Këtë vit, 28 dhjetori përbën të dielën e katërt të zgjedhjeve në Kosovë.

Për shkak të mungesës së konsensusit politik për të krijuar institucione pas zgjedhjeve parlamentare të 9 shkurtit, Kosova i organizon zgjedhjet e parakohshme këtë fundvit, që sipas planifikimeve buxhetore të Komisionit Qendror të Zgjedhjeve (KQZ) kapin shumën e rreth 11.5 milionë eurove.

Duket që KQZ-ja duhet të tregojë efikasitet si asnjëherë më parë, që të mund të arrihen afatet e nevojshme për formimin e një qeverie të re, e që shteti të mos hyjë në një territor të pashkelur më parë.

Eugen Cakolli nga Instituti Demokratik i Kosovës thotë për Radion Evropa e Lirë se nga dita e mbajtjes së zgjedhjeve, KQZ-së i duhen diku një muaj e gjysmë kohë për t’i kryer të gjitha procedurat.

“Besoj që fundi i muajit janar është periudha më ideale kur mund të kemi certifikim të rezultateve zgjedhore, ndonëse rreziku është që një të tillë të mos e kemi deri në mesin e muajit shkurt”.

Pas certifikimit, ligji parasheh një afat prej 30 ditësh për konstituimin e Kuvendit të Kosovës. Por, këtë herë, Kuvendi duket se afat të fundit për konstituim e ka, në fakt, fundin e shkurtit.

Arsyeja? Pozita e presidentit të shtetit.

“Data 5 mars është afati i fundit kur Kuvendi duhet ta zgjedhë presidentin e ri, dhe dështimi eventual mund të provokojë zgjedhje të parakohshme, edhe pa arritur fare te zgjedhja e qeverisë, apo te formimi i institucioneve të reja”, thotë Cakolli.

Pra, partitë politike, përveçse se të dakordohen për institucionet e reja, duhet të dialogojnë edhe për çështjen e kreut të shtetit, pozitë të cilën aktualisht e mban Vjosa Osmani.

Ky post është përmendur shpesh si pjesë e kalkulimeve të subjekteve politike në arritjen e koalicioneve eventuale për bashkëqeverisje.

Rreziqet përpara

Një tjetër problem i madh do të ishte mbetja e shtetit pa buxhet. Në pamundësi të miratimit të buxhetit për vitin e ardhshëm, Kosova do të funksionojë me 1/12 e buxhetit të vitit aktual gjatë dy muajve të parë të 2026-tës.

Në një situatë të atillë, pa një emër të ri të presidentit dhe pa një qeveri të re e buxhet, as KQZ-ja nuk do të mund t’i organizonte zgjedhjet e parakohshme të radhës, në mungesë fondesh, që s’do të kishte kush t’ia ndante.

Megjithatë, Cakolli beson se, nëse partitë do ta ndanin mendjen për bashkëpunim, ky skenar do të shmangej – në rast të kundërt, rreziqet do të ishin të jashtëzakonshme.

“Nëse do të ketë vullnet politik për të gjetur zgjidhje, qoftë edhe të përkohshme, atëherë mund të arrijmë në momentin kur Kuvendi miraton një buxhet, apo formohet qeveri kujdestare në atë periudhë. Por, nëse do të ketë mungesë të vullnetit politik, vendimmarrje politike në funksion të vazhdimit të bllokadës, atëherë vendi do të shkojë drejt krizës, unë besoj më të rëndën institucionale ose socio-politike që kemi parë ndonjëherë”.

Në këtë drejtim, Cakolli vlerëson se fjalori i partive politike në nisje të fushatës duket më i moderuar, duke përmendur në veçanti Lëvizjen Vetëvendosje.

Kush i monitoron zgjedhjet?

Kur zgjedhjet u caktuan për 28 dhjetor, disa parti e organizata në Kosovë alarmuan se zgjedhjet nuk do të mund të monitorohen nga faktori ndërkombëtar, meqë një pjesë e mirë e botës është në periudhë festash ato ditë.

Zëdhënësi i KQZ-së, Valmir Elezi, thotë për REL-in se në grupin e parë të vëzhguesve të akredituar më 16 dhjetor ka përfaqësues të mediave vendëse e ndërkombëtare, përfaqësues të ambasadave britanike e japoneze, dhe të organizatave joqeveritare vendëse.

Cakolli pohon të ketë mësuar se misioni i Bashkimit Evropian do të jetë shumë më i kufizuar në numër këtë herë, ndërsa rrjeti i organizatave Demokracia në Veprim pritet të jetë më i madhi – me rreth 600 vëzhgues dhe vullnetarë të angazhuar – për monitorimin e procesit.

“Normalisht, vëzhgimi ndërkombëtar është vlerë e shtuar e procesit, por nuk besoj se është përcaktues në integritetin e vetë procesit zgjedhor”, shprehet ai.

Procesi zgjedhor

Në këto zgjedhje, të drejtë vote do të kenë mbi 2 milionë shtetas të Kosovës, brenda dhe jashtë vendit.

Sikur edhe më 9 shkurt, diasporës i është ofruar mundësia që të votojë me postë – në periudhën 12-27 dhjetor – apo në 37 përfaqësi diplomatike në 24 shtete të ndryshme, më 27 dhjetor.

Në këtë proces zgjedhor do të marrin pjesë 24 subjekte politike, me 1.180 kandidatë.

Sipas Ligjit për Zgjedhjet e Përgjithshme, votuesi ka të drejtë të zgjedhë deri në 10 kandidatë për deputetë nga një subjekt politik.

Rastet kur fletëvotimi shpallet i pavlefshëm është kur votuesi voton më shumë se një subjekt politik apo kur voton vetëm për kandidatët për deputetë, dhe jo edhe për subjektin politik.

Deri në atë ditë, premtimet e kandidatëve për t’u ngjitur në pushtet do të jenë të pranishme në çdo platformë të mundshme.

Orët e vona të 28 dhjetorit do të japin më shumë qartësi nëse Kosova do ta shmangë një paralizë të mundshme...

Të dielën në mesnatë ka përfunduar afati për dorëzimin e listave me kandidatët për deputetë nga radhët e subjekteve politike.

Menjëherë pas përfundimit të këtij afati, subjektet politike publikuan listat e plota me 110 kandidatë.

Lëvizja Vetëvendosje, Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe Nisma Socialdemokrate tashmë tashmë kanë publikuar listat e tyre zyrtare.

Sikurse edhe më parë, bartës të listave tek të pesë subjektet politike janë krerët e tyre.

Më poshtë Telegrafi ua sjellë 10 e kandidatëve të këtyre subjekteve politike.

Lëvizja Vetëvendosje – Top 10

1.Albin Kurti

2.Glauk Konjufca

3.Donika Gërvalla-Schwarz

4.Avni Dehari

5.Albulena Haxhiu

6.Hekuran Murati

7.Xhelal Sveçla

8.Mimoza Kusari Lila

9.Hajrulla Çeku

10.Shqipe Mehmetaj Selimi

Partia Demokratike e Kosovës – Top 10

1. Bedri Hamza

2. Uran Ismaili

3. Vlora Çitaku

4. Enver Hoxhaj

5. Arben Mustafa

6. Besa Kabashi Ramaj

7. Rrahman Rama

8. Eman Rrahmani

9. Sala Jashari

10. Kujtim Gashi

Lidhja Demokratike e Kosovës – Top 10

1. Lumir Abdixhiku

2. Kujtim Shala

3. Hykmete Bajrami

4. Doarsa Kica Xhelili

5. Lutfi Haziri

6. Avdullah Hoti

7. Anton Quni

8. Jehona Lushaku Sadriu

9. Ferid Agani

10. Ukë Rugova

Aleanca për Ardhmërinë e Kosovës – Top 10

1. Ramush Haradinaj

2. Besnik Tahiri

3. Time Kadrijaj

4. Bekë Berisha

5. Arber Tolaj

6. Albana Bytyqi

7. Pal Lekaj

8. Gani Dreshaj

9. Diellza Kukaj

10. Agim Çeku

Nisma Socialdemokrate – Top 10

1. Fatmir Limaj

2. Xhevahire Izmaku

3. Arbëreshë Krasniqi

4. Mevludin Krasniqi

5. Endrit Shala

6. Albulena Balaj Halimaj

7. Artan Nimani

8. Çerkin Dukolli

9. Jehona Rrafshi Lumi

10. Nehat Mustafa

Kujtojmë se në total, për legjislaturën e re janë dorëzuar 1,181 kandidatë nga të gjitha subjektet politike dhe kandidatët e pavarur. /Telegrafi/

Kreu i Nismës Socialdemokrate, Fatmir Limaj, ka folur për zgjedhjet e 28 dhjetorit dhe mundësinë e një bashkimi me Partinë Demokratike të Kosovës (PDK), duke theksuar se koha nuk është pengesë, por se gjithçka varet nga vullneti politik.

Limaj tha se ka kërkesa nga elektorati që Nisma të bashkohet me PDK-në.

“Mërgimtarë, por edhe zyrtarë të PDK-së kanë kërkuar që të ndodhë bashkimi. Nga deputetë me përvojë dhe drejtues të luftës është kërkuar nga unë që të bashkohem me PDK-në. Unë nuk kam dashur të injoroj kërkesën e tyre dhe kam shprehur gatishmërinë time”, u shpreh ai.

Nisma pa koalicion në zgjedhjet e 28 dhjetorit, analistët e quajnë befasi

Ai shtoi se, ndryshe nga raporti me LDK-në, te PDK-ja nuk ka pasur as hezitim e as kushte.

“Te LDK-ja kam hezituar për çështjen e siglës, ndërsa te PDK-ja nuk kam pasur asnjë hezitim. Kemi shprehur gatishmërinë e plotë për të qenë në një listë të përbashkët, sepse unë ndihem rehat nën siglën e PDK-së dhe kemi qenë të gatshëm të bashkohemi pa kushte.”

Limaj theksoi se ka qenë dhe mbetet i gatshëm për një bashkim me PDK-në.

“Për Koalicion LDK-Nisma duhet kohë. Mendoj se për të ndërtuar diçka të përbashkët mes meje dhe PDK-së mjafton një minutë. Kur ka vullnet, duhet vetëm një minutë”, deklaroi ai.

Ndërkohë, kreu i PDK-së, Bedri Hamza, ka deklaruar se për një bashkim me Nismën e Fatmir Limajt nevojitet një kohë më e gjatë dhe një proces zgjedhor i ndryshëm./Telegrafi/

- YouTube youtu.be

Komisioni Qendror i Zgjedhjeve (KQZ) ka votuar sot për certifikimin e subjektit politik Nisma, e cila ka plotësuar të gjitha kriteret e nevojshme për pjesëmarrje në zgjedhjet e 30 nëntorit.

Sipas Zyrës për Regjistrimin e Subjekteve Politike dhe Certifikim, Nisma ka dorëzuar listën e nënshkrimeve të mbështetësve, ka paguar taksën e certifikimit dhe nuk ka asnjë gjobë të papaguar nga PZAP apo KQZ.

“Lidhur me këtë, Zyra rekomandon që të certifikohet ky subjekt për pjesëmarrje në zgjedhje,” u tha në mbledhjen e KQZ-së.

Rekomandimi u miratua nga anëtarët e KQZ-së me 10 vota për, duke i hapur rrugë pjesëmarrjes së Nismës në procesin zgjedhor. /Telegrafi/

Tendencë për të rritur votën po shihet koalicioni zyrtar i Lëvizjes Vetëvendosje me partnerët e saj të kahershëm Guxo dhe Alternativa, si dhe Partinë Shqiptare Demokristiane.

Sipas analistëve politikë, koalicioni i LVV-së, është më shumë simbolik dhe formal, pasi emrat kyç të Guxo dhe Alternativa, veçse kanë krijuar identitet brenda partisë së Kurtit.

Në anën tjetër, vendimi i PDK-së, LDK-së dhe AAK-së për të garuar të vetme në zgjedhjet e parakohshme të 28 dhjetorit po konsiderohet i pritshëm. Megjithatë, vendimi i Nismës për të mos lidhur koalicion parazgjedhor me asnjë parti po shihet me rrezik të madh, pasi sipas analistëve e njëjta rrezikon të mos kalojë pragun zgjedhor.

Politologu Artan Muhaxhiri thotë për KosovaPress, se mungesa e koalicioneve të mëdha parazgjedhore mes partive politike ka qenë e pritshme, pasi hendeku mes tyre është i madh. Ai shprehet i habitur me Partinë Shqiptare Demokristiane, e cila ia ka bashkuar LVV-së, në koalicion parazgjedhor.

“Në përgjithësi këto zhvillime kanë qenë të pritshme. Hendeku është shumë i madh mes partive politike, prandaj ka qenë iluzore të pritej ndonjë koalicion më i madh ose bllok i koncentruar i partive politike... Lëvizja Vetëvendosje e ka bërë këtë koalicion me partitë e vogla. Mendoj se ky është një koalicion simbolik dhe vetëm formal. Në esencë këto parti janë ekstremisht të vogla dhe nuk çojnë peshë jashtë Lëvizjes Vetëvendosje. Asnjëra prej tyre nuk mund të siguronte pragun zgjedhor... Arsyeja pse Lista Guxo dhe Alternativa janë në koalicion me LVV-në, janë për shkak të individëve: Zonjës Mimoza-Kusari-Lila, Zonjës Gërvalla dhe përfaqësuesve të tjerë. Përfaqësuesit e Guxo dhe Alternativës janë fuqizuar shumë në këtë mandat, prandaj edhe shihen si përfaqësues të LVV-së dhe kanë krijuar një identitet brenda LVV-së... Partia Demokristiane ka qenë gjithmonë aleate e LDK-së dhe është e çuditshme që e ka bërë këtë hap. Besoj se nuk ka pasur një ofertë bindëse nga LDK-ja, përndryshe nuk do të ndryshonin aleatin. Ajo që është e qartë, Lëvizja Vetëvendosje ka tentuar të maksimalizojë votën qoftë edhe me një parti të vogël si demokristianët”, thekson ai.

Lidhja Demokratike e Kosovës dhe Nisma Socialdemokrate kanë qenë në negociata për të bashkëpunuar në zgjedhjet e 28 dhjetorit.

Megjithatë, kryetari i LDK-së, Lumir Abdixhiku, kishte thënë se pranojnë të bashkëpunojnë me Nismën vetëm nëse kjo parti përfshihet në listën e kandidatëve për deputetë dhe jo përmes koalicionit formal.

Përkundër pritjeve, Nisma Socialdemokrate ka vendosur të garojë e vetme në zgjedhjet e 28 dhjetorit.

E analisti politik, Blerim Canaj, thotë për KosovaPress, se lideri i Nismës, Fatmir Limaj, më shumë është i ndërtuar për të bashkëpunuar me Partinë Demokratike të Kosovës sesa me Lidhjen Demokratike të Kosovës.

Ndërkaq, megjithëse LVV-ja lidhi koalicion zyrtar me Guxo dhe Alternativa, ai deklaron se këto dy parti veçse janë shkrirë në LVV. Sipas tij, më ekstrem Vetëvendosje janë bërë zyrtarët e Guxo dhe Alternativës, sesa vet ata që e kanë themeluar LVV-në.

“Ata vetëm e shesin si të tillë sikur janë disa parti, por që janë të shkrira, ajo s’do koment. E kemi parë që më ekstrem Vetëvendosje janë bërë kandidatët e Listës Guxo dhe Alternativës sesa vet ata që e kanë themeluar Lëvizjen Vetëvendosje. Te LVV-ja jemi në një situatë tjetër, ndërkaq te PDK dhe LDK është më ndryshe, sidomos kur flitet për zotëri Limaj. Limaj është i ndërtuar për PDK-në dhe jo për LDK-në”, thekson ai.

Mungesën e koalicionit dhe bashkëpunimit mes LDK-së dhe Nismës e sheh problematike për bllokun e ish-opozitës, politologu Artan Muhaxhiri.

Ai thotë për KosovaPress, se pjesëmarrja e Nismës si parti e vetme në zgjedhje është rrezik, pasi e njëjta s’ka asnjë gjasë të kalojë pragun zgjedhor.

Muhaxhiri përmend një mori shkaqesh pse asnjë parti nuk arriti koalicion parazgjedhor me Nismën, derisa thekson përvojën e hidhur që kjo parti e pati në zgjedhjet e kaluara me Aleancën për Ardhmërinë e Kosovës.

“Ajo çka ka ndodhur me Nismën është pasojë e asaj që ka ndodhur në zgjedhjet e kaluara. Zotëri Limaj u bë aleat i Aleancës por pastaj u nda. Në përgjithësi, tradicionalisht partitë e vogla kanë përfituar shumë kur janë bërë pjesë e listave të partive të mëdha. Përveç që e kanë pasur të siguruar kalimin e pragut, edhe numri i kandidatëve për deputetë në këto lista ka qenë shumë më i madh sesa realisht që kanë pasur. Gjithsesi pas zgjedhjeve kanë pasur mundësinë që të shkëputen dhe të shndërrohen në një subjekt autonom qoftë në parlament dhe pastaj të kërkojnë edhe pushtet. Gjithsesi, kësaj radhe nuk ka ndodhur pasi LDK-ja e ka parë që më shumë do të humbte sesa do të përfitonte me zotëri Limaj. Edhe akti i zgjedhjeve të kaluara kur hyri në zgjedhje me Haradinaj dhe pastaj u përçan ka bërë që partitë të jenë më të kujdesshme kësaj radhe. Gjithsesi kjo e dëmton zotërin Limaj pasi pothuajse s’ka asnjë gjasë të kalojë pragun zgjedhor me këtë kontekst politik”, thekson ai.

Koalicione parazgjedhore përveç koalicionit në mes Lëvizjes Vetëvendosje, Guxo, Alternativa dhe Partisë Shqiptare Demokristiane, janë zyrtarizuar edhe dy koalicione të tjera. Sipas KQZ-së, koalicion kanë arritur “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB); dhe koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV).

Zgjedhjet e parakohshme do të mbahen më 28 dhjetor.

Nisma Socialdemokrate ka vendosur të garojë e vetme në zgjedhjet e jashtëzakonshme parlamentare të 28 dhjetorit, duke i hedhur poshtë të gjitha spekulimet për një bashkëpunim parazgjedhor me subjektet tjera politike.

Në zgjedhjet e fundit parlamentare të cilat u mbajtën më 9 shkurt, NISMA kishte hyrë në garë në koalicion me Aleancën për Ardhmërinë e Kosovës (AAK), me të cilin siguruan tri ulëse në Kuvend.

Në këto zgjedhje kryetari i NISMA-s, Fatmir Limaj kishte marrë 25 mijë e 718 vota. Mirëpo pavarësisht bashkimit të forcave në këto zgjedhje, pas shpalljes së rezultateve pati mosmarrëveshje mes Limajt dhe Haradinajt, për shkak që Limaj ishte shprehur i hapur për bashkëpunim me kreun e LVV-së, Albin Kurti.

Limaj mohon se do të ketë koalicion me PDK-në: Jemi në bisedime me LDK-në

Madje së fundmi nënkryetari i AAK-së, Daut Haradinaj u shpreh se koalicioni me NISMA-n u shkaktoi dëm.

“Limaj ishte pjesë e koalicionit, njerëzit ndoshta e keqkuptojnë, nuk kemi ne personale as me zotin Kurti, as me Limajn, as me kërkon, por nuk funksionoi ai koalicion. Mendoj që kemi pasur një dëm edhe jemi shumë të interesuam me shku kështu qysh jemi”, tha Haradinaj.

Ndërsa ditëve të fundit ishte përfolur edhe një mundësi e afërt që NISMA të hynte në koalicion me Lidhjen Demokratike të Kosovës (LDK) për zgjedhjet e 28 dhjetorit.

Kreu i Nismës, Fatmir Limaj i tha Telegrafit ditë më parë se janë në diskutime me LDK-në për koalicion.

“Jemi në bisedime me LDK-në, sa i përket PDK-së nuk kemi pas ftesë dhe rrjedhimisht nuk ka ndodh asnjë takim”, tha Limaj.

Mbyllet afati - tre koalicione dhe 17 parti politike aplikojnë për zgjedhjet e 28 dhjetorit

Por një marrëveshje e tillë duket se nuk u konkretizua. Kjo madje u vërtetua nga KQZ, e cila bëri të ditur se Nisma Socialdemokrate ka aplikuar si subjekt i vetëm politik për tu certifikuar për zgjedhjet e dhjetorit.

Nisma pritet të bëjë publike ditëve në vijim listën e plotë të kandidatëve dhe platformën me të cilën synon votën e qytetarëve në zgjedhjet e fundvitit. /Telegrafi/

Kur kanë mbetur vetëm edhe disa orë deri në përfundim të afatit, deri në orën 20:30 të ditës së diele, 17 subjekte politike kanë aplikuar për certifikim të pjesëmarrjes në zgjedhje.

Tri nga këto subjekte politike janë koalicione që janë deklaruar në KQZ.

Në mesin e këtyre koalicioneve të deklaruara është edhe koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).

Këto të dhëna janë bërë të ditura për nga Zëdhënësi i KQZ-së, Valmir Elezi.

Elezi ka njoftuar se “deri më tani (e diel, 30 nëntor, ora 20:30) 17 subjekte politike kanë plotësuar online formularin e certifikimit për pjesëmarrje në zgjedhjet e parakohshme për Kuvendin e Kosovës”, i cili, sipas tij, “është i ngjhëm me formularin e proceseve të kaluara zgjedhore”.

Sipas Elezit, këto subjekte politike kanë dorëzuar aplikimin:

Koalicionet:

1. Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”;

2. Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV); dhe

3. Koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).

Partitë politike:

4. LIDHJA DEMOKRATIKE E KOSOVËS – LDK;

5. PARTIA DEMOKRATIKE E KOSOVËS – PDK:

6. Kosovaki Nevi Romani Partia;

7. JEDINSTVENA GORANSKA PARTIJA;

8. Za Slobodu Pravdu i Opstanak;

9. KOSOVA DEMOKRATIK TÜRK PARTISI;

10. PARTIA LIBERALE EGJIPTIANE;

11. PARTIA ROME E BASHKUAR E KOSOVËS;

12. SOCIALDEMOKRATSKA UNIJA – SDU;

13. SRPSKA LISTA;

14. INICIATIVA E RE DEMOKRATIKE E KOSOVËS;

15. FJALA;

16. NOVA DEMOKRATSKA STRANKA – NDS;

17. LËVIZJA PËRPARIMTARE E ROMËVE TË KOSOVËS (LPRK).

Subjeketet politike (partitë politike, koalicionet, nismat qytetareve dhe kandidatët e pavarur) që aplikojnë për certifikim për pjesëmarrje në zgjedhje, kanë afat që deri më 7 dhjetor të dorëzojnë listën e tyre me emrat e kandidatëve për deputetë.

Më 19 nëntor, Kuvendi i Kosovës nuk arriti të miratojë përbërjen e Qeverisë së re të propozuar nga Vetëvendosje dhe e udhëhequr nga Glauk Konjufca.

Nga 113 deputetë të pranishëm, vetëm 56 votuan për, 53 kundër dhe 4 abstenuan. Para kësaj, më 26 tetor kishte dështuar edhe përpjekja e parë e mandatarit Albin Kurti për të formuar Qeverinë.

Kjo situatë çoi në lëvizjen e Presidentes Vjosa Osmani, e cila më 20 nëntor shpërndau Kuvendin dhe shpalli zgjedhjet e jashtëzakonshme për datën 28 dhjetor, duke konstatuar se Kuvendi nuk kishte arritur të krijonte shumicë qeverisëse pas zgjedhjeve të 9 shkurtit.

Në këtë kontekst, ish-ministrja e Drejtësisë, Albulena Haxhiu tha se Vetëvendosja nuk ka pasur asnjë mundësi reale për të krijuar koalicion, pasi disa prej partive politike e kishin bërë të qartë publikisht se nuk do të bashkëpunonin.

“S’kemi pas përpjekje për koalicion, po. Sepse ne i kemi dëgjuar deklaratat publike edhe të LDK-së edhe të Nismës. Edhe pas mandatimit të tij, menjëherë kanë dal në deklarata. Madje disa prej tyre kanë thënë se është shkelje kushtetuese, se kanë thënë duhen 61 nënshkrime, kanë thënë që vendi duhet të shkoj të zgjedhje menjëherë”, ka thënë Haxhiu.

- YouTube youtu.be

Kryetari i NISMA-s, Fatmir Limaj, ka thënë se ata nuk do ta votojnë këtë qeveri të propozuar nga Lëvizja Vetëvendosje.

Limaj tha se VV-ja krejt këto i ka kalkulime elektorale edhe për të dielën (ditën e balotazhit), edhe pas të dielës.

“Duke hequr në njërën anë emrin e z. Konjufca, ju e patë qëndrimin e z. Kurti. Edhe tha kështu: ‘Po e bëj një mandatar me qëllim me i evituar dy palë zgjedhje’, a ishte kështu?”, tha Limaj në Rubikon të Klan Kosovës.

Ai tha se me këto deklarata po tregohet joseriozitet.

“Këta tre muaj po e çojmë Glaukun që mos me i pasë dy palë zgjedhje? A ishte kështu? Që këtu fillon joserioziteti. Që këtu përfundon çdo gjë. Na ka treguar sot qartë. Ne nuk i votojmë, këto agjenda partiake, elektorale, s’kanë absolutisht asgjë në interes shtetëror, që dikush me pauzu, me shku me u kthy. Nuk bohet shteti kshtu, bre djem”, u shpreh Limaj.

Komisioni Qendror i Zgjedhjeve (KQZ) ka shpallur rezultatet përfundimtare për Kuvendin e Komunës së Prizrenit për zgjedhjet e vitit 2025.

Me gjithsej 41 vende në Kuvendin Komunal, Partia Demokratike e Kosovës (PDK) është fituese kryesore, duke siguruar 13 mandate dhe 19,582 vota (32.34% të totalit).

Lëvizja Vetëvendosje (LVV) ka fituar 9 mandate me 12,916 vota (21.33%)
Lidhja Demokratike e Kosovës (LDK) ka siguruar 6 mandate dhe 8,310 vota (13.73%)
Bashkimi Demokratik i Prizrenit ka marrë 3 mandate me 4,081 vota (6.74%)
Aleanca për Ardhmërinë e Kosovës (AAK) ka fituar 2 mandate me 3,140 vota (5.19%)
Kosova Demokratik Türk Partisi (KDTP) ka fituar 2 mandate me 2,718 vota (4.49%)

Kandidatët fitues:

PDK:

1. Kujtim Gashi (19,582 vota)
2. Islam Ukaj (1,593 vota)
3. Arianit Berisha (1,178 vota)
4. Adem Morina (1,043 vota)
5. Driton Sallauka (919 vota)
6. Nehat Elshani (829 vota)
7. Luljeta Veselaj Gutaj (795 vota)
8. Çelë Lamaj (787 vota)
9. Endrit Zogaj (680 vota)
10. Simir Krasniqi (667 vota)
11. Ymran Fusha (496 vota)
12. Drita Qenaj (374 vota)
13. Dea Gavazaj (331 vota)

LVV:

1. Dafina Alishani (12,916 vota)
2. Ilir Gashi (1,098 vota)
3. Karanfil Haxhillari (808 vota)
4. Adem Shabaj (621 vota)
5. Selman Sokolaj (533 vota)
6. Zgjim Kryeziu (481 vota)
7. Mergiton Gavazaj (476 vota)
8. Nerimane Pllana Gashi (426 vota)
9. Shqipe Shatri Çoçaj (385 vota)

LDK:

1. Driton Selmanaj (8,310 vota)
2. Florent Ukaj (937 vota)
3. Qemal Krasniqi (735 vota)
4. Haziz Hodaj (498 vota)
5. Mimoza Memaj (378 vota)
6. Agnesa Sinanaj Gavazaj (279 vota)

Bashkimi Demokratik i Prizrenit:

1. Shukri Quni (4,081 vota)
2. Sefidin Islamaj (479 vota)
3. Liridona Veçgishti (307 vota)

AAK:

1. Besnik Krasniqi (3,140 vota)
2. Nazife Kokollari (243 vota)

Kandidatët e tjerë të zgjedhur për Kuvendin Komunal të Prizrenit përfshijnë përfaqësues të subjekteve të tjera si NISMA Socialdemokrate, Guxo, SDU, Yenilikçi Türk Hareket Partisi dhe NOVA Demokratik Stranka.

Kryetari i Nismës Socialdemokrate, Fatmir Limaj, ka deklaruar se dy partitë më të mëdha opozitare në vend kanë mundësinë të bashkohen për të ndërtuar një alternativë të re qeverisëse.

Ai tha se Nisma është e gatshme të japë kontributin e saj nëse ekziston një projekt serioz politik.

“Qytetari nuk mjaftohet me thanë ‘po vij me një alternativë ndryshe’. Ai don me pa veprime ndryshe. A po e bashkon këtë zë opozitar që duan një qeveri ndryshe? Çka po bën ti me veprime konkrete me afru këtë bosht ose këtë ekip?”, u shpreh Limaj në emisionin “Frontal”.

Sipas tij, përgjegjësinë për krijimin e një blloku të ri opozitar e mbajnë kryesisht dy partitë e mëdha.

“Dy partitë e mëdha e kanë këtë mundësi. Atyre po ju flas, atyre që duan një qeveri ndryshe. Për me vazhdu njëjtë e kanë LVV-në. Nisma është e gatshme me dhanë kontributin e vet për bashkimin e kësaj vote për një alternativë ndryshe, ama unë duhet me i pa a ka hap serioz e konkret drejt krijimit të një alternative ndryshe,” tha Limaj.

Ai shtoi se Nisma do të mbështesë çdo projekt serioz që synon ndryshim real dhe që qytetarët mund ta shohin si mundësi të besueshme.

“Aty ku është Nisma është kryeministri i ardhshëm i Kosovës”, përfundoi Limaj.

Komisioni Qendror i Zgjedhjeve (KQZ) ka publikuar rezultatet përfundimtare për Asambletë Komunale në vend, përfshirë edhe kryeqytetin.

Sipas këtyre rezultateve, në Prishtinë, Lidhja Demokratike e Kosovës (LDK) ka dalë partia me më së shumti asambleistë, duke siguruar 15 ulëse në Kuvendin Komunal.

Pas LDK-së, renditen Partia Demokratike e Kosovës (PDK) dhe Lëvizja Vetëvendosje (LVV), të cilat kanë marrë nga 12 asambleistë secila.

Në vendin e katërt është Aleanca për Ardhmërinë e Kosovës (AAK), e cila ka fituar 5 mandate në Asamblenë e Prishtinës.

Ndërkohë, subjekti Lidhja e Prishtinës, e drejtuar nga Fehmi Kupina, ka arritur të sigurojë 4 asambleistë, pas një rezultati të konsiderueshëm në vota.

Po ashtu, PSD, Nisma Socialdemokrate dhe Guxo do të kenë secila nga një përfaqësues në Kuvendin Komunal të Prishtinës.

Asambleja e Prishtinës ka 51 asambleistë dhe për të formuar shumicën e thjeshtë duhen 26 vota.

Këto rezultate përmbyllin procesin e numërimit për zgjedhjet lokale, duke i hapur rrugë konstituimit të Asamblesë së re komunale në kryeqytet.

Më poshtë lista e kandidatëve që kanë fituar ulëse në Kuvendin e Prishtinës.

Deputetja e NISMA Socialdemokrate, Xhevahire Izamku, ka bërë të ditur se nuk është ndjerë mirë që takimi i krerëve të partive politike me Presidenten e vendit nuk dha ndonjë rezultat.

Izmaku, në Debat Plus në TV Dukagjini, u shpreh se tri votat e NISMA-s nuk do të krijonin mazhorancën teksa deklaroi se tri vota do i jepnin edhe opozitës në rast se do të përpiqej që të krijonte një shumicë parlamentare.

“Dua të them që sot përveç si deputet por edhe si qytetare nuk jam ndjerë mirë që përkundër përpjekjeve të presidentes nuk pati ndonjë rezultat. Por ndjehem mirë që Limaj dha maksimumin e tij edhe me tre deputetë që të dalim nga ky ngërç politikë. Duke e ditë që Limaj që nga fillimi ka bërë përpjekjet përkundër linçimeve për të dalë nga ky ngërç politikë – zgjedhjet që po duket se nuk mund t'i ikim do të prodhojnë një proces teknik të votimit sesa një zgjidhje. Kam pritë më shumë përpjekje nga dy partitë opozitare”.

“Ne kemi bërë përpjekje deri në fund por votat tona nuk do të siguronin mazhorancën edhe në ditën e votimit e pamë që mungojnë dy deputetët e shumicës joserbe, meqë nuk kanë ekzistuar numrat s’kemi pas qysh me hy në votim. Por, përpjekjet tona ishin që të krijohej mazhoranca, tri votat tona po ashtu do të ishin edhe për opozitën në rast se do të krijonte një shumicë”, deklaroi Izmaku.

- YouTube youtu.be

Pas zgjedhjeve parlamentare të 9 shkurtit të këtij viti, Aleanca për Ardhmërinë e Kosovës (AAK) siguroi 5 deputetë dhe Nisma Socialdemokrate 3 deputetë në Kuvend, të cilat hynë si koalicion parazgjedhor në ato zgjedhje.

Menjëherë pas zgjedhjeve, Nisma vendosi të largohet nga koalicioni parazgjedhor me AAK-në dhe kreu i saj, Fatmir Limaj u shpreh i hapur për bashkëpunim me Lëvizjen Vetëvendosje (që po duket se tash pas gati 9 mujash nuk kulmoi me sukses), ndërkohë që AAK-ja kritikonte kreun e VV-së, Albin Kurtin.

Në këtë kontekst, kreu i AAK-së, Ramush Haradinaj, ka folur në Debat Plus për mundësinë e zgjedhjeve të jashtëzakonshme dhe për strategjinë e partisë së tij.

Nëse do opozita, deri nesër në ora 12 e bëjmë qeverinë

Nëse do opozita, deri nesër në ora 12 e bëjmë qeverinë telegrafi.com

Kreu i Aleancës për Ardhmërinë e Kosovës (AAK), Ramush Haradinaj, ka komentuar situatën e krijuar pas dështimit të mandatarit të parë, Albin Kurti, për formimin e qeverisë së re, duke thënë se tashmë roli i presidentes Vjosa Osmani është i qartë, nëse nuk ka shumicë të re parlamentare, ajo duhet ta ...

Ai ka shprehur qartë se Aleanca do të garojë e vetme, duke synuar një rezultat të fortë zgjedhor.

“Sa i përket pragut që po diskutohet prej shumë qytetarëve. Unë pa të keqe i uroj suksese çdo subjekti politik, në këtë rast edhe Nismës edhe të tjerëve në zgjedhje. Ne kur kemi bërë koalicion me Nismën e me kolegë, ne kemi pas 40 pozicione në listë për palë tjera, për njerëz jashtë Aleancës. Nëse do t’i merrnim 40 asamblistët më të votuar të AAK-së, mund ti shtonim votat tona.

Ne nuk mbesim ndër 70 mijë vota në asnjë situatë zgjedhore. Unë kam qenë në Hagë, kemi pas sfida, por brenda AAK ka njerëz të zotë, profesionistë, ka rekorde të punëve të mira që ka bërë për këtë vend. Ne i targetojmë 100 mijë vota”, ka thënë Haradinaj në Debat Plus.

“Sa për pragun faleminderit të gjithë që na mbajnë dertin, por u kisha thënë mos e mbani shumë dertin se e kalojmë mirë… do të shkojmë të vetëm në zgjedhje”, ka shtuar Haradinaj.

- YouTube youtu.be

Kryetari i Nismës Socialdemokrate, Fatmir Limaj, ka deklaruar se vendi tashmë është futur në fazën ligjore që kërkon respektimin e procedurave pas dështimit të krijimit të qeverisë.

“Tashmë jemi futur në fazën ligjore që duhet të respektohen procedurat, është një takim që presidenten e detyron ligji të na ftoj pas dështimit të krijimit të qeverisë. Ashtu siç e thotë ligji, presidentja ka dhjetë ditë që t’ia jap mundësinë mandatarit të dytë dhe në këtë fazë presidentja fton partitë politike për t’u konsultuar dhe për të parë a ka mundësi dhe potencial që dikush nga forcat politike që janë në parlament të ketë shumicën për të ofruar një mandatar të ri për zgjedhjen e qeverisë”, tha Limaj.

Ai shtoi se ky është një takim procedural, ku partive politike u jepet rasti të dëshmojnë nëse kanë mundësi të ofrojnë një mandatar me shumicën e votave. “Nëse jo, atëherë kalojmë në një fazë tjetër ku bëhet konsultimi me presidenten për të caktuar datën e zgjedhjeve”, theksoi Limaj në RTK.

Ai tutje tha se vota e qytetarëve të Kosovës në zgjedhjet e përgjithshme, si votë totale ka qenë e orientuar drejt një qeverie nga opozita dhe se ai ka pasur dëshirë që t’i ofrohet Kosovës një qeveri që vjen nga opozita.

Duke folur për negociatat me kryeministrin në detyrë, Albin Kurti rreth partneritetit të mundshëm, Limaj theksoi se qëndrimi i tij ka qenë që mos të marrë pjesë në qeverisje, por të ketë vetë partneritet në Kuvend.

“Unë ndërtoj qëndrime politike dal nga dal dhe të pjekura dhe e di ku i bëjë më shumë shërbim vendit tim, në fazën e caktuar. Ne kemi nevojë për t’i përafruar qëndrimet në një qeverisje. Nëse nuk e shoh veten që nuk mundem me dhënë kontributin për vendin tim nuk është mirë të shkojë ta pengoj partnerin ose mos t’i shërbej vendit, kjo është arsyeja kryesore”, tha Limaj.

Ai ka theksuar se në këtë fazë do t'i kishte shërbyer vendit më mirë tha Limaj do të ishte parlamenti prandaj siç tha ai për këtë arsye e ka ofruar partneritetin.

Sipas Limajt qeverisja e një vendi nuk bëhet vetëm përmes një ministrisë por përmes ligjeve të mira, iniciativave të mira, debateve të mira dhe unitetit.

Sa i përket koalicionit me Aleancën për Ardhmërinë e Kosovës, Limaj u shpreh se kur ndërtohet koalicion dihet vizioni politik i partnerit.

“Koalicioni me AAK-në e kam pas deri në ditën kur janë kryer zgjedhjet. E kam pas dëshirën ta vazhdoj koalicionin edhe në parlament, por në anën tjetër kanë vlerësuar që nuk duan të vazhdojnë e që është normale. Por ndodhi rezultati i pakëndshëm, Aleanca ka pritur më shumë, edhe ne kemi pritur rezultat deri me 12-15 deputetë por nuk ka ndodhur”.

Kryetari i Lëvizjes Vetëvendosje, Albin Kurti, ka deklaruar se asnjë nga partitë parlamentare të cilat janë ftuar nga LVV-ja nuk ka pranuar të bëjë marrëveshje për bashkëqeverisje, pavarësisht se rezultati i zgjedhjeve kishte përcaktuar nevojën për koalicion.

“Asnjëra nga partitë që i ftuam nuk pranoi të bëjë marrëveshje për bashkëqeverisje, megjithëse votat kishin përcaktuar që duhej koalicion. Dy herë ftuam LDK-në dhe ishim në kontakt me Nismën. LDK refuzoi kategorikisht që qeverinë ta udhëheq unë, as Nisma,” tha Kurti.

Sipas tij, po të pranonin ofertën e Vetëvendosjes, këto parti do të mundësonin formimin e një qeverie të re dhe zgjedhjen e presidentit pas katër muajsh.

“Duke parë disponimin e elektorateve të VV-së dhe LDK-së, që duan ta shkëpusin LDK-në nga PDK-ja, më 2021 ia arritëm, por vetëm për 51 ditë. E vetmja mënyrë se si LDK pranoi të jetë në qeveri me ne, ishte vetëm me PDK-në. Kjo është e papranueshme,” shtoi ai.

Kurti theksoi se qëllimi i Vetëvendosjes nuk është mbajtja e pushtetit, por zhvillimi i shtetit.

“Ne jemi të interesuar për të zhvilluar shtetin, dhe jo ta mbajmë pushtetin. Kjo është arsyeja pse vendi nuk ka rrugë tjetër përveç zgjedhjeve të reja. Nuk ka qenë preferenca jonë, por jemi përpjekur që obligimet tona t’i kryejmë me kohë,” përfundoi ai.

Ai shtoi se gjatë periudhës sa Qeveria do të jetë në detyrë, ekzekutivi do të vazhdojë të kryejë punët me përpikmëri dhe përgjegjësi./Telegrafi/

Zgjedhjet e parakohshme parlamentare në Kosovë, gjasat për të cilat u rritën dukshëm më 26 tetor pasi Kuvendi nuk e aprovoi një qeveri të re të Albin Kurtit, do të mund të sillnin ndryshime në rezultatet e partive, vlerësojnë njohësit e zhvillimeve politike.

Por, sipas tyre, ato ndryshime nuk do të ishin të mjaftueshme, aq sa partitë të shmangnin nevojën për bashkëqeverisje në të ardhmen.

Sipas Kushtetutës së Kosovës, presidentja Vjosa Osmani duhet ta caktojë një mandatar tjetër për formimin e Qeverisë brenda 10 ditësh.

Por, lideri i partisë së dytë më të votuar, Partisë Demokratike të Kosovës (PDK), Memli Krasniqin, hodhi poshtë mundësinë që të bëhet mandatar i radhës, në rast se presidentja e Kosovës do ta thërrasë për ta pyetur nëse e ka shumicën.

Edhe Kurti, udhëheqës i Lëvizjes Vetëvendosje (LVV), e cila fitoi më së shumti vende në Kuvend nga zgjedhjet e 9 shkurtit, pranoi se zgjedhjet e reja mund të kenë mbetur opsioni i vetëm përpara për kalimin e krizës.

Zgjedhjet nuk sigurojnë qeverisje pa koalicione

Politologu Dritëro Arifi vlerëson se janë disa faktorë që do t’i ndikonin rezultatet e zgjedhjeve të ardhshme të parakohshme.

Arifi thotë për Radion Evropa e Lirë se rezultatet në rundin e dytë të zgjedhjeve për kryetarë të disa prej komunave më të mëdha të Kosovës, do t’u japin drejtim partive që do t’i fitojnë ato për t’u pozicionuar edhe për zgjedhjet parlamentare.

Sipas tij, qasja e partive politike në fushatë zgjedhore dhe retorika e matur do të jenë ndër përcaktuesit e rezultateve, si dhe të koalicioneve eventuale para dhe pas zgjedhjeve.

“Jam i bindur, nga ajo që po ndodh në terren, që asnjëra parti nuk do ta ketë shumicën fillestare për ta bërë qeverinë me 61 [vota]. Edhe nëse e merr ndonjëra parti, do ta ketë vështirë që të realizojë agjendën. Pra, gjithsesi duhet një bashkëpunim i madh”, shprehet Arifi.

Ai thotë se e sheh si të mundshme që partitë më të vogla, sikurse Aleanca për Ardhmërinë e Kosovës (AAK) dhe Nisma Socialdemokrate, të futen në koalicione parazgjedhore me partitë e mëdha, kryesisht me ato ish-opozitare, sikurse PDK-ja ose Lidhja Demokratike e Kosovës (LDK).

Ngjashëm, ndryshime pret edhe Rrahman Paçarizi, profesor në Departamentin e Gazetarisë në Universitetin e Prishtinës.

Paçarizi thotë për Radion Evropa e Lirë se në rast se partitë më të vogla, si Nisma apo AAK-ja, nuk futen në koalicione parazgjedhore, ato rrezikojnë të mos arrijnë rezultatet që do t’u siguronin vend në Kuvend.

Në një situatë të tillë, vlerëson ai, votat e këtyre partive mund të shpërndahen proporcionalisht te partitë tjera më të mëdha.

“Unë besoj që do të ketë ndryshim numrash... Mirëpo, megjithatë, unë vështirë se shoh ndonjë ndryshim esencial, i cili do të siguronte zgjedhjen e një qeverie pa vështirësi të theksuara. Fakti që Lista Serbe nuk hyn në kombinimet e asnjërit bllok politik për ta bërë qeverinë, do të thotë se janë 10 vota mangët për këdo që synon ta bëj qeverinë”, thekson Paçarizi.

Radio Evropa e Lirë bëri përpjekje të kontaktonte zyrtarë të AAK-së dhe të Nismës, por ata ishin të paqasshëm.

Por, kreu i Nismës, Fatmir Limaj, zhvilloi një takim me kryetarin e LDK-së, Lumir Abdixhiku, të hënën. Ata nuk deshën të tregonin për media se për çfarë biseduan.

Frikë nga qeverisja?

Pavarësisht pritjeve se zgjedhjet e parakohshme parlamentare mund të prodhojnë ndryshim në numrat e partive politike në Kuvend, vendi vlerësohet se sërish rrezikon të futet në krizë institucionale në rast se ato nuk shfaqin vullnet politik për bashkëpunim.

Bashkëpunimi i tillë do të ishte më se i domosdoshëm, thotë Arifi, për shkak se zgjedhjet e parakoshme parlamentare do t’i përcaktonin edhe pretenduesit për tri pozitat më të larta shtetërore.

Në këtë drejtim, sipas Arifit, është i domosdoshëm kompromisi ndërmjet partive politike, i cili do të jetë i pamundur pa një gjuhë korrekte të partive politike shqiptare gjatë fushatës zgjedhore.

“Synimi do të jetë krijimi i koalicionit të madh shqiptar, pavarësisht se cilat parti do të jenë, sepse ajo i zgjidh të tri nyjat kryesore: kryeministrin, kryeparlamentarin dhe presidentin. Prandaj, të gjitha partitë, pavarësisht se cila – Vetëvendosje, PDK ose LDK – do të jenë të detyruara të bashkëpunojnë, varësisht nga koalicionet”, thotë Arifi.

Një koalicion të mundshëm ndërmjet dy ose më shumë partive të mëdha e sheh si zgjidhje edhe Paçarizi.

Por, ai është skeptik se koalicioni i tillë mund të ndodhë edhe pas zgjedhjeve të parakohshme të mundshme.

Paçarizi pret që të dyja blloqet aktuale politike, LVV-ja në njërën anë, dhe PDK-ja e LDK-ja në anën tjetër, të fitojnë rreth 40 për qind të votave nga zgjedhjet.

Të dy taborëve, sipas tij, u mungon vullneti politik për formimin e qeverisë, edhe nëse kjo do të ishte e mundur.

“Asnjëra nga forcat politike, si e vetme, nuk ka guxim që të marrë përsipër drejtimin e vendit, pasi kanë frikë se çfarë do të sjellë e nesërmja, në kuptim të dialogut me Serbinë. A do të mund të vihen para një situate ‘merre ose lëre’, e cila do të ishte pastaj një përgjegjësi shumë e madhe dhe do ta fundoste një qeveri me bazë jo shumë të gjerë”, thotë Paçarizi.

Si rrjedhojë, shton ai, vendi rrezikon të futet në një agoni institucionale edhe pas zgjedhjeve të parakohshme eventuale, në rast se nuk do të ketë një ndërhyrje nga ana e vendeve partnere dhe aleate të Kosovës.

“Kjo ndërhyrje nuk nënkupton ndihmën për ta bërë qeverinë. Por, nënkupton dhënien, përkatësisht marrjen e garancive, për rrugën tutje, për atë se çka e pret dhe si duhet të sillet dhe të veprojë qeveria e re”, vlerëson Paçarizi.

Ai shton se në këtë drejtim, e domosdoshme do të jetë një qeveri me bazë të gjerë dhe një president konsensual, i cili jo domosdo duhet të ketë përkatësi partiake, raporton REL.

Kryetari i NISMA-s Socialdemokrate, Fatmir Limaj, ka reaguar ashpër ndaj idesë për të mbështetur qeverinë Kurti, duke deklaruar prerazi se nuk do ta votojë atë.

“Jo, nuk votoj. Jo me Dimal Bashën,” ka thënë Limaj, duke shtuar se për të është e papranueshme që një person si Dimal Basha të përfaqësojë institucionet publike.

Ai ka vënë në dyshim edhe mënyrën se si Basha është votuar, duke e cilësuar si një fyerje për ish-luftëtarët e UÇK-së.

“Kush e votoi Dimal Bashën dhe cila është arsyeja? A mundesh me imagjinu një djalë të UÇK-së që kur ka lyp votë, e ka dhënë votën atje, dhe t’i thuhet se kjo votë është për Dimal Bashën? Ai ka fyer rëndë UÇK-në. Ky njeri nuk është i denjë as të jetë referent e as pjesë e ndonjë institucioni publik”, ka deklaruar Limaj.

Limaj flet për takimin me Kurtin

Në përfundim, ai ka shtuar se për të, Dimal Basha nuk përfaqëson asgjë, përveç “turpit më të madh që i ka ndodhur Kosovës”.

“S’është kryetar imi i Kuvendit. Ligjërisht po, por është turpi më i madh që i ka ndodhur Kosovës”.

“Nuk ka votë për qeverisje, as me votat e NISMA-s. Nuk kemi pasur asnjë takim pas zgjedhjes së Bashës dhe kemi kërkuar shkarkimin e tij. Dua ta shoh këtë si një aksident… por vendi nuk drejtohet kështu”, ka theksuar Limaj.

- YouTube youtu.be

I pari i NISMA-s Socialdemokrate, Fatmir Limaj, në emisionin Debat Plus në RTV Dukagjini, për herë të parë ka bërë të ditur se në vitin 2001 ka refuzuar postin e kryeministrit të vendit.

Limaj pa dhënë detaje tjera u shpreh se atë botë nuk pranoi që të shkelë kryetarin e partisë dhe të dalë para tij si kryeministër, njofton Dukagjini.

“Në moshën 31-vjeçare kam refuzuar postin e kryeministrit, dhe skam pranuar me dal përballë ose mbi kryetarin tim të partisë në moshën 31-vjeçare kam refuzuar sepse ka një kod të sjelljes morale me shkel kryetarin tim të partisë nga kjo pjesë jam i operuar herët prandaj edhe unë dal e i shoh njerëzit në sy e bëjë debat kritik dhe mundem me bisedu me njerëz veç për faktin se 20 e sa vite skam leju që dinjiteti im me u vu në treg për asnjë çmim, kjo ka qenë në vitin 2001”, tha Limaj.

Limaj, mes tjerash, u shpreh se përtej luftës ka vlera të mëdha për të mirat e vendit për çka kritikoi ashpër qeveritë në 15 vjetët e fundit.

“Ju përballë e keni një njeri që ka vepra jo të luftës dhe kjo është fatkeqësi se nuk kam pa për 15 vjet vepra të mira në Kosovë, autostrada, aeroporti e sa projekte tjera – unë kam paguar çmime për këto e ka njerëz që tentojnë me vu hije. Aeroporti është storje suksesi në rajon e njësoj edhe rruga e kombit që lidh dy kombe. Për 15 vjet nuk arritën as një autostadë deri në Mitrovicë me e përfundu”, u shpreh Limaj.

- YouTube youtu.be

Kryetari i NISMA-s Socialdemokrate, Fatmir Limaj, ka dhënë detaje shtesë për takimin që ka pasur me kryeministrin në detyrë, Albin Kurti dhe zëvendëskryeministrin në detyrë, Besnik Bislimi.

Limaj, i ftuar në “Debat Plus” në TV Dukagjini, u shpreh se në takimi i ka kërkuar Kurtit që t’i tregojë se çfarë konkretisht dëshiron, pasi siç tha nuk do të donte të shihte kryeministrin e vendit në siklet.

“I kam thënë zotëri Kurtit se çka po kërkon prej meje, a po i don numrat apo dëshiron partneritet, nëse i doni numrat unë e kam ndërmend me t’i dhënë numrat e me dal në parlament e me bë qeverinë e pakicës dhe arsyetimin tim e jap në Kuvend. Nuk dua që kryeministri i vendit tim kur e ka një siklet dhe situatë të tillë për numra, Kurti më ka thënë se nuk është i interesuar për numra por për partneritet. Unë mund me i shërbyer vendit tim veç nga partneriteti në Kuvend pasi ne nuk jemi të interesuar për qeveri në asnjë rrethanë. I kam arsyet e mija se pse dhe rrugës do të shihen veprimet se pse parnetitet në parlament”.

Tutje, i pari i NISMA-s u shpreh se kur bëri të ditur se kërkon veç partneritet në Kuvend u pa me habi nga Kurti dhe Bislimi.

“Në tavolinë ka qenë Kurti dhe Besnik Bislimi dhe janë habitur kur ju kam thënë se nuk jam i interesuar për qeveri – kam parë një befasi tek ta. Aktualisht angazhimin tim mundem më dhënë më të mirë nëse duan partneritet – kaq ka qenë takimi im. Nuk e kam kushtëzuar kurrë me numra”, u shpreh Limaj.

- YouTube youtu.be