Kryeministri në detyrë Albin Kurti ka thënë të premten se Kosova ka nevojë për një marrëdhënie të re mes pushtetit dhe opozitës, në mënyrë që t’i kalojë marrëveshjet jetike ndërkombëtare dhe ta zgjedhë presidentin e ri të vendit, për ta shmangur një krizë të re politike.

Partia në pushtet e Kurtit, Lëvizja Vetëvendosje, i fitoi bindshëm zgjedhjet e parakohshme parlamentare të 28 dhjetorit, duke i marrë 57 vende në Kuvendin me 120 sosh, dhe pritet ta formojë së shpejti qeverinë e re për një mandat të tretë katërvjeçar.

Megjithatë, atij i mungon një shumicë dërrmuese prej 82 deputetësh për të kaluar ligje sikurse janë marrëveshjet ndërkombëtare, apo zgjedhja e presidentit të vendit.

Kurti tha për gazetarë të premten se e ka takuar presidenten Vjosa Osmani – e cila po kërkon një mandat të dytë pesëvjeçar – por se votimi në Kuvend për presidentin e ri është “hapi i katërt” në një varg hapash, siç është certifikimi i rezultateve të zgjedhjeve, konstituimi i Kuvendit të ri dhe formimi i qeverisë së re.

Derisa tha se nuk do të ketë telashe ta formojë qeverinë e re, Kurti kërkoi nga opozita bashkëpunim për t’i kaluar marrëveshjet ndërkombëtare dhe për çështjen e presidentit.

Dy marrëveshje ndërkombëtare, jetike për Kosovën, presin dritën jeshile të Kuvendit: Plani për Reforma dhe Rritje i Bashkimit Evropian (BE) në vlerë prej 882 milionë eurove, si dhe tri marrëveshje me Asociacionin Ndërkombëtar për Zhvillim (ANZH) të Bankës Botërore në vlerë mbi 120 milionë euro.

Ratifikimi i tyre është stërzgjatur si pasojë e mungesës së institucioneve të reja përgjatë vitit 2025.

Kurti tha se partia e tij është e gatshme për bashkëpunim me opozitën dhe pret të shohë nëse do të ketë lëvizje nga ajo në shkurt.

“Ne duhet të shohim në Kuvend se a ka atmosferë për një raport të ri Qeveri–opozitë”, tha Kurti.

“Populli na ka dhënë një mbështetje shumë të madhe, e cila është përgjegjësi e lartë për ne për formimin e qeverisë; nuk do të kemi asnjë problem, por për dy të tretat e votave që nevojiten në Kuvend, prej marrëveshjeve ndërkombëtare deri te zgjedhja e presidentes apo presidentit, ne kemi nevojë për bashkëpunim me opozitën”, shtoi ai.

Dështimi për ta zgjedhur presidentin ri, pasi Osmanit i mbaron mandati në prill, do ta çonte vendin në zgjedhje të reja të parakohshme për herë të tretë brenda afërsisht 12-muajsh.

Themelimi i institucioneve të reja pas zgjedhjeve të dhjetorit është zvarritur pasi Komisioni Qendror i Zgjedhjeve u detyrua t’i rinumërojë të gjitha votat në gjithë vendin, pas dyshimeve për manipulim të votave në të kandidatëve për deputetë të Kuvendit.

Komisioni pritet ta përfundojë rinumërimin të premten pasdite dhe në ditët në vijim t’i certifikojë rezultatet, për ta hapur rrugën për konstituimin e Kuvendit.

Megjithatë, ka druajtje se konstituimi mund të përballet me bllokada të reja, pas një vendimi të Gjykatës Kushtetuese, e cila gjeti se Nenad Rashiq, nënkryetari i Kuvendit nga pakica serbe pas zgjedhjeve të shkurtit ishte zgjedhur në kundërshtim me Kushtetutën e vendit.

Gjykata theksoi se e drejta për të propozuar kandidatin i takon partisë që ka fituar shumicën e vendeve të rezervuara për komunitetin serb – në këtë rast, Listës Serbe, e cila i kishte nëntë nga dhjetë mandatet.

Kjo parti – më e madhja e serbëve në Kosovë, e cila ka mbështetjen e Beogradit – fitoi sërish nëntë mandate në zgjedhjet e dhjetorit, ndërsa një mandat e fitoi Nenad Rashiq, udhëheqës i Partisë për Liri, Drejtësi dhe Mbijetesë.

I pyetur për vendimin e Kushtetueses, Kurti tha se nuk mund të japë vlerësim pa e parë aktgjykimin e plotë, i cili pritet të publikohet më vonë.

“Besoj që në javën e ardhshme do ta kemi atë gjykimin me përmbajtjen e plotë dhe më pastaj do të mund ta japim një përgjigje të qartë e të saktë nga ana jonë. Por, ajo çfarë unë shpresoj është që aktgjykimi i Gjykatës Kushtetuese i janar-shkurtit 2026, të mos jetë në kundërshtim me ato aktgjykimet e vitit 2025, në veçanti të muajit tetor, sepse bëhet fjalë për të njëjtën çështje”, tha ai.

Viti 2025 ka qenë vit i humbur legjislativ në pamundësi të partive politike për të themeluar institucione të reja./ REL

The post Zgjedhja e presidentit të Kosovës, Kurti: Kemi nevojë për një raport të ri Qeveri-opozitës appeared first on Albeu.com.

1.800 persona në rajonet më të prekura nga përmbytjet në Shqipëri, gjatë javëve të fundit, do të përfitojnë ndihmë të shpejt falë mbështetjes nga Gjermania. Lajmin e jep Ambasada Gjermane në Tiranë.

Masat përfshijnë ndihma sanitare dhe higjienike, strehimin emergjent dhe artikujt jo-ushqimorë, masat mbrojtëse (duke përfshirë mbrojtjen nga dhuna gjinore), sigurinë ushqimore dhe nevojat jetike.

Ndihma garantohet nga Fondi Start, i mbështetur nga Gjermania, dhe do të shkojë për rreth 400 familje në rajonet më të prekura të Shqipërisë – duke përfshirë Durrësin (Sukth, Katund i Ri, Kënetë, Rrashbull, Porto Romano si dhe Shkozetin, Nishtullën).

“Për më tepër, përmes mbështetjes sonë të gjerë për zhvillimin e sistemeve të paralajmërimit të hershëm (përmes projektit ALBAdapt të GIZ), ne kontribuojmë që ngjarjet ekstreme të motit të mund të parashikohen më mirë në të ardhmen, duke i mundësuar njerëzve të marrin masa parandaluese”, njofton Ambasada.

The post Ndihmë e shpejtë pas përmbytjeve në Shqipëri, Gjermania jep 250.000 paund për 400 familjet e prekura appeared first on Albeu.com.

Pikërisht ditën kur Klodian Braho mori detyrën e kryeprokurorit në mënyrën më aktive të mundshme duke behur në Këshillin e Mandateve në Kuvend, komisioni i Përhershëm Parlamentar Xhafaj kërkonte të futej në axhendën e SPAK.

Kërkesa lidhej me një vizitë monitoruese mbi rezultatet e SPAK për pastrimin e parave. Në këtë shkresë që TCH disponon, politika e mbështet kërkesën tek një shkresë e Agjencisë së Inteligjencës Financiare drejtuar kuvendit dhe disa institucioneve për disponimin e të dhënave rreth pastrimit të parave.

Por SPAK i thotë ‘jo” takimit me komisionin Xhafaj, që ishte sugjeruar të mbahej në 6 shkurt 2026. SPAK në këtë dokument, e cilëson takimin monitorues në kapërcim të ligjit dhe pavarësisë së Prokurorisë së Posaçme.

“Çdo praktikë për të kryer vizita të tilla monitoruese do të binte ndesh me pavarësinë kushtetuese të Prokurorisë së Posaçme. Kjo pavarësi nuk është vetëm një kërkesë formale ligjore, por edhe një kusht themelor për të siguruar hetime të pavarura, të paanshme dhe efikase, në mbrojtje të interesit publik dhe të sundimit të ligjit.”

Megjithatë SPAK lë një dritë jeshile për bashkëpunim me komisionin, kur i kujton se mund ta informojë sipas ligjit, por jo ta monitorojë.

“Në vijim të dialogut dhe bashkëpunimit ndër institucional me komisionin, Prokuroria e Posaçme mbetet e angazhuar për të kontribuar në përcjelljen e çdo informacioni të nevojshëm në funksion të përmbushjes së detyrimeve të saj kushtetuese.”

Megjithatë siç rendit edhe në shkresë, SPAK e ka kryer më herët raportimin mbi përmbushjen e rekomandimeve të Task forcës. Ky informim kryhet në kuadër të procesit të Shqipërisë nga Moneyval, Organizata Ndërkombëtare e Monitoritimit kundër pastrimit të parave.

The post SPAK i mbyll derën “Xhafajt”/ Prokuroria e Posaçme refuzon komisionin “Nisma qytetare” dhe e cilëson cenim të pavarësisë appeared first on Albeu.com.

Pas divorcit të bujshëm nga Xhensila Myrtezaj, me të cilën ndau shumë vite jetë dhe ka dy fëmijë, Bes Kallaku duket se ka nisur përfundimisht një kapitull të ri.

Aktori i humorit jo vetëm që e ka lënë pas të shkuarën, por sinjalet e forta tregojnë se ai është sërish i dashuruar dhe tashmë lidhja është bërë familjare.

Kohët e fundit, Besi është shfaqur krejtësisht i “rilindur” dhe me një energji ndryshe në rrjetet sociale.

Ai ka ndarë me ndjekësit disa detaje që nuk lënë vend për dyshime, duke nisur nga një tatuazh i ri ku shkruhet emri “Ejona”, data 25.12.2025 dhe shprehja kuptimplotë “Trëndafil në kohë lufte”.

Gjendjen e tij emocionale e ka përshkruar më së miri edhe përmes një fotoje ku shfaqej i buzëqeshur dhe me sytë që i shkëlqenin, të cilën e shoqëroi me vargun: “Më ktheve vajtimin në valle”.

Por konfirmimi më i fortë ka ardhur mbrëmjen e djeshme nga motra e tij, Ana Kallaku.

The post Motra e Bes Kallakut ndan momentet e ëmbla me ‘kunatën e re’, ja fotoja që po habit rrjetin appeared first on Albeu.com.

Komisioni Evropian ka përshëndetur vendimin e sotëm të Këshillit të Bashkimit Evropian për vendosjen e masave të tjera kufizuese ndaj Iranit, në përgjigje të shtypjes së vazhdueshme dhe brutale të protestuesve nga regjimi iranian.

Sipas vendimit, sanksione do të vendosen ndaj 15 personave të tjerë dhe gjashtë entiteteve. Masat përfshijnë ngrirjen e pasurive, ndalimin e udhëtimit drejt BE-së si dhe ndalimin e vënies në dispozicion të fondeve apo burimeve ekonomike për personat dhe subjektet e përfshira në listën e sanksioneve. Bashkimi Evropian thekson se po e ndjek nga afër situatën në Iran dhe mbetet i gatshëm të vendosë masa shtesë, nëse do të jetë e nevojshme.

Këshilli ka zgjeruar gjithashtu ndalimin e eksportit, shitjes, transferimit apo furnizimit nga BE-ja drejt Iranit të komponentëve dhe teknologjive të tjera që përdoren për zhvillimin dhe prodhimin e dronëve dhe raketave. Këto sisteme, sipas BE-së, i furnizohen nga Irani Rusisë dhe po përdoren për të goditur civilë dhe infrastrukturë në Ukrainë.

Për më tepër, janë vendosur sanksione edhe ndaj katër individëve dhe gjashtë entiteteve të tjera për shkak të përfshirjes së tyre në programin iranian të dronëve dhe raketave. Masat përfshijnë ndalime udhëtimi për individët dhe ngrirje pasurish për individët dhe subjektet.

Masat do të hyjnë në fuqi ditën e publikimit të tyre në Fletoren Zyrtare të Bashkimit Evropian.

Përfaqësuesja e Lartë e BE-së dhe zëvendëspresidente e Komisionit, Kaja Kallas, deklaroi se sanksionet e fundit dërgojnë një mesazh të qartë ndaj regjimit iranian. “Shtypja e lirive nga Irani nuk do të mbetet pa përgjigje. Ata që janë përgjegjës për shtypjen me viktima të protestuesve, përfshirë ministrin e Brendshëm, do të përballen me pasoja ndërkombëtare. Nëse situata përkeqësohet më tej, ne jemi gati të bëjmë më shumë,” tha ajo, duke shtuar se regjimi iranian vazhdon të mbështesë regjimin diktatorial të Rusisë në luftën kundër Ukrainës.

Edhe Komisionerja për Shërbimet Financiare dhe Unionin e Kursimeve dhe Investimeve, Maria Luís Albuquerque, vlerësoi vendimin e Këshillit. “Këto masa tregojnë qartë se BE-ja dënon pa mëdyshje reagimin e dhunshëm dhe joproporcional të regjimit iranian ndaj protestave paqësore dhe legjitime, të cilat përbëjnë shkelje serioze të të drejtave themelore dhe dinjitetit njerëzor,” u shpreh ajo. Sipas saj, sanksionet forcojnë gjithashtu mbështetjen për Ukrainën, duke goditur ndihmën ushtarake që Irani i jep Rusisë dhe duke mbrojtur civilët, infrastrukturën dhe interesat e sigurisë së BE-së.

The post BE miraton sanksione të reja ndaj Iranit: Ngrirje pasurish, ndalime udhëtimi dhe kufizime financiare appeared first on Albeu.com.

Banorët e “BBVA5”, Mali dhe Stenaldo janë përfshirë pasditen sotme në një debat të papritur së bashku.

Pavarësisht se dyshja njihet për marrëdhënien e tyre të ngrohtë shoqërore, mesa duket nga tensioni i kirjuar në shtëpi, gjërat po marrin një tjetër rrjedhë.

Teksa diskutojnë për konkurrentët e tjerë, Stenaldo shfaq dyshimet e tij për lojën e disa prej banorëve, duke vënë në pikëpyetje madje dhe sjelljen e Joelës ndaj tij.

Për rrjedhojë Mali ndërhyn dhe e pyet atë se “pse ka filluar ta humbasë besimin”.

Nga ana e tij Stenaldo është justifikuar duke thënë se nuk i ka njohur mirë njerëzit, sidomos ata që janë pjesë e kësaj gare aktualisht.

Kujtojmë se Mali dhe Stenaldo janë njohur për marrëdhënien e tyre të ngrohtë miqësore. Jo pak herë, Mali është kujdesur për Stenaldon, qoftë duke i hapur dyert ose duke e shoqëruar kryesisht gjatë prime-ve.

The post A po kriset marrëdhënia mes Stenaldos dhe Malit? Banorët debatojnë, shkak bëhen konkurrentët e tjerë appeared first on Albeu.com.

Është arrestuar ditën e sotme në Turqi, shqiptari Bledar Doçi, vëllai i Elvis Doçit, i njohur ndryshe si “Visi i Pojës”, emër i shumëpërfolur në botën e krimit.

Mësohet se Bledar Doçi ishte shpallur në kërkim ndërkombëtar nga autoritetet italiane për trafikim të lëndëve narkotike.

Vëllai i “Visit të Pojës” ishte në kërkim që prej nëntorit të vitit të shkuar, në sajë të një operacioni antidrogë që u zhvillua nga autoritetet fqinje, nga i cili u godit sërish grupi kriminal që dyshohet se kryesohej nga vëllai i tij, Bledar Doçi.

Gjykata e Breshias ka lëshuar gjithsej 24 masa sigure për grupin i cili akuzohet për trasnportimin e 1.3 tonë kokaine, veprimtari kriminale e kryer brenda një periudhe kohore 5-vjeçare, më konkretisht 202-2025.

Visi i Pojës rezulton i përfshirë në trafikun e 8 kilogramëve kokainë në Itali, ngarkesë e trafikuar për llogari të grupit të lidhur me Adi Çobën, ky i fundit një prej drejtuesve të grupit kriminal.

Elvis Doçi, apo i njohur me nofkën “Visi i Pojës” është një personazh me “emër” për drejtësinë shqiptare. Një vit më parë në banesën e këtij shtetasi u zhvilluan kontrolle ndërkohë që SPAK lëshoi dhe një urdhër-arrest.

Në kuadër të këtij operacioni asokohe blutë sekuestruan në cilësinë e provës materiale rreth 3 milionë euro cash vetëm në banesën e Elvis Doçit.

Sakaq, emri i “Visit të Pojës” është përmendur jo pak herë dhe në seancat gjyqësore në të cilat ka dëshmuar i penduari i drejtësisë, Altin Dumani.

Dumani ka identifikuar Elvis Doci, i njohur në botën e krimit si “Visi i Pojës”, si një nga figurat më të rëndësishme të trafikut të heroinës dhe më vonë të kokainës në Shqipëri dhe më gjerë. Ai e përshkruan Docin si “negociator shumë të aftë”, i lidhur ngushtë me klanin Troplini, konkretisht me Xhevdet Troplinin, një emër me peshë në Durrës.

The post I shpallur në kërkim ndërkombëtar, merr fund arratia e vëllait të “Visit të Pojës”, arrestohet në Turqi appeared first on Albeu.com.

Një situatë e pazakontë është regjistruar në shtëpinë e “Big Brother VIP Kosova”, ku banorja Suanita ka shprehur dëshirën për t’u larguar nga gara.

Sipas pamjeve që po qarkullojnë në rrjetet sociale, Suanita është parë në dhomën e rrëfimit, ku dëgjohet duke bërtitur dhe duke qarë, ndërsa thotë: “Ma hap derën, dua të dal nga këtu.”

Të bërtiturat e saj nuk kanë kaluar pa u vënë re nga banorët e tjerë, të cilët kanë nisur ta diskutojnë situatën.

Në oborrin e shtëpisë, Londrimi, Dolçe dhe Benita janë parë duke komentuar ngjarjen, por në atë moment “Vëllai i Madh” ka vendosur muzikë, në përpjekje për të shmangur dëgjimin e zërave nga dhoma e rrëfimit.

Ky veprim ka nxitur reagime të shumta në rrjetet sociale, ku fansat kanë ngritur pikëpyetje mbi gjendjen e banores dhe atë që po ndodh brenda shtëpisë.

The post Çfarë po ndodh në BBVK? Banorja dëgjohet duke qarë: Ma hap derën, dua të dal nga këtu appeared first on Albeu.com.

Autoriteti Kombëtar i Ushqimit deklaroi se qumështi që rezulton me përmbajtje aflatoksine M1, mbi kufirin i përcaktuar në legjislacionin e Bashkimit Europian, konsiderohet i pasigurt. Në njoftimin zyrtar, AKU shprehet se, refuzimi i saj nga subjektet përpunuese përbën jo vetëm të drejtë, por edhe detyrim ligjor, në funksion të mbrojtjes së shëndetit të konsumatorit.

Vetëm disa ditë më parë, përmbajtja e aflatoksinës tek qumështi i disa fermave, në zonën e Lushnjës, ka rikthyer në vëmendje çështjen e sigurisë ushqimore. Pas kësaj, subjekte të mëdha morën vendimin për ta ndaluar menjëherë grumbullimin dhe përpunimin e kësaj mase qumështi, e cila përbën rrezik për shëndetin e konsumatorit. Ndërkohë, industria e përpunimit të qumështit është e detyruar të kryejë kontrolle rigoroze për antibiotikët dhe nivelin e qelizave somatike, indikatorë kyç të cilësisë dhe sigurisë së produktit.

“Në bazë të nenit 10 të Ligjit Nr. 9863, datë 28.01.2008 “Për Ushqimin”, i ndryshuar, ushqimi konsiderohet i pasigurt kur është i dëmshëm për shendetin e njeriut dhe, si i tillë, nuk lejohet të nxirret në treg apo të përdoret për përpunim. Neni 24 i po këtij ligji parashikon detyrimin e operatorit të biznesit ushqimor që, në rast se konstaton se një ushqim ose lëndë e parë nuk është në përputhje me kërkesat e sigurisë ushqimore, të ndërmarrë menjëherë masat për refuzimin, bllokimin dhe njoftimin e autoritetit kompetent. AKU vlerëson angazhimin e industrisë së përpunimit të qumeshtit për zbatimin e standardeve të sigurisë ushqimore”, thuhet në njoftimin e AKU-së.

The post Refuzimi i qumështit me aflatoksinë/ AKU: Vendimi i duhur si detyrim ligjor nga konsumatorit appeared first on Albeu.com.

Dashi
Të lindur më: 21 Mars – 19 Prill
Në marrëdhëniet tuaja sot do të ndjeni nevojën për të hapur zemrën dhe për të ndarë ndjenjat që keni mbajtur fshehur kohët e fundit. Bisedat do të jenë të rëndësishme për të zgjidhur çdo tension të vogël, ndaj mos e shmangni dialogun me partnerin. Nëse jeni beqar, mund të tërhiqni dikë që nuk e prisnit fare, ndaj mbani sytë hapur për surpriza. Në punë, shfaqni vendosmërinë tuaj dhe mos kini frikë të tregoni idetë tuaja, pasi mund të merrni vlerësime nga eprorët. Shëndeti është i qëndrueshëm, por është e këshillueshme të kujdeseni për gjumin. Në aspektin financiar, shmangni shpenzimet e panevojshme dhe bëni plane të qarta për të ardhmen. Sot është dita për të menduar më shumë për balancën mes dëshirave dhe nevojave reale.

Demi
Të lindur më: 20 Prill – 20 Maj
Sot do të ndiheni më të butë dhe të hapur ndaj ndjenjave në jetën tuaj sentimentale; ndoshta një bisedë e thellë me partnerin do të sjellë afrim të ndjeshëm. Për beqarët, një miqësi mund të marrë një kthesë të papritur drejt romancës. Në ambientin e punës, do ndjeni nevojën për bashkëpunim dhe ndihmë nga të tjerët, ndaj mos hezitoni të kërkoni këshilla. Mund të përballeni me një dilemë që kërkon vendimmarrje të shpejtë, por intuita do t’ju udhëheqë saktë. Shëndeti kërkon pak më shumë vëmendje, sidomos në aspektin e ushqyerjes. Në financa, është mirë të jeni pragmatikë dhe të shmangni investimet impulsive. Sot është një ditë për të reflektuar dhe për të ndërtuar urë lidhëse me të tjerët.

Binjakët
Të lindur më: 21 Maj – 20 Qershor
Në dashuri, dita premton ngrohtësi dhe argëtim; mund të përjetoni momente të veçanta me partnerin ose të krijoni lidhje të reja nëse jeni beqar. Tregohuni të hapur ndaj aventurave të vogla, pasi spontanet do të sjellin gëzim. Në punë, krijimtaria juaj do të jetë në kulm dhe mund të realizoni projekte interesante që do të vlerësohen nga kolegët. Mos neglizhoni detajet, pasi ato mund të bëjnë diferencën në rezultate. Shëndeti do të jetë i mirë, por një aktivitet fizik i lehtë do t’ju mbajë në formë optimale. Në aspektin financiar, është një ditë e favorshme për të marrë vendime të zgjuara, sidomos nëse keni menduar të kurseni. Jini të kujdesshëm me shpenzimet për argëtim, që të mos tejkaloni kufijtë.

Gaforrja
Të lindur më: 21 Qershor – 22 Korrik
Sot do të ndiheni më të lidhur emocionalisht me partnerin, dhe është koha e duhur për të ndarë mendimet e thella apo për të shprehur ndjeshmëri. Nëse jeni vetëm, një takim i rastësishëm mund të jetë fillimi i diçkaje të bukur. Në punë, do të ndiheni të motivuar për të arritur qëllime të reja dhe mund të merrni përgjegjësi shtesë që do t’ju sjellin përfitime afatgjata. Është e rëndësishme të jeni të organizuar dhe të mos lini detyra të rëndësishme për më vonë. Kujdesuni për shëndetin tuaj mendor, pasi stresi mund të ndikojë në energjinë tuaj. Në aspektin financiar, priten përmirësime të vogla, por është mirë të mos rrezikoni shumë. Sot do të fitoni besim në vetvete duke ndjekur rrugën tuaj me qetësi.

Luani
Të lindur më: 23 Korrik – 22 Gusht
Romanca merr një kthesë pozitive sot dhe ndiheni të frymëzuar të bëni diçka të veçantë për partnerin tuaj. Nëse jeni vetëm, dikush nga e kaluara mund të rikthehet dhe të kërkojë vëmendjen tuaj. Në punë, do të hasni sfida të vogla, por me vullnet dhe këmbëngulje do t’i kaloni lehtë. Mund t’ju jepet mundësia për të marrë një rol të ri ose për të përmirësuar aftësitë tuaja profesionale. Kujdesuni për shëndetin, sidomos për sistemin tretës, duke shmangur ushqimet e rënda. Financat kërkojnë menaxhim të kujdesshëm, pasi disa shpenzime të papritura mund t’ju nxjerrin jashtë buxhetit. Sot është dita për të vlerësuar arritjet tuaja dhe për të bërë plane të qarta për të ardhmen.

Virgjëresha
Të lindur më: 23 Gusht – 22 Shtator
Në jetën sentimentale, ndjeshmëria juaj do të jetë në rritje dhe do të dini të kuptoni më mirë nevojat e partnerit. Për beqarët, një mik i afërt mund të shfaqë interes të veçantë, duke krijuar një mundësi të re romantike. Në punë, është dita ideale për të bashkëpunuar dhe për të ndarë idetë tuaja, pasi do të merrni mbështetje nga kolegët. Mund të merrni një lajm të mirë lidhur me një projekt që keni pritur. Shëndeti është i mirë, por një pushim i vogël do t’ju ndihmojë të rifitoni energjinë. Financat janë të qëndrueshme, por duhet të shmangni shpenzimet e panevojshme. Sot është momenti për të forcuar lidhjet dhe për të ndërtuar besimin me njerëzit përreth jush.

Peshorja
Të lindur më: 23 Shtator – 22 Tetor
Në dashuri, do të ndiheni më të hapur për të komunikuar dhe për të ndarë dëshirat tuaja me partnerin. Nëse jeni vetëm, një takim i papritur mund të sjellë një ndjenjë të re që do t’ju frymëzojë. Në punë, idetë tuaja do të vlerësohen dhe do të ndiheni të motivuar për të arritur objektivat e vendosura. Mund të merrni një propozim ose mundësi të re që do t’ju rrisë besimin. Shëndeti është në nivel të mirë, por shmangni lodhjen e tepërt duke bërë pushime të shkurtra gjatë ditës. Financat janë të qëndrueshme, por ruani kujdesin në menaxhimin e të ardhurave. Sot është dita për të shfrytëzuar mundësitë dhe për të besuar më shumë në vetvete.

Akrepi
Të lindur më: 23 Tetor – 21 Nëntor
Marrëdhëniet tuaja sentimentale sot janë të mbushura me pasion dhe mirëkuptim; një gjest i vogël do të forcojë lidhjen me partnerin. Nëse jeni beqar, mund të tërhiqni vëmendjen e dikujt që ka qenë prej kohësh në rrethin tuaj shoqëror. Në punë, është një ditë e mirë për të marrë vendime të rëndësishme dhe për të përfunduar projektet që keni nisur. Mund të shfaqen mundësi të reja për bashkëpunime që do të sjellin përfitime afatgjata. Shëndeti juaj është i mirë, por një aktivitet sportiv do t’ju ndihmojë të çlironi tensionin. Në aspektin financiar, priten të ardhura shtesë ose një lajm i mirë lidhur me një pagesë të pritur. Sot është koha për të marrë përgjegjësi dhe për të ecur përpara me besim.

Shigjetari
Të lindur më: 22 Nëntor – 21 Dhjetor
Sot mund të ndjeni nevojën për më shumë hapësirë në marrëdhënien tuaj, por komunikimi i hapur do të ndihmojë për të shmangur keqkuptimet. Për beqarët, një udhëtim ose aktivitet jashtë rutines mund të sjellë njohje të reja interesante. Në punë, do të keni dëshirë të merrni iniciativa dhe të eksperimentoni me qasje të reja, gjë që mund të sjellë rezultate pozitive. Mos u nxitoni me vendimet, por merrni kohën e nevojshme për të analizuar çdo mundësi. Kujdesuni për shëndetin duke bërë ushtrime të lehta dhe duke ruajtur balancën emocionale. Financat janë të qëndrueshme, por shmangni rreziqet e panevojshme në investime. Sot është dita për të eksploruar dhe për të zgjeruar horizontet tuaja personale dhe profesionale.

Bricjapi
Të lindur më: 22 Dhjetor – 19 Janar
Dita sjell qetësi dhe stabilitet në marrëdhëniet tuaja; mund të merrni një vendim të rëndësishëm për të ardhmen me partnerin. Beqarët do të kenë mundësi të njohin dikë me vlera të ngjashme, që mund të jetë fillimi i një lidhjeje të qëndrueshme. Në punë, përkushtimi juaj do të shpërblehet, sidomos nëse ndërmerrni hapa konkretë drejt qëllimeve të vendosura. Mund të merrni një përgjigje pozitive për një kërkesë që keni bërë më parë. Shëndeti është i mirë, por kujdes me lodhjen mendore; bëni pak pushim nga rutina. Financat janë në përmirësim, por është mirë të vazhdoni të kurseni. Sot është dita për të ndërtuar themele të forta për të ardhmen tuaj.

Ujori
Të lindur më: 20 Janar – 18 Shkurt
Në jetën tuaj sentimentale, sot do të ndjeni një dëshirë të fortë për të ndryshuar diçka dhe për të sjellë më shumë gjallëri në marrëdhënie. Nëse jeni beqar, një takim i rastësishëm mund të sjellë ndjenja të papritura që do t’ju befasojnë. Në punë, kreativiteti juaj është i lartë dhe mund të merrni përsipër një projekt të ri që do të sjellë sukses. Është koha e duhur për të ndarë idetë tuaja dhe për të kërkuar mbështetje nga kolegët. Shëndeti kërkon pak më shumë vëmendje, veçanërisht në aspektin e pushimit dhe të ushqyerjes. Financat janë të qëndrueshme, por bëni kujdes me shpenzimet e vogla që mund të grumbullohen. Sot është një ditë për të eksperimentuar dhe për të përqafuar ndryshimet.

Peshqit
Të lindur më: 19 Shkurt – 20 Mars
Marrëdhëniet romantike sot janë të qeta dhe të mbushura me mirëkuptim; është momenti i duhur për të ndarë ëndrrat dhe planet me partnerin. Nëse jeni vetëm, një person i njohur mund të shfaqë interes të ri, ndaj jini të hapur për biseda të sinqerta. Në punë, dita është e përshtatshme për të përfunduar detyra të mbetura dhe për të treguar korrektësi në çdo hap. Mund të merrni një kompliment ose vlerësim nga një koleg ose epror. Shëndeti është i mirë, por një aktivitet relaksues do t’ju ndihmojë të largoni lodhjen. Financat janë të qëndrueshme, por është mirë të vazhdoni me planifikimin e kujdesshëm të buxhetit. Sot është dita për të ndjekur qëllimet tuaja me qetësi dhe vendosmëri.

The post Horoskopi 30 Janar 2026, zbuloni parashikimin e yjeve për shenjën tuaj appeared first on Albeu.com.

Një dëshmi tronditëse u dha para pak ditësh për Bleona Matën, vajzën e vogël e cila u zhduk 15 vite më parë në Kukës.

Një i moshuar ka ndarë një sërë informacionesh dhe detajesh që lidhen me rrethanat e rrëmbimit, lëvizje të dyshimta dhe elementë që mund të hapin pista të reja hetimi për fatin e Bleonës.

Në “Ftesë në 5”, nëna e Bleona Matës, Bukuria, u shpreh se dhimbja e 15 viteve pa drejtësi po e vret çdo ditë dhe se hallat e saj duhet të jenë në burg për rrëmbimin që kanë bërë.

“Kjo dhimbje po më djeg e përvëlon. Por shpresat e mia ringjallin dritë që një ditë do e përqafoj me mall. Mendoj që njëherë do t’ia dëgjoj zërin. Ai dinte shumë gjëra ai zotëria, e falënderoj. Kur ka qenë tek ‘Njerëzit e Humbur’, gjithë fshatarët e mbajtën të fshehtë këtë para policisë se kishin frikë.

Atë ditë është parë një makinë me targa Vlorë. Përse vonoi kaq drejtësia, e përjetojmë këtë dhimbje. Ai zotëria ka thënë: jam moshë e vjetër, e kam ditur këtë informacion por nuk më ka lënë familja. Nuk dua të vdes me këtë brengë, ka thënë. Po të ishte drejtësia e mirëfilltë, nuk do ishin bërë 15 vite dhe 5 vajzat të rrinë të lira. Ato të ndëshkohen me burg derisa të flasin të vërtetën. Ato e dinë pse e kanë tregtuar vajzën. Ato duhet të futen atje ku e meritojnë”.

Ajo hodhi akuza edhe mbi babanë e Bleonës, që nuk e ka denoncuar kurrë humbjen e vajzës.

“Po si ta kërkojë babai, ku është turpi. U zhduk vajza, gjithmonë kishin presion nga vëllezërit. Duke marrë presion mos të nxirrte motrën në TV. Unë denonco, ai tërhiq. Nuk e di çfarë babai është, nuk ka zemër të kërkojë evladin e vet” – u shpreh nëna e Bleonës./Top Channel/

The post Dëshmia tronditëse pas 15 vitesh për Bleona Matën, flet nëna: Hallat e saj duhet të jenë në burg! appeared first on Albeu.com.

I ftuar mbrëmjen e djeshme në emisionin “Big Brother Radio” ka qenë Keijsi, i cili përfundoi rrugëtimin e tij në edicionin e pestë të Big Brother VIP pasi mbrëmjen e së martës u përjashtua nga gara për shkak të një Zarfi të Zi. Ai ka zbuluar më shumë detaje në lidhje me gjithë këtë eksperiencë në shtëpinë më të famshme në Shqipëri.

Moderatorja Elona Duro e pyeti Keijsi se çfarë mendimi ka për Kristin, i cili pas leximit të Zarfit të Zi u shpreh se nuk e kishte pritur që ai të largohej në këtë mënyrë nga shtëpia. Ish-konkurrenti i “Për’puthen” tha:

Ndoshta e ka kuptuar edhe vetë që e ka tepruar me mënyrën e reagimit të tepërt që e bën gjithmonë. Çështjen e viktimizimit dhe e ka kuptuar që ka kaluar masën me veten e tij.

A e pranon Keijsi që nga Big Brother VIP e nxori Kristi? Ja si përgjigjet ai:

Jo, mua nuk më nxori Kristi. Mua më nxori vetja ime.

Shkaku ishte mbrojtja e një femre. Nuk kam bërë diçka për t’u penduar, nëse do të isha unë agresori atëherë po, patjetër që do kërkoja ndjesë edhe pse nuk para e bëj.

The post Kristi ishte shkaku që doli nga shtëpia e BBV5? Keijsi përgjigjet shkurt: Mua më nxori vetja ime appeared first on Albeu.com.

Flamur Noka, Sekretar i Përgjithshëm i PD-së, debatoi me analistin Baton Haxhiu në studion e emisionit “Të Paekspozuarit” në MCN TV. Ndërsa Noka iu drejtua Haxhiut se vjen në emision për t’i shërbyer Ramës, Haxhiu iu përgjigj se prej vitit 2019 është Sali Berisha që po mban në pushtet Ramën.

Debati

Baton Haxhiu: Nuk fitoni më pushtetin. Ju nuk i artikuloni si duhet. Ditën kur keni votuar për Bordin e Paqes tregon se sa të paqartë jeni me votuesin dhe qytetarin se jeni konfuzë. Ç’ka është përparësia juaj kohët e fundit. Ju e keni patur një aleat, SPAK, kohët e fundit.

Flamur Noka: Ne kemi kërkuar që SPAK të jetë aleat i ligjit. Me Dumanin ka qenë aleat i Ramës.

Baton Haxhiu: Nuk po them se s’jam PD, por meqë po flasim kështu sikur ta udhëheqja PD do të rrezikoja dhe më i efektshëm.

Flamur Noka: Për t’i shërbyer Ramës.

Baton Haxhiu: Meqë po thua se i shërbej Ramës, njeriu që i shërben Ramës është në krye tuaj, Berisha prej vitit 2019 e këtej ai mban ison politike Edi Ramës.

Flamur Noka: Mos e cito në fund Baton Haxhiu por në fund vendose Edi Rama.

Baton Haxhiu: Nuk kam ardhur të ofendoj.

Flamur Noka: Kjo kërkesë për të larguar Berishën e ka thënë Edi Rama. Mori Lulin peng, mori simbolin dhe nuk arriti ta lërgojë Edi Rama. Tani nxjerr analistët e vet dhe e spinon.

Flamur Haxhiu: Po jap mendim. Ta përmenda SPAK. Nëse opozita sulmon një instuitcion që ka 83 për qind mbështetje të shqiptarëve nuk shkon.

Flamur Noka: Thuaj sipas meje, apo sipas Ramës.

Baton Haxhiu: Qeveria teknike Flamur, është një status quo e re që s’ta blen askush. E përmende që vota ka shkuar 100 euro kur krijon qeveri teknike. Ajo mua më pengon është përsëritja e vetes në vite të tëra me demonstratë. Do të bëja diçka tjetër në 2026. Bota ka ndruyshuar. Zgjedhjet e Tiranës i fituat në 2011 pas demonstratës së 21 janarit.

Flamur Noka: Kur Edi Rama ka parë dy herë bulevardin e mbushur, sidmos herën e dytë me lum njerëzish, aty pastaj filloi me këto që thua ti. Me zgjedhje farsë edhe Muhameti edhe Krishti nuk, fitonin. Edhe Papa po të vinte në Elbasan përballë Sara Miles do të fitonte Sara Mile.

The post Baton Haxhiu-Flamur Nokës: Ti më akuzon se i shërbej unë Ramës, por më shumë nga të gjithë i shërben Sali Berisha! appeared first on Albeu.com.

Flamur Noka, ka përjashtuar kategorikisht largimin nga Partia Demokratike të tij dhe të lidershipit aktual, pa rënë “regjimi i Edi Ramës”.

I ftuar në emisionin “Të Paekspozuarit” në MCN TV, Noka u pyet nga Ylli Rakipi lidhur me përgjegjësitë e opozitës, por deklaroi se janë “misionarë” ndaj nuk mund të lënë betejën, kështuqë pa ikur Rama nuk largohet askush nga PD.

Pjesë nga biseda:

Ylli Rakipi: Doktori deklaroi se jeni në kilometrin e fundit për rrëzimin e Ramës. Na sqaroni dot sa më thjeshtë, çfarë kërkon konkretisht opozita dhe si arrihen këto gjëra që premtoi doktori?

Flamur Noka: Opozita dhe shqiptarët kanë kaq kohë që kërkojnë të qeverisen nga një qeveri dinjitoze e pa zhytur në krim dhe korrupsion, nga një qeveri që ti çojë drejt Evropës.
Mos harro, shqiptarët që vërshuan në Bulevard, janë populli që kërkon zgjidhje politike, sepse jemi i vetmi narko-shtet në Europë. Ky narko shtet është krijuar nga Rilindja dhe Rama. Shqiptarët janë populli më i vjedhur në Evropë. E gjithë ajo që kemi parë në këto dy protesta dhe revolta, është thjesht pasqyrë e irritimit të qytetarëve, ngaqë ndihen të gjithë të vjedhur, të nëpërkëmbur, të pasigurtë dhe kanë dalë të protestojnë sepse refuzojnë të jetë Shqipëria narko-shtet. Dosja Rama-Balluku dhe tuneli i Llogarasë tregon se Shqipëria qeveriset nga kusarë. A është Shqipëria narko shtet? A ka kartele? Vetëm përmendi Gys Agasin, Troplinët Suel Çelët, Xhabaftët, të gjithë do të thonë po.
A mund të vijohet më këshut? Ky narko-shtet, kjo mafie dhe kjo bandë, ka marrë peng shtetin, jo thjesht pushtetin. Duke marrë peng shtetin, kjo bandë, sot disponojnë të dhënat tona, bankare, të dhënat e TIMS, kërkojnë edhe tenderin e kamerave të dinë ku lëvizim. Kjo besoj është e mjëftueshme, një plus në irritimin popullor. Ka shkuar nga protesta e datës 24, deri te revolta që do të bëjmë shpejt, je i vetmi vend që ke dënim me burg në parkim. Ka bllokuar rrotacionin.

Ylli Rakipi: Ti përshembull të ka shkuar mendja që mund të mos jesh në PD? Një herë të vetme në kokë, të ka shkuar?

Flamur Noka: Do të më shkojë në mendje, ditën që do të largojmë regjimin dhe Shqipëria do të ketë demokraci. Deri atë ditë e ndjejmë veten me mision dhe misionarë, për të rrëzuar regjimin.

Ylli Rakipi: Të gjithë me mision, përveç doktorit? Rëndë situata…

Flamur Noka: Unë ju kuptoj që keni me merak të merreni me PD-në. Një pyetje duhet ti ngremë vetes tonë dhe opinionit, a është Shqipëria narko shtet?

Ylli Rakipi: Jo. Një million kusure ka por jo narko shtet.

Flamur Noka: A plackit qeveria? A është bllokuar rotacioni politik për shkak se shteti dhe krimi organizuar, kartelet, VKM, bllokojnë votën?

Ylli Rakipi: Po pse nuk rrëzohet me gjithë këto gjëra që thua ti? Se ne nuk e rrëzojmë dot. Po ti si do ta rrëzosh?

Flamur Noka: Një keqqeverisje si kjo nuk ka patur kurrë. Ne jemi dëshmitarë të gjithë, që që nga 2013, deri në vitin 2025, në cdo palë zgjedhje në Shqipëri ka patur vetëm rritje të cmimit të votës. Mos harro që në zgjedhjet e pjesshme lokale në Korcë, vota ishte 20 euro dhe e ka denoncuar Sokol olldashi. Në Dibër vajti vota 50 euro, u panë përfshirja e segmenteve shtetërore. Vazhdoi në zgjedhje të tjera, vota vajti 100 euro. Në 2025, ka shkuar 500 euro.

The post “O Flamur, a të ka vajtur mendja të largohesh?!”/ Noka: Jemi me mision, kur të bjerë regjimi, mund të ikim edhe ne appeared first on Albeu.com.

Këngëtari dhe aktori i humorit Olsi Bylyku gjatë një interviste për emisionin “Mirëmbrëma Yje”, ka komentuar një tatuazh, të realizuar kohë më parë, për të cilin është penduar më së shumti.

Tatuazhi një gjysmë hënë dhe një gjysmë diell, lidhet me ish-partneren e tij Egli Tako. Dikur me një kuptim sentimental, sot Olsi ka vendosur ta mbulojë për të mos u dalluar.

“Jam penduar për një tatuazh që kam pasur me ish-partneren, e kam ndryshuar. Ka qenë një gjysmë hëne dhe gjysmë dielli. Kam bërë një maskë të aktrimit,” tha Olsi gjatë intervistës.

Vetë Egli Tako e ka komentuar këtë tatuazh më parë, por ndryshe nga Olsi ajo ka vendosur të mos e ndryshojë. Ajo kishte shpjeguar se, pavarësisht se fillimisht ishte një “couple tattoo”, e sheh atë si diçka personale dhe me kuptim për veten.

“Kam një tatuazh këtu poshtë (te këmba) që janë dallgët e detit dhe perëndimi. Unë e dua shumë perëndimin edhe pse ka qenë një tatuazh ‘couple tattoo’, tani është single tattoo prapë bën shumë sens sepse perëndimi është pamja ime e preferuar në botë. Unë kam diellin, Olsi ka hënën”, ka thënë Egli Tako.

Olsi Bylyku dhe Egli Tako prej vitesh kanë qenë në një marrëdhënie dashurie. Raporti i tyre ka marrë fund rreth 2 vite më parë ndërsa sot Olsi është i lumtur krah partneres së tij të re, Denada Lura.

The post Olsi Bylyku flet për tatuazhin që është penduar më së shumti dhe ka lidhje me Egli Takon appeared first on Albeu.com.

Presidenti ukrainas Volodymyr Zelensky tha se Ukraina pret që Rusia të zbatojë marrëveshjen për armëpushim, e cila do të ndalojë goditjet ndaj Kievit dhe qyteteve të tjera për një periudhë njëjavorë, siç u ra dakord gjatë negociatave të fundit.

Në një postim në platformën X, Zelensky shpjegoi se kjo marrëveshje u diskutua dhe u dakordësua gjatë bisedimeve të fundjavës së kaluar në Abu Dhabi, Emiratet e Bashkuara Arabe, dhe shprehu shpresën se “gjërat e dakordësuara do të zbatohen.”

“Ky hap është një kontribuim për progresin e vërtetë drejt përfundimit të luftës”, theksoi presidenti ukrainas.

Kjo marrëveshje vjen pas një periudhe tensioni të vazhdueshëm mes dy vendeve dhe në një kohë kur luftimet kanë përshkallëzuar ndjeshëm për shkak të dimrit të ashpër që ka goditur rajonin.

The post Marrëveshja njëjavore e armëpushimit mes Rusisë dhe Ukrainës, Zelensky: Një hap drejt përfundimit të luftës, pres që Putin ta zbatojë appeared first on Albeu.com.

Kryeministri izraelit, Benjamin Netanjahu ka nderuar me dekoratën e lartë ish-presidentin e Republikës Srpska të Bosnje, Milorad Dodik. Dodik u prit zyrtarisht dhe u nderua me çmimin “Jabotinsky për Lirinë”, një nga dekoratat më të larta të shtetit të Izraelit.

Çmimi iu dorëzua nga Kryetari i Knessetit, Amir Ohana. Ata e vlerësuan Dodik, për rolin e tij në forcimin e marrëdhënieve dypalëshe mes Izraelit dhe Republikës Srpska. Në lajmet e publikuara nga media dhe në rrjetet sociale, Dodik shihet duke marrë këtë dekoratë.

The post Pas Ramës, Netanjahu nderon me dekoratën e lartë Milorad Dodik appeared first on Albeu.com.

Një tentativë vrasjeje u regjistrua të enjten, më 29 janar, në mesditë, në burgun e Malandrinës, kur një shqiptar i burgosur me të kaluar kriminale të rëndë, u sulmua me dhunë vetëm pak minuta pas hyrjes në institucion.

Viktima e këtij sulmi të dhunshëm është shtetasi shqiptar 45-vjeçar, Dhimitër Meci, i njohur me nofkën “Dimos”, person me rol qendror në strukturat e krimit të organizuar dhe me një histori të gjatë në raste kriminale të rënda.

“Dimos” ishte sapo transferuar në Malandrino nga Spitali Psikiatrik i Burgjeve të Koridhalosit, ku kishte qëndruar së fundmi për ekspertiza psikiatrike të urdhëruara për çështjen e tij. Mediat greke bëjnë me dije se sulmi ndodhi gjatë përfundimit të procedurës së pranimit në burg.

Para se të mund të dërgohej në krahun ku ishte planifikuar të mbahej, ai u sulmua papritur nga një tjetër i burgosur, i cili iu afrua dhe e qëlloi disa herë me thikë të improvizuar.

Lëndimet që ka marrë cilësohen të rënda, por sipas të njëjtave burime, pavarësisht ashpërsisë së sulmit, jeta e tij nuk rrezikohet në mënyrë të menjëhershme.

Autoritetet trajtojnë incidentin si një përpjekje të qartë ekzekutimi brenda burgut, ndërsa profili i viktimës shpjegon edhe rëndësinë e ngjarjes.

Sipas burimeve policore, “Dimos” konsiderohet një nga “armët kryesore” të natës së Athinës dhe në të kaluarën ka pasur lidhje direkte operative me Panagiotis Vlastos. Emri i tij është përfshirë në dosje voluminoze që lidhen me urdhër-vrasje, rrjete shantazhesh dhe plaçkitje të armatosura.

Veçanërisht rëndësishme është përfshirja e tij në çështjen e njohur të Giannis Lalas. Autoritetet kanë arritur në përfundimin se 45-vjeçari ishte organizatori kryesor dhe “truri” i prapaskenës kriminale të sulmit vrasës që u zhvillua në maj 2025 kundër Lalas.

Gjatë atij sulmi, viktima u qëllua me dhjetëra plumba nga një automatik tip Kalashnikov, por shpëtoi për fat të mirë, pasi blindimi i rëndë i Mercedes-it luksoz që drejtonte rezistoi goditjet.

Megjithatë, përpjekja nuk mjaftoi për ta shpëtuar përgjithmonë. Giannis Lalas u vra më 1 nëntor në Arahova, në një rast që mbetet prioritet për Drejtorinë Kundër Krimit të Organizuar.

Për këtë vrasje janë arrestuar tashmë katër persona, nga Rusia dhe Greqia, të cilët akuzohen për përfshirje në planin ekzekutiv.

The post Plagoset rëndë me thikë shqiptari në qelitë greke, kush është 45-vjeçari me të shkuar të errët kriminale appeared first on Albeu.com.

Mateo dhe Brikena kanë patur sot një bisedë të qetë me njëri-tjetrin. Teksa të dy ndodheshin jashtë, banori iu drejtua asaj duke e pyetur në lidhje me banorët.

Pasi e pyeti se çfarë mendimi ka për Baby G, Mateo e pyeti edhe për banorin më negativ brenda shtëpisë së “Big Brother VIP 5”. Brikena fillimisht i tha se nuk do që të flasë, por pastaj shton “ti je negativ”.

Kur e pyeti për arsyen, banorja tha se nuk mendon se është negativ dhe Mateo i kthehet duke i thënë se ai është 100 për qind vetvetja aty. Madje shtoi se kur ka hyrë në BBV ka thënë se do të japë më të mirën e tij.

Brikena: Shumë e mirë, me të treguar të drejtën unë kam një vibe të mirë. Nuk kam ndonjë përshtypje të keqe.

Mateo: Pozitive. Kush është negativ këtu brenda?

Brikena: Nuk dua të flas. Ti je negativ

Brikena: Nuk mendoj që je negativ. Nuk mendoj se ka njerëz negativ, ama secili vendos se si me luajtur lojën në mënyrë e vet.

Mateo: Si po luaj unë sipas teje?

Brikena: Atë duhet ta dish ti, jo unë

Mateo: Unë jam 100% vetvetja, mos 100% jam 200%. Kush më njeh e di që kështu jam edhe jashtë. Po të doja lojë¸dija të bëja intriga, mashtroja, fusja njerëz në sherr, bëja që ditën 1 si i dashuruari i shekullit, edhe si ai i lënduari që ti më refuzoje, po nuk e bëra kurrë. Edhe kur më kanë pyetur se ça do bësh në Big Brother, kam thënë se dua të jam më të mirën e vetes sime brenda kornizave të mia. si të më gjykojnë pastaj, s’më bën përshtypje fare.

The post “Kush është banori më negativ?”/ Mateos i shuhet kurioziteti shumë shpejt pasi dëgjon përgjigjen e Brikenës appeared first on Albeu.com.

Pas tre ditëve bllokadë në pikën doganore në Qafë Thanë nga protesta e shoferëve të maqedonas, nga ora 20:00 të mbrëmjes, do të nisë lëvizja e kamionëve dhe zhbllokimi i pikës kufitare mes Shqipërisë dhe Maqedonisë së Veriut.

Drejtoria Vendore e Kufirit dhe Migracionit Korçë

Autoritetet e Maqedonisë së Veriut, kanë njoftuar nëpërmjet Qendrës së Shkëmbimit të Informacionit, se protesta e nisur që prej datës 26.01.2026, nga shoferët e kamionëve, do të pezullohet sot më datë 29.01.2026 dhe në orën 20.00, në të gjitha pikat kufitare që lidhen me Maqedoninë e Veriut, do të fillojë qarkullimi normal i kamionëve.”

Protesta ishte e organizuar nga Shoqata e Transportuesve të Maqedonisë së Veriut, me pjesëmarrjen e rreth 370 kamionistëve në 10 pika kufitare, në kundërshtim të sistemit të ri elektronik të hyrje-daljeve në zonën Schengen.

Pas ksaj bllokade, Komisioni Evropian bëri me dije se për shoferët do të lëshohen viza ndërsa Ministri i Transportit i Maqedonisë së Veriut, Aleksandar Nikolloski, bëri të ditur se Brukseli ka pranuar kërkesat dhe do të sjellë një strategji të re për shoferët.

The post Pas 3 ditëve bllokadë në 10 pika doganore, nis këtë mbrëmje lëvizja e kamioneve nga dogana e Qafë Thanës! Vjen zgjidhja nga Komisioni Evropian appeared first on Albeu.com.