shfrytëzoj rastin të njoftoj edhe teleshikuesit tuaj, erërat e forta në bregdet mund të shkaktojnë dëme, rënie pemësh. Janë disa herë më të rrezikshme se reshjet.
Dita e nesërme është dinamike edhe e vështirë. Jemi shpresëplotë se do të kemi një ulje të ujrave në basenin e Vjosës”, tha Vengu./mxh
Ambasadori i BE-së në Shqipëri, Silvio Gonzato ka zhvilluar një takim me kryetaren e re të Gjykatës Kushtetuese, Fiona Papajorgji.
Takimi është bërë publik nga misioni i BE-së në Shqipëri me anë të një postimi në rrjetet sociale.
Ambasadori i BE ka rikonfirmuar mbështetjen ndaj sundimit të ligjit në Shqipëri.
Gonzato ka bërë me dije se BE planifikon ta bëjë Gjykatën Kushtetuese pjesë të projekteve të tyre të ardhshme.
“Pata kënaqësinë të uroj Kryetaren e re të Gjykatës Kushtetuese, Fiona Papajorgji, dhe të rikonfirmoj angazhimin tonë për të mbështetur sundimin e ligjit në Shqipëri, duke theksuar rolin kyç të Gjykatës në mbrojtjen e të drejtave të qytetarëve shqiptarë.
Gjykata ka arritur tashmë nivelin e nevojshëm të stabilitetit, me dy vende të lira që pritet të plotësohen shumë shpejt, ndërkohë që vijon të ruajë cilësinë, transparencën dhe pavarësinë si institucioni më i lartë i drejtësisë në vend.
I konfirmova Kryetares Papajorgji se planifikojmë ta përfshijmë Gjykatën si përfituese në projektet tona të ardhshme dhe të mbështesim përpjekjet e saj për të harmonizuar më tej praktikën gjyqësore me të drejtën e BE-së. Bashkëpunimi me të gjithë sistemin gjyqësor shqiptar është thelbësor për integrimin evropian, dhe Gjykata Kushtetuese mbetet një partner qendror në këtë proces”, tha ambasadori i BE-së në Shqipëri, Silvio Gonzato./mxh
Fermerët në Francë zhvilluan protesta të shumta duke bllokuar rrugë me traktorë, pasi kundërshtonin marrëveshjen BE-Mercosur. Sipas tyre kjo marrëveshje nuk i mbështeste aspak të drejtat e fermerëve.
Ndërkohë një reagim ka ardhur edhe nga presidenti i Francës, Emmanuel Macron i cili ka thënë se Franca do të votojë kundër marrëveshjes tregtare të Bashkimit Evropian me bllokun Mercosur. Ky qëndrim vjen një ditë para një votimi përfundimtar nga shtetet anëtare.
Macron, po ashtu tha se ky qëndrim bazohej në refuzimin unanim të marrëveshjes nga parlamenti francez pas më shumë se 25 vjet negociatash./mxh
Aktorja Arjola Demiri, e njohur për pjesëmarrjen e saj në Big Brother VIP Albania 1, ka reaguar publikisht ndaj konkurrentit të edicionit të pestë të spektaklit, Mateo Borri, pas deklaratave të tij të vazhdueshme që përfshijnë Brikenën.
Përmes një InstaStory, Arjola ka publikuar një video ku Mateo flet sërish për marrëdhënien e tij me Brikenën, duke pretenduar se mes tyre ka ekzistuar një njohje edhe jashtë shtëpisë së BBVA-së. Ky rikthim i temës duket se ka qenë shkaku kryesor i reagimit të fortë të aktores.
Në mesazhin e saj, Arjola shprehet se Mateo ka arritur të marrë vëmendje në këtë edicion vetëm falë përfshirjes së emrit të Brikenës, duke nënvizuar se pa këtë raport, prania e tij në shtëpi do të kishte kaluar pa u vënë re. Ajo e kritikon për mënyrën se si, sipas saj, ka hedhur akuza në prime dhe më pas është tërhequr, duke u mbështetur te fjalët e të tjerëve.
Sipas Arjolës, rikthimi i vazhdueshëm te e njëjta histori është i panevojshëm dhe i konsumuar, ndërsa shton se Brikena nuk ka pse të reagojë më, pasi heshtja e saj është më e fortë se çdo deklaratë./mxh
NASA po shqyrton një kthim të hershëm të një pjese të ekuipazhit në Stacionin Ndërkombëtar Hapësinor (ISS) për shkak të një problemi mjekësor që ka përfshirë një anëtar të një ekipi prej katër personash.
Anëtari i ekuipazhit, i paidentifikuar, raportohet se është në gjendje të qëndrueshme, por incidenti ka çuar tashmë në anulimin në minutën e fundit të një shëtitjeje në hapësirë.
Menaxherët e misionit po shqyrtojnë tani nëse opsioni më i sigurt është të sjellin të gjithë ekipin e Crew 11 përsëri në Tokë muaj përpara afatit. Tre anëtarë të një ekuipazhi tjetër do të mbeten në bord.
“Kryerja e sigurt e misioneve tona është përparësia jonë më e lartë dhe ne po vlerësojmë në mënyrë aktive të gjitha opsionet, përfshirë mundësinë e një përfundimi më të hershëm të misionit të Ekuipazhit 11”, tha një zëdhënëse e NASA-s.
Të mërkurën, NASA anuloi papritur një shëtitje në hapësirë ??të planifikuar për të enjten, kur dy astronautë do të dilnin nga ISS-ja dhe njoftuan se kjo ndodhi për shkak se njëri nga anëtarët e ekuipazhit nuk ishte mirë.
NASA ka të ngjarë të përcaktojë nëse astronauti mund të qëndrojë në mënyrë të sigurt në orbitë apo duhet të kthehet në shtëpi herët me shokët e ekuipazhit.
“Prioriteti ynë kryesor është ekzekutimi i sigurt i misioneve tona dhe po vlerësojmë me kujdes të gjitha mundësitë, përfshirë mundësinë e përfundimit të misionit të Ekuipazhit 11 përpara afatit”, u shpreh zëdhënësja e NASA-s.
Ekipi prej katër personash i Ekuipazhit-11 përbëhet nga astronautët e NASA-s, Zena Cardman dhe Mike Fincke, Kimiya Yui e Japonisë nga agjencia hapësinore JAXA dhe një kozmonaut rus, Oleg Platonov.
Ata u nisën për në ISS në gusht 2025 me një SpaceX Crew Dragon dhe pritej të qëndronin në orbitë për rreth gjashtë muaj dhe të ktheheshin rreth fundit të shkurtit 2026, pasi u zëvendësuan nga një tjetër ekuipazh prej katër personash disa ditë më parë./MXH
Ndërsa tregu ishte përfshirë nga flakët dhe situata kërkonte ndërhyrje të menjëhershme për shuarjen e zjarrit, mungesa e reagimit nga ana e policisë pengoi operacionin e emergjencës. Forcat e rendit nuk ndërhynë për të hapur rrugën, duke bllokuar kalimin e mjetit zjarrfikës drejt zonës së rrezikut.
Si pasojë, zjarrfikësja arriti të përparonte vetëm 4–5 metra brenda një minute, për shkak të trafikut. Në të njëjtën kohë, polici i qarkullimit qëndronte në kryqëzimin pranë tregut, pa marrë masa konkrete për të lehtësuar kalimin e mjetit të emergjencës.
Kjo situatë ngre pikëpyetje serioze mbi menaxhimin e emergjencave dhe koordinimin mes strukturave përgjegjëse, duke u cilësuar si një skandal i vërtetë në një moment kritik, kur çdo sekondë ishte vendimtare për shmangien e pasojave më të rënda./mxh
Reshjet e dendura të shiut kanë shkaktuar çarje në aksin rrugor “Përmet–Çarçovë”, në afërsi të vendit të quajtur “Ura e Petranit.
Prefektura e Gjirokastrës ka bërë me dije se ky aks është i bllokuar për qarkullim, ndërsa në terren ndodhet autoritetet për normalizimin e segmentit rrugor.
Prefekti i Qarkut Gjirokastër apelon për shmangien e lëvizjes në këtë aks rrugor, për kujdes të shtuar gjatë drejtimit të mjeteve dhe për respektim rigoroz të rregullave të qarkullimit rrugor
Njoftim i plotë:
Prefekti i Qarkut Gjirokastër njofton qytetarët dhe përdoruesit e rrugës se, si pasojë e çarjes së karrexhatës për shkak të reshjeve të dendura të shiut, aksi rrugor “Përmet–Çarçovë”, në afërsi të vendit të quajtur “Ura e Petranit”, është i bllokuar për qarkullim.
Në terren ndodhen strukturat e Drejtorisë Vendore të Policisë Gjirokastër, në bashkëpunim me strukturat e emergjencave civile dhe Autoritetin Rrugor Shqiptar (ARRSH), të cilat po punojnë intensivisht për rritjen e sigurisë, menaxhimin e situatës dhe ndërhyrjen për normalizimin e këtij segmenti rrugor.
Gjithashtu, është rritur prezenca e shërbimeve të Policisë së Shtetit në të gjitha akset e qarkut, me qëllim parandalimin e aksidenteve rrugore dhe ofrimin e ndihmës për përdoruesit e rrugës, në rast nevoje.
Prefekti i Qarkut Gjirokastër apelon për shmangien e lëvizjes në këtë aks rrugor, për kujdes të shtuar gjatë drejtimit të mjeteve dhe për respektim rigoroz të rregullave të qarkullimit rrugor.
Për çdo emergjencë apo nevojë, qytetarët mund të kontaktojnë numrin pa pagesë 112.
Prefekti i Qarkut Gjirokastër do të vijojë të informojë në kohë reale për çdo zhvillim të mëtejshëm./mxh
Një studiues francez, Laurent Vinatier, është liruar nga Rusia si pjesë e një shkëmbimi të të burgosurve, pasi kaloi më shumë se një vit në burg për dështimin për t’u regjistruar si “agjent i huaj”. Lirimi i Vinatier, 49 vjeç, vjen në këmbim të basketbollistit rus Daniil Kasatkin, 26 vjeç, i cili ishte burgosur në Francë që nga qershori i kaluar me kërkesë të SHBA-së për një akuzë hakerimi.
Athony Joshua ka bërë reagimin e parë pas aksidentit me makinë që i mori jetën dy miqve të tij të ngushtë në Nigeri. Në fund të dhjetorit, Joshua pësoi lëndime të lehta në aksident, ndërsa Sina Ghami dhe Latif Ayodele, anëtarë të ekipit të Joshuas dhe miq të tij, ndërruan jetë.
“Faleminderit për gjithë dashurinë dhe kujdesin që ua keni treguar vëllezërve të mi. As nuk e kuptova sa të veçantë ishin.
Ecja me ta, qeshja dhe bëja shaka, pa e ditur se Zoti më kishte vendosur pranë njerëzve kaq të mëdhenj.
Është 100% e vështirë për mua, por e di se është edhe më e vështirë për prindërit e tyre. Kam një mendje të fortë dhe besoj se Zoti i njeh zemrat e tyre. Zoti i mëshiroftë vëllezërit e mi”, shkroi boksieri i njohur.
Aksidenti ndodhi më 29 dhjetor përgjatë autostradës Lagos-Ibadan./mxh
Roja bregdetare amerikane e ndaloi dhe e kapi cisternën e naftës Marinera, dikur e njohur si Bella 1 – në Atlantikun e Veriut më 7 janar. Ata e ndoqën këtë cisternë për rreth dy javë e gjysmë. Derisa po ndiqej, ajo e ndryshoi flamurin duke e marrë atë rus dhe e siguroi mbështetjen e Moskës.
Madje, sipas raportimeve, ajo u shoqërua edhe nga një nëndetëse ruse.
Kjo shkallë e përfshirjes së Moskës në telashet e një cisterne në anën tjetër të botës nuk është rastësi.
Radio Evropa e Lirë (REL) dhe rrjeti i saj hulumtues, Systema, zbuluan se cisterna është e lidhur me aleatë të vjetër të Kremlinit: ish-deputetin ukrainas, Viktor Baransky, dhe oligarkun moldav në arrati, Ilan Shor.
Cisterna Marinera mori leje të përkohshme për të lundruar nën flamurin rus në ditën e katërt të ndjekjes nga SHBA-ja, më 24 dhjetor 2025.
Ajo ndryshoi edhe pronarin: në vend të një kompanie turke nën sanksionet e SHBA-së, pronare u bë firma Burevestmarin nga qyteti perëndimor i Rusisë, Rjazani.
Ajo u regjistrua në korrik të vitit 2025 dhe prej atëherë drejtori i përgjithshëm dhe pronari i vetëm i saj është Ilja Bugaj, 39 vjeç, me origjinë nga Chita. Ai i lexoi pyetjet që “Systema dhe Radio Evropa e Lirë ia dërguan në një aplikacion mesazhesh, por nuk iu përgjigj atyre.
Bugaj drejton gjithashtu shoqërinë me përgjegjësi të kufizuara, Rusneftehimtorg, në Moskë, e cila merret me furnizime karburanti, përfshirë përmes cisternave. Ndër blerësit kryesorë të karburantit të Rusneftehimtorg-ut kanë qenë disa kompani të huaja dhe të gjitha kanë një veçori të përbashkët: ato janë në pronësi të grave që jetojnë në Moldavi.
Të paktën dy gra nga ky grup kanë qenë më parë në vëmendjen e gazetarëve.
Gazeta “Verstka” i quante ato kandidate në perandorinë e flotës në hije të cisternave, pas së cilës qëndron ish-deputeti i këshillit bashkiak të Odesës, Viktor Baranski. Në vitin 2021, strukturat e lidhura me Baranskin dhe holdingun e tij joformal u sanksionuan nga SHBA-ja për transportimin e naftës venezuelase.
System dhe REL-i i dërguan pyetje Baranskyt në Facebook; ai i pa ato, por nuk ktheu përgjigje të menjëhershme.
Kandidatët moldavë nuk janë e vetmja gjë që e lidh Rusneftehimtorg-un me konglomeratin e Viktor Baranskyt. Firma e drejtuar nga Bugaj ka përdorur një cisternë nga flotilja e supozuar e Baranskyt dhe ka tregtuar me një kompani të afërt me holdingun joformal të ish-deputetit.
Megjithatë, te Rusneftehimtorg-u mund të dallohen edhe lidhje të tjera.
Në nëntor të vitit 2020, Rusneftehimtorg, i lidhur me cisternën e ndaluar, ra dakord me Nefteprombank-un për një kredi prej 300 milionë rublash (3.7 milionë dollarë sipas kursit të asaj date). Pas gjysmë muaji, banka i dha të njëjtën shumë firmës, Rechmortrans, pas së cilës, sipas “Verstka”, qëndronte Baranski.
Gjashtë muaj më vonë, Banka Qendrore e akuzoi Nefteprombank-un për nxjerrje asetesh dhe ia hoqi licencën. Më pas banka u shpall e falimentuar dhe administratori i falimentimit filloi të kërkonte shlyerjen e kredive.
Në vitin 2022, radha për shlyerjen e borxheve arriti te Rusneftehimtorg dhe Rechmortrans . Të dyja firmat u përballën me padi gjyqësore dhe i shlyen detyrimet deri në mars 2023.
Në të dy rastet u përdor e njëjta skemë: në këmbim të borxhit, huamarrësit ia kaluan kreditorit të drejtat e kërkesës ndaj një firme të tretë – SHPK Diamand Estate. Rusneftehimtorg, Rechmortrans dhe drejtori i përgjithshëm i Diamand Estate nuk iu përgjigjën kërkesave për koment.
Që nga viti 2022, Diamand Estate zotëron dy kanale televizive moldave. Më parë ato ishin në pronësi të Igor Chaika, djalit të ish-Prokurorit të Përgjithshëm të Rusisë Yuri Chaika, dhe të Vadim Chubara, bashkëpunëtor i afërt i ish-presidentit të Moldavisë Igor Dodon.
Me ardhjen e Diamand Estate, kanalet filluan të lidhen me rrethin e oligarkut moldav Ilan Shor.
Ai dyshohej gjithashtu për nxjerrjen e 2.4 milionë eurove nga Nefteprombank, por çështja përfundoi pa pasoja për të.
Shor konsiderohet “dora e Moskës” në politikën moldave. Ndërkohë, vetë biznesmeni jeton prej kohësh jashtë Moldavisë – atje ai është dënuar në mungesë me 15 vjet burgim për nxjerrjen e një miliard dollarëve nga sistemi bankar i vendit.
Shor u vendos në Rusi, mori shtetësinë ruse dhe tani ndihmon Kremlinin të anashkalojë sanksionet financiare përmes kriptomonedhave.
Partner i Shorit është banka shtetërore Promsvjazbank, dhe në nisjen e projektit në vjeshtën e vitit 2025 mori pjesë edhe Vladimir Putini.
Edhe Baranski ka lidhje në rrethin e presidentit rus. Ish-deputeti ukrainas ishte anëtar i partisë së Viktor Medvedchukut, kumbarës së Putinit. Pas pushtimit të plotë të Ukrainës, Baranskyt iu hoq shtetësia ukrainase dhe, sipas mediave, ai u shpërngul në Rusi pas Medvedchuk./mxh
Bashkimi Evropian ka diskutuar se cili do të ishte reagimi evropian nëse kërcënimet e Shteteve të Bashkuara për marrjen nën kontroll të Groenlandës rezultojnë reale. Shefja e politikës së jashtme të BE-së, Kaja Kallas, deklaroi se mesazhet që vijnë lidhur me Groenlandën janë jashtëzakonisht shqetësuese dhe nuk ndihmojnë stabilitetin global.
Duke folur në një konferencë për shtyp së bashku me ministrin e Jashtëm egjiptian, Badr Abdelatty, Kallas theksoi se Danimarka ka qenë një aleate e besueshme e Shteteve të Bashkuara dhe se deklaratat për Groenlandën rrezikojnë të tensionojnë më tej marrëdhëniet ndërkombëtare.
Ndërkohë, zyrtarja e lartë evropiane u ndal edhe te situata në Rripin e Gazës, duke e cilësuar atë si jashtëzakonisht të rëndë. Sipas saj, procesi i paqes mbetet i bllokuar, pasi Hamasi refuzon të çarmatoset, ndërsa Izraeli po vendos kufizime ndaj organizatave ndërkombëtare humanitare, duke rrezikuar shpërndarjen e ndihmës për civilët.
Kallas theksoi se pa veprimin e organizatave humanitare, ndihma nuk mund të arrijë në shkallën e nevojshme dhe se nuk ka asnjë justifikim që gjendja humanitare në Gaza të jetë përkeqësuar në nivelin aktual./mxh
Zëvendëspresidenti i SHBA-së, JD Vance, është shprehur se Groenlanda është kritike për mbrojtjen e SHBA-së dhe botës kundër sulmeve të mundshme raketore ruse ose kineze. Vance ka deklaruar gjithashtu se Evropa dhe Danimarka nuk kanë bërë një punë të mirë në sigurimin e zonës, ndërsa shtoi se ata kishin investuar pak në mbrojtjen e Groenlandës.
Zyrtarët amerikanë po diskutojnë në mënyrë aktive një ofertë të mundshme për të blerë Groenlandën, një territor gjysmë-autonom danez, tha Shtëpia e Bardhë të mërkurën, një ditë pasi deklaroi se veprimi ushtarak për ta aneksuar atë nga SHBA-të ishte gjithashtu një mundësi.
Danimarka, një anëtare tjetër e NATO-s, ka paralajmëruar se kjo do të shënonte fundin e aleancës. Si Groenlanda ashtu edhe Danimarka kanë theksuar vazhdimisht se ishulli nuk është në shitje.
Pavarësisht se është territori më pak i populluar, vendndodhja e Groenlandës midis Amerikës së Veriut dhe Arktikut e bën pozicionin e saj të favorshëm për sistemet e paralajmërimit të hershëm në rast të sulmeve me raketa dhe për monitorimin e anijeve në rajon.
SHBA-të tashmë kanë më shumë se 100 veta, personel ushtarak të stacionuar përgjithmonë në bazën e tyre Pituffik në skajin veriperëndimor të Groenlandës, një strukturë që është operuar nga SHBA-të që nga Lufta e Dytë Botërore.
Shqetësimet për të ardhmen e territorit u rishfaqën pas përdorimit të forcës ushtarake nga Trump kundër Venezuelës të shtunën për të kapur presidentin e saj Nicolás Maduro. Trump më parë bëri një ofertë për të blerë ishullin në vitin 2019, gjatë mandatit të tij të parë presidencial, vetëm për t’u thënë se nuk ishte në shitje.
Sekretari i Shtetit i SHBA-së, Marco Rubio, tha të mërkurën se do të zhvillojë bisedime me Danimarkën javën e ardhshme. Një ditë më parë, udhëheqësit evropianë lëshuan një deklaratë të përbashkët duke mbështetur Danimarkën./mxh
Kryeministri i Spanjës, Pedro Sánchez, paralajmëroi se vendi i tij do të qëndrojë i palëkundur në mbrojtje të integritetit territorial të aleatëve evropianë, përfshirë Danimarkën dhe Grenlandën, si pjesë e angazhimit të Madridit për të respektuar ligjin ndërkombëtar dhe sigurinë kolektive të NATO‑s.
Sánchez gjithashtu dënoi ndërhyrjen ushtarake në Venezuelë, duke nënvizuar se Spanja e sheh të ardhmen e këtij vendi të vendoset nga vetë venezuelanët dhe jo nga ndikime të jashtme. Ai premtoi mbështetje aktive për transicionin demokratik në Venezuelë, duke theksuar se populli duhet të ketë të drejtën për të zgjedhur vetë udhëheqësit e tij.
Në lidhje me konfliktin israelo‑palestinez, kryeministri spanjoll tha se do t’i propozojë Parlamentit spanjoll dërgimin e trupave të paqes në Palestinë sapo të krijohen kushtet e nevojshme për avancimin e një misioni paqeje. Spanja ka shprehur edhe më parë angazhimin e saj për një zgjidhje me dy shtete midis Izraelit dhe Palestinës, si dhe rëndësinë e krijimit të paqes në këtë rajon të trazuar.
Duke folur për Ukrainën, Sánchez ritheksoi gatishmërinë e vendit të tij për të dërguar trupa paqeruajtëse nëse arrihet një armëpushim dhe theksoi se Spanja do të marrë pjesë aktivisht në forcimin e sigurisë evropiane pas përfundimit të konfliktit. Ai vuri në dukje se Bashkimi Evropian dhe Spanja duhet të jenë pjesë e arkitekturës së re të sigurisë për të ruajtur paqen në kontinent./mxh
Një memorial i përkohshëm u vendos të enjten pranë vendit ku një agjent i Shërbimit të Emigracionit dhe Doganave të SHBA-së (ICE) qëlloi për vdekje një grua 37-vjeçare në makinën e saj në Minneapolis. Në memorial u vendosën lule dhe qirinj, pranë rrugës që kishte barrikada të përkohshme.
Këshilli i qytetit të Minnesota identifikoi viktimën si Renee Nicole Good, duke deklaruar se ajo “po kujdesej për fqinjët e saj atë mëngjes dhe jeta e saj iu mor për shkak të veprimeve të qeverisë federale”. Këshilli gjithashtu kërkoi largimin e menjëhershëm të ICE nga qyteti.
Ndërkohë, Kristi Noem, sekretare e Departamentit të Sigurisë Kombëtare, deklaroi se agjentët e ICE po përgjigjeshin ndaj një automjeti të bllokuar nga dëbora kur u sulmuan nga një “turmë agitatorësh”.
Ngjarja ka shkaktuar tension të madh në qytet, duke ngjallur debate për rolin e agjentëve federalë në komunitetet lokale dhe për mënyrën e përdorimit të forcës nga autoritetet./mxh
Login
