Karim Benzema pritet të largohet nga Al-Ittihad pasi ka prishur marrëdhëniet me drejtuesit e klubit shkaku i kontratës së re.

Shumë klube janë vënë pas veteranit francez, derisa gjiganti turk Besiktas është shokuar nga kërkesat e Benzemas.

Sipas raportimeve nga Turqia, sulmuesi i Al-Ittihad, Karim Benzema, i ka bërë një kërkesë surprizuese Besiktasit, duke kërkuar një pagë prej 20 milionë eurosh në vit, si dhe gjysmën e të ardhurave nga shitjet e fanellave të tij, ndërkohë që mediat raportojnë se ai po shqyrton largimin nga klubi saudit.

Megjithatë, gjigantët turq kanë refuzuar menjëherë kërkesën e ish-sulmuesit të Real Madridit, e cila konsiderohet jashtë parametrave financiarë të klubit.

Benzema duket i zhgënjyer nga oferta e rinovimit e Al-Ittihad dhe nuk është i sigurt nëse dëshiron të vazhdojë të luajë për klubin saudit.

38-vjeçari, kontrata e të cilit skadon këtë verë, ka shënuar 16 gola në 21 ndeshje këtë sezon, duke treguar edhe një herë formën e tij të lartë në fushë. /Telegrafi/

Arbër Zeneli mund të jetë një nga emrat shqiptarë që do të ndryshojë ambient gjatë afatit kalimtar dimëror. Sulmuesi i krahut është pranë largimit nga Elfsborgu, me një ofertë shumë joshëse që vjen nga kampionati elitar i Arabisë Saudite.

Sipas mediumit suedez Expressen, klubi i Al Taawoun ka paraqitur një ofertë serioze për 30-vjeçarin, e cila pritet të pranohet nga futbollisti.

Zeneli duket i gatshëm të mbyllë aventurën e tij në Suedi dhe të nisë një kapitull të ri në Lindjen e Mesme.

Ai u rikthye te Elfsborgu në mars të vitit 2024, pas një eksperience në futbollin turk me Adana Demirspor.

Më herët, ai kishte qenë pjesë e kampionatit francez, ku luajti për Reims. Megjithatë, vetëm dy vite pas kthimit në Suedi, sulmuesi i krahut pritet të largohet sërish.

Raportohet se bisedimet mes klubeve dhe përfaqësuesve të lojtarit janë aktualisht në zhvillim, ndërsa afati kalimtar dimëror në Arabinë Saudite mbyllet më 1 shkurt, çka e bën këtë lëvizje të mundshme në ditët në vijim.

Aktualisht, Al Taawoun renditet në vendin e pestë në kampionatin elitar saudit, vetëm pesë pikë larg Al Nassr, skuadrës së Cristiano Ronaldos, e cila mban pozitën e tretë në tabelë.

Ndërkohë, Elfsborgu ka pësuar edhe një tjetër largim gjatë këtij afati kalimtar. Besfort Zeneli, vëllai i vogël i Arbërit, është transferuar te Royale Union Saint-Gilloise në kampionatin belg për një shumë rreth 4 milionë euro.

Largimi i Arbër Zenelit do të shënonte një tjetër ndryshim të madh për Elfsborgun, ndërsa për futbollistin shqiptar do të ishte një hap i rëndësishëm drejt një sfide të re në karrierën e tij./Telegrafi/

Anësori i Al-Ittihad, Moussa Diaby, është shndërruar në një nga objektivat kryesorë të Interit në këtë merkato dimri, me zikaltërit që po punojnë intensivisht për të mbyllur transferimin e tij para përfundimit të afatit kalimtar.

Sipas raportimeve, Interi ka arritur një marrëveshje personale me sulmuesin francez, por oferta e parë e klubit italian është refuzuar nga gjigantët sauditë.

Gazetari Fabrice Hawkins bën të ditur se propozimi i Interit ishte një huazim me opsion blerjeje në vlerën e 35 milionë eurove, por Al-Ittihad nuk është bindur nga kjo formulë.

Klubi saudit, i drejtuar nga trajneri Sergio Conceicao, thuhet se kërkon një shitje të përhershme për t’u ndarë me Diabyn që në mes të sezonit.

Megjithatë, Interi mbetet i vendosur për të finalizuar transferimin në ditët në vijim. Madje, trajneri i zikaltërve, Cristian Chivu, raportohet se e ka kontaktuar personalisht Diabyn për t’i prezantuar projektin sportiv dhe rolin që do të kishte në skuadër.

Merkatoja mbetet e hapur dhe pritet të shihet nëse Interi do të rikthehet me një ofertë të re për të bindur Al-Ittihad. /Telegrafi/

Klubet e mëdha apo më saktë shteti i Arabisë Saudite po përgatit një plan për të kryer një nënshkrim të madh gjatë afatit kalimtar të verës 2026, për të nisur ciklin e ri të transferime të mëdha në ligë.

Sipas Sky Sports, Superliga e Arabisë Saudite po përgatitet për një transferim të madh të verës për yllin e Paris Saint-Germain, Ousmane Dembele.

Personalitete të larta të Superligës Saudite kanë filluar të bëjnë sondazhe, me një paketë të konsiderueshme financiare që po përgatitet përpara një qasje të mundshme pas Kupës së Botës 2026.

Megjithatë, Dembele mbetet plotësisht i përqendruar te PSG, siç duket, pa pasur ndërmend të angazhohet në bisedime para turneut në Amerikë, Kanada dhe Meksikë.

Fituesi i Topit të Artë po shijon kulmin e karrierës së tij pasi udhëhoqi PSG-në drejt gjashtë trofeve historike në vitin 2025, duke shënuar 35 gola dhe duke dhënë 14 asistime sezonin e kaluar.

PSG po planifikon gjithashtu diskutime për kontratën, megjithëse presidenti Nasser Al-Khelaïfi ka përsëritur strukturën e rreptë të pagave të klubit.

Zyrtarët sauditë e shohin Dembelen si një nënshkrim të mundshëm për ciklin e ardhshëm të investimeve të ligës.

Çdo lëvizje, megjithatë, do të merret në konsideratë vetëm pas Kupës së Botës, me të ardhmen e tij që pritet të bëhet një temë kryesore diskutimi verën e ardhshme. /Telegrafi/

Drejtuesit e Ligës Profesionale të Arabisë Saudite po përgatiten për epokën pas largimit të portugezit Cristiano Ronaldo dhe thuhet se qëllimi i tyre është të sjellin 50 emra të mëdhenj të futbollit.

Sipas raportimeve të medias, "negociatorët synojnë 50 nënshkrime të huaja në kulmin e forcës së tyre këtë verë".

Përpjekjet për të siguruar një numër marrëveshjesh të rëndësishme pritet të intensifikohen pas Kupës së Botës 2026.

Ndërsa fokusi është në sjelljen e lojtarëve që mund të kalojnë disa vite në Ligën Profesionale Saudite, "disa yje më të vjetër" janë gjithashtu në listën e dëshirave.

Sipas talkSPORT, sauditët e pasur duan të sjellin emra si Mohamed Salah, Bruno Fernandes, Vinicius Junior, Robert Lewandowski, Casemiro, Youri Tielemans dhe shumë të tjerë, dhe qëllimi është të ruajnë interesin në ligë përpara Kupës së Botës 2034.

Michael Emenalo, drejtori sportiv i ligës saudite, ka "një marrëdhënie të gjatë me Salahun dhe do të jetë një nga forcat lëvizëse pas çdo lëvizjeje zyrtare".

Një ofertë prej 150 milionë funtesh për Salahun nga Al-Ittihad u refuzua në vitin 2023, por situata e tij ka ndryshuar dhe kampionët aktualë të Ligës Premier së shpejti mund të jenë të hapur ndaj ofertave. /Telegrafi/

Sulmuesi i Barcelonës, Robert Lewandowski nuk po hiqet aspak nga radari i klubeve saudite, të cilat synojnë transferimin e tij.

Sipas TeamTalk, klubet e Superligës Profesionale Saudite, Al-Ittihad dhe Al-Shabab, po e monitorojnë situatën e sulmuesit të Barcelonës, përpara një transferimi të mundshëm si lojtar i lirë gjatë verës.

Sulmuesi polak është identifikuar si një nga 50 yjet e profilit të lartë që Liga Saudite dëshiron t’i transferojë në një garë të madhe verore pas Kupës së Botës 2026.

Diriyah FC, që aktualisht luan në nivelin e dytë, është gjithashtu në garë për të nënshkruar me 37-vjeçarin, por ndjekja e tyre varet nga ngjitja e tyre në ligën elitare.

Klubi i MLS-së, Chicago Fire, ka shprehur gjithashtu interesin e tyre për të nënshkruar me Lewandowskin, por klubet saudite tani po kërkojnë të tregojnë fuqinë e tyre të pakrahasueshme financiare. /Telegrafi/

Vinicius Junior ka kaluar kohë të vështira te Real Madridi kohët e fundit, dhe duket se disa tifozë po e shtyjnë drejt largimit nga klubi.

Braziliani nuk ka frikë të thotë atë që mendon, por kjo shpesh është parë si problem nga tifozët, të cilët besojnë se askush nuk është më i madh se vetë klubi.

Ekipet nga Arabia Saudite kanë shfaqur interes për Viniciusin prej kohësh, dhe vitin e kaluar ai u identifikua si objektiv kryesor për afatin veror 2026.

Real Madridi dëshiron ta mbajë yllin dhe prioritet mbetet rinovimi i kontratës së tij. Megjithatë, negociatat u pezulluan për një periudhë gjatë kohës kur Xabi Alonso ishte trajner i ekipit. Pavarësisht sfidave, klubi nuk ka hequr dorë nga plani për ta lidhur brazilianin me Santiago Bernabeun për një kohë të gjatë.

Oferta e miliardit

Së fundmi kanë dalë informacione që Vinicius ka një ofertë prej një miliard eurosh në tryezë nga klubi saudit Al Ahli, i cili ka shfaqur interes të madh për të.

Superkompjuteri i Opta-s parashikon shanset e skuadrave që kalojnë tutje dhe fituesin e Ligës së Kampionëve

“Edhe pse Vinicius ka deklaruar vazhdimisht se nuk dëshiron të largohet nga Real Madridi, skuadra e tij ka qenë në bisedime me sauditët për më shumë se një vit,” raporton Ben Jacobs.

Arabia Saudite e ka identifikuar Viniciusin si objektivin kryesor për verën e vitit 2026, dhe situata mbetet e paqartë ndërsa klubi madrilen përpiqet të bindë brazilianin të qëndrojë. /Telegrafi/

Afati kalimtar i janarit premton të jetë i zjarrtë edhe këtë vit, ku skuadrat e mëdha pritet të bëjnë disa lëvizje për të kompletuar ekipet e tyre.Ky afat dimëror është hapur zyrtarisht më datë 1 janar në top pesë ligat më të mira në botë dhe pritet të mbyllet më datë 2 shkurt.

Liga Premier, Serie A, Bundesliga dhe Ligue 1 do ta mbyllin afatin në orëm 19:00, teksa La Liga në orën 22:59.

Në ndërkohë në Arabinë Saudite ky afat është hapur pak më vonë, pra më 5 janar dhe pritet të përfundojë po ashtu më 2 shkurt.

Telegrafi do t’iu mbajë të informuar për të gjitha lëvizjet e klubeve në kohë reale.

​Ylli i Leverkusenit zbulon si u përpoq ta pengonte Wirtzin të mos transferohej te Bayern Munich

Transferimi rekord i Florian Wirtz nga Bayer Leverkusen te Liverpool për 140 milionë euro verën e kaluar mbetet një nga lëvizjet më të përfolura në historinë e fundit të Bundesligës.

Por, para se reprezentuesi gjerman të vendoste të transferohej në Ligën Premier, pati një përpjekje për t’ia ndryshuar mendjen dhe ajo erdhi nga brenda vetë skuadrës së tij.

Në podcastin Playmaker të 360Media, kapiteni i Leverkusenit, Robert Andrich, ka pranuar se personalisht e kishte këshilluar Wirtzin të mos transferohej te Bayern Munich, i cili në atë kohë konsiderohej favorit për ta nënshkruar.

​FC Prishtina përforcohet me futbollistin holandez

FC Prishtina e ka kompletuar transferimin e mbrojtësit të djathtë, Sylian Mokono nga klubi holandez VVV-Venlo.

26-vjeçari ka një karrierë të madhe në Holandë, ku ka mbrojtur fanellën e disa klubeve.

Përmes një komunikate zyrtare, Prishtina i uroi mirëseardhje futbollistit më të ri.

​Juventusi synon të përfitojë edhe 20 milionë euro nga dy brazilianët e harruar

Afati kalimtar i janarit ka hyrë në fazën më intensive dhe raportimet nga Italia bëjnë të ditur se Juventusi shpreson të arkëtojë rreth 20 milionë euro përmes shitjes së dy brazilianëve që prej kohësh kanë dalë nga planet kryesore të klubit.

Njëri prej tyre është Arthur Melo, i cili vazhdon të jetë nën kontratë me Juventusin, pavarësisht se pjesën më të madhe të tre viteve e gjysmë të fundit e ka kaluar larg Torinos, në formë huazimi te Liverpool, Fiorentina, Girona dhe së fundmi te Gremio në Brazil.

29-vjeçari iu bashkua Juventusit në një marrëveshje shkëmbimi me Miralem Pjanic, transferim që në atë kohë u raportua se kishte një vlerë prej 72 milionë eurosh, plus deri në 10 milionë euro bonuse dhe shtesa.

Zyrtare: Lirim Kastrati bëhet me klub të ri, i bashkohet skuadrës hungareze

Mbrojtësi Lirim Kastrati pas një viti e gjysmë pa klub, i është bashkuar zyrtarisht skuadrës hungareze DVTK.

Pas largimit nga skuadra polake, Kastrati ka qenë agjent i lirë ndërsa ka vendosur të rikthehet në elitën e futbollit hungarez.

DVTK përmes një komunikate zyrtare e njoftoi afrimin e mbrojtësit të Kosovës, me këtë të fundit që deklaroi se është i lumtur dhe mezi pret të jep më të mirën në fanellën e kuqe.

PSG kontakton kampin e yllit të Chelseat për një transferim gjatë verës

Paris Saint-Germain synon një transferim të madh nga Chelsea gjatë afatit kalimtar të verës dhe tashmë ka bërë bisedimet e para me përfaqësuesit e lojtarit.

Sipas gazetarit Uriel Iugt, PSG i është afruar ekipit përfaqësues të Enzo Fernandez, ndërsa po shqyrton një transferim të mundshëm të mesfushorit të Chelseat gjatë verës.

Gjigantët e Ligue 1 kanë një interes konkret për lojtarin e kombëtares argjentinase, por ende është bërë vetëm një kontakt joformal.

​Man Utd me ofertë prej 100 milionë eurosh për yllin e madh të Atletico Madridit

Manchester United po përgatit një ofensivë madhore në afatin kalimtar, me synimin për të transferuar mesfushorin spanjoll të Atletico Madrid, Pablo Barrios, për një shifër që mund të arrijë deri në 100 milionë euro.

Klubi nga Old Trafford kërkon të rindërtojë repartin e mesfushës dhe ta rikthejë ekipin në nivelin më të lartë të futbollit evropian, pas sezoneve zhgënjyese.

Barrios shihet si profili ideal për t’i dhënë qartësi, ritëm dhe kreativitet lojës së “Djajve të Kuq”.

​Jaap Stam rekomandon Manchester Unitedin për "nënshkrimin e ëndrrave"

Legjenda holandez, Jaap Stam ka sugjeruar që Manchester United duhet të nënshkruajë mesfushorin e Barcelonës, Frenkie de Jong, këtë verë. Stam ka thënë se e sheh De Jong si një "nënshkrim ëndrrash" për afatin kalimtar të janarit.

Me Michael Carrick në krye të ekipit si i përkohshëm, fokusi është në shpëtimin e sezonit dhe sfidën për kualifikimin në Ligën e Kampionëve.

Stam, i cili fitoi tripletën me United, beson se bordi duhet të jetë ambicioz pavarësisht vështirësisë për të sjellë lojtarë të klasit të lartë në afatin e dimrit.

Një lojtar i Real Madridit mund të largohet për shkak të mungesës së minutave

Sipas Mundo Deportivo, Real Madridi nuk ka në plan të kryejë afrime gjatë afatit kalimtar të janarit, por mbetet i hapur për largime, me Dani Ceballos që po shfaqet si një nga emrat më të mundshëm për t’u shitur.

Mesfushori spanjoll po përballet me një situatë të vështirë në “Santiago Bernabeu”, pasi ka pasur shumë pak hapësira këtë sezon dhe, sipas raportimeve, nuk bën pjesë në planet e trajnerit të ri, Alvaro Abeloa.

Kjo ka rritur ndjeshëm gjasat e një ndarjeje të parakohshme mes palëve.

​Juventusi e dëshiron Matetën, por refuzon propozimin për shkëmbim nga Crystal Palace

Burime të shumta në Itali pohojnë se Juventusi ka filluar bisedimet paraprake për të nënshkruar sulmuesin e Crystal Palace, Jean-Philippe Mateta, por Bianconerët thuhet se kanë refuzuar të përfshijnë Jonathan Davidin në një marrëveshje shkëmbimi.

Juventusi e ka identifikuar lojtarin francez Mateta si zëvendësuesin ideal për Dusan Vlahovic, i cili pritet të largohet nga Torino në fund të kontratës së tij në qershor.

Tuttosport dhe Gazzetta dello Sport raportojnë se Bianconerët tashmë kanë filluar bisedimet me Crystal Palace, pasi Luciano Spalletti do të mirëpriste me kënaqësi një qendërsulmues klasik në afatin kalimtar të janarit.

​Atletico Madrid trondit tregun e transferimeve

Ky dimër pritet të jetë vendimtar për Atletico Madrid, që ka shumë punë përpara si në dalje ashtu edhe në afrime.

Nga ana tjetër, situata te Real Madrid është edhe më e tensionuar: Xabi Alonso u shkarkua pas humbjes në Superkupën e Spanjës ndaj Barcelonës, ndërsa pasuesi i tij, Alvaro Arbeloa, e nisi aventurën me një eliminim surprizë nga Albacete në Kupën e Mbretit.

Pas investimeve të rëndësishme gjatë verës, drejtuesit e Atleticos nuk kishin në plan të lëviznin shumë këtë janar, përveç rastit kur do të realizoheshin disa shitje.

​Crystal Palace dhe Guehi i thonë ‘po’ ofertës së Man Cityt, gati zyrtarizimi

Manchester City është shumë afër të bëjë zyrtare transferimin e mbrojtësit Marc Guehi nga Crystal Palace.

Klubi nga Etihad nuk ka të ndalur në afatin kalimtar të janarit, pasi është afër të zyrtarizoj edhe transferimin e dytë të madh.

Pas transferimit të Antoine Semenyo nga Bournemouth, City pritet të konfirmoj edhe transferimin e Guehit nga Crystal Palace.

Interi vendos çmimin për largimin e yllit të madh të ekipit

Interi ka vendosur një qëndrim të fortë për të ardhmen e Hakan Çalhanoglut, i cili po tërheq sërish interesin e Galatasarayt në këtë afat kalimtar.

Klubi turk kërkon ta përforcojë mesfushën dhe e sheh mesfushorin turk si objektivin kryesor, duke u përpjekur ta bindë për një rikthim në kampionatin vendas.

Sipas mediave turke, Galatasaray e ndjek Çalhanoglun prej kohësh dhe kishte tentuar transferimin e tij edhe gjatë verës.

Një marrëveshje është arritur për Marc-Andre ter Stegen

Sipas informacioneve të zbuluara nga Cadena SER, është arritur marrëveshja që portieri të largohet nga Barcelona dhe të transferohet te Girona.

Klubi katalanas do të marrë përsipër rreth 1 milion euro nga paga e tij, ndërsa 90% e mbetur do të vazhdojë të paguhet nga FC Barcelona, e cila ka pranuar largimin e kapitenit për t’i mundësuar minuta aktivizimi.

Mbeten për t’u zgjidhur vetëm disa detaje finale për mbylljen e marrëveshjes, pas së cilës Barça do të mbetet pa shërbimet e portierit gjerman.

President i Al-Ittihad, Anmar Al Haili këmbëngul në obsesionin e tij të madh për të qenë në gjendje të nënshkruajë me Leo Messin (në vitin 2023 ai madje i ofroi atij 400 milionë euro në vit ).

Drejtuesi i klubit saudit e ka bërë të qartë edhe një herë se paratë nuk do të ishin pengesë për ta parë Messin me fanellën verdhë e zi dhe siguron se Messi mund ta zgjidhte personalisht pagën e tij dhe kohëzgjatjen e kontratës.

“Nëse Messi pranon të nënshkruajë me Al Ittihad, unë do t'i ofroja një kontratë ku ai mund të fitonte çfarëdo shume që dëshiron, për aq kohë sa dëshiron, madje edhe për gjithë jetën”, ka thënë fillimisht Al Haili.

Messi ëndërron të zotërojë një klub pasi të dalë në pension, flet edhe për ëndrrat dhe jetën e tij personale

Al Haili konfirmoi përpjekjet e tij të mëparshme për të nënshkruar me Messin, i cili, pasi u largua nga PSG në vitin 2023, vendosi të vazhdonte karrierën e tij me Inter Miamin.

“Po, e kam kontaktuar më parë, kur kontrata e tij me PSG mbaroi. I ofrova 1.4 miliardë euro. Ai e refuzoi një ofertë kaq të madhe për hir të familjes së tij, edhe pse i kisha bindur. Megjithatë, ai nuk hezitoi ta refuzonte sepse familja është më e rëndësishme se paratë. Unë e respektoj atë dhe Al Ittihad do ta mirëpresë gjithmonë; ai mund të vijë kur të dëshirojë”.

Gjithçka tregon se Al-Ittihad dhe Superliga e Arabisë Saudite duhet të presin, pasi në tetor 2025, Messi (38 vjeç) rinovoi kontratën e tij me Inter Miami deri në dhjetor 2028.

“Fakti që Messi këtu në Arabinë Saudite mban veshur fanellën tonë nuk do të thotë asgjë për mua financiarisht. Ne do ta festonim titullin e ligës edhe para se të fillonte sepse do të kishim lojtarin më të mirë në historinë e futbollit", theksoi Al Haili. /Telegrafi/

Robert Lewandowski po tregon edhe këtë sezon se mosha nuk është pengesë.

Sulmuesi polak ka shënuar 10 gola dhe vazhdon të jetë i rëndësishëm për Barcelonën.

Për këtë arsye, as lojtari dhe as klubi nuk e kanë përjashtuar mundësinë e vazhdimit të bashkëpunimit.

Edhe pse janë përhapur zëra për largimin e tij në fund të sezonit, brenda klubit ka mendime se Lewandowski mund të qëndrojë edhe një vit tjetër.

Sipas gazetës Sport, forma e mirë e treguar, veçanërisht në Superkupën e Spanjës, ka bindur shumë drejtues që ta mbajnë sulmuesin 37-vjeçar.

Edhe stafi teknik është i kënaqur me paraqitjet e tij.

Ndonëse këtë sezon ka qenë shpesh rezervë, Lewandowski ka ruajtur efikasitetin, me 10 gola në 20 ndeshje zyrtare.

Trajneri Hansi Flick ka theksuar se është i kënaqur me punën dhe nivelin e tij, pa dhënë ende një vendim për sezonin e ardhshëm.

Nga ana e tij, vetë Lewandowski nuk ka marrë ende një vendim.

Ai ka oferta nga MLS dhe Arabia Saudite, por dëshiron të marrë kohë dhe të flasë fillimisht me trajnerin.

Sipas AS, edhe pse cikli i tij te Barcelona mund të jetë drejt fundit, mundësia e qëndrimit nuk është përjashtuar plotësisht. Vendimi pritet të merret në një moment më të vonë. /Telegrafi/

Sulmuesi i Al Nassr, Cristiano Ronaldo, ka shënuar gol ndaj Al Hilalit në ndeshjen e javës së 14-të të Ligës Profesionale Saudite, duke arritur një tjetër moment historik në karrierën e tij legjendare.

Ylli portugez hapi rezultatin në minutën e 42-të, pasi finalizoi një aksion të ndërtuar bukur nga ekipi i tij, me Kingsley Coman që asistoi për golin parë.

Ky realizim i dha Al Nassr epërsinë në një nga përballjet më të shumëpritura të sezonit në Arabinë Saudite.

Por loja në pjesën e dytë ndryshojë, me Al Hilal që shënoi tri herë, me Al Daësarin, Kannon dhe Ruben Neves, për fitoren e kampionit në fuqi, që përforcojnë vendin e parë me 38 pikë, ndërsa Al Nassr mbetet në vendin e dytë me 31 pikë.

Ky gol ishte i 959-ti në karrierën profesionale të Ronaldos, duke dëshmuar edhe një herë jetëgjatësinë dhe qëndrueshmërinë e tij të jashtëzakonshme në nivelet më të larta të futbollit.

Nga ky total, 817 gola i ka shënuar në nivel klubesh, ndërsa 142 gola me fanellën e Kombëtares së Portugalisë. /Telegrafi/

Napoli thuhet se është i gatshëm të vlerësojë çdo ofertë të mundshme nga Superliga e Arabisë Saudite për Kevin De Bruyne këtë muaj, me ish-yllin e Manchester City që është gjithashtu i hapur për të eksploruar opsionet e tij.

De Bruyne iu nënshtrua një ndërhyrjeje kirurgjikale në tetor dhe nuk pritet të kthehet në aksion para marsit 2026.

Sipas mediumit italian Il Mattino, Napoli dhe De Bruyne mund të ndahen që në afatin kalimtar të janarit, pas vetëm gjashtë muajve ‘martesë’.

Ky medium shton se disa klube të Superligës Saudite mbeten të interesuara për yllin belg, dhe Napoli është i hapur për të dëgjuar ofertat këtë muaj.

Il Mattino pretendon se edhe vetë De Bruyne do të merrte në konsideratë largimin nga Napoli, pasi një transferim në Superligën Saudite mund t’i lejonte atij t’i jepte përparësi rikuperimit të tij në përgatitje për Kupën e Botës 2026.

De Bruyne pritet të kthehet në Napoli javën e ardhshme për të vazhduar rikuperimin e tij.

Ish-ylli i Manchester Cityt u transferua në Stadio Maradona si transferim i lirë verën e kaluar. Ai shënoi katër gola dhe dha dy asistime në 11 paraqitje në të gjitha garat përpara se të pësonte një dëmtim serioz në kofshë në tetor. /Telegrafi/

Futbolli po përgatitet për një shpërthim të papritur pas lajmit se Al Hilal ka ringjallur interesin për të nënshkruar me Raphinha. Drejtuesit e klubit saudit kanë përfituar nga negociatat e fundit për huazimin e Joao Cancelos për të vënë në tryezë një shifër marramendëse.

Sipas mediumit El Nacional, oferta e gjigantit të Superligës së Arabisë Saudite arrin në 100 milionë euro, e ndarë në 80 milionë euro fikse dhe 20 milionë të tjera në bonuse.

Ky veprim synon të mbushë boshllëkun e lënë nga Neymar Jr dhe të forcojë ekipin e Simone Inzaghit si fuqia e padiskutueshme e futbollit aziatik. Ndërkohë, Barça po e vëzhgon me kujdes një ofertë që, për shkak të madhësisë së saj financiare, do të ishte praktikisht e pamundur të krahasohej në tregun aktual evropian.

Projekti sportiv i klubit me seli në Riad nuk po kursen asnjë shpenzim për të bindur sulmuesin anësor që të transferohet në shkretëtirë. Al Hilal dëshiron që sulmuesi 29-vjeçar të bëhet ikona e re e skuadrës së tyre, pas performancës zhgënjyese të nënshkrimit të tyre të mëparshëm brazilian me para të mëdha.

Përfaqësuesit sauditë kanë hartuar një kontratë stratosferike që do të tejkalonte çdo pritshmëri për pagën, duke kërkuar ta joshin lojtarin me një projekt fitues dhe financiarisht të pamposhtur.

Pavarësisht refuzimit fillestar të Joan Laportës verën e kaluar, këmbëngulja e klubit saudit tregon se paratë nuk janë pengesë. Inzaghi e ka miratuar personalisht këtë transferim, duke e parë brazilianin si lojtarin ideal për të rritur nivelin konkurrues të sistemit të tij.

Koha e Raphinhas te Barcelona është në kulmin e saj, duke u bërë një lider i padiskutueshëm për Hansi Flick. Trajneri gjerman ka deklaruar vazhdimisht se e konsideron lojtarin brazilian të domosdoshëm, si për ritmin e tij të punës në mbrojtje, ashtu edhe për aftësitë e tij sulmuese.

Megjithatë, Al Hilal është i bindur se shifra prej 100 milionë eurosh do ta bëjë bordin e Barcelonës, i cili ka nevojë për të ardhura, ta rishqyrtojë vendimin.

Lojtari i ka sytë nga Kupa e Botës 2026, ku aspiron të jetë titullar i rregullt për trajnerin e ekipit të tij kombëtar dhe të shkëlqejë në turne. Edhe pse dëshira e tij fillestare ishte gjithmonë të kishte sukses te Barcelona, ekziston një marrëveshje zotërinjsh me drejtorin sportiv që mund të ndryshojë rrënjësisht gjithçka. /Telegrafi/

Sulmuesi kosovar Emir Sahiti pritet të largohet nga Hamburgu gjatë afatit kalimtar dimëror, pas një sezoni të vështirë dhe me shumë pak hapësira në skuadër.

Sipas raportimit të OneFootball, menaxheri i 27-vjeçarit është duke punuar intensivisht për gjetjen e një klubi të ri. Emri i Sahitit u është ofruar disa skuadrave, përfshirë St. Pauli, por futbollisti ka kërkuar qartë që prioritet të jetë një transferim drejt Arabisë Saudite.

Sahiti ka pasur vështirësi të mëdha për të siguruar minuta këtë edicion në Bundesligën gjermane. Ai ka zhvilluar vetëm 122 minuta lojë në kampionat, duke u paraqitur në dy ndeshjet e para të sezonit.

Pas kësaj, nuk ka fituar më asnjë minutë: në nëntë ndeshje nuk u ftua fare, ndërsa në tri të tjera mbeti në bankën e rezervistëve.

Minutat e vetme pas kësaj periudhe i mori më 3 dhjetor, në ndeshjen e Kupës së Gjermanisë ndaj Holstein Kielit.

Emir Sahiti iu bashkua Hamburgut në verën e vitit 2024, duke u transferuar nga Hajduk Split për shumën prej 1.2 milionë eurosh. Kontrata e tij me klubin gjerman skadon në vitin 2027, çka e bën këtë afat dimëror vendimtar për të ardhmen e tij. /Telegrafi/

Bayern Munich ka shtuar interesimin për Reben Neves, mesfushorin portugez të Al-Hilal, i cili pritet të jetë një nga emrat më të diskutuar të merkatos së ardhshme verore.

Sipas gazetës spanjolle AS, kampionët e Gjermanisë janë mes klubeve që po monitorojnë nga afër situatën e lojtarit, në rast se ai nuk rinovon kontratën aktuale që skadon këtë verë.

Bavarezët tashmë kanë zhvilluar bisedime joformale me përfaqësuesit e Neves, duke iu bashkuar interesimit të klubeve si Manchester United, Atletico Madrid dhe Juventusi, të cilët gjithashtu po ndjekin zhvillimet rreth së ardhmes së 28-vjeçarit.

Nga ana tjetër, Al-Hilal ka reaguar duke i paraqitur Neves një ofertë të re deri në vitin 2028, e cilësuar si “e papërmbajtshme”, që përfshin një rritje të ndjeshme të pagës.

Sipas raportimeve, ka sinjale të forta se mesfushori mund ta pranojë këtë ofertë, me një marrëveshje joformale që do t’i lejonte atij të largohej nga klubi saudit në verën e vitit 2027.

Megjithatë, 63-herë reprezentuesi i Portugalisë ende nuk ka marrë një vendim përfundimtar. Gazeta britanike Times raportoi së fundmi se Neves synon një rikthim në Liga Premier, ku kishte lënë gjurmë me Wolverhampton Wanderers. Për një transferim të mundshëm, po përmendet një shifër rreth 20 milionë euro.

Neves thuhet se i është ofruar edhe Real Madridit kohët e fundit, por gjigantët spanjollë kanë vendosur të mos ecin përpara me këtë opsion. Ndërkohë, nga 1 janari, mesfushori ka të drejtë të negociojë lirshëm me klube të tjera pa pëlqimin e Al-Hilal dhe të nënshkruajë një kontratë që do të hyjë në fuqi verën e ardhshme.

E ardhmja e Rúben Neves mbetet e hapur, mes ofertës luksoze nga Arabia Saudite dhe dëshirës për t’u rikthyer në elitën e futbollit evropian. /Telegrafi/

Ndeshja mes Al Ettifaq dhe Al Nassr përfundoi në barazim 2-2, duke shënuar herën e parë që ekipi i Riadit nuk fitoi këtë sezon në Ligën Profesionale Saudite.

Joao Felix dhe Cristiano Ronaldo shënuan dy golat e Al Nassr, duke intensifikuar garën për Këpucën e Artë, por Gio Wijnaldum dhe skuadra e Al Ettifaq barazuan rezultatin me dy gola, duke shpëtuar ndeshjen për vendasit.

Ronaldo e shënoi golin në minutën e 67-të, kur një gjuajtje nga Felix u devijua me shpinë nga Ronaldo brenda zonës, e që ishte goli i dytë dhe i epërsisë për Al Nassr.

Ronaldo vazhdon t’i afrohet edhe më shumë synimit për ta arritur shifrën e 1000 golave në karrierë. Ylli portugez i futbollit të martën shënoi golin e e 957.

Ndeshja u karakterizua nga dominimi i Al Nassr në pjesën e dytë, por mungesa e përfundimit dhe kundërsulmet e shpejta të Al Ettifaq lanë rezultatin 2-2 deri në fund. /Telegrafi/

Robert Lewandowski raportohet se ka bërë një hap më afër largimit nga Barcelona, teksa përfaqësuesit e tij po përgatiten të zhvillojnë një raund të ri bisedimesh me përfaqësues nga Arabia Saudite për një transferim të mundshëm dhe shumë fitimprurës në Lindjen e Mesme.

Reprezentuesi i Polonisë po ashtu është në radarin e klubit të MLS-së, Chicago Fire, në prag të skadimit të kontratës së tij në fund të sezonit.

Sipas një raporti të ri nga e përditshmja spanjolle AS, agjenti izraelit i Lewandowskit, Pini Zahavi, pritet të zhvillojë një takim të ri me zyrtarët e Arabisë Saudite përpara hapjes së afatit kalimtar të janarit, më 1 janar.

Raporti pretendon se Lewandowski tashmë ka marrë një ofertë nga Lindja e Mesme, ndonëse nuk specifikohet se cilat klube janë të interesuara për shërbimet e sulmuesit, i cili këtë sezon ka shënuar tetë gola në 18 paraqitje në të gjitha garat me Barcelonën.

37-vjeçari besohet se është i tërhequr nga mundësia për të luajtur në Lindjen e Mesme, ku Superliga e Arabisë strehon disa nga emrat më të mëdhenj të futbollit botëror, përfshirë Al-Nassr me yllin portugez Cristiano Ronaldo, si dhe dyshen e Al-Ittihad, Karim Benzema dhe N’Golo Kante.

Në një raport të veçantë të BBC më herët gjatë këtij muaji, u bë e ditur se përfaqësuesit e Leëandoëskit kanë zhvilluar bisedime edhe me Chicago Fire për një transferim të mundshëm në Shtetet e Bashkuara të Amerikës.

Chicago Fire, klub që më parë ka tentuar të transferojë emra të mëdhenj si Neymar dhe Kevin De Bruyne në vitin 2025, raportohet se e ka vendosur Lewandowskin si objektiv prioritar për të paktën gjashtë muaj, veçanërisht duke pasur parasysh se Çikago ka komunitetin më të madh polak në SHBA./Telegrafi/

Disa klube nga Arabia Saudite po shfaqin interes konkret për portierin belg Thibaut Courtois, ndërsa Villarreal ka nisur lëvizjet për të afruar Andriy Lunin.

Edhe pse vëmendja mediatike te Real Madridi zakonisht përqendrohet te emra si Kylian Mbappe, Vinicius Junior, Jude Bellingham, Arda Guler apo Rodrygo Goes, realiteti është se Courtois (33 vjeç) mbetet një nga shtyllat e padiskutueshme të ekipit.

Ndeshje pas ndeshjeje, portieri belg dëshmon se prania e tij është vendimtare për klubin madrilen.

Për këtë arsye, interesimi në rritje nga Arabia Saudite përbën një burim shqetësimi për “Los Blancos”.

Sipas një raportimi të Defensa Central, disa klube të Lindjes së Mesme janë të gatshme t’i ofrojnë Courtois një kontratë trevjeçare me vlerë 30 milionë euro në sezon.

Megjithatë, në parim, Courtois nuk pritet t’i marrë seriozisht këto oferta.

Përveçse nuk ka shqetësime financiare, ai gëzon një pagë të lartë dhe synon të vazhdojë të luajë në nivelin më të lartë.

Aktualisht, kontrata e tij me Real Madridin skadon në qershor 2027, dhe gjithçka tregon se do të vijojë të mbrojë portën e “Santiago Bernabeu” deri atëherë.

Ndryshe paraqitet situata e Andriy Lunin (26 vjeç).

Portieri ukrainas duket gjithnjë e më i lodhur nga roli i dytë pas Courtois dhe nuk përjashton një largim në fund të sezonit.

Mes ofertave që kanë nisur të mbërrijnë, spikat ajo e Villarrealit.

Sipas OK Diario, klubi spanjoll e sheh Lunin si profilin ideal për t’i dhënë stabilitet portës, një repart ku as Luiz Junior dhe as Arnau Tenas nuk kanë arritur të konsolidohen. /Telegrafi/

Ruben Neves është sërish në qendër të tregut të transferimeve. Mesfushori portugez, aktualisht te Al Hilal, mund të përfshihet në një nga lëvizjet më të mëdha të verës së ardhshme duke iu bashkuar Real Madridit si transferim i lirë.

Neves është veçuar drejtpërdrejt nga Al Jaber, një nga legjendat e mëdha të futbollit arab, i cili nuk ka hezituar të parashikojë rezultatin e së ardhmes së mesfushorit portugez. Fjalët e tij kanë pasur një ndikim të fortë si në Arabinë Saudite ashtu edhe në Evropë.

Deklarata është përfundimtare. Lojtari portugez nuk do ta rinovojë kontratën e tij me klubin e tij aktual dhe destinacioni i tij është vendosur tashmë. Real Madridi duket të jetë opsioni prioritar për ta përfunduar karrierën e tij në nivelin më të lartë të futbollit evropian. Në Valdebebas, ata po e monitorojnë nga afër një mundësi që përputhet në mënyrë të përkryer me politikën e fundit të transferimeve të klubit.

Koha e Ruben Neves te Al Hilal mund të jetë drejt fundit. Pavarësisht rëndësisë së tij për sistemin e ekipit saudit, lojtari thuhet se nuk ka ndërmend të zgjasë kontratën e tij.

Burime në Arabinë Saudite pohojnë se mesfushori ka marrë tashmë një vendim të prerë. Ai preferon të kthehet në futbollin evropian para se të mbushë 30 vjeç dhe të garojë në nivelin më të lartë.

Al Hilal është në dijeni të këtij qëndrimi dhe pranon se nuk mund ta mbajnë atë përtej kontratës së tij aktuale. Për më tepër, largimi i tij do të ndodhte pa asnjë tarifë transferimi. Ky skenar, ndonëse i dhimbshëm për klubin, konsiderohet i pashmangshëm duke pasur parasysh ambiciet sportive të lojtarit.

Real Madridi e sheh Nevesin si një opsion strategjik të nivelit të lartë. Shtimi i një mesfushori të provuar dhe kryesor me përvojë ndërkombëtare si transferim i lirë është një mundësi që është e vështirë të injorohet.

Los Blancos kanë vlerësuar lojtarë që mund të sjellin ekuilibër, karakter dhe vetëdije taktike në mesfushë. Lojtari portugez i plotëson të gjitha këto kërkesa. Për më tepër, përvoja e tij në ligën e parë angleze dhe pjekuria e tij futbollistike përputhen me idenë e forcimit të skuadrës pa kompromentuar stabilitetin financiar.

Në La Liga, ardhja e tij do të rriste nivelin konkurrues të kampionatit dhe do të përforconte një zonë kyçe të fushës për ekipin e bardhë. /Telegrafi/

Al-Nassr po përballet me një ndalim të ri transferimesh të vendosur nga FIFA, pak para hapjes së afatit kalimtar të janarit.

Organi qeverisës i futbollit botëror përditësoi regjistrin e tij të premten dhe e vendosi klubin saudit në një listë të atyre që u ndalohet të regjistrojnë lojtarë të rinj, me sanksionin që do të fillojë më 19 dhjetor.

Ndryshe nga dënimet e zakonshme që zbatohen për një numër të caktuar afatesh kalimtare, FIFA ka deklaruar se ndalimi i Al-Nassr do të zgjasë "derisa të revokohet", gjë që sjell shumë pasiguri për klubin në mes të planifikimit për pjesën e dytë të sezonit.

Kjo paqartësi ka shkaktuar shqetësim në Riad, dhe situata është komplikuar më tej nga fakti se Al-Nassr nuk është i vetmi klub i prekur, me klube të tjera të Superligës Saudite në listën e sanksioneve të FIFA-s, të tilla si Al Shabab, Damac dhe Al Riyadh.

Borxhe të vjetra, probleme të reja

Kjo nuk është hera e parë që klubi nga Riadi e ka gjetur veten në këtë situatë. Në korrik 2023, vetëm disa muaj pas mbërritjes së Cristiano Ronaldos, Al-Nassr u përball me një ndalim të ngjashëm.

Problemi në atë kohë buronte nga detyrimet e papaguara që lidheshin me transferimin e Ahmed Musës nga Leicester City në vitin 2018. Musa mbërriti në një transferim prej rreth 16 milionë eurosh, por FIFA më vonë vendosi që Al-Nassr nuk kishte paguar bonusin prej rreth 500 mijë eurosh për klubin anglez.

Pavarësisht paralajmërimeve, borxhi nuk u pagua në kohë, duke rezultuar në një ndalim. Klubi më pas reagoi shpejt, duke paguar rreth 2 milionë euro dhe FIFA e hoqi sanksionin.

Mbetet për t'u parë nëse historia do të përsëritet, por ky precedent sugjeron se problemi ka të ngjarë të jetë përsëri financiar. /Telegrafi/