Tirana pritet të kthehet më 11 korrik në një nga qendrat më të mëdha të muzikës live në rajon, me koncertin e artistit amerikan Kanye West. Eventi është parashikuar të zhvillohet në një hapësirë të posaçme në aksin Tiranë-Durrës, ku do të ngrihet “Eagle Stadium”, një stadium i përkohshëm me kapacitet rreth 60 mijë spektatorë.

Vendndodhja e stadiumit është përcaktuar në zonën e Kasharit, për shkak të aksesit më të lehtë nga Aeroporti Ndërkombëtar i Tiranës dhe lidhjes me Unazën e Madhe. Kjo zonë pritet të shërbejë si pika kryesore e hyrjes dhe daljes për mijëra pjesëmarrës që do të mbërrijnë nga Shqipëria, rajoni dhe vende të tjera.

Koncerti konsiderohet një ngjarje me përmasa të paprecedenta për vendin. Pritshmëritë janë që Tirana të presë rreth 100 mijë vizitorë, ndërsa ndikimi ekonomik i eventit llogaritet të arrijë të paktën 120 milionë euro.

Eventi në Shqipëri është pjesë e turit botëror të Kanye West për vitin 2026, i cili pritet të përfshijë disa prej stadiumeve më të mëdha në botë. Turneu do të nisë në Shtetet e Bashkuara të Amerikës dhe më pas do të vijojë në Azi dhe Europë, ku Tirana është përfshirë si një nga ndalesat.

Organizimi i koncertit do të bëhet nga “Streetlife”, kompani me bazë në Berlin, e njohur për bashkëpunime me artistë ndërkombëtarë si 50 Cent, Drake, Snoop Dogg, Kendrick Lamar dhe Nicki Minaj.

Kanye West mbetet një nga emrat më me ndikim në muzikën dhe kulturën bashkëkohore. Albumet “The College Dropout”, “Graduation”, “808s & Heartbreak” dhe “Donda” e kanë vendosur atë mes artistëve që kanë ndryshuar mënyrën se si prodhohet, promovohet dhe përjetohet muzika në skenën globale.

Për Shqipërinë, ky koncert pritet të jetë jo vetëm një event muzikor, por edhe një test i madh për turizmin, logjistikën dhe kapacitetin e vendit për të pritur ngjarje ndërkombëtare të kësaj përmase.

The post Kanye West në Tiranë, stadiumi marramendës do të ndërtohet enkas për koncertin me 60 mijë spektatorë! appeared first on Albeu.com.

Reperi i mirënjohur MC Kresha ishte i ftuar mbremjen e sotme në “Goca dhe Gra”, aty ku pjese e panelit eshte dhe Rozana Radi, ish partnerja e tij e shume viteve me pare.

Kresha foli për frymëzimin e krijimtarisë së tij, si dhe për prapaskenat e industrisë muzikore. Këngëtari tha se frymëzimin për krijimtarinë e tij muzikore e gjen te jeta e përditshme. Më tej ai shprehu se industria i ka kërkuar shumë herë të bëhet diçka që ai nuk është dhe shtoi se shpesh ka humbur shumë para vetëm që të mos bëjë kompromis me idealet e tij artistike.

Pjesë nga biseda:

Nga vjen inspirimi yt për krijimtarinë tënde artistike?

MC Kresha: Inspirimi varion. Nuk mund të them që e gjej te diçka e veçantë apo specifike. Besoj që në jetën e përditshme dhe mbledhjen e shumë ndjenjave që më japin një shkëndijë për shkrim.

A ka tentuar ndonjëherë industria të të kthejë në diçka që nuk je?

MC Kresha: Industria të kërkon gjithmonë të bësh gjithçka që ti nuk je. Nganjëherë kam bërë kompromis dhe ndonjëherë duke mos i’ua dëgjuar fjalën, ndonjëherë edhe duke humbur para.

A je penduar ndonjëherë për ato para që ke humbur?

MC Kresha: Nuk pendohem për tamël të derdhun. Nuk ka qenë e shkruajtur që ata para të vijnë te unë

The post “Kam humbur shumë para…”/ MC Kresha përballet me ish partneren, Rozana Radin, shfaqet në “Goca dhe Gra” appeared first on Albeu.com.

Zayn Malik bëri një njoftim të rëndësishëm në lidhje me turneun e tij të ardhshëm KONNAKOL, i cili i la fansat me zemër të thyer. Këngëtari 33-vjeçar shkroi në Instagram diten e sotme dhe konfirmoi se ka anuluar të gjitha datat e turneut të tij në SHBA për shkak të shtrimit në spital për një sëmundje të paparalajmëruar.

Krijuesi i hitit Pillowtalk shkroi në instagram: “Për fansat e mi: Faleminderit shumë për gjithë mbështetjen dhe dashurinë që më keni treguar në publikimin e albumit dhe, më e rëndësishmja, për dashurinë, lutjet dhe urimet tuaja për shëndetin tim. E kam ndjerë dhe kjo ka qenë shumë e rëndësishme. Kam qenë në shtëpi duke u rikuperuar dhe jam mirë dhe do të jem më mirë dhe më e fortë se më parë.”
Malik vazhdoi, “Më është dashur ta rishikoj axhendën time për muajt në vijim dhe duhet ta zvogëloj numrin e shfaqjeve në turneun KONNAKOL. Dua të sigurohem që të dal dhe të shoh sa më shumë prej jush që të jetë e mundur. Mezi pres t’i luaj këto shfaqje për ju dhe shpresoj t’ju ​​shoh edhe ju të tjerët në mbarë botën shumë shpejt. Me dashuri të madhe, Z.”

Këngëtari i hitit “Dusk Till Dawn” u shtrua në spital në Mbretërinë e Bashkuar dy javë më parë, në ditën e publikimit të albumit të tij. Ndërsa sëmundja nuk është specifikuar, të gjithë fansat janë mbledhur për të dërguar urimet dhe lutjet e tyre për shërim të shpejtë.

The post Zayn Malik bën një njoftim ‘shkatërrues’ për turneun ‘KONNAKOL’ appeared first on Albeu.com.

SPAK ka dhënë pretencën ndaj shtetasit kosovar, Shpend Sokoli, i cili akuzohet për mashtrim kompjuterik. Prokuroria e Posaçme ka kërkuar gjashtë vite burg për të riun, ndërsa dy bashkëpunëtorët e tij janë ekstraduar më herët drejt SHBA-së në kulmin e një hetimi të kryesuar nga FBI, në kuadër të hetimit ndërkombëtar mbi tregun e paligjshëm online i njohur si RYDOX.

Hetimi amerikano-shqiptar zbuloi se rrjeti RYDOX, aktiv nga 2016, ishte çaktivizuar për pak kohë në 2020 për tu rihapur sërish. RYDOX reklamonte forumin kriminal RaidForums, ku shiteshin regjistra spam, mjete për dërgimin e tyre dhe tutoriale për përdorimin e tyre. Nga të dhënat e rrjetit përfshiheshin 18,000 përdorues dhe transaksionet e tyre virtuale.

Dy të dyshuarit e tjerë, Ardit dhe Jetmir Kutleshi, janë ekstraduar drejt SHBA, ndërsa mirëmbajtësi i rrjetit është proceduar në gjykim të shkurtuar në Shqipëri. Sokoli insiston në pafajësinë e tij, duke thënë se nuk ka pasur akses në Rydox dhe se ka punuar vetëm në programim sipas kërkesave. Pretendimet e tij përjashtojnë çdo lidhje me dy bashkëpunëtorët e ekstraduar.

The post Vidhnin të dhëna online/ Hetimi i përbashkët me FBI, SPAK jep pretencën për “RYDOX”! Gjashtë vite burg për Shpend Sokolin appeared first on Albeu.com.

Në përvjetorin e masakrës në Nabërgjan të Pejës, kryeministri në detyrë i Kosovës, Albin Kurti, bëri homazhe për nder të 31 civilëve të pafajshëm të vrarë nga forcat ushtarake e policore serbe.

Kurti tha se burra, gra e fëmijë, nga mosha 13 deri në 95 vjeç, të pambrojtur e të paarmatosur, u vranë vetëm pse ishin shqiptarë dhe donin të jetonin të lirë në tokën e tyre.

“Ky krim u krye nga makineria shtetërore ushtarake e policore, e ideuar dhe e planifikuar në Beograd nga regjimi i Millosheviqit, me synim shfarosjen e popullit shqiptar. Por plani i tyre gjenocidal dështoi. Populli ynë mbijetoi. Ne jemi këtu, të lirë e fitimtar”, tha Kurti.

Ai theksoi se për paqe të plotë, nevojitet drejtësia dhe se pa drejtësi, plagët mbeten të hapura.

“Qeveria e Republikës së Kosovës ka forcuar kapacitetet për hetim dhe ndjekje penale. Prandaj edhe sot i bëjmë thirrje Prokurorisë së Shtetit, në veçanti Prokurorisë Speciale, që të veprojë pa vonesë mbi bazën e dëshmive ekzistuese, që kriminelët të dalin para drejtësisë, qoftë edhe në mungesë” shtoi Kurti.

The post Masakra në Nabërgjan, Kurti homazhe në Pejë: Ky krim u krye nga makineria shtetërore ushtarake e policore serbe appeared first on Albeu.com.

Ka ndërruar jetë 80-vjeçari që u përplas nga mjeti tip “Benz” në fshatin Udënisht të Pogradecit.

Mësohet se i moshuari u dërgua menjëherë në Tiranë pas aksidentit.

Por fatkeqësisht për shkak të plagëve të marra, ka ndërruar jetë në ambjentet e spitalit të kryeqytetit.

The post Aksidenti në Pogradec/ U përplas nga makina, ndërron jetë në spital i moshuari appeared first on Albeu.com.

Një incident i rëndë ka ndodhur në aeroportin e Araxos gjatë uljes së një avioni TUI Boeing 737-8. Disa persona u lënduan teksa po hipnin në avion, pasi shkalla ku po ngjiteshin u shemb menjëherë.

Në të ndodheshin gazetarë dhe fotoreporterë. Të paktën tre persona morën lëndime në kokë. Të lënduarit u transportuan menjëherë në spital.

Sipas raportimeve pajisjet nuk duket se kanë qenë të përshtatshme për një ngarkesë të tillë, ndërsa i referohet trajtimit të procesit që ngre pyetje në lidhje me organizimin e ngjarjes.

The post VIDEO/ Incident në një aeroport në Greqi, momenti kur shemben shkallët e avionit, disa të lënduar appeared first on Albeu.com.

10 milionë e 887 mijë euro do të jetë kostoja buxhetore e zgjedhjeve të parakohshme, të cilat janë caktuar që të mbahen më 7 qershor.

Plani për këtë buxhet të zgjedhjeve të 7 qershorit është miratuar me unanimitet në mbledhjen e së premtes të Komisionit Qendror të Zgjedhjeve (KQZ), së cilës i mungon një anëtar.

“Shuma totale e buxhetit të planifikuar arrin vlerën 10,887,186.445 euro. Buxheti është planifikuar sipas programeve dhe kategorive ekonomike si vijon: paga dhe shtesa shuma 221 mijë euro, mandej mallra dhe shërbime 10 milionë e 621 mijë, shpenzime komunale 32 mijë dhe pasuritë jofinanciare kapitale në 13 mijë”, ka thënë Violeta Salihu, e cila është anëtare e Lëvizjes Vetëvendosje (LVV) në KQZ.

KQZ-ja e ka miratuar edhe planin e aktiviteteve. Bazuar në të, fushata zgjedhore e partive politike do të zgjasë 10 ditë, duke nisur nga 28 maji e deri më 7 qershor në orën 7:00 kur edhe hapen vendvotimet.

Ndërkaq, vendimi për përcaktimin e kufizimit të shpenzimeve të fushatës do të merret më 5 maj.

Subjektet politike të cilat duan që të lidhin koalicione do të kenë kohë 7 ditë për ta bërë këtë, nga 1 e deri më 7 maj.

E për dorëzimin e listës së kandidatëve për deputetë, partitë do të ketë afat nga 2 maji deri më 12 maj.
Më 16 maj do të bëhet tërheqja e shortit për renditjen e subjekteve politike në fletëvotim.

Votimi nëpërmjet postës do të zgjasë nga 25 maji deri më 6 qershor, e një ditë para zgjedhjeve në Kosovë do të organizohet votimi nëpër përfaqësitë diplomatike.

Në mbledhjen e të premtes të KQZ-së është krijuar edhe Këshilli për mbikëqyrjen e informimit publik, me kryesues, Muharrem Nitajn.

“Do të propozoja që meqë ky Këshill ka të bëjë me produktet informative që lidhen me fushatën e zgjedhjeve, zgjedhjet dhe informimin e opinionit publik dhe realizohet në disa gjuhë, në këtë këshill të jenë përfaqësues të gjuhëve që fliten në Kosovë: turke, serbo-kroate, boshnjake dhe rome”, ka theksuar Nitaj, i cili është anëtar i Aleancës për Ardhmërinë e Kosovës (AAK) në KQZ.

Më 21 maj, Komisioni Qendror i Zgjedhjeve do ta certifikojë listën e votuesve brenda dhe jashtë shtetit.

The post Fushata 10-ditore nis më 28 maj, gati 11 milionë euro për zgjedhjet e 7 qershorit në Kosovë appeared first on Albeu.com.

Presidenti amerikan Donald Trump ka reaguar sërish lidhur me situatën e luftën në Iran. Ai ka komentuar propozimin iranian për marrëveshjen, ndërsa ka nënvizuar Irani po kërkon që të arrijë një të tillë por nuk është ende i vendosur nëse do arrihet apo jo.

Sipas Trump pala iraniane nuk i ka përmbushur plotësisht kërkesat e Washingtonit.

“Ata duan të arrijnë një marrëveshje, por unë nuk jam i kënaqur me përgjigjen e tyre. Ata kanë bërë hapa përpara, por nuk jam i sigurt se do të arrijnë ndonjëherë një marrëveshje”, theksoi ai.

Irani i ka paraqitur një propozim të ri Shteteve të Bashkuara për t’i dhënë fund luftës, përmes ndërmjetësimit të Pakistanit, sipas agjencisë iraniane të lajmeve IRNA.

The post Trump reagon sërish për propozimin iranian: Duan marrëveshje, por nuk i kanë përmbushur plotësisht kërkesat e SHBA appeared first on Albeu.com.

Mereme Sela, kandidatura e së cilës është skualifikuar nga gara për kreun e Partisë Demokratike, ka deklaruar se do t’i drejtohet gjykatës duke kërkuar pezullimin e procesit të zgjedhjeve brenda PD.

Ai u shpreh se i vetmi person që nuk përmbush kriteret e Statutit është Sali Berisha, i cili ka humbur zgjedhjet e vitit 2025 dhe nuk i lejohet ligjërisht sipas Statutit të partisë të garojë për funksionin e kryetarit.

“Partia Demokratike nuk mund të vijë në pushtet me një lider “non grata” në Uashington dhe Londër”, tha ajo.

Reagimi i plotë:

Unë, Mereme Sela, kandidate për kryetare e Partisë Demokratike të Shqipërisë, njoftoj opinionin publik se zgjedhjet për kryetar dhe procedurat përkatëse po manipulohen.

Për këto arsye, vendosa:
1. T’i drejtohem Gjykatës së Tiranës me një kërkesë për pezullimin e procesit zgjedhor, si të paligjshëm, të padrejtë, të pabarabartë dhe në kundërshtim me statutin e PD-së, të miratuar nga Kuvendi dhe të njohur nga gjykata.
2. Ti drejtohem SPAK për hetimin e proçesit të korruptuar zgjedhor në Partinë Demokratike nga i pandehuri Sali Berisha i cili është në akuzë edhe për vepra të tjera penale.
3. T’u drejtohem Ambasadës së SHBA-së, Ambasadës së Britanisë së Madhe dhe misionit të BE-së për t’i informuar dhe për t’u kërkuar ndihmë, pasi ish-kryetari Sali Berisha ka marrë peng partinë dhe nuk lejon zhvillimin e zgjedhjeve të lira dhe të ndershme.
4. T’u drejtohem mediave për të na ndihmuar që Partia Demokratike të mos shkatërrohet, por të demokratizohet. Eliminimi ynë, si pesë rivalë në garë – Evi Kokalari, Alesia Balliu, Ervin Salianji dhe Vladimir Mula – përbën një atentat kundër demokracisë brenda partisë.
5. I vetmi person që nuk përmbush kriteret e statutit është ish-kryetari Sali Berisha, i cili ka humbur zgjedhjet e vitit 2025 dhe nuk i lejohet ligjërisht sipas statutit të partisë të garojë për funksionin e kryetarit.
Partia Demokratike nuk mund të vijë në pushtet me një lider “non grata” në Uashington dhe Londër.
Njoftimin për skualifikimin e kam marrë përmes mediave, çka në vetvete është e papranueshme. Ky vendim është i padrejtë dhe i pajustifikuar. Përkundrazi, nëse do të kishte një vlerësim të drejtë dhe në përputhje me statutin e partisë, personi që duhej të ishte subjekt skualifikimi do të ishte z. Berisha.
Për këtë arsye, do të ndjek të gjitha procedurat ligjore në dispozicion dhe do të paraqes ankesën time zyrtare. Megjithatë, bazuar në përvojat e mëparshme, nuk pres një reagim apo përgjigje serioze nga Partia Demokratike, pasi kjo ka qenë një praktikë e përsëritur ndër vite.
Kjo mënyrë veprimi është një ndër arsyet kryesore pse Partia Demokratike ndodhet në këtë situatë sot.
Duke ju falënderuar për mbështetjen.

The post “PD s’mund të vijë në pushtet me lider non grata”/ U skualifikua nga gara për kreun e partisë, Mereme Sela: Do t’i kërkoj gjykatës pezullimin e zgjedhjeve! SPAK të hetojë… appeared first on Albeu.com.

Teherani i ka dorëzuar ndërmjetësve pakistanezë një “propozim të ri negociues” të drejtuar Shteteve të Bashkuara, në kuadër të përpjekjeve për një marrëveshje të mundshme që synon t’i japë fund konfliktit të vazhdueshëm në Lindjen e Mesme.

Lajmi raportohet nga media iraniane agjencia iraniane e lajmeve IRNA.

Dokumenti është dorëzuar mbrëmjen e djeshme, por deri tani nuk është bërë publike asnjë detaj mbi përmbajtjen e tij. Mediat iraniane konfirmojnë vetëm se “Teherani ka paraqitur një propozim të ri për negociata”, pa dhënë informacion shtesë mbi kushtet apo kërkesat e përfshira.

Roli i Pakistanit si ndërmjetës në këtë proces mbetet gjithashtu i paqartë, ndërsa nuk ka ende një reagim zyrtar nga Uashingtoni lidhur me zhvillimin e fundit diplomatik.

The post “Iu dorëzua dje ndërmjetësve pakistanezë”, mediat iraniane: Teherani ka paraqitur një propozim të ri për negociata appeared first on Albeu.com.

Në një reagim në Facebook, anëtari i Kryesisë së PD, Grigels Muçollari ka ndarë disa nga shqetësimet e qytetarëve të Tiranës.

Ai thekson se qytetarët janë lënë pas dore ndërsa në vend çmimet vijojnë të rriten dhe kostot e përditshme shtohen.

Muçollari bën thirrje që qytetarët të bashkohen në protestën e 8 majit kundër padrejtësive.

Reagimi i plotë;

Nebiu na tregon 1 majin…

Gjatë daljes në njësinë 7 për të takuar qytetarë, për të folur me ta, për t’i ftuar në protestën e 8 majit, u shfaq energjik miku im Nebi Kurti. Një takim i thjeshtë, në një ditë të zakonshme, por që në fakt më dha një kuptim tjetër për këtë 1 Maj.

Nebiu punon taksist në Tiranë. Ditët e tij nisin herët dhe mbarojnë vonë. 12 orë në timon, shpesh pa pushim, duke lëvizur nga një klient te tjetri, në një qytet që çdo ditë bëhet më i shtrenjtë për t’u jetuar. Nuk është një zgjedhje për të punuar kaq shumë. Është një detyrim që vjen nga realiteti.

Nafta që rritet, çmimet që nuk ndalen, kostot e përditshme që shtohen – të gjitha e shtyjnë të zgjasë edhe më shumë orarin, vetëm që të mbajë një standard jetese që dikur konsiderohej normal, por që sot duket gjithnjë e më i paarritshëm.

Dhe kjo nuk është vetëm historia e Nebiut. Është historia e shumë punëtorëve në këtë qytet. Edhe e shumë rrogëtarëve të thjeshtë, që çdo muaj përpiqen të bëjnë llogaritë, duke kursyer aty ku mundin, duke hequr dorë nga gjëra bazike, vetëm për të mbajtur ekuilibrin. Punojnë më tepër, por ndjejnë se përfitojnë më pak.

Ky është paradoksi i këtij 1 Maji.

Këtë paradoks e shprehin në mënyrë dramatike edhe të dhënat nga raporti i fundit i Komisionit Europian, i cili gjeti se 39% e punonjësve shqiptarë kanë vështirësi, ose shumë vështirësi për të mbyllur muajin, nga 8% që është mesatarja europiane. Kjo përqindje është më e larta në Europë.

Nebiu padyshim është pjesë e kësaj statistike. Por ajo që të bën përshtypje nuk është vetëm lodhja. Është fakti që ai nuk është dorëzuar. Ka një qetësi në mënyrën si flet, një buzëqeshje që nuk mungon, dhe një vendosmëri për të qenë prezent. Nuk mungon në asnjë protestë. Nuk e konsideron reagimin si luks, por si detyrim.

Sepse për të, ndryshimi nuk vjen duke pritur. Vjen duke qenë aty, duke folur, duke mos u bërë indiferent.

Ky 1 Maj nuk duhet të jetë vetëm një ditë simbolike për të kujtuar punën. Duhet të jetë një moment reflektimi më i thellë: a e justifikon puna që bën secili prej nesh mënyrën se si po jetojmë? A ka ende lidhje mes mundit dhe jetesës që arrijmë të sigurojmë?

Sepse realiteti është i qartë: jeta është bërë më e shtrenjtë, ndërsa përpjekja për ta përballuar është bërë më e gjatë dhe më e lodhshme.

Nebiu nuk është një rast i veçuar. Është një pasqyrë. Një shembull konkret i asaj që shumë njerëz po përjetojnë çdo ditë, në heshtje.

Dhe pikërisht për këtë arsye, historia e tij nuk është thjesht personale. Është një histori që duhet treguar.

The post “Kostot rriten, 39% e shqiptarëve në vështirësi për të mbyllur muajin”, Grigels Muçollari: Të bashkohemi më 8 maj kundër padrejtësive appeared first on Albeu.com.

Ish-deputeti Ervin Salianji ka reaguar në lidhje me zhvillimet rreth garës për kryetarin e Partisë Demokratike, duke u shprehur se “standardi mizerabël se si Berisha po trajton PD shpreh mungesën e thellë të përgjegjësisë historike për sakrificat e demokratëve që prej 13 vitesh dergjen në opozitë”.

Ai shtoi se Berisha dhe rrethi që i kacavirret abuzon me besnikërinë dhe vlerat e demokratëve, duke i vendosur përballë një presioni moral: të heshtin “për respekt të moshës”, të heshtin përballë “ndereve që i janë bërë”, të heshtin para shuarjes së PD për shkak të lidhjes me të.

Sipas tij “edhe demokratët më të fandaksur e dinë që me Sali Berishën dhe këtë lidership, nuk do fitohet kurrë”.
Reagimi i plotë:

Standardi mizerabël se si Berisha po trajton Partinë Demokratike shpreh mungesën e thellë të përgjegjësisë historike për sakrificat e demokratëve që prej 13 vitesh dergjen në opozitë.
Shpërfaqja e këtij shtetari deri në degradim total me ndasi, me idiotësi, me miq dhe armiq imagjinar…. me rrena dhe gënjeshtra të poshtra që i kanë lënë demokratët 13 vite rrugëve, shprehin humbjen e e “kështjellës” së fundit që ai kishte arritur të fshinte: burrërinë.
Ai dhe rrethi që i kacavirret abuzon me besnikërinë dhe vlerat e demokratëve, duke i vendosur përballë një presioni moral: të heshtin “për respekt të moshës”, të heshtin përballë “ndereve që i janë bërë”, të heshtin para shuarjes së PD për shkak të lidhjes me të.
Kush mban përgjegjësi për humbjen më të thellë që nga 1997, me 11 Maj 2025? Kush i bëri listat? Kush hartoi programin banal sikur të ishte viti 1995? Kush e drejtoi fushatën?
Dhe pyetja më e rëndësishme: si do të fitojë Partia Demokratike?
Edhe demokratët më të fandaksur e dinë që me Sali Berishën dhe këtë lidership, nuk do fitohet kurrë.
Çdo ditë që ai qëndron në krye të Partia Demokratike e Shqipërisë është një humbje për opozitën dhe për Shqipërinë.
Koha punon vetëm për ndryshimin. Sali Berisha nuk mund ta përfaqësojë kurrë atë.
Ai është i konsumuar, i izoluar, i hetuar, i paaftë për të bashkuar opozitën.
Nuk mund të flasim për ndryshim në Shqipëri, duke refuzuar ndryshimin në PD. Ne nuk mund të kërkojmë votën e shqiptarëve kështu.
Partia Demokratike nuk mund të jetë kurrë e fortë pa garë, pa përfaqësim, pa përgjegjësi.
Çdo përpjekje për t’i shmangur këto e dobëson Partinë Demokratike dhe e largon nga qytetarët.
Partia Demokratike nuk mund të jetë parti individi, nuk e meriton të jetë! Ajo duhet të rikthehet në një parti masash dhe pushteti. Ajo është pronë e demokratëve dhe shpresa e mijëra shqiptarëve që presin rotacionin prej vitesh!
PD nuk e meriton të shuhet për shkak të liderit të saj.
Llogaritë i kanë bërë gabim, veçanërisht me mua dhe shumicën e demokratëve.
Koha thërret demokratët të mos heshtin.

The post Berisha garon i vetëm për drejtimin e PD, Salianji: Ka humbur kështjellën e fundit, burrërinë! Partia nuk e meriton të shuhet për shkak të liderit të saj! appeared first on Albeu.com.

Kreu i Partisë Republikane Fatmir Mediu ndodhet në Zagreb në kuadër të Forumit të International Democrat Union (IDU) që po zhvillohet në Zagreb.

Në një postim në rrjetet sociale, Mediu thekson se në fokus ishte situata në Europë, prespektiva Europiane e Shqipërisë, Maqedonisë së Veriut, Kërcënimet e Sigurisë, influenca e Rusisë dhe Kinës në rajon, lufta në Ukrainë dhe në lindjen e mesme, NATO dhe mardhënia Europë SHBA.

Postimi i plotë:
Forumi i IDU(Unioni Nderkombetar per Demokraci),i partive të djathta ku morën pjesë autoritete të larta Kryeministra, Ministra, ish Kryeministra, ish Presidentë, nga Kanadaja, Britania, Irlanda, Europa, Europarlamentarë, deputetë nga Gjermania Italia, Ukraina ballkani etj. Në këtë forum u diskutua për Situatën në Europë, prespektiva Europiane e Shqipërisë, Maqedonisë së Veriut, Kërcënimet e Sigurisë, influenca e Rusisë dhe Kinës në rajon, lufta në Ukrainë dhe në lindjen e mesme, NATO dhe mardhënia Europë SHBA.
Kënaqësi të takohesha dhe të shkëmbenim mendime me Ministrin e Jashtë të Kroacisë Gordan Grlić Radman, Ministrin e Jashtëm të Maqedonisë së Verout Timcho Muchunski, Kryetarin e Komsijonit të Jashtëm të parlamentir Kroat Ando Kristulovic, Përfaqësuesim e IRI, Institutit Republikan për rajonin Pauë Prososki ish Ministrin e Mbrojtjes së Britanis Michael Fallon etj

The post Forumi i IDU në Zagreb, Mediu: Në fokus integrimi në BE i Shqipërisë dhe influenca ruse në rajon appeared first on Albeu.com.

Një aksident rrugor është regjistruar në juglindje të vendit, në aksin Korçë-Bilisht, pranë fshatit Cangonj në Devoll, ku një mjet tip zetor ka dalë nga rruga dhe është përmbysur.

Si pasojë e aksidentit, ka mbetur i dëmtuar drejtuesi i mjetit, i cili është transportuar menjëherë drejt Spitalit Rajonal të Korçës për të marrë ndihmë mjekësore.

Sipas informacioneve paraprake, ai ndodhet jashtë rrezikut për jetën.

Në vendngjarje kanë mbërritur shërbimet e policisë, të cilat po kryejnë veprimet hetimore për të përcaktuar shkaqet dhe rrethanat e aksidentit.

The post Devoll/ Zetori del nga rruga dhe përmbyset në aksin Korçë-Bilisht, plagoset drejtuesi appeared first on Albeu.com.

Një aksident ka ndodhur në Shkodër. Haki Bajrami 77 vjeç ka humbur jetën, pasi është përplasur nga një automjet.
Drejtuesi i mjetit ështê laefuar nga vendngjarja.

77 vjeçari ndodhej me një karrocë dore kur është përplasur nga një automjet. Policia në vendngjarje ka nisur hetimet për zbardhjen e plotë të ngjarjes.

Shkodër/ Informacion paraprak

Rreth orës 16:00, në lagjen “Liria”, një automjet tip kamion, me drejtues shtetasin A. P., ka përplasur këmbësorin, shtetasin H. B., 78 vjeç.

Si pasojë e aksidentit, ka humbur jetën shtetasi H. B.

Drejtuesi i automjetit shtetasi A.P., është shoqëruar në ambientet e Policisë për veprime të mëtejshme.

Grupi hetimor po punon për sqarimin e rrethanave të aksidentit.

The post EMRI/ Aksident në Shkodër, përplasi për vdekje të moshuarin, arratiset drejtuesi i automjetit appeared first on Albeu.com.

Irani i ka dërguar SHBA-së propozimin e tij të fundit për t’i dhënë fund luftës nëpërmjet ndërmjetësve pakistanezë, sipas medias iraniane IRNA.

Përditësimi erdhi pasi negociatat midis Teheranit dhe Uashingtonit duket se kishin ngecur.
Të dy vendet arritën një marrëveshje për një armëpushim më 8 prill, por bisedimet kanë qenë në proces për të arritur një marrëveshje për një paqe më të përhershme.

The post Lufta në Lindjen e Mesme/ Irani i dërgon SHBA-së propozimin e fundit një marrëveshje që do t’i japë fund luftës appeared first on Albeu.com.

Selvije Jao, ka ndarë një moment emocional në “Instagram”, duke kujtuar ish-bashkëshortin e saj të ndjerë, këngëtarin Shpat Kasapi, në ditën kur ai do të festonte 41-vjetorin e lindjes.

Ajo ka publikuar një video ku Shpati shihet në momente të ëmbla me djalin e tyre, Roelin.

Krahas saj, Selvija ka shkruar se dhimbja për mungesën e tij është ende e madhe, por beson se ai vazhdon të jetë pranë tyre në mënyrë shpirtërore.

Në mesazhin e saj ajo tregon edhe për Roelin, duke thënë se fjalët e tij e prekin shumë. “Roeli po thotë ‘Daddy’… dhe unë e ndiej sikur ti je ende këtu me ne”, ka shkruar ajo, duke i uruar Shpatit ditëlindjen në qiell.

Shpat Kasapi, ndërroi jetë papritur në nëntor 2025, si pasojë e një ataku kardiak në Itali, duke lënë pas një dhimbje të madhe te familja, miqtë dhe publiku shqiptar. /Telegrafi

The post Selvija prek me postimin në ditën e lindjes së Shpat Kasapit: Roeli po thotë babi… appeared first on Albeu.com.

Pas kontrolleve të kryera me urdhër të SPAK në zyra, banesa, vila luksoze në jug të vendit apo kompani të ndryshme në kuadër të hetimeve që po kryhen ndaj ish-zv.kryeministres Belinda Balluku, janë marrë në pyetje edhe personat që kanë qenë subjekte të këtyre kontrolleve.

Viola Haxhiademi, ish-sekretare e përgjithshme e Ministrisë së Financave, aktualisht drejtoreshë e Koorporatës Elektro-energjitike shqiptare u paraqit të enjten në SPAK ku dha dëshminë e saj, përderisa konsiderohet një prej njerëzve të besuar të ish-ministres nën hetim për abuzime me tenderat e rrugëve.

Shpjegime për hetuesit dha dhe Laureta Omeri, ish-këshilltare dhe një prej bashkëpunëtorëve më të ngushta të Ballukut, që po ashtu iu nënshtrua kontrollit.

Biznesmeni Arbër Abazi, kompanitë e të cilit kanë fituar tendera pranë Ministrisë së Infrastrukturës dha spjegime për dy procedura tenderuese, ndërsa Kujtim Hasa, i kompanisë Rruga Ura në Elbasan iu dorëzoi hetuesve të BKH-së kompjutera që mendohen si prova të vlefshme për hetimin e rastit.

Në SPAK gjatë ditëve të fundit janë paraqitur edhe biznesmenë të tjerë në kompanitë e të cilëve janë sekuestruar dokumenta apo kompjutera.

Në mesin e personave që iu nënshtruan kontrolleve ishin dhe shoferi i Belinda Ballukut, si dhe pastrueset e shtëpisë, të cilët janë pyetur lidhur me banesat e ish-ministres si dhe detaje të përditshmërisë së saj.

SPAK po e heton Ballukun për tenderin për ndërtimin e tunelit të llogarasë dhe lotet e Unazës së Madhe.

Së fundmi, po heton pasuritë e ish numrit dy të qeverisë dhe personave të bashkëlidhur me të.

The post Thellohen hetimet për Belinda Ballukun/ Pas kontrolleve në zyra e vila luksoze, SPAK merr në pyetje ish-bashkëpunëtorët e afërt dhe disa biznesmenë appeared first on Albeu.com.

Kryebashkiaku i Tiranës, Erion Veliaj, u ka kërkuar faktorit ndërkombëtar që të monitorojnë seancën në Gjykatën Administrative për padinë e tij ndaj prokurorit të SPAK, Ols Dado që ka hetuar çështjen në ngarkim të tij.

Studiot ligjore, Kasowitz dhe Mishcon de Reya i janë dërguar me një letër zyrtare nga Veliaj përfaqësuesve të ambasadave të huaja dhe organizatave të tjera ndërkombëtare në Shqipëri, duke kërkuar që të monitorojnë seancën kyçe të 8 majit 2026 para Gjykatës Administrative dhe duke kërkuar që procedura të transmetohet drejtpërdrejt.

Gjykata do të shqyrtojë nëse Prokurori Dado është emëruar në mënyrë të paligjshme, siç pretendon Veliaj.

Sipas Veliajt, Dado nuk ka plotësuar kërkesat e detyrueshme të kualifikimit, konkretisht përfundimin e Shkollës së Magjistraturës ose marrjen e një përjashtimi të ligjshëm, duke e bërë emërimin dhe veprimet e tij si prokuror të pavlefshme që nga fillimi.

Veliaj paralajmëron se çështja mund të hidhet poshtë për arsye procedurale të “legjitimimit” pa u shqyrtuar meritat, potencialisht në një mjedis të mbyllur të mbrojtur nga vëmendja publike dhe ndërkombëtare.

“Kontestimi im ligjor nuk ka të bëjë vetëm me mua apo z. Dado. Është një përpjekje për të siguruar që republika jonë të ndjekë ligjin që rregullon emërimin e prokurorëve, dhe për të korrigjuar çdo gabim në procesin e vetting-ut që rezulton në emërimin e kandidatëve të pakualifikuar”, shkroi Kryetari Veliaj.

Letra detajon më tej pasojat e emërimit të një prokurori të pakualifikuar si Dado, duke përfshirë paraburgimin e pacaktuar, aksesin e kufizuar te avokati dhe provat, dhe masat hetimore tepër të zgjeruara që prekin familjen dhe jetën personale të Kryetarit Veliaj.

Dan Fetterman, partner në Kasowitz, shtoi:

“Kjo është një çështje themelore e sundimit të ligjit. Nëse një prokuror nuk ka kualifikimet ligjore për të mbajtur detyrën, çdo veprim i ndërmarrë nën atë autoritet është në thelb i dyshimtë. Transparenca në këtë procedurë është thelbësore jo vetëm për të drejtat e Kryetarit Veliaj, por edhe për besimin e publikut në institucionet gjyqësore të Shqipërisë”.

Padia e Veliajt

Kryetari i bashkisë së Tiranës, Erion Veliaj depozitoi më 23 janar në Gjykatën Administrative të Shkallës së Parë Tiranë, një kërkesë-padi kundër institucionit të Presidentit të Republikës së Shqipërisë të vitit 2007-2012 dhe prokurorit të Posaçëm, Ols Dado, duke kërkuar konstatimin e pavlefshmërisë absolute të dekretit të emërimit të këtij të fundit si prokuror nga noter që ishte në vitin 2008.

Veliaj kërkon gjithashtu, që Këshilli i Lartë i Prokurorisë të detyrohet të marrë vendim për përfundimin e menjëhershëm të statusit të magjistratit dhe ushtrimit në mënyrë të paligjshme të detyrës të prokurorit në fjalë.

“Presidenti i Republikës ka lëshuar një dekret në kundërshtim të hapur me dispozitat urdhëruese procedurale të ligjit nr. 8737, duke realizuar një emërim pa bazë ligjore dhe në mungesë të kompetencës materiale ratione personae për të emëruar një subjekt që nuk përmbushte kriteret e ligjit. Ky fakt përbën një shkelje flagrante të rendit juridik dhe një rast tipik të pavlefshmërisë absolute të një akti administrativ, në kuptim të nenit 108 të Kodit të Procedurave Administrative, pasi: (i) akti është nxjerrë në kundërshtim flagrant me normat urdhëruese të ligjit; (ii) personi i emëruar nuk plotësonte kushtet e përgjithshme dhe të posaçme ligjore; dhe (iii) organi publik ka ushtruar kompetencën e tij për emërim në shkelje të kushteve procedurale të vlefshmërisë së aktit, duke e bërë dekretin juridikisht të paefektshëm dhe nul abinitio”, thuhet në kërkesë padi.

The post Padia për emërimin e Prokurorit që e hetoi, Veliaj kërkon monitorim ndërkombëtar të procesit në Gjykatën Administrative appeared first on Albeu.com.