Barcelona humbi në transfertën e Real Sociedadit, por gjithashtu iu anuluan dy gola, ai i Fermin Lopez dhe Lamine Jamal.
Për golin e këtij të fundit ka pasur shumë polemika në rrjetet sociale, pasi në pamjet që po qarkullojnë vihet re, se nuk ka pozicion jashtë loje dhe goli duhet të ishte i rregullt.
Për këto situata kanë folur trajneri Hansi Flik dhe kapiteni Frenki de Jong.
De Jong, foli me zë të lartë dhe qartë për performancën arbitruese të Gil Manzanos: “Është e pabesueshme çfarë na bëri ky arbitër sonte. Unë jam kapiteni, duhet të më lejohet të flas. Por jo, ai më shikon sikur është më i mirë se unë. Ai më injoroi.
Ai thjesht qeshi dhe më shikoi me një fytyrë që dukej sikur është më i mirë se unë. Vazhdova të përpiqesha t’i thoja arbitrit se po humbnin kohë, se ai duhet të shtonte më shumë kohë… por jo. Kjo është e pabesueshme. Nuk mund të them asgjë tjetër”.
Ndërsa trajneri i Barçës ra dakort me ato që tha kapiteni i skuadrës: “Kjo është ajo që ai tha dhe jam dakord. Unë nuk do të shpenzoj kohë ose energji për këtë fakt, të cilin e panë të gjithë”, foli shkurtimisht gjermani.
Legjenda holandez, Jaap Stam ka sugjeruar që Manchester United duhet të nënshkruajë mesfushorin e Barcelonës, Frenkie de Jong, këtë verë. Stam ka thënë se e sheh De Jong si një "nënshkrim ëndrrash" për afatin kalimtar të janarit.
Me Michael Carrick në krye të ekipit si i përkohshëm, fokusi është në shpëtimin e sezonit dhe sfidën për kualifikimin në Ligën e Kampionëve. Stam, i cili fitoi tripletën me United, beson se bordi duhet të jetë ambicioz pavarësisht vështirësisë për të sjellë lojtarë të klasit të lartë në afatin e dimrit.
Ish-ylli i Djajve të Kuq pretendon se Unitedit i mungon një teknik i aftë për të diktuar ritmin e lojës dhe e sheh De Jongun si një domosdoshmëri për të zhvilluar stilin e tyre të lojës.
De Jong është lidhur me United që nga vera e vitit 2022, dhe Stam konfirmon se këto nuk janë vetëm spekulime mediatike.
"Transferimi im i ëndrrave për Manchester United në afatin kalimtar të janarit do të ishte Frenkie de Jong nga Barcelona”, ka thënë fillimisht Stam.
"United duhet të jetë gjithmonë në kërkim të lojtarëve që mund t'i bëjnë të luajnë futboll më të mirë, dhe Frenkie ka qenë në listën e dëshirave të klubit që kur Erik ten Hag mori drejtimin e klubit".
Stam thotë se e ka parë De Jongun të zhvillohet te Ajaxi dhe beson se aftësitë e tij, siç është aftësia për të mbajtur topin dhe për të thyer linjat e sulmit, janë pikërisht ato që i mungojnë mesfushës së United.
"Kam punuar shumë me Frenkien kur ishte i ri te Ajax dhe ai është vërtet dikush që mund ta bëjë ekipin të luajë futboll më të mirë. Ai është shumë i sigurt për topin dhe ka forcën për të vrapuar lart e poshtë fushës. Ai është krijues dhe gjen pasimet e duhura kur është në top, gjë që i duhet United-it në këtë moment".
Komentet e Stam nxjerrin në pah mungesën e kohezionit në mesfushën e United. Nën udhëheqjen e Carrick, nevoja për shpërndarje të besueshme të topit është bërë edhe më e theksuar, pasi skuadra shpesh ka pasur vështirësi në kontrollin e ndeshjeve kundër kundërshtarëve më të fortë.
De Jong, i cili së fundmi zgjati kontratën e tij me Barcelonën, do të ishte një blerje e vështirë, por potencialisht vendimtare. Stam përfundon se ai nuk i sheh këto nënshkrime si zgjidhje individuale, por si pjesë të nevojshme për të ndërtuar një sistem më të mirë.
"Unë gjithmonë e shikoj sistemin e United dhe mënyrën se si dua që ata të luajnë, dhe besoj se ata do të bëheshin një ekip më i mirë me Balebën dhe De Jong në të", përfundoi legjenda holandeze. /Telegrafi/
Barcelona dhe trajneri Hansi Flick kanë marrë një lajm pozitiv gjatë ditës së sotme, pasi dy lojtarë i janë bashkuar skuadrës në stërvitje.
Sipas gazetës Sport, Hansi Flick mori një shtysë së fundmi, pasi Fermin Lopez dhe Frenkie de Jong u rikthyen në stërvitje me Barcelonën.
Fermin, i cili kishte qenë jashtë fushave për shkak të një dëmtimi në pulpë të këmbës që mori kundër Athletic Bilbaos pas dhimbjeve të mëparshme në Stamford Bridge, është rikuperuar më shpejt se sa pritej.
Ai përfundoi një pjesë të seancës stërvitore me skuadrën dhe mund të luajë kundër Real Betis në Sevilja, megjithëse objektivi i tij për një rikthim të plotë është ndeshja e së martës në Ligën e Kampionëve kundër Eintracht Frankfurt.
Frenkie de Jong është rikthyer gjithashtu pasi mungoi në tre ndeshje, ku fillimisht për shkak të pezullimit dhe më pas për shkak të temperaturës.
Ai mbërriti herët në qendrën stërvitore dhe pritet të jetë i disponueshëm për ndeshjen e së shtunës në La Cartuja.
Duke pasur parasysh rëndësinë e tij dhe faktin se problemi nuk lidhej me lëndim, Flick ka të ngjarë ta marrë në konsideratë atë për formacionin titullar. /Telegrafi/
Barcelona mori lajme të përziera nga seanca e së enjtes, teksa një tjetër lojtar kyç doli nga planet për shkak dëmtimi, ndërsa në anën tjetër skuadra mori sinjale shumë pozitive nga lojtarët që po rikuperohen.
Fermin Lopez jashtë për disa javë
Pjesa negative për katalanasit lidhet me mungesën e Fermin Lopez në stërvitje. 22-vjeçari, një ndër lojtarët më të qëndrueshëm të Hansi Flick këtë sezon, do të mungojë për disa javë, duke e përjashtuar nga dueli i rëndësishëm kundër Atletico Madrid të martën në Camp Nou.
Lajme të mira nga Pedri
Ndërkohë, Pedri Gonzalez kreu një pjesë të seancës stërvitore me grupin, duke konfirmuar progresin e tij. Flick kishte deklaruar më herët se mesfushori mund të ishte në garë për minutat e para kundër Alaves, dhe gjithçka po shkon sipas planit.
Sipas Diario AS, nëse Pedri përfundon pa probleme seancat e së enjtes dhe të premtes, ai mund të marrë rreth 15 minuta lojë këtë fundjavë.
Rikthimi i tij do të vinte 10 ditë para afatit fillestar të parashikuar prej gjashtë javësh. Megjithatë, edhe nëse luan ndaj Alaves, nisja titullar kundër Atletico Madrid mbetet e pamundur, por pritet të ketë ndikim më të madh nga stoli.
Opsionet e Flick në mesfushë për sfidën ndaj Atletico Madrid
Me rikthimin e Raphinhas dhe Joan Garcias, Barcelona ka rimarrë disa titullarë të rëndësishëm pas ndërprerjes së kombëtareve.
Mungesa e Ferminit pritet ta detyrojë Flick të formojë një mesfushë me Frenkie de Jong dhe Dani Olmo, ndërsa Eric Garcia ka qenë surpriza e trajnerit si mesfushor mbrojtës kundër Chelseat dhe Athletic Club.
Në varësi të gjendjes së Pedrit, në rolin e mesfushorit mbrojtës ndaj Atletico pritet të aktivizohet Eric Garcia ose Marc Casado, ndërsa Marc Bernal mbetet një opsion më i largët, por jo i pamundur. /Telegrafi/
Barcelona kthehet në La Liga të shtunën, më 22 nëntor, në një ndeshje sfiduese kundër Athletic Bilbao. Është gjithmonë një ndeshje e vështirë për shkak të forcës së kundërshtarit, por situata bëhet edhe më e komplikuar nga mungesat në skuadrën Blaugrana.
Hansi Flick do të ketë portierin Joan Garcia dhe sulmuesin Raphinha përsëri në skuadër, përveç ndonjë pengese në minutën e fundit, por trajneri i Barcelonës përballet me një problem serioz në mesfushë.
Për herë të parë që kur mori drejtimin e Barçës, ai do të jetë pa tre mesfushorët e tij më të mirë: Pedrin, Frenkie De Jongun dhe Gavin.
Mungesa e këtij të fundit nuk është krejtësisht e papritur, pasi ai ka qenë jashtë fushave për disa muaj pas një operacioni në meniskus, dhe është ende disa muaj larg rikthimit, me pritjet që të jetë midis janarit dhe shkurtit të vitit të ardhshëm.
Megjithatë, mungesat e dy të tjerëve janë të përkohshme, megjithëse më serioze, pasi ata formojnë dyshen titullare në formacionin e Flick.
Sanksioni i De Jongut
Holandezi nuk do të jetë i disponueshëm pasi u përjashtua në ndeshjen e fundit kundër Celta Vigos. Pezullimi me një ndeshje u konfirmua nga Komiteti i Garave të enjten.
Ndërkohë, Pedri gjithashtu nuk do të jetë i disponueshëm pasi ende nuk është rikuperuar nga dëmtimi. Lojtari nga Ishujt Kanarie po përmirësohet ndjeshëm, por nuk do të jetë i gatshëm në kohë për ndeshjen kundër Bilbaos.
Prandaj, Flick nuk ka zgjidhje tjetër veçse të improvizojë në mesfushë.
Casado synon të jetë titullar
Marc Casado duket se e ka siguruar vendin e tij në formacionin titullar. Ai është lojtari që ka zëvendësuar lojtarët titullarë kur ka qenë e nevojshme për t'u dhënë pushim.
Është e vërtetë që ai nuk mundi të luante kundër Celta Vigos pasi ndjeu shqetësim gjatë ngrohjes, por tani është rikuperuar plotësisht dhe gjithçka tregon se do të jetë titullar kundër Atletico Bilbaos.
Mungesa e ritmit të Bernalit
Flick po shqyrton disa mundësi të tjera. Njëra do të ishte të aktivizonte Marc Bernal përkrah Casado në pozicionin e mesfushës të dyfishtë. Është pozicioni i tij natyror, por problemi është se ai mezi ka luajtur këtë sezon.
Pjesëmarrja e tij ka qenë minimale - vetëm 32 minuta në të gjitha garat - duke e bërë të vështirë për të që të startojë për shkak të mungesës së formës fizike në ndeshje.
Eric Garcia dhe Christensen
Nga aty, Flick do të duhet të kërkojë lojtarë nga pozicione të tjera për të mbushur boshllëqet. Duke parë mbrojtjen, ai zbulon se Eric Garcia dhe Andres Christensen mund të luajnë në atë pozicion të dyfishtë.
Nuk është një pozicion i panjohur për ta, pasi ata kanë luajtur tashmë disa minuta aty këtë sezon. Ka të ngjarë që njëri prej të dyve të jetë partner i Casados në mesfushë.
Dani Olmo dhe Fermin Lopez
Opsioni tjetër vjen nga pozicionet sulmuese. Si Fermin ashtu edhe Olmo mund të luajnë aty, megjithëse është larg pozicionit të tyre natyror.
Olmo ka luajtur disa minuta më vonë këtë sezon. Ai është i aftë, por larg zonës së penalltisë humbet disi nga efektiviteti i tij në shënimin e golave.
E njëjta gjë vlen edhe për Fermin: mjafton të shikosh numrin e golave që ka shënuar për të kuptuar se sa më larg të jetë nga porta e kundërshtarit, aq më pak rrezik paraqet.
Rregullimi i sistemit
Flick mund ta modifikojë gjithashtu sistemin dhe të luajë me një mesfushor mbrojtës dhe dy mesfushorë të avancuar.
Kjo do t’i lejonte Fermit dhe Olmos, nëse do të luanin, të kontribuonin në mesfushë, ndërkohë që qëndronin gjithashtu afër zonës së penalltisë së kundërshtarit.
Kthimi i Raphinhas do të jetë po aq i rëndësishëm që skuadra të ruajë aftësitë e saj sulmuese.
Frenkie de Jong ka zbuluar se është i lumtur në Barcelonë dhe nuk ka ndërmend të transferohet në Ligën Premier pavarësisht se ka marrë oferta para se të nënshkruante një zgjatje të kontratës.
Mesfushori holandez ka folur së fundmi për të kaluarën, tashmen dhe të ardhmen e tij.
“Liga Premier? Nuk mendoj kështu. Ka pasur oferta, por jam i lumtur te Barça”, ka thënë fillimisht De Jong.
“Liga Premier është liga më e mirë tani, ashtu siç ishte La Liga rreth dhjetë vjet më parë. Por kjo nuk do të thotë që duhet të luash atje për të treguar se je një lojtar i shkëlqyer”, përfundoi holandezi.
Ndryshe, De Jong i dha fund spekulimeve mbi të ardhmen e tij duke nënshkruar një kontratë të re muajin e kaluar deri në vitin 2029, duke zgjatur kështu qëndrimin e tij te Barça.
Ai ka qenë po aq ndikues sa kurrë më parë këtë sezon, duke performuar në kulmin e fuqisë së tij për skuadrën e Hansi Flick. /Telegrafi/
Barcelona arriti një fitore të rëndësishme në La Liga, duke mposhtur Celta Vigon me rezultatin 4-2 në Balaidos, ky sukses e ndihmon skuadrën e Hansi Flick të hyjë me besim në pushimin ndërkombëtar dhe të ngushtojë diferencën me Real Madridin në krye të tabelës.
Pas ndeshjes, trajneri gjerman u shpreh i kënaqur me reagimin dhe përmirësimin e skuadrës, duke theksuar se Barcelona është në rrugën e duhur.
“Luajtëm mirë me topin dhe në pjesën e dytë u mbrojtëm më mirë. Kjo pjesë e dytë na jep shumë besim për ndeshjet që vijnë. Jemi përmirësuar dhe do të vazhdojmë në këtë drejtim”, ka thënë Flick.
Ai shtoi gjithashtu se nuk i kushton vëmendje “zhurmës” rreth taktikave të tij, duke theksuar se fokusi mbetet te puna dhe përmirësimi i skuadrës.
Ylli i ndeshjes ishte Robert Lewandowski, i cili realizoi një tregolësh në ndeshjen e tij të parë si titullar pas dëmtimit në kofshë.
Flick vlerësoi rikthimin e polakut, por u shpreh se është ende herët për të përcaktuar rolin e tij si titullar fiks.
“Pas dëmtimit pashë një Lewandowski ndryshe, shumë pozitiv. Është mirë që shënoi tre gola, sepse kjo do t’i japë vetëbesim”.
Trajneri foli edhe për Frenkie de Jong, që zhvilloi një ndeshje të shkëlqyer por u ndëshkua me karton të kuq në fund, duke e përjashtuar nga sfida e ardhshme kundër Athletic Club.
“Ai ishte shumë i rëndësishëm për ne sot, kontrolloi lojën dhe luajti në nivel të lartë. Do të na mungojë në ndeshjen tjetër, por do të duhet ta menaxhojmë situatën. Shpresoj që Pedri të rikthehet dhe të jetë gati”, përfundoi Flick. /Telegrafi/
Mesfushori i Barcelonës, Frenkie de Jong, ka folur pas humbjes 2-1 ndaj Real Madridit, duke komentuar tensionet që pasuan ndeshjen, përplasjet pas përfundimit dhe komentet që përfshinë Lamine Yamal.
Barcelona pësoi humbje në udhëtim te madrilenët, të cilët ishin superior pavarësisht fitores vetëm 2-1.
Sa i përket incidentit në fund të ndeshjes, De Jong u shpreh: “Nuk e pashë situatën. Nuk e di çfarë ndodhi saktësisht, sepse isha ende në fushë dhe thjesht vura re shumë lojtarë e pjesëtarë të stafit që po grumbulloheshin”.
“Yamal? Pas fishkëllimës së fundit, shumë shkuan drejt Lamine. Mendoj se reagimi është pak i tepruar. Pyesni ata vetë”.
Për sjelljen e Carvajalit, De Jong sugjeroi një qasje më të matur: “Ai mund ta telefononte privatisht. Nëse je shok skuadre me Laminën dhe e njeh, mund ta thërrasësh në telefon në vend që të bësh gjeste në fushë.”
Së fundi, ai reagoi ndaj deklaratave të interpretuara rreth Real Madridit: “Lamine nuk tha se ata ‘vjedhin’. Ai ishte në Kings League, ata e krijuan situatën në tryezë, por Lamine nuk e tha drejtpërdrejt. Është pak e ekzagjeruar”.
Barcelona aktualisht renditet e dyta në La Liga, pesë pikë prapa Real Madridit./Telegrafi/
Sulmuesi Marcus Rashford ka zbuluar se huazimi i tij te Barcelona këtë verë nuk ishte hera e parë që kishte biseduar me klubin katalunas për një transferim.
Megjithatë, pas 24 vitesh te Manchester United, sulmuesi anglez ndjeu se kishte ardhur koha për një ndryshim.
Rashford, i cili kishte mbetur jashtë planeve të Ruben Amorim pas periudhës së huazimit te Aston Villa, po kalon një formë shumë të mirë në Spanjë — me pesë gola në 12 paraqitje, përfshirë dy gola në fitoren 6-1 ndaj Olympiacos në Ligën e Kampionëve.
Në një intervistë për ESPN para “El Clasicos” të së dielës ndaj Real Madridit, Rashford shpjegoi arsyen e vendimit për të lënë “Old Trafford”.
Marcus Rashford dhe Frenkie de Jong
“Ishte shumë vite në një vend. Njerëzit ndoshta e harrojnë këtë, por 24 vjet… ndonjëherë thjesht ke nevojë për një ndryshim. Po e shijoj çdo gjë këtu”.
Sulmuesi 27-vjeçar zbuloi gjithashtu se kontaktet me Barcelonën kanë ekzistuar prej kohësh.
“Nuk është hera e parë që kam folur me Barcelonën për mundësinë e kalimit këtu, por për arsye të ndryshme nuk ndodhi më herët. Tani është momenti im”.
I pyetur për përvojën e tij te klubi blaugranas, Rashford nuk fshehu entuziazmin.
“Po, sigurisht. Po e shijoj këtë klub. Barcelona është një nga klubet më të rëndësishme në historinë e futbollit. Për çdo lojtar është një nder të luash këtu”./Telegrafi/
Barcelona po përballet tashmë me një sërë dëmtimesh përpara përballjes së rëndësishme kundër Real Madridit të dielën.
Megjithatë, shqetësimet vazhdojnë të rriten pas një dyshimi të ri që u shfaq të enjten, me mungesën e Frenkie de Jong.
Mesfushori holandez nuk ka dëmtim, por sipas raportimeve të Sport, De Jong mungoi në stërvitje pasi nuk ishte ndier mirë, për shkak të një problemi në zorrë.
De Jong është një pjesë kyçe e skuadrës së Hansi Flick, dhe në mungesë të Marc-André Ter Stegen, ka mbajtur shiritin e kapitenit për pjesën më të madhe të kohës nën drejtimin e gjermanit.
Frenkie De Jong
Arsyeja pse Barcelona mund të jetë më e shqetësuar për sëmundjen e De Jong është precedenti i vendosur nga Andreas Christensen.
Mbrojtësi danez mungoi në ndeshjen kundër Olympiacos të martën për shkak të gastroenteritit dhe ishte sërish i pranishëm në mungesë gjatë stërvitjes së së enjtes.
Nëse de Jong do të preket për të njëjtën periudhë kohe, atëherë ai do të mungojë në El Clasico.
Lajmi pozitiv për blaugranët është se Raphinha dhe Ferran Torres u stërvitën me intensitet të plotë pa asnjë problem.
Ky i fundit u rikthye në listën e skuadrës për ndeshjen e së martës pasi kishte munguar në fitoren 2-1 ndaj Gironës, por rikthimi i tij ishte i pritshëm.
Christensen dhe De Jong i bashkohen listës së mungesave që tashmë përfshin Ter Stegen, Joan Garcia, Gavi, Robert Leëandoëski dhe Dani Olmo./Telegrafi/
Vetëm tre ditë para super sfidës me Real Madridin, Barcelona përballet me një tjetër shqetësim të madh.
Pas mungesës së Andreas Christensen në ndeshjen e Champions League ndaj Olympiacosit për shkak të një gastroenteriti, e njëjta situatë ka prekur edhe Frenkie de Jong.
Mesfushori holandez nuk mori pjesë në seancën stërvitore të mëngjesit, duke u bërë menjëherë dyshimi kryesor për përballjen e së dielës në “Santiago Bernabéu”.
Një javë shumë e rëndësishme për Frenkie De Jong. Jo vetëm që ai ka nënshkruar një zgjatje kontrate me Barcelonën deri në vitin 2029 , por gjithashtu, me këtë zgjatje kontrate, holandezi zgjidh debatin që ka vazhduar prej disa sezonesh rreth një largimi të mundshëm, për t'i dhënë klubit hapësirë financiare.
Tani, me marrëveshjen e nënshkruar, lojtari mbetet i qetë, por nuk harron se kishte njerëz që donin ta shisnin.
"Pati një kohë kur kishte njerëz në klub që donin të më shisnin për të fituar para. Mendoj se ishte në verën e vitit 2023 ose 2022 , nuk më kujtohet saktësisht".
"Gjithmonë kam qenë i qartë se doja të qëndroja te Barcelona. Gjithmonë kam qenë i lumtur të luaj këtu."
Frenkie De Jong
De Jong pranoi se situata financiare e klubit mund ta kishte çuar në prag të largimit, por ai ishte i bindur se nëse performanca e tij do të ishte e mirë, vazhdimësia e tij do të ishte e siguruar.
“Isha një lojtar në treg , por isha i qartë se doja të qëndroja dhe se, nëse gjithçka do të shkonte mirë, do të luaja”.
“Kur ke një kontratë, nëse do të qëndrosh, qëndron. Kjo është arsyeja pse nuk kisha frikë”, ka thënë mesfushori holandez.
De Jong tani e sheh të ardhmen me shumë më tepër besim. Ai e ka vendosur veten si mesfushori kryesor i Flick, i cili e konsideron atë një shtyllë kyçe të sistemit të tij./Telegrafi/
Kampionët aktualë të Spanjës, Barcelona e bëri sot (e mërkurë) zyrtare zgjatjen e kontratës me mesfushorin holandez, Frenkie de Jong.
28-vjeçari ishte një nga lojtarët kryesorë të Barcelonës në përpjekjen e tyre për të fituar kurorën e dyfishtë sezonin e kaluar, dhe si shpërblim, erdhi një kontratë e re.
Barcelona ka rinovuar edhe për katër vite tjera kontratën me yllin holandez, i cili do të mbetet pjesë e klubit nga Camp Nou deri në verën e vitin 2029.
“Mesfushori Frenkie de Jong ka zgjatur kontratën e tij me Barcelonën deri në vitin 2029, pasi të mërkurën holandezi nënshkroi kontratën e tij të re së bashku me presidentin Joan Laporta në zyrat qendrore të klubit”, thuhet në njoftim.
Sipas mediave spanjolle, klauzola e lirimit vlerësohet në gjysmë miliardi euro apo 500 milionë euro.
Ju kujtojmë se De Jong mbërriti te Barça në vitin 2019 nga Ajax në një transferim me vlerë 75 milionë euro. Deri më tani, ai ka luajtur 183 ndeshje dhe ka shënuar 14 gola. /Telegrafi/
Pas disa vitesh negociatash të gjata dhe të ndërlikuara, Frenkie de Jong dhe Barcelona më në fund kanë arritur një marrëveshje për zgjatjen e kontratës së mesfushorit holandez.
Lajmi është konfirmuar nga Mundo Deportivo, duke i dhënë fund një periudhe të gjatë pasigurie rreth të ardhmes së tij në “Camp Nou”.
Kontrata aktuale e De Jong skadonte në verën e vitit 2026, por tani është arritur akordi për një rinovim afatgjatë, me një klauzolë lirimi prej 500 milionë eurosh, një shifër që nënvizon rëndësinë e tij për klubin.
Në mënyrë të papritur, lojtari 28-vjeçar ka pranuar një ulje të konsiderueshme të pagës, diçka që ai e kishte kundërshtuar që prej ardhjes së presidentit Joan Laporta në vitin 2021. Në kontratën aktuale, De Jong fitonte rreth 365 mijë euro në javë, ndërsa shuma e re nuk është bërë ende publike.
Ky hap shihet si një gjest besnikërie dhe përkushtimi ndaj projektit të Barcelonës, e cila ende ndodhet në një periudhë stabilizimi financiar. Drejtori sportiv Deco ka vlerësuar vazhdimisht rolin e holandezit, duke e cilësuar si “lojtar themelor për të ardhmen e klubit”.
Frenkie de Jong iu bashkua Barcelonës në verën e vitit 2019 nga Ajax, për një shumë prej 86 milionë eurosh. Që prej asaj kohe, ai është shndërruar në një element të domosdoshëm në mesfushën katalanase, duke mbetur një prej lojtarëve më të qëndrueshëm të skuadrës.
Ky rinovim i jep fund spekulimeve për një largim të mundshëm në Ligën Premier, dhe e konfirmon De Jong si një nga shtyllat kryesore të projektit afatgjatë të Barcelonës. /Telegrafi/
Frenkie De Jong ka kundërshtuar hapur vendimin e La Ligës për të zhvilluar ndeshjen mes Villarrealit dhe Barcelonës, e vlefshme për javën e 17-të të kampionatit, më 20 dhjetor në Hard Rock Stadium në Miami.
Duke folur para ndeshjes kualifikuese për Kupën e Botës mes Holandës dhe Maltës, mesfushori shprehu mosmarrëveshjen e tij të plotë me këtë plan.
“Nuk më pëlqen që do të luajmë atje dhe nuk jam dakord me këtë. Nuk është e drejtë për garën. Tani do të luajmë një ndeshje jashtë fushe në një terren neutral”, u shpreh ai.
“Nuk më pëlqen dhe nuk mendoj se është e drejtë për lojtarët,” shtoi më tej, duke theksuar se përtej aspektit komercial, janë pikërisht lojtarët ata që preken më shumë nga udhëtimi dhe kushtet”.
Kjo ndeshje do të jetë e para e La Ligës që zhvillohet jashtë Spanjës, një hap historik që La Liga e mbron si pjesë të strategjisë së saj për zgjerim ndërkombëtar.
Megjithatë, De Jong e bëri të qartë se nuk e ndan këtë pikëpamje.
“Klubet do të përfitojnë nga kjo, por unë nuk jam dakord që të luhet një ndeshje kampionati në Miami. E kuptoj që edhe disa klube të tjera nuk janë dakord”, deklaroi ai.
Përzgjedhësi i kombëtares holandeze dhe ish-trajneri i Barcelonës, Ronald Koeman, mbështeti qëndrimin e De Jong, duke e quajtur vendimin pa sens.
Koeman, i njohur me ngarkesën që përballojnë lojtarët dhe me kërkesat e kalendarit, paralajmëroi se lëvizje të tilla shtrembërojnë frymën e garës./Telegrafi/
Mesfushori i Barcelonës, Frenkie de Jong, ka folur me sinqeritet pas humbjes së rëndë të skuadrës së tij me rezultat 4-1 ndaj Sevillas, duke theksuar se ekipi nuk arriti të japë më të mirën, pavarësisht përmirësimit në pjesën e dytë.
“Kur humb, gjithmonë zhgënjehesh. Në pjesën e parë nuk luajtëm mirë, në pjesën e dytë ishim më mirë, por për fat të keq humbëm”, deklaroi De Jong për mediat e klubit katalanas.
Reprezentuesi holandez vuri në dukje se orari i ngjeshur dhe lodhja fizike kanë ndikuar në paraqitjet e fundit të Barcelonës.
“Mendoj se një pjesë e kësaj është akumulimi i lodhjes. Është ajo që është. Kemi luajtur shtatë ndeshje në 21 ditë, por ndonjëherë ndjekja e topit të lodh më shumë se çdo gjë tjetër”, tha de Jong.
Pas këtij takimi, De Jong do t’i bashkohet përfaqësueses së Holandës për ndeshjet e ardhshme kualifikuese të Kupës së Botës, ndërsa Barcelona do të kërkojë të rikthehet në formën e zakonshme pas rikthimit nga pauza ndërkombëtare. /Telegrafi/
Holandezi i Barcelonës, Frenki De Jong, është shfaqur shumë i zhgënjyer pas ndeshjes.
“Unë mendoj se ata ishin më të mirë në finale dhe në pjesën e dytë në përgjithësi. Ne e filluam lojën më mirë. Ishte pak një kundër një, por është e vërtetë që në pjesën e dytë ata ishin më të mirë se ne.
Ishte një lojë e mirë për të parë se ku jemi.
Ne jemi më të mirët në Evropë. Sot ata fituan, por ka ende një rrugë të gjatë për të bërë në Ligën e Kampioneve. Edhe pse dhemb të kesh humbur, nuk është vendimtare në këtë Ligë të Kampioneve .Ne gjithmonë duam të fitojmë, nuk largohemi të lumtur.
Ka ende një rrugë të gjatë për të bërë. Ishte një lojë e mirë, ne duhet të përmirësohemi dhe ne e dimë këtë. Ne do ta bëjmë atë”, deklaroi mesfushori.
Trajneri i Barcelonës, Hansi Flick, ka lavdëruar ndikimin e dyshes së mesfushës, Pedri dhe Frenkie de Jong, duke theksuar se po luajnë në një nivel të jashtëzakonshëm këtë sezon.
Flick gjithashtu u pajtua me lëvdatat e ish-lojtarit të Manchester United, Paul Scholes, për Pedrin, pas performancës brilante kundër Newcastle United në Ligën e Kampionëve.
“Kur je sulmues, ke më shumë fokus. Nëse Scholes, i cili ishte një lojtar i mrekullueshëm, e thotë këtë, është një gjë e mirë, sepse ai e di për çfarë flet. Pedri është në një nivel të jashtëzakonshëm, ashtu si edhe Frenkie”, tha Flick.
Trajneri gjerman shtoi se është shumë i kënaqur me atmosferën në stërvitje dhe se performanca e dyshes ndihmon ekipin të vazhdojë të përmirësohet.
De Jong është bërë një figurë kyçe në ekip dhe Flick e vlerëson shumë bashkëpunimin me holandezin. “Nuk kam ndjerë kurrë se është kritikuar. Për mua, është fantastike ta kem atë në ekip. Ai është një lojtar shumë i rëndësishëm dhe flas shumë me të sepse më pëlqen të dëgjoj mendimin e tij”, shtoi trajneri.
Pedri dhe De Jong kanë formuar një nga partneritetet më të forta në Evropë dhe kanë ndihmuar Barcelonën të regjistrojë pesë fitore nga gjashtë ndeshje këtë sezon.
Dyshja do të jenë çelësi për sfidën e madhe të Ligës së Kampionëve kundër PSG-së javën e ardhshme, ku Barcelona synon të shfaqë fuqinë e mesfushës së saj brilante. /Telegrafi/
Afati kalimtar mund të jetë mbyllur këtë javë, por drejtori sportiv i Barcelonës nuk mund të marrë ende frymë lirisht.
Blaugranasit kanë pesë lojtarë të cilëve u skadon kontrata pas sezonit të ardhshëm, dhe të paktën tre prej tyre kërkojnë vëmendje të menjëhershme.
Një nga çështjet thuhet se është tashmë e zgjidhur, ajo e Marc Bernal, i cili në të gjitha aspektet ka një marrëveshje të re që e mban në klub deri në vitin 2029.
Barcelona i rinovoi kontratën verën e kaluar, menjëherë pas dëmtimit të ligamentit të gjurit, por ende nuk e ka regjistruar këtë marrëveshje në La Liga.
Ndërkohë, Barcelona ka zhvilluar bisedime këtë javë me përfaqësuesit e Frenkie de Jong për një marrëveshje të re, por nuk ka arritur marrëveshje përfundimtare.
Si De Jong ashtu edhe Eric Garcia, me të cilin Barcelona ende nuk ka filluar negociata konkrete, pritet që të nënshkruajnë kontrata të reja.
Sa i përket sulmuesit veteran Robert Lewandowski, pritshmëritë janë që ai ta përmbushë kontratën e tij me Barcelonën dhe të largohet pas përfundimit të saj, duke shënuar vitin e katërt në Kataloni.
Polaku do të mbushë 38 vjeç verën e ardhshme, por vendimi për të ardhmen e tij mund të varet nga ajo që mund të ofrojnë klubet arabe dhe nëse Barcelona arrin të gjejë një zëvendësues të denjë. Gjithsesi, është një vendim që duhet marrë.
Ka edhe më shumë pasiguri rreth të ardhmes së Andreas Christensen.
Barcelona tentoi ta shiste mbrojtësin danez këtë verë, por ai refuzoi të largohej, dhe duket se synimi i tij është të lejojë që kontrata aktuale të skadojë./Telegrafi/
Në një epokë ku informacioni rrjedh me shpejtësi të madhe dhe zbulimet për transferimet janë të zakonshme, Porto ka befasuar të gjithë me një lëvizje të fshehtë.
Klubi portugez priti Atletico Madridin në stadiumin “Dragao”, dhe askush nga mijëra tifozët në tribuna nuk kishte dijeni për surprizën që do të vinte.
Përpara fillimit të ndeshjes, Porto prezantoi zyrtarisht skuadrën për sezonin e ri, dhe në fund njoftoi se Luuk de Jong ishte lojtari më i ri i ekipit.
Porto scheduled Luuk de Jong’s medical tests as a handball player so the information wouldn’t leak.
Only the club board members knew about his surprise presentation.
Login
