Pas nominimit të Mateos nga Brikena gjatë Prime-t të mbrëmshëm në “BBBA”, reagimi më i fortë erdhi vetë nga i nominuari, i cili u shfaq dukshëm i zhgënjyer dhe emocional në dhomën e rrëfimit. “Nuk e prisja.

Për mua ishte shumë zhgënjyese,” tha ai, duke shtuar se nuk e kishte imagjinuar kurrë veten jashtë këtij nominimi, e aq më pak të nominuar pikërisht nga Brikena.

Pas reagimit të tij, për herë të parë foli edhe Brikena në dhomën e rrëfimit gjatë pasdites së sotme. Ajo theksoi se nominimi nuk ishte hakmarrje.

“Hakmarrje, asnjëherë! Më ka bërë të ndihem keq dhe në atë moment më erdhi emri i tij, kaq,” tha ajo, duke iu referuar një situate që lidhej me Mateo dhe Kristin, ku Mateo i kishte thënë që kishte shkëmbyer një puthje me Brikenën, ku sipas kësaj të fundit kjo gjë nuk ka ndodhur.

Brikena shpjegoi se nuk ishte faji i saj për një keqkuptim dhe se ajo vlerëson të vërtetën mbi gjithçka tjetër: “Se s’është fakti te puthja, se s’ka ndonjë gjë të keqe të puthësh një person, por në momentin që nuk ka ndodhur, unë kam qejf një person që tregon të vërtetën…”

Reagimi i Brikenës tregon qartësisht se nominimi nuk ka qenë akt hakmarrjeje, por pjesë e dinamikës së lojës që shpesh provokon situata të papritura dhe tensione emocionale.

The post Pas reagimit të Mateos, flet për herë të parë Brikena për nominimin appeared first on Albeu.com.

Ish-deputeti i Partisë Demokratike Ervin Salianji është treguar i ashpër me komentet drejtuar kreut të PD Sali Berisha dhe besnikëve të tij.

Salianji në Lezhë, u shpreh se Berisha me të vetët, sillen si tigër me demokratët dhe në përfundim të zgjedhjeve, kthehen në mace përballë qeverisë.

“Ç’është ky lidership që kërkon të bëhet tigër me demokratët dhe si mace me qeverinë? Ç’është ky lidership që kërkon të përjashtojë anëtarësinë, ata që kanë sakrifikuar për 13 vite gjithçka? Anëtarësia përjashton lidershimin. Ndërkohë që kërkojmë të largojmë Ramën, lidershipi i PD bën si tigër me demokratët dhe pas cdo palë zgjedhjeve bën mau mau përballë qeverisë. Demokratët janë të fortë për tu përballur, nuk ka forcë që e ndalon bashkimin e demokratëve në çdo cep të Shqipërisë, nëse frymëzohen nëse vendoset në themel meritokracia”, tha Salianji.

The post “Silleni si tigra me demokratët”, Salianji nuk kursen Berishën me “shokë”: Çdo fund-zgjedhje bëni “mjau mjau” para qeverisë appeared first on Albeu.com.

Ish-deputeti Ervin Salianji ,theksoi se Lezha po jep një mesazh të qartë për vazhdimin deri në fund të kësaj nisme politike. Në një takim me mbështetësit e tij në Pallatin e Kulturës në Lezhë, Salianji nënvizoi se takimet me demokratët në çdo cep të Shqipërisë do të vijojnë pa u ndalur, me synimin kryesor për ta bërë Partinë Demokratike fituese.

Ish-deputeti, u shpreh se, salla e mbushur në Lezhë ka një peshë të veçantë politike, pasi sipas tij tregon qartë qytetarët shqiptarë duan ndryshim.

“Lezha po tregon se kjo punë ka marrë rrugën e vet dhe do t’i shkojmë deri në fund pa asnjë diskutim. Është vendi i historisë, i qëndresës dhe i dinjitetit shqiptar. Duhet të respektojmë mendimet tona dhe të bashkohemi si bashkëudhëtarë në këtë udhëtim politik të lodhshëm, por krenar.”

The post “Të bashkohemi si bashkëudhëtarë!”/ Salianji nga Lezha: Do t’i shkojmë deri në fund kësaj rruge, t’i bashkojmë të gjithë rreth PD-së appeared first on Albeu.com.

Kryeministri i Kanadasë, Mark Carney, ka pranuar fillimisht ftesën e ish-presidentit amerikan, Donald Trump, për të përfshirë vendin e tij në Këshillin e Paqes për Gazën, edhe pse detajet e pjesëmarrjes ende nuk janë finalizuar.

Carney tha se Trump i kishte prezantuar idenë disa javë më parë, dhe qeveria kanadeze do të bëjë çfarë mundet për të lehtësuar dhimbjen e njerëzve në Gaza. “Ende nuk kemi mbyllur të gjitha detajet për strukturën, mënyrën e funksionimit dhe financimin e mundshëm…”, deklaroi ai për gazetarët nga Doha.

“Do t’i punojmë këto gjatë ditëve të ardhshme,” shtoi kryeministri kanadez.

Sipas një dokumenti që Reuters mori në dorë, drafti i statutit që iu dërgua rreth 60 vendeve nga administrata amerikane parashikon që shtetet anëtare të kontribuojnë me 1 miliard dollarë në para të gatshme, nëse duan që pjesëmarrja e tyre në Këshillin e Paqes për Gazën të zgjasë mbi tre vjet.

“Çdo shtet anëtar do të ketë një mandat që nuk tejkalon tre vjet nga hyrja në fuqi e statutit, me mundësi rinovimi nga Presidenti,” thuhet në dokumentin, raportoi fillimisht Bloomberg News.

The post Kryeministri i Kanadasë pranon ftesën e Trump për Këshillin e Paqes: Do bëjmë ç’të mundemi për të lehtësuar dhimbjen e popullit në Gaza appeared first on Albeu.com.

Pas humbjes së dashurisë së saj të jetës dhe babait të Roelit, Shpat Kasapit, Selvije Jaho, ka ndërmarrë së fundmi një hap të rëndësishëm që lidhet me të ardhmen e birit të tyre të vogël.

Në një deklaratë publike, ajo ka sqaruar se është kujdestarja e vetme ligjore e Roelit, duke theksuar se megjithëse mungesa e të atit do ta shoqërojë gjithë jetën, roli i saj si nënë mbetet i palëkundur dhe prioritet absolut.

Ajo shprehet se do të vazhdojë të kujdeset për djalin e saj në çdo aspekt, me gjithë forcën, dashurinë dhe përkushtimin që ka.

“E bëj këtë deklaratë për të vetmen arsye që të theksoj se jam kujdestarja e vetme ligjore e Roelit.

Edhe pse babai i mungon dhe do t’i mungojë gjithë jetën, unë si nënë e kam prioritet absolut të kujdesem për të në çdo aspekt të mundshëm, deri sa të kem forcë dhe jetë.

Roeli ka një familje si nga ana e Shpatit si dhe nga ana ime që e mbeshtet në maksimum dhe nuk i mungon asgjë falë Zotit, secili në mënyrën e vet mundohen për Roelin, por për transparencë dhe për të ditur se kujt duhet t’i falënderohem, po e ndaj këtë publikisht.

Nuk dua që asnjë mbështetje të shkojë pa u falënderuar nga ana ime, por gjithashtu nuk dua që askush të përfitojë në emër të Roelit, pasi Roeli e ka llogarinë bankare personale dhe jam e vetmja që mund të flas për gjendjen e djalit tim të mitur!

Ju faleminderit shumë”, shkruan bashkëshortja e Shpat Kasapit.

View this post on Instagram

A post shared by Selvije Jao (@selvije.jao)

The post Vendimi i rëndësishëm për të ardhmen e birit të tyre, bashkëshortja e Shpat Kasapit merr kujdestarinë e Roelit appeared first on Albeu.com.

Ministria e Migracionit dhe Azilit në Greqi ka paraqitur një projektligj të ri që sjell ndryshime të rëndësishme në kuadrin e emigrimit ligjor, me qëllim zgjidhjen e problemeve në lëshimin dhe rinovimin e lejeve të qëndrimit, uljen e burokracisë dhe përmbushjen e nevojave të ekonomisë greke për fuqi punëtore.

Projektligji pritet të dorëzohet së shpejti në Komisionin përkatës Parlamentar dhe vjen në një kohë kur çështja e emigracionit po rikthehet fuqishëm në qendër të debatit, si në nivel kombëtar ashtu edhe europian.

Qeveria synon të bëjë një ndarje të qartë mes emigrimit ligjor dhe atij të paligjshëm. Siç deklaroi ministri i Migracionit dhe Azilit, Thanos Plevris.

“Me projektligjin e ri për migrimin ligjor, po i japim fund vonesave kronike dhe bllokimeve burokratike që kanë dëmtuar punëtorët dhe bizneset”, tha ai.

Aktualisht, në Greqi jetojnë rreth 793 mijë emigrantë me dokumente të rregullta, ndërsa afro 293 mijë aplikime për leje qëndrimi mbeten ende në pritje.

Vonesat kanë krijuar pasiguri për përfituesit, pasi shpesh lejet lëshohen pas skadimit, duke sjellë vështirësi në punësim dhe integrim shoqëror. Me rregullat e reja, pritet që rreth 90 mijë leje të zgjidhen menjëherë dhe 90 mijë të tjera brenda dy viteve të ardhshme.

Projektligji përfshin masa që lehtësojnë emigrantët që ndodhen tashmë ligjërisht në vend. Parashikohet rinovimi automatik i disa kategorive të lejeve të qëndrimit, veçanërisht kur emigranti vazhdon të punojë për të njëjtin punëdhënës, duke shmangur dorëzimin e panevojshëm të dokumenteve.

Gjithashtu, çdo leje e re qëndrimi do të ketë një kohëzgjatje minimale prej dy vitesh, në mënyrë që vonesat administrative të mos i dëmtojnë emigrantët dhe të mos çojnë në humbje formale të statusit ligjor.

Një dispozitë e veçantë u jep mundësi emigrantëve që kanë jetuar ligjërisht në Greqi për pesë vjet ose më shumë, të riaplikojnë dhe të pajisen me leje qëndrimi, pasi të korrigjohen mangësitë procedurale.

Ministria do të forcojë gjithashtu administratat që shqyrtojnë aplikimet dhe do të lejojë transferimin e dosjeve mes rajoneve, për të lehtësuar ngarkesën dhe për të përshpejtuar proceset.

Një tjetër masë ka të bëjë me emigrantët mbi 65 vjeç, të cilët kanë jetuar dhe punuar ligjërisht në Greqi për të paktën 20 vjet. Ata do të mund të qëndrojnë në vend pa detyrimin për të punuar, me kusht që të kenë sigurim shëndetësor dhe pensione private.

Një risi në projektligj është mundësia për të ndryshuar punëdhënës pa humbur statusin ligjor të qëndrimit, çka rrit lëvizshmërinë në tregun e punës dhe ul rrezikun e shfrytëzimit.

The post Ligj i ri për emigrantët në Greqi, 90 mijë leje qëndrimi drejt legalizimit appeared first on Albeu.com.

Qeveria siriane dhe Forcat Demokratike Siriane (SDF) kanë arritur një marrëveshje për armëpushim të menjëhershëm në të gjitha frontet, pas disa ditësh përleshjesh në verilindje të vendit, ku ushtria kishte avancuar në zona të kontrolluara nga kurdët. Lajmi bëhet i ditur nga mediat shtetërore siriane.

Sipas marrëveshjes, ndalen të gjitha armiqësitë, ndërsa Damasku rimerr kontrollin e plotë të fushave strategjike të naftës. Një pikë kyçe e marrëveshjes është edhe shpërbërja e SDF si milici autonome, me integrimin e tyre në strukturën zyrtare të ushtrisë siriane.

Marrëveshja u nënshkrua sot nga presidenti i përkohshëm Ahmed al-Sharaa dhe kreu i SDF, Mazloum Abdi, duke shënuar rikthimin e autoritetit qendror të Damaskut në zona që kishin qenë nën autonomi kurde për më shumë se një dekadë.

Pikat kryesore të marrëveshjes:

Unifikim administrativ: Institucionet shtetërore do të rikthehen në provincat Raka, Deir ez-Zor dhe Al-Hasaka.

Kontroll i infrastrukturës: Shteti merr nën administrim kufijtë, aeroportet dhe digat strategjike, përfshirë digën e Tabkës.

Integrim shoqëror: Një dekret shoqërues njeh gjuhën kurde si gjuhë kombëtare dhe rikthen shtetësinë siriane për mijëra kurdë që e kishin humbur prej dekadash.

Marrëveshja konsiderohet një zhvillim i rëndësishëm politik dhe ushtarak për stabilitetin e Sirisë dhe për të ardhmen e rajoneve verilindore të vendit.

The post Qeveria siriane dhe forcat kurde bien dakord për një armëpushim të menjëhershëm appeared first on Albeu.com.

Një aksident i rëndë raportohet të ketë ndodhur pasditen e sotme në aksin rrugor Lezhë – Laç në afërsi të Milotit.

Katër persona kanë mbetur të lënduar dhe janë dërguar me urgjencë në spital për të marrë ndihmën mjekësore. Ende nuk dihet gjendja shëndetësore e të lënduarve.

Sakaq, policia ndodhet në vendin e ngjarjes ku po punohet për zbardhjen e plotë të rrethanave të aksidentit.

The post Aksident i rëndë në afërsi të Milotit, 4 persona dërgohen me urgjencë në spital appeared first on Albeu.com.

Ushtria gjermane është larguar nga Grenlanda me nxitim disa orë pas kërcënimeve të Trump. Bild flet për largimin e papritur të ushtarëve gjermanë që mbërritën në Grenlandë vetëm 44 orë pas mbërritjes së tij në ishullin Arktik, duke publikuar foton përkatëse nga aeroporti. Berlini tha se 15 ushtarët do të qëndronin në Grenlandë më gjatë se sa ishte planifikuar fillimisht.

Sipas mediave të huaja, vendimi u mor sot, të dielën, në mëngjes pa i dhënë asnjë shpjegim ushtrisë. Urdhri ishte i thjeshtë “kthehu”, shkruan Bild, duke shtuar se të gjitha takimet e gjermanëve të planifikuara për sot në Grenlandë u anuluan me nxitim.

Tani për tani, megjithatë, mbetet e paqartë nëse vendimi i Berlinit lidhet me kërcënimet e Trump të shtunën për të vendosur tarifa ndaj 8 vendeve evropiane, përfshirë Gjermaninë që dërguan trupa në Grenlandë apo nëse lidhet me arsye të tjera.

The post Disa orë pas kërcënimeve të Trump mbi vendosjen e tarifave, ushtria gjermane largohet me nxitim nga Grenlanda appeared first on Albeu.com.

Miku i ngushtë i Inës, i ftuar në “Fan Club” ka folur për gjendjen emocionale të mamasë së banores dhe opinionin që ajo ka në lidhje me lojën e Inës brenda shtëpisë së Big Brother.

Ai ka treguar se mamaja është në gjendje të rënduar emocionale për shkak të “gjykimit që i është bërë vajzës së saj”. Megjithatë nuk ka shprehur asnjë opinion kundër marrëdhënies së saj me Keijsin.

“Mamaja është në gjendje të rënduar. Ajo nuk do që Ina të dalë. Po kush është ai prind që do ndihej mirë që vajza e saj të gjykohej në mënyrë kaq masive kur në fund të ditës në çdo edicion Big Brotheri ose Përputhen, trekëndëshat kanë ekzistuar.

Unë mendoj që meraku prindëror të bën ta duash vajzën tënde larg çdo lloj personi që deri diku mund të rrezikojë imazhin. Sidomos për faktin që prindërit tek vajzat e shohin si gjë më delikate dhe mashkullin si rrezik për fëmijën e tyre. Po megjithatë nuk më ka shprehur asnjë opinion kundër Keijsit”, u shpreh shoku i ngushtë i Inës.

The post “Është në gjendje të rënduar”/ Mamaja e Inës kundër Keijsit? E zbulon miku i saj i ngushtë appeared first on Albeu.com.

Administrata e Donald Trump ka kërkuar që vendet që duan të sigurojnë një vend të përhershëm në Këshillin e Paqes për Rripin e Gazës të kontribuojnë të paktën 1 miliard dollarë, sipas projekt-statutit të këshillit që ka siguruar Bloomberg.

Sipas dokumentit, Trump do të jetë presidenti i parë i këshillit dhe do të vendosë se cilët shtete ftohen si anëtarë. Vendimet do të merren me shumicë votash, ku çdo vend ka një votë, por gjithçka do të jetë nën miratimin e presidentit.

“Çdo vend-anëtar do të ketë një mandat jo më shumë se tre vjet, me mundësi rinovimi nga Presidenti. Afati trevjeçar nuk do të zbatohet për vendet që kontribuojnë mbi 1 miliard dollarë në vitin e parë të funksionimit,” thuhet në projekt-statutin.

Kritikët e këtij projekti shprehin shqetësim se Trump po tenton të krijojë një alternativë apo version konkurrues të OKB-së, të cilën e ka kritikuar për vite me radhë.

Këshilli përshkruhet si “organizatë ndërkombëtare që synon të promovojë stabilitetin, të rivendosë qeverisje të ligjshme dhe të sigurojë paqe të qëndrueshme në zonat e prekura ose të kërcënuara nga konflikte”. Ai do të marrë statusin zyrtar kur tre shtete-anëtare të bien dakord mbi statutin, sipas Bloomberg.

Trump gjithashtu do të ketë kompetencën për të miratuar stemën zyrtare të organizatës dhe ka ftuar disa liderë botërorë, përfshirë presidentin e Argjentinës, Javier Milei, dhe kryeministrin e Kanadasë, Mark Carney, për të marrë pjesë në Këshillin e Paqes për Gazën.

Ky projekt ka shkaktuar reagimin e menjëhershëm të kryeministrit izraelit Benjamin Netanyahu, i cili deklaroi se nuk ka pasur “bashkëpunim” me vendin e tij për detajet.

Burime të informuara thanë se disa vende evropiane janë ftuar gjithashtu, por kontrolli që Trump ka mbi paratë është një problem i madh për shumicën e tyre. Disa shtete po punojnë kolektivisht për të kundërshtuar projektin.

Një zyrtar amerikan tha për Bloomberg se, edhe pse anëtarësimi është falas, 1 miliard dollarë do të sigurojë pjesëmarrje të përhershme. Paratë do të përdoren për të zbatuar menjëherë detyrat e Këshillit të Paqes për rindërtimin e Gazës.

Statuti parashikon se këshilli do të mblidhet të paktën një herë në vit për votime dhe sipas nevojës, me agjendën e miratuar nga presidenti. Ai do të mund të largojë anëtarë dhe të caktojë pasardhës të presidentit sipas dëshirës.

Së fundmi, Shtëpia e Bardhë njoftoi krijimin e Komitetit Ekzekutiv të parë të këshillit, i cili përfshin sekretarin e Shtetit Marco Rubio, i dërguarin e posaçëm për Lindjen e Mesme Steve Witkoff, dhëndrin e Trump, Jared Kushner, dhe ish-kryeministrin britanik Tony Blair, përpara formimit të këshillit të plotë.

The post Këshilli i Paqes për Gazën, Trump kërkon 1 mld dollarë nga shtetet që duan një vend të përhershëm/ Mandatet e përkohshme do jenë 3-vjeçare, vendimet merren me shumicë votash appeared first on Albeu.com.

Pas vendimit të Donald Trump për të vendosur ndalime udhëtimi për 15 vende pjesëmarrëse në Kupën e Botës, FIFA ka lëshuar një deklaratë.

SHBA-të janë bashkë-organizatorë të Kupës së Botës të ardhshme FIFA, së bashku me Kanadanë dhe Meksikën, dhe ndalimi i udhëtimit hyn në fuqi vetëm disa muaj para fillimit të turneut.

FIFA tani i ka paralajmëruar tifozët dhe njerëzit e interesuar se një biletë ndeshjeje nuk ju garanton hyrjen në SHBA.

“Një biletë ndeshjeje nuk garanton hyrjen në vendin pritës dhe tifozët duhet të vizitojnë sot faqen e internetit të qeverisë së secilit vend për kërkesat e hyrjes në Kanada, Meksikë dhe Shtetet e Bashkuara”, thuhet në njoftimin për shtyp të FIFA-s.

“Duke pasur parasysh kohën e përpunimit, FIFA rekomandon dorëzimin e aplikimit për vizë sa më shpejt të jetë e mundur.”

The post FIFA paralajmëron tifozët, pasi presidenti Trump ndaloi 15 vende të hyjnë në SHBA appeared first on Albeu.com.

Ahmed QAZIMI, PhD i Shkencave të edukimit

Rangimet e universiteteve janë bërë pjesë e pandashme e diskursit publik për arsimin e lartë. Çdo publikim i listave ndërkombëtare sjell reagime, krahasime dhe pritshmëri të reja, si nga institucionet akademike ashtu edhe nga studentët dhe prindërit. Në thelb, këto renditje ofrojnë një pasqyrë të rëndësishme mbi pozicionimin global të universiteteve dhe mbi kapacitetet e tyre kërkimore dhe institucionale.

Sistemet e njohura të rangimit bazohen në indikatorë të matshëm dhe të krahasueshëm: prodhimi shkencor, citimet akademike, reputacioni ndërkombëtar, raporti staf–student, ndërkombëtarizimi dhe burimet financiare. Këta tregues janë të rëndësishëm dhe të domosdoshëm për të kuptuar forcën akademike dhe kërkimore të një universiteti, veçanërisht në kontekstin e studimeve të avancuara dhe konkurrencës globale.

Por arsimi i lartë nuk është vetëm çështje pozicioni në lista. Cilësia e një universiteti ndërtohet dhe dëshmohet çdo ditë në procesin mësimor, në auditorë, në laboratorë dhe në përgatitjen reale të studentëve për jetën profesionale. Prandaj, krahas treguesve të rangimit, është e domosdoshme të marrim parasysh edhe parametra të tjerë që e plotësojnë vlerësimin e përgjithshëm të cilësisë.

Një prej tyre është cilësia e mësimdhënies. Aftësia pedagogjike e stafit akademik, përkushtimi ndaj studentëve, qasja interaktive dhe përditësimi i programeve studimore janë elemente që ndikojnë drejtpërdrejt në formimin e studentit. Universitetet më të suksesshme janë ato që arrijnë të ruajnë ekuilibrin mes kërkimit shkencor dhe mësimdhënies cilësore.

Po aq i rëndësishëm është edhe profili profesional i mësimdhënësve. Përvoja e tyre praktike, angazhimi në projekte reale, lidhja me sektorin publik dhe privat, si dhe njohja e zhvillimeve bashkëkohore të profesionit, e bëjnë mësimdhënien më të aplikueshme dhe më relevante për tregun e punës. Ky dimension i cilësisë nuk pasqyrohet gjithmonë drejtpërdrejt në renditje, por ka ndikim të madh në rezultatet afatgjata të arsimit.

Një tregues gjithnjë e më i rëndësishëm i cilësisë është punësimi i shpejtë i të diplomuarve dhe kërkesa e tregut për kuadrot e prodhuar nga universiteti. Kur absolventët integrohen shpejt në tregun e punës, kur profesionet e tyre janë të kërkuara dhe kur punëdhënësit shprehin besim në formimin e tyre, kjo është dëshmi e qartë se universiteti po përmbush misionin e tij shoqëror dhe ekonomik.

Në këtë kontekst, lidhja e universiteteve me nevojat reale të shoqërisë, zhvillimi i praktikave profesionale, bashkëpunimi me biznesin dhe institucionet publike janë elemente që rrisin cilësinë e arsimit të lartë dhe e bëjnë atë funksional dhe të qëndrueshëm.

Prandaj, rangimet universitare dhe parametrat e tjerë të cilësisë nuk duhen parë si alternativa, por si pjesë të së njëjtës tablo. Renditjet ofrojnë orientim dhe krahasueshmëri, ndërsa mësimdhënia cilësore, punësimi i të diplomuarve dhe ndikimi shoqëror japin përmbajtjen reale të arsimit të lartë.

Një debat serioz mbi universitetet kërkon pikërisht këtë qasje të balancuar: të vlerësojmë pozicionimin ndërkombëtar, por edhe rezultatet konkrete; të lexojmë renditjet, por edhe realitetin që prodhojnë universitetet në shoqëri.

The post Rangimi i universiteteve dhe cilësia e arsimit të lartë appeared first on Albeu.com.

Mes tensioneve, akuzave dhe ngritjeve të zërit, kështu është shoqëruar kjo puntantën e Fun Club, ku e ftuar ka qenë motra e Keijsit, Sara.

Ajo është përplasur me opinionisten e këtij formati, Françeskën, e cila iu drejtua me termat “mashtrues, gënjeshtar” për vëllain e saj. Këto komente nuk u pranuan nga motra e Keijsit e cila e ka kundërshtuar Françeskën, teksa më tej ka shtuar se vëllai i saj është një person i dashur, me shoqëri të mirë dhe shumë pasione.

Sipas Sarës, mënyra si po e bën lojën është në kundërpërgjigje të sulmeve që atij po i bëhen dhe se deri më tani në asnjë moment nuk ka ofenduar asnjë nga vajzat atyre brenda.

“Keijsi ka parë gjëra që njerëzit nuk i kanë parë akoma. Ai është rritur me shokë të mirë.

Nuk mendoj se Keijsi ka ofenduar një vajzë aty. E ka pasur me meshkujt e shtëpisë jo me vajzat. Është i përkëdhelur, qoftë dhe unë dhe Keijsi jemi të përkëdhelur në familje dhe në shoqëri. Nuk arrin ta kuptojë 100% që gjërat që thotë marrin tjetër kuptim. Nuk është një emision siç është Big Brother. Nuk e kupton që gjërat që bën jashtë mund të duken gabim.

Do i thoja që të ulë tonet e tija në mënyrën se si i drejtohet njerëzve. Kur ofendohet nga të tjerët, të jetë pak i moderuar. Ne disa veprime themi që duhet ti marrë pak më qetësisht gjërat. Ne e dimë që Keijsi nuk është `100% siç është aty”, tha ajo.

The post Motra e Keijsit përplaset me Françeskën në studio: Vëllai im ka parë gjëra që njerëzit nuk i kanë parë akoma appeared first on Albeu.com.

Dashi
Të lindur më: 21 Mars – 19 Prill
Sot do të ndiheni më të afërt me partnerin tuaj, duke ndarë momente të veçanta dhe biseda të sinqerta që sjellin qartësi në marrëdhënie. Nëse jeni beqarë, mundësitë për të takuar dikë tërheqës janë të mëdha, por mos nxitoni me vendime të shpejta. Në punë do të ndieni presion për të përfunduar disa detyra të mbetura pezull, por aftësia juaj për të ruajtur qetësinë do t’ju ndihmojë të dilni me sukses. Shëndeti juaj duket i qëndrueshëm, por mos injoroni lodhjen mendore. Kujdesuni për veten me ushqim të shëndetshëm dhe pushime të shkurtra. Financat kërkojnë vëmendje të veçantë, ndaj shmangni shpenzimet e panevojshme sot. Përdorni kreativitetin për të gjetur zgjidhje të reja për problemet e përditshme.

Demi
Të lindur më: 20 Prill – 20 Maj
Marrëdhëniet tuaja sot janë më të harmonizuara; një gjest i vogël dashurie do të bëjë diferencën. Për ata që janë beqarë, një mik i vjetër mund të rikthehet në jetën tuaj duke sjellë emocione të papritura. Në ambientin e punës, do të ndiheni të motivuar nga një projekt i ri që kërkon angazhim maksimal. Mos lejoni që lodhja t’ju mposhtë; merrni pak kohë për të pushuar dhe meditoni. Shëndeti ka nevojë për pak më shumë aktivitet fizik; një shëtitje e lehtë do të ndihmojë trupin dhe mendjen. Financat janë të qëndrueshme, por është momenti i duhur për të planifikuar investime të vogla. Sot është dita për të bërë një hap të vogël, por të qëndrueshëm përpara.

Binjakët
Të lindur më: 21 Maj – 20 Qershor
Sot dashuria juaj kërkon më shumë durim dhe mirëkuptim; bisedat e thella do të zgjidhin çdo keqkuptim. Beqarët mund të ndihen të tërhequr nga dikush i ri në rrethin shoqëror, ndaj mos hezitoni të hidhni hapin e parë. Në punë, bashkëpunimi me kolegët do të sjellë rezultate të mira dhe do të forcojë marrëdhëniet profesionale. Kujdesuni për shëndetin tuaj emocional, sepse stresi mund të ndikojë në energjinë e përditshme. Një aktivitet relaksues në mbrëmje do të ndihmojë për të rivendosur balancën. Në aspektin financiar, shmangni huazimet dhe mbani një sy në shpenzimet e vogla. Sot është një ditë e mirë për të reflektuar mbi objektivat tuaja afatgjata.

Gaforrja
Të lindur më: 21 Qershor – 22 Korrik
Harmonia në marrëdhënie është fjala kyçe e ditës; një surprizë e vogël për partnerin do të sjellë lumturi. Beqarët do të kenë mundësi për të bërë njohje të reja përmes aktiviteteve të përbashkëta me miqtë. Në punë, një lajm i mirë rreth një projekti të vjetër mund t’ju japë motivim të ri. Shëndeti është në formë të mirë, por kujdesuni të mos tejkaloni kufijtë tuaj fizikë. Një ushtrim i lehtë do të ndihmojë në përmirësimin e humorit. Financat janë të stabilizuara, por është mirë të kurseni për të ardhmen. Bëni plane të vogla që do t’ju sjellin siguri dhe qetësi.

Luani
Të lindur më: 23 Korrik – 22 Gusht
Në dashuri, sot është dita për të shprehur ndjenjat tuaja pa frikë, pasi partneri juaj është i gatshëm të dëgjojë dhe të kuptojë. Beqarët mund të ndihen të ngazëllyer nga një takim i papritur që ngjall kureshtje. Në punë, keni mundësi të tregoni aftësitë tuaja në një situatë të re; mos u tërhiqni nga sfidat. Shëndeti mund të kërkojë pak më shumë kujdes, sidomos në aspektin e ushqyerjes. Mund të ndjeni nevojën për të pushuar më shumë, ndaj dëgjoni sinjalet e trupit tuaj. Financat janë të qëndrueshme, por mos e teproni me shpenzimet e vogla të kënaqësisë. Mendoni për një plan të ri kursimi që mund të filloni sot.

Virgjëresha
Të lindur më: 23 Gusht – 22 Shtator
Marrëdhëniet romantike sot janë të mbushura me ngrohtësi dhe mirëkuptim; është koha ideale për të ndarë ëndrrat dhe planet tuaja me partnerin. Beqarët do të tërheqin vëmendjen e dikujt me personalitetin e tyre të veçantë. Në punë, një koleg mund t’ju kërkojë ndihmë dhe kjo do të forcojë marrëdhëniet profesionale. Ruani energjinë duke praktikuar aktivitete të lehta fizike gjatë ditës. Mos neglizhoni shëndetin emocional; një bisedë me një mik të besueshëm do t’ju ndihmojë të çliroheni. Financat janë në gjendje të mirë, por shmangni investimet e rrezikshme. Sot është një ditë e mirë për të reflektuar mbi vlerat dhe prioritetet tuaja.

Peshorja
Të lindur më: 23 Shtator – 22 Tetor
Dashuria sot është në qendër të vëmendjes; një bisedë e hapur me partnerin do të sjellë afërsi të reja. Për beqarët, një ftesë për një event mund të sjellë njohje të rëndësishme. Në punë, vlerësohet kontributi juaj dhe mund të merrni një vlerësim të papritur nga eprorët. Shëndeti mund të përmirësohet ndjeshëm nëse i kushtoni më shumë kohë aktivitetit fizik. Energjia pozitive ju ndihmon të përballoni sfidat me lehtësi. Në aspektin financiar, është koha për të shlyer disa detyrime të vjetra. Mos harroni të shpërbleni veten për punën e mirë që keni bërë.

Akrepi
Të lindur më: 23 Tetor – 21 Nëntor
Sot do të ndjeni nevojën për më shumë stabilitet në marrëdhëniet tuaja; komunikimi i qetë dhe i sinqertë do të sjellë ndryshime pozitive. Beqarët do të kenë mundësi të shprehin interesin ndaj dikujt me të cilin kanë pasur kontakte të vazhdueshme. Në punë, një detyrë e re kërkon vëmendje të veçantë ndaj detajeve dhe disiplinë. Shëndeti është në ekuilibër, por mos harroni të hidratoheni dhe të bëni pushime të shkurtra. Financat kërkojnë kujdes në menaxhimin e shpenzimeve ditore. Planifikoni mirë buxhetin për të shmangur surpriza të pakëndshme. Sot është një ditë e mirë për të vendosur synime të qarta për të ardhmen.

Shigjetari
Të lindur më: 22 Nëntor – 21 Dhjetor
Marrëdhëniet romantike sot janë të mbushura me pasion dhe surpriza; merrni kohë për të shijuar çdo moment me partnerin. Beqarët mund të ndjejnë një tërheqje të fortë ndaj dikujt që takojnë rastësisht. Në punë, do të përballeni me disa sfida, por vendosmëria juaj do t’ju ndihmojë të kaloni çdo pengesë. Kujdesuni për shëndetin mendor duke marrë kohë për veten dhe për të relaksuar mendjen. Praktikoni frymëmarrje të thellë për të ulur stresin. Financat janë në një fazë të qëndrueshme, por është mirë të shmangni shpenzimet impulsive. Sot është dita për të besuar në instinktin tuaj dhe për të ndjekur zemrën.

Bricjapi
Të lindur më: 22 Dhjetor – 19 Janar
Në dashuri, është koha për të falur dhe për të lënë pas të kaluarën; kjo do t’ju ndihmojë të hapni një kapitull të ri me partnerin. Për beqarët, një kontakt i ri mund të kthehet në një marrëdhënie premtuese nëse jeni të hapur ndaj ndryshimeve. Në punë, do të keni mundësi të merrni një iniciativë që do të vlerësohet nga të tjerët. Shëndeti është i mirë, por mos neglizhoni pushimin dhe balancën mes aktivitetit dhe relaksit. Një shëtitje në natyrë do t’ju ndihmojë të rifitoni energjitë. Financat janë të qëndrueshme, por është momenti i përshtatshëm për të rishikuar prioritetet tuaja ekonomike. Bëni një plan afatgjatë për të siguruar stabilitetin tuaj.

Ujori
Të lindur më: 20 Janar – 18 Shkurt
Sot do të ndiheni të frymëzuar në marrëdhëniet tuaja; një surprizë e vogël për partnerin do të sjellë më shumë dashuri. Beqarët mund të përjetojnë një flirt të këndshëm në një ambient të ri shoqëror. Në punë, ndikimi juaj do të jetë i ndjeshëm dhe do të fitoni respektin e kolegëve. Shëndeti është në një nivel të mirë, por mos harroni të ushqeheni në mënyrë të ekuilibruar. Një rutinë e rregullt ushtrimesh do të përmirësojë humorin tuaj. Financat janë të mira, por mos merrni vendime të nxituara për investime. Sot është dita për të ndjekur pasionin tuaj dhe për të shfaqur talentin.

Peshqit
Të lindur më: 19 Shkurt – 20 Mars
Marrëdhëniet sot kërkojnë më shumë vëmendje dhe kujdes; dëgjoni me kujdes partnerin dhe shprehni ndjenjat tuaja. Beqarët mund të ndihen të tërhequr nga dikush që ndan të njëjtin pasion apo hobi. Në punë, do të përballeni me disa detyra të reja që kërkojnë përkushtim dhe organizim të mirë. Shëndeti është i qëndrueshëm, por mos nënvlerësoni rëndësinë e pushimit cilësor. Një aktivitet relaksues në fund të ditës do t’ju ndihmojë shumë. Financat janë të balancuara, por është koha për të bërë disa ndryshime në mënyrën si menaxhoni kursimet. Sot është një ditë e mirë për të vendosur synime të reja për veten.

The post Horoskopi 18 Janar 2026, zbuloni parashikimin e yjeve për shenjën tuaj appeared first on Albeu.com.

Pas një debati të ndodhur mes Inës, e cila ka sulmuar Brikenën dhe Kristin duke folur me ironi ndaj tyre dhe duke iu drejtuar Brikenës si “miss filler-i” duke “bullizuar” për ndërhyrjet estetike që ajo ka bërë, kjo gjë është diskutuar edhe sot gjatë prime-it.

Brikena: Mendoj që secili këtu e tregon edukatën dhe kulturën e vetë. Nuk e gjej veten në fjalët që më ka thënë Ina. Të mbajë përgjegjësi për ato që flet dhe jo të japë deklaratë false. Do të më nxjerrë nga vetja por s’më nxjer dot, nëse nuk më djeg. Nuk të përcakton ty filler apo botox. Unë skam thënë që jam më e bukur, por se meritoj që të më thonë ‘ti je me filler, botox’.

Gjatë komentit të dhënë nga Ina, ka patur një ndërhyrje nga Arbër Hajdari i cili i është drejtuar asaj duke i thënë: “Ti je rasti më i shëmtuar se si një femër mund të trajtojë një tjetër!”

The post E quajti Brikenën “miss filler-i” dhe e ofendoi për ngjyrën e lëkurës, Arbër Hajdari ia “përplas” në fytyrë Inës: Je rasti më i shëmtuar se si një femër mund të trajtojë një tjetër appeared first on Albeu.com.

Presidentja e Komisionit Evropian, Ursula von der Leyen, dhe presidenti i Këshillit Evropian, António Costa, kanë paralajmëruar se vendosja e tarifave nga presidenti i SHBA, Donald Trump ndaj vendeve që dërgojnë trupa në Groenlandë do të dëmtonte marrëdhëniet transatlantike dhe do të krijonte një “spirale të rrezikshme në rënie”.

Në një deklaratë të përbashkët gjatë nënshkrimit të marrëveshjes tregtare të Mercosur në Paraguai, Von der Leyen theksoi rëndësinë e integritetit territorial dhe sovranitetit, duke theksuar se stërvitjet daneze të koordinuara me aleatët janë thjesht përforcim i sigurisë në Arktik dhe nuk paraqesin kërcënim për askënd.

“BE-ja qëndron në solidaritet të plotë me Danimarkën dhe popullin e Groenlandës. Tarifat do të minonin marrëdhëniet transatlantike dhe do të rrezikonin një spirale të rrezikshme në rënie. Evropa do të mbetet e bashkuar, e koordinuar dhe e përkushtuar për të ruajtur sovranitetin e saj,” tha Von der Leyen.

Deklarata nënvizon përpjekjet e Bashkimit Evropian për të ruajtur dialogun dhe stabilitetin transatlantik në një kohë tensioni për Groenlandën.

The post Tarifat e Trump, paralajmëron Von der Leyen: Rrezikohen marrëdhëniet transatlantike dhe sovraniteti i Groenlandës appeared first on Albeu.com.

Debatet kanë qenë të ndezura në ditët e fundit në shtëpi pas Prime-t të fundit.

Një përplasje ishte dhe ajo mes Kristit dhe Inës, me këtë të fundit që i vuri në pikëpyetje orientimin seksual banorit kur iu drejtua me pyetjen: “A do të doje të ishe në vendin tim?’, sa i përket raportit të saj me Keijsin.

Kristi iu përgjigj në Prime duke falënderuar të gjithë banorët për fenomenin dhe mbështetjen e treguar, por që kjo gjë nuk është në supet e tij.

“E kam menduar 2-3 herë këtë situatë dhe kam pasur të njëjtën situatë. Kjo goca ka ardhur si ka ardhur. aty e ke vendin tënd ti. Nuk pres të dal i larë në flori kur zhytem në baltë. I jam qëndruar asaj lloj forme që më ka ardhur kjo vajza. Jo vetëm që nuk tregoi se nuk është vetëm ajo, por është edhe më keq. Të gjithë banorët kanë ofruar një dorë për të mbajtur një peshë. I falënderoj për fenomenin, por nuk është një peshë që është në supet e mia. Jam biri i një nëne, vëlla i një motre. E di shumë mirë pozicionin e një burri dhe një gruaje. Përballë meje, qoftë jo vetëm Ina, por kushdo, në këtë rast fiton dy herë përballë meje, ndërsa në çdo pozicion tjetër në jetën këtu brenda ose jashtë, do të fitojë përpara meje, kjo është burrëria ime”, tha Kristi.

The post Ina i vuri në pikëpyetje orientimin s*ksual, Kristi: Kjo peshë nuk është në supet e mia appeared first on Albeu.com.

Një aksident rrugor ka ndodhur mbrëmjen e sotme në qytetin e Sarandës, në rrugën “Karl Topia” ku një automjet tip “Toyota” me targa AB 054 SH me drejtues Ervin Oruçi nga Ksamili ka humbur kontrollin dhe ka dalë nga rruga.

Si pasojë e aksidentit kanë mbetur të plagosur lehtë dy pasagjerët Albion Qendra 22 vjeç nga Ksamili dhe Vlavi Aliu 21 vjeç nga Tirana.

Pas ndihmës mjekësore në spitalin e Sarandës kanë shkuar në banesë. Policia e qarkullimit ndodhet në vendngjarje dhe po kryen veprimet hetimore.

The post Makina humb kontrollin dhe del nga rruga/ Plagosen dy të rinj në Sarandë appeared first on Albeu.com.

Pas njoftimit të Bashkimit Evropian se në janar do të nisë heqja graduale e masave ndëshkuese ndaj Kosovës, janë rihapur debatet mbi drejtësinë e këtyre vendimeve. Profesori Enver Bytyçi vlerëson se vendimi i fundit i Brukselit nuk lidhet me një ndryshim të sjelljes së Kosovës, por me rrethana të reja politike dhe me faktin se masat kanë qenë të motivuara politikisht dhe të padrejta.

Bytyçi thekson se paralajmërimi për heqjen e masave u bë që në dhjetor, gjatë samitit të Ballkanit Perëndimor në Bruksel, ku mori pjesë edhe presidentja Vjosa Osmani, e cila ka lobuar aktivisht për të shpejtuar këtë vendim. Ai shton se edhe kryeministri Albin Kurti ka insistuar për heqjen e masave, duke theksuar se ato ishin kontradiktore: ndërkohë që BE e konsideronte Kosovën shtet të pavarur dhe kërkonte shtrirjen e sovranitetit në gjithë territorin, e ndëshkonte financiarisht për të njëjtin qëllim.

Sipas Bytyçit, vendimi i Brukselit është një pranim indirekt i gabimeve të BE-së dhe dëshmon se masat nuk u vendosën për shkak të gabimeve të Kosovës, por për arsye të një konjukture të caktuar politike.

The post BE njofton heqjen graduale të masave ndaj Kosovës, eksperti: Masat ishin të padrejta që në fillim appeared first on Albeu.com.