Presidenti turk Recep Tayyip Erdogan zhvilloi në Stamboll një takim me ministrat e Jashtëm të vendeve të Ballkanit, ku u diskutuan marrëdhëniet dypalëshe dhe çështjet rajonale.

Në kuadër të Platformës së Paqes në Ballkan, Erdogan theksoi rëndësinë e solidaritetit, sigurisë, energjisë dhe bashkëpunimit rajonal, duke bërë thirrje për veprim të përbashkët dhe nisma të fokusuara në paqe.

Sinjali – aty ku e vërteta flet para lajmit!

/GazetaSinjali/

The post Erdogan takon ministrat e Jashtëm të Ballkanit në Stamboll, në fokus paqja dhe bashkëpunimi rajonal appeared first on Sinjali.

Bisedimet Ukrainë-Rusi përfunduan sot, thanë burime për Reuters.

Përfaqësuesit e të dyja vendeve po takoheshin me ndërmjetësit amerikanë në Abu Dhabit.

Ashtu si dje, shumë pak detaje janë bërë publike për diskutimet që zhvilluan sot SHBA-ja, Ukraina dhe Rusia.

Sipas një zëdhënësi të qeverisë së Emirateve të Bashkuara Arabe, bisedimet u fokusuan tek “elementet e pazgjidhura” të kuadrit të paqes të propozuar nga SHBA-ja, një plan i hartuar fillimisht nga SHBA dhe Rusia, dhe më pas i modifikuar nga SHBA-ja dhe Evropa.

Ndërsa bisedimet trepalëshe zhvilloheshin në Abu Dhabi, sulmet ruse në Ukrainë vazhduan.

Sky News raporton se bisedimet përfshinë “angazhim të drejtpërdrejtë” mes zyrtarëve të të dy vendeve dhe u zhvilluan në një “atmosferë konstruktive dhe pozitive”. Kjo mund të sugjerojë se përfaqësuesit rusë dhe ukrainas ishin në të njëjtën dhomë, në vend që SHBA-ja të kryente vetëm ndërmjetësimin, por deklarata nuk është përfundimtare.

Nuk dihet ende nëse do të zhvillohen bisedime të reja mes palëve në ditët në vijim.

Sinjali – aty ku e vërteta flet para lajmit!

/GazetaSinjali/

The post Përfundojnë bisedimet e para trepalëshe SHBA-Ukrainë dhe Rusi appeared first on Sinjali.

Partia Komuniste e Kinës ka vendosur të nisë një hetim ndaj zyrtarëve të lartë ushtarakë Zhang Youxia dhe Liu Zhenli për shkelje të dyshuara serioze të disiplinës dhe ligjit, njoftoi të shtunën ministria e mbrojtjes.

Zhang, 75 vjeç, është anëtar i Byrosë Politike dhe nënkryetar i Komisionit Qendror Ushtarak, ndërsa Liu është shef i stafit të Departamentit të Shtabit të Përbashkët të CMC-së. Zhang konsiderohet aleati më i ngushtë ushtarak i Presidentit Xi Jinping dhe një nga pak oficerët kryesorë me përvojë luftarake në vend.

Sinjali – aty ku e vërteta flet para lajmit!

/GazetaSinjali/

The post Kinë nis hetim ndaj dy zyrtarëve të lartë ushtarakë për shkelje disipline dhe ligji appeared first on Sinjali.

Një video e rrjedhur nga një takim i mbyllur ka nxjerrë në pah përpjekjet e dëshpëruara të regjimit venezuelas për të kontrolluar narrativën publike pas kapjes së presidentit Nicolás Maduro nga forcat amerikane.

Në pamjet e publikuara, shihet ministri i Komunikimit, Freddy Nanez, duke vendosur telefonin pranë mikrofonit përpara një grupi mbështetësish pro-qeveritarë, ndërsa në altoparlant dëgjohet zëri i presidentes në detyrë, Delcy Rodríguez.

Rodríguez pretendon se në momentin kur forcat amerikane kapën Maduron, atij, vëllait të saj Jorge Rodríguez dhe Diosdado Cabello iu dhanë vetëm 15 minuta kohë për t’u përgjigjur nëse do t’u përmbaheshin kërkesave të Uashingtonit, duke i kërcënuar se “përndryshe do t’i vrisnin”.

Ajo thotë se ishin të detyruar të bashkëpunonin për shkak të “kërcënimeve dhe shantazhit të vazhdueshëm”, duke shtuar se prioriteti i tyre kryesor ishte ruajtja e pushtetit politik, shkruan The Guardian.

Videoja është regjistruar rreth shtatë ditë pas sulmit të forcave amerikane dhe pasqyron shqetësimin e figurave të larta të regjimit se mund të përballeshin me akuza për tradhti, si dhe frikën se lëvizja e brendshme politike mund të shpërbëhej.

Gjatë takimit, ministri i Komunikimit pohon se qeveria ishte duke negociuar për të shpëtuar pozicionin e saj dhe se zhvillimet ishin pjesë e një plani më të gjerë për të kontrolluar situatën, përfshirë edhe çështjen e shitjes së naftës.

Megjithatë, Rodríguez nuk e ka përsëritur zyrtarisht pretendimin për kërcënime me vdekje, por ka deklaruar se janë në proces dialogu me Shtetet e Bashkuara për të adresuar dallimet dhe sfidat përmes diplomacisë.

Analistët politikë vlerësojnë se mbetet e vështirë të verifikohet nëse kërcënimet ishin reale apo një konstrukt i përdorur për të mbajtur të bashkuar bazën politike të regjimit.

A leaked video of a closed-door meeting shows Venezuela’s Delcy Rodríguez telling pro-government influencers that US forces threatened to kill senior officials unless they cooperated after the capture of Maduro.

Rodríguez says she and other top figures were given 15 minutes to… pic.twitter.com/hiz5LqAXNJ

— Clash Report (@clashreport) January 24, 2026

Sinjali – aty ku e vërteta flet para lajmit!

/GazetaSinjali/

The post Kapja e Maduros, presidentja venezuelase: Na dhanë 15 minuta kohë për të zgjedhur mes jetës dhe vdekjes appeared first on Sinjali.

Klubi anglez, Sunderland ka konfirmuar se mesfushori shqiptar, Granit Xhaka, është i lënduar dhe do të mungojë në ndeshjen e tyre ndaj West Ham United.

Sunderland është mysafir i West Hamit në ndeshjen e sotme (e shtunë), e vlefshme për javën e 23-të në Ligën Premier.

Megjithatë, “Macet e Zeza” do ta kenë një mungesë të madhe për këtë takim.

Bëhet fjalë për kapitenin e tyre, yllin shqiptar, Granit Xhaka, i cili është duke u rikuperuar nga një dëmtim i pësuar së fundmi.

Njoftimi ka ardhur nga vetë faqja zyrtare e Sunderlandit.

“Granit Xhaka nuk do të jetë pjesë e ndeshjes së sotme kundër West Ham United”.

“Mesfushori pësoi një dëmtim në kyçin e këmbës në fitoren e fundjavës së kaluar ndaj Crystal Palace dhe tani po kalon një periudhë rehabilitimi në Academy of Light”, thuhet në njoftim. /Telegrafi/

Presidenti amerikan Donald Trump jep. Dhe merr. I mjaftuan vetëm gjashtë ditë për të ndërtuar një botë të re. Ditën e shtatë, aleatët e deridjeshëm në Evropë mund të shpresonin me të drejtë për pak qetësi.

Që nga kërcënimet për tarifa dhe deri te synimi për të marrë Grenlandën, sjellja e Trumpit ka thyer tabu dhe e ka bërë të qartë se normat e rendit të vjetër botëror janë zhdukur, ka shkruar Associated Press në një analizë të shtunën.

Është “çarje, jo tranzicion”, siç e përshkroi prerazi kryeministri kanadez Mark Carney. Gjatë dekadave në jetën publike, Trumpi nuk ka qenë kurrë i njohur për delikatesë, por trazirat e javës së fundit kanë qenë të jashtëzakonshme edhe sipas standardeve të tij.

Ato kanë kristalizuar vendosmërinë e tij për të fshirë rendin e bazuar në rregulla që ka udhëhequr politikën e jashtme amerikane – dhe për rrjedhojë edhe atë perëndimore – që nga Lufta e Dytë Botërore. Në vend të tij po lind një arenë pa rregulla, ku fitojnë më të zhurmshmit dhe më të fortët, ndërsa themeli i vjetër – besimi transatlantik, dikur i pathyeshëm – nuk ekziston më.

Një javë e paprecedentë

Trumpi e kishte shprehur dëshirën për territorin danez të Grenlandës që në vitin 2019. Por vetëm shpërthimi i javës së kaluar, me kërcënime të hapura ndaj një aleati të NATO-s, e tronditi vërtet Evropën. “Në një mënyrë apo në një tjetër, ne do ta kemi Grenlandën”, premtoi Trump, edhe nëse “duhet ta bëjmë në mënyrën e vështirë”.

Para se të shtynte tarifat ndaj disa vendeve evropiane, ai i bëri presion Danimarkës që të “thoshte po” ndaj kërkesës amerikane për kontrollin e Grenlandës.

“Dhe ne do të jemi shumë mirënjohës. Ose mund të thoni jo, dhe ne do ta mbajmë mend”, ka shtuar ai, duke vënë në pikëpyetje edhe vetë aleancën e NATO-s.

Në Forumin Ekonomik Botëror në Davos, Trumpi foli për vendosjen e tarifave ndaj Zvicrës pasi lideri zviceran “ia kishte prishur nervat” gjatë një telefonate. Por më pas i zbuti fjalët.

I fyer nga qëndrimi gjithnjë e më i ashpër i kryeministrit kanadez Mark Carney, Trump tërhoqi ftesën për Kanadanë për t’u bashkuar me Bordin e Paqes – një organizatë që e kryeson dhe që shumë aleatë perëndimorë dyshojnë se mund të shndërrohet në një rival të OKB-së. Pjesë e kësaj organizate u bë edhe Kosova.

Realitet i ri

“Është krijuar një realitet i ri. Një realitet që shpesh është shumë i paqëndrueshëm”, u shpreh një diplomat i lartë i BE-së, duke përmendur “retorikën shumë joortodokse të administratës amerikane”. Mesazhi më në fund duket se ka mbërritur: SHBA-ja nuk është më miku dhe aleati i besueshëm që ishte dikur.

Për disa, ky është zgjim i vonuar.

“Marrëdhëniet transatlantike kanë pësuar goditje të madhe javën e kaluar”, ka thënë shefja e diplomacisë së BE-së, Kaja Kallas. Ndërsa ish-presidenti i Këshillit Evropian, Charles Michel, ishte edhe më i drejtpërdrejtë: marrëdhënia transatlantike “siç e kemi njohur për dekada, ka vdekur”.

Në kërkim të një rruge të re

Përballë ambicieve të Trumpit, Evropa ka përpara një zgjedhje të qartë: sfidë apo nënshtrim. “Qetësimi nuk sjell rezultate, vetëm poshtërim”, ka thënë kryeministri polak Donald Tusk, ndërsa kryeministri belg Bart De Wever deklaroi në Davos se do të preferonte të ishte një “vasal i lumtur” sesa një “skllav i mjerë” i SHBA-së.

Liderë të tjerë, që gjatë administratës Trump kishin kërkuar mënyra për të bashkëpunuar me të, po bëhen gjithnjë e më të zëshëm. Kryeministri kanadez Carney po shfaqet shpejt si lider i një lëvizjeje që synon të bashkojë dhe balancojë fuqinë amerikane.

“Nëse nuk je në tavolinë, je në menu”, ishte fjalia e famshme e tij në Davos.

Trump reagoi ashpër, me kërcënime dhe duke tërhequr ftesën për Bordin e Paqes.

“Kanadaja jeton falë Shteteve të Bashkuara. Mbaje mend këtë, Mark, herën tjetër kur bën deklarata”, ka thënë ai.

Neni 5

Carney nuk u tërhoq. Në Britani, kryeministri Keir Starmer e dënoi Trumpin për komente “fyese dhe tronditëse”, ku presidenti amerikan dyshonte se NATO-ja do ta mbështeste SHBA-në në rast sulmi. Trumpi duket se ka harruar se Neni 5 i NATO-s, i cili obligon mbrojtjen kolektive, është aktivizuar vetëm një herë – pas sulmeve të 11 shtatorit ndaj SHBA-së.

Starmer përmendi sakrificën e 457 ushtarëve britanikë të vrarë në Afganistan, duke thënë se nuk do ta harronte kurrë “guximin dhe flijimin e tyre”. Edhe Danimarka, e përbuzur nga Trumpi, pati numrin më të lartë të viktimave për frymë mes forcave të koalicionit.

Bisedat me diplomatët e BE-së tregojnë se Evropa më në fund është bashkuar rreth nevojës për pavarësi nga kapriçot e Shtëpisë së Bardhë, veçanërisht në fushën e mbrojtjes. “Krejtësisht e papranueshme”, i quajti Macron tarifat amerikane, duke shtuar: “Ne preferojmë respekt, jo bullizëm”.

Kujdes dhe zakone të vjetra

Megjithë retorikën e Trumpit, Evropa përballet me të njëjtat kërcënime si më parë. Rusia vazhdon sulmet ndaj Ukrainës, ndërsa inteligjenca ushtarake finlandeze paralajmëron për rreziqe ndaj infrastrukturës nënujore në Baltik. Edhe pse askush nuk pajtohet me dorëzimin e territoreve sovrane, rezistenca nuk është kudo e hapur.

Fuqia ushtarake dhe ekonomike amerikane mbetet thelbësore, dhe kontinenti ende nuk është gati të mbrohet i vetëm kundër Rusisë. Edhe pasi Trumpi u tërhoq nga përplasja për Grenlandën, kancelari gjerman Friedrich Merz foli për “mirënjohje” ndaj ndryshimit të qëndrimit të tij.

Vendet baltike të rezervuara

Vendet baltike, zakonisht shumë të zëshme, ishin dukshëm më të rezervuara.

“Në vend që të fokusohemi te emocionet, duhet të përqendrohemi te aspekti ushtarak dhe teknik”, ka thënë ish-ministrja lituaneze e Mbrojtjes, Dovile Sakaliene, duke shtuar se Evropës do t’i duheshin 5 deri në 10 vjet për të barazuar fuqinë ushtarake amerikane në kontinent.

“Bashkëpunimi duhet të jetë fjala kyçe, jo konfrontimi. SHBA-ja mbetet miku ynë më i afërt”, u shpreh presidenti lituanez Gitanas Nauseda.

Në Washington, megjithatë, administrata nuk po tregon shenja të tërheqjes. Steve Bannon, ish-këshilltar i Trumpit, ka thënë se presidenti po ndjek një “strategji maksimaliste” dhe duhet të vazhdojë “derisa të përballet me rezistencë”.

“Dhe ende nuk kemi hasur rezistencë”, përfundoi ai.

Senatori demokrat Chris Coons vuri në dukje se Trumpi tërhiqet vetëm kur vendet si Kina “tregojnë forcë dhe qëndrueshmëri”.

“Ata që janë treguar të butë dhe kanë negociuar me mirëbesim, si BE-ja, nuk duket se kanë fituar respektin e tij. Secili mund të nxjerrë përfundimet e veta, por për mua, përpjekja për të qetësuar dikë me kërkesa të paekuilibruara tregon qartë se cili duhet të jetë kursi i veprimit”, ka thënë Coons.

Sinjali – aty ku e vërteta flet para lajmit!

/GazetaSinjali/

The post Trump nxit diskutime për ‘rendin e ri botëror’, ndërsa udhëheqësit sinjalizojnë ndryshimin e aleancave globale appeared first on Sinjali.

Të dërguarit e presidentit të SHBA-së, Donald Trump, Steve Whitkof dhe Jared Kushner, pritet të takohen në Izrael me kryeministrin Benjamin Netanyahu, ku sipas raportimeve të mediave izraelite, fokus do të jenë hapja e pikës kufitare Rafah me Egjiptin dhe fillimi i rindërtimit të Gazës, në kuadër të fazës së dytë të marrëveshjes.

Media izraelite KAN raporton se takimit mund t’i bashkohet edhe kreu i Komandës Qendrore të SHBA-së, admirali Brad Cooper.

Megjithatë, mbetet e paqartë nëse do të hapet kalimi kufitar i Rafah, pasi Hamas ende nuk ka kthyer trupin e pengut të fundit që mbetet në Gaza.

Agjencia e lajmeve Reuters, shkruan se Izraeli po kërkon të kufizojë numrin e palestinezëve që kthehen në Gaza përmes pikës kufitare Rafah, për t’u siguruar që numri i atyre që largohen të tejkalojë ata që hyjnë.

Po ashtu, Reuters citon burime sipas të cilave Izraeli planifikon të krijojë një pikë kontrolli ushtarak brenda Rripit të Gazës, pranë kufirit, ku të gjithë palestinezët që largohen ose kthehen do të kalojnë dhe do t’i nënshtrohen kontrollit të sigurisë në Izrael.

Kalimi në Rafah është e vetmja rrugë hyrëse dhe dalëse për më shumë se 2 milionë banorë të Gazës, çka e bën çështjen tepër të ndjeshme dhe të rëndësishme për situatën humanitare.

Sinjali – aty ku e vërteta flet para lajmit!

/GazetaSinjali/

The post Witkof dhe Kushner sot në Izrael, takim me Netanyahun rreth rindërtimit të Gazës appeared first on Sinjali.

Bisedimet e ndërmjetësuara nga SHBA mes Ukrainës dhe Rusisë rifilluan të shtunën në Abu Dhabi, sipas një burimi të njohur me situatën, i cili foli për Reuters.

Këto bisedime të rralla trilaterale për të ndalur gati katërvjeçarin e luftës nisën të premten në Emiratet e Bashkuara Arabe.

Presidenti ukrainas, Volodymyr Zelenskiy, tha se përfaqësues të lartë nga forcat e armatosura dhe inteligjenca ushtarake e Ukrainës do t’i bashkohen bisedimeve të shtunën.

Sinjali – aty ku e vërteta flet para lajmit!

/GazetaSinjali/

The post Bisedimet Ukrainë-Rusi-SHBA rifillojnë në Abu Dhabi appeared first on Sinjali.

“Është e jashtëzakonshme”, thotë studiuesi i peshkaqenëve, Chris Pepin-Neff: katër sulme nga peshkaqenët brenda 48 orësh, dhe tre prej tyre brenda një harku 15 kilometra në bregun lindor të Australisë.

Më 18 janar, një djalë 12-vjeçar u dërgua në spital me plagë kritike dhe më pas vdiq, pasi u sulmua gjatë notit në Sydney Harbour. Dita tjetër, një fëmijë 11-vjeçar pësoi dëmtime në bordin e tij të surfit në plazhin Dee Why, disa orë para se një burrë tjetër të sulmohej në plazhin Manly pranë dhe të dërgohej në spital në gjendje kritike.

Më 20 janar, një surfer i katërt “pësoi një plagë në gjoks” pasi peshkaqeni kafshoi bordin e tij rreth 300 km larg bregut.

“Ky është seria më e afërt – si në distancë ashtu edhe në kohë – e sulmeve nga peshkaqenët që kam parë në 20 vitet e mia kërkimore,” shpjegon Pepin-Neff, profesor asociuar i politikave publike në Universitetin e Sydney, njofton BBC, transmeton Sinjali.

Shpërthimi i shpejtë i incidenteve shkaktoi alarm lokal dhe ndërkombëtar, duke bërë që dhjetëra plazhe të mbyllen për shkak të frikës nga sulme të tjera. Natyrisht, thirrjet për prerjen e peshkaqenëve fituan përkrahje dhe intensitet.

Megjithatë, ekspertët këshillojnë kundër këtij lloji masash, duke sugjeruar në vend të kësaj një vetëdijesim më të madh mbi sjelljen e peshkaqenëve dhe një rishikim të marrëdhënies së njeriut me këto peshq.

Pse ndodhin sulme të shumta nga peshkaqenët në Australi?

Sulmet jo të provokuara zakonisht shkaktohen nga kushte mjedisore, pranueshmëria e ushqimit në ujë ose të dyja.

Tre incidentet e fundit në Sydney – të gjitha mendohet të kenë përfshirë bull sharks – ndodhën pas disa ditësh reshjesh të dendura, gjatë të cilave stacioni zyrtar meteorologjik i qytetit regjistroi 127 mm shi brenda 24 orësh – dita më e lagësht e janarit në 38 vitet e fundit.

Kjo reshje krijoi “kushtet perfekte” për bull sharks, thotë Rebecca Olive, studiuse e lartë në RMIT University.

“Bull sharks zhvillohen mirë në ujë të ngrohtë dhe pak të kripur, ku shumica e peshkaqenëve të tjerë shmangen,” shpjegon Olive. “Ata preferojnë gojat e lumenjve dhe estuaret, kështu që uji i freskët që përmbyti tokën pas reshjeve të fundit ishte perfekt për ta.”

Olive dhe ekspertë të tjerë theksojnë se ky ujë i freskët ka shpërndarë mbeturina dhe lëndë ushqyese në det, duke tërhequr peshq të vegjël dhe, për pasojë, peshkaqenët.

“Ka qartësisht një tërheqës në ujë,” thotë Pepin-Neff, duke sugjeruar se një “stuhi perfekte” e ujit me pak kripë mund të ketë shkaktuar një “shpërthim të biodiversitetit”.

“Peshqit e vegjël shfaqen sipër, bull sharks shfaqen sipër, të gjithë janë pranë bregut – dhe tani kemi një problem.”

Sinjali – aty ku e vërteta flet para lajmit!

/GazetaSinjali/

The post Katër sulme në 48 orë: Si u bënë plazhet e Australisë Lindore një ‘stuhi perfekte’ për peshkaqenët appeared first on Sinjali.

Presidenti i Këshillit Evropian, Antonio Luis Santos da Costa, dhe Presidentja e Komisionit Evropian, Ursula von der Leyen, do të jenë mysafirët kryesorë në festimet e Ditës së Republikës në Indi, të hënën e ardhshme.

Përveç banketeve shtetërore dhe pompës ceremoniale të ngjarjes, të dy udhëheqësit kanë një pikë më të ngutshme në axhendën e tyre – avancimin e bisedimeve për tregti të lirë me ekonominë e tretë më të madhe të Azisë.

Kjo ndodh në një moment veçanërisht sfidues gjeopolitik për Europën, ku Presidenti Donald Trump fillimisht kërcënoi të eskalonte luftën tregtare me aleatët evropianë përkundër përpjekjeve amerikane për të marrë kontrollin e Grenlandës, dhe më pas tërhiqet.

Zgjedhja e mysafirëve përmban gjithashtu një mesazh të rëndësishëm diplomatik nga India – Delhi po përshpejton lidhjet strategjike dhe tregtare me pjesën tjetër të botës, ndërsa impasi mbi tarifat 50% të SHBA-së ndaj Indisë vazhdon në vitin e ri.

“[Kjo] jep sinjalin që India mban një politikë të jashtme të diversifikuar… dhe se nuk i nënshtrohet kapriçove të administratës Trump,” tha Chietigj Bajpaee nga think-tank-u i Chatham House në Londër për BBC.

Disa raporte thonë se marrëveshja mund të shpallet që më 27 janar, kur udhëheqësit nga të dyja palët do të takohen për një samit të nivelit të lartë. Si von der Leyen ashtu edhe Ministri i Tregtisë i Indisë, Piyush Goyal, e kanë quajtur këtë marrëveshje “nënën e të gjitha marrëveshjeve” – duke nxjerrë në pah rëndësinë që i kanë dhënë përfundimit të negociatave që kanë zgjatur pothuajse dy dekada.

Kjo marrëveshje do të jetë Marrëveshja e Tregtisë së Lirë e nëntë e Indisë brenda katër viteve, duke vijuar një seri marrëveshjesh me Mbretërinë e Bashkuar, Omanin, Zelandën e Re dhe vende të tjera. Për Brukselin, kjo ndjek marrëveshjen e sapo përfunduar me bllokun tregtar Mercosur si dhe me Japoninë, Korenë e Jugut dhe Vietnamin.

“Të dyja palët tani kërkojnë partnerë tregtarë të besueshëm, pasi kërcënimet gjeopolitike kanë krijuar një mjedis të trazuar për tregtinë. Kërkesa është po aq e fortë – për Indinë për të zbutur problemet me tarifat amerikane, dhe për BE-në për të zvogëluar varësinë nga Kina, të cilën e konsideron të paqëndrueshme,” thotë Sumedha Dasgupta, analiste e lartë në Economist Intelligence Unit.

Marrëveshja gjithashtu shënon një “përpjekje të vazhdueshme dhe të rëndësishme për të hequr qafën mbrojtëse të njohur për Indinë,” shton Dasgupta.

Sinjali – aty ku e vërteta flet para lajmit!

/GazetaSinjali/

The post India dhe BE-ja gati për “marrëveshjen më të madhe”, derisa pasiguria e tarifave të Trumpit po rritet appeared first on Sinjali.

Pentagoni ka publikuar Strategjinë e tij të përditësuar të Mbrojtjes Kombëtare, duke përcaktuar prioritetet dhe qasjet e reja të Shteteve të Bashkuara ndaj hemisferës perëndimore, Evropës dhe Rajonit Azi-Paqësor.

Dokumenti e cilëson Rusinë si një “kërcënim të vazhdueshëm” për vendet e NATO-s dhe thekson se parandalimi i Kinës mbetet prioriteti kryesor strategjik i Uashingtonit.

Sipas medias ruse Tass, më poshtë janë pikat kryesore të dokumentit.

Rusia, Ukraina dhe Evropa
Strategjia e Pentagonit e përshkruan Rusinë si një kërcënim të vazhdueshëm për krahun lindor të NATO-s. Sipas dokumentit, përgjegjësia kryesore për zgjidhjen e konfliktit në Ukrainë duhet të bjerë mbi Evropën. Forcat e armatosura amerikane do të përqendrohen kryesisht në pengimin e Kinës dhe mbrojtjen e territorit të SHBA-së, e jo të Evropës, ndërsa Uashingtoni vlerëson se vendet evropiane duhet të fokusojnë burimet e tyre në mbrojtjen e vet.

Modernizimi i mbrojtjes dhe arsenali bërthamor
Dokumenti thekson se modernizimi i industrisë mbrojtëse amerikane do të kërkojë mobilizimin e përpjekjeve të të gjithë kombit. SHBA-ja planifikon një modernizim të gjerë të forcave të saj bërthamore, duke nënvizuar se “Shtetet e Bashkuara nuk duhet – dhe nuk do – të mbeten kurrë të cenueshme ndaj shantazhit bërthamor”. Pentagoni do të përqendrohet gjithashtu në zhvillimin dhe vendosjen e sistemeve për t’iu kundërvënë dronëve dhe kërcënimeve të tjera ajrore bashkëkohore.

Hemisfera Perëndimore dhe aleatët
Shtetet e Bashkuara nuk do të heqin dorë nga aksesi apo ndikimi në territore kyçe të hemisferës perëndimore, nga Arktiku deri në Amerikën e Jugut, me synimin që “Doktrina Monroe të mbështetet në kohën tonë”. Dokumenti thekson se qasja ndaj aleatëve ka ndryshuar: vendet partnere në Evropë, Lindjen e Mesme dhe Gadishullin Korean pritet të marrin mbi vete përgjegjësinë kryesore për sigurinë e tyre.

Rajoni Indo-Paqësor
Rajoni Indo-Paqësor renditet ndër prioritetet kryesore të mbrojtjes kombëtare të SHBA-së. Strategjia sqaron se politika afatgjatë ndaj Kinës nuk përfshin përpjekje për ndryshim qeverie apo forma të tjera konflikti të drejtpërdrejtë. Po ashtu, SHBA-të theksojnë se nuk do të lejojnë Iranin të pajiset me armë bërthamore, ndërsa vlerësojnë se Koreja e Veriut po rrit potencialin e saj bërthamor, duke përbërë “një rrezik të qartë dhe të pranishëm të sulmit bërthamor ndaj atdheut amerikan”.

Luftimi i terrorizmit
Pentagoni njofton se do të ruajë një qasje “të qëndrueshme nga ana e burimeve” në luftën kundër grupeve terroriste islamike, duke u fokusuar te organizatat që kanë kapacitetin dhe qëllimin për të goditur territorin e SHBA-së.

Sinjali – aty ku e vërteta flet para lajmit!

/GazetaSinjali/

The post Pentagoni publikon strategjinë e re të Mbrojtjes Kombëtare: Rusia, kërcënim i vazhdueshëm appeared first on Sinjali.

Klubi i madh turk, Fenerbahce thuhet se po shqyrton transferimin e yllit të kombëtares së Kosovës, Fisnik Asllani nga Hoffenheimi.

Fenerbahce ka bërë shumë lëvizje gjatë këtij afati kalimtar duke afruar futbollistë të shquar nga Evropa, pasi synon ta rikthej titullin kampion pas shumë viteve.

Megjithatë, klubi turk ka bërë edhe largime të rëndësishme dhe njëri nga ta është ai i Youssef En-Nesyri, i cili pritet të zyrtarizohet te Juventusi.

Kështu, drejtuesit e klubit nga Stambolli kanë filluar t’i shikojnë alternativat për të përforcuar sulmin me një zëvendësues të marokenit.

Sipas mediumit turk Sozcu, Fenerbahce po shqyrton transferimin e sulmuesit kosovar të Hoffenheimit, Fisnik Asllani.

Asllani po përjeton një super-formë këtë edicion pasi ka shënuar 7 gola dhe 5 asistime në 19 ndeshje në të gjitha garat, duke u bërë një emër i lakuar për shumë klube evropiane.

Sulmuesi 23-vjeçar i Dardanëve ka një çmim prej 30 milionë euro, ndërsa së fundmi është lidhur edhe me një transferim te Barcelona, Borussia Dortmundi dhe Juventusi. /Telegrafi/

Një stuhi dimërore masive ka filluar të godasë mbi gjysmën e Shteteve të Bashkuara, duke lëvizur drejt lindjes dhe duke sjellë reshje të dendura bore, akumulim të rrezikshëm akulli dhe temperatura ekstreme.

Sipas Shërbimit Kombëtar të Motit, rreth 180 milionë njerëz janë nën paralajmërime për mot të ashpër dimëror deri të hënën. Sistemi i stuhisë pritet të shtrihet në një distancë mbi 2,000 milje, nga Teksasi deri në New England.

Në pjesën veriore të stuhisë, që përfshin zonat nga Oklahoma deri në Massachusetts, parashikohen deri në 30 centimetra borë. Ndërkohë, në jug, përfshirë Teksasin, Karolinat dhe Virxhinian, priten reshje të përziera, duke përfshirë shi të ngrirë dhe akull.

Autoritetet paralajmërojnë për akumulime katastrofike akulli, të cilat mund të rrëzojnë pemë dhe linja të energjisë elektrike. Qindra mijëra banorë rrezikojnë të mbeten pa energji elektrike për ditë të tëra, ndërsa kushtet e udhëtimit pritet të jenë jashtëzakonisht të rrezikshme, deri në të pamundura.

Erërat e forta do të sjellin temperatura ekstreme, me ndjesi të ftohti deri në -46 gradë Celsius në Rrafshnaltat veriore dhe qendrore. Më shumë se dy të tretat e popullsisë amerikane do të përjetojnë erëra të ftohta nën zero gjatë javës së ardhshme.

Deri tani, më shumë se një duzinë shtetesh kanë shpallur gjendje të jashtëzakonshme. Zyrtarët u bëjnë thirrje banorëve të qëndrojnë brenda, të furnizohen me ushqime, ilaçe dhe mjete të domosdoshme për katër deri në pesë ditë.

Ndikimi i stuhisë ka filluar tashmë të ndjehet në transport. Mbi 4,000 fluturime janë anuluar, ndërsa linjat ajrore, transporti publik dhe shkollat në shumë shtete kanë njoftuar mbyllje dhe pezullime aktivitetesh.

Stuhia pritet të përhapet drejt Bregut Lindor, duke arritur qytete të mëdha si Nju Jorku dhe Uashingtoni deri të dielën. Përzierja e rrezikshme e borës së madhe, akullit dhe të ftohtit ekstrem mund të dëmtojë rrjetin kombëtar të energjisë dhe të lërë miliona amerikanë të izoluar në shtëpitë e tyre.

Guvernatorja e Nju Jorkut, Kathy Hochul, deklaroi se asnjë pjesë e shtetit nuk do të ishte “imune ndaj zemërimit të Nënës Natyrë”.

Sinjali – aty ku e vërteta flet para lajmit!

/GazetaSinjali/

The post Mot ekstrem në SHBA: Temperatura bien deri në -46°C, shpallet gjendja e jashtëzakonshme appeared first on Sinjali.

Forca ushtarake e ShBA-së ka kryer një sulm ndaj një anijeje në Oqeanin Paqësor lindor, duke vrarë dy persona, bëjnë të ditur autoritetet amerikane të komandës së Jugut (Southern Command).

Sipas komunikatës zyrtare, inteligjenca konfirmoi se anija lëvizte përgjatë rrugëve të njohura të trafikut të narkotikëve dhe ishte përfshirë në operacione trafiku, ndaj u godit nga forcat ushtarake. Autoritetet i përshkruan të vrarit si “narco‑terroristë”, raporton theguardian, transmeton Sinjali.

Ky ishte sulmi i parë i njohur nga SHBA-ja që nga urdhri i Presidentit Donald Trump për kapjen e udhëheqësit venezuelan Nicolás Maduro këtë muaj, pas operacionit të madh që çoi në arrestimin e tij dhe të shoqes së tij në Venezuelë dhe transferimin e tyre në New York përpara drejtësisë federale.

Në një video të publikuar bashkë me njoftimin, shihet një anije duke lëvizur në ujë para se të shpërthente në flakë. Kërkimet për ndonjë të mbijetuar janë ende në zhvillim.

Forcat amerikane kanë kryer dhjetëra sulme të tilla ndaj anijeve të dyshuara si pjesë e një fushate të zgjeruar kundër trafikut të drogës në detet pranë Amerikës së Jugut që nga shtatori i kaluar, sipas deklaratave zyrtare.

Sinjali – aty ku e vërteta flet para lajmit!

/GazetaSinjali/

The post Forcat amerikane godasin një anije në Paqësor, dy të vrarë appeared first on Sinjali.

Negociatorët nga Rusia, Ukraina dhe SHBA-ja po takohen në Abu Dabi për bisedimet e tyre të para trilaterale që nga pushtimi i plotë i Ukrainës nga Rusia në vitin 2022.

Por, edhe pse bisedimet po zhvillohen në një format të ri, dallimet thelbësore mbeten të njëjta.

Bastet janë të larta, por pritshmëritë janë të kufizuara.

Donald Trump po shtyn fuqishëm për një marrëveshje paqeje në Ukrainë – atë që ai premtoi, por ende nuk e ka realizuar – dhe këtë javë tha se të dyja palët do të ishin “budallenj” nëse nuk do të arrinin një marrëveshje.

Megjithatë, pavarësisht disa përpjekjeve intensive diplomatike nga të dërguarit e tij, ata po organizojnë bisedimet e para trilaterale që përfshijnë negociatorët ukrainas dhe rusë, me disa çështje të mëdha ende të pazgjidhura, raporton BBC, transmeton Sinjali.

Ukraina po angazhohet në këtë proces sepse dëshiron paqe më shumë se kushdo tjetër, por edhe sepse ka nevojë të mbajë SHBA-në në krah. Këtë mësim e mësoi në mënyrë të vështirë vitin e kaluar, kur Donald Trump ndërpreu përkohësisht ndarjen e inteligjencës dhe ndihmën ushtarake.

Tani, Presidenti i Ukrainës, Volodymyr Zelensky, thotë se bisedimet e tij me Trump në Davos ishin “shumë pozitive” dhe shpreson për më shumë mbështetje në mbrojtjen ajrore kundër sulmeve të pamëshirshme të Rusisë si pasojë.

Zelensky, i cili shpesh dukej serioz pas takimeve me liderin amerikan, këtë herë dukej jashtëzakonisht optimist.

Por ai mbetet i kujdesshëm për rezultatin e bisedimeve në Emiratet e Bashkuara Arabe.

Ai i ka përshkruar takimet, të cilat mund të zgjasin dy ditë, si “një hap”, por shmangu të thoshte se është një hap pozitiv.

“Duhet të shpresojmë që do të na afrojnë pak më shumë drejt paqes,” tha ai.

Për një kohë, Zelensky ka folur për faktin se janë 90% gati për të prodhuar një kornizë marrëveshjeje për paqen, por 10% e fundit ka qenë gjithmonë pjesa më e vështirë – dhe Rusia ende mund ta refuzojë të gjithë marrëveshjen.

“E gjithë çështja është pjesa lindore e vendit tonë. E gjitha është për tokën. Kjo është çështja që ende nuk është zgjidhur,” shpjegoi ai, duke treguar pengesën më të madhe që sipas tij ende mbetet.

Sinjali – aty ku e vërteta flet para lajmit!

/GazetaSinjali/

The post Rreziqe të larta, por pritshmëri të ulëta për bisedimet e Ukrainës me Rusinë dhe SHBA-në appeared first on Sinjali.

“Mendoj se ata duhet ta veshin Donald Trumpin në një uniform dhe ta vendosin në vijën e frontit, në vend se të shtyjë një laps prapa një tavoline, ai duhet të shkojë atje e ta bëjë këtë vetë.”

Monica Kershaw po mundohej t’i mbante lotët, përderisa po fliste në telefon me korrespondentin e BBC-së për lajme ndërkombëtare, Joe Inwood.

Janë bërë gati 14 vjet kur biri i saj, Christopher, u vra në provincën Helmand të Afganistanit. Vrasja e tij ndodhi vetëm tri javë pas dislokimit të parë aktiv të ushtarit të ri. Ishte vetëm 19 vjeç.

Christopher Kershaw ishte njëri nga gjashtë ushtarët britanikë që vdiqën, kur automjeti i blinduar me të cilin po udhëtonin shkeli mbi një pajisje të improvizuar shpërthyese në Helmand.

Nënës së tij i dridhet zëri, përderisa e kujton atë ditë. “Ai nuk duhej të ishte duke e vozitur automjetin” – tha Monica për të birin, duke shtuar se ai ishte paraqitur vullnetar, pasi një ushtar tjetër ishte duke bërë dush.

“Hamendem se çfarë do të ishte duke bërë ai tani” – tha britanikja e pikëlluar.

“Sa fëmijë do të kishte? Çfarë profesioni do të ishte duke ushtruar? Më mungon vazhdimisht. Shkoj për të fjetur natën dhe e tëra që mund të shoh është fytyra e tij, kur i mbyll sytë” – shtoi ajo.

Presidenti amerikan nxiti reagime të shumta, pasi pretendoi se trupat e vendeve aleate të NATO-s nuk kanë luftuar njësoj si ushtarët amerikanë në Afganistan.

“Kurrë nuk kemi pasur nevojë për ta [ushtarët e vendeve aleate]. Ne kurrë nuk kemi kërkuar vërtet diçka nga ta. E dini, do të thonë se dërguan disa trupa në Afganistan, ose këtë apo atë. Dhe e bënë – qëndruan pak prapa, pak jashtë vijave të frontit” – tha më herët Trumpi.

Sinjali – aty ku e vërteta flet para lajmit!

/GazetaSinjali/

The post Nëna e ushtarit të vrarë në Afganistan: Vendoseni Trumpin në vijën e frontit appeared first on Sinjali.

Zyrtarët rusë nënvizojnë se tërheqja e trupave ukrainase nga Donbasi është e domosdoshme për çdo zgjidhje të konfliktit, ndërsa takimi trilateral në Abu Dhabi mes Ukrainës, Rusisë dhe Shteteve të Bashkuara shihet si një mundësi për të identifikuar pika të përbashkëta dhe arritur kompromis.

Sipas agjencisë shtetërore ruse të lajmeve TASS, zëdhënësi i Kremlinit, Dmitry Peskov, gjatë një konference për shtyp theksoi se tërheqja e forcave ukrainase është një kusht kyç për zgjidhjen e situatës në Ukrainën lindore.

“Forcat e Armatosura të Ukrainës duhet të largohen nga territori i Donbasit; ato duhet të tërhiqen prej andej. Ky është një kusht shumë i rëndësishëm për të arritur zgjidhjen. Ka edhe nuanca të tjera që mbeten në axhendën e negociatave,” tha Peskov.

Ai shtoi se takimi në Abu Dhabi shihet si një shans për të arritur kompromise dhe për të identifikuar zgjidhje të përbashkëta. Koha e saktë e bisedimeve do të caktohet pas mbërritjes së delegacioneve, por zyrtarët janë të gatshëm të vazhdojnë sot ose nesër nëse është e nevojshme.

“Gjëja kryesore është të kërkohet toka e përbashkët dhe kompromisi,” shtoi zëdhënësi i Kremlinit.

Peskov gjithashtu vuri në dukje se Kremlini i sheh asetet e ngrira ruse në Shtetet e Bashkuara – aktualisht rreth pesë miliardë dollarë – si një burim potencial fondesh për rindërtimin e zonave të dëmtuara nga lufta, duke përfshirë edhe Donbasin.

Sinjali – aty ku e vërteta flet para lajmit!

/GazetaSinjali/

The post Takimi trilateral në Abu Dhabi, reagon Kremlini: Mundësi për të shkuar drejt kompromisit me Ukrainën appeared first on Sinjali.

Kryeministrja e Danimarkës Mette Frederiksen, ndodhet në kryeqytetin e Groenlandës, Nuuk, për të zhvilluar bisedime me liderin e ishullit, Jens-Frederik Nielsen, pas një jave të trazuar që filloi me kërcënimet e presidentit amerikan Donald Trump për të marrë me forcë ishullin arktik dhe përfundoi me një kthesë të papritur, ku Trump hodhi poshtë kërcënimet ushtarake dhe u zotua për negociata të mëtejshme.

Tensionet kanë arritur një pikë kritike gjatë dy javëve të fundit, deri në një kthesë të papritur të mërkurën, kur Trump papritur përjashtoi çdo veprim ushtarak dhe tërhoqi kërcënimet për vendosjen e tarifave ndaj disa aleatëve evropianë. Ai postoi në rrjetet sociale se ishte arritur një kornizë për një marrëveshje të ardhshme në lidhje me Groenlandën, pas takimit me sekretarin e NATO-s, Mark Rutte në Forumin Ekonomik Botëror në Davos. Megjithatë, pak detaje janë bërë publike dhe ekzistojnë pyetje mbi atë që është rënë dakord konkretisht mes presidentit amerikan dhe Sekretarit të Përgjithshëm.

Kryeministrja daneze udhëtoi direkt nga Brukseli, ku gjithashtu takoi sy për sy Rutten mëngjesin e së premtes. Sipas postimit të Rutte në X, ata ranë dakord të forcojnë mbrojtjen në Arktik. Pas mbërritjes në aeroportin e Nuuk, Frederiksen u prit nga Nielsen, i cili e përqafoi.

“Jam kryesisht në Groenlandë sot për të treguar mbështetjen tonë të fortë daneze për popullin groenlandez”, tha ajo për gazetarët. “Është një kohë shumë e vështirë, të gjithë e shohin këtë”. “Është një situatë serioze në të cilën ndodhemi. Të gjithë e shohin këtë. Tani ka një rrugë diplomatike dhe politike që ne do të ndjekim”, shtoi ajo. Vizita e saj ishte një vizitë pune për të përgatitur hapat e ardhshëm.

Të enjten, Trump i tha Fox News se SHBA-ja merr gjithçka që do pa asnjë kosto dhe se një “pjesë” e sistemit të planifikuar të mbrojtjes raketore “Kupola e Artë” do të vendosej në Groenlandë. Kur u pyet nëse kjo do të ishte një “blerje” reale, ai u përgjigj: “Është qasje totale. Nuk ka fund, nuk ka kufizim kohor”.

Më parë, New York Times raportoi se një ide në diskutim ishte që Danimarka të dorëzonte sovranitetin mbi copa të vogla toke, ku SHBA-ja do të ndërtonte baza ushtarake. Zyrtarët danezë dhe groenlandezë kanë kundërshtuar fuqishëm çdo dorëzim të pronësisë, duke theksuar se sovraniteti është një linjë e kuqe.

Para një samiti të jashtëzakonshëm evropian në Bruksel të enjten në mbrëmje, Frederiksen tha se sovraniteti i Groenlandës nuk është i negociueshëm, megjithëse Danimarka është e gatshme të punojë për “sigurinë”. SHBA-ja ka rreth 150 persona ushtarakë në bazën e saj të vetme Pituffik, në skajin veriperëndimor të territorit.

Në kuadër të një traktati mbrojtës me Danimarkën që daton që nga viti 1951, SHBA-ja mund të rrisë tashmë prezencën e saj ushtarake dhe të dislokojë trupa. Kjo marrëveshje u përditësua në 2004, së bashku me administratën Bush, për të përfshirë Groenlandën si një partner të barabartë.

Burime raportuan për AFP se SHBA-ja dhe Danimarka do të rinegociojnë marrëveshjen e vitit 1951. Gazeta kombëtare daneze “Berlingske” gjithashtu shkruan se një rinegocim është i mundur, dhe se pala daneze dhe groenlandeze nuk kanë përjashtuar një rishikim të marrëveshjes. Megjithatë, të drejtat minerale apo dorëzimi i territorit kurrë nuk kanë qenë në tryezë.

Ndërkohë, ministri danez i Jashtëm, Lars Lokke Rasmussen, tha të premten se nuk ekzistonte një plan i detajuar, por negociatat do të fillonin së shpejti, duke u fokusuar tek siguria.

Sinjali – aty ku e vërteta flet para lajmit!

/GazetaSinjali/

The post Kryeministrja daneze në Groenlandë për ‘shfaqje mbështetjeje’, pas kërcënimeve të Trump appeared first on Sinjali.

Presidenti ukrainas Volodymyr Zelensky deklaroi se delegacioni i tij në bisedimet trepalëshe në Emiratet e Bashkuara Arabe është përfshirë në kornizën e dialogut, duke theksuar nevojën urgjente që Moska të sqarojë gatishmërinë e saj për t’i dhënë fund luftës.

“Pozicionet ukrainase janë të qarta. Unë kam përcaktuar kornizën e dialogut për delegacionin tonë”, tha Zelensky në fjalimin e tij duke iu referuar takimeve të nivelit të lartë që përfshijnë përfaqësuesit ukrainas, amerikanë dhe rusë.

Duke nënvizuar formatin e dialogut, Zelensky vuri në dukje se palët po diskutojnë “parametrat e përfundimit të luftës”, por insistoi që përgjigjet konkrete tani kërkohen nga ana ruse.

“Tani ata duhet të kenë të paktën disa prej përgjigjeve nga Rusia, gjëja kryesore është se Rusia është e gatshme t’i japë fund kësaj lufte” tha ai, duke shtuar se është “shumë herët për të përfunduar” para raundit tjetër të bisedave.

Presidenti konfirmoi që delegacioni ukrainas, i udhëhequr aktualisht nga shefi i Këshillit të Sigurisë Kombëtare dhe Mbrojtjes, Rustem Umerov dhe kreu i zyrës presidenciale, Kyrylo Budanov, do të përforcohet nesër nga Shefi i Shtabit të Përgjithshëm Andrii Hnatov dhe zëvendës Shefi i Inteligjencës së Mbrojtjes Vadym Skibitsky.

Paralelisht me rrugën diplomatike, Zelensky tregoi forcimin e aftësive të mbrojtjes, duke përmendur një “sinjal pozitiv” nga një bisedë me presidentin amerikan Donald Trump në lidhje me furnizimin e raketave PAC-3 për sistemet e mbrojtjes ajrore Patriot.

Përfundon takimi SHBA–Ukrainë–Rusi në Abu Dhabi, vlerësohet si “produktiv”

Sinjali – aty ku e vërteta flet para lajmit!

/GazetaSinjali/

The post Bisedimet trepalëshe në Emiratet e Bashkuara, Zelensky: Pozicioni i Ukrainës është i qartë appeared first on Sinjali.

Talenti Gert Behxheti ka nisur të ambientohet në futbollin spanjoll, si dhe po jep më të mirën për ta dëshmuar vetën, tani te FC Andorra, klub që bë gara në La Liga 2 dhe pronar të klubit ka legjend spanjolle të futbollit, Gerard Pique, ku do të qëndrojë deri në fund të sezonit 2025/26.

Pas shkëlqimit te Prishtina U17, Behxheti mori një mundësi të madhe në karrierë, ku u ftua fillmisht nga Osasuna dhe Mallorca për prova, në një periudhë një mujore, pastaj te FC Andorra, ku po qëndron aktualisht.

17-vjeçari gjatë një interviste për Telegrafi thotë se gjithçka po shkon për mrekulli, ku është pritur në mënyrë fantastike nga lojtarët e tjerë.

“Po kaloj shumë mirë, shokët e ekipit më kanë pritur shumë mirë dhe jam ambientuar për mrekulli. Po punoj fortë çdo ditë dhe po jap më shumë se maksimumin”.

I pyetur për dallimin mes nivelit të të rinjve të futbollit spanjoll dhe të Kosovës, Behxheti e pranoi se spanjollët janë në nivel më të lartë në të gjitha aspektet.

“Dallimi me futbollin e Kosovës është shumë i madh, gjithashtu intensiteti i stërvitjeve dhe lojve është shumë më i fortë. Përpos këtyre edhe në aspektin teknik dhe taktik janë dukshëm më të avancuar”.

Ai në fund shtoi se po tenton të përfitojë nga mundësia e artë për ta dëshmuar vetën tani te FC Andorra në La Liga 2, vetën në një ambient profesional dhe premtoi se do të jep më të mirën. Ai do të jetë në këtë klub deri në fund të sezonit 2025/26.

“Përparësitë janë të shumta, luan më shpejtë, ke mundësi më të mira për ta treguar vetën si dhe rritësh në një ambient profesional, ku futbolli është më shumë se një sport. Jam krenar që jam këtu dhe do të jap më të mirën time”, përfundoi ai për Telegrafi.

E ardhmja e Gert Behxhetit mbetet për t’u parë, por ky hap i madh është vetëm fillimi i rrugës së tij drejt niveleve më të larta të futbollit profesionist. Në të njëjtën kohë, është një histori frymëzuese për futbollin kosovar që po dëshmon se është gati të prodhojë yjet e së ardhmes. /Telegrafi/