Bashkimi e ka siguruar gjysmëfinalen e Kupës së Kosovës duke eliminuar GO+ Pejën në përballjen mjaftë dramatike.

Skuadra prizrenase triumfoi me rezultat 70-73 (22-20, 17-22, 11-12, 20-19).

Peja e nisi më mirë për ta mbyllur çerekun e parë me dy pikë avantazh, mirëpo Bashkimi u këndell në çerekun e dytë duke e përmbysur rezultatin, për të shkuar tre pikë përpara.

Çereku i tretë ishte tepër i baraspeshuar, ku Bashkimi e mbylli me një pikë avantazh (11-12), ndërsa pavarësisht përpjekjeve Peja nuk arriti të shkaktonte ndonjë përmbysje për t’i thyer mysafirët (20:19).

Vlen të ceket së në minutën e fundit, ndeshja u ndëprrerë për disa minuta shkaku i pakënaqësive të tifozëve të Pejës që hodhën gjësende në parket.

Tifozët vendas në shenjë proteste gjuajtën mjete tymosëse si dhe bënë fyerje në drejtim të kryesisë së klubit pejan.

Më i dalluari në këtë sfidë ishte Lake me 17 pikë, ndihmuar nga Armstead me 13 sosh. Ndërsa te Peja më i dalluari doli të jetë Flatten me 17 pikë./Telegrafi/

Sigal Prishtina pësoi humbje ndaj Vëllaznimit të enjten mbrëma në ndeshjen kthyese të çerekfinales së Kupës së Kosovës në basketboll. Megjithatë, fitorja 74:69 e arritur në Pallatin e Rinisë dhe Sportit në Prishtinë nuk mjaftoi që skuadra gjakovare të kalojë më tej.

Triumfi i Sigal Prishtinës në ndeshjen e parë, të zhvilluar para dy javësh në palestrën “Shani Nushi”, me rezultat 82:68, vendosi fatin e gjysmëfinales për “bardhekaltërve”.

Në ndeshjen e kthimit, tifo-grupi “Plisat” mbështeti skuadrën, madje udhëheqësi i tyre, Rinor Grajqevci, mori rolin e ushtruesit të detyrës së kryetarit të klubit, një vendim i nënshkruar nga Bekë Berisha.

Sigal Prishtina mbylli pjesën e parë me epërsi minimale, 38:36. “Bardhekaltrit” dominuan edhe në çerekun e tretë, 16:10, duke hyrë në periudhën e fundit me tetë pikë avantazh. Vëllaznimi e barazoi rezultatin në 54:54, rreth shtatë minuta e gjysmë para fundit, më pas kaloi në epërsi dhe e mbajti deri në fund. Megjithatë, diferenca nga ndeshja e parë bëri që Sigal Prishtina të eliminohej.

Kelby Kramer udhëhoqi skuadrën me 14 pikë dhe 7 kërcime, Deondre Burns shtoi 10 pikë, 6 asistime dhe 4 kërcime, ndërsa Altin Morina kontribuoi me 5 pikë, 5 kërcime dhe 4 asistime.

Te Vëllaznimi, më e spikatura ishte Jericole Hellems me 25 pikë, 8 kërcime dhe 1 asistim, ndërsa Samir Zekiqi shtoi 13 pikë, 7 kërcime dhe 3 asistime.

Në gjysmëfinale, Sigal Prishtina nuk do të jetë pjesë, ndërsa Vëllaznimi do të përballet me Bashkimin, që eliminoi GO+ Pejën.

Trepça mposhti Golden Eagle Yllin 88:76 dhe përmbysi humbjen e parë 99:102, duke siguruar vendin në gjysmëfinale të Final 4 të Kupës së Kosovës.

Në anën tjetër, Bora arriti gjithashtu kalimin në gjysmëfinale pas fitores 71:62 ndaj Rahovecit, me nëntë pikë dallim, duke kompletuar çiftin tjetër finalist të fazës gjysmëfinale.

Sinjali – aty ku e vërteta flet para lajmit!

/GazetaSinjali/

The post Trepça dhe Bora kalojnë në gjysmëfinale të Kupës së Kosovës appeared first on Sinjali.

Janë zhvilluar ndeshjet e kthimit çerekfinale në Kupën e Kosovës.

Tanimë janë mësuar dy skuadrat e para gjysmëfinale dhe ato janë Trepça dhe Bora.

Trepça me përmbysje kalon në gjysmëfinale

Fituesja e Kupës së Kosovës, Trepça me fitoren ndaj Golden Eagle Yllit 76:88 ka kaluar në gjysmëfinale, duke përmbysur humbjen e pësuar në ndeshjen e parë 99:102.

Sfida në Therandë ka qenë e jashtëzakonshme, e luftuar dhe me shumë kthesa, e me shumë emocione, derisa në fund festuan kampionët e Kosovës.

Bora depërton në Top 4 të Kupës së Kosovës

Bora ashtu si në ndeshjen e parë, ashtu edhe në ndeshjen e dytë shënoi fitore ndaj Rahoveci 029 me nëntë pikë dallim për të kaluar në Final 4 të Kupës së Kosovës.

Prishtinasit fituan në Rahovec me rezultat 62:71. /Telegrafi/

Klubi kosovar i basketbollit, Golden Eagle Ylli, ka zyrtarizuar të martën mbrëma emërimin e trajnerit të ri.

Bëhet fjalë për Paco Olmos, spanjollin me përvojë ndërkombëtare, i cili rikthehet në basketbollin kosovar, por me një karriere të pasur në Evropë dhe Amerikën Latine.

Olmos ka punuar më parë në Sigal Prishtinë, ku u vlerësua për menaxhimin dhe rezultatet e arritura, ndërsa së fundi drejtoi skuadrën Halcones de Xalapa në Meksikë.

Përveç kësaj, ai ka përvojë në shumë ekipe dhe vende të ndryshme, duke sjellë një stil të njohur për ndërtimin e skuadrës dhe zhvillimin e lojtarëve.

Trajneri i ri do të debutojë në krye të Yllit të mërkurën mbrëma, në një ndeshje shumë të rëndësishme ndaj Trepçës, e cila mund të tregojë drejtimin e ri të ekipit për këtë sezon.

Klubi shpreson që eksperienca dhe strategjia e Olmos të sjellin stabilitet dhe rezultate pozitive, duke forcuar konkurrencën e Yllit në ligën kosovare të basketbollit dhe garat ndërkombëtare. /Telegrafi/

Presidenti i Republikës së Turqisë, Recep Tayyip Erdogan, u takua me basketbollistin legjendar të NBA-së, Shaquille O'Neal.

Takimi u mbajt në Qendrën e Zhvillimit të Basketbollit Turkcell, dhe me këtë rast Presidenti Erdogan ndau një postim me disa foto në llogaritë e tij zyrtare në rrjetet sociale.

Fotot e publikuara tregojnë Recep Tayyip Erdogan dhe Shaquille O'Neal duke shkëmbyer topa basketbolli të nënshkruar si dhurata simbolike, duke i dhënë takimit një notë sportivo-diplomatike.

O’Neal dikur ishte basketbollisti më dominues në ligën më të fortë në botë për vite me radhë dhe fitoi katër kampionate të NBA-së në karrierën e tij.

Ai luajti për Orlando Magic, LA Lakers, Miami Heat, Phoenix Suns, Cleveland Cavaliers dhe Boston Celtics, dhe ishte MVP i finaleve të NBA-së tri herë, nga viti 2000 deri në vitin 2002. /Telegrafi/

Bashkimi shënoi fitore të rëndësishme ndaj Rahoveci 029 me shifrat 90:70 (19:19, 18:22, 24:16, 29:13), në javën e 16-të të ProCredit Superligës.

Përballja e zhvilluar në Prizren në pjesën e parë ishte e baraspeshuar me çerekun e parë që përfundoi 19:19, derisa mysafirët për një nuancë ishin më të mirë në periudhën e dytë, 18:22.

Megjithatë, prizrenasit u rikthyen fuqishëm në pjesën e dytë për të shënuar fitore me 20 pikë dallim, 90:70.

Lejson Zeqiri ishte më i miri te vendasit me 21 pikë e gjashtë kërcime, kurse te ‘Vreshtarët’, Bardh Rexha kishte 20 pikë e katër kërcime.

Bashkimi është në vendin e dytë me 11 fitore e pesë humbje, kurse Rahoveci 029 ka pesë e 11 humbje./Telegrafi

Në një sfidë interesante në Gjakovë, Trepça fitoi ndaj Vëllaznimit me shifrat 73:78 (11:24, 15:17, 28:21, 19:16), në javën e 16-të të ProCredit Superligës.

Mitrovicasit e nisën ndeshjen për mrekulli, me një seri të jashtëzakonshme 2:22, derisa çereku i parë përfundoi 11:24. Periudha e dytë ishte më e baraspeshuar, sidoqoftë, u kontrollua nga ‘Xehetarët’ që shkuan në pushim me rezultat 26:41.

Kuqezinjtë në pjesën e dytë ishin më të mirë, duke afruar shifrat në 73:75, por në momentet vendimtare, kampionët me përvojën e tyre vendosën ndeshjen, për fitoren e radhës.

Më i miri te vendasit ishte Jericole Hellems me 23 pikë e gjashtë kërcime, derisa te mysafirët Mustapha Amzil kishte 14 pikë e shtatë kërcime, kurse 14 pikë shtoi edhe Kenneth Hasbrouck, ndërsa Akili Vining e mbylli ndeshjen me 18 pikë.

Vëllaznimi ka pesë fitore e 11 humbje, ndërsa Trepça 13 fitore e tri humbje. /Telegrafi/

Superliga e Kosovës në basketboll vazhdon edhe sonte me përballje interesante, që shënojnë fundin e javës së 16-të.

Dy ndeshje të rëndësishme zhvillohen në qytetet e Gjakovës dhe Prizrenit.

Në palestrën “Shani Nushi” në Gjakovë, Vëllaznimi do të presë Trepçën, ndërsa në palestrën “Sezai Surroi” në Prizren zhvillohet përballja mes Bashkimit dhe Rahovecit 029.

Orari i ndeshjeve të së dielës është:

17:00 – Vëllaznimi vs Trepça

19:45 – Bashkimi vs Rahoveci 029

Sinjali – aty ku e vërteta flet para lajmit!

/GazetaSinjali/

The post Superliga e Basketbollit sonte sjell dy përballjet e fundit të javës së 16-të appeared first on Sinjali.

Tifo-grupi “Plisat” kanë dalë me reagim pas dorëheqjes së Bekë Berishës nga posti i kryetarit të klubit Sigal Prishtinës.

“Plisat” në faqen zyrtare kanë shkruar se e mirëpresin vendimin e Berishës. Në njoftim tutje “Plisat” kanë falënderuar Berishën për bashkëpunimin dhe që është hapur rruga që klubin ta drejtojnë njerëz profesionistë.

“Pas zhvillimeve të fundit në Klubin e Basketbollit Prishtina, për shkak të interesimit të lartë të qytetarëve të Prishtinës dhe ndjeshmërisë së situatës, ndjejmë obligimin të ju informojmë që më në fund gjërat kanë filluar të lëvizin për mirë. Për t’i arritur qëllimet tona kemi hasur në gatishmërinë e Bekë Berishës, të cilin e falënderojmë për bashkëpunimin me ne, duke hapur rrugë që klubi të kalojë në duar të Plisave dhe njerëzve profesionistë, gjendje kjo që ka munguar tash e sa kohë në këto ambiente.

Sportit dhe qytetit të Prishtinës po i vinë ditë më të mira ndërsa për detalet tjera ju informojmë ditëve në vijim. Për fund, një rikujtim të gjitha palëve të përfshira e të interesuara, uniteti te Plisat është i pathyeshëm”.

Sinjali – aty ku e vërteta flet para lajmit!

/GazetaSinjali/

The post Reagojnë “Plisat” pas dorëheqjes së Bekë Berishës appeared first on Sinjali.

Bekë Berisha nuk do të vazhdojë detyrën si kryetar i Sigal Prishtinës. Ai raportohet se ka dhënë dorëheqje.

Berisha ishte emëruar kryetar i Sigal Prishtinës më 14 janar, ndërsa dorëheqja e tij ka ardhur pas vetëm tri ditësh në këtë post.

Vendimi lidhet edhe me reagimet institucionale, pasi Ministria e Kulturës, Rinisë dhe Sportit kishte theksuar se mbajtja njëkohësisht e postit të deputetit dhe e drejtimit të një klubi sportiv përbën konflikt interesi, duke kërkuar që Berisha të zgjedhë njërën prej tyre.

Sinjali – aty ku e vërteta flet para lajmit!

/GazetaSinjali/

The post Bekë Berisha jep dorëheqje nga posti i kryetarit të Sigal Prishtinës appeared first on Sinjali.

Bekë Berisha nuk do të vazhdojë detyrën si kryetar i Sigal Prishtinës. Burime të Telegrafit bëjnë të ditur se Berisha ka dhënë dorëheqje gjatë ditës së shtunë, vetëm pak ditë pas emërimit të tij në krye të klubit bardhekaltër.

Berisha ishte emëruar kryetar i Sigal Prishtinës më 14 janar, ndërsa dorëheqja e tij ka ardhur pas vetëm tri ditësh në këtë post.

Vendimi lidhet edhe me reagimet institucionale, pasi Ministria e Kulturës, Rinisë dhe Sportit kishte theksuar se mbajtja njëkohësisht e postit të deputetit dhe e drejtimit të një klubi sportiv përbën konflikt interesi, duke kërkuar që Berisha të zgjedhë njërën prej tyre.

Situata në klub ka qenë e tensionuar edhe më herët. Tifogrupi “Plisat” ka pasur përplasje të vazhdueshme me kryesinë e vjetër, ndërsa pakënaqësitë e tyre nuk janë zbutur as pas emërimit të Berishës si kryetar.

Sipas tyre, klubi është keqmenaxhuar dhe nevojiten ndryshime të thella në drejtim.

Të shtunën ishte paralajmëruar një konferencë për shtyp nga ora 18:00, por ajo nuk u mbajt. Në vend të saj, është zhvilluar një takim me dyer të mbyllura mes përfaqësuesve të “Plisave” dhe zyrtarëve të klubit, takim që ende po vazhdon.

Sipas informacioneve të siguruara nga Telegrafi, pritet që në ditët në vijim Sigal Prishtina të emërojë një kryetar të ri të përkohshëm, deri në gjetjen e një zgjidhjeje afatgjatë për drejtimin e klubit./Telegrafi/

PRISHTINË, 17 janar/ATSh/ Një trend gjithnjë e më shumë po vërehet në basketbollin kosovar, ku klubet elitës së Superligës po anashkalojnë masivisht trajnerët vendas për t’ua besuar drejtimin e skuadrave teknikëve të huaj. Ky fenomen ka ngritur pikëpyetje të mëdha rreth besimit të kapacitetet vendore dhe strategjisë afatgjatë të zhvillimit të basketbollit në vend.

KosovaPress i ka kushtuar një artikull këtij fenomeni. Në shkrimin e publikuar sot, KosovaPress vëren se përveç “Rahovecit 29”, që së fundi ndau rrugët me trajnerin Bujar Loci dhe që ende nuk e ka emëruar pasuesin e tij, shtatë klubet tjera të Superligës së Kosovës në basketboll, drejtohen nga trajnerë të huaj duke dëshmuar kështu që klubet elitare të basketbollit vendor e kanë humbur totalisht besimin te trajnerët kosovarë.

Por pse po ndodh kjo?

Trajneri i basketbollit, Lorik Kllokoqi, vlerëson se në vitet e fundit është krijuar një perceptim i gabuar në mesin e klubeve, pasi trajnerët vendas angazhohen kryesisht në situata kur mungojnë mjetet financiare. Ai nënvizon se ky trend është i padrejtë dhe nuk reflekton realitetin, pasi ka pasur raste konkrete kur trajnerë vendas, edhe me buxhete modeste, kanë arritur rezultate të mëdha dhe kanë mposhtur ekipe me resurse shumëfish më të mëdha.

Ish-kryetari i “KB Prishtinës”, Blerand Stavileci, shprehu mbështetje për trajnerët vendas dhe njëkohësisht kërkon më shumë profesionalizëm dhe vetëkritikë nga vet ata.

Nga ana tjetër, kryetari i Federatës së Basketbollit të Kosovës, Arben Fetahu, ndalet te struktura dhe kushtet në të cilat punojnë trajnerët vendas, duke theksuar se numri i tyre është relativisht i vogël dhe se pjesa më e madhe nuk e ushtrojnë profesionin e trajnerit si punë primare. Sipas tij, kjo gjendje ndikon drejtpërdrejt në nivelin e profesionalizmit dhe në mundësinë që trajnerët të fokusohen plotësisht në zhvillimin e ekipeve dhe lojtarëve.

Në përpjekje për të adresuar këtë problem, Shoqata e Trajnerëve ka propozuar vendosjen e një pagese shtesë për klubet që angazhojnë trajnerë të huaj, si një masë për të stimuluar punësimin e vendasve.

Paralelisht, Federata e Basketbollit të Kosovës ka nisur hapa konkretë për ngritjen profesionale të kuadrove, duke përfunduar procesin e licencimit “FIBA Level One” dhe duke planifikuar fillimin e nivelit të dytë. Përveç kësaj, vetë trajnerët po investojnë individualisht në edukimin e tyre përmes pjesëmarrjes në seminare ndërkombëtare, duke dëshmuar përkushtimin për të qenë konkurrues në tregun modern të basketbollit.

/KosovaPress/

The post Elita e basketbollit në Kosovë i beson vetëm trajnerëve të huaj appeared first on Agjencia Telegrafike Shqiptare.

Superliga e Kosovës në basketboll vazhdon edhe në këtë fundjavë me përballje interesante.Ndeshje të forta na presin në Prishtinë, Pejë, Gjakovë e Prizren.

Të shtunën, përballen Sigal Prishtina – Bora dhe Peja – Golden Eagle Ylli, ndërsa të dielën, Vëllaznimi e pret Trepçën, kurse Bashkimi luan ndaj Rahovecit 029.

ProCredit Superliga-Java 16

E shtunë

17:00 Sigal Prishtina – Bora

19:45 Go+ Peja – Golden Eagle Ylli

E diele

17:00 Vëllaznimi – Trepça

19:45 Bashkimi – Rahoveci 029

Sinjali – aty ku e vërteta flet para lajmit!

/GazetaSinjali/

The post Ndeshje të zjarrta edhe këtë fundjavë në basketbollin kosovar appeared first on Sinjali.

Komisioni i Garave i Federatës së Basketbollit të Kosovës (FBK) ka shqiptuar masa disiplinore dhe gjoba ndaj disa klubeve të Superligës pas incidenteve në ndeshjet e fundit.

Vëllaznimi i Gjakovës është dënuar më së rëndi me 2200 euro, pas përleshjeve mes tifozëve në ndeshjen ndaj Bashkimit, ku një shishe goditi ndihmës-trajnerin Bledar Gjeqaj. Si masë shtesë, ballkoni nga i cili u hodh shishja do të mbyllet për shikuesit.

Sigal Prishtina është gjobitur me 1400 euro për incidentet në ndeshjen ndaj Yllit, ndërsa Trepça me 700 euro për fyerjet e tifozëve ndaj lojtarëve të Pejës.

FBK ka paralajmëruar masa më të ashpra në rast të përsëritjes së incidenteve.

Sinjali – aty ku e vërteta flet para lajmit!

/GazetaSinjali/

The post Kaos në tribuna, shishe dhe përleshje – FBK ndëshkon klubet me gjoba appeared first on Sinjali.

Komisioni i Garave i Federatës së Basketbollit të Kosovës (FBK) ka vendosur gjoba dhe masa disiplinore pas incidenteve të ndodhura në xhirot e fundit të Superligës.

Skuadra e Vëllaznimit të Gjakovës është gjobitur me 2200 euro për sjellje të pahijshme të tifozëve gjatë ndeshjes ndaj Bashkimit të Prizrenit.

Në fund të çerekut të dytë, disa tifozë vendas sulmuan disa shikues mysafirë që ndodheshin në ballkonin përballë tribunës kryesore.

Një nga tifozët vendas hodhi një shishe që goditi ndihmës-trajnerin e Bashkimit, Bledar Gjeqaj.

Përveç gjobës, komisioni ka vendosur që Vëllaznimi të mos ketë shikues në ballkonin nga i cili u hodh shishja, si masë shtesë parandaluese.

Ndërkohë, Sigal Prishtina është gjobitur me 1400 euro për incidentet që ndodhën gjatë ndeshjes së së enjtes ndaj Yllit, ndërsa Trepça ka marrë një gjobë prej 700 eurosh për fyerje të tifozëve ndaj lojtarëve të Pejës.

FBK rikujton se masat e tilla synojnë të rrisin sigurinë dhe disiplinën në stadiume, duke mbrojtur lojtarët, stafet dhe tifozët, dhe paralajmëron se përsëritja e incidenteve do të sjellë sanksione më të rënda./Telegrafi/

Federata e Basketbollit e Kosovës (FBK) është përgjigjur për Telegrafin rreth pyetjeve të drejtuara për situatën e krijuar pas emërimit të Bekë Berishës si kryetar i klubit basketbollistik, Sigal Prishtina.

Bekë Berisha është zgjedhur kryetar i ri i klubit të basketbollit Sigal Prishtina, duke marrë shumicën e votave në Kuvendin Zgjedhor të klubit të mbajtur të mërkurën.

Megjithatë, emërimi i tij ka shkaktuar shumë bujë. Fillimisht me protestat e tifozërisë ‘Plisat’ e pastaj edhe me reagimin e Ministrisë së Kulturës, Rinisë dhe Sportit.

MKRS bëri të ditur se Bekë Berisha nuk ka të drejtë të jetë kryetar i KB Sigal Prishtinës, pasi aktualisht është deputet në Kuvendin e Kosovës, duke theksuar se ai duhet të zgjedhë mes funksionit politik dhe atij sportiv.

Për të sqaruar situatën, Telegrafi i është drejtuar FBK-së në lidhje me emërimin e Berishës si kryetar i Sigal Prishtinës dhe sipas tyre, institucioni kryesor i basketbollit në Kosovë është i përkushtuar ndaj respektimit të plotë të legjislacionit të Republikës së Kosovës dhe standardeve të qeverisjes së mirë në sport

“Federata e Basketbollit e Kosovës (FBK) dëshiron të theksojë se si institucion i pavarur sportiv, ne jemi të përkushtuar ndaj respektimit të plotë të legjislacionit të Republikës së Kosovës dhe standardeve të qeverisjes së mirë në sport. Në këtë drejtim, FBK është duke ndjekur me kujdes të gjitha zhvillimet e raportuara dhe komunikimet e institucioneve relevante”, thuhet fillimisht në përgjigjen e FBK-së për Telegrafin.

“FBK do të bashkëpunojë ngushtë me MKRS-në, Agjencinë për Parandalimin e Korrupsionit dhe me vetë klubin, për të siguruar që çdo proces të jetë në përputhje me kornizën ligjore dhe me rregullat që garantojnë integritetin sportiv. Çdo veprim i ndërmarrë nga ana jonë do të bazohet në vlerësime zyrtare, në kompetencat tona statutare dhe në parimin e transparencës”

“Si gjithmonë, prioritet mbetet funksionimi i rregullt i garave, respektimi i normave ligjore dhe mbrojtja e interesit të sportit të basketbollit në Kosovë”, mbyllet përgjigja e FBK-së. /Telegrafi/

Ndeshja e xhiros së 15-të mes Golden Eagle Yllit dhe Sigal Prishtinës u ndërpre pak para përfundimit të çerekut të parë.

Tifogrupi “Plisat” reagoi ashpër pas zgjedhjes së Bekë Berishës si kryetar i klubit.

Ata fyen nga tribunat Blerand Stavilecin, Florian Miftarin dhe vetë Bekë Berishën, duke kërkuar largimin e këtij të fundit nga posti i kryetarit.

Ndeshja ka riflliuar tashmë dhe rezultati është 18-8.

Sinjali – aty ku e vërteta flet para lajmit!

/GazetaSinjali/

The post ‘Plisat’ e ndërprejnë përkohësisht ndeshjen ndaj Yllit, protestojnë kundër Bekë Berishës appeared first on Sinjali.

Ndeshja mes Golden Eagle Yllit dhe KB Prishtinës është ndërprerë pas vetëm shtatë minutave lojë.

Ishin tifozët e Prishtinës “Plisat” që hedhen gjësende në parket, prandaj edhe gjyqtari përkohësisht e suspendoi lojën.

E tërë kjo situatë erdhi si pakënaqësi e tifozëve kundër vendimit të Prishtinës për ta emëruar Bekë Berishën si kryetar të klubit.

MKRS-ja e kundërshtoi këtë vendim, megjithatë mbetet për t’u parë se si do të zhvillohet situata në ditët e ardhshme.

Kujtojmë, aktualisht Ylli ishte në epërsi të madhe prej nëntë pikëve 17-8, ndërsa kishin mbetur edhe 3 minuta e 12 sekonda për t’u mbyllur çereku i parë./Telegrafi

Ministria e Kulturës, Rinisë dhe Sporteve (MKRS) ka reaguar lidhur me zgjedhjen e Bekë Berishës në pozitë udhëheqëse në Klubin e Basketbollit “Sigal Prishtina”.

Përmes një njoftimi për publikun, MKRS ka bërë të ditur se është informuar për zhvillimet e fundit në Kuvendin e klubit, të mbajtur më 14 janar 2026, ku Berisha është zgjedhur në një pozitë udhëheqëse.

Duke marrë parasysh se Bekë Berisha është deputet i zgjedhur i Kuvendit të Kosovës pas zgjedhjeve të 28 dhjetorit 2025, ministria ka rikujtuar obligimet ligjore që dalin nga Ligji Nr. 06/L-011 për Parandalimin e Konfliktit të Interesit.

Sipas MKRS-së, ligji parasheh që një zyrtar i lartë mund të jetë anëtar i organit drejtues të organizatave joqeveritare nga fusha e sportit, por jo menaxher, përfaqësues i autorizuar apo anëtar i ndonjë organi menaxhues ose mbikëqyrës të personave juridikë privatë fitimprurës, sipas ligjit për shoqëritë tregtare (neni 13 i Ligjit Nr.06/L-011), si dhe bartës i funksionit drejtues (neni 14 i Ligjit Nr.06/L-011).

Po ashtu, MKRS ka theksuar se ligji obligon që çdo situatë e konfliktit të interesit të parandalohet dhe të zgjidhet brenda afatit prej 30 ditësh nga marrja e detyrës, në përputhje me nenin 8 të të njëjtit ligj.

“Në këtë kontekst, MKRS kërkon nga të gjitha palët që të kujdesen për zbatimin e ligjit konkretisht që z. Berisha, pas betimit dhe marrjes së detyrës në legjislaturën e re, t’i ndërmarrë masat e nevojshme brenda afateve ligjore për të shmangur çdo konflikt të interesit, në përputhje me ligjin në fuqi”, thuhet në njoftim.

Ministria ka bërë të ditur se do të përcjellë situatën dhe do të bashkëpunojë me institucionet relevante, përfshirë Agjencinë për Parandalimin e Korrupsionit, me qëllim të ruajtjes së integritetit në sport dhe respektimit të standardeve të qeverisjes së mirë.

Po ashtu, MKRS ka njoftuar se përmes kanaleve zyrtare të komunikimit do t’i drejtohet Federatës së Basketbollit të Kosovës, duke kërkuar që, bazuar në ligjin për sport dhe aktet nënligjore, të sigurohet se në rastin e zgjedhjes së organeve drejtuese të KB “Sigal Prishtina” janë zbatuar ose do të zbatohen të gjitha detyrimet që ndërlidhen me papajtueshmërinë e implikimeve politike në menaxhimin e organizatave sportive, si dhe ruajtjen dhe garantimin e integritetit ligjor sportiv, në përputhje me normat ligjore të aplikueshme në Republikën e Kosovës.

Sinjali – aty ku e vërteta flet para lajmit!

/GazetaSinjali/

The post Ministria e Sportit thotë se Bekë Berisha s’mund të jetë edhe deputet, edhe kryetar i KB Prishtinës appeared first on Sinjali.