Drejtori sportiv i Milanit, Igli Tare, foli për Dazn pak para fillimit të ndeshjes kundër Bolonjës, duke shpjeguar arsyet që i shtynë kuqezinjtë të mos vazhdonin me blerjen e Mateta-s.
“Marrëveshja me Mateta-n kishte të bënte me të ardhmen, jo me të tashmen. Ndërsa negocionim, pamë se kishte një shans për ta çuar përpara dhe u përpoqëm ta bënim këtë. Pastaj, gjatë vizitave mjekësore, zbuluam problemin fizik të lojtarit dhe vendosëm të mos vazhdonim. Do të shohim se çfarë do të ndodhë në të ardhmen”.
Gjatë afatit kalimtar dimëror, Juventusi zhvilloi disa bisedime për afrimin e një sulmuesi të ri, por në fund mbeti pa përforcim në qendër të sulmit.
Trajneri Luciano Spalletti, pas fitores 3-0 ndaj Napolit, pranoi se skuadra kishte nevojë për një profil ndryshe nga Jonathan David dhe Lois Openda – një sulmues që mban topin dhe krijon hapësira për repartin ofensiv.
Pavarësisht kërkesës për një qendërsulmues, bardhezinjtë përfunduan afatin duke afruar anësorin Jeremie Boga dhe mbrojtësin e djathtë Emil Holm. Një sulmues i ri nuk u sigurua, pavarësisht përpjekjeve në disa fronte.
Mateta, objektivi i parë që dështoi
Emri i parë në listë ishte Jean-Philippe Mateta i Crystal Palace. Juventusi synonte një huazim me opsion blerjeje që mund të bëhej i detyrueshëm, por klubi anglez kërkonte vetëm transferim të përhershëm.
Mospajtimi për formulën e marrëveshjes bëri që bisedimet të dështojnë. Ai pastaj dështoi edhe t'i kalojë testet mjekësore te Milani.
En-Nesyri dhe refuzimi i lojtarit
Alternativa e radhës ishte Youssef En-Nesyri i Fenerbahçes. Edhe pse Juventusi arriti marrëveshje me klubin turk, sulmuesi maroken nuk pranoi të largohej me huazim, duke bllokuar transferimin.
Ai donte një transferim të përhershëm hap që Juventusi nuk ishte i gatshëm ta merrte.
Icardi dhe pista që nuk u konkretizua
Kontaktet me Galatasarayn për Mauro Icardin nuk hynë kurrë në një fazë serioze. Ideja u diskutua, por pa hapa konkretë drejt një marrëveshjeje.
Ai mbetet te gjiganti turk, edhe pse Spalletti ishte gati ta ofronte, pasi kishte punuar me të te Interi.
Kolo Muani, shpresa e fundit
Randal Kolo Muani ishte emri i fundit i diskutuar. Juventusi shpresonte ta rikthente në Torino, por Tottenham refuzoi të ndërpriste huazimin e sulmuesit nga PSG, duke mbyllur përfundimisht këtë pistë.
Ai kishte shkëlqyer te Juventusi dhe gjatë verës u punua shumë për të, por shuma e kërkuar nga PSG ishte e lartë për Zonjën e Vjetër.
Aktualisht, Jonathan David dhe Lois Openda janë të vetmit sulmues qendrorë në dispozicion të Spallettit. Dusan Vlahovic pritet të rikthehet nga lëndimi brenda një muaji, përpara largimit të tij të mundshëm nga Juventusi në fund të kontratës në qershor. /Telegrafi/
Jean-Philippe Mateta nuk arriti të kompletonte transferimin te skuadra e Milanit në ditën e fundit. Sipas raportimeve, sulmuesi francez është vizituar nga tre mjekë të ndryshëm dhe të tre kanë dhënë të njëjtin verdikt. Ai shihej si jo i përshtatshëm, ose të paktën i destinuar për një ndalesë të gjatë. Mateta vuan nga një problem i dukshëm në kërcin e gjurit, çka e bën të pashmangshëm një…
Lëvizja e AC Milan për sulmuesin e Crystal Palace, Jean-Philippe Mateta, ka dështuar përfundimisht.
Sipas raportimeve të fundit nga Gianluca Di Marzio, Dharmesh Sheth dhe James Savundra, kuqezinjtë kanë vendosur të tërhiqen pas kryerjes së kontrolleve të tjera mjekësore gjatë ditës së sotme.
Më herët ishte raportuar se Juventusi po monitoronte nga afër marrëveshjen e Milanit për Matetën.
🚨 BREAKING: Jean Philippe Mateta will NOT join AC Milan following double session of medical tests today.
Edhe pse transferimi te Milani ka rënë, një lëvizje e mundshme e Juventusit – në formë huazimi me opsion blerjeje – ende nuk përjashtohet plotësisht, me afatin kalimtar që po shkon drejt mbylljes.
Nga ana tjetër, tërheqja e Milanit nuk pritet të ndikojë në transferimin e Jørgen Strand Larsen te Crystal Palace.
Milani ka befasuar Juventusin jo në fush ën e lojës, por në tavolinën e merkatos. Në ditët e fundit të sesionit të janarit, drejtuesit kuqezi kanë treguar vendosmëri të jashtëzakonshme për të siguruar shërbimet e sulmuesit francez Jean-Filip Mateta, një nga objektivat kryesorë të klubit këtë sezon.
Igli Tare dhe stafi i drejtuesve të “Djallit” kanë ndërmarrë hapa të shpejtë dhe strategjikë, duke u futur në një garë direkte me skuadra të tjera që monitorojnë situatën.
Kontakti me Kristal Palas, klubi aktual i Mateta-s, është intensifikuar në ditët e fundit dhe negociatat janë futur tashmë në një fazë përfundimtare.
Palët shfaqin optimizëm dhe besojnë se marrëveshja mund të mbylle shumë shpejt. Burime nga klubi kuqezi bëjnë të ditur se afrimi i Mateta-s konsiderohet një forcim i menjëhershëm i repartit ofensiv, duke i dhënë trajnerit më shumë mundësi taktike dhe rotacion në sulm.
Drejtuesit e Milanit e shohin Mateta-n si një lojtar që mund të sjellë efektivitet dhe ritëm në fazën përpara, duke e bërë më të rrezikshëm sulmin kuqezi.
Shpejtësia e lëvizjes për transferimin e tij është tregues i seriozitetit të klubit dhe dëshirës për të mos humbur objektivat në ditët e fundit të merkatos.
Megjithatë, afrimi i Mateta-s nuk do të jetë pa pasoja. Një nga më të prekurit nga ndryshimet në repartin sulmues mund të jetë Kristfer Nkunku, që shfaqet si kandidati kryesor për largim nga Milano.
Sulmuesi ka tërhequr interes të madh dhe konkret nga Fenerbahçe, e cila prej javësh është në bisedime intensive me përfaqësuesit e tij.
Klubi turk po shton presionin për transferimin, ndërkohë që trajneri Domeniko Tedesko luan një rol të rëndësishëm prapa skenave.
Ai e njeh mirë Nkunku-n nga koha e tyre e përbashkët në Bundesligë dhe ka këshilluar klubin për rëndësinë e lojtarit.
Ky faktor mund të jetë vendimtar për një marrëveshje që duket e mundshme brenda ditëve të ardhshme.
Merkatoja e Milanit duket se po hyn në një fazë vendimtare, ku çdo orë mund të ndryshojë balancën e skuadrës.
Nëse Mateta arrin të firmosë, ai do të bashkohet menjëherë me grupin dhe pritet të bëhet një alternativë kryesore për trajnerin, sidomos në sfidat e mbetura të kampionatit dhe Europës.
Nga ana tjetër, largimi i Nkunku-t nuk do të ishte një humbje e papritur, pasi klubi ka bërë llogaritë e tij për t’u përshtatur me ardhjen e përforcimeve të reja.
Shumë prej tifozëve presin të shohin rolet dhe repartet e reja që do të krijohen në sulm pas afrimit të Mateta-s.
Përveç aspekteve sportive, merkatoja po krijon edhe lëvizje taktike dhe strategjike në tregun e transferimeve, ku Milan nuk dëshiron të humbasë asnjë mundësi për të forcuar skuadrën.
Menaxhimi i situatës së Nkunku-t dhe Mateta-s do të jetë kyç për planin e trajnerit dhe për stabilitetin e ekipit.
Raportimet nga Italia pretendojnë se Milani po afron drejt një marrëveshjeje të plotë me Crystal Palace për sulmuesin qendror Jean-Philippe Mateta, por “Rossonerët” ende kanë dy pengesa për t’i kapërcyer para se të mirëpresin francezin në “San Siro”.
Sipas raporteve të së premtes, Milani ka arritur një marrëveshje me Matetan, i cili po shtyn për t’u bashkuar me skuadrën e Massimiliano Allegri që në janar.
Përditësimet nga Gazzetta dello Sport të shtunën në mëngjes tregojnë se Mateta është gati të firmosë një kontratë deri në vitin 2030, me pagë rreth 3.5 milionë euro në sezon.
Sipas përditësimit të së shtunës, Milani po pret të kuptojë nëse do të jetë e mundur të finalizojë marrëveshjen me Crystal Palace në janar.
Nëse arrihet të mbyllet marrëveshja para mbylljes së afatit, Milani është i gatshëm të paguajë një shifër prej 35 milionë eurosh, përfshirë bonuse, e cila do të bjerë në 30 milionë euro, përfshirë bonuse, nëse ata detyrohen të presin deri në afatin e verës.
Për të realizuar transferimin në janar, Crystal Palace do të duhet së pari të gjejë një zëvendësues, pasi Oliver Glasner nuk do të kënaqet vetëm me një huazim për sulmuesin e Aston Villës, Evann Guessand.
Së dyti, Milani duhet të formalizojë edhe shitjen e Christopher Nkunku, i cili pritet të “sakrifikohet” për t’i hapur vendin ardhjes së Matetas.
Milani preferon ta shesë Nkunku në mënyrë të përhershme, por Gazzetta dello Sport raporton se ata mund të tundohen edhe nga një ofertë huazimi me obligim blerjeje të kushtëzuar./Telegrafi/
Milan po përpiqet t’i rrëmbejë nga duart ekipit anglez Nottingham Forest sulmuesin e Crystal Palace, Jean-Philippe Mateta, i cili tashmë ishte objektiv i Juventusit.
Sulmuesi qendror ka bërë të qartë se dëshiron të largohet nga Palace gjatë afatit kalimtar të janarit dhe nuk i mungojnë klubet që janë gati ta marrin.
Sipas analistit belg të transferimeve, Sacha Tavolieri, Milan është i bindur se mund të fitojë garën brenda disa ditëve dhe të befasojë Nottingham Forest, të cilët ishin favoritët.
Juventus ka ndryshuar fokusin drejt objektivave të tjerë, por Mateta ishte kandidati kryesor për sulmin e tyre më herët gjatë këtij muaji.
Ende mbetet për t’u parë se si Milan do të mund ta fitojë këtë garë, duke pasur parasysh se Crystal Palace duket se ishte gati të refuzonte një ofertë prej 40 milionë eurosh nga Nottingham Forest.
Kontrata e tij me Palace skadon në qershor 2027 dhe duket e pamundur një zgjatje në këtë moment.
‘Rossonerët’ po kërkojnë opsione të reja sulmi gjatë mungesës për shkak të dëmtimit të Santiago Gimenez, ndërsa Christopher Nkunku po vuan për të përmbushur pritshmëritë./Telegrafi/
Jean-Philippe Mateta ka vendosur të largohet nga Crystal Palace dhe e ardhmja e tij do të mbetet në Ligën Premier, pavarësisht interesimit nga Juventusi.
Sulmuesi francez ka në tavolinë dy oferta konkrete dhe fitimprurëse nga futbolli anglez dhe pritet të zgjedhë mes Aston Villa dhe Chelsea.
Vendimi për largim vjen pas një periudhe të trazuar te Crystal Palace. Kapiteni dhe qendërmbrojtësi Marc Guehi është larguar nga klubi, ndërsa trajneri Oliver Glasner ka njoftuar gjithashtu largimin e tij.
Këto zhvillime kanë ndikuar drejtpërdrejt te Mateta, i cili është i zhgënjyer me menaxhimin e klubit dhe veprimet në tregun e transferimeve, duke besuar se premtimet e dhëna nuk janë përmbushur.
Interesimi i Juventusit ishte konkret, por kërkesa e Crystal Palace prej rreth 40 milionë eurosh u konsiderua shumë e lartë nga klubi italian, i cili përfundimisht u tërhoq nga gara.
Aktualisht, Aston Villa shihet si opsioni më i afërt për transferimin e Matetës, pasi palët kanë arritur një marrëveshje për pagën, kohëzgjatjen e kontratës dhe kushtet personale.
Megjithatë, situata mbetet e hapur, pasi në garë është futur edhe Chelsea, i cili pritet të paraqesë një ofertë konkurruese.
“Blutë” njihen për aftësinë e tyre për të investuar shuma të mëdha në merkato, edhe pse këto lëvizje shpesh kanë sjellë dilema në të kaluarën. Vendimi final i Matetës pritet në ditët në vijim, ndërsa gara mes dy klubeve angleze mbetet e hapur. /Telegrafi/
Juventusi po shqyrton seriozisht transferimin e sulmuesit të Fenerbahçes, Youssef En-Nesyri, pasi negociatat me Crystal Palace për Jean-Philippe Mateta kanë ngecur.
“Zonja e Vjetër” është në kërkim të një sulmuesi të ri gjatë afatit kalimtar të janarit dhe En-Nesyri është një nga emrat në listën e drejtuesve bardhezinj.
Juventusi ka dorëzuar tashmë dy oferta për Mateta, por palët janë larg marrëveshjes, si për vlerën e kartonit ashtu edhe për formulën e transferimit, duke e detyruar klubin italian të eksplorojë alternativa të tjera.
Sipas raportimeve të Matteo Moretto, En-Nesyri është rikthyer te Fenerbahçe pas Kupës së Afrikës dhe ka mësuar se klubi turk është i hapur për ta nxjerrë në treg, kryesisht për arsye financiare. Raportet e mëhershme kishin bërë të ditur se Fenerbahçe do të pranonte edhe një huazim për sulmuesin 28-vjeçar.
Përveç Juventusit, interesim për përfaqësuesin e Marokut ka shfaqur edhe Napoli. Megjithatë, dëshira fillestare e En-Nesyri është ta përfundojë sezonin në Turqi, edhe pse Fenerbahçe ka nisur ta ofrojë atë te disa klube evropiane.
En-Nesyri ka kontratë afatgjate me Fenerbahçen dhe përfiton rreth 8 milionë euro në sezon. Sipas Moretto, sulmuesi do t’i shqyrtojë të gjitha ofertat, përfshirë atë të Juventusit, duke marrë parasysh projektin sportiv, por edhe aspektin financiar, i cili do të ketë peshë në vendimin final. /Telegrafi/
Crystal Palace është në pritje të një propozimi zyrtar nga Juventusi për Jean-Philippe Matetën, pas diskutimeve inkurajuese të zhvilluara mes klubit italian dhe përfaqësuesve të sulmuesit.
Sipas Fabrizio Romano, Juventusi po përgatit një ofertë të strukturuar si huazim fillestar, me një klauzolë blerjeje të detyrueshme të përfshirë në marrëveshje.
Vendimi përfundimtar tani i takon Crystal Palace, të cilët pritet të japin përgjigjen e tyre sapo të qartësohet e ardhmja e menjëhershme e trajnerit Oliver Glasner në klub.
Mateta ka qenë një figurë kyçe për Palace dhe çdo lëvizje e mundshme do të varet nga planet sportive të klubit, si dhe nga drejtimi i ardhshëm menaxherial. /Telegrafi/
Juventusi thuhet se ka rënë dakord për kushtet personale me sulmuesin e Crystal Palace, Jean-Philippe Mateta, për një kontratë katërvjeçare përpara një transferimi të mundshëm në janar.
Sulmuesi francez dëshiron të largohet nga ‘Selhurst Park’ për një sfidë të re dhe është i hapur për të luajtur për Bianconerët, të cilët do t'i ofrojnë atij një vend në Ligën e Kampionëve.
Sipas gazetarit italian, Nicolo Schira, drejtuesit e Zonjës së Vjetër tashmë kanë arritur marrëveshje personale me Matetan për një kontratë katërvjeçare.
Gjigantët italianë tani do të vazhdojnë bisedimet e tyre me klubin e Ligës Premier League për të siguruar një marrëveshje të plotë. Ata po propozojnë një marrëveshje huazimi me detyrim blerjeje.
Zonja e Vjetër është e etur të sjellë një numër 9 të ri për të forcuar sulmin e tyre, me Jonathan David, Lois Openda dhe Dusan Vlahovic shumë të paqëndrueshëm këtë sezon.
Ndryshe, Mateta ka shënuar tetë gola nga 21 ndeshje të luajtura deri tani me Crystal Palace në Ligën Premier. /Telegrafi/
Burime të shumta në Itali pohojnë se Juventusi ka filluar bisedimet paraprake për të nënshkruar sulmuesin e Crystal Palace, Jean-Philippe Mateta, por Bianconerët thuhet se kanë refuzuar të përfshijnë Jonathan Davidin në një marrëveshje shkëmbimi.
Juventusi e ka identifikuar lojtarin francez Mateta si zëvendësuesin ideal për Dusan Vlahovic, i cili pritet të largohet nga Torino në fund të kontratës së tij në qershor.
Tuttosport dhe Gazzetta dello Sport raportojnë se Bianconerët tashmë kanë filluar bisedimet me Crystal Palace, pasi Luciano Spalletti do të mirëpriste me kënaqësi një qendërsulmues klasik në afatin kalimtar të janarit.
Sipas Gazzetta dello Sport, Crystal Palace ka propozuar të përfshijë lojtarin kanadez David në një marrëveshje shkëmbimi, por Bianconerët nuk e pranuan propozimin.
Kontrata e Matetës me Crystal Palace skadon në qershor të vitit 2027 dhe sulmuesi francez duket se nuk është i gatshëm ta zgjasë qëndrimin e tij.
Sipas Tuttosport, kjo do të thotë që 28-vjeçari mund të largohet për rreth 25-30 milionë euro, por media të tjera italiane sugjerojnë se çmimi i tij është afër 40 eurove, ndërsa burime britanike e çojnë çmimin në mbi 50 milionë euro. /Telegrafi/
Sky Sport Italia pretendon se Juventusi ka kontaktuar Crystal Palace për Jean-Philippe Mateta, por oferta e tyre prej 35 milionë eurosh nuk ka gjasa të jetë e mjaftueshme.
Interesi u përmend mbrëmjen e sotme nga eksperti i afatit kalimtar, Gianluca Di Marzio, i cili sugjeron se sulmuesi qendror mund të ndihmojë në forcimin e alternativave në dispozicion të trajnerit Luciano Spalletti gjatë dëmtimit të Dusan Vlahovic.
Raporti i tij thekson se Crystal Palace kërkon 30-35 milionë euro për Mateta, por kjo është një këndvështrim shumë i ndryshëm krahasuar me mediat britanike.
Ato e vendosin çmimin e kërkuar më afër 55-60 milionë eurove, shifër që do të ishte shumë mbi buxhetin e Juventusit për një transferim në janar, veçanërisht duke qenë se Manchester United besohet se është gjithashtu i interesuar.
Mateta është 28 vjeç dhe kontrata e tij me Palace zgjat vetëm deri në qershor 2027, çka është arsyeja pse vlera e tij mund të jetë ulur ndjeshëm nga nivelet e mëparshme.
Ai mbërriti për herë të parë në Londër nga Mainz në janar 2021 në formë huazimi, duke e përfunduar transferimin një vit më vonë për një shumë totale rreth 14.5 milionë euro.
Reprezentuesi francez ka shënuar 10 gola këtë sezon në 32 paraqitje zyrtare për Crystal Palace, si dhe ka dhënë dy asistime./Telegrafi/
Sipas raportimeve nga Italia, Juventusi po kërkon sulmues qendre të gjatë dhe për këtë ka hyrë në kontakt me agjentin e sulmuesit të Napolit, Lorenzo Lucca, dhe gjithashtu ka dërguar skautë për të ndjekur sulmuesin e Crystal Palace, Jean-Philippe Mateta, gjatë ndeshjeve të fundit.
Sigurimi i një sulmuesi të ri është prioritet kryesor për trajnerin Luciano Spalletti gjatë afatit të janarit.
Dusan Vlahovic vazhdon të mungojë për shkak të një dëmtimi afatgjatë, ndërsa Jonathan David dhe Lois Openda nuk kanë bindur plotësisht kur janë aktivizuar si numri 9.
Juventus është lidhur gjithashtu me një rikthim sensacional të Federico Chiesa, vetëm 18 muaj pas largimit të tij nga klubi, por raportet e fundit tregojnë se klubi po kërkon edhe një sulmues më fizik dhe dominues në qendër të sulmit.
Lorenzo Lucca aktualisht nuk po gjen hapësira te Napoli, dhe kjo situatë pritet të mos përmirësohet pas rikthimit të Romelu Lukaku në formë të plotë. Sulmuesi ishte sjellë fillimisht si zëvendësues i belgut, por pas dëmtimit afatgjatë të Lukaku gjatë verës, Napoli solli edhe Rasmus Hojlund, duke i reduktuar mundësitë e Lucca.
Kjo situatë bën që ai të mund të jetë i gatshëm për një largim nga Napoli vetëm pak muaj pasi ishte huazuar me detyrim blerjeje për një shumë rreth 35 milionë euro. Për momentin, marrëveshja është përshkruar si një “mundësi” për Juventusin, jo si një opsion i konfirmuar.
Ndërkohë, raportimet nga Tuttosport tregojnë se Juventusi ka dërguar skautë për të vëzhguar Jean-Philippe Mateta të Crystal Palace. Klubi italian ishte interesuar për sulmuesin francez edhe gjatë afatit të verës, por u ndalua nga çmimi i lartë i tij, rreth 40 milionë euro.
Sipas Calciomercato, çmimi i Mateta mund të bjerë në 20-25 milionë euro, pasi kontrata e tij skadon në verën e vitit 2027 dhe aktualisht ai nuk duket i interesuar ta rinovojë me Crystal Palace. Kjo e bën sulmuesin një mundësi tërheqëse për Juventusin për afatin e dimrit. /Telegrafi/
Manchester United ka një interes afatgjatë për sulmuesin e Crystal Palace, Jean-Philippe Mateta.
Megjithëse klubi nuk është duke kërkuar aktivisht një sulmues të ri në këtë afat kalimtar, sulmuesi francez mund të jetë dikush që ata do ta shqyrtojnë më seriozisht nëse bëhet i disponueshëm.
Mateta, pjesë kyçe e ekipit të Oliver Glasner te Palace, do të hyjë në vitin e fundit të kontratës së tij në korrik dhe kishte tërhequr interes nga klube të ndryshme gjatë verës së kaluar.
Sky Sports News raportoi më herët se Crystal Palace kishte refuzuar oferta deri në 50 milionë euro për Matetan nga klube të Ligës së Kampionëve në afatin e kaluar kalimtar.
Gjithashtu, kishte një interes të vonshëm ,por pa ofertë konkrete nga Tottenham Hotspur, para se ata të nënshkruanin me Randal Kolo Muani me formë huazimi nga Paris Saint-Germain në ditën e fundit të afatit.
Po ashtu, emri i sulmuesit 28-vjeçar u lidh edhe me Atalantan, Milanin, Juventusin dhe disa klube të tjera angleze.
Sky Sports News ka raportuar se fokusin kryesor të United e mban ende afati i verës së ardhshme, kur prioritet do të jetë një mesfushor defensiv i ri.
Deri më tani këtë sezon, Mateta ka realizuar tetë gola në 19 ndeshje të luajtura në elitën e futbollit anglez./Telegrafi/
Milan po shqyrton opsione për të zëvendësuar potencialisht Christopher Nkunku dhe sipas Gazzetta, Jean-Philippe Mateta dhe Darëin Nunez janë në axhendën e ‘Rossonerëve’.
Burime të shumta në Itali bëjnë me dije se klubi turk Fenerbahce ka dërguar një ofertë hapëse për të nënshkruar me sulmuesin e Milanit, Nkunku, ndërsa Rossonerët po bëjnë vlerësime mbi të ardhmen e francezit te San Siro.
Sipas Gazzetta, Rossonerët kanë vendosur tashmë synimet mbi disa sulmues që mund të zëvendësojnë Nkunku gjatë afatit të janarit.
Sidiki Cherif i Angers, autor i katër golave këtë sezon në Ligue 1, është një nga opsionet e Milanit, dhe raporti shton se dy klubet kanë nisur tashmë bisedime preliminare.
Megjithatë, me Francesco Camarda që pritet të kthehet nga huazimi te Lecce verën e ardhshme, Rossonerët mund të vendosin të mos nënshkruajnë një tjetër sulmues të ri.
Darwin Nunez ishte një lojtar që Milan interesohej gjatë verës së kaluar, dhe Gazzetta konfirmon se ish-lojtari i Liverpool tashmë dëshiron të largohet nga Al-Hilal, por kërkesat e klubit arab pritet të jenë të larta.
E njëjta gjë vlen për Jean-Philippe Mateta, një objektiv i gjatë i Milanit, por Crystal Palace nuk pranojnë ta shesin për më pak se 40 milionë euro.
Mauro Icardi dhe Joshua Zirkzee kanë eksperiencë në Serie A dhe mund të lejohen të largohen në janar, por vetëm në gjysmën e dytë të muajit, pasi Galatasaray dhe Manchester United kanë mungesë opsionesh në sulm për shkak të AFCON.
Së fundi, është edhe Rayan i Vasco da Gama. Brazilian nuk është pikërisht një sulmues qendre, pasi preferon të luajë si krah ose si sulmues anësor.
Pavarësisht se ka një klauzolë lirimi prej 80 milionë eurosh, ai mund të largohet për një shumë më të ulët sepse klubi brazilian po kalon vështirësi financiare, por konkurrenca për 19-vjeçarin do të jetë e fortë./Telegrafi/
Milan po kthen vëmendjen te Jean-Philippe Mateta, sulmuesi i Crystal Palace, i cili duket se ka një të ardhme gjithnjë e më larg nga klubi londinez.
Negociatat për rinovimin e kontratës së tij, që skadon në 2027, janë bllokuar prej muajsh, dhe Palace është i gatshëm të shqyrtojë ofertat në janar. Ky skenar ka nxitur interesin e njërit prej gjigantëve të Serie A, i vendosur të forcojë sulmin me një blerje të besueshme.
‘Rossonerët’ kanë nevojë për një golashënues që mund të konkurrojë menjëherë dhe Mateta është bërë prioritet kryesor.
Sulmuesi 28-vjeçar ka ofruar performanca solide në Angli dhe situata aktuale e kontratës së tij e lehtëson një largim të mundshëm.
Klubi italian është i gatshëm të paraqesë një ofertë afër 40 milionë eurosh për të bindur Crystal Palace dhe për ta përfshirë sulmuesin sa më shpejt të jetë e mundur.
Interesi i Milan vjen në një moment kritik për Jean-Philippe Mateta.
Sulmuesi ka qenë në negociata për një zgjatje kontrate me Crystal Palace që nga sezoni i kaluar, por bisedimet janë bllokuar dhe klubi shqetësohet për një përsëritje të situatës së Marc Guehi, i cili do të largohet pa të ardhura të konsiderueshme.
Menaxhmenti sportiv i Palace, nën drejtimin e Oliver Glasner, beson se afati kalimtar i janarit ofron mundësinë më të mirë për të siguruar një shifër të lartë për Matetan./Telegrafi/
Milani po përjeton një rilindje nën drejtimin e Massimiliano Allegrit, i cili ka rikthyer energjinë, disiplinën dhe identitetin konkurrues të skuadrës.
Pas 12 javësh, kuqezinjtë renditen të dytët në Serie A, vetëm dy pikë larg Romë, dhe ky fillim i fortë i sezonit ka shtyrë drejtuesit të planifikojnë ndërhyrje të rëndësishme për afatin e janarit.
Sipas Calciomercato, objektivi kryesor është gjetja e një sulmuesi të ri dhe emri i Jean-Philippe Mateta ka dalë sërish në krye të listës.
Arsyeja kryesore pse Milani po përshpejton kërkimet lidhet me mundësinë e largimit të Santiago Gimenez, çka i detyron drejtuesit të veprojnë paraprakisht.
Mateta, i cili po shkëlqen me Crystal Palace në Ligën Premier, shihet si profili ideal për të zëvendësuar me efekt të menjëhershëm sulmuesin meksikan.
Jean-Philippe Mateta
Përforcimi i kërkuar nga Allegri duhet të ketë fuqi fizike, prani në zonë dhe vazhdimësi në lojë — karakteristika që francezi i ka dëshmuar me performanca të forta këtë sezon.
Crystal Palace e vlerëson Matetan rreth 30 milionë euro, një shumë që Milani e konsideron të përballueshme.
Megjithatë, Calciomercato paralajmëron se interesimi nga disa klube angleze dhe italiane mund të nisë një ankand, duke ngritur ndjeshëm çmimin.
Për këtë arsye, Milani po përpiqet të veprojë shpejt, përpara se konkurrenca të rritet me afrimin e janarit.
Profili i Matetas përputhet natyrshëm me stilin që dëshiron të shohë Allegri: një sulmues që mban qendërmbrojtësit të angazhuar, krijon hapësira dhe ofron referencë konstante në zonë. /Telegrafi/
Pesë gola në kampionat dhe një het-trik në ndeshjen e fundit në shtëpi të Crystal Palace ndaj Bournemouthit. Madje mund të kishte qenë edhe poker, po të mos e kishte humbur rastin në minutat e fundit të ndeshjes.
Por Jean-Philippe Mateta ka zgjedhur këtë mënyrë për t’u rikthyer fuqishëm në Ligën Premier. Sulmuesi francez, i ndjekur prej kohësh prej disa klubeve, po kalon periudhën më të ndritshme të karrierës së tij.
Pas një sezoni të kaluar të jashtëzakonshëm me 14 gola dhe 2 asistime në kampionat, fitoren në FA Cup ndaj Manchester Cityt dhe triumfin në Community Shield, Mateta ka kurorëzuar rrugëtimin e tij me thirrjen e parë në Kombëtaren e Francës, të cilën e nisi në mënyrën më të mirë të mundshme – me gol kundër Islandës në debutim.
Jean-Philippe Mateta
Nga rrënjët deri te ëndrra e realizuar
Historia e Matetës fillon shumë më herët. I lindur në Paris nga një familje me origjinë kongoleze, Jean-Philippe u rrit duke admiruar babain e tij – një ish-futbollist profesionist, karriera e të cilit përfundoi për shkak të problemeve fizike. Pikërisht për këtë arsye, babai i tij nuk dëshironte që i biri të ndiqte të njëjtën rrugë.
Por ishte nëna e Matetës ajo që ndryshoi gjithçka: ajo i dha trajnerit të skuadrës së lagjes numrin e telefonit të djalit, duke i hapur derën drejt ëndrrës.
Pas hapave të parë në Sevran dhe Drancy, Mateta kaloi te Chateauroux, ku nënshkroi kontratën e parë gjysmëprofesionale dhe shënoi 11 gola në 22 ndeshje në kategorinë e tretë franceze. Këto paraqitje e çuan në Lyon, por shpërthimi i vërtetë erdhi te Le Havre, ku realizoi 17 gola, duke e dërguar ekipin deri në “play-off”.
Kështu nisi edhe aventura jashtë Francës: fillimisht në Bundesligë me Mainz, e më pas transferimi në Crystal Palace, ku sot është bërë simbol i skuadrës. Pas periudhave të vështira nën drejtimin e Vieira dhe Hodgson, ardhja e trajnerit Oliver Glasner ndryshoi gjithçka. Austriaku pa te Mateta vendosmëri dhe disiplinë, duke e shndërruar në një nga shtyllat e sistemit të tij.
Ritual i veçantë: Fanella e futur brenda
Përveç golave, Mateta bie në sy edhe për një detaj të veçantë: mban gjithmonë fanellën e futur brenda pantallonave. Një gjest që tifozët e kanë kthyer në “shenjën e tij të dallimit”.
Në një intervistë, ai ka treguar se kjo nisi si shaka, por u kthye në ritual fatbardhës që i kujton vitet e fëmijërisë.
Glasner nuk e kundërshton – përkundrazi, thotë se për sa kohë i sjell fat, nuk ka arsye ta ndryshojë.
Nga argjendi olimpik te Kombëtarja A
Mateta duhej të priste 28 vjet, 3 muaj e 11 ditë për thirrjen e parë në Kombëtaren A të Francës. Por para se të mbërrinte aty, ai kishte spikatur në Lojërat Olimpike “Paris 2024” nën drejtimin e Thierry Henry.
Në ato lojëra, Mateta shënoi në fitoren 3-0 ndaj Zelandës së Re, pastaj realizoi gol vemdimtar kundër Argjentinës në çerekfinale dhe dy gola kundër Egjiptit në gjysmëfinale. Edhe në finale e gjeti rrjetën, por Franca u mposht 5-3 nga Spanja, duke u mjaftuar me medaljen e argjendtë.
Lidhja me Glasner dhe rilindja në Ligën Premier
Mes Glasnerit dhe Matetës është krijuar një raport besimi dhe respekti të ndërsjellë. Sulmuesi, i cili në Gjermani kishte realizuar 27 gola me Mainz në tri sezone, ka gjetur te sistemi 3-4-2-1 të austriakut ambientin ideal për të shprehur potencialin e tij.
Në këtë skemë, ai nuk është thjesht finalizues, por luan në presing, bashkëpunon me mesfushorët dhe krijon hapësira për shokët e skuadrës.
Glasner, i njohur për aftësinë e tij në zhvillimin e qendërsulmuesve – nga Wout Weghorst te Wolfsburg e deri te Kolo Muani te Eintracht Frankfurt – duket se ka gjetur projektin e radhës të suksesshëm.
Me Jean-Philippe Matetën, ai ka ringjallur një sulmues që tani ka fituar jo vetëm besimin e trajnerit, por edhe vlerësimin ndërkombëtar që e ka kërkuar gjatë gjithë karrierës. /Telegrafi/
Liverpooli po udhëheq me rezultat 2-1 pas pjesës së parë në finale të Community Shield ndaj Crystal Palace.
Të parët që kaluan në avantazh ishin pikërisht ‘Të Kuqtë’, të cilët realizuan për 1-0 në minutën e katërt përmes Hugo Ekitike.
Pas një kundërsulmi të shpejtë, Palace ia doli që të fitojë një penallti në minutën e 17-të si rezultat i një ndërhyrje të palejueshme nga Virgil Van Dijk.
I saktë nga pika e bardhë u tregua Jean-Philippe Mateta i cili realizoi për 1-1 duke e mposhtur Alissonin.
17′ mins – BOOM! Mateta is back to kicking corner flags after scoring from the spot
21′ mins – Frimpong busts out the dance moves after restoring Liverpool’s lead in the Community Shield pic.twitter.com/tjQAGWfhni
Sidoqoftë, gëzimi i Palace nuk zgjati edhe aq shumë, pasi Liverpooli realizoi sërish për ta rikthyer epërsinë.
Në tentim për të dërguar një krosim në zonë, Jeremie Frimpong (21’) ia doli ta çojë topin direkt në rrjetë për rezultatin 2-1.
Mbetet të shihet se çfarë do të ndodhë në pjesën e dytë, nëse Liverpooli do ta thellojë më shumë epërsinë apo Palace do ta vendos sërish baraspeshën./Telegrafi/
Login
