Dashi
Të lindur më: 21 Mars – 19 Prill
Sot, marrëdhëniet tuaja romantike mund të përjetojnë një frymë të re, duke ju afruar më shumë me partnerin ose duke tërhequr dikë të veçantë në jetën tuaj. Komunikimi i hapur dhe ndershmëria do të jenë çelësi për të shmangur keqkuptimet. Në ambientin e punës, një projekt i ri do të kërkojë vëmendjen tuaj, ndaj përqendrohuni dhe mos u shpërqendroni nga thashethemet rreth jush. Shëndeti juaj kërkon më shumë kujdes; një dietë e balancuar dhe aktiviteti fizik do t’ju ndihmojnë të ndiheni më mirë. Financat duken të qëndrueshme, por shmangni shpenzimet impulsive që mund të prishin buxhetin. Një këshillë e vyer nga një mik mund t’ju ndihmojë të merrni vendime më të mira. Nëse ndiheni të lodhur, mos e injoroni nevojën për pushim dhe relaksim.

Demi
Të lindur më: 20 Prill – 20 Maj
Sot do të ndiheni më të hapur ndaj ndjenjave dhe do të përjetoni momente të bukura me partnerin. Beqarët mund të kenë një njohje të re që do t’i befasojë me energjinë pozitive dhe sinqeritetin. Në punë, bashkëpunimi me kolegët do të jetë thelbësor për të arritur qëllimet e përbashkëta. Mos lejoni që tensionet e vogla t’ju ndikojnë në performancë. Kujdesuni për shëndetin tuaj, veçanërisht për sistemin nervor dhe shmangni stresin e tepërt. Në aspektin financiar, është dita e duhur për të rishikuar buxhetin dhe për të planifikuar investime të reja. Ndajini mendimet tuaja me ata që i besoni për të gjetur zgjidhje të zgjuara.

Binjakët
Të lindur më: 21 Maj – 20 Qershor
Në fushën e dashurisë, sot do të ndjeni nevojën për më shumë intimitet dhe afërsi me partnerin. Për ata që janë vetëm, mund të lindë një flirt interesant, por mos nxitoni të merrni vendime të nxituara. Në ambientin profesional, do të shfaqen mundësi të reja që kërkojnë guxim dhe vendosmëri nga ana juaj. Mos lejoni që pasiguritë të pengojnë përparimin tuaj. Shëndeti është i mirë, por është koha për të shtuar aktivitetin fizik në rutinën tuaj të përditshme. Në aspektin financiar, një shpenzim i papritur mund të kërkojë riorganizimin e prioriteteve. Bisedat me persona me përvojë mund t’ju ndihmojnë të gjeni rrugën e duhur.

Gaforrja
Të lindur më: 21 Qershor – 22 Korrik
Ditën e sotme, marrëdhëniet sentimentale kërkojnë vëmendje dhe mirëkuptim, prandaj dëgjoni me kujdes atë që ka për të thënë partneri juaj. Beqarët mund të ndihen të pavendosur, por një takim i rastësishëm mund të sjellë ndryshime pozitive. Në punë do të përballeni me sfida që kërkojnë zgjidhje të mençura dhe bashkëpunim me të tjerët. Mos ngurroni të kërkoni ndihmë nëse është e nevojshme. Shëndeti juaj do të përmirësohet nëse i kushtoni më shumë vëmendje pushimit dhe dietës së shëndetshme. Financat kërkojnë kujdes të veçantë; shmangni huazimet ose investimet e rrezikshme. Një këshillë nga një i afërm mund të jetë më e vlefshme se sa mendoni.

Luani
Të lindur më: 23 Korrik – 22 Gusht
Dita e sotme sjell harmoni në marrëdhëniet tuaja, duke ju ndihmuar të zgjidhni mosmarrëveshjet e mëparshme me partnerin. Për beqarët, një miqësi e vjetër mund të shndërrohet papritur në diçka më shumë. Në punë, do të ndiheni të motivuar dhe do të arrini rezultate të mira përmes përpjekjeve të vazhdueshme. Mos nënvlerësoni rëndësinë e bashkëpunimit dhe të dëgjimit të ideve të reja. Kujdesuni për shëndetin tuaj duke shmangur lodhjen dhe duke u fokusuar në relaksim. Në aspektin financiar, është koha të bëni plane afatgjata dhe të investoni me kujdes. Një mundësi e papritur mund të sjellë përfitime të mira materiale.

Virgjëresha
Të lindur më: 23 Gusht – 22 Shtator
Sot do të ndiheni më të afërt me partnerin dhe do të ndani momente të sinqerta që forcojnë lidhjen tuaj. Për ata që janë beqarë, ka shanse të mira për të takuar dikë me të cilin ndani interesa të përbashkëta. Në punë, dita do të jetë e ngarkuar, por angazhimi juaj do të shpërblehet me rezultate pozitive. Mos lejoni që presioni t’ju ndikojë negativisht; merrni frymë thellë dhe organizoni detyrat me kujdes. Shëndeti kërkon më shumë vëmendje ndaj zakonit të gjumit dhe hidratimit. Financat janë të qëndrueshme, por mos bëni shpenzime të panevojshme. Një lajm i mirë nga një i afërm mund të përmirësojë humorin tuaj.

Peshorja
Të lindur më: 23 Shtator – 22 Tetor
Në dashuri, dita premton emocione të forta dhe mundësi për të forcuar lidhjet me partnerin. Beqarët do të kenë shanse të mira për të njohur persona të rinj që i tërheqin intelektualisht. Në punë, një projekt i rëndësishëm kërkon vëmendjen tuaj të plotë dhe përkushtim. Bashkëpunimi me kolegët do të jetë kyç për suksesin. Shëndeti është i mirë, por mos e teproni me aktivitetet fizike dhe kujdesuni për ushqimin. Financat mund të përmirësohen falë një fitimi të papritur ose një marrëveshje të suksesshme. Mos harroni të ndani gëzimin tuaj me të tjerët dhe të jeni mirënjohës për çfarë keni.

Akrepi
Të lindur më: 23 Tetor – 21 Nëntor
Dita e sotme sjell harmoni në marrëdhëniet personale, duke ju dhënë mundësinë të përmirësoni komunikimin me partnerin ose të krijoni lidhje të reja. Beqarët mund të përjetojnë një tërheqje të veçantë me dikë që sapo kanë njohur. Në planin profesional, do të keni mundësi të shfaqni aftësitë tuaja dhe të fitoni vlerësimin e kolegëve dhe drejtuesve. Sfidat do të kapërcehen me qetësi dhe vendosmëri. Shëndeti është i mirë, por mos harroni të kujdeseni për relaksimin dhe të shmangni stresin e tepërt. Financat janë në një fazë të qëndrueshme, por është mirë të kurseni për të ardhmen. Një këshillë nga një mik i vjetër mund të jetë shumë e dobishme sot.

Shigjetari
Të lindur më: 22 Nëntor – 21 Dhjetor
Sot, marrëdhëniet romantike do të marrin një kthesë pozitive, sidomos nëse hapni zemrën dhe flisni hapur për ndjenjat tuaja. Për beqarët, një takim surprizë mund të sjellë emocionet që keni kërkuar prej kohësh. Në punë, është dita për të marrë iniciativën dhe për të treguar aftësitë tuaja lidershipi. Mos lejoni që pasiguritë t’ju ndalojnë të ecni përpara. Shëndeti është relativisht i mirë, por kushtojini vëmendje ushqimit dhe pushimit. Financat mund të përmirësohen falë një vendimi të zgjuar që merrni sot. Një bisedë e hapur me një të afërm do t’ju ndihmojë të shihni situatat nga një këndvështrim i ri.

Bricjapi
Të lindur më: 22 Dhjetor – 19 Janar
Ditën e sotme, marrëdhëniet tuaja kërkojnë më shumë përkushtim dhe mirëkuptim; një bisedë e hapur me partnerin do të zgjidhë shumë paqartësi. Beqarët do të tërhiqen nga persona me energji pozitive dhe të sinqertë. Në punë, do të hasni sfida të vogla, por do t’i kapërceni falë këmbënguljes dhe diplomacisë suaj. Mos lejoni që kritikat t’ju demoralizojnë, përkundrazi, përdorini si motivim për të përmirësuar veten. Shëndeti juaj është i qëndrueshëm, por një aktivitet i ri sportiv mund t’ju ndihmojë të ndiheni më energjikë. Financat kërkojnë vëmendje; planifikoni shpenzimet dhe shmangni investimet e rrezikshme. Një surprizë e këndshme mund të vijë nga një mik i largët.

Ujori
Të lindur më: 20 Janar – 18 Shkurt
Në aspektin sentimental, sot do të ndjeni nevojën për të shprehur më shumë dashurinë ndaj partnerit; një gjest i vogël mund të bëjë diferencën. Beqarët duhet të jenë të hapur ndaj njohjeve të reja që vijnë në mënyrë të papritur. Në punë, dita është ideale për të përfunduar detyrat e lëna pezull dhe për të organizuar prioritetet. Bashkëpunimi me kolegët do të sjellë rezultate të favorshme. Shëndeti është i mirë, por mos neglizhoni kontrollet rutinë. Në aspektin financiar, mbani nën kontroll shpenzimet dhe mos u tundoni nga ofertat joshëse. Një këshillë e marrë sot mund t’ju ndihmojë në vendime të rëndësishme.

Peshqit
Të lindur më: 19 Shkurt – 20 Mars
Dita do të jetë e mbushur me emocione pozitive në marrëdhëniet tuaja; ndjeni afërsi dhe mirëkuptim me partnerin. Beqarët mund të ndihen të motivuar për të marrë hapa të guximshëm drejt një lidhjeje të re. Në punë, do të përballeni me sfida, por me përkushtim dhe këmbëngulje do t’i kapërceni me sukses. Mos harroni të ndani idetë tuaja me të tjerët, pasi mund të merrni mbështetje të vlefshme. Shëndeti kërkon vëmendje ndaj stresit dhe të siguroheni që të pushoni mjaftueshëm. Financat janë të balancuara, por është mirë të shmangni rreziqet e panevojshme. Një bisedë miqësore mund të sjellë një ide të re për të ardhmen.

The post Horoskopi 22 Janar 2026, zbuloni parashikimin e yjeve për shenjën tuaj appeared first on Albeu.com.

Juventusi i Luçiano Spaletit, ka bërë detyrën ndaj Benfikës së Zhoze Murinjos, duke triumfuar me rezultatin 2-0, teksa falë kësaj fitoreje të tretë radhazi në Champions, ka arritur të sigurojë një vend, të paktën në “Play Off”. Duke u pozicionuar në vendin e 15-të me 12 pikë, 1 ndeshje nga fundi i ndeshjeve të grupit.

Golat e Turam dhe Mekenit në pjesë e dytë, i sollën fitoren bardhezinjve, ndërkohë që në minutën e 81-të, greku Pavlidis shpërdoroi një 11-metërsh për “Zonjën e Vjetër”.

Një fitore në transfertë ndaj Monako javën e ardhshme mund t’i shohë bardhezinjtë të përfundojnë mes tetë ekipeve më të mira, për sa kohë që disa rezultate të tjera shkojnë në favorin e tyre, në atë që pritet të jetë një ditë e fundit kaotike e fazës së ligës.

Ndërkohë, Benfika ende mund të kualifikohet për raundin “play-off” të fazës me eliminim direkt, por do të duhet të mposhtin Real Madridin në shtëpi dhe të shpresojnë që një sërë ndeshjesh të tjera të prodhojnë rezultatet e dëshiruara.

64′ GOOOOL JUVENTUS 2-0/  (VIDEO) 

55′ GOOOL JUVENTUS 1-0/  (VIDEO) 

The post VIDEO/ Juventusi mposht Benfikën e Murinjos appeared first on Albeu.com.

Kanë përfunduar 7 ndeshjet e fundit të mbrëmjës magjike të UEFA Champions League, të cilat nisën në orën 21:00. Në këto duele të vlefshme për raundin e 7-të të fazës së grupit, u shënua një total prej 22 golash.

Intersante sfida mes Slavia Prague dhe Barcelonës e cila u mbyll me rezultatin 2-4, në favor të katalansve. Edhe pse Slavia Prague e nisi “vrullshëm”, me golin e tij të parë në minutën e 10-të, falë goditjes së Kusej.

Ndëra më vonë “djemtë “e Hansi Flick dhuruan gola seri. Duke nisur që më dopietën e Fermin me shënime në minutën e 34-të dhe 42-të. E po në të njëjta “gjurmë”, vijuan edhe Olmo në minutën e 63-të dhe Lewandoski në minutën e 71-të, gol i cili finalzioi edhe ndeshjen.

Goli i Levandovskit (VIDEO)

Autogoli i Levandovskit (VIDEO)

Goli i dytë i Fermin Lopez (VIDEO)

Goli i Fermin Lopez (VIDEO)

Goli i Kushej (VIDEO)

Në sukses u mbyll edhe sfida e Bayern Munich kundër Royale Union, e cila u mbyll me shifrat 2-0, në favor të bavarezëve. Pjesa e parë nuk rezervoi asnjë aksion të finalizuar në gol, por shumë më ndryshe ajo e dyta.Ekipi i Vincent Kompany u nderua nga goli i parë i Kane, i cili u shënua në minutën e 52-të dhe penalltia e saktë sërish e Kane në minutën e 55-të. Dy goditje në rrjetën e rivalëve që e bënë skuadrën triumfuese për këtë duel.

Nga italianët, Juventus po ashtu bëri më të mirën e tij përballë Benficës, të cilën e mundi me rezuttatin 2-0. Gola të shënuara nga Thuram në minutën e 55-të dhe Mc Kennie në minutën e 64-të.

The post VIDEO/ Përmbysje spektakolare nga Barcelona dhe 22 gola në 7 sfida, bëjnë “detyrën” edhe Bayern Munich e Juventusi appeared first on Albeu.com.

Që kur Cristiano Ronaldo iu bashkua Al-Nassr, skena e futbollit në Arabinë Saudite është bërë papritur tërheqëse. Disa lojtarë të nivelit të lartë kanë ndjekur rrugën e portugezit, të tërhequr nga pagat që janë përtej mundësive të klubeve evropiane.

Po sikur t’ju thonin se mund të jeni personi i radhës që do t’u bashkohesh atyre? Diku midis provokimit dhe shakasë, është postuar një njoftim konkret në “Futboljobs”, portali spanjoll i dedikuar mundësive të punësimit në botën e futbollit. Zakonisht përdoret për të gjetur trajnerë atletikë dhe lojtarë në ligat më të ulëta, kërkesa e postuar disa orë më parë vjen direkt nga Liga Profesionale Saudite, liga më e lartë arabe, ku luajnë Retegui, Theo Hernandez, Koulibaly, Mané, Joao Felix etj.

“Na duhet një mesfushor mbrojtës”. Kërkesat e tjera? Përvojë në liga të një niveli të ngjashëm ose më të lartë se ajo arabe, mundësia për të parë CV-në sportive të lojtarit ose profilin e tregut të transferimeve, si dhe momentet kryesore të fundit. Për më tepër, lojtarët duhet të jenë të lirë ose të kenë kontroll të plotë të të drejtave të tyre.

Pjesa më intriguese, siç ndodh shpesh për ata që kanë marrë oferta nga klubet më të mira evropiane në zonat e Gedda ose Riyad, është padyshim ajo financiare: për kalimin në Ligën Profesionale Saudite, premtohet një pagë midis 600,000 dhe 1 milion euro në vit.

The post Arabia Saudite, njoftimi i pabesueshëm: Na duhet një mesfushor, paga 1 milion dollarë appeared first on Albeu.com.

Qeveria ka miratuar sot marrëveshjen për aderimin e Shqipërisë në Bordin e Paqes për Gazën, ndërsa Kuvendi pritet ta ratifikojë nesër.

Sipas dokumentit zyrtar, marrëveshja është miratuar në parim nga Këshilli i Ministrave me vendimin nr.45, datë 21 janar 2026, dhe parashikon që Shqipëria, e përfaqësuar nga Kryeministri Edi Rama, të bëhet pjesë e Kartës themeluese të Bordit të Paqes.

Çfarë është Bordi i Paqes

Bordi i Paqes do të krijohet si një organizatë ndërkombëtare me personalitet juridik ndërkombëtar, me mision promovimin e stabilitetit, rivendosjen e qeverisjes së ligjshme dhe sigurimin e paqes së qëndrueshme në territore të prekura ose të kërcënuara nga konflikti. Aktiviteti i tij do të zhvillohet në përputhje me të drejtën ndërkombëtare.

Roli i Shqipërisë dhe statusi i anëtarit themelues

Relacioni thekson se pjesëmarrja e Shqipërisë në Bord përbën një zhvillim me rëndësi të veçantë për politikën e jashtme dhe diplomacinë e vendit. Shqipëria parashikohet të ketë statusin e anëtarit themelues, çka i jep një rol aktiv dhe të barabartë në formësimin e vizionit, parimeve dhe arkitekturës vendimmarrëse të Bordit.

Qeveria argumenton se ky status rrit ndjeshëm profilin ndërkombëtar të Shqipërisë dhe e pozicionon vendin si faktor stabiliteti dhe aktor paqeje, veçanërisht në proceset që synojnë zgjidhjen e konflikteve shumëvjeçare, përfshirë Lindjen e Mesme. Dokumenti e cilëson gjithashtu këtë zhvillim si konfirmim të partneritetit strategjik me Shtetet e Bashkuara të Amerikës.

Si funksionon Bordi i Paqes

Sipas Kartës, Bordi do të drejtohet nga një Kryetar dhe do të ketë dy struktura kryesore vendimmarrëse: Bordin e Shteteve Anëtare dhe Bordin Ekzekutiv. Vendimet do të merren me shumicë votash, por do të kërkojnë konfirmimin e Kryetarit, i cili gëzon edhe të drejtën e vetos dhe autoritetin përfundimtar interpretues.

Anëtarësimi i shteteve do të bëhet me ftesë dhe mandat trevjeçar, me mundësi rinovimi. Përjashtim bëjnë shtetet që kontribuojnë mbi 1 miliard dollarë brenda vitit të parë, për të cilat nuk zbatohet kufiri trevjeçar i mandatit.

Karta garanton ruajtjen e sovranitetit të shteteve anëtare, duke përcaktuar se Bordi nuk ka juridiksion brenda territorit të tyre dhe nuk mund t’i detyrojë të marrin pjesë në misione pa pëlqimin e shprehur.

Financimi dhe imunitetet

Bordi i Paqes do të financohet përmes kontributeve vullnetare vjetore të shteteve anëtare. Ndërkohë, organizata dhe personeli i saj do të gëzojnë personalitet juridik ndërkombëtar, si dhe privilegje e imunitete të nevojshme për ushtrimin e funksioneve, të rregulluara përmes marrëveshjeve me shtetet pritëse.

Efektet financiare për Shqipërinë

Relacioni sqaron se në këtë fazë, miratimi i projektligjit nuk sjell kosto shtesë për buxhetin e shtetit. Megjithatë, anëtarësimi në Bord do të shoqërohet në të ardhmen me kontribute financiare vullnetare, të cilat do të përfshihen në buxhetin e Ministrisë për Evropën dhe Punët e Jashtme, si dhe në planifikimet afatmesme buxhetore 2027–2029.

Kush e zbaton marrëveshjen

Për zbatimin e projektligjit ngarkohet Ministria për Evropën dhe Punët e Jashtme, ndërsa për zbatimin e marrëveshjes do të përfshihen edhe Ministria e Mbrojtjes, Ministria e Infrastrukturës dhe Energjisë dhe Ministria e Punëve të Brendshme.

Marrëveshja për themelimin e Bordit të Paqes është iniciativë e Shteteve të Bashkuara të Amerikës dhe mbështetet nga rezoluta nr. 2803 (2025) e Këshillit të Sigurimit të OKB-së.

The post Qeveria miraton aderimin e Shqipërisë në Bordin e Paqes, zbardhet marrëveshja që pritet të votohet nesër në Kuvend appeared first on Albeu.com.

Barcelona ka marrë një sukses të rëndësishëm në Pragë, duke fituar 4-2 ndaj Slavias vendase, në një sfidë që rezultoi më e vështirë se pritej për katalanasit.

Vendasit kaluan të parët në avantazh, por u përmbysën më pas nga Fermin Lopez. Megjithatë, Levandovski me një autogol mbylli në barazim pjesën e parë.

Dëmtimi i Pedrit i hapi rrugë aktivizimit të Olmos dhe ky i fundit, pak çaste pasi u fut në fushë, shënoi golin e avantazhit. Më pas Levandovski shleu gabimin duke shënuar golin e katërt për Barcelonën e cila siguroi tre pikë të arta që e afrojnë me tetëshen e parë.

Goli i Lervandovskit (VIDEO)

Autogoli i Levandovskit (VIDEO)

Goli i dytë i Fermin Lopez (VIDEO)

Goli i Fermin Lopez (VIDEO)

Goli i Kushej (VIDEO)

The post VIDEO/ Barcelona mposht Slavia Pragën appeared first on Albeu.com.

Në ndeshjen e parafundit të fazës së grupit të Ligës së Kampionëve, Atlético Madrid barazoi 1-1 me Galatasarayn.

Në Turqi, Colchoneros zhbllokuan sfidën pas katër minutash, me Simeonen që shënoi me kokë pas një asisti të Ruggeri-t. Vendasit barazuan në minutën e 20-të, kur Sallai asistoi autogolin e Marcos Llorente-s.

Me këtë barazim 1-1, Atlético Madrid ngjitet në 13 pikë, duke synuar ende një biletë në tetë vendet e para. Ndërkohë, Galatasaray ka 10 pikë në renditje dhe është në garë për një vend në play-off.

Autogoli i Jorente (VIDEO)

Goli i Simeone (VIDEO)

Ëndrra e Qarabag për kualifikim në fazën play off është më e gjallë se kurrë pas fitores 3-2 në shtëpi kundër Eintracht Frankfurt. Azerbajxhanasit zhbllokuan sfidën me golin e Duran në minutën e katërt, i ndjekur nga një rikthim gjerman nëpërmjet Uzun (10′) dhe një penalltie nga Chaibi (78′).

Dy minuta më vonë, Duran shënoi golin e dytë për barazimin e ndeshjes, më pas goli i Mustafazadas në minutën e 94-të i lejoi vendasve të ngjiteshin në 10 pikë në renditje.

The post VIDEO/Galatasaray ndal Atleticon appeared first on Albeu.com.

Për ditën e enjte vendi ynë do të ndikohet nga kushte atmosferike të paqëndrueshme.

Moti parashikohet me vranësira mesatare deri të dendura si dhe intervale të herëpashershme me diell (kthjellime).

Përgjatë ultësirës perëndimore dhe zonave bregdetare reshje shiu të herëpashershme me intensitet kryesisht të ulët. Këto reshje në periudha tepër afatshkurtra në formën e shtrëngatave.

Mjegull e dendur/mjegullinë në zonat luginore në orët e mëngjesit si dhe në momentin e reshjeve të shiut. Në zonën e Alpeve reshje dëbore me intensitet të ulët kryesisht në orët e mëngjesit dhe ato të mbrëmjes vonë.

Temperaturat maksimale pritet të arrijnë deri në 15 gradë celcius, ndërsa ato minimale në -1 gradë celcius.

Era do të fryjë me drejtim verilindje–juglindje, me shpejtësi mesatare 7 m/s, përgjatë vijës bregdetare dhe zonat luginore era me shpejtësi deri në 16 m/s.

Valëzimi në detet Jon dhe Adriatik do të jetë i forcës 2-4 ballë.

The post Ditët e ftohta mbërthejnë vendin, ja çfarë pritet të ndodh nesër me motin appeared first on Albeu.com.

Pas njoftimit nga Kuvendi për seancë plenare ditën e nesërme në ora 10:00, grupi parlamentar i PD ka njoftuar në ora 09:00 të së enjtes, do të zhvillojë mbledhje në seli.

Sipas njoftimit të PD, edhe pse nuk janë dakord me rendin e ditës, ku do të votohet në seancë të përshpejtuar projektvendmi i miratuar sot nga qeveria për pjesëmarrjen e Shqipërisë në Bordin e Paqes, ata do të marrin pjesë në seancë.

Burime i thanë Top Channel se deputetët e PD do të votojnë pro bërjes pjesë të Shqipërisë në Bordin e Paqes, me ftesë nga Presidenti Donald Trump.

“Pavarësisht shkeljes së të gjitha rregullave procedurale kushtetuese dhe të Rregullores së Kuvendin, si një provokim të ulët ndaj opozitës dhe qytetarëve shqiptar, nga njeriu që ngërçin e tij me SHBA dëshiron tia imponojë Shqipërisë apo të mashtrojë shqiptarët sikur kjo nuk ekziston, ne DO TË MARRIM PJESË nesër në seancë, si mbështetje ndaj përpjekjeve/angazhimit të Presidentit të SHBA për paqen dhe sigurinë globale”, thuhet në njoftimin e PD.

The post Seanca e përshpejtuar për Bordin e Paqes me kërkesë të PS, reagon PD: Do marrim pjesë, pavarësisht shkeljes së rregullave appeared first on Albeu.com.

Kuvendi ka miratuar kërkesën e grupit parlamentar të Partisë Socialiste për zhvillimin e seancës plenare ditën e enjte në ora 10:00, për miratimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Bordin e Paqes. Ndërkohë, Kuvendi ka bërë publike agjendën e punimeve në mbështetje të urdhrit nr. 4, datë 21.1.2026 të Kryetarit të Kuvendit, Niko Peleshi.

Rendi i ditës është si më poshtë:

1. Njoftime.
(Neni 44, pika 3, të Rregullores së Kuvendit)
2. Projektligji “Për ratifikimin e marrëveshjes së pranimit të Republikës së
Shqipërisë, përfaqësuar nga Kryeministri Edi Rama, në Kartën e Bordit të
Paqes”.
(Në mbështetje të neneve 78, 81 pika 1, 83, pika 1 dhe 2, dhe nenit 121, pika 1, të
Kushtetutës, si dhe neneve 55, 73-77 të Rregullores, shumicë absolute votash për
miratim)
Pyetje
Shprehet nismëtari
Shprehet Komisioni përgjegjës për Europën dhe Punët e Jashtme
Diskutime
(Shprehen grupet parlamentare)

The post Kuvendi miraton kërkesën e PS/ Të enjten seancë plenare, ja rendi i ditës appeared first on Albeu.com.

Një aksident rrugor është regjistruar mbrëmjen e sotme pranë kryqëzimit të Rrilës, në superstradën Lezhë–Milot.

Sipas informacioneve paraprake, dy automjete janë përplasur me njëra-tjetrën, ndërsa njëri prej tyre ka goditur edhe dy mjete të tjera, të cilat po tentonin të shmangnin aksidentin.

Si pasojë e përplasjes, ka mbetur e plagosur një grua shtatzënë, e cila ndodhej në njërin prej automjeteve.

Ajo është transportuar menjëherë drejt Spitalit të Lezhës për kontrolle mjekësore dhe fatmirësisht ndodhet jashtë rrezikut për jetën.

Policia ka mbërritur në vendngjarje dhe po punon për zbardhjen e plotë të rrethanave të aksidentit, ndërsa paraprakisht dyshohet se shkak ka qenë një parakalim i gabuar nga një prej mjeteve të përfshira.

The post Aksident zinxhir në aksin Lezhë-Milot, katër makina përplasen me njëra-tjetrën! Plagoset një grua shtatzënë appeared first on Albeu.com.

Zyra turke e platformës së tregtisë elektronike me seli në Kinë, Temu, u bastis nga ekipet e Autoritetit të Konkurrencës në orët e para të mëngjesit. Një zëdhënës i kompanisë, duke folur për Reuters, deklaroi se ata do të bashkëpunonin me autoritetet dhe se kompjuterët dhe laptopët u sekuestruan gjatë operacionit, transmeton Albeu.com.

Një zëdhënës i Temu-t konfirmoi bastisjen për Reuters, duke thënë: “Ne do të bashkëpunojmë plotësisht me autoritetet turke”. Zëdhënësi deklaroi se laptopët dhe kompjuterët e tjerë u sekuestruan nga zyra gjatë operacionit.

Sipas raportimeve të mediave, Temu, e njohur për produktet e saj me çmime shumë të ulëta në të gjithë botën, është e lidhur me gjigantin kinez të tregtisë elektronike PDD (PDD Holdings). Platforma Temu shet një gamë të gjerë produktesh, nga veshjet te telefonat inteligjentë.

Sipas Reuters, operacioni i Temu-t në Turqi erdhi pas presionit nga rregullatorët e Bashkimit Evropian në selinë evropiane të kompanisë në Dublin për “subvencione të padrejta shtetërore kineze” të mundshme. /albeu.com/

The post Turqia bastis zyrat e TEMU në Stamboll appeared first on Albeu.com.

Parlamenti Evropian ka pezulluar zyrtarisht procesin e ratifikimit të marrëveshjes tregtare me SHBA-në, në shenjë proteste kundër kërcënimit të Donald Trump për të vendosur tarifa prej 10% mbi eksportet e BE-së, nëse blloku nuk pranon që ai të marrë Groenlandën.

Pauza është përgjigja më e fortë materiale që BE-ja ka treguar deri më tani ndaj asaj që disa udhëheqës javën e kaluar e quajtën shantazh .

Bernd Lange, kreu i komitetit të tregtisë së parlamentit evropian, tha se derisa “të mbarojnë kërcënimet mbi Groenlandën, nuk do të ketë mundësi për kompromis” mbi ratifikimin e marrëveshjes së SHBA-së, e cila u premtoi amerikanëve një epokë të re me tarifa 0% për shumë eksporte industriale.

Lange konfirmoi se premtimi i BE-së për të blerë 750 miliardë dollarë energji nuk do të ndikohej nga vendimi pasi ai ishte i ndarë nga marrëveshja e tarifave. Në shenjë të kthesës në marrëdhëniet transatlantike, presidentja e Komisionit Evropian, Ursula von der Leyen, u kthye në Bruksel pasi iu drejtua parlamentit. Ajo u kthye për t’u përgatitur për një samit emergjent në Bruksel në orën 19:00 të enjten për të diskutuar një sërë opsionesh të hapura për BE-në në rast se presidenti amerikan do të vazhdonte me kërcënimin e tij për tarifa.

Ato përfshijnë vendosjen e tarifave me vlerë 93 miliardë euro mbi eksportet amerikane në BE dhe aktivizimin e një instrumenti anti-shtrëngim të papërdorur më parë, i parë si pengesë bërthamore e sanksioneve tregtare. Fillimisht i projektuar për të kufizuar shtrëngimin e Kinës ndaj shteteve anëtare individuale, ky dokument do t’i lejonte BE-së të kufizonte bizneset amerikane nga hyrja në tregun e BE-së.

Në teori, BE- ja mund të synojë çdo gjë, nga kompanitë amerikane të teknologjisë dhe kriptovalutave te prodhuesit e avionëve apo mallrat bujqësore. Por konsumatorët evropianë mund të hezitojnë ndaj kostove shtesë ose kufizimeve mbi kompanitë amerikane, të tilla si Apple ose Netflix.

BE tha se vazhdon të punojë për zgjidhje diplomatike për të shmangur një luftë tregtare, ndërsa Lange pranoi se “shumë gjëra mund të ndodhin” nga tani deri më 2 shkurt, kur kërcënimet e Trump për tarifa pritet të realizohen. “Gjithmonë ka surpriza të përditshme që vijnë nga Shtëpia e Bardhë”, tha ai.

Ndërsa një luftë tregtare me SHBA-në do të ishte shumë e dëmshme, përpjekjet e BE-së për të diversifikuar tregjet e saj u goditën gjithashtu rëndë nga parlamenti, pasi eurodeputetët votuan, me një shumicë prej vetëm 10, për ta referuar marrëveshjen tregtare të Mercosur me vendet e Amerikës Latine në Gjykatën Evropiane të Drejtësisë.

Vendimi u dënua nga Lange, ndërsa Komisioni Evropian tha se vendimi ishte “i keqardhur”, ashtu si edhe Friedrich Merz, kancelari i Gjermanisë, ku prodhuesit e makinave gjithashtu e dënuan këtë veprim.

Komisioni Evropian ka fuqinë për të zbatuar marrëveshjen Mercosur përkohësisht, ashtu siç bëri me marrëveshjen tregtare të Brexit me Mbretërinë e Bashkuar. Por Lange paralajmëroi se nëse Komisioni do të vazhdonte me një veprim të tillë, kjo do ta zhytte bllokun në një “konflikt të madh institucional”.

The post Kërcënimet e vazhdueshme për Groenlandën, Evropa i jep goditjen e parë Donald Trump: Pezullohet marrëveshja tregtare me SHBA appeared first on Albeu.com.

Kryetari i Partisë demokratike Sali Berisha mbajti sot një bashkëbisedim me qytetarët në njësinë nr.2 Tiranë.

Gjatë bashkëbisedimit një qytetar i tha Berishës se ka ardhur koha të ndalojnë denoncimet lart e poshtë sepse sipas tij tashmë dihet mirë se kush janë hajdutërit dhe kërkoi ndryshim konkret nga PD për të fituar elektoratin që nuk e voton.

“Që PD të fitojë mbështetjen e popullit ka vetëm një ka vetëm disa rrugë të qarta. Kam dëgjuar disa foltore doktor dhe nuk më kanë pëlqyer sepse nuk duhet të vendosim gishtin te Rama apo Balluku, por të tregojmë se çfarë do bëjmë ndryshe sepse kështu i mbushet mendja asaj pjesës tjetër që nuk na voton. Janë hajdutër mjafton një herë t’ua themi një herë. Na mungon uji, energjia, ilaçet etj., por kemi 30 vite që i dëgjojmë, kur kemi dalë në 90’ kishim shumë shpresa, dhe këto shpresa i përdhosi si PD, PS dhe i gjithë rangu politik. Asnjë nuk punon për interes kombëtar, por për të pasuaruar veten dhe të gjitha ithtarët që i rrinë pas. Më falni për kritikën, por dua të jem i sinqertë sot”, tha qytetari

Më tej ai i tha kryedemokratit se nëse vjen në pushtet duhet të kontrollojë pasurinë e të gjithë politikanëve shqiptar dhe t’iu ngrihen asete që kanë vjedhur nga populli.

“Unë kërkoj që pas ardhjes së saj në pushtet nëse ndodh, PD të kërkojë shqyrtimin e pasurisë së politikanëve nga cila anë të jetë sepse vetëm kështu krijojmë besim te populli, ku prospetriteti të jetë mes nesh. Sot nuk mund të tregoni sot nga PS, është e saktë kjo që bëni, por nuk keni aftësi juridike të denonconi sepse i gjithë sistemi gjyqësor është i kapur, është e kotë, ju denonconi lart e poshtë gjëra që dihen qartë, nëse prokuroria nuk punon ndaj atyre që shkelin ligjin, por merret se i kujt partie është, s’ka vlerë. Për të gjitha këta që denonconi ju është shume e thjeshtë, kur të vini në pushtet, bëhet një ligj për të analizuar nga kanë ardhur këto para, të ngrihen dhe t’iu kthehen atyre që iu janë marrë, premtojani popullit këtë. Ka nevojë populli për qaje serioze ndoshta s’do keni sukses”, u shpreh demokrati.

The post “Nuk fitohet duke vendosur gishtin te ata”, demokrati ja thotë në sy Berishës: S’shtyhet më me denoncime lart e poshtë, tregoni ç’do bëni ndryshe appeared first on Albeu.com.

Pas tensioneve të shumta brenda shtëpisë, Selin ka folur për herë të parë në Dhomën e Rrëfimit, duke shpërthyer në lot dhe duke reaguar ashpër ndaj fjalëve të Rogertit, të cilat kanë shkaktuar debat të madh si mes banorëve, ashtu edhe jashtë shtëpisë.

E prekur emocionalisht, Selin u shpreh se deklaratat e Rogertit i kanë kaluar çdo kufi. “T’i thuash dikujt: ‘Unë të isha vëllai yt s’të kisha lënë të hyje në shtëpi’, tregon shumë.

Tregon që unë aty jashtë pale si kam dalë dhe ky tani po bën rolin e familjarit”, tha ajo me zë të dridhur, duke theksuar se askush nuk ka të drejtë të gjykojë jetën personale të një tjetri.

Selin shtoi se ishte thellësisht e zhgënjyer nga mënyra se si Rogerti u shpreh, duke prekur edhe stereotipe krahinore.

“Mendova që veriorët janë burra, nuk bëjnë llaka-llaka si puna jote”, u shpreh ajo, duke theksuar se ajo që e lëndoi më shumë nuk ishte vetëm fjala, por qëllimi pas saj.

Situata mes dyshes mbetet e tensionuar dhe pritet të sjellë përplasje të reja në ditët në vijim, që mbetet për t’u parë.

Rikujtojmë që gjithë këto përplasje mes dyshes kanë ardhur si pasojë e ndarjes së krevatit mes Mirit dhe Selin.

The post Me lot në sy, Selin thyen heshtjen në Dhomën e Rrëfimit pas deklaratave të Rogertit appeared first on Albeu.com.

Një aksident rrugor ka ndodhur mbrëmjen e sotme në aksin Lezhë-Ishull Lezhë. Mësohet se një mjet tip “Benz” ka humbur kontrollin dhe është përplasur me një shtyllë ndriçimi dhe si pasojë është përmbysur më pas në mes të rrugës.

Gjithashtu bëhet me dije se drejtuesi i mjetit ndodhet jashtë rrezikut për jetën. Ndërkohë në vendngjarje ka mbërritur policia dhe po heton shkaqet e plota të aksidentit.

The post Aksident në aksin Lezhë-Ishull, makina përplaset me shtyllën e ndriçimit dhe përmbyset në mes të rrugës appeared first on Albeu.com.

Bukuroshja Juliana Nura ka bërë një tjetër rrëfim interesant, duke tërhequr sërish vëmendjen e publikut me deklaratat e saj të sinqerta dhe të drejtpërdrejta. Kësaj radhe, modelja drenicase ishte e ftuar në emisionin “Canapé”, ku ndau detaje nga takime të veçanta me yje të futbollit botëror.

Gjatë intervistës, Juliana tregoi se vite më parë kishte takuar legjendën e futbollit francez, Karim Benzema, madje kishte qenë e pranishme edhe në ditëlindjen e tij.

Ajo zbuloi se kanë prerë tortën bashkë, ndërsa momenti ishte bërë viral në rrjet. Sipas saj, ekzistojnë ende fotografi në internet nga ajo ditëlindje, të cilat ajo është përpjekur t’i largojë, por pa sukses, për shkak të të drejtave autoriale. “Edhe në ditëlindjen e Benzemas kam qenë, e kemi prerë tortën bashkë, edhe ajo është bërë virale, janë foto në internet dhe pastaj jam munduar t’i heq, por nuk kemi mundur t’i heqim për shkak të të drejtave autoriale”, u shpreh ajo.

Ky rrëfim erdhi pasi Juliana u pyet edhe për një deklaratë të mëhershme të saj, ku kishte pohuar se kishte takuar Cristiano Ronaldon. Ajo sqaroi se takimi kishte ndodhur në një periudhë kur ylli portugez ishte në kërkim të një partnereje, por se ajo kishte vendosur ta refuzonte.

Sipas Julianës, arsyeja e refuzimit lidhej me faktin se Ronaldo nuk ishte shqiptar dhe se nuk përputheshin në mendime dhe vlera. Ky qëndrim i saj, sipas modeles, ishte i qartë dhe i vendosur, pavarësisht famës dhe statusit të futbollistit.

Rrëfimet e Julianës vazhdojnë të zgjojnë interes të madh në publik, ndërsa ajo mbetet një nga figurat më të komentuara sa herë që ndan detaje nga jeta e saj personale dhe takimet me emra të njohur ndërkombëtarë.

The post Xhuli vazhdon të befasojë me deklaratat: Ronaldon e refuzova sepse nuk doja partner jo shqiptar, me Benzeman isha në ditëlindje – e premë tortën bashkë appeared first on Albeu.com.

Kreu i PD-së Sali Berisha foli mbi korrupsionin e Belinda Ballukut, gjatë foltores së radhës me demokratët e njësisë numër 2 në Tiranë.

Berisha theksoi se dosjet e Ballukut në SPAK, arrijnë në mld euro dhe janë të paimagjinueshme skenarët e vjedhjeve të saj.

Ndërkohë foli edhe për parkun Durana që nuk ka asnjë tullë, por është një livadh ku kompanitë teknologjike paguajnë taksa ndaj familjes Rama sipas tij.

Berisha: Dalin dosje që ka vetëm një emër Edi Rama. Dosjet e LB të cilat arrijnë mld euro. Nuk ka imagjinatë asnjëri prej nesh po të ulet dhe të shkruajë skenarët si kanë vjedhur, nuk është i zoti. Kush imagjinonte se livadhet e Troplinit do shpalleshin zona të teknologjisë së lartë, ku aty ka vetëm lop që kullosin. Edi Rama, baxhanaku i tij, marrin taksa e dhjetra kompanive që paguajnë 5% taksë sepse tjetrën ja paguajnë familjes Rama dhe Rama.

Asnjë tullë nuk ka aty, prej 2 vjetësh paguajnë taksa. A mund të ketë që një ndërmarrje e shtetit të merren peng biznesmenët që guxojnë të marrin pjesë në tenderë. Sepse aty zot absolut është baxhanaku Frangu, kunati i Lindës së Surrelit, që bën reklamë në tv për vuajtjet e mëdha të bashkëshortit në vjedhje, po aq përgjegjësie në vjedhje sa Mirlinda e AKSHI. E bën Belindën kalë betejë, sfidë dhe poshtërim, nuk i heq imunitetin. Duhet të jeni të kthjellët, kurrë një kryeministër kërkesën qoftë dhe 100% e padrejtë për të heq imunitetin.

The post “Dosjet e Lubi Ballukut arrijnë mld euro”, Berisha: “Durana” nuk ka asnjë tullë, prej dy vjetësh i paguhen taksë familjes Rama appeared first on Albeu.com.

Princi Harry nuk hezitoi të shfaqte emocione sot gjatë dëshmisë së tij në Gjykatën e Lartë në Londër, si pjesë e gjyqit kundër botuesit të Daily Mail.Gjatë dëshmisë së tij, ai deklaroi se jeta e gruas së tij ishte shndërruar në një mjerim të plotë. Paraqitja e Princit Harry në gjykatë është e treta në mosmarrëveshjen ligjore që ai po drejton kundër Associated Newspapers Ltd.

Ai është pjesë e personazheve të famshëm që kanë ngritur padi kundër ANL-së për atë që ata e pretendojnë si mbledhje të paligjshme informacionesh.

Paditësit përfshijnë Sir Elton John me bashkëshortin e tij David Furnish, aktivisten Doreen Lawrence, Sir Simon Hughes dhe aktoret Sadie Frost, si dhe Liz Hurley.
Në padi, ata pretenduan se informacioni për artikujt ishte mbledhur përmes aktiviteteve të paligjshme, të tilla si përgjimi dhe qasja e paligjshme në informacionin privat. ANL i mohoi të gjitha akuzat.

Princi Harry kaloi rreth dy orë e gjysmë duke iu përgjigjur pyetjeve të avokatëve të ANL-së. Pas kësaj, ai iu përgjigj një pyetjeje nga avokati i tij David Sherborne në lidhje me ndjesinë e tij.

“Është gabim të na fusin përsëri nëpër këtë kur e vetmja gjë që donim ishte një falje dhe llogaridhënie. Kjo është një përvojë e tmerrshme”, tha ai.

Në një fjalim emocional, Harry vazhdoi të thoshte se media vazhdon ta ndjekë dhe përsëriti se jeta e gruas së tij është shndërruar në një mjerim absolut. Ai tha në një deklaratë me shkrim se gjithmonë ka pasur një marrëdhënie të keqe me median dhe se ndjente se çdo lëvizje, mendim apo ndjenjë e tij po monitorohej.

Avokatët e ANL-së deklaruan se paditësit kishin rrethe shoqërore të depërtueshme, si dhe se informacioni vinte nga burime të ndryshme. Përveç kësaj, avokati i ANL-së, Anthony White, deklaroi në gjykatë se akuzat u ngritën shumë vonë dhe ata mohuan çdo mbledhje të paligjshme informacioni rreth Princit Harry.

Avokati White deklaroi se tekstet e kontestuara u morën nga informacionet e dhëna nga kontaktet e gazetarëve, zyrtarëve të marrëdhënieve me publikun dhe fotografëve. Gjyqi duhet të përfundojë në mars të këtij viti, ndërsa vendimi do të shpallet më vonë me shkrim.

The post Princi Harry iu drejtua Gjykatës së Lartë në Londër: Media e ka kthyer jetën e gruas sime në mjerim appeared first on Albeu.com.

Monika Kryemadhi ka deklaruar se ajo gjithnjë ka qenë ‘pa filtra’ kur vjen puna për të thënë opinionin e saj. Në një intervistë për ‘Ftesë në 5′, Monika u pyet nëse beson ende te dashuria pas divorcit. Në përgjigje, Kryemadhi tha se beson në dashuria, por ajo thotë ndër reshta se është ende e dashuruar me Metën, ose të paktën se ai është dashuria e saj e parë dhe e fundit.

Kryemadhi theksoi se Meta ka qenë dashuria e parë dhe e fundit dhe shtoi se e gjithë jeta saj politike ka filluar me Metën në krahë. Ajo tha ndër të tjera se politika bashkoi dhe prapë politika i ndau.

“Nuk mendoj se jam në fazë për të dashuruar sepse unë e kam dashurinë time, sepse dashuria ime me ish bashkëshortin ka kaluar në shumë sfida, dhe edhe kur vjen një moment që mbaron dashuria, nuk do të thotë që mbaron dashura nga ana tjetër.

Nuk është më prioriteti im një dashuri tjetër. Për fatin tim të mirë ose të keq, Meta ka qenë dashuria e parë dhe e fundit mund ta them. E para mendoj se e gjithë jeta ime politike ka filluar me Metën në krahë, politika na bashkoi dhe prapë politika na ndau.

Nuk e kam menduar si një marrëdhënie që ishte në kurriz të politikës, e kam dashur ndoshta më shumë se sa më ka dashur ai, dhe kur ndodh kështu je akoma e ngopur për të parë nga një dashuri tjetër”, rrëfeu ajo.

The post Monika Kryemadhi: Meta ka qenë dashuria e parë dhe e fundit mund ta them! Politika na bashkoi, politika na ndau appeared first on Albeu.com.