Me disa fotografi nga testimet dimërore në Suedi, Mercedes-AMG zbulon PureSpeed, i prezantuar më parë, së shpejti nuk do të jetë modeli i vetëm nga seria ekskluzive dhe me numër të kufizuar Mythos.
Nga Stuttgart dhe Affalterbach për momentin nuk ka shumë informacion mbi modelin e dytë nga seria Mythos, e cila është e dashur për koleksionistët dhe nisi prodhimin me numër të kufizuar (250 copë) PureSpeed, e cila është bazuar në modelin më të fuqishëm të klasës SL.
Megjithatë, disa fotografi nga testimet dimërore në veri të Evropës tregojnë se modeli i dytë Mythos është bazuar në versionin Coupé të klasës aktuale CLE.
Dizajni karakteristik i grill-it me hapësirën qendrore që do të zbukurohet me yllin trekëndësh, parakolpi me hapje të mëdha për rrjedhjen e ajrit, gjurma më e gjerë e rrotave dhe spoiler-i i madh në kapakun e bagazhit pa dyshim tregojnë se prapa këtij projekti special qëndron departamenti AMG, i cili, sipas burimeve jozyrtare, ka vendosur që Coupé do të ketë motorin e përpunuar V8 4-litërsh pa asnjë sistem hibrid, duke u bazuar në zgjidhjen "old school" që përdoret edhe te PureSpeed.
Në këtë rast, shoferi mund të presë të paktën 585 kuaj fuqi dhe 800 Nm moment rrotullues, të cilat do të shpërndahen në të dy boshtet (4Matic) përmes një transmisioni super të shpejtë automatik 9-shkallësh me dy diskun.
Ky konfigurim, në rastin e PureSpeed “open air”, është i mjaftueshëm për të arritur shpejtësinë 0-100 km/h për 3,5 sekonda dhe shpejtësi maksimale 315 km/h.
Ende nuk është zbuluar se kur do të prezantohet modeli i dytë Mythos, por pritet që kjo të ndodhë gjatë përkujtimit të 140-vjetorit të Mercedesit këtë vit. /Telegrafi/
Ukraina kritikon “realitetin paralel” të Gerasimovit për Putinin, ndërsa Rusia shpall fitore të rreme pranë Kupyansk dhe Zaporizhzhia.
Ukraina ka mohuar me forcë deklaratat e Shtabit të Përgjithshëm të Rusisë, që pretendonin se forcat ruse kishin marrë kontrollin e qytetit Kupyansk‑Vuzlovyi në rajonin e Kharkiv, duke e cilësuar këtë si një përpjekje për të krijuar një imazh të rremë të “sukseseve” ushtarake.
Zyrtarët ukrainas e quajnë këtë propagandë të qartë dhe një shembull të “realitetit paralel” që Rusia po përpiqet të ndërtojë për Presidentin Putin.
Andriy Kovalenko, drejtues i Qendrës për Kundër‑Dezinformim pranë Këshillit Kombëtar të Sigurisë dhe Mbrojtjes të Ukrainës, tha se Gjeneral‑Shtabi rus, nën drejtimin e Valery Gerasimovit, po krijon një narrativ të rreme për Putinin, duke shpërndarë lajme për fitore që nuk ekzistojnë në front.
Ai theksoi se këto deklarata nuk kanë asnjë mbështetje në realitetin ushtarak: forcat ukrainase ende kontrollojnë zonën dhe përpjekjet e Rusisë për të marrë territore të reja janë të dështuara.
Kovalenko paralajmëroi gjithashtu se Rusia nuk po përhap vetëm dezinformimin brenda vendit të saj, por edhe në publikun ndërkombëtar.
Qëllimi është të krijohet një imazh i rremë për sukseset ruse, duke mashtruar opinionin publik dhe duke përhapur propagandë edhe në vendet perëndimore, që mund të ndikojë në perceptimin e luftës dhe në mbështetjen ndërkombëtare për Ukrainën.
Artikulli i Kyiv Post gjithashtu thekson se dezinformimi rus nuk është i izoluar vetëm në Kupyansk. Zyrtarët ukrainas paralajmërojnë se Rusia shpesh shpall “fitore të rreme” në zona të tjera të rëndësishme, si Zaporizhzhia, duke synuar të krijojë një narrativ propagandistike që është larg realitetit në terren.
Kjo përpjekje për të kontrolluar informacionin është pjesë e strategjisë ruse për të manipuluar perceptimet dhe për të mbajtur moralin e brendshëm të lartë, pavarësisht humbjeve të vërteta. /Telegrafi/
Presidenti ukrainas, Volodymyr Zelensky është i gatshëm të takohet me homologun rus, Vladimir Putin, për të diskutuar dy çështjet kyçe që mbeten të pazgjidhura në një marrëveshje paqeje: territorin dhe Centralin Bërthamor të Zaporizhzhias.
Këtë e bëri të ditur Ministri i Jashtëm ukrainas, Andrii Sybiha, në një intervistë për Ukrainska Pravda dhe dha disa detaje.
Ai shtoi se gjatë bisedimeve të fundit në Abu Dhabi, ku morën pjesë delegacione nga Rusia, Ukraina dhe Shtetet e Bashkuara, dy çështje kyçe mbeten pa zgjidhje: statusi territorial dhe e ardhmja e centralit bërthamor.
Rusia kërkon tërheqjen e forcave ukrainase nga i gjithë Donbasi, përfshirë zonat që nuk janë nën kontrollin rus, një kërkesë që Kievi e konsideron të papranueshme.
Ukraina, nga ana tjetër, këmbëngul në largimin e forcave ruse nga centrali, ndërsa Shtetet e Bashkuara kanë sugjeruar vendosjen e tij nën menaxhim të përbashkët.
Sybiha theksoi se Zelensky ka shprehur gatishmëri për një takim me Putinin, ndërsa udhëheqësi i Kremlinit ka shfaqur dyshime për efektivitetin e bisedimeve të drejtpërdrejta.
Ky zhvillim vjen ndërsa konflikti mes dy vendeve vazhdon të mbajë tensione të larta në rajon dhe ndërkombëtarisht. /Telegrafi/
Amerikanët kanë filluar të ndajnë në rrjetet sociale video ku mbajnë pasaporta të ngjitura në kokë. Ata bëjnë këtë si reagim ndaj shtimit të shqetësimeve rreth veprimeve të Shërbimit të Doganave dhe Imigracionit të SHBA-së (ICE).
Në këto video virale shpjegohet se ata duan të tregojnë paraprakisht provën e shtetësisë së tyre para se dikush të pyesë për të.
Në një video të publikuar nga krijuesi i përmbajtjes @dotish001 në TikTok, ai shfaqet duke ecur në rrugë me pasaportën të ngjitur në kokë. Videoja është parë më shumë se shtatë milionë herë. Në video ai thotë “kështu lëvizim tani. Para se të më pyesni nëse jam qytetar dhe ku është pasaporta ime, tashmë e shihni vetë”.
I njëjti krijues – i cili thotë se është nga Nigeria dhe jeton në Columbus, Ohio – ka postuar edhe një video tjetër ku mban në kokë patentën e vozitjes, me titull “Më falni, zonjë ICE”, për të treguar sesi lëvizin personat me karta të qëndrimit (“green card”).
Edhe krijuesja Yvonne Mugure, e cila thotë se jeton midis Phoenix-it në Arizona dhe Nairobi-t në Kenia, ka ndarë një video ku mban pasaportën në kokë me mbishkrimin: “Kështu lëvizim tani ndërsa jetojmë në Amerikë”.
Ky trend ka nisur që në dhjetor, por ka marrë vëmendje të madhe pas dy incidenteve vdekjeprurëse në Minneapolis, ku punonjës të agjencive federale kanë qëlluar për vdekje dy persona në një periudhë më pak se tre javë. Këto ngjarje kanë nxitur protesta dhe diskutime rreth mënyrës se si ICE vepron.
Në vitin 2025, 32 njerëz vdiqën gjatë mbajtjes nën kujdestarinë e ICE, shifra më e lartë në dy dekadat e fundit. Agjencia është kritikuar edhe për arrestime pa proces ligjor, ndalimin e fëmijëve dhe profilizim racor.
Autori @dotish001 ka shpjeguar në komentet e tij se videoja ishte një reagim ndaj situatave ku njerëzit ndalohen dhe pyesin për shtetësinë, dhe ideja ishte të “jepnin përgjigje para se të vinte pyetja.”
Nga Departamenti i Sigurisë Kombëtare (DHS) thanë se dokumentet e lëshuara sipas standardit REAL ID vërtetojnë identitetin, por nuk tregojnë statusin e imigracionit. Sipas rregullave amerikane, personat që nuk janë qytetarë duhet të mbajnë dokumentet e tyre të imigracionit me vete. /Telegrafi/
Apple vazhdon të befasojë me mbështetjen e gjatë të pajisjeve të tij.
Kompania sapo ka lëshuar përditësime të rëndësishme për modele që janë edhe 12 vjet të vjetra, duke treguar se edhe telefonët më të vjetër mund të mbeten funksionalë.
Përditësimi iOS 12.5.8 është tashmë i disponueshëm për iPhone 5s dhe iPhone 6, pajisje të cilat u lançuan respektivisht në vitin 2013 dhe 2014.
Ky azhurnim siguron funksionimin e shërbimeve kyçe si FaceTime, iMessage dhe aktivizimin e pajisjes, edhe pas janarit 2027.
Kjo është hera e parë që Apple ofron një përditësim për këto modele që nga “patch” i sigurisë i janarit 2023. Përveç kësaj, kompania ka lëshuar edhe versionet më të reja të:
iOS 18.7.4 dhe iPadOS 18.7.4
iOS 16.7.13 dhe iPadOS 16.7.13
iOS 15.8.6 dhe iPadOS 15.8.6
Edhe pse shumë përdorues mund të mendojnë se pajisjet e vjetra nuk kanë më vlerë, Apple po demonstron se madje edhe telefonët 12-vjeçarë mund të jenë të sigurta dhe funksionale për një kohë të gjatë. /Telegrafi/
Shefja për Politikë të Jashtme e Bashkimit Evropian, Kaja Kallas, ka lëshuar një paralajmërim të fuqishëm për Evropën dhe botën gjatë një fjalimi të fundit.
Ajo theksoi se kontinenti nuk është më qendra kryesore e gravitetit për Shtetet e Bashkuara dhe se ky ndryshim është i thellë dhe i qëndrueshëm, jo i përkohshëm.
“Asnjë fuqi e madhe në histori nuk ka deleguar mbijetesën e saj dhe ka mbijetuar”, u shpreh Kallas, duke paralajmëruar për rrezikun real të rikthimit të politikës së forcës dhe një bote ku fuqia vendos drejtësinë.
— (@)
Ajo përmendi gjithashtu fjalimin e kryeministrit kanadez, Mark Carney, në Davos, i cili nënvizoi se është koha që Europa të marrë përgjegjësi.
“Kemi arritur në një moment kritik. Jemi tani rrezikshëm afër kambanës së tretë”, tha Kallas, duke bërë një paralajmërim të qartë për pasojat e mosveprimit.
Ky fjalim vjen në një kohë kur tensionet ndërkombëtare dhe sfidat strategjike për Europën po rriten, duke nxitur debat mbi rolin e saj global dhe marrëdhëniet me SHBA-në. /Telegrafi/
Dollari amerikan ka rënë në nivelin më të ulët që nga viti 2022, duke shënuar një dobësim të ndjeshëm në tregjet ndërkombëtare valutore. Rënia vjen mes shqetësimeve të investitorëve për paqëndrueshmërinë politike dhe ekonomike në Shtetet e Bashkuara.
Gjatë ditës së djeshme, dollari humbi rreth 1.3 për qind kundrejt një shporte monedhash kryesore, ndërsa në baza vjetore rënia e tij ka arritur afërsisht 10 për qind. Kjo përbën humbjen më të madhe ditore të monedhës amerikane që nga prilli i vitit të kaluar, raporton theguardian.
Presidenti amerikan, Donald Trump reagoi ndaj zhvillimeve duke deklaruar se dollari “po ecën shumë mirë”, deklaratë që u interpretua nga tregjet si mungesë shqetësimi për dobësimin e monedhës dhe që kontribuoi më tej në presionin negativ mbi dollarin.
Analistët e lidhin rënien me pasigurinë rreth politikave tregtare, kërcënimet për vendosjen e tarifave të reja dhe tensionet gjeopolitike, si dhe me dyshimet për ndërhyrje politike në politikat e Rezervës Federale.
Ndërkohë, euroja dhe franga zvicerane janë forcuar ndjeshëm, duke arritur nivele më të larta shumëvjeçare. Edhe ari ka shënuar rritje rekord, duke kaluar nivelin 5200 dollarë për “unce”, pasi investitorët kërkojnë asete të sigurta në kohë pasigurie.
Ekspertët paralajmërojnë se dobësimi i dollarit mund të vazhdojë edhe në muajt në vijim, nëse pasiguria politike dhe ekonomike në SHBA nuk zbutet.
Rënia e monedhës amerikane pritet të sjellë përfitime për kompanitë eksportuese, por edhe rritje të çmimeve për mallrat e importuara për konsumatorët amerikanë. /Telegrafi/
Mirjana Pajkoviq, ish-sekretareshë në Ministrinë e të Drejtave të Njeriut dhe Minoriteteve në Mal të Zi, foli në një intervistë për televizionin online të portalit Dan rreth skandalit seksual që ka shpërthyer në këtë vend, ku ajo është protagonistja kryesore.
Ajo foli për kërcënimet dhe shantazhet ndaj saj, të cilave pretendon se i është nënshtruar nga Dejan Vukshiq, ish-këshilltar i presidentit dhe ish-drejtor i Agjencisë për Sigurinë Kombëtare.
Pajkoviq u shpreh se shteti ka reaguar në mënyrë jo adekuate ndaj trajtimit të dhunës ndaj saj gjatë një periudhe të gjatë kohore, përfshirë kërcënime serioze që nuk kanë rezultuar në arrestime.
Ajo shtoi se edhe "presidenti i shtetit ka dështuar të veprojë" ndaj ankesave të saj.
Ish-zyrtarja theksoi se rasti i saj tregon se ligji nuk zbatohet njësoj për të gjithë dhe se në Mal të Zi mungon barazia gjinore dhe mbrojtja e të drejtave themelore, raportojnë mediat.
Në intervistë Pajkoviq apeloi veçanërisht tek gratë "që të mos heshtin përballë sulmeve apo abuzimeve", duke thënë se ajo vetë e konsideron heshtjen e saj fillestare si një “gabim”.
Ajo ka treguar se "Vukshiq ka qenë i durueshëm dhe e ka kërcënuar në mënyrë të përsëritur se nuk do të ketë jetë në Mal të Zi për të", për shkak të një materiali komprometues, pasi ajo refuzoi të vepronte sipas kërkesave të tij.
Pajkoviq ka ngritur disa kallëzime penale kundër Vukshiqit dhe si juriste vlerëson se ligjet aktuale nuk janë të mjaftueshme për të adresuar krimet e sotme, përfshirë shantazhet dhe kërcënimet me pasoja të gjerë personale dhe profesionale.
Në mbështetje të grave të cilat përballen me diskriminim, fyerje ose forma të tjera të trajtimit jo të duhur dhe veprave jo ligjore, Institucioni i Mbrojtësit të të Drejtave dhe Lirive ka bërë thirrje për ndalimin e fushatave stigmatizuese dhe frikësuese ndaj Pajkoviq.
Sipas këtij institucioni, askush - pavarësisht funksionit publik që mban apo ka mbajtur - nuk e humb të drejtën për privatësi, dinjitet dhe mbrojtje kundër dhunës.
Prokuroria Themelore në Podgoricë ka formuar dy raste në lidhje me kallëzimet e Pajkoviqit, ndërsa Vukshiq ka deklaruar se nuk ka asnjë lidhje me krijimin apo shpërndarjen e materialeve komprometuese që janë shfaqur në publik. /Telegrafi/
Ministri i Jashtëm i Turqisë, Hakan Fidan, ka dërguar një mesazh të qartë ndaj Shteteve të Bashkuara, duke paralajmëruar se çdo sulm ndaj Iranit do të ishte i gabuar dhe se rifillimi i një konflikti do të ishte i rrezikshëm.
Ai theksoi se Irani është i gatshëm të ulet përsëri në tryezën e bisedimeve për çështjen bërthamore, duke ofruar mundësi për një zgjidhje diplomatike.
Kryediplomati turk deklaroi se negociatat duhet të zhvillohen çështje për çështje, dhe jo si një paketë e vetme.
“Këshilla ime për miqtë amerikanë është që të mbyllin çështjet me iranianët një nga një. Filloni me dosjen bërthamore, mbylleni atë, dhe mos e trajtoni si një paketë”, tha ai.
— (@)
Sipas ministrit turk, trajtimi i të gjitha çështjeve njëkohësisht mund të jetë i vështirë për palën iraniane dhe mund të duket poshtëruese për udhëheqësinë e tyre.
“Nëse mund t’i bëjmë gjërat më të pranueshme dhe më të lehta për t’u toleruar, kjo do të ndihmonte shumë në procesin e negociatave”, shtoi Fidan.
Ky qëndrim i Turqisë vjen në një moment kur tensionet ndërkombëtare mbi programin bërthamor të Iranit janë rritur dhe bisedimet e rrethit bërthamor janë në ngërç.
Analistët vënë në dukje se qasja e Turqisë, si një vend fqinj me ndikim në rajon, mund të luajë një rol kyç në lehtësimin e tensioneve dhe promovimin e një zgjidhjeje diplomatike pa konflikte. /Telegrafi/
Asnjë nuk u lëndua në zjarrin që shpërtheu në tavanin e hotelit Hotel des Grandes Alpes, njoftoi prefektura e rajonit Savoie në faqen e saj zyrtare.
Mbrëmë u evakuuan mbi 90 persona, ndërsa hoteli i afërt Le Lana, me rreth 200 mysafirë, u evakuua gjithashtu këtë mëngjes për shkak të rrezikut, pasi zjarri ende nuk është shuar.
Stafi dhe mysafirët u zhvendosën në hotele të tjera, shkruajnë mediat e huaja. Në vendngjarje u dërguan 131 zjarrfikës, ndërsa autoritetet kanë nisur hetimet.
Masat e sigurisë në rajon janë nën vëzhgim të shtuar pas zjarrit në një bar në qendrën zvicerane të pushimeve Crans-Montana në Vitin e Ri, ku humbën jetën 40 persona dhe u plagosën më shumë se 100 të tjerë, shumica adoleshentë. /Telegrafi/
Mesazh në aplikacionin Signal... dhe hapja e një linku për një të ashtuquajtur video-thirrje.
Në këtë mënyrë, Qendra e Beogradit për Politika të Sigurisë u bë viktimë e grupeve të hakerëve rusë, konstatoi një analizë e kryer nga një prej kompanive më të mëdha IT në botë, për këtë organizatë joqeveritare serbe.
Bëhet fjalë për grupe hakerësh, të cilat qeveritë e Shteteve të Bashkuara të Amerikës dhe Britanisë së Madhe i kanë lidhur më herët me strukturat inteligjente dhe të sigurisë në Rusi.
Gjatë sulmit, hakerët kanë pasur qasje në një pjesë të arkivit dhe kanë lexuar më shumë se 28 mijë emaile të organizatës serbe, e cila, për gati 25 vjet, ndjek reformat në sektorin e sigurisë dhe është e përfshirë në komunikime me shumë institucione evropiane.
“Lista jonë e partnerëve ndërkombëtarë dhe të huaj është shumë e madhe”, thotë për Radion Evropa e Lirë drejtori i Qendrës së Beogradit për Politika të Sigurisë (BCBP), Igor Bandoviq.
Ai shton se llogaritë e punonjësve të BCBP-së u përdorën për të zgjeruar më tej operacionin e hakerimit nga dy grupet ruse.
Sipas raportit të kompanisë amerikane teknologjike, Microsoft, njëri prej tyre lidhet me Shërbimin e Inteligjencës së Jashtme të Rusisë (SVR), ndërsa tjetri me Shërbimin Ushtarak të Inteligjencës (GRU) të Rusisë.
Të dyja grupet, sipas faqes zyrtare të Microsoft-it, kanë në shënjestër qeveritë, institucionet diplomatike, organizatat joqeveritare dhe kompanitë IT në mbarë botën.
“Sulmuesit përdorin çdo metodë të mundshme për të fituar qasje në emaile, skedarë dhe mesazhe të ndjeshme”, thotë për Radion Evropa e Lirë drejtori i kompanisë amerikane për siguri kibernetike Volexity, Steven Adair, i cili është marrë edhe me sulmin ndaj BCBP-së.
Ai shton se organizatat e shoqërisë civile në Serbi, me siguri, “do të vazhdojnë të jenë caqe, për shkak të punës dhe ekspertizës së tyre në fusha që lidhen me Rusinë, Ukrainën dhe sigurinë në Evropë”.
Si ndodhi sulmi kibernetik ndaj BCBP-së?
“Mesazhi që mora nuk dukej aspak i dyshimtë”, thotë për Radion Evropa e Lirë Bandoviq.
Në korrik të vitit të kaluar, një person i prezantuar si politikani opozitar bjellorus, Sergej Tihanovski - bashkëshorti i politikanes opozitares në mërgim, Svetlana Tihanovska - i dërgoi Bandoviqit mesazh, duke i kërkuar një video-thirrje për të diskutuar për situatën politike në Ballkanin Juglindor.
Më vonë, analiza forenzike tregoi se ky mesazh ishte një nga pikat fillestare të sulmit të hakerëve rusë, që synonin të merrnin kontrollin mbi infrastrukturën e BCBP-së dhe të zgjeronin aktivitetet e tyre më tej.
Bandoviq pyeti se nga e kishte marrë kontaktin e tij personi që i drejtohej. Kur iu tha se përmes një kolegu nga Rumunia, ai nuk kishte arsye të dyshonte në autenticitetin e bisedës.
Komunikimi u zhvillua përmes aplikacionit Signal, i njohur për privatësinë dhe transmetimin e enkriptuar të të dhënave, ku përdoruesit lidhen përmes numrave të telefonit ose emrave.
Mesazhit i ishte bashkëngjitur edhe një link për video-thirrje.
Në kohën e caktuar të takimit, Bandoviq kopjoi linkun në shfletuesin e internetit.
Video-thirrja nuk u aktivizua, por hakerëve ua hapi derën drejt pothuajse gjithë komunikimit të punonjësve të BCBP-së.
Ky është një shembull i “spear phishing”, ose sulmit të shënjestruar, në të cilin sulmuesi bën që mesazhi të duket sikur vjen nga një person ose organizatë e besueshme - shpesh duke përdorur të dhëna personale të viktimës.
Qëllimi është që viktima të zbulojë informacion konfidencial, të hapë një skedar të dëmshëm ose të mundësojë qasje në sistemet kompjuterike.
Katër muaj më vonë, në nëntor, Microsoft Threat Intelligence Center, një ekip i specializuar i kompanisë Microsoft për sigurinë digjitale, e informoi BCBP-në se kishte qenë viktimë e një sulmi kibernetik.
Një nga kompanitë më të mëdha të teknologjisë informative në botë, që kërkoi të mbetej anonime, por identiteti i së cilës është i njohur për REL-in, realizoi një analizë forenzike dhe identifikoi dy grupe hakerësh - “Midnight Blizzard” (Stuhia e Mesnatës) dhe “Forest Blizzard” (Stuhia e Pyllit) - si autorë të këtyre sulmeve.
Kush janë hakerët rusë që qëndrojnë pas sulmeve në Serbi?
Grupi “Midnight Blizzard” njihet nga kompania Microsoft dhe është aktiv së paku që nga viti 2018.
Sipas Microsoft-it, ky grup operon nga Rusia.
Qeveritë e SHBA-së dhe Britanisë së Madhe e lidhin atë me Shërbimin e Jashtëm Inteligjent të Rusisë (SVR).
Grupi njihet për sulmet ndaj qeverive, institucioneve diplomatike, organizatave joqeveritare dhe kompanive të IT-së, kryesisht në SHBA dhe Evropë.
Qëllimi i tij, sipas Microsoft-it, është “mbledhja e informacionit inteligjent përmes spiunazhit”.
Grupi tjetër, “Forest Blizzard”, lidhet me Shërbimin Ushtarak Inteligjent të Rusisë, GRU.
Disa anëtarë të tij janë identifikuar drejtpërdrejt si oficerë të GRU-së në aktakuzën që Departamenti amerikan i Drejtësisë ka ngritur në vitin 2018 ndaj 12 anëtarëve të GRU-së, për hakimin e Komitetit Kombëtar Demokrat, komitetit të Kongresit Demokrat dhe fushatës së kandidates për presidente të SHBA-së, Hillary Clinton.
Qëllimi i tij ishte “ndikimi në zgjedhjet presidenciale të SHBA-së në vitin 2016”.
Sipas aktakuzës, GRU kryente sulme masive “spear phishing” ndaj anëtarëve të fushatës së Clintonit, duke siguruar qasje në dhjetëra mijëra emaile.
Pas sulmeve të suksesshme, ata hakuan kompjuterët e institucioneve që drejtonin fushatën, vodhën dokumente dhe fjalëkalime dhe monitoruan në fshehtësi punën e punonjësve.
Ky rast nuk përfundoi në gjykim, pasi të gjithë të akuzuarit nuk ishin të disponueshëm për autoritetet amerikane.
Një njoftim i FBI-së për 12 oficerët e GRU-së që kërkohen për hakim të sistemeve amerikane.Një njoftim i FBI-së për 12 oficerët e GRU-së që kërkohen për hakim të sistemeve amerikane.
Sipas Microsoft-it, shënjestra të sulmeve të këtij grupi rus janë qeveritë, organizatat joqeveritare, kompanitë e IT-së dhe universitetet.
Sulme të ngjashme janë regjistruar në SHBA, Australi, Kanada, Indi, Ukrainë, Izrael dhe Japoni.
Disa prej sulmeve, që përfshijnë paraqitjen e rreme si individë të besueshëm dhe komprometimin e llogarive, janë analizuar nga kompania amerikane për siguri kibernetike, Volexity, nga Uashingtoni.
“Jemi të bindur se këto sulme, që targetojnë individë dhe organizata të angazhuara në çështje që lidhen me Rusinë, Ukrainën dhe sigurinë evropiane, janë vepër e kërcënimeve kibernetike ruse”, thotë për Radion Evropa e Lirë Steven Adair, themelues dhe drejtues i kompanisë Volexity.
Ai shton se aktorët rusë përdorin teknika të avancuara për t’i komprometuar përdoruesit, duke evoluar nga paraqitja e rreme si ambasadorë dhe diplomatë deri te krijimi i faqeve të rreme të konferencave, për të “vjedhur” kredencialet e pjesëmarrësve të mundshëm.
Faqe e rreme për Konferencën e Sigurisë në Beograd
Një analizë forenzike, e kryer nga një kompani e madhe ndërkombëtare e IT-së për BCBP-në serbe, tregoi se gjatë monitorimit vetëm për një muaj - nga fillimi i nëntorit deri në fillim të dhjetorit 2025 - u regjistruan më shumë se 28 mijë qasje në emailet e punonjësve të BCBP-së.
Kjo përfshinte hapjen e mesazheve dhe dokumenteve të dërguara si bashkëngjitje, si dhe qasjen në arkivin dhe korrespondencën e mëparshme me partnerë vendorë dhe ndërkombëtarë, shpjegojnë nga BCBP-ja.
“U regjistruan përpjekje për komunikim shtesë me punonjësit tanë, nga të cilat dukej qartë se, pas hyrjes në sistem, hakerët kishin një pamje praktike të komunikimeve në kohën kur po zhvilloheshin”, thotë Bandoviq.
Operacioni u zgjerua më tej kur grupi i hakerëve krijoi edhe një faqe të rreme, e cila u reklamua si platforma zyrtare për regjistrimin e pjesëmarrësve në Konferencën e Sigurisë në Beograd.
Konferenca, e organizuar nga BCBP-ja, u mbajt nga data 17 deri më 19 nëntor në Beograd.
Ky ishte edicioni i katërt i këtij takimi, që konsiderohet një nga ngjarjet më të mëdha rajonale për çështjet e politikës së jashtme dhe sigurisë, dhe mbledh mbi 500 pjesëmarrës nga Serbia dhe jashtë.
Ngjarja ishte pjesërisht e mbyllur, me pjesëmarrjen e përfaqësuesve politikë, diplomatëve, ekspertëve dhe përfaqësuesve të organizatave ndërkombëtare.
Ueb-faqja e vërtetë he e rremë e Konferencës së Sigurisë në Beograd. Fotografia që gjendet poshtë u krijua nga hakerët me qëllim vjedhjen e llogarive elektronike të pjesëmarrësve të mundshëm.Ueb-faqja e vërtetë he e rremë e Konferencës së Sigurisë në Beograd. Fotografia që gjendet poshtë u krijua nga hakerët me qëllim vjedhjen e llogarive elektronike të pjesëmarrësve të mundshëm.
Një analizë tjetër forenzike nga kompania amerikane, Volexity, tregoi se mysafirët dhe pjesëmarrësit u orientuan me email drejt faqes së rreme, me qëllim që “infiltrimi të përhapej te pjesëmarrësit ndërkombëtarë, përfaqësuesit e qeverive, organizatave ndërkombëtare, komunitetit akademik dhe shoqërisë civile”.
“Para konferencës, institucionet e Bashkimit Evropian dërguan një paralajmërim për një fushatë ‘spear phishing’ që përhapej nga llogaritë e rreme të Konferencës së Beogradit dhe shënjestronte partnerët tanë në BE dhe Amerikën e Veriut”, tregon Bandoviq.
Ai shton se një nga qëllimet ishte që të huajt të mos vinin në Beograd, ndërsa qëllim tjetër spiunazhi.
Cilat ishin përmasat e sulmit?
Në BCBP thonë se, edhe gjashtë muaj pas sulmit, është e vështirë të vlerësohet dëmi i shkaktuar.
“Na kontaktuan partnerë nga dy organizata - një nga Evropa dhe një nga Shtetet e Bashkuara - që thanë se kishin marrë emaile ‘phishing’ nga adresat tona. Por, kjo do të thotë se ata i njohën ato. Se sa organizata dhe individë nuk e kuptuan këtë aktivitet hakerësh, nuk mund ta dimë ende”, thotë Bandoviq.
Paralajmërim që është shpërndarë nëpër institucionet evropiane lidhur me një fushatë "phishing" përmes imitimit të Qendrës së Beogradit për Politikë të Sigurisë.Paralajmërim që është shpërndarë nëpër institucionet evropiane lidhur me një fushatë "phishing" përmes imitimit të Qendrës së Beogradit për Politikë të Sigurisë.
Adair thotë për Radion Evropa e Lirë se “përmasat e këtyre sulmeve duken mjaft të mëdha”.
“Aktorët rusë krijuan një faqe tërësisht të rreme, që imitonte Konferencën e Sigurisë në Beograd, dhe sulmonin drejtpërdrejt njerëz që mund të merrnin pjesë ose të ishin të interesuar të flisnin aty. Kjo jep informacion të rëndësishëm mbi aktivitetin në Serbi, që tërheq vëmendjen e sulmuesve”, thotë Adair.
Analiza forenzike tregoi se kjo organizatë joqeveritare ishte cak i hakimeve ruse që nga vera e vitit 2024.
Që nga shtatori i atij viti, sipas analizës, ishte komprometuar llogaria e administratorit përmes VPN-it, duke u dhënë sulmuesve qasje në serverët e BCBP-së që përdoren për punë nga distanca.
Çfarë thonë institucionet në Serbi?
Bandoviq thotë se sulmet nuk janë raportuar në Prokurorinë për Krimet Teknologjike në Serbi, sepse “nuk kanë besim në një hetim të paanshëm”.
Organizata doli publikisht me të gjitha të dhënat për t’i paralajmëruar viktimat potenciale, thotë Bandoviq, dhe në fillim të dhjetorit largoi të gjitha kërcënimet nga sistemi i saj.
Shenjat e bashkëpunimit të inteligjencës serbe dhe ruse
Në vitin 2019, Departamenti amerikan i Shtetit e përshkroi Serbinë, e cila synon të anëtarësohet në BE, si një vend me “mjedisin më të depërtueshëm” për ndikimin rus në Ballkanin Perëndimor.
Beogradi - edhe pas pushtimit rus të Ukrainës dhe sanksioneve perëndimore ndaj Moskës - mbeti një nga partnerët e paktë evropianë të Kremlinit.
Të dyja shtetet kanë vazhduar edhe bashkëpunimin në fushën e inteligjencës.
Në shtator të vitit 2025 u zbulua se shërbimet ruse në perëndim të Serbisë, kishin organizuar kampe stërvitore, ku shtetas moldavianë dhe rumunë, sipas autoriteteve në Kishinjev, përgatiteshin për të shkaktuar trazira gjatë zgjedhjeve në Moldavi.
Autoritetet në Serbi thirrën Shërbimin Federal të Sigurisë së Rusisë (FSB) për t’i hetuar pretendimet se, gjatë një proteste antiqeveritare më 15 mars në Beograd, ishte përdorur një top zanor kundër demonstruesve.
Moska dhe Beogradi, pa ofruar prova, akuzojnë shërbimet perëndimore se qëndrojnë pas protestave masive në Serbi, përmes të cilave kërkohet llogaridhënie për vdekjen e 16 personave në një aksident në Novi Sad.
Bashkëpunimi kundër “revolucioneve me ngjyra” - term i përdorur nga Moska për të përshkruar rrëzimin e regjimeve autoritare në ish-republikat sovjetike - u shpall nga Beogradi dhe Kremlini që në vitin 2021.
Me kreun e atëhershëm të shërbimit inteligjent rus, Nikolaj Patrushev, bisedonte Aleksandar Vulinin, zyrtar prorus në Qeverinë e Serbisë, i cili është në listën e zezë të Shteteve të Bashkuara për bashkëpunim me Rusinë.
Opozitarët rusë e akuzuan Vulinin se i kishte përgjuar në Beograd dhe se informacionet ia kishte transmetuar Kremlinit - gjë që u pasua me arrestimin e tyre në Moskë.
Serbia, gjithashtu, ishte në qendër të akuzave se kishte ofruar strehë për diplomatët rusë, të cilët u dëbuan nga disa vende të BE-së nën dyshimet për spiunazh. /evropaelire/
Qendra amerikane analitike, Center for Strategic and International Studies (CSIS) ka publikuar vlerësime të reja mbi humbjet në luftën e Rusisë kundër Ukrainës, duke nxjerrë në pah shifra që ekspertët i përshkruajnë si “të jashtëzakonshme”.
Sipas raportit, humbjet totale të Ukrainës që nga fillimi i pushtimit të gjerë arrijnë midis 500 mijë dhe 600 mijë persona, duke përfshirë të vrarë, të plagosur dhe të zhdukur.
Nga këta, 100 mijë deri 140 mijë besohet se janë vrarë në luftime.
Një skandal seksual ka tronditur skenën politike në Malin e Zi, pasi në rrjetet sociale janë shpërndarë video dhe foto me përmbajtje intime, të cilat pretendohet se përfshijnë dy ish-zyrtarë të lartë shtetërorë - Mirjana Pajkoviq, ish-sekretare shtetit, dhe Dejan Vukshiq, ish-drejtor i Agjencisë për Siguri Kombëtare.
Pas publikimit të materialeve, të dy kanë dhënë dorëheqje nga postet që mbanin, duke shkaktuar debate të gjera publike dhe reagime politike, shkruajnë mediat.
Tashmë janë publikuar edhe mesazhet mes dyshes së përfolur të zhvilluar në aplikacionin Whatsapp.
Pajkoviq ka bërë kallëzime penale për shpërndarje të paautorizuar të përmbajtjes intime, ndërsa ka publikuar edhe pjesë të bisedave dhe audiopërgjime, sipas saj, ku Vukshiq i kishte bërë kërcënime për ekspozimin e materialit.
Kompania Jaguar Land Rover (JLR) ka mohuar raportet në media se modeli i ri GT elektrik mund të ketë edhe një version me motor me benzinë. Një burim i lartë brenda kompanisë e përshkroi idenë si “absurde” dhe konfirmoi se marka do të vazhdojë të jetë ekskluzivisht elektrike në të ardhmen.
Gjatë fundjavës u publikua një artikull në The Sunday Times, sipas të cilit Jaguar kishte kërkuar që inxhinierët të zhvillonin një sistem me motor me djegie të brendshme për modelin e ri GT, i cili pritet të prezantohet më vonë këtë vit.
Artikulli tha se kjo do të ofrohej bashkë me versionin elektrik për shkak të shqetësimeve mbi rënien e shitjeve të automjeteve elektrike, sidomos në segmentin premium.
Megjithatë, një burim i lartë tha për Autocar se raporti është “absurd” dhe se Jaguar do të rilansohet vetëm si markë elektrike, sipas planit. JLR filloi të njoftojë planet për një Jaguar plotësisht elektrik që në fund të vitit 2024, dhe shitja e modeleve me motor me djegie, si SUV-i i famshëm F‑Pace, përfundoi në fillim të vitit 2025.
Zëdhënësi i kompanisë tha se “planet tona për të ripërkufizuar Jaguar si një markë luksoze vetëm me automjete elektrike mbeten të pandryshuara. Mezi presim prezantimin e Jaguarit të ri elektrik më vonë këtë vit”.
Modeli i parë në këtë epokë të re do të jetë GT, i njohur brenda kompanisë si Type 00. Gazetarët e Autocar e përshkruan atë si një makinë me performancë të lartë dhe një nga përvojat më të mira të vozitjes.
Deri në fund të vitit 2027, pritet që këtij GT‑i t’i bashkëngjiten një limuzinë luksoze dhe një SUV, duke formuar gamën e re të automjeteve elektrike Jaguar. /Telegrafi/
Një burrë nga Michigan që po blinte një biletë lotarie me gërvishtje në një stacion karburanti zgjodhi një “zgjedhje të rastësishme” dhe fitoi çmimin kryesor prej dy milionë dollarësh.
Burri 53-vjeçar nga Qarku Wayne i tha zyrtarëve të Loterisë së Michiganit se kishte vizituar dyqanin Jefferson Fuels në East Jefferson Avenue në Detroit në kërkim të një bilete lotarie me gërvishtje.
“Herë pas here blej një biletë lotarie dhe loja Legendary Wild Time ishte thjesht një zgjedhje e rastësishme atë ditë”, tha lojtari.
Bileta prej 20 dollarësh i solli burrit një çmim prej dy milionë dollarësh.
“E gërvishta biletën menjëherë pasi e bleva dhe nuk besoja se ishte e vërtetë kur pashë që kisha fituar 2 milionë dollarë. Nuk ishte deri sa thirra lotarinë dhe verifikova çmimin që fillova ta kuptoj se kjo po ndodhte me të vërtetë”, tha burri.
Fituesi tha se paratë e çmimit do të përdoren për udhëtime dhe për të rritur kursimet e tij. /Telegrafi/
Lojtarët e video-lojërave po përgatiten për një përvojë të jashtëzakonshme, pasi Rockstar Games ka zbuluar detaje të reja për Grand Theft Auto 6 (GTA 6), që pritet të jetë më i madh dhe më ambicioz se çdo lojë tjetër e serisë.
Sipas informacioneve të fundit, Vice City do të jetë qyteti kryesor, por harta e lojës do të përfshijë zona shumë më të mëdha se më parë, duke krijuar një botë virtuale tepër të pasur dhe të larmishme.
Rockstar ka konfirmuar gjithashtu se loja përfshin një vend të quajtur Shteti i Leonidës, që shtrihet përtej kufijve të Vice City-t, duke ofruar eksplorim të pafund për lojtarët.
Pavarësisht nga emocionet, prezantimi i video-lojës është shtyrë dhe pritet të ndodhë më 19 nëntor të këtij viti, për të siguruar një produkt të përfunduar dhe të rafinuar.
Fansat në rrjetet sociale kanë shprehur entuziazmin e tyre, duke e quajtur GTA 6 një “lojë e shekullit” për shkak të madhësisë dhe detajeve të jashtëzakonshme të botës së saj.
Me më pak se një vit deri te dalja, pritshmëritë janë të larta, dhe Rockstar duket se nuk do të zhgënjejë. /Telegrafi/
Një grua e re izraelite, e quajtur Noya Zion, u befasua të hënën kur pa fotografinë personale në televizion së bashku me pretendimet se ajo ishte një prej viktimave të protestave të fundit në Iran - një informacion që rezultoi të ishte i rremë.
Zion, e cila kurrë nuk ka qenë në Iran, po qëndronte në shtëpi kur ndezi televizorin dhe pa imazhin e saj të shfaqur në Channel 12 News të Izraelit nën titullin “Katër hebrenj të vrarë në protestat në Iran”.
Raporti identifikonte gabimisht foton e saj si Sanaz Javaherian, një person i pretenduar si demonstrues që, sipas kanalit, ishte arrestuar dhe rrahur deri në vdekje nga forcat iraniane të sigurisë - diçka që Zion e mohoi menjëherë.
— (@)
Në një video që e publikoi menjëherë në rrjetet sociale, ajo tha se ishte e gjallë dhe në shtëpi, duke shpjeguar se brenda gjysmë ore do të shkonte në trajnim dhe se kurrë nuk kishte qenë në Iran në jetën e saj.
Ngjarja shkaktoi reagime në mediat sociale, ku disa komentues e përshkruan si shembull të përhapjes së informacionit të pasaktë nga mediat.
Channel 12 ende nuk ka dhënë ndonjë deklaratë apo korrigjim zyrtar lidhur me këtë raport. /Telegrafi/
Sipas të dhënave nga kërkimet e fluturimeve në platformën e njohur Kayak, udhëtimet për vitin 2026 po shënojnë një rritje të ndjeshme interesi. Shqipëria duket se do të jetë një nga destinacionet më të kërkuara gjatë këtij viti.
Analiza e Kayak tregon se interesimi për destinacionet ndërkombëtare jashtë Shteteve të Bashkuara është rritur ndjeshëm krahasuar me vitin e kaluar, me theks të veçantë te Evropa dhe rajoni i Ballkanit.
Ajo që gëzon veçanërisht është fakti se interesimi për Shqipërinë është rritur me plot 66 për qind, raporton axios.
Shqipëria renditet në vendin e katërt në listën e destinacioneve për të cilat interesimi i turistëve po shënon rritjen më të madhe.
Në vendin e parë renditet Republika Çeke, ku interesi u rrit me 179 për qind në janar 2026 krahasuar me vitin 2025, e ndjekur nga Bullgaria me 136 për qind dhe Hungaria me 86 për qind.
Më pas vijnë Rumania dhe Bosnja e Hercegovina, me një rritje prej 61 për qind secila. Kroacia renditet në vendin e 15-të, pasi interesi është rritur “vetëm” me 29 për qind.
Këto të dhëna janë një tregues i qartë se udhëtarët po e shohin gjithnjë e më shumë rajonin tonë si një destinacion tërheqës dhe të përballueshëm.
Kayak është një platformë globale online për kërkimin e udhëtimeve, e përshkruar shpesh si “Google për udhëtimet”.
Ajo nuk shet drejtpërdrejt bileta avioni apo paketa hoteliere, por krahason çmimet nga qindra faqe të tjera dhe u tregon përdoruesve se ku mund të gjejnë ofertat më të favorshme. /Telegrafi/
Të punosh ndërkohë që studion nuk është zakon për shumicën e punonjësve në Bashkimin Evropian.
Megjithatë, nevoja financiare dhe ambicia për karrierë i motivojnë disa të veprojnë kështu, sipas raportit të Euronews.
Sipas të dhënave më të fundit të Eurostat, më shumë se një në katër të rinj evropianë të moshës 15–29 vjeç punonin dhe studionin njëkohësisht në vitin 2024.
Kjo praktikë ishte më e përhapur në Holandë (74.3 për qind), Danimarkë (56.4 për qind) dhe Gjermani (45.8 për qind).
Ndërkohë, Rumania (2.4 për qind), Greqia (6 për qind) dhe Kroacia (6.4 për qind) raportuan përqindjet më të ulëta të të rinjve që punojnë dhe studiojnë njëkohësisht midis vendeve të BE-së, transmeton Telegrafi.
Shkaku kryesor për të punuar paralelisht me studimet mbetet nevoja financiare, por ekspertët vënë në dukje se motivimet e studentëve ndryshojnë në varësi të vendit dhe sektorit ku ata ndodhen.
“Disa studentë janë të motivuar kryesisht nga konsideratat financiare, ndërsa të tjerët zgjedhin punësimin ose praktikat pa pagesë për të fituar përvojë pune dhe për të rritur shanset e tyre për punësim”, tha Madeline Nightingale, udhëheqëse kërkimore në organizatën jofitimprurëse RAND Europe, për Europe in Motion.
Sipas Nightingale, ndërsa nevoja financiare “ka të ngjarë të ndryshojë nga një shtet anëtar i BE-së tek tjetri, në varësi të rregullimeve për financimin e studentëve, motivimi për të fituar përvojë pune është më i zakonshëm në disa sektorë, si ligji, financa dhe industritë kreative”.
“Gjithashtu, kjo ka të ngjarë të ndryshojë sipas sfondit socio-ekonomik, pasi për disa studentë puna e paguar është një domosdoshmëri ekonomike,” shtoi ajo.
Për më tepër, angazhimi i studentëve në punë të paguar ndikohet edhe nga trendet më të gjera të tregut të punës.
Shembull, një studim holandez sugjeronte se rritja e punës së paguar për studentët në Holandë lidhet me zgjerimin e praktikave të punës fleksibël.
Megjithatë, shumica e të rinjve evropianë nuk punojnë ndërkohë që studiojnë.
Më shumë se shtatë në 10 të rinj mbeten jashtë forcës punëtore gjatë ndjekjes së arsimit të lartë, sipas të dhënave të Eurostat. Vetëm 3.2 për qind e tyre ishin të papunë, por kërkonin aktivisht një punë.
Përqindjet më të larta të të rinjve të papunë që ndjekin arsimin formal u regjistruan në Suedi (14.1 për qind), Finlandë (10 për qind) dhe Danimarkë (9.6 për qind), ndërsa në Rumani (0.6 për qind), Kroaci, Çeki dhe Hungari (secila 0.8 për qind), më pak se 1 për qind e të rinjve kërkonin punë.
Pse ka përqindje të ndryshme midis burrave dhe grave?
Tek gratë e moshës 15–19 vjeç, 74.4 për qind ishin jashtë tregut të punës, krahasuar me 70.4 për qind të burrave të së njëjtës moshë.
Ndërsa plakën dhe arrijnë grupmoshën 20–24 vjeç, përqindja e atyre jashtë forcës punëtore u ul në 30.9 për qind për gratë dhe 24.8 për qind për burrat.
Kjo tregon një integrim më të madh të të rinjve në tregun e punës paralelisht me aktivitetet arsimore, vëren Eurostat.
Në këtë grupmoshë, përqindja e të rinjve të punësuar ndërkohë që studiojnë ishte 19.6 për qind për gratë dhe 17 për qind për burrat.
Tek të rinjtë e moshës 25–29 vjeç, punësimi arriti në 62 për qind për gratë dhe 71.9 për qind për burrat.
Në këtë grupmoshë, përqindja e grave jashtë forcës punëtore dhe jo në arsimin formal (16.2 për qind) ishte më e lartë se ajo e burrave (6.9 për qind), gjë që mund të sugjerojë se ato preferojnë të fokusohen në edukimin e tyre gjatë viteve të reja.
Të dhënat tregojnë gjithashtu se gratë zakonisht regjistrohen më shumë në arsimin formal sesa burrat.
Megjithatë, kur nuk janë në arsim, ato kanë më pak gjasa të jenë të punësuara ose të kërkojnë punë, siç reflektohet nga normat më të ulëta të punësimit dhe nivelet më të larta të pasivitetit krahasuar me burrat./Telegrafi/
Ora që çdo sekondë numëronte kohën që robërit izraelitë kanë kaluar në duart e Hamasit që nga sulmi i grupit më 7 tetor 2023, u ndal mbrëmë.
Një masë e madhe njerëzish u mblodh për këtë rast në Sheshin e Robërve në Tel Aviv, ku Forumi i Familjeve të Robërve dhe të Zhdukurve organizoi një ceremoni për ndalimin simbolik të orës.
Në orën 17:35, ora, e cila kishte numëruar 843 ditë dhe 12 orë që nga momenti kur 251 persona u rrëmbyen dhe u dërguan në Gaza, u ndal simbolikisht, pas gjetjes së robit të fundit që ishte i mbajtur në Rripin e Gazës, Ran Gvili.
Midis folësve në ngjarje ishin motra e Gvilit, Shira, ish-robëri Segev Kalfon, si dhe anëtarë të familjeve të robërve të tjerë dhe viktimave të luftës, raporton ap.
Trupat e robërit të fundit izraelit në Gaza janë identifikuar, njoftoi ushtria izraelite të hënën, duke hapur rrugën për fazën e dytë të armëpushimit në Rripin e Gazës, të shkatërruar nga lufta.
Viktimat izraelite përfshirë sulmin fillestar të Hamasit më 7 tetor 2023 dhe pasojat e tij raportohet të jenë rreth 1,200 persona të vrarë nga autoritetet izraelite dhe burime të lajmeve perëndimore.
Sipas Ministrisë së Shëndetësisë në Gaza, numri i të vdekurve si pasojë e ofensivës izraelite që nga 7 tetori 2023 ka tejkaluar rreth 71,600 palestinezë. Në këtë total përfshihen civilë dhe luftëtarë, me shumë të dhëna që tregojnë se shumica janë civilë. /Telegrafi/
Login
