Kryeministri Edi Rama ndodhet në Izrael me rastin e pjesëmarrjes së tij në konferencën Ndërkombëtare për Luftën kundër Antisemitizmit. Në llogarinë e tj në Facebook, ai ka postuar foto nga vizita e tij në Nova Site në Izrael, në memorialin e viktimave të Festivalit Nova, një monument që përkujton viktimat e masakrës së festivalit muzikor Nova gjatë sulmeve të 7 tetorit 2023

Në këtë vizitë, Kryeministri shoqërohet nga delegacioni shqiptar dhe bashkëshortja e tij, Linda Rama. Kryeministri u shpreh se Nova Site është edhe stacioni i parë, duke shtuar se është kthyer në një tempull reflektimi për jetën urrejtjen dhe çmimin e paqes.

Ditën e nesërme, me 26 janar, ora 11:00, Rama do të zhvillojë një takim me Kryeministrin e Izraelit, Benjamin Netanyahu, i cili do të pasohet nga takimi mes dy delegacioneve dhe një deklaratë për shtyp. Ndërkohë bashkëshortja e kryeministrit, Linda Rama, në shoqërinë e bashkëshortes së Presidentit të Izraelit, Isaac Herzog, do të zhvillojë një vizitë në Bibliotekën Kombëtare.

“Nova Site, Izrael Stacioni i parë në Izrael – një vend që kumbon pa fjalë. Mes humbjeve rrëqethëse, një pyll festash i kthyer në një tempull reflektimi për jetën, urrejtjen dhe çmimin e paqes”, shkruan ai.

The post Rama në Izrael: Nova Site, një tempull reflektimi për jetën, urrejtjen dhe çmimin e paqes appeared first on Albeu.com.

Teksa ishte e ftuar në një studio televizive, poetja Mimoza Ahmeti komentoi puthjen mes Brikenës dhe Mateos, e pretenduar nga ky i fundit.

Duke sjellë një rrëfim personal mbi mënyrën se si ajo e percepton një situatë të tillë, Ahmeti u kap në befasi nga pyetja e Iliri Vrenozit, i cili e pyeti nëse ishte puthur ndonjëherë në buzë me kryeministrin Edi Rama.

Pjesë nga biseda:

Ahmeti: Për puthjen kam një variant, thashethemet janë hapur. Herën e parë tregova një histori për njërin që më donte dhe ishit kuriozë.

Po ai më rrëmbeu puthjen ndërkohë që unë nuk isha dakord dhe për më tepër që s’më pëlqeu fare.

Se ndodh ta rrëmbesh po ndoshta dhe të pëlqen. Dhe unë nuk e konsideroja puthje, ndërsa ai po.

Shoku i tij më tha ‘jeni puthur’. Unë i thashë ‘jo’, sepse nuk e konsideroja. Sepse kemi përfytyrimet dhe shijet.

Përveç se ma rrëmbeu, se ishte dhe puthja e parë, unë mbeta pa numër. Kështu që puthja e parë u dogj, isha 16 vjeçe.

Vrenozi: Mos më thuaj që je puthur me Edi Ramën?!

Ahmeti: Ah sikur.. (qesh) po nuk ishte. Përveç kësaj më la një shije fizike shumë të keqe. Bleva pastën e parë të dhëmbëve, të dytën… Isha e revoltuar nga shija e pakëndshme.

The post ‘Je puthur në buzë me Edi Ramën?’/ Ilir Vrenozi kap në befasi Mimoza Ahmetin, ja si përgjigjet poetja appeared first on Albeu.com.

Dyshja e shumëpërfolur, Lim Hoti dhe Alba Pollozhani, duket se kanë bërë paqe me njëri-tjetrin.

Ka qenë banori që i ka kërkuar Albës një përqafim, të cilin e pranoi dhe dukej shumë e lumtur për këtë.

Më pas Limi nuk u përmbajt dhe shihet teksa e mban në krahë konkurrenten e Big Brother.

Siç shihet, ata po tentojnë të rikthejnë marrëdhënien e tyre sikur më parë.

Kjo ka bërë që të ketë reagime të shumta edhe nga banorët e tjerë, të cilët ngelën të befasuar.

Situata vjen pak ditë pasi Limi kërkoi një distancim nga Dolce, me të cilën krijoi një raport të afërt me puthje e përqafime.

Mbetet për t’u parë ngjarja e tyre në ditët në vijim, nëse do të ribashkohen.

The post Pajtohen Limi dhe Alba, shkëmbejnë puthje dhe përqafime appeared first on Albeu.com.

Të paktën 80 persona të cilët konsideroheshin të burgosur politikë janë liruar këtë të dielë si pjesë e një procesi lirimi që është në vazhdim në Venezuelë.

Alfredo Romero, drejtori i grupit venezuelian të të drejtave të njeriut “Foro Penal” tha se ata u liruan nga burgjet në të gjithë vendin dhe ka të ngjarë të ketë lirime të tjera. Ndërkohë presidentja e përkohshme e Vnezuelës, Delcy Rodriguez, tha të premten se 626 persona janë liruar nga burgu, por ajo nuk specifikoi afatin kohor të lirimeve të raportuara. Megjithatë, Foro Penal, para të dielës, kishte konfirmuar lirimin e vetëm 156 të burgosurve politikë në Venezuelë që nga 8 janari.

Rodriguez shtpi se do të ketë një telefonatë me Komisionerin e Lartë të Kombeve të Bashkuara për të Drejtat e Njeriut Volker Turk, për t’i kërkuar OKB-së të verifikojë listat e personave të liruar deri më tani.

The post Ditë të mira për Venezuelën, lirohen 80 të bugosur politikë gjatë ditës së sotme appeared first on Albeu.com.

Grida Duma ka bërë një nga rrëfimet më personale deri më tani në bisedën me Bora Zemanin në Grida Duma Podcast. Për herë të parë, ajo foli hapur për një fazë të rëndësishme të jetës së saj, duke e përshkruar vitin që lamë pas si një periudhë qartësie dhe çlirimi emocional.

“Për herë të parë nuk kam pasur asnjë siklet të lëshoj,” u shpreh Duma, duke treguar se ka ardhur një moment në jetën e saj kur mbajtja e gjërave, njerëzve apo situatave nuk është më domosdoshmëri, por zgjedhje e vetëdijshme. Sipas saj, jo çdo gjë që mbahet është vlerë dhe jo çdo lëshim është humbje.

Në rrëfimin e saj, Grida Duma thekson se me rritjen personale vjen edhe aftësia për të dalluar se cilat marrëdhënie dhe situata “rrinë mirë” pranë teje dhe cilat kthehen në peshë. “Vjen një pikë ku nuk investon më përtej vetes. Gjërat rrinë ose nuk rrinë vetë,” shpjegon ajo.

Bora Zemani, nga ana e saj, e përforcon këtë ide duke e quajtur procesin e lëshimit si një “pastrim” të domosdoshëm që ndodh në një fazë të caktuar të jetës. Një pastrim që sjell lehtësi, rehati dhe një raport më të shëndetshëm me veten.

The post Grida Duma rrëfim për jetën personale: Kam ndalur së bëri sakrifica, lëshova njerëz në vitin që lamë pas appeared first on Albeu.com.

Era e fortë ka përfshirë qytetin e Vlorës, duke shkaktuar probleme në qarkullimin rrugor. Si pasojë e reshjeve dhe erës, disa pisha janë rrëzuar në rrugën për në Zvërnec, duke bllokuar trafikun për automjetet.

Shërbimet e Zjarrfikësve ndodhen në vendngjarje dhe po punojnë për të zhvendosur pemët dhe për të rifilluar normalisht qarkullimin e automjeteve.

Autoritetet apelojnë për kujdes maksimal drejtuesit e mjeteve dhe këmbësorët në zonat e prekura.

The post Era e fortë rrëzon disa pisha rrugës për në Zvërnec, bllokohet kalimi për automjetet, ndërhyjnë forcat zjarrfikësve appeared first on Albeu.com.

Për Kosovën nuk do të ishte hera e parë që Rusia kërkon hise në fatin e saj. Nga kundërshtimi i intervenimit të NATO-s më 1999, te krahasimi me Krimenë e aneksuar dhe bllokimi i njohjeve ndërkombëtare, Moska ka luajtur vazhdimisht rolin e kundërshtarit të shtetësisë së saj.

Sot, kur marrëdhëniet mes SHBA-së dhe BE-së janë të tensionuara, ky ndikim rus rrezikon të bëhet edhe më i hapur.

Këtë javë, ministri i Jashtëm i Rusisë, Sergei Lavrov, konfirmoi se Moska ka hapur kanale komunikimi me Shtetet e Bashkuara për zhvillimet në Ballkan dhe se është e gatshme t’i thellojë ato. Ai, gjithashtu, la të kuptohet se edhe amerikanët duan të angazhohen.

“Ne kemi më shumë mundësi për të komunikuar me SHBA-në [sesa me BE-në] për Ballkanin – veçanërisht për Bosnje e Hercegovinën dhe vendet e tjera të rajonit. Kontaktet e tilla po vazhdojnë. Ato ende nuk kanë sjellë rezultate pozitive ose të qarta. Por, ne jemi të hapur për këto kontakte dhe, mësa mund të gjykoj, edhe kolegët tanë amerikanë janë të gatshëm t’i zhvillojnë”, tha Lavrov.

Radio Evropa e Lirë pyeti Departamentin amerikan të Shtetit nëse SHBA-ja po diskuton me Rusinë për Kosovën, Bosnjën apo vendet e tjera të Ballkanit, si koordinohet me Evropën dhe si e vlerëson rolin e Moskës në rajon, por nuk mori asnjë përgjigje që nga 20 janari.

Bashkimi Evropian theksoi se nuk mund t’i konfirmojë shkëmbimet e mundshme mes palëve të treta.

“BE-ja është partneri kryesor politik, ekonomik dhe strategjik i Ballkanit Perëndimor dhe është plotësisht e angazhuar në rajon”, tha një zëdhënës i bllokut për Radion Evropa e Lirë.

Qeveria në detyrë e Kosovës nuk i komentoi deklaratat e Lavrovit, por kryeministri Albin Kurti, në një ngjarje në Davos, paralajmëroi për kërcënimin e tërthortë që i vjen Kosovës nga Rusia përmes Serbisë – të dyja shtete që s’e njohin pavarësinë e saj.

“Kushdo që ndihmon fqinjin tonë verior në përpjekjet për të na destabilizuar, na shkakton probleme edhe neve. Kërcënimi ynë më i afërt në këtë drejtim është Federata Ruse”, tha Kurti.

Në Ballkanin Perëndimor, Rusia ka një rol aktiv, kryesisht përmes lidhjeve të saj me Serbinë dhe Republikën Sërpska në Bosnje dhe Hercegovinë, ndërsa ndikimi i saj në vende të tjera, si Mali i Zi, Maqedonia e Veriut dhe Kosova, mbetet më i kufizuar dhe shpesh indirekt.

Përmes dezinformatave, medias proruse dhe ndikimit energjetik, Moska synon të ngadalësojë integrimin euroatlantik, të shtojë paqëndrueshmërinë në rajon dhe të sfidojë interesat e SHBA-së dhe BE-së.

Parlamenti Evropian ka miratuar disa rezoluta që i dënojnë këto praktika dhe kërkojnë reagim të koordinuar nga Bashkimi Evropian dhe vendet partnere.

Një raport i Qendrës Kosovare për Studime të Sigurisë, i publikuar në vitin 2024, nënvizon se “një nga qëllimet e Rusisë në Ballkanin Perëndimor është të parandalojë rreshtimin e Serbisë krah Perëndimit. Një mënyrë për ta arritur këtë, është mbështetja e vendosur e qëndrimit të Serbisë ndaj Kosovës dhe pengimi i procesit të normalizimit të marrëdhënieve ndërmjet Kosovës dhe Serbisë”.

Në gati katër vjetët e fundit – prej se Rusia ka nisur pushtimin në shkallë të plotë të Ukrainës – Moska është përballur me një mur sanksionesh ekonomike dhe izolimi diplomatik nga Perëndimi.

Së fundmi, disa prej këtyre pengesave kanë nisur të zbuten, veçanërisht pas takimit mes presidentit amerikan, Donald Trump, dhe atij rus, Vladimir Putin, vitin e kaluar në Alaskë, si dhe bisedimeve pasuese mes zyrtarëve të të dyja vendeve për të gjetur një rrugëdalje nga konflikti në Ukrainë.

Shumë prej udhëheqësve evropianë, nga ana e tyre, kanë mbajtur qëndrime më të forta dhe nuk kanë dhënë sinjale lehtësimi ndaj Rusisë. Por, raportet transatlantike i kanë tensionuar edhe një varg çështjesh tjera – nisur nga situata në Gazë deri tek ambiciet amerikane për Grenlandën – duke e bërë skenën ndërkombëtare më të paparashikueshme se kurrë.

“E dua Evropën dhe dua ta shoh mirë, por nuk po shkon në drejtimin e duhur”, tha Trump në Forumin Ekonomik Botëror, që u mbajt këtë javë në Davos.

Për Ivanа Stradnerin, nga Fondacioni për Mbrojtjen e Demokracisë në Uashington, çarja transatlantike është një “ëndërr e bërë realitet për Moskën”, pasi i jep asaj mundësinë t’i shfrytëzojë krizat në Ballkan dhe të bëjë llogari për Ukrainën. Ndër vendet më të cenueshme është Bosnje dhe Hercegovina.

“… për shkak të grupeve të ndryshme fetare dhe etnike. Kjo krijon një pikë fërkimi që Rusia mund ta shfrytëzojë për të përshkallëzuar krizën – me ndihmën edhe të udhëheqësit serb, Millorad Dodik – dhe më pas për ta qetësuar situatën. Këtë do ta përdorte si kartë për negociata, duke i thënë Perëndimit se, nëse nuk do që konflikti të përhapet më tej, ai duhet të negociojë me Rusinë”, thotë Stradner për programin Expose të Radios Evropa e Lirë.

Charles Kupchan, nga Këshilli për Marrëdhënie me Jashtë në Uashington, thotë se Rusia do që ta paraqesë SHBA-në si palë reale negociuese dhe BE-në si të parëndësishme. Ai e konsideron ndarjen transatlantike si tejet të rrezikshme dhe kundërproduktive për frenimin e Rusisë.

Sipas tij, heqja e sanksioneve ndaj Dodikut e ka afruar qëndrimin e SHBA-së me interesat e Moskës në Bosnje e Hercegovinë – ndonëse Departamenti amerikan i Shtetit ka sqaruar më herët për Radion Evropa e Lirë se ky vendim është marrë pas tërheqjes së autoriteteve të Republikës Sërpska nga një sërë ligjesh të vlerësuara si antikushtetuese.

Kupchan i interpreton deklaratat e Lavrovit si një sinjal të hapjes më të madhe të Uashingtonit ndaj Moskës, krahasuar me Brukselin, dhe si pjesë e një modeli më të gjerë, ku politika amerikane përkon pa dashje me synimet ruse në Ballkan.

“Duke qenë se Dodiku është prorus dhe duke pasur parasysh se Rusia favorizon paqëndrueshmërinë në rajon – gjë për të cilën njihet edhe Republika Sërpska – kjo, në njëfarë mënyre, i vendos Uashingtonin dhe Moskën në të njëjtën vijë kur bëhet fjalë për Bosnje e Hercegovinën”, thotë Kupchan për Exposenë.

Kupchan vlerëson se dialogu i SHBA-së me Rusinë për Ukrainën është i nevojshëm, por paralajmëron se në Ballkan bashkëpunimi me Moskën duhet shmangur, pasi interesat e saj janë “diametralisht të kundërta” me ato amerikane.

“Partner kryesor i Amerikës në Ballkan është Bashkimi Evropian, jo Rusia. Për këtë arsye, ajo që duhet parë, është një bashkëpunim dhe diplomaci shumë më e intensifikuar mes SHBA-së dhe BE-së, edhe pse është e vështirë tani, duke pasur parasysh se marrëdhëniet SHBA-Evropë, në këtë pikë, nuk janë në një gjendje të mirë”, thotë Kupchan.

Ai beson se Kosova është në radarin e Trumpit dhe se administrata e tij do ta shtyjë Prishtinën dhe Beogradin drejt përparimit në negociatat për normalizimin e marrëdhënieve, por vlerëson se Rusia mund të përpiqet ta pengojë këtë proces, pasi “synon të ruajë unitetin pan-ortodoks në rajon”.

Sipas tij, Kosova duhet të jetë në gatishmëri ndaj përpjekjeve të mundshme ruse “për të ndezur trazira të reja”.

E, Stradner ndan një mendim më ndryshe – Kosova është pjesë e një tabloje më të gjerë gjeopolitike, por nuk përbën fokusin kryesor të Rusisë.

“Besoj se situata në Kosovë, sa i përket sigurisë, është më e mirë se disa vite më parë. Dhe, gjëja e fundit që duan tani Shtetet e Bashkuara është një përshkallëzim i pakontrolluar”, thotë Stradner.

Megjithatë, sipas Stradnerit, Kosova nuk mund të harrojë kurrë se në Serbi dhe Bosnje gjenden bastionet kryesore të ndikimit rus. Përveç lidhjeve politike, Moska disponon në këto dy vende edhe leva presioni dhe shantazhi – nisur nga kontrolli mbi energjinë dhe gazin, deri te ndikimi ekonomik dhe mediatik – të cilat përdoren për të ruajtur hapësirën e saj strategjike dhe për të influencuar rajonin.

“Kosova duhet të zhvillojë lidhje shumë më të ngushta me Bashkimin Evropian dhe të jetë jashtëzakonisht diplomatike dhe e mençur në qasjen e saj ndaj Shteteve të Bashkuara”, thotë Stradner.

Edhe BE-ja, sipas Stradnerit, duhet të tregojë lidership të vërtetë në Ballkanin Perëndimor, ku, deri më tash, nuk ka qenë edhe aq efektive.

Por, me fjalët e saj, është koha kur të gjithë jemi si ato “macet që ndjekin lazerin” – reagojmë pa pushim ndaj ngjarjeve që lëvizin shpejt, pa kontroll real dhe pa një ide të qartë se çfarë vjen më pas. Ndërkohë që drita na mban të mbërthyer në lojën e saj, bota nuk pret./REL

The post Marrëdhënia SHBA- BE në tension ! Rusia kërkon ‘hise’ në Kosovë appeared first on Albeu.com.

Aulona Musta ishte e ftuar në “Fan Club”, ku komentoi raportin mes Brikenës dhe Mateos. Sipas saj, duket qartazi që Mateo ka pëlqim ndaj Brikenës, ndërsa për këtë të fundit hodhi dyshimin se ka një histori jashtë.

“Unë personalisht mendoj se pavarësisht dëshirës së publikut, faktit që janë të bukur, unë mendoj që nga ana e Brikenës nuk ka interes dhe pëlqim. Nga ana e Mateos po, mbase i është rindezur një shkëndijë që ka qenë e fikur brenda këtyre viteve. Po bëhet gati një muaj që janë gati në shtëpi dhe duket që Brikena është shumë e prerë. Pas asaj që pa mbrëmë, ajo duket sikur ka një lloj zhgënjimi që Mateo ka nxjerrë shumë detaje.

Brikena mund të ketë një histori jashtë që mund të ketë frikë, trembet. Edhe vetë Brikenën e kemi parë që është liberale. Si personazh ka ngritur shumë pikëpyetje. Në fillim tha ‘skam pasur asnjëherë të dashur’, më pas tha ‘kam puthuar më parë’. Pse po e bën këtë… mendoj se për faktin që është paragjykuar donte ti ndryshonte mendjen publikut shqiptar, duke e ditur që pika e dobët është nderi, që gatuan për vjehrrën, nuk flirton. E hëngri publiku, në BBV është e pamundur të gënjesh për shumë gjatë. Pavarësisht se ka gjëra pozitive këtë kartë që u fut në fillim, s’duhet ta kishte luajtur”– tha ajo.

The post Brikena e lidhur jashtë shtëpisë së “Big Brother Vip”? Aulona Musta: Mund të ketë një histori jashtë që mund të ketë frikë, trembet appeared first on Albeu.com.

Një zjarr është evidentuar këtë mbrëmje pranë zonës së Pashalimanit në Orikum. Në vendngjarje kanë shkuar menjëherë zjarrëfikëset nga Vlora, dhe po ashtu forca dhe mjete nga Himara.

Momentalisht është raportuar se nuk ka rrezik për banesat por era e fortë është “duke ndihmuar” në përhapjen e flakëve duke djegur shkurre dhe dru. Kjo gjë është duke e vështirësuar punën e zjarrfikësve.

Forcat në terren po punojnë për ta mbajtur zjarrin nën kontroll, ndërsa situata po monitorohet.

The post Zjarri “përfshin” zonën pranë bazës së Pashalimanit në Orikum! Era e fortë përhap flakët appeared first on Albeu.com.

Mamaja e Brikenës, pas takimit surprizë me të bijën në shtëpinë e Big Brother VIP Albania ka dhënë një intervistë ekskluzive për “Fan Club”.

Gjatë intervistës, ajo foli për rrugëtimin e Brikenës brenda shtëpisë , si dhe marrëdhënien e saj me Mateon. Ajo u shpreh se Brikena ka një mbështetje të pakushtëzuar nga familja e saj.

Gjithashtu ajo u shpreh se ka një respekt për Mateon dhe se ai është shumë djalë i mirë, të cilit i uron shumë suksese.

“Jemi të kënaqur me Brikenën. I urojmë suksese. E njëjta Brikenë që është në shtëpi, është edhe këtu. Duhan i thashë mos të pijë shumë. Kemi qenë dakord për të hyrë në BBV. Është një vajzë inteligjente.

Mateo është shumë djalë i mirë, kam respekt. I urojmë shumë suksese. Nga ana jonë nuk ka kurrë gjë. Jemi me Brikenën, ca të vendosë ajo, me atë jemi dhe ne. Nuk jemi kundër kurrë gjëje.

Brikenën e presim me fitore. Çfarë të vendosë Brikena, ne jemi me atë.”, u shpreh ajo.

The post Mateo i kërkoi falje, flet për herë të parë nëna e Brikenës: Nuk jemi kundër lidhjes, jemi dakord me atë çfarë vendos vajza appeared first on Albeu.com.

Në aksin Librazhd-Elbasan, është krijuar fluks automjetesh duke krijuar një trafik kilometrik.

Shkaqet kryesore të krijimit të kësaj radhe kilometrike mendohet të jenë punimet, por edhe lëvizjet e fundjavës.

Kjo është një situatë “e njohur” tashmë për këtë aks i cili shpesh herë sidomos gjatë fundjavave përballet me radhë kilometrike makinash.

The post Fundjava “rikthen” trafikun kilometrik në aksin Librazhd-Elbasan appeared first on Albeu.com.

Një aksident me pasojë vdekjen ka ndodhur sot në fshatin Agim të Libofshës në Fier. Sipas policisë, një drejtues motori ka dalë nga rruga, duke humbur jetën.

35-vjeçari është transportuar me urgjencë drejt Spitalit Rajonal Fier, por nuk ka mundur t’u mbijetojë plagëve të marra dhe ka ndërruar jetë gjatë rrugës për në spital. Rrethanat e ngjarjes nuk janë zbardhur ende ndërsa forcat policore vazhdojnë hetimet në vendngjarje për të përcaktuar saktësisht shkaqet.

“Fier/ Informacion paraprak. Në aksin rrugor “Fier-Libofshë”, shtetasi Xh. K., rreth 35 vjeç, duke drejtuar një motomjet pa targa, ka humbur kontrollin e motomjetit dhe ka dalë nga rruga. Si pasojë e daljes së motomjetit nga rruga ka humbur jetën shtetasi Xh. K. Grupi hetimor ndodhet në vendngjarje dhe po punon për sqarimin e plotë të rrethanave të aksidentit.”

The post Aksident në Libofshë të Fierit/ Humb jetën drejtuesi i motorit appeared first on Albeu.com.

Një konflikt për motive të dobëta mes dy drejtuesve të automjeteve u kthye në një ngjarje tragjike gjatë orëve të para të mëngjesit të 20 janarit, në aksin rrugor Thumanë-Fushë Krujë. Si pasojë, humbi jetën 57-vjeçari Petrit Ndou, ndërsa për ngjarjen u arrestua në flagrancë 28-vjeçari Andi Vokri.

Sipas policisë, i riu dyshohet se ka goditur disa herë me çekiç në kokë dhe trup Petrit Ndoun, i cili ndërroi jetë menjëherë në vendngjarje për shkak të plagëve të marra. Në dëshminë e dhënë në komisariat, Andi Vokri ka deklaruar se bëhej fjalë për një konflikt të çastit që, sipas tij, i ka dalë nga kontrolli. Ai ka pohuar se gjithçka nisi pasi një automjet i kishte zënë rrugën dhe kishte kërkuar të kalonte i pari për të shmangur një aksident, por pala tjetër nuk kishte pranuar dhe kishte ecur paralel.

Por ky version kundërshtohet fuqishëm nga familja e viktimës.

Bashkëshortja e viktimës, Gjystina Ndou, në një reagim të gjatë dhe të detajuar, shprehet se Petrit Ndou humbi jetën duke tentuar të shpëtonte tre persona të moshuar që ndodheshin në rrezik.

Sipas saj, rreth orës 00:00, ajo dhe bashkëshorti i saj po ktheheshin nga një festë familjare në Bushnesh. Në momentin që mbërritën pranë rrugës ku ndodhi ngjarja, vunë re dy automjete të bllokuara nga një mjet tjetër, që sipas saj ishte i agresorit. Ky i fundit po u bërtiste dhe po godiste automjetet, pasi drejtuesit e tyre nuk mund të hapnin rrugën për t’u zbrapsur.

Gjystina Ndou tregon se Petrit Ndou i njohu personat në automjete, pasi kishin qenë së bashku më herët gjatë mbrëmjes, dhe zbriti nga makina për t’i ndihmuar. Në atë moment, ai pa agresorin duke goditur pasagjeren e njërës makinë, Nikoll Aliaj dhe Lula Aliaj, të dy persona të moshuar. Petriti i është drejtuar agresorit me fjalët: “Janë të moshuar, çfarë po bën, s’të vjen zor?”, duke u përpjekur ta ndalojë dhunën dhe duke mbyllur derën e automjetit për të mbrojtur pasagjeren.

Sipas familjes, agresori ka vijuar me ofendime dhe ka tentuar të vazhdojë dhunën, ndërsa Petrit Ndou ka orientuar dy automjetet e tjera që të zbrapseshin dhe të futeshin në një kthesë, duke i çuar në një vend të sigurt, ku ata qëndruan deri në fund të ngjarjes.

Pas këtij momenti, sipas dëshmisë së bashkëshortes, dy persona të tjerë kanë zbritur nga automjeti i Andi Vokrit për t’u konfliktuar me Petrit Ndoun. Gjystina Ndou ka tentuar t’i ndalojë, por agresori ka vazhduar sherrin, duke iu afruar sërish makinës së viktimës, duke i marrë çelësin e automjetit, duke goditur mjetin dhe duke e shtyrë edhe atë vetë.

E frikësuar, Gjystina Ndou i ka kërkuar me lutje bashkëshortit të largohej dhe të fshiheshin, pasi ishin tre persona agresorë dhe ekzistonte frika se mund të ktheheshin me armë apo mjete të forta. Çifti u fsheh për disa minuta dhe njoftuan policinë, si dhe familjarët që ndodheshin pranë.

Më pas, duke menduar se agresorët ishin larguar, Petrit Ndou është kthyer vetëm për të parë automjetin e tij. Pak më vonë, familjarët mbërritën në vendngjarje, ndërsa sipas dëshmisë, autorët e kanë goditur Petrit Ndoun nga pas në kokë, me një çekiç, duke i shkaktuar vdekjen e menjëhershme.

The post Vrasja brutale e Petrit Ndout! Bashkëshortja e tij rrëfen versionin e saj: U vra në pabesi për të shpëtuar të moshuarit appeared first on Albeu.com.

Kryetari i Lëvizjes “Shqipëria Bëhet”, Adriatik Lapaj tha se, kryeministri Edi Rama drejton qeverinë më hajdute të Europës. Në një takim me mbështetësit e tij në qytetin e Beratit, Lapaj u shpreh se, Edi Rama dhe ministrat e tij janë të angazhuar në dosje që vërtetojnë një abuzim me fonde të Republikës së Shqipërisë. Ndërkohë, Lapaj u bëri thirrje qytetarëve t’i bashkohen masivisht protestës së paralajmëruar më datë 31 janar ora 18:00 në kryeqytet.

“Rama drejton qeverinë më hajdute të Europës. Është e vërtetuar tashmë edhe nga prokuroria e gjykatat që ministrat e tij dhe ai vetë janë të angazhuar në dosje që vërtetojnë një abuzim me fonde të Republikës së Shqipërisë”, tha ai.

The post “Qeveria më hajdute e Europës”/ Lapaj thirrje qytetarëve në Berat: Më 31 janar, bashkohuni masivisht në shesh appeared first on Albeu.com.

Një stuhi masive dimërore, që shtrihet në të gjithë territorin e Shteteve të Bashkuara, ka lënë rreth 730 mijë persona pa energji elektrike në jug të vendit dhe tashmë po lëviz drejt Bregut Lindor, duke shkaktuar kaos në transport dhe paralizim të lëvizjeve.

Që nga mëngjesi i së dielës, më shumë se 190 milionë amerikanë ishin nën paralajmërime për kushte të rrezikshme dimërore, nga Nju Meksiko deri në Karolinën e Veriut dhe më tej deri në Maine.

Stuhia dimërore e quajtur Fern vazhdon të godasë jugun e SHBA-së, duke sjellë borë, shi të përzier me borë dhe shi të ngrirë në një zonë të gjerë. Gjatë orëve të para të së dielës, reshjet e borës kanë arritur edhe në verilindje të vendit.

Sipas parashikimeve, stuhia do të lëvizë drejt lindjes gjatë mëngjesit të së dielës, duke sjellë reshje bore nga Wichita e Kansasit deri në Cincinnati. Flokët e parë të borës pritet të bien në Uashington D.C. që në orët e para të mëngjesit, ndërsa në Filadelfia rreth orës 07:00 sipas orës lokale të Bregut Lindor.

Shi i ngrirë parashikohet deri në lindjen e diellit në zona si Shreveport (Luiziana), Memphis, Atlanta dhe Raleigh (Karolina e Veriut).

Gjatë paradites, zonat në perëndim të lumit Misisipi pritet të fillojnë të thahen, ndërsa stuhia zhvendoset drejt verilindjes.

Nju Jorku pritet të përjetojë reshje bore më vonë gjatë mëngjesit, ndërsa ajri më i ngrohtë që vjen nga jugu mund ta shndërrojë borën në përzierje dimërore në Uashington D.C.

Midis orës 11:00 dhe 16:00 (ET), një brez me reshje të dendura bore dhe përzierje dimërore pritet të prekë korridorin e autostradës I-95, me intensitet deri në 2.5 cm borë në orë. Në Filadelfia parashikohet shi i ngrirë ose përzierje dimërore, ndërsa në Nju Jork dhe më në veri reshjet do të jenë kryesisht borë.

Deri rreth 18:00 (ET), ajri i ngrohtë nga Oqeani Atlantik pritet të depërtojë në korridorin I-95, duke sjellë kalime të shpeshta mes borës, shiut të ngrirë, përzierjes dimërore dhe shiut, ndërkohë që në Nju Angli priten reshje të dendura bore.

Rreth orës 21:00 të së dielës, Nju Jorku pritet të përballet me përzierje dimërore, ndërsa Nju Anglia dhe zonat e brendshme të verilindjes do të vazhdojnë të marrin borë. Reshje të lehta pritet të vazhdojnë deri në mëngjesin e së hënës, me dobësim gradual deri rreth mesditës.

Mbi 10 mijë fluturime të anuluara

Më shumë se 10.000 fluturime janë anuluar të dielën brenda, drejt ose nga SHBA-ja, përfshirë të gjitha fluturimet në aeroportin Ronald Reagan Washington National (DCA) dhe shumicën e fluturimeve në Aeroportin Ndërkombëtar të Filadelfias.

Stuhia ka shkaktuar gjithashtu probleme serioze në rrjetet elektrike të disa shteteve, përfshirë Teksasin dhe Tenesin.

Ndërprerjet e energjisë kanë prekur mbi 244.000 konsumatorë në Tenesi, 134.000 në Teksas, 123.000 në Misisipi, gati 120.000 në Luiziana dhe rreth 40.000 në Kentaki.

The post Stuhi e fuqishme dimërore paralizon SHBA-në, 730 mijë pa energji elektrike! Mbi 10 mijë fluturime të anuluara appeared first on Albeu.com.

Lim Hoti ka zhvilluar mëngjesin e sotëm një bisedë me Benitën, gjatë së cilës ka ndarë disa detaje nga jeta e tij personale.

Gjatë bisedës, Limi ka folur edhe për përleshjet që ka pasur jashtë shtëpisë, duke pranuar se është përfshirë në rrahje.

“A të kanë rrahur, apo i ke rrahur gjithmonë?”, ka qenë pyetja e e Benita.

“Më kanë rrahur, e i kam rrahur, mendon se i tutem dikujt a, kurrë në botë”, është përgjigjur Limi.

Kujtojmë se së fundmi në rrjetet sociale po qarkullon një video ku Limi shihet duke u rrahur nga disa persona në mes të rrugës.

Pretendohet se pas këtij sulmi qëndron Finemi, i cili dyshohet se i ka shkaktuar dëmtime serioze duke ia thyer njërën këmbë.

The post “Më kanë rrahur dhe i kam rrahur”, Lim Hoti ndan detaje nga sherri me Finemin? appeared first on Albeu.com.

Një aksidenti i rëndë ka ndodhur paraditen e sotme në fshatin Bogë të Rugovës, ku kanë mbetur të lënduar katër persona.

Zëdhënësi i Policisë për rajonin e Pejës, Driton Rugova bëri me dije se aksidenti ndodhi pasi një motor bore është përplasur në një shtyllë elektrike, duke shkaktuar lëndime katër personave.

Policia ndodhet në vendngjarje dhe po punon për zbardhjen e plotë të shkaqeve të ngjarjes.

The post Aksident në Bogë, motori i borës përplaset me shtyllën elektrike! Plagosen 4 persona appeared first on Albeu.com.

Instituti i Gjeoshkencave ka ndarë një parashikim për kushtet meteorologjike në vend për fillimjavën.

Sipas të dhënave, në të gjitha qarqet priten reshje intensive deri në mesatare.

Po ashtu, parashikohen probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve për shkak të shtrëngatave dhe intensitetit të lartë të reshjeve.

Reshjet:

Sot pasdite dhe nesër (e hënë, datë 26) priten reshje mesatare deri lokalisht intensive në qarkun Shkodër, Vlorë dhe Gjirokastër, ndërsa në qarqet e tjera reshjet priten të dobëta deri lokalisht mesatare të shoqëruara me shtrëngata.

Në Veri, Lindje dhe Juglindje në lartësitë mbi 900 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Vlorë dhe Gjirokastër.

Temperatura:

Nesër temperaturat minimale dhe maksimale të ajrit pritet të arrijnë:

në bregdet: 8 / 14 °C

në vendet e ulëta: 3 / 13 °C

në vendet malore: 1 / 8 °C

Era:

Sot pasdite dhe nesër era pritet të fryjë mesatare deri e fortë kryesisht në bregdet dhe në vendet malore.

The post Shtrëngata dhe reshje në nisje të javës, IGJEUM zbulon zonat problematike appeared first on Albeu.com.

Dashi

Dite edhe me mosmarrëveshje, por edhe me pasion te zjarrte kjo e sotmja për te dashuruarit. Do përjetoni emocione pa fund. Beqaret do realizojnë takime vërtet interesante te cilat mund t’ua shndërrojnë jetën përgjithmonë. Situata financiare do konsolidohet tej mase. As vete nuk do e kuptoni sepse gjithçka do vendoset ne rregull.

Demi

Do ju kushtoni rëndësi te madhe edhe detajeve te vogla sot juve te dashuruarit dhe gjerat do ecin për mrekulli. Do i harroni njëherë e mire problemet dhe mosmarrëveshjet e dikurshme. Beqaret do vërtiten gjate gjithë kohës ne kërkim te dashurisë, por nuk do e gjejnë atë. Ne planin financiar nuk duhet te rrezikoni shume edhe sikur gjendja te jete e qëndrueshme.

Binjaket

jeta sentimentale e çifteve do jete e favorizuar ne çdo moment. Do dashuroheni me ëmbëlsi me atë qe keni ne krah. Priten dashuri me shikim te pare gjate kësaj dite për beqaret. Shume gjera kane për te ndryshuar rrënjësisht për ta. Ne planin financiar përfitoni nga atmosfera e qete për te riorganizuar gjendjen sepse me vone do jete e pamundur.

Gaforrja

Te dashuruarit do kalojnë një dite shume normale dhe aspak problematike. Ne mbrëmje mund te ketë edhe ndonjë darke romantike. Ju beqaret nuk duhet t’iu besoni plotësisht atyre qe do iu joshin sepse disa janë eksperte te gënjeshtrave. Do vuani me vone nëse nxitoheni. Ne planin financiar situata do ndërlikohet edhe me tepër për shkak te shpenzimeve te detyruara.

Luani

Merkuri nuk do krijoje kushtet e favorshme sot për te dashuruarit dhe nga ana tjetër do i nxite ata te debatojnë me njeri-tjetrin. Dita do jete delikate. Beqaret do jene te pafat dhe nuk do e gjejnë personin e ëndrrave. Financat do jene shume te mira. Do i kryeni te gjitha shpenzimet e domosdoshme dhe do ju mbeten edhe disa para për t’i hequr mënjanë.

Virgjeresha

Dite e mrekullueshme dhe e mbushur me kënaqësi pa fund kjo e sotmja për te dashuruarit. Do ndiheni te bekuar nga yjet ne çdo moment. Beqaret do kenë një dite plot angazhime dhe nuk do kenë mundësi për te dale neper takime. Financat do jene ne një gjendje me te mire se kohet e fundit, por ende nuk është koha për te bere investime te tejskajshme.

Peshorja

Do jeni mjaft ne humor gjate kësaj dite ju te dashuruarit dhe do përgatisni surpriza pa fund për partnerin. Shpeshherë do përjetoni kënaqësi te papërshkrueshme. Beqaret do qëndrojnë serish te vetmuar dhe do e vuajnë tej mase këtë. Mos e fajësoni gjithë kohës veten për gjendjen delikate te financave, por mundohuni te gjeni nga një zgjidhje.

Akrepi

Dite shume e turbullt dhe e mbushur me mosmarrëveshjet te shumta kjo e sotmja për te dashuruarit. Asgjë nuk ka për te ecur ashtu si e kishit ëndërruar. As beqaret nuk do arrijnë ta bëjnë për vete atë qe kane kohe qe e pëlqejnë dhe kjo do i mërzitë. Jupiteri do iu beje me te organizuar ne planin financiar. Situata do vije duke u përmirësuar.

Shigjetari

Venusi do e mbroje sot jetën tuaj ne çift. Klima do jete e ngrohte dhe ju do jeni mjaft seksuale. Do jeni te kuptueshëm dhe do toleroni mjaft. Edhe beqaret me ne fund do vendosin pak rregull ne jetën e tyre. Tregohuni sa me te hapur ndaj takimeve dhe mund te ndeshni personin e ëndrrave. Projekti qe kishit menduar për te përmirësuar financat do te realizohet.

Bricjapi

Jeta sentimentale e çifteve do jete e favorizuar. Iu jeni nder ata qe i jepni një rëndësi te madhe asaj dhe e gjeni kohen kurdoherë. Do ndiheni mire sot. Edhe jeta e beqareve do jete me e animuar. Do keni takime interesante te cilat mund t’iu ndryshojnë rrjedhën e gjithçkaje. Mos e lini zgjedhjen e problemeve financiare për me vone, merruni sot sepse situata mund te ndërlikohet.

Ujori

Gjate kësaj dite do flisni për disa tema delikate me partnerin tuaj. Ai do iu kuptoje dhe do iu mbështesë ne gjithçka. Edhe ata qe kane pasur probleme do mund te vendosin paqen. Dita për beqaret do jete shume e këndshme. Do keni takime interesante me persona qe ia vlen te krijoni një lidhje. Financat do jete te qëndrueshme, por gjithsesi nuk është momenti i duhur për te bere transaksione.

Peshqit

Jeta juaj ne çift do jete gjate gjithë kohës e mbrojtur sot. Do merreni vesh për çdo gjë me personin qe keni ne krah dhe priten veç gjera te mira te ndodhin. Për beqaret do ketë veçse mundësi për aventura kalimtare, asgjë me tepër sesa aq. Financat do jene mjaft delikate. Do ju duhet durim dhe mund për ta stabilizuar situatën sa me pare.

The post Horoskopi 24 Janar 2026, zbuloni parashikimin e yjeve për shenjën tuaj appeared first on Albeu.com.

TikTok njoftoi të enjten se kishte mbyllur një marrëveshje për të krijuar një entitet të ri në SHBA, duke i mundësuar shmangien e ndalimit dhe duke i dhënë fund një beteje të gjatë ligjore.

Marrëveshja, e finalizuar nga ByteDance, kompania mëmë e TikTok, parashikon krijimin e një sipërmarrjeje me shumicë pronësie amerikane. Investitorë si Oracle i Larry Ellison, fondi i kapitalit privat Silver Lake dhe MGX nga Abu Dhabi do të zotërojnë 80.1% të entitetit të ri, ndërsa ByteDance do të mbajë 19.9%.

Njoftimi vjen pesë vjet pasi Donald Trump kërcënoi për herë të parë ndalimin e platformës sociale në SHBA gjatë mandatit të tij të parë.

E ardhmja e TikTok-ut në SHBA kishte qenë e paqartë, në një sagë që nisi pasi Kongresi votoi me shumicë dërrmuese në vitin 2024 për miratimin e një ligji që ndalonte aplikacionin e rrjeteve sociale, përveç rasteve kur ai do të gjente një blerës amerikan. Gjykata e Lartë e la ligjin në fuqi në janar 2025, por në ditën e parë të rikthimit të tij në detyrë, Trump nënshkroi një urdhër ekzekutiv për të shtyrë ndalimin. Që atëherë, ai e ka vonuar vazhdimisht zbatimin e tij, ndërsa SHBA-të, kompania dhe partnerët potencialë amerikanë po negocionin një marrëveshje.

Në shtator, Trump nënshkroi një tjetër urdhër ekzekutiv, i cili përshkruante një plan që investitorët amerikanë të merrnin shumicën e operacioneve të kompanisë dhe që versioni i ri i TikTok-ut të kontrollohej nga një bord drejtues me shtatë anëtarë, me shumicë amerikane, të përbërë nga ekspertë të sigurisë kibernetike dhe kombëtare.

Adam Presser, i cili më parë ka shërbyer si drejtor i përgjithshëm i TikTok-ut dhe drejtues global i operacioneve, besimit dhe sigurisë, do të jetë CEO i sipërmarrjes së re, tha kompania të enjten. Bordi do të përfshijë edhe Shou Chew, CEO aktual i TikTok-ut.

Entiteti amerikan do të “operojë nën masa mbrojtëse të përcaktuara që mbrojnë sigurinë kombëtare përmes mbrojtjes gjithëpërfshirëse të të dhënave, sigurisë së algoritmeve, moderimit të përmbajtjes dhe garancive të softuerit për përdoruesit amerikanë”, thuhet në njoftim. Algoritmi i rekomandimit të përmbajtjes do të ritrajnohet, testohet dhe përditësohet bazuar në të dhënat e përdoruesve në SHBA, shtoi kompania.

Një zyrtar i Shtëpisë së Bardhë tha se qeveritë e Kinës dhe të SHBA-ve e kishin miratuar marrëveshjen.

Në një postim në rrjetet sociale të enjten në mbrëmje, Trump falënderoi presidentin kinez Xi Jinping “për bashkëpunimin me ne dhe, në fund, për miratimin e marrëveshjes”. “Jam shumë i lumtur që ndihmova në shpëtimin e TikTok-ut! Tani do të jetë në pronësi të një grupi patriotësh dhe investitorësh të mëdhenj amerikanë, më të mëdhenjve në botë, dhe do të jetë një zë i rëndësishëm,” shkroi presidenti.

Shqetësimet e ligjvënësve dhe zyrtarëve amerikanë lidhur me TikTok-un përqendrohen te siguria e të dhënave të përdoruesve, me frikën se qeveria kineze mund ta përdorë platformën për të mbledhur të dhëna nga përdoruesit amerikanë, pretendime që kompania i ka mohuar vazhdimisht.

Legjislacioni i miratuar në vitin 2024 nën presidencën e Joe Biden-it ia ndalonte ByteDance-it të ruante lidhje operative me një sipërmarrje amerikane të TikTok-ut, por ligji i jepte presidentit autoritetin për të vendosur nëse një marrëveshje përmbushte kërkesat e tij.

Kërcënimi i ndalimit kishte shkaktuar reagime të gjera në SHBA nga influencues dhe krijues përmbajtjeje që varen nga aplikacioni.

Silver Lake, Oracle dhe MGX do të mbajnë secila nga 15% të aksioneve në sipërmarrjen e re, tha kompania. Investitor është gjithashtu firma e investimeve e Michael Dell, miliarderi themelues i Dell Technologies.

The post TikTok shmang mbylljen në SHBA, vulos marrëveshjen me Kinën: Algoritmi do të riformatohet appeared first on Albeu.com.