Ousmane Dembele ka fituar trofeun ‘FIFA The Best 2025’, duke lënë pas Lamine Yamal dhe Kylian Mbappe.

Ky sukses vjen si vazhdim i fitores së tij me ‘Topin e Artë’ në shtator, duke shpërblyer një sezon të jashtëzakonshëm për sulmuesin e PSG-së, si në nivel individual, ashtu edhe kolektiv.

Ndryshe nga trofeu i organizuar nga France Football, sistemi i votimit i FIFA-s synon të jetë më gjithëpërfshirës, duke u lejuar tifozëve nga e gjithë bota të votojnë në të njëjtin nivel me përzgjedhësit e kombëtareve, kapitenët dhe gazetarët specialistë.

Sipas analizës së Maxime Barbaud nga FootMercato, votimi është ndarë në katër kategori me peshë të barabartë (25% secila), ku pikët janë: 5 për vendin e parë, 3 për të dytin dhe 1 për të tretin.

FIFA ka publikuar votat e dhëna nga 11 finalistët për secilën kategori, duke përfshirë zgjedhjet e përzgjedhësve, kapitenëve dhe mediave.

Zgjedhjet e kapitenëve dhe përzgjedhësve të kombëtareve të njohura:

Didier Deschamps, përzgjedhësi i Francës, ka votuar për dy të preferuarit e tij: Dembele në vendin e parë, Mbappe në vendin e dytë dhe Hakimi në të tretin.

Achraf Hakimi, kapiteni i Marokut, ka zgjedhur Mbappen si numrin një, Dembele në vendin e dytë dhe Raphinha në të tretin.

Marquinhos, kapiteni i Brazilit, ka vendosur Dembele në krye, Raphinha të dytin dhe Hakimi të tretin.

Carlo Ancelotti ka përsëritur të njëjtin podium, por me Mbappen në vendin e tretë.

Në Spanjë, ka pasur mendime të ndryshme rreth Lamine Yamal: kapiteni Unai Simon e ka zgjedhur si të parë, përpara Pedri dhe Nuno Mendes, ndërsa përzgjedhësi Luis de la Fuente ka votuar Pedrin, më pas Lamine Yamal dhe Mbappen.

Në Portugali, kapiteni Bernardo Silva ka votuar për Vitinha, Nuno Mendes dhe Dembele, ndërsa përzgjedhësi Roberto Martinez ka zgjedhur të njëjtët lojtarë, por me Lamine Yamal në vend të tretë.

Votat e yjeve ndërkombëtarë

Lionel Messi ka votuar për Dembelen, Mbappen dhe Lamine Yamal.

Përzgjedhësi i Argjentinës, Scaloni, ka zgjedhur Mbappe, Pedri dhe Lamine Yamal.

Luka Modric ka vlerësuar lojtarë të fushës së tij: Vitinha në vendin e parë, Dembele të dytin dhe Lamine Yamal të tretin, duke lënë jashtë Mbappen.

Kapiteni italian Donnarumma ka votuar për Dembele, Hakimi dhe Lamine Yamal.

Riyad Mahrez ka zgjedhur Dembele, Hakimi dhe Mbappe.

Mohamed Salah, finalist, ka vendosur Hakimi, Dembele dhe Mbappe.

Këto rezultate jo vetëm që reflektojnë performancat individuale, por gjithashtu tregojnë edhe lidhjet dhe preferencat personale midis lojtarëve dhe përzgjedhësve, duke ofruar një panoramë interesante mbi votimin për çmimin 'FIFA The Best 2025'. /Telegrafi/

Sulmuesi francez i Paris Saint-Germain, Ousmane Dembele, u shpall fitues i çmimit prestigjioz “FIFA The Best” si lojtari më i mirë i vitit.

Dembele ka grumbulluar 50 pikë, 11 më shumë se talenti spanjoll i Barcelonës, Lamine Yamal dhe 15 pikë përpara bashkëkombësit të tij Kylian Mbappe, tashmë pjesë e Real Madridit.

Ky çmim, i ndarë nga FIFA, vlerëson lojtarin më të mirë të sezonit duke marrë në konsideratë performancat individuale, sukseset ekipore dhe ndikimin në lojë, si në nivel klubesh ashtu edhe kombëtaresh.

Pas treshes kryesore, renditja u plotësua nga:

Achraf Hakimi (Marok) – 31 pikë

Raphinha (Brazil) – 29 pikë

Mohamed Salah (Egjipt) – 24 pikë

Vitinha (Portugali) – 22 pikë

Harry Kane (Angli) – 14 pikë

Nuno Mendes (Portugali) – 13 pikë

Pedri (Spanjë) – 12 pikë

Cole Palmer (Angli) – 7 pikë

Në kategorinë e femrave, dominimi spanjoll ishte i plotë. Aitana BonmatO u shpall fituese e çmimit ‘Futbollistja e Vitit’ me 52 pikë, duke lënë pas Mariona Caldentey (40 pikë) dhe Alexia Putellas (33 pikë), të dyja bashkëkombëse të saj dhe lojtare kyçe të Barcelonës dhe përfaqësueses spanjolle.

Si funksionoi votimi i “The Best”

Fituesit e çmimeve “The Best” u përcaktuan përmes një sistemi votimi të kombinuar, ku morën pjesë:

Trajnerët e kombëtareve

Kapitenët e kombëtareve

Gazetarë sportivë të përzgjedhur nga FIFA

Tifozët, përmes votimit online

Secili grup pati peshë të barabartë në rezultatin përfundimtar.

/Telegrafi/

Paris Saint-Germain ka marr një përfaqësim të fuqishëm në “The Best FIFA Men’s 11 2025”, pasi gjashtë lojtarë që ndihmuan klubin francez të fitojë Ligën e Kampionëve dhe të arrijë në finalen e Kupës së Botës për Klube FIFAjanë përzgjedhur në formacionin më të mirë të vitit.

Në portë është zgjedhur Gianluigi Donnarumma, i cili ndërkohë është transferuar te Manchester City. Atij i bashkohen Achraf Hakimi, Willian Pacho, Nuno Mendes, Vitinha dhe Ousmane Dembélé, duke e bërë PSG-në klubin me numrin më të madh të përfaqësuesve në ekipin ideal.

Në formacion është përfshirë edhe fituesi i Topit të Artë të Kupës së Botës për Klube, Cole Palmer, si dhe talenti i jashtëzakonshëm spanjoll Lamine Yamal, i cili vazhdon të impresionojë në moshë shumë të re.

The Best FIFA Men’s 11 – 2025

Portier: Gianluigi Donnarumma

Mbrojtës: Achraf Hakimi, Willian Pacho, Virgil van Dijk, Nuno Mendes

Mesfushorë: Cole Palmer, Vitinha, Pedri, Jude Bellingham

Sulmues: Ousmane Dembélé, Lamine Yamal

Si u përcaktua “The Best FIFA Men’s 11”

Çmimet përfshijnë performancat e futbollistëve në periudhën 11 gusht 2024 – 2 gusht 2025. Kandidaturat u përgatitën nga FIFA në bashkëpunim me akterë të futbollit botëror, ndërsa fituesit u përzgjodhën nga një panel ekspertësh dhe tifozë të regjistruar në FIFA.com.

Votat e tifozëve dhe të ekspertëve kishin peshë të barabartë, pavarësisht numrit të votuesve. Lojtarët morën pikë në bazë të votave sipas pozicioneve përkatëse.

Fituesi i çmimit “The Best FIFA Men’s Player” u përfshi automatikisht në formacion, ndërsa portieri fitues i çmimit për portierin më të mirë nisi me nëntë pikë.

Në fund, formacioni u plotësua duke respektuar kufijtë maksimalë për pozicione: katër mbrojtës, katër mesfushorë dhe tre sulmues. /Telegrafi/

Hansi Flick komentoi reagimin e zemëruar të Lamine Yamal pas zëvendësimit të tij gjatë fitores 2-1 të Barcelonës ndaj Eintracht Frankfurt në Ligën e Kampionëve, të martën mbrëma.

Ylli i ri i Barcelonës u zëvendësua nga loja në minutën e 89-të për t’i lënë vend Roony Bardghjit, duke shfaqur hapur irritim teksa largohej nga fusha. Shprehja e tij mbeti e ashpër ndërsa ecte drejt pankinës dhe ai dukej sikur murmuriste i zhgënjyer nën zë.

Flick adresoi irritimin e Yamal për zëvendësimin e vonshëm në deklaratat pas ndeshjes, duke dhënë një shpjegim të qetë.

Ai konfirmoi se vendimi për të larguar nga loja anësorin ishte masë paraprake, jo taktike.

“E zëvendësuam Lamine pak para fundit sepse kishte një karton të verdhë dhe ishte vonë. Nëse u mërzit pak, e kuptoj plotësisht dhe më pëlqen. Edhe unë kam qenë lojtar. Është plotësisht e pranueshme, nuk është problem”.

Megjithëse trajneri mund ta vlerësojë intensitetin e Yamal, Barcelona do të duhet të përballojë mungesën e tij në ndeshjen e radhës të Ligës së Kampionëve.

Kartoni i tij i verdhë ndaj Frankfurt ishte i treti këtë sezon, duke shkaktuar automatikisht një pezullim prej një ndeshjeje. Për rrjedhojë, ai do të mungojë në përballjen e janarit kundër Slavia Pragës.

Flick theksoi gjithashtu rëndësinë e rikthimeve të shpeshta të Barcelonës, ndonëse pranoi se skuadra nuk mund ta lejojë vetes të nisë ndeshjet dobët.

“Jam shumë i lumtur që arrijmë të kthehemi, por ndonjëherë do të ishte mirë të nisnim mirë dhe të shënonim golin e parë. Është kështu siç është”, përfundoi ai./Telegrafi/

Në moshën vetëm 18 vjeç, Lamine Yamal ka bërë histori në Ligën e Kampionëve, duke u bërë lojtari më i ri ndonjëherë që arrin 14 gola të drejtpërdrejtë (7 gola + 7 asistime) në këtë kompeticion.

Ai theu rekordin e mëparshëm të Kylian Mbappe, i cili kishte 13 të tilla në vitin 2017.

Talenti spanjoll shtoi edhe një asistim tjetër mbrëmjen e së martës, duke shërbyer golin e dytë të Jules Koundes në ndeshjen mes Barcelonës dhe Eintracht Frankfurt në Camp Nou.

Kontributi i fundit i Yamal ndihmoi Barcelonën të siguronte tre pikë tejet të rëndësishme dhe ta mbante ekipin në garën për zonën “top-eight”, duke forcuar më tej statusin e tij si një nga adoleshentët më të rrezikshëm që ka parë ndonjëherë Liga e Kampionëve.

Në këtë moshë dhe me këtë ritëm, Yamal po vazhdon të shkruajë një kapitull të ri në historinë e futbollit. /Telegrafi/

Lamine Yamal nuk e fshehu fare zhgënjimin e tij në momentin kur u zëvendësua ndaj Frankfurtit, pavarësisht se Barcelona po e kontrollonte ndeshjen dhe rezultati ishte i sigurt.

Trajneri Hansi Flick konfirmoi pas ndeshjes se i riu 18-vjeçar ishte dukshëm i mërzitur me vendimin.

“Lamine ishte pak i zhgënjyer me zëvendësimin e tij, por ai mori një karton të verdhë dhe ne kishim nevojë për lojtarë të freskët", shpjegoi ai, duke theksuar se gjithçka ishte thjesht një vendim taktik dhe parandalues.

“Lamine është i tillë. Është i ri dhe mendoj se sjellja e tij është e mirë, është mirë që reagon kështu kur largohesh. Nuk është problem".

Yamal, i cili asistoi për golin vendimtar të Jules Kounde, reagoi me nervozizëm teksa u largua nga fusha për t’i lënë vendin Roony Bardghjit.

Megjithatë, Flick insistoi se zëvendësimi ishte i duhuri për të ruajtur rezultatin dhe për të mbrojtur talentin e tij më të ndritshëm nga rreziku i një kartoni të dytë. /Telegrafi/

Lamine Yamal dha një intervistë për CBS në emisionin 60 Minutes dhe bëri një rrëfim të thellë për herë të parë, duke folur për origjinën e tij dhe hapat e tij të parë për t’u bërë një fenomen global i futbollit. Superylli i Barcelonës iu referua fëmijërisë së tij në lagjen e varfër të Rocafondës, ku luajti në fusha të improvizuara, por edhe mbështetjes së familjes së tij atëherë dhe tani.

Ai kujtoi momentin kur u fotografua me Lionel Messin kur ishte foshnjë dhe komentoi krahasimin me të, duke mos harruar të fliste se si do të donte të ndërtonte rrugën e tij dhe të mbetej i përulur pavarësisht faktit se jeta e tij nuk është më “normale”. Ai gjithashtu analizoi arsyet pse zgjodhi ekipin kombëtar spanjoll mbi Marokun.

Në detaje çfarë tha ai për lagjen ku u rrit dhe pasigurinë në fëmijërinë e tij: “Ishte një lagje ku askush nuk e dinte se çfarë do t’i ndodhte në jetë. E vërteta është se askush nuk e dinte nëse ai do të bëhej futbollist, arkitekt, piktor apo nëse do të gjente një punë. I sheh prindërit e tu duke punuar, ata nuk mund të jenë gjithmonë me ty dhe nuk ndjen ankth, por pasiguri për atë që do të të ndodhë.”

Për Messin dhe krahasimet: “Ai është më i miri në histori. Ne të dy e dimë se unë nuk dua të jem Messi, dhe Messi e di se unë nuk dua të jem ai. Dua të ndjek rrugën time, dhe kaq.”

Për ndjesinë kur njerëzit ngrihen në këmbë dhe e duartrokasin në fushë: “Atje ku u rrita, fushat ku luanim kishin, le të themi, mure ku uleshin njerëzit, dhe mendoj se nuk kishte ndjesi më të mirë sesa t’i bëje të ngriheshin në këmbë, duke qeshur me kundërshtarët. Mendoj se është ndjesia më e mirë në botë, dhe është diçka që më kujton shumë kur luaj në fushë dhe tifozët ngrihen në këmbë sepse habiten nga një veprim që bëra.”

Për arsyet pse vendosi të përfaqësonte Spanjën dhe jo Marokun: “Po mendoja të luaja me Marokun. Në atë kohë, Maroku kishte arritur në gjysmëfinalet e Kupës së Botës, por në momentin e krizës, nuk e vura kurrë në dyshim. Me gjithë dashurinë dhe respektin që kam për Marokun, gjithmonë kam dashur të luaj në EURO dhe në Evropë. Mendoj se futbolli evropian shikohet më shumë dhe mendoj se është më afër nivelit më të lartë ndërkombëtar. Dhe falë Zotit, ia dola. Kjo më afron edhe me Kupën e Botës, me mundësinë për ta fituar atë. Kam një dashuri të madhe për Marokun, sepse është edhe vendi im. Por unë u rrita në Spanjë, të cilën gjithashtu e ndiej si vendin tim.”

Për atë që ai dëshiron t’u ofrojë tifozëve: “Ata më kanë thënë se kanë filluar të shikojnë futboll përsëri për shkakun tim. Nëna ime tani i shikon të gjitha ndeshjet e mia. Njerëzit këtu kishin ndaluar së veshuri fanella futbolli në shkollë, dhe tani ky trend është rikthyer. Edhe turistët, këtu në Barcelonë, blejnë fanellën e Barcelonës me numrin 10 në shpinë. Kjo më bëri të kuptoj shumë për atë që kam arritur.”

Për faktin që ai nuk jeton si një 18-vjeçar normal: “Një fëmijë 18-vjeçar mbaron shkollën dhe shkon në shtëpi. Unë shkoj në stërvitje dhe katër paparacë janë në shtëpinë time duke më pyetur për jetën time. Ndez televizorin dhe jam në televizor. Po ecja në rrugë dhe pashë një fëmijë që mbante veshur fanellën time. Dua të dal për një pije dhe nuk mundem sepse njerëzit do të më ndalojnë.”

Për faktin nëse është lodhur duke qenë yll: “Jo, sinqerisht nuk më shqetëson. Në fakt, më pëlqen.”

The post Yamal: Ata filluan të shikojnë futboll përsëri për shkakun tim, nuk dua të jem Messi appeared first on iconstyle.al.

Në një intervistë të fundit për CBS News, talenti i Barcelonës, Lamine Yamal, u shpreh me respekt, por edhe me vendosmëri, ndaj krahasimeve të vazhdueshme me Lionel Messin që e kanë shoqëruar prej ditës së parë në skenën e madhe.

“Është më i miri në histori”, ka thënë 18-vjeçari.

“Ne të dy e dimë se unë nuk dua të jem Messi, dhe Messi e di që unë nuk dua të jem ai. Dua të ndjek rrugën time, kaq”, përfundoi Yamal.

Yamal është bërë shpesh subjekt i paraleleve me yllin argjentinas, sidomos pasi u bë debutuesi më i ri në historinë e Barcelonës dhe mahniti botën e futbollit me talentin e tij të jashtëzakonshëm.

Megjithëse e pranon madhështinë e pakrahasueshme të Messit, Yamal thekson se synimi i tij nuk është të ecë në hijen e legjendës së Camp Nou-së, por të ndërtojë historinë e tij në futboll. /Telegrafi/

John Terry ka vlerësuar Marc Cucurellën si një nga mbrojtësit e majtë më të mirë në botë, pas fitores bindëse 3-0 të Chelseat ndaj Barcelonës në Ligën e Kampionëve.

Ish-kapiteni i "Blutë" u shpreh se e admiroi agresivitetin, aftësinë në duelet një-kundër-një dhe rrezikun ofensiv të spanjollit, duke thënë:

“Ai është një nga mbrojtësit e majtë më të mirë në futbollin botëror aktualisht. Ka gjithçka që dua të shoh te një lojtar i Chelseat”.

Cucurella shkëlqeu duke neutralizuar plotësisht talentin e ri të Barcelonës, Lamine Yamal, ndërsa edhe Wayne Rooney e përgëzoi për një nga paraqitjet më mbresëlënëse të një mbrojtësi të majtë vitet e fundit.

Portieri Robert Sanchez shtoi se bashkëkombësi i tij e kishte Yamalin “në xhep” gjatë gjithë ndeshjes.

Mbrojtësi spanjoll ka kaluar një transformim të madh pas fillimit të vështirë te Chelsea, duke impresionuar në mënyrë të vazhdueshme gjatë dy viteve të fundit. /Telegrafi/

Sulmuesi anësor i Barcelonës, Lamine Yamal nuk e ka pritur mirë zëvendësimin e tij në humbjen ndaj Chelseat të martën mbrëma në kuadër të Ligës së Kampionëve.

Barcelona e pati një mbrëmje të keqe të martën pasi u mposht nga Chelsea me rezultat të thellë 3-0, por edhe u dominua gjatë gjithë ndeshjes.

Humbjen e bëri edhe më të lehtë largimi i Ronald Araujos me karton të kuq në fund të pjesës së parë kur rezultati ishte 1-0.

Ky largim i kapitenit bëri që ekipi të fokusohet në mbrojtje dhe të gjitha zëvendësimet e Hansi Flick u bënë për të krijuar balanca mes reparteve.

Njëri nga të larguarit ishte talenti i madh spanjoll, Lamine Yamal, i cili u largua në minutën e 79-të me rezultatin 3-0 në favor të Chelseat.

Lojtari i ri doli nga fusha duke u dukur serioz dhe i pakënaqur, pasi nuk e priti aspak mirë këtë zëvendësim.

Në stol, shokët e tij të ekipit u përpoqën ta ngushëllonin pavarësisht rezultatit të pabarabartë.

Videon mund ta shikoni KËTU. /Telegrafi/

Chelsea arriti një nga fitoret më mbresëlënëse të sezonit duke mposhtur Barcelonën 3:0 në “Stamford Bridge”, ndërkohë që portieri Robert Sanchez u bë protagonist edhe pas ndeshjes me një deklaratë të fortë ndaj talentit katalanas, Lamine Yamal.

Barcelona nuk arriti të shënojë asnjë gol, ndërsa Chelsea dominoi plotësisht, madje rezultati mund të kishte qenë edhe më i thellë po të ishte treguar më konkret në fazën ofensive.

Një nga figurat kyçe të ndeshjes ishte mbrojtësi spanjoll Marco Cucurella, i rritur në akademinë e Barcelonës, i cili neutralizoi plotësisht Yamalin dhe krahun e majtë të sulmit katalanas.

Mbrojtësi i Chelseat u shpall lojtar i ndeshjes për paraqitjen e tij të jashtëzakonshme, ndërsa shoku i tij i skuadrës, Robert Sanchez, e “vulosoi” performancën me një koment që bëri bujë në rrjetet sociale dhe mediat angleze.

“Ku është Yamal? Ai është në xhepin e Cucurellës. Të gjithë duken shumë mirë derisa të arrijnë në Ligën Premier dhe të provojnë veten në atë nivel. Barcelona favorite? Jo, ne jemi favoritë”, deklaroi portieri pas ndeshjes.

Deklarata e Sanchez përmbledh në mënyrën më të mirë atë që ndodhi në fushë: një Barcelonë e pafuqishme, një Yamal i izoluar dhe një Chelsea i disiplinuar që kontrolloi plotësisht lojën.

Fitorja 3:0 mund të ketë pasoja të rëndësishme për vazhdimin e sezonit, duke rikthyer besimin te Blutë dhe duke vënë në presion skuadrën katalanase pas një nate zhgënjyese në Londër. /Telegrafi/

Sulmuesi anësor i Barcelonës, Lamine Yamal, ka shprehur besimin dhe dëshirën e tij për të fituar çdo trofe të mundshëm këtë sezon me ekipin dhe kombëtaren.

Yamal është njëri nga emrat më të përfolur në botë viteve të fundit dhe ishte shumë afër të fitonte Topin e Artë 2025, por u mposht në fund nga Ousmane Dembele.

Megjithatë, 18-vjeçari spanjoll nuk është dorëzuar dhe synon të fitojë çmimin e madh individual, por edhe çdo trofe tjetër ekipor me Barcelonën dhe Kombëtaren e Spanjës.

Flick dhe Yamal fitojnë çmimet kryesore të Marca në La Liga për sezonin 2024/25

“La Liga, Liga e Kampionëve, Kupa e Botës apo Topi i Artë? Dua gjithçka. Shpresoj t’i arrij të gjitha dhe për sa kohë që mund të luajmë, është e mundur”, tha 18-vjeçari pasi fitoi çmimin Di Stefano, i cili u dha nga Marca lojtarit më të mirë të sezonit 2024/25.

“Të gjithë trofetë individualë tregojnë se ka qenë një sezon i shkëlqyer për ekipin. Për mua, kjo sjell lumturi dhe krenari”.

“Grumbullimi i çmimeve në moshën time është shumë pozitiv. Do të vazhdoj të punoj dhe të luftoj për të arritur gjëra të tilla", përfundoi sulmuesi i Barcelonës. /Telegrafi/

Sezoni sensacional i Barcelonës për sezonin 2024/25 nën drejtimin e Hansi Flick dhe Lamine Yamal është vlerësuar edhe më tej, pasi të dy fituan çmimet prestigjioze nga gazeta Marca.

Flick mori trofeun Miguel Munoz për trajnerin më të mirë të La Ligas, pasi udhëhoqi ekipin drejt titullit të ligës, Copa del Rey dhe Supercopa, si dhe arriti deri në gjysmëfinalet e Ligës së Kampionëve.

Lamine Yamal, sulmuesi i ri dinamik, mori çmimin Alfredo Di Stefano si ‘Lojtari i Sezonit’ i La Ligas, duke u bërë fituesi më i ri i këtij çmimi, pasi regjistroi nëntë gola dhe 15 asistime në 35 ndeshje gjatë serisë së Barcelonës drejt fitores së titullit.

Më të mirët e vitit nga gazeta Marca

Stili dhe kreativiteti i shkëlqyer i sulmuesit anësor spanjoll ishin thelbësorë për shkëlqimin e sulmit të ekipit blaugrana.

Flick mbërriti në Barcelonë në maj të 2024 pasi u bë trajneri i parë i Gjermanisë që u shkarkua në historinë e këtij roli në shtator 2023. /Telegrafi/

Sulmuesi anësor i Barcelonës, Lamine Yamal thuhet se po ndjek një plan të rreptë për të kaluar problemet shëndetësore, të cilat e kanë shqetësuar tash e sa kohë.

Sipas gazetës Mundo Deportivo, ylli i Barcelonës, Yamal, po punon në një program të strukturuar rikuperimi për të kapërcyer problemet e tij kronike në zonën pubike.

18-vjeçari iu nënshtrua një trajtimi invaziv gjatë pushimit ndërkombëtar, i cili bëri që ai të humbiste ndeshjet kualifikuese të Spanjës për Kupën e Botës kundër Gjeorgjisë dhe Turqisë.

Ai gjithashtu ka filluar të punojë me fizioterapeutët e klubit, Dr. Ernest Schilders dhe Dr. Pruna, për të përshpejtuar shërimin e tij.

Yamal mori pjesë në stërvitjen në grup dje dhe do të jetë i disponueshëm për ndeshjen e së shtunës në La Liga kundër Athletic Bilbao në Spotify Camp Nou.

Megjithatë, koha e tij e lojës do të menaxhohet në mënyrë që ai të jetë plotësisht i gatshëm për ndeshjen e javës së ardhshme në Ligën e Kampionëve kundër Chelseat.

Edhe pse planet për operacion janë hedhur poshtë, anësori i jashtëzakonshëm po ndjek një rrugë të rreptë rikuperimi për të shmangur një rikthim të lëndimit të tij.

Duket se Yamal i ka kapërcyer problemet me formën fizike dhe ka gjetur formën e tij më të mirë, duke shënuar tre gola dhe duke dhënë një asistim në tre ndeshjet e fundit. /Telegrafi/

Legjenda holandeze e futbollit, Wesley Sneijder, ka bërë një deklaratë të guximshme: sipas tij, Lamine Yamal ka potencialin të shkojë përtej nivelit të Lionel Messit.

Ish-mesfushori i Real Madridit beson se adoleshenti i jashtëzakonshëm i Barcelonës është në rrugën e duhur për t’u bërë lojtari më i mirë i gjeneratës së tij dhe të qëndrojë në “Camp Nou” për të paktën edhe një dekadë.

Yamal e mbylli vitin 2025 si nënkampion i “Topit të Artë”, duke u renditur i dyti pas Ousmane Dembele – një arritje e jashtëzakonshme për një lojtar kaq të ri.

Lëndimet që e ngadalësuan një nisje perfekte

Pas sezonit të jashtëzakonshëm 2024/25, ku kontribuoi në fitoret e Barcelonës në Spanjë dhe e ndihmoi klubin të arrinte në gjysmëfinale të Ligës së Kampionëve, Yamal është përballur me disa probleme fizike këtë sezon. Ai humbi katër ndeshje të La Ligës në shtator dhe tetor për shkak të një shqetësimi në ijë, i cili më pas u diagnostikua si pubalgji.

Edhe grumbullimin e fundit me Spanjën u detyrua ta braktisë, por pritet të jetë plotësisht i gatshëm për periudhën e ngjeshur të ndeshjeve gjatë fundvitit. Megjithatë, statistikat e tij mbeten të shkëlqyera: ai ka kontribuar në 11 gola në 11 paraqitje këtë sezon.

Sneijder: Yamal është Messi i ri i Barcelonës

Sneijder shprehet se Yamal tashmë shihet si trashëgimtari natyral i Messit te Barcelona — dhe madje si lojtar me potencial për të arritur më lart.

“Flasim shpesh nëse Yamal mund të bëhet Messi një ditë. Por për mua, Lamine Yamal është Messi i ri i Barcelonës”, deklaroi Sneijder për AdventureGamers.

“Ata kurrë nuk do ta lënë të largohet dhe mendoj se as ai vetë nuk dëshiron të largohet. Është rritur në klub dhe tashmë ka arritur gjëra të mëdha. Është bërë një yll i madh dhe s’ka arsye të shkojë në Angli, Gjermani apo diku tjetër”.

“Ndoshta një ditë, ashtu si Messi, do të kërkojë një përvojë të re. Por nëse flasim përsëri pas 10 vitesh, e shoh ende te Barcelona. A mund ta arrijë nivelin e Messit apo të shkojë përtej? Po, është e mundur. Ai përmirësohet çdo vit dhe tashmë është në një nivel të jashtëzakonshëm”, shtoi holandezi.

Rikthimi emocionues në Camp Nou

Barcelona po përgatitet të rikthehet në stadiumin e saj historik për herë të parë që nga mbyllja e tij në vitin 2023 për rinovim të thellë.

Yamal ndau emocione në rrjetet sociale duke shkruar: “Netë të veçanta po vijnë”, ndërsa tregoi pamje nga punimet në stadium.

Madje edhe Lionel Messi vizitoi Camp Nou gjatë pushimit të fundit ndërkombëtar, gjë që rriti edhe më shumë emocionet e tifozëve. /Telegrafi/

Lojtari i ri i Real Madridit dhe Spanjës, Dean Huijsen, ka folur hapur rreth dinamikës konkurruese me Lamine Yamal të Barcelonës dhe Dani Carvajal të Real Madridit.

Fjalosja dhe konflikti verbal mes Yamal dhe Carvajal pas El Clasicos së fituar 2-1 nga Real Madridi ndaj Barcelonës ka bërë që të diskutohet shumë për raportet mes futbollistëve te Kombëtarja e Spanjës.

Megjithatë, sipas mbrojtësit të Real Madridit, Huijsen, ky konflikt nuk ndikon aspak te ekipi kombëtar pasi aty janë bashkëlojtarë dhe kur luajnë me skuadra është normale të ketë rivalitet.

Trajneri i Spanjës, De la Fuente flet për grindjen Yamal-Carvajal

“Lamine Yamal dhe Dani Carvajal? Në fushë duam të vrasim njëri-tjetrin, por jashtë ka një atmosferë shumë të mirë. Duhet të jetë kështu”, ka thënë fillimisht Huijsen.

Huijsen theksoi ekuilibrin midis konkurrencës së ashpër në fushë dhe shoqërisë jashtë saj.

“Ne vijmë këtu si shokë skuadre, por kur luajmë në klube, jemi rivalë. Është normale”, përfundoi mbrojtësi spanjoll.

Ky informacion vjen përpara ndeshjeve kryesore ndërkombëtare, ku Spanja do të kërkojë të kualifikohet për Kupën e Botës të vitit të ardhshëm. /Telegrafi/

Presidenti i Barcelonës, Joan Laporta, ka shprehur besim të plotë tek ylli i klubit, Lamine Yamal, duke theksuar se nuk është aspak i shqetësuar për stilin e jetës së tij jashtë fushës.

Laporta e ka përgëzuar 18-vjeçarin për maturinë dhe përkushtimin që tregon, pavarësisht moshës së re dhe sfidave fizike me të cilat po përballet.

“Nuk jam aspak i shqetësuar. Ai është një lojtar që duhet të mbrohet dhe të mbështetet, por është shumë më i pjekur se çdo fëmijë tjetër i moshës së tij”, ka thënë Laporta.

Presidenti i katalanasve zbuloi gjithashtu se Yamal po luan me shqetësime pubalgjike, por vlerësoi vendosmërinë e tij për të vazhduar të ndihmojë skuadrën.

“Ai aktualisht po përballet me probleme pubalgjike dhe është shumë e lavdërueshme që ai ende po luan. Kjo tregon përkushtimin e tij”.

Laporta shprehu admirimin e tij të plotë për talentin spanjoll, duke e cilësuar si një nga futbollistët më të veçantë të momentit.

“Si futbollist, ai është një gjeni. Duhet ta mbrojmë dhe ta ndihmojmë të përmirësohet çdo ditë, sepse ende nuk e ka arritur kulmin e tij. Ai është më i miri në botë në pozicionin e tij”, përfundoi Laporta.

Me këto deklarata, kreu i Barcelonës dërgon një mesazh të qartë për mbështetjen e klubit ndaj talentit që po konsiderohet si e ardhmja e skuadrës blaugrana. /Telegrafi/

Aitor Karanka, drejtori sportiv i Federatës Spanjolle të Futbollit (RFEF), siguroi se nuk ka asnjë tension mes kombëtares dhe Barcelonës pas largimit befasues të Lamine Yamal nga skuadra e Spanjës të martën.

Karanka hodhi poshtë çdo spekulim që sugjeronte prishje të marrëdhënieve mes dy palëve, duke theksuar se komunikimi me katalanasit është “fantastik”.

Kombëtarja e Spanjës dhe trajneri Luis de la Fuente morën një goditje të fortë të martën në mëngjes, pas njoftimit për largimin e Yamal nga lista e skuadrës për ndeshjet kualifikuese të Kupës së Botës kundër Gjeorgjisë dhe Turqisë, që do të luhen më 15 dhe 18 nëntor.

Ylli i Barcelonës iu nënshtrua një terapie invazive me radiofrekuencë për të luftuar shqetësimet e vazhdueshme nga pubalgjia dhe pritet të mungojë për 7 deri në 10 ditë.

Karanka siguroi se komunikimi midis federatës dhe të gjitha klubeve është në nivel shumë të lartë, duke shtuar se vendimi u mor për të mirën e lojtarit dhe për t’u fokusuar në rikuperim.

Lamine Yamal

“Parehati? Kjo nuk është më puna ime, është çështje e mjekëve. E kam thënë gjithmonë, madje edhe dje, që komunikimi me të gjitha klubet ka qenë fantastik. Kam qenë në kontakt me Deco deri sot në mëngjes, kur u mor vendimi. Dhe gjithçka u bë për të mirën e djalit, që të rikuperohet sa më shpejt”.

“Sa më mirë të jetë në klub, aq më mirë do të jetë edhe për kombëtaren. Trajneri i kombëtares ishte me të mbrëmë dhe sot në mëngjes, përpara se të largohej nga lista”.

“Ishim të lumtur sepse Lamine po kthehej në formën e tij më të mirë; zhvilloi një ndeshje të shkëlqyer kundër Club Brugge dhe shënoi në Vigo para pak ditësh”.

“Ishim të etur ta shihnim sërish, por ai ka disa shqetësime fizike, dhe ajo që duam si kombëtare ashtu edhe Barça, është që ai të rikthehet sa më shpejt në nivelin e lojtarit që na magjepsi jo shumë kohë më pare”, ka thënë Karanka./Telegrafi/

Trajneri Luis de la Fuente shprehu pakënaqësinë e tij për problemet që lidhen me Lamine Yamal dhe tërheqjen e tij nga kombëtarja spanjolle, gjë që do të bëjë që ai të humbasë ndeshjet kundër Turqisë dhe Gjeorgjisë.

Ju kujtojmë se Federata Spanjolle e Futbollit (RFEF) tha se vendimi u mor në përputhje me prioritetet e shëndetit, sigurisë dhe mirëqenies së lojtarëve.

De la Fuente ishte i drejtpërdrejtë në lidhje me mungesën e papritur të yllit të Barçës për shkak të lëndimit.

"Nuk më duket shumë normale. Nuk kam përjetuar kurrë një situatë të tillë", tha De la Fuente pasi mësoi se lojtari i ishte nënshtruar trajtimit pa informuar stafin mjekësor të ekipit kombëtar.

“Këto janë veprime që ndodhin jashtë kontrollit të ekipit kombëtar; ato ndodhin dhe ne duhet t'i pranojmë”, përfundoi spanjolli.

Yamal largohet nga skuadra e Spanjës shkaku i problemit shëndetësor

Kjo situatë i thelloi më tej marrëdhëniet tashmë të tendosura midis Barcelonës dhe ekipit kombëtar spanjoll.

Sipas raportimeve nga Spanja, ka pakënaqësi të madhe brenda Federatës sepse klubi vendosi ta kryente trajtimin pa u konsultuar me mjekët e ekipit kombëtar, edhe pse dihej se kjo do ta pengonte Yamalin të luante për ekipin kombëtar.

Ju kujtojmë se konflikti midis Barcelonës dhe trajnerit Luis de la Fuente ka filluar që nga shtatori, kur trajneri i atëhershëm i Barçës, Hansi Flick, kritikoi Federatën për mënyrën se si e trajtoi lojtarin e ri sulmues, duke pretenduar se ai nuk ishte i mbrojtur mjaftueshëm nga mbingarkesa fizike. /Telegrafi/

The post E papritur! Lamine Yamal përjashtohet nga skuadra e Spanjës appeared first on iconstyle.al.