Nuk kishte fitues në derbin e Milanos. Milan dhe Inter u ndanë në barazimin 1-1, ndërsa rezultati u vendos në mënyrë dramatike vetëm në kohën shtesë.

Milan kaloi në epërsi me Reijnders në limitet e pjesës së parë. Goli I mesfushorit holandez ndezi festën e tifozëve kuqezi, ndërsa mbajti gjallë shpresat e tyre për një tjetër fitore në këtë sezon nda rivalëve të përjetshëm deri në fundin e kohës së rregullt.

Por të gjitha këto u rrëzuan në minutën e tretë shtesë, kur DeVrij shënoi golin e barazimit dhe atë që vulosi derbin e tretë sezonal, pas atij në fazën e parë dhe atij në finalen e Superkupës.

Me këtë barazim, Inter mbetet në vendin e dytë të renditjes, ndërsa Milan vazhdon të shohë larg objektivin për një vend në Champions.

Fatkeqësia e dikujt është shansi për dikë tjetër. Kështu thotë një proverb suedez, dhe Kristian Asllani ka përfituar maksimalisht nga dëmtimi I yllit kryesor të mesfushës së Interit, Hakan Çalhanoglu.

Futbollisti I kombëtares së Shqipërisë, që luajti titullar në 3 nga 4 ndeshjet e fundit të zikaltërve, ka arritur cakun simbolik të 800 minutave këtë sezon.

Kjo në 20 ndeshje, që do të thotë 40 minuta për çdo sfidë. Natyrisht, ka pasur duele kur trajneri Simone Inzagi nuk e ka preferuar duke e lënë gjatë gjithë kohës në stol.

Sidoqoftë, ky nivel është më I mirë sesa ai I edicionit të kaluar, kur Asllani luajti mesatarisht 34.4 minuta për ndeshje, dhe në total 1066 minuta.

Që tani, ai ka arritur kontributin e vjetshëm, me një gol e dy asistë, me ndryshimin që rrjetën e ka realizuar në Kupën e Italisë, ndërsa sezonin e shkuar në Serinë A.

Mesfushori 22-vjeçar ka shanse të mira që të jetë titullar të mërkurën në sfidën e Championsit në “San Siro” ndaj Monakos franceze, pasi Çalhanoglu nuk mund të jetë as në stol.

Kjo do të thotë se mundësia ekziston për të luajtur një rol të rëndësishëm edhe në derbin kundër Milanit në kampionat, të dielën e ardhshme në stadiumin “San Siro”./abcnews.al

Është ende në elitën e Europës. Qazim Laçi vlerësohet si njëri nga lojtarët më të fortë të Spartës së Pragës, dhe mbrëmjen e sotme do të ketë një duel të veçantë. Mesfushori I kombëtares shqiptare pritet të jetë përballë shokut të tij të repartit kuqezi, Kristian Asllanit, ndërsa kampionia e Çekisë pret Interin në fushën e saj.

Skuadra çeke shpreson në një rezultat pozitiv, dhe në një surprizë ndaj italianëve që konsiderohen favoritë. Laçi besohet se do të jetë titullar, dhe kush mund ta tregojë këtë më mirë sesa fakti që ai doli në konferencë për shtyp në krah të trajnerit danez, Lars Fris. Shqiptari u pyet padyshim për duelin me patriotin e tij.

“Sinqerisht nuk kam folur me Asllanin. Është një shok I kombëtares, këtë herë por do të jemi kundërshtarë për 90 minuta. Nuk mendoj se ndaj Interit është ndeshje pa shpresë për ne. Në Itali jam tifoz me Milanin, prandaj kjo sfidë më motivon edhe më shumë. Interi ka një nga mesfushat më të forta, dhe do na duhet diçka më tepër për të konkurruar me ta. Sipas mendimit tim, Interi është një nga skuadrat më të mira në Europë madje prej disa vitesh. Iu afrua shumë fitores së Championsit”.

Tek Sparta nuk do të jetë Indrit Tuci, sulmuesi kuqezi, por padyshim që që nga minuta e parë pritet ylli ofensiv i Kosovës, Abion Rrahmani, i cili ka shënuar më herët në Champions, në sfidën kundër Fejënordit.

Po Interi? Tek zikaltërit, Asllani jepet sërish titullar, dhe kjo do të ishte ndeshja e tretë radhazi që nga fillimi. Kampionia e Italisë do të ketë mungesa si Bisek, Çalhanoglu, Korrea, por edhe Açerbi.
Në sulm pritet të jetë sërish Lautaro Martinez, edhe pse trajneri Simone Inzagi do të synojë të realizojë një rotacion për të mos lodhur yjet kryesorë./abcnews.al

Çdo çudi mbahet mend vetëm tri ditë. U desh vetëm pak më shumë kohë që Kristian Asllani të kalonte nga “ferri” në “parajsë” tek Interi, ndërsa trajneri Simone Inzagi tregoi se beson ende tek ai.

Pas kritikave të ashpra dhe komenteve se do të largohet nga zikaltërit, pas humbjes së Superkupës me përmbysje kundër Milanit, erdhi ndeshja e Serisë A në fushën e Venecias, ku mesfushori kuqezi ishte i rëndësishëm.

Krijoi golin e vetëm, shënuar nga Darman, që I dha zikaltërve fitoren, luajti titullar dhe ishte në fushë 63 minuta.

Vetëm tre lojtarë të Interit morën vlerësime më të larta se ai, Darmian, Bastoni dhe Barela.

Jo më kot, nota e tij ishte më e lartë sesa mesatarja zikaltër, 7.08.

E përditshmja “La Republika” e veçon që në titull: Notat e Venecia-Interit: Oristanio nuk ka ndikim! Asllani, I përpiktë!

Një reagim në krahasim me atë që ndodhi në finalen e Superkupës, dhe shqiptari flet I kënaqur për kamerën e klubit.

“Fitore e rëndësishme pas asaj që ndodhi pak ditë më parë. Duhej të reagonim. Ishte vendimtare të merrnim tre pikët për të vazhduar udhëtimin tonë, ndaj jemi të kënaqur. Duhet të vazhdojmë të punojmë. Jam i kënaqur me paraqitjen. Përpiqem të shfrytëzoj deri në fund atë që më jepet. Ndoshta, kur e nis nga fillimi ke më shumë kohë në dispozicion. Mund të gabosh më shumë, por edhe të rritesh më shumë. Gjithsesi, jam I kënaqur. Ne duhet të luajmë mirë pavarësisht se kush është në fushë. Unë ndihem mirë me të gjithë. Ia kemi dalë edhe me mungesa, kemi luajtur pak a shumë të gjithë kohët e fundit”.

Spekullimet kanë qenë të shumta për një transferim të mundshëm të tij, dhe gjithçka mund të ndodhë deri në fund të janarit, por të paktën minutazhi I tij në Serinë A është në rritje.

Në 6 ndeshjet e fundit, Asllani ka mbetur vetëm një herë në stol pa aktivizim, ndërsa ka luajtur mesatarisht 35 minuta për çdo sfidë.

Mos ndoshta Interi po e hedh në fushë për t’i rritur vlerën në treg?

Këtë gjë bëri edhe Çelsi vjet me Brojën, ndonëse krahasimet jo gjithmonë qendrojnë./abcnews.al

Milani ka fituar Superkupën e Italisë.

Të hënën në mbrëmje, Milani e mposhti 3:2 Interin në finalen dramatike të Superkupës së Italisë.
Milan bëri rikthim të jashtëzakonshëm duke fituar në fund Superkupën.

Lautaro Martinez realizoi për 1:0 në të mirë të Interit në minutën e parë shtesë të pjesës së parë. Mehdi Taremi i dyfishoi shifrat në minutën e 47-të.

Por Milani më pas i shënoi tre golat për fitoren e madhe ndaj Interit.

Theo Hernandez në minutën e 52-të e ngushtoi rezultatin në 2:1.

Në minutën e 80-të, Christian Pulishiq i barazoi shifrat në 2:2.

Goli i tretë e që ishte edhe i fitores për Milanin e shënoi Tammy Abraham në minutën e 93-të.

Kristjan Asllani tek Interi luajti nga pjesa e dytë.

Milani tashmë ka të fituar tetë trofe të Superkupës së Italisë.

Edhe Interi ka tetë trofe të Superkupës së Italisë

E ardhmja duket e paqartë.

Kristjan Asllani mund të fitojë sot trofeun e pestë në karrierë tek Interi, por ndoshta edhe mund të marrë lajme për një divorc të mundshëm.

Mesfushori I kombëtares shqiptare, pavarësisht se është kthyer shtyllë dhe titullar I padiskutueshëm te kuqezinjtë, nuk po arrin ta ndryshojë fatin e tij në skuadrën zikaltër.

Ylli 22-vjeçar është si gjithmonë zgjedhje e dytë e trajnerit Simone Inzagi, që pritet edhe sot të luajë me gardën e vjetër në finalen e Superkupës së Italisë ndaj Milanit.

Sipas mediave italiane, Bolonja është e interesuar për 22-vjeçarin madje që tani në janar.

Në stadiumin e Riadit, në orën 20:00 do të luhet derbi I radhës I Madoninës, një përsëritje e finales së Superkupës në 2023 në të njëjtin impiant, që zikaltërit e fituan 3-0.

Duke u kthyer tek Asllani, mesfushori shqiptar ka thuajse të njëjtin nivel aktivizimi këtë sezon, si edhe vjet.

Në total, këtë edicion ka 436 minuta në 13 ndeshje, 33.5 minuta për ndeshje.

Vjet Kristiani pati 996 minuta në total në 31 ndeshje, 32.1 minuta për ndeshje.

Problemi më I madh për 22-vjeçarin këtë sezon është se është preferuar më pak në Serinë A, ndonëse dy herë ka qenë titullar.

Inzagi e ka aktivizuar vetëm 9 herë nga 18 javë kampionat, pra vetëm në gjysmën.

Po ashtu, ka rënie kontributi I tij në Champions, pasi sezonin e kaluar ishte në fushë në të 6 ndeshjet e grupeve, madje dy herë titullar dhe me 202 minuta gjithsej.

Këtë vit, Asllani ka luajtur në vetëm tri nga 6 përballjet, dhe me shumë pak minuta, vetëm 63 minuta në total./abcnews.al

Nuk është pak t’ia thotë ai që cilësohet si “vëllai i madh”.

Hakan Çalhanoglu beson se Kristian Asllani është në rrugë të mbarë për t’u bërë një yll tek Interi, ndonëse ende nuk po luan aq shumë sa duhet.

Në një intervistë integrale dhe ekskluzive për të përditshmen italiane “Il Corriere dello Sport”, mesfushori turk, pasi shpreh dëshirën që të fitojë Championsin në Milano, i përgjigjet një pyetjeje edhe për Asllanin.

Tridhjetvjeçari, që përsërit se shqiptarin e konsideron vëlla të vogël, thotë se ai mund ta bëjë shumë mirë rolin e tij në ekip.

Turku pohon se po e ndihmon shumë 22-vjeçarin me origjinë nga Elbasani, dhe thotë se Kristiani ia dëgjon fjalën.

Këshilla e Çalhës për Asllanin është që të përmirësohet në disa aspekte të lojë, dhe besohet se kjo ka të bëjë me pjekurinë dhe personalitetin për të marrë më shumë përsipër, dhe për të përballuar siç duhet presionin e madh që ekziston në një klub si Interi.

Gjithsesi, për të mesfushori kuqezi e ka cilësinë e duhur për të pasur sukses në “San Siro”.

Çalhanoglu thotë se Asllani po përmirësohet ndjeshëm dhe parashikon se ai do të jetë mjaft i rëndësishëm për skuadrën zikaltër pas largimit të tij. /abcnews.al

Vetëm një sezon, në “Meazza” i mjaftoi për të treguar vlerat e tij.

“Bomberi” francez, Marcus Thuram mund të jetë i sakrifikuari i radhës, në merkaton e “Zikaltërve”, të Inter, me “gjigantët” e Paris Saint-Germain, që janë duke kërkuar vazhdimisht informacion për 26-vjeçarin, të cilin në “Parc des Princes” e shohin si zëvendësues perfekt të Kylian Mbappe.

Sipas raportimeve më të fundit të mediave, në Francë e Itali, pavarësisht se në krye të listës, së PSG është Victor Osimhen , edhe francezi po fiton gjithnjë e më shumë terren, mirëpo “Zikaltërit” nuk pranojnë më pak se 80 milionë euro për kartonin e tij dhe së dyti nuk është në listën e të larguarve të Inter.

Ndërkaq, kujtojmë se Thuram zbarkoi në Milano, falë këmbënguljes së vazhdueshme, të Drejtorit Sportiv, Pierro Ausilio, i cili siguroi shërbimet e francezi, me parametra zero, nga gjermanët e Borussia Monchengladbach, e që atëherë 27-vjeçari është kthyer në një pikë referim në sulmin e Simone Inzaghi, duke shënuar plot 25 gola e asistuar 19 të tjerë, në 61 paraqitje me “Zikaltërit”. /i.m /abcnews.al

Kur hyri në fushë, padyshim që ishte I emocionuar dhe I tensionuar.

Kristian Asllani e ndjen çdo ditë sesa përgjegjësi e rëndë është që të luash për Interin, një nga tre gjigandët e Italisë, ndërsa në ndeshjen më të veçantë të karrierës, ai pati një fat, të cilin e meritoi.

Mesfushori I kombëtares shqiptare hyri vetëm në momentet e fundit në formacion për sfidën e Kupës së Italisë kundër Udinezes në “San Siro”, dhe kjo sepse lojtari tjetër I mesfushës, Nikolo Barela, pati dëmtim.

Krejt normale, sepse në futboll dhe në jetë duket edhe fati që të arrish suksesin.

Asllani e shfrytëzoi plotësisht shansin e tij duke shënuar golin më të bukur të karrierës, direkt nga goditja e këndit.

Po flasim për një futbollist që ka vetëm 25 rrjeta deri tani si profesionist.

Kristiani u barazua me legjendën e mëparshme zikaltër, Alvaro Rekoba, dhe trajneri Simone Inzagi u shpreh shumë I kënaqur për të, por edhe për të tjerët.

“Nuk kisha asnjë dyshim për lojtarët që hodha në fushë. Ndoshta, njerëzit mendonin se mund të zëvendësoja 8 apo 9, dhe jo vetëm katër. Nuk doja ta ndryshoja shumë ekipin. Gjithsesi, të gjithë ata që luajtën e meritonin, dhe për një trajner kjo që pashë këtë herë ishte një sinjal shumë I bukur”.

Paraqitja e Asllanit vërtet ishte shumë e mirë, dhe jo më kot meritoi notën e lartë 7.6, fare pranë atij që u shpall si Lojtari I ndeshjes, Marko Arnautoviç. Në të ardhmen, përveç fatit do t’i duhet që ta bindë edhe më shumë Inzagin që ta cilësojë të barabartë me të tillë si Çalhanoglu apo Barela. /abcnews.al

Përpara e tij e bëri një nga idhujt e tifozëve zikaltër.

Alvaro Rekoba, uruguajani tepër I talentuar, shënoi nga goditja e këndit në ndeshjen e tij të fundi për Interin, në sfidën ndaj Empolit në “San Siro”, ndërsa ekipi fitoi titullin në 2007.

Kristian Asllani përsëriti pikërisht të njëjtën gjë, e ndoshta asnjë legjendë tjetër zikaltër nuk ia ka dalë për të realizuar një rrjetë kaq të veçantë.

Atë që quhet “goli olimpik”.

Mesfushori I kombëtares shqiptare është bashkuar me disa nga “perënditë” e futbollit pas mrekullisë që bëri në “San Siro” në ndeshjen e Kupës së Italisë ndaj Udinezes, fituar 2-0.

Anglezi I famshëm Dejvid Bekam ia ka dalë shumë vite më parë, ndërsa luante tek Los Anxhelos Galaksi, në Ligën Profesioniste Amerikane.

Në një njëjtin kampionat, në “Tokën e Premtuar”, këtë veprim klasi e bëri edhe sulmuesi I shkëlyer francez, Tieri Henri.

Ish-ylli I Arsenalit, Juventusit dhe Barcelonës, realizoi me fanelën e Red Bullit të Nju Jorkut.

Ndër emrat më të vonshëm, është gjermani elegant Toni Kros.

Mesfushori shënoi direkt nga këndi në emër të Realit në 2020, në gjysmëfinalen e Superkupës së Spanjës kundër Valencias.

Pikërisht këto ditë, në të njëjtën kohë me Asllanin, ia doli edhe koreanojugori Heung-Min Son, për Totenhemin kundër Mançester Junajtidit në Kupën e Ligës së Anglisë.

Në Gjermani e ka bërë dy vjet më parë një emër aspak I njohur si Çima Okoroxhi në ndeshjen e kategorisë së dytë, Zandhauzen-Hanover.

Natyrisht, nuk mund të mungonin legjenda të tilla si Roberto Karlos apo Ronaldinjo, pasi Brazili s’ka sesi të mos ketë futbollistë të aftë për të shënuar nga goditja e këndit.

Gjithsesi, ai që cilësohet më I miri yll I epokës, e ndoshta I të gjitha kohëve, Lionel Mesi, nuk ka mundur të shënojë një gol të tillë, edhe pse ka realizuar thuajse në të gjitha mënyrat e tjera të mundshme. /abcnews.al

Ishte padyshim një “perlë” e vërtetë.

Kristjan Asllani është kthyer me shumë klas në formacionin titullar të “Zikaltërve”, me “yllin” e Kombëtares “Kuqezi” që realizoi një gol “të magjishëm” më fitoren 2-0 që skuadra e tij arriti ndaj “Bardhezinjve” të Udinese, në fazën e 1/16-ve të Coppa Italia.

“Arkitekti” i mesfushës arriti të gjente rrugën e rrjetës nga goditja e këndit, duke realizuar kështu një gol shumë të rrallë në fundin e pjesës së parë, ndërsa vetëm pak minuta para Asllanit rrugën e rrjetës e kishte gjetur “bomberi” austriak Marko Arnautovic.

Falë këtij rezultati, siç theksuam edhe më sipër Inter kalon në çerekfinalet e Kupës së Italisë ku përballë do të keë “Shqiponjat” e Lazio. /i.m /abcnews.al

Vetëm dy sezone më parë ishte kapiteni i “Zikaltërve” të Inter dhe tashmë është shumë pranë tranferimit te rivalët e tyre të përbetuar.

“Shtatlarti” sllovak, Milan Skriniar është shumë pranë kalimin te Juventus, me 29-vjeçarin e prapavijës që shihet si zënvedësuesi perfekt i Bremer të dëmtuar, te “Bardhezinjtë”, me brazilianin që ka humbur të gjithë sezonin futbollistik, për shkak të një dëmtimi goxha të rëndë në ligamentin e gjurit të majtë.

Sipas raportimeve më të fundit të mediave franceze, futbollisti sllovak tashmë ka rënë dakord për transferimin dhe tashmë “Zonja e Vjetër” duhet të arrijnë marrëveshje me “gjigantët” e PSG, të cilët zotërojnë kartonin e mbrojtësit. .

Nga specialistët e merkatos, Skriniar, i cili ka zhvilluar vetëm 5 sfida këtë sezon, vlerësohet në 20 milionë euro, shifër kjo e përballueshme nga “rekordmenët” e Apenineve. /i.m /abcnews.al

Bayern Munich dhe PSG kanë siguruar fitore shumë të rëndësishëm për ecurinë e tyre në Champions League, pasi kanë shmangur situata të sikletshme në të cilat gjendeshin në tabelën e klasifkimit.

“Bavarezët” fituan me rezultatin e thellë 5-1 përballë Shakhtar Donetsk, edhe pse e pa veten shpejt në disavantazh. Lainer, Muller, dygoleshi i Ollise dhe Musiala vulosën fatin e takimit për ekipin e Kompany që tashmë mund të përballojë më i qetë dy sfidat e fundit.

Ndërkohë, PSG ka fituar 3-0 ndaj Salzburg, duke shpëtuar pankinën e Luis Enrique, i cili në rast dështimi sot i kishte orët e numëruara.

Surprizat e turneut vazhdojnë të jenë Brest dhe Aston Vila, që kanë hipotekuar kalimin në fazën tjetër, ndërsa “Aspirinat” e Bayer Leverkusen arritën të mundnin edhe “gjigantët” e tjerë të Milanos, Inter. /i.m /abcnews.al

Është hedhur mbrëmjen e kësaj të mërkure shorti i Kupës së Botës për klubet. FIFA do të organizojë ceremoninë në orën 19:00 në Majemi, në Shtetet e Bashkuara të Amerikës, ndërsa formati këtë herë ka ndryshuar plotësisht.

Ndryshe nga e kaluara, në Kupën e Botës për klubet do të marrin pjesë 32 ekipe nga i gjithë planeti, ndonëse më shumë do të jenë nga Europa.

Kështu, grupi i “ferrit” mund të konsiderohet Grupi B, ku marrin pjesë Atletico Madrid, PSG, kampionët e Copa Libertadores, Botafogo e Seattle Sunders. Short të lehtë patën “Zikaltërit” e Inter, si dhe “Blutë” e Chelsea ndërsa Inter Miami i Lionel Messi pozicionohet në Grupin A, bashkë më Porto, Palmeiras e Al-Ahly. /i.m /abcnews.al

Grupet e Botërorit të Klubeve 2025:

Një ngjarje e rëndë ka ndodhur sot në minutat e parë të ndeshjes mes “Violëve” të Fiorentina dhe “Zikaltërve” të Inter në Serie A, teksa vetëm pak minuta pas fillimit të saj, sfida është ndërprerë për shkak të situatës shëndetësore të Edoardo Bove, i cili pësoi kolaps në fushë.

Gjyqtari kishte anuluar një gol të “Zikaltërve në ato momente dhe po argumentonte pranë pankinës së Inter arsyen pse.

Në këtë moment, mesfushori i Fiorentina, Edoardo Bove po rregullonte këpucët, u çua në këmbë dhe pastaj ra pa ndjenja në tokë.

Ai u rrethua menjëherë nga shokët e skuadrës të cilët e panë pa ndjenja dhe shumë prej tyre shpërthyen në lot. Lojtari i transportua menjëherë me ambulancë drejt spitalit, ndërsa ndeshja u ndërpre me futbollistët e të dy skuadrave që u kthyen në dhomat e zhveshjeve. /i.m /abcnews.al

Kim Min Jae është jashtë projektit të Bayern Munich me trajnerin Vincent Kompany që nuk e konsideron si pjesë të rëndësishme të organikës, madje, “Bavarezët” gjatës verës u përforcuan në mbrojtje me japonezin, Hiroki Ito për të cilin derdhën plot 30 milionë euro në arkat e Stuttgart duke i dhënë një goditje të fortë shpresave të qendërmbrojtësit për një karrierë me “Bavarezët”.

Kështu, edhe pse Bayern e transferoi Kim për 50 milionë euro vetëm një vit më parë me statusin e kampionit të Italisë pas sezonit fantastik të kaluar te Napoli, gjermanët tashmë janë gati ta rikthejnë sërish në Serie A, pasi “shtatlarti” koreano-jugor nuk u përshtat kurrë në Bundesliga.

Mirëpo, duke se karriera e Kim do të vijojë sërish te një klub i madh, me “Zikaltërit” e Inter, që e shohin këtë lëvizje si një “shans të artë” të merkatos, teksa janë gati ta transferojnë aziatikun nga “Bavarezët”, me formulën e huazimit, me vetë lojtarin, i cili i gjendur para kësaj situate, është i hapur për një rikthim të mundshëm në Itali. /i.m /abcnews.al

Mund të konsiderohet një “mjeshtër” i vërtetë i merkatos.

Giuseppe Marotta po bën një punë të magjishme, me “Zikaltërit” e Inter, teksa ishte pikërisht ai që ndërtoi këtë organikë fantastike, që siguroi dy tituj kampion, dy Kupa dhe tre Superkupa të Italisë, në vetëm katër sezone, pa llogaritur këtu finalen e UEFA Champions League të vitit të shkuar, e cila për fat të keq, nuk u arrit të fitohej përballë një kundërshtari si “Qytetarët” e Manchester City.

Ashtu, si në sezonet e tjera, edhe këtë sezon, Marotta ka afruar një sërë lojtarësh me parametra zero, siç janë edhe “arkitekti” polak i mesfushës së Napoli, Piotr Zielinski dhe “bomberi” iranian i “Dragonjve” të Porto, Mehdi Taremi, megjithatë duket se merkatoja nuk mbaron me kaq.

Sipas raportimeve më të fundit, të mediave gjerman, 20 herë kampionët e Italisë po mendojnë për transferimin e talentit gjerman të mbrojtjes, Karim Coulibaly, me 16-vjeçarin, pjesë e skuadrës së Hamburg, i cili i skadon kontrata në fund të sezonit dhe nuk ka sesi një lojtar i tillë, me goxha perspektivë t’i shpëtojë “strategut” të Inter. /i.m /abcnews.al

Vetëm dy sezone më parë ishte kapiteni i “Zikaltërve” të Inter dhe tashmë është shumë pranë tranferimit te rivalët e tyre të përbetuar.

“Shtatlarti” sllovak, Milan Skriniar është shumë pranë kalimin te Juventus, me 29-vjeçarin e prapavijës që shihet si zënvedësuesi perfekt i Bremer të dëmtuar, te “Bardhezinjtë”, me brazilianin që ka humbur të gjithë sezonin futbollistik, për shkak të një dëmtimi goxha të rëndë në ligamentin e gjurit të majtë.

Sipas raportimeve më të fundit të mediave franceze, futbollisti sllovak tashmë ka rënë dakord për transferimin dhe tashmë “Zonja e Vjetër” duhet të arrijnë marrëveshje me “gjigantët” e PSG, të cilët zotërojnë kartonin e mbrojtësit. .

Nga specialistët e merkatos, Skriniar, i cili ka zhvilluar vetëm 5 sfida këtë sezon, vlerësohet në 20 milionë euro, shifër kjo e përballueshme nga “rekordmenët” e Apenineve. /i.m /abcnews.al

Vetëm një sezon, në “Meazza” i mjaftoi për të treguar vlerat e tij.

“Bomberi” francez, Marcus Thuram mund të jetë i sakrifikuari i radhës, në merkaton e “Zikaltërve”, të Inter, me “gjigantët” e Paris Saint-Germain, që janë duke kërkuar vazhdimisht informacion për 26-vjeçarin, të cilin në “Parc des Princes” e shohin si zëvendësues perfekt të Kylian Mbappe.

Sipas raportimeve më të fundit të mediave, në Francë e Itali, pavarësisht se në krye të listës, së PSG është Victor Osimhen , edhe francezi po fiton gjithnjë e më shumë terren, mirëpo “Zikaltërit” nuk pranojnë më pak se 80 milionë euro për kartonin e tij dhe së dyti nuk është në listën e të larguarve të Inter.

Ndërkaq, kujtojmë se Thuram zbarkoi në Milano, falë këmbënguljes së vazhdueshme, të Drejtorit Sportiv, Pierro Ausilio, i cili siguroi shërbimet e francezi, me parametra zero, nga gjermanët e Borussia Monchengladbach, e që atëherë 27-vjeçari është kthyer në një pikë referim në sulmin e Simone Inzaghi, duke shënuar plot 25 gola e asistuar 19 të tjerë, në 61 paraqitje me “Zikaltërit”. /i.m /abcnews.al

Ishin padyshim fitore të mëdha ndaj kundërshtarëve goxha të vështirë.

“Zikaltërit” e Inter dhe “Bavarezët” e Bayern Munich kanë arritur të sigurojnë triumfe të mëdha në javën e 5-të të fazës së parë të UEFA Champions League, duke u afruar edhe më shumë me raundin e 1/16-ve.

Kështu, në “Guiseppe Meazza”, djemtë e Simone Inzaghi kanë mundur me rezultatin minimal 1-0 gjermanët e RB Leipzig, pas autogolit të Castello Lukeba dhe po me të njëjtin rezultat triumfuan edhe “Baverzët” e Bayern Munich ndaj PSG, pas rrjetës së koreano-jugorit, Kim Min-Jae.

Falë këtyre rezultateve, Inter ngjitet në vendin e parë të renditjes me 13 pikë, Bayern Munich në vendin e 11-të me 9 pikë, ndërsa PSG e Leipzig mbeten në vendet 26 e 33, me 1 e 0 pikë. /i.m /abcnews.al