Kryetari i Aleancës për Ardhmërinë e Kosovës (AAK), Ramush Haradinaj, është takuar sot me emisarin e dialogut Kosovë–Serbi, Peter Sorensen.

Gjatë takimit, u diskutua rëndësia e formimit të shpejtë të institucioneve të reja, të dalura nga zgjedhjet e fundit, si dhe angazhimi i AAK-së për avancimin e integrimit euro-atlantik të vendit.

Postimi i plotë:

Sot prita Përfaqësuesin Special të BE-së për dialogun, z. Peter Sørensen. Në takim çmova rolin e tij dhe të Bashkimit Evropian, duke theksuar po ashtu rëndësinë e partneritetit BE–SHBA për sukseset e arritura në Kosovë dhe në rajon.

E njoftova z. Sørensen për qëndrimin e Aleancës për të dhënë kontribut të drejtpërdrejtë në formimin sa më të shpejtë të institucioneve të reja, të dala nga zgjedhjet, si dhe për angazhimin tonë në rikthimin e vendit në rrugën e integrimit euro-atlantik.

Sinjali – aty ku e vërteta flet para lajmit!

/GazetaSinjali/

The post Haradinaj takohet me emisarin e BE-së, diskutohet formimi i shpejtë i institucioneve appeared first on Sinjali.

Komisioni Evropian njoftoi të mërkurën për prezantimin e një pakete huaje prej 90 miliardë eurosh për Ukrainën, ndërsa Brukseli po intensifikon përpjekjet për të mbështetur luftën e Kievit kundër sulmeve gjithnjë e më të ashpra ruse dhe iniciativave të udhëhoqura nga SHBA për të përfunduar luftën.

Dy të tretat e këtij fondi do të përdoren për ndihmën ushtarake ndaj Ukrainës, përfshirë blerjen e armëve dhe municioneve, edhe nga jashtë Bashkimit Evropian, siç deklaroi presidentja e Komisionit, Ursula von der Leyen. Tridhjetë miliardë eurot e mbetura do të shfrytëzohen për të mbuluar humbjen e pritshme në buxhetin e Ukrainës.

Sipas Komisionit, Ukraina ka nevojë për 135.7 miliardë euro mbështetje ushtarake dhe buxhetore në vitet 2026 dhe 2027. Kjo përfshin 52.3 miliardë euro mbështetje fiskale dhe 83.4 miliardë euro ndihmë ushtarake. Po sipas Komisionit, Kievit pritet t’i mbarojnë fondet në prill.

“Me këtë mbështetje, ne sigurohemi që Ukraina, nga njëra anë, të mund të forcojë mbrojtjen e saj në fushëbetejë dhe aftësitë e saj mbrojtëse pra të gjitha nevojat ushtarake dhe, nga ana tjetër, të mbajë funksionimin e shtetit dhe shërbimeve bazë”, tha para gazetarëve, Von der Leyen.

Ajo shtoi se mbështetja ushtarake do të funksionojë sipas një “parimi kaskadë”, ku Ukraina do të furnizohet me armë nga jashtë bllokut vetëm nëse nuk ka pajisje të përshtatshme ushtarake evropiane në dispozicion.

“Preferencë evropiane së pari, dhe nëse kjo nuk është e mundur, atëherë blerje jashtë”, pohoi ajo.

Franca ka shtyrë prej kohësh “preferencën evropiane” në prokurimin e pajisjeve ushtarake. Megjithatë, Gjermania dhe shumë vende të Evropës Lindore të BE-së argumentojnë se blloku duhet të mbetet i hapur për blerjen e pajisjeve mbrojtëse nga Uashingtoni, pavarësisht zbehjes së mbështetjes amerikane për Kievin dhe tensioneve të fundit lidhur me kërcënimet e presidentit amerikan, Donald Trump për të pushtuar Grenlandën, një territor gjysmë-autonom danez.

Huaja do të funksionojë mbi bazën e “bashkëpunimit të përforcuar” mes vendeve të BE-së, duke u lejuar Hungarisë, Çekisë dhe Sllovakisë të përjashtohen nga skema. Këto tre vende janë thellësisht skeptike ndaj ofrimit të ndihmës financiare për Kievin.

Një zyrtar i lartë i Komisionit tha se huaja, e mbështetur nga buxheti afatgjatë i BE-së, do t’i kushtojë shteteve anëtare pagesa vjetore interesi prej rreth 3 deri në 4 miliardë euro. Propozimi i së mërkurës vjen gjithashtu pasi Komisioni dhe Gjermania, ekonomia më e madhe e BE-së, dështuan vitin e kaluar ta bindnin Belgjikën të mbështeste një “hua reparacionesh” për Kievin duke përdorur asetet sovrane ruse të ngrira. Belgjika mban shumicën dërrmuese të 185 miliardë eurove fonde të Kremlinit të bllokuara nga BE-ja pas pushtimit të plotë të Ukrainës nga Moska në vitin 2022.

Megjithatë, Von der Leyen sugjeroi se huaja e reparacioneve “mbetet në tryezë”.

“Është… shumë e rëndësishme t’i dërgojmë Rusisë një kujtesë të fortë se ne rezervojmë të drejtën për të përdorur asetet ruse të ngrira,” tha ajo, duke shtuar se këto asete do të mbeten të bllokuara deri në përfundimin e luftës dhe se Ukraina do të duhet ta shlyejë huanë vetëm pasi Moska të paguajë reparacione ndaj Kievit.

Presidenti ukrainas, Volodymyr Zelensky tha në rrjetet sociale se breshëria përfshinte 113 dronë sulmues si dhe tre raketa balistike “është shumë e rëndësishme t’i përforcojmë luftëtarët tanë tani”.

Huaja duhet të miratohet nga Parlamenti Evropian dhe vendet e BE-së. Komisioni synon që disbursimi i parë të bëhet deri në prill, tha Von der Leyen.

Sinjali – aty ku e vërteta flet para lajmit!

/GazetaSinjali/

The post Komisioni Evropian prezenton paketën e ndihmës prej 90 miliardë eurosh për Ukrainën appeared first on Sinjali.

Të paktën 32 persona kanë vdekur dhe 66 të tjerë janë plagosur pasi një vinç ndërtimi ra mbi një tren në lëvizje në veriperëndim të Tajlandës.

Vinçi shkaktoi daljen nga shinat të trenit dhe shkatërroi disa vagonë, një prej të cilëve u përfshi nga zjarri. Një fëmijë njëvjeçar dhe një person 85-vjeçar janë ndër të plagosurit, me shtatë persona në gjendje kritike, sipas autoriteteve.

Zyrtarët thonë se në trenin e aksidentuar ishin rreth 171 pasagjerë kur ndodhi aksidenti rreth orës 09:00 lokale (02:00 GMT).

Hekurudha Shtetërore e Tajlandës ka nisur një hetim për incidentin dhe ka njoftuar se do të ndërmarrë veprime ligjore ndaj kompanisë ndërtimore përgjegjëse për vinçin.

Kompania Italian-Thai Development Public Company Limited tha se shpreh keqardhje dhe se do të ofrojë kompensim dhe ndihmë për familjet e atyre që humbën jetën ose u plagosën. Treni po udhëtonte nga Bankoku drejt provincës veriperëndimore Ubon Ratchathani kur ndodhi aksidenti, duke transportuar kryesisht studentë dhe punëtorë që udhëtonin për shkollë dhe punë në zona të tjera.

Media lokale, The Nation, raportoi se incidenti ndodhi ndërsa vinçi po ngrinte një pjesë të madhe betoni, e cila ra mbi tren, duke shkaktuar daljen nga shinat të katër vagonëve.

Një person që shpëtoi, stafi i trenit Thirasak Wongsoongnern, tha për mediat lokale se ai dhe pasagjerët e tjerë u hodhën në ajër pasi vinçi ra mbi ta.

Një dëshmitare, Maliwan Nakthon, tha për BBC Thai se ka parë momentin kur vinçi u shemb: “Ishin copëza të vogla, si fragmente betoni, që filluan të binin. Pas tyre, vinçi rrëshqiti ngadalë dhe goditi. Goditi fort, pastaj ra dhe shtypi trenin.”

“Ai incident i tërë zgjati më pak se një minutë,” shtoi ajo.

Kryeministri tajlandez, Anutin Charnvirakul, i cili pritet të vizitojë vendin e ngjarjes më vonë të mërkurën, kërkoi që “dikush të dënohet dhe të mbahet përgjegjës” për incidentin.

“Aksidente të tilla mund të ndodhin vetëm për shkak të neglizhencës, heqjes së hapave, devijimeve nga dizajni, ose përdorimit të materialeve të pasakta,” tha Anutin.

Vinçi po përdorej për ndërtimin e një hekurudhe mbi tokë që është pjesë e një projekti prej 5.4 miliardë dollarësh amerikanë (rreth 4 miliardë paund) të mbështetur nga Kina, për të lidhur Bankokun me Laos, ku një linjë hekurudhore me shpejtësi të lartë e ndërtuar nga Kina tashmë funksionon drejt jug-perëndimit të Kinës.

Zyrtarisht i njohur si Bangkok-Nong Khai HSR Development for Regional Connectivity, kompania Italian-Thai Development është firma përgjegjëse për seksionin Lam Takhong-Sikhio, ku ndodhi incidenti.

Hekurudha Shtetërore e Tajlandës ka njoftuar se do ta padisë kompaninë. Kostoja fillestare e dëmeve vetëm për vagonët e trenit raportohet të jetë mbi 100 milion baht (rreth 3.1 miliardë dollarë).

Sinjali – aty ku e vërteta flet para lajmit!

/GazetaSinjali/

The post Arrin në 32 numri i viktimave nga rënia e vinçit mbi një tren në lëvizje në Tajlandë appeared first on Sinjali.

Kryetari i LDK-së, Lumir Abdixhiku, ka pritur sot në takim emisarin e Bashkimit Evropian për dialogun Kosovë–Serbi, Peter Sorensen, ku ka bërë të ditur se gjatë takimit diskutuan për situatën aktuale politike në vend dhe për proceset ndërkombëtare që e presin Kosovën.

Ai ka theksuar rëndësinë e stabilitetit institucional dhe konsolidimit demokratik si parakushte për funksionimin normal të institucioneve, për besimin e qytetarëve te shteti, për zhvillimin ekonomik, për tërheqjen e investimeve dhe për ruajtjen e kredibilitetit ndërkombëtar të Kosovës.

Postimi i plotë:

Sot prita në takim Përfaqësuesin e Posaçëm të BE-së për dialogun Kosovë–Serbi, Peter Sørensen.

Biseduam për situatën aktuale politike në vend dhe për proceset ndërkombëtare që e presin Kosovën. Theksova rëndësinë e stabilitetit institucional dhe konsolidimit demokratik në vend, si parakushte për funksionimin normal të institucioneve, për besimin e qytetarëve te shteti, për zhvillimin ekonomik, për tërheqjen e investimeve dhe për ruajtjen e kredibilitetit ndërkombëtar të Kosovës.

Në përmbyllje të takimit, shpreha pritjen që Bashkimi Evropian të vazhdojë angazhimin dhe mbështetjen për Kosovën, si në proceset e përgjithshme politike, ashtu edhe në rrugëtimin e saj drejt integrimit evropian dhe forcimit të perspektivës euroatlantike të vendit.

Sinjali – aty ku e vërteta flet para lajmit!

/GazetaSinjali/

The post Edhe Abdixhiku takon të dërguarin e BE-së: Bashkimi Evropian të vazhdojë angazhimin dhe mbështetjen për Kosovën appeared first on Sinjali.

Në kuadër të takimit të së mërkurës me Emisarin Special të Bashkimit Evropian për dialogun Prishtinë–Beograd, presidentja e Kosovës, Vjosa Osmani, ka kërkuar që fokusi i procesit të dialogut të jetë njohja reciproke ndërmjet Kosovës dhe Serbisë.

Gjatë takimit, Osmani ka kritikuar Serbinë për shkeljen e Marrëveshjes së Brukselit dhe Aneksit të Ohrit, për veprimet që cenojnë sovranitetin dhe integritetin territorial të Kosovës, si dhe për kundërshtimin e anëtarësimit të Kosovës në organizata ndërkombëtare.

Ajo ka theksuar se suksesi i procesit të dialogut varet nga trajtimi i barabartë i palëve.

“Presidentja Osmani tha se ky proces duhet të ketë objektiva të qarta dhe rezultate të matshme në procesin e integrimit evropian, duke nënvizuar se interpretimi selektiv i marrëveshjeve e dëmton procesin”, thuhet në njoftimin e Presidencës së Kosovës.

Presidentja Osmani e ka informuar gjithashtu emisarin e BE-së për zhvillimin e suksesshëm dhe demokratik të zgjedhjeve parlamentare dhe lokale në Kosovë, duke vlerësuar pjekurinë demokratike të shtetit dhe funksionimin e institucioneve sipas standardeve evropiane.

Zyra për Shtyp ka bërë të ditur se gjatë takimit janë trajtuar edhe marrëdhëniet me Bashkimin Evropian. Presidentja Osmani ka përshëndetur vendimin për heqjen e plotë të masave ndaj Kosovës, duke e cilësuar këtë hap si rivendosje të partneritetit të barabartë me BE-në.

Duke folur për perspektivën evropiane të vendit, ajo ka nënvizuar se dhënia e statusit të vendit kandidat për BE-në është një domosdoshmëri strategjike, jo vetëm për Kosovën, por edhe për stabilitetin e rajonit dhe kredibilitetin e vetë Bashkimit Evropian.

“Presidentja Osmani vuri në pah përputhshmërinë e plotë me politikën e jashtme dhe të sigurisë të BE-së, bilancin e dëshmuar demokratik dhe vrullin e reformave në vend. Ajo theksoi se do të vazhdojë të punojë me shtetet anëtare dhe institucionet e BE-së për avancimin e statusit kandidat të Kosovës, pa vonesa të mëtejme”, thuhet në njoftim.

Ndërkohë, në një paraqitje para gazetarëve, ndërmjetësi i BE-së ka shprehur shpresën që gjatë vitit 2026 të rifillojë dialogu mes Kosovës dhe Serbisë, duke shmangur situata si ajo e vitit të kaluar, kur nuk ishte zhvilluar asnjë takim mes palëve në Bruksel.

Sinjali – aty ku e vërteta flet para lajmit!

/GazetaSinjali/

The post Osmani – Sorensenit: Suksesi i dialogut varet nga trajtimi i barabartë i palëve appeared first on Sinjali.

Gjykata Themelore në Prishtinë ka bërë të ditur se seanca e radhës gjyqësore në rastin “Banjska” do të mbahet më 16 janar 2026, ashtu siç ka qenë e caktuar paraprakisht.

Kështu ka konfirmuar Mirlinda Gashi, zëdhënëse e Gjykatës Themelore në Prishtinë.

“Ju njoftojmë se seanca gjyqësore në çështjen penale kundër të pandehurve B.S., V.T. dhe D.M., do të mbahet sipas planifikimit, me datë 16.01.2026, në ora 09:30”, tha ajo.

Sinjali – aty ku e vërteta flet para lajmit!

/GazetaSinjali/

The post Seanca e radhës në rastin “Banjska” më 16 janar appeared first on Sinjali.

Vetëm pesë minuta më shumë aktivitet fizik dhe 30 minuta më pak qëndrim ulur çdo ditë mund të ndihmojnë miliona njerëz të jetojnë më gjatë, sugjeron një studim i ri që tregon se edhe ndryshime shumë të vogla në stilin e jetesës mund të kenë përfitime të mëdha për shëndetin.

Studimi, i cili përfshiu rreth 135 mijë persona nga Britania, SHBA-ja, Norvegjia dhe Suedia, ka zbuluar se vetëm pesë minuta më shumë aktivitet fizik me intensitet të moderuar në ditë, si ecja e shpejtë, lidhen me ulje prej rreth 10 për qind të rrezikut të vdekjes së parakohshme, ka raportuar The Guardian.

Po ashtu, ulja e kohës së qëndrimit ulur me 30 minuta në ditë u shoqërua me ulje prej rreth 7 për qind të vdekjeve nga të gjitha shkaqet, sipas studiuesve të udhëhequr nga Shkolla Norvegjeze e Shkencave të Sportit. Gjetjet u publikuan në revistën shkencore “The Lancet”.

Përfitimi më i madh u pa te 20 për qindëshi i popullsisë më pak aktiv, nëse këta persona shtonin vetëm pesë minuta aktivitet fizik në ditë.

Autorët, kanë theksuar se studimi nuk duhet të merret si këshillë personale për ushtrime, por tregon ndikimin e madh që këto ndryshime të vogla mund të kenë në nivel shoqëror.

“Ky studim është një hap i madh përpara. Deri në 10 për qind e vdekjeve të parakohshme mund të parandalohen nëse njerëzit bëjnë rritje të vogla dhe reale të aktivitetit fizik, si vetëm pesë minuta në ditë”, ka thënë profesori Aiden Doherty nga Universiteti i Oksfordit, i cili nuk ishte pjesë e hulumtimit.

Edhe Daniel Bailey nga Universiteti Brunel në Londër e ka cilësuar gjetjen si shumë premtuese.

“Vetëm pesë minuta më shumë aktivitet me intensitet të moderuar mund të shpëtojnë jetë. Kjo është e realizueshme për shumicën e njerëzve”, ka thënë ai.

Sipas tij, aktivitete të tilla janë ato që të bëjnë të marrësh frymë pak më shpejt dhe të ndihesh më ngrohtë, si ecja e shpejtë, punët e shtëpisë apo kopshtaria.

Ndërkohë, një studim tjetër, i publikuar në revistën “eClinicalMedicine”, ka zbuluar se përmirësime të vogla të kombinuara në gjumë, aktivitet fizik dhe ushqyerje lidhen me jetëgjatësi më të madhe.

Studiues nga Universiteti i Sidneit, duke analizuar të dhëna nga rreth 60 mijë persona në studimin UK Biobank, kanë gjetur se vetëm pesë minuta më shumë gjumë, dy minuta më shumë aktivitet fizik dhe gjysmë porcioni më shumë perime në ditë mund të shtojnë rreth një vit jetë për personat me zakonet më të dobëta.

Sipas studimit, kombinimi ideal i këtyre faktorëve, shtatë deri në tetë orë gjumë në ditë, mbi 40 minuta aktivitet fizik dhe një dietë e shëndetshme, lidhet me jetë deri në dhjetë vjet më të gjatë.

Sinjali – aty ku e vërteta flet para lajmit!

/GazetaSinjali/

The post Pesë minuta më shumë ushtrime dhe 30 minuta më pak qëndrim ulur mund të ndihmojnë miliona njerëz të jetojnë më gjatë appeared first on Sinjali.

Presidenti amerikan, Donald Trump, ka bërë deklarata të forta lidhur me situatën në Iran, duke iu drejtuar drejtpërdrejt qytetarëve iranianë dhe duke i nxitur ata të vazhdojnë protestat kundër regjimit aktual.

Në një mesazh publik, Trump u bëri thirrje “patriotëve iranianë” që të mos ndalen, të marrin kontrollin e institucioneve të tyre “nëse është e mundur” dhe të dokumentojnë emrat e atyre që, sipas tij, janë përgjegjës për dhunë dhe abuzime ndaj popullit.

“Ju po abuzoheni shumë rëndë”, u shpreh ai, duke shtuar se shifrat mbi viktimat janë të paqarta. “Dëgjoj pesë grupe të ndryshme shifrash. Edhe një vdekje e vetme është shumë”, tha Trump.

Lideri amerikan e përshkroi Iranin si një vend që dikur ka qenë i madh, por që, sipas tij, u shkatërrua pasi “këta përbindësha” morën pushtetin.

Ai përdori gjithashtu sloganin e tij të njohur politik, duke deklaruar: “Bëjeni Iranin sërish të madh.”

Në deklaratën e tij, Trump e lidhi situatën në Iran edhe me politikën e brendshme amerikane, duke thënë se bota ndodhet në një gjendje të brishtë dhe se, sipas tij, nëse nuk do t’i kishte fituar zgjedhjet, një situatë e ngjashme mund t’i kishte ndodhur edhe Shteteve të Bashkuara.

Sinjali – aty ku e vërteta flet para lajmit!

/GazetaSinjali/

The post Trump: Po mos t’i fitoja zgjedhjet, SHBA-ja do të bëhej si Irani appeared first on Sinjali.

Kryetari i Partisë Demokratike të Kosovës, Bedri Hamza, ka bërë të ditur se është takuar me të dërguarin e posaçëm të Bashkimit Evropian për dialogun Kosovë–Serbi, Peter Sørensen.

Hamza njoftoi se takimi është zhvilluar sot, ku është diskutuar për nevojën e konstituimit të institucioneve të reja, stabilitetin institucional dhe rëndësinë e rikthimit të Kosovës në agjendën e integrimit evropian.

“Sot e prita të dërguarin e posaçëm të BE-së për dialogun Kosovë–Serbi, Peter Sørensen. Ne diskutuam për nevojën e konstituimit të institucioneve të reja, stabilitetin institucional dhe rëndësinë e rikthimit të Kosovës në agjendën e integrimit evropian. PDK mbetet e përkushtuar për bashkëpunim me partnerët ndërkombëtarë në shërbim të paqes dhe stabilitet rajonal”, thuhet në njoftimin e tij.

Sinjali – aty ku e vërteta flet para lajmit!

/GazetaSinjali/

The post Hamza takon Sorensenin, dikutojnë për nevojën e institucioneve të reja appeared first on Sinjali.

I dërguari i Shtëpisë së Bardhë, Steve Witkoff, dhe Jared Kushner, dhëndri i presidentit të Shteteve të Bashkuara të Amerikës, Donald Trump, po shqyrtojnë mundësinë e një udhëtimi në Moskë për t’u takuar me presidentin rus, Vladimir Putin, ka raportuar të mërkurën Bloomberg News, duke cituar burime të njohura me çështjen.

Sipas raportimit, takimi mund të zhvillohet brenda këtij muaji, megjithatë planet ende nuk janë përfundimtare dhe koha e realizimit mund të ndryshojë për shkak të zhvillimeve dhe trazirave në Iran.

Megjithatë, një zyrtar i Shtëpisë së Bardhë i ka thënë Bloomberg se aktualisht nuk ka asnjë takim të planifikuar.

Raporti shton se zyrtarët amerikanë pritet t’ia paraqesin Putinit dhe ekipit të tij draft-propozimet më të fundit të paqes. Bisedimet do të përqendroheshin në garancitë e sigurisë nga SHBA-ja dhe Evropa për të mbështetur çdo marrëveshje të mundshme, si dhe në rindërtimin e Ukrainës pas luftës.

Kjo vjen pas komenteve të bëra nga presidenti Trump në fillim të këtij muaji, kur ai shprehu zhgënjim ndaj Putinit për luftën e vazhdueshme në Ukrainë, duke përsëritur se fillimisht kishte besuar se përfundimi i konfliktit do të ishte i lehtë.

Sinjali – aty ku e vërteta flet para lajmit!

/GazetaSinjali/

The post Witkoff dhe Kushner synojnë takim me Putinin për paqen në Ukrainë appeared first on Sinjali.

Dhimbja në kockat e fytyrës mund të jetë e fortë, por zakonisht nuk është vetë kocka që “dhemb” spontanisht.

Mjekët shpjegojnë se dhimbja shpesh “reflektohet” nga strukturat përreth, si sinuset, dhëmbët apo nyjat e nofullës. Ajo mund të ndodhë për shkak të lëndimeve, infeksioneve ose problemeve me nervat.

Shkaqet më të zakonshme të dhimbjes në kockat e fytyrës

Dhimbja në këtë zonë mund të sinjalizojë probleme të ndryshme, duke përfshirë:

Sinuset (sinusiti)

Nervat (p.sh. neuralgjia trigeminale)

Dhëmbët (absces ose karies)

Nyjën e nofullës

Dhimbje koke të forta

Shpesh shoqërohet me ënjtje, bllokim të hundës ose ndjeshmëri të dhëmbëve. Mjeku duhet të përcaktojë nëse bëhet fjalë për infeksion, çrregullim nervor, lëndim apo stres.

Kjo gjendje njihet si dhimbje orofaciale dhe mund të jetë afatshkurtër (akute) ose afatgjatë (kronike). Mund të prekë njërën anë të fytyrës ose të dyja, dhe mund të përshkruhet si djegie, shpim, therje, dhimbje e shurdhër, e fortë ose ndjesi pulsimi. Në shumicën e rasteve nuk është emergjencë, por dhimbja e vazhdueshme ose e pashpjegueshme duhet të kontrollohet nga mjeku.

Llojet e dhimbjeve në fytyrë

Dhimbja në fytyrë mund të ketë burime të ndryshme:

Dhimbje dhëmbi nga kariesi ose abscesi

Dhimbje e nofullës nga çrregullimet e nyjës temporomandibulare (TMJ) ose fraktura

Dhimbje nervore nga çrregullime si neuralgjia trigeminale

Dhimbje vaskulare nga migrena ose vaskuliti

Dhimbje atipike e fytyrës, pa shkak të qartë

Dhimbja atipike e fytyrës

Personat me dhimbje atipike ndiejnë dhimbje çdo ditë për të paktën 3 muaj. Faktorët që e përkeqësojnë përfshijnë ndryshimet e temperaturës, prekjen, lodhjen ose stresin. Dhimbja mund të lokalizohet pranë nofullës, veshit ose të përhapet në gjithë fytyrën dhe nuk ndjek domosdoshmërisht rrugën e një nervi.

Simptomat e dhimbjes atipike përfshijnë:

Djegie

Dhimbje të thellë

Dhimbje të shurdhër ose të fortë, me periudha shpimi të mprehtë

Rrahje ose pulsime

Mpirje ose ndjesi shpimi

Shkaktarët më të shpeshtë të dhimbjes në fytyrë

Shkaqet më të zakonshme janë:

Dhimbjet e kokës dhe migrena

Herpes simplex (plagë të ftohta) ose herpes zoster

Sindroma miofasciale e dhimbjes

Infeksionet e sinuseve

Sialadeniti (ënjtja e gjëndrave të pështymës)

Çrregullimet e nyjës temporomandibulare (TMJ)

Absceset e dhëmbëve

Neuralgjia trigeminale

Dhimbja në fytyrë është shpesh një sinjal se diçka tjetër po ndodh në trup, ndaj diagnostikimi i hershëm dhe trajtimi i duhur janë thelbësore për të shmangur komplikimet.

Sinjali – aty ku e vërteta flet para lajmit!

/GazetaSinjali/

The post 7 arsye të fshehura pse kockat e fytyrës ju japin dhimbje appeared first on Sinjali.

Policia e Kosovës ka bërë të ditur se në zonën e prekur nga vërshimet, në rrugën Prishtinë–Ferizaj, saktësisht në afërsi të Prishtina Mall, janë gjetur disa tabela të automjeteve, raporton Gazeta Sinjali.

“Tabela të gjetura janë dorëzuar në Stacionin Policor në Graçanicë. Andaj, ftohen pronarët e këtyre tabelave që të paraqiten në këtë stacion policor për tërheqjen e tyre. Faleminderit për bashkëpunim,” thuhet në njoftimin e Policisë.

Sinjali – aty ku e vërteta flet para lajmit!

/GazetaSinjali/

The post Pas vërshimeve në rrugën Prishtinë–Ferizaj, gjenden tabela automjetesh: Pronarët mund t’i marrin në Graçanicë appeared first on Sinjali.

Pas takimeve të zhvilluara me Presidenten Vjosa Osmani dhe Kryeministrin në detyrë, Albin Kurti, i dërguari i posaçëm i Bashkimit Evropian për dialogun ndërmjet Kosovës dhe Serbisë, Peter Sorensen, është deklaruar para mediave, duke folur për ecurinë e dialogut dhe pritshmëritë për vitin 2026.

Sorensen ka theksuar se BE vazhdon të punojë për çështjet e dialogut “me shpresën që viti 2026 të sjellë atë që 2025 nuk arriti ta japë”.

Ai ka shtuar se palët duhet të ulen dhe të bisedojnë dhe se një takim do të thirret kur të jetë koha e duhur.

“Jam i lumtur që jam sërish në Kosovë, kjo është vizita ime e parë e këtij viti. Urime për zgjedhjet, pres me interes që Kuvendi të konstituohet dhe që Qeveria të formohet. Ne vazhdojmë të punojmë për çështjet e dialogut, me shpresën që viti 2026 të sjellë atë që 2025 nuk arriti ta japë. Pikërisht për këtë arsye e nisa vitin me një vizitë këtu dhe më pas në Beograd gjatë kësaj jave,” tha Sorensen.

Ai shtoi se qëllimi kryesor është që të dyja palët të ulen dhe të bisedojnë.

“Ajo që synojmë është që të dyja palët të ulen dhe të bisedojnë, duhet të gjejmë një mënyrë që kjo të ndodhë. Përfaqësuesja e Lartë i ka vizituar vendet vitin e kaluar dhe ka theksuar se do të ketë një takim kur koha të jetë e duhur. Ajo do ta thërrasë takimin, palët do të marrin pjesë dhe më pas do të shohim se si do të ecet përpara,” deklaroi ai.

Sorensen po ashtu shprehu pritshmëri të lartë për formimin e institucioneve në Kosovë pas zgjedhjeve të fundit.

Sinjali – aty ku e vërteta flet para lajmit!

/GazetaSinjali/

The post Sorensen: Dialogu vazhdon me shpresën që 2026-ta të na japë atë që nuk na e dha viti i shkuar appeared first on Sinjali.

Banorja e Big Brother VIP Kosova 4, Alba Pollozhani, ka shpërthyer sërish në lot për Lim Hotin, teksa nuk e pranon dot afërsinë që ai ka krijuar me Dolcen, duke qenë se të gjithë ndodhen në të njëjtën shtëpi.

Gjatë një bisede me Labinot Rexhën, Alba shihet e emocionuar dhe duke qarë, ndërsa thekson se Lim Hoti është një “pikë e dobët” për të.

“Unë vetëm si e shoh si e kap për qafe. Ai tani është në afrimitet me të, pikë të dobët e kam vetëm familjen dhe atë. Unë kur e shoh se si rri me Dolcen nuk e hap dot gojën. Fola, ajo që thotë ai, ajo është. Nuk e di si ekziston fjala dashuri e sëmurë,” u shpreh ajo.

Që nga hyrja e tij në shtëpinë e BBVK, Lim Hoti ka krijuar një raport të afërt me Dolcen, duke shkëmbyer madje edhe puthjen e parë, gjë që e ka mërzitur jashtëzakonisht shumë Albën.

Ajo ka thënë se është e dashuruar me të dhe nuk sheh tjetër.

Nga ana tjetër, Lim Hoti i ka bërë të qartë Albës se nuk ka hyrë në shtëpi për të dhe se nuk ka ndjenja romantike ndaj saj.

Sinjali – aty ku e vërteta flet para lajmit!

/GazetaSinjali/

The post Afërsia Limi-Dolce, Alba shpërthen në lot: Dashuri e sëmurë… appeared first on Sinjali.

KESCO njofton konsumatorët se aktualisht po përballet me rritje të sasisë të lartë të energjisë elektrike të importuar dhe me çmime të larta të blerjes në treg, çka krijon presion shtesë në mbulimin e kërkesës dhe në menaxhimin e kostove të furnizimit.

“Gjatë dy ditëve të fundit, rreth 50% e konsumit në Kosovë është mbuluar përmes importit. Kjo varësi nga importi shoqërohet me kosto të larta, veçanërisht në një periudhë kur energjia elektrike është e nevojshme edhe për shtetet e tjera të rajonit dhe kërkesa në treg është e rritur”, thuhet në njoftimin e KESCO.

Në këtë kontekst, KESCO u bën thirrje konsumatorëve që të kursejnë energjinë elektrike, sidomos në orët e pikut, në mënyrë që të ulim së bashku nevojën për import dhe kostot që lidhen me të. Kursimi i energjisë është në interes të përbashkët dhe ndihmon në ruajtjen e stabilitetit të furnizimit.

Në njoftim, thuhet se për shkak të realitetit aktual të tregut dhe kufizimeve ndërkufitare, ku kufiri Kosovë–Serbi nuk është funksional në aspektin komercial, ndërsa kufijtë me Malin e Zi dhe Maqedoninë e Veriut kanë kapacitete të kufizuara që nuk mjaftojnë për të mbuluar të gjithë kërkesën e vendit, sigurimi i energjisë elektrike sipas nevojës reale mbetet i vështirë.

“Gjithashtu, duhet theksuar se tregu ALPEX, për shkak të likuiditetit të kufizuar në këto ditë me kërkesë të lartë, nuk ka ofruar sasi të mjaftueshme të energjisë elektrike, duke e bërë të pamundur mbulimin e plotë të nevojave vetëm përmes këtij mekanizmi tregtar. Në këtë kontekst, KESCO ndien obligim të informojë me transparencë konsumatorët për situatën reale dhe arsyet objektive që kanë çuar në aplikimin e kufizimeve me energji elektrike sipas nevojës, me qëllim të ruajtjes së sigurisë dhe stabilitetit elektroenergjetik”, thuhet në njoftim.

“KESCO mbetet e përkushtuar që, në bashkëpunim me institucionet përgjegjëse, të bëjë çdo përpjekje për sigurimin e energjisë elektrike dhe për minimizimin e ndikimit te konsumatorët, duke i falënderuar ata për mirëkuptimin në këto rrethana të jashtëzakonshme”, thuhet në komunikatën e KESCO-s.

Sinjali – aty ku e vërteta flet para lajmit!

/GazetaSinjali/

The post KESCO apelon për kursim të rrymës: Në dy ditët e fundit, rreth 50% e konsumit u mbulua përmes importit appeared first on Sinjali.

Raportuesi për Serbinë në Parlamentin Evropian, Tonino Picula, ka reaguar ndaj deklaratave të presidentit serb, Aleksandar Vuçiq, i cili kishte thënë se Serbia nuk dëshiron të takohet me përfaqësuesit e delegacionit të Parlamentit Evropian pasi ata vijnë në Beograd “të paftuar”.

Picula për televizionin “Nova” theksoi se nuk është e vërtetë që delegacioni i PE-së po viziton Serbinë pa paralajmërim.

Ai bëri me dije se Ambasada e Serbisë në Bruksel ishte informuar dhe se delegacioni i Bashkimit Evropian në Beograd ka punuar në program.

“Është praktikë e zakonshme, nuk ka asgjë të jashtëzakonshme, përveç këtij reagimi të qeverisë dhe situatës në vend. Qëllimi kryesor i delegacionit tonë, i bërë nga përfaqësues të ndryshëm nga parti të ndryshme në PE, është që, në një bisedë të drejtpërdrejtë me ata që pasqyrojnë gjendjen shpirtërore të qytetarëve të Serbisë, të fitohet një pamje më e plotë e vendit ku kanë ndodhur të gjitha gjërat gjatë vitit të kaluar. Pse autoritetet zgjodhën këtë lloj bojkoti, do të thosha se ka të bëjë me shmangien e përballjes të bisedës me ata që janë çelësi për të vendosur hyrjen e Serbisë në Bashkim Evropian,” tha Picula.

Ai shtoi se dokumenti i anëtarësimit midis Bashkimit Evropian dhe Serbisë, ashtu si edhe për çdo vend tjetër kandidat, duhet të kalojë verifikimin e Parlamentit Evropian, dhe se për këtë arsye ky takim ishte i rëndësishëm.

“Mendoj se kjo është një mundësi e humbur e atyre më përgjegjësve në Serbi në një fazë kaq të rëndësishme të këtij procesi, ku do të duhej të dëgjonin se çfarë mendojmë ne për shtetin kandidat,” tha më tej Picula.

Ai foli edhe për arsyet pse vizita e delegacionit është e rëndësishme në sytë e Evropës: “Ne duam ta bëjmë punën tonë në mënyrë korrekte; shumë gjëra mund të mësohen nga raporte të ndryshme, por mendoj se biseda e drejtpërdrejtë nuk mund të zëvendësohet me asgjë, veçanërisht kur bëhet fjalë për eurodeputetët.”

Në pyetjen nëse Bashkimi Evropian kërkon më shumë nga Serbia sesa nga kandidatët e tjerë, Picula u shpreh se nuk mund të flitet për një qasje jo të drejtë të BE-së ndaj shtetit kandidat.

Sinjali – aty ku e vërteta flet para lajmit!

/GazetaSinjali/

The post Picula demanton Vuçiqin: Nuk është e vërtetë që delegacioni i Parlamentit Evropian shkon në Beograd i paftuar appeared first on Sinjali.

Në Qendrën e Numërimit dhe Rezultateve (QNR) po vazhdon rinumërimi i fletëvotimeve sipas listës së vendvotimeve për të cilat Komisioni Qendror i Zgjedhjeve (KQZ) ka marrë vendim për rinumërim.

Ky proces ka filluar të martën në orën 18:00, ndërsa deri më tani, e mërkurë, 14 janar 2026, ora 10:00, janë rinumëruar 23 vendvotime nga gjithsej 914 vendvotime për të cilat është vendosur rinumërimi.

Rezultatet pas numërimit të çdo vendvotimi do të publikohen në platfomën e KQZ-së për rezultate, në hapësirën QNR > Rinumërim: https://resultsparliamentary2025.kqz-ks.org/.

Sipas vendimit të KQZ-së, në 10 komuna do të rinumërohen të gjitha vendvotimet: Dragash, Kaçanik, Lespovci, Prizren, Skënderaj, Shtime, Ferizaj, Vushtrri, Mamushë dhe Ranillug.

Ndërkaq, në 28 komuna të tjera do të rinumërohen rreth 10% e vendvotimeve: Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut.

Sinjali – aty ku e vërteta flet para lajmit!

/GazetaSinjali/

The post KQZ: Rinumërohen 23 vendvotimet e para nga 914 vendvotime appeared first on Sinjali.

Mbrojtësi i Napolit, Amir Rrahmani, dha një intervistë për Radio CRC, duke folur për ndeshjen e fundit të ligës ndaj Interit dhe për sfidat në përballjen me Nerazzurrët.

“Nga një pikëpamje taktike, ne sigurisht luajtëm një ndeshje të shkëlqyer: krijuam raste, u mbrojtëm mirë dhe e menaxhuam topin. Momentet individuale vendosën rezultatin, dhe kjo është mjaft e drejtë: është një sezon i gjatë në ligë, dhe ka ende shumë ndeshje për të luajtur,” tha Rrahmani.

Ai shtoi se Interi është një ekip shumë i fortë: “Interi është një ekip shumë i fortë me lojtarë shumë të mirë: një nga kundërshtarët më të vështirë për t’u përballur. Është shumë e vështirë të menaxhosh lodhjen dhe të përgatitesh për ndeshje çdo tre ditë, por me stafin e trajnerëve dhe shokët e mi të ekipit, përpiqemi të kuptojmë më mirë duke parë video të kundërshtarit.”

Rrahmani foli edhe për dinamikën mbrojtëse të ekipit.

“Mënyra jonë e mbrojtjes ndryshon në varësi të kundërshtarit dhe sistemit që përdorin. Shkoj mirë me Juan Jesus, i cili ka luajtur më së fundmi, por Buongiorno dhe Beukema janë gjithashtu lojtarë të rëndësishëm. Në këto liga me kaq shumë ndeshje, të gjithë janë thelbësorë.”, tha ai.

Ai përmendi edhe përparimin e sulmuesit Hojlund: “Hojlund po përmirësohet çdo ditë: ai është shumë i mirë në gjetjen e hapësirave, një karakteristikë që e ka pasur gjithmonë. Sipas mendimit tim, që kur ka qenë këtu, ai është përmirësuar në pozicionimin e tij, në mbrojtjen e topit dhe në ndihmën e ekipit për të ecur përpara.”

Amir Rrahmani është një nga lojtarët kryesorë në Napoli të Antonio Contes. Që nga rikthimi i tij nga lëndimi, Napoli kanë rifituar qëndrueshmërinë e tyre mbrojtëse.

Sinjali – aty ku e vërteta flet para lajmit!

/GazetaSinjali/

The post Rrahmani: Interi është një nga kundërshtarët më të vështirë për t’u përballur appeared first on Sinjali.

I dërguari i posaçëm i Bashkimit Evropian për dialogun mes Kosovës dhe Serbisë, Peter Sorensen, ka përfunduar takimin me Kryeministrin në detyrë, Albin Kurti, dhe pas këtij takimi është takuar edhe me Presidenten Vjosa Osmani.

Kjo është vizita e parë e Sorensen që nga rinovimi i mandatit të tij për dy vjet të tjera si i dërguar për dialogun mbi normalizimin e marrëdhënieve ndërmjet dy vendeve fqinje.

Gjatë mandatit të tij të parë, Sorensen zhvilloi vetëm dy takime në nivel kryenegociatorësh, të cilat nuk dhanë rezultate konkrete.

Më pas, ai do të ketë takim edhe me opozitën kosovare.

Pas takimeve në Prishtinë, Sorensen do udhëtojë drejt Beogradit për takime me udhëheqës të Serbisë.

Emisari i dialogut Sorensen viziton sot Kosovën

Sinjali – aty ku e vërteta flet para lajmit!

/GazetaSinjali/

The post Pas takimit me Kurtin, Sorensen arrin në Presidencë appeared first on Sinjali.

Një person me inicialet S.R, është arrestuar nga Prokuroria Speciale e Republikës së Kosovës, në koordinim me hetuesit policorë nga Drejtoria për Krime të Rënda dhe Krim të Organizuar, raporton Gazeta Sinjali.

I njëjti dyshohet për sulm ndaj pjesëtarëve të KFOR-it dhe të Policisë së Kosovës në protestat e majit të vitit 2023.

“Prokuroria Speciale e Republikës së Kosovës, në koordinim me hetuesit policorë nga Drejtoria për Krime të Rënda dhe Krim të Organizuar, ka arrestuar të dyshuarin S. R nën dyshimet për sulm ndaj pjesëtarëve të KFOR-it dhe të Policisë së Kosovës në maj të vitit 2023. Për veprimet e mëtutjeshme publiku do të njoftohet në kohë”, ka njoftuar Prokuroria Speciale.

S.R. është në mesin e dhjetëra të arrestuarve për trazirat në Zveçan para tri vjetësh. 

Sinjali – aty ku e vërteta flet para lajmit!

/GazetaSinjali/

The post Arrestohet një person i dyshuar për sulm ndaj KFOR-it dhe Policisë së Kosovës appeared first on Sinjali.