nga Ersuin Shehu

Banka e Shqipërisë vendosi në fillim të këtij muaji të japë miratimin paraprak për licencimin e bankës JET Bank, për të ushtruar veprimtari bankare dhe financiare në Republikën e Shqipërisë.

Ndryshe nga të gjitha bankat e licencuara ose të blera në 20 vitet e fundit, aksionar kontrollues në shoqërinë që përfaqëson bankën e re, të paktën deri në këtë moment, nuk është një kompani, por një individ.

Sipas Bankës së Shqipërisë dhe ekstraktit zyrtar të shoqërisë, në momentin e aplikimit për licencë kompania Jet Albania (JET Bank) zotërohej nga shtetasi britaniko-izraelit, Idan Avishai. Avishai është identifikuar zyrtarisht në Shqipëri si shtetas britanik, i lindur në Hadera të Izraelit, në 8 janar 1980. Kapitali fillestar i regjistruar i kompanisë është vetëm 3.5 milionë lekë.

Idan Avishai ka mbajtur deri tani një profil të ulët dhe informacioni publik rreth tij është i pakët.

Përfaqësues zyrtar i aksionarit në procedurën e licencimit ka qenë menaxheri nga Izraeli, Gal Bar Dea, ish-drejtor i përgjithshëm i bankës dixhitale izraelite, One Zero Digital Bank.

Bar Dea ka qenë personi kyç në kontaktet me Bankën e Shqipërisë dhe në procesin e rekrutimin e të stafit, duke përfshirë edhe menaxherët e lartë të JET Bank.

Ndërkohë, përvoja e deritanishme e aksionarit të vetëm zyrtar të JET Bank, Idan Avishai, sipas profilit të tij në rrjetet profesionale, është e lidhur kryesisht me aktivitetin e platformave të tregtimit online ose siç njihen në zhargonin financiar “platforma forex”.

Në një nga platformat profesionale, Idan Avishai, i prezantuar si pjesë e Leader Capital-Online CFD, e përshkruan veten si “një profesionist inovativ dhe me përvojë në marketing me një përvojë të fortë në sektorët e tregtimit online, duke përfshirë Kontratat për Diferencë (CFD) dhe këmbimin valutor (forex). Ai është gjithmonë në kërkim të sipërmarrjeve të reja emocionuese online CFD dhe forex, duke demonstruar angazhimin e tij për të avancuar peizazhin e tregtimit. Me vite përvojë në karrierën e tij, Idan Avishai vazhdon të shtyjë kufijtë duke eksploruar zgjidhje inovative të marketingut të përshtatura për tregtimin CFD dhe forex, duke kërkuar gjithmonë të rrisë angazhimin e përdoruesve dhe të përmirësojë përvojat e tregtimit,” thuhet në profilin e tij.

Në regjistrin e bizneseve të Britanisë së Madhe, shtetasi Idan Avishai, i datëlindjes janar 1980, rezulton aksionar dhe drejtor në S.O.N MANAGEMENT LTD, kompani e regjistruar në vitin 2017, me objekt kryesor aktiviteti menaxhimin dhe konsulencën në aktivitete jashtë menaxhimit financiar.

Në regjistrin në fjalë, Idan Avishai nuk figuron ende si shtetas britanik, por shtetas izraelit dhe rezident në Izrael. Ai besohet ta ketë marrë shtetësinë britanike vetëm vitet e fundit, duke qenë se pasaporta e tij britanike, me të cilën është identifikuar në aktet juridike të regjistruara në Shqipëri, rezulton e lëshuar në vitin 2024.

Lidhja e deklaruar me platformën Fortrade

Në profilin e tij në rrjetin profesional Linkedin, Idan Avishai, deri para disa javësh, e lidhte veten edhe me platformën e tregtimit online, Fortrade. Pasi i dërguam disa pyetje për të komentuar lidhjen e tij me këtë platformë, emri i Fortrade u fshi nga informacioni prezantues në profilin e tij të Linkedin.

Kjo platformë (që vepronte fillimisht me emrin FXLider) u raportua publikisht në vitin 2018 nga Autoriteti i Mbikëqyrjes Financiare (AMF) për ushtrimin e aktivitetit financiar të palicencuar në Republikën e Shqipërisë. Burime nga tregu bëjnë të ditur se një gjë të tillë ka bërë edhe Autoriteti homolog në Kroaci, HANFA.

https://amf.gov.al/news.asp?id=22200

Pavarësisht kësaj, platforma Fortrade vazhdon të ofrojë shërbime investimi për klientë nga Shqipëria, madje në të ekziston edhe një seksion me informacion në gjuhën shqipe. Besohet se shërbimet për Shqipërinë ofrohen nëpërmjet degës së kompanisë në fjalë, të regjistruar në Serbi.

Fortrade është një rrjet me kompani ose zyra të regjistruara në vende të ndryshme, si Britaninë e Madhe, Qipro, Kanada, Australi, Mauritius, Izrael dhe Serbi.

Në të gjitha regjistrimet e disponueshme publikisht, kompania nuk raporton direkt persona ose subjekte me kontroll domethënës apo influencues. Entiteti i fundit kontrollues është raportuar Audina Treuhand AG, një shoqëri e regjistruar në Lihtenshtein. Kjo kompani funksionon si një trust i pavarur ose shoqëri që vepron si palë e besuar dhe administratore e aseteve të personave të tretë.

Njëri nga personat e emëruar fillimisht si pjesë e Këshillit Drejtues të JET Albania, Oliver Hemmer (i zëvendësuar më pas), është gjithashtu shtetas dhe rezident në Lihtenshtejn.

Ai rezulton drejtor në CMC Corp.Management Consulting AG, shoqëri e regjistruar gjithashtu në Lihteshtejn. Nga informacionet publike në rrjet, nuk rezultojnë lidhje direkte të tij me Audina Treuhand apo Fortrade.

Por, Oliver Hemmer gjithashtu rezulton i lidhur me një platformë Forex, të quajtur 4XFX, që është sinjalizuar në vitin 2019 nga Autoriteti Britanik për Mbikëqyrjen Financiare (FCA) për aktivitet të paautorizuar në Britaninë e Madhe. Në njoftimin e FCA, platforma 4XFX zotërohej nga GRF EUROPE OU, shoqëri e regjistruar në Gjermani, me drejtor menaxhues pikërisht Oliver Hemmer. Një paralajmërim të ngjashëm për 4XFX kanë lëshuar edhe autoritetet mbikëqyrës të tregjeve financiare në Irlandë, Australi dhe Kanada

Emri i Oliver Hemmer rezulton edhe në bazën e të dhënave Offshore Leaks Database, që përmban informacion për kompanitë e regjistruara në parajsat fiskale dhe individët e lidhur me to.

Licencimi i JET Bank përfaqëson një shmangie nga politikat e deritanishme të licencimit të ndjekura nga Banka e Shqipërisë, që prej vitesh kanë përjashtuar mundësinë e dhënies së licencave apo aprovimit të blerjes së bankave nga aksionarë pa përvojë në sektorin financiar, në përputhje edhe me rekomandimet e Fondit Monetar Ndërkombëtar (FMN).

Në vitin 2019, një nga grupet më të mëdha të biznesit në Shqipëri, Balfin, u detyrua të hynte në partneritet të përkohshëm me bankën nga Maqedonia e Veriut, Komercijalna Banka, për të marrë miratimin për blerjen e Tirana Bank.

JET Bank ishte subjekti i dytë që mori këtë vit miratimin paraprak nga Banka e Shqipërisë për të hyrë në tregun bankar, pas bankës turke Ziraat.

JET Bank refuzon të publikojë pronarët

Në një intervistë për “Monitor”, Fatbardha Rino, CEO i JET Bank, u shpreh se banka është në pronësi të JET Holding, një konsorcium kompanish ndërkombëtare me qendër në Amsterdam. Sipas saj, struktura e pronësisë nuk përfshin aksionarë individualë të drejtpërdrejtë, por realizohet përmes shoqërive që kanë investitorë të ndryshëm dhe pronarë përfitues përfundimtarë (UBO) të identifikuar, në përputhje me kërkesat ligjore dhe rregullatore.

Megjithatë, deri në këtë moment, JET Bank refuzon të bëjë publike listën e aksionarëve dhe pronarëve përfundimtarë përfitues.

Sipas saj, të gjitha shoqëritë aksionare dhe pronarët përfitues përfundimtarë kanë kaluar procesin rigoroz të vlerësimit “fit & proper” nga Banka e Shqipërisë, duke përfshirë verifikimin e integritetit, burimit të kapitalit dhe përputhshmërisë rregullatore, në përputhje të plotë me kuadrin ligjor shqiptar dhe standardet evropiane.

Megjithatë, Rino, pranon se Idan Avishai është një nga investitorët kryesorë përmes strukturave përkatëse dhe ka dhënë një kontribut të rëndësishëm në fazat e hershme të projektit, por nuk është aksionari i vetëm dhe nuk përfaqëson i vetëm pronësinë e bankës.

Dokumenti i BSH: Jo licenca bankare vetëm për individë ose subjekte pa përvojë

Përveç kuadrit ligjor dhe rregullator, që përcakton kërkesat e detajuara dhe specifike, Banka e Shqipërisë ka miratuar qysh në vitin 2009 një dokument të posaçëm për politikat e licencimit të subjekteve bankare.

Në këtë dokument, Banka e Shqipërisë shprehet se inkurajon hyrjen në treg të subjekteve bankare të cilat mund të konkurrojnë me subjektet ekzistuese dhe që kanë premisat për t’u shndërruar në pjesëmarrëse të rëndësishme të sistemit tonë bankar. Kjo kërkon subjekte bankare me vizion të qartë zhvillimi, cilësi konkurruese, përvojë në industrinë bankare, mbështetje në “know how” dhe kapitale të fuqishme. Banka e Shqipërisë do të jetë e vëmendshme në mënyrë që sistemi bankar të mos mbingarkohet me subjekte bankare të vogla, të cilat operojnë në një pjesë të kufizuar të tregut, pasi kjo mund të cenonte qëndrueshmërinë dhe stabilitetin e sistemit.

Gjithashtu, Banka e Shqipërisë shprehet se, pa cënuar parimin e barazisë dhe trajtimit të njëjtë dhe jodiskriminues të kërkesave për licencë bankare, në procesin e licencimit inkurajon hyrjen në treg të bankave të huaja me reputacion e besueshmëri të lartë, dhe që vijnë nga tregje të zhvilluara dhe të konsoliduara. Këto grupe bankare karakterizohen përgjithësisht nga një shkallë e lartë e standardizimit të praktikave të administrimit të rrezikut, fakt ky që nënkupton se të njëjtat teknika të administrimit të rrezikut që aplikohen në vendet e zhvilluara (vendet e BE dhe SHBA) do të mund të zbatohen në mënyrë të njëtrajtshme në të gjithë grupin, pra dhe në atë pjesë të tij që ushtron veprimtari në Republikën e Shqipërisë.

Lidhur me iniciativat e individëve apo bizneseve vendase apo të huaja, pa përvojë bankare për të krijuar apo për të blerë pjesëmarrje influencuese në subjektet ekzistuese bankare, Banka e Shqipërisë i inkurajon të sigurojnë për këtë qëllim partneritet të qëndrueshëm në strukturën e kapitalit aksionar me institucione bankare që zotërojnë ekspertizë, besueshmëri dhe reputacion.

The post Banka dixhitale, e lidhur me biznesmenë të platformave FOREX appeared first on Albeu.com.

Dashi

Tregohuni sa me diplomate dhe te duruar me partnerin tuaj gjate kësaj dite ne mënyrë qe gjerat te ecin ashtu si duhet ne lidhjen qe keni krijuar. Beqaret nga ana tjetër do ndiheni mjaft mire sepse do takojnë persona qe ja vlejnë t’i kesh pranë. Për sa iu përket financave, nuk duhet ne asnjë mënyrë te bëni ndonjë çmenduri sepse situata do ju dale jashtë kontrollit.

Demi

Do e rivendosni dialogun ne çift gjate kësaj dite dhe gjerat do shkojnë mjaft mire me personin qe keni ne krah. Do merreni vesh për gjithçka me te dhe nuk pritet te linde as problemi me i vogël. Beqaret do gjejnë mënyrën e duhur për te joshur dike. Ne planin financiar do jeni me shume fat dhe do kryeni edhe disa investime te rëndësishme.

Binjaket

Klima ne jetën tuaj ne çift do jete mjaft e ngrohte dhe pasionante gjate kësaj dite. Kënaqësitë dhe emocionet do jene te njëpasnjëshme kështu qe nuk do keni çfarë te kërkoni me shume. Beqaret do kenë disa takime, por nuk do arrijnë ta gjejnë menjëherë personin e ëndrrave. Financat do jene ne gjendje goxha te mire. Nuk do keni vështirësi te kryeni shpenzimet e dëshiruara.

Gaforrja

te dashuruarit do kenë gjate gjithë kohës mbështetjen e Venusit. Ai do ua qartësojë mendimet dhe do iu ndihmoje t’i zgjidhni me qetësi disa probleme te vogla. Beqaret do kenë veçse dashuri platonike, asgjë konkrete nuk pritet te ndodhe. Financat do jene gjate gjithë kohës te mbrojtura. Shpenzoni për gjerat me te nevojshme, po kurrsesi pa e tepruar.

Luani

Do jeni shume tolerante gjate kësaj dite me atë qe keni ne krah dhe gjithçka do shkoje si duhet. Do i harroni madje edhe problemet e vogla qe keni pasur dikur. Beqaret nuk duhet te ecin kuturu dhe te pranojnë çdo ftese qe do iu behet sepse do pendohen rende. Ne planin financiar nuk do jeni aspak te matur dhe gjerat nuk do ecin si i kishin menduar.

Virgjeresha

Nëse keni pasur probleme serioze njëjtën tuaj ne çift, sot gjithçka do rregullohet. Partneri do jete ne humor dhe i gatshëm t’ua plotësojë dëshirat. Beqaret qe nuk mundohen fare te gjejnë një person për ta pasur ne krah dhe presin qe gjerat t’iu bien nga qielli, nuk do ja dalin dot te ndryshojnë status. Ne planin financiar duhen bere kufizime ne mënyrë qe gjendja te mbetet e qëndrueshme.

Peshorja

Për ata qe janë ne një lidhe do ketë shume tension dhe mosmarrëveshje gjate kësaj dite. Edhe pse do mundoheni shume te ruani një klime harmonike, nuk do ja dilni dot. Beqaret do e vuajnë shume vetminë , por nga ana tjetër nuk do hedhin asnjë hap për ta ndryshuar situatën. Financat duhen mbajtur sa me shume nen kontroll. Gjendja do jete e paqëndrueshme.

Akrepi

Mos bëni gabim ta idealizoni partnerin tuaj gjate kësaj dite sepse ne një moment apo ne një tjetër do zhgënjeheni tej mase prej tij. Beqaret nga ana tjetër nuk duhet te kërkojnë persona perfektë apo gjera te pamundura. Merrini gjerat ashtu si t’iu vijnë. Ne planin financiar nuk rekomandohet te kryhen transaksione te tejskajshme. Gjendja do jete serish delikate.

Shigjetari

Dita e sotme do jete e mrekullueshme dhe mjaft emocionuese. As vete nuk do e kuptoni sesi gjerat do ju ecin aq mire, kështu qe nuk do keni për çfarë te shqetësoheni. Beqaret do jene me shume fat dhe do arrijnë ta bëjnë për vete personin qe aq shume kane pëlqyer. Financat do jene pak me te mira se kohet e fundit dhe do ndiheni me te qete.

Bricjapi

Aq mire do ja kaloni gjate kësaj dite me personin qe keni ne krah saqë nuk do kërkoni asgjë me shume nga jeta. Do filloni madje te programoni edhe te ardhmen. Beqaret do marrin mesazhe dashurie nga persona qe i kane njohur me pare, por nuk kishin menduar se mund t’i pëlqenin. Ne planin financiar bëni kujdes. Mos shpenzoni shuma te mëdha sepse do keni probleme.

Ujori

Çiftet qe kane kohe qe janë ne krize do kenë një dite me te qete, por gjithsesi atmosfera serish nuk do jete ashtu si duhet. Beqaret do vazhdojnë te kërkojnë princin e tyre te kaltër. Nuk do mungojnë njohjet e reja, por gjithsesi nuk priten menjëherë ndryshime te statusit. Ne planin financiar asgjë nuk do jete e thjeshte. Kurseni sot qe edhe e nesërmja te jete e mire.

Peshqit

Nëse ka kohe qe rutina është bere pjese e jetës suaj ne çift duhet te mundoheni sa me shpejt ta ndryshoni situatën. Vetëm kështu nuk do lejoni qe problemet dhe debatet te jene te zjarrta. Beqaret do e kenë me te lehte ta gjejnë një person te përshtatshëm gjate një feste te organizuar nga miqtë. Gjendja e financave do jete e mire. Do jeni goxha kursimtare.

The post Horoskopi 25 Dhjetor 2025, zbuloni parashikimin e yjeve për shenjën tuaj appeared first on Albeu.com.

Më shumë se një duzinë shtetesh, kryesisht evropiane, kanë reaguar ashpër ndaj vendimit të qeverisë izraelite për të miratuar ndërtimin e 19 vendbanimeve të reja në Bregu Perëndimor, duke i bërë thirrje Izraelit që të tërheqë këtë vendim.

Në një deklaratë të përbashkët, vendet nënshkruese, mes tyre Gjermania, Franca, Italia, Spanja, Mbretëria e Bashkuar, Holanda, Irlanda, Belgjika, Danimarka, Islanda, Norvegjia, Malta, si dhe Kanadaja dhe Japonia, dënuan miratimin e vendbanimeve, duke theksuar se këto veprime shkelin ligjin ndërkombëtar dhe rrezikojnë të nxisin paqëndrueshmëri në rajon.

Deklarata u publikua në faqen zyrtare të Ministrisë së Jashtme gjermane, ku thuhet se zgjerimi i vendbanimeve izraelite minon perspektivat për paqe dhe siguri afatgjatë, si dhe rrezikon të dëmtojë përpjekjet diplomatike për zgjidhjen e konfliktit, përfshirë planin e paqes në Gaza.

Izraeli ka miratuar së fundmi ndërtimin e 19 vendbanimeve të reja në Bregun Perëndimor, territor i pushtuar që nga viti 1967, kur mori kontrollin edhe mbi Jerusalemi Lindor. Aktualisht, në këto zona jetojnë mbi 700 mijë kolonë izraelitë, mes rreth 3 milionë palestinezëve.

Sipas ligjit ndërkombëtar, vendbanimet izraelite në territoret e pushtuara konsiderohen të paligjshme. Edhe Kombet e Bashkuara i kanë cilësuar ato si një nga pengesat kryesore për arritjen e një zgjidhjeje paqësore me dy shtete, e cila do të lejonte bashkëjetesën paqësore të Izraelit dhe një shteti të pavarur palestinez.

The post Vendet evropiane kundër Izraelit: Tërhiqet vendimi për 19 vendbanime të reja në Bregun Perëndimor appeared first on Albeu.com.

Një punonjës i Policisë së Shtetit është arrestuar në flagrancë pasi ka përplasur për vdekje një kalimtar në Tiranë.

Agjencia e Mbikëqyrjes Policore (Rajoni Tiranë) njoftoi se në pranga ka rënë inspektori M. K., me detyrë Patrullë e Përgjithshme pranë DVP Tiranë, i dyshuar për veprën penale “Shkelje e rregullave të qarkullimit rrugor”.

Ngjarja ka ndodhur rreth orës 17:30 në bulevardin “Bajram Curri”, ku gjatë drejtimit të motomjetit, punonjësi i policisë ka përplasur kalimtarin P. F., 65 vjeç. I moshuari u dërgua me urgjencë në spitalin “Shefqet Ndroqi” në gjendje të rëndë, por ndërroi jetë rreth orës 21:00 si pasojë e plagëve të marra.

Si pasojë e aksidentit, i dëmtuar ka mbetur edhe vetë punonjësi i policisë.

Njoftimi i AMP-së:

Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë Inspektor M. K., me detyrë Patrullë e Përgjithshme pranë DVP Tiranë, i dyshuar për kryerjen e veprës penale “Shkelje e rregullave të qarkullimit rrugor” parashikuar në nenin 299/3 të Kodit Penal.
Arrestimi i tij u krye pasi ditën e sotme rreth orës 17:30, gjatë drejtimit të motomjetit në bulevardin “Bajram Curri” ka aksidentuar shtetasin P. F., 65 vjeç, i cili është dërguar menjëherë në spitalin “Shefqet Ndroqi” në gjendje të rëndë dhe si pasojë e dëmtimeve ka ndërruar jetë rreth orës 21:00. I dëmtuar ka mbetur gjithashtu edhe punonjësi i policisë.
Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën ankesa@amp.gov.al.
Për ankesa me Whatsapp 0694151511
Ose shkarkoni në Play Store dhe App Store aplikacionin “Agjencia Digjitale”.

The post Përplasi për vdekje kalimtarin me motor, AMP arreston punonjësin e policisë appeared first on Albeu.com.

“Muaji i mjaltit” në “Big Brother VIP Albania 5” ka përfunduar në kohë rekord. Shtëpia është tronditur pasditen e sotme nga një sherr masiv, ku protagonist absolut ka qenë Ilir Vrenozi.

Iliri, i cili që nga hyrja e tij të shtunën u prezantua si personazhi i humorit dhe sportivitetit, ka shfaqur një anë krejt tjetër.

Ai është përfshirë në një debat të ashpër që agravoi me shpejtësi në ambientet e sallonit, duke pasur si shënjestër Juxhin Plovishtin, banorin që iu bashkua formatit vetëm mbrëmjen e djeshme.

Situata doli aq shumë jashtë kontrollit, saqë debati verbal rrezikoi të kthehej në sulm fizik. Është dashur ndërhyrja e menjëhershme dhe fizike e banorëve të tjerë, të cilët janë detyruar të bllokojnë Ilirin duke e mbajtur me forcë, për të mos lejuar afrimin e tij me Juxhinin dhe degjenerimin e situatës.

Kjo thyerje e rëndë e qetësisë dhe tentativa për konfrontim fizik pritet të sjellë pasoja, ndërsa publiku është sy e veshë për zarfin e zi nga “Vëllai i Madh” mbi thyerjen e mundshme të rregullave thelbësore të lojës.
SHIKONI VIDEON

The post VIDEO/ Plas keq në Big Brother VIP Albania, Ilir Vrenozi sh*rr me Juxhin Plovishtin appeared first on Albeu.com.

Miri dhe Selin kanë biseduar me njëri-tjetrin për Kristi Lamaj, si banor, teksa përmendën këngën e tij ‘Bajame’. Miri i West Side Family, iu drejtua Selin duke i thënë se Kristi ka hyrë në shtëpinë e “Big Brother VIP 5” me idenë që do bënte namin.

Miri: Bajamja, bajamja, merr një kshu… bëhet personazh, ndërkohë personazh nuk të bën kënga.

Miri: Sa këngë kam bërë unë për dashurinë, s’kanë bërë këta këtu të gjithë bashkë. Leje çfarë kemi bërë jashtë. Ne jemi këtu brenda

Selin: Po…

Miri: Ky që është futur, është futur me idenë se ‘unë jam hiti, Bajamja, këtu do bëj namin’. Këtu të marrin bukën nga goja. Neve na ndau siç na ndau, kush ia vari më? Ndaj është vetëm, është i mërzitur. Pse ia dhanë zarfin e bardhë? Se ishte më i mbaruari.

The post “Hiti i ‘Bajames’ u fut me idenë se do bënte namin”, Miri për Kristin: Është më i mbaruari këtu appeared first on Albeu.com.

Shtëpia e Bardhë ka urdhëruar forcave ushtarake amerikane të përqendrohen vetëm në zbatimin e “karantinës” në Venezuelë, tha një zyrtar amerikan për ‘Reuters’.

“Ndërsa opsionet ushtarake mbeten, ne po përqendrohemi fillimisht në përdorimin e presionit ekonomik, forcimin e sanksioneve, për të arritur rezultatin që kërkon Shtëpia e Bardhë”, tha burimi.

Aktualisht ka një rritje të përkeqësimit të krizave gjeopolitike, veçanërisht midis Uashingtonit dhe Karakasit.

Presidenti i SHBA-së, Donald Trump, tha të hënën se gjëja “e zgjuar” do të ishte që homologu i tij venezuelian, Nicolas Maduro, të “largohej”, të braktiste pushtetin.

Në të njëjtën kohë, investitorët po i zvogëlojnë uljet e reja të normave të interesit nga Rezerva Federale (Fed), banka qendrore e SHBA-së, brenda vitit 2026, në sfondin e të dhënave të fundit që treguan një treg pune në dobësim dhe një ngadalësim të inflacionit në SHBA.

Marina e SHBA ka bombarduar mbi 80 anije dhe varka apo skafe që niseshin nga Venezuela me sasi të mëdha kokaine nga kartelet narkos që besohet se janë të lidhura me regjimin e Maduros. Gjithashtu numërohen edhe mbi 20 të vrarë.

The post SHBA të fokusuar në misionin kundër Venezuelës, bllokadë për Karakasin dhe presion të lartë për Maduron appeared first on Albeu.com.

Kryetari i grupit parlamentar të PD, Gazment Bardhi, ka bërë një reagim lidhur me arrestimin e 5 protestueve që morën pjesë në tubimin e 22 dhjetorit. Me anë të një postimi në Facebook, Bardhi shkruan se Artan Hysenaj, Xhekson Dedaj, Erlis Sina dhe Albi Kryeziu u rrëmbyen nga Policia e Shtetit vetëm sepse protestuan dhe ngritën zërin. Në postimin e tij, Bardhi thekson gjithashtu se ata fituan lirinë nga gjykata, ku u konstatua se ishin rrëmbyer nga Ilir Proda me porosi të grupeve kriminale të cilave iu shërben.

“Artan Hysenaj, Xhekson Dedaj, Erlis Sina dhe Albi Kryeziu u rrëmbyen nga Policia e Shtetit vetëm sepse protestuan, vetëm sepse ngritën zërin. Ata as u trembën dhe as u dorëzuan. Një shembull sesi rezistenca kthehet në forcë. Sot ata fituan lirinë nga gjykata, ku u konstatua se ishin rrëmbyer nga Ilir Proda me porosi të grupeve kriminale të cilave iu shërben. Faleminderit me për rezistencën dhe sakrificën Artan Hysenaj, Xhekson Dedaj, Erlis Sina dhe Albi Kryeziu”, tha Bardhi.

The post Arrestimi i pesë protestuese/ Bardhi: U rrëmbyen nga Ilir Proda me porosi të grupeve kriminale appeared first on Albeu.com.

Armando Broja i sheh gjërat më me pozitivitet pas golit të tij të parë me fanellën e Bërnlit, të cilin e ndihmoi të merrte një barazim ndaj Bornmuthit. Sulmuesi, në një intervistë të dhënë për mediat e klubit, ka vlerësuar se ai dhe ekipi kanë dëshirën dhe urinë që duhet për të synuar mbijetesën në elitë.

“Bornmuth është një skuadër shumë e mirë, e dimë këtë. Janë shumë të vështirë për t’u përballur. I kemi parë disa nga rezultatet e tyre në këtë sezon, janë gjithmonë konkurrues edhe ndaj ekipeve të mëdha. Ndaj padyshim janë një ekip i vështirë dhe për ne ishte ndeshje e vështirë.

Por siç e thashë, të marrësh një pikë, që është e mirë pas 7 humbjesh, është një ndjesi e mirë për ne si një grup pasi është diçka mbi të cilën të mund të ndërtojmë. Thuajse e harruam se si ndjehesh por ishte një ndjesi fantastike që të siguronim një pikë dhe të shihnim para si grup. Padyshim një ndjesi fantastike për mua, por edhe i gjithë ekipi ishte i kënaqur, të gjithë ishin të përfshirë. Ndaj ndoshta paraqitja nuk ishte më e mira që kishim, por sa i përket rezultatit, ishte i mirë për ne që të ndërtonim mbi të dhe krijonim një ecuri.

Kemi pasur shumë vendosmëri në të gjithë ndeshjet që kemi luajtur, jo vetëm në këtë ndeshje. Ishte ndeshja në transfertë ndaj Mançester Junajtid ku humbëm me një gol diferencë, ndeshja në shtëpi ndaj Liverpulit ku humbëm me një gol të vonë. Kanë qenë disa ndeshje. Edhe me Fullhemin humbëm me një gol dhe mund ta shihje që ishim konkurrues, kishim cilësi, dëshirën, urinë, bashkimin që të qëndrojmë në Premier Ligë. Si një skuadër, si një grup, me djemtë çdo ditë, unë mund ta shoh te çdokush, të gjithë duan të mbijetojmë. Ky është kampionati më i mirë dhe padyshim që të gjithë duam që të jemi pjesë e këtij kampionati dhe të luajmë. Ndaj siç e thashë do të luftojmë në çdo ndeshje që të kemi mundësi. Dhe shpresoj që tani, pas këtij barazimi dhe kësaj pike, të ndërtojmë vazhdimësi. E kemi parë se sa shpejt ndryshojnë gjërat dhe ne do të qëndrojmë të bashkuar duke shpresuar që të ndryshojmë gjërat”, tha Broja në prononcimin e tij.

The post “Thuajse e kishim harruar ndjesinë”, Broja sheh gjërat ndryshe pas golit vendimtar: Dëshirë dhe uri për të qëndruar në kampionatin më të mirë appeared first on Albeu.com.

Vllaznia, më në fund, ka gjetur fitoren mes vuajtjesh, duke u rikthyer më në fund te tre pikët. Kuqeblutë mundën 3-2 në javën e 18-të të Superiores skuadrën vlonjate të Flamurtarit.

Sfida e luajtur në “Loro Boriçi” nisi mjaft mirë për shkodranët, të cilët kaluan në avantazh me Balajn në minutën e 4-të. Pas 20 minutash, ishte sërish kapiteni shkodran që dyfishoi shifrat, ndërsa në të 43-tën, Maksuti rihapi ndeshjen për Flamurtarin.

Një minutë nga starti i pjesës së dytë, Yago shënoi të tretin për ekipin e Edi Martinit, por vlonjatët reaguan sërish duke i shkurtuar shifrat për herë të dytë në këtë ndeshje, me Bangaly në të 56-tën.

Kështu Vllaznia merr fitoren e parë pas 6 ndeshjes radhazi, duke e mbyllur vitin 2025 në vendin e katërt me 30 pikë. Nga ana tjetër, Flamurtari nuk lëviz nga vendi i parafundit, me 14 pikë.

The post Vllaznia mundin Flamurtarin mes vuajtjesh, pas 6 ndeshjesh radhazi pa fitore appeared first on Albeu.com.

Presidenti i Serbisë, Aleksandar Vuçiç, ka thënë të mërkurën se Beogradi kishte pritur hapa të mëdhenj përpara nga administrata e presidentit të Shteteve të Bashkuara, Donald Trump, por se deri një ndikim i tillë nuk është ndier.

“Kur flasim edhe për tarifat, kur flasim për sanksionet ndaj NIS-it, asgjë nga këto nuk ka qenë në dobi të interesave të Serbisë. Njëkohësisht, kur u përballëm me çaste të vështira, nuk e morëm atë mbështetje as nga fuqitë e tjera të mëdha, as nga Lindja, as nga BE-ja”, tha Vuçiç në hapjen e Konferencës së Ambasadorëve të Ministrisë së Punëve të Jashtme në Beograd.

Shtetet e Bashkuara vendosën sanksione në tetor ndaj Industrisë së Naftës së Serbisë (NIS), kompanisë kryesore të naftës dhe gazit në Serbi, për shkak të pronësisë ruse.

Nga ana tjetër, Rusia nuk ka treguar gatishmëri për t’i shitur aksionet e saj shumicë në NIS, në mënyrë që ta bëjë të mundur heqjen e sanksioneve dhe ta ndihmojë Serbinë ta shmangë një krizë gazi.

Presidenti i Rusisë, Vladimir Putin, tha ditë më parë se Moska “ka ide” se si NIS-i mund të dalë nga kriza, por nuk dha hollësi.

Sa i përket tarifave amerikane mbi produktet e huaja, të cilat Trumpi i vendosi në prill të vitit 2025, nga shtetet e Ballkanit Perëndimor më e goditura është Serbia.

Tarifat doganore të SHBA-së për Serbinë që nga ajo kohë janë 37 për qind, ose dy për qind më të larta se tarifat e reja doganore të vendosura për produktet nga Bosnja.

“Serbia mbetet në rrugën drejt BE-së”

Duke folur për problemet e ndryshme me të cilat përballet Serbia, Vuçiç tha se cilado nga fuqitë e mëdha mund të kishte thënë në “momentet e vështira për Serbinë” se ishte pranë saj, por se secila kishte arsyet e veta shtesë për trysni, duke pritur edhe më shumë nga Beogradi dhe “duke kërkuar shumë, e duke mos dhënë asgjë”, transmetoi Radio-Televizioni i Serbisë.

“E kemi kuptuar mirë këtë mesazh dhe mendoj se është e rëndësishme që ta kemi kuptuar mirë, duke e ditur se nuk mund të jemi vetëm në botë. Prandaj, jemi në rrugën evropiane dhe do të mbetemi në rrugën evropiane, të paktën sa të jem unë president dhe sa të ketë këtë shumicë parlamentare, por ky është mësim për ne”, tha ndër të tjera Vuçiç.

Gjatë katër vjetëve të fundit, Serbia nuk ka hapur asnjë kapitull në negociatat me BE-në, të cilat filluan para më shumë se dhjetë vjetësh. Në përfundimet e fundit të Këshillit të Bashkimit Evropian konstatohet se rruga drejt BE-së është qëllim strategjik i Serbisë, por se reformat janë ngadalësuar, ndërsa përparimi në drejtësi dhe në luftën kundër korrupsionit është minimal.

Akuza për bashkëpunimin ushtarak të Shqipërisë, Kroacisë dhe Kosovës

Në fjalimin para ambasadorëve, Vuçiç akuzoi vendet e rajonit se veprojnë kundër Serbisë, duke vënë në pikëpyetje të drejtën e tyre për të bashkëpunuar ushtarakisht.

Ai i ka akuzuar edhe më herët Shqipërinë, Kroacinë dhe Kosovën se po krijojnë një “aleancë ushtarake”, pasi këto tri vende në mars nënshkruan një deklaratë të përbashkët për ta forcuar bashkëpunimin në sfidat e sigurisë, kërcënimeve hibride dhe rreziqeve të tjera që mund ta rrezikojnë stabilitetin rajonal.

“Përse i kanë zgjeruar këto marrëveshje ushtarake edhe me Slloveninë dhe përse janë përpjekur kaq fort të fusin edhe Bullgarinë në këto procese? Është plotësisht e qartë se këtë nuk e kanë bërë për ndonjë histori gazetash. Përkundrazi, edhe kur kam biseduar me sekretarin e përgjithshëm të NATO-s dhe me njerëz në BE, të gjithë kanë rrudhur krahët”, deklaroi Vuçiç.

Sipas të dhënave të Institutit Ndërkombëtar për Kërkime mbi Paqen në Stokholm (SIPRI), Serbia në vitin 2024 ka investuar më së shumti në qëllime ushtarake, krahasuar me të gjitha shtetet e tjera ballkanike.

Në vitin 2024, Serbia ka ndarë për ushtrinë 2.2 miliardë dollarë, që përbëjnë 2.6 për qind të produktit të brendshëm bruto.

Megjithatë, Vuçiç tha se “amerikanët në mënyrë të qartë dhe të hapur po i armatosin shqiptarët në Kosovë, ashtu si edhe Turqia”.

“Qëllimi i vetëm është rrezikimi i drejtpërdrejtë i Serbisë dhe integritetit të saj territorial dhe, natyrisht, sulmet ndaj popullsisë civile dhe strukturave ushtarako-policore të Serbisë. Nuk ka qëllim tjetër. Përse ka kaq shumë armatim të Republikës së Kroacisë? Një fushatë e vazhdueshme dhe permanente kundër Serbisë dhe popullit serb”, theksoi Vuçiç.

Incidenti më i rëndë i armatosur kohëve të fundit në rajonin e Ballkanit Perëndimor ndodhi në shtator të vitit 2023 në veri të Kosovës, kur një grup i serbëve të armatosur e sulmoi Policinë e Kosovës në fshatin Banjskë, duke e vrarë një rreshter policor. Tre sulmues mbetën të vrarë gjithashtu.

Politikani nga Kosova dhe biznesmeni Millan Radoiçiç e mori përgjegjësinë për sulmin, dhe prej atëherë ai ndodhet në Serbi, ku nuk është ndjekur penalisht deri më sot.

Sulme nga vendet fqinje në territorin e Serbisë nuk ka pasur.

Akuza edhe në lidhje me Kosovën

Vuçiç gjithashtu akuzoi Kosovën dhe fuqitë e mëdha se nuk po respektojnë asgjë nga ajo që është nënshkruar deri tani në kuadër të dialogut të Brukselit ndërmjet Beogradit dhe Prishtinës.

Marrëveshja e fundit u arrit pikërisht nga Vuçiç dhe kryeministri i Kosovës, Albin Kurti, në shkurt të vitit 2023.

Zbatimi i asaj marrëveshjeje, për normalizimin e marrëdhënieve fqinjësore, nuk ka filluar kurrë.

Në kundërshtim me marrëveshjen e arritur atëherë, sipas së cilës Serbia do të ndërpriste fushatën për çnjohjen e Kosovës, Vuçiç paralajmëroi se Serbia “do të duhet të vazhdojë punën e vështirë dhe të lodhshme për anulimin e njohjeve”.

“Për ne, Kosova dhe Metohia janë pjesë e patjetërsueshme e Serbisë – kështu ka qenë dhe kështu do të jetë, dhe e di që nuk është e këndshme kur për këtë duhet të flisni në Londër apo Uashington… Por kështu është, ndaj ju lutem të mos kemi debat lidhur me këtë, të mos kemi biseda”, tha Vuçiç.

Në vitin 2025, Kosovën e njohën më shumë shtete.

Kenia, Sudani, Siria dhe Bahamasi e njohën pavarësinë e saj këtë vit, duke e çuar në 121 numrin e përgjithshëm të vende që e njohin Kosovën. /REL/

The post Vuçiç thotë se ka pritur më shumë nga presidenti Trump, akuza edhe Shqipërisë e Kosovës appeared first on Albeu.com.

Policia e Pogradecit po zhvillon një aksion në zonën e lokaleve në afërsi të ish-vilave. Bëhet me dije se gjatë operacionit është konstatuar një person i cili ka pasur një sasi lënde narkotike kanabis sativa.

Sipas informacioneve paraprake, personi është ndaluar menjëherë nga forcat e policisë dhe është shoqëruar në komisariat ku do të kryhen veprimet dhe pritet të arrestohet. Megjithatë ende nuk dihet sasia e sekuestruar dhe identiteti i të ndaluarit.

Ndërkohë që janë kontrolluar edhe persona të tjerë të pranishëm në ambientet e lokalit. Sakaq, Policia po vijon ende aksionin në afërsi të ish-vilave.

The post Çfarë po ndodh në Pogradec/ Policia aksion, sekuestrohet lëndë narkotike, shoqërohet një person appeared first on Albeu.com.

Do të jetë një Krishtlindje në të ftohtë dhe në errësirë për qindra mijëra civilë ukrainas. Akoma më keq për ushtarët në vijën e parë, të cilët përballen me një valë të re sulmesh ruse për të marrë Donetskun. Putin nuk jep armëpushim për festën perëndimore ajo ortodokse do të festohet më 7 janar dhe madje rrit përpjekjen ushtarake për të shkatërruar rezistencën e gjithë vendit.

Të hënën në mbrëmje ka shkaktuar një sulm tmerri, me 635 dronë dhe 38 raketa që kanë rënë nga muzg deri në mëngjes mbi shumë qytete. Kanë vrarë tre persona, përfshirë një fëmijë katërvjeçar, dhe kanë plagosur të tjerë dymbëdhjetë. Por flota vdekjeprurëse është përqendruar kryesisht kundër rrjetit elektrik, me një qëllim të qartë: të shkaktojë kolapsin e shpërndarjes së energjisë.

Censura ushtarake ukrainase mbulon informacionet sensitive. Nga ajo që ka dalë, sulmet kanë pasur si qëllim elektrodridet që importojnë energji nga Rumania dhe lejojnë të kompensojnë impiantet e shkatërruara. Kjo ka krijuar një ulje të tensionit total, duke detyruar tre centralet bërthamore ukrainase aktive të ulin prodhimin: “Duhet të presim që rrjetet të riparohen”, shpjegoi zëvendësministri i Energjisë, Artem Nekrasov.

Gjeneratorët termikë të kolosit privat Dtek kanë pësuar dëmtime të tjera: është hera e shtatë që bombardohen brenda dy muajve. Provinciat Rivne, Ternopil dhe Khmelnytskyi ranë në errësirë, me blackout të gjatë edhe në lagjet e kryeqytetit. Por drita shkon dhe vjen kudo, duke bllokuar ngrohjen dhe furnizimin me ujë në pallatet sovjetike në periferitë dhe në kondominiumet moderne në qendër. Një pengesë edhe për furnizimet ushtarake: Zaporizhstal, një nga çelikuarët më të rëndësishëm, ka ndërprerë aktivitetin.

Mjetet shpërthyese kanë goditur kryesisht rajonin afër kufirit me Rumani dhe Poloni: Varshava ka bërë të fluturojnë avionë luftarakë për të ndaluar kalimin e tyre. Edhe ukrainasit kanë përdorur kryesisht F-16 për të interceptuar raketat cruise dhe hipersonike.

Nga Moska, Ministria e Mbrojtjes ka njoftuar se ishte hakmarrje ndaj “sulmave terroriste të Ukrainës ndaj objekteve civile në Rusi”, drejtuar ndërmarrjeve të kompleksit ushtarak-industrial ukrainas dhe impianteve energjetike që mbështesin operacionet e tyre. «Ky është sinjali i qartë i prioriteteve ruse», deklaroi Zelensky. «Një bombardim para Krishtlindjes, kur njerëzit duan të jenë me familjet, në shtëpi, të sigurt. Një sulm mes negociatave për të ndaluar luftën. Putin nuk pranon faktin që duhet të ndalojmë masakrën».

Në front, Kremlini ka futur në fushë forca të reja. Ditët e fundit ka pasur sulme të shumta me kolona mjetesh të blinduara, që përpiqen të depërtojnë në mbrojtjet; dronët ukrainas i kanë shkatërruar, duke i penguar të thyhen linjat. Zemra e betejës mbetet Donetsk, i kërkuar me çdo çmim nga Putin, ku Moska po përqendron njësitë më të mira. Një rezultat i parë i konfirmuar: pushtimi i qytetit Siversk. Rusët kishin shpallur fitore javën e kaluar, dje Kiev ka pranuar se ka tërhequr presidiumin e fundit “për të shmangur humbjen e panevojshme të jetëve”.

Siversk para pushtimit kishte 10 mijë banorë: është shkatërruar tërësisht. Ndodhet 40 kilometra nga Sloviansk dhe 53 kilometra nga Kramatorsk, qytetet kryesore që mbeten në duart e ukrainasve. Tani luftohet në fshatin Sviato-Pokrovske, i dominuar nga një altopiano që është pengesa e vetme natyrore. Komanda ruse përpiqet të depërtojë në fortesat e Donetskut nga të gjitha drejtimet.

E bën nga veriu, duke rritur presionin mbi Lyman, dhe nga jugu, duke tentuar të eliminojë pjesën e mbetur të garnizonit të Pokrovsk. Përpiqet gjithmonë të shfrytëzojë superioritetin numerik të këmbësorisë, duke infiltruar në qendrat urbane kur moti i keq verbon dronët e Kievit. Pastaj i mbështet avancimin shtëpi për shtëpi me bombardime ajrore, artileri dhe flota dronësh. Në një filmim shihet një parashutist ukrainas i ngujuar në një kasolle, i cili në dy minuta sulmohet nga njëzet avionë të telekomanduar.

Për të penguar gjeneralët e Kievit të transferojnë trupa nga zonat e tjera, Moska po intensifikon sulmet kudo: kundër Kharkiv, kundër Sumy dhe kundër Zaporizhzhia. Një betejë e egër, ku komandantët rusë nuk shqetësohen për masakrën, vetëm për të arritur suksesin e kërkuar nga Kremlini./La Repubblica/

The post Ukraina feston Krishtlindjet në errësirë, Kremlini shkatërron rrjetin elektrik appeared first on Albeu.com.

Rreth një vit më parë, Olta Boka u bë nënë për herë të dytë dhe në familjen e saj u shtua djali, Brel. Tashmë Gaia është pesë vjeçe dhe këngëtarja u është përkushtuar plotësisht të dyve për të qenë pranë tyre në vitet e para të fëmijërisë. Në bisedën me “Rudinën” në Tv Klan, ku gjendet krah babait, Reshitit dhe vëllait, Stivit, Olta thotë se po e shijon shumë këtë periudhë me dy fëmijët.

Ajo vëren ndryshime mes tyre në karakter, por edhe në rritje. Me Brelin ka përjetuar edhe një episod shëndetësor pak sfidues, por tani e sheh me mirënjohje për të vlerësuar edhe kënaqësitë e përditshmërisë.

Olta Boka: Mendoj që është një nga periudhat më të mira që unë po shijoj. Kam marrë shumë me vete dhe nuk kam pasur pishmane kur jam bërë mama, si me Gaiën, ashtu edhe me Brelin, por mbi të gjitha faleminderit Zotit që kam mundësi të bëj atë lloj mëmësie për të qenë e pranishme, për të qenë prezente për ta, të paktën minimalisht që unë i mendoj si gur themeli shumë të rëndësishme për fëmijërinë dhe jam duke e shijuar si Gaian, si Brelin.

Rudina Magjistari: Si ka qenë nëse do t’i krahasoje të dy? Si duket djali?

Olta Boka: Në të dy aspektet, si dielli me hënën. Ndoshta edhe mungesa e eksperiencës bënte që t’i shihja ndryshe gjërat me Gaiën, por me një sy të ftohtë karakterialisht janë shumë të ndryshëm, nevojat i kanë komplet të ndryshme, vajza është më emocionale, djali më i pavarur, por nga ana tjetër mendoj që do të kisha vetëm eksperiencën dhe mos të vinin ato dy-tre shqetësime të vogla në fillim të vitit të parë që pata me Brelin, do të kishte qenë shumë vaj, por them që Zoti t’i jep shkallët ngadalë-ngadalë për t’u përforcuar që ti të mundesh të kalosh edhe sfida të tjera.

Rudina Magjistari: Po, por mendoj që imuniteti është gjithmonë delikat në vitin e parë.

Olta Boka: Po, por Breli lindi me refluks të gradës së tretë dhe muajt e parë m’u përkeqësuan në aspektin edhe fizik sepse nuk e ushqeja dot, nuk e ndërroja dot, për të fjetur ishte shumë e vështirë, unë e shtrija mbi trupin tim, në kraharor dhe flija vetëm në një krevat me jastëkë në të dyja anët sepse kisha frikë se mos më binte. Ishte një periudhë paksa sfiduese se gjërat harrohen, por janë ca gjëra të vogla që të thonë kujdes, mos i merr të mirëqena gjërat që ti i gëzon mjaftueshëm në përditshmërinë tënde.

The post “Djali lindi me refluks të gradës së tretë”, Olta Boka ndan episodin sfidues appeared first on Albeu.com.

Dua Lipa dhe Callum Turner po vazhdojnë pushimet e tyre në Meksikë , duke marrë një pushim nga angazhimet e tyre profesionale.

Këngëtarja e famshme dhe partneri i saj u kapën duke pushuar në një plazh në Meksikë, pasi përfunduan turneun e saj “Radical Optimism”.

Lipa u shfaq me bikini, ndërsa aktori u pa me rroba banje të zeza dhe bluzë të bardhë.

Të dy po bënin banjo dielli, me këngëtaren që në një moment u pa pa reçipeta, ndërsa në një moment tjetër u kapën duke u përqafuar dhe duke biseduar.

The post FOTO PA R*ÇIPETA/ Dua Lipa dhe Calum Turner vazhdojnë pushimet, foto të reja të çiftit nga Meksika appeared first on Albeu.com.

Ministria e Shëndetësisë e Qeverisë së Serbisë ka shpallur konkurs për 300 vende të reja pune në institucionet e saj shëndetësore në mjediset me shumicë serbe në Kosovë.

Kjo është hera e dytë që ajo premton vende të reja punë në prag të zgjedhjeve në shtetin fqinj këtë vit, për ç’ka është kritikuar nga Kosova.

Këto konkurse janë rihapur në kulmin e fushatës parazgjedhore për zgjedhjet e parakohshme parlamentare në Kosovë, të cilat mbahen më 28 dhjetor, ku merr pjesë edhe Lista Serbe, partia kryesore e serbëve në Kosovë që gëzon mbështetjen e Beogradit.

Ndërkohë, zyrtarë të lartë të Listës Serbe janë në krye të shumë institucioneve shëndetësore. Për shembull, kryetari i Listës Serbe, Zllatan Ellek, është drejtor i Qendrës Klinike-Spitalore në Mitrovicën e Veriut, ndërsa kandidatja për deputete Mirjana Dimitrijeviq është në krye të Qendrës së Mjekësisë Familjare në Graçanicë, afër Prishtinës, informon Radio Evropa e Lirë.

Siç mund të shihet në faqen e internetit të Ministrisë së Shëndetësisë së Serbisë, konkurset e reja kanë të bëjnë me pranimin në marrëdhënie pune në institucionet shëndetësore në Graçanicë, Shtërpcë, Mitrovicë të Veriut, Gjilan, Obiliq, Fushë Kosovë dhe Zubin Potok, për një periudhë të caktuar prej gjashtë muajsh.

Zyra për Kosovën në Qeverinë e Serbisë ka bërë të ditur se janë në zhvillim edhe konkurse për 50 vende të tjera pune në institucionet shëndetësore në Kosovë, të cilat janë shpallur më 22 dhjetor.

“Me punësimet e reja do të përmirësohet edhe më tej niveli i mbrojtjes shëndetësore në mjediset serbe në Kosovë dhe Metohi, gjë që tregon kujdesin e qartë të shtetit të Serbisë dhe të presidentit Aleksandar Vuçiç për popullin e vet në KiM”, thuhet në njoftim.

Në fund të nëntorit, Ministria e Shëndetësisë e Serbisë e zgjati deri më 15 janar 2026 afatin për përzgjedhjen e punëtorëve të rinj në institucionet e saj që funksionojnë në mjediset serbe.

Bëhet fjalë për një konkurs për 400 vende pune, të cilin, para së gjithash, dhe në prag të zgjedhjeve lokale në Kosovë më 12 tetor, e kishte paralajmëruar vetë presidenti i Serbisë, Aleksandar Vuçiç, duke theksuar se shteti i Serbisë “kujdeset për komunitetin serb në Kosovë”.

Zgjatja e afatit për përzgjedhjen e punëtorëve të rinj u arsyetua me numrin e madh të kandidatëve të paraqitur.

Disa parti politike serbe në Kosovë e kanë kritikuar këtë vendim të Ministrisë së Shëndetësisë para mbajtjes së zgjedhjeve të reja, duke vlerësuar se kjo nuk është hera e parë që qytetarët “manipulohen për të mbështetur udhëheqësit e Listës Serbe”.

Para zgjedhjeve parlamentare në shkurt të këtij viti, Serbia kishte gjithashtu të hapur një konkurs për institucionet shëndetësore në Kosovë, por ai u anulua pas protestave për “mungesë transparence” dhe “punësim partiak të njerëzve të përshtatshëm”.

Kryeministri në detyrë i Kosovës, Albin Kurti, në tetor e akuzoi Serbinë se po ndërhyn në zgjedhjet lokale në Kosovë duke premtuar vende pune dhe përfitime financiare.

Në zgjedhjet e ardhshme të së dielës, nga subjektet politike serbe në garën zgjedhore marrin pjesë Lista Serbe, Paria për Liri, Drejtësi dhe Mbijetesë e Nenad Rashiçit dhe Aleanca Kosovare e Goran Marinkoviçit.

Ndërkohë, Lista Serbe e ka akuzuar Rashiçin dhe partinë e tij për “keqpërdorim të institucioneve të Kosovës dhe blerje votash”.

The post Tre ditë para zgjedhjeve, Serbia hap vende të reja pune në institucionet e saj shëndetësore në Kosovë appeared first on Albeu.com.

Dhjetorin mund ta quajmë pa frikë muajin e festave dhe gëzimeve familjare. Çdo vit nëpër shtëpitë tona vendosen zbukurimet dhe nis diskutimi i recetave që do të përgatiten gjatë darkës së ndërrimit të viteve.

Ajo që nuk mungon asnjëherë është pikërisht bakllavaja e shijshme plot sherbet dhe arra. Kjo ëmbëlsirë ka me qindra vite që i përket traditës së kulinarisë të vendit tonë, por pavarësisht se jemi bërë ekspert në përgatitjen dhe shijimin e saj, ka disa fakte që nuk i kemi dëgjuar mëparë.

Origjina e Bakllavasë

A e dinit se bakllavaja është paraardhësja e strudelit të shijshëm me mollë dhe arra. Të dyja këto delikatesa janë krijuar nga ëmbëltoret turke duke përdorur petët krokante, shtresat e mbushura me arra të thërrmuara dhe shurupi i plotë.

Petët e famshme të holla

Ata që e kanë përgatitur këtë ëmbëlsirë e dinë rëndësinë e trashësisë së petës. Një këshillë që dëgjon sa herë diskutohen petët është se duhet të jenë aq transparente sat të lexohet gazeta përmes saj.

Për këtë fakt kanë meritë gjyshet greke pasi i hapnin ‘të holla sa një gjethe’. Nga vetë kuptimi i fjalës së petëve në greqishten e vjetër, “gjethe”, vjen dhe kjo traditë që vazhdon të ndiqet në shumë vende.

Festa e Bakllavasë

Në shumë vende të Ballkanit Perëndimor dhe Lindjes së Mesme në 17 Nëntor festohet dita e kësaj ëmbëlsire.

Çdo qytet organizon një panair ku pjesmarrësit konkurojnë për shijen më të mirë të baklalvasë duke përgatitur recetën e trashëguar nga familja.

Emri i Bakllavasë

Edhe pse në shumë dokumenta historikë emri i kësaj ëmbëlsire mendohet të jetë nga turqishtja, por, a të dhëna që tregojnë për një origjinë mongole.

Fjala ‘baklava’ vjen nga fjala mongole ‘të mbështjellësh” e cila lidhet me procesin e vjetër të përgatitjes së kësaj delikatese.

Forma e prerjes së Bakllavasë

Siç e dimë edhe prerja e kësaj ëmbëlsire është një tjetër mjeshtëri. Të dhënat tregojnë se forma e saj si një yll apo lule me rombe vjen nga Libani.

Foto të recetave të vjetra të bakllavasë nga ky shtet tregojnë qartë prerjen me formën e diamntit, të cilat u përdorën edhe nga pastiçeritë turke.

Varietetet e bakllavasë në qytete

Në Greqi, bakllavaja supozohet të përgatitet me 33 petë, pasi i referohen viteve të jetës së Krishtit, ndaj dhe përgatitet për Krishtlindje.

Në Ballkan, ndryshe nga vendet e tjera, bakllavaja përgatitet me arra dhe sherbet me sheqer. Gjithashtu në po këto vende kjo ëmbëlsirë përgatitet edhe për festën e Ramazanit.

Ndërkohë në Izrael, ëmbëlsira klasike merr një formë tjetër pasi përgatitet me fistikë, lajthi, bajame, gjalpë të sheqerosur, kanellë dhe shurup i kombinuar me lëkurë portokalli apo limoni.

The post Disa fakte që nuk i dini mbi bakllavanë appeared first on Albeu.com.

Sean “Diddy” Combs ka paraqitur një apel të ri ligjor, përmes të cilit kërkon lirimin e menjëhershëm nga burgu, duke sfiduar drejtpërdrejt dënimin e tij federal. Avokatët e artistit argumentojnë se gjyqtari ka tejkaluar kompetencat e tij, duke marrë në konsideratë akuza për të cilat Combs ishte shpallur i pafajshëm nga juria.

Sipas dokumenteve të dorëzuara në gjykatë, ekipi ligjor i Diddy-t pretendon se gjyqtari ka vepruar si një “jurist i trembëdhjetë”, duke ndikuar në mënyrë të padrejtë në vendimin për masën e dënimit. Ata theksojnë se gjatë shpalljes së dënimit janë përfshirë pretendime të lidhura me akuza të rënda, nga të cilat artisti ishte liruar plotësisht gjatë procesit gjyqësor.

Avokatët e Combs e cilësojnë dënimin si “tepër të ashpër” dhe “drakonian”, duke theksuar se ai nuk pasqyron realisht verdiktin e jurisë. Sipas tyre, mbështetja në akuza të rrëzuara ka çuar në një ndëshkim disproporcional dhe në shkelje të parimeve bazë të drejtësisë.

Në apel, mbrojtja kërkon ose rrëzimin e plotë të dënimit aktual, ose në minimum zhvillimin e një seance të re për rivlerësimin e masës së dënimit. Po ashtu, kërkohet që Combs të lirohet menjëherë nga burgu deri në përfundimin e procesit të apelimit.

Ndërsa autoritetet federale nuk kanë reaguar ende publikisht për këtë kërkesë të fundit, çështja pritet të tërheqë vëmendje të madhe mediatike, duke qenë se bëhet fjalë për një nga figurat më të njohura të industrisë muzikore amerikane.

Vendimi i gjykatës për këtë apel mund të shënojë një kthesë të rëndësishme në një nga rastet më të diskutuara ligjore që përfshin botën e showbiz-it në vitet e fundit.

The post Diddy kërkon lirimin e menjëhershëm nga burgu appeared first on Albeu.com.

Një aksident zinxhir është regjistruar pasditen e sotme në autostradën Tiranë-Durrës, ku gjashtë automjete janë përplasur njëra pas tjetrës.

Sipas informacioneve paraprake, shkak i aksidentit dyshohet të ketë qenë trafiku i rënduar dhe mosrespektimi i distancës së sigurisë mes mjeteve.

Ngjarja ka ndodhur në një segment me fluks të lartë qarkullimi, duke sjellë bllokim të përkohshëm të trafikut në këtë aks.

Drejtuesit e automjeteve nuk kanë mundur të frenojnë në kohë, çka ka çuar në përplasjen zinxhir.

Fatmirësisht, nga aksidenti raportohet vetëm për dëme materiale, ndërsa disa persona kanë pësuar lëndime të lehta.

The post Fluks trafiku në autostradën Tiranë-Durrës, aksident zinxhir me gjashtë automjete appeared first on Albeu.com.

Një anije tjetër me emigrantë dyshohet se është mbytur në ujërat e Mesdheun qendror, pranë brigjeve të Libisë.

Informacionet paraprake flasin për të paktën 116 viktima. Kjo u raportua nga OJQ-ja gjermane “Sea Watch”, duke cituar raporte nga Alarm Phone, një rrjet ndërkombëtar aktivistësh dhe vullnetarësh që drejton një linjë telefonike emergjence për emigrantët në vështirësi, gjatë kalimit të Mesdheut.

Lajmi është publikuar edhe nga “La Repubblica”, teksa nuk ka ende një konfirmim zyrtar. Organizata u informua më 19 dhjetor se një anije ishte nisur nga porti libian i Zuwarës, me 117 persona në bord.

“Ne u përpoqëm vazhdimisht të kontaktonim anijen nëpërmjet telefonit satelitor, por pa sukses”, raporton Alarm Phone. “Në mbrëmjen e 21 dhjetorit, morëm informacion se peshkatarët tunizianë kishin gjetur një të mbijetuar të vetëm në një varkë druri. Burri thuhet se kishte deklaruar se ishte nisur nga Zuwara dy ditë më parë dhe se ai ishte i vetmi i mbijetuar”.

Më 21 dhe 22 dhjetor, “të ashtuquajturat roje bregdetare libiane dhe tuniziane na thanë vazhdimisht se nuk kishin lejuar askënd të zbriste gjatë atyre ditëve”.

Për më tepër, as kërkimet ajrore të kryera më 20 dhe 21 dhjetor nga avioni Frontex Osprey 4 dhe as ai i kryer më 22 dhjetor nga Seabird 3 i Sea-Watch nuk gjetën asnjë gjurmë të anijes.

“Ne vazhdojmë të kërkojmë informacione të mëtejshme dhe shpresojmë se nuk është e vërtetë që ka vetëm një të mbijetuar”, përfundon Alarm Phone. “Nëse kufijtë do të ishin të hapur, këta njerëz ndoshta nuk do të ishin detyruar kurrë të kalonin Mesdheun”, komenton Sea Watch. “Ne kërkojmë përgjigje. E tëra çfarë duam për Krishtlindje janë kufij të hapur!”

The post Tjetër tragjedi në Mesdhe, mbytet anija me emigrantë, raportohet për 116 viktima/ Vetëm një i mbijetuar, u nisën nga Libia appeared first on Albeu.com.