Afati kalimtar i janarit solli disa lëvizje të rëndësishme për futbollistët kosovarë, të cilët ndryshuan ambient për të gjetur më shumë hapësirë, stabilitet apo një hap të ri në karrierë.

Ilir Krasniqi dhe Lindon Emërllahu u bashkuan me Polissya, duke hapur një kapitull të ri pas largimit nga Kolosi, përkatësisht Cluj.

Në Turqi u mbyll aventura e Visar Bekajt, i cili u rikthye në Shqipëri te Tirana, ndërsa Emir Sahiti la Hamburgun për t’iu bashkuar Maccabi Tel Avivit.

Në Gjermani, Andi Hoti kaloi nga Magdeburgu te Eintracht Braunschweig, ndërsa Doni Arifi bëri hapin e madh nga KUPS drejt Greuther Fürth.

Florent Hasani vazhdoi karrierën në Turqi, duke kaluar nga Boluspor te Amedspor, kurse Indrit Mavraj u transferua nga Bari te Lechia Gdańsk.

Ndërkohë, Mirlind Kryeziu mbeti pa ekip pas largimit nga Winterthur, ndërsa Ardit Tahiri u rikthye te Kolos pas aventurës me Llapin. Këto lëvizje konfirmojnë praninë e vazhdueshme të lojtarëve kosovarë në tregun ndërkombëtar të transferimeve

Ilir Krasniqi - Nga Kolosi te Polissya

Lindon Emërllahu – Nga Cluj te Polissya

Visar Bekaj – Hatayspor - Tirana

Andi Hoti - Nga Magdeburgu te Eintracht Braunschweigu

Mirlind Kryeziu – Pa ekip te Winterthur

Doni Arifi - Nga KUPS te Greuther Fürth

Emir Sahiti – Nga Hambur te Maccabi Tel Aviv

Florent Hasani – Nga Boluspor te Amedspor

Indrit Mavraj – Nga Bari te Lechia Gdansk

Ardit Tahiri – Nga Llapi te Kolos

/Telegrafi/

Ylli i Kosovës Vedat Muriqi ka kaluar Mallorcan në epërsi ndaj Sevillas.

Futbollisti nga Prizreni shënoi nga pika e bardhë për ta zhbllokuar epërsinë.

Jan Virgili shkaktoi një ndërhyrje brenda zonës, kësisoj gjyqtari akordoi 11-metërsh, nga e cila ishte i pagabueshëm Muriqi (27’).

Për ta parë golin: VIDEO

Për Muriqin ky ishte goli i 15-të në La Liga, ku pas tij ka vetëm Kylian Mbappe./Telegrafi

Qendërmbrojtësi Mirlind Kryeziu i është bashkuar skuadrës zvicerane Winterthur.

Kryeziu deri vonë ishte në negociata me ish klubin Zurich, sidoqoftë marrëveshja dështoi shkaku se disa persona nuk e pranuan rikthimin e yllit të Kosovës.

Kësisoj, Winterthur përfitoi nga situata dhe e kompletoi marrëveshjen me 29-vjeçarin, i cili nënshkroi kontratë deri në fundin e sezonit 2027.

“Winterthur e ka përforcuar skuadrën me transferimin e qendërmbrojtësit Mirlind Kryeziu. Mbrojtësi ka qenë titullar i gjatë te Zurichu dhe nënshkroi kontratë për 1 vit e gjysmë”.

Kryeziu e njeh mjaftë mirë futbollin zviceran, pasi për Zurichun ka zhvilluar plot 128 paraqitje në proces, kurse ka fituar titullin dhe kupën.

Përndryshe, lojtari ka edhe 10 paraqitje në fanellën e Kosovës./Telegrafi

Eintracht Braunschweig e ka përforcuar repartin defensiv me transferimin e qendërmbrojtësit Andi Hoti nga 1. FC Magdeburg.

Lojtari 22-vjeçar ka nënshkruar kontratë me klubin gjerman deri më 30 qershor 2028 dhe do të mbajë fanellën me numrin 4.

Ai për faqen zyrtare të klubit deklaroi se dëshiron të zhvillohet edhe më shumë, si dhe ta ndihmojë me cilësitë e tij në një kampionat mjaftë të fortë.

“Jam shumë i entuziazmuar për sfidën te Eintracht Braunschweig. Bisedimet me drejtuesit e klubit ishin shumë të qarta dhe të bazuara në besim që në fillim, gjë që më dha një ndjenjë shumë të mirë. Eintracht është një klub me shumë traditë dhe ambicie të mëdha, dhe unë dua të jem pjesë e kësaj rruge”.

“Dua të zhvillohem më tej këtu, të bind me paraqitjet e mia dhe ta ndihmoj skuadrën me cilësitë e mia në një Bundesliga 2 shumë të fortë”.

Andi Hoti (i lindur më 2 mars 2003, 1.91 metra i gjatë) ka lindur pranë Cyrihut. Hapat e parë në futboll i hodhi te FC Zurich, përpara se të transferohej te ekipet U17 dhe U19 të Interit. Në korrik të vitit 2022, Hoti u zhvendos për herë të parë në Gjermani, duke iu bashkuar SC Freiburg II në formë huazimi.

Më pas pasoi kalimi i përhershëm te 1. FC Magdeburg, ndërsa gjatë kësaj periudhe ai pati edhe një huazim gjashtëmujor te SG Dynamo Dresden.

Në karrierën e tij, Hoti ka regjistruar 29 paraqitje në Bundesliga 2 dhe 33 ndeshje në divizionin e tretë, ku ka shënuar dy gola dhe ka dhënë një asist. Ai ka zhvilluar gjithashtu një paraqitje me Kombëtaren e Kosovës./Telegrafi

Giacomo Vrioni është gati të rikthehet në Evropë pas aventurës së tij katërvjeçare në Shtetet e Bashkuara.

Sulmuesi i Kombëtares shqiptare i ka dhënë fund eksperiencës në MLS, ku luajti fillimisht me New England Revolution dhe më pas me CF Montreal. Megjithëse rrallëherë ishte protagonist në fushë, ai përfitoi financiarisht nga kontratat e majme përtej Atlantikut.

Sipas shifrave zyrtare, Vrioni ka përfituar rreth 7,5 milionë dollarë gjatë katër viteve të tij në SHBA.

Tashmë, pas një periudhe relativisht në hije në Amerikë, 27-vjeçari synon të nisë gjithçka nga e para në futbollin europian. Megjithatë, interesi për të deri më tani nuk ka qenë maksimal.

Gjithsesi, mediat italiane raportojnë se dy klube të Serie B kanë shfaqur interes konkret për sulmuesin: Cesena dhe Reggiana, të cilat janë të gatshme t’i ofrojnë mundësinë për të treguar vlerat e tij.

Vrioni ka përvojë të mëparshme në futbollin italian dhe aktualisht ndodhet në Itali, ku po pret të finalizojë një marrëveshje me një skuadër të re. /Telegrafi/

Winterthur ka siguruar nënshkrimin e saj më të rëndësishëm në betejën për mbijetesë: Mirlind Kryeziu do të forcojë menjëherë repartin defensiv të skuadrës.

Sipas Blick, 29-vjeçari pritet t’i nënshtrohet vizitës mjekësore sot, pas së cilës do të firmosë kontratën.

Për trajnerin Patrick Rahmen, ky është një tjetër lajm pozitiv pas fitores ndaj Lausanne në fundjavë. Ai jo vetëm që po merr përforcimin e shumëpritur në mbrojtje, por edhe kandidatin ideal.

Kryeziu sjell lidership, shpirt luftarak, përvojë dhe forcë fizike cilësi thelbësore në luftën për të shmangur rënien nga kategoria.

Rahmen dhe Kryeziu njihen prej vitesh. Në dhjetor 2015, trajneri aktual i Winterthur e bëri mbrojtësin kosovar titullar të rregullt te Biel në Challenge League, kur ai ishte ende një lojtar i ri.

Gati dhjetë vjet më vonë, rrugët e tyre kryqëzohen sërish, këtë herë me objektivin për të realizuar “mrekullinë” e qëndrimit në Superligë.

Kryeziu, i lindur në Zurich, ka qenë pa klub që nga vera, por është stërvitur intensivisht për rikthimin e tij. Ai u largua nga FC Zurich pas 20 vitesh, pasi nuk u arrit marrëveshje për rinovimin e kontratës.

Së fundmi kishte spekulime të forta se reprezentuesi kosovar mund të rikthehej te FC Zurich, sidomos duke parë problemet e mëdha në mbrojtje dhe mungesën e lidershipit në skuadër. Legjenda e klubit, Blerim Xhemaili, kishte kërkuar publikisht rikthimin e tij:

“Mirlindi duhet të jetë opsioni numër një për FCZ. Duke pasur parasysh performancën e fundit në mbrojtje, ai duhet të rikthehet, edhe si lider që mund t’i udhëheqë lojtarët e rinj", ka deklaruar Xhemaili.

Presidenti i FC Zurich, Ancillo Canepa, konfirmoi se kishte pasur bisedime, por sipas Blick ekzistonte rezistencë e brendshme ndaj rikthimit të tij. Ndërkohë, FC Winterthur ka përfituar nga situata dhe ka siguruar një përforcim shumë të rëndësishëm për pjesën e mbetur të sezonit. /Telegrafi/

RB Leipzig ka njoftuar zyrtarisht huazimin e sulmuesi të Brighton, Brajan Gruda.

Talenti me prejardhje shqiptare rikthehet në Bundesliga, ku shkëlqeu më herët me Mainzin, dhe do të mbajë fanellën me numrin 10.

Ish-lojtari 21-vjeçar i Mainz ka qenë prej kohësh një objektiv i klubit sakson, siç konfirmoi drejtori menaxhues Marcel Schafer.

“Kur u shfaq mundësia për ta huazuar Brajan tani, ne ishim menjëherë entuziastë. E kemi pasur në radarin tonë për disa vite dhe do të kishim dashur ta sillnim te Leipzig në vitin 2024. Edhe pas kësaj, kontakti nuk u ndërpre kurrë. Jemi edhe më të lumtur tani, edhe nëse fillimisht është një huazim. E shohim Brajan duke luajtur në pozicionet e numrit tetë dhe dhjetë, ku ai do të na japë më shumë mundësi", deklaroi drejtori menaxhues i Leipzig.

Gruda u transferua te Brighton në vitin 2024, duke thyer rekord transferimi për Mainz me një tarifë mbi 31 milionë euro. Megjithatë, ai nuk arriti të gjejë vend në formacionin titullar nën drejtimin e trajnerit Fabian Hürzeler në Sussex.

Vetë lojtari shprehu entuziazmin e tij për kalimin te Leipzig.

"Isha i vendosur të bashkohesha me RB Leipzig sapo u bë e qartë se një transferim dimëror ishte i mundur për mua. RB Leipzig nuk është vetëm një klub absolutisht i shkëlqyer në Gjermani, por stili i tyre i lojës më përshtatet gjithashtu në mënyrë të përkryer".

"Ka pasur kontakte të rregullta midis meje dhe RB Leipzig në të kaluarën. Kjo më jep një ndjesi të mirë dhe tregon se klubi dhe menaxhmenti janë të bindur për aftësitë e mia dhe më duan vërtet në ekip. Prandaj jam edhe më i kënaqur që jam këtu tani".

"Ndihem në formë të shkëlqyer, tashmë njoh shumë nga shokët e mi të rinj të ekipit nga kombëtarja dhe Bundesliga, dhe dua të ndihmoj që RB Leipzig të kthehet në Evropë. Mezi pres të dal në fushë me djemtë dhe të filloj. Sigurisht, i uroj Albion gjithë të mirat për pjesën tjetër të sezonit", tha Gruda.

Në 20 ndeshje këtë edicion me Brightonin në të gjitha garat, Gruda ka shënuar tre gola dhe ka dhuruar tre asistime. /Telegrafi/

Edon Zhegrova vazhdon të mbetet në bankën rezervë te Juventus, pasi trajneri Luciano Spalletti nuk e aktivizoi as në fitoren 4-1 ndaj Parmës.

Në pesë ndeshjet e fundit, kosovari ka luajtur vetëm dy herë, duke grumbulluar gjithsej 15 minuta lojë.

Gazetari italian i afërt me klubin, Romeo Agresti, u shpreh i befasuar nga vendimi për ta lënë jashtë lojës.

“Një gjë që më ka habitur është si Spalletti vendosi Kostic në krahun e djathtë, dhe jo Zhegrovën. Ose nuk është në formë, ose janë zgjedhje teknike, duke u bazuar te fakti se për momentin nuk ofron garanci”, tha Agresti.

A duhet Edon Zhegrova ta mendojë seriozisht largimin nga Juventusi kur afati i janarit është ende i hapur?

Tutje, Agresti shtoi se Zhegrova është propozuar nga Juventusi në disa marrëveshje shkëmbimi gjatë afatit kalimtar dimëror.

“Ka shumë zëra që sugjerojnë se Juventusi e ka propozuar në disa shkëmbime. Do të shohim nëse do të ketë zhvillime pozitive gjatë sezonit. Për momentin, nuk është në të njëjtën pozicion si Joao Mario, por ka pak diferencë", u shpreh gazetari italian.

Situata e Zhegrovës duket se është një kombinim zgjedhjesh teknike dhe mungese mundësish për të treguar potencialin e tij.

Tifozët e Juventusit do të presin për të parë nëse ai do të gjejë hapësira më të mëdha në pjesën e mbetur të sezonit, apo do të përfundojë në një shkëmbim gjatë ditës së fundit të afatit kalimtar. /Telegrafi/

Mërgim Berisha është pranë zyrtarizimit te skuadra e tij e re dhe gjatë ditës së sotme pritet konfirmimi përfundimtar i transferimit.

Sulmuesi kosovar nuk do të largohet nga futbolli gjerman, por do të ndryshojë nivel gare, pasi nga Bundesliga do të vazhdojë karrierën në Bundesliga 2.

Berisha do të largohet nga Hoffenheim dhe do të transferohet te Kaiserslautern. Ditët e fundit ishte raportuar se Sturm Graz dhe Lecce kishin shprehur interesim për shërbimet e tij, por sipas Sky Sport, Kaiserslautern ka fituar garën për nënshkrimin e sulmuesit.

Marrëveshja mes dy klubeve tashmë është arritur. Kaiserslautern do ta transferojë Berishën pa paguar dëmshpërblim, ndërsa Hoffenheim ka ruajtur një përqindje të kartonit nga një shitje e mundshme në të ardhmen.

27-vjeçari nuk ka zhvilluar asnjë ndeshje këtë sezon me Hoffenheim dhe tani synon të rikthejë karrierën e tij në rrugën e duhur, duke marrë më shumë hapësira dhe minuta loje në skuadrën e re. /Telegrafi/

Më pak se 24 orë para mbylljes së afatit kalimtar të janarit, dilema rreth së ardhmes së Edon Zhegrovës te Juventusi po bëhet gjithnjë e më e madhe, me lojtarin që duhet të mendojë seriozisht të ardhmen e tij.

Shifrat janë të ftohta dhe flasin qartë: 293 minuta në 23 ndeshje, mesatarisht rreth 13 minuta për lojë – një rol periferik për një lojtar që pritej të sillte kreativitet dhe shpërthim në krah.

Shumëkush mendoi se ardhja e Luciano Spallettit në vend të Igor Tudor, do të ndryshonte situatën e reprezentuesit të Kosovës, por realiteti në fushë ka qenë ndryshe.

Zhegrova vazhdon të mbetet ‘jashtë’ planeve kryesore të trajnerit, shpesh duke mos u aktivizuar fare ose duke hyrë vetëm për minuta simbolike, edhe pse Spalletti në konferecë për shtyp flet fjalë të mira për sulmuesin kosovar.

Shifrat tregojnë qartë rolin periferik të Edon Zhegrovës te Juventusi.

Në shumë raste, kontributi i tij ka qenë thuajse simbolik: kundër Parmës, Cagliarit, Fiorentinës, Lazios, Real Madridit, Benficës, Napolit dhe Bolognës ai nuk u aktivizua fare, ndërsa ndaj Sassuolos hyri vetëm për një minutë.

Edhe në ndeshje të tjera, minutat kanë qenë minimale – 7 minuta kundër Udineses, 8 ndaj Bodø/Glimt, 9 përballë Napolit, apo 18 minuta ndaj Monacos.

Ka pasur edhe disa paraqitje me pak më shumë hapësirë, por pa vazhdimësi reale.

Zhegrova luajti 19 minuta kundër Sporting CP, 25 ndaj Cagliarit, 26 përballë Torinos, 29 minuta kundër Cremoneses, si dhe nga 30 minuta ndaj Pisës dhe AS Romës.

Aktivizimet më të gjata mbeten përjashtim: 45 minuta kundër Lecces, 46 ndaj Pafosit, ndërsa ndeshjet ku iu afrua një roli më të qëndrueshëm ishin të rralla dhe të izoluara, pa krijuar një seri që do t’i garantonte ritëm dhe besim.

Në total, vetëm dy ndeshje mbi 45 minuta, ndërsa në shumicën dërrmuese të takimeve, Zhegrova ka mbetur në stol ose jashtë planeve.

Në këtë kontekst, huazimi duket gjithnjë e më shumë si një opsion i domosdoshëm, jo vetëm për të rigjetur formën dhe ritmin, por edhe për të mos humbur vazhdimësinë në një moment kyç të karrierës.

Evertoni ishte një mundësi, por siç duket, bisedimet mes palëve u ndërprenë pa nisur mirë.

Në këtë realitet, është e vështirë të pretendohet se Zhegrova po ndërton formë konkurruese. Minutat e copëzuara, hyrjet e vonshme dhe mungesa e vazhdimësisë e kanë vendosur atë në një zonë gri, larg pritshmërive që shoqëruan transferimin e tij dhe larg nivelit që kërkohet për të qenë faktor vendimtar, si në klub ashtu edhe në Kombëtaren e Kosovës.

Afati kalimtar i janarit mbyllet të hënën në ora 20:00 në pesë ligat kryesore evropiane.

Deri atëherë, vendimi i Edon Zhegrovës mund të jetë një nga më të rëndësishmit e karrierës së tij: të presë një shans që nuk po vjen, apo të largohet përkohësisht për të luajtur, për të gjetur veten dhe për të ndihmuar edhe Kosovën ndaj Sllovakisë, me një formë të lartë, që i duhet yllit kosovar. /Telegrafi/

Florent Hasani ishte protagonisti kryesor në fitoren bindëse 7-0 të Amedsporit ndaj Adana Demirsporit, në kuadër të Ligës së Parë të Turqisë.

Sulmuesi nga Vushtrria realizoi dy gola, duke shënuar në minutat 45’ dhe 59’, për golin e dytë dhe të pestë të skuadrës së tij.

Hasani qëndroi në fushë për 61 minuta, ndërsa paraqitja e tij u vlerësua me notën e lartë 9.5 nga SofaScore.

Me këta dy realizime, sulmuesi ka shkuar në kuotën e 16 golave, të shoqëruara edhe me 3 asistime, duke u konfirmuar si golashënuesi më i mirë i kampionatit.

Amedspor aktualisht mban vendin e parë në tabelë dhe konsiderohet favorit absolut për t’u ngjitur në Superligën e Turqisë, falë formës së shkëlqyer dhe vazhdimësisë së rezultateve.

Hasani iu bashkua Amedsporit në këtë afat kalimtar dimëror, duke u transferuar nga Boluspor, dhe menjëherë ka treguar ndikim vendimtar në repartin ofensiv të skuadrës. /Telegrafi/

- YouTube www.youtube.com

Thun ka shënuar fitore të madhe në udhëtim te Baseli, në kuadër të xhiros së 22-të në Superligën e Zvicrës.

Thun arkëtoi pikët e plota me rezultat të ngushtë 1-2, sfidë ku luajtën plot katër shqiptarë.

Bertone pas vetëm 15 minutave lojë e zhbllokoi epërsinë me një gol të bukur për të kaluar Thun në epërsi.

Megjithatë, Baseli që luajti pa Xherdan Shaqirin e suspenduar arriti ta barazojë përmes Schmid.

Sidoqoftë, ishte i inkuadruari Valmir Matoshi që e vulosi fitoren me një vollej të fuqishme pas një gabimi të mbrojtjes vendase (79’) – VIDEO.

Ndërkohë, qendërmesfushori ka të drejtë ta përfaqësojë Kosovën pasi ka luajtur vetëm për grupmoshën U21 të Zvicrës./Telegrafi

Portieri i Luganos Amir Shaipi mund të largohet para se të mbyllet afati kalimtar dimëror, pasi ka marrë një ofertë zyrtare.

“Gardiani” e ka rifituar vendin e titullarit te Lugano, megjithatë ka refuzuar rinovimin e kontratës kësisoj pritet të bëhet me skuadër të re, qoftë tani ose në verë.

“Blick” raporton se një ofertë zyrtare tashmë ka mbërritur te klubi zviceran, megjithatë nuk është bërë me dije emri i klubit që ka shprehur interesim për portierin.

Pas një paraqitje të shkëlqyer ndaj Grasshoppers, Shaipi është pyetur nëse ishte ndeshja e fundit në fanellën e Luganos, sidoqoftë refuzoi t’i komentojë thashethemet.

“Vërtetë nuk e di, ju dini më shumë për mua. Unë luaj dhe përpiqem të jap maksimumin në fushë. Nuk di për asgjë tjetër”, deklaroi ai për “Blick”.

Ndërkohë, te Lugano trajneri Mattia Croci-Torti deklaroi se pret që Shaipi të qëndrojë deri në fundin e sezonit.

“Amiri ka qenë shumë i mirë kohët e fundit dhe është normale që ka interesim për të nga klubet e tjera. Por, është lojtar i Luganos dhe jam i kënaqur me të. Besoj se do të qëndrojë deri në fundin e sezonit”, shtoi ky i fundit.

Mbetet të shihet nëse klubi që ka shprehur interesim për Shaipin do ta kompletojë marrëveshjen me Luganon, ku kanë mbetur më pak se 48 orë para se të mbyllet afati kalimtar dimëror./Telegrafi

Fortuna Dusseldorf ka marrë një fitore shumë të rëndësishme në Bundesliga 2, teksa ka mposhtur Paderbornin me rezultat 2-1.

Ka qenë një ndeshje ku vendasit kanë fituar me rikthim dhe ylli kosovar Florent Muslija ka qenë vendimtar në këtë takim.

Mysafirët pas dy minutave lojë kaluan në epërsi me golin e Okpalas, por në pjesën e dytë Dusseldorf bënë rikthimin e madh, ndërsa Muslija asistoi në golin e barazimit në minutën e 64-të, ku shënoi Appelkamp.

Reprezentuesi kosovar ishte ndër më të mirët në fushë, duke u vlerësuar me notën 7,0 nga SofaScore. /Telegrafi/i

Portieri Amir Shaipi ka zhvilluar një tjetër paraqitje të shkëlqyer për Luganon, këtë herë në barazimin ndaj Grasshoppers.

Sfida përfundoi me rezultat 1-1, por mund të thuhet se Lugano e mori një pikë vetëm falë pritjeve të jashtëzakonshme të portierit të Kosovës.

Sidoqoftë, një tjetër futbollist me prejardhje nga Kosova la mbresa në këtë sfidë. Bëhet fjalë për mesfushorin Samuel Krasniqi, i cili edhe shënoi golin e barazimit.

Pas asistimit të Asp, Krasniqi e ruajti topin nga dy mbrojtës dhe me një goditje të fuqishme e mposhti Shaipin (85’).

Për ta parë golin: VIDEO

Ky ishte goli i parë i Krasniqit në Superligën e Zvicrës, ndërsa ka të regjistruar edhe një asistim. Kujtojmë, lojtari ka të drejtë ta përfaqësojë Kosovën, qoftë grupmoshën U21 pasi ka luajtur vetëm për Zvicrën U19./Telegrafi

Ylli i Mallorcas Vedat Muriqi është shpallur lojtari më i mirë i muajit në La Liga.

Ky muaj ka qenë i shkëlqyer për lojtarin nga Prizreni, i cili shënoi pesë gola.

Fillimisht, shënoi gol ndaj Gironas, pastaj në barazimin e Rayo Vallacanos. Pas këtyre, Muriqi e kompletoi het-trikun në fitoren 3-2 ndaj Athletic Bilbaos.

Kësisoj, për herë të parë në histori – një lojtar i Kosovës e fiton çmimin “Lojtari më i mirë i muajit” në kampionatin spanjoll.

“Pirati. Vedat Muriqi nga Mallorca është lojtari më i mirë i muajit janar në La Liga”, shkroi ndër të tjera faqja zyrtare.

Përndryshe, Muriqi është golashënuesi i dytë më i mirë në kampionatin spanjoll me 14 gola, pas vetëm Kylian Mbappes./Telegrafi

Sulmuesi Emir Sahiti e ka kompletuar huazimin te skuadra izraelite Maccabi Tel Aviv nga klubin gjerman Hamburg.

Përfaqësuesi kosovar nuk ishte në planet e skuadrës gjermane kësisoj ka gjetur klub të ri, të cilët e kanë huazuar me opsion blerje.

“Emir Sahiti i bashkohet Maccabi nga Hamburg pasi marrëveshja mes dy klubeve u arrit për huazimin e 27-vjeçarit deri në fundin e sezonit 2025/26, me opsion blerje”, thuhet ndër të tjera në komunikatë.

Sahiti që ka shënuar tre gola në fanellën e Hamburgut deklaroi se mezi pret të luajë para tifozëve izraelitë.

“Jam shumë i lumtur dhe emocionuar që i bashkohem Maccabi Tel Aviv, klub me histori të pastër dhe tifozë të devotshëm. Nga bisedat e para, e ndjeva vizionin e klubit dhe e dija që ishte hapi i duhur”.

“Jam i uritur, motivuar dhe gati që të jap gjithçka, ta ndihmoj skuadrën të fitojë trofe dhe t’i sjellë krenari tifozëve. Mezi pres ta ndjej atmosferën në Bloomfield Stadium”, deklaroi ai.

Kujtojmë, që prej vitit 2024, Sahiti ka zhvilluar 26 paraqitje në fanellën e Hamburgut./Telegrafi/

Ylli i Kosovës Meriton Korenica e ka gjetur sërish rrugën drejtë golit në kampionatin rumun.

Korenica realizoi golin e tretë në fitoren 4-2 të Clujit kundër Metaloglobus Bucharest.

Pas një pasimi të Slimanit, Korenica dribloi dy futbollistë e pastaj me një goditje të saktë s’i dha asnjë shans portierit mysafir (88’).

Për më shumë shikoni golin:

Ndërkohë, ky ishte goli i gjashtë për Korenicën në kampionatin rumun, kurse ka të numëruar edhe dy asistime në proces./Telegrafi/

Sulmuesi Meriton Korenica pritet që të largohet nga CFR Cluj brenda këtij afati dimëror, ndërsa thuhet se agjentët e tij po negociojnë me skuadrën e Superligës Turke, Konyaspor.

Lojtari me prejardhje nga Rahoveci deri vonë ishte në negociata me DC United, por duket se skuadra amerikane nuk do t’i plotësojë kërkesat e rumunëve prej 4.5 milionë dollarë për ta liruar kosovarin.

Megjithatë, tani në “radarin” e Korenicës është edhe skuadra turke. Sipas asaj që raporton “Ajansspor”, 29-vjeçari i është ofruar Konyasporit, klub ky që po kërkon një anësor të ri.

Konyaspori e vlerëson lartë Korenicën edhe për faktin se mund të luajë në disa pozita të ndryshme, gjë që mund t’i hyjë në përdorim trajnerit në rast mungesash.

Korenica e njeh mjaftë mirë futbollin turk, meqenëse për gjashtë muaj ka qenë pjesë e Manisas, aty ku shënoi një gol në 11 paraqitje.

Këtë edicion, ylli kosovar ka qenë ndër më të mirët për Clujin, ku shënoi shtatë gola si dhe dhuroi gjashtë asistime në 31 paraqitje.

Një afrim i tillë mund t’i ndihmojë shumë Konyasporit, skuadër kjo që po lufton për mbijetesë në elitën e futbollit turk, pasi zënë pozitën e 13-të me 19 pikë, vetëm tre më shumë se Eyuspori./Telegrafi

Sulmuesi i krahut Emir Sahiti është rrugës për në Izrael, ku do të nënshkruajë me skuadrën e famshme Maccabi Tel Aviv.

Marrëveshja do të jetë vetëm në formë huazimi, ndërsa ende nuk dihet nëse klubi izraelit do të ketë ndonjë opsion blerje për futbollistin, i cili ka kontratë deri në fundin e vitit 2027 me Hamburgun.

Trajneri i Hamburgut Merlin Polzin ia ka bërë të qartë skuadrës gjermane se nuk i dëshiron “lojtarët që nuk japin 100 për qind për klubin”, ndërsa pjesë e kësaj liste raportohet të jetë edhe Sahiti.

Siç raporton mediumi pranë klubit “Hamburger Abedblatt”, marrëveshja është praktikisht e kryer, pasi Sahiti s’është në planet e trajnerit që kur humbi vendin e titullarit në humbjen e derbit të qytetit kundër St.Pauli.

“Maccabi Tel Aviv do të nënshkruajë me Emir Sahitin në formë huazimi. 27-vjeçari është rrugës për në Izrael”.

“Sahiti ka kontratë deri më 2027, ndërsa do të jetë largimi i katërt për këtë afat dimëror. Ai u transferua për 1.2 milionë euro por anësori kurrë nuk u bë lojtar i padiskutueshëm në formacion. Pas promovimit, ai luftoi për vendin titullar kundër Rayan Philippe, por e humbi në derbin e qytetit ndaj St. Pauli”, raporton mediumi gjerman.

Përndryshe, Sahiti nuk i ka punët mirë as me përzgjedhësin Franco Foda shkaku që e refuzoi ftesën e Kosovës në muajin qershor duke u ankuar se në formacionin e “Dardanëve” po luajnë lojtarë që nuk e meritojnë./Telegrafi