Presidentët e Argjentinës dhe Rumanisë thanë të dielën se janë ftuar të marrin pjesë në takimin inaugurues të “Bordit të Paqes” të diskutueshëm të Presidentit të SHBA-së Donald Trump në Uashington më 19 shkurt.

Duke shkruar në faqen e tij në Facebook, Presidenti i Rumanisë, Nicusor, tha se vendi i tij nuk kishte marrë ende një vendim nëse do të pranojë apo jo ftesën.

Javier Milei i Argjentinës tha se do të merrte pjesë në këtë ngjarje, ndërsa nuk do të merrte pjesë në një gala që do të mbahet në rezidencën e Trump në Mar-a-Lago, Florida, të hënën, në të cilën ai kishte planifikuar të merrte pjesë, njoftoi të dielën Shefi i Shtabit të tij Manuel Adorni.

Të shtunën, kryeministri hungarez Viktor Orban tha se edhe ai kishte marrë një ftesë për të marrë pjesë në takim dhe se kishte ndërmend të shkonte.

Trump lansoi “Bordin e Paqes” të tij në Forumin Ekonomik Botëror në Davos në janar dhe rreth 19 vende kanë nënshkruar statutin e tij themelues.

Dhjetëra udhëheqës botërorë kanë marrë ftesa për t’u bërë pjesë e “Bordit të Paqes”. Anëtarët e përhershëm duhet të paguajnë 1 miliard dollarë për t’u anëtarësuar.

Disa vende – përfshirë Kroacinë, Francën, Italinë, Zelandën e Re dhe Norvegjinë – tashmë kanë refuzuar t’i bashkohen atij, dhe të tjerë kanë thënë se mund ta marrin në konsideratë ta bëjnë këtë vetëm nëse statuti i tij ndryshohet.

Sipas statutit të tij aktual, “Bordi i Paqes” e ka Trumpin si kryetar dhe si përfaqësues të SHBA-së.

Sinjali – aty ku e vërteta flet para lajmit!

/GazetaSinjali/

The post Takimi i parë i Bordit të Paqes më 19 shkurt, dy presidentë dhe një kryeministër thonë se i kanë marrë ftesat nga Trump appeared first on Sinjali.

Instituti Kombëtar i Shëndeti Publik ka bërë të ditur se Komiteti për Inteligjencë Epidemike dhe Komiteti për Sëmundje Ngjitëse, kanë mbajtur takime, ku kanë diskutuar situatën globale rreth përhapjes së virusit ‘Nipah’.

IKSHPK bën të ditur se pas vlerësimit aktual të Komiteteve, rreziku për Kosovën është i ulët, meqë edhe OBSH dhe organizatat e tjera kanë vlerësuar se shpërthimet mbeten sporadike, të lokalizuara dhe me mundësi të kufizuara të përhapjes përtej Indisë, ku janë zbuluar dy raste.

Sidoqoftë, sipas tyre, Komitetet kanë rekomanduar që të zgjerohet mbikëqyrja epidemiologjike dhe të rritet gatishmëria e sistemit shëndetësor, mirëpo, në këtë fazë nuk ka arsye për alarmim publik apo rrezik për popullatën në Kosovë.

Mjeku Naser Ramadani, njëherësh ish-drejtues IKSHPK-së, thotë se ekspertët e shëndetit publik theksojnë se virusi Nipah është i rrallë, por kur ndodhin shpërthime, pasojat mund të jenë shumë të rënda.

Megjithatë, ai nënvizon rëndësinë e informimit që qytetarët të mos bien pre e dezinformimeve të ndryshme dhe për të mos shkaktuar panik të panevojshëm.

Sipas tij, ky virus mund të kalojë nga kafshët te njerëzit.

Burimet më të shpeshta të infeksionit janë lakuriqët e frutave, të cilët lloje nuk gjenden te ne dhe se aktualisht virusi nuk përhapet përmes ajrit.

Ndërkaq, simptomat janë kryesisht ethe, dhimbje koke, konfuzion, vështirësi në frymëmarrje etj.

Ai shton se deri tani shpërthimet janë të kufizuara në disa zona të Azisë dhe është shumë i ulët rreziku për Evropën, Ballkanin, Kosovën dhe Shqipërinë.

Sinjali – aty ku e vërteta flet para lajmit!

/GazetaSinjali/

The post IKSHPK: Rreziku nga virusi Nipah për Kosovën është i ulët appeared first on Sinjali.

Qyteti i Nju Jorkut po përjeton të ftohtë ekstrem që madje tejkalon të ftohtin polar, pasi ka regjistruar temperatura në disa zona më të ulëta se pjesë të caktuara të Antarktidës.

Të dielën, qyteti regjistroi një temperaturë prej rreth -16 gradë Celsius dhe një të ftohtë afër -26 gradëve.

Shërbimi Kombëtar i Motit paralajmëroi për kushte kërcënuese për jetën dhe konfirmoi se kjo është periudha më e gjatë e temperaturave të ulëta në më shumë se një dekadë në disa zona.

Sipas të dhënave të publikuara nga shërbimet meteorologjike, të ftohtit në disa zona të Meksikës verilindore arriti pothuajse -40 gradë Celsius.

Në të kundërt, Stacioni McMurdo i SHBA-së në Antarktidë regjistroi rreth -6 gradë Celsius, rreth 10 gradë më ngrohtë se Qyteti i Nju Jorkut në kulmin e fenomenit.

Dallimi i dukshëm u shpjegua nga një zbritje e fortë e ajrit Arktik nga veriu i Gjirit të Hudsonit, Kanada, i cili përparoi në jug dhe mbuloi zona të mëdha të vendit lindor.

Ndikimi i fenomenit çoi në lëshimin e paralajmërimeve për të ftohtë ekstrem për më shumë se 43 milionë njerëz, duke përfshirë zonat kryesore metropolitane si Nju Jorku dhe Filadelfia.

Kushtet u përkeqësuan nga erërat e forta dhe, në zonat e Anglisë së Re, reshjet e dendura të dëborës në nivel lokal të shoqëruara me një sistem atmosferik që krijoi breza reshjesh me akumulime të shpejta.

Në pjesë të veriut të shtetit të Nju Jorkut dhe Anglisë së Re veriore, temperaturat arritën midis -29 dhe -34 gradë Celsius. Meteorologët paralajmëruan se në këto kushte, ngrirja e lëkurës së ekspozuar mund të ndodhë në më pak se 30 minuta.

Në javët e fundit, të paktën 17 persona kanë vdekur në qytetin e Nju Jorkut nga qëndrimi jashtë gjatë stuhisë, dhe 13 nga këto vdekje u konfirmuan si rezultat i drejtpërdrejtë i hipotermisë.

Kryebashkiaku Zohran Mamdani shpjegoi se qyteti ka aktivizuar një operacion për të ndihmuar të pastrehët.

Ndërkohë, 60 qendra ngrohjeje u ngritën në pesë lagje, së bashku me autobusë të shndërruar në strehimore të lëvizshme, me stacione ndihme në zona me trafik të lartë, përfshirë Midtown Manhattan. Autoritetet përsëritën se edhe ekspozimi i shkurtër jashtë mund të jetë i rrezikshëm dhe i kërkuan publikut të kontaktojë shërbimet e emergjencës nëse shohin dikë në rrezik.

Edhe pse episodi u përshkrua si një nga më intensivët në më shumë se njëzet vjet, meteorologët parashikuan përmirësim gradual.

Deri në fillim të javës së ardhshme, temperaturat maksimale do të jenë përsëri rreth 0 gradë Celsius, me një tendencë më të ngrohtë drejt ditëve të para të marsit.

Sinjali – aty ku e vërteta flet para lajmit!

/GazetaSinjali/

The post Nju Jorku pushtohet nga dëbora dhe acari, në qytet u regjistruan temperatura 10 gradë më të ulëta se në Antarktidë appeared first on Sinjali.

Një dasmë është duke u zhvilluar sonte (e diel) në Big Brother VIP Kosova 4.

Klodian Mihaj dhe Elijona Binakaj i kanë thënë ‘PO’ njëri-tjetrit duke kurorëzuar dashurinë e tyre në këtë format.

Dyshja kanë kryer të gjitha procedurat e dasmës dhe atmosfera e zjarrtë veçse ka filluar.

Sinjali – aty ku e vërteta flet para lajmit!

/GazetaSinjali/

The post Dasmë në Big Brother VIP Kosova 4 – martohen Klodi dhe Elijona appeared first on Sinjali.

Autoritetet franceze kanë paralajmëruar se një fushatë ruse manipulimi po përpiqet të implikojë presidentin Emmanuel Macron në dosjet e Jeffrey Epstein, pas publikimit të një pjese të tyre nga Departamenti amerikan i Drejtësisë më 30 janar.

Sipas agjencisë franceze për ndalimin e manipulimit të informacionit, Viginum, një histori e rremë e publikuar në një website, që imitonte programin “France Soir” të një mediaje franceze, shërbeu si katalizator për fushatën.

Artikulli i rremë pretendonte se presidenti francez kishte marrë pjesë në shumë festa në rezidencën e Epstein në Paris dhe se kishte thënë se i pëlqenin djemtë e rinj.

Viginum paralajmëroi gjithashtu se fushata mbart simbolin e operacionit rus “Stuhia-1516”, që shpërndan histori të sajuara sipas interesave të Kremlinit.

Gjithashtu, artikulli mbante firmën e një gazetari që punonte për gazetën franceze “Le Parisien”, një strategji kjo e njohur për qëllimet e propagandës pro-ruse.

Pjesë të artikullit u morën më vonë nga disa media sociale, përfshirë një video të kamufluar si lajm mediatik, që sugjeronte se Macron kishte organizuar një festë me djem të rinj vetëm një javë pasi kishte marrë detyrën për mandatin e parë presidencial në maj të 2017-s.

Institucionet franceze reaguan duke deklaruar se videoja që paraqitej si e dalë nga dosjet e Epstein ishte në fakt e krijuar përmes inteligjencës artificiale.

Sinjali – aty ku e vërteta flet para lajmit!

/GazetaSinjali/

The post Dosja Epstein: Franca denoncon përpjekjet e Rusisë për keqinformim në dëm të presidentit Macron appeared first on Sinjali.

Pas arrestimit të Dugagjin Berishës, 27 vjeç, në kuadër të operacionit policor të koduar “Barriera”, detaje të reja janë zbardhur detaje të reja mbi mënyrën se si u dokumentua aktiviteti i tij i trafikimit të armëve.

Sipas informacionit të siguruara nga Balkanweb, efektivët e Komisariatit nr. 4 kishin marrë informacion se Berisha do të udhëtonte drejt Tiranës dhe më pas në zonën e Freskut për të shitur pistoletat e sekuestruara më parë. Ai është mbajtur nën vëzhgim që nga kalimi në Pikën Kufitare të Morinit, ku hyri në territorin e Shqipërisë me makinën tip “Volkswagen”.

Policia njofton se më parë, me përdorimin e agjentëve të infiltruar, i ka blerë Berishës 2 pistoleta në Fresk, për të dokumentuar aktivitetin e tij kriminal. Ky veprim u krye për të mbledhur prova konkrete të trafikimit të armëve dhe për të ndaluar shpërndarjen e tyre në tregun e paligjshëm.

Nga hetimet paraprake rezulton se Berisha dyshohet të ketë kryer veprime të ngjashme edhe më herët, duke treguar për një aktivitet të vazhdueshëm të trafikimit të armëve zjarri drejt zonës së Tiranës.

Materialet procedurale dhe provat e mbledhura iu referuan Prokurorisë për veprime të mëtejshme, ndërsa Policia vijon hetimet për identifikimin e të tjerëve të përfshirë në rrjetin e trafikimit të armëve.

Arrestohet trafikanti nga Kosova me 12 Glock dhe municion në Shqipëri

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Detaje të reja, si u arrestua i riu nga Kosova në Shqipëri – agjentët e infiltruar i blenë dy pistoleta appeared first on Sinjali.

Kryeministri hungarez, Viktor Orban, e shpalli Ukrainën “armik” të Hungarisë gjatë një fjalimi në një tubim më 7 shkurt.

Orban, i parë gjerësisht si aleati më i ngushtë i Kremlinit në Bashkimin Evropian, ka sulmuar vazhdimisht Kievin dhe Brukselin gjatë gjithë luftës së plotë të Rusisë kundër Ukrainës, shkruajnë mediat e huaja.

Duke folur në një tubim në qytetin hungarez Szombathely më 7 shkurt, Orban kritikoi Ukrainën për kërkesën që BE të ndalojë importet e energjisë së lirë ruse.

“Kushdo që thotë se ky është armik i Hungarisë, atëherë Ukraina është armiku ynë”, tha ai.

Deklaratat e tij vijnë menjëherë pasi Këshilli i BE-së miratoi planet për të ndaluar blerjet e gazit rus deri në vitin 2027.

Hungaria dhe Sllovakia – të dyja vende miqësore me Moskën që mbeten shumë të varura nga gazi rus – e kanë kundërshtuar vendimin në Gjykatën Evropiane të Drejtësisë.

Sinjali – aty ku e vërteta flet para lajmit!

/GazetaSinjali/

The post Orban e quan Ukrainën “armik” të Hungarisë appeared first on Sinjali.

Presidenti i Partisë së Lirisë, Ilir Meta përmes një postimi ka reaguar lidhur me dhunimin e avokatit të tij, Kujtim Cakrani. Meta dënoi sulmin teksa theksoi se autorët të cilët i cilësoi si banditë duhet të dalin para ligjit.

‘Dënoj me ashpërsi sulmin ndaj Avokatit Kujtim Cakrani nga dy banditë, të cilët jo vetëm duhet të identifikohen, por edhe të vendosen para ligjit sa më shpejt.

Nuk është hera e parë, që sulmohen avokatët sepse jetojmë në një regjim ku ata konsiderohen jo vetëm të panevojshëm, por edhe problematikë.

Solidaritetin tim të plotë me Avokatin Cakrani, me familjen e tij, si edhe me të gjithë kolegët,’ shkruan Meta.

Sinjali – aty ku e vërteta flet para lajmit!

/GazetaSinjali/

The post Dhunimi i avokatit Cakrani, reagon Meta: 2 banditët duhet të vendosen para ligjit sa më shpejt appeared first on Sinjali.

Agjencia e Ushqimit dhe Veterinarisë së Kosovës (AUV) ka njoftuar për tërheqjen urgjente nga tregu të disa produkteve ushqimore për foshnje të markës APTAMIL, pas konfirmimit të pranisë së toksinës Cereulide, e cila paraqet rrezik serioz për shëndetin.

Sipas AUV-së, njoftimet janë pranuar përmes Sistemit të Alarmimit të Shpejtë për Ushqim dhe Ushqim për Kafshë (RASFF) dhe lidhen me produkte të prodhuara në Gjermani, Holandë dhe Irlandë.

Njoftimi i plotë:

AUV njofton për tërheqjen nga tregu të disa produkteve ushqimor për foshnje APTAMIL

Agjencia e Ushqimit dhe Veterinarisë së Kosovës (AUV) njofton opinionin publik se, përmes Sistemit të Alarmimit të Shpejtë për Ushqim dhe Ushqim për Kafshë (RASFF), ka pranuar disa njoftime lidhur me praninë e toksinës Cereulide në produkte të qumështit formulë për foshnje të markës APTAMIL, të prodhuara në Gjermani, Holandë dhe Irlandë.

Njoftimet zyrtare nga RASFF janë: njoftimin me nr. 2026.0663, që ka të bëjë me praninë e toksinës Cereulide në formulën për foshnje të prodhuar në Gjermani, njoftimin nr. 2026.1018, që ka të bëjë me praninë e toksinës Cereulide në produktet e prodhuara në Holandë si dhe njoftimi nr 2026.1017, që ka të bëjë me praninë e toksinës Cereulide në formulat për foshnje dhe në formulat për qëllime mjekësore të prodhuara në Irlandë.

Për shkak të nivelit të rrezikut të konsideruar serioz, AUV, në bashkëpunim me kompaninë importuese UNION sh.p.k., Vushtrri, është duke ndërmarrë masat e menjëhershme për tërheqjen ekëtyre produkteve nga tregu.

AUV u bën thirrje të gjitha bizneseve që të ndërpresin menjëherë shitjen e këtyre produkteve, ndërsa konsumatorët që posedojnë produkte të tilla të mos i përdorin ato dhe t’i kthejnë në pikat përkatëse të shitjes.

Agjencia e Ushqimit dhe Veterinarisë mbetet e përkushtuar në monitorimin e vazhdueshëm të tregut dhe në zbatimin e masave parandaluese dhe kontrolluese, me qëllim garantimin e sigurisë ushqimore dhe mbrojtjen e shëndetit të konsumatorëve në Republikën e Kosovës.

Sinjali – aty ku e vërteta flet para lajmit!

/GazetaSinjali/

The post AUV tërheq nga tregu disa produkte Aptamil për foshnje appeared first on Sinjali.

Deklaratat përmbyllëse në gjykimin e ish-udhëheqësve të UÇK-së për krime lufte dhe krime kundër njerëzimit do të nisin që nga e hëna dhe do të zgjasin deri të më 18 shkurt.

Nga 9 deri më 18 shkurt, në Dhomat e Specializuara do të shpalosen fjalët përfundimtare të prokurorisë dhe ekipeve mbrojtëse në rastin më të madh të Speciales. Të hënën dhe të martën pritet deklarata përmbyllëse e Zyrës së Prokurorit të Specializuar dhe e Mbrojtësit të Viktimave. 

Të mërkurën fjalën përfundimtare e nis mbrojtja e ish-presidentit Hashim Thaçi dhe e ish-kryetarit të Kuvendit, Kadri Veseli, e një ditë më vonë edhe ajo e Rexhep Selimit. Krejt në fund të javës, të premten, fjala përfundimtare e mbrojtjes së ish-kryetarit të Kuvendit, Jakup Krasniqi.

Më 17 shkurt, kur Kosova e feston ditëlindjen e saj të 18-të, si dhe një ditë para përmbylljes së paralajmëruar të gjykimit është paralajmëruar marsh paqësor nga organizata joqeveritare “Liria ka emër” në Prishtinë për të shprehur mbështetje për katër të akuzuarit në Hagë. Protesta janë organizuar edhe më herët – në Prishtinë, Shkup, Tiranë, Hagë dhe Strasburg.

“Liria ka Emër” njofton dhe njëkohësisht fton qytetarët e Kosovës në marshin në të madh që ka parë ndonjëherë vendi ynë, një marsh paqësor, dinjitoz dhe gjithpërfshirës, një marsh për drejtësi dhe jo politikë. Një marsh jo kundër dikujt, por dinjitetin e Kosovës, për të vërtetën dhe për respektimin e sakrificës mbi të cilën është ndërtuar liria jonë”, tha Ismail Tasholli, drejtor i OJQ-së “Liria ka Emër”. 

Aktakuza e Zyrës së Prokurorit të Specializuar kundër ish-drejtuesve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, përmban dhjetë akuza. Sipas aktakuzës, krimet janë kryer në periudhën prej marsit të vitit 1998 deri në shtator të vitit 1999. 

Sinjali – aty ku e vërteta flet para lajmit!

/GazetaSinjali/

The post Në dy javët e ardhshme mbahet fjala përfundimtare në rastin në Hagë ndaj ish-udhëheqësve të UÇK-së appeared first on Sinjali.

Një aksident trafiku ka ndodhur mes një veture dhe motoçiklete, të dielën në fshatin Osek Hylë të Gjakovës, sot rreth orës 15:00, raportoi Gazeta Sinjali.

Lajmin e ka konfirmuar Policia, e cila ka njoftuar se si pasojë e aksidentit dy persona kanë marrë trajtim mjekësorë

Ajo ka thënë se dy persona kanë marrë trajtim mjekësor

“Sot rreth orës 15:00 , në fshatin Osek Hilë-Gjakovë, ka ndodhur një aksident trafiku mes një veture dhe motoçiklete”.

“Si pasojë e aksidentit dy persona kanë marrë trajtim mjekësorë. Njësia Rajonale e Trafikut Rrugor është përgjigjur në rast dhe ka ndërmarrë veprimet e nevojshme policore”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Aksidenti në Osek Hylë të Gjakovës, lëndohen dy persona appeared first on Sinjali.

Ministrja për Evropën dhe Punët e Jashtme, Elisa Spiropali, ka përgëzuar studentët shqiptarë të Maqedonisë së Veriut për angazhimin e tyre për përdorimin e gjuhës shqipe, në përputhje me të drejtat e garantuara nga Kushtetuta dhe legjislacioni në fuqi.

“Përgëzojmë studentët shqiptarë të Maqedonisë së Veriut për angazhimin qytetar dhe mënyrën demokratike me të cilën kanë artikuluar kërkesën e tyre për përdorimin e gjuhës shqipe në përputhje me të drejtat e garantuara nga Kushtetuta dhe legjislacioni në fuqi”, shkruan Spiropali.

Sipas saj, dialogu konstruktiv, zgjidhjet institucionale dhe respektimi i të drejtave të njeriut mbeten rruga më e sigurt për forcimin e besimit ndërmjet komuniteteve dhe për përmirësimin e standardeve demokratike në vend.

Spiropali ka vlerësuar gjithashtu gatishmërinë e institucioneve të Maqedonisë së Veriut për ta trajtuar këtë çështje me seriozitet dhe në përputhje me kuadrin kushtetues dhe ligjor të vendit.

Sinjali – aty ku e vërteta flet para lajmit!

/GazetaSinjali/

The post Shqipëria mbështet kërkesat e studentëve për gjuhën shqipe në Maqedoninë e Veriut appeared first on Sinjali.

Narges Mohammadi, fituese e Çmimit Nobel për Paqen në vitin 2023, është dënuar me gjashtë vite burg në Iran.

Lajmi u bë i ditur nga avokati i aktivistes për të drejtat e njeriut.

Ditët e fundit, Mohammadi kishte nisur një grevë urie në burgun iranian ku mbahet e ndaluar, si formë proteste kundër asaj që ajo e konsideron një ndalim të paligjshëm.

Avokati i saj, Mostafa Nili, deklaroi për AFP se dënimi me gjashtë vite burg është dhënë nga një gjykatë iraniane. Akuza ndaj aktivistes, sipas tij, është “bashkim dhe bashkëpunim për kryerjen e veprave penale”, një formulim që në praktikë nënkupton akuzë për komplot.

Përveç dënimit me burg, vendimi parashikon edhe ndalim daljeje nga vendi për një periudhë dyvjeçare. Avokati shtoi se fituesja e Nobelit ka marrë gjithashtu një dënim shtesë prej një viti e gjysmë burg për aktivitet propagandistik, si dhe detyrim që për dy vite të qëndrojë në qytetin Khosf, në provincën lindore të Jugut Khorasan.

Narges Mohammadi u arrestua më 12 dhjetor 2025, gjatë ceremonisë mortore të Khosrow Alikordit, një avokat i angazhuar për të drejtat e njeriut, i cili u gjet i vdekur në rrethana të dyshimta. Javët e fundit, aktivistja është mbajtur në izolim në burgun e Mashhadit.

Në burg, disa ditë më parë, Mohammadi nisi grevën e urisë për të protestuar kundër ndalimit të saj, që e cilëson të paligjshëm. Ajo kërkonte kushte më të mira paraburgimi, të drejtën për të komunikuar me telefon, për të takuar avokatët e saj dhe për të pranuar vizita.

Edhe në të kaluarën, Mohammadi ka kaluar periudha të gjata në burg. Ajo u nderua me Çmimin Nobel për Paqen për luftën e saj mbi 20-vjeçare për të drejtat e njeriut, veçanërisht për të drejtat e grave.

Në ceremoninë e ndarjes së çmimit në Oslo, Nobelin e tërhoqën fëmijët e saj binjakë, Kiana dhe Ali Rahman, atëherë 17 vjeç. Ata lexuan mesazhin që nëna e tyre kishte nxjerrë fshehurazi nga burgu i Evin-it: “Populli iranian, me këmbëngulje, do ta kapërcejë represionin dhe autoritarizmin. Mos dyshoni, kjo është e sigurt.” 

Sinjali – aty ku e vërteta flet para lajmit!

/GazetaSinjali/

The post Dënohet me 6 vjet burgim në Iran fituesja e Nobelit për Paqen në vitin 2023, Narges Mohammadi appeared first on Sinjali.

Forcat ruse po depërtojnë në territorin e BE-së dhe NATO-s përmes taktikave të luftës hibride, përfshirë mbikëqyrje, shkelje të hapësirë ajrore dhe operacione psikologjike, duke përdorur teknologjinë digjitale.

Të tilla praktika i përjetoi një ushtar gjerman i vendosur në Lituani, i cili vetëm para pak kohësh, kur iu përgjigj një thirrjeje në telefonin celular dëgjoi zërin e tij gjatë një bisede të zhvilluar vetëm pak orë më parë.

“Një shoku im telefonoi në shtëpi, foli për gjysmë ore dhe më pas mori një telefonatë nga një numër i panjohur. Ai u përgjigj dhe dëgjoi bisedën që kishte zhvilluar më parë, të regjistruar”, ka treguar oficeri Joshua Krebs në librin e tij “Brenda Ushtrisë Gjermane”.

Krebs i quajti këto praktika përgjimi intimiduese dhe të çuditshme.

Forcat e armatosura evropiane, përfshirë ato gjermane, po përballen me aktivitete hibride të ngjashme në vendet e tyre.

Dronë janë përdorur për të spiunuar sistemet evropiane të mbrojtjes, si atë “Heshta 3”, si dhe stërvitjet e brigadës gjermane të tankeve numër 45, në Lituani.

Vitin e kaluar, një mjet ajror mbikëqyrës rus u konstatua në hapësirën ajrore bjelloruse gjatë stërvitjes “Ujku i Hekurt” të trupave gjermane në Lituani.

Inspektori i përgjithshëm i ushtrisë gjermane, gjenerali Carsten Breuer e cilësoi incidentin një provë të kërcënimit real që i kanoset vendit baltik.

Edhe ministri i Mbrojtjes, Boris Pistorius theksoi se lufta hibride përbën një shqetësim të veçantë për Lituaninë, kur priti homologun lituan në Berlin në fund të janarit.

Sinjali – aty ku e vërteta flet para lajmit!

/GazetaSinjali/

The post Lufta hibride: Rusia presion psikologjik trupave gjermane të vendosura në Lituani appeared first on Sinjali.

Basel ka shënuar fitore me përmbysje në shtëpi ndaj Zurichut, në kuadër të xhiros së 23-të në elitën e futbollit zviceran.

Zurich deri në minutën e fundit të ndeshjes ishte në epërsi prej 0-1, sidoqoftë Baseli realizoi dy gola të vonshëm për ta realizuar rikthimin e madh.

Xherdan Shaqiri u tregua i saktë nga pika e bardhë, duke e barazuar rezultatin (90) – VIDEO.

Ndërsa, Salah në minutën e fundit shënoi pas asistimit të Bacanin për t’ia siguruar vendasve pikët e plota (90+6′).

Vlen të ceket se përpos Shaqirit, nga minuta e parë luajti edhe mesfushori Dion Kacurri, i cili pësoi një lëndim në minutën e 63-të dhe si pasojë la fushën.

Ndërkohë, te Zurichu paraqitje të plotë bënë dyshja Bledian Krasniqi e Lindrit Kamberi.

Baseli kësisoj renditet në pozitën e katërt me 39 pikë derisa Zurichu në vendin e nëntë me 25 sosh.

Sinjali – aty ku e vërteta flet para lajmit!

/GazetaSinjali/

The post Tjetër gol nga Xherdan Shaqiri, Baseli fiton me përmbysje ndaj Zurichut appeared first on Sinjali.

Korportata Energjetike e Kosovës ka njoftuar se njësia B1 është shkyçur nga operimi pasi janë evidentuar rrjedhje të konsiderueshme të avullit në sistemin e gypit brenda kaldajës.

Sipas KEK-ut shkyçja është bërë pas pamundësisë që të vazhdohet operimi i sigurt i kësaj njësie.

“Korporata Energjetike e Kosovës (KEK Sh.A.) njofton opinionin publik se sot, gjatë ditës, në njësinë B1 të Termocentralit Kosova B janë evidentuar rrjedhje të konsiderueshme të avullit në sistemin e gypave brenda kaldajës, të paraqitura rreth orës 10:00. Pas vlerësimit teknik dhe për shkak të pamundësisë për të vazhduar operimin e sigurt, si rezultat i harxhimeve të larta të ujit dhe rrezikut për dëmtime më të mëdha teknike, është vendosur që njësia B1 të shkyçet nga operimi para orës 18:00, si masë parandaluese për ruajtjen e integritetit të njësisë”, thuhet në njoftimin e KEK-ut.

KEK-u ka informuar në këtë njoftim po ashtu se edhe pas ndaljes së njësisë B1, furnizimi me energji elektrike është i siguruar dhe operimi vazhdon në mënyrë stabile me 4 njësi gjeneruese, e që sipas KEK-ut mbulon 87.6% të kërkesës totale për konsum. Pjesa e mbetur është siguruar përmes importit.

Ndërkohë gjatë ditës, Korporata Energjetike e Kosovës njoftoi se pas gati një jave u kthye në operim njësia A5 e Termocentralit Kosova A.

Edhe kjo njësi ishte ndalur nga operimi për shkak të një rrjedhjeje në sistemin gypor.

Sinjali – aty ku e vërteta flet para lajmit!

/GazetaSinjali/

The post Vazhdojnë problemet në termocentrale, pas rikthimit të njësisë A5 – shkyçet nga operimi njësia B1 appeared first on Sinjali.

Kompania Rajonale e Ujësjellësit “Mitrovica” ka njoftuar qytetarët e Skenderajt se do të përballen me ndërprerje të përkohshme të furnizimit me ujë të pijshëm.

Sipas njoftimit të kompanisë në Facebook, kjo situatë ka ardhur si pasojë e një defekti në gypin kryesor të furnizimit, që ndodhet në Kllinën e Mesme.

KRU “Mitrovica” u kërkon qytetarëve mirëkuptim deri në sanimin e defektit në fjalë.

Sinjali – aty ku e vërteta flet para lajmit!

/GazetaSinjali/

The post Shkak i një defekti, furnizimi me ujë të pijshëm ndërpritet përkohësisht në Skenderaj appeared first on Sinjali.

Gjatë javës së ardhshme moti në Kosovë pritet të jetë i ndryshueshëm. Sipas Institutit Hidrometeorologjik të Kosovës parashihet mot i vranët, me intervale me diell, por edhe me reshje shiu.

Të hënën vende-vende do të ketë riga shiu dhe në përgjithësi do të mbizotërojë mot i vranët. Temperatura maksimale parashihet të arrijë deri në 10 gradë celsius, ndërsa minimalja pritet të zbresë deri në 0 gradë.

Të martën moti pritet të jetë po ashtu i vranët, por edhe me intervale me diell. Në mëngjes parashihet të ketë ngrica. Temperatura minimale pritet të lëvizë mes 1 dhe 4 gradë celsius, ndërsa maksimalja pritet të arrijë deri në 9 gradë celsius.

Edhe të mërkurën pritet të jetë mot i vranët dhe me intervale me diell. Temperatura minimale parashihet të zbresë deri në 1 gradë celsius derisa maksimalja pritet të arrijë deri në 12 gradë celsius.

Të enjten pritet të jetë mot i vranët po ashtu dhe vende-vende me riga shiu. Temperatura pritet të jetë në 2 gradë celsius ndërsa maksimalja parashihet të arrijë deri në 12 gradë celsius.

Mot i vranët dhe me riga shiu pritet të jetë edhe të premten. Maksimalja parashihet të jetë 9 gradë ndërsa minimalja mund të zbresë deri në 3 gradë celsius.

Sinjali – aty ku e vërteta flet para lajmit!

/GazetaSinjali/

The post Mot i ndryshueshëm gjatë javës së ardhshme appeared first on Sinjali.

Lanika Rexhepi është shpallur nënkampione e Evropës në karate.

Lajmin e ka bërë të ditur Federata Shqiptare e Karatesë, duke thurur fjalë të forta për sportisten e tyre.

“Ky rezultat pasqyron përkushtimin, disiplinën dhe seriozitetin e Lanika Rexhepit në sportin e karatesë”, thuhet në postimin e federatës në Facebook.

Sinjali – aty ku e vërteta flet para lajmit!

/GazetaSinjali/

The post Lanika Rexhepi shpallet nënkampione e Evropës në karate appeared first on Sinjali.

Platforma qytetare “Liria ka Emër” ka shpallur sot mobilizim të gjerë qytetar për datën 17 Shkurt, duke bërë thirrje për pjesëmarrje në marshin “Drejtësi, jo politikë”. Në një konferencë për media, përfaqësuesit e platformës, Ismail Tasholli dhe Eliza Hoxha, njoftuan se ky organizim vjen në një moment kritik, kur procesi gjyqësor ndaj ish-krerëve të Ushtrisë Çlirimtare të Kosovës në Hagë po hyn në fazën e tij finale.

Organizatorët theksuan se ky marsh është një domosdoshmëri për të mbrojtur dinjitetin e luftës çlirimtare dhe të vërtetën historike të Kosovës.

Ismail Tasholli, një nga përfaqësuesit e platformës, e cilësoi marshin e 17 Shkurtit si një përgjigje qytetare ndaj tendencave për të rishkruar historinë. Ai ftoi qytetarët që të bëhen pjesë e asaj që ai e quajti “marshin më të madh që ka parë ndonjëherë vendi ynë”.

“Liria ka Emër fton të gjithë qytetarët e Kosovës në marsh qytetar, paqësor, dinjitoz dhe gjithëpërfshirës. Në marsh për drejtësi dhe jo për politikë. Në marsh jo kundër dikujt, por për dinjitetin e Kosovës, për të vërtetën dhe për respektimin e sakrificës mbi të cilën është ndërtuar liria jonë,” deklaroi Tasholli.

Ai shtoi se ky moment kërkon pjekuri dhe unitet, duke nënvizuar se Kosova nuk mund të qëndrojë pasive përballë zhvillimeve që prekin themelet e shtetësisë së saj.

“Ky marsh nuk është akt i emocioneve të çastit – është akt vetëdije kolektive. Është përgjigje qytetare ndaj një procesi që do të hyjë në fazën e tij më vendimtare. Është mesazh i qartë që Kosova nuk është spektatore e fatit të saj,” përfundoi ai.

Në të njëjtën linjë, ish-deputetja dhe përfaqësuesja e platformës, Eliza Hoxha, vuri theksin te rëndësia e kontekstit në proceset gjyqësore. Ajo argumentoi se drejtësia nuk mund të jetë e verbër ndaj realitetit të asaj se kush ishte agresori dhe kush viktima në luftën e Kosovës.

“Ne besojmë se drejtësia nuk mund të jetë e shkëputur nga e vërteta historike. Besojmë se proceset juridike nuk mund të lexohen pa kontekst, pa realitetin e asaj se çfarë ka ndodhur,” tha Hoxha.

Zonja Hoxha bëri thirrje që marshit t’i bashkohen të gjitha shtresat e shoqërisë, duke e cilësuar atë si një zë të bashkuar kundër heshtjes së imponuar.

“Marshi që po e thërrasim është i qytetarëve. Është marsh i fëmijëve, familjeve, të rinjve, intelektualëve, punëtorëve – është marsh i veteranëve… Është marshi i një shoqërie që nuk pranon të reduktohet në narrativa të padrejta,” shtoi ajo.

Sinjali – aty ku e vërteta flet para lajmit!

/GazetaSinjali/

The post “Liria ka Emër” thërret marshin historik më 17 shkurt: “Drejtësi, jo politikë” për krerët e UÇK-së appeared first on Sinjali.