Ministri izraelit i Diasporës, Amichai Chikli, ka lëshuar një paralajmërim të fortë ndaj udhëheqësve sirianë, duke e përshkruar presidentin e Sirisë, Ahmed al-Sharaa, si anëtar të ISIS-it dhe mbështetës të islamit radikal.

Sipas Chikli-t, politika dhe veprimet e Damaskut përbëjnë një kërcënim serioz për Izraelin dhe stabilitetin e gjithë rajonit.

Ai theksoi se marrëdhëniet mes Sirisë dhe organizatave ekstremiste janë të ngushta dhe paralajmëroi se një konflikt i hapur mes Izraelit dhe Sirisë nuk është më çështje “nëse”, por “kur”, duke krijuar një mundësi reale për përplasje ushtarake në të ardhmen e afërt.

“Ne duhet të jemi të gatshëm për çdo skenar”, tha Chikli, duke shtuar se Izraeli po forcon kapacitetet mbrojtëse për të përballuar kërcënimet e vazhdueshme nga regjimi sirian dhe aleatët e tij ekstremistë.

Deklaratat e tij vijnë në një kohë të tensionuar në Lindjen e Mesme, ndërsa rajoni përballet me rritjen e ndikimit të grupeve radikale dhe destabilizimin e sigurisë pranë kufijve të Izraelit.

Ndryshe, Ahmed al-Sharaa ka marrë udhëheqjen e shtetit sirian pas rrëzimit të regjimit të Bashar al-Assad, i cili u largua nga pushteti muaj më parë duke ikur në Rusi.

Sinjali – aty ku e vërteta flet para lajmit!

/GazetaSinjali/

The post Ministri izraelit deklaron se Presidenti sirian mbështet ISIS-in: Lufta me Sirinë është çështje kohe appeared first on Sinjali.

Procesi i numërimit të votave në përfaqësitë diplomatike po vazhdon me ritëm të shpejtë. Aktualisht janë përpunuar 26 nga 40 vendvotime, që përbën 65% të totalit.

Nga numërimi i deritashëm. Lëvizja Vetëvendosje kryeson me 87.46 % të votave, ose 7,127 vota.

Partia Demokratike e Kosovës – PDK ka 5.52% të votave, ose 450 vota.

Lidhja Demokratike e Kosovës – LDK ka 4.70 % të votave, ose 383 vota.

AAK – Aleanca për Ardhmërinë e Kosovës ka 1.44 % të votave, ose 117 vota.

Sinjali – aty ku e vërteta flet para lajmit!

/GazetaSinjali/

The post Numërohen 65% të votave nga përfaqësitë diplomatike, LVV kryeson me mbi 87% appeared first on Sinjali.

Një seri ortekësh në Alpet italiane kanë shkaktuar dy viktima dhe disa të plagosur këtë të premte, ndërsa erërat e forta kanë penguar operacionet e shpëtimit, njoftuan autoritetet.

Reuters shkruan se orteku i parë goditi Luginën Maira në jugperëndim të Alpeve, pranë kufirit me Francën, në rajonin e Piemonte-s.

Një person humbi jetën dhe dy të tjerë u plagosën, ndërsa njëri prej tyre ndodhet në gjendje kritike, sipas Shërbimit të Shpëtimit Alpin (Soccorso Alpino). Për shkak të motit të keq, ekipet e shpëtimit u detyruan të niseshin në këmbë nga lartësitë më të ulëta, pasi helikopterët nuk mund të arrinin në vendngjarje.

Një ortek i dytë ndodhi pranë Pragelato-s, një destinacion i njohur për ski rreth 60 km në perëndim të Torinos. Një grua e kapur nga orteku arriti të lirohej vetë, por nuk mundte dot të lëvizte për shkak të plagëve. Ekipet e shpëtimit po punonin për ta evakuuar, ndërsa helikopterët sërish ishin të kufizuar nga kushtet atmosferike.

Autoritetet thanë se po monitoronin raportet për një ortek të tretë në Piemonte, por detajet ende nuk janë bërë të ditura.

Ndërkohë, në rajonin verilindor të Veneto-s, një ortek në shpatin Vajo Gabene në Dolomitet e Vogla vrau një alpinist 50-vjeçar. Ekipet e shpëtimit arritën tek ai me helikopter, por nuk mundën ta shpëtonin, raportoi agjencia italiane e lajmeve ANSA.

Reshjet e dendura të borës të kombinuara me erërat e forta kanë rritur ndjeshëm rrezikun e ortekëve në Alpe gjatë ditëve të fundit, duke sjellë paralajmërime për skiatorët dhe alpinistët. Zyrtarët lokalë u bënë thirrje qytetarëve për kujdes dhe i këshilluan të shmangin lëvizjet jashtë pistave të skive, pasi kushtet mbeten të paqëndrueshme.

Sinjali – aty ku e vërteta flet para lajmit!

/GazetaSinjali/

The post Tragjedi në Alpet italiane: Dy persona humbin jetën nga ortekët, lëndohen disa të tjerë appeared first on Sinjali.

Tensionet mes Iranit dhe Shteteve të Bashkuara janë rritur ndjeshëm pas deklaratave të presidentit amerikan Donald Trump, i cili kërcënoi me ndërhyrje nëse autoritetet iraniane përdorin forcë vdekjeprurëse kundër protestuesve paqësorë.

Këshilltarë dhe zyrtarë të lartë iranianë reaguan ashpër ndaj komenteve të Trumpit, duke paralajmëruar se çdo ndërhyrje amerikane në çështjet e brendshme të Iranit do të përbënte shkelje të një “vije të kuqe”.

Këshilltari i lartë i Udhëheqësit Suprem të Iranit, Ali Larijani, ka deklaruar se një ndërhyrje e Shteteve të Bashkuara në protestat në Iran do të çonte në kaos në të gjithë rajonin. Sipas tij, siguria kombëtare e Iranit nuk mund të përdoret për “kërcënime aventureske”, ndërsa paralajmëroi se një ndërhyrje e SHBA-ve do të destabilizonte gjithë rajonin dhe do të dëmtonte interesat amerikane.

Protestat më të mëdha në Iran në tre vitet e fundit janë shndërruar në dhunë në disa provinca, duke lënë disa persona të vdekur.

Presidenti amerikan Donald Trump tha të premten se, nëse Irani qëllon dhe vret në mënyrë të dhunshme protestues paqësorë, Shtetet e Bashkuara të Amerikës do të vijnë “në ndihmën e tyre”.

“Jemi të armatosur dhe gati për veprim,” shkroi ai në një postim në Truth Social.

Përplasjet mes protestuesve dhe forcave të sigurisë shënojnë një përshkallëzim të ndjeshëm të trazirave që janë përhapur në mbarë vendin që nga e diela, kur tregtarët nisën protestat për shkak të mënyrës se si qeveria po e menaxhon rënien e fortë të monedhës dhe rritjen e shpejtë të çmimeve.

Siç shkruan The Guardian, presidenti iranian Masoud Pezeshkian fillimisht u shpreh i gatshëm për dialog dhe u bëri thirrje institucioneve të dëgjojnë kërkesat legjitime të protestuesve, por deklaratat e fundit të Gardës Revolucionare tregojnë një linjë më të ashpër kundër çdo ndërhyrjeje të huaj apo përpjekjeje për destabilizim.

Këto zhvillime vijnë në një moment delikat për marrëdhëniet Iran–SHBA, të cilat janë përkeqësuar edhe më tej pas paralajmërimeve të Washingtonit për veprime ushtarake nëse Teherani rindërton programin e tij bërthamor. Irani, nga ana e tij, ka mohuar pasurimin e uraniumit dhe ka sinjalizuar gatishmëri për negociata me Perëndimin.

Sinjali – aty ku e vërteta flet para lajmit!

/GazetaSinjali/

The post Zyrtari i lartë iranian: Ndërhyrja e SHBA-ve në protesta do të shkaktonte kaos rajonal appeared first on Sinjali.

Nga janari qytetarët do të paguajnë më shtrenjtë faturat e ujit. Kjo pasi Autoriteti Rregullator i Shërbimeve të Ujit pas kërkesave të kompanive rajonale të ujësjellësit, ka marrë vendim për ngritjen e tarifave.

Në Prishtinë për konsumatorët shtëpiak për metër kub tarifa ka qenë 44 cent, derisa nga janari tarifa është ngritur në rreth 63 cent, në Prizren tarifa ishte 38 cent, tani e tutje do të jetë 56 cent, në Pejë nga 25 cent konsumatorët do të paguajnë 39 cent, në Mitrovicë nga 36 cent tarifa është ngritur në 53 cent, në Gjakovë nga 37 cent tarifa u ngrit në 52 cent, në Ferizaj nga 37 cent në 53 cent, ndërsa në Gjilan nga 35 cent në 54 cent.

Për këtë ngritje të çmimeve një pjesë e qytetarëve kanë thënë se nuk janë të informuar. Nga Autoriteti Rregullator për Shërbimet e Ujit këtë ngritje të çmimeve e kanë arsyetuar me rritjen e çmimit të energjisë elektrike si dhe zgjerimin e rrjetit.

“Tarifat për shërbimet e ujit dhe ujërave të ndotura, të miratuara në kuadër të procesit tarifor 2026-2028, janë ndikuar kryesisht nga rritja enorme e çmimit të energjisë elektrike, si dhe nga rritja e kostove të tjera operative dhe investive, përfshirë mirëmbajtjen dhe zgjerimin e rrjetit. Miratimi i tyre është bërë duke pasur për qëllim mbulueshmërinë e kostove dhe përmirësimin e vazhdueshëm të cilësisë së shërbimeve të ujit dhe kanalizimeve”, kanë thënë për RTK-në nga ky autoritet.

Qytetarët kanë kundërshtuar çdo ngritje të tarifave. “Nuk është veç uji, por tek të gjitha, te rryma, tek ngrohja, te mbeturinat, të gjitha kanë filluar të ngriten 100%. Sa munden qytetarët t’i përballojnë këto. Nuk e di a i mendon dikush këto, a mundemi me ia dalë a jo”, tha një qytetar.

“Shtrenjtimi i ujit ndikon negativisht jo vetëm te unë, por te e gjithë familja. Shtrenjtimet nuk janë vetëm te faturat e ujit. Sikur të ishin veç te uji, do të ishte më lehtë”, tha një tjetër qytetar.

E sipas njohësve të ekonomisë ngritja e këtyre tarifave nuk arsyetohet në situatën aktuale.

“Kur i analizon pasqyrat financiare që ato paraqesin apo investimet kapitale nuk arsyetohet ngrija e çmimit. Këtu një lloji faji e kanë edhe institucionet e Kosovës, të cilat duhet të fokusohen pak më shumë në mbikëqyrjen e autoritetit rregullativ, për faktin se qytetarët e Kosovës e kanë të pamundur t’i paguajnë këto tarifa”, tha Lulzim Beqiri.

Sinjali – aty ku e vërteta flet para lajmit!

/GazetaSinjali/

The post Ngrihen tarifat e ujit, nga janari faturat më të shtrenjta appeared first on Sinjali.

Gjykata Supreme, pjesë e Dhomave të Specializuara në Hagë, ia ka refuzuar Jakup Krasniqit lirimin me kusht.

Pavarësisht se procesi është në fund, dëshmitarë e as prova nuk ka, Supremja ka vendosur ta rrëzojë kërkesën e Krasniqit, njëjtë si të Kadri Veselit.

“Më 30 dhjetor 2025, Paneli i Gjykatës Supreme i përbërë nga gjykatësit Ekaterina Trendafilova (Kryegjykatëse), Kristinë van den Vajngart dhe Daniel Fransen, hodhi poshtë kërkesën e Jakup Krasniqit për mbrojtje të ligjshmërisë, e paraqitur në nëntor 2025. Kërkesa kishte të bënte me një vendim të Panelit të Gjykatës së Apelit të 13 gushtit 2025, i cili konfirmoi rrëzimin nga Trupi Gjykues të kërkesës së Krasniqit për lirim të përkohshëm”, thuhet në njoftim.

Ditë më parë, vendimi i njëjtë u dha edhe për Kadri Veselin.

Por, si e arsyetoi kjo Gjykatë vendimin?

Sipas vendimit të Supremes ku në panel është edhe kryetarja e Gjykatës Speciale, nuk është konstatuar asnjë shkelje në vendimet e mëparshme me të cilat Kadri Veselit i refuzohej lirimi.

“Paneli vëren se Z. Veseli nuk tregon për një shkelje thelbësore të një procedure specifike në Ligj ose në Rregullore. Siç është theksuar tashmë në Pikën 1, një kërkesë për mbrojtjen e ligjshmërisë duhet të pretendojë një shkelje thelbësore të procedurave të përcaktuara në Nenin 48(7)(b) të Ligjit. Megjithatë, dhe duke pasur parasysh se Mbrojtja argumenton konkretisht se Paneli i Apelit nuk i rivlerësoi siç duhet rreziqet sipas Nenit 41(6)(b) të Ligjit dhe në vend të kësaj u mbështet në gjetjet e mëparshme pa shqyrtuar nëse ato mbeten të mjaftueshme në këtë fazë të procedurës”, thuhet në vendimin e Supremes, raporton nacionale.

Sipas vendimeve të mëparshme, Kadri Veseli ka rrezik të ndërhyrjes në procedura dhe të tentojë të ndikojë në dëshmitarë. Dhe këtë, e ka thënë edhe Gjykata Supreme.

“Ndërsa Paneli pranon dhe pajtohet me Panelin e Apelit se një bazë specifike, siç është rreziku i pengimit, mund të zvogëlohet me kalimin e kohës, kjo nuk është automatike dhe varet nga rrethanat e çështjes. Nuk është e nevojshme, siç sugjeron Z. Veseli, që diçka e jashtëzakonshme të jetë e nevojshme për të treguar se rreziku nuk është zvogëluar. Ajo që është e nevojshme është që arsyet e vazhdueshme të justifikojnë paraburgimin e vazhdueshëm”, thuhet në këtë vendim.

Edhe gjyqtarët e Supremes, aludojnë në zbulimin e informatave konfidenciale nga Veseli, pavarësisht se gjykimi tashmë është në fund.

“Trupi kujton se Apeli iu referua sjelljes së mbështetur më parë si treguese të ekzistencës së rrezikut të pengimit, duke përfshirë zbulimin e supozuar të informacionit konfidencial. Duke vepruar kështu, Trupi i Apelit konsideroi se kjo sjellje ilustron gatishmërinë dhe aftësinë “e mundshme” të Z. Veseli për të përhapur informacion konfidencial, dhe vuri në dukje se kjo kishte rezultuar në mbikëqyrje shtesë në Njësinë e Paraburgimit. Trupi i Apelit e konsideroi këtë të rëndësishme për vlerësimin e vazhdueshëm të rrezikut të pengimit dhe kujtoi se standardi i zbatueshëm kishte të bënte me mundësinë, në vend të pashmangshmërisë së një ngjarjeje në të ardhmen”, thuhet në këtë vendim.

“Në dritën e sa më sipër, Trupi i Supremes konstaton se Trupi i Apelit nuk e ka keqzbatuar standardin përkatës në rrethanat e çështjes në përputhje me Nenin 41(6)(b) të Ligjit. Nuk ka asgjë në shqyrtimin e paraburgimit që sugjeron se procesi është ndërmarrë në një mënyrë kuazi-automatike. Ai vlerësoi siç duhet ekzistencën e vazhdueshme të rreziqeve përkatëse në kohën e shqyrtimit dhe ofroi arsye të mjaftueshme për të justifikuar vazhdimin e paraburgimit të z. Veseli”, thekson vendimi i Supremes.

Veseli ishte ankuar se nuk kishte asnjë provë e dëshmi, që atij t’i vazhdohej paraburgimi.

“Paneli vëren se parashtrimet e Z. Veseli, në lidhje me nëse provat që favorizojnë lirimin janë shqyrtuar mjaftueshëm, janë tërësisht të natyrës faktike. Për shembull, Z. Veseli argumenton se nuk është paraqitur asnjë provë. Megjithatë, Paneli i Apelit shqyrtoi sa vijon: (i) përfshirjen e mundshme të Z. Veseli në zbulimin e paautorizuar të provave; (ii) aftësinë e tij për të marrë informacion konfidencial duke pasur parasysh pozicionin e tij në Kosovë, (iii) dhe njohuritë e tij të shtuara për informacionin konfidencial në lidhje me dëshmitarët. Për më tepër, argumentet e tij përbëjnë një mospajtim me vlerësimin diskrecionar të fakteve nga Paneli i Apelit, i cili nuk mund të merret në konsideratë brenda procedurës për mbrojtjen e ligjshmërisë”, thuhet në vendim më tutje.

“Paneli vëren që në fillim se Z. Veseli nuk tregon për një shkelje të konsiderueshme të një procedure specifike në Ligj ose në Rregullore në parashtrimet e tij. 138 Sipas Nenit 48(7)(b) të Ligjit, një palë që kërkon mbrojtje të ligjshmërisë duhet të identifikojë një shkelje të konsiderueshme të procedurave të përcaktuara në këtë Ligj dhe në Rregullore”, thuhet aty.

Sinjali – aty ku e vërteta flet para lajmit!

/GazetaSinjali/

The post Pas Kadri Veselit, edhe Jakup Krasniqit i refuzohet kërkesa për lirim me kusht nga Gjykata Supreme në Hagë appeared first on Sinjali.

Komisioni Qendror i Zgjedhjeve (KQZ) ka bërë të ditur se gjatë ditës së sotme pesë komuna të tjera – Pejë, Prizren, Podujevë, Gjilan dhe Ferizaj, kanë përfunduar aktivitetet në Qendrat Komunale të Numërimit (QKN).

Ndërkohë, në QKN e Prishtinës, verifikimi i rezultateve të subjekteve politike nga formularët e plotësuar në vendvotime dhe numërimi i votave të kandidatëve për deputetë do të vazhdojë në pjesën e parë të ditës së shtunë.

Deri më tani, janë procesuar 2,504 nga 2,557 vendvotime, ose rreth 98% e të gjitha vendvotimeve.

“Në përgjithësi, procesi në QKN, nga 29 dhjetor 2025 deri më 2 janar 2026, është përmbyllur në 37 komuna: Mamushë, Shtërpcë, Junik, Hani i Elezit, Kllokot, Partesh, Mitrovicë e Veriut, Novobërdë, Zveçan, Viti, Zubin Potok, Ranillug, Dragash, Istog, Obiliq, Gllogoc, Deçan, Shtime, Klinë, Kamenicë, Fushë Kosovë, Leposaviq, Graçanicë, Vushtrri, Rahovec, Skënderaj, Kaçanik, Mitrovicë e Jugut, Gjakovë, Malishevë, Lipjan, Suharekë, Pejë, Prizren, Podujevë, Gjilan dhe Ferizaj.”, thuhet tutje në njoftim.

Sinjali – aty ku e vërteta flet para lajmit!

/GazetaSinjali/

The post Edhe 5 komuna përmbyllin numërimin e votave të kandidatëve për deputetë, Prishtina nesër appeared first on Sinjali.

Lëngu i portokallit ka qenë shpesh në qendër të debatit për shkak të përmbajtjes së lartë të sheqerit dhe mungesës së fibrave krahasuar me frutin e plotë.

Megjithatë, studime të fundit tregojnë se një gotë e vogël mund të sjellë përfitime të rëndësishme për shëndetin.

Zemra dhe qarkullimi i gjakut

Konsumimi i përditshëm i lëngut të portokallit ndihmon në uljen e kolesterolit të keq (LDL) dhe rritjen e kolesterolit të mirë (HDL).

Studimet kanë treguar gjithashtu ulje të tensionit të gjakut tek personat mbipeshë.

Truri dhe funksionet njohëse

Në afat të shkurtër, lëngu i portokallit përmirëson vigjilencën dhe performancën mendore krahasuar me pijet e tjera të ëmbla.

Tek të moshuarit, konsumimi i përditshëm për 8 javë ka sjellë përmirësime të dukshme në funksionet njohëse.

Çfarë e bën të veçantë?

Përveç vitaminës C, lëngu i portokallit është i pasur me folate, kalcium, kalium dhe tiaminë.

Përmban flavonoide si hesperidina, me veti antioksiduese dhe anti-inflamatore, që ndihmojnë në relaksimin e enëve të gjakut dhe përmirësimin e qarkullimit.

Mund të ndikojë pozitivisht edhe në mikrobiomën e zorrëve, duke nxitur prodhimin e substancave anti-inflamatore.

Zgjedhja më e shëndetshme

Ekspertët theksojnë se fruti i plotë mbetet opsioni më i mirë, falë fibrave dhe përmbajtjes më të lartë të flavonoideve. Megjithatë, një gotë e vogël lëng portokalli 100% disa herë në javë shihet si pjesë e pranueshme e një diete të balancuar.

Sinjali – aty ku e vërteta flet para lajmit!

/GazetaSinjali/

The post Nga përmirësimi i kujtesës te ulja e tensionit, përfitimet befasuese nga një gotë lëng portokalli appeared first on Sinjali.

Moti i keq ka përfshirë Shqipërinë, ndërsa në veri, reshjet e dëborës kanë shkaktuar bllokime të përkohshme në disa akse rrugore.

Prefekti i Qarkut Shkodër njofton se, pas ndërhyrjeve të Policisë Rrugore dhe mjeteve borëpastruese, aktualisht nuk ka situata emergjente, dhe qarkullimi në të gjitha akset kryesore është normalizuar.

Sipas njoftimit, gjatë orëve të fundit qytetarët raportuan vështirësi në qarkullimin në disa segmente të zonave malore për shkak të kushteve atmosferike, por pas ndërhyrjes së strukturave përkatëse, situata është menaxhuar me sukses.

Autoritetet u bëjnë apel drejtuesve të mjeteve që të tregojnë kujdes gjatë lëvizjes në zonat malore, të respektojnë rregullat e qarkullimit dhe udhëzimet e Policisë.

Njoftimi i plotë:

Prefekti i Qarkut Shkodër informon se gjatë orëve të fundit janë raportuar nga qytetarë vështirësi në qarkullimin rrugor në disa segmente të zonave malore, si pasojë e kushteve atmosferike.

Menjëherë pas raportimeve, shërbimet e Policisë Rrugore dhe mjetet borëpastruese kanë ndërhyrë në terren për verifikimin dhe menaxhimin e situatës.

Nga informacionet e përditësuara nga strukturat operacionale, nuk rezulton asnjë situatë emergjente apo bllokim i akseve rrugore, ndërsa qarkullimi është normalizuar.

• Aksi rrugor Qafë Thore–Bogë është i hapur dhe qarkullimi vijon normalisht.

• Në aksin Selcë–Qafë Predelecit, për shkak të ngricave të përkohshme, janë marrë masa parandaluese dhe situata po monitorohet nga Policia Rrugore.

Prefekti i Qarkut ka ndjekur në mënyrë të vazhdueshme situatën dhe ka kërkuar koordinim të menjëhershëm ndërmjet strukturave përgjegjëse, duke garantuar reagim të shpejtë dhe efektiv.

Apelohet për drejtuesit e mjeteve që të tregojnë kujdes gjatë lëvizjes në zonat malore, të respektojnë rregullat e qarkullimit dhe udhëzimet e Policisë.

Strukturat përkatëse mbeten në gatishmëri për çdo situatë të mundshme.

Sinjali – aty ku e vërteta flet para lajmit!

/GazetaSinjali/

The post Moti i keq përfshin Shkodrën: Reshjet e borës shkaktojnë bllokime të përkohshme të disa rrugë appeared first on Sinjali.

Ylli i Hollywood-it, Angelina Jolie, udhëtoi në kufirin Rafah që lidh Egjiptin me Gazën për të vizituar palestinezët e plagosur dhe punonjësit humanitarë që shpërndanin ndihma.

Ajo foli me anëtarë të Gjysmëhënës së Kuqe dhe shoferë kamionësh, duke shqyrtuar mënyrën e shpërndarjes së ndihmave në territorin e shkatërruar.

Sipas mediave lokale, Jolie ishte e pranishme për të parë nga afër situatën e palestinezëve që ishin evakuuar për arsye mjekësore dhe për të diskutuar me punonjësit humanitarë mbi nevojat e tyre.

Kjo vizitë vjen dy muaj pas misionit të saj në qytetin e luftuar të Khersonit, Ukrainë, ku vizitoi spitale dhe takoi fëmijë refugjatë. Jolie, e cila ka shërbyer si Ambasadore e Vullnetit të Mirë e UNHCR-së dhe si E Dërguar e Posaçme, ka kryer më shumë se 60 misione në terren për të ndihmuar refugjatët dhe familjet e zhvendosura. Ajo ka vizituar refugjatë ukrainas në qytete të ndryshme, përfshirë Lvivin dhe Romën, duke i mbështetur fëmijët dhe familjet e tyre që kanë ikur nga lufta.

Në një postim për Instagram, Jolie shkroi: “Fokusi im, së bashku me kolegët e mi @refugees, është që të bëhet gjithçka e mundur për të siguruar mbrojtjen dhe të drejtat themelore të njerëzve të zhvendosur dhe refugjatëve.”

Puna e saj humanitare dhjetëra vjeçare i solli Çmimin Humanitar Jean Hersholt në vitin 2013 dhe e bëri të njohur angazhimin e saj ndaj çështjeve humanitare dhe të drejtave të njeriut në nivel global.

Sinjali – aty ku e vërteta flet para lajmit!

/GazetaSinjali/

The post Ylli i Hollywood-it viziton kufirin Egjipt-Gazë për të ndihmuar të plagosurit dhe refugjatët appeared first on Sinjali.

Komisioni Qendror i Zgjedhjeve ka përditësuar të dhënat për numërimin e votave nga përfaqësitë diplomatike jashtë vendit.

Sipas KQZ-së, deri më tani janë procesuar 21 nga 40 vendvotime, që përbëjnë 52.50 për qind të totalit. Të dhënat janë publikuar më 2 janar 2026.

Nga rezultatet e deritanishme, Lëvizja Vetëvendosje, kryeson listën me 4,515 vota.

Pas tij renditet Partia Demokratike të Kosovës, me 296 vota, ndërsa Lidhja Demokratike e Kosovës, ka siguruar 268 vota.

Ndërkaq, Aleanca për Ardhmërinë e Kosovës, ka marrë 79 vota nga vendvotimet e numëruara deri tani.

Sinjali – aty ku e vërteta flet para lajmit!

/GazetaSinjali/

The post Votat e diasporës: LVV prin me 86.46% të votave të numëruara deri tash, PDK 5.67% e LDK 5.13% appeared first on Sinjali.

Ministria e Jashtme e Izraelit e ka akuzuar kryetarin e ri të Nju-Jorkut, Zohran Mamdani, për hedhje të “benzinës antisemti në zjarr të hapur”, pasi ai ktheu prapa një urdhër të nënshkruar rishtazi nga kryetari në largim, Eric Adams.

“Që në ditën e tij të parë si kryetar i Nju-Jorkut, Mamdani e tregon fytyrën e tij të vërtetë: ai e shfuqizon definicionin e IHRA-së për antisemitizmin dhe i heq kufizimet ndaj bojkotimit të Izraelit. Ky nuk është lidership. Është benzinë antisemite mbi zjarrin e hapur” – shkroi në rrjetin X Ministria e Jashtme e Izraelit, raporton gazeta “The Guardian”.

Mamdani shfuqizoi një urdhër të periudhës së Adamsit me të cilin ishte miratuar definicioni i Aleancës Ndërkombëtare për Përkujtimin e Holokaustit [IHRA] për antisemitizmin.

Në një deklaratë të Këshillit për Marrëdhëniet Amerikane-Islamike thuhet se mirëpritet tërheqja e definicionit “kundërthënës e tepër të gjerë” të IHRA-së për antisemitizmin, i cili, sipas këtij këshilli, “shpesh përdoret për t’i censuruar kritikat ndaj racizmit dhe krimeve kundër njerëzimit nga Qeveria e Izraelit”.

Kundërpërgjigjja e Izraelit erdhi disa orë Mamdani lëshoi një urdhër për shfuqizimin e të gjithë urdhrave ekzekutivë që i kishte lëshuar Adamsi pasi ndaj tij ishin ngritur akuza për korrupsion më 2024 e të cilat në mënyrë kundërthënëse ishin rrëzuar më vonë.

Sinjali – aty ku e vërteta flet para lajmit!

/GazetaSinjali/

The post Izraeli e akuzon për “antisemitizëm” kryetarin e Nju-Jorkut që në ditën e parë të mandatit appeared first on Sinjali.

Instituti Hidrometeorologjik i Kosovës ka bërë të ditur se vikendi i parë i janarit do të karakterizohet me mot të vranët dhe reshje të herëpashershme.

Sipas parashikimit të IHMK-së, dita e shtunë do të jetë kryesisht me vranësira, ndërsa vende-vende priten riga shiu. Në zonat malore, vranësirat mund të shoqërohen me fjolla të dobëta bore. Temperaturat minimale do të lëvizin nga 1 deri në 3 gradë Celsius, ndërsa maksimalet e ditës pritet të arrijnë nga 4 deri në 6 gradë Celsius. Era do të fryjë e lehtë deri mesatare nga veriperëndimi.

Edhe dita e diel parashikohet me mot kryesisht të vranët, me reshje të dobëta shiu në disa pjesë të vendit. Në viset e larta malore parashihet të ketë reshje të dobëta bore. Temperaturat minimale do të zbresin nga -1 deri në 1 gradë Celsius, ndërsa maksimalet e ditës do të lëvizin ndërmjet 4 dhe 7 gradë Celsius. Era do të fryjë kryesisht nga jugperëndimi, me intensitet të lehtë deri mesatar.

Sinjali – aty ku e vërteta flet para lajmit!

/GazetaSinjali/

The post Fundjava me mot të vranët dhe reshje shiu, pritet edhe borë në viset malore appeared first on Sinjali.

Trajneri i Manchester Cityt, Pep Guardiola, ka mohuar spekulimet për largimin e tij nga klubi, duke theksuar se nuk ka asnjë paqartësi rreth së ardhmes së tij në “Etihad”.

Tekniku spanjoll ka rikujtuar se ka kontratë të vlefshme me kampionët e Anglisë dhe se ndihet i vlerësuar nga drejtuesit e klubit.

“Do të jem trajner i Cityt sezonin e ardhshëm? Oh Zoti im… kam kontratë. E kam thënë një milion herë”, ka deklaruar Guardiola.

Ai ka shtuar se është i vetëdijshëm për zërat dhe lodhjen e disa njerëzve pas një dekade në krye të skuadrës, por ka theksuar se aktualisht ndihet i lumtur në klub.

“E di që shumë njerëz janë lodhur nga unë pas 10 vitesh këtu. Një ditë do të largohem, e premtoj. Por tani jam i lumtur, dua të luftoj me ekipin tim dhe klubi më respekton – kjo u dëshmua sezonin e kaluar”.

Guardiola ka veçuar mbështetjen e drejtuesve të klubit edhe gjatë periudhës më të vështirë të sezonit.

“Ne nuk fituam asnjë ndeshje për tre muaj dhe ata më qëndruan pranë. Çfarë më shumë mund të kërkoj?”, është shprehur ai.

Në fund, trajneri katalanas ka konfirmuar se ka edhe një vit kontratë dhe se dëshiron të vazhdojë punën në krye të Manchester Cityt.

“Kam edhe një vit kontratë. Do të doja të isha këtu, pastaj do të shohim”.

Këto deklarata vijnë pas raportimeve të shumta se ky mund të jetë viti i fundit i Guardiolës me Cityn, si dhe pas zërave se klubi anglez ka shprehur interesim për trajnerin e sapo shkarkuar nga Chelsea, Enzo Maresca.

Sinjali – aty ku e vërteta flet para lajmit!

/GazetaSinjali/

The post Guardiola thyen heshtjen: Ja çfarë thotë për largimin nga Man City appeared first on Sinjali.

Shoferi i Anthony Joshuas është akuzuar pasi një aksident trafiku në Nigeri la të plagosur boksierin dhe shkaktoi vdekjen e dy anëtarëve të ekipit të tij, kanë bërë të ditur autoritetet policore.

Adeniyi Mobolaji Kayode, 46 vjeç, u paraqit të premten para Gjykatës së Magjistratit në Sagamu. Burime policore i thanë BBC-së se akuzat ndaj tij përfshijnë shkaktim të vdekjes nga drejtimi i rrezikshëm i automjetit.

Trajneri personal i Joshuas, Latif Ayodele, dhe trajneri i forcës fizike, Sina Ghami, humbën jetën të hënën pasi automjeti me të cilin po udhëtonin u përplas me një kamion të parkuar në një autostradë në shtetin Ogun, pranë Lagos-it, raporton BBC, transmeton Sinjali.

Ish-kampioni i peshave të rënda u dërgua në spital me lëndime pas aksidentit dhe u lirua të mërkurën. Prokuroria ngriti katër akuza ndaj Kayode: shkaktim vdekjeje nga drejtimi i rrezikshëm, drejtim i pakujdesshëm dhe neglizhent, drejtim pa kujdes të duhur dhe drejtim i automjetit pa patentë valide, kanë bërë të ditur burime policore për BBC-në.

I pandehuri u la i lirë me kusht, me një garanci prej 5,000,000 nairash (rreth 2,578 paundë), ndërsa u ndalua deri në përmbushjen e kushteve të lirimit me kusht.

Seanca e radhës është caktuar për 20 janar.

Joshua, 36 vjeç, ishte pasagjer në një veturë Lexus SUV që u përplas me një kamion të parkuar në autostradën e ngarkuar Lagos–Ibadan, në jugperëndim të Nigerisë, të hënën.

Ghami dhe Ayodele u shpallën të vdekur në vendin e ngjarjes, ndërsa Joshua u pa në fotografi duke u ndihmuar të largohej nga rrënojat e automjetit. Zyrtarë nga shtetet Ogun dhe Lagos thanë në një deklaratë se boksieri britanik ishte “me zemër të rënduar” për vdekjen e dy burrave, të cilët ishin miq shumë të afërt të tij.

Pas lirimit nga spitali, Joshua vizitoi shtëpinë funerale ku trupat e tyre “po përgatiteshin për riatdhesim”, thuhet në deklaratë.

Vetëm disa orë para aksidentit, Joshua kishte publikuar në Instagram një video ku luante pingpong me Ayodele.

Të mërkurën, Eddie Hearn, promotori i Joshuas prej më shumë se një dekade, u shpreh me fjalë ngushëllimi për anëtarët e ekipit.

“Pushoftë në paqe Latz dhe Sina,” shkroi Hearn në Instagram.

“Energjia dhe besnikëria juaj, mes shumë cilësive të tjera të shkëlqyera, do të na mungojnë thellësisht. Lutem për forcë dhe udhëzim për familjet e tyre, miqtë dhe sigurisht për AJ-në në këtë kohë jashtëzakonisht të vështirë.”

Joshua, i lindur në Watford, ka rrënjë familjare në Sagamu – një qytet në shtetin Ogun, pranë vendit ku ndodhi aksidenti.

Në momentin e aksidentit, ai ishte duke udhëtuar për të vizituar familjarët për festimet e Vitit të Ri, ka thënë një anëtar i familjes për BBC-në.

Boksieri kishte kaluar kohë në Nigeri pas fitores së tij të fundit ndaj YouTuberit amerikan të kthyer në boksier, Jake Paul, më 19 dhjetor.

Paul reagoi në platformën X pas aksidentit duke thënë: “Jeta është shumë më e rëndësishme se boksi. Po lutem për jetët e humbura, për AJ-në dhe për të gjithë ata që janë prekur nga ky aksident fatkeq.”

Sinjali – aty ku e vërteta flet para lajmit!

/GazetaSinjali/

The post Shoferi i Anthony Joshuas akuzohet për aksidentin në Nigeri që la të vdekur dy persona appeared first on Sinjali.

Kanë mbetur edhe rreth 3 për qind e votave për t’u numëruar nga zgjedhjet parlamentare të 28 dhjetorit, ndërsa procesi i numërimit në vendvotime po shkon drejt përfundimit. Me këtë ritëm, tashmë janë bërë të qartë emrat e kandidatëve më të votuar në listat e subjekteve politike.

Lëvizja Vetëvendosje prin si partia më e madhe, me gjithsej 418,481 vota.

Kandidati i saj për kryeministër, Albin Kurti, ka marrë 342,381 vota, duke udhëhequr bindshëm listën. Pas tij, në radhët e LVV-së, më të votuarit janë Glauk Konjufca, Albulena Haxhiu, Hekuran Murati dhe Donika Gërvalla.

Në Partinë Demokratike të Kosovës, kryetari dhe prijësi i listës, Bedri Hamza, ka siguruar 150,807 vota. I dyti në listë është renditur Arian Tahiri, ndërsa top-pesëshja plotësohet nga Përparim Gruda, Uran Ismaili dhe Sala Jashari.

Te Lidhja Demokratike e Kosovës, kandidati për kryeministër Lumir Abdixhiku ka marrë 79,121 vota. Pas tij, e dyta është renditur Hykmete Bajrami, ndërsa Ukë Rugova, Avdullah Hoti dhe Doarsa Kica-Xhelili mbyllin pesëshen e më të votuarve.

Ndërkohë, në Aleancën për Ardhmërinë e Kosovës, Ramush Haradinaj ka siguruar deri më tani 40,270 vota. Top-pesëshja në këtë subjekt përbëhet nga Daut Haradinaj, Besnik Tahiri, Bekë Berisha dhe Agim Çeku.

Sinjali – aty ku e vërteta flet para lajmit!

/GazetaSinjali/

The post Numërohen mbi 97% e votave të rregullta të kandidatëve, kush janë më të votuarit? appeared first on Sinjali.

Një nga pronarët e barit Le Constellation në Zvicër ka deklaruar se lokali ishte menaxhuar në përputhje me rregullat dhe standardet.

Jacques Moretti i tha medias zvicerane 24 Heures se ambienti ishte inspektuar tri herë gjatë 10 viteve dhe se “gjithçka ishte bërë sipas standardeve”.

Ai refuzoi të jepte një intervistë më të gjatë, duke thënë se “nuk ishte mirë” pas tragjedisë që ndodhi në lokal.

Ai u intervistua nga hetuesit.

Sinjali – aty ku e vërteta flet para lajmit

/GazetaSinjali/

The post Zjarri fatal në Zvicër, flet njëri prej pronarëve të lokalit appeared first on Sinjali.

Të paktën shtatë persona kanë vdekur në protestat në Iran, të nxitura nga përkeqësimi i kushteve ekonomike, përfshirë civilë dhe forca të sigurisë.

Protestat janë më të mëdhatë në Iran që nga viti 2022, pas vdekjes së 22-vjeçares Mahsa Amini gjatë mbajtjes nga policia. Megjithatë, protestat aktuale nuk janë aq intensive dhe gjithëkombëtare sa ato për Aminin.

Ngjarjet më të dhunshme u shënuan në qytetin Azna, ku u shpërndanë video që tregonin objekte në flakë në rrugë dhe dëgjoheshin të shtëna armësh, raporton AP.

Protestat nisën më 28 dhjetor në Teheran, pas kolapsimit të kursit të këmbimit të monedhës kombëtare kundrejt dollarit amerikan dhe rritjes së inflacionit në 52 për qind. Më pas, protestat u përhapën në disa rajone të tjera të vendit.

Gjatë ditës, presidenti amerikan Donald Trump paralajmëroi autoritetet e Iranit se Washingtoni do të intervenojë nëse protestuesit vriten.

Në përgjigje, një këshilltar i lartë i liderit suprem të Iranit, Ayatollah Ali Khamenei, tha se “duhet të jetë i kujdesshëm”. Sipas tij, po që se Trumpi intervenon, do të shkaktohej kaos në të gjithë Lindjen e Mesme.

Sinjali – aty ku e vërteta flet para lajmit!

/GazetaSinjali/

The post Protesta të dhunshme në Iran për rritjen e kostos së jetesës, gjejnë vdekjen shtatë persona appeared first on Sinjali.

Policia në rajonin e Stokholmit ka vërejtur se gjatë muajve të verës statistikat e pushimeve mjekësore janë rritur ndjeshëm, çka i ka shtyrë autoritetet të hetojnë shkaqet e këtij fenomeni.

Gjatë hetimeve është zbuluar një rast i veçantë, ku një hetuese policore ishte raportuar si e sëmurë tre vite radhazi, pikërisht menjëherë pas përfundimit të pushimeve vjetore, raporton media suedeze.

Sipas materialeve të hetimit, në të tri rastet, hetuesja kishte qenë me pushime në Ballkan, në Prizren. Ajo kishte aplikuar për pushim në datat përkatëse, por kërkesa nuk i ishte aprovuar. Megjithatë, në të njëjtat data, ajo ishte paraqitur si e sëmurë.

Në deklarimin e saj para policisë, ajo ka mohuar akuzat për mashtrim, duke theksuar se kishte pasur probleme shëndetësore psikike të lidhura me kthimin në punë.

“E konsideroj për të ardhur keq, sepse kam moral shumë të lartë pune. Gjatë gjithë vitit pothuajse nuk marr kurrë pushim mjekësor,” ka deklaruar ajo, duke shtuar se sipas saj kishte të drejtë të ishte e sëmurë pavarësisht vendndodhjes.

“Secili ka të drejtë të jetë i sëmurë, kudo që ndodhet. Nëse jam e sëmurë, atëherë jam e sëmurë,” ka thënë hetuesja.

Megjithatë, hetimet kanë zbuluar se biletat e kthimit me avion nga pushimet në vitet 2023, 2024 dhe 2025 ishin rezervuar për data pas ditës kur ajo duhej të ishte kthyer në punë. Për ditët e raportuara si pushim mjekësor, ajo ka përfituar mbi 17 mijë korona suedeze (rreth 1,500 euro) në pagesa për sëmundje.

Tani, hetuesja policore është akuzuar për mashtrim të rëndë dhe deklarim të rremë. Sipas aktakuzës, ajo ka abuzuar me besimin publik duke kryer veprime të lidhura ngushtë në kohë, vend dhe qëllim, në cilësinë e saj si punonjëse e policisë.

Për veprën penale të mashtrimit të rëndë, ligji suedez parasheh dënim nga gjashtë muaj deri në gjashtë vjet burg.

Sinjali – aty ku e vërteta flet para lajmit!

/GazetaSinjali/

The post Hetuesja policore bënte pushime në Prizren dhe deklarohej e sëmurë në Suedi, zbulohet mashtrimi i saj appeared first on Sinjali.

Një ekip i Bashkëpunimit Civilo-Ushtarak (CIMIC) nga Komanda Rajonale Lindje e KFOR-it ka dhuruar katër çanta traumatike Combat Lifesaver për Shoqatën e Kërkim-Shpëtimit të Kosovës në Prishtinë.

Pajisjet, të cilat përmbajnë më shumë se 68 artikuj mjekësorë, do të mbështesin reagimin emergjent dhe aktivitetet për shpëtimin e jetës.

Gjatë ceremonisë, anëtarëve të Shoqatës së Kërkim-Shpëtimit të Kosovës iu ndanë gjithashtu certifikata për përfundimin e kursit të Ushtrisë Amerikane për orientim në terren dhe mbijetesë, i cili përfshinte mësim teorik në klasë dhe trajnim praktik në terren.

Kjo iniciativë thekson përkushtimin e vazhdueshëm të KFOR-it për bashkëpunim me partnerët lokalë në mbështetje të sigurisë dhe qëndrueshmërisë në mbarë Kosovën.

KFOR-i vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qëndrueshëm për të gjithë njerëzit që jetojnë në Kosovë dhe në garantimin e lirisë së lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë.”, thuhet në njoftim të KFOR-it.

Sinjali – aty ku e vërteta flet para lajmit!

/GazetaSinjali/

The post KFOR dhuron pajisje mjekësore për Shoqatën e Kërkim-Shpëtimit të Kosovës appeared first on Sinjali.