Ushtria izraelite njoftoi këtë të hënë se një grup kolonësh hebrenj sulmuan forcat izraelite të sigurisë dhe vandalizuan mjete ushtarake si dhe instalime sigurie brenda dhe jashtë një baze ushtarake në Bregun e pushtuar Perëndimor.

Sipas raportimeve nga mediat izraelite, objektivi kryesor i sulmit ishte komandanti i bazës së Brigadës Rajonale Binjamin. Kolonët e quajtën atë “tradhtar”, pasi ai kishte qenë ndër ushtarët që tentuan të ndalonin hyrjen e tyre në një zonë të mbyllur ushtarake pranë fshatit palestinez Kafr Malik, ku më herët ishin vrarë të paktën tre palestinezë pas një sulmi nga kolonët.

Kryeministri izraelit Benjamin Netanyahu reagoi me tone të ashpra ndaj incidentit, duke e cilësuar si një akt “të dhunshëm dhe anarkik”. Ai theksoi se “asnjë shtet nuk mund të pranojë zjarrvënie ndaj bazave ushtarake, shkatërrim të pronës së ushtrisë apo sulme kundër personelit të sigurisë nga qytetarët e vet”.

Netanyahu kërkoi hetim të plotë dhe ndjekje penale për personat përgjegjës, të cilët i përshkroi si një “pakicë e dhunshme”. Ai mbrojti pjesën më të madhe të komunitetit të kolonëve, duke e cilësuar si “shembull për vendin”.

Ndërkohë, ministri i Mbrojtjes, Israel Katz, ka thirrur një mbledhje urgjente me agjencitë e sigurisë për të diskutuar incidentin. Ai shprehu mirënjohje për punën e ushtrisë që nga shpërthimi i luftës në Gaza dhe theksoi se Qeveria nuk do të lejojë që grupe të dhunshme të dëmtojnë forcat e saj të sigurisë.

Organizatat për të drejtat e njeriut kanë paralajmëruar për rritjen e dhunës nga ana e kolonëve në Bregun Perëndimor dhe për mungesën e masave ndëshkuese ndaj tyre.

Që nga nisja e lutës në Gaza, më 7 tetor 2023 pas sulmit të Hamasit ndaj Izraelit situata në Bregun Perëndimor është përshkallëzuar ndjeshëm, duke shënuar një rritje të incidenteve të dhunshme në këtë zonë të tensionuar./abcnews.al

Gjykata e Qarkut të Jerusalemit ka anuluar seancat dëgjimore të kësaj jave në gjyqin e gjatë për korrupsion të kryeministrit Benjamin Netanyahu, duke pranuar një kërkesë që kreu izraelit bëri duke përmendur arsye të klasifikuara diplomatike dhe të sigurisë.

Nuk ishte e qartë nëse një postim në mediat sociale nga presidenti i SHBA-së, Donald Trump, ka ndikuar në vendimin e gjykatës. Trumpi ka sugjeruar që gjyqi mund të pengonte Netanyahun për t’u bashkuar me negociatat me grupin militant palestinez Hamas dhe Iranin.

Vendimi, i parë nga Reuters, thotë se arsyet e reja të ofruara nga Netanyahu, kreu i agjencisë së spiunazhit të Izraelit, Mossad dhe shefi i inteligjencës ushtarake, justifikuan anulimin e seancave dëgjimore.

Netanyahu është paditur në vitin 2019 me akuza për ryshfet, mashtrim dhe shkelje të besimit. Ai i mohon të gjitha këto.

Netanyahu e ka cilësuar gjyqin kundër tij si një gjueti shtrigash të orkestruar nga krahu i majtë që synon të rrëzojë një udhëheqës të krahut të djathtë të zgjedhur në mënyrë demokratike.

Të premten, gjykata hodhi poshtë një kërkesë të Netanyahut për të shtyrë dëshminë e tij për dy javët e ardhshme për shkak të çështjeve diplomatike dhe të sigurisë pas konfliktit 12-ditor midis Izraelit dhe Iranit, i cili përfundoi të martën e kaluar.

Ai duhej të dilte në bankën e të akuzuarve të hënën për t’u marrë në pyetje.

“Është çmenduri të bësh atë që prokurorët e pakontrolluar po i bëjnë Bibi Netanyahut”, ka thënë Trump në një postim në Truth Social.

Ai ka shtuar se Uashingtoni, pasi i ka dhënë ndihmë Izraelit me vlerë miliarda dollarë, nuk do ta “durojë këtë”.

Trump ka bërë të ditur se Netanyahu po negocionte “tani” një marrëveshje me Hamasin, megjithëse asnjëri udhëheqës nuk ka dhënë detaje, dhe zyrtarët nga të dyja palët kanë shprehur skepticizëm mbi perspektivat për një armëpushim së shpejti.

Të premten, presidenti republikan u ka thënë gazetarëve se besonte se një armëpushim ishte afër.

Interesi për zgjidhjen e konfliktit në Gazë është rritur pas bombardimeve të SHBA-së dhe Izraelit ndaj objekteve bërthamore të Iranit.

Në mars, ndërsa i ktheu shpinën një procesi armëpushimi që po jepte rezultate, kryeministri izraelit mori një vendim të përshkruar nga disa komentatorë si të ngjashëm me “vetëvrasje politike”.

Marrëveshja e armëpushimit në Gaza, e ndërmjetësuar nga i dërguari i Donald Trump, Steve Witkoff, edhe para se presidenti amerikan të inaugurohej në mandatin e tij të dytë, kishte çuar në lirimin e dhjetëra pengjeve nga robëria e Hamasit, në këmbim të qindra të burgosurve palestinezë nga burgjet izraelite.

Faza tjetër pritej të shihte kthimin e më shumë pengjeve në shtëpi dhe një tërheqje graduale të trupave izraelite nga Gaza, përpara një përfundimi të negociuar të luftës, shkruan BBC.

Të lodhur nga konflikti, izraelitët dhe palestinezët menduan për fundin e luftës më shkatërruese në një histori të përbashkët, të ndërprerë shumë shpesh nga luftimet.

Por Benjamin Netanyahu nuk donte që lufta të mbaronte.

Ndërsa urdhëroi rifillimin e sulmeve në të gjithë Gazën, kryeministri deklaroi se luftimet do të vazhdonin derisa Hamasi të “shkatërrohej plotësisht”.

Një gjykatë në Izrael refuzoi kërkesën e kryeministrit Benjamin Netanyahu, për të shtyrë dëshmimin e tij në gjyqin për korrupsion, pasi presidenti amerikan, Donald Trump, tha se ky rast gjyqësor duhet të anulohet.

Të enjten, avokati i Netanyahut i kërkoi gjykatës që të mos e thërriste kryeministrin për të dhënë dëshminë për dy javë, duke thënë se atij i duhet të përqendrohet në “çështje të sigurisë” pas luftës 12-ditore mes Izraelit dhe Iranit.

Gjykata e qarkut në Jerusalem tha në vendimin e publikuar online se “forma aktuale [e kërkesës së Netanyahut] nuk ofron bazë apo justifikim të detajuar për anulimin e seancave dëgjimore”.

Trump tha të enjten se gjykimi kundër Netanyahut ishte një “gjueti shtrigash”, duke shtuar se gjykimi “duhet të anulohet menjëherë ose të falet ky hero i madh”.

Netanyahu e ka falënderuar Trumpin për mbështetjen e tij në luftën e shkurtër të Izraelit kundër Iranit, që përfundoi me një armëpushim të arritur më 24 qershor.

Kryeministri izraelit ka mohuar çdo keqbërje dhe mbështetësit e tij e kanë përshkruar gjykimin si të motivuar politikisht.

Në rastin e parë penal, ai dhe gruaja e tij, Sara, akuzohen se kanë pranuar më shumë se 260.000 euro në formë të dhuratave luksoze sikurse cigare, bizhuteri dhe shampanja nga miliarderë në këmbim të favoreve politike.

Në dy raste të tjera, Netanyahu akuzohet se tentoi të negocionte mbulim më favorizues nga dy media izraelite.

Presidenti amerikan Donald Trump ka shtuar presionin ndaj kryeministrit izraelit Benjamin Netanyahu për të përmbyllur luftën 20-mujore në Rripin e Gazës, menjëherë pas përfundimit të suksesshëm të ofensivës 12-ditore të Izraelit kundër Iranit. Lajmi është raportuar nga disa media hebraike, përfshirë transmetuesin publik Kan, që theksoi se presioni i Trump lidhet edhe me kërkesën e tij për të anuluar gjyqin penal ndaj Netanyahut.

Sipas burimeve të afërta me Netanyahun, postimi i Trump në rrjetin e tij Truth Social, ku kërkonte që Netanyahu të mos ndiqej më penalisht, ishte pjesë e një lëvizjeje më të gjerë: përfundimi i luftës, lirimi i pengjeve, amnistia për Netanyahun dhe një marrëveshje rajonale me pasoja të mëdha.

Raportet sugjerojnë se në biseda private, Trump dhe Netanyahu kanë rënë dakord për një plan që parashikon përfundimin e ofensivës izraelite në Gaza brenda dy javësh, lirimin e 50 pengjeve të mbetura nga Hamas, Largimine Udheheqesve te Hamas nga Rripi I Gazes, si dhe kalimin e kontrollit te enklaves palestineze ne kater shtete Arabe, perfshire Emiratet e Bashurara Arabe dhe Egjiptin. Marreveshja parashikon gjithashtu qe Qytetaret e Gazes te lejohet te Levizin ne vende te tjera.Pjese e marreveshjes parashikohet edhe detyrimi I Izraelit per te mbeshtetur zgjidhjen me dy shtete, me kusht që Autoriteti Palestinez të kryejë reforma. Si pjesë e marrëveshjes, SHBA do të njohin sovranitetin izraelit në disa pjesë të Bregut Perëndimor. Marrëveshja gjithashtu pritet të hapë rrugën për normalizimin e marrëdhënieve me Arabinë Saudite dhe Sirinë, si pjesë e zgjerimit të Marrëveshjeve të Abrahamit.

Në plan përfshihet edhe amnistia ose ndalimi i ndjekjes penale ndaj Netanyahut, duke përfshirë një ligj “francez” që ndalon ndjekjen e një kryeministri në detyrë, si dhe anulimin e akuzës për shpërdorim besimi — një nga pikat kyçe të aktakuzës ndaj tij.

Ndërkohë, negociatat për armëpushim mes Izraelit dhe Hamasit në Kajro nuk kanë sjellë ndonjë përparim konkret.

Presidenti izraelit Isaac Herzog i është bashkuar korit të thirrjeve për përfundimin e luftës dhe arritjen e një marrëveshjeje për lirimin e pengjeve, duke theksuar se ky është një “moment kyç pas suksesit kundër Iranit”. Familjarët e pengjeve gjithashtu po ushtrojnë presion publik ndaj qeverisë, duke kërkuar që fitoret e fundit të kthehen në veprim diplomatik të menjëhershëm.

Megjithatë, zbatimi i kësaj marrëveshjeje mbetet i paqartë. Hamas ka refuzuar në të kaluarën të pranojë largimin e udheheqesve te saj nga Rripi I Gazes drejt vendeve te treta , ndërsa shumë shtete arabe nuk pranojnë të përfshihen në rindërtimin e Gazës pa përfshirjen e Autoritetit Palestinez — një skenar që Netanyahu më herët e ka refuzuar.

Presidenti i Shteteve të Bashkuara të Amerikës, Donald Trump, ka kërkuar që Izraeli ta falë kryeministrin Benjamin Netanyahu, ose ta anulojë gjyqin ndaj tij për korrupsion, duke thënë se SHBA-ja do ta shpëtojë atë ashtu siç e shpëtoi vendin e tij.

Ndaj Netanyahut u ngrit aktakuzë për ryshfet, mashtrim dhe shkelje të besimit në vitin 2019. AI i mohon të gjitha akuzat.

Gjyqi ndaj tij filloi në vitin 2020 dhe përfshin tri çështje penale. Netanyahu është deklaruar i pafajshëm.

“Gjyqi i Bibi Netanyahut duhet të ANULOHET, MENJËHERË, ose të falet Heroi i Madh, i cili ka bërë kaq shumë për shtetin [e Izraelit]”, shkroi Trump në platformën Truth Social të mërkurën, duke shtuar se mori vesh që Netanyahu pritet të paraqitet në gjykatë të hënën.

Lideri i opozitës izraelite, Yair Lapid, tha se Trump nuk duhet të ndërhyjë në këtë çështje.

“Me gjithë respektin dhe mirënjohjen për presidentin e Shteteve të Bashkuara, ai nuk duhet të ndërhyjë në një proces ligjor të një shteti të pavarur”, tha Lapid.

“Shpresoj dhe besoj se ky është një shpërblim që ai [Trump] po i jep atij [Netanyahut], sepse synon të ushtrojë trysni ndaj tij për Gazën dhe për ta detyruar ta pranojë një marrëveshje për pengjet që do ta përfundojë luftën”, i tha Lapid faqes izraelite të lajmeve Ynet.

Trump e lavdëroi Netanyahun si një “luftëtar”, por shtoi në postimin e tij: “Ishin Shtetet e Bashkuara të Amerikës ato që e shpëtuan Izraelin, dhe tani do të jenë Shtetet e Bashkuara të Amerikës ato që do ta shpëtojnë Bibi Netanyahun”.

Duket se ai po i referohej përfshirjes dhe mbështetjes së SHBA-së për sulmet izraelite ndaj programit bërthamor të Iranit.

Nuk është e qartë nëse Trump nënkuptoi se SHBA-ja mund të bëjë diçka konkrete për ta ndihmuar Netanyahun në betejën e tij ligjore.

Presidenti republikan e përshkroi çështjen kundër udhëheqësit izraelit si “gjueti shtrigash” – një term që Trump e ka përdorur shpesh për t’i përshkruar përpjekjet për ta ndjekur atë penalisht në SHBA, dhe të cilin edhe Netanyahu e ka përdorur për ta përshkruar gjyqin ndaj tij.

Fjalët e ngrohta të Trumpit vijnë pas një qortimi të rrallë që ai ia bëri të martën Izraelit për sulmet ajrore ndaj Iranit pas armëpushimit./REL

Ish-presidenti amerikan Bill Clinton tha se kryeministri izraelit Benjamin Netanyahu ka dashur prej kohësh të luftojë Iranin, sepse në këtë mënyrë mund të qëndrojë në detyrë përgjithmonë.

“Netanyahu ka dashur prej kohësh të luftojë Iranin sepse në këtë mënyrë mund të qëndrojë në detyrë përgjithmonë. Dua të them, ai ka qenë atje pjesën më të madhe të 20 viteve të fundit”, tha ish-presidenti gjatë një paraqitjeje në “The Daily Show”.

Sipas Clinton, as Netanyahu dhe as Trump nuk duan të shkaktojnë një katastrofë rajonale në shkallë të plotë, raportojnë mediat e huaja.

Ai gjithashtu theksoi rëndësinë e mbrojtjes së aleatëve të SHBA-së në rajon.

“Ne duhet t’i bindim miqtë tanë në Lindjen e Mesme se do të qëndrojmë me ta dhe do të përpiqemi t’i mbrojmë”, deklaroi ai.

“Por zgjedhja e luftërave të pashpallura në të cilat viktimat kryesore janë civilët, të cilët nuk janë të përfshirë politikisht, në një mënyrë ose në një tjetër, të cilët thjesht duan të jetojnë jetë të mirë, nuk është një zgjidhje shumë e mirë”, shtoi Clinton.

SHBA deri tani ka qëndruar larg veprimeve të drejtpërdrejta në konfliktin midis Iranit dhe Izraelit. Por e ka ndihmuar Izraelin të rrëzojë raketat nga Teherani dhe e ka furnizuar atë me pajisje ushtarake

Kryeministri izraelit Benjamin Netanyahu deklaroi para gazetarëve se Izraeli nuk do të tërhiqet nga operacionet ushtarake kundër Iranit, pavarësisht presioneve ndërkombëtare dhe përshkallëzimit të situatës në Lindjen e Mesme. Komentet e tij vijnë në një moment kur Këshilli i Sigurimit i OKB-së po mban një mbledhje urgjente në New York, thirrur nga Irani pas sulmeve të fundit ajrore amerikane në territorin iranian.

Në orët e para të mëngjesit të kësaj të diele, avionë luftarakë amerikanë ndërmorën një seri goditjesh të koordinuara ndaj tri objekteve kryesore të programit bërthamor iranian, përfshirë kompleksin nëntokësor të Fordow. Ky veprim shënoi përfshirjen e drejtpërdrejtë të Shteteve të Bashkuara në konfliktin Izrael-Iran, duke rritur ndjeshëm tensionet në rajon.

Nga Izraeli, Netanyahu tha për gazetarët se “nuk do të lejojmë që të tërhiqemi në një luftë rraskapitëse, por as nuk do ta ndërpresim parakohe këtë fushatë jetike për sigurinë tonë kombëtare”.

Ai theksoi se Izraeli është shumë pranë përmbushjes së objektivave të tij strategjikë, duke përfshirë shkatërrimin e programit bërthamor iranian dhe të kapaciteteve të raketave balistike të Teheranit.

Duke iu referuar objektit të Fordow, të cilin SHBA e goditi me bomba speciale për depërtim në thellësi, Netanyahu tha se “kompleksi është dëmtuar rëndë”, megjithëse theksoi se “shkalla e plotë e dëmit do të vlerësohet në ditët në vijim”.

Deklaratat e kryeministrit izraelit pasojnë reagime të ashpra nga Teherani, i cili ka akuzuar SHBA-në dhe Izraelin për “agresion të paprovokuar” dhe ka paralajmëruar se do të ushtrojë të drejtën për vetëmbrojtje.

Tensionet në rajon mbeten në nivel të lartë, ndërsa komuniteti ndërkombëtar vijon thirrjet për përmbajtje dhe rikthim në tryezën e negociatave./abcnews.al

Vendimi i Presidentit të SHBA-së Donald Trump për të goditur objektet bërthamore të Iranit do të “ndryshojë historinë”, tha Kryeministri i Izraelit Benjamin Netanyahu të dielën në mëngjes.

“Urime President Trump, vendimi juaj i guximshëm për të synuar objektet bërthamore të Iranit me fuqinë e mrekullueshme dhe të drejtë të Shteteve të Bashkuara do të ndryshojë historinë”, tha Netanyahu në një deklaratë video.

“Presidenti Trump dhe unë shpesh themi: ‘Paqe përmes forcës’. Së pari vjen forca, pastaj vjen paqja. Dhe sonte, Presidenti Trump dhe Shtetet e Bashkuara vepruan me shumë forcë”, shtoi Netanyahu.

Një spital në jug të Izraelit ka pësuar goditje direkte nga një raketë iraniane të enjten, teksa zyrtarët raportuan për “dëme të mëdha” në këtë spital.

Qendra Shëndetësore Soroka është spitali kryesor në jug të Izraelit. Një zëdhënës i këtij spitali tha se ndërtesa ka pësuar “dëme të mëdha” në disa zona.Autoritetet në këtë qendër shëndetësore u kanë kërkuar qytetarëve që të mos kërkojnë trajtim mjekësor në këtë institucion.

Një tjetër raketë goditi një ndërtesë të lartë dhe disa ndërtesa banimi në Tel Aviv. Të paktën 40 persona u plagosën nga këto sulme, tha Shërbimi i Shpëtimit i Izraelit. Kryeministri izraelit, Benjamin Netanyahu, e dënoi sulmi ndaj spitalit dhe u zotua se do të kundërpërgjigjet.

“Tiranët në Teheran do të paguajnë çmim të lartë”, tha ai.

Spitali i goditur ka mbi 1.000 shtretër dhe ofron shërbim për pothuajse 1 milion banorë në jug të Izraelit, sipas uebfaqes së spitalit. Sulmi erdhi pasi Izraeli goditi reaktorin e ujit të rëndë [reaktor bërthamor që përdor ujë të rëndë].

Ushtria izraelite tha se sulmin ndaj ndërtesës Arak është kryer me avionë luftarakë.

“Sulmi shënjestroi komponentët e nevojshëm për prodhimin e plutoniumit, në mënyrë që të parandalohej që reaktori të përdorej për zhvillim të armëve bërthamore”, tha ushtria.

Sipas televizionit shtetëror iranian, “nuk ka asnjë rrezik nga rrezatimi”. Një gazetar i këtij televizioni, gjatë një lidhje të drejtpërdrejtë nga qyteti i afërt Hondab, tha se objekti është evakuuar dhe nuk ka dëme në zonat civile që gjenden përreth reaktorit.

Mëngjesin e së enjtes, Izraeli paralajmëroi se do të godiste këtë ndërtesë dhe u bëri thirrje banorëve që të largohen nga zona. Ushtria izraelite tha se gjatë sulmeve ajrore të së enjtes ka shënjestruar Teheranin dhe disa zona të tjera të Iranit, pa dhënë detaje të hollësishme. Më pas tha se Irani ka nisur një valë të re sulmesh raketore ndaj Izraelit dhe u bëri thirrje njerëzve të strehoheshin.

Dita e shtatë e sulmeve mes Izraelit dhe Iranit vjen një ditë pasi udhëheqësi suprem i Iranit refuzoi thirrjet e Shteteve të Bashkuara për t’u dorëzuar dhe paralajmëroi se çdo përfshirje ushtarake e amerikanëve do të shkaktonte “dëme të riparueshme për ta”. Izraeli po ashtu ka hequr disa kufizime për njerëzit, duke sugjeruar se kërcënimi nga raketat e Iranit është ulur. Përmes fushatës ajrore, Izraeli deri më tani ka goditur ndërtesat për pasurimin e uraniumit të Iranit në Natanz, objektet për prodhimin e centrifugave përreth Teheranit dhe centralin bërthamor në Isfahan. Po ashtu ka vrarë gjeneralë dhe shkencëtarë bërthamorë iranianë.Irani ka thënë se deri më tani, si pasojë e sulmeve izraelite janë vrarë 224 persona, ndërkaq Izraeli ka raportuar për 24 të vrarë.

Ndryshe, reaktori Arak – që ishte cak i sulmeve izraelite – gjendet 250 kilometra në jugperëndim të Teheranit.

Uji i rëndë ndihmon në ftohjen e reaktorëve bërthamorë, por gjithashtu prodhon si nënprodukt plutoniumin, i cili potencialisht mund të përdoret për krijimin e armëve bërthamore. Kjo do t’i ofronte Iranit edhe një rrugë tjetër drejt një bombe bërthamore, përveç përmes pasurimit të uraniumit, nëse vendi dëshiron të prodhojë armë të tilla.

Më 13 qershor, Izraeli nisi fushatë ajrore duke goditur qendra ushtarake dhe bërthamore brenda Iranit, duke thënë se synon t’ia pamundësojë armikut të tij posedimin e armëve bërthamore.

Irani, që është përgjigjur duke kryer sulme ndaj Izraelit, vazhdimisht ka mohuar se synon të ketë armë bërthamore, duke argumentuar se programi i tij bërthamor ka qëllime civile.

Presidenti Donald Trump në një komunikim me gazetarët ka ritheksuar faktin se Irani dëshiron të takohet.

Trump ndryshe nag reagimi i bërë nga Irani, pretendon se përfaqësuesit iranianë “duan të takohen”. Ai ka thënë, “përfaqësuesit iranian duan të vijnë në Shtëpinë e Bardhë”.

Kjo nuk është hera e parë që presidenti amerikan, i qëndron kësaj deklarate, pavarësisht se Teherani në reagimin e tij tha se asnjë zyrtar nuk ka kërkuar të shkojë në Shtëpinë e Bardhë.

Ndërkohë kryeministri Benjamin Netanyahu, tha se operacioni për të eliminuar kërcënimin bërthamor të Iranit po ecën përpara dhe se Izraeli po kontrollon qiellin mbi kryeqytetin e Iranit, Teheranin.

/abcnews.al/

Presidenti turk Rexhep Tayiip Erdogan është shprehur kritik ndaj Kryeministrit izraelit Benjamin Netanyahu.

Ai e ka cilësuar Netanyahun si “kërcënimin më të madh të sigurisë rajonale”. Në një telefonatë të zhvilluar me emirin e Katarit, Tamim bin Hamad Al Thani, Erdogan ka thënë se konflikti Izrael-Iran “nuk mund të heqë vëmendjen nga kriza humanitare dhe gjenocidi në Gaza.

Erdogan shtoi se do të vazhdojë përpjekjet e tij për t’i dhënë fund spirales së dhunës.

Benjamin Netanyahu ka mohuar raportet se Donald Trump vuri veton ndaj kërkesës së Izraelit për të vrarë Ajatollah Khamenein.

Në një intervistë me Bret Baier të Fox News, udhëheqësi izraelit tha: “Ka kaq shumë raportime të rreme për biseda që nuk kanë ndodhur kurrë dhe unë nuk do të hyj në këtë temë.

“Por mund t’ju them se mendoj se bëjmë atë që duhet të bëjmë, do të bëjmë atë që duhet të bëjmë. Dhe mendoj se Shtetet e Bashkuara e dinë se çfarë është e mirë për Shtetet e Bashkuara.”

Ai tha gjithashtu se sulmet do të përfundojnë “kur të heqim” aftësitë bërthamore të Iranit./abcnews.al

Kryeministri izraelit Benjamin Netanyahu i tha Fox News të dielën se ai nisi sulme ajrore kundër Iranit për të parandaluar “një holokaust bërthamor”, duke pretenduar se kishte inteligjenca izraelite kishte informacione se Irani ishte muaj larg zhvillimit të një arme bërthamore fillestare.

“Na u desh të vepronim”, i tha Netanyahu Bret Baier të Fox të dielën. “Ishte ora e 12-të dhe ne vepruam. Për të shpëtuar veten, por edhe… për të mbrojtur botën nga ky regjim nxitës.”

“Informacioni që morëm dhe që i ndamë Shteteve të Bashkuara ishte absolutisht i qartë: Se ata po punonin sipas një plani sekret për ta armatosur uraniumin, se po ecnin shumë shpejt, se do të arrinin një pajisje testimi dhe ndoshta një pajisje fillestare brenda disa muajsh, dhe sigurisht më pak se një viti”, tha ai.

Netanyahu pohoi gjithashtu se Izraeli pa mjaftueshëm uranium të pasuruar për nëntë bomba. “E tëra çfarë duhej të bënin ishte t’i armatosnin. Ne e ndaluam këtë.”

I pyetur nëse ndryshimi i regjimit ishte ndër objektivat e tij në Iran, Netanyahu tha: “Sigurisht që mund të jetë rezultati, sepse regjimi iranian është shumë i dobët.”

Netanyahu deklaroi se “80% e njerëzve do t’i dëbonin këta banditë teologjikë”.

“Ata qëllojnë gratë sepse flokët e tyre janë të zbuluara. Ata qëllojnë studentët. Ata thjesht thithin oksigjenin nga këta njerëz të guximshëm dhe të talentuar, populli iranian. Vendimi për të vepruar, për t’u ngritur këtë herë, është vendim i popullit iranian.”, theksoi Netanyahu./abcnews.al

IZRAEL- Kryeministri izraelit Benjamin Netanyahu ka publikuar një video tjetër, këtë herë duke folur në anglisht dhe me sa duket duke iu drejtuar një audience amerikane.

Ai fillon duke i uruar Donald Trumpit ditëlindjen, pastaj u bën homazh ushtarakëve dhe grave amerikane që kanë “mbrojtur lirinë” për 250 vjet, raporton BBC. 

Netanyahu thotë se ushtria izraelite po “mbron lirinë” në Lindjen e Mesme kundër asaj që ai e quan një regjim “tiranik” iranian.

“Armiku ynë është armiku juaj. Dhe duke bërë atë që po bëjmë, kemi të bëjmë me diçka që do të na kërcënojë të gjithëve herët a vonë”, thotë ai.

Ai thotë gjithashtu, pa dhënë prova, se nëse Izraeli nuk do të kishte vepruar, Irani do t’i kishte armatosur aleatët e tij – si Hezbollahu dhe Hamasi – me armë bërthamore.

“Kjo është ajo që po bën Izraeli me mbështetjen e qartë të Presidentit të Shteteve të Bashkuara, Donald Trump, dhe popullit amerikan dhe shumë të tjerëve në botë”, shton ai.

Shtëpia e Bardhë në fillim u përpoq të distancohej nga sulmi i Izraelit ndaj Iranit, por më vonë e mbështeti hapur atë, me Donald Trump që e quajti atë “të shkëlqyer”.

Kryeministri izraelit Benjamin Netanyahu ka reaguar sërish kundër Iranit. Netanyahu theksoi se Izraeli ka nisur një nga operacionet më të mëdha ushtarake në histori kundër Iranit.

Ndërsa theksoi se Izraeli synon të shkatërrojë pjesën më të madhe të arsenalit të reketave balistike të Iranit. Gjithashtu ai u ka bërë thirrje iranianëve që të dalin kundër regjimit shtypës.

“Kjo është një mundësi për popullin iranian që të dalë kundër regjimit shtypës, unë jam me ju populli izraelit është me ju”, tha Netanyahu në mesazhin drejtuar iranianëve.

Netanyahu thotë se Izraeli ka asgjësuar një “pjesë të madhe” të arsenalit të raketave balistike të Iranit dhe “objektin e tij më të rëndësishëm të pasurimit”.

/abcnews.al/

Benjamin Netanyahu ka deklaruar se administrata Trump ishte në dijeni të planeve të Izraelit për të sulmuar Iranin.

Në mesazhin e tij, kryeministri izraelit tha se vendi i tij kishte identifikuar hapat specifikë të ndërmarrë nga Irani drejt ndërtimit të një arme bërthamore, përtej pasurimit të uraniumit.

“Urdhri për të eliminuar programin bërthamor të Iranit u dha në nëntor 2024”, ka thënë kryeministri izraelit, duke shtuar se duke shtuar se Izraeli  kishte siguruar mbështetjen e SHBA-së.

/abcnews.al/

Kryeministri izraelit Benjamin Netanyahu sfidoi hapur Presidentin amerikan Donald Trump me nisjen e një ofensive të gjërë ushtarake ndaj programit bërthamor të Iranit, sulm ky I cili sipas Tel Avivit ishte një sulm parandalues.

Mediat ndërkombëtare raportojnë se në bisedën e fundit telefonike që Trump dhe Netanyahu kishin pasur në nisje të kësaj jave, presidenti Amerikan i kishte kërkuar që të mos e sulmonte Iranin.

Ky kundërshtim i Netanyahur ndaj kërkesës së Donald Trump sipas France 24 është një goditje e rëndë mbi vizionin e Presidentit Amerikan.

Media Franceze shkruan se Trump erdhi në pushtet me zotimin për të qënë njeriu I paqes, por dicka e tillë po pengohet nga aleatët e tij më të afërt ndërkombëtar.

Shembuj të të gjithës kësaj janë refuzimi që Presidenti Vladimir Putin iu ka bërë thirrjeve të Trump për një armëpushim në Ukrainë, apo rinisja e luftës në Gaza pas përfundimit të arritur përgjatë fundi të mandatit të Joe Biden.

Vetëm disa orë përpara se Izraeli të sulmonte Iranin, Donald Trump kishte shkruar në rrjetet sociale se Washingtoni mbetej I hapur për të gjetur njv zgjidhje diplomatike me Teheranin sa I përket kërkesës së SHBA që ky vend të mos ketë armë bërthamore.

Steve Witkoff I dërguari i Trump për lindjen e mesme pritej të takohej këtë të dielë në Oman me negociatorët Amerikan, por pas sulmit Izraelit mbetet e paqartë nëse këto negociata do të vijojnë.Përgjatë muajve të fundit zërat e përçares së marrdhënies së Donald Trump me Kryeministrin Izraelit Benjamin Netanyahu janë shtuar, veçanërisht pas vizitës që Trump mbajti në Lindjen e Mesme muajin e shkuar ku nuk vizitoi Izraelin.

France 24 shkruan se njeriu qe erdhi ne pushtet me Premtimin per paqe dhe një botë të begatë nuk po bind dot ata që dikur I quante “miq të tij” sic janë Vladimir Putin apo edhe Benjamin Netanyahu që të ulin armët dhe ti japin një zgjidhje konflikteve më të nxehta globale./abcnews.al

Kryeministri i Izraelit, Benjamin Netanyahu, ka konfirmuar se Izraeli ka goditur objektiva bërthamore në Iran dhe tha se operacioni do të vazhdojë për shumë ditë.

“Çast më parë, Izraeli nisi operacionin “Rising Lion”, një operacion ushtarak i synuar për të zmbrapsur kërcënimin iranian ndaj mbijetesës së Izraelit”, tha Netanyahu në një fjalim televiziv, shkruan CNN.

“Ky operacion do të vazhdojë për aq ditë sa të duhen për të eliminuar këtë kërcënim.”, tha kryeministri.

Ai tha se Irani kishte një program për të zhvilluar armë bërthamore dhe pretendoi se “mund të prodhonte një armë bërthamore” nëse nuk ndalohej. Ky është një rrezik i qartë dhe i pranishëm për mbijetesën e Izraelit. Ne goditëm në krye të programit të armatimit bërthamor të Iranit.

Nga 120 deputetët e Knessetit, 61 votuan kundër propozimit të opozitës, ndërsa 53 ishin pro.

Opozita e kishte paraqitur këtë projektligj me shpresën për të detyruar zgjedhje të parakohshme, duke kërkuar mbështetje nga partitë ultraortodokse të koalicionit qeverisës, të cilat janë të zemëruara ndaj Kryeministrit Netanyahu për çështjen e lëshimeve nga shërbimi ushtarak për komunitetin e tyre.

Pavarësisht se opozita është kryesisht e përbërë nga grupe qendrore dhe majtiste, partitë ultraortodokse që mbështesin qeverinë e Netanyahu-s kishin kërcënuar më parë se do të mbështesnin propozimin.

Megjithatë, rezultati i votës të enjten në mëngjes tregoi se shumica e deputetëve ultraortodoksë nuk e mbështetën projektligjin e opozitës, me vetëm një numër të vogël që votuan pro.

Opozita tani do të duhet të presë gjashtë muaj për të tentuar një herë tjetër.

Përpara votës, Yuli Edelstein, një deputet i partisë Likud të Netanyahu-s, njoftoi se, pas bisedimeve të gjata, partitë kishin arritur një marrëveshje mbi “parimet mbi të cilat do të bazohet projekti i ligjit për rekrutim”.

Edelstein, i cili drejton komitetin për punët e jashtme dhe mbrojtjen, nuk specifikoi detajet e marrëveshjes.

“Ashtu siç kam thënë gjithmonë vetëm një projektligj i vërtetë dhe efektiv që çon në zgjerimin e bazës së rekrutimit të Ushtrisë Izraelite do të dalë nga komiteti që drejtoj,” shkroi ai në platformën sociale X.

“Kjo është një lajm historik dhe ne jemi në rrugën për një reformë të vërtetë në shoqërinë izraelite dhe forcimin e sigurisë së Shtetit të Izraelit.”

Edelstein më parë kishte paraqitur një projektligj që kishte për qëllim të rritte numrin e ultraortodoksëve të rekrutuar dhe të rrigorozonte dënimet për ata që refuzojnë shërbimin.

Ndërkohë, lideri i opozitës, Yair Lapid, deklaroi se qeveria po sheh fillimin e fundit të saj.

“Kohëzgjatja e koalicioneve ka një fund, dhe ky është momenti kur një qeveri fillon të shembet,” tha ai.

Lapid shtoi se partitë ultraortodokse kishin pasur një zgjedhje: të humbnin ligjin për lëshimin nga shërbimi ushtarak ose të humbnin pozitat në qeveri, dhe ata e zgjodhën lëshimin.

“Qeveria i ndihmoi ata… të organizojnë lëshimin e dhjetëra mijëra djemve të rinj dhe të shëndetshëm,” tha ai, duke iu referuar izraelitëve ultraortodoksë.

Ministri i Komunikimeve, Shlomo Karhi, iu kundërpërgjigj, duke thënë se qeveria e koalicionit është “duke shkuar përpara” dhe është “më e fortë se kurrë”.

Më herët gjatë ditës së mërkurë, liderët e opozitës kishin deklaruar se vendimi për të sjellë në Knesset projektligjin për shpërbërjen e qeverisë ishte “marrë unanimisht dhe është obligues për të gjitha fraksionet”. Ata thanë se të gjitha partitë opozitare do të pezullonin aktivitetet e tyre legjislative për të përqendruar vëmendjen në “rrëzimin e qeverisë”.

Koalicioni i Netanyahu-s është një nga më të djathtët në historinë e Izraelit. Ai përfshin dy parti ultraortodokse, Shas dhe Judaizmin e Bashkuar Ortodoks (UTJ). Të dy partitë kishin kërcënuar se do të mbështesnin propozimin për zgjedhje të parakohshme.

Rreziku Ekzistencial dhe Shërbimi Ushtarak

Shërbimi ushtarak është i detyrueshëm në Izrael, por, sipas një vendimi të datës që nga krijimi i shtetit, burra që përkushtohen plotësisht në studimin e shkrimeve hebraike kanë një lëshim nga shërbimi ushtarak.

A ka ardhur koha që ky lëshim të ndryshojë, ka qenë një çështje që ka shkaktuar debate të vazhdueshme.

Përpjekjet për të hequr lëshimin janë intensifikuar gjatë luftës 20-mujore në Gaza, pasi ushtria kërkon më shumë burime njerëzore.

Netanyahu është nën presion nga partia e tij Likud për të rekrutuar më shumë burra ultraortodoksë – një vijë e kuqe për parti si Shas, të cilat kërkojnë një ligj që garanton përjashtim të përhershëm nga shërbimi ushtarak për ndjekësit e tyre.

Përpara votës, mediat izraelite raportuan se zyrtarë të koalicionit të Netanyahu-s ishin në bisedime me liderët ultraortodoksë për të gjetur një marrëveshje të përbashkët.

Në një përpjekje për të fituar kohë për këto negociata, koalicioni i Netanyahu-s mbushte axhendën e Knessetit me ligje që do të vononin votimin.

Ministri i Financave, Bezalel Smotrich, i partive të ekstremit të djathtë, tha se rrëzimi i qeverisë gjatë kohës së luftës do të paraqiste një “rrezik ekzistencial” për të ardhmen e Izraelit.

“Historia nuk do t’i falë ata që e tërheqin shtetin e Izraelit në zgjedhje gjatë një lufte,” tha Smotrich në parlament, duke shtuar se ishte një “nevojë kombëtare dhe për sigurinë” që ultraortodokset të luftonin në ushtri.

Qeveria e Netanyahu-s është një koalicion mes partisë së tij Likud, grupeve të ekstremit të djathtë dhe partive ultraortodokse, të cilat do ta linin qeverinë pa shumicë parlamentare nëse largoheshin./abcnews.al