Presidenti ukrainas, Volodymyr Zelensky, ka fajësuar aleatët për vonesat në dërgimin e sistemeve të mbrojtjes ajrore, pasi Ukraina nuk arriti të rrëzonte asnjë raketë ruse gjatë një sulmi vdekjeprurës në orët e para të së mërkurës, nga i cili mbetën të vdekur të paktën 17 persona dhe të lënduar dhjetëra të tjerë.

“Raketat penguese kundër raketave balistike mund t’ua kishin shpëtuar jetën atyre që u vranë sot. Është shumë e rëndësishme që partnerët tanë ta kuptojnë se vonesat në furnizimin me këto sisteme, ose mungesa e gatishmërisë për të ofruar sisteme kundër raketave balistike, çojnë drejtpërdrejt në humbje kaq të tmerrshme jetësh dhe shkatërrime”, ka shkruar Zelensky në rrjetet sociale.

Prej muajsh, Kievi zyrtar po kërkon me ngulm më shumë raketa penguese Patriot, të prodhuara në SHBA, ndërsa përballet me sulme gjithnjë e më intensive. Muajin e kaluar, presidenti amerikan, Donald Trump, ka lënë të kuptohej se Shtetet e Bashkuara mund t’i jepnin Ukrainës një licencë për prodhimin e sistemeve Patriot, por më vonë u tërhoq pjesërisht nga kjo ide, duke u thënë gazetarëve se teknologjia bazë e këtyre sistemeve ishte “diçka që është e vështirë të jepet”.

Administrata ushtarake e Kievit ka njoftuar se shtatë objekte janë goditur në sulmin që ka nisur menjëherë pas mesnatës të së mërkurës. Sipas Zelenskyt, objektivat kryesore ishin magazina të bizneseve civile, përfshirë një fabrikë birre dhe depo të materialeve të ndërtimit.

“Partnerët që ende nuk janë të gatshëm të luajnë një rol më aktiv në furnizimin me raketa penguese mund të ndihmojnë duke vendosur sanksione të reja. Një pjesë e konsiderueshme e prodhimit rus të raketave balistike ende nuk është nën sanksione…Nevojiten hapa të rinj – nga G7, Bashkimi Evropian dhe të gjithë ata që mbështesin mbrojtjen e jetës”, ka shtuar Zelensky në X.

Kryetari i Kievit, Vitali Klitschko, ka thënë pas sulmit se “mund të ketë ende njerëz nën rrënoja”.

Ushtria izraelite njoftoi se kishte nisur sulme në Libanin jugor në përgjigje, siç thotë ajo, të një shkeljeje të armëpushimit nga Hezbollahu, ndërsa negociatat midis Izraelit dhe qeverisë libaneze vazhdojnë në Romë.

“Në përgjigje të një shkeljeje flagrante të armëpushimit nga organizata terroriste Hezbollah, ushtria izraelite nisi sulme të synuara në Libanin jugor”, thuhet në një deklaratë.

Pak më parë, ushtria lëshoi ​​një urdhër evakuimi për një fshat në Libanin jugor, për shkak të sulmeve, për herë të parë brenda një muaji.

“Për sigurinë tuaj, duhet të evakuoni menjëherë shtëpitë tuaja”, tha zëdhënësja e ushtrisë që flet arabisht, Ella Waweya, nëpërmjet Platformës X, duke iu drejtuar banorëve të komunitetit Al Mansouri.

Urdhri i evakuimit u lëshua në një kohë kur Libani dhe Izraeli po diskutojnë në Romë, nën patronazhin e SHBA-së, vendosjen e ushtrisë libaneze në “zonat pilot” nga të cilat forcat izraelite do të tërhiqen, me kusht që Hezbollahu të çarmatoset.

Me më shumë se 18 vite përvojë në shërbim, Albi ka rrëfyer në emisionin “Summer Time Show” lidhjen e tij të fortë me profesionin e kamarierit, të cilin e ka nisur që në moshën 13-vjeçare.

I shtyrë nga pasioni dhe dashuria për këtë punë, ai shprehet se nuk ka menduar kurrë ta ndërrojë këtë rrugëtim.

Gjatë intervistës, ai veçoi vitin 2022 si më të suksesshmin financiarisht me fitime deri në 5 milionë lekë të vjetra në muaj, ndërsa krenohet edhe me rekordin e tij personal të mbajtjes së 30 gotave në duar.

“Kam mbi 18 vjet që punoj kamarier. Kam filluar punë që në moshën 13 vjeçare. Nuk mendoj asnjëherë për ta ndërruar. Mendoj që më mban pasioni dhe dashuria, për më tepër për këtë punë jam, nuk di të bëj një punë tjetër. Viti që kam bërë më shumë para, është viti 2022. Ka qenë një vit shumë suksesshëm. Nga muaji maj deri në muajin shtator kam arritur që të fitoj 4-5 milionë lekë të vjetra në muaj. Kam arritur që të mbaj 30 gota në duar dhe nuk besoj se ma merr njeri këtë rekord”, tha ai.

Këto janë pamjet e momentit kur flakët përpijnë sipërfaqe të mëdha të kodrave me pisha në Mallakastër, ndërsa zjarri në këtë zonë është jashtë kontrollit, pavarësisht angazhimit të zjarrfikësve dhe forcave të ushtrisë.

Vatrat vijojnë të mbeten aktive në disa zona të Mallakastrës, por situata paraqitet më problematike në fshatrat Ngraçan dhe Drenie.

Era e fortë ka favorizuar përhapjen e flakëve, duke e bërë më të vështirë ndërhyrjen e forcave në terren.

Në fshatin Ngraçan, forcat zjarrfikëse do ta monitorojnë gjatë gjithë natës zjarrin që të mos u afrohet banesave.

Ndërsa në fshatrat Riban, Lofkënd dhe Drenie, operacioni është pezulluar për shkak të errësirës dhe pamundësisë për të operuar në terren. Dhjetëra forca zjarrfikëse të Patosit, Mallakastrës, Fierit, Roskovecit dhe FNSH-së janë angazhuar prej dy ditësh në operacion për shuarjen e zjarrit që nisi në Riban dhe ka përfunduar në Drenie.

Në operacion është angazhuar edhe avioni zjarrfikës “Air Tractor 802 Fire Boss”, i cili kreu disa hedhje uji mbi vatrat aktive.

Në mbështetje të operacionit kanë vepruar edhe helikopterët e Forcës Ajrore dhe droni Bayraktar, që monitoron përhapjen e flakëve nga ajri.

Ndërkohë, sipas njoftimit të Ministrisë së Mbrojtjes, gjatë 10 orëve të fundit janë raportuar 14 vatra zjarri në të gjithë vendin, nga të cilat 7 mbeten aktive.

Në operacionet për izolimin dhe shuarjen e tyre janë angazhuar 29 automjete zjarrfikëse, 246 forca operacionale, 90 efektivë të Forcave të Armatosura, një helikopter dhe një “Air Tractor” nga Forca Ajrore.

Ministria bën me dije se situata më problematike vijon të jetë në Mallakastër, ku po punohet për të penguar përhapjen e zjarrit drejt zonave të banuara. Ndërkohë, në zona të tjera si Dajti, Elbasani, Libohova dhe Selenica vijojnë ndërhyrjet për shuarjen ose monitorimin e vatrave aktive.

Read More...

Italia do t’i vendosë të gjitha 27 qytetet e saj kryesore, duke nisur nga Trieste në veri deri në Palermo në jug, në nivelin më të lartë të alarmit për të nxehtin, ndërsa vala e katërt e të nxehtit që godet vendin këtë verë po intensifikohet.

Alarmi i kuq nënkupton një rrezik të shtuar për shëndetin e të gjithë popullsisë për shkak të temperaturave ekstreme dhe të zgjatura, duke rritur mundësinë e situatave emergjente.

Ministria italiane e Shëndetësisë ka njoftuar se 25 qytete ishin nën alarm të kuq të mërkurën, ndërsa dy të tjera do t’i shtohen listës të enjten. Kjo është hera e parë këtë vit që të 27 qytetet e monitoruara nga sistemi i mbikëqyrjes së valëve të të nxehtit i ministrisë vendosen në nivelin maksimal të alarmit.

Ndërsa temperaturat në disa zona të Italisë janë afruar pranë 40 gradë celsius ditët e fundit, autoritetet u kanë bërë thirrje qytetarëve të shmangin ekspozimin e drejtpërdrejtë në diell nga ora 11:00 deri në 18:00, të qëndrojnë brenda sa herë që është e mundur dhe të konsumojnë të paktën 1.5 litra ujë në ditë.

Udhëzimet e tjera përfshijnë shmangien e pijeve të gazuara, kafesë, alkoolit dhe vakteve të rënda, veshjen me rroba të lehta dhe moslënien kurrë të fëmijëve ose kafshëve brenda automjeteve.

Sipas shkencëtarëve, kjo valë ekstreme e të nxehtit, e nxitur nga ndryshimet klimatike të shkaktuara nga aktiviteti njerëzor, nuk pritet të zbutet për të paktën edhe një javë.

Evropa është ngrohur rreth dy herë më shpejt se mesatarja globale.

Ministria e Mbrojtjes – Informim rreth situatës së zjarreve gjatë 10 orëve të fundit

Gjatë 10 orëve të fundit janë raportuar 14 vatra zjarri, nga të cilat 7 mbeten aktive.

Përmes koordinimit të Agjencisë Kombëtare të Mbrojtjes Civile, prefekturave, njësive të qeverisjes vendore dhe Forcave të Armatosura – në operacionet për izolimin dhe shuarjen e tyre janë angazhuar 29 automjete zjarrfikëse, 246 forca operacionale, 90 efektivë të Forcave të Armatosura, 1 helikopter dhe 1 avion “Air Tractor” i Forcës Ajrore.

Në zonën e Dajtit vijon puna për shuarjen e zjarrit, me angazhimin e forcave të MZSH-së, ADZM-së, 50 efektivëve të FA-së dhe 1 helikopteri të Forcës Ajrore. Nuk ka rrezik për zonat e banuara.

Situata më problematike paraqitet në fshatrat Riban dhe Ngraçan, bashkia Mallakastër, ku zjarri ka marrë përmasa dhe vijon puna për të penguar përhapjen drejt zonave të banuara. Në operacion janë angazhuar forca zjarrfikëse nga disa bashki, 35 forca bashkiake, 40 efektivë të FA-së dhe avioni “Air Tractor”.

Në qarkun Elbasan vijon puna në vatrat e Shqiponjës, malit të Dardhës dhe fshatit Mjekës. Zjarret në Shqiponjë dhe Mjekës janë nën kontroll, ndërsa nuk raportohet rrezik për zonat e banuara.

Në zonën malore ndërmjet Stegopullit dhe Selckës, në bashkitë Libohovë dhe Dropull, zjarri ka kaluar në majën e malit dhe ka rritur intensitetin brenda një zone të mbrojtur. Nuk ka rrezik për zonat e banuara.

Në Penkovë, bashkia Selenicë, zjarri është shuar plotësisht, pasi preku rreth 2 hektarë pyll me pisha dhe 40 automjete të braktisura. Në Gumenicë vijon puna për shuarjen e një vatre me shkurre, ndërsa në Vërzhezhë, bashkia Skrapar, situata është vendosur nën kontroll.

AKMC dhe strukturat e sistemit të mbrojtjes civile vijojnë monitorimin e situatës dhe koordinimin e ndërhyrjeve në të gjithë territorin.

Donald Trump ishte paralajmëruar nga gjeneralët e tij edhe përpara se të jepte dritën jeshile për operacionin “Epic Fury”. Mesazhi ishte i qartë: një fushatë e zgjatur do të rrezikonte rezervat amerikane të armëve. Dhe pikërisht kjo duket se ka ndodhur: mungojnë raketat me rreze të gjatë veprimi dhe interceptorët kundër raketave.

Publikimi i vazhdueshëm i këtyre informacioneve, kryesisht nga burime anonime amerikane, shihet si një sinjal i qartë për nevojën e gjetjes së një alternative ndaj opsionit ushtarak. Këtë mesazh po e përcjellin vetë zyrtarët ushtarakë amerikanë.

Para nisjes së ofensivës kundër Iranit, Pentagoni kishte shprehur shqetësime për tri çështje kryesore: konsumimin e arsenalit, rrezikun e humbjeve dhe kërcënimin ndaj bazave amerikane në Gjirin Persik.

Këto paralajmërime u konfirmuan gradualisht nga zhvillimet në terren dhe më pas u pasqyruan në një seri raportesh. Shtetet e Bashkuara përdorën një pjesë të madhe të sistemeve të tyre me rreze të gjatë veprimi, përfshirë raketat ATACMS dhe sistemet PrSM të lëshuara nga platformat HIMARS.

Bëhet fjalë për raketa të drejtuara me precizion të lartë, të përdorura nga bazat amerikane në rajon kundër objektivave në anën tjetër të Gjirit, në distanca prej disa qindra kilometrash.

SHBA-të përdorën gjithashtu një numër të madh raketash lundruese Tomahawk, të lëshuara nga anijet dhe nëndetëset. Sipas vlerësimeve, nga rreth 3 mijë raketa të disponueshme, u përdorën afërsisht 1 mijë.

Krahas tyre u përdorën edhe bombat JDAM, municione tradicionale të pajisura me sisteme drejtimi që rrisin saktësinë dhe rrezen e veprimit. Këto bomba kushtojnë rreth 80 mijë dollarë, shumë më pak se raketat Tomahawk, çmimi i të cilave arrin rreth 3.5 milionë dollarë.

Megjithatë, rikthimi i rezervave kërkon kohë, ashtu si edhe rikuperimi i një tjetër fushe kritike: mbrojtja ajrore. Vlerësime të reja sugjerojnë se Shtetet e Bashkuara mund të kenë konsumuar deri në 80% të interceptorëve të sistemeve Patriot dhe THAAD.

Bateritë amerikane u detyruan të përballen çdo ditë me raketa të ndryshme të përdorura nga forcat iraniane, kundër objektivave të shpërndara nga Jordania deri në Katar.

Sulmet me raketa u shoqëruan edhe me dronë kamikazë Shahed dhe mjete ajrore mashtruese. Pavarësisht përdorimit masiv të burimeve, mburoja ajrore u depërtua disa herë, duke shkaktuar dëme ndaj avionëve, bazave ushtarake, hangarëve dhe radarëve.

Me kalimin e kohës, forcat iraniane zhvilluan taktika të reja dhe përdorën raketa më të manovrueshme. Gjithashtu, tentuan të godasin rrjetet e zbulimit amerikan, duke arritur në disa raste të dëmtojnë pajisje të rëndësishme që nuk mund të zëvendësohen shpejt, si disa komponentë të sistemeve THAAD.

Pak ditë më parë, një zyrtar i lartë amerikan paralajmëroi se Marina amerikane kishte nevojë të vendoste më shumë njësi të pajisura me sisteme kundërraketore për të forcuar mbrojtjen.

Situata ka krijuar një dilemë për komandën amerikane: ku duhet të përqendrohen prioritetet, në mbrojtjen e Evropës apo në mbështetjen e aleatëve në Lindjen e Mesme, veçanërisht Izraelit?

Monarkitë arabe të Gjirit, nga Arabia Saudite deri te Katari, kanë ushtruar presion mbi Shtëpinë e Bardhë për një zgjidhje diplomatike.

Një nga arsyet lidhet edhe me mungesën e municioneve kundërajrore. Për këtë arsye, disa vende të Gjirit janë përpjekur të sigurojnë marrëveshje me Ukrainën për furnizimin me dronë kundër dronëve.

Strategjia e Iranit, e shtrirë në disa fronte, ka detyruar SHBA-të dhe partnerët e saj të zgjasin linjat logjistike, të shpërndajnë forca në një hapësirë shumë të gjerë dhe të përdorin një sasi të madhe municionesh.

Megjithatë, jo gjithmonë rezultatet kanë qenë efektive. Inteligjenca iraniane është treguar e aftë në identifikimin e objektivave, duke përdorur edhe ndihmë satelitore nga Rusia dhe Kina, rrjetin e saj të spiunazhit dhe metoda të tjera për gjurmimin e pranisë ushtarake amerikane.

Kriza në Gjirin Persik lidhet drejtpërdrejt edhe me luftën në Ukrainë, për shkak të mungesës së municioneve. Rusia vazhdon të godasë qytetet ukrainase me qindra raketa dhe dronë, ndërsa Kievi po has vështirësi për t’i përballuar sulmet për shkak të mungesës së sistemeve të mbrojtjes ajrore.

Presidenti ukrainas Volodymyr Zelensky ka kërkuar nga Uashingtoni furnizime të reja me sisteme Patriot, por përgjigjet amerikane, pas disa premtimeve të paqarta, nuk kanë qenë inkurajuese.

Ndërkohë, vëmendja është kthyer edhe te Koreja e Veriut, e cila ka mbështetur Rusinë me ndihmë konkrete ushtarake. Fillimisht me dërgime predhash artilerie dhe raketash, më pas me mijëra trupa të forcave speciale dhe tani me një njësi të pajisur me rreth 120 raketa balistike dhe gjashtë lëshues.

Sipas inteligjencës ukrainase të cituar nga Reuters, ky bashkëpunim pritet të zgjerohet me marrëveshje të reja. Në dy vitet e fundit, Rusia ka treguar se mund të mbajë një ritëm të lartë prodhimi të raketave të ndryshme, rreth 600 deri në 700 në vit sipas ekspertëve.

Kështu, mbështetja e Kim Jong Un për Moskën shihet më shumë si një sinjal politik dhe forcim i aleancës me Kremlinin, por edhe si një mënyrë për të siguruar përfitime ekonomike nga Rusia.

Trupat e alpinistit të famshëm botëror Nirmal Purja dhe tre alpinistëve të tjerë që vdiqën në një ortek në Broad Peak të Pakistanit më 30 korrik u morën nga mali në kampin bazë.

Aksioni i uljes së trupit ishte shumë i mundimshëm dhe në të u përfshi edhe ushtria pakistaneze, raporton Kathmandu Post. që po përpiqeshin të pushtonin një nga majat më të larta në botë vdiqën në aksident 10 alpinistë . Katër trupa u gjetën në fazën e parë të kërkimit më 31 korrik dhe u transferuan në kamp, ​​ndërsa kërkimi për dy alpinistë të tjerë vazhdon.

Grupi përfshinte alpinistë nga Nepali, SHBA-ja, Pakistani, Omani dhe Kina. Një ortek i madh ndodhi më 30 korrik rreth orës 9:20 të mëngjesit sipas kohës lokale, por alarmi nuk u aktivizua deri në orën 13:00, dhe Klubi i Alpinizmit i Pakistanit thotë se ata mësuan për ortekun vetëm në orën 22:00, prandaj e gjithë dita u humb. Nirmal Purdza (43), një ish-anëtar i forcave speciale britanike, bëri histori në vitin 2019 duke ngjitur të 14 majat e botës më të larta se 8,000 metra në pak më shumë se gjashtë muaj .

Ai njihet gjithashtu për paraqitjen në një dokumentar të Netflix në vitin 2021 që ndoqi kronologjikisht përpjekjen e tij për të pushtuar 14 malet më të larta në botë në më pak se një vit, në të cilin ai tha se vendosi të përdorte oksigjen shtesë për ngjitjet e tij, duke e justifikuar zgjedhjen e tij me sfidën e madhe që i vuri vetes. Ai u bashkua me Ushtrinë Britanike në vitin 2003 dhe u bë një Marinar Mbretëror në vitin 2009.

Read More...

Read More...

Autoritetet e Ceutës në Spanjë po kërkojnë që qindra të mitur emigrantë të pashoqëruar, të cilët ndodhen ende në enklavën spanjolle në Afrikë, të transferohen në pjesën kontinentale të vendit.

Kërkesa vjen pas një fluksi të madh emigrantësh, ku rreth 72 mijë persona mbërritën në brigjet e Ceutës brenda një jave. Shumica e tyre janë kthyer në Marok, por rreth 1.100 të mitur që kanë hyrë para dhe gjatë krizës mbeten ende në Ceuta, pasi ligji nuk lejon kthimin e menjëhershëm të tyre.

Shumë prej tyre po qëndrojnë në ambiente të improvizuara, si magazina, ndërsa disa janë detyruar të flenë në rrugë, pasi qendrat e pritjes nuk kanë më kapacitet për t’i akomoduar.

Gjatë përplasjes së fundit në kufirin mes Ceutës dhe Marokut, një nga dy kufijtë tokësorë të Bashkimit Evropian me Afrikën, rreth 75 persona humbën jetën. Ngjarja shkaktoi alarm në vendet e BE-së dhe riktheu kujtimet e krizës së emigracionit të viteve 2015-2016.

Drejtuesit lokalë të Ceutës kanë kërkuar ndihmë nga qeveria qendrore dhe rajonet e tjera të Spanjës. Kreu i qeverisë lokale, Juan Jesus Vivas, tha se situata është bërë “e papërballueshme”.

“Po kërkojmë ndihmë dhe mbështetje. Kjo situatë nuk mund të vazhdojë kështu“, deklaroi ai për televizionin spanjoll RTVE.

Sipas një reforme të ligjit spanjoll për emigracionin, të miratuar në vitin 2025 pas krizës në Ishujt Kanarie, të miturit e pashoqëruar duhet të shpërndahen në rajone të tjera brenda 15 ditëve pasi të përfundojë dokumentacioni i tyre.

Megjithatë, kjo çështje ka shkaktuar përplasje politike mes Partisë Popullore konservatore (PP) dhe partisë së djathtë ekstreme Vox. Kjo e fundit kundërshton transferimin e të miturve dhe lideri i saj ka deklaruar se “asnjë euro” nga fondet publike spanjolle nuk duhet të shkojë për emigrantët e mitur.

Ekspertët paralajmërojnë se procesi i identifikimit dhe zhvendosjes mund të zgjasë me muaj, pasi kërkohen intervista individuale, raporte dhe verifikime me vendet e origjinës për të përcaktuar nëse kthimi te familjet është i mundur.

Sipas të dhënave të qeverisë spanjolle, që nga reforma e vitit 2025, 719 të mitur janë transferuar nga Ishujt Kanarie drejt Spanjës kontinentale, ndërsa më shumë se 400 të mitur të ardhur në Ceuta janë zhvendosur në rajone të tjera.

Qeveria spanjolle ka miratuar gjithashtu 25 milionë euro ndihmë financiare për Ceutën për përballimin e situatës.

Përfaqësuesi i qeverisë spanjolle në Ceuta, Miguel Ángel Pérez, tha se solidariteti mes rajoneve është i domosdoshëm që të miturit të vendosen në vende ku mund të marrin kujdes më të mirë. “Duhet të respektohet ligji“, u shpreh ai.

Valon Bela dhe Bekir Halimi, të dy shtetas të Maqedonisë së Veriut janë personat e radhës që janë shpallur non grata nga Ministria e Brendshme, pasi konsiderohen me rrezik potencial për sigurinë e vendit.

Analisti Martin Leka tha se personat që shajnë Shqipërinë, nuk duhen lejuar në vend.

Në një intervistë për “Tirana Live” në ABC News, Leka u shpreh se qarqe të huaja duan destabilizimin e Shqipërisë.

“Është e kotë që gazetarë si unë apo njerëz të komentojnë vendime që i kanë në dorë disa struktura ku ne nuk ndërhyjmë. Çdo shtet ka institucionet e veta për sigurinë kombëtare. Nuk i njoh këta dy shtetas. Kam lexuar për ta, janë shtetas të Maqedonisë së Veriut, nuk e di pse gjatë kohës së protestave në Tiranë, kanë qenë aktivë.

Për njërin prej tyre, shoh që nuk ka rrezikshmëri vetëm në kufirin politik të shtetit shqiptar, një njeri i tillë është me rrezik për shtetin ku jeton. Një njeri që bën lutje dhe bën fushatë për dajak ndaj grave, është një njeri i mbetur në kufijtë prehistorikë të epokës së gurit dhe asgjë më tepër.

Ky imami, përveç shpalljes së një lloj islamizimi radikal, ka edhe probleme të tjera. Ky njeri ka për ideal ajatollahët e Iranit, kjo është e padiskutueshme. Por ka edhe intelektualë. Kim Mehmeti, një njeri shan gjithë ditën nga mëngjesi në darkë qeverinë e Tiranës dhe kryeministrin e Shqipërisë. Nuk e kuptoj se çfarë duhet bërë tjetër për ta shpallur non grata. Shumë njerëz nga “VLEN”, edhe nga Kosova, mendoj se është përpjekje e qarqeve të huaja shoviniste dhe nacionaliste, të paguara që duan të krijojnë destabilitet në Shqipëri”, theksoi ai./abcnnews.al

India nuk do të blejë në një të ardhme të afërt aeroplanë të rinj luftarakë rusë të familjes Sukhoi, përfshirë modelin Su-57, deklaroi sekretari i Ministrisë së Mbrojtjes së Indisë, Rajesh Kumar Singh.

Sipas tij, autoritetet indiane aktualisht janë të përqendruara në modernizimin e flotës ekzistuese të aeroplanëve dhe jo në blerjen e mjeteve të reja ajrore. India tashmë disponon rreth 260 aeroplanë Su-30MKI, të cilët prodhohen në vend me licencë ruse.

Duke folur për mundësinë e blerjes së avionëve të rinj Sukhoi, Singh tha “jo, nuk kemi shqyrtuar blerjen e avionëve të rinj Sukhoi. India po punon në mënyrë aktive për modernizimin e avionëve Su-30 që tashmë i prodhojmë me licencë ruse”.

Sipas portalit Defence Security Asia, pala ruse i kishte ofruar më herët Indisë blerjen e 36 deri në 40 avionëve Su-57.

Presidenti rus, Vladimir Putin kishte deklaruar në muajin qershor se Moska ishte e gatshme t’ia furnizonte Nju Delhit këta avionë luftarakë të gjeneratës së pestë.

Deklarata e zyrtarit indian tregon se, të paktën për momentin, India i jep përparësi përmirësimit të kapaciteteve të flotës ekzistuese ajrore, ndërsa blerja e avionëve të rinj rusë nuk është pjesë e planeve afatshkurtra.

Kreu i Aleancës, Ardian Gjini, ka akuzuar kryeministrin Albin Kurti për përpjekje të hapur për kapjen e të gjitha institucioneve shtetërore, përfshirë gjyqësorin, presidencën dhe mediat.

Në një intervistë për “Balkan Update”, Gjini i cilësoi këto veprime si antidemokratike dhe deklaroi se ftesa e Kurtit për takime nuk është e sinqertë, ndaj opozita nuk ka asnjë arsye të ulet në tryezë me të.

Ai nënvizoi se prioriteti i partisë së tij mbetet përmirësimi i jetesës së qytetarëve, si dhe realizimi i projekteve infrastrukturore e marrëveshjeve strategjike për gazin e lëngshëm amerikan. Po ashtu, ai paralajmëroi se skena politike në Kosovë do të ndryshojë shumë shpejt, ndërsa oferta e tyre me gjashtë pika mbetet në shërbim të interesit publik.

“Është fokusuar te kapja e të gjitha institucioneve të shtetit. Është e pamjaftueshme për të që të udhëheqë vetëm qeverinë e Kosovës, por kërkon që të kontrollojë edhe presidencën, edhe parlamentin, edhe gjyqësorin apo edhe mediat. Kemi të bëjmë me akte antidemokratike. Insistimi i Kurtit është që të kontrollojë të gjitha institucionet e vendit dhe jo se si duhet të qeverisë vendin.

Nuk besoj që takim mes meje dhe Kurtit do të ndodhë. Ne insistojmë që Kosova të ecë përpara. Të bëjë marrëveshjen me gazin e lëngshëm amerikan, të bëhen të gjithë projektet infrastrukturore. Ne nuk kemi asnjë arsye që të ulemi në tryezë me Kurtin. Nuk duam pushtet, nuk duam poste.

Por pjesën tonë e vendosim në atë që është rregullimi i jetesës së qytetarëve. Ne nuk ulemi në tavolinë, për aq kohë sa nuk kemi se çfarë të bisedojmë. Ftesa e Kurtit nuk është e sinqertë. Jemi pro ngritjes së institucioneve, por ai nuk do diskutim. Skena politike e Kosovës do të ndryshojë shumë shpejt. Oferta jonë me gjashtë pika nuk është vetjake”, tha Gjini.

Pas krizës së emigrantëve në Ceuta, mbeten historitë e dhimbshme të atyre që tentuan të kalonin kufirin. Të kthyer në Marok, shumë prej tyre rrëfejnë mungesën e ndihmës, kushtet e vështira dhe rreziqet me të cilat u përballën.

Mes atyre që u kthyen është edhe Brahim Ukasu, i cili tregon se sapo mbërriti në Ceuta u përball me mungesë ndihme dhe kushte të vështira jetese.

“Kur mbërritëm në Ceuta, nuk ishte askush për të na ndihmuar. Një shishe ujë kushtonte 22 dollarë. Fjetëm në male. Doja t’i shihja gjërat vetë, por një maroken nga Ceuta më sulmoi me thikë. Pas atij sulmi, u ktheva.”

Një tjetër emigrant, Ualid Hajri, thotë se vendimi për t’u larguar erdhi pas viteve të vështira që kishte kaluar në vendin e tij.

“Jemi njerëz të mirë, jo të këqij. Udhëtova kaq larg dhe e lashë nënën time pas. Vuajta. Vuajta në vendin tim. Nuk gjeta asgjë atje, vetëm thërrime.”

Ndërkohë, pranë kufirit vazhdojnë të presin familjarë që ende nuk kanë asnjë informacion për fatin e të afërmve të tyre.

Kriza në Ceuta solli një nga valët më të mëdha të emigracionit mes Marokut dhe Spanjës në vitet e fundit. Sipas autoriteteve, rreth 72 mijë persona tentuan të hynin në enklavën spanjolle brenda pak ditësh, ndërsa më shumë se 80 emigrantë humbën jetën gjatë përpjekjes për të kaluar kufirin./abcnews.al

ABC News ka arritur që të sigurojë pamje nga vendngjarja, ku u grabit mesditën e kësaj të mërkure, 5 gusht, një argjendari në zonën e Kamzës.

Dy persona, ende të paidentifikuar nga policia, nën kërcënimin e kallashnikovit, kanë arritur të marrin sende me vlerë nga një argjendari dhe më pas janë larguar.

Autorët kanë lëvizur me një motor pa targa. Ata janë arratisur drejt zonës së Institutit Bujqësor Kamëz ku më pas kanë humbur gjurmët nëpër rrugicat e lagjeve.

Në pyetje, policia ka marrë dy punonjëset që ndodheshin në argjendari, të cilat kanë deklaruar se autorët nuk synonin paratë, por vetëm bizhuteritë.

Zjarri në Mallakastër vazhdon të përparojë.

Flakët kanë prekur territorin pyjor të fshatit Ngraçan, duke rrezikuar disa banesa. Forcat ne terren janë duke punuar për izolimin e flakëve për shmangien e rrezikut në banesa.

Deri tani po mbahet nën kontroll zjarri pranë shtëpive./abcnews.al