Gjykata e Posaçme Kundër Korrupsionit dhe Krimit të Organizuar (GJKKO) ka rrëzuar kërkesën e kryetarit të Bashkisë së Tiranës, Erion Veliajt, për zëvendësimin e masës së e sigurisë “arrest me burg”.
MALIQ– Një banesë dykatëshe është përfshirë nga flakët në fshatin Zvezdë të Maliqit. Fatmirësisht, familjarët kanë arritur të dalin jashtë pa pësuar probleme shëndetësore.
Sipas të dhënave paraprake, në momentin kur zjarri ka rënë, familjarët kanë qenë në gjumë, ndërsa fqinjët kanë ndërhyrë menjëherë duke i ndihmuar të largohen nga banesa.
Në vendngjarje ndodhen forcat zjarrfikëse, të cilat po punojnë për shuarjen e flakëve dhe vënien e situatës nën kontroll. Shkaku i zjarrit nuk dihet ende dhe pritet të zbardhet nga autoritetet përkatëse./abcnews.al
TIRANË- Kryeministri Edi Rama deklaroi se buxheti i mbrojtjes për vitin 2026 ka tejkaluar objektivin bazë të shpenzimeve, duke shkuar mbi 2% të Prodhimit të Brendshëm Bruto, pragun standard të NATO-s për të gjitha vendet anëtare.
Gjatë një adresimi publik, Rama iu referua konferencës së zhvilluar këtë javë nga Ministri i Mbrojtjes, ku u prezantuan detaje të rëndësishme mbi buxhetin, duke theksuar se ky nivel shpenzimesh nuk përfaqëson thjesht një angazhim për të shpenzuar më shumë, por një qasje proaktive ndaj detyrimeve ndërkombëtare dhe zhvillimit të një industrie të re të mbrojtjes në vend.
Sipas tij, ky është buxheti me investimin më serioz historikisht në sektorin e mbrojtjes, ndërsa përmasat dhe struktura e financimit tregojnë fillimin e një kthese strategjike afatgjatë.
Ai nënvizoi se kjo qasje nuk kufizohet më vetëm në blerje pajisjesh apo modernizim përmes importeve, por synon ndërtimin e kapaciteteve të qëndrueshme ushtarake dhe industriale brenda vendit.
“Ministri i Mbrojtjes bëri me dije në një konferencë gjatë kësaj jave shumë detaje lidhur me buxhetin e mbrojtjes për vitin 2026, i cili e ka tejkaluar objektivin bazë të shpenzimeve për mbrojtjen, duke shkuar mbi 2% të prodhimit të brendshëm bruto, pra mbi atë pragun standard të NATO-s, që është edhe pragu standard për të gjitha vendet anëtare. Ky nivel shpenzimesh tregon, jo thjesht një shifër që është më e lartë se sa pragu, as një angazhim thjeshtë për të shpenzuar, por tregon edhe një qasje proaktive ndaj detyrimeve tona, jo vetëm ndërkombëtarisht, por edhe për të zhvilluar një industri të re të mbrojtjes.
Është buxheti me investimin më serioz në mbrojtje historikisht dhe këto përmasa financimi, struktura e financimit, flasin për fillimin e një kthese strategjike afatgjatë, që nuk kufizohet më në blerje pajisjesh apo thjesht në modernizim përmes blerjeve, por synon ndërtimin e kapaciteteve të qëndrueshme ushtarake dhe industriale këtu në vend dhe kjo qasje lidhet me një bazë vendore të industrisë së mbrojtjes, lidhet me investime në prodhim, jo vetëm për nevojat e brendshme, por edhe për eksport, lidhet transferim teknologjie dhe mirëmbajtje dhe lidhet në instancë të fundit me atë domosdoshmëri të prekshme, që tanimë mund ta adresojmë, sepse i kemi krijuar mundësitë. Është një Shqipëri tjetër me fuqi të tjera për të bërë të mundur që në sektorin e mbrojtjes shteti, jo thjesht të shpenzojë, pra, jo vetëm të shpenzojë, por edhe të fitojë dhe duke fituar të riinvestojë. Dhe duke investuar dhe riinvestuar, të rrisë edhe mundësitë për punësim cilësor të mirëpaguar.”, u shpreh Rama./abcnews.al
TIRANË- Kryeministri Edi Rama gjatë komunikimit të përjavshëm në podkastin “Flasim” pohoi se lufta kundër informalitetit në sektorin e ndërtimit po jep rezultate konkrete, duke reflektuar rritje të ndjeshme të pagave dhe kontributeve shoqërore e shëndetësore.
Teska iu referua deklaratës së Ministrit të Financave, Rama nënvizoi se falë qasjes aktive të ministrisë dhe autoriteteve tatimore, po parandalohet goditja e padrejtë e familjeve të punonjësve në ndërtim nga informaliteti.
Sipas Kryeministrit, të dhënat tregojnë një përmirësim të dukshëm në fondin e pagave dhe kontributeve në këtë sektor.
Po ashtu, Rama theksoi se është ulur ndjeshëm numri i pagave të deklaruara në fashën 500 euro, ndërkohë që është rritur numri i pagave mbi 700 dhe mbi 1 mijë euro, me një rritje deri në 18%.
“Një tjetër adresim i javës ishte adresimi që u bë nga Ministri i Financës dhe e sjell këtu sepse ka një subjekt me rëndësi, subjektin e informalitetit në ndërtim. Dhe faktikisht jemi në një proces, ku shohim përmirësime të vazhdueshme, falë qasjes aktive të Ministrisë së Financave dhe të autoriteteve tatimore për të mos lejuar që informaliteti të godasë në mënyrën më të padrejtë familjet e atyre që punojnë në sektorin e ndërtimit.
Dhe kemi të reflektuar në fondin e pagave, të kontributeve shoqërore dhe shëndetësore në sektorin e ndërtimit, një rritje domethënëse. Një rritje domethënëse që do të thotë një deklarim shumë më real të pagave pasi administrata tatimore dërgoi rreth 15 mijë mesazhe të personalizuara, të cilat dhanë si efekt që për rreth 18 mijë të punësuar, fondi i pagave u rrit me 9%, ndërsa kontributet me 4%.
Po ashtu, ulja e numrit të pagave në fashën e 500 eurove është domethënëse, ashtu siç është rritur ndjeshëm numri i pagave mbi 700 dhe mbi 1 mijë euro, një rritje deri në 18 %, si dhe paga mbi 1200 euro me një rritje mbi 10%.
Këto janë tregues të qartë, jo vetëm të faktit që pagat janë rritur ndjeshëm, por mbi të gjitha të faktit se edhe ekonomia informale po ulet ndjeshëm”, theksoi Rama/ abcnews.al
TIRANË- Kryeministri Edi Rama, u shpreh se këtë javë janë shpallur të gjitha dëmshpërblimet për 15 bashkitë e prekura nga zjarret gjatë verës së kaluar, për periudhën 15 qershor–15 shtator.
Sipas Ramës, dëmshpërblimet janë realizuar përmes Agjencisë Kombëtare të Mbrojtjes Civile dhe përfshijnë bashkitë Malësi e Madhe, Krujë, Rrogozhinë, Peqin, Tepelenë, Delvinë, Has, Kukës, Dibër, Kamëz, Librazhd, Gramsh, Maliq, Finiq dhe Dropull.
Ai theksoi se është kryer një punë shumë e detajuar dhe se është ndërtuar e gjithë korniza e nevojshme për të garantuar që dëmshpërblimi të shkojë aty ku duhet, në mënyrë që çdo qytetar i dëmtuar të marrë atë që i takon.
“Këtë javë janë shpallur edhe të gjitha dëmshpërblimet për 15 bashkitë e prekura nga zjarret e verës së kaluar për periudhën 15 qershor-15 shtator, përmes Agjencisë Kombëtare të Mbrojtjes Civile, që nga Malësia e Madhe, në Krujë, Rrogozhinë, Peqin, Tepelenë, Delvinë, Has, Kukës, Dibër, Kamëz, Librazhd, Gramsh, Maliq, Finiq dhe Dropull. Të gjitha këto territore të prekura nga zjarret kanë tanimë në dispozicion masën e përcaktuar të dëmshpërblimeve sipas dëmeve.
Është bërë një punë shumë e detajuar dhe është krijuar më e rëndësishmja, e gjithë korniza për të bërë të mundur që dëmshpërblimi të shkojë aty ku duhet dhe cilido që është dëmtuar të marrë atë që i takon”, tha Rama./abcnews.al
Goditet një grup kriminal, i cili shiste armë zjarri në Tiranë, të trafikuara nga Kosova. Gjatë kontrollit, Policia ka gjetur 8 armë zjarri (5 pistoleta dhe 3 automatikë), pjesë të ndryshme armësh, një armë gjahu, krehra dhe municion luftarak, 3 radio si ato të policisë, një jelek multifunksional dhe 9 celularë.
Nga hetimet dy mujore, dyshohet se këta persona, pasi siguronin armë zjarri kryesisht nga Kosova, i sillnin ato në Tiranë dhe më pas modifikoheshin dhe magazinoheshin në Selitë.
Nën drejtimin e Prokurorisë punohet për identifikimin dhe kapjen e personave të tjerë të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
TIRANË– Kryeministri i vendit Edi Rama në podkastin e përjavshëm “Falasim” iu dha përgjigje akuzave për zhvendosjen e zyrës së Kadastrës së Vlorës, në Tiranë.
Sipas Ramës, zhvendosja e zyrës në kryeqytet nuk cenon shërbimin ndaj qytetarëve.
Ai u shpreh se synimi i qeverisë është që institucioni i Kadastrës të jetë tërësisht e digjitalizuar, ku qytetarët do mund të aplikojnë online pa pasur nevojë të ënden zyrave të tjera, siç ka ndodhur deri tani.
Më tej, Rama u shpreh se rasti i zhvendosjes së Kadastrës nuk do jetë i vetëm, por paralajmëroi se të njëjtin fat do kenë edhe disa drejtori të tjera.
“Dy fjalë për zhvendosjen e zyrës së Kadastrës së Vlorës në Tiranë. Dhe janë dy fjalë që duhen thënë, sepse edhe një herë tjetër u ngatërrua qëllimisht ose më falni idiotësisht, adresa fizike e zyrës me shërbimin për qytetarët.
Agjencia Shtetërore e Kadastrës, ka kaluar prej kohësh nga një model shërbimi primitiv me sportele, radha, ecejake, zvarritje etj, etj, në një model shërbimesh online, ende i pambyllur plotësisht në të gjithë ciklin e vet, por gjithsesi përmes platformës, e-Albania, ky model mundëson që shumica e procedurave kadastrale, nuk kanë nevojë për paraqitjen fizikisht në një sportel të qytetarit. Kartela pasurie, vërtetime, regjistrime aktesh, kontratash, rivlerësime, të gjithë aplikohen dhe ndiqen online nga kudo, ku ndodhet qytetari, edhe nga Amerika.
Tani, gjithë kjo zhurmë dhe ky tension që u ndje në atë lëvizje, lidhet, jo vetëm me një perceptim të gabuar apo edhe informim të mangët, por edhe me një mendësi, e cila duhet përmbysur dhe duhet përmbysur, duke pasur parasysh që e nesërmja e afërt, jo e largët e Kadastrës, është një shërbim si plot shërbime të tjera, pa sportele, pa godina fizike të shpërndara në territor, por me akses në çdo shërbim, si një e drejtë themelore dhe një e drejtë që merret përmes celularit, që merret përmes kompjuterit më të afërt dhe që nuk ka asnjë lidhje me vendodhjen e zyrës.
Ky, nuk është i pari si veprim për zhvendosjen e një drejtorie vendore në qendër dhe nuk është as i fundit. Të tjera drejtori do të zhvendosen dhe ndërkohë, ajo që po punojmë për ditë pa pushim është që të sigurojmë mbylljen e ciklit, pra, jo më aplikim online dhe pastaj marrje mbrapsht të shërbimit me postë, por aplikim online dhe marrja e shërbimit menjëherë po aty online.”, tha Rama.
Në orët e para të mëngjesit të sotëm, rreth orës 02:45, është shënuar një rritje e pazakontë e nivelit të detit, një fenomen që sipas peshkatarëve vendas nuk është vërejtur më parë me këtë intensitet.
Uji ka avancuar drejt tokës duke depërtuar në disa zona pranë qendrës së peshkimit në Radhimë, ndërsa varkat e ankoruara janë tendosur fort nga litarët për shkak të ngritjes së menjëhershme të nivelit të detit. Po ashtu, uji ka vërshuar edhe në magazinat pranë portit të peshkimit, duke krijuar një situatë shqetësuese për mjetet dhe pajisjet e punës së peshkatarëve por fatmiresisht pa probleme
Sipas dëshmive të tyre, rritja e nivelit të detit ka qenë dukshëm më e madhe se baticat e zakonshme, duke arritur gati në 1 metër, madje edhe më shumë.
Një tjetër element shqetësues ka qenë edhe fakti se disa peshq janë parë të dalë në tokë, një fenomen që zakonisht ndodh gjatë detit të trazuar ose ndryshimeve të forta të nivelit të ujit.
Zakonisht niveli i baticës dhe zbaticës është 40–60 centimetra, por kësaj here ka qenë më shumë se 1 metër.
Edhe peshkatarë të tjerë, të cilët ndodheshin në det në atë orë, tregojnë të habitur për këtë fenomen të rrallë, duke theksuar se nuk kanë parë kurrë më parë një rritje kaq të frikshme dhe të menjëhershme të nivelit të detit.
Përballë turizmit masiv në destinacionet klasike evropiane, vende si Shqipëria, Mali i Zi, Maqedonia e Veriut, Kosova dhe Bullgaria po fitojnë terren në mesin e turistëve që kërkojnë pushime më të lira dhe më pak të populluara, shkruan Elena Horrillo në një artikull të botuar në të përditshmen spanjolle “El Pais”.
Vendet e Ballkanit vazhdojnë të thyejnë rekordin me numrin e lartë të turistëve. Më shumë se 1,1 miliardë turistë udhëtuan në vendet ballkanike midis janarit dhe shtatorit 2025, sipas raportit të fundit të Barometrit Botëror të Turizmit të kryer nga OKB-ja për TurizminTë dhënat treguan se numri i turistëve ishte 5% më shumë se në të njëjtën periudhë të vitit 2024 dhe 3% më shumë se në vitin 2019, vitin para pandemisë.
E gjithë kjo, për shkak të inflacionit të lartë në shërbimet turistike dhe situatës gjeopolitike globale që nuk është aspak e qetë.
Pushimet në destinacione më të përballueshme dhe më pak të mbushura me turistë, të cilat kanë qenë gjithmonë nën radarin e vizitorëve, tani po renditen gjithnjë e më shumë mes vendeve të preferuara të turistëve.
Sipas raportit të fundit të “Skyscanner”, dëshira për të udhëtuar jashtë vendit vazhdon të rritet, por më shumë se një e treta e turistëve (34%) kërkojnë në mënyrë aktive të shmangin zonat e mbipopulluara dhe 31% planifikojnë të vizitojnë vende të njohura, por vetëm jashtë sezonit turistik.
Një përqindje e ngjashme e turistëve thotë se mbipopullimi ka ndikuar negativisht në përvojën e tyre të udhëtimit.
Në sferën e pushimeve të fundjavës ose pushimeve tre ose katër ditore – sipas “eDreams”, turistët po shikojnë drejt destinacioneve evropiane më të përballueshme, por më pak turistike, dhe kjo mbetet një trend në rritje.
Duke pasur parasysh këta faktorë, Ballkani po e vendos veten si një destinacion në zhvillim në hartën e turizmit.
Sipas të dhënave të ofruara nga “Booking.com”, të gjitha destinacionet në këtë rajon kanë potencial të konsiderueshëm rritjeje deri në vitin 2026, veçanërisht gjatë muajve të verës.
Bullgaria kryeson, me një rritje tprej 44% krahasuar me të njëjtën periudhë në vitin 2025, e ndjekur nga Maqedonia e Veriut, me 35%. Kosova (23%), Shqipëria (20%), Mali i Zi (17%) dhe Serbia, me 3%.
Jo çuditërisht, Tirana, kryeqyteti i Shqipërisë, është ndër destinacionet e zgjedhura nga “Skyscanner” me çmimet më të përballueshme prej disa muajsh, dhe Shkupi, kryeqyteti i Maqedonisë së Veriut, është një nga vendet e rekomanduara për vitin 2026 – pasi kombinon në mënyrë të përkryer sharmin oriental të pazarit të vjetër osman me një qendër monumentale neoklasike të rinovuar.
Shqipëria
E njohur si Toka e Shqiponjave, Shqipëria po bëhet gjithnjë e më popullore. Nuk është çudi, që në vitin 2025 ajo priti 12 milionë turistë, një shifër pothuajse pesë herë më e madhe se popullsia e saj.
Tirana i bashkohet listës së kryeqyteteve evropiane më të vizituara nga turistët, pjesërisht falë aeroportit që ndodhet atje.
Turistët mund të bëjnë një shëtitje nëpër Sheshin Skënderbej, sheshin kryesor të qytetit, të vizitojnë Xhaminë Et’hem Behut, Muzeun Kombëtar ose Bibliotekën Kombëtare.
Megjithatë, nëse ka një vend që ia vlen vërtet të eksplorohet, është Bunk’Art 2, një bunker bërthamor i shndërruar në muze për të përkujtuar epokën e diktaturës së Enver Hoxhës.
Shqipëria gjithashtu krenohet me thesare arkeologjike si Parku Arkeologjik i Butrintit – me banjot termale dhe teatrin romak – dhe qytete të bukura historike si Berati dhe Gjirokastra.
Nëse jeni duke kërkuar një vend të izoluar, Thethi është porta hyrëse për në Alpet Shqiptare dhe fshatin e bukur të Valbonës.
Megjithatë, padyshim një numër më i madh turistësh tërhiqen nga Riviera Shqiptare, falë plazheve të saj magjepsëse.
E ashtuquajtura Riviera Shqiptare, në jugperëndim dhe e lagur nga deti Jon, shtrihet midis Vlorës dhe Sarandës me ujëra të kristalta, bukuri natyrore mahnitëse dhe çmime të arsyeshme.
Vendet kryesore përfshijnë Ksamilin, Gjirin e Dafinës dhe Syrin e Kaltër, një burim që, krenohet me ujërat mbresëlënëse ngjyrë bruz.
Presidenti amerikan Donald Trump ka pretenduar se dosjet Epstein e “lirojnë” nga akuzat. Duke folur për herë të parë rreth dokumenteve të publikuara, Trump tha se ato e kishin liruar nga akuzat për lidhjet e tij me Epstein.
Ndërsa fluturonte për në Florida, presidenti amerikan tha: “Nuk e pashë vetë, por disa njerëz shumë të rëndësishëm më thanë se jo vetëm që më shfajëson mua, por është e kundërta e asaj që shpresonin njerëzit, e dini, e majta radikale”.
Aty përfshihen imazhe të ish-princit Andrew Mountbatten-Windsordhe të ish-ambasadorit britanik në SHBA, Peter Mandelson.
Kryeministri britanik, Keir Starmer, ka bërë thirrje që Andrew të dëshmojë para Kongresit Amerikan për lidhjet e tij me Epstein.
“Nuk mund të jesh i përqendruar te viktima nëse nuk je i përgatitur ta bësh këtë”, shtoi ai.
Protesta të shtypura brutanlisht në vend nga regjimi, kërcënime për sulme nga presidenti i SHBA-së – në një sfond të tillë nga Irani vijnë lajme, se në jug të vendit ka pasur shpërthime. Si pasojë të shtunën (31.01.2026) kanë humbur jetën disa vetë.
Në qytetin port Bandar Abbas, sipas të dhënave të autoriteteve, kanë humbur jetën të paktën një person dhe 14 janë plagosur.
Shpërthimi, sipas të dhënave të zjarrfikësit, është shkaktuar nga një çarje në tubacion gazi. Në ndërtesë ishte akumuluar gaz, që shpërtheu më pas, tha shefi i zjarrëfikësit të zonës në televizionin shtetëror.
Agjencia e lajmeve Tasnim, që është e afërt me gardat iraniane të revolucionit (IRGC), i përgënjeshtroi fjalët që qarkulluan, se kjo ka qenë një përpjekje për sulm e komandantit të marinës IRGC, Aliresa Tangsiri. Agjencia shtetërore e lajmeve IRNA pubikoi një fotografi të fasadës pjesërisht të shkatërruar të ndërtesës me disa kate me apartamente banimi.
Shpërthim gazi në Ahvas
Sipas gazetës “Tehran Times” nga një shpërthim në qytetin Ahvas në afërsi me kufirin irakian humbën jetën katër vetë. Portali iranian online “Nur News” duke iu referuar shefit të zjarrëfikësit të këtij qyteti, njoftoi, se edhe aty kishte shpërthyer gaz. Shkak ka qenë një çarje tubacioni, njfton gazeta e Teheranit “Hamshahri” duke iu refreuar gjithashtu shefit të zjarrfikësit.
Dëshmitarë okularë njoftojnë gjithashtu për një shpërthim dhe shtëllunga tymi që u ngritën mbi kryeqytetin Teheran. Sipas një përfaqësuesi të autoriteteve një kallamishte kishte marrë zjarr në një lumë, njoftojnë mediat iraniane, raporton DW.
Izraeli hedh poshtë çdo përgjegjësi
Izraeli ka hedhur poshtë çfarëdolloj përgjegjësie lidhur me shpërthimet në Iran. Dy përfaqësues qeveritar i thanë agjencisë së lajmeve Reuter, se vendi i tyre nuk është i përfshirë në këto shpërthime.
Bandar Abbas është porti i dytë i kontenierëve për nga rëndësia në Iran. Ky port ndodhet në ngushticën Hormus, një nga rrugët më të rëndësishme detare ndërmjet Iranit dhe Omanit prej nga kalon rreth një e pesta e transporteve detare mbarëbotërore të naftës.
Në prill të vitit të kaluar në këtë port ndodhi po ashtu një shpërthim i rëndë, ku si pasojë humbën jetën disa vetë dhe u plagosën mbi 1000 të tjerë. Një komision hetimor bëri atëherë përgjegjës për fatkeqësinë mangësitë në masat e sigurisë.
Kërcënime reciproke
Së shpejti fillon një stërvitje triditore e marinës së gardave të revolucionit iranian në Gjirin Persik, ku do të marrin pjesë edhe Kina dhe Rusia. Sfondi i stërvitjes ka të bëjë me rritjen e tensioneve ushtarake. Presidenti i SHBA-së Donald Trumpka vendosur një flotë me aeroplanmbajtëse në rajon. Një “Armada” është në rrugë drejt Iranit, deklaroi Trump të enjten (29.01.2026).
Sipas të dhënave nga qarqet e brendshme Trump po shqyrton sulmet ndaj aparatit iranian të sigurisë, Republikani në mënyrë të përsëritur e ka kërcënuar Teheranin, se do të ndërhyjë në vend, pasi forcat e rendit kanë vepruar brutalisht ndaj protestuesve.
Presidenti i Iranit Massud Peseschkian akuzoi SHBA-në, Izraelin dhe Europën këtë të shtunë (31.01.2026), se po shfrytëzojnë problemet ekonomike të vendit, për të nxitur trazira. Shefi i ushtrisë Amir Hatami paralajmëroi SHBA-në në rast të një “gabimi, me të cilin mund të kërcënojë sigurinë e vet”. Pas kërcënimeve për sulm nga Trump Irani i ka vendosur forcat e armatosura në gatishmëri të lartë.
Ministrja gjermane e Ekonomisë, Katherina Reiche udhëtoi sot drejt Arabisë Saudite, ku shpreson të përfundojë një partneritet energjetik që synon të forcojë marrëdhëniet dypalëshe.
Para nisjes, Reiche tha se partneriteti i planifikuar energjetik do të përfshijë blerjen e produkteve të naftës dhe gazit nga Arabia Saudite, si dhe investime të synuara në energji të rinovueshme.
Ministrja përmendi teknologjitë e magazinimit dhe hidrogjenin e qëndrueshëm.
Reiche udhëton e shoqëruar nga përfaqësues të 35 kompanive dhe 11 startup-eve nga sektorët e energjisë konvencionale dhe të rinovueshme.
Arabia Saudite, e pasur me naftë, po përqendrohet gjithashtu fort në dekarbonizim.
Vizita, që pritet të zgjasë deri të martën, reflekton gjithashtu përpjekjet e Gjermanisë për të zgjeruar partneritetet ndërkombëtare në një kontekst të rritur pasigurie gjeopolitike.
“Kur partneritetet, mbi të cilat kemi mbështetur për dekada, fillojnë të bëhen pak të brishta, duhet të kërkojmë partnerë të rinj”, tha Reiche, duke iu referuar tensioneve në marrëdhëniet trans-atlantike që nga kthimi i presidentit amerikan Donald Trump në detyrë.
“Si një vend me orientim eksporti, Gjermania duhet të zgjerojë bazën e saj”, shtoi ajo.
Për ditën e diel vendi ynë do të vijojë të ndikohet nga kushte atmosferike të paqëndrueshme.
Moti parashikohet me vranësira mesatare e të ndendura si dhe alternime të herëpashershme kthjellimesh.
Reshje shiu të herëpashershme me intensitet të ulët që në orët e para 24-orëshit deri në mëngjes, fillimisht në jug të vendit e gradualisht do të shtrihen edhe në pjesën tjetër të territorit.
Lokalisht reshje shiu hera-herës në formën e shtrëngatave afatshkurtra, në orët e mesditës dhe pasdite reshjet me intensitet të ulët lokalizohen në veri e pjesërisht në relievet malore në juglindje.
Në orët e mbrëmjes reshjet e shiut ndërpriten në të gjithë vendin.
Në lartësinë mbi 900-1000 metra në verilindje-juglindje reshje bore me intensitet të ulët e lokalisht derimesatar kryesisht në juglindje.
Era do të fryjë do të fryjë me drejtim nga verilindje- lindje me shpejtësi mesatare 8 m/s, përgjatë vijës bregdetare dhe në zonat luginore era me shpejtësi deri në 17m/s.
Valëzimi në det pritet të jetë i forcës 2-3 ballë.
Dashi
Dite mjaft e qete dhe pa probleme kjo e sotmja për te dashuruarit. Do merreni vesh për çdo gjë dhe nuk do keni as problemin me te vogël. Beqaret do jene ne humor te keq dhe nuk do pëlqejnë te dalin neper takime. Pjesa me e madhe do parapëlqejë te mbyllet ne vetvete. Financat priten te jene goxha me te mira se kohet e fundit. Do dini si t’i menaxhoni paratë.
Demi
Dite shume e vështirë dhe shpesh e mbushur me mosmarrëveshje kjo e sotmja për te dashuruarit. Matuni mire para se te veproni qe situata te mos nxehet me tepër. Beqaret sado qe te mundohen nuk kane për ta gjetur dashurinë e madhe. Ne planin financiar do keni dhe do arrini ta stabilizoni sa hap e mbyll sytë situatën ne te cilën ndodheni.
Binjaket
Sot do flisni seriozisht me partnerin tuaj dhe do i zgjidhni problemet qe ju kane mbetur pezull nga e kaluara. Beqaret nuk do lënë vend pa e kërkuar dashurinë, por nuk do e gjejnë askund atë. Do e vuajnë vetminë, megjithatë do ju duhet ende te presin. Ne planin financiar gjithçka do ju shkoje ashtu si e kishit planifikuar kështu qe nuk do keni për çfarë te qaheni.
Gaforrja
Sektori i dashurisë nuk do ketë asnjë problem sado te vogël gjate gjithë kësaj dite. Te gjithë do ju përgëzojnë për mirëkuptimin dhe për harmoninë qe mbizotëron. Beqaret do jene te papërqendruar dhe nuk do e kenë mendjen te kërkojnë një person për ta pasur ne krah. Financat nuk mund t’i përmirësoni dot duke luajtur me lojëra fat.
Luani
Do ndiheni mjaft mire gjate kësaj dite pranë personit qe dashuroni dhe do mendoni t’i çoni gjerat edhe me tej. Shume do habiten dhe te tjerë do ju kenë zili, gjithsesi ju duhet te vazhdoni rrugën e nisur. Beqaret do jene gati edhe për ndonjë çmenduri te vogël. Mundësitë nuk do mungojnë. Financat fatmirësisht do mbeten ne te njëjtën gjendje.
Virgjeresha
Do e kaloni periudhën e vështirë ne jetën tuaj ne çift dhe do i shihni gjerat me më shume pozitivizëm gjate kësaj dite. Pritet te kaloni momente romantike ne mbrëmje. Beqaret do kenë një dite normale dhe pa asgjë te jashtëzakonshme. Buxheti do varet nga sjellja juaj kështu qe matuni disa here para se te kryeni investime apo shpenzime marramendëse.
Peshorja
Do ketë surpriza te mëdha gjate kësaj dite ne jetën tuaj sentimentale. Gjithçka do ju duket si neper përralla. Beqaret do njehen me persona te të njëjtit profesion dhe kjo do iu pëlqejë jashtë mase. Vazhdoni për pak kohe njohjen para se te merrni vendime. Financat do kenë disa përmirësime shume te vogla, por qe nuk do sjellin ndonjë ndryshim te situatës.
Akrepi
Duhet t’i kushtoni me tepër kohe sot jetës sentimentale sepse po e late pas dire do keni probleme serioze shume me shpejt nga sa mendoni. Beqaret do kërkojnë gjera te pamundura, prandaj do mbeten vetëm edhe gjate kësaj dite. Buxheti do jete i ekuilibruar. Mund te kryeni pa frike shpenzimet e domosdoshme.
Shigjetari
Dite plot diell dhe ngjyra kjo e sotmja për te dashuruarit. Nuk do privoheni nga asgjë përkundrazi do bëni ato qe ju thotë zemra. Beqaret nuk duhet ta humbin shpresën deri ne minutën e fundit sepse gjithçka mund te ndodhe papritur. Ne planin financiar tregohuni te arsyeshëm ne mënyrë qe gjendja te mbetet sa me e mire. Ne te kundërt do ketë probleme.
Bricjapi
Zemra juaj do rrahe edhe me fort gjate kësaj dite. Partneri do ju mbaje ne pëllëmbe te dorës dhe do e dashuroni atë me më shume pasion. Beqaret do jene te parrezistueshem dhe do marrin propozime nga te katërta anët. Me shume gjase do filloje një lidhje afatgjate. Për financat me te mira duhet te pranoni ndihmën qe do iu japin familjaret.
Ujori
Dite mjaft pozitive kjo e sotmja për te dashuruarit. Do zgjoheni me humor te mire dhe do jeni gati te bëni çfarëdo lloj sakrifice për te ruajtur harmoninë. Beqaret nuk do jene me shume fat ne dashuri she ka rrezik te mbeten serish vetëm. Sektori i financave do jete goxha i trazuar dhe delikat. Mundohuni te shpenzoni me shume kujdes dhe maturi.
Peshqit
Mos u tregoni impulsive gjate kësaj dite ne jetën tuaj sentimentale sepse situata mund t’iu dale tërësish jashtë kontrollit. Beqaret do kenë vetëm mundësi për aventura kalimtare, asgjë me tepër sesa kaq. Përfitoni nëse doni te përjetoni emocione te këndshme edhe sikur për pak kohe. Ne planin financiar do jeni te matur dhe do i menaxhoni me shume kujdes dhe maturi te ardhurat.
Ministri gjerman i Mbrojtjes, Boris Pistorius, ka vënë në dyshim nëse presidenti rus Vladimir Putin dëshiron realisht të arrijë paqen përmes negociatave për t’i dhënë fund luftës në Ukrainë.
Në një deklaratë për grupin mediatik RND, të publikuar sot, Pistorius tha se presidenti amerikan Donald Trump ka sjellë njëfarë dinamike në përpjekjet diplomatike, por theksoi se veprimet e Moskës tregojnë një realitet tjetër.
“Deri tani, nuk shoh asnjë shenjë që Rusia e dëshiron seriozisht paqen”, tha Pistorius.
Gjatë negociatave mes palëve ndërluftuese nën ndërmjetësimin e SHBA-së në Abu Dabi fundjavën e kaluar, Putin bombardoi Ukrainën “në një mënyrë që mezi është parë gjatë kësaj lufte”.
Sipas tij, këto sulme shkojnë përtej objektivave ushtarake.
“Ky është terror i drejtuar ekskluzivisht kundër popullsisë civile, gjatë një dimri me temperatura minus 20 gradë Celsius”, tha Pistorius.
“Putin nuk ka treguar asnjë gatishmëri për kompromis”, shtoi ai.
Në kryeqytetin ukrainas Kiev dhe në qytete të tjera, miliona njerëz kanë përjetuar javë të tëra errësire dhe të ftohti pas sulmeve ajrore ruse, të cilat kanë dëmtuar rëndë infrastrukturën e energjisë elektrike dhe të ngrohjes.
Gjatë bisedimeve, sulme të reja me dronë dhe raketa vonuan sërish riparimet e furnizimit me energji në Kiev për disa ditë.
Zëdhënësi i Kremlinit, Dmitry Peskov, deklaroi dje se Rusia do të respektojë kërkesën e Trump për një armëpushim të kufizuar dhe të përkohshëm në Ukrainë deri të dielën.
I pyetur për përpjekjet për ndalimin e sulmeve, Pistorius tha se nëse Putin do t’i merrte seriozisht bisedimet në Abu Dabi, nuk do të kishte nevojë që t’i kërkohej një armëpushim/abcnews.al
Një çift nga Tirana është arrestuar pasi kanë mashtruar qytetarët qe donin te blinin apartamente, duke u marre parate. Elvis Ramca dhe Veriana Ziu shtireshin si agjentë imobiliare dhe pasi përvetësonin paratë falsifikonin mandate banke për të mashtruar qytetarët se paratë ishin depozituar.
Mandatet e falsifikuara ua paraqitnin edhe shoqërive ndërtuese, duke i mashtruar per te lidhur kontrata për shitblerje apartamentesh.
Deri më tani janë janë dokumetuar 2 raste mashtrimi pas denoncimeve per 2 apartamente me vlerë rreth 150 mijë euro secili.
Për Veriana Ziun ky nuk është rasti I parë që është përfshirë në mashtrim. Ajo ishte arrestuar në vitin 2023 pasi mashtroi një person duke i premtuar një leje punësimi në Gjermani dhe duke I marrë 800 euro.
TIRANË- Pas zyrtarëve europianë, Sali Berisha u përball këtë të shtunë me kritika nga qytetarët për gjuhën e përdorur kundër Shqipërisë në institucionet ndërkombëtare.
“Çfarë mendon se fiton kur nxin kombin shqiptar në arenën ndërkombëtare”, e pyetën ndjekësit e tij.
Jo vetëm që nuk bën një hap pas, por Berisha justifikon qëndrimin e tij.
“Je gabim shumë, shumë. Unë, me zërin tim që denoncoj, mbroj ju, mbroj ata shqiptarë të ndershëm, të cilët nuk pajtohen me këto akte antikombëtare, antikushtetuese, çnjerëzore. Me këto akte të cilat Shqipërinë e nxjerrin nga harta e demokracive dhe e vendosin në hartën e autokracive”, pohoi kryetari i PD.
Të premten, Raportuesi për Shqipërinë i bëri thirrje kreut të PD që ti rikthehet debatit parlamentar, por Berisha nuk heq dorë nga molotovi. Por kur militantët i kërkojnë të qëndrojnë në shesh, befas kryetari i tyre i del kundër.
“Kjo është një kërkesë jashtëzakonisht e drejtë dhe është rruga e vetme efikase për të larguar këtë regjim nga pushteti. Por kjo kërkon nga secili nga ne që të bindim gjithnjë e më shumë qytetarë se qëndrimi në shesh për aq kohë sa ta largojmë regjimin është rruga më e sigurt e fitores tonë. U garantoj se drejt asaj, në mënyrë të pandalshme, do të shkojmë”, tha ai.
Por dhe dhunë e shkatërrim.
“Ne duhet të ua bëjmë ferr kësaj organizate kriminale, Tiranën. Kjo është arsyeja që ne përqendrohemi tërësisht në Tiranë”, tha Berisha.
Dhe mesa duket, ky është misioni i Berishës: në rrugë për protesta dhe jo në institucione për reforma. Në rrugë të kundër me ndërkombëtarët, ndërsa vendi ecën shpejt drejt integrimit europian./abcnews.al
VLORË- Në një moment vendimtar për fatin europian, raportuesi për Shqipërinë, Andreas Schieder, rikonfirmoi ambicien për anëtarësim në Bashkimin Europian brenda 2029, sipas një plani të dakordësuar mes Tiranës dhe Brukselit.
“Anëtarësimi në BE kërkon që të keni një standard jetese, sidomos këtu për të rinjtë që të integrohen me mënyrën e jetesës së Unionit. Ky nuk është vetëm projekt i qeverisë, por i të gjithëve, duke nisur që nga qytetarët që duhet të tregojnë se çfarë po shkon mirë dhe çfarë po shkon keq. Sa më shpejt, aq më mirë, por edhe pse nuk duhet të jap një datë specifike, dua thjesht të them që si relator dua që në fund të mandatit tim, pra në vitin 2029, të them që Shqipëria do t’i bashkohet BE-së”, tha Andreas Schieder, raportuesi për Shqipërinë në PE.
Shqipëria synon që brenda këtij viti të mbyllë deri në 16 kapituj, në mënyrë që brenda 2027 të përfundojë i gjithë procesi teknik. Por sfidë mbetet procesi politik, ku anëtarësimi duhet të ratifikohet në parlamentet e 27 vendeve anëtare.
“Duam të jemi besimplotë se do ecin mirë në të gjitha vendet anëtare, por duhet të jemi të vetëdijshëm se peizazhi politik në Europë po bëhet gjithnjë e më kompleks, me një prani të dukshme të partive populiste në parlament, sidomos të së djathtës ekstreme, që mund të kenë tundime kundër zgjerimit. Është e rëndësishme të punohet me opinionet publike në Europë, në mënyrë që të zvogëlohen perceptimet që qytetarët kanë për zgjerimin. Nuk jam i shqetësuar për Spanjën, që sipas sondazheve të fundit ka një nivel të lartë pranimi për zgjerimin. Që do të thotë, ne spanjollët duam që Shqipëria dhe vendet e tjera të jenë së bashku në BE sa më shpejt të jetë e mundur”, tha ambasadori i Spanjës në Tiranë, Gabriel Ventura.
Përveç Spanjës, në krah të Shqipërisë, në procesin e integrimit do të qëndrojë edhe Franca.
“Në rrugëtimin drejt Bashkimit Europian, askush nuk mund të dyshojë se Shqipëria ka kryer hapa gjigantë. Franca nuk harron gjithashtu forcën e angazhimit të Shqipërisë kur ishte në Këshillin e Sigurisë së Kombeve të Bashkuara, nuk ishte vetëm një vendim, ishte një demonstrim, ai i një kombi të aftë të përcjellë vlerat e paqes dhe drejtësisë kombëtare në nivelin më të lartë. Franca është përkrah jush, jo për t’ju numëruar hapat, por si një partner rruge që e di që forca e një bashkimi nuk matet vetëm në ditën e nisjes dhe ditën e mbërritjes, por në solidaritetin e lidhur në çdo kilometër të kryer së bashku”, tha Catherine Suard, ambasadore e Francës në Tiranë.
Ky vit konsiderohet vendimtar për Shqipërinë, e cila duhet të përafrojë legjislacionin shqiptar me atë të Bashkimit Europian dhe të mbyllë 33 kapituj të negociatave vitin e ardhshëm, në përmbushje të angazhimit për anëtarësim me të drejta në Bashkimin Europian brenda 2030./abcnews.al
Në një zonë minerare në Bulqizë, është gjetur pa shenja jeta një 58-vjeçar, i cili punonte si roje private te një subjekt minerar.
Nga hetimet paraprake të kryera dyshohet se 58-vjeçari mund të ketë rrëshqitur nga një lartësi dhe, për pasojë, ka humbur jetën.
Grupi hetimor, nën drejtimin e Prokurorisë, po punon për zbardhjen e rrethanave të kësaj ngjarjeje.
Login