Çmimi i arit ka kaluar shifrën e 5,000 dollarëve për onsë për herë të parë në histori, duke zgjeruar një rritje të paprecedentë që pa metalin e çmuar të rritej me më shumë se 60% në vitin 2025. Kujtojmë se 1 onsë është baraz me 31.1035 gramë ar. Kjo vjen në një kohë kur tensionet mes SHBA-së dhe NATO-s mbi Groenlandën, së bashku me politikat tregtare të Presidentit amerikan Donald Trump…
Mike Maignan shprehu pakënaqësinë e tij pas ndeshjes Roma-Milan, duke komentuar penalltinë e akorduar nga arbitri Colombo për prekjen e topit me dorë nga Bartesaghi. Portieri i Milanit pyeti retorikisht: “Çfarë duhet të bëjë Bartesaghi? Të presë krahun? Topi është afër tij dhe Celik godet në dorën e tij.” Ai shtoi me sarkazëm se arbitri mund të kishte akorduar edhe një penallti të dytë për Pulisic.
Shënim:
Isha në dilemë nëse është ide e mirë të shkruaj këtë tekst, si detyrim ndaj vetes dhe ndaj jush. Në fund vendosa se ajo që vjen më pas, ka rëndësi. Teksti i mëposhtëm është dëshmia ime autentike.
_____________________________________
Kur isha i vogël e ngrija kryet drejt qiellit dhe numroja yjet. Imagjinata ime merrte krahë në përpjekje për të kuptuar se sa larg mund të jenë ato dritëza të vogla, ndërsa Hana e plotë më ngjante me një fytyrë plot trishtim. Unë pata privilegjin që fëmijërinë e kam kaluar mes malesh rrëzë Alpeve Shqiptare, aty ku natyra shfaqet me gjithë madhështinë e saj; me verë të nxehtë dhe të thatë, dhe dimër të ftohtë dhe të ashpër. Qielli i Alpeve gjatë verës është kristal i qartë.
Unë nuk e di se çfarë ndodhi me mua, por unë nuk mund ta hiqja mendjen nga yjet. Çdo çast e gjeja veten duke menduar në mënyrë të pavullnetshme për ato dritëza të forta, si të vendosura me dorë në blunë e errët të natës. Dikur shkoja të flija me mendjen tek ai mister i përjetshëm dhe i padeshifrueshëm, për t’u përsëritur çdo herë; ditën dhe natën, papushim.
Dikur fillova të shkruaj poezi që çuditërisht ishin të mbushura me imazhe dhe metafora yjesh. Ishte e pamundur që të shkruaja katër vargje pa atë përmasë që kishte përfshirë gjithë qenien time, njëlloj imazhizmi hermetik që më tërhiqte si graviteti. Unë kisha mbetur brenda një misteri ekzistencial prej të cilit nuk mund të largohesha më kurrë. Të paktën jo pa u përpjekur të kuptoj se çfarë do të thotë “të ekzistosh”? Jo në kuptimin literal të fjalës, por në kuptimin më të thellë dimensional.
Unë jetoj në Tokë – një planet plot jetë në mes të Universit. Që energjinë e merr nga një yll i vogël që e quajmë Diell. Toka ka edhe një satelit të bukur që quhet Hanë. Me ujë të bollshëm në dete dhe oqeane, tokë, male, fusha, dhe një atmosferë plot oksigjen. Me miliona specie të gjalla që formojnë sistemin e vetëm kompleks të jetës që ne njohim në Univers. Ne kemi fatin të jemi banorë të një mrekullie kozmike, dhe unë jam një ndër individët me fat ndër miliarda qenie të gjalla në këtë planet.
Çdo milisekondë të ekzistencës time unë bashkëveproj me universin. Trupi im i bindet fushës gravitacionale, marr rreze dielli, mushkëritë e mia mbushen me oksigjenin që është krijuar miliarda vjet më parë në yjet e largët, ndërsa hekuri në gjak përcjell këtë oksigjen në çdo qelizë të trupit tim. Unë ha ushqim që është krijuar nga po e njëjta materie, përmes të njëjtave procese. Kështu bashkë-ekzistojmë rreth 8 miliardë njerëz dhe miliona specie të tjera. Jeta është madhështore, por …
Por çfarë do të thotë “të ekzistosh”? Çdo njëri prej jush mund të bëjë të njëjtën pyetje vetes, dhe do të kuptojë se jeta e tij, ekzistenca e tij, është e lidhur pazgjidhshmërisht me tre gjëra njëkohësisht:
Aftësinë që ka qenia e tij për të ruajtur formën njerëzore në kohë,
Të ndërveprojë me mjedisin ku jeton, të marrë frymë, të ushqehet,
Dhe të ruajë kompleksitetin dhe funksionin e organeve që e mbajnë trupin dhe mendjen e tij në funksion.
Çdonjëra prej këtyre vetive është jetike për ekzistencën. Nuk ka asnjë alternativë tjetër përveçse përmbushjes.
Dikur unë isha “një atlet” i lindur. Vrapoja papushim mbrëmjeve të verës bashkë me vëllezërit e mi, zabeleve dhe rrgajave. Herë-herë ndaloja dhe shikoja qiellin dhe pyesja veten: çfarë jam unë, çfarë është ky gur, çfarë është kjo pemë, po ai krua? Pse rrjedh papushim? E merrja gurin në dorë, e shikoja me ngulm, pandërprerje, dhe imagjinoja grimcat e gurit ngjitur me njëra-tjetrën, duke i dhënë gurit atë formë të ngurtë, të njëtrajtshme, hermetike. Pastaj shihja pemën dhe gjethet që lëviznin lehtë nën flladin e mbrëmjes. Po pse fryn era? A është ajo e gjallë? Dhe pse vdes njeriu po nuk mori frymë, të mbushë mushkëritë me ajër?
Në orën e biologjisë përpija çdo fjalë të mësuesit. Dikur ndjeva se nuk më mjafton ajo që lexoja në librat e shkollës, dhe fillova të gjurmoj çdo gjë të shkruar rreth kimisë, biologjisë, fizikës, yjeve, Diellit, planetëve. Por nuk po gjeja akoma “pse”-në që kërkoja.
Pse ekzistojmë? Jo thjesht unë si individ, por pse ekzistojmë të gjithë, unë, ti, njerëzit e tjerë, pemët, toka, gurët, ajri, yjet, planetët, mollët, arat, makinat, rrugët. Sepse ndërkohë e kisha kuptuar se unë jam pjesë e këtij realiteti që e perceptoja dhe e përjetoja si realitet.
Ndërkohë që atëherë kuptova se gjithçka ishte e lidhur me njëra-tjetrën; në një unitet të pazgjidhshëm, të pandashëm, të pandërprerë. Por akoma nuk e dija se çfarë ishte; Toka me ujin, uji me bimët, bimët me tokën, toka me bimët, bimët me ajrin, ajri me dritën, drita me Diellin, Dielli me Tokën, toka me gurët, gurët me malet, malet me borën, bora me dimrin, dimri me pranverën, pranvera me shiun, shiu me lumin, lumi me detin, deti me oqeanin, oqeani me valët, valët me baticën, batica me Hanën, Hana me yjet, yjet me galaktikat, galaktikat me Universin, Universi i lidhur me mua. Unë i dija të gjitha këto. Por nuk po e gjeja “pse”-në. Më dukej se më mungonte diçka shumë e thjeshtë, që e kisha në rrëzë të gjuhës, gati për ta thënë, por në çastin e fundit më zhdukej, dhe në mendjen time ngrihej një mur. I pakapërcyeshëm.
Pa vetëdije ndaloja dhe vëzhgoja për minuta të tëra foletë e milingonave, ato qytete në miniaturë, me rrugë dhe trotuare, me kthesa, kryqëzime dhe bulevarde, që ato gjallesa të vogla popullonin të njëjtin planet ku ekzistoja edhe unë. I mahnitur nga ndërveprimi dhe koherenca e pashoqe me të cilën kishin ndërtuar mbretërinë minimale në shkallët e ekzistencës. Çfarë mahnie!
Kështu, kalova vitet më të mira të jetës mes meditimit, leximeve dhe poezisë hermetike.
Në grimën e vogël
Në grimën e vogël të kthesës së murrme,
Me frymën e thellë të thelbit tragjik,
Lëviz mbi qerpik pak pluhur i verdhë
Në mal bie ylli i fundit atë natë,
Pranë grimës së vogël, në malin e rrallë
Të heshtur, pa frymë janë gurët e drurët,
Një djalë syjeshil lëkundet në degë,
Pamja trishtohet vetiu në harresë…
Nuk ka asnjë perde, koha ndalon
As drita nuk bie, as nata nuk vjen
Të mbushësh pesë gishtat e dorës me dhé
Të heshtësh së mbrami si guri në varr
Të bësh dashuri me tokën, ngadalë.
Në degët e lisit varur një emër,
Si zog i murosur këndon bukurinë
E heshtjes së gjatë se koha ndaloi,
E zërat nuk bien nga qielli gjithmonë
I fundit ra ylli në malin përballë.
Tiranë 2005
Mëngjesin e 20 Tetorit 2025, si zakonisht dola në ballkon të tymos një cigare. Dielli i vjeshtës sapo kishte prekur kurorat e kuqrremta të lisave përballë shtëpisë. Kafja e nxehtë dhe aroma e fortë e duhanit më dhanë atë lloj qetësie përhumbëse, një gjendje që unë e kërkoja pa vetëdije, i gatshëm të shkruaja ndonjë varg nëse më vinte në mendje. Por çuditërisht fillova të mendoj për Diellin që po u jepte atë dritë argjendi gjetheve të lisave. Dhe mendova:
Çfarë bukurie! Dhe unë, vëzhguesi, që e kuptoj se sa unike është kjo pamje, që e di se kjo harmoni ka diçka të përbashkët, që nuk ndalet asnjëherë, edhe nëse qielli është me re, bie borë apo shi; është natë apo ditë. “Pse”-ja filloi të më sillej rrotull, të më pushtonte qenien, sepse e ndjeja sa afër isha.
Po sikur rrezet e Diellit të ndalonin? Ato grimcat e vogla që quhen fotone, të ndalonin së udhëtuari me 300,000 kilometra në sekondë? Domethënë, jo të shuhej Dielli, por të ndalonin fare, në vend, të rrinin pezull. Çfarë ndodh?
Skenari ishte i llahtarshëm. Për një moment desha ta largoj atë tmerr nga mendja. Por jo, sepse ndjeja se diçka po ndodhte në mendjen time, dhe nuk doja ta humbisja atë çast, ato momente që mund të ishin vendimtare për të zgjidhur enigmën. Po pse drita rrjedh me atë shpejtësi? Pse jo më pak ose më shumë? Po sikur të ndalojë? Domethënë, të rrijë pezull.
Ah, realiteti që kisha parasysh “filloi” të zhdukej. Nuk ishte errësirë, sepse errësira nënkupton mundësinë e dritës. Sepse gjysmën e jetës ne e kalojmë pa dritën e Diellit, por e dimë se …
“Dielli në mëngjes do lindi përsëri,
Qytetit t’i bëjë dritë e lulet t’i harlisë”
Por nuk kishte asgjë, sepse drita nuk përcillej, informacioni kishte ndalur, ndërveprimi kishte pushuar, dhe bashkë me të, edhe realiteti. Nuk kishte asgjë. Ishte zhdukur hapësira, sepse edhe hapësira kërkon dritë. Dhe drita nuk funksionon ndryshe, përveçse me 300,000 kilometra në sekondë. Edhe pemët para meje u zhdukën, bashkë me ballkonin; edhe unë u zhduka. Nuk kishte mbetur asgjë, Hiçi Absolut. As unë, as bota, as Universi. Ishte Anulimi Absolut. Gjithçka u fshi. Fup.
I etur, kisha djegur paketën e duhanit. Pastaj mora celularin dhe i shkrova vetes një mesazh:
E = C x I x K ≠ 0
Shënim i redaksisë:
Lexuesit që dëshirojnë të njihen më në detaje me dokumentet e përmendura në këtë shkrim, mund t’i shkarkojnë ato duke klikuar në linqet e mëposhtme.
Zhvillime tronditëse dalin në dritë për Zhang Youxia, një nga gjeneralët më të lartë të Kinës dhe bashkëpunëtor i ngushtë i presidentit Xi Jinping. Sipas një raportimi ekskluziv të Wall Street Journal, ai akuzohet për rrjedhje të të dhënave sekrete mbi armët bërthamore të Kinës drejt Shteteve të Bashkuara, si edhe për marrje ryshfeti në këmbim të gradimeve dhe emërimeve zyrtare.
Sipas burimeve të larta të cituara nga media amerikane, Zhang dyshohet se ka shpërndarë informacione të ndjeshme mbi programin bërthamor kinez dhe ka pranuar pagesa të mëdha për akte zyrtare, përfshirë edhe ndihmën në promovimin e një oficeri deri në postin e ministrit të Mbrojtjes.
Hetim për shkelje të rënda të disiplinës partiake dhe ligjit
Informimi i brendshëm mbi çështjen, i zhvilluar me dyer të mbyllura dhe në prani të zyrtarëve më të lartë të ushtrisë kineze, u mbajt pak para se Ministria e Mbrojtjes Kombëtare e Kinës të njoftonte zyrtarisht nisjen e një hetimi ndaj Zhang Youxia-s. Njoftimi zyrtar ishte i shkurtër, duke përmendur vetëm shkelje serioze të disiplinës partiake dhe ligjeve shtetërore.
Sipas informacioneve, Zhang po hetohet edhe për krijim klikash politike, një term që në Kinë përdoret për ndërtimin e rrjeteve të ndikimit që minojnë unitetin e Partisë Komuniste, si dhe për abuzim me pushtetin brenda Komisionit Qendror Ushtarak, organi më i lartë vendimmarrës i ushtrisë.
Autoritetet po shqyrtojnë gjithashtu rolin e tij mbikëqyrës në një agjenci kyçe që merret me kërkimin, zhvillimin dhe prokurimin e pajisjeve ushtarake, ku dyshohet se janë dhënë ryshfete masive për gradime brenda një sistemi me buxhete shumë të larta.
Akuza më e rëndë: rrjedhje e sekreteve bërthamore
Akuza më tronditëse, sipas burimeve të WSJ, është se Zhang Youxia ka rrjedhur të dhëna teknike kyçe mbi armët bërthamore të Kinës drejt SHBA-së. Detajet konkrete të kësaj shkeljeje të sigurisë nuk janë bërë publike.
Hetim edhe ndaj një tjetër zyrtari kyç
Disa nga provat ndaj Zhang thuhet se kanë ardhur nga Wu Hun, ish-drejtori i përgjithshëm i China National Nuclear Corp., kompania shtetërore që mbikëqyr programet bërthamore civile dhe ushtarake të Kinës. Pekini njoftoi javën e kaluar edhe nisjen e një hetimi ndaj Wu për shkelje serioze të disiplinës dhe ligjit.
Autoritetet kineze kanë lidhur hetimin ndaj Wu me një incident sigurie në sektorin bërthamor, ku dyshohet se është përfshirë edhe Zhang Youxia.
Goditja më e fortë ndaj ushtrisë që nga Mao
Analistët vlerësojnë se kjo fushatë e re kundër korrupsionit dhe “mosbesnikërisë” në ushtri përbën goditjen më agresive ndaj udhëheqjes ushtarake kineze që nga koha e Mao Ce Dunit.
Zhang Youxia, anëtar i Byrosë Politike dhe pjesë e të ashtuquajturve “princër të kuq” – pasardhës të elitës revolucionare – ishte konsideruar për vite me radhë si një nga aleatët më të besuar të Xi Jinping.
Sipas analistëve, spastrimi i tij tregon se Xi Jinping ka konsoliduar plotësisht kontrollin mbi ushtrinë, duke e parë korrupsionin, rrjedhjen e sekreteve shtetërore dhe rrjetet e patronazhit si kërcënime ekzistenciale, veçanërisht në raport me objektivin strategjik të Kinës për Tajvanin.
Pasoja për gatishmërinë ushtarake dhe Tajvanin
Megjithatë, disa ekspertë paralajmërojnë se dobësimi i niveleve të larta drejtuese mund të ndikojë negativisht në aftësinë operacionale të ushtrisë kineze në afat të shkurtër dhe të mesëm, duke ulur edhe rrezikun e një përshkallëzimi të menjëhershëm ushtarak në Ngushticën e Tajvanit.
Që nga vera e vitit 2023, më shumë se 50 zyrtarë të lartë ushtarakë dhe drejtues të industrisë së mbrojtjes janë hetuar ose shkarkuar, sipas të dhënave të përmbledhura nga Wall Street Journal./mxh
Presidenti i Francës, Emmanuel Macron, ka bërë thirrje që qeveria të përshpejtojë procesin ligjor për të vendosur një ndalim të përdorimit të mediave sociale për fëmijët nën moshën 15 vjeçare.
Sipas Macron, ky përshpejtim duhet të kryhet me qëllim që ky ligj të hyjë në fuqi nga fillimi i vitit të ri shkollor në shtator 2026.
“Truri i fëmijëve dhe adoleshentëve tanë nuk është në shitje”,-tha Macron.
Macron ka kërkuar që projekt-ligji të procedohet sa më shpejt nga parlamenti dhe të miratohet nga Senati në kohë, duke argumentuar se truri dhe emocionet e fëmijëve dhe adoleshentëve nuk janë për t’u shitur apo manipuluar nga platformat e mëdha teknologjike.
Sipas agjencisë franceze të shëndetit dhe sigurisë ushqimore, gati gjysma e adoleshentëve shpenzon 2-5 orë në ditë në smartphone, ndërsa rreth 90 % e të rinjve midis 12 dhe 17 vjeç përdorin rregullisht internetin përmes këtyre pajisjeve, dhe shumë prej tyre përdorin mediat sociale./mxh
Gjendet municion, fishekë dhe granata dore në një shtëpi të braktisur në zonën e Zveçanit.
Aksioni nga Policia e Kosovës, rreth orës 11:20, u krye pas disa telefonatash nga qytetarët se në një lokacion në fshatin Rudar i Vogël, komuna e Zveçanit, mund të gjendeshin armë dhe municion,
Pas kontrollit në një shtëpi të braktisur dhe të pabanuar, u gjetën dhe sekuestruan: 9 granata dore, 538 fishekë dhe 3 karikatorë për armë automatike.
Gjenden 538 fishekë dhe 9 granata dore në një shtëpi të
Policia e Kosovës bën me dije se në vendin e ngjarjes ka dalë edhe njësia për trajtimin e mjeteve shpërthyese (EOD), e cila ka trajtuar mjetet shpërthyese në mënyrë të sigurt.
Të gjitha veprimet policore janë ndërmarrë në koordinim të plotë me Prokurorin e Shtetit, i cili ka udhëzuar inicimin e rastit “Mbajtje në pronësi, kontroll ose posedim të paautorizuar të armëve”./mxh
Presidenti i Serbisë, Aleksandar Vuçiq, ka komentuar me tone skeptike dhe herë-herë përçmuese paraqitjen e presidentit amerikan Donald Trump në Forumin Ekonomik Botëror në Davos, duke thënë se audienca nuk reagoi ndaj humorit dhe “akrobacive” të tij, në një atmosferë që sipas Vuçiqit ishte e mbushur me frikë dhe pasiguri globale.
Duke folur për përshtypjet nga Davosi, në një intervistë për Novosti, Vuçiq tha se Trump është “simpatik” dhe di si ta bëjë audiencën të qeshë, por se këtë herë përballë kishte një publik shumë serioz, i cili nuk reagoi siç ishte mësuar.
“Trump është simpatik, ai di si ta bëjë audiencën të qeshë, por audienca atje është shumë serioze dhe njerëzit nuk reagojnë gjithmonë ndaj akrobacive. Nuk më ka ndodhur kurrë të dëgjoja kaq pak reagime, kurrë më bosh”, tha Vuçiq.
Ai përshkroi Davosin si një vend ku dominonte frika, duke përmendur drejtuesit e kompanive më të mëdha teknologjike amerikane.
“Pashë humorin e njerëzve. Ishin njerëzit më të fuqishëm, krerët e kompanive si Nvidia dhe gjigantë të tjerë teknologjikë. Kurrë nuk kam parë një botë më të frikësuar, më nervoze dhe me më pak dëshirë për të marrë pjesë. Të gjithë donin të strehoheshin”, u shpreh presidenti serb.
Vuçiq: Trump e nxori hapur se nuk ka parime për Kosovën
Në deklaratat e tij, Vuçiq u ndal edhe te Kosova, duke thënë se sipas tij, politika amerikane, përfshirë atë të Trumpit, nuk bazohet në parime.
“Në lidhje me Kosovën, nuk ka parime. Trump e nxori hapur. Na treguan histori boshe për katastrofa humanitare. Të mëdhenjtë do të vazhdojnë të luftojnë”, tha ai, duke shtuar se Serbia, sipas tij, po përpiqet të shohë drejt së ardhmes përmes analizave strategjike.
Megjithatë, Vuçiq u përpoq të balancojë kritikat me vlerësime pozitive për SHBA-në, duke thënë se është “mirënjohës” për disa vendime amerikane ndaj Serbisë.
Vuçiq përsëriti narrativën e tij të njohur për rënien e fuqisë evropiane, duke theksuar se Serbia, pavarësisht gjithçkaje, nuk ka alternativë tjetër gjeopolitike.
“Fuqia evropiane do të bjerë, kjo është e qartë për të gjithë. Ne nuk kemi vend tjetër përveç Evropës ku jetojmë. A do të marrim diçka nëse themi se jemi në rrugën lindore? Kemi marrëdhëniet më të mira me Kinën, por çfarë tjetër mund të bëjmë?”, tha Vuçiq.
Ai shtoi se politika e tij mbetet ajo evropiane, por gjithmonë duke mbrojtur interesat e Serbisë, duke lënë të hapur edhe mundësinë e ndryshimeve politike në të ardhmen, por vetëm përmes zgjedhjeve.
Deklaratat e Vuçiqit nga Davosi reflektojnë një prirje gjithnjë e më të dukshme për distancim retorik nga Donald Trump, duke e portretizuar atë si figurë populiste që nuk gjen më jehonë në qarqet elitare globale, ndërkohë që presidenti serb përpiqet të paraqitet si aktor racional./mxh
Pas takimit surprizë me të bijën në shtëpinë e BBV, mamaja e Brikenës ka dhënë një intervistë ekskluzive për “Fan Club”.
Ajo ka folur për rrugëtimin e Brikenës, raportin e saj me Maton dhe mbështetjen e pakushtëzuar të familjes për çdo vendim të vajzës së tyre. Më tej ajo shprehu respektin që ka për Mateon.
“Jemi të kënaqur me Brikenën. I urojmë suksese. E njëjta Brikenë që është në shtëpi, është edhe këtu. Duhan i thashë mos të pijë shumë. Kemi qenë dakord për të hyrë në BBV. Është një vajzë inteligjente.
Mateo është shumë djalë i mirë, kam respekt. I urojmë shumë suksese. Nga ana jonë nuk ka kurrë gjë. Jemi me Brikenën, ca të vendosë ajo, me atë jemi dhe ne. Nuk jemi kundër kurrë gjëje.
Brikenën e presim me fitore. Çfarë të vendosë Brikena, ne jemi me atë.”, u shpreh ajo./mxh
Të shtëna me armë zjarri janë raportuar në Berlin. Si pasojë pesë persona janë plagosur. Dy prej të cilëve ndodhen në gjendje kritike për jetën.
Sipas autoriteteve gjermanë në pranga kanë rënë disa persona.
Hetimet vijojnë për zbardhjen e plotë të ngjarjes së rëndë. Policia ka rrethuar zonën ndërsa operacioni për kapjen e të gjithë autorëve të përfshirë vijon./mxh
Rusia po i rinxjerr në përdorim disa lloje avionësh, për shkak se sanksionet ia kanë kufizuar mundësitë vendit për ta mirëmbajtur flotën e avionëve të udhëtarëve.
Avionët që po rikthehen në shërbim përfshijnë edhe një model të projektuar në Ukrainë, i cili ishte nxjerrë jashtë përdorimin për shkak të shqetësimeve rreth sigurisë.
Media pro-Kremlinit, Izvestia, raportoi më 19 janar se 12 avionë do të “riaktivizohen” nga linjat ajrore ruse në vitin 2026.
Dhjetë avionë tashmë u janë dorëzuar linjave ajrore për ta përballuar rënien e numrit të avionëve në flotë, “e cila po përkeqësohet nga sanksionet”, sipas raportit.
Sanksionet e vendosura pas pushtimit të plotë të Ukrainës nga Moska e kanë penguar Rusinë të blejë avionë ose pjesë këmbimi të prodhimit perëndimor. Rreth 75 për qind e flotës ajrore komerciale të Rusisë është ndërtuar në Shtetet e Bashkuara, Bashkimin Evropian ose Kanada.
Avionët që po rikthehen në shërbim përfshijnë një avion Antonov An-148, një model reaktiv i projektuar në Ukrainë, i cili ishte ndaluar në Rusi që nga viti 2018 pas një rrëzimi në shkurt të atij viti, ku humbën jetën të 71 udhëtarë në bord.
E gjithë flota ruse prej më shumë se dy duzinë avionësh të këtij modeli u nxor nga shërbimi pas aksidentit dhe, në maj të po atij viti, Kuba ndaloi linjën e saj ajrore kombëtare të fluturonte një version të së njëjtit avion.
Avionë të tjerë që po kthehen në shërbim komercial janë Ilyushin Il-96 dhe Tupolev Tu-204/214 me rreze të mesme. Të dy këta avionë kryen fluturimet e tyre të para në vitet e fundit të Bashkimit Sovjetik.
Avioni Tupolev aktualisht përdoret nga linjat ajrore kombëtare të Koresë së Veriut dhe Kubës, të cilat janë të prekura nga sanksionet, si dhe nga kompania ruse Red Wings Airlines. Një version i avionit të pasagjerëve Ilyushin për fluturime të gjata shërben si avioni presidencial i Vladimir Putinit.
Avionë të tjerë Tu-204/214 përdoren nga linja ajrore kombëtare e Kubës dhe nga një kompani ruse e transportit ajror të mallrave.
Avionët amerikanë Boeing 747, prodhimi i të cilëve u ndal në vitin 2023, po përgatiten gjithashtu për t’u rikthyer në qiellin rus. Këta avionë për fluturime të gjata raportohet se mund të rikthehen në shërbim relativisht lehtë, për shkak të bollëkut të pjesëve rezervë të prodhuara për më shumë se 1.500 avionë 747 të ndërtuar që nga vitet e ’70-ta.
Pavarësisht se është i shkëputur nga industria ajrore amerikane për dekada, Irani aktualisht mban në operim një flotë të vogël avionësh 747, njëri prej të cilëve është pothuajse 50 vjeç. Aeroflot, linja ajrore kombëtare e Rusisë, më parë i ka dërguar në Teheran për mirëmbajtje avionët e saj Airbus, të prodhuar në BE.
Mungesa e avionëve për linjat ajrore ruse ishte parashikuar të kompensohej me një fushatë për prodhimin e 127 avionëve të rinj nga viti 2023 deri në vitin 2025. Deri në janar 2026, vetëm 13 avionë janë dorëzuar te kompanitë ajrore civile.
Raportohet se Rusia ka krijuar një rrjet kompleks kompanish për t’iu shmangur sanksioneve mbi pjesët e aviacionit. Në shkurt 2025, Departamenti amerikan i Drejtësisë njoftoi se tre persona të lidhur me një kompani në Ohio ishin arrestuar nën akuza se eksportonin pjesë të avionëve në vlerë prej 2 milionë dollarësh drejt Rusisë./mxh
Ngjitësi i famshëm amerikan i shkëmbinjve, Alex Honnold, u ngjit sot në majën e kullës Taipei në Taivan, një ndërtesë me 101 kate, pa përdorur litarë apo pajisje të tjera sigurie.
Ai ngjiti fasadën e ndërtesës duke përdorur këmbët dhe duart për t’u kapur pas formacioneve të vogla të mureve dhe strukturave dekorative të ndërtesës.
Ngjitja zgjati rreth 90 minuta dhe u ndoq me vëmendje nga spektatorë poshtë ndërtesës, si dhe u transmetua drejtëpërdrejt përmes një eventi të madh televiziv.
Honnold është i njohur ndërkombëtarisht për ngjitjet pa litarë, duke përfshirë ngjitjen e famshme të shkëmbit El Capitan në Yosemite në vitin 2018.
Kjo ngjitje e tij e fundit në një strukturë të lartë urbane tërhoqi vëmendje të gjerë dhe debat mbi rreziqet e kësaj lloj ngjitjeje publike, si dhe mbi mënyrën se si performancat ekstreme transmetohen në media./mxh
Juventusi ka arritur një fitore bindëse 3-0 ndaj Napolit në stadiumin “Allianz”, në ndeshjen kryesore të javës së 22-të në Serie A.
Skuadra e drejtuar nga Luciano Spalletti kontrolloi lojën që nga fillimi, duke zhbllokuar rezultatin në minutën e 22-të përmes sulmuesit Jonathan David.
Dominimi i bardhezinjve vazhdoi edhe në pjesën e dytë, ku Kenan Yildiz dhe Filip Kostic shënuan dy golat që vulosën rezultatin përfundimtar.
Me këtë trepikësh, Juventusi ngjitet në vendin e pestë me 42 pikë, duke iu afruar ndjeshëm zonës së lartë të tabelës.
Nga ana tjetër, Napoli mbetet në vendin e tretë me 43 pikë, duke pësuar një ndalesë që rrezikon pozicionin e tyre në garën për kreun./mxh
Sekretari i Përgjithshëm i Partisë Demokratike, Flamur Noka u ndal sot te protesta e opozitës pasditen e së shtunës para Kryeministrisë.
Noka tha se protestuesit e djeshëm vërshuan furishëm në bulevard kundër qeverisë në pushtet që i ka vjedhur dhe nëpërkëmbur.
Sipas demokratit, opozitarët dje dhanë një mesazh të qartë se qeveria duhet të largohet dhe t’i hapë rrugë zgjidhjes politike.
“Dje një lum njerëzor vërshoi në bulevardin Dëshmorët e Kombit dhe rrugët e Tiranës. Dje një energji e paparë njerëzore shpërtheu në formë revolte ndaj narko-regjimit dhe kusarëve të pushtetit. Dje qytetarët e vendit, opozitarët e këtij vendi, treguan se refuzojnë të pranojnë dhe të qëndrojnë më të vjedhur, të nëpërkëmbur dhe të shtypur. Dje ata shfryen një revoltë. I treguan se kur lumi fillon dhe vërshon furishëm dhe kur del sadopak, jep shenja që po del nga shtrati, ai merr përpara gjithçka.
Pra, ky sinjal dje i shkoi narkosit në pushtet. Qytetarët e vendit të tij i ndihen të vjedhur. Aferat e korrupsionit që kanë shpërthyer tek dosja e tunelit të Llogarasë, ku përfshihet dyshja Rama-Balluku, nuk pranohen dot nga qytetarët të gëlltiten më. Dje qytetarët e këtij vendi vërshuan si një uragan sepse ata nuk mund të pranojnë që siguria kombëtare të ndodhet dhe të lihet në duart e Gys Agasit dhe të karteleve të drogës.
Dje ata vërshuan për një Shqipëri europiane dhe jo për Shqipërinë, narkoshteti i vetëm i Europës. E përsëris, lumi njerëzor, energjia njerëzore, dje vërshoi dhe vetëm sa dha një sinjal që po del nga shtrati. Dhe ne e dimë tashmë të gjithë, lumenjtë kur dalin nga shtrati, marrin përpara gjithçka. Ndaj edhe i dhanë një mesazh shumë të qartë narkosit. Ndaj dhe ai sot reagoi i tërbuar, i nervozuar, në kufijtë e çmendurisë, që s’mund të reagojë kurrë një drejtues i një shteti apo edhe një lider, në çfarëdo niveli qoftë. Pra, paniku i ka mbërthyer. Shqiptarët janë zgjuar dhe shqiptarët dje dhanë një mesazh të qartë që largohu, hapi rrugë zgjidhjes politike, sepse kjo llavë vullkani që po shpërthen, do të djegë. Qartë. Dhe do të djegë, do të djegë më shumë nga të gjithë, do të djegë ata që i dalin përpara kësaj dhe po përpiqen të jenë barrikadë e krimit, e karteleve dhe e korrupsionit në pushtet.
Edi Rama ndjen panik. Pse? Sepse ai e di shumë mirë që kur rinia fillon dhe lëviz, kur rinia fillon dhe përcjell mesazhin e revoltës, ata janë të pandalshëm. Energjia e tyre nuk përballohet dot nga asnjë forcë policore apo çfarëdo lloj pushteti qoftë, formë e pushtetit qoftë. Ata e dinë shumë mirë. Dhe Edi Rama e di shumë mirë këtë, sepse dy herë që rinia ka lëvizur, ai s’ka lënë gurë pa lëvizur, s’ka lënë përpjekje pa bërë për t’i ndaluar dhe për t’i frenuar, sepse e di që s’përballet dot.
Dhe e veçanta e ditës së djeshmë, e kësaj revolte ishte që rinia ishte në ballë, rinia i priu dhe rinia ishte zemra e saj. Ky është një mesazh shumë i qartë për shqiptarët që këtu ka shpresë dhe bijtë e bijat e këtij vendi, të rinjtë dhe të rejat e këtij vendi, më në fund kanë vendosur t’i dalin për zot vendit të tyre dhe të mos e lënë më këtë vend të rrokulliset në thepat e honeve të krimit dhe të korrupsionit shqiptar. Kjo për ne është lajm dhe për çdo shqiptar është lajm shumë i gëzueshëm. Sigurisht për narkosin dhe për plaçkitësit kusarë të qeverisë që janë në panik të tmerrshëm, është lajmi më i keq. Të rinjtë janë zgjuar, ata nuk ndalen më.
Në një demokraci funksionale, protestat dhe demonstratat monitorohen nga forcat ligjzbatuese dhe përcillen me një qetësi. Pse? Sepse në demokraci e drejta për të protestuar, për të shprehur indinjata, revolta, pakënaqësi, është tërësisht normale, madje ajo është, është një nga elementët më virtuoz që demokracitë kanë brenda tyre. Por, në narkoregjime paniku është shumë i madh kur shohin që ai lum njerëzish po kthehet, kthehet në një llavë, e shohin si një llavë vullkani që i djeg dhe i merr përpara. Të jeni të sigurtë për një gjë, ju e patë. Të rinjtë nuk stepeshin.
Paniku që mbërtheu narkosin në pushtet, bëri që ata të ushtrojnë terror dhe dhunë. Po askush nuk u ndal, askush nuk u step. Sot gjatë gjithë ditës avokatët tanë dhe ne kemi kontaktuar me çdonjërin prej të arrestuarve. Ata janë me moral të çeliktë. Në çdo qeli sot ku janë kontaktuar ushtonte thirrja ‘Rama ik, qeveri teknike’. Çka do të thotë që rinia nuk mbahet kurrë me dhunë. Qytetarët e lirë të një vendi kurrë nuk mbahen me dhunë. Narkoregjimet, edhe në përgjithësi regjimet, kur janë në grahmat e fundit, ata përpiqen të ushtrojnë dhunën më të madhe dhe terrorin më të madh. Por ama, dje u kuptua qartë nga çdokush, janë në grahmat e fundit. Ato që bën, duke dhunuar dhe arrestuar të rinj, të reja, minorenë, zonja, ajo tregon që këta po i ndjejnë fundin”,-u shpreh Noka./mxh
Ish-sulmuesi i Chelsea-t dhe kapiteni i Spanjës, Alvaro Morata, raportohet se është larguar nga shtëpia ku jetonte me bashkëshorten Alice Campello dhe katër fëmijët e tyre, vetëm pak ditë pasi ajo mohoi publikisht zërat për një tradhëti të tijën me një mike të saj.
Sipas revistës spanjolle Hola, përpjekja e çiftit për të shpëtuar martesën ka dështuar, pavarësisht ribashkimit të tyre në fillim të vitit të kaluar. Morata dhe Campello, të cilët u ndanë pas triumfit të Spanjës në Euro 2024, kishin njoftuar anulimin e divorcit në janar, duke dhënë shpresë për një fillim të ri.
Megjithatë, burime pranë çiftit bëjnë me dije se ata kanë jetuar të ndarë prej disa javësh, ndërsa Morata është zhvendosur në një tjetër banesë në një nga zonat më ekskluzive të Milanos.
Pavarësisht ndarjes fizike, thuhet se marrëdhënia mes tyre mbetet korrekte dhe e qetë, kryesisht për hir të fëmijëve: Alessandro, Leonardo dhe Edoardo (binjakë), si dhe vajzës Bella./mxh
Presidenti ukrainas Volodymyr Zelenskyy ka deklaruar se marrëveshja me Shtetet e Bashkuara për garancitë e sigurisë për Kievin është “100% gati”. Duke folur të dielën në Vilnius, ai theksoi se dokumenti pret konfirmimin e partnerëve për datën dhe vendin e nënshkrimit, pas së cilës do të dërgohet për ratifikim në Kongresin Amerikan dhe Parlamentin Ukrainas. Zelenskyy gjithashtu bëri thirrje për…
Një fushatë online për mbledhje fondesh në mbështetje të familjes së Alex Pretti kishte arritur gati 600,000 dollarë deri të dielën pasdite, vetëm një ditë pasi agjentë federalë vranë infermierin dhe shtetasin amerikan në Minneapolis. Kjo ngjarje shkaktoi një valë të re protestash rrugore kundër administratës së Donald Trump dhe masave të saj shtrënguese ndaj emigracionit në qytet. Fushata “Alex…
Antonio Conte shprehu zhgënjimin pas humbjes së Napolit ndaj Juventusit, duke theksuar vështirësitë e shkaktuara nga dëmtimet e shumta që kanë goditur skuadrën. Ai vlerësoi përpjekjet e lojtarëve të tij, duke theksuar se ata dhanë gjithçka pavarësisht rrethanave të paprecedentë, siç ishte nevoja për të futur në fushë një futbollist që nuk e kishte stërvitur asnjëherë. Conte e përshkroi situatën si…
Ndeshja mes Romës dhe Milanit mbetet në barazim 0-0, me verdhekuqtë që kanë dominuar fushën, por pa arritur të gjejnë qartësinë vendimtare në metrat e fundit. Milani ka hasur vështirësi të mëdha për të dalë nga zona e vet, duke bërë edhe gabime të tilla si ai i Saelemaekers, i cili i dhuroi topin Soulé. Sulmuesi holandez Malen ka qenë vazhdimisht në qendër të aksioneve ofensive të Romës…
Jeta personale e shefit të njohur të kuzhinës, Alfio Rrotani, po shkëlqen po aq sa suksesi i tij profesional. Prej disa kohësh ai ndan jetën me Joana Gjonajn, një inxhiniere ndërtimi, larg vëmendjes mediatike, por shumë pranë botës së tij. Sot, historia e tyre e dashurisë ndodhet në pragun e një kapitulli të ri: ardhjen në jetë të fëmijës së parë. Në një intervistë në programin “Rudina” ata kanë zbuluar detajet më të bukura të marrëdhënies së dashurisë.
Njohja mes tyre nuk nisi si romancë, por si një bashkëpunim pune, i ndërmjetësuar nga miq të përbashkët. Takimet profesionale u shoqëruan me biseda të gjata, humor dhe një mirëkuptim të rrallë, që gradualisht u kthye në ndjenja të sinqerta. Edhe pse gjithçka nisi pa pritshmëri, lidhja e tyre u ndërtua natyrshëm dhe pa nxitim.
Në daljen e tyre të parë televizive në programin “Rudina” në Tv Klan, Alfio dhe Joana ndanë emocionet e kësaj periudhe të veçantë, siç është pritja e ëmbël e fëmijës së parë. Çifti tregoi se baza e marrëdhënies së tyre janë vlerat e përbashkëta, respekti dhe parimet familjare, të cilat i kanë bërë të ndihen më shumë si shokë jete sesa thjesht partnerë.
Sot, Joana ndodhet në javët e fundit të shtatzënisë dhe çifti po pret me padurim ardhjen e një vajze. Lajmi i ëmbël ka qenë i menduar dhe i dëshiruar nga të dy, një hap i natyrshëm për një çift që e sheh të ardhmen si projekt të përbashkët. Momentin e zbulimit të shtatzënisë, ata e përshkruajnë si një përzierje emocionesh të forta, ku lotët e gëzimit dhe qetësia u ndërthurën në mënyrë perfekte.
Prindërit e ardhshëm kanë menduar edhe për emrin e vogëlushes, e cila do të mbajë dy emra. Njëri prej tyre do të jetë Maria, si një homazh prekës për gjyshen e ndjerë të Alfios, një figurë që ka lënë gjurmë të thella në jetën e tij. Emri i parë, megjithatë, do të zbulohet vetëm pas lindjes.
Teksa numërojnë ditët e fundit të pritjes, Alfio Rrotani dhe Joana Gjonaj po shijojnë një nga periudhat më të bukura të jetës së tyre, të bindur se vajza e tyre do të jetë simboli më i pastër i dashurisë, harmonisë dhe bashkimit që i karakterizon./mxh
Bora Zemani është e ftuara e radhës në podcast-in e Grida Dumës, ku do të zhvillojë një bisedë të hapur dhe të drejtpërdrejtë, ashtu siç sugjeron edhe videoja promovuese që ka ngjallur reagime të shumta.
Pas një periudhe të gjatë heshtjeje, Bora zgjedh të flasë për herë të parë publikisht për mënyrën se si e koncepton faljen, duke dhënë mesazhe që për shumëkënd u lexuan si një reflektim personal mbi marrëdhënien e saj me aktorin Donald Veshaj.
E pyetur nga Grida Duma se deri në çfarë pike është e gatshme të falë, Bora shprehet qartë se falja për të nuk lidhet me mashtrim ndaj vetes apo me mbyllje sysh përballë gabimeve:
“Nuk fal me naivitet dhe as sepse dua të gënjehem. Fal vetëm kur jam plotësisht e vetëdijshme për atë që ka ndodhur dhe kur vendos ta tejkaloj me ndërgjegje.”
Biseda thellohet më tej në idenë se falja nuk duhet të cenojë parimet personale. Sipas Borës, kufijtë nuk zhduken vetëm sepse dikush vendos të falë:
“Kufijtë mbeten të njëjtë. Pyetja është nëse, pavarësisht gabimeve, ekziston ende një mundësi që një marrëdhënie të mos marrë fund, por të shpëtohet.”
Këto deklarata u interpretuan gjerësisht si një referencë indirekte ndaj historisë së saj të njohur me Donald Veshajn. Kujtohet se gjatë pjesëmarrjes së tij në “Big Brother VIP 1”, aktori krijoi një lidhje brenda shtëpisë me Beatrix Ramosaj, duke e kthyer situatën në një nga episodet më të diskutuara të show-t.
Intervista e plotë pritet të sjellë më shumë qartësi dhe reflektime mbi vendimet personale, faljen dhe rindërtimin e marrëdhënieve pas krizave./mxh
Login
