Dronët ukrainas kanë goditur objektiva civile në rajonin e Belgorodit të Rusisë, duke vrarë pesë persona.

Zëdhënësja e Komitetit Hetues Rus, Svetlana Petrenko, tha se është hapur një “çështje penale në lidhje me një akt terrorist”.

“Formacionet e armatosura ukrainase përdorën mjete ajrore pa pilot për të goditur objektiva civile në Belgorod, duke përfshirë ndërtesa apartamentesh, disa ndërtesa administrative dhe objekte të infrastrukturës sociale. 

“Sulmi rezultoi në viktima dhe të plagosur, me fëmijë midis të plagosurve”. 

Sipas administratës rajonale, një djalë katërvjeçar ishte midis të plagosurve në sulme.

Autoritetet thanë se sulmet me dronë dëmtuan 29 blloqe apartamentesh dhe pesë shtëpi, si dhe ndërtesa administrative dhe “objekte tregtare” të paspecifikuara.

Ministria e mbrojtjes e Rusisë tha se mbrojtja e saj ajrore rrëzoi 285 dronë ukrainas gjatë një periudhe 12-orëshe në rajone të ndryshme.

Një aksident ka ndodhur pranë fshatit Mazhë të Krujës, dy automjete janë përplasur me njëra tjetrën duke përfunduar jashtë rruge.

Nga ky aksident një person ka mbetur i plagosur në vendngjarje dhe më pas është transportuar për ndihme mjekësore në Spitalin e Traumës.

Grupi hetimor ne vendngjarje për të zbardhur shkaqet e aksidentit./abcnews.al

Gjatë ditës së sotme janë raportuar 8 vatra zjarri në qarqet Tiranë, Fier, Durrës dhe Lezhë, nga të cilat 6 vijojnë aktive, ndërsa 2 janë nën kontroll/monitorim. Janë angazhuar 227 forca në terren, ndërsa është kërkuar edhe angazhimi i 50 forcave ushtarake për vatrën në lagjen Boje, Krujë. Janë angazhuar gjithashtu mjete zjarrfikëse, 3 helikopterë, 1 avion Air Tractor, si dhe një mjet ajror i FA-së në Cikallesh.

Qarku Tiranë – Në Dajt, pranë fabrikës së ujit Selita, janë rishfaqur disa vatra dhe vijon ndërhyrja e monitorimi. Në Cikallesh, Kavajë, vatra është në rënie dhe po shkon drejt shuarjes së plotë. Në Priskë të Madhe vijon puna për vënien nën kontroll të vatrave të vogla. Nuk ka rrezik për zonat e banuara.

Qarku Fier – Në zonën Panahor–Ndrenie–Vlosht, Mallakastër, vijon puna për izolimin e vatrave. Zjarri është nën kontroll. Në Koilaç–Greshicë zjarri është izoluar dhe nën kontroll. Nuk ka rrezik për zonat e banuara.

Qarku Durrës – Në Abaze, Krujë, situata është stabilizuar dhe kanë mbetur vetëm vatra të vogla me prush dhe tym. Vijon monitorimi dhe ndërhyrja nga strukturat e angazhuara. Në lagjen Boje, Krujë, për shkak të terrenit të vështirë dhe mungesës së aksesit rrugor, është kërkuar urgjentisht angazhimi i 50 forcave ushtarake. Nuk ka rrezik për zonat e banuara.

Qarku Lezhë – Në Vilëz, Kurbin, zjarri vijon aktiv në sipërfaqe pyjore. Në terren janë angazhuar 50 forca nga strukturat vendore, MZSH, Policia dhe vullnetarët. Ndërhyrja nga ajri me 2 helikopterë ka ndërprerë avancimin e zjarrit, duke shmangur djegien e kishës, varrezave dhe banesave përreth.

Read More...

Gjatë patrullimit në hapësirën detare të Ksamilit, shërbimet e Policisë Kufitare dhe të Njësisë Policore Detare konstatuan një mjet lundrues tip pedalon, me 5 shtetas të huaj në bord, të cilët kërkonin ndihmë, pasi mjeti ndodhej në vështirësi dhe ekzistonte rreziku për mbytjen e tyre.

Shërbimet e Policisë ndërhynë menjëherë, duke u dhënë ndihmën e nevojshme, tërhequr pedalonin dhe e shoqëruar atë drejt bregut.

Të 5 turistët u nxorën në breg në mënyrë të sigurt dhe, fatmirësisht, ndodhen në gjendje të mirë shëndetësore./abcnews.al

Një tjetër zjarr është shfaqur në këtë mbrëmje në zonën e pishave të Krujës.

Në lagjen e quajtur Bojë, me masiv pyjor, është përfshirë nga flakët e zjarrit, ndërsa zjarrfikësit e Krujës, pasi kanë izoluar vatrën e mbetur në Abazë, janë nisur në drejtim të zonës së zjarrit.

Sipas informacioneve të para, zjarri pranë masivit pyjor me pisha është nga pakujdesia, ndërsa nuk rrezikon banesa.

Nëse situata përkeqësohet, në ditën e nesërme kërkohet ndërhyrja nga ajri./abcnews.al

Presidenti ukrainas Volodymyr Zelenskyy ka deklaruar se deri në 50,000 ushtarë të Koresë së Veriut do të vendosen në Rusi për të luftuar kundër Ukrainës.

Zelenskyy tha se është marrë një vendim që deri në 50,000 koreano-veriorë të vendosen në territorin e Rusisë, një shifër më e lartë se vlerësimi i tij prej 30,000 në korrik. Ai nuk dha detaje se si e mori informacionin.

Ai tha se Kievi kishte gjetur disa raketa të Koresë së Veriut në territorin e Ukrainës, pa zbuluar vendndodhjet e tyre.

“Është absolutisht e qartë se Koreja e Veriut do të vazhdojë të ndërtojë përvojën e saj në luftën moderne, të marrë licenca nga Rusia dhe të marrë të gjitha llojet e mjeteve ushtarake prej tyre”, tha ai.

Duke i kërkuar Seulit të ketë bashkëpunim më të ngushtë me Kievin, Zelenskyy tha se Ukraina do të donte shumë të merrte mbështetje nga Koreja e Jugut në një fushë ku kanë mungesë, duke iu referuar sistemeve të saj të mbrojtjes ajrore.

“Jemi të gatshëm të punojmë edhe për Marrëveshjen e Dronëve dhe në fusha të tjera”, tha ai, duke shtuar se diplomatët ukrainas janë në kontakt me Seulin për të nxitur marrëveshje të mundshme.

Gjatë ditës së së dielë ka vazhduar operacioni me mbështetjen nga forcat e ushtrisë në terren dhe mjete ajrore për shuarjen e zjarrit në Mallakastër.

Rreth pasdites situata në Ngraçan, Rriban dhe Panahor është normalizuar megjithëse ka ende vatra aktive. Këto të fundit po mbahen në monitorim nga zjarrfikësit me qëllim parandalimin e përhapjes së flakëve.

Ndërkohë forcat zjarrfikëse, të ushtrisë dhe mjete ajrore janë përqëndruar në Drenie. Situata në pyjet e Drenies dhe Vloshit është problematike pasi era e fortë riaktivizoi vatrat e zjarrit.

Ky i fundit nisi fillimisht në Rriban ndërkohë që era e orientoi në drejtim të pyjeve të Drenies. Deri tani nga zjarri në Drenie nuk rrezikohen banesa./abcnews.al

“Pas disa orëve të vështira mes flakëve dhe tymit, situata në Krujë është normalizuar. Zjarri ka lënë pas dëme të konsiderueshme materiale, ndërsa fatmirësisht nuk ka persona të lënduar.

Tashmë, për banorët e prekur nis përballja me pasojat dhe rikthimi gradual në normalitet.”

Rreziku ka kaluar shumë pranë banesave. Shtëpitë kanë shpëtuar pa dëme, por gjithçka përreth tyre është përfshirë nga flakët. Pemë, bimësi dhe sende në oborre janë shkrumbuar

Mes objekteve të prekura nga flakët është edhe një magazinë e ujësjellësit. Objekti nuk ka mundur t’i shpëtojë zjarrit dhe është djegur, ndërsa flakët kanë rrezikuar edhe banesat e tjera pranë tij

Momente paniku kanë përjetuar banorët e zonës, të cilët tregojnë se gjatë natës janë detyruar të largohen nga banesat e tyre, për t’u rikthyer vetëm në orët e mëngjesit

“Natën kemi dalë nga shtëpitë dhe jemi rikthyer në mëngjes. Kishim frikë nga çdo moment, sepse flaka vazhdonte të afrohej.

Flakët kanë përfshirë edhe kabllot e linjës elektrike, duke shkaktuar ndërprerje të energjisë në zone

Në fshatin Barabit, situata vijon të mbahet nën monitorim. Edhe pse rreziku kryesor është kaluar, temperaturat e larta dhe terreni i thatë mbeten faktorë që kërkojnë vëmendje dhe monitorim të vazhdueshëm, për të shmangur çdo mundësi riaktivizimi të vatrave të zjarrit

Për zjarrin në Krujë është arrestuar Qemal Berhami. Sipas policisë, ai kishte ndezur barishte pranë shtëpisë së tij, por flakët dolën jashtë kontrollit dhe u përhapën me shpejtësi, duke vënë në rrezik një pjesë të Krujës./abcnews.al

Read More...

Një banesë është përfshirë nga flakët dhe është djegur plotësisht pasditen e kësaj të diele në Durrës, në zonën e ish-Kënetës.

Fatmirësisht, nga ngjarja nuk raportohet për persona të lënduar. Menjëherë pas marrjes së njoftimit për zjarrin, shërbimet zjarrfikëse mbërritën në vendngjarje dhe ndërhynë për të bërë të mundur shuarjen e flakëve.

Nga veprimet e para hetimore dyshohet se zjarri mund të jetë shkaktuar nga një shkëndijë elektrike. Ndërkohë, grupi hetimor po vijon punën për të përcaktuar rrethanat dhe shkakun e plotë të ngjarjes./abcnews.al

Bregu lindor i Kinës është përgatitur për mbërritjen e stuhisë ditët e fundit, me shërbimet e punës dhe të transportit të pezulluara në disa zona përgjatë rrugës së parashikuar të saj.

Qendra e tajfunit u zhvendos mbi vijën bregdetare pranë qytetit Yuhuan në Provincën Zhejiang, tha Qendra Kombëtare Meteorologjike e Kinës.

Shpejtësia maksimale e erës pranë qendrës ishte më shumë se 150 km/h në kohën kur u përplas në tokë, tha NMC.

Autoritetet zhvendosën më shumë se 1 milion banorë nga qyteti i Wenzhou dhe hapën më shumë se 1,000 strehimore emergjente.

Gati 1,400 fluturime për në dhe nga dy aeroportet kryesore të pasagjerëve të Shangait u anuluan.

Ndryshe, Tajfuni Dolphin solli shira të rrëmbyeshëm dhe erëra të forta në Okinawa të Japonisë përpara se të arrinte në Kinë.

Saranda ka pritur ritmet dhe ngjyrat e folklorit shqiptar. Ansambli Kombëtar i Këngëve dhe Valleve Popullore çeli në qytetin bregdetar turin e “Fest Folk 2026”.

Kostumet shumëngjyrëshe, ritmet tradicionale dhe interpretimet e artistëve krijuan një atmosferë të veçantë, duke tërhequr vëmendjen e publikut dhe turistëve që ndodheshin në qytet.

“Jemi në sheshin e një nga qyteteve më të bukura të Shqipërisë, Sarandë, dhe starton sonte nata e parë e turit të Fest Folk 2026 e Ansamblit Kombëtar. Nga ky shesh i bukur e i mrekullueshëm, këtu buzë detit Jon, dhe ky start do të vazhdojë në qytete të tjera, në Gjirokastër, Berat, Vlorë. Ansambli Kombëtar do të zbresë aty ku janë pushuesit, ku është publiku, duke festuar së bashku me ta me këngë të mrekullueshme. Jemi të kënaqur, sepse akoma pa nisur koncerti këtu ka nisur festa.”

Në repertorin e mbrëmjes nuk munguan vallet e këngët nga treva të ndryshme shqiptare, duke sjellë në një skenë të vetme larminë e traditës sonë.

“Jam Mariana Shkreta, një nga solistet e ansamblit shtetëror. Sot startojmë Folk Fest në një nga qytetet më të bukura të Shqipërisë, Sarandë, ku do të performojmë disa nga vallet tona të jugut, të veriut. Shpresojmë të argëtojmë gjithë turistët dhe më pas do ta vazhdojmë turin edhe në qytete të tjera të Shqipërisë, ku shpresojmë të kënaqemi së bashku me traditën tonë të bukur, që është edhe pasaporta që kemi për kudo jashtë vendit.”

Për artistët, kjo është edhe një mënyrë për t’ua prezantuar vizitorëve të huaj një pjesë të identitetit dhe trashëgimisë shqiptare.

“Unë jam Iris Bega, soliste. Ndodhemi në Sarandën e bukur, nis turi i ansamblit shtetëror. Koncertet tona janë të larmishme, ku njihemi me të gjitha trevat, si me këngët, edhe me vallet. Kënaqësia më e madhe është që edhe turizmi, që mesa shoh është super full, do të kënaqet me kostumet tona, me interpretimet tona, si në këngë, edhe në valle. Një super mbrëmje sot në Sarandë.”

Nga Saranda, Fest Folk 2026 vijon rrugëtimin e tij në qytete të tjera të Shqipërisë, duke përcjellë përmes këngës dhe valles një trashëgimi që mbetet pjesë e pandarë e identitetit shqiptar./abcnews.al

Në terren, në operacionet për menaxhimin e vatrave të zjarrit, të angazhuara janë të paktën 227 forca operacionale dhe 16 mjete zjarrfikëse e mbështetëse, ndërsa nga ajri kanë ndihmuar 3 helikopterë, 1 avion Air Tractor.

Në zonën e Dajtit, pranë fabrikës së ujit Selita, po mbahen nën kontroll disa vatra zjarri, pa rrezik për zonat e banuara.

Në Cikallesh, Kavajë, vatra ka rënë ndjeshëm në intensitet dhe po shkon drejt shuarjes së plotë.

Në Priskë të Madhe vijon puna për vënien nën kontroll të disa vatrave të vogla.

Në qarkun Fier, në zonën Panahor–Ndrenie–Vlosht, Mallakastër, zjarri është aktualisht nën kontroll. Nuk ka rrezik për zonat e banuara.

Vatra në zonën Koilac–Greshicë është nën kontroll dhe nuk paraqet rrezik për zonat e banuara.

Në Abaze, Krujë, situata është stabilizuar dhe kanë mbetur vetëm disa vatra të vogla në terren të vështirë. Nuk ka rrezik për zonat e banuara.

Në Vilëz, Kurbin, ku zjarri u riaktivizua në një sipërfaqe pyjore dhe, për shkak të terrenit të vështirë dhe erës, rrezikonte kishën, varrezat dhe disa banesa, janë angazhuar rreth 50 forca nga MZSH, Emergjencat Civile, Policia, strukturat vendore, shërbimi pyjor dhe vullnetarët. Ndërhyrja nga ajri me 2 helikopterë ka ndërprerë avancimin e zjarrit, duke shmangur prekjen e kishës, varrezave dhe banesave përreth. Vatra vijon të jetë aktive dhe po mbahet nën ndërhyrje./abcnews.al

Një vatër zjarri është riaktivizuar në malin e Krujës, duke përkeqësuar situatën dhe paraqet rrezik nga flakët.

Banorët raportojnë se gjatë orëve të fundit situata është përkeqësuar dhe ekziston frika se zjarri mund të marrë përmasa.

Në vendngjarje ndodhen zjarrfikësit e Krujës të cilët po punojnë për izolimin e vatrave, sakaq dhe një helikopter po vijon hedhjen e ujit nga ajri./abcnews.al

Read More...

Read More...

Banorët e zonës së Krujës kanë folur për situatën e krijuar nga zjarri i rënë në malin e Krujës, duke vlerësuar angazhimin e strukturave shtetërore në përballimin e flakëve.

Në një situatë të vështirë, ku zjarri rrezikoi banesa dhe detyroi disa banorë të largoheshin përkohësisht nga shtëpitë e tyre, në terren u angazhuan forcat zjarrfikëse, policia dhe ushtria.

Banorët kanë dëshmuar se strukturat shtetërore ishin të pranishme dhe në gatishmëri gjatë gjithë situatës, duke kontribuar në përballimin e zjarrit dhe shmangien e një bilanci më të rëndë.

Edhe kryeministri Edi Rama, përmes një postimi, vlerësoi angazhimin e forcave në terren, duke deklaruar se zjarri përfundoi me vetëm një magazinë të shkrumbuar dhe pa banorë të dëmtuar.

“Shteti përballë zjarreve me zërin e njerëzve”, shkruan Rama, krahas videos së publikuar./abcnews.al

Drejtoria e Përgjithshme e Burgjeve ka nisur një hetim disiplinor ndaj 8 punonjësve të Burgut të Fierit, pas përplasjes së ndodhur në ambientet e paraburgimit mes disa të dënuarve, pjesë e grupeve kriminale.

Sipas burimeve per ABC News, drejtori i Përgjithshëm i Burgjeve ka firmosur urdhrin për përjashtimin e 8 punonjësve.

Dy prej tyre akuzohen për mosdhënie informacioni, ndërsa 6 të tjerët për mospërmbushje të detyrave.

Ndërkohë, Prokuroria e Fierit vijon hetimet për të zbardhur shkakun e përplasjes mes Aldo Gjinit, pjesë e grupit të Rrajave, dhe Jurgen Zotos e Denis Bajrit, të lidhur me grupin e Shkodrës./abcnews.al

Rusia thotë se ka goditur dy rafineri nafte në rajonin verilindor të Sumy-t të Ukrainës, raportoi agjencia e lajmeve Interfax.

Sipas ministrisë ruse të mbrojtjes, sulmi kishte në shënjestër objektet e prodhimit të naftës në distriktin Okhtyrka.

Gjithashtu tha se forcat ruse kanë marrë kontrollin e fshatrave Vasyutinske dhe Toretske në rajonin lindor të Donetskut të Ukrainës.