Barcelona ka publikuar këtë të hënë fotografinë zyrtare të skuadrës për sezonin 2025/26. I gjithë ekipi, i udhëhequr nga presidenti Joan Laporta dhe trajneri Hansi Flick, pozoi në një imazh përkujtimor në fushën Tito Vilanova, në kompleksin stërvitor Ciutat Esportiva Joan Gamper.

Klubi realizoi dy fotografi zyrtare: në të parën u shfaqën lojtarët, përfshirë afrimin e dimrit Joao Cancelo, si dhe të lënduarit Gavi dhe Andreas Christensen, së bashku me një pjesë të stafit teknik. Fotografia e dytë përfshinte të gjithë stafin e Barcelonës në formacion të plotë.

Një nga detajet që tërhoqi më shumë vëmendje ishte gjesti simbolik i bërë nga Raphinha me duar, duke ruajtur një “traditë” të njohur në klub. Më herët, të njëjtin gjest e kishin bërë edhe Ronaldinho, Neymar dhe Gerard Pique në fotografitë zyrtare të sezoneve të tyre.

Në qendër të fotografisë u vendos trofeu i Superkupës së Spanjës, të cilën Barcelona e fitoi më 11 janar në Arabinë Saudite, pas fitores ndaj Real Madridit në finale. Pas trofeut qëndronte kapiteni i skuadrës, Marc-Andre ter Stegen.

E ardhmja e portierit gjerman mbetet e paqartë, pasi ai po negocion një huazim të mundshëm te Girona, çka mund të përbëjë ndryshimin e vetëm në skuadër për pjesën e dytë të sezonit. Duket se ai tashmë ka marrëveshje dhe kanë mbetur vetëm detajet.

Barcelona “skauton” Kosovën: Ron Raçi mes opsioneve për gjigantin katalunas

Fotografia historike u realizua para seancës stërvitore, e cila ishte rikuperuese për titullarët që luajtën në Anoeta dhe më intensive për lojtarët zëvendësues.

Barcelona do të udhëtojë të martën drejt Pragës, ku të mërkurën do të përballet me Slavia Pragën, në kuadër të raundit të shtatë të fazës së grupeve të Ligës së Kampionëve. /Telegrafi/

Federata Mbretërore e Futbollit e Marokut ka lëshuar një njoftim zyrtar për shtyp, përmes të cilit ka bërë të ditur se ka nisur procedura ligjore pas finales së Kupës së Kombeve të Afrikës ndaj Senegalit.

Marokenët kërkojnë “drejtësi”, pavarësisht se gjatë finales, sipas shumë vlerësimeve, ishte Senegali ai që u ndje i dëmtuar nga vendimet e gjyqtarit.

Kontestimi lidhet me një moment kyç të ndeshjes, kur Kombëtarja e Senegalit vendosi të largohej nga fusha pas akordimit të një penalltie. Megjithatë, jo të gjithë lojtarët senegalezë e braktisën ndeshjen dhe, pas rreth dhjetë minutash pritjeje, ata u rikthyen në fushë për të vazhduar lojën. Në fund, Senegali arriti të fitonte dhe të festonte titullin e kampionit të Afrikës.

Federata Marokene e Futbollit ka njoftuar se do të nisë procedura ligjore ndaj Konfederatës Afrikane të Futbollit (CAF) dhe FIFA-s, duke kërkuar anulimin e rezultatit dhe mundësinë për të riluajtur finalen.

“Federata Mbretërore Marokene e Futbollit njofton se do të fillojë procedura ligjore kundër CAF-it dhe FIFA-s në lidhje me tërheqjen e ekipit kombëtar senegalez nga finalja kundër Marokut dhe ngjarjet që pasuan vendimin e gjyqtarit për të akorduar një penallti, një vendim që të gjithë ekspertët e konsideruan të saktë. Kjo situatë ndikoi ndjeshëm në rrjedhën normale të ndeshjes dhe në performancën e lojtarëve”, thuhet në deklaratë.

Befasi totale pas finales: Reagimi i bukur i Sadio Manes kur e sheh se po intervistohet nga Amrabat

Federata marokene ka shfrytëzuar rastin edhe për të falënderuar tifozët e saj për mbështetjen e vazhdueshme gjatë turneut dhe për kontributin në suksesin e organizimit të kampionatit kontinental.

Megjithatë, praktika deri më tani tregon se Maroku ka shumë pak gjasa për të arritur objektivin e tij. Një anulim i finales apo heqje e titullit nuk ka ndodhur kurrë në historinë e Kupës së Kombeve të Afrikës. Në rast se do të ketë ndonjë sanksion, ai pritet të jetë vetëm i natyrës financiare për Kombëtaren e Senegalit. /Telegrafi/

Dy futbollistët e Kosovës, Lindon Emërllahu dhe Ilir Krasniqi, kanë debutuar me klubin ukrainas Polissya Zhytomyr, pas transferimeve të realizuara gjatë këtij afati kalimtar.

Polissya ka udhëtuar drejt Marbellës në Spanjë, ku po zhvillon fazën përgatitore, ndërsa aty e ka luajtur edhe ndeshjen e parë miqësore ndaj Legias.

Emërllahu ishte titullar në këtë përballje, ndërsa Ilir Krasniqi u inkuadrua në lojë gjatë pjesës së dytë.

Në anën tjetër, te Legia ka luajtur edhe Ermal Krasniqi, i cili vazhdon të jetë pjesë e këtij klubi.

Emërllahu e ka kompletuar transferimin te Polissya nga Cluj, ndërsa Krasniqi është transferuar nga Kolos.

Polissya Zhytomyr këtë sezon po lufton për pozitat e larta në elitën e futbollit ukrainas. /Telegrafi/

- YouTube www.youtube.com

Douglas Costa po afron në fund të një rrugëtimi fantastik të karrierës së tij. Sulmuesi brazilian 35-vjeçar, i njohur më parë për aventurat te Bayern Munich dhe Juventus, do të rikthehet në Itali, ku do t’i bashkohet skuadrës së Serie D, Chievo Verona.

Në fillim kjo lajm duket pothuajse si një shaka, por detajet e mëtejshme dhe konfirmimi i gazetarit Gianluca Di Marzio e bëjnë gjithçka të qartë dhe të besueshme.

Pas një aventure në A-League me Sydney FC, Costa ka qëndruar i lirë për gjashtë muaj, duke pasur oferta nga klube të ndryshme, përfshirë Flamengo në Brazil dhe Libertad, kampionët e Paraguait me 26 tituj kombëtarë.

Sipas Gazzetta dello Sport, transferimi te Chievo u mundësua falë ndërhyrjes së presidentit të klubit, Pietro Laterza, i cili ka ndikim edhe tek skuadra nga Emiratet e Bashkuara Arabe, Al-Ittifaq, ku Costa do të transferohet pas përfundimit të këtij huazimi të shkurtër në Itali. Qëllimi i tij është të rifitojë formën optimale dhe minutat e lojës në katërta e futbollit italian.

Në qershor, Costa do të niset drejt Emirateve të Bashkuara, ku do të bashkohet me bashkëkombësin dhe ish-lojtarin e njohur Mario Balotelli.

Kjo lëvizje do të vazhdojë një karrierë që ka kaluar tashmë në shtatë vende të ndryshme, duke përfshirë Gjermaninë, Itali, Brazilin dhe Australi.

Douglas Costa duket se nuk ka ndërmend të ndalet, duke vazhduar një turne global të karrierës së tij, ku pasionit dhe eksperiencës i bashkohet edhe sfida për të treguar veten në nivele të ndryshme të futbollit. /Telegrafi/

Në rajonin italian të Ligurias, më saktësisht në qytetin Voltri pranë Xhenovës, ekziston një klub amator që ka tërhequr vëmendjen e tifozëve të futbollit në mbarë Evropën.

Klubi quhet Aston Birra, një lojë fjalësh humoristike që kombinon emrin e ekipit të famshëm anglez, Aston Villa, me fjalën italiane për birrë, “birra”.

Jo vetëm emri, por edhe identiteti vizual i klubit është një kopje kreative e Aston Villas, e përpunuar me një prekje personale.

Stema e klubit paraqet një luan të dallueshëm, por në vend të një poze luftarake, luani italian mban me krenari një gotë birrë.

Lojtarët e Aston Birra veshin fanellat ngjyrë vjollcë dhe blu, duke ruajtur lidhjen me origjinën angleze, por në mënyrë plot humor dhe stil lokal.

Klubi garon aktualisht në ligat amatore të Xhenovës, dhe ndeshjet e tyre shpesh tërheqin tifozët vendas që e vlerësojnë kombinimin e sportivitetit dhe argëtimit.

Edhe pse niveli i futbollit nuk është profesional, pasioni i lojtarëve dhe marketingu origjinal kanë bërë që Aston Birra të bëhet një markë e njohur në ligat e ulëta italiane.

Është gjithashtu interesante që një homazh i tillë për futbollin anglez ka lindur në Xhenovë, qyteti ku u themelua klubi më i vjetër italian nga britanikët, duke treguar se futbolli nuk ka të bëjë vetëm me miliona euro, por edhe me një shaka të mirë dhe një birrë të freskët.

Popullariteti i Aston Birra po rritet gjithnjë e më shumë në rrjetet sociale, dhe turistët që vizitojnë Ligurian tashmë kërkojnë mënyra për të marrë fanellën e tyre unike, duke i dhënë klubit një njohje edhe më të gjerë përtej Ligurias. /Telegrafi/

Trajneri i PSG-së, Luís Enrique, ka dalë në mbrojtje të Brahim Diaz pas gabimit të tij me penallti 'panenka' në finalen e Kupës së Kombeve të Afrikës (AFCON) kundër Senegalit të dielën.

Penalltia, e cila u ekzekutua në minutën e fundit të ndeshjes, mund të kishte sjellë fitoren historike për Marokun, që do të ishte titulli i parë i tyre pas më shumë se 50 vitesh.

Enrique foli për situatën gjatë një konference për shtyp, duke kujtuar momente ikonike të futbollit.

“Folëm për këtë në autobus sot. Më kujtohet Zidane, një Zot i futbollit, i cili e bëri këtë gjatë një Botërori. Kur funksionon, të gjithë duartrokasin; kur gabon, ka shumë kritika”.

“E njoh Brahimin, ai është një lojtar i mrekullueshëm dhe një njeri i jashtëzakonshëm. Ajo që po ndodh tani është shumë e padrejtë. Është thjesht sport, ai nuk është vrasës apo njeri i keq”, deklaroi Enrique.

“Ju zhgënjeva, më falni”, Brahim Diaz reagon për herë të parë pas penalltisë së humbur ndaj Senegalit

Gabimi i Diaz me penallti shkaktoi menjëherë kritika në rrjetet sociale dhe tek tifozët, por Enrique kërkoi kuptim dhe perspektivë.

Komentet e Luis Enrique konsiderohen si një mbështetje e fortë për sulmuesin e Real Madridit./Telegrafi/

Kosova është ngritur për një pozitë në ranglistën e FIFA-s, nga pozita e 80-të, Dardanët është ngritur në pozitën e 79-të.

Ranglista e re e FIFA-s u publikua të hënën pasdite, ndërsa tani Kosova zë vendin e 79-të, që është renditja më e mirë pas pranimit në UEFA dhe FIFA.

Kosova ka pasur ngritje, pasi në këtë ka ndikuar rënia e Gabonit, që u paraqit në Kupën e Afrikës, që ka rënë për tetë pozita.

Kosova tani zë vendin e 79-të

Ndërkohë, Shqipëria mbetet në pozitën e 63-të, sikurse që ishte edhe në renditjen e janarit.

Hoffenheim në rrugën e Ligës së Kampionëve, me tre kosovarë që po shkëlqejnë – kjo e kthen në shans historik edhe për Kosovën

Shtatë pozita e para nuk kanë ndryshuar, me Spanjën, Argjentinën, Francën, Anglinë, Brazilin, Portugalinë dhe Holandën, ndërsa ngritje të madhe ka bërë Maroku, që është i teti, duke u ngjitur për tri pozita.

Vendet e para në renditjen e FIFA-s

Edhe Senegali si kampion është ngjitur për shtatë pozita, tani I 12-të në renditje, para Italisë si e 13-ta. /Telegrafi/

Skuadra bullgare, CSKA Sofja, po punon për të bindur qendërmbrojtësin kosovar, Lumbardh Dellova, që të nënshkruajë një kontratë afatgjate me klubin.

Aktualisht, kontrata e Dellovës përfshin një klauzolë të ulët lirimi, gjë që e bën atë lojtar mjaft tërheqës në tregun e transferimeve. Për shkak të interesimit të shprehur nga klubet e Arabisë Saudite, statusi i mbrojtësit mund të mbetet i paqartë deri në fund të afatit kalimtar të verës, por te CSKA shpresojnë ta bindin atë të qëndrojë.

Qendërmbrojtësi kosovar ka kontratë me skuadrën bullgare deri në vitin 2027 dhe është pjesë e ekipit që nga viti 2024, kur iu bashkua nga Ballkani.

Drejtori sportiv i CSKA Sofjes, Boyko Velichkov

Drejtori sportiv i CSKA Sofjes, Boyko Velichkov, foli për situatën e 27-vjeçarit, duke thënë se gjiganti bullgar e vlerëson tej mase mbrojtësin.

“Lumbardh Dellova është lojtari ynë. Guxoj të them se ai luan në një nivel të shkëlqyer dhe vlerësohet shumë nga ne. Jemi të kënaqur me mënyrën se si stërvitet dhe i kryen detyrat e tij. Në këtë fazë ai është lojtari ynë dhe jemi të lumtur që e kemi”, tha Velichkov.

Klubi bullgar duket i vendosur që të ruajë një nga mbrojtësit e tij më të rëndësishëm, ndërsa negociatat për një kontratë afatgjate do të jenë çelësi për të stabilizuar skuadrën për sezonet e ardhshme.

Dellova ka treguar një performancë të qëndrueshme që nga ardhja në Sofje, duke u bërë një element kyç i mbrojtjes së CSKA dhe duke fituar respektin e stafit dhe tifozëve. /Telegrafi/

Girona dhe Barcelona kanë arritur një marrëveshje verbale për huazimin e portierit gjerman Marc-André ter Stegen deri në fund të sezonit, shkruan Fabrizio Romano.

Kjo lëvizje pritet të fuqizojë portën e ekipit katalanas, ndërsa Girona do të përfitojë përvoja dhe siguri nga një nga portierët më të njohur në Evropë.

Sipas Romanos, marrëveshja u arrit pasi vetë Ter Stegen dha “dritën jeshile” për kalimin në Girona javën e kaluar.

Klubi i madh spanjoll nuk ka pasur pengesa për këtë huazim, duke lejuar lojtarin të zhvillojë minutazh më të madh në këtë pjesë të sezonit.

Huazimi pritet të finalizohet përmes disa procedurave formale gjatë kësaj jave, duke përfshirë nënshkrimin e kontratës dhe regjistrimin e tij te La Liga. Të dy klubet po punojnë për t’i dhënë fund detajeve administrative sa më shpejt të jetë e mundur. /Telegrafi/

Atletico Madridi është i fokusuar aktualisht te tregu i transferimeve të dimrit, duke kërkuar kryesisht një mesfushor për të zëvendësuar Conor Gallagher, por në prapavijë po punohet edhe për një sulmues.

Drejtuesit e klubit, nën udhëheqjen e Mateu Alemany, po punojnë për ristrukturimin e ekipit dhe për sezonin e ardhshëm.

Ditët e fundit, ka pasur shumë zëra për interesin e PSG-së për Lee Kang-in, i cili ka qenë gjithmonë një prej preferuarve të Alemany që nga koha e tij te Valencia.

Mateu Alemany,, drejtori sportiv i Atletico Madrid

Megjithatë, marrëveshja nuk do të jetë e lehtë: PSG nuk ka ndërmend ta shesë lojtarin dhe është e përqendruar në rinovimin e kontratës së tij, por Atlético Madrid do të përpiqet të ndërhyjë, si gjatë janarit ashtu edhe në qershor.

Fokusi i klubit te sulmuesi i qendrës

Megjithatë, fokusi i klubit spanjoll shkon më tej. Alemany po monitoron me kujdes situatën e sulmuesve aktualë, duke pasur parasysh mundësinë e largimeve të mundshme të lojtarëve si Antoine Griezmann, Alexander Sorloth apo madje edhe Julián Álvarez.

Hidhet shorti për Copa del Rey, Barcelona do të përballet me Albaceten që e eliminoi Realin

Si pasojë, drejtuesit e Atleticos i kanë vënë syrin te një numër 9 për sezonin e ardhshëm: Gonçalo Ramos, sulmuesi portugez i PSG-së.

Sulmuesi i PSG, Goncalo Ramos

Ramos është një lojtar që menaxhmenti teknik i klubit e pëlqen shumë, dhe Alemany e di se për ta siguruar, do të duhet durim dhe planifikim të kujdesshëm. Lojtari mund të bëhet një nga objektivat kryesorë të Atleticos gjatë verës, në përputhje me strategjinë për të forcuar sulmin dhe për të përgatitur ekipin për sezonin e ardhshëm. /Telegrafi/

Gjigandi turk i futbollit, Fenerbahçe, ka prezantuar një rregull të ri për transferimet e ardhshme, duke vendosur një standard të fortë të përgjegjësisë sociale.

Sipas këtij vendimi, çdo lojtar i ri që i bashkohet ekipit të parë do të ndajë 1% të pagës së tij për projekte humanitare në ndihmë të fëmijëve në nevojë.

Klubi bëri të ditur se fondet e mbledhura do të dedikohen për një program që synon edukimin, zhvillimin dhe ndërtimin e së ardhmes së fëmijëve, duke theksuar se nuk do të zhvillohen negociata me lojtarë që nuk e pranojnë këtë parim dhe që nuk bien dakord të kontribuojnë me një pjesë të pagës së tyre.

Sipas njoftimit zyrtar, iniciativa ka nisur si ide e drejtorit sportiv Devin Ozek, ndërsa hapi i parë i projektit i është kushtuar kujtesës së nënës së tij, Cornelia Ozek.

Fenerbahçe thekson se synimi është që ky program të mos mbetet një veprim simbolik, por të shndërrohet në një model të qëndrueshëm dhe afatgjatë të përgjegjësisë sociale, në bashkëpunim me institucionet dhe organizatat përkatëse.

Qëndrimi i klubit është i qartë dhe i prerë. Fenerbahçe ka publikuar të plotë njoftimin zyrtar.

“Si Fenerbahçe, ne e konsiderojmë marrjen e përgjegjësisë jo vetëm në fushë, por edhe në çdo aspekt të jetës, shtimin e vlerës në shoqëri dhe të qenit burim shprese për të ardhmen si një nga detyrat tona themelore. Në përputhje me këtë kuptim, ne po lançojmë një projekt të qëndrueshëm të përgjegjësisë sociale, i cili filloi me idenë vizionare të drejtorit tonë sportiv, Devin Ozek, dhe që është përqafuar plotësisht nga klubi ynë”.

Fenerbahce ofron zyrtarisht miliona për Muriqin, e ardhmja e kosovarit vendoset këtë javë

“Që tani e tutje, të gjitha transferimet hyrëse në ekipin e parë do të kenë 1% të pagave të tyre të ndara për një program mbështetës që synon përmirësimin e jetës së fëmijëve në nevojë dhe kontributin në arsimimin, zhvillimin dhe të ardhmen e tyre. Negociatat me lojtarë që nuk e pranojnë këtë parim të përgjegjësisë sociale dhe që nuk bien dakord të kontribuojnë nuk do të zhvillohen”, thuhet në njoftim.

Në njoftim theksohet gjithashtu se, pas takimeve me institucionet dhe organizatat përkatëse, ky program nuk do të zbatohet si një fushatë e përkohshme, por si një traditë e re dhe e qëndrueshme e klubit, e cila reflekton vlerat themelore të Fenerbahçes.

“Udhëtimi i këtij projekti, hapi i parë i të cilit është hedhur në kujtim të Cornelia Ozek, nënës së Devin Ozek dhe burimit të frymëzimit për këtë iniciativë, do të shndërrohet në një traditë të Klubit Sportiv Fenerbahçe – duke simbolizuar një ide të ushqyer me dashuri dhe dëshirë për të lënë shpresë dhe një gjurmë të qëndrueshme në jetën e mijëra fëmijëve”.

Jose Mourinho largohet nga Fenerbahçe me faturë marramendëse për hotelin luksoz ku qëndroi

“Ashtu si në të kaluarën, Fenerbahçe do të vazhdojë ta masë suksesin jo vetëm me trofe, por edhe me vlerën që i shton jetës së njerëzve. Si një klub që mban përgjegjësinë e të qenit një komunitet i madh në zemër të tij, ne do të vazhdojmë ta mbështesim dhe ta mishërojmë këtë mirëkuptim në çdo fushë”.

“Ashtu siç Fenerbahçe jeton në zemrat e miliona njerëzve, ne do të vazhdojmë të jemi Fenerbahçe edhe në jetën e fëmijëve që po ndërtojnë të ardhmen e tyre me shpresë”, thuhet në njoftim. /Telegrafi/

Në momentet më të tensionuara të finales së Kupës së Kombeve të Afrikës midis Senegalit dhe Marokut, pas një penalltie të akorduar për Marokun nga VAR, lojtarët e Senegalit u zemëruan dhe filluan të largoheshin nga fusha, duke rrezikuar ndërprerjen e ndeshjes.

Kapiteni Sadio Mané ndërhyri dhe bëri thirrje që skuadra e tij të kthehej në fushë, duke qetësuar emocionet dhe duke rikthyer lojën.

Profesionalizmi i tij në këtë moment kaotike tregoi lidership të jashtëzakonshëm, me Senegalin që vazhdoi lojën.

Brahim Diaz gjuajti penalltinë, ndërsa Edouad Mendy e priti, duke e kapur topin pas gjuajtjes 'panenka'.

Senegali triumfon në finalen dramatike të Kupës së Kombeve të Afrikës - fitojnë me gol në vazhdime

Falë menaxhimit të situatës nga Mané, Senegal vazhdoi lojën dhe më pas triumfoi, me golin që u shënua në vazhdime në minutën e 94-të nga Pape Gueye.

Ky gol ia fitoi Senegalit titullin e Kupës së Kombeve të Afrikës. Ky moment dëshmon se lidershipi shpesh bën diferencën, jo vetëm talenti në fushë. /Telegrafi/

Senegal ka fituar Kupën e Kombeve të Afrikës në një finale dramatike kundër Marokut, duke vendosur gjithçka në minutat shtesë me një gol spektakolar të Pape Gueye.

Ndeshja u karakterizua nga tension i lartë, raste të pastra shënimi dhe momente të ndezura verbale mes lojtarëve dhe trajnerëve.

Maroku kishte shanset e veta, duke përfshirë një penallti në minutat e fundit të kohës normale, por Brahim Diaz e humbi mundësinë, dhe Edouard Mendy priti goditjen, duke i dërguar ekipin në vazhdime.

Drama vazhdon: Brahim Diaz humb penalltinë e gjuajtur 'panenka', ndeshja shkon në vazhdime telegrafi.com

Pjesa e dytë e kohës shtesë ishte e balancuar, me goditje të forta nga Nayef Aguerd dhe Youssef En Nesyri për Marokun, dhe provokime nga lojtarët e Senegalit, por portierët bënë pritje vendimtare.

Në minutën e 94-t, Pape Gueye gjeti hapësirë në kufirin e zonës dhe me një goditje të fuqishme topin e dërgoi në cepin e sipërm të portës, duke mposhtur Bono dhe duke shpallur avantazhin vendimtar për Senegalin.

Me këtë fitore historike, Senegal ngritet në majë të Afrikës dhe feston titullin e Kupës së Kombeve, duke treguar forcën, strategjinë dhe shpirtin luftarak që e ka bërë këtë ekip një prej më të mirëve të kontinentit. /Telegrafi/

Në minutat shtesë të pjesës së dytë, Maroku pati një mundësi të madhe për të kaluar në epërsi nga pika e bardhë, e cila u ekzekutua pas 15 minutash.

Ndeshja mes Marokut dhe Senegalit, në kohën shtesë u përballë me tension të madh në minutat shtesë, ku vendimi i gjyqtarit për të akorduar penallti pas rishikimit në VAR shkaktoi reagime të forta nga pala senegaleze. Lojtarët e Senegalit, nuk donin të ktheheshin në fushë, por Sadio Mane, i ktheu dhe vazhduan lojën.

Brahim Diaz vendosi topin në penallti dhe e dërgoi drejt qendrës së portës, por portieri i Senegalit, Edouard Mendy, reagoi shpejt dhe priti goditjen.

Ky moment vendimtar bëri që ndeshja të mos përcaktohej në kohën normale dhe të shkonte në vazhdime, duke lënë tifozët në tension maksimal dhe me shpresa për një përfundim dramatik.

Vazhdimi premton të sjellë emocione të mëdha dhe momente të papritura në këtë finale të Kupës së Kombeve të Afrikës. /Telegrafi/

Ndeshja mes Marokut dhe Senegalit, nëm kohën shtesë u përballë me tension të madh në minutat shtesë, ku vendimi i gjyqtarit për të akorduar penallti pas rishikimit në VAR shkaktoi reagime të forta nga pala senegaleze.

Në minutën e 90+8’, gjyqtari Jean-Jacques Ndala sinjalizoi penallti për Marokun, një vendim që u kundërshtua ashpër nga lojtarët e Senegalit.

Protestat ishin aq të mëdha sa për disa çaste lojtarët e Senegalit refuzuan të vazhdonin lojën dhe u larguan nga fusha, duke krijuar një situatë kaotike dhe duke vonuar rifillimin e ndeshjes.

Gjyqtari ndau kartonë të verdhë për sjellje jo sportive, përfshirë Ismaila Sarr dhe El Hadji Malick Diouf.

Deri në atë moment, ndeshja kishte qenë e fortë dhe e baraspeshuar, me raste të mira nga të dyja skuadrat dhe ndërhyrje vendimtare të portierëve.

Madje edhe përzgjedhësi i Marokut, Walid Regragui dhe ai i Senegalit, Pape Bouna Thiaw, kishin kacafytje verbale, duke mos u pajtuar për penallti.

Megjithatë, episodi i penalltisë në fund la në hije gjithçka tjetër, me Senegalin që vazhdon të mos e pranojë vendimin e arbitrit edhe pas përfundimit të takimit. /Telegrafi/

Shaqueel van Persie (19), djali i legjendës holandeze Robin van Persie, ka shënuar golat e tij të parë si profesionist në një ndeshje dramatike, ku Feyenoord u mposht nga rivalët e qytetit Sparta Rotterdam me rezultat 4-3.

Në paraqitjen e tij të tretë me ekipin e parë, Shaqueel hyri në lojë si zëvendësues në mes të pjesës së dytë dhe pothuajse i siguroi një pikë Feyenoordit.

Sparta kaloi në epërsi pesë minuta para përfundimit të pjesës së parë me golin e Joshua Kitolanos, ndërsa Mitchell van Bergen dyfishoi shifrat dhjetë minuta pas fillimit të pjesës së dytë.

Pas inkuadrimit të Shaqueel van Persiet, Hwang In-beom e ngushtoi rezultatin, por Shunsuke Mito riktheu epërsinë prej dy golash për Spartën.

Momenti i Van Persie

Më pas erdhi momenti i të riut Van Persie: fillimisht shënoi për 3-2 me një goditje elegante me thembër, ndërsa më pas barazoi rezultatin me një goditje spektakolare me gërshërë, duke shkaktuar reagim krenarie nga babai i tij dhe trajneri i Feyenoordit, Robin van Persie, në stol.

Megjithatë, në minutat shtesë, Joshua Kitolano realizoi golin e dytë personal dhe i solli fitoren Spartës. Kjo humbje vazhdoi serinë negative të Feyenoordit, që tashmë nuk ka fituar në gjashtë ndeshjet e fundit në të gjitha garat.

Shaqueel van Persie kishte debutuar me ekipin e parë në nëntor, në humbjen 3-1 ndaj Celtic në Ligën e Evropës. Në atë kohë, Robin van Persie ishte kritikuar për aktivizimin e të birit në një ndeshje të madhe evropiane, por ai e kishte mbrojtur vendimin e tij.

“Vendimin e mora si trajner, jo si baba, sepse na duhej një gol. Shaqueel është lojtar që mund të shënojë nga çdo pozicion”, kishte deklaruar ish-sulmuesi i Arsenalit dhe Manchester United. /Telegrafi/

As paraqitja e mrekullueshme e Florent Hadërgjonajt nuk i ka mjaftuar Alanyasporit ndaj Fenerbahces.

Mbrojtësi kosovar shënoi një eurogol si dhe asistoi te goli i dytë, por Feneri në fund arkëtoi pikët e plota me rezultat 2-3.

Pas vetëm tre minutave lojë, Hadërgjonaj me një goditje të fuqishme nga distanca e la të shtangur portierin mysafir për të kaluar Alanyasporin në epërsi.

Ndërsa, pak minuta më vonë, asistoi te Makuota për ta rikthyer epërsinë pasi Feneri kishte barazuar me anë të Talisca.

Sidoqoftë, Fenerbahce në fund shënoi edhe dy gola, falë Musaba dhe Taliscas për t’i arkëtuar pikët e plota.

“SofaScore” e vlerësoi Hadërgjonajn me notën 8.5, që ishte më e larta në skuadrën e Alanyasporit si dhe e dyta më e larta në ndeshje, pas Taliscas, që mori notën 9.2 si pasojë e dy golave.

Hadërgjonaj po synon të vazhdojë me këtë formë fantastike me shpresën që të merr një ftesë nga Franco Foda për play-offin e Botërorit, ku Kosova fillimisht do të përballet me Sllovakinë më 26 mars./Telegrafi/

Amarildo Bakaj shkëlqeu në ring duke mposhtur italianin Francesco Morandi, i cili e kishte ngacmuar prej kohësh. Me një performancë të jashtëzakonshme, Amarildo, dominoi ndeshjen, duke e gjakosur kundërshtarin në raundin e pestë dhe duke siguruar fitoren e 15-të në karrierën e tij në po aq meçe.

Pas ndeshjes, Morandi e përgëzua për performancën Bakajn, duke e ngritur atë para tifozëve si shenjë respekti.

Pas përballjes, Amarildo Bakaj se nuk do të ndalet edhe në të ardhmen, dhe do të marr edhe suksese të mëdha.

“Jam shumë i lumtur pas fitores. Salla ishte plot me shqiptarë, dhe përkrahja e tyre më mbushi zemrën dhe më bëri të ndihem i vlerësuar. Çdo koment, çdo mbështetje, më japin forcë për të dhënë maksimumin dhe për të bërë krenar kombin tonë. Plani im në ring ishte i qartë: çdo rund të luftoja me gjithë forcën, të shfaqja dhuntinë time dhe të kënaqja publikun me një boks të bukur. Gjaku nuk më shqetësonte, motivimi im vjen nga dëshira për të treguar aftësitë dhe për të mbajtur fjalën time”.

“Ky sukses nuk është vetëm për mua, por edhe për gjithë shqiptarët që më ndoqën dhe mbështetën, shpesh edhe nga mijëra kilometra larg. Përjetimi i tyre, emocionet e përbashkëta dhe krenaria që ndiej, janë një motiv shtesë për të vazhduar të jap maksimumin. Në ring unë flas me veprime, jo me fjalë në rrjete sociale. Kam lindur për këtë dhe çdo sfidë është mundësi për të treguar forcën dhe përkushtimin tim. Plani im i ardhshëm është të vazhdoj përparimin dhe të përballem me emra të mëdhenj në Angli”, deklaroi ai pas meçit.

Nga ana tjetër, Francesco Morandi e pranoi fitoren e Bakajt dhe theksoi respektin për të, pasi ka 14 fitore.

“Dëshiroj të falënderoj të gjithë ata që më kanë mbështetur. Rezultati nuk ishte ai i dëshiruar, por duke marrë parasysh kundërshtarin me nivel të lartë dhe karrierën e tij (14-0/14 humbje), do të thosha se kemi bërë një performancë të mirë, edhe pse unë luftova në një sport që nuk ishte i imi".

"Shpresoj të kem mundësinë për një rivansh në disiplinën time. Sa i përket Amarildos, gjithmonë kam pasur shumë respekt për të, si atlet dhe tani edhe si person. Falënderoj përsëri vendin tim për mbështetjen, por mbi të gjitha ekipin tim", deklaroi italiani.

Me këtë fitore, Amarildo Bakaj vazhdojnë rekordin e jashtëzakonshëm në ring dhe synojnë tituj të mëdha botërorë, duke bërë krenar gjithë komunitetin shqiptar. /Telegrafi/

Në kuadër të javës së 21-të të Serie A, AS Roma ka arritur një fitore të rëndësishme 2-0 si mysafir ndaj Torinos.

Golat për kryeqytetasit u shënuan nga Donyell Malen në minutën e 26-të dhe Paulo Dybala në minutën e 72-të.

Goli i parë erdhi pas një pasimi perfekt nga Dybala, duke lënë Malen të lirë brenda zonës dhe sulmuesi nuk gaboi, duke e çuar topin në këndin e poshtëm të djathtë.

Në pjesën e dytë, Dybala realizoi golin e dytë pas një pasimi të Devyne Rensch, duke gjuajtur me shpejtësi dhe saktësi në portë. Ky gol vulosi fitoren dhe rriti moralin e skuadrës para përballjeve të ardhshme.

Me këtë rezultat, Roma ngjitet në vendin e katërt me 42 pikë, duke treguar konsistencë të lartë këtë sezon. /Telegrafi/

Baseli ka ndarë pikët me Sionin ne një barazim 1-1, sfidë ku të pranishëm ishin plot pesë futbollistë shqiptarë.

Xherdan Shaqiri te Baseli u përballen me Sionin e Kreshnik Hajrizit, Donat Rrudhanit, Benjamin Kolollit e Rilind Nivokazit.

Shaqiri ishte lojtari i ndeshjes pas një paraqitje spektakolore, ku edhe dhuroi një asistim, kësisoj mori notën 8.4 nga “SofaScore”.

Në anën tjetër, te Sioni u dallua Hajrizi me notën 8.0 pasi disa herë e shpëtoi klubin nga pësimi i golit. Rilind Nivokazi u vlerësua vetëm me 6.9 pavarësisht asistimit kurse Rrudhani me notën 6.3, edhe pse u detyrua të largohet nga fusha si pasojë e një lëndim.

Baseli mund të thuhet se “humbi” dy pikë në këtë sfidë, pasi po ëndërronte titullin kampion – kurse tani ka 33 sosh, plot 10 më pak se lideri Thun.

Në anën tjetër, Sioni qëndron në mesin e tabelës, në vendin e pestë me 31 pikë./Telegrafi/