Bujq nga disa fshatra të Pollogut kanë reaguar ndaj mënyrës si është ndërtuar kanali i ri për vaditje, duke thënë se ai ka ndryshuar drejtimin e zakonshëm të rrjedhës dhe për pasojë mijëra hektarë kanë mbetur pa ujë. Sipas tyre, edhe pse kanali ekziston, niveli i tij ndodhet rreth dy metra më poshtë se toka që duhet të vaditet, çka e bën të pamundur ngritjen e ujit.

Si shenjë revolte, ata bllokuan punimet në ndërtimin e Korridorit 8 në zonën e Bogovinës. Kërkesa e tyre është që Ministria e Bujqësisë dhe Drejtoria e Ujërave të dalin në terren dhe të japin zgjidhje për problemin.

“Tani ndodhem te kanali, ku që kur mbaj mend unë, gjyshi im, babai im, stërgjyshi im, kanë marrë ujë nga kjo pendë. A është logjike që në shekullin e 21-të, me një inxhinieri të tillë, të bëjnë një sistem dy metra nën tokë, ku nuk mund ta ngresh dot ujin? Aktualisht po na hapin një kanal të përkohshëm, njëfarë kanali aty, i cili mund të mbyllet që nesër ose pasnesër. 80% e tokave bujqësore në Sedllarcë, Bërvenicë, Reçicë, Pallçisht dhe Kamjan mbeten pa ujë”, tha një banor.

Banorët thonë se zgjidhja e përkohshme nuk u mjafton. Sipas tyre, është vendosur një pompë, por ajo nuk mbulon nevojat e fermerëve të zonës dhe nuk zëvendëson sistemin e mëparshëm të furnizimit me ujë.

“Ne duam ujë për vaditje. Kanë vendosur një pompë, por ajo është vetëm për një bujk tërë ditën, kurse ne vetëm sot duhet të vadisim njëzet persona. Ne mund të rrimë gjithë verës në këtë vijë, por zgjidhje nuk ka. Ne duam uji të na lëshohet jo me pompë, por para si ka qenë, para këtij kanalit të ri”, u shpreh një tjetër banor.

Një banor tjetër kërkoi që të hapet sërish vendi ku kalonte më parë uji, duke theksuar se devijimi i ri është bërë 200 metra më larg dhe se kjo po i dëmton fermerët e zonës. Ai tha se më shumë se 500 hektarë tokë duhet të ujiten në këtë pjesë dhe se bujqit kanë shpenzuar mijëra euro që nga pranvera për tokat e tyre.

“Të vijë të hapë vrimën ku ka qenë, mos na lodhë andej-këndej, se shumë mirë e dinë se këtu ka qenë vendi. E ka çuar 200 metra më larg të na malltretojë si bujq. Tokat na i morën, tallen me ndjenjat tona dhe më pas kërkojnë… këtu të gjithë kanë paguar edhe tokat e të tjerëve që nuk janë ujitur për tërë natën, duhet vrima të hapet. Më shumë se 500 hektarë tokë duhet ujitur këtu me të mirë, kjo për sot bisedohet. Unë ju thashë ‘hajdeni e hapim vetë’, sepse mijëra euro kemi dhënë nga pranvera për tokat, kanali është këtu, ai shkon dhe e bën 200 metra më larg”, shtoi banori tjetër.

Sipas një banori, për problemin është njoftuar edhe drejtori i ujërave në Tetovë, të cilit i është bërë e ditur se duhet të hapen shtatë vrima. Ai theksoi se gjatë sezonit të vaditjes institucionet mungojnë, ndërsa fermerët përballen me nevojën urgjente për ujitje.

“Drejtorin e ujërave të Tetovës e kemi informuar, i kam treguar që shtatë vrima duhet të hapen. Në kohën e vaditjes nuk janë askund, a njerëzit kanë problem, duhet të ujitet, a nuk është problem kjo?! Vetëm tre kanale duhet të hapen, një orë punë, vetëm tre orë duhen”, u shpreh banori.

TV21 kontaktoi Drejtorinë për Menaxhim me Ujërat, prej nga u bë e ditur se në bashkëpunim me “Bechtel & Enka”, problemi i bujqve do të zgjidhet brenda ditësh. Për këtë çështje, të hënën pritet të zhvillohet edhe një mbledhje në Ministrinë e Bujqësisë. /tv21

The post Bujqit e Pollogut ndalin punimet në Bogovinë, kërkojnë rikthimin e ujit për vaditje pas devijimit të kanalit të ri appeared first on Albeu.com.

Gjermania dhe Bregu i Fildishtë do të matin forcat sonte nga ora 22:00, në një sfidë që i takon raundit të dytë të Kampionatit Botëror 2026 në Grupin E.

Të dyja skuadrat vijnë në këtë takim pas fitoreve në ndeshjet hapëse. ‘Die Mannschaft’ e nisi me një triumf bindës 7-1 ndaj Curaçaos, ndërsa Bregu i Fildishtë mposhti Ekuadorin me rezultatin minimal 1-0.

Selektori i Gjermanisë, Julian Naglesmann, ka vendosur të mos bëjë asnjë lëvizje në formacionin startues që i solli suksesin në takimin e parë.

Në repartin defensiv, Jonathan Tah dhe Nico Schlotterbeck do të luajnë së bashku në qendër të mbrojtjes, ndërsa në mesfushë do të angazhohen Felix Nmecha dhe Aleskandar Pavlovic.

Në vijën e parë të sulmit e nis përsëri Kai Havertz, me mbështetjen e Leroy Sane, Jamal Musiala dhe Florian Wirtz.

Nga ana tjetër, te Bregu i Fildishtë nga minuta e parë aktivizohen emra si Amad Diallo, Yan Diomande, Franck Kessie dhe Ange-Yoan Bonny.

Formacionet zyrtare:

Gjermani: Neuer; Kimmich, Tah, Schlotterbeck, Brown; Nmecha, Pavlovic; Sane, Musiala, Wirtz; Havertz.

Bregu i Fildishtë: Fofana; Konan, Agbadou, Kossounou, Singo; Diomande, Sangare, Kessie, Diallo; Oulai, Bonny.

The post Nagelsmann ruan të njëjtin formacion, publikohen 11-shet zyrtare të Gjermani – Bregu i Fildishtë appeared first on Albeu.com.

Sipas mediumit spanjoll Marca, drejtori sportiv i Barcelonës, Deco, ka nisur të hartojë opsione të tjera për repartin ofensiv, nëse klubi nuk arrin marrëveshje për yllin e Atletico Madridit, Julian Alvarez.

Klubi katalunas po mban në konsideratë tre emra si zgjidhje rezervë: sulmuesin e Manchester Unitedit, Benjamin Sesko, bomberin e Borussia Dortmundit, Serhou Guirassy, dhe talentin e Levantes, Karl Etta Eyong.

Sesko, edhe pse hasi vështirësi në nisje të sezonit, arriti të rikthehej në formë në gjysmën e dytë të kampionatit, duke shënuar në total 11 gola në Ligën Premier.

Megjithatë, sulmuesi slloven nuk parashikohet të dalë në shitje gjatë kësaj vere, pasi trajneri Michael Carrick e sheh atë si një element të rëndësishëm të projektit afatgjatë të klubit.

Në anën tjetër, Guirassy, që është i lidhur me Borussia Dortmundin me kontratë deri në vitin 2028, pati një edicion shumë të mirë, duke regjistruar 22 gola dhe tetë asistime në të gjitha garat.

Një tjetër emër në vëmendjen e Barcelonës mbetet Karl Etta Eyong, i cili kishte qenë në radarët e klubit edhe gjatë verës së kaluar.

Sezoni i fundit për sulmuesin e Levantes rezultoi i vështirë, pasi ndonëse e nisi mirë aventurën e tij te ky klub, më pas pati probleme për të ruajtur vazhdimësinë para portës kundërshtare.

The post Barcelona përgatit tre alternativa në sulm në rast se nuk siguron Julian Alvarez appeared first on Albeu.com.

Sekretari i Përgjithshëm i Partisë Demokratike, Flamur Noka, ka publikuar në rrjetet sociale një video ku shfaqet një vajzë duke u larguar nga ambientet e Burgut të Peqinit, ndërsa ngre akuza të forta për mënyrën se si po administrohet institucioni penitenciar.

Sipas Nokës, vajza e filmuar është një eskortë që, sipas pretendimeve të tij, ka hyrë në burg për t’u shërbyer të dënuarve.

Demokrati akuzon qeverinë se gjatë viteve të fundit burgjet janë shndërruar në ambiente luksi për personazhe të botës së krimit.

“Eskorta në burgun e Peqinit. Rama i shndërroi burgjet në motele për bandat e pushtetit. Edhe pse në rrjete sociale u bë virale një video ku shfaqej një qeli luksi, drejtorin e burgut të Peqinit s’e gjeti gjë. Altin Ago vazhdon detyrën e rehatimit të bandave, duke u siguruar që të mos mungojë gjësend”, shkruan Noka.

Akuza për votat e Sara Miles

Pas publikimit të videos, Noka ka shpërndarë edhe një fotografi të procesverbalit të votimit në Burgun e Peqinit, ku socialistja, tashme deputete, Sara Mila ka rezultuar më e votuara në këtë institucion.

Sipas tij, drejtori i burgut, Altin Ago, është “shpërblyer” pikërisht për rezultatin elektoral.

“Drejtori i burgut të eskortave u shpërblye sepse zbatoi porosinë për të shpallur Sara Milën të preferuarën e 90% të të burgosurve. Drejtorit Altin Ago i kanë dalë edhe skandale të tjera, por tani kuptohet pse është i paprekshëm. Karteli e emëron, karteli e mbron”, shprehet Noka.

Skandali i qelisë luksoze në Peqin

Akuzat e opozitës vijnë vetëm pak javë pasi gazetari Artan Hoxha publikoi pamje nga ajo që ai e përshkroi si një qeli luksoze në Burgun e Sigurisë së Lartë në Peqin.

Në videon e publikuar shfaqeshin ambiente të arreduara me mobilie, televizor, kuzhinë dhe punime dekorative, të pazakonta për një institucion vuajtjeje dënimi.

I ftuar në një emision televiziv, Hoxha deklaroi se kishte parë edhe më herët investime të kryera nga persona të botës së krimit brenda burgjeve, por jo në përmasa të tilla.

“Kjo është një qeli në burgun e sigurisë së lartë në Peqin. Kam parë investime në burg të bëra nga personazhe të botës së krimit, por të këtij niveli mu duk e pabesueshme. Kjo nuk është qelia e personit që ka filmuar, por e një personazhi shumë të rëndësishëm të botës së krimit, të narkotrafikut dhe lojërave të fatit”, deklaroi Hoxha.

Nuk ka reagim zyrtar

Deri në momentin e publikimit të këtij lajmi nuk ka pasur një reagim zyrtar nga Drejtoria e Përgjithshme e Burgjeve apo nga drejtuesit e Burgut të Peqinit lidhur me pretendimet e ngritura nga Flamur Noka dhe materialet e publikuara në rrjetet sociale./ Marrë nga “Boldnews”

The post Flamur Noka publikon pamjet: Vajza që largohet nga burgu i Peqinit është eskortë! Burgu si motel, po Tiku “i Burgjeve” a di gjë? appeared first on Albeu.com.

Një episod i pazakontë u regjistrua mbrëmjen e kaluar në takimin e Kupës së Botës mes Shteteve të Bashkuara të Amerikës dhe Australisë. Sfida u mbyll me fitoren 2-0 të vendasve, ndërsa vëmendjen e mediave ndërkombëtare e mori një ngjarje e ndodhur në minutat e fundit.

Në fundin e ndeshjes, arbitri kryesor Felix Zwayer u ul në fushë dhe kërkoi asistencë mjekësore. Ndihma erdhi menjëherë, por në një mënyrë jo fort të zakonshme, pasi gjyqtarja e katërt Katie Garcia i solli lëng të turshive.

Sipas asaj që raporton The New York Times, bëhet fjalë për një përzierje të përgatitur me lëng turshish, e pasuruar me vitamina dhe minerale që ndihmojnë në rikuperimin e menjëhershëm të muskujve.

Në përgjithësi, kjo pije tregtohet në shishe të vogla prej afërsisht 75 ml, ndërsa mjekët rekomandojnë që fillimisht të shpëlahet goja për 20 deri në 30 sekonda, përpara se të pështyhet ose të gëlltitet.

Nga ana sportive, kur organizmi përballet me ngarkesë të madhe, truri mund të dërgojë sinjale tepër aktive drejt muskujve të lodhur, gjë që shkakton dhimbje barku.

Elektrolitet natyrale që gjenden në lëngun e kastravecit, si natriumi dhe kaliumi, veprojnë së bashku për të ndërprerë këtë “sinjalizim nervor”. Ato nxisin një refleks në gojë, i cili dërgon një mesazh te muskujt për t’u çlodhur në më pak se 60 sekonda.

Dr. Mayur Ranchordas, një lektore e lartë në të ushqyerit sportiv dhe metabolizmin e ushtrimeve në Universitetin Sheffield Hallam në Mbretërinë e Bashkuar, kishte deklaruar për BBC-në në vitin 2023 se lëngu i turshive “ndalon dhimbjet e barkut 40 për qind më shpejt sesa pirja e ujit”.

Veç kësaj, kjo pije ndihmon edhe në rritjen e nivelit të sheqerit në gjak, ndërsa njëkohësisht i jep trupit vitaminë C.

Për shkak të shpërthimit të fortë të energjisë dhe përbërjes së saj të veçantë, lëngu i turshive nuk përdoret si masë parandaluese, por vetëm pasi ngërçet kanë nisur, me qëllim lehtësimin e dhimbjes.

Kjo përzierje mund të shërbejë gjithashtu edhe për të zbutur lodhjen, dehidratimin dhe qarkullimin e dobët të gjakut.

The post Skenë e rrallë në Botëror, arbitrit iu dha lëng turshish gjatë ndeshjes appeared first on Albeu.com.

Lidhja Shqiptare e ka cilësuar si pozitiv njoftimin e Qeverisë për krijimin e një Qendre për Ndihmën e Shpejtë në Shkup, por vë në dukje se panorama reale në shëndetësi dëshmon mungesë reformash të mirëfillta.

Partia i referohet raportit “Kompasi i Premtimeve”, i përgatitur nga Finance Think në bashkëpunim me Shoqatën e Mjekëve të Maqedonisë dhe Forumin Arsimor Rinor, sipas të cilit vetëm 13 për qind e premtimeve në fushën e shëndetësisë janë përmbushur, ndërsa 71 për qind nuk kanë nisur ende të zbatohen.

Reagimi i plotë:

Në njërën anë, Qeveria bën të ditur themelimin e një Qendre për Ndihmën e Shpejtë në Shkup. Çdo hap që ka për synim shpëtimin e jetëve mbetet i mirëpritur. Megjithatë, në anën tjetër, raporti “Kompasi i Premtimeve”, i hartuar nga Finance Think në bashkëpunim me Shoqatën e Mjekëve të Maqedonisë dhe Forumin Arsimor Rinor, tregon qartë se vetëm 13% e premtimeve në shëndetësi janë realizuar, ndërsa 71% ende nuk kanë filluar të zbatohen.

Sipas Lidhjes Shqiptare, këto nuk janë qëndrime të opozitës, por fakte të dala nga një raport i pavarur. Ato, sipas saj, dëshmojnë mungesën e avancimit në reformat kyçe të sistemit shëndetësor, si digjitalizimi i shërbimeve shëndetësore, shkurtimi i listave të pritjes, përmirësimi i qasjes te specialistët, integrimi i niveleve të kujdesit shëndetësor dhe reformat në shëndetësinë primare.

Më tej theksohet se qytetarëve nuk u mjaftojnë institucione të reja vetëm në letër. Ata kanë nevojë për numër të mjaftueshëm mjekësh dhe infermierësh, për ambulanca të pajisura, barna të disponueshme, diagnostikim në kohë dhe trajtim dinjitoz.

Sipas reagimit, reformat nuk vlerësohen nga vendimet e qeverisë apo konferencat për shtyp, por nga jetët që shpëtohen, nga pacientët që nuk detyrohen të presin me muaj për një kontroll, nga shërbimet që funksionojnë dhe nga profesionistët shëndetësorë që vendosin të qëndrojnë dhe të punojnë në vendin e tyre.

Në përfundim, Lidhja Shqiptare vlerëson se shëndetësia meriton më shumë sesa premtime dhe se kërkon rezultate konkrete.

The post LSH: Sistemit shëndetësor i duhen ndryshime të prekshme, jo projekte që mbeten në letër appeared first on Albeu.com.

Janë zbuluar detaje të reja mbi vdekjen e aktores së njohur amerikane Daveigh Chase, e cila ndërroi jetë më 16 qershor në moshën 35-vjeçare.

Sipas raportimeve të mediave amerikane, Chase humbi jetën si pasojë e komplikacioneve të shkaktuara nga meningjiti bakterial dhe një infeksion i rëndë në gjak.
Aktorja, e njohur për rolet e saj në filmat “Lilo & Stitch” dhe “The Ring”, kishte kaluar muaj të vështirë përpara vdekjes, ndërsa përballej me probleme të rënda shëndetësore dhe varësi nga droga.

Persona që e kishin njohur në periudhën e fundit të jetës së saj tregojnë se gjendja e aktores po përkeqësohej dita-ditës. Kevin Call, i njohur si “kryetari i Skid Row”, lagjes famëkeqe të Los Anxhelosit ku Chase kishte kaluar kohë, tha se ajo po humbiste vazhdimisht peshë dhe kishte nevojë urgjente për trajtim mjekësor.
“Ajo dukej gjithnjë e më e dobët sa herë që e shihja. Ishte e qartë se kishte probleme serioze shëndetësore dhe kishte nevojë për ndihmë”, u shpreh ai.
Edhe familja e saj ka folur për betejën e gjatë me varësinë. Babai i aktores, John Schwallier, deklaroi se vajza e tij kishte luftuar me drogën që në moshën 13-vjeçare dhe se kohët e fundit kishte jetuar në kushte shumë të vështira, duke mbetur edhe e pastrehë.
Ndërkohë, menaxheri i saj, John Ryan, tregoi se kishte bërë përpjekje të shumta për ta gjetur dhe për ta dërguar në rehabilitim. Së bashku me gjysmëmotrën e saj, ai kishte planifikuar ta transferonte në një qendër rehabilitimi në Kosta Rika, por nuk arriti ta lokalizonte në kohë.
Vdekja e Daveigh Chase ka tronditur fansat e saj, ndërsa historia e saj po rikthen vëmendjen te pasojat shkatërruese që mund të sjellin varësia dhe mungesa e trajtimit në kohën e duhur.

The post Në “luftë” me drogën që në moshën 13-vjeçare, zbulohet shkaku i vdekjes së aktores së njohur të ‘Samarës appeared first on Albeu.com.

Holanda e ka përfunduar 45-minutëshin e parë në epërsi 2-0 përballë Suedisë, në një pjesë ku skuadra e Ronald Koeman u tregua më e saktë përpara portës, ndërsa suedezët krijuan raste, por nuk arritën t’i shfrytëzonin.

Ndeshja nisi me një qasje disi më këmbëngulëse nga Suedia, me Viktor Gyokeres që vuri në provë portën dy herë. Fillimisht, ai tentoi nga distanca, por u ndal nga portieri Bart Verbruggen, ndërsa më pas provoi edhe nga brenda zonës, me topin që përfundoi në duart e gardianit holandez.

Reagimi i Holandës erdhi shpejt, teksa vendasit nisën të marrin kontrollin e lojës. Cody Gakpo u shfaq i rrezikshëm me një goditje me kokë, por nuk ia doli të mposhtte portierin suedez.

Në minutën e pestë, Holanda gjeti golin e avantazhit. Pas asistimit të Cody Gakpo, Brian Brobbey e dërgoi topin në rrjetë nga afërsia për rezultatin 1-0.

Pas pësimit të golit, Suedia kërkoi të kundërpërgjigjej përmes Alexander Isak dhe Benjamin Nygren, por përpjekjet e tyre nuk prodhuan rezultat.

Në minutën e 17-të, Holanda shënoi edhe golin e dytë. Denzel Dumfries dha asistimin, ndërsa sërish ishte Brobbey që realizoi, duke përfituar nga hapësira në zonë dhe duke e dërguar topin në këndin e poshtëm për 2-0.

Skuadra holandeze mbeti më bindëse edhe në vazhdim në fazën sulmuese. Tijjani Reijnders provoi një aksion individual, por goditja e tij përfundoi jashtë kuadratit.

Në minutat e fundit të pjesës së parë, Suedia pati edhe një rast shumë të mirë me Gyokeres, por Verbruggen reagoi sërish shkëlqyeshëm, duke e mbajtur portën të paprekur.

The post Holanda mbyll pjesën e parë me avantazh 2-0 ndaj Suedisë appeared first on Albeu.com.

Kryeministri Edi Rama ka reaguar me një postim të fortë në rrjetet sociale, duke komentuar një rast që, sipas tij, ilustron mënyrën se si manipulohet opinioni publik në rrjet.

Duke iu referuar dy fotografive të publikuara, ai ngre akuza për kontradikta mes mesazheve publike dhe veprimeve reale të një personazhi të përfshirë në debatet për mbrojtjen e trashëgimisë kulturore dhe mjedisit në zonën e Kalasë së Durrësit.
Në reagimin e tij, Rama thekson se rasti tregon “algoritmin e manipulimit në rrjetet sociale”, ku, sipas tij, individë që shkelin ligjin paraqiten si zëra të interesit publik.

“Dy fotografi dhe dy fytyrat e një simboli të thirrjes për diasporën në protestë.
Majtas: Një shtesë skandaloze pa leje brenda mureve të kalasë së Durrësit. Shteti do ta shpronësojë në kuadrin e pastrimeve për Rilindjen e Zonës Historike, sipas projektit të miratuar.
Djathtas: Një protestuese e përbetuar për mbrojtjen e mjedisit që bërtet, “Diaspora këtë vit nuk do të vijë për pushime, por për protestë”. Ajo është vetë ndërtuesja e shtesës pa leje, e cila ka deklaruar përpara meje se do hidhet me kokë nga tarraca, po nuk e pranon fondin e shpronësimit të atij çibani ngaqë i duket pak!
Pikërisht kështu funksionon algoritmi i manipulimit në rrjetet sociale:
Një shkelëse e ligjit, qëndrestare kundër pastrimit të trashëgimisë kulturore nga çibanët e ndërtuar pa leje vishet me flamurin e interesit publik, ve kujën për atdheun në rrezik dhe kthehet në heroinë.
Fakti pastaj që ky personazh grotesk është edhe militante e vajmedet Partisë Demokratike, e fut rastin në një kornizë shembullore të dashurisë për natyrën. Çibani ka një hipotekë nga koha e dy gishtave”, shkruan Rama.

The post “Ka ndërtuar pa leje brenda mureve të kalasë së Durrësit”, Rama nxjerr foton e protestueses: Një shkelëse e ligjit vë kujën për atdheun në rrezik appeared first on Albeu.com.

Esat Mala nuk do të jetë më lojtar i Vllaznisë. Mesfushori ofensiv 27-vjeçar dhe klubi shkodran kanë vendosur të mbyllin bashkëpunimin, duke mos zgjatur kontratën që skadon më 30 qershor.

Pas vendimit për largimin, ka ardhur edhe reagimi i parë nga vetë futbollisti. Përmes një postimi në rrjetin social “Instagram”, Mala ka falënderuar Vllazninë për katër vitet e kaluara me fanellën kuqeblu, ndërsa ka veçuar edhe mbështetjen e tifozëve shkodranë.

Ky ishte mesazhi i Malës:

Pas 4 viteve të paharrueshme, ka ardhur momenti të mbyll një kapitull të rëndësishëm në jetën time. Dua të falënderoj nga zemra klubin për besimin dhe mundësinë që më dha të jem pjesë e kësaj familjeje. Një falënderim i veçantë shkon për bashkëlojtarët, trajnerët, stafin dhe drejtuesit. Falënderoj çdo tifoz kuq e blu dhe Vllaznit Ultras për mbështetjen si në ditët e mira dhe të vështira.

Mbi të gjitha, faleminderit qytetit dhe qytetarëve të Shkodrës, të cilët më kanë respektuar, mbështetur dhe bërë të ndihem gjithmonë si në shtëpi. Largohem me krenari, respekt dhe keqardhje që nuk mundëm të festonim dot titullin kampion. Ky klub do të ketë gjithmonë një vend të veçantë në zemrën time. Faleminderit për gjithçka!

The post Esat Mala flet pas ndarjes me Vllazninë: Ishin 4 vite të paharrueshme, falënderimi im shkon mbi të gjitha për tifozët shkodranë appeared first on Albeu.com.

Në polici është paraqitur dje një denoncim nga H.D., 50 vjeçe, nga fshati Çegran i Gostivarit.

Sipas kallëzimit të saj, ngjarja ka ndodhur më 19.06.2026, rreth orës 19:20, kur tre persona të panjohur kanë hyrë me një veturë në oborrin e shtëpisë dhe i kanë marrë me dhunë vajzën e saj të mitur, 15 vjeçe.

Nëna ka deklaruar se adoleshentja është futur me forcë në automjet, ndërsa personat më pas janë larguar në një drejtim të panjohur.

Autoritetet policore kanë njoftuar se po zhvillojnë masa intensive për gjetjen e vajzës.

The post Tre persona rrëmbejnë me forcë një 15-vjeçare nga oborri i banesës në Çegran të Gostivarit appeared first on Albeu.com.

Thomas Brdaric është emëruar trajneri i ri i Malishevës. Tekniku 51-vjeçar ka vendosur të mbyllë eksperiencën te Drenica për të nisur një aventurë të re me skuadrën e Malishevës, duke vijuar gjithsesi të mbetet në Superligën e Kosovës.

Marrëveshja është firmosur sot, ndërsa po gjatë ditës së sotme është zhvilluar edhe prezantimi i tij. Kjo do të bëjë që Brdaric të rikthehet së shpejti në Shkodër, pasi në turin e parë të UEFA Conference League, Malisheva që ai do të drejtojë do të ndeshet me ish-ekipin e tij, Vllazninë.

Klubi kosovar, mes të tjerash, shkruan: “FC Malisheva ka kënaqësinë të njoftojë emërimin e krye-trajnerit të ri Thomas Brdaric. Trajneri gjerman sjell me vete përvojë të pasur ndërkombëtare, si në futbollin evropian ashtu edhe në atë aziatik, duke drejtuar klube në nivele të larta garimi”.

The post Thomas Brdaric zyrtarizohet te Malisheva, ish-trajneri i Vllaznisë rikthehet sërish në Shkodër appeared first on Albeu.com.

Një i ri, i cili deklaroi se është nga Mirdita, por prej vitesh jeton në diasporë u ka bërë thirrje bashkëatdhëtarëve të tij që të rikthehen dhe të marrin fatin e vendit në dorë,

“The ska bir nane që na merr pushtetit…Unë ju them që ka edhe bir nanë…Është ai msuesi që jep edhe nga jeta e vet për të edukuar nxënësit. Bir none është doktori që i thehet zemra kur i thotë pacientit se nuk ka ilaçe. Është e pandershme që një shqiptarët të trajtohet kështu.
Pse fëmijët e mi duhej të flisnin në gjuhë të huaj?
Këta pengmarrës na e kanë mohuar.
Falënderoj gjithë diasporën që ka ardhur, por u bëj thirrje atyre që nuk janë kthyer të vijnë me dinjitet dhe të marrin fatin në dorë.
Diaspora e do Shqipërinë pa interes.
Ishte Jeronim de Rada që nisi “Rilindjen”, ishte, Nënë Tereza që i tregoi botës dashurinë për njerëzimin, Skënderbeu që bashkoi njerëzit.
Me fuqinë e Skënderbeut do t’i pushtoni këta pengmarrës.

Jam amator, por do të them disa vargje nga Fishta për rikthimin e diasporës
Kthehuni shqipe”, tha ai.

The post “Pushtojini këta pengmarrës me fuqinë e Skënderbeut”/ Protestuesi nga diaspora rrëqeth me vargjet e Fishtës: Kthehuni shqiptarë, ta marrim fain në dorë appeared first on Albeu.com.

Kombëtarja e Senegalit po përballet me vështirësi serioze gjatë pjesëmarrjes në Kupën e Botës, pasi problemet financiare dhe paqartësitë organizative rrezikojnë të ndikojnë drejtpërdrejt në ecurinë e skuadrës.

Pakënaqësia në kampin senegalez lidhet me bonuset që ende nuk u janë dhënë lojtarëve, ndërsa situata rëndohet edhe nga fakti se përfaqësuesja drejtohet nga një trajner që nuk ka kontratë zyrtare.

Përveç kësaj, raportimet flasin edhe për mangësi në organizimin bazë, përfshirë ushqimin dhe kushtet e kampit, në një kohë kur ekipi afrikan synon të bëjë paraqitje të rëndësishme në turneun që po zhvillohet në Amerikën e Veriut.

Edhe pse konsiderohet ndër përfaqësueset më të forta të futbollit afrikan, së bashku me Marokun, i renditur i 7-ti në botë, Senegali po hyn në këtë fazë të Botërorit mes tensioneve të shumta të brendshme.

Vitin e kaluar, senegalezët triumfuan ndaj Marokut në finalen e Kupës së Kombeve të Afrikës, por më pas ajo fitore u anulua për shkak të një incidenti, pasi skuadra u largua nga fusha për rreth 10 minuta.

Po ashtu, Senegali regjistroi edhe një sukses të rëndësishëm 3-0 në transfertë kundër Anglisë vitin e kaluar, duke konfirmuar potencialin e madh që kishte përpara startit të Botërorit në Amerikën e Veriut.

Ndeshjen e parë në këtë turne e humbi 3-1 ndaj Francës, një prej ekipeve favorite, megjithatë ende mbetet në garë për kualifikimin në fazën me eliminim direkt, nëse arrin të fitojë njërën nga dy sfidat e mbetura në grup.

Sipas raportimeve, atmosfera në kamp nuk është aspak e qetë. Skuadra po përjeton tensione të forta për shkak të çështjeve financiare dhe situatës së paqartë që përfshin stafin teknik.

Sports News Africa shkruan se Federata e Futbollit të Senegalit duket se po përpiqet t’i zbusë në heshtje shqetësimet që lidhen me bonuset e futbollistëve, të cilat ende nuk janë shlyer pavarësisht premtimeve të bëra ndaj lojtarëve të kombëtares.

Po sipas raportimeve, federata ka përfituar prej muajsh pagesa të konsiderueshme nga AFCON 2025, si edhe bonuse që lidhen me sigurimin e kualifikimit për në këtë Botëror.

Ndërkohë, hoteli i zgjedhur si bazë e ekipit në Shtetet e Bashkuara thuhet se nuk përmbush standardet e nevojshme për një kompeticion të këtij niveli, duke e shtuar më tej pakënaqësinë brenda skuadrës.

The post Senegalit i shpërthen kriza në Botëror: bonuse ende të pashlyera dhe trajner pa marrëveshje appeared first on Albeu.com.

Në Tiranë mbahet dita e 21-të e protestës, ku qytetarët janë mbledhur në sheshin “Skënderbej” dhe kanë nisur me marshimin e tyre drejt Kryeministrisë.

Pjesë e kësaj proteste janë bashkuar edhe shqiptarë nga Diaspora, teksa me flamuj dhe pankarta në duar, ata kërkojnë të plotësohen kërkesat e tyre.
Përpara Kryeministrisë, ata pritet të mbajnë fjalimet e tyre të përhershme dhe më pas të nisin marshimin në rrugët e kryeqytetit.

The post Dita e 21-të e tubimit në Tiranë, protestuesit mblidhen para Kryeministrisë, mbajnë fjalime njëri pas tjetrit në tribunë appeared first on Albeu.com.

Riho Terras, raportuesi për Kosovën në Parlamentin Evropian, vlerësoi se vendi ka humbur një vit të plotë për shkak të një gjendjeje të vazhdueshme zgjedhjesh dhe fushatash, çka sipas tij ka prekur të gjitha proceset që e afrojnë Kosovën me Bashkimin Evropian.

Ai tha se prioriteti kryesor është krijimi sa më i shpejtë i një qeverie funksionale, në mënyrë që të nisë puna për reformat.

“Këshilla ime e parë është që sa më shpejt të jetë e mundur të gjendet udha për të bërë një koalicion qeveritar i cili do të jetë në gjendje që të veprojë shpejt dhe të nisin me të gjitha reformat që janë planifikuar. Por pikë së pari çështja më e rëndësishme është që të ketë një qeveri funksionale”, deklaroi Terras në Klankosova.

Eurodeputeti shprehu shpresën se forcat politike do t’i lënë mënjanë dallimet mes tyre dhe do të arrijnë të gjejnë një pikë të përbashkët për ngritjen e një qeverie të fortë dhe funksionale.

Megjithëse vendi është përballur me bllokada politike gjatë viteve të fundit, Terras vlerëson se Kosova vazhdon të mbetet në një drejtim të mirë drejt Bashkimit Evropian.

Sipas tij, ishin pikërisht deputetët e Parlamentit Evropian që e nxitën komisionaren për zgjerim, Marta Kos, që ta vizitojë Kosovë.

“Tani, çdo person i rëndësishëm i institucioneve evropiane e ka vizituar Kosovën dhe porosia ishte e njëjta: të gjithë mendojnë që Kosova është në një rrugë të mirë dhe se një qeveri funksionale duhet të jetë aty. Kjo për të pasur një partner për të negociuar dhe të ketë një partner për statusin e vendit kandidat për Kosovën dhe të çelen bisedimet e pranimit në Union”, deklaroi Terras.

Ai theksoi më tej se pengesa kryesore për BE-në, sa i përket nisjes së bisedimeve të anëtarësimit me Kosovën, mbetet fakti që pesë shtete anëtare të Unionit ende nuk e njohin Kosovën.

“Ne prej anës sonë, të Parlamentit Evropian, po mundohemi të ju qasemi këtyre vendeve dhe t’i pyesim se çka po mendojnë ato. Kanë kaluar më shumë se 20 vite dhe ata akoma nuk e dinë cila është rruga përpara, cili është plani i tyre, qysh ata do të vazhdojnë me këtë”.

“Për mendimin tim, Komisioni Evropian duhet të hapë diskutimet dhe t’ia japë Kosovës statusin e vendit kandidat gjithsesi. Kjo përkundër faktit që disa vende nuk e kanë njohur Kosovën. Dhe hapja e bisedimeve për pranim do të ishte një shenjë e mirë edhe për vendet mosnjohëse”, theksoi eurodeputeti.

Duke komentuar situatën e sigurisë në Kosovë, Terras bëri të ditur se gjatë vizitës së tij të fundit në vend kishte shkuar edhe në selinë qendrore të KFOR-it. Sipas tij, mesazhi nga drejtuesit e këtij misioni ishte pozitiv, duke nënvizuar se gjendja është stabilizuar dukshëm dhe se nuk ka pengesa për ndërtimin e marrëdhënieve të mira fqinjësore, para së gjithash me Serbinë dhe me minoritetin serb në Kosovë.

Për dialogun Kosovë-Serbi, ai tha se Bashkimi Evropian duhet të bëjë gjithçka që ka në dorë për t’i shtyrë të dyja palët drejt bisedimeve, “dhe ta shtynë Serbinë aq sa po e shtynë Kosovën”.

“Problemi tani është që unë nuk shoh që Bashkimi Evropian është fort aktiv në raport me palën serbe. Dhe Serbia nuk dëshiron që të gjejë rrugë për të dalë nga kjo” situatë, shtoi eurodeputeti nga Estonia.

Sipas Terrasit, zgjidhja më e mirë për të dyja palët “është që të harrojnë konfliktet dhe të angazhohen bashkërisht që të kenë një rajon paqësor”.

“Të gjejnë rrugë për këtë dhe BE-ja të ndërmjetësojë në këtë proces dhe të shtyjë të dyja shtetet për të gjetur mënyrat për këtë”, tha Terras, ndonëse sipas tij emisari për dialog, Peter Sorensen, nuk ka bërë mjaftueshëm në këtë aspekt.

Në fund, ai nënvizoi se, sipas vlerësimit të tij, “vetëm Kosova e Serbia janë në gjendje që të zgjidhin problemin”.

The post Riho Terras u bën thirrje partive në Kosovë të formojnë sa më shpejt një qeveri funksionale appeared first on Albeu.com.

Zëvendëskryeministri dhe ministri i Transportit, Aleksandar Nikolloski, ka bërë të ditur se ndërtimi i autostradës Gostivar-Bukojçan, si segment i Korridorit 8, është duke vijuar me ritëm të përshpejtuar.

Në një postim në rrjetet sociale, ai njoftoi se puna po zhvillohet njëkohësisht në hapjen e trasesë dhe në vendosjen e shtyllave për viaduktet.

Nikolloski theksoi se aktualisht janë në ndërtim katër ura dhe një mbikalim, ndërsa njëra prej urave tashmë ka përfunduar tërësisht.

Ai shtoi se projekti po avancon në përputhje me planifikimin, duke nënvizuar se investimet në infrastrukturë vazhdojnë të jenë prioritet i qeverisë.

The post Nikolloski: Punimet në autostradën Gostivar-Bukojçan, pjesë e Korridorit 8, po ecin me intensitet të shtuar appeared first on Albeu.com.

Holanda dhe Suedia zbresin në fushë nga ora 19:00, në një takim të vlefshëm për raundin e dytë të Kampionatit Botëror 2026 në kuadër të Grupit F.

Skuadra holandeze hyn në këtë sfidë pasi e nisi garën me një barazim 1-1 kundër Japonisë, ndërsa suedezët vijnë të motivuar pas triumfit të thellë 5-1 ndaj Tunizisë.

Te Holanda, trajneri Ronald Koeman ka vendosur sërish t’i besojë nga minuta e parë liderit të mbrojtjes Virgil Van Dijk, i cili edhe në këtë ndeshje do të luajë përkrah Jan Paul Van Hecken, njësoj si në përballjen e parë.

Në repartin e mesfushës rolin kryesor e mban Frenkie De Jong, ndërsa në sulm Brian Brobbey do të ketë mbështetjen e Donyell Malen dhe Cody Gakpo.

Edhe Suedia paraqitet me emra të rëndësishëm në fazën ofensive, ku Viktor Gyokeres dhe Alexander Isak pritet të përbëjnë rrezik të madh për portën e Holandës.

Formacionet zyrtare:

Holanda: Verbruggen; Dumfries, Van Hecke, Van Dijk, Van de Ven; Gravenberch, De Jong, Reijnders; Malen, Brobbey, Gakpo.

Suedia: Nordfeldt; Lindelof, Hien, Lagerbielke; Karlstrom; Gudmundsson, Ayari, Nygren, Bernhardsson; Gyokeres, Isak.

The post Formacionet zyrtare për përballjen Holandë – Suedi në Grupin F të Botërorit 2026 appeared first on Albeu.com.

Shqipëria hyn sot në ditën e 21-të të revoltës popullore kundër qeverisë së dhe kryeministrit Edi Rama. Organizatorët paralajmërojnë protestën më të madhe të zhvilluar deri më tani para godinës së Kryeministrisë.

Qytetarë nga mbarë vendi pritet t’i bashkohen tubimit në Tiranë, ndërkohë që pjesëmarrje të lartë raportohet edhe nga diaspora shqiptare. Mijëra emigrantë kanë udhëtuar nga vende të ndryshme të Europës për të qenë të pranishëm në protestën e sotme, e cila konsiderohet si kulmi i mobilizimit qytetar pas tri javësh demonstrata të pandërprera.

Protesta ka tejkaluar tashmë kauzën fillestare dhe është shndërruar në një lëvizje më të gjerë kundër korrupsionit, keqqeverisjes, mungesës së llogaridhënies dhe largimit masiv të të rinjve nga vendi. Pjesëmarrja e diasporës është një tregues se pakënaqësia ndaj qeverisë nuk kufizohet vetëm brenda territorit të Shqipërisë.
Tubimi pritet të nisë në orën 19:00 te sheshi ‘Skënderbej’ dhe më pas do të marshohet drejt Kryeministrisë.

Dita e 21-të e protestave antiqeveritare shihet si një provë e rëndësishme për vazhdimësinë e revoltës qytetare, e cila prej tre javësh ka mbajtur në qendër të vëmendjes zhvillimet politike në vend.

The post Dita e 21-të e revoltës/ Diaspora marshon drejt Shqipërisë, sot para Kryeministrisë protesta më e madhe e mbajtur ndonjëherë, për largimin e Ramës appeared first on Albeu.com.

Granit Xhaka ishte protagonisti kryesor në fitoren 4-1 të Zvicrës ndaj Bosnjës dhe Hercegovinës, teksa kapiteni i “Helvetikëve” zhvilloi një ndeshje të nivelit më të lartë dhe udhëhoqi me autoritet mesfushën e skuadrës së tij.

Të dhënat e publikuara nga FIFA Training Centre tregojnë se mesfushori zviceran ishte lojtari që i vuri më shumë në vështirësi boshnjakët, pasi provoi 39 pasime që çanin linjat kundërshtare dhe i finalizoi me sukses 31 prej tyre.

Në këtë tregues, Xhaka dallohej qartë nga pjesa tjetër e ekipit, pasi shifra e tij ishte më shumë se dy herë më e lartë se ajo e çdo futbollisti tjetër të Zvicrës, duke e bërë organizatorin kryesor të lojës.

Me pasimet e tij depërtuese, ai prishi vazhdimisht organizimin mbrojtës të Bosnjës, duke nxjerrë jashtë loje linja të tëra të strukturës defensive dhe duke u hapur rrugë vazhdimisht rasteve të rrezikshme për sulmuesit zviceranë.

Sa herë që topi kalonte nga këmbët e tij, loja e Zvicrës fitonte terren, ndërsa kalimi nga mbrojtja në sulm bëhej me shpejtësi dhe saktësi të madhe.

Paraqitja e Xhakës u dallua mbi të gjitha për tre cilësi themelore: vizionin e jashtëzakonshëm, saktësinë teknike dhe efikasitetin në shpërndarjen e topit.

Ai jo vetëm që diktoi ritmin e takimit, por përcaktoi edhe mënyrën se si Zvicra ndërtonte aksionet dhe depërtonte në hapësirat kundërshtare.

Me këtë performancë, Xhaka u konfirmua si dirigjenti i vërtetë i skuadrës, duke forcuar edhe një herë reputacionin e tij si një nga mesfushorët më të zgjuar dhe më me ndikim në futbollin ndërkombëtar modern.

The post FIFA nxjerr pamjet që tregojnë si Granit Xhaka e dominoi Bosnjën me pasimet e tij brilante appeared first on Albeu.com.