Krijimi i një zone sigurie prej gjashtë miljesh (9.6 km) rreth Forest Lodge, ku Princi William dhe Kate Middleton u zhvendosën së fundmi me tre fëmijët e tyre, po shkakton reagime të forta midis banorëve të zonës së Windsor.

Sipas ankesave nga banorët dhe vizitorët e rregullt të parkut, një “zonë përjashtimi” e gjerë prej gjashtë miljesh është krijuar rreth Forest Lodge, rezidencës historike 328-vjeçare me tetë dhoma gjumi ku familja e Princit të Uellsit u zhvendos së fundmi.

Lexo edhe :

New York në gjendje të jashtëzakonshme për shkak të stuhisë së fortë të dëborës, kaosit në fluturime, rrugë dhe energji elektrike

12:06 28/12/25

Ndërron jetë legjendarja Brigitte Bardot në moshën 91 vjeçare

11:08 28/12/25

 

 

Perimetri i sigurisë përfshin gardhe, kamera CCTV dhe tabela “ndalohet hyrja pa leje”, duke krijuar siç pretendojnë banorët – një “çarje të thellë” në Parkun e Madh Windsor, një zonë që deri më tani përdorej lirisht nga shëtitësit, vrapuesit dhe pronarët e qenve.

 

 

Fakti që shumë prej tyre paguajnë një tarifë vjetore prej 60 paundësh për të drejtën e hyrjes dhe të vizitave në park, e cila tani është kufizuar ndjeshëm, është veçanërisht i indinjuar. Siç thonë ata, masat u vendosën pa konsultime kuptimplote, me disa që deklarojnë se u “kapen në befasi” dhe u detyruan të pranonin ndryshime që i konsiderojnë joproporcionale.

Edhe pse nevoja për të mbrojtur familjen mbretërore merret si e mirëqenë, kritikët flasin për një “kordon të tepërt sigurie” që ndryshon karakterin e hapësirës publike dhe vendos një precedent për kufizime të mëtejshme në të ardhmen./KM

Zbulohen foto të realizuara nga teleskopi hapësinor Euclid i Agjencisë Hapësinore Evropiane.

Galaktika NGC 646 shndrit si një zbukurim festiv në qiejt e kozmosit.

Në 2026 do të publikohen edhe fotot e shkrepura si rezultat i vitit të parë të vënies në funksion të teleskopit hapësinor, ku të pranishme janë detaje të pazbuluara më parë për qindra e mijëra galaktika.

Të dhënat, sipas ESA-s, mbulojnë rreth 1900 gradë katrorë të qiellit, që përbëjnë 14% të punës komplekse që do të realizojë ky teleskop në 6 vitet e misionit të tij. Informacionet do të përqendrohen mbi krijimin e galaktikave dhe si zhvillohen e zgjerohen.

Fotoja e përzgjedhur për festat e fundvitit është ajo e galaktikës NGC 646, në yjësinë e Hidrës, që gjendet rreth 392 mln vite drite larg nga Toka dhe që vijon të largohet nga ne me një shpejtësi prej 8145 km/sek./KM

Kosova mban sot zgjedhjet e parakohshme parlamentare, me zgjedhjet e shkuara që u mbajtën vetëm 9 muaj më parë.

Bedri Elezi, Drejtor i Institutit për Siguri, në një lidhje online ka komentuar nivelin e sigurisë në këto zgjedhje dhe mënyrës se si po zhvillohet procesi i votimit.

Ai ka denoncuar se ndaj qytetarëve serbë në komunat me shumicë serbe, po bëhet presion edhe nga Beogradi zyrtar, me anë të propagandë, presionit dhe shantazhit, në mënyrë që Lista Serbe të marrë më shumë vende në Parlament.

“Deri tani nuk raportohet të ketë probleme, përveç komunave me shumicë serbe, ku raportohet për presion kundrejt qytetarëve serbë, që përmes shantazhit dhe kërcënimeve kërkojnë votimin për këtë subjekt politik. Ka angazhim nga Beogradi zyrtar për preson ndaj qytetarëve serb, sidomos në “Telegram” ku shihet se mjete të ndryshme të propagandës janë të drejtuar kundrejt qytetarëve serbë. Ka angazhim të drejtë për drejtë nga Serbia që Lista Serbe të marrë vende në Kuvend.
Një numër i madh serbësh me shtetësi të dy-fishtë kanë ardhur në Kosovë për të votuar. Një numër i madh serbësh kanë vizituar familjarët në Kosovë duke u diktuar kë të votojnë. Ka edhe qytetarë të lidhur me Strukturat e Sigurisë serbe që i njoftojnë për pasojat nëse nuk do të votojnë për Listën Serbe”, tha ai./KM

Rei Manaj dhe Feta Fetai kanë fituar Superkupën e Emirateve të Bashkuara Arabe. Dy futbollistët e Kombëtares shqiptare kanë festuar në një ndeshje të çmendur në finale, ku skuadra e tyre Al Sharjah arriti të triumfonte 3-2 kundër Al Shabab.

Sulmuesi i kuqezinjve u aktivizua si titullar në këtë sfidë duke qenë protagonist absolut. Manaj fitoi penalltinë që solli golin e barazimit për skuadrën e tij, duke këmbëngulur brenda zonës.

Ai po ashtu dha një pasim fantastik për golin e përmbysjes.

Për Manajn ishte trofeu i parë në karrierë si profesionist, pasi më parë ka triumfuar me të rinjtë e Interit.

Fundjava nuk ka qenë kaq pozitive për dy lojtarët e tjerë kuqezinj, Taulant Seferi dhe Arlind Ajeti. I pari shpërdoroi një 11-metërsh, duke humbur shansin që ta kalonte në avantazh ekipin e Bodrumsporit në Turqi. Ndërkohë, VAR-i ia prishi festën mbrojtësit të Kombëtares, i cili arriti të shënonte, por goli i tij u anulua për një faull në sulm./KM

Ish-kandidati i PD për deputet, Ted Kopliku ishte sot në një lidhje online, ku ka diskutuar mbi aktualitetin politik në vend, gjendjen brenda opozitës dhe skandalet e një pas njëshme me të cilat po përballet qeveria.

Ai u shpreh se dy nga skandalet më të ëmdha janë “Balluku” dhe “AKSHI” që nxorën në pah “lojën” që bëhet me tenderat dhe mënyrën se si trajtohen taksat e shqiptarëve.

Sipas tij, hetimet në lidhje me zëvendës kryeministren Belinda Balluku, e cila me vetëm një tender fito 50 mln euro, të çojnë në “paradhomën” e kryeministrit Edi Rama.

“Balluku dhe AKSHI dy skandale që PDi ka denoncuar shumë më herët se të hetoheshin nga PSAK. Skandalet nuk janë produktet i investigimit mediatik, por dosje të çuar nga opozita pranë drejtësisë.
Nuk është vetëm detyrë e opozitës shqiptare reagimi. Kemi pasur 4 protesta të thirrura nga 4 forca politike opozitare, shoqëria duhet të reagonte pa thirrjen e politikës. Intelektualët, janë 10 mijë vetëm në fushën e arsimit, pse kjo kategori ka heshtur? Më intereson më shumë beteja e intelektualëve se sa e opozitës.
Nuk mund të ketë zgjedhje me një qeveri ku vendimet merren nga faktorë të krimit, tenderat rriten me 50 mln si në rastin e Ballukut, Agasi ndërronte tendering nga 2 dhe 3 mln. Shqipëria s’mund të ketë zgjedhje të lira pa një qeveri teknike.
Propaganda është një nga shtyllat kryesore që mban në këmbë këtë regjim. Devijimi i vëmendjes në ngjarje e elementë që nuk kanë ndikim në jetën e qytetarëve, kur megaskandalet janë Balluku dhe AKSHI.
Balluku ministre e zgjedhur, që me një tender fiton 50 mln. Është njeriu më i besuar i Ramës dhe hetimi ndaj saj të çon në paradhomën e kryeministrit. Edhe ratsi I AKSHI, nuk bëhet fjalë për 700 mln euro menaxhim të Argys Agasit, ai vendoste drejtorët dhe fituesit e tenderave. Ky është rrezik për vendin tonë dhe NATOn.
As në filma nuk i shohim ata që dalin çdo ditë nga përgjimet e Agasit, Ballukut dhe drejtorëve të saj”, tha ai./KM

Në skenat teatrale të shumë qyteteve europiane dhe rajonale po shfaqet një risi që po tërheq vëmendjen e publikut të ri: teatri imersiv 360°. Në vend të skenës tradicionale, ku aktorët interpretojnë nga një distancë e sigurt, shfaqjet po organizohen në hapësira të hapura, sallone të rrethuara, tunele arti dhe lokacione të pazakonta ku publiku lëviz, ndërvepron dhe bëhet pjesë e tregimit.

Ky model i ri artistik synon të thyejë barrierën mes interpretuesit dhe shikuesit. Aktorët veprojnë pranë publikut, shpesh duke i përfshirë në dialog, duke ndryshuar ulëritjet klasike dhe duke krijuar një përvojë që duket më shumë si një udhëtim narrativ sesa një shfaqje e zakonshme. Për brezat që janë mësuar me përjetime interaktive në internet dhe videolojëra, kjo formë teatrore ofron një emocion fizik dhe të papërsëritshëm.

Kritikët e artit e shohin këtë si një mënyrë shpëtimi për teatrin modern, i cili prej vitesh po përballet me konkurrencën e platformave digjitale dhe uljen e interesit tek të rinjtë. Duke i kthyer spektatorët në bashkautorë, teatri po fiton identitet të ri: jo thjesht një vend për të parë, por një vend për të jetuar historinë.

Në kohën kur ekrani na jep gjithçka në distancë, arti po përgjigjet duke na afruar fizikisht me vetë skenën — si një thirrje për t’u rikthyer në përjetim, jo vetëm në konsum./KM

Një 42-vjeçar është arrestuar në Vau i Dejës pas një incidenti në fshatin Hajmel, ku kishte bllokuar rrugën dhe penguar qarkullimin e automjeteve gjatë një aktiviteti festiv.

Shtetasi A. P. kundërshtoi punonjësit e Policisë së Forcave të Posaçme “Shqiponja” gjatë kontrollit fizik, pasi iu gjet një sasi lënde narkotike kanabis. Gjatë kontrollit në banesën e tij, policia sekuestruar gjithashtu municione luftarake.

Pas veprimeve procedurale, Oficeri i Policisë Gjyqësore i Prokurorisë urdhëroi arrestimin e tij për veprat penale: “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve, municionit dhe lëndëve shpërthyese”, si dhe “Prodhimi dhe shitja e narkotikëve”.

Njoftim: 

Kishte bllokuar rrugën duke penguar qarkullimin e automjeteve në fshatin Hajmel, si dhe kundërshtoi punonjësit e Policisë gjatë detyrës për kontroll fizik, pasi kishte me vete një sasi lënde narkotike, arrestohet një 42-vjeçar.

Gjatë kontrollit të ushtruar, iu gjet dhe iu sekuestrua një sasi lënde narkotike kanabis, ndërsa gjatë kontrollit në banesë iu gjet municion luftarak.

Pasi kishte penguar qarkullimin e automjeteve të tjera në fshatin Hajmel, gjatë një aktiviteti festiv, punonjësit e Policisë së Forcave të Posaçme “Shqiponja” kanë shkuar menjëherë në vendngjarje dhe janë përballur me kundërshtim verbal nga shtetasi A. P. Gjatë kontrollit fizik, këtij shtetasi iu gjet një sasi lënde narkotike, ndërsa gjatë kontrollit në banesë iu gjetën dhe u sekuestruan municione luftarake.

Në përfundim të veprimeve procedurale, Oficeri i Policisë Gjyqësore i Prokurorisë bëri arrestimin e shtetasit A. P., 42 vjeç, banues në Dejë, për veprat penale “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve, municionit dhe lëndëve shpërthyese”, si dhe “Prodhimi dhe shitja e narkotikëve”./KM

Pas minimalizmit material, vjen minimalizmi social – një lëvizje që synon reduktimin e njerëzve, eventeve dhe angazhimeve që nuk sjellin vlerë emocionale. Psikologët po e quajnë “detoks social”: largimin nga bisedat sipërfaqësore, marrëdhëniet e lodhshme dhe komunikimet që shterojnë energjinë.

Ky transformim po shfaqet kryesisht tek brezi i ri që është i lodhur nga mbi-ndërlidhja digjitale. Me më pak zhurmë sociale, thonë specialistët, rritet qartësia emocionale, performanca profesionale dhe vetëvlera. Bizneset e kanë kuptuar menjëherë dhe po krijojnë shërbime, evente dhe aplikacione që premtojnë një gjë: jetë me më pak, por më mirë./KM

Viti 2026 pritet të jetë viti i madh për eksplorimin hapësinor. Nëse planet e NASA-s ecin sipas parashikimeve, katër astronautë do të fluturojnë rreth Hënës në një mision 10-ditor, duke u bërë njerëzit e parë që i afrohen satelitit tonë natyror që nga epoka e Apollo-s.

Misioni i njohur si Artemis II pritet të nisë që në shkurt të vitit 2026. Ky fluturim do të shërbejë si prova vendimtare për:

Raketën SLS (Space Launch System), gjenerata e re e raketave të NASA-s.

Anijen kozmike Orion, e cila do të mbajë ekuipazhin për herë të parë në hapësirë.

Gara hapësinore dhe objektivat strategjikë

Rikthimi në Hënë është bërë një prioritet kyç, veçanërisht në kuadër të rivalitetit me Kinën, e cila synon të dërgojë astronautët e saj në sipërfaqen hënore deri në vitin 2030.

Administrata e re e SHBA-ve ka udhëzuar NASA-n që të përshpejtojë planet për një prani të përhershme amerikane në hapësirë.

Administratori i ri i NASA-s, Jared Isaacman, konfirmoi se qëllimi nuk është thjesht një vizitë e shkurtër, por ndërtimi i infrastrukturës për qëndrime afatgjata, që do të shërbejnë si urë lidhëse për misionet e ardhshme drejt Marsit.

Kush janë katër “të përzgjedhurit”?

Ekuipazhi përbëhet nga tre astronautë të NASA-s dhe një i Agjencisë Hapësinore Kanadeze:

Reid Wiseman, Victor Glover dhe Christina Koch, veteranë që kthehen për herë të dytë në hapësirë.

Jeremy Hansen, astronauti kanadez që bën debutimin e tij në fluturimet hapësinore.

Shkenca pas misionit: Pse na duhet Hëna?

Për shkencëtarët, Hëna është një “arkivë” e paprekur e historisë së sistemit tonë diellor. Ndryshe nga Toka, ku moti dhe tektonika e pllakave fshijnë gjurmët e lashta, terreni hënor ka mbetur i pandryshuar për rreth 4.5 miliardë vjet.

Shkencëtarët shpresojnë të zbulojnë origjinën e ujit në Hënë.

Misionet pasuese (Artemis III në 2027) synojnë Polin e Jugut, ku mendohet se ka rezerva të mëdha akulli, jetik për bazat e ardhshme.

Sfidat dhe rreziqet

Pavarësisht optimizmit, misioni Artemis II mbart rreziqe të larta. Kjo është hera e parë që sistemi i mbështetjes së jetës dhe teknologjitë e reja do të testohen me njerëz në bord.

Çdo dështim mund të bënte që i gjithë programi të kthehej në pikën zero./KM

Sipas të dhënave të Komisionit Qendror të Zgjedhjeve, pjesëmarrja në votime deri në orën 09:00 ka qenë 2.61%.

Qendrat e votimit do të qëndrojnë të hapura deri në orën 19:00.

Trendi i pjesëmarrjes zakonisht rritet në orët e pasdites./KM

Gazetarja Glidona Daci ka denoncuar në rrjetet sociale një incident të ndodhur në urgjencën e Qendrës Spitalore Universitare Nënë Tereza.

Gazetarja shton më tej se ai e ka fyer dhe ka përdorur ndaj saj një fjalor jo etik, ndërsa i bën thirrje ministrisë së Shëndetësisë dhe drejtorisë së QSUNT-së të marrin masa lidhur me rastin.

Postimi i plotë:

Armand Dyrmishi infermjer ne urgjencen e QSUNT eshte nje turp, per bluzat e bardha. Mu desh te beja njeqind pyetje e te pyesja gjysmen e dynjas per ti gjetur emrin, pasi ai dinte te bente te fortin por emrin se thoshte. Mire qe nuk respektohet radha aty, duhet te presesh si delet ne radhe njerez me dhimbje qe qajne e ulerasin e shtrihen pertoke. Nuk kerkojne as ndjes per ata qe futen pa radhe, nuk shpjegojne njerzive se cfare ndodh, se cfare urgjence eshte, se askush nuk shkon ne spital per qef.

Por ne fund kur shkon tek mjeku, vjen Armand Dyrmishi dhe i thote doktorit kjo eshte goca qe beri videon, e mjeku te thote sje per mua shko tek mjeku urgjences. Deri ketu ne rregull dakort na trajtoni si kafshe, na trajtoni sikur te mos kishim asnje vlere, se ai pacienti tjeter qe erdhi qenka njeriu jot, nga i njejti qytet me ty Armand dhe ai ka prioritet dhe ne qe skemi miq te vdesim aty, pune e madhe, ne sna ka bere nena.

Ne fund Armandit kur i thua une me ty nuk do merrem sot por do flasim bashke pas pune, per sjelljen tende, fillon te fyen e perdore fjalor jo etik, me uniformen e punes, ne mes te nje urgjence me njerez pafund qe lengojne sa neper karrike e sa ne kembe e sa pertoke. Ne fund pas 6 oresh, del nga urgjenca zgjidhje nuk merr, nuk di ku te drejtohesh, dhe si shperblim ke dhe ca te shara nga Armandi qe i duket vetja i “forte”.

Mire kjo por qershia mbi torte ishte nje zonje e cila te kapen per bluzje te shan dhe thote ai per te cilin ti bere nami eshte babi im, a thua se ne spital une kisha vajtur per qef, se skisha cfare te beja tjeter. Ministria e Shendetesis dhe drejtoria e QSUNT duhet ta shikojne mire rastin e Armandit, gangsterit te urgjences ne QSUNT. Nese nuk merrni ju masa, une cdo dite do jua rikujtoj Armandin dhe te ngjashmit e tij./KM

Këtë të dielë, një dollar amerikan do të blihet me 80.5 lekë dhe shitet me 82 lekë.

Euro blihet me 95 lekë dhe do të shitet me 96.2 lekë.

Franga zvicerane blihet me 102 lekë dhe shitet me 103 lekë.

Paundi britanik blihet me 108.4 lekë dhe shitet me 110 lekë.

Dollari kanadez këmbehet me 58.5 lekë në blerje dhe me 60 lekë në shitje.

Për kursin e monedhave të tjera shihni tabelën e mëposhtme./K.M

Një aksident tragjik ka ndodhur në Japoni mbrëmjen e së premtes, ku si pasojë e motit të keq me dëborë, 67 automjete janë përplasur me njëra-tjetrën.

Ngjarja e rëndë shënoi nisjen e pushimeve të fundvitit me një bilanc lufte: Dy persona të vdekur dhe 26 të tjerë të plagosur.

Sipas policisë rrugore të prefekturës Gunma, përplasja masive në autostradën Kan-etsu nisi pas goditjes mes dy kamionëve në qytetin Minakami, rreth 160 kilometra në veri-perëndim të Tokios.

Përplasja fillestare bllokoi rrugën, ndërsa makinat që vinin pas tyre e patën të pamundur të frenonin në kohë për shkak të pranisë së dëborës dhe akullit në asfalt.

Situata u përkeqësua kur një zjarr shpërtheu në fundin e kolonës së mjeteve të aksidentuara. Flakët u përhapën me shpejtësi duke përfshirë 20 automjete, disa prej të cilave u shkrumbuan plotësisht. Zjarrfikësve iu deshën plot shtatë orë për të shuar flakët në të gjithë zonën e aksidentit.

Aksidenti ndodhi pikërisht kur në zonë ishte në fuqi një paralajmërim për reshje të dendura dëbore. Kjo periudhë përkon me nisjen e udhëtimeve masive të japonezëve për festat e Vitit të Ri. Pjesë të autostradës mbeten ende të bllokuara për shkak të hetimeve dhe pastrimit të mbetjeve të mjeteve të djegura./K.M

Juventusi regjistroi fitoren e tretë radhazi në kampionat, duke mposhtur 2-0 Pisan në transfertë, në ndeshjen e javës së 17-të të Serie A, e fundit për vitin 2025.

Sfida ishte më e vështirë nga sa pasqyron rezultati, me vendasit që goditën traversën dhe shtyllën në pjesën e parë me Moreo dhe Tramoni.

Bardhezinjtë krijuan raste me Openda dhe Koopmeiners, por pa arritur të zhbllokojnë ndeshjen. Në fraksionin e dytë loja mbeti e ekuilibruar, me raste nga të dyja skuadrat.

Ndryshimet e Spallettit, veçanërisht aktivizimi i Zhegrovës, rritën peshën ofensive të Juventusit.

Goli i avantazhit erdhi në minutën e 73-të me Kalulu, pas një aksioni të zhvilluar në zonë.

Në kohën shtesë, Yildiz vulosi fitoren me golin e dytë në kundërsulm./K.M

Zyrtarët në rrethin më të ngushtë të Presidentit të SHBA-së, Donald Trump, nuk besojnë më se kryeministrit izraelit, Benjamin Netanyahu, mund t’i besohet për të çuar përpara planin e paqes në Gaza, raportoi të premten Axios, duke cituar burime të brendshme.
E ardhmja e planit të madh të Trump për zgjidhjen e luftës në Gaza, i zbuluar në shtator, varet nga takimi i tij i ardhshëm me udhëheqësin izraelit të hënën, sipas kësaj mediumi.

Javën e kaluar, i dërguari special i SHBA-së, Steve Witkoff, dhe dhëndri i presidentit, Jared Kushner, u takuan me zyrtarë nga Egjipti, Katari dhe Turqia për të finalizuar hapin tjetër të planit, i cili parashikon çarmatosjen e Hamasit dhe një tërheqje të Izraelit nga Gaza.
Megjithatë, Netanyahu ka shprehur privatisht skepticizëm në lidhje me planin, megjithatë plani nuk mund të ecë përpara pa mbështetjen e tij, tha Axios.
“Bibi po përpiqet të bindë një audiencë të vetme”, citoi media një zyrtar të Shtëpisë së Bardhë. “Pyetja është nëse Trump do të mbajë anën e tij apo të këshilltarëve të tij kryesorë kur bëhet fjalë për Gazën.”

Figura kyçe në ekipin e Trump tani kanë humbur besimin tek Netanyahu, nga frika se ai po “po ecën ngadalë procesin e paqes” dhe mund të rifillojë luftën me Hamasin pas hapave të tij për të minuar armëpushimin e brishtë, sipas Axios.

Kryeministri izraelit ka “humbur” zëvendëspresidentin JD Vance, Sekretarin e Shtetit Marco Rubio, Shefen e Shtabit Susie Wiles, si dhe Kushnerin dhe Witkoffin, shkroi media, duke cituar një zyrtar tjetër amerikan.

“I vetmi që i ka mbetur është presidenti, i cili ende e pëlqen, por edhe ai dëshiron të shohë marrëveshjen e Gazës të ecë më shpejt se sa është tani.”

Sipas Axios, Trump pritet të ushtrojë presion mbi Netanyahun që të heqë dorë nga lufta në Gaza, si dhe të ngrejë çështjen e ndërhyrjes së Izraelit në Bregun Perëndimor të pushtuar.

Jerusalemi Perëndimor miratoi zyrtarisht gati një duzinë vendbanimesh të reja izraelite kontroverse në territorin palestinez në fillim të kësaj jave, duke marrë dënimin ndërkombëtar .

Përveç humbjes së besimit në Shtëpinë e Bardhë, qeveria e Netanyas ka marrë një goditje të fortë në sondazhet e brendshme të miratimit. Vetëm një e katërta e hebrenjve izraelitë i besojnë qeverisë së tyre dhe vetëm 17% e arabëve të vendit, sipas një sondazhi të Institutit të Demokracisë së Izraelit të publikuar më parë këtë javë./K.M

Raporti “Lëvizshmëria Ndërkombëtare si Strategji Zhvillimi” nga Banka Botërore, 2024, mbështet ndërtimin e një sistemi gjithëpërfshirës të migracionit, të quajtur “GlobAL”, i cili i sheh emigrantët si një forcë pune shqiptare globale.

Kjo qasje synon forcimin e mbështetjes për emigrantët, shfrytëzimin e aftësive dhe burimeve të tyre, si dhe sigurimin e kontributit të tyre në ekonominë dhe shoqërinë vendase.

Vendimmarrje e informuar

Banka Botërore sugjeron ndërtimin e sistemeve të forta të të dhënave mbi emigrantët. Duhen zbatuar anketa familjare mbi migracionin që ndjekin të gjithë trajektoren migratore dhe jo vetëm momente të veçuara në kohë.

Banka rekomandon krijimin e një sistemi të integruar të të dhënave që lidhin të gjitha shërbimet dhe rezultatet për emigrantët ndërmjet institucioneve, duke mundësuar menaxhim të plotë të rasteve dhe duke shmangur mbledhjen e dyfishtë të të dhënave.

Banka rekomandon zbatimin e monitorimit dhe vlerësimit të bazuar në prova, për të përmirësuar vazhdimisht programet mbi bazën e rezultateve reale dhe për t’i përshtatur ato sipas nevojave.

Bashkëpunim i koordinuar

Banka sugjeron krijimin e një përgjigjeje të bashkërenduar mes të gjithë aktorëve të përfshirë në qeverisjen e migracionit dhe ofrimin e shërbimeve.

Sipas saj, duhen forcuar mekanizmat e koordinimit ndërinstitucional, me role, përgjegjësi dhe protokolle të qarta komunikimi ndërmjet ministrive dhe agjencive.

Duhet siguruar përputhshmëria ndërmjet qeverisjes qendrore dhe asaj vendore, për të shmangur mbivendosjet dhe boshllëqet në shërbime dhe për të garantuar ofrim të njëtrajtshëm në të gjithë vendin.

Vlen gjithashtu ndërtimi i partneriteteve shumëpalëshe që përfshijnë sektorin privat, organizatat joqeveritare, organizatat ndërkombëtare dhe diasporën në ekosistemin e shërbimeve.

Banka kërkon zgjerimin e bashkëpunimit ndërkufitar me vendet pritëse, për të ofruar shërbime përgjatë gjithë ciklit të migracionit.

Shërbime globale shumëdimensionale

Ofrimi i mbështetjes gjithëpërfshirëse për emigrantët, duke adresuar të gjitha aspektet e nevojave të tyre të shumëllojshme dhe në ndryshim të vazhdueshëm, të tilla si zgjerimi i shërbimeve për të mbuluar të gjithë ciklin e migracionit, nga përgatitja para nisjes deri tek riintegrimi pas kthimit, si dhe për ata që qëndrojnë jashtë vendit, këshilloi Banka Botërore.

Sipas saj, duhet të bëhet përshtatja e paketave të shërbimeve sipas karakteristikave të emigrantëve, si niveli i aftësive, përbërja familjare, rezultatet në tregun e punës dhe qëllimet për kthim.

Lehtësimi nga barrierat

Eliminimi i barrierave burokratike dhe thjeshtimi i ofrimit të shërbimeve për emigrantët duhet të përfshijë konsolidimin e të gjithë informacionit, shërbimeve dhe procedurave në një portal të vetëm dixhital, si e-Albania, i aksesueshëm para, gjatë dhe pas migrimit.

Nevojitet standardizimi i procedurave në të gjitha institucionet dhe bashkitë, me procese të njëjta aplikimi dhe kërkesa dokumentacioni dhe ndërtimi i një qasjeje “dixhitale së pari”, me autentifikim në distancë, aplikime online dhe udhëzim të mbështetur nga Inteligjenca Artificiale, duke ruajtur njëkohësisht alternativat fizike.

Duhet të thjeshtohen procedurat burokratike, reduktimi i dokumentacionit, kohës së pritjes dhe hapave të panevojshëm përmes koordinimit ndërinstitucional.

Ekspertizë dhe kapacitete më të forta

Banka Botërore kërkon garantimin e niveleve të mjaftueshme të stafit në të gjitha pikat e ofrimit të shërbimeve për emigrantët, nga zyrat vendore deri te rolet strategjike të vendimmarrjes.

Duhen rritur investimet në programe gjithëpërfshirëse trajnimi për të mbajtur stafin të përditësuar mbi shërbimet ekzistuese, praktikat më të mira dhe ndryshimet rregullatore.

Banka sugjeron se investimet në anketa që ndjekin emigrantët në kohë reduktojnë paragjykimet në vlerësimin e ndikimeve të migracionit dhe kontribuojnë në hartimin e politikave më të informuara.

Rezultatet tregojnë gjithashtu se zgjerimi i shërbimeve për emigrantët, përfshirë ato para nisjes, mund të përmirësojë ndjeshëm rezultatet e tyre, duke pasur parasysh lidhjen e fortë me mundësi më të mira punësimi jashtë vendit dhe pas kthimit në Shqipëri.

Po ashtu, përshtatja e paketave të shërbimeve sipas karakteristikave të emigrantëve rezulton thelbësore, për shkak të diversitetit të madh të nevojave dhe përvojave migratore./Marrë nga Monitor/ K.M

Në Kosovë zhvillohen sot zgjedhjet e parakohshme parlamentare. Procesi i votimit ka nisur në orën 07:00 dhe do të përfundojë në orën 19:00.

Sipas të dhënave të Komisionit Qendror të Zgjedhjeve lista e votuesve në këto zgjedhje përmban rreth 2.076.290 votues të regjistruar. Numri i qytetarëve me të drejtë vote në vendvotimet në Kosovë është 1.999.205 votues, ndërkaq, numri i qytetarëve që janë regjistruar për të votuar jashtë Kosovës është 77.085 votues.

KQZ-ja ka përgatitur 948 qendra votimi në vend dhe pikat e votimit në mbi 20 vende jashtë Kosovës, përfshirë ambasada dhe konsullata, për t’i lehtësuar votuesit jashtë vendit qasjen te procesi zgjedhor.
Për zgjedhjet e jashtëzakonshme janë certifikuar gjithsej 24 subjekte politike, përfshirë 18 parti politike, tri koalicione parazgjedhore, dy iniciativa qytetare dhe një kandidat i pavarur.

Kuvendi i Kosovës përbëhet nga 120 vende, prej të cilave 61 mandate sigurojnë shumicën e nevojshme për të formuar qeverinë.

Gara për postin e kryeministrit përfshin Albin Kurtin nga Lëvizja Vetëvendosje (LVV), Bedri Hamzën nga Partia Demokratike e Kosovës (PDK), Lumir Abdixhikun nga Lidhja Demokratike e Kosovës (LDK), si dhe Ramush Haradinajn.

Një ditë më parë, të drejtën e votës e ushtroi diaspora, ku sipas të dhënave, pjesëmarrja arriti në 81%.

Sot ka votuar edhe Kryetari i Komisionit Qendror të Zgjedhjeve, Kreshnik Radoniqi, i cili e hodhi votën e tij në Pejë. Pas votimit, Radoniqi u bëri thirrje qytetarëve që të marrin pjesë në procesin zgjedhor dhe ta ushtrojnë të drejtën e tyre demokratike.

KQZ ka marrë masa që sot të publikohen rezultatet preliminare të subjekteve politike nga zgjedhjet për Kuvendin e Kosovës.

Rezultatet nga vendvotimet e para, do të fillojnë të publikohen duke filluar para orës 20:00 dhe ato do të përditësohen vendvotim pas vendvotimi. Pra, brenda një kohe të shkurtër pasi numërohen fletëvotimet e një vendvotimi, do të publikohen të dhënat në platformën e rezultateve.

Viti 2025 në Kosovë nisi me votime më 9 shkurt për Kuvendin e Kosovës, vazhdoi në vjeshtë me votimin për zgjedhjet lokale të 12 tetorit dhe 9 nëntorit dhe mbyllet me votimin e ditës së sotme.

Policia e Kosovës ka hartuar dhe po zbaton një plan të detajuar operativ për mbarëvajtjen e sigurisë.

Gjithashtu, në këto zgjedhje janë të angazhuar rreth 100 prokurorë. Institucioni i Avokatit të Popullit do të jetë në terren për vëzhgim, me fokus të veçantë te grupet e margjinalizuara: personat e privuar nga liria, shtëpitë e të moshuarve dhe qendrat integruese./K.M

Sot moti në të gjithë territorin e Shqipërisë pritet të jetë tipik dimëror. Vendi do të ndikohet nga masa ajrore të ftohta, duke sjellë vranësira të shpeshta dhe reshje lokale shiu, ndërsa në zonat malore reshjet do të jenë kryesisht borë.

Temperaturat do të variojnë nga -2°C në zonat malore deri në 10–13°C në ultësirën perëndimore dhe zonat bregdetare. Era do të fryjë e lehtë deri mesatare nga veriu dhe verilindja, duke sjellë ndjesi më të theksuar të ftohti, veçanërisht në orët e mëngjesit dhe mbrëmjes./K.M

Dashi

Mos kërkoni ta bëni gjate gjithë kohës xheloz personin qe keni ne krah sepse situata mund te kthehet ne disfavorin tuaj. Mos kërkoni kot probleme. Beqaret duhet te tregohen te duruar ne mënyrë qe ta gjejnë dashurinë e madhe. Po u nxituan mund te kenë probleme serioze. Ne planin financiar hidheni çdo hap pasi ta keni menduar gjere e gjate ne mënyrë qe situata te mbetet e mire.

Demi

Beqaret do jene te favorizuar sot ne jetën sentimentale. Do realizojnë takime mbresëlënëse dhe do ndihen mjaft mire. Te dashuruarit nga ana tjetër do kenë një dite shume te zakonshme dhe pa ndonjë surprize te madhe. Mos kërkoni gjera te pamundura. Ne planin financiar do jeni te vendosur ta stabilizoni situatën dhe do ja dilni mbanë me sukses.

Binjaket

Do jeni gjate gjithë kohës te shpërqendruar ju sot dhe nuk do dini çfarë te bëni me pare ne jetën sentimentale. Mendohuni me kujdes ne mënyrë qe te mos bëni gabime. Beqaret duhet te tregohen me te hapur ndaj ftesave qe do ju bëhen nëse duan te ndryshojnë status. Financat do përmirësohen tej mase. Do arrini te shlyeni borxhet dhe te kryeni investime.

Gaforrja

Do jeni shume sensuale gjate kësaj dite ju qe jeni ne një lidhje dhe do dashuroheni pa dorashka me atë qe keni ne krah. Gjithçka do shkoje si e kishit ëndërruar. Edhe beqaret do jene me shume fat dhe do e gjejnë me ne fund personin ideal. Ne planin financiar tregohuni me te organizuar nëse nuk doni te keni probleme dhe vështirësi te mëdha.

Luani

Priten ndryshime goxha te mëdha gjate kësaj dite ne jetën tuaj ne çift kështu qe duhet te përgatiteni. Gjithçka do varet nga mënyrë sesi ju jeni sjelle gjithë këto kohe. Beqaret do mund te realizojnë një takim interesant i cili do ua ndryshoje jetën. Financat me ne fund do arrijnë te stabilizohen. Do e keni me te lehte te kryeni shpenzimet e menduara.

Virgjeresha

Nëse jeni ne një lidhje dhe keni ekonomi te përbashkët, sot do përballeni me probleme për shkak te parave. Ndajini mire gjerat njëherë e përgjithmonë. Beqaret do fillojnë te njihen seriozisht me persona te cilët ja vlen t’i kesh pranë. Financat do jene te mira për pjesën me te madhe kështu qe nuk do ketë asnjë problem për te kryer shpenzimet e nevojshme.

Peshorja

Dite shume e vështirë pritet te jete kjo e sotmja për ata qe janë ne një lidhje. Nuk do bini dakord për shume gjera me atë qe keni ne krah dhe ne një moment apo ne një tjetër, situata mund t’iu dale jashtë kontrollit. Beqaret me mire te mos kërkojnë asgjë me ngulm sepse mund te pendohen. Financat do kenë disa përmirësime te vogla.

Akrepi

Nuk do ju rrihet pa e ngacmuar partnerin tuaj ne çdo moment sot dhe here pas here mund te ketë edhe ndonjë debat te vogël. Beqaret do jene te lire te bëjnë atë qe dëshirojnë. Për disa priten edhe ndryshime te statusit. Te ardhurat do jene te mira, kështu qe mund te shpenzoni edhe pak me tepër nga me pare. Mire është qe hua te mos jepni.

Shigjetari

Dite shume pozitive kjo e sotmja për ata qe janë ne një lidhje. Do merreni vesh për gjithçka me partnerin dhe do merrni disa vendime me rëndësi për te ardhmen. Beqaret nuk duhet te kërkojnë dashuri te pamundura sepse do lëndojnë veten me shume. Qe financat te jene me te mira duhet patjetër te kufizoni shpenzimet. Kjo është mënyra e vetme.

Bricjapi

Duhet te tregoheni akoma me tolerante sot me atë qe keni ne krah dhe te pranoni te bashkëpunoni ne çdo moment. Vetëm ne këtë mënyrë lidhja do ece si duhet. Beqaret do ndihen mire me statusin qe kane dhe nuk do kërkojnë asgjë me shume. Ne planin financiar mos u tregoni impulsive qe te mos keni probleme. Shpenzoni aq sa ua mban xhepi.

Ujori

Dite goxha e trazuar kjo e sotmja për ata qe janë ne një lidhje. Do keni mosmarrëveshje te shumta ne lidhje me disa tema delikate. Kujdes edhe me xhelozinë. Beqaret do ndihen mete vetmuar se kurrë me pare sepse as miqtë nuk do kenë kohe për ta. Ne planin financiar duhet sa me shume kujdes edhe pse gjendja do jete përgjithësisht e mire.

Peshqit

Klima ne jetën tuaj ne çift do jete mjaft pasionante gjate kësaj dite. Do dashuroheni si kurrë me pare me personin qe keni ne krah. Edhe beqaret do kenë mundësi te shkëlqyera për ta gjetur princin e tyre te kaltër dhe do fillojnë një histori te bukur dashurie. Financiarisht do përballeni edhe me momente te vështira. Mos e lëshoni veten menjëherë./K.M

Bimët lëshojnë substanca kimike të quajtura fitohormone kur janë në stres, dëmtohen ose sulmohen nga insektet. Këto molekula dëgjohen nga bimët fqinje, të cilat fillojnë të prodhojnë mbrojtje, për shembull shije më të hidhur për të larguar barngrënësit.

Kjo nuk është komunikim si tek kafshët, por një sistem paralajmërimi biologjik. Kërkimet moderne po studiojnë nëse këto sinjale mund të përdoren për bujqësi pa pesticide.

Në disa eksperimente, bimët kanë reaguar edhe ndaj prekjes ose vibracioneve të ulëta, duke hapur diskutime për natyrën e ndjeshmërisë bimore./KM