Policia e Durrësit ka arrestuar një 45-vjeçar, i identifikuar si Julian Ismailaj. Ai akuzohet se tregtonte lëndë narkotike. I arrestuari, gjatë tentativës për t’u larguar, përplasi me automjetin që drejtonte në efektin e lëndëve narkotike, automjetin e Policisë që i ishte vënë në ndjekje.

Nga kontrolli në automjet u gjet heroine, kokainë dhe 1 elektroshok.

Gjithashtu u shpallën në kërkim edhe dy bashkëpunëtorë të të arrestuarit, ku njëri prej tyre i kishte dhënë 45-vjeçarit, automjetin me qira.

Po ashtu, procedohet penalisht edhe një person tjetër, i cili dyshohet se për motive të dobëta, kanosi një person me pistoletë lodër.

Më shumë se 200 persona kanë humbur jetën si pasojë e shembjes së një miniere në Republikën Demokratike lindore të Kongos.

Kjo u konfirmua nga Lumumba Kambere Muyisa, zëdhënës i guvernatorit të emëruar nga rebelët të provincës ku ndodhet miniera.

Rubaya prodhon rreth 15% të koltanit në botë, i cili përpunohet në tantal, një metal rezistent ndaj nxehtësisë që është shumë i kërkuar nga prodhuesit e telefonave celularë, kompjuterëve, komponentëve hapësinorë dhe turbinave me gaz. Vendi, ku vendasit gërmojnë manualisht për disa dollarë në ditë, ka qenë nën kontrollin e grupit rebel AFC/M23 që nga viti 2024.

Shembja ndodhi të mërkurën dhe numri i saktë i viktimave ishte ende i paqartë deri të premten në mbrëmje.

“Më shumë se 200 persona ishin viktima të kësaj rrëshqitjeje dheu, përfshirë minatorë, fëmijë dhe gra. Disa njerëz u shpëtuan pikërisht në kohë dhe kanë lëndime serioze”, tha Muyisa, duke shtuar se rreth 20 persona të plagosur po trajtohen në mjediset shëndetësore.

Një këshilltar i guvernatorit tha se numri i të vdekurve të konfirmuar ishte të paktën 227. Ai foli në kushte anonimiteti sepse nuk ishte i autorizuar të informonte median

TIRANË- Prokuroria Tiranës ka kërkuar konfiskimin e pasurive të familjarëve të Sajmir Alimehmetit, i cili rezulton i dënuar në SHBA për vepra penale në fushën e akteve terroriste.

Konkretisht, Alimehmeti rezulton i dënuar në Shtetet e Bashkuara të Amerikës me 22 vite burg, pasi ka siguruar ose ka tentuar të sigurojë mbështetje materiale për individë apo grupe të përfshirë në aktivitet terrorist dhe ka bërë deklarim të rreme për t’u pajisur me pasaportë.

Njoftimi i Prokurorisë: 

Prokuroria pranë Gjykatës së Shkallës së Parë të Juridiksionit të Përgjithshëm, Tiranë kërkoi konfiskimin e pasurive të familjarëve të shtetasit S.A., i dënuar në Shtetet e Bashkuara të Amerikës me 22 vite burg, për vepra penale në fushën e akteve terroriste, me akuzën se ka siguruar ose ka tentuar të sigurojë mbështetje materiale për individë apo grupe të përfshirë në aktivitet terrorist dhe ka bërë deklarim të rreme për t’u pajisur me pasaportë.

Aktualisht ky shtetas, i njohur ndryshe edhe si A.Q., në Shqipëri po hetohet për veprën penale ‘Pastrimi i produkteve të veprës penale ose veprimtarisë kriminale’ parashikuar nga neni 287 i Kodit Penal, ndërsa hetimet mbi procedimin pasuror nr.8 të vitit 2025, nisën nga informacionet e Drejtorisë për Hetimin e Krimit Ekonomik e Financiar.

Ky shtetas, është i biri i shtetasve Z.A. dhe V.A. Nga verifikimi i bërë në lidhje me të dhe familjarët e tij, rezultoi se ka transaksione financiare në banka shqiptare të nivelit të dytë, apo veprime të tjera ekonomike në vlera të larta ekonomike të cilat nuk mund të justifikohen me të ardhurat e krijuara ndër vite. Këta shtetas deklaruan se të ardhurat i kanë krijuar nga qiratë e kursimet, por nuk kanë dokumente të provojnë këto deklarata dhe vlerat monetare objekt kërkese për konfiskim nuk kanë prejardhje të ligjshme si dhe faktin që këto pasuri nuk justifikohet me të ardhura të ligjshme dhe dokumentacion.

Përfundimisht bazuar në hetimin e kryer vlerat monetare të mësipërme nuk justifikohen nga subjekti S.A. dhe pjestarët e tjerë të familjes së tij.

Për këtë arsye Prokuroria pranë Gjykatës së Shkallës së Parë të Juridiksionit të Përgjithshëm, Tiranë kërkon konfiskimin dhe kalimi në pronësi të shtetit të llogarive si më poshtë:

Llogaritë e shtetasit Z.A. me gjendje lekë 39.49, Usd 4.74, si dhe depozitat në vlerën USD 50,109.56 dhe Lekë 3,862,244.93;

Llogaritë e Shtetases V. A. me gjendje Eur 15,001.09; dhe

Llogaritë e shtetasve Z.A. dhe V.A. me gjendje Lek 11,734,250.00.

 Çmimet e arit, pasi u rritën vazhdimisht për rreth dhjetë javë, shënuan një rënie të fortë të premten. Rreth orës 18:30 GMT, çmimi i arit për ons ra në nivelin 4.775 dollarë, me rreth 11 për qind rënie në bazë ditore.

Megjithatë, ari është rritur me rreth 88 për qind gjatë 12 muajve të fundit dhe rreth 19 për qind që nga fillimi i vitit, i mbështetur nga tensionet e shtuara tregtare dhe gjeopolitike, si dhe nga uljet e normave të interesit nga bankat kryesore qendrore.

Edhe çmimet e argjendit pësuan një rënie të fortë, duke u ulur me mbi 33 për qind në 76,1 dollarë për ons. Rritja e tij gjatë 12 muajve ishte 255,6 për qind.

Vendimi i Rezervës Federale (Fed) të mërkurën për të mbajtur normat e interesit të pandryshuara ndihmoi dollarin të rikuperohej nga nivelet më të ulëta të shumë viteve, megjithëse ai mbeti pranë një rënieje të dytë radhazi javore.

Presidenti i SHBA-së, Donald Trump, njoftoi sot se ka zgjedhur ish-guvernatorin e Rezervës Federale, Kevin Warsh, si kandidat për postin e kryetarit të ardhshëm të Fed-it, duke thënë se ai do të jetë “një nga kryetarët më të mëdhenj të Fed-it, ndoshta më i miri”.

Megjithatë, procesi i konfirmimit mund të rezultojë i vështirë, pasi disa senatorë republikanë janë zotuar të bllokojnë çdo nominim për Fed-in derisa Departamenti amerikan i Drejtësisë të përfundojë hetimin mbi rinovimin e selisë së bankës qendrore në Washington.

Policia e Shtetit ka identifikuar shtatë persona, të cilët në bashkëpunim me njëri-tjetrin, kontrabandonin veshje nga Kina dhe nga Turqia, dhe më pas i magazinonin në Tiranë dhe i shisnin në treg duke shmangur detyrimet tatimore.

Tre prej tyre janë arrestuar, kurse të tjerët janë proceduar penalisht.

Gjatë aksionit janë sekuestruar 17 valixhe me veshmbathje të markave të shtrenjta dhe 2 automjete.

Tre personat u kapën në flagrancë gjatë operacionit, duke transportuar me 2 automjete, 17 valixhe me veshmbathje të markave të shtrenjta.

Të arrestuarit Sofokli Bushi, Bilbil Llangozi dhe Ali Bushati akuzohen për veprat penale “Shkelja e të drejtës së pronësisë industriale”, “Kontrabanda me mallra të tjera”, “Tregtimi dhe transportimi i mallrave që janë kontrabandë”, “Mospagimi i taksave dhe i tatimeve” dhe “Fshehja e të ardhurave”.

Autoritetet vijojnë hetimet për zbardhjen e plotë të aktivitetit të paligjshëm.

Bitcoin ka rënë në nivelin më të ulët të dy muajve të fundit, duke reflektuar një përkeqësim të ndjeshëm të sentimentit të investitorëve dhe një valë të re shitjesh në tregjet globale të kriptomonedhave.

Kriptomonedha më e madhe në botë u tregtua rreth nivelit të 81 mijë dollarëve, duke regjistruar një rënie ditore prej afërsisht 4 për qind.

Sipas të dhënave të tregut, kjo është vlera më e ulët e Bitcoinit që nga fundi i nëntorit.

Nga kulmi historik i arritur në tetor, çmimi ka humbur rreth një të tretën e vlerës së tij.

Rënia i atribuohet kryesisht tërheqjes së kapitalit nga fondet e tregtuara në bursë (ETF) që ndjekin Bitcoinin në Shtetet e Bashkuara. Këto fonde kanë shënuar tre muaj radhazi dalje neto investimesh, me një total prej rreth 4.8 miliardë dollarësh të tërhequr.
Në të njëjtën kohë, gjatë 24 orëve të fundit janë mbyllur pozicione spekulative me vlerë mbi 1.5 miliard dollarë, çka ka përshpejtuar rënien e çmimit.

Analistët theksojnë se investitorët po orientohen gjithnjë e më shumë drejt aktiveve të sigurta, si ari, duke vënë në pikëpyetje narrativën e Bitcoinit si “ari digjital”.
Disa ekspertë paralajmërojnë se presioni negativ mund të vazhdojë edhe në ditët në vijim, me mundësi që çmimi të bjerë nën pragun e 80 mijë dollarëve. Skenarët më pesimistë përmendin edhe nivelin e 70 mijë dollarëve, veçanërisht gjatë fundjavave, kur tregjet karakterizohen nga likuiditet më i ulët.

Rënia e fundit rikthen një klimë paqartësie në tregun e kriptomonedhave, i cili mbetet tepër i ndjeshëm ndaj lëvizjeve të kapitalit, politikave monetare dhe ndryshimeve në besimin e investitorëve.

Ministria e Punëve të Jashtme e Danimarkës ka bërë të ditur se vendi po planifikon të rihapë ambasadën e saj në Siri.

Ministria daneze tha se ambasada e saj në Siri do të rihapet më vonë në vitin 2026, pasi ka qenë e mbyllur për publikun që nga viti 2012 si pasojë e luftës civile.

Duke folur para Komitetit të Politikës së Jashtme, ministri danez i Punëve të Jashtme, Lars Lokke Rasmussen, gjithashtu njoftoi se do të emërohet një ambasador danez në Siri.

“Me rihapjen e ambasadës sonë në Siri, do të jemi më të aftë të nxisim një zhvillim pozitiv në Siri. Ne gjithashtu dëshirojmë të rrisim bashkëpunimin me qeverinë tranzitore siriane për kthimin dhe ri-atdhesimin. Këtë e diskutova me ministrin e jashtëm sirian kur vizitova Damaskun në muajin nëntor dhe prania e një ambasade daneze në vend do të na japë mundësi më të mira për ta ndjekur këtë çështje”, tha Rasmussen.

Po ashtu u theksua se rihapja e ambasadës do të përmirësojë mundësitë për të mbajtur një dialog të ngushtë me OKB-në dhe partnerët e tjerë në Siri lidhur me ndihmën humanitare daneze dhe mbështetjen për rimëkëmbje të hershme.

Anëtarët e Shërbimit Shtetëror Kufitar të Ukrainës dhe Forcave të Mbrojtjes kanë shkatërruar një sistem lëshimi raketash të shumëfishta Tipi 63 të prodhuar në Kinë, i cili përdorej nga forcat ruse, në frontin jugor.

Shërbimi Shtetëror Kufitar njoftoi se ekipet e dronëve gjetën dhe goditën një sistem të Tipit 63 që forcat ruse ishin përpjekur ta fshihnin.

Goditja u pasua nga një shpërthim. Sipas të dhënave, ky është një sistem i prodhuar në Kinë.

Ndryshe, së bashku me skepticizmin nëse Vladimir Putin ka rënë dakord të ndalojë së synuari infrastrukturën energjetike të Ukrainës për një javë, Volodymyr Zelensky ka reaguar ndaj raportimeve se është ftuar në Moskë nga presidenti rus.

Ai thotë se është gati për “çdo format” të samitit të liderëve, por jo për një që zhvillohet në Moskë, duke e quajtur një veprim të tillë “të pamundur”. Zelensky tha se nuk do të takohej me Putin as në Bjellorusi, një vend me lidhje të forta me Kremlinin.

Kryeministri i Shqipërisë, Edi Rama, ka ndarë pamje nga kantieri i këndit “Dua të luaj” në qytetin e Elbasanit, përmes një postimi në faqen e tij zyrtare në “Facebook”.

Sipas kryeministrit, ky projekt synon të krijojë një hapësirë moderne dhe gjithëpërfshirëse për komunitetin, duke ofruar ambiente çlodhjeje dhe argëtimi për të gjitha grupmoshat.

“Mirëmëngjes dhe me kantierin e këndit ‘Dua të luaj’, në Elbasan, një hapësirë moderne prej 22 mijë m², me fusha sportive, kënde lojërash dhe ambiente rekreative për fëmijë, familje dhe të moshuar, ju uroj një fundjavë të mbarë”, shkruan Rama.

Turizmi në Shqipëri po ndryshon profil: Rritet ndjeshëm interesi nga Franca, Gjermania dhe Shtetet e Bashkuara, shkruan faqja e njohur “Travel and Tour Word”.

Turizmi në Shqipëri po hyn në një fazë të re zhvillimi, me një ndryshim të dukshëm të strukturës së vizitorëve të huaj dhe një rritje të fortë të interesit nga Franca, Gjermania dhe Shtetet e Bashkuara të Amerikës.

Kjo prirje evidentohet në një analizë të publikuar nga portali ndërkombëtar Travel and Tour World, i cili thekson se ‘’vendi po fiton gjithnjë e më shumë vëmendje në tregjet turistike perëndimore’’.

Sipas raportimit, ndonëse Kosova dhe Italia vijojnë të jenë burimet kryesore të turistëve për Shqipërinë, ritmet më të shpejta të rritjes po regjistrohen nga tregje më të largëta dhe me fuqi më të madhe blerëse.

Turistët nga Gjermania dhe Franca po shfaqin interes në rritje për destinacione kulturore, natyrore dhe bregdetare, ndërsa vizitorët amerikanë po e shohin Shqipërinë si një destinacion të ri, ende të paeksploruar plotësisht në Mesdhe.

Tirana, Durrësi dhe bregdeti mbeten në qendër të vëmendjes.

Tirana vazhdon të jetë porta kryesore e hyrjes për turistët e huaj, falë lidhjeve ajrore në rritje dhe zhvillimit të shërbimeve urbane.

Ndërkohë, Durrësi mbetet një nga destinacionet më të frekuentuara për turizmin familjar dhe atë detar, për shkak të afërsisë me kryeqytetin dhe infrastrukturës hoteliere ekzistuese.

Një vëmendje e veçantë po i kushtohet edhe bregdetit shqiptar, veçanërisht Rivierës së Jugut, ku zonat si Vlora, Himara, Dhërmiu dhe Saranda po tërheqin gjithnjë e më shumë turistë të huaj gjatë sezonit veror. Artikulli vëren se rritja e fluksit po shoqërohet edhe me shtim të kërkesës për struktura akomoduese cilësore dhe shërbime turistike më të standardizuara.

Fluturimet dhe çmimet, një faktor ndikues

Një nga faktorët kryesorë që po nxit rritjen e turizmit është zgjerimi i rrjetit të fluturimeve ndërkombëtare, veçanërisht nga kompanitë ajrore low-cost, të cilat kanë shtuar ndjeshëm destinacionet drejt Tiranës. Kjo ka lehtësuar aksesin për turistët europianë dhe ka ulur kostot e udhëtimit.

Gjithashtu, çmimet relativisht më të ulëta krahasuar me destinacione të tjera të Mesdheut, së bashku me natyrën e paprekur dhe trashëgiminë kulturore, e bëjnë Shqipërinë një alternativë gjithnjë e më tërheqëse për pushime.

Sfida për zhvillimin e qëndrueshëm

Pavarësisht rritjes së fortë sektori përballet me sfida serioze. Ndër to përmenden presioni mbi infrastrukturën, menaxhimi i mbetjeve, mbipopullimi sezonal dhe rritja e çmimeve në disa zona turistike, çka mund të ndikojë negativisht në përvojën e vizitorëve.

Ekspertët vlerësojnë se për të ruajtur ritmet e rritjes dhe për të përmirësuar cilësinë e ofertës turistike, Shqipëria duhet të investojë më shumë në turizëm të qëndrueshëm, planifikim urban dhe mbrojtje të mjedisit.

Turizmi, një shtyllë gjithnjë e më e rëndësishme e ekonomisë

Sipas të dhënave zyrtare, numri i turistëve të huaj në Shqipëri ka arritur nivele rekord, duke e shndërruar turizmin në një nga sektorët kryesorë të ekonomisë kombëtare.

Rritja e interesit nga tregje të reja shihet si një mundësi për të rritur të ardhurat, për të zgjatur sezonin turistik dhe për të diversifikuar ofertën përtej turizmit masiv veror.

Në këtë kontekst, Shqipëria po pozicionohet gjithnjë e më shumë si një destinacion emergjent europian, me potencial të madh, por edhe me nevojën për politika afatgjata që të garantojnë zhvillim të balancuar dhe cilësor.

Dashi

Do iu konkretizohen shume nga ëndrrat tuaja sot dhe do ndiheni me se miri ne krahët e partnerit. Shfrytëzojeni çdo sekonde deri ne maksimum. Beqaret duhet t’i kushtojnë vëmendje çdo personi qe do iu vije rrotull sepse asnjëherë nuk i dihet çfarë mund te ndodhe. Ne planin financiar do përballeni me surpriza te këqija dhe kjo për shkak te një menaxhimi te keq qe keni bere.

Demi

Asnjë planet nuk do merret me jetën tuaj sentimentale kështu qe gjithçka do ju ece për mrekulli. Do kuptoheni mire dhe do e ruani te forte bashkepunimin ne çift. Beqaret do e bëjnë shume shpejt për vete personin qe pëlqejnë. Ne planin financiar gjerat nuk do ecin mire. Marsi do ju nxite te shpenzoni pa fund dhe gjendja do përkeqësohet.

Binjaket

Tregohuni me tolerante dhe me te përkushtuar ndaj partnerit tuaj gjate kësaj dite nëse nuk doni qe ai ta kërkoje ngrohtësinë diku tjetër. Beqaret nuk do e mbajnë mendjen tek dashuria sepse do jete te mbushur me pune dhe impenjime. Ne planin financiar do jeni te kujdesshëm dhe nuk do hidhni hapa te nxituara. Gjendja do jete mjaft e kënaqshme.

Gaforrja

Partneri do ua plotësojë te gjitha dëshirat gjate kësaj dite dhe do ju beje te ndiheni me se miri. Edhe ju do e dashuroni me pasion dhe do ndiheni me fat qe e keni ne krah. Beqaret do kenë një dite te ndërlikuar dhe nuk do e mbajnë mendjen tek dashuria. Financiarisht do jeni te bekuar. Do hiqni edhe para mënjanë, por edhe do kryeni shpenzimet e nevojshme.

Luani

Jeta sentimentale e çifteve do jete gjithë kohës e privilegjuar. Do merrni vesh për gjithçka me partnerin tuaj dhe gjerat do ecin për mrekulli. Ju beqaret nuk duhet te joshni cilindo qe do ju dale përpara sepse do i vuani se tepërmi pasojat. Ne planin financiar tregohuni te kujdesshëm me shpenzimet dhe mos jepni as para hua.

Virgjeresha

Me qetësi dhe durim do i zgjidhni te gjitha problemet qe keni pasur ne jetën tuaj ne çift gjate kësaj dite dhe do ndiheni te qete. Beqaret do e kërkojnë pa fund dhe ne çdo cep princin e tyre te kaltër. ka shume gjasa qe ta gjejnë ne momentin me pak te pritur. Ne planin financiar mos u tregoni te pakujdesshëm sepse gjendja mund te përkeqësohet tej mase.

Peshorja

Do jeni shume te shqetësuar gjate kësaj dite për shkak te atmosferës se tensionuar qe do mbizotërojë gjate gjithë kohës. Do keni goxha mosmarrëveshje. Beqaret duhet te reflektojnë me kujdes para se te fillojnë ndonjë lloj aventure. Ne planin financiar sido qe te jete gjendja nuk duhet te merrni vendime te pamenduara, te paktën edhe për disa kohe.

Akrepi

Shprehini si t’i ndieni ndjenjat tuaja gjate kësaj dite dhe do e shihni qe atmosfera do filloje te përmirësohet. Nuk do i rezistoni dot as tundimit për te bere ndonjë çmenduri. Beqaret do jene ne humorin duhur dhe do e kërkojnë ne çdo cep dashurinë. Fati do jete ne anën e tyre. Ne planin financiar do keni shume probleme dhe do ndiheni shume te shpërqendruar.

Shigjetari

Do jeni me shume fat gjate kësaj dite ne jetën tuaj sentimentale dhe gjerat do ju ecin me se miri. Edhe ata qe kane pasur mosmarrëveshje do ndihen shume me te qete. Beqaret nuk do mendojnë aspak për te krijuar një lidhje pasi do mendojnë për çështje me te rëndësishme. Financat jo për te gjithë do jene te mira dhe kjo do varet nga mënyra sesi do i organizoni ato.

Bricjapi

Dite aspak e favorshme për te dashuruarit. Do jeni gjithë kohës me humor te keq dhe do lindin mosmarrëveshje pa mbarim. Beqaret do kenë te tjera pikësynime për jetën dhe do e lënë pas dore jetën sentimentale. Nëse doni qe t’i stabilizoni te ardhurat, mos iu besoni ne asnjë mënyrë lojërave te fatit. Keni për te humbur me tepër nga sa mendonit.

Ujori

Duhet te luftoni fort gjate kësaj dite me te gjitha “armiqtë” e jetës suaj ne çift. Mos lejoni askënd dhe asgjë t’ua prishe harmoninë qe ka mbizotëruar deri me sot. Beqaret do kenë takime, por nuk do e ndryshojnë dot statusin e tyre. Ne planin financiar do ju duhet te merreni masa shume strikte ne mënyrë qe gjendja t’iu përmirësohet.

Peshqit

Gjithçka do varet nga sjellja juaj sot ne jetën tuaj ne çift. Nëse silleni mire dhe nuk bëni çmenduri gjerat do shkojnë si duhet. Beqaret do kalojnë një dite te trazuar dhe pa ndonjë takim mbresëlënës. Asgjë nuk ka për te ndryshuar për ta. Sektori i financave do jete i privilegjuar dhe do arrini te kryeni te gjitha investimet e domosdoshme.

Policia e Serbisë, në bashkëpunim me Prokurorinë Publike për Krimin e Organizuar, sekuestroi pesë tonë drogë, të llojit marijuanë. Operacioni u zhvillua në fshatin Konjuh, afër Krushevcit më 29 janar.

Sipas ministrit të Punëve të Brendshme të Serbisë, Ivica Daçiç, ky është sekuestrimi më i madh i drogës në Serbi deri më tani. Vlera e drogës së kapur vlerësohet të jetë nga 7 deri në 10 milionë euro.

Daçiç tha se në këtë aksion janë arrestuar N.S. (1986) dhe R.S. (1958), ndërsa për një person tjetër vazhdojnë kërkimet mbi dyshime se kanë kryer vepra penale për prodhimin dhe posedimin e paautorizuar të narkotikëve dhe për posedim dhe tregtim të paligjshëm të armëve dhe mjeteve plasëse.

Përveç drogës, janë gjetur edhe armë zjarri, të paktën katër pushkë automatike dhe një raketë që hidhet nga krahu, si dhe para në vlerë prej rreth 12.700 eurosh. Prokuroria Publike për Krimin e Organizuar në Serbi njoftoi se të arrestuarit dyshohen se janë pjesëtarë të një grupi të organizuar kriminal, raporton REL.

Në njoftimin e prokurorisë serbe u tha po ashtu se ky grup i organizuar kriminal e kishte magazinuar marijuanën në hapësirat e kompanisë Florakom d.o.o., prej nga ajo shpërndahej në Beograd, ku shitjen.

Autoritetet në Serbi thanë se po vazhdojë kontrollet, ndërsa të dyshuarit, pas ndalimit policor do të dërgohen në prokurori për t’u marrë në pyetje.

GREQI– 46-vjecari nga Labova e Gjirokastrës, Dhimitër Meci, është plagosur rëndë ditën e sotme në burgu e Malandrinos në Greqi. Ai është qëlluar me një thikë të improvizuar, nga i burgosuri grek E. Nousi, i akuzuar për organizatë kriminale, i cili punonte në mensën e burgut.

Ngjarja ka ndodhur pikërisht sot, kur Meci u transferua nga burgu i Koridhalos në Malandrino. Që prej arrestimit të tij në fillim të dhjetorit 2025, Meci mbahej në repartin psikiatrik të burgut të Koridhalos.

Dhimitër Meci alias Dhimo Meci, u arrestua nga policia greke së bashku me Andrea Brokerin nga Himara, Fatjon Prendin nga Lezha si dhe disa grekë, në një operacion ku u shpall në kërkim edhe Vasil Theohari nga Finiqi. Ata akuzohen për tëntativën e vrasjes së mafiozit grek Jani Lala në maj 2025. Lala në fakt u ekzekutua disa muaj më vonë nga një grup tjetër kriminal. Pas arrestimit të tij, gjatë kontrolleve në banesat e Mecit në Greqi dhe në banesën e tij në Shqipëri, u gjet arsenal armësh.

Dhimiter Meci, 46 vjec nga Labova e Poshtme e Gjirokastrës, rezulton i proceduar dhe dënuar disa herë në Greqi për vepra të ndryshme penale si vjedhje, grabitje, tentativë vrasje, vrasje e organizatë kriminale.

Ai u arrestua për herë të parë në vitin 2004 për vrasjen e një emigranti sirian jashtë një qendre prostitutash në qendër të Athinës. I burgosur në burgun rural të Kasandrës, atij i’u dha një leje 9 ditore gjatë së cilës u përfshi në grabitjen e një agjencie Pro-Po në Glifadha, duke vjedhur 65.000 euro. Sipas tij, kjo me sa duket ndodhi sepse ish-shefi i agjencisë, i cili u vra disa muaj më parë, i kishte borxh para. Ai u lirua me kusht disa muaj më vonë përpara se të arrestohej përsëri për shkelje të lirimit me kusht. Ai u arrestua për disa krime gjatë karrierës së tij, duke përfshirë vjedhje, grabitje, shkaktim lëndimesh trupore, përdorim dhe posedim armësh dhe për shkelje të rregullave të trafikut rrugor.

Pas lirimit të tij në vitin 2011, ai punoi si ndihmës në një bandë të përfshirë në krime në Glifadha, Haidari, Kaminia dhe Koridhalos. Dyqanet nën mbrojtjen e bandës duhej të paguanin kërcënime me vdekje kundër tyre dhe të afërmve të tyre, 100 deri në 150 euro çdo dy javë.

Meçi dyshohet gjithashtu se është vrasësi i Panagiotis Stivas në shtator 2006, Ali Saeed dhe Giorgos Shabbat në mars 2008 si dhe “Pitsilas”, i cili besohet të jetë një ish-bashkëpunëtor i Meçit, në maj 2014.

Viktima Panagiotis Stivas, sipas oficerëve të policisë greke, i përkiste grupit të kumbarëve Giorgos Avtias dhe Gerasimos Mavrakis (bashkëshorti i aktores Nena Chronopoulou), të cilët u vranë gjithashtu, i pari në qershor 2007 në Gallipoli të Pireut dhe i dyti në tetor 2007 në Tavros.

Viktima Ali Saeed, kishte njohuri për prodhimin e bombave dhe besohet se ka qenë pas shpërthimeve të mëparshme në shitësit e makinave në pronësi të “udhëheqësit” rival të Haidarit. Ai dyshohet se ishte përgjegjës për sulmin e dështuar me një bombë të lidhur në një automjet që transportonte Giorgos Anagnostopoulos, i cili u vra përfundimisht në qershor të vitit 2009 në Galatsi.

Vitkima Giorgos Shabbat, me origjinë izraelite, u vra jashtë një bari ku ai punonte në Kefalari, Kifissia. Në të njëjtin bar punonte edhe 43-vjeçari libanez Ali Said. Sabat u dyshua se ishte “ekzekutuesi” i Aris Lakiotis më 18 nëntor 2005 në Haidari, i Yiannis Gavakis më 18 shtator 2006 dhe i Aristotelis Yagia dhe Vasilis Nasipian më 27 janar 2007 në Nikaia, të gjithë anëtarë të grupit të zhvatjes së Haidarit.

Viktima I.T., i njohur si “Pitsila” , ishte ndër të dyshuarit për vrasjen e dyfishtë të anëtarëve të Agimit të Artë në Neo Heraklion. Ky rast ka shumë të ngjarë të jetë një “tërheqje” e një bashkëpunëtori që dinte shumë.

Pas vrasjeve, ai iku në Shqipëri për t’u fshehur për një kohë, ndërsa dyshohet se është paguar 200,000 euro për vrasje. Ai u arrestua në Sepolia në dhjetor 2014 në shoqërinë e Klodian Lekocajt alias Klod Cara, kreu i një bande kriminale të përfshirë në disa vrasje me pagesë. Mecit i’u gjetën dy pistoleta ndërkohë rezultonte i përfshirë edhe në një tentativë vrasje në Halkidiki në korrik 2014.

Në vitin 2018, teksa ndodhej i burgosur në Koridhalo, u identifikua se i autor i një vrasjeje të ndodhur në vitin 2012. Bëhet fjalë për vrajsen e 29-vjecarit shqiptar Artin Kato në 2012 në Peristeri të Athinës. Viktima jetonte në Holandë dhe u thirr në takimin kurth nga Meci, i cili komunikonte me të në Facebook me emër fals femre “Anastasia”. Dyshohet se mes tyre kishte konflikte personale. Por një vit më pas, vrasjen e mori përsipër Klodian Lekocaj dhe Meci u dënua me vetëm 10 vjet burg si bashkëpunëtor.

Meci është dyshuar nga policia greke edhe si personi që kishte marrë përsipër vrasjen e një drejtuesi të lartë të policisë greke dhe të mafiozit grek Manolis Karagianis, i njohur si “Karaflas”, ngjarje këto të pakryera nga Meci. Karaflas u vra më pas në vitin 2018 në një tjetër atentat. Nuk dihet se si Meci ka fituar sërish lirinë pas gjithë ketyre akuzave të rënda.

TIRANË- Bashkëkryetari i Komisionit Arbjan Manziku, i ftuar në “Real Story” tha se reforma territoriale e 2014 ka qenë efektive, sepse hoqi kostot e panevojshme dhe shtoi numrin e shërbimeve për qytetarët.

Ai theksoi se nga të gjitha treguesit, rezulton se është ulur burokracia dhe janë shtuar shërbimet në terren. Nga buxheti i të gjitha bashkive dhe komunave të vendit në 2014, çdo 100 lekë që kishin, 78 lekë shkonin për të paguar stafin, ndërsa sot shkojnë më pak se 44 lekë.

Së dyti, u shtuan në 2014 një seri shumë e madhe funksioneve, që më parë bashkitë nuk i kishin. Fjala që bie, deri atëherë bashkitë nuk kishin ruajtjen dhe mirëmbajtjen e shkollave.

Nuk e kishin mirëmbajtjen e depove të rezervuare bashkisë, kur u kaloi kjo kompetencë u rritën dhe stafet përkatëse, Në pjesë e rritjes së stafit vjen si pasojë e rritjes së kompetencave. Është ulur burokracia dhe janë shtuar shërbimet.

Një pjesë e madhe të bashkive nuk shkojnë tek niveli që duhet të shkojnë. Reforma ishte shumë e mirë, ishte hapi që duhej marrë në atë kohë”, tha ai.

I pyetur pse po ndryshohet reforma e 12 viteve më parë, Mazniku tha se kjo vjen si përgjigje e sfidave që kemi, pasi Shqipërisë synon të behët anëtare me të drejtë të plotë në BE, brenda 2030.

“Ka nevojë për thellim dhe analizë të re si rrjedhojë e sfidave të reja që kemi. Prandaj është Komisioni, që të gjejmë mënyrën se si të rrisim shërbimin afër njerëzve. Duhet të bëjmë diskutim publik se si duhet t’i zgjidhim.

Të ruajmë demokracinë vendore, por edhe krijojmë struktura në një territor mjaftueshëm të madh që t’i kryejnë këto shërbime”, tha ai./abcnews.al

TIRANË- Analisti Ergys Mërtiri tha në “Real Story” se reforma territoriale e pak viteve më parë ka dështuar, sepse nuk u bë në interes të qytetarëve, por të interesave politikës.

“Mua më duket se problemi i madh është që rëndësi që i është dhënë efektit politik, interesave që lidhen me reformën territoriale, e kanë nxjerrë në plan të dytë nevojën që kanë qytetarët.

Pyetja e parë është se pse po ndryshohet. Pse po ribëhet? Kjo do të thotë se ka dështuar e para”, tha ai.

Ai theksoi se territori i vendit është ndarë deri tani në bazë të parimeve elektorale dhe jo të interesave bazike të qytetarëve.

“E para ka dështuar, sepse nuk është parë në funksion të qytetarëve, por në funksion të interesave për të ndarë votat në terren, ku marrim një deputet më shumë apo një më pak.

Qëllimi është ta ndajmë territorin në atë mënyrë, që të marrim më shumë vota”, theksoi ai./abcnews.al

Read More...

I dërguari i presidentit amerikan Donald Trump, Steve Witkoff, tha se negociatat për përfundimin e luftës në Ukrainë kanë shënuar përparim të rëndësishëm dhe pritet të vazhdojnë javën e ardhshme.

“Besojmë se kemi bërë shumë përparim”, tha Witkoff gjatë një takimi të kabinetit.

Deklaratat e tij vijnë pasi Rusia dhe Ukraina zhvilluan konsultime të ndërmjetësuara nga SHBA-ja në Emiratet e Bashkuara Arabe. Një raund i ri pritet të mbahet të dielën, përsëri në kryeqytetin Abu Dhabi.

“Bisedimet do të vazhdojnë për rreth një javë, por shumë gjëra të mira po ndodhin mes palëve që diskutojnë marrëveshjen për tokën”, tha Witkoff.

Ai shtoi se negociatorët kanë përfunduar kryesisht dy komponentë kyç të një marrëveshjeje më të gjerë: një protokoll sigurie dhe një kuadër për prosperitet, i cili synon të mbështesë stabilitetin dhe rindërtimin pasluftës të Ukrainës.

“Kemi një marrëveshje për protokollin e sigurisë që kryesisht është përfunduar, një marrëveshje për prosperitet që kryesisht është përfunduar. Dhe mendoj se populli i Ukrainës tani ka shpresa dhe pret që së shpejti të kemi një marrëveshje paqeje”, shtoi ai.

TIRANË- Pas kërcënimit të socialistëve për ndryshimin e formulës konsensuale të Komisionit të Reformës Territoriale dhe heqjen eventuale të vetos për demokratët, Gazmend Bardhi thotë se janë keqkuptuar dhe se PD nuk ka bojkotuar komisionin.

Kreu i Grupit Parlamentar socialist i jep sërish afat deri të hënën. Fjala e fundit tani i mbetet Berishës, të cilit i duhet të zgjedhë mes tërheqjes pas kërcënimit të Ballës ose vazhdimit të bojkotit.

Analisti Skënder Minxhozi, u shpreh në “Tirana Live” se reformat e rëndësishme, Shqipëria gjithmonë i kemi kaluar në minutat e fundit dhe me praninë e ambasadorëve të huaj në tryezën e diskutimeve.

Veprimet e opozitës tha Minxhozi nuk janë serioze.

“Në këto reforma i kemi bërë me dy ambasadorët të huaj në të ulur, natën e fundit dhe orën e fundit. Veprimet e opozitës tregojnë mungesë serioziteti, dhe tregon që ndryshe flet Bardhi dhe ndryshe flet Berisha, dhe pastaj detyron palën tjetër të vazhdojë e vetme”, tha ai.

Ai theksoi se Sali Berisha është politikani, i cili përfaqëson më së miri “markën e konfliktit” në skenën politike të vendit. Sipas Minxhozit, Berisha i ka urryer gjithmonë këto tryeza, të cilat në thelb kanë rëndësi kryesore për vetë standardin e jetës së qytetarëve.

“Është një nga etapat e asaj platforme thellësisht të gabuar dhe që ka vulën e vetme të Sali Berishës, sepse ai vetëm kështu di të sillet. Ai ka që në 1991, që imponon një strategji tensioni.

Ai ka qenë arkitekt i konfliktit politik. Ai ka dashur t’i bëjë gjërat sipas formës së tij. I ka urryer këto tryeza dhe është marka e tij dalluese.

Është një politikan ndarës. Pjesëmarrja e PD do ishte shenjë konstruktivitetit. Po kërkohet një reformë e re, që kërkon për të plotësuar të metat që kanë dale me kalimin e viteve. Reforma ka rëndësi për standardin e jetesës së shqiptarëve”, tha ai/abcnews.al