Deputetja e Partisë Socialiste, Olta Xhaçka është paraqitur këtë të martë në SPAK.

Policia e Tiranë ka reaguar me një njoftim zyrtar lidhur me protestën e zhvilluar mbrëmë para Kryeministrisë. Gjatë tubimit të zhvilluar dje janë identifikuar 11 shtetas, ndërsa 4 prej tyre janë arrestuar dhe 7 të tjerë janë proceduar. Në protestë u hodhën molotovë, gjithashtu protestuesit kundërshtuan punonjësit e policisë.

Gjithashtu, u referuan materialet në Prokurori ku nisi procedimi penal për shtetasin Ervin Minarolli, me detyrë sekretar organizativ i subjektit politik Partia Demokratike, pasi në cilësinë e përfaqësuesit organizativ të këtij subjekti, nuk ka zbatuar detyrimet për identifikimin e personave përgjegjës për mbarëvajtjen e tubimit, në bazë të ligjit Nr. 8773, “Për tubimet”, neni 10.

3 punonjësit e Policisë që mbetën të dëmtuar gjatë tubimit morën mjekim në spital dhe janë jashtë rrezikut për jetën.

Grupi hetimor vijon punën për identifikimin e shtetasve të tjerë që mund te kanë kryer veprime të kundërligjshme gjatë tubimit të zhvilluar dje.

Materialet procedurale iu referuan Prokurorisë së Tiranës, për veprime të mëtejshme.

Read More...

Read More...

Katër persona janë arrestuar nga komisariati nr.1 dhe 7 të tjerë janë vënë nën hetim në gjendje të lirë në lidhje me protestën e opozitës përpara Kryeministrisë, për hedhje molotovi dhe sendesh të forta.

Ndërkohë protestuesi i cili u përfshi nga flakët në tentativë për të shkelmuar një molotov drejt policisë, ka pësuar djegie të lehta në fytyrë dhe gjymtyrë por pa probleme serioze, pasi ka marrë mbrëmë ndihmë nga djegie-plastika është larguar për në banesë.

Edhe efektivët e policisë që mbetën të lënduar pasi kanë marrë ndihmë mjekësore nuk kanë shfaqur problematika të tjera.

Gjithashtu, u referuan materialet në Prokurori ku nisi procedimi penal për shtetasin Ervin Minarolli me detyrë sekretar organizativ i subjektit politik Partia Demokratike, pasi në cilësinë e përfaqësuesit organizativ të këtij subjekti, nuk ka zbatuar detyrimet për identifikimin e personave përgjegjës për mbarëvajtjen e tubimit, në bazë të ligjit Nr. 8773, “Për tubimet”, neni 10.

Grupi hetimor vijon punën për identifikimin e shtetasve të tjerë që mund te kënë kryer veprime të kundërligjshme gjatë tubimit të zhvilluar dje.

Materialet procedurale iu referuan Prokurorisë së Tiranës, për veprime të mëtejshme.

Bulevardi “Zahir Pajaziti” në qendër të kryeqytetit të Kosovës, Prishtinës, këto ditë është i ndriçuar me drita festive të Vitit të Ri. Shtëpiza të vogla prej druri, të zbukuruara me ornamente shumëngjyrëshe, ftojnë qytetarët të pinë verë të ngrohtë ose të hanë hot-dog.

Zona këmbësore e Prishtinës është shumë e frekuentuar edhe gjatë dimrit. Kosovarët takohen këtu për shëtitje të qeta, sidomos në këto ditë kur dritat festive ndriçojnë mbrëmjet e gjata.

Ndriçim – këtë e dëshirojnë shumë qytetarë të Republikës së Kosovës edhe për politikanët e tyre. Sepse më 28 dhjetor votuesit janë thirrur për herë të dytë brenda vetëm dhjetë muajsh për të zgjedhur një parlament të ri. Për dhjetë muaj me radhë, sipas mendimit të shumë kosovarëve, ka pasur vetëm teatër politik dhe tani shumica janë të lodhur.

Studenti 28-vjeçar Liridon Spahiu, i cili po takohet me miqtë pranë shtëpizave festive në bulevardin “Zahir Pajaziti”, thotë se ai në fakt interesohet për politikën. “Duhet të interesohemi, duam apo s’duam,” thotë ai. Për të është e qartë se kështu si deri tani nuk mund të vazhdohet më. “Muajt e fundit, gjithnjë e më shumë po pyesim veten: Çfarë po ndodh me këtë vend dhe me këtë politikë?”

Rezultati i zgjedhjeve parlamentare të 9 shkurtit 2025 i solli partisë deri atëherë qeverisëse me shumicë absolute, Lëvizjes Vetëvendosje (VV), vetëm 42 për qind të votave. Në anën tjetër, blloku i qendrës së djathtë, i përbërë nga Partia Demokratike e Kosovës (PDK), Lidhja Demokratike e Kosovës (LDK) dhe Aleanca për Ardhmërinë e Kosovës (AAK), mori gjithsej 46 për qind. Votat e mbetura iu shpërndanë komuniteteve pakicë në vend. As VV dhe as blloku i qendrës së djathtë nuk arritën shumicën prej 61 votash në Kuvendin e Kosovës me 120 deputetë.

Si fraksioni më i madh, Vetëvendosje me kryeministrin në detyrë Albin Kurti kishte të drejtën të propozonte kandidatin për kryetar të Kuvendit. Por u deshën më shumë se gjashtë muaj, mbi 50 votime dhe një vendim i Gjykatës Kushtetuese që në fund të gushtit të zgjidhej Dimal Basha, politikan që mori edhe disa vota nga blloku i qendrës së djathtë.

Kryetari i Kuvendit në Kosovë është figurë kyçe për vënien në lëvizje të procesit politik pas zgjedhjeve, sepse vetëm ai mund të caktojë rendin e ditës dhe të nisë punën parlamentare. Nga fundi i gushtit filluan përpjekjet për formimin e një qeverie me shumicë, por negociatat e Albin Kurtit me opozitën mbetën pa sukses. As raundet e shumta të bisedimeve në zyrën e presidentes së Kosovës, Vjosa Osmani, nuk sollën rezultat. Më 20 nëntor 2025, presidentes nuk i mbeti tjetër rrugë veçse ta shpërndante Kuvendin dhe të shpallte zgjedhje të reja për 28 dhjetor.

Sipas politologes kosovare Donika Emini, duket qartë se “interesat e shtetit dhe të qytetarëve janë dytësore për elitën politike”, siç i tha ajo DW-së.

“Është e rëndësishme që partitë të tregojnë pjekuri politike duke qenë të gatshme të formojnë koalicione qeverisëse,” thotë Emini. Ajo sheh megjithatë një fije shprese për ndryshim – Kurti dhe Vetëvendosja janë treguar më të hapur ndaj partive të tjera javët e fundit, gjë që mund të tregojë një fund të bllokadës pas zgjedhjeve.

Viti që po mbyllet ishte i humbur për Kosovën për shkak të bllokadës politike – në një kohë kur vendi ka nevojë urgjente për reforma sociale, ekonomike dhe në sundimin e ligjit. Shteti më i ri i Evropës mbetet një nga më të varfrit në kontinent. Papunësia zyrtare është mbi 25 për qind, ndërsa tek të rinjtë edhe më e lartë. Rreth një e pesta e popullsisë jeton nën kufirin e varfërisë, nuk ekziston një sistem i përgjithshëm i sigurimit shëndetësor, ndërsa arsimi vuan nga mungesa e stafit të kualifikuar dhe pajisjeve. Të gjitha këto kanë çuar vitet e fundit në një emigrim masiv të të rinjve – dhe ky trend vazhdon.

Dërgesat financiare nga diaspora, nga të cilat Kosova varet shumë, kanë përbërë gjatë dekadës së fundit nga 12 deri në 18 për qind të BPV-së; në vitin 2024 ishin rreth 13 për qind. Për shkak të bllokadës politike, fondet e BE-së në vlerë rreth 820 milionë euro nuk kanë mundur të shfrytëzohen. Kosova nuk arriti të miratojë as buxhetin për vitin 2026, as reformat në drejtësi dhe ligje të rëndësishme ekonomike.

Situatën e rëndon edhe konflikti i pazgjidhur me Serbinë. BE-ja prej vitesh i bën presion Kosovës për një “kompromis”, i cili për Kosovën shpesh ka përfshirë kushte të papranueshme, si krijimi i një statusi kolektiv për pakicën serbe. Sipas shumë politikanëve kosovarë, kjo do t’i hapte rrugë bllokimit të shtetit nga Beogradi, pasi institucionet e pakicës serbe kontrollohen nga qeveria serbe.

Përballë kësaj, kryeministri Kurti dhe Vetëvendosje kanë ndjekur prej vitesh një “politikë sovraniteti”, që synonte shuarjen e strukturave paralele të Beogradit në veri të Kosovës. Kjo politikë, ndonëse legjitime, shpesh u zbatua në mënyrë konfrontuese dhe jo të mençur. Në fund, Kurti dhe qeveria e tij u shfaqën si pala fajtore në konfliktin me Serbinë. Në mënyrë absurde, Kosova u sanksionua – edhe sepse BE-ja nuk donte të rrezikonte një konflikt me Serbinë.

Vetëm pak ditë më parë, BE-ja njoftoi lirimin e fondeve të ngrira për Kosovën. Arsyeja: pas zgjedhjeve lokale të tetorit 2025, në komunat në veri të vendit janë rikthyer kryetarë nga partia e drejtuar nga Beogradi, “Lista Serbe”, e cila kishte bojkotuar zgjedhjet lokale të vitit 2023.

Mes shëtitësve në zonën këmbësore të Prishtinës, këto tema luajnë rol më të vogël. Pensionisti 65-vjeçar Nuhi Asllani ankohet: “Jemi të gjithë të pakënaqur – si të mos jemi?!” Ai nuk beson se zgjedhjet parlamentare të 28 dhjetorit do të sjellin përmirësim. “Bllokada do të vazhdojë me siguri,” mendon ai.

Tregtari 50-vjeçar Nazmi Gashi u jep politikanëve një këshillë për pas zgjedhjeve: “Nuk janë rezultatet gjëja më e rëndësishme – e rëndësishme është që të krijohet vetëdija për t’u marrë vesh.”

Edhe Liridon Spahiu shpreson që partitë e kanë kuptuar lodhjen politike të votuesve: “Njerëzit nuk duan më të shohin ego politikanësh, por punë, angazhim për vendin dhe një jetë më të mirë për secilën dhe secilin prej nesh./DW/

Donald Trump ka shkaktuar sërish tension me deklaratat e tij, duke ritheksuar edhe njëherë se SHBA-të “duhet ta kenë” Groenlandën. Ai pretendon se territori i duhet SHBA për sigurinë kombëtare.

Kjo deklaratë e Trump vjen menjëherë pasi presidenti amerikan emëroi guvernatorin e Luizianës, Jeff Landry, si të dërguar special në Groenlandë, duke thënë se ai do të “udhëhiqte sulmin” në avokimin e pjesës gjysmë-autonome të Danimarkës për t’u bërë pjesë e Shteteve të Bashkuara.

“Ne kemi nevojë për Groenlandën për sigurinë kombëtare, jo për mineralet… Nëse i hidhni një sy Groenlandës, shikoni lart e poshtë bregdetit, do të shihni anije ruse dhe kineze kudo. Na duhet për sigurinë kombëtare. Duhet ta kemi… Groenlanda është një çështje e madhe.”

Nga ana e saj kryeministrja daneze Mette Frederiksen dhe kryeministri i Groenlandës, Jens-Frederik Nielsen, thanë në një deklaratë të përbashkët se Groenlanda u përket banorëve të Groenlandës, duke theksuar se SHBA-të nuk do ta marrin atë.

“Nuk mund të aneksosh një vend tjetër. As me një argument për sigurinë ndërkombëtare”, thanë ata.

Vendi ka thirrur tashmë ambasadorin e SHBA-së në shenjë proteste, me ministrin e jashtëm që tha se ky veprim tregon se SHBA-të janë ende të interesuara në territorin e gjerë danez.

Rusia ka shtuar sulmet e saj në rajonin jugor të Ukrainës, Odesa, duke shkaktuar ndërprerje të gjera të energjisë elektrike dhe duke kërcënuar infrastrukturën detare të rajonit.

Zëvendëskryeministri ukrainas Oleksiy Kuleba tha se Moska po kryente sulme “sistematike” në rajon.

Javën e kaluar ai paralajmëroi se fokusi i luftës “mund është zhvendosur drejt Odesës”.

Presidenti Volodymyr Zelensky tha se sulmet e përsëritura ishin një përpjekje nga Moska për të bllokuar aksesin e Ukrainës në logjistikën detare.

Më herët në dhjetor, presidenti rus Vladimir Putin kërcënoi të ndërpresë aksesin e Ukrainës në det si hakmarrje për sulmet me dronë ndaj anijeve cisternë të “flotës në hije” të Rusisë në Detin e Zi.

Read More...

SHKUP- Mbrëmjen e djeshme, ministrja për Europën dhe Punët e Jashtme, Elisa Spiropali, sëbashku me Zëvendëskryeministrin Arben Fetai, morën pjesë në një ceremoni nderimi pranë monumentit të heroit kombëtar Gjergj Kastriot Skënderbeu në Shkupin e vjetër.

Në ceremoni u bashkuan edhe Kryetari i Çairit Izet Mexhiti, si dhe përfaqësues të tjerë të pushtetit lokal në Komunën e Çairit.

Spiropali shkruan se “në zemër të Shkupit të vjetër, guri flet me histori dhe koha merr frymë krenarie,
ndaluam për të nderuar simbolin e qëndresës, të dinjitetit dhe të shpirtit europian, duke vendosur kurorën e nderit pranë monumentit të Gjergj Kastriot Skënderbeut.”

Postimi i Spiropalit:

Sonte, në zemër të Shkupit të vjetër, aty ku guri flet me histori dhe koha merr frymë krenarie,
ndaluam për të nderuar simbolin e qëndresës, të dinjitetit dhe të shpirtit europian, duke vendosur kurorën e nderit pranë monumentit të Gjergj Kastriot Skënderbeut.

Në këtë moment kujtese dhe respekti ishim së bashku me Zëvendëskryeministrin Arben Fetai dhe Kryetarin e Çairit Izet Mexhiti, si dhe përfaqësues të tjerë të pushtetit lokal në Komunën e Çairit, të bashkuar me nderim dhe krenari.

Pas ceremonisë, dita u mbush me ngjyra dhe emocione: shfaqja artistike, ritmi i tupanëve dhe fëmijët me veshje e simbole kombëtare e bënë këtë çast edhe më të gjallë.

Një kujtesë e përbashkët për rrenjët tona të forta dhe përkatësinë tonë natyrore në Europë.

Është rekordi i parë që nga çmimi më i lartë deri tani i shënuar në tetor, kur kursi kapi shifrën pak mbi 4.380 dollarë për onse (31,1 gram): Ari sot mbërriti çmimin 4.420 dollarë. Kësisoj ky metal i çmuar pak para fundit të vitit shënon një plus vjetor prej gati 70 përqind.

Eshtë një nga klasat më të fuqishme të depozitave të vitit dhe rritja më e madhe e çmimit që nga vitit 1979. Kjo rritje konsiderohet se ka të bëjë kryesisht me pasiguritë gjeopolitike dhe ekonomike si dhe me luftrat dhe doganat. Shumë depozitues në kohë të tilla preferojnë të ashtuquajturit porte të sigurta si ar dhe argjend. “Ari prej shekujsh ka një stabilitet të madh tek fuqia blerëse – pavarësisht sistemeve politike, apo krizave monetare dhe ekonomike”, shpjegon York Tetzlaff, shef i shoqatës së degës se shoqatave profesionale të metaleve të çmuara, me seli në Pforzheim.

Në rritjen e kursit të arit ka ndikuar edhe zhvillimi i normave reale të interesit si dhe dobësimi i dollarit. Gjithashtu kërkesa e bankave të rezervave ka të bëjë me shtimin e rezervave të tyre të arit gjatë këtij viti. Sipas Bankës Qendrore Europiane (BQE) bankat qendrore kombëtare më 2024 mbulonin mbi 20 përqind të kërkesës globale për ar.

Kërkesa e bankave qendrore për ar, sipas ekspertëve do të mbetet konstante e sigurt në sfondin e pasigurisë gjeopolitike dhe të politikave tregtare si ajo e doganave World Gold Council në një raport për perspeoktivën vëren, se nëse ngadalësohet rritja ekonomike ose ka një rënie të fuqishme, janë të mundura fitime të moderuara ose të mëdha.

“Në të kundërt nëse një sukses i politikës që po ndjek administrata e presidentit të SHBA-së Donald Trump do të përshpejtonte rritjen ekonomike duke ulur reziqet gjeopolitike, kjo do të çonte në rritje e intereave dhe fuorcimin e dollarit që do të ndikonte në uljen e çmimit të arit.”

Pallate të lashta, dete të kristalta dhe plazhe të pazbuluara me çmime të përballueshme – ekspertët tanë të udhëtimit rekomandojnë destinacionet më të mira për pushime në vitin 2026, shkruan Elle Hammond në të përditshmen britanike “Saga”.

Po kërkoni alternativa të përballueshme për të kaluar pushimet tuaja në vitin 2026, ekspertët e “Saga Holidays” ju sugjerojnë shtatë destinacionet kryesore për të vizituar këtë vit.

Nëse ju pëlqejnë aventurat e guximshme në një vend të largët apo një vendpushim i qetë diku më familjar, këto shtatë destinacione të rekomanduara ofrojnë diçka për çdo lloj vizitori!

Shqipëria

Shqipëria rekomandohet si një nga destinacionet më të mira për pushime në vitin 2026, falë plazheve të pazbuluara, ujërave ngjyrë bruz dhe çmimeve të përballueshme.

Ekspertët e udhëtimit e kanë krahasuar Shqipërinë me Kroacinë.

Shqipëria po bëhet me shpejtësi një nga vendet më të njohura në Evropë.

Vendi i bukur mesdhetar i ka të gjitha – nga plazhet te kultura bizantine por me një çmim të shkëlqyer.

Vendet kryesore përfshijnë:

• Plazhet me ujërat ngjyrë bruz të Ksamilit – të cilin mund ta vizitoni duke bërë një udhëtim me traget nga Korfuzi.
• Berati – i njohur si “Qyteti i një mbi një dritareve” është i famshem për arkitekturën e tij osmane dhe shqiptare.
• Gjithashtu, mos humbisni një vizitë në kryeqytetin plot jetë të Shqipërisë, Tiranën.

Ndërsa popullariteti i Shqipërisë rritet, kjo është koha e përkryer për ta eksploruar atë përpara se vendi të përfshihet nga turizmi masiv.

Pse duhet ta vizitoni Shqipërinë në vitin 2026?

Interesi për Shqipërinë vazhdon të rritet, ku sipas një raporti, turizmi u rrit me 5% në fillim të vitit 2025 krahasuar me të njëjtën periudhë të vitit 2024.

Shqipëria është aktualisht një nga vendet më të lira në Evropë.

Vendi mesdhetar tërheq turistë nga e gjithë bota falë akomodimit, ushqimit dhe transportit cilësor dhe të përballueshëm.

Revista britanike e udhëtimeve “Saga” e ka renditur Shqipërinë ndër shtatë vendet më të mira për pushime në vitin 2026:

1. Shqipëria
2. Japonia
3. India
4. Afrika e Jugut
5. Kosta Rika
6. Uzbekistani
7. Italia

Një person u vra nga forcat amerikane gjatë një sulmi ndaj një anijeje të dyshuar për trafik droge. Sulmi ndodhi ndërsa anija ishte në ujërat ndërkombëtare në Paqësorin Lindor.

Sipas njoftimeve zyrtare të bërë të ditura nga autoritetet amerikane, kishte informacione se anija po transportonte drogë dhe po lëvizte në një nga rrugët detare më famëkeqe të tregtisë ndërkombëtare të drogës në rajonin e Paqësorit Lindor.

Të paktën 105 persona janë vrarë në sulme ndaj anijeve të dyshuara për transport droge, si pjesë e një fushate të quajtur Operacioni Shtiza Jugore, të cilën administrata Trump thotë se synon të frenojë trafikimin e drogës.

Ushtria amerikane kohët e fundit goditi dy anije të dyshuara për transport droge në Oqeanin Paqësor lindor javën e kaluar, duke vrarë pesë persona.

On Dec. 22, at the direction of @SecWar Pete Hegseth, Joint Task Force Southern Spear conducted a lethal kinetic strike on a low-profile vessel operated by Designated Terrorist Organizations in international waters. Intelligence confirmed the low-profile vessel was transiting… pic.twitter.com/LGzEaQSTiR

— U.S. Southern Command (@Southcom) December 23, 2025

Read More...

Shtyhet sërish seanca gjyqësore për dosjen Partizani. Mësohet se seanca e radhës do të zhvillohet më 12 janar.

Më herët gjatë seancës, avokatja e ish-kryeministrit Sali Berisha, Klodiana Gjyzari ka bërë parashtrimet e saj.

Mësohet se mbrojtja e Berishës ka argumentuar se SPAK nuk ka asnjë provë apo veprim konkret se çfarë ka bërë Berisha.

“SPAK si në aktet e formulimit të akuzës nuk ka parashtruar fakte të qarta, çfarë ka bërë Berisha, cila është pasoja, nuk ka sjellë asnjë provë dhe veprim konkret se çfarë ka bërë Sali Berisha. Gjatë këtij procesi do provojmë se ndjekja penale është kryer për qëllime politike duke cenuar pluralizmin ne Shqipëri. Janë shtrembëruar në mënyrë të dukshme faktet. Me këtë rast, kanë thënë për çdo gjë ‘fajin e ka Saliu’, por harrohet që gjatë vendimmarrjeve organet janë kolegjiale. Ka parashtrim të rremë të fakteve”, ka thënë ajo, duke shtuar: “Taulant Balla nuk e ka bërë kallëzimin si shtetas; me këtë duam të themi se nuk është e vërtetë ajo që tha gjyqtarja paraprake, se kallëzimi është bërë nga një shtetas. Balla e ka bërë kallëzimin si përfaqësues i shumicës politike. Dhe gjatë kohës së hetimeve, z. Balla ka qenë ministër i Brendshëm. SPAK e regjistroi drejtpërdrejt sapo u paraqit kallëzimi. Pavarësisht se Balla kishte paraqitur kallëzim publik, Prokuroria nuk e kishte regjistruar këtë çështje si procedim penal kryesisht. Nga përmbajtja e kallëzimit janë regjistruar këto elementë: interesi i shpronësimit të ish-pronarëve, sipas Ballës, ka nisur në vitin 2008. Sipas zotit Balla, në vitin 2008 kanë ndodhur të gjitha, dhe sipas kallëzuesit fakti që Malltezi është i afërt me kryeministrin e kohës ka sjellë këtë proces”.

Rajoni i Odesës, në Ukrainën jugore u shënjestrua përsëri sot me sulme që dëmtuan infrastrukturën energjetike dhe të transportit detar.

Kjo kundërpërgjigje e forcave ruse erdhi pas sulmeve ukrainase ndaj anijeve cisternë të lidhura me Rusinë në Detin e Zi dhe Mesdhe.
Në javët e fundit, ushtria ruse ka goditur porte, ura dhe termocentrale në këtë rajon të Ukrainës jugore në Detin e Zi.

Presidenti rus Vladimir Putin kishte kërcënuar të shtonte sulmet ndaj porteve ukrainase në përgjigje të operacioneve të Kievit.

Footage shows a large-scale fire at the Yuzhny port in Odessa Region following a nighttime strike. pic.twitter.com/TK8Y1oUMJs

— cvetko35 (@cvetko35) December 22, 2025

Avokati Arbër Hoxha në një intervistë në “News Line” në ABC News, komentoi procesin për gjyqin ndaj ish-kryeministrit Sali Berisha.

Gjatë intervistës, Hoxha shpjegoi se nga të gjitha zhvillimet e deritanishme është një proces që do të marrë shumë kohë. Sipas tij, ndërrimi i avokatëve duket se është një strategji e përdorur për të zvarritur sa më shumë procesin.

“Si duket është strategji e mbrojtjes për të ngritur edhe një herë kërkimet Pritet të jetë një proces i gjatë dhe besoj se Berisha do ta dalë edhe në pension politik dhe besoj se do të jenë procese të gjata si ajo e Berlusconit, ku çështja e tij pushoi vetëm pasi ai ndërroi jetë.  Pra besoj se do vazhdojë me dekada dhe gjyqi më famëkeq nuk besoj se është vetëm ky por edhe gjyqi i Fatmir Mediut që zvarritet në dyert e drejtësisë deri më sot. Pra është edhe ai një proces që ka zgjatur dhe do të zgjatet akoma. Por me rëndësi nuk është vetëm zgjatja e procesit por edhe dhënia e drejtësisë që duhet të jepet brenda një afati të arsyeshëm. Pasi një drejtësi e vonuar është një drejtësi e mohuar. Por ky është një gjyq që ka të gjitha premisat të jetë i zvarritur gjatë gjithë procesit të jetës së zotit Berisha. Do t’i kushtojë ky proces shtetit shqiptar. Sigurisht mbrojtja e zotit Berisha nuk do t’i lërë të bëjnë punën e ngarkuar me ligj.  Ecuria e procesit nuk varet vetëm nga mbrojtja, ka të pandehur që kërkojnë të zvarrisin procesin gjyqësor dhe ka truke të caktuara si është ndërrimi i avokatëve për të shtyrë procesin., Por edhe gjykata në limitet e saj nga njëra anë është e detyruar të japë kohë të caktuar mbrojtjes, por edhe nga ana tjetër të caktojë avokatë që të mos ketë zvarritje të tillë”, tha ai.

Më tej avokati Hoxha tha se edhe pse gjykata është në dije të plotë që kemi të bëjmë me zvarritje, duke shtuar se “për shkak të pozicionit, jemi edhe në këtë situatë”.

“Finishi nuk shihet më me dylbi, por as me teleskop. Për të ardhur keq apo mirë këtë e vlerëson gjykata. Por besoj që do jetë një proces që do zgjasë por edhe që do vendosë standard të caktuara, është hera parë që ish-presidenti dhe ish-kryeministri po gjykohet nga Gjykata e Posacme dhe ndaj gjykata është e kujdesshme. Edhe pse është në dijeni të plotë që kemi të bëjmë me zvarritje, por për shkak të pozicionit, kemi këtë situatë dhe gjykata e posaçme përpiqet të tregohet e kujdesshme ne këtë pikë”, u shpreh ai.

/abcnews.al/

Para trupit gjykues në rastin e vrasjes së Liridona Ademaj, janë prezantuar pamje të natës fatale të 29 nëntorit.

Prokurorja Javorka Perliçenviç ka prezantuar pamje të asaj dite, ku shfaqet Naim Murseli, i akuzuari kryesor për planifikimin e vrasjes së bashkëshortes së tij, teksa del nga banesa në Bernicë dhe i bënë me shenjë, Granit Plavës, personit që akuzohet se shkrepi armën mbi viktimën.

Në këto pamje shihet edhe Liridona Ademaj para shtëpisë në Bërnicë.

Në vazhdim të prezantimit të këtyre provave, janë shfaqur edhe pamje ku Murseli është takuar me Plavën në një pikë karburanti, pompë të derivateve, ku shihen Naim Murseli dhe Granit Plava teksa flasin sëbashku.

Atë ditë Murseli së bashku me familjen, darkuan në një restorant, ku më parë prokuroria ka faktuar se ka qenë edhe Plava.

Në seancë janë shfaqur edhe pamje të renda, nga momenti kur bëhet gjuajta me armë ndaj Liridonës, ndërsa në veturë ishte së bashku me dy fëmijët e saj, e më pas dëgjohen të qarat dhe britmat e dy djemve.

Plava kishte deklaruar se vet Naim Murseli kishte përgatitur armën me 5 fishekë.

Ndër të tjera, Plava në dëshminë ka pranuar në natën e krimit ishte Naimi ai që e hapi pak xhamin e veturës, ndërsa ky i fundit shtiu me armë.

I pranishëm në seancën e fundit për këtë vit ishin të tre të akuzuarit: Naim Murseli, Kushtrim Kokalla e Granit Plava.

Po ashtu, i pranishëm ishte edhe vëllai i Liridona Ademajt, Leonardi dhe avokati mbrojtës, Leutrim Syla.

Familjarët e viktimës vijojnë të kërkojnë drejtësi për ngjarjen e shënuar më 29 nëntor të vitit 2023 ndërsa prokuroria akuzon Murselin se ka inskenuar vrasjen për të përfituar nga siguracioni i jetës së Liridona Ademajt.

Ministrja për Europën dhe Punët e Jashtme, Elisa Spiropali ka nisur vizitën zyrtare në Shkup të Maqedonisë së Veriut ku mëngjesin e sotëm u prit nga Ministri për Punë dhe Tregti të Jashtme, Timčo Mucunski.

Spiropali tha se “me kolegun Timčo Mucunski bashkëndajmë vizionin, perspektivën dhe vendosmërinë e përbashkët për të avancuar në rrugën drejt integrimit në BE”.

Spiropali theksoi se “bashkë me Maqedoninë e Veriut, Italinë, Bullgarinë dhe Rumaninë na pret një punë e mirë për projektin strategjik të Korridorit të VIII-të.”

“Forumi i parë që do të mbahet në Tiranë në shkurt të 2026, do të institucionalizojë më tej bashkëpunimin pesëpalësh për këtë projekt që i shërben sigurisë Euro-Atlantike, transformimit dhe zhvillimit të qëndrueshëm ekonomik në rajon e më gjerë”, tha Spiropali.

Ministri Mucunski deklaroi se thellimi i marrëdhënieve mes Shqipërisë dhe Maqedonisë së Veriut, dy vende partnere dhe aleatë në NATO, i shërben në vetvete përparimit të të gjithë rajonit tonë.

Spiropali do të pritet gjatë ditës nga Presidentja e Republikës së Maqedonisë së Veriut, Gordana Siljanovska-Davkova, Kryeministri Hristijan Mickoski, si dhe Kryetari i Parlamentit Afrim Gashi.

Ministrja Spiropali do të theksojë përgjatë kësaj vizite rëndësinë e avancimit të mëtejshëm të lidhjeve dypalëshe e rajonale.

Linjat e transportit interurban në Vlorë janë ngritur këtë të hënë në protestë. Drejtuesit e autobusëve që bëjnë linjat me Tiranën, Beratin, Elbasanin, Sarandën dhe qytete të ndryshme në këto intenerare kanë pezulluar aktivitetin.

Në intervistat e tyre kërkojnë dënimin dhe ndalimin e aktivitetit të paligjshëm të taksive dhe furgonave private dhe te palincesuara si dhe ndërtimin e terminalit ku sipas tyre Vlora mbetet i vetmi qytet që ende se ka një të tillë.

Thonë se do të pezullojnë aktivitetin duke penalizuar qytetin deri në zgjidhje. Kërkojnë një takim me përfaqësuesit e pushtetit lokal pasi kundërshtojnë dhe zhvendosjen drejt periferisë.