Të shtëna me armë zjarri janë raportuar në Shijak. Mësohet se dy kushërinj janë konfliktuar me një tjetër shtetas.

Gjatë konfliktit 45-vjeçari është plagosur me armë zjarri dhe ndodhet nën kujdesin e mjekëve.

Shërbimet e Policisë po ushtrojnë kontrolle për kapjen e dy shtetasve.

Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të këtij rasti.

Kaseta origjinale e diktofonit me regjistrimet e komunikimeve të Gardës së Republikës, ku u dhanë urdhrat e vrasjeve së protestuesve më 21 Janarin 2011, është dorëzuar në Prokurorinë e Posaçme nga gazetari Artan Hoxha.

Në të janë 36 minuta regjistrim, ku dëgjohen bisedat e ish-kreut të gardës Ndrea Prendi dhe vartësve të tij para, gjatë dhe pas vrasjes së 4 protestuesve dhe plagosjes së dhjetëra të tjerëve.

“Audio-përgjimi i 21 janarit është një provë e rëndësishme. Hetuesit do të ketë informacion më të saktë”, kështu u shpreh ish-prokurori Ervin Karanxha në një intervistë në “Ora e Fundit” në ABC News.

Gjithashtu gjatë intervistës, nënvizoi se hetuesit do të ndjekin edhe disa faza. “Edhe regjistri do të jetë objekt hetimi, pra nëse ka regjistër, duhet të verifikohet dhe ballafaqohet. Do jetë akti i ekspertimit që do ta sqarojë se çfarë është komunikuar gjatë kësaj periudhe. Ngjarja e 21 janarit u quajt e mbyllur dhe kanë ndodhur ato që kemi diskutuar më pas. Gabimi i parë procedura ishte që në nisje të hetimit, sepse duhet të ishin marrë deklarime edhe zyrtarë të lartë. Gjykata e Lartë thotë duhet të hetohen zyrtarë të lartë, pra të bëhen veprime procedurale, këto duhet të ishin bërë para 15 vitesh. Në atë kohë janë dënuar mbi 40 protestues. Ka pasur gjatë protestës edhe policë të dëmtuar, por nuk u arrit të provohej se kush person ka goditur. Por ka pasur edhe raste u hetuan. Zyra e prokurorit të përgjithshëm hetonte zyrtarë të lartë. Na rezulton se ish ministri Lulzim Basha ka shkuar te Bamir Topi, ndiko tek Ina Rama. Ky person duhet të ishte hetuar vetë. Mendoj që edhe ish-prokuroren Ina Rama duhet ta thërrasë SPAK. Problemi është hetimi i zyrtarëve të lartë. Nuk ka asnjë akt…Hakerat iranianë, u bë një ndërhyrje tek SHIK dhe dolën të dhënat e regjistrat e bashkëpunëtore dhe ka dalë që Ina Rama është bashkëpunëtore e shërbimit…Pra si mundet që një prokuror i përgjithshëm të jetë bashkëpunëtor? Shërbimi Sekret jep të dhëna për prokurorë e gjyqtarë. Edhe tek 21 janari duhet pyetur, pse nuk u mor hetime për zyrtarë të lartë siç u bë për deputetë të opozitës së asaj kohe”, nënvizoi ai.

Read More...

Presidenti amerikan, Donald Trump njoftoi sot një qetësim të lehtë të situatës në Minesota, pas vdekjes së dy protestuesve në Minneapolis brenda disa javësh nga njëri-tjetri, të vrarë nga agjentë federalë gjatë operacioneve policore kundër imigracionit.

“Do të kemi një qetësim të lehtë të situatës”, tha presidenti amerikan në një intervistë me Fox News gjatë një udhëtimi në Iowa.

“Nuk është një tërheqje, është një ndryshim i vogël”, theksoi ai.

Udhëtimi për të mbështetur ekipin e tyre të zemrës u kthye në tragjedi për shtatë tifozë të ekipit grek të PAOK-ut, mes tyre edhe një shqiptar.

Ndërsa po shkonin në Rumani me një fugon, u përplasen me një kamion. Si pasoje e aksidentit, shqiptari  Vasil Palo humbin jetën.

Pamjet tregojnë momentin kur fugoni kreu parakalimin, por shoferi nuk u kthye në korsin e tij duke shkuar drejt kamionit. Nga aksidenti mbeten të plagosur edhe 3 persona të tjerë,  dy shtetas greke dhe një shtetas shqiptar me nënshtetësi greke, i identifikuar si Genci Sadiku.

Ambasada Shqiptare ne Bukuresht tha se Genci Sadiku kishte kontaktuar fillimisht Ambasadën Greke në kryeqytetin e Rumanisë pasi si ai, por edhe si viktima Shqiptarë Vasil Palo kishin pasaporte Greke.  Tre personat e plagosur janë në gjendje stabël shëndetësore jashtë rrezikut për jetën.

Grupi i tifozëve ishte nisur nga Greqia për në Francë për të ndjekur ndeshjen e Europa League midis Lyon dhe PAOK. Autoritetet Romune kanë nisur hetimet mbi aksidentin e rëndë ndërsa disa patrulla policie dhe autoambulanca të shumta mbërritën në vendngjarje.

Kryeministri grek Kyriakos Mitsotakis shprehu ngushëllimet e tij për familjarët e viktimave nëpërmjet një statusi në rrjetet sociale ndërsa tha se Qeveria dhe Ambasada Greke në Bukuresht po bashkëpunojnë me autoritetet për të lehtësuar proceduarat për familjaret e viktimave dhe personave të plagosur.

Presidenti i Turqisë, Recep Tayyip Erdogan, ka zhvilluar një bisedë telefonike me Presidentin e Shteteve të Bashkuara të Amerikës (SHBA), Donald Trump.

Sipas një njoftimi të Drejtorisë së Komunikimeve të Presidencës Turke, gjatë bisedës telefonike midis Presidentit Erdogan dhe Presidentit Trump u diskutuan marrëdhëniet dypalëshe Turqi-SHBA, situata e fundit në Siri, punimet e Bordit të Paqes për Gazën, marrëdhëniet tregtare, veçanërisht në industrinë e mbrojtjes, si dhe zhvillimet rajonale dhe globale.

Presidenti Erdogan gjatë bisedës theksoi se do të vazhdojnë të ndërmarrin hapa për të zhvilluar bashkëpunimin mes Turqisë dhe SHBA-së, duke nënvizuar se avancimi i marrëdhënieve në çdo fushë është në interesin e përbashkët të të dy vendeve.

Gjatë bisedës, Erdogan theksoi se Turqia i kushton rëndësi të madhe armëpushimit dhe zbatimit të plotë të marrëveshjes së integrimit në Sirinë fqinje, duke shtuar se procesi po ndiqet nga afër në koordinim me autoritetet e SHBA-së dhe të Sirisë.

Presidenti Erdogan gjithashtu shprehu dëshirën që Bordi i Paqes për Gazën të realizojë punë të dobishme, duke theksuar besimin se me përfundimin e katastrofës humanitare në Gaza dhe rindërtimin e Gazës do të hapet rruga për paqe të qëndrueshme në rajon.

Danimarka ka vendosur që qytetarët e saj të pensionohen në moshën 70 vjeçe. Çdokush i lindur pas 31 dhjetorit 1970 do të dalë në pension vetëm pas moshës 70. Me këtë vendim, Danimarka mban rekordin për moshën e daljes në pension.

Ndërkaq, mosha e daljes në pension në Gjermani do të rritet në 67 vjeç nga viti 2031.

Në disa shtete ka diferencë mes burrave dhe grave për moshën e pensionimit: në disa gratë pensionohen 60 vjeçe. Disa prej shteteve evropiane e kanë të rregulluar në këtë mënyrë moshën e pensionimit. Belgjika do ta rrisë moshën e pensionit nga 67 vjeç gradualisht deri në vitin 2030.

Bullgaria po ashtu shkon gradualisht për gratë 63 e për burrat 65. Estonia në 65 vjeç, Finlanda po ashtu 65, Franca 64, Greqia 62, Irlanda 68, Italia 67 vjeç, Kroacia 65 për burrat kurse për gratë do ta bëjë po ashtu 65 vjeç deri më 2029, Austria 61 vjeç për gra e 65 për burra, e të tjera.

Danimarka synon të bëjë gjithçka që mundet për të arritur një marrëveshje me Shtetet e Bashkuara  të  Amerikës lidhur me Groenlandën, por pa dorëzuar territor, deklaroi sot kryeministrja Mette Frederiksen.

E pyetur nëse territori i Groenlandës mund t’i kalonte SHBA-së, Frederiksen tha se ”një veprim i tillë është i paimagjinueshëm”.

“Jo, nuk mund të imagjinohet një gjë e tillë”, u shpreh ajo në një intervistë për programin ”Maischberger” të transmetuesit publik gjerman ARD.

Pasi kishte këmbëngulur se SHBA-ja kishte nevojë të zotëronte ishullin kryesisht autonom danez, presidenti amerikan Donald Trump javën e kaluar përjashtoi përdorimin e forcës për ta marrë Groenlandën dhe tha se ekziston një ”kornizë për një marrëveshje të ardhshme lidhur me Groenlandën”.

Deklaratat e tij erdhën pas bisedimeve me sekretarin e përgjithshëm të NATO-s, Mark Rutte, në kuadër të Forumit Ekonomik Botëror në Davos.

”Tani kemi një kanal diplomatik me amerikanët dhe duhet të shohim nëse mund të arrijmë një marrëveshje”, shtoi kryeministrja daneze.

Frederiksen nuk pranoi të japë detaje mbi përmbajtjen e bisedimeve me SHBA-në dhe tha se nuk është e qartë se sa do të zgjasin negociatat.

”Paralelisht me bisedimet që po zhvillojmë tani me amerikanët, ne evropianët duhet të jemi të qartë me veten se bota e vjetër ka marrë fund”, tha ajo.

”Nuk besoj se ajo do të kthehet. Për ne evropianët, për këtë arsye, është tejet e rëndësishme që të mbështetemi te riarmatimi”, përfundoi Frederiksen.

Eksperti i Çështjeve të Sigurisë Redion Qirjazi ka analizuar gjatë një intervistë në emisionin “War Report” në ABC News, zhvillimet e konflikteve në botë.

Gjatë intervistës, foli edhe për pushtimin Ukrainës nga Rusia duke thënë se shpenzimet që Moska ka bërë në këtë luftë, janë duke e groposur atë.

Më tej eksperti i Çështjeve të Sigurisë theksoi se deri më tani Rusia nuk është se ka marrë një territor të madh të Ukrainës, kjo falë edhe mbështetjes së Europës për Ukrainës.

“Shpenzimet që ka bërë Rusia janë duke e groposur atë. Kina është duke u shndërruar në furnizuesin kryesor të Rusisë për shkak të sanksioneve. Ekonomia e luftës është duke e shkatërruar atë ekonomikisht, edhe pse tani ende nuk kuptohen. Nga ana tjetër Europa ka një ekonomi më të qëndrueshme. Pra duhet kuptuar është se ajo që ofron më shumë marrëdhënie është Europa, dhe fuqia e saj blerëse është jashtëzakonisht e madhe. Por uniteti politik i Europës është problemi”, shtoi ai.

/abcnews.al/

TIRANË- Deputeti i Lëvizjes Bashkë, Redi Muçi, i ftuar në emisionin “Real Story”, u shpreh se shpreson që aleanca euroatlantike dhe partneriteti midis SHBA dhe BE të jenë jetëgjatë, ndërsa Shqipëria të përfitojë nga këto marrëdhënie dhe të avancojë drejt integrimit në Bashkimin Evropian.

Muçi shtoi se si subjekt politik kanë rezervat e tyre ndaj disa veprimeve të kryeministrit Edi Rama, përfshirë përpjekjet për përfshirjen e Shqipërisë në Bordin e Paqes dhe vizita në Izrael.

Ai theksoi se Shqipëria duhet të ruajë maturinë dhe kujdesin në arenën ndërkombëtare.

“Shpresoj shumë që aleanca euroatlantike dhe partneriteti midis SHBA-së dhe BE-së të jenë shumë jetëgjatë, dhe që Shqipëria të përfitojë nga këto marrëdhënie dhe të integrohet në BE me radhë.

Të gjitha rezervat që kemi si subjekt politik janë ndaj disa veprimeve të kryeministrit, si nxitimi i tij për aderimin në Bordin e Paqes apo vizita në Izrael, të cilat mund t’i shkojnë për shtat momentalisht propozimeve të presidentit të Turqisë.

Por, për shkak të rezervave që kanë disa vende kryesore të BE-së, madje edhe vota ime e abstenimit, kjo supozon që ne të kuptojmë pozicionin e vendit tonë dhe vendin ku duam të integrohemi. Duhet të jemi të matur në arenën ndërkombëtare.”, tha ai./abcnews.al

TIRANË- Analisti Skënder Minxhozi, i ftuar në “Real Story”, tha se roli i Shteteve të Bashkuara të Amerikës për garantimin e paqes në botë është kyç dhe i padiskutueshëm.

Sipas tij, SHBA në planin e sigurisë dhe atë ushtarak është një partner i pazëvendësueshëm si për Evropën ashtu dhe Shqipërinë.

“Ka një shprehej te vjetër: amerikanët bëjnë luftërat, evropianët financojnë paqen. Dhe me thënë të drejtën nuk është se nuk përkon me ngjarjet e fundit. Amerikan në planin ushtarak dhe të sigurisë, ka qenë dhe mbetet një ombrellë e pazëvendësueshme, sepse e tillë është për të gjithë Evropën, pa lërë pastaj për Shqipërinë dhe evropianët”, tha ai.

Gjatë diskutimit në studio, Minxhozi u shpreh se e ardhmja e Shqipërisë si model ekonomik dhe si model shoqëror është vetë Europa.

“Projektin ne si shoqëri, si model, projektin afatgjatë nuk kemi me Amerikën, por e kemi me Evropën”, tha ai./abcnews.al

“Izraeli nuk do të lejojë krijimin e një shteti palestinez”, kështu ka deklaruar kryeministri izraelit Benjamin Netanyahu,  duke u shprehu i bindur se vendi i tij do të ruajë kontrollin e sigurisë nga lumi Jordan deri në Mesdhe.

“Dëgjoj njerëz që thonë se unë do të miratoj krijimin e një shteti palestinez në Gaza. Kjo nuk ka ndodhur dhe nuk do të ndodhë. Por sot dhe nesër, ne nuk do ta lejojmë këtë. Izraeli, tha ai, do të ketë kontrollin e sigurisë mbi një zonë “nga Jordani në Detin (Mesdhe)”, domethënë në territorin e tij dhe në të gjitha territoret e pushtuara palestineze”, u shpreh ai.

Në Gaza, Izraeli tani po përqendrohet në dy misione, “çarmatimin e Hamasit dhe demilitarizimin” e enklavës, pasi u gjet trupi i pengjeve të fundit që u rrëmbyen më 7 tetor 2023.

/abcnews.al/

Analisti Artur Nura në një intervistë në emisionin “Real Story” në ABC News, deklaroi se Shqipëria ka paguar koston e stabilitetit të vendeve më të mëdha. Ndërsa shtoi se fatkeqësisht ka “qenë një urë ku nuk ka mbetur ushtri pa kaluar”, duke nënvizuar se është me rëndësi që sot të bëjë zgjedhje me kurajë dhe analizë se në krah të kujt do të qëndrojë.

“Ne jemi evropianë, jemi në Europë dhe do mbetemi gjithmonë. Ne kemi qenë për vullnetin e Europës dhe superfuqive duke futur Rusinë dhe SHBA kemi qenë një zonë neutrale. Nëse do flasim për neutralitetin, sot ne jemi anëtarë të NATO dhe po insistojmë të jemi anëtarë të BE dhe shpresoj që BE ëndrrën e atyre që e ndërtuan janë në një sfidë.  Pra ne e kemi paguar koston e stabilitetit të tyre , u izoluam ne dhe kemi qenë një urë që nuk ka ngelur ushtri pa kaluar, por në urë askush nuk investon. Sot nuk jemi më urë. Pra ne sot duhet të bëjmë zgjedhje me kurajë dhe analizë”, tha ai.

TIRANË- Ish-Ambasadori i Shqipërisë në Kosovë dhe Maqedoninë e Veriut, Arben Çejku komentoi vizitën e kryeministrit Edi Rama në Izrael.

Ai shtoi se marrëdhëniet mes Shqipërisë dhe Izraelit kanë hyrë një një tjetër raport, ndërsa shpjegoi dhe arsyet që sipas tij po bëhen këto lëvizje, edhe nga kryeministri  Edi Rama,

“Shqipëri-Izrael kapitull tjetër marrëdhëniesh. Ne kemi një kthesë në raport me Izraelin dhe për çfarë arsyesh bëhet, e para kryeministri mendon që nëpërmjet Izraelit do jetë shumë më afër administratës Trump. Rama ka parë që europianët kanë problematika në raport me Washingtonin.

Duket që Izraeli e garanton më shumë Ramën aty ku ka ndoshta pengesa dhe aty për të rikuperuar marrëdhëniet. Si një vend i vogël, jemi të detyruar të kemi marrëdhënie me të gjithë, me partneritet strategjik duhet të kemi kujdes se më kë e vendosim partneritetin strategjik. Shqipëria përfiton nga marrëdhëniet e mira me Izraelin. Ne kemi një traditë të mirë të këtyre marrëdhënieve”, tha ai.

Ai shpjegoi në “Real Story” se klima e ngrohtë për pritjen e hebrenjve në Shqipëri ka nisur që në vitin 1931, në kohën e Mbretit Zog.

“Ne kemi marrëdhënie me atë që nga 1931, kur kanë filluar të vijnë hebrenjtë e parë. Mbreti Zog dërgoi një qarkore në të gjithë konsullatat shqiptare, ku kërkonte që çdo hebre që paraqitet dhe kërkon ndihmë për të ardhur në Shqipëri duhet t’i jepet letra dhe duhet të vinte në Shqipëri. Ai kishte shtatë hebre në oborrin mbretëror, që shërbenin.”, tha ai.

Diplomati Çejku shpreh se në politikën e jashtme Shqipëria nuk ka arritur dot t’i shfrytëzojë siç duhet dy “bekime” të mëdha.

“Dy gjëra ne nuk kemi arritur t’i shfrytëzojmë në politikën e jashtme: faktin që Nënë Tereza ishte shqiptare, e famshme në të gjithë botën dhe mbrojtjen që iu bëmë hebrenjve dhe këtë aset e përdori Tito për disa kohë më radhë në negociata dhe në daljen e tij në det, në marrëdhëniet me SHBA dhe tani më në fund është kuptuar se çfarë kanë bërë shqiptarët për hebrenjtë.”, tha ai./abcnews.al

Read More...

Analisti Skënder Minxhozi u shpreh se vizita e kryeministrit Edi Rama në Izrael nga ana diplomatike, ishte një vizitë shumë delikate.

Gjatë intervistës në emisionin “Real Story” në ABC News, Minxhozi, nënvizoi se Rama ka treguar se është lider politik që bën zgjedhje të forta, ndërsa shtoi se në fjalimin e tij në Knesset, priste t’i kushtohej më tepër rëndësi asaj se çfarë po ndodh në Palestinë.

“Nga ana diplomatike ka qenë një vizitë shumë delikate. Jemi fiks si tek Bordi i Paqes kur Rama e firmosi, por nuk shkoi. Rama kërcen, një balet diplomati që është gjithmonë në zgrip. Të jesh një vendi të vogël e ka luksin të ketë një lëvizje më të madhe. Rama ka marrë lirinë, të një lideri politik që bën zgjedhje të forta, thotë ato që të tjerët nuk u thonë dhe që nuk ia marrin për ters.

Vizitën në Izrael e shoh si “krijon levat e influencës tek administrata amerikane, por problemi është që kur shkon t’i japësh dorën një qeverie që gjysma është për arrestim dhe ka ndodh ajo që ka ndodh në Palestinë, por Rama është njeriu i këtyre sfidave. Por Rama në fjalimin e tij duhet të kishte thënë diçka më shumë. Unë do prisja nga kryeministri i vendit tim të kishte diçka më shumë”, tha Minxhozi.

/abcnews.al/

TIRANË- Ish-ambasadori i Shqipërisë në Kosovë dhe Maqedoninë e Veriut, Arben Çejku, ka komentuar vizitën e kryeministrit Edi Rama në Izrael, duke e cilësuar atë si një veprim të guximshëm dhe pjesë të real-politikës që ndjek kreu i qeverisë shqiptare.

Sipas Çejkut, Rama ka dëshmuar ndër vite se ndërmerr lëvizje që në pamje të parë duken të rrezikshme politikisht, por që në bilancin e tij shpesh kanë rezultuar të dobishme për politikën e jashtme të Shqipërisë. Ai theksoi se kryeministri ka thyer barriera jo vetëm me qëndrimet politike, por edhe me sjelljen dhe stilin e tij përfaqësues.

Ai shtoi në “Real Story” se Rama po ekzekuton një agjendë të qartë të marrëdhënieve ndërkombëtare dhe ka të drejtën legjitime të përfaqësojë Shqipërinë në këtë kuadër. Sipas tij, kryeministri po përpiqet të maksimizojë përfitimet politike në moment, duke krijuar mundësi edhe për një vizitë të mundshme në Shtetet e Bashkuara të Amerikës dhe një mikpritje nga presidenti Donald Trump.

Në këtë kontekst, ish-ambasadori përmendi edhe faktin që Rama nuk mori pjesë në Davos, por priti familjen Trump, duke dhënë mesazhin se nuk ndjek vetëm protokollin zyrtar, por kultivon edhe marrëdhënie personale në diplomaci.

“Mendoj që kryeministri e ka dëshmuar se di të bëjë disa lëvizje të guximshme, që në momentin e parë ne i shohim që mund ta rrezikojnë, por në bilancin e tij shpesh e kanë promovuar si një aventurier në politikën e jashtme, por jo gjithmonë e ka pasur problem këtë gjë. Shumicën e rasteve i kanë sjellë dobi, pra ka pasur guximin dhe ka thyer barriera, me veshje dhe me sjellje dhe qëndrim.

Me vizitën në Izrael duhet parë në kontekstin e një përvjetori dhe një kujtese që u realizua atje. Mendoj se të gjitha gjërat që bëhen në emër të shtetit shqiptar janë kontribut në marrëdhëniet mes dy vendeve.

Në fund të fundit, ai ekzekuton një agjendë të marrëdhënieve ndërkombëtare dhe ka të drejtë ta përfaqësojë Shqipërinë. Rama po përpiqet të fitojë sa të mundet në moment, duke krijuar mundësi për vete që të bëjë atë udhëtimin e famshëm në SHBA, nëse do ta bëjë, nuk e di, për të pasur një mikpritje nga presidenti Trump. Rama bën real-politikë, është pragmatist.

Nuk është hera e parë që ndërmerr riskun. Ai e di që me BE-në mbyllja e kapitujve do të marrë shumë kohë, ashtu siç e di që problematikat që janë trajtuar politikisht me SHBA-në i duken më emergjente për t’i përmbyllur.

Midis këtyre, ai zgjedh atë që merr më mirë. Nuk shkoi në Davos, priti familjen Trump dhe dha mesazhin e qartë që unë nuk jam protokollar, por kam edhe protokoll familjar, pra unë jam më afër familjes Trump”, tha ai.

Redi Muçi deputeti i Lëvizjes Bashkë, në emisionin “Real Story” në ABC News komentoi vizitën e kryeministrit Edi Rama në Izrael.

Gjatë intervistës, Muçi u shpreh se sipas tij, kjo vizitë kishte për qëllim interesat personale të kryeministrit Rama, ndërsa shtoi se vendet e BE e kanë bojkotuar Netanuahu, por Rama po bën të kundërtën.

“Qëllimi i takimit bazohet më tepër në nevoja personale të të dy krerëve te shteteve. Manovrat politike që ka bërë Rama së fundmi, duket qartë që motivacioni i tij i vërtetë është fitimi i një “leve” për të ndikuar te presidenti i Shteteve të Bashkuara të Amerikës. I gjithë ky show mediatik i shërben vetëm interesave personave. Ndërsa ndaj Netanyahut pothuajse të gjitha vendet e BE i kanë vendosur një bojkot, Rama bën të kundërtën”, tha ai.

Ora e Kijametit që simbolizon sa afër është zhdukja e njerëzimit është zhvendosur 85 sekonda përpara mesnatës, nga 89 sekonda që ishte një vit më parë në atë koha më e afërt që prej kohës kur ky koncept u paraqit nga shkencëtarët në vitin 1947.

Grupi i Shkencëtarëve Atomikë me bazë në Çikago të Shteteve të Bashkuara deklaroi se kërcënimet bërthamore, keqpërdorimi i mundshëm i përparimeve biologjike dhe inteligjencës artificiale si dhe ndryshimet Klimatike ishin faktorët kryesorë që tregojnë se Bota po i afrohet gjithnjë e më pranë orës së Kijameti.

Drejtuesja e Organizatës Alexandra Bell tha se tashme çdo sekondë ka rëndësi dhe se koha jone po mbaron. Ky është realiteti ynë u shpreh ajo ndërsa shtoi se Bota nuk ka qenë kurrë pranë këtij limiti.

Ora e Kijametit ishte 7 minuta larg mesnatës kur ajo u krijua në vitin 1947. Grupi i Shkencëtarëve Atomikë në deklaratën e tyre thane se zhvendosja e orës qofte edhe me vetëm me një sekondë më pranë mesnatës është një sinjal i ashpër për mbarë njerëzimin.

Deri në vitin 2020, ora nuk kishte qenë kurrë më afër se dy minuta para mesnatës. Në vitin 2011, ora ishte 6 minuta para mesnatës dhe kjo është hera e dytë radhazi që ora i është afruar kësaj kohe rekord. Mesnata është pika hipotetike në të cilën mbaron bota, pasi vlerëson se sa afër është njerëzimi me zhdukjen totale në një nivel teorik.

Zhvendosja katër-sekondashë është ndryshimi më i madh që nga viti 2023, kur shkencëtarët e zhvendosën atë nga 100 në 90 sekonda para mesnatës.

Sa herë që Ora e Kiametit lëviz përpara, kjo interpretohet si dështim i njerëzimit për t’iu përgjigjur në mënyrë efektive kërcënimeve globale nga viti i kaluar.
Kur akrepat lëvizin më afër mesnatës, krahasuar me vitin e kaluar, bota i është afruar vetëshkatërrimit.

Kur ata largohen, ato në thelb tregojnë një ulje të rreziqeve të katastrofës globale. Ka edhe vite kur akrepat nuk lëvizin fare, që do të thotë se kërcënimet dhe tensionet ndërkombëtare as nuk janë përkeqësuar dhe as nuk janë përmirësuar.

Organizata jofitimprurëse e Shkencëtarëve Atomik ka selinë e saj  në Çikago. Ora e Kiametit u krijua në vitin 1947, gjatë Luftës së Ftohtë, kur tensionet midis Shteteve të Bashkuara dhe Bashkimit Sovjetik e mbanin të vazhdueshme frikën e shfarosjes bërthamore.

Konflikte të shumta kane shpërthyer përgjatë vitit 2025 dhe përgjatë vitit 2026 deri me tani, duke përfshirë Shtetet e Bashkuara, ndërsa administrata Trump nisi bombardime ndaj objekteve bërthamore iraniane dhe arrestoi udhëheqësin venezuelian Nicolas Maduro dhe gruan e tij në një operacion sekret në Karakas.

Tensionet janë rritur edhe midis SHBA-së dhe aleatëve të saj të NATO-s, ndërsa Presidenti Trump kërkon të fitojë kontrollin e Groenlandës, një territor danez, duke përmendur shqetësime për sigurinë kombëtare kundër Rusisë dhe Kinës.

TIRANË- Gjykata Kushtetuese nuk e ka ende një vendim lidhur me padinë e kryeministrit Edi Rama.

Sot trupa e gjyqtarëve u mblodh, por nuk arriti në përfundim duke kërkuar më shumë kohë për t’u shprehur.

Analisti i njohur Frrok Çupi, u shpreh në “Tirana Live” se si Gjykata Kushtetuese, edhe organet e tjera nuk po japin drejtësi.

Ai shtoi se i gjithë sistemi i drejtësisë po kërkon forcë dhe pushtet, dhe në këtë mënyrë ka braktisur misionin e tij që është dhënia e drejtësisë.

“E shikoj si Gjykatën Kushtetuese, edhe drejtësinë tjetër, që po thotë prisni se do të marrë hov. Drejtësia ka rënë në pozitat që nuk po kërkon drejtësi, por po kërkon pushtet. Sistemi i drejtësisë nuk kërkon drejtësi, por po kërkon forcë”, tha ai.

Në seancën e 22 janarit, qeveria kërkoi shfuqizimin e vendimit të Gjykatës Kushtetuese, me argumentet se pushteti gjyqësor kishte ndërhyrë në ekzekutiv, dhe pezullimi në këtë rast ishte de fakto shkarkim, duke penguar edhe veprimtarinë e Këshillit të Ministrave. Si palë të interesuara në këtë seancë morën pjesë Kuvendi dhe Presidenca./abcnews.al