Ekipi promovues që qëndron pas ndeshjes Anthony Joshua – Jake Paul ka paralajmëruar veprime ligjore kundër kujtdo që pretendon se lufta ishte e kurdisur.

Këtë e ka konfirmuar Nakisa Bidarian, partnerja në biznes e Jake Paul dhe bashkëthemeluese e kompanisë Most Valuable Promotions, duke bërë të ditur se janë angazhuar avokatë për t’i dhënë fund pretendimeve të pabaza që u përhapën në internet pas meçit.

Ndërsa akuzat për trukim ndeshjesh kanë shoqëruar pothuajse çdo përballje që Paul ka zhvilluar, me përjashtim të humbjes ndaj Tommy Fury, kjo është hera e parë që ekipi i tij ka njoftuar masa konkrete ligjore.

Paul edhe më herët i ka hedhur poshtë këto akuza, duke theksuar se manipulimi i ngjarjeve sportive profesionale në Shtetet e Bashkuara të Amerikës përbën krim federal.

Në një paraqitje si i ftuar në emisionin “The Ariel Helwani Show” të hënën, Bidarian ka dhënë detaje lidhur me këto pretendime. Kur u pyet nga prezantuesi nëse performanca e Paul, pavarësisht nokautit të rëndë, ishte e mjaftueshme për të heshtur teoricienët e konspiracionit, ai u shpreh qartë: “Jo, jo tamam. Avokatët tanë po ndjekin penalisht në mënyrë aktive një numër njerëzish.”

Ndërkohë, kujtojmë se në ndeshjen e zhvilluar të premten në Miami, dy herë ish-kampioni i botës në peshat e rënda, Anthony Joshua, e nokautoi brutalisht Jake Paulin në raundin e gjashtë, duke ia thyer nofullën në dy vende.

Sinjali – aty ku e vërteta flet para lajmit!

/GazetaSinjali/

The post Jake Paul padit ata që pretenduan se ndeshja me Joshua ishte e kurdisur appeared first on Sinjali.

Presidenti i Shteteve të Bashkuara të Amerikës, Donald Trump, ka udhëtuar të paktën tetë herë me aeroplan privat të Jeffrey Epstein midis viteve 1993-1996, thuhet në një dokument të fluturimeve të Epsteinit, raportoi BBC-ja.

Ky informacion është nga emaili i datës 7 janar 2020, i shkruar nga një ndihmësprokuror federal i Distriktit Jugor të New Yorkut.

Në email thuhet se Trumpi ishte pasagjer në më shumë fluturime nga sa ishte raportuar më parë. Në të paktën katër prej këtyre fluturimeve ndodhej edhe Ghislaine Maxwell.

“Në një fluturim në vitin 1993, ai dhe Epsteini janë të vetmit pasagjerë të regjistruar në listë; në një tjetër fluturim ishin Epstein, Trumpi dhe një 20-vjeçar në atë kohë”, thuhet në email.

Në vitin 2022, Ghislaine Maxwell u dënua me 20 vjet burgim për krime që përfshijnë komplot për të joshur të miturit të udhëtojnë në mënyrë që të përfshihen në akte të jashtëligjshme seksuale dhe trafikim seksual të një të mituri.

Trumpi ishte mik i Epsteinit për vite me radhë. Ai ka mohuar vazhdimisht çdo shkelje në lidhje me Epsteinin. Epstein ishte abuzues seksual i fëmijëve. Më 2005 ndaj tij nisën hetimet pas akuzave nga një prind se si mësimdhënës kishte abuzuar seksualisht me një vajzë 14-vjeçare. Fillimisht u dënua më 2008 e më pas u lirua pas 13 muajsh. Më 2019 u arrestua sërish. Gjatë gjykimit, u gjet i vdekur në qeli më 10 gusht 2019.

Sinjali – aty ku e vërteta flet para lajmit!

/GazetaSinjali/

The post Zbardhen dokumente të tjera, Trumpi udhëtoi të paktën 8 herë me aeroplanin e Epsteinit appeared first on Sinjali.

E ngarkuara me punë e Ambasadës së Shteteve të Bashkuara të Amerikës, Anu Prattipati, të martën është takuar me kryetarët e Mitrovicës së Veriut, Zveçanit, Zubin Potokut dhe Leposaviqit, si dhe me përfaqësues të shoqërisë civile të serbëve të Kosovës në veri të vendit.

Takimi është bërë i ditur nga Ambasada e SHBA-së në Kosovë.

“Ajo ka theksuar pritjet e Shteteve të Bashkuara për qeverisje transparente dhe efektive, ofrim të barabartë të shërbimeve, si dhe rëndësinë e angazhimit me institucionet e sigurisë publike që janë të përkushtuara për t’u shërbyer të gjitha komuniteteve”, thuhet në komunikatën e Ambasadës së SHBA-së.

Ndërkohë, kryetarët shqiptarë në katër komunat veriore, të banuara me shumicë serbe, të premten, më 5 dhjetor, kanë dorëzuar mandatet e tyre kryetarëve të rinj nga radhët e Listës Serbe.

Sinjali – aty ku e vërteta flet para lajmit!

/GazetaSinjali/

The post Prattipati takon kryetarët e rinj të katër komunave në veri: Presim qeverisje transparente appeared first on Sinjali.

Presidenti i Ukrainës, Volodymyr Zelensky, ka deklaruar se pas bisedimeve që i ka cilësuar si produktive mes zyrtarëve ukrainas dhe emisarëve të presidentit amerikan, Donald Trump, janë përgatitur disa dokumente draft, përfshirë ato për garancitë e sigurisë për Ukrainën, rindërtimin e vendit dhe një kornizë bazë për t’i dhënë fund luftës me Rusinë.

Sipas një postimi të Zelensky-t në rrjetin social X, pas informimit nga negociatorët ukrainas Rustem Umerov dhe Andrii Hnatov, bisedimet janë zhvilluar gjatë fundjavës në Majemi të Floridës, me pjesëmarrjen e delegacioneve nga Ukraina, Evropa dhe Shtetet e Bashkuara të Amerikës.

Po ashtu, janë mbajtur edhe bisedime të veçanta me përfaqësues rusë.

Zelensky ka theksuar se në këto takime janë vendosur pikat kryesore për të arritur një fund real të luftës dhe për të parandaluar një invazion të tretë rus, pas atij të vitit 2014 në Krime dhe Donbas.

Megjithatë, Kremlini ka shprehur rezerva lidhur me këto zhvillime. Zëdhënësi i tij, Dmitry Peskov, ka deklaruar se bisedimet nuk duhet të shihen si një përparim i madh, por si një proces pune që do të vazhdojë.

Ndërkohë, në të njëjtën kohë me këto zhvillime diplomatike, Rusia ka kryer një sulm masiv ajror mbi sistemin energjetik të Ukrainës.

Si pasojë e sulmeve, të paktën tre persona kanë humbur jetën, përfshirë edhe një fëmijë, ndërsa janë shkaktuar ndërprerje të gjera të energjisë elektrike në disa rajone të vendit, vetëm pak ditë para festave të Krishtlindjeve.

Sinjali – aty ku e vërteta flet para lajmit!

/GazetaSinjali/

The post Zelensky: Janë përgatitur dokumente për garancitë e sigurisë dhe fundin e luftës në Ukrainë appeared first on Sinjali.

Një ngjarje e rëndë është shënuar pasditen e djeshme në Prishtinë, ku është gjetur pa shenja jete artisti Shemsi Krasniqi, i lindur më 1955.

Sipas njoftimit të bërë për publikun, ceremonia e varrimit do të mbahet ditën e nesërme, më 24 dhjetor.

Varrimi do të bëhet në ora 14:00, pas namazit të Ikindisë, në varrezat e qytetit në Arbëri (Dragodan), në Prishtinë.

Sinjali – aty ku e vërteta flet para lajmit!

/GazetaSinjali/

The post E dhimbshme: Nesër në Prishtinë i jepet lamtumira e fundit artistit Shemsi Krasniqi appeared first on Sinjali.

Komisioni Qendror i Zgjedhjeve ka diskutuar në mbledhjen e radhës orarin e numërimit të votave gjatë natës së ndërrimit të moteve, duke vendosur që më 31 dhjetor procesi të zhvillohet deri në ora 12:00 dhe më pas të ndërpritet, ndërsa të rifillojë më 1 janar nga ora 16:00.

Çështja ka nxitur diskutime mes anëtarëve të KQZ-së lidhur me angazhimin e ekipeve gjatë festave të fundvitit dhe nevojën për vazhdimësi të procesit zgjedhor, në mënyrë që rezultatet të publikohen sa më shpejt dhe të ruhet integriteti i procesit.

Anëtari i KQZ-së nga AAK-ja, Muharrem Nitaj, tha se vendimi është marrë në Këshillin për Operacione Zgjedhore, por hapi dilemë lidhur me punën më 1 janar.

“Ne në mbledhjen e Këshillit të Operacioneve kemi vendosur që dita e punës në raport me procesin zgjedhor të vazhdojë edhe me datën 1 janar pas orës 16:00, ndërkaq me datën 31 dhjetor të vazhdojë deri në orën 12:00, nuk e di nëse është vendimi më i mirë i mundshëm, nëse ja vlen të angazhojmë ekipet e ndryshme me datën 1 janar në kohën kur 31 dhjetori është festë edhe eventualisht njerëzit mund të kenë telashe që të jenë plotësisht të angazhuar në ditën e nesërme. Po e hapi si dilemë nëse është mirë që me datën 1 janar të mos punohet, ndërkaq të vazhdojë numërimi me datën 2 janar prej orës 10:00”, ka thënë Nitaj.

Ndërkaq, anëtari i KQZ-së nga Lëvizja Vetëvendosje, Alban Krasniqi, tha se procesi zgjedhor nuk duhet të ndalet për shkak të festave.

“Duhet ta kuptojmë që jemi në proces zgjedhor dhe pjesë e përgjegjësive tona është që puna jonë të mos ndalet në mënyrë që ne një kohë sa më të shkurtër t’i bëjmë publike rezultatet e procesit zgjedhor edhe për kandidatët gjithashtu por pastaj edhe faza tjera të ankimimimit e deri te certifikimi i rezultatit të zgjedhjeve kërkon nga gjitha subjektet, nga gjithë akterët të përfshirë në proces zgjedhor që ta kryejnë punën e tyre me përkushtim. Ne nuk guxojmë që të ndalim aktivitetin tonë që të ju nënshtrohemi festave, sepse është një proces i cili nuk guxon me pas ndërprerje për shkak edhe të aspektit sensitiv por edhe integritetit të vet procesit”, shtoi ai.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala, tha se për këtë orar tashmë janë njoftuar të gjitha komisionet komunale zgjedhore.

“Çështja e orarit është diskutuar edhe në Këshillin për Operacione Zgjedhore dhe është në pajtim që orari me 31 dhjetor të jetë deri në orën 12 edhe me 1 janar 2026 të vazhdojë prej orës 16:00. Lidhur me këtë dakordim, këtë pajtim të Këshillit të Operacioneve Zgjedhore, Sekretariati i KQZ-së i ka njoftuar të gjitha komisionet komunale zgjedhore, i kemi njoftuar përmes email-it, i kemi njoftuar edhe përmes platformës ëhatssup me datat 31 dhjetor dhe 1 janar. Njoftimin vetëm e kanë pranuar”, ka njoftuar ai.

Sinjali – aty ku e vërteta flet para lajmit!

/GazetaSinjali/

The post Numërimi i votave ndalet natën e Vitit të Ri, rifillon më 1 janar nga ora 16:00 appeared first on Sinjali.

Para se të nisë zyrtarisht Botërori i Formula 1, polemikat kanë shpërthyer sërish, duke rikthyer në vëmendje një praktikë të vjetër: kërkimin e “zonave gri” në rregullore.

Sipas një burimi të “Motorsport Magazin”, dy skuadra të mëdha dyshohet se kanë abuzuar me rregulloren e re teknike, duke shfrytëzuar në mënyrë të dyshimtë cilindrat e motorëve të rinj. Bëhet fjalë për Mercedesin dhe Red Bullin, e cila që nga sezoni 2026 do të prodhojë për herë të parë motorin e saj.

Raportohet se këto ekipe kanë zbuluar një sistem të veçantë, i cili u mundëson atyre të modifikojnë raportin e kompresionit të motorëve. Konkretisht, raporti i kompresionit qëndron brenda kufijve të lejuar kur “power unit”-i është i fikur, por rritet gjatë funksionimit të makinës në pistë. Kjo praktikë do t’u jepte atyre një avantazh të rëndësishëm, duke përfituar nga ndryshimi i rregullores që lejon kalimin e raportit të kompresionit nga 18:1 në 16:1.

Kjo “hile” e dyshuar është denoncuar nga skuadrat rivale Ferrari, Audi dhe Honda pranë FIA-s, të cilat kanë kërkuar hetim dhe ndërhyrje nga federata ndërkombëtare.

Sipas të njëjtit burim, informacioni mund të ketë rrjedhur nga një ish-punonjës i Mercedesit ose Red Bullit, i cili, pasi u transferua në një skuadër tjetër, ka identifikuar detaje të sistemit të dyshuar. Aktualisht, çështja është në duar të FIA-s, e cila ka nisur hetimet për të verifikuar nëse bëhet fjalë për shkelje të rregulloreve apo për një shfrytëzim të lejuar të “zonave gri”.

Vendimi i federatës pritet me shumë interes, pasi mund të ketë ndikim të drejtpërdrejtë në balancat e Botërorit të Formula 1 për vitin 2026.

Sinjali – aty ku e vërteta flet para lajmit!

/GazetaSinjali/

The post Shkelje teknike para Botërorit në Formula 1 – FIA fillon me hetimet appeared first on Sinjali.

Një operacion policor është duke u zhvilluar aktualisht në qytetin e Pejës, i udhëhequr nga Prokuroria Speciale e Republikës së Kosovës.

Ky operacion po realizohet në bazë të një urdhri për kontroll, dhe është i fokusuar në dyshimet për kryerjen e veprave penale, si: krim i organizuar, rrëmbim dhe armëmbajtje pa leje

Autoritetet kanë njoftuar se do të lëshojnë një komunikatë shtesë pas përfundimit të operacionit policor, transmeton Sinjali.

Ende nuk ka informacione të tjera të disponueshme në lidhje me operacionin dhe individët e përfshirë.

Sinjali – aty ku e vërteta flet para lajmit!

/GazetaSinjali/

The post “Krim i organizuar, rrëmbim, armëmbajtje pa leje” – Operacion policor nën udhëheqjen e Prokurorisë Speciale në Pejë appeared first on Sinjali.

Në Departamentin Special të Gjykatës Themelore në Prishtinë është mbajtur shqyrtimit fillestar ndaj tre të akuzuarve për krime lufte, Ljubomir Çimburoviç, Predrag Bradiq dhe Milivoje Iviq. Ky gjykim po zhvillohet në mungesë, pasi të akuzuarit janë të paarritshëm për institucionet e drejtësisë në Kosovë.

Prokurori, Atdhe Dema tha se Prokuroria ka ndërmarrë të gjitha veprimet e nevojshme dhe, sipas tij, janë plotësuar kushtet për gjykim në mungesë.

Aktakuza ndaj tre të akuzuarve Ljubomir Çimburoviç, Predrag Bradiq dhe Milivoje Iviq, i pari që akuzohet në cilësinë e ish-drejtorit të Burgut të Qarkut në Prishtinë, e dy të tjerët si ish- ardianë të Burgut të Prishtinës dhe Lipjanit, u ngrit më 13 maj të vitit të shkuar nga Prokuroria Speciale e Republikës së Kosovës.

Të pranishëm në seancë ishin të dëmtuarit Agron Ramadani, Ali Xhyliqi,Ramadan Nishori dhe Ylber Topalli.

Si gjykim në mungesë, gjyqtari Leon Përlaska tha se nuk do të ketë deklarim rreth fajësisë, ndërsa, sqaroi ai, në afat prej 30 ditësh, mbrojtja ka të drejtë për kundërshtim të provave dhe kërkesë për hudhje të aktakuzës, shkruan RTK.

Në Aktakuzën e Speciales thuhet se, Ljubomir Çimburoviç si drejtor i burgut të Qarkut në Prishtinë, gjatë periudhës së luftës në Kosovë 1998-1999, në Burgun e Prishtinës dhe në paralelen në Lipjan, në bashkëkryerje edhe me zyrtarë tjerë të këtyre burgjeve Predrag Bradiq dhe Milivoje Iviq, gardianë të Burgut të Prishtinës dhe paraleles në Lipjan dhe tashmë të akuzuarin Dragisha Milenkoviq, gardian i Burgut të Prishtinës dhe paraleles në Lipjan, duke vepruar në kundërshtim dhe duke shkelur rregullat e të drejtës ndërkombëtare gjatë luftës, ka qenë gjatë gjithë kohës në dijeni dhe se nuk kishte ndërmarrë asnjë veprim për t’i ndaluar veprimet e gardianëve dhe nuk i kishte raportuar këto veprime në hierarki.

Gjithashtu, thuhet se gardianët në mënyrë sistematike i kishin maltretuar të burgosurit shqiptarë, duke i torturuar në mënyrë çnjerëzore me mjete të ndryshme si shkop gome, shufra metalike, kabllo elektrike, gypa të ujit, shqelma e grushte, deri në alivanosje, duke i u shkaktuar lëndime trupore, ashtu siç e shpjegojnë vetë viktimat, se pas këtyre rrahjeve kishin pasur dhimbje të mëdha në gjithë trupin, dhunë psikike, i kanë lënë pa ngrënë për gati një javë, i kanë kanosur seriozisht për jetë e si pasojë e kësaj dhe rrahjeve të vazhdueshme kanë pësuar gjendje ankthi dhe frikë, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë.

Sinjali – aty ku e vërteta flet para lajmit!

/GazetaSinjali/

The post Ish-drejtori i burgut e dy ish-gardianë gjykohen në mungesë për krime lufte appeared first on Sinjali.

Kreu i ri i SPAK, Klodian Braho, ka marrë fjalën e tij këtë të hënë në ceremoninë e marrjes së detyrë. Braho ka falenderuar kolegët dhe ndërkombëtarët dhe ka thënë se SPAK do të vijojë misionin e tij përtej një mandati individual.

“Së pari shpreh falënderimin për KLP për zgjedhjen në krye të SPAK dhe për besimin që më dhanë.

Së dyti dua të falënderoj dy udhëheqësit e mëparshëm të SPAK, zotin Arben Kraja për hedhjen e gurëve të themelit të Prokurorisë e më pas zotin Dumani për guximin dhe integritetin e tij duke forcuar profilin e SPAK-ut dhe duke rritur besimin e publikut.

Falë mbështetjes së pakursyer të ndërkombëtarëve Prokuroria e Posaçme e Anti Korrupsionit vazhdon të forcohet”, shkruan Euronews.al.

“Në ushtrimin e kësaj detyre në fokus do të mbetet forcimi i strukturës së brendshme të SPAK.

Bashkëpunimi reciprok me prokurorëve dhe hetuesve do vazhdoje dhe do forcohet. Misioni i SPAK shkon përtej mandateve tona.”-tha Braho.

Sinjali – aty ku e vërteta flet para lajmit!

/GazetaSinjali/

The post Braho jep mesazhin e parë si Kreu i SPAK: Misioni ynë përtej mandateve tona appeared first on Sinjali.

Kudo në internet, përdoruesit hasin në imazhe dhe video të gjeneruara nga inteligjenca artificiale (AI), të cilat shpesh është gjithnjë e më e vështirë t’i dallojnë nga ato të vërteta. Për t’i ndihmuar përdoruesit në këtë sfidë, Google ka krijuar një mjet të ri.

Funksioni i ri është integruar brenda aplikacionit Gemini dhe synon të detektojë nëse një video është krijuar apo modifikuar me ndihmën e AI-së.

Tani, përdoruesit mund të ngarkojnë një video direkt në aplikacion dhe të pyesin: “A është kjo gjeneruar nga AI?”

Gemini analizon pjesët audio dhe vizuale të videos duke kërkuar shenja të quajtura SynthID, një markë e padukshme e vendosur në materialet e gjeneruara nga AI.

Pas përfundimit të analizës, përdoruesi merr një përgjigje që tregon se cilat pjesë të videos përmbajnë elemente të gjeneruara nga AI. Për shembull: “SynthID u zbulua në regjistrimin audio nga sekonda 10 deri në 20. Nuk u gjet SynthID në pjesën vizuale.”

Kjo mundësi e verifikimit të videove ishte paralajmëruar më herët gjatë prezantimit të modelit Nano Banana Pro, dhe tani Google po e ofron atë sipas premtimit.

Verifikimi i imazheve dhe videove është i disponueshëm në të gjitha gjuhët dhe vendet ku aplikacioni Gemini mbështetet. Fajllat e ngarkuar mund të jenë deri në 100 MB dhe deri në 90 sekonda kohëzgjatje.

Sinjali – aty ku e vërteta flet para lajmit!

/GazetaSinjali/

The post Google sjellë funksionin që tregon nëse një video është e rreme appeared first on Sinjali.

Presidenti i Ukrainës, Volodymyr Zelensky, ka bërë të ditur se Ministria e Punëve të Jashtme ka nisur punën për krijimin e infrastrukturës së nevojshme jashtë vendit, me qëllim garantimin e zhvillimit të zgjedhjeve dhe pjesëmarrjes së qytetarëve ukrainas që ndodhen jashtë territorit të vendit.

Në deklaratat e tij, Zelensky theksoi se siguria mbetet kushti kryesor, pa të cilin zhvillimi i zgjedhjeve është i pamundur.

“Një nga zgjidhjet e mundshme për realizimin e procesit zgjedhor mund të jetë një armëpushim apo përfundimi i luftës, të paktën gjatë periudhës së zgjedhjeve,” tha presidenti ukrainas.

Zelensky nënvizoi rëndësinë që të gjithë qytetarët të kenë mundësi të votojnë, përfshirë edhe ushtarët që ndodhen në vijën e parë të frontit. Ai gjithashtu theksoi se nuk është në dorën e presidentit rus, Vladimir Putin, të vendosë se kur dhe në çfarë forme do të mbahen zgjedhjet në Ukrainë.

Gjithashtu, presidenti ukrainas bëri të ditur se Ukraina është e gatshme të falë një kredi prej 90 miliardë eurosh, nëse Rusia paguan dëmshpërblimet për dëmet e shkaktuara nga lufta.

Zelensky foli edhe për situatën e sigurisë në rajonin e Odesës, duke bërë të ditur se po zhvillohen hetime për problematikat e shumta të mbrojtjes ajrore në këtë zonë. Ai theksoi se përgjegjësit për këtë çështje po mbahen nën vëzhgim dhe se dialogu mbi këtë problem do të zhvillohet drejtpërdrejt mes tij dhe komandantit të forcave të armatosura, Oleksandr Syrskyi.

Sinjali – aty ku e vërteta flet para lajmit!

/GazetaSinjali/

The post Zelensky: Po krijohet infrastruktura jashtë vendit për zhvillimin e zgjedhjeve në Ukrainë appeared first on Sinjali.

Qeveria britanike ka ulur ndjeshëm fondet kundër ndikimit rus dhe dezinformimit në Ballkanin Perëndimor. Ajo ka shkurtuar rreth 40% të buxhetit të dedikuar për këtë rajon, i cili nga vetë kryeministri Keir Starmer është cilësuar si jetik për sigurinë kombëtare të Mbretërisë së Bashkuar.

Financimi britanik për Ballkanin Perëndimor është reduktuar nga 40 milionë paund vitin e kaluar në 24 milionë paund për periudhën 2025–2026. Fondet ishin parashikuar për të përballuar kërcënimet që lidhen me agresionin rus, sulmet kibernetike dhe fushatat e dezinformimit në rajon.

Shkurtimi prek Fondin e Integruar të Sigurisë (ISF), i cili synon adresimin e kërcënimeve më të larta ndaj sigurisë kombëtare të Britanisë, brenda dhe jashtë vendit.

“Rajoni i Ballkanit Perëndimor përfshin Shqipërinë, Bosnjë-Hercegovinën, Kosovën, Malin e Zi, Maqedoninë e Veriut dhe Serbinë. Vitit e kaluar, fondet e ISF-së u përdorën për të kundërshtuar sulmet kibernetike keqdashëse, për të mbështetur institucionet demokratike dhe për të forcuar median e pavarur në rajon”, shkruan The Guardian.

Sipas të dhënave zyrtare, Ndihma Zhvillimore (ODA) për Ballkanin Perëndimor është ulur nga 31.9 milionë paund në 17 milionë paund, ndërsa edhe fondet jo-zhvillimore kanë pësuar shkurtim. Këto masa janë pjesë e planit të qeverisë britanike për të reduktuar ndihmën zhvillimore nga 0.5% në 0.3% të të ardhurave kombëtare deri në vitin 2027.

Kryetarja e Komisionit të Punëve të Jashtme në Parlamentin britanik, Emily Thornberry, paralajmëroi se Ballkani Perëndimor ndodhet në vijën e parë të përballjes me dezinformimin rus. Ajo theksoi se nevojitet më shumë mbështetje për median e pavarur, jo më pak, pasi qytetarët kanë vështirësi të aksesojnë informacion të besueshëm.

Edhe përfaqësues të organizatave joqeveritare kanë shprehur shqetësim, duke paralajmëruar se shkurtimet rrezikojnë të dobësojnë parandalimin e konflikteve dhe ndërtimin e paqes në një rajon të brishtë.

Nga ana tjetër, qeveria britanike u shpreh se këto shifra përfaqësojnë vetëm një pjesë të investimeve totale të Mbretërisë së Bashkuar në Ballkanin Perëndimor, duke theksuar se fondet e ISF-së ndryshojnë sipas prioriteteve të sigurisë kombëtare.

Sinjali – aty ku e vërteta flet para lajmit!

/GazetaSinjali/

The post Qeveria britanike shkurton ndihmën për Ballkanin Perëndimor appeared first on Sinjali.

Kandidatja për deputete nga Lidhja Demokratike e Kosovës, Rrezarta Krasniqi, e cila garon me numrin 36 në listë, ka falënderuar qytetarët për mbështetjen e tyre gjatë fushatës zgjedhore.

36-shja e LDK-së, thotë se “kërkesa e madhe për ndryshim na jep forcë që me 28 dhjetor ta kthejmë shpresën për Kosovën.”

“Qytetarët tanë po e konfirmojnë gjithandej Kosovës besimin në LDK dhe në programin tonë qeverisës. Kërkesa e madhe për ndryshim na jep forcë që me 28 dhjetor ta kthejmë shpresën për Kosovën! Faleminderit Dega II në Prishtinë! ” ” shkroi ajo në ‘Facebook’.

Sinjali – aty ku e vërteta flet para lajmit!

/GazetaSinjali/

The post 36-shja e LDK-së, Rrezarta Krasniqi: Qytetarët po e konfirmojnë gjithandej Kosovës besimin në programin tonë qeverisës appeared first on Sinjali.

Po vazhdojnë kolonat dhe pritjet e mërgimtarëve me orë, nëpër pikat kufitare për të hyrë në Kosovë, raporton Gazeta Sinjali.

Në pikën kufitare në Muçibabë , pritjet arrijnë deri në një orë, ndërsa te Dheu i Bardhë deri në 40 minuta.

Në Merdarë, Vërmicë dhe Jarinjë, qytetarët presin mesatarisht nga 10 deri në 20 minuta.

Ndërkohë, në pikat e tjera kufitare, pritjet janë më të shkurtra, duke lëvizur nga 1 deri në 5 minuta.

Sinjali – aty ku e vërteta flet para lajmit!

/GazetaSinjali/

The post Fluksi i mërgimtarëve, gjendja në kufi: 1 orë pritje në Muçibabë e 40 minuta te Dheu i Bardhë appeared first on Sinjali.

Dokumentet përmbajnë një pikturë të Bill Clinton-it, i paraqitur i veshur me një fustan blu. Në pikturë, ish-presidenti shihet me këmbët e hedhura mbi mbështetësen e një karrigeje, duke veshur këpucë me taka të larta të kuqe.

Piktura duket se ishte e varur në mur në një pronë të lidhur me Epstein-in.

Imazhi është publikuar edhe më parë. Duke folur për Artnet News në vitin 2019, piktorja me origjinë australiane Petrina Ryan Kleid shpjegoi se ajo e kishte realizuar veprën, me titull “Parsing Bill”, kur ishte studente në New York Academy of Art.

“Ishte thjesht një punim i çmendur shkollor, që synonte të tregonte në mënyrë vizuale mesazhet me të cilat bombardoheni lidhur me këta presidentë,” i tha ajo medias. Ajo shtoi gjithashtu se ishte një “surprizë e plotë” të mësonte se vepra kishte përfunduar në shtëpinë e Epstein-it, duke i thënë Artnet-it se piktura ishte shitur në një aktivitet bamirësie të organizuar nga shkolla.

Ryan Kleid i tha medias se fustani blu është një referencë ndaj fustanit të veshur nga Monica Lewinsky. Ky fustan ishte një provë kyçe në aferën e Clinton-it me praktikanten e tij në Shtëpinë e Bardhë.

Sinjali – aty ku e vërteta flet para lajmit!

/GazetaSinjali/

The post Piktura e Epstein shfaq ish-presidentin Clinton ë veshur me fustanin e Lewinsky-t appeared first on Sinjali.

Kanë përfunduar dy ndeshjet e para të javës së 18-të në elitën e futbollit kosovar, ku Prishtina dhe Ferizaj shënuan fitore të rëndësishme, duke dhënë spektakël për tifozët e tyre.

Prishtina triumfoi në ‘Fadil Vokrri’ ndaj Drenicës me rezultatin 2-1, duke shënuar rikthimin e saj të madh pas gjashtë ndeshjesh pa fitore. Pjesa e parë ishte thuajse e barabartë, me raste për të dyja skuadrat, por mysafirët kaluan të parët në avantazh në minutën e 32-të, kur Ronaldo Chacon realizoi nga penalltia për 0-1.

Në pjesën e dytë, Prishtina u hodh fuqishëm në sulm. Ramiz Bytyqi barazoi në minutën e 59-të, ndërsa Mario Ilievski vulosi fitoren me golin e vendimtar në minutën e 78-të, duke siguruar tri pikët për skuadrën e Afrim Tovërlanit. Me këtë fitore, Prishtina ngjitet në vendin e dytë me 30 pikë, vetëm dy më pak se lideri Ballkani, ndërsa Drenica mbetet në vendin e tetë me 20 pikë.

Edhe Ferizaj festoi para tifozëve të vet, duke mundur Llapin me rezultatin 2-1 në një ndeshje plot emocion. Pjesa e parë mbyllet me avantazhin 1-0 të vendasve, pas golit të Betim Haxhimusës në minutën e 22-të. Llapi barazoi rezultatin në minutën e 63-të me golin e Muhamet Hysenit, por Haxhimusa shënoi sërish në minutat shtesë, duke siguruar fitoren për Ferizajn.

Me këtë fitore, Ferizaj përfundon pjesën vjeshtore të sezonit në vendin e nëntë me 19 pikë, ndërsa Llapi renditet i shtati me 21 pikë, duke lënë pas një javë të mbushur me emocione dhe golash.

Sinjali – aty ku e vërteta flet para lajmit!

/GazetaSinjali/

The post Prishtina rikthehet me fitore ndaj Drenicës, Ferizaj triumfon ndaj Llapit appeared first on Sinjali.

Një aksident trafiku ka ndodhur para pak çastesh në fshatin Rexhevë të Klinës.

Në bazë të pamjeve shihet se ka dëme materiale, por s;dihet për të lënduar.

Gazeta Sinjali ka kontaktuar Policinë e Kosovës për të marrë më shumë informacione lidhur me rastin dhe është në pritje të përgjigjes zyrtare.

Sinjali – aty ku e vërteta flet para lajmit!

/GazetaSinjali/

The post Aksident në Rixhevë të Klinës, përfshihen dy vetura appeared first on Sinjali.

Sot nis zyrtarisht Big Brother VIP Albania në edicionin e tij të pestë, duke shënuar fillimin e një aventure të re televizive që pritet të dominojë bisedat dhe ekranet gjatë javëve në vijim.

Moderatori i spektaklit, Ledion Liço, e përshkroi rikthimin e formatit si më shumë sesa një program televiziv.

“Big Brother është një ngjarje më shumë se sa një program televiziv. Është një ngjarje që na bashkon të gjithëve,” u shpreh ai, duke zbuluar se publiku duhet të presë “të gjitha ngjyrat” e zakonshme të formatit, por edhe surpriza dhe momente që do të ndodhin për herë të parë.

Sipas Liços, këtë sezon shtëpia është më e bukura që Big Brother ka pasur ndonjëherë, edhe përtej edicioneve VIP, ndërsa nisja e sezonit shënon “fillimin e një aventure tjetër të paharrueshme”.

Pas javësh hamendësimesh dhe spekulimesh, është konfirmuar zyrtarisht konkurrenti i parë i Big Brother VIP Albania 5. Bëhet fjalë për Angelo Haruni, moderator i emisionit Top Talk Economy, i cili njoftoi publikisht hyrjen e tij në shtëpinë më të famshme në vend.

“Sot po e mbyll këtë kapitull me shumë mirënjohje, sepse nesër hapet një tjetër,” u shpreh Haruni, duke bërë të ditur se nga sot hyn në izolim total, pa telefon dhe pa asnjë kontakt me botën e jashtme, ashtu si edhe konkurrentët e tjerë. Ai theksoi se në Big Brother nuk shkon një rol apo një plan i ndërtuar, por njeriu i vërtetë, me emocione, gabime, forcë dhe dobësi.

Sinjali – aty ku e vërteta flet para lajmit!

/GazetaSinjali/

The post Sot nis Big Brother VIP Albania 5, Ledion Liço zbulon surprizat e sezonit appeared first on Sinjali.

Shërbimet amerikane të inteligjencës paralajmërojnë se diktatori rus, Vladimir Putin është i fokusuar në pushtimin e gjithë Ukrainës dhe “rikthimin” e vendeve që dikur i përkisnin Bashkimit Sovjetik.

Ndër ta janë shtetet baltike, të cilat tani janë anëtare të NATO-s, shkruan reuters.

Pavarësisht përpjekjeve të negociatorëve për të ndalur luftën, Putin nuk ka asnjë qëllim ta përfundojë atë – në vend të kësaj, ai ëndërron të fitojë territore të reja.

Raportet e inteligjencës kundërshtojnë pohimet e presidentit amerikan, Donald Trump dhe përfaqësuesve të tij, të cilët thonë se Putin dëshiron të përfundojë konfliktin.

Inteligjenca gjithashtu hedh poshtë deklaratat e Putinit se ai nuk paraqet kërcënim për Evropën.

Ndryshe, shefi i inteligjencës ukrainasve, Kyrylo Budanov ka deklaruar se Rusia do ta sulmojë vendet baltike deri në vitin 2027.

Sinjali – aty ku e vërteta flet para lajmit!

/GazetaSinjali/

The post Shërbimet amerikane të inteligjencës: Putin synon pushtimin e plotë të Ukrainës dhe disa pjesë të Evropës appeared first on Sinjali.