Kuvendi i Shqipërisë ka miratuar në tërësi me 110 vota pro, asnjë kundër dhe asnjë abstenim projektligjin për “Bordin e Paqes”.

Kryeministri Rama, gjatë fjalës së mbajtur në Kuvend u shpreh se pritet të shkojë personalisht në Shtëpinë e Bardhë, për të nënshkruar përfshirjen e Shqipërisë në këtë bord.

Sakaq, Rama darkoi ditën e djeshme me vajzën e presidentit amerikan Ivanka Trump, pas vizitës së saj në Vlorë lidhur me investimet strategjike.

Analisti Artur Nura tha se lideri Rama është një lider strategjik dhe se bëhet fjalë për projekte të turizmit luksoz me vlerë miliarda euro. Sipas Nurës, opozita sheh vetëm me sytë e Berishës.

“Jo rastësisht iu referua Vlorës. Ai u tha atyre se “u lodhët kaq kohë me filma kaubojsish në versionin Ramaduro”, por është e saktë që Rama sot ishte shumë strategjik dhe tha se komunikon me administratën amerikane. Ai iu referua edhe Parlamentit të Izraelit; lobi izraelit është ndër më të fortët në SHBA. Kjo tregon strategjinë në politikën e jashtme dhe se nuk mund të ndodhte ndryshe që të pranohej një ofertë e tillë në planin strategjik.

Raportet mes Evropës dhe SHBA-së janë të vështira, por kjo nuk mund të bëjë që Shqipëria të futet në mes, sepse do të dëmtohej. Bëhet fjalë për projekte të turizmit luksoz me vlerë miliarda euro. Kjo tregon një jetëgjatësi të pushtetit socialist dhe një miopi të opozitës për të mos parë përtej syve të Berishës.”  / abcnews.al /

Dhëndri i presidentit amerikan Jared Kushner, një nga figurat me te rëndësishme për paqen në Gaza, dha detaje në Davos se si do të duket enklava në të ardhmen.

Ai prezantoi një “masterplan” për të ardhmen e enklavës, duke e demonstruar idenë edhe me harta dhe foto.

“Ekziston një masterplan. Ne do ta zbatojmë atë me faza në Lindjen e mesme. Qytete si këto, për dy-tre milionë njerëz, ndërtohen për tre vjet”, tha Kushner.

Synimi i planit është që enklava të shndërrohet në një qendër ekonomike rajonale deri në vitin 2035.

Iniciativa përcakton objektiva ambicioze për dekadën e ardhshme. Ajo synon të rrisë prodhimin e brendshëm bruto te Gazës në më shumë se 10 miliardë dollarë dhe të rrisë të ardhurat mesatare vjetore të familjeve në mbi 13,000 dollarë.

Plani është strukturuar rreth një afati kohor zhvillimi me gjashtë faza që fillon në jug dhe përparon drejt veriut. Faza i përqendrohet në Rafah dhe Khan Yunis. Faza II përfshin zgjerimin e Khan Younis dhe zhvillimin rreth rajonit. Faza III synon zhvillimin në kampet qendrore të refugjatëve, ndërsa Faza finale përqendrohet në qytetin e Gazës. Kjo parashikon rindërtimin e qytetit dhe infrastrukturës urbane. përqendrohet në rindërtimin e Qytetit të Gazës. Më pas plani synon rindërtimin ekonomik dhe më vonë atë social të territorit të shkatërruar nga lufta.

Propozimi për infrastrukturën përfshin një port dhe aeroport të ri, një kalim trepalësh në Rafah, një linjë hekurudhore mallrash me një korridor logjistik prapavijë dhe një rrjet unazore dhe rrugësh kryesore për të lidhur qendrat urbane të Gazës.

Bordi i Paqes vlerëson se do të nevojiten më shumë se 25 miliardë dollarë për të zhvilluar shërbime moderne publike dhe shërbime publike.

Ky Bord do të mbikëqyrë gjithë procesin, ndërsa qeverisjen e përditshme të enklavës do e drejtojë Komiteti Kombëtar për Administrimin e Gazës.

Donald Trump ka drejtuar një tjetër akuzë ndaj aleatëve të NATO-s, duke pretenduar se personeli evropian qëndroi “jashtë vijave të frontit” në Afganistan.

Kjo vjen pasi sekretari i përgjithshëm i NATO-s, Mark Rutte, u ndje i detyruar t’i bënte një “sqarim” presidentit të SHBA-së, i cili u përpoq të argumentonte në Forumin Ekonomik Botëror (WEF) në Davos se aleanca perëndimore nuk do të “ishte aty për ne” nëse Amerika do ta thërriste.

Në një intervistë me Fox News të enjten, Trump tha: “Gjithmonë kam thënë, a do të jenë ata aty nëse do të na nevojiteshin ndonjëherë? Ky është vërtet testi përfundimtar dhe nuk jam i sigurt për këtë”.

“Nuk kemi pasur kurrë nevojë për ta”, tha ai. “Ata do të thonë se dërguan disa trupa në Afganistan… dhe e bënë, qëndruan pak më larg, pak larg vijave të frontit”.

Në të kundërt, “ne kemi qenë shumë të mirë me Evropën dhe me shumë vende të tjera”, tha Trump, duke iu referuar SHBA-së, por shtoi: “Duhet të jetë një rrugë me dy drejtime”.

Dhe duke folur të mërkurën në Davos, presidenti i SHBA-së bëri një sulm të ngjashëm kundër aleancës ushtarake prej 32 anëtarësh, duke thënë: “I njoh të gjithë shumë mirë. Nuk jam i sigurt nëse do të ishin atje. E di që ne do të ishim atje për ta. Nuk e di nëse ata do të ishin atje për ne”.

Megjithatë, shkruan Daily Mail, pretendimet anashkalojnë faktin se vendet anëtare të NATO-s pësuan qindra vdekje gjatë luftës në Afganistan, e cila u shkaktua pas sulmit të 11 shtatorit në Qendrën Botërore të Tregtisë në Nju Jork.

Sipas mediumit në fjalë, petëm Britania humbi 457 trupa, ndërsa 2,000 të tjerë personel ushtarak dhe civil u plagosën në aksion. Franca, Gjermania, Italia dhe Danimarka gjithashtu vdiqën atje.

Pas fjalimit, shefi i NATO-s Rutte ia korrigjoi të dhënat presidentit të SHBA-së, duke i thënë: “Ka një gjë që të dëgjova të thoje dje dhe sot. Nuk ishe absolutisht i sigurt se evropianët do të vinin në ndihmë të SHBA-së nëse do të sulmoheshe. Më lejoni t’ju them, ata do të vijnë dhe e bënë në Afganistan”.

Kundërshtimi i Rutte erdhi pasi Trump e quajti Danimarkën – e cila kishte numrin më të lartë të vdekjeve për frymë midis forcave të koalicionit në Afganistan – “mosmirënjohëse” për mbrojtjen e SHBA-së gjatë Luftës së Dytë Botërore.

“Për çdo dy amerikanë që paguan çmimin përfundimtar, kishte një ushtar nga një vend tjetër i NATO-s që nuk u kthye në familjen e tij – nga Holanda, nga Danimarka dhe veçanërisht nga vende të tjera”, tha shefi i NATO-s.

“Pra, mund të jeni të sigurt, absolutisht, nëse ndonjëherë Shtetet e Bashkuara do të ishin nën sulm, aleatët tuaj do të jenë me ju. Ekziston një garanci absolute. Dua t’ju them vërtet këtë sepse më dhemb nëse mendoni se nuk është kështu”, i tha Rutte, Trumpit.

Siç vë në pah Daily Mail, në Afganistan, Danimarka humbi 44 ushtarë, në mënyrë proporcionale më shumë se çdo aleat tjetër përveç SHBA-së.

Ata gjithashtu humbën personel përkrah forcave amerikane në Irak, ku gjithashtu vdiqën 179 personel të Forcave të Armatosura Britanike. Numri i përgjithshëm i vdekjeve midis forcave të koalicionit – SHBA, Britani dhe aleatë – arriti në 3,486 në Afganistan. Mbi 2,300 ishin anëtarë të forcave të armatosura të SHBA-së.

Read More...

Komiteti për Punë të Jashtme i Kongresit amerikan ka votuar për ta çuar përpara një projektligj, ku i kërkohet Sekretarit të Shtetit të përgatisë një raport gjithëpërfshirës mbi trajtimin e shqiptarëve në Luginën e Preshevës nga autoritetet serbe.

Projektligji u iniciua nga kongresisti republikan Keith Self, i cili tha se shqiptarët në Luginë vazhdojnë të diskriminohen, teksa ka përmendur pasivizimin e adresave të shqiptarëve.

“Një raport i vitit 2021 i publikuar nga Komiteti i Helsinkit për të drejta të njeriut tha se Serbia mund të jetë duke kryer një formë të spastrimit etnik përmes mjeteve administrative ndaj shqiptarëve”

Edhe nënkryetari i Komitetit, Gregory Meeks, tha se mungesa e marrjes së përgjegjësisë nga ana e Qeverisë së Serbisë për krimet e kryera ndaj pakicave etnike në rajon, përfshirë shqiptarët etnikë, mbetet një pengesë në paqe të qëndrueshme sot.

Për vendimin e Komitetit amerikan ka reaguar deputeti shqiptar në Kuvendin serb, Shaip Kamberi, i cili ka theksuar se beteja e gjatë u kurorëzua me sukses tani, ndërsa kryetarja e Preshevës, Ardita Sinani, e cilësoi vendimin e Komitetit si mesazh të qartë për Beogradin.

Pas shqyrtimit të plotë në komision, projekligji do t’i dërgohet Dhomës së Plotë të Përfaqësuesve për votim. Më pas ai miratohet nga Senati dhe nënshkruhet nga presidenti.

Projektligji kërkon të vlerësohen çështje më rëndësi, përfshirë pasivizimin e adresave (që nënkupton humbjen e shtetësisë serbe, e rrjedhimisht të të gjitha të drejtave civile – përfshirë të drejtën për të votuar, për të pasur pronë, për të pasur sigurim shëndetësor e pension apo për t’u punësuar),  kufizimet në përdorimin e gjuhës shqipe në institucionet publike; diskriminimin në arsim, mosnjohjen e diplomave të Kosovës dhe mungesën e teksteve shkollore në gjuhën shqipe.  / abcnews.al /

80 fishekë të kalibrave të ndryshëm, dy gëzhoja, disa çanta ushtarake, një uniformë me simbole të Serbisë dhe një maskë ushtarake janë gjetur në fshatin Llozno të Leposavicit nga policia e Kosovës.

Autoritetet kanë rënë rastësisht në gjurmët e këtyre armëve, pasi disa punonjës të policisë kanë qenë duke patrulluar në rrugë ku janë hasur me disa gëzhoja fishekësh të armës së gjuetisë.

Aty pranë më pas janë pikasur tre shtëpi të pabanuara ku janë kryer kontrolle dhe janë gjetur materialet ushtarake.

Kontrollet janë kryer pasditen e të mërkurës rreth orës 18.

Rasti është marrë nën hetim nga Policia.

Prej shumë muajsh, autoritetet e Kosovës kanë gjetur armë të llojeve të ndryshme në pjesë të ndryshme të vendit, kryesisht në pjesën veriore të banuar me shumicë serbe.

U firmos në Davos Bordi i Paqes i propozuar nga presidenti amerikan. Nga Bashkimi Evropian firmosi vetëm kryeministri i Hungarisë, Viktor Orbán, ndërsa Kosova u përfaqësua nga presidentja e Kosovës, Vjosa Osmani.

Politologu Albinot Maloku tha për Ballkan Update se SHBA-ja nuk i ka marrëdhëniet e mira me Kurtin, por vijon t’i ketë të mira me popullin e Kosovës. Sipas tij, ftesa për në Bordin e Paqes iu bë presidentes Osmani për shkak të kapacitetit të saj të plotë kushtetues.

“Sa i përket raporteve me Qeverinë Kurti, kemi pasur shpjegime nga ana e Uashingtonit se marrëdhëniet e SHBA-së me Kosovën nuk kanë qenë të mira. Një vend pa qeveri nuk mund të ndërmarrë detyrime. Aktorët e tjerë nuk kanë kapacitet kushtetues për të vepruar siç duhet, përveç presidentes Osmani, dhe kjo mund të jetë arsyeja kryesore që u ftua ajo në Bordin e Paqes.

Në gjendjen aktuale, arsyeja pse është ftuar Osmani është se ajo ka kapacitet të plotë kushtetues. SHBA-ja nuk i ka raportet e mira me qeverinë, por i ruan marrëdhëniet e mira me popullin. Fatkeqësia e raporteve tona në politikën e jashtme është se në Kosovë rëndësi i jepet individit. Kosova, në vazhdimësi, duhet ta ketë të qartë pozicionin e saj; ndërveprimet janë personalizuar dhe kjo ka qenë thelbësore.”  / abcnews.al /

Turqia do të shndërrohet në një nga polet qendrore të fuqisë në rendin e ri botëror të riformësuar, deklaroi presidenti turk, Recep Tayyip Erdogan, duke theksuar se bota po e kupton gjithnjë e më shumë drejtësinë e politikave që Ankaraja ka mbrojtur prej vitesh.

Duke folur në Asamblenë e 7-të të Jashtëzakonshme të Përgjithshme të Konfederatës së Sipërmarrësve Turk, ai përcolli mesazhe optimizmi për të ardhmen e vendit, pavarësisht paqëndrueshmërisë globale.

Duke iu referuar sfidave gjeopolitike, presidenti turk bëri një paralelizëm me situatën në Siri.

“Ashtu si në Siri, po hyjmë në një epokë të re, në të cilën do të korrim frytet e sakrificave dhe përpjekjeve tona, si dhe të faktit se kemi qëndruar në anën e duhur të historisë dhe ndërgjegjes”, u shpreh Erdogan.

Ai shtoi se zhvillimet globale po ecin në drejtimin që Turqia ka paralajmëruar prej kohësh.

“Sot po bëhet e qartë vlefshmëria e kritikave tona ndaj politikës globale, të cilat i kemi shprehur prej vitesh. Ata që na sulmonin pa mëshirë sepse flisnim me guxim të vërtetën, tani përdorin të njëjtën gjuhë, duke folur për padrejtësitë globale dhe mangësitë e sistemit botëror”, theksoi ai, duke iu referuar diskutimeve në Forumin Ekonomik Botëror në Davos.

Ndërkohë që Erdogan flet për forcën e brendshme të vendit, shumë analistë e shohin Turqinë si një aktor potencial kyç në qetësimin e tensioneve të reja mes Shteteve të Bashkuara të Amerikës dhe Evropës.

Kujtojmë se ish-presidenti amerikan, Donald Trump ka kërcënuar së fundmi me vendosjen e tarifave doganore nga 10 deri në 25 për qind ndaj mallrave nga Danimarka, Franca, Gjermania dhe vende të tjera evropiane, nëse nuk arrihet një marrëveshje për “blerjen e Grenlandës”. Megjithatë, kjo masë është pezulluar përkohësisht pas një takimi me sekretarin e përgjithshëm të NATO-s.

Në 28 vjetorin e përvjetorit të dytë të sulmit të familjes Jashari nga forcat serbe Përfaqësues të Organizatës së Veteranëve të Luftës së Ushtrisë Clirimtare të Kosovës kanë bërë homazhe në Kompleksin Memorial “Adem Jashari”.

Kryetari i OVL-UCK-së, Hysni Gucati tha se familja Jashari dhe gjithë familjet e dëshmorëve meritojnë çdo ditë respekt, por siç u shpreh ai këto familje janë lënë në harresë.

“…kjo familje dhe gjitha familjet e dëshmorëve meritojnë shumë jo vetëm por po me duket pak i kemi lënë si në harresë jo vetëm familjen Jashari por gjitha familjet e dëshmoreve.”

Ndërsa, nënkryetari i OVL-UCK-së, Gazmend Syla u shpreh se sot po nderojnë ata që nuk u thyen kurrë.

“Sot jemi në përvjetorin e dytë që i bëhet familjes Jashari pas atij të parit që ishte me 30 dhjetor 1991. Sot kemi ardhur me i nderu ata që nuk u thyen kurrë pas as një sulmi as atij të parit as dyti po edhe ati të treti që ndodhi me 6,7,8 mars.”

28 vite më parë, në 22 janar të vitit 1998, në orët e hershme të mëngjesit, rreth 500 metra larg shtëpive të lagjes Jashari, forcat e policisë serbe, u drejtuan drejt Kullës së Jasharëve, për ta sulmuar atë me armë të llojeve të ndryshme.

Meqë atë natë Adem Jashari nuk ndodhej në shtëpi, rezistencë sulmit të policisë serbe i bënë familjarët e tjerë, së bashku me nipa e mbesa.

Sulmi i tretë i Serbisë në familjen Jashari ndodhi më 5 mars të vitit 199, ku pas tri ditësh ranë heroikisht 59 anëtarë të familjes Jashari, përfshirë edhe komandantin legjendar të UÇK, Ademin.  / abcnews.al /

Proshuta e përpunuar mbetet një ushqim normal në recetën e përditshme, por nuk është më kështu sipas  Organizatës Botërore të Shëndetësisë (OBSH) e cila i ka klasifikuar mishrat e përpunuar si Grupi 1: kancerogjene për njerëzit.

Klasifikimi i vendos mishrat e përpunuar në Grupin 1 bazuar në prova të mjaftueshme tek njerëzit, me lidhjen më të fortë me kancerin kolorektal. Përkufizimi përfshin produktet e përpunuara me anë të kriposjes, kurimit, fermentimit, tymosjes ose proceseve të tjera që synojnë ruajtjen dhe shijen: proshuta (e gatuar dhe e gjallë), salsiçe, mish të konservuar dhe përgatitje të ngjashme.

Fusha e zbatimit është e gjerë, nuk kufizohet vetëm në një recetë ose markë të vetme: ka të bëjë me një teknologji ushqimore.

“Përcaktimi sasior më i cituar dhe një nga të paktat që ka hyrë në gjuhën e zakonshme, është rritja relative e rrezikut të kancerit kolorektal, e vlerësuar në rreth 18% për çdo porcion prej 50 gramësh të mishit të përpunuar të konsumuar çdo ditë, i nxjerrë nga analizat e studimeve.”

Ky numër shpjegon pse, në një popullatë që konsumon këto produkte rregullisht, një rritje “e moderuar” e rrezikut për një individ mund të bëhet një problem i shëndetit publik.

OBSH vëren se Grupi 1 përfshin agjentë shumë të ndryshëm, nga tymi i duhanit tek asbesti e deri te mishi i përpunuar.

Tre persona mbetën të lënduar në një aksident hekurudhor në Cartagena, sot me 22 janar, duke shënuar aksidentin e tretë në Spanjë në më pak se një javë.

Treni i pasagjerëve në linjën Cartagena, Los Nietos u përplas me një vinç në Alumbres, Murcia, raportojnë mediat e huaja. Të paktën tre pasagjerë mbetën të lënduar lehtë, por bilanci zyrtar ende nuk është konfirmuar. Aksidenti ndodhi rreth orës 12:00, mes Alumbres dhe La Union.

Të dielën mbrëma, një tren doli nga shinat duke u përplasur me një tjetër, ku humbën jetën 43 pasagjerë. Dy ditë më vonë, një mur mbajtës u shemb mbi një tren rajonal, duke shkaktuar daljen nga shinat dhe vdekjen e makinistit.

Sipas mediave lokale, banorët e zonës kishin paralajmëruar më parë rrezikun në këtë pjesë të linjës, në të cilën ndodhi aksdenti sot, ku njoftimi për mbërritjen e trenave shpesh mungon.

Presidenti i Ukrainës, Volodymyr Zelensky, ka bërë të ditur se një delegacion amerikan do të udhëtojë sot drejt Moskës, pas përfundimit të takimit të tij me presidentin amerikan Donald Trump.

Sipas Zelenskyt, ekipi ukrainas do të takohet fillimisht me përfaqësuesit e Shteteve të Bashkuara, ndërsa më pas, duke nisur nga dita e nesërme, do të zhvillohet një takim trepalësh dyditor mes Ukrainës, Rusisë dhe SHBA-së në Emiratet e Bashkuara Arabe.

Presidenti ukrainas theksoi se Rusia duhet të jetë e gatshme për kompromise, duke shtuar se kjo nuk është një përgjegjësi vetëm e Ukrainës. “Të gjithë duhet të jenë të gatshëm, jo vetëm Ukraina,” deklaroi ai, duke nënvizuar se dialogu është më i dobishëm sesa mungesa e tij.

“Zoti e bekoftë, lufta do të përfundojë, shpresoj që po,” përfundoi Zelensky.

Presidenti i Ukrainës, Volodymyr Zelensky, deklaroi se dokumentet që synojnë përfundimin e luftës janë “pothuajse gati”, pas takimit të zhvilluar sot me presidentin e Shteteve të Bashkuara, Donald Trump.

Zelensky theksoi se Ukraina po punon me “ndershmëri dhe vendosmëri”, duke shtuar se Rusia duhet të jetë e gatshme të “i japë fund këtij agresioni”.

Ai kujtoi se takimet e mëparshme me përfaqësuesit amerikanë kanë sjellë mbështetje konkrete për Ukrainën, përfshirë furnizimin me raketa mbrojtëse, ndërsa janë zhvilluar edhe diskutime për “mbrojtjen e hapësirës ajrore”.

Zelensky shprehu shpresën se Shtetet e Bashkuara do të vazhdojnë të qëndrojnë në krah të Ukrainës dhe bëri thirrje për një Evropë të fortë. Ai theksoi se kontinenti ka nevojë për një Ukrainë të pavarur, e cila një ditë mund të jetë në gjendje të mbrojë edhe vendet e tjera.

“Ne jemi të gatshëm të jemi pjesë e një Evrope që ka vërtet peshë”, deklaroi presidenti ukrainas.

Presidenti i Ukrainës Volodymyr Zelensky gjatë fjalimit të tij në Davos ka falenderuar nga njëra anë Evropën për ngrirjen e aseteve ruse, por nga ana tjetër e ka kritikuar, pasi sipas tij këto asete nuk janë përdorur për të ndihmuar Ukrainën dhe për të ndalur luftën.

Sipas Zelenskyt pasur asnjë përparim të vërtetë në krijimin e një gjykate për agresionin rus kundër Ukrainës pavarësisht “shumë takimeve”.

Sa i takon armëpushimit në Ukrainë, e cila është jo pak në fokus edhe të presidentit Donald Trump, Zelensky shton se ende jemi larg në armëpushimi të mundësi pasi nuk është arrikur akoma një marrëveshje me SHBA-të.

Sipas tij, Rusia dhe Putin ndalet nëse nuk ka para dhe financim, por së pari sipas tij Evropa ka nevojë për forcat e veta të armatosur dhe jo të mbështetet tërësisht tek NATO.

Duke folur për mbrojtjen e Evropës, Zelensky thotë se disa vende kanë filluar të veprojnë duke investuar më shumë në siguri.

“Evropa duhet të mbrojë veten”, thotë ai, përpara se të shtojë se shumë vende nuk i përmbushën premtimet e tyre për mbrojtje prej 2.5% derisa Trump i shtyu ato.

“Çfarë mesazhi i dërgon kjo Putinit, Kinës?”, pyet ai. Pastaj ai vazhdon duke thënë se dërgimi i 40 ushtarëve për të mbrojtur Groenlandën nuk do të bëjë ndonjë ndryshim.

Ai thotë se Ukraina ka mjetet për të mbrojtur Groenlandën.

“Ne dimë si të luftojmë atje”, thotë ai. “Do ta zgjidhnim problemin nëse do të ishim në NATO, por nuk jemi”.

Gjatë fjalës së tij Zelensky vazhdon të kritikojë dështimin e Evropës dhe SHBA-së për të ndaluar kompanitë që shesin pjesë raketash në Rusi.

“Evropa nuk thotë asgjë, Amerika nuk thotë pothuajse asgjë dhe Putini prodhon raketa”, thotë ai.

Duke kërkuar më shumë mbështetje, Zelensky flet për ndjekjen e linjës diplomatike.

“Na këshillohet të mos i përmendim raketat Tomahawk”, shpjegon ai, duke përshkruar se si është këshilluar që kjo mund të «prishë humorin» në negociatat me SHBA-në.

Ndërkohë, në Evropë, ai thotë se ka “debate të brendshme pa fund” që pengojnë gjetjen e zgjidhjeve duke folur hapur.

“Në vend që të bëhet një fuqi vërtet globale, Evropa mbetet një kaleidoskop i bukur, por i fragmentuar, i fuqive të vogla dhe të mesme”, shton ai.

TIRANË- Kuvendi i Shqipërisë ka miratuar në tërësi me 110 vota pro, asnjë kundër dhe asnjë abstenim projektligjin për “Bordin e Paqes”.

Deputetët e Partisë Demokratike votuan me “kokën poshtë dhe dorën lart” Bordin e Paqes, nismën e ndërmarrë nga Presidentit i Shteteve të Bashkuara të Amerikës, Donald Trump.

Më herët, kreu i Shtetit, Bajram Begaj autorizoi kryeministrin Edi Rama për nënshkrimin e marrëveshjes për “Bordin e Paqes”.

Kryeministri Rama, gjatë fjalës së mbajtur në Kuvend u shpreh se pritet të shkojë personalisht në Shtëpinë e Bardhë, për të nënshkruar përfshirjen e Shqipërisë në këtë bord.

/abcnews.al

Presidentit amerikan Donald Trump iu bashkuan udhëheqësit dhe përfaqësuesit e 19 vendeve për ceremoninë e nënshkrimit të Bordit të Paqes.

Anëtarët:

Argjentinë – Presidenti Javier Milei

Armenia — Kryeministri Nikol Pashinyan

Azerbajxhani – Presidenti Ilham Aliyev

Bahrein – Sheikh Isa bin Salman Al Khalifa

Bullgaria — Kryeministri Rosen Zhelyazkov

Hungaria — Kryeministri Viktor Orban

Indonezi – Presidenti Prabowo Subianto

Jordania — Zëvendëskryeministër Ayman Safadi

Kazakistan – Presidenti Kassym-Jomart Tokayev

Kosova — Presidentja Vjosa Osmani

Mongoli – Kryeministri Gombojavyn Zandanshatar

Marok – Ministri i Jashtëm Nasser Bourita

Pakistan — Kryeministri Shehbaz Sharif

Paraguai — Presidenti Santiago Pena

Katar – Kryeministri Sheikh Mohammed bin Abdul Rahman Al Thani

Arabia Saudite — Ministri i Jashtëm Faisal bin Farhan Al-Saud

Turqi – Ministri i Jashtëm Hakan Fidan

Emiratet e Bashkuara Arabe — Kryetari i Autoritetit të Çështjeve Ekzekutive Khaldoon Al Mubarak

Uzbekistan – Presidenti Shavkat Miromonovich Mirziyoyev.

Ata vunë penën mbi letër mbi statutin, duke ratifikuar Bordin e Paqes.

Trump theksoi se “çdo vend, pothuajse çdo vend, dëshiron të jetë pjesë e tij.” Ndërsa Bordi fillimisht u krijua për të mbikëqyrur armëpushimin në Gaza, ceremonia tregoi se iniciativa po shndërrohet në një projekt shumë më ambicioz ndërkombëtar.

Ka nisur seanca në GJKKO, seanca paraprake ndaj ish Presidentit Ilir Meta, Monika Kryemadhit e të pandehurve të tjerë.  Gazetari Ervin Leka, tha për ABC Neës se deri më tani nuk kemi mungesë të avokatëve, c’ka ishte shkak për shtyrjen e seancës së mëparshme.

Mësohet se në seancë është i pranishëm edhe vet ëish Presidenti Meta por edhe ish bashkëshortja e tij, Monika Kryemadhi.

Përballë tyre Irena Gjoka, ndaj të cilës Prokuroria e Përgjithshme konkludoi se rezultoi e dënuar në Greqi, pasi ka kaluar kufirin me vizë të falsifikuar, dënim të cilin nuk e ka deklaruar në formularin e dekriminalizimit. Gazetari Leka tha se pritet që avokatët e Metës të bëjnë një kërkesë për përjashtimin e saj nga seanca.

Kujtojmë se SPAK mbylli hetimet më 28 korrik 2025 ndaj ish Presidentit Ilir Meta. Dosja më pas u dërgua në gjykatë në gusht të po atij viti, por ende nuk është vendosur nëse do të kalojë apo në gjykim./abcnews.al

Read More...

Një stuhi goditi Greqinë dhe la dy të vdekur, me ekipet e katastrofave që kaluan të enjten duke pastruar mbeturinat.

Kostas Lagouvardos, drejtor kërkimesh në Observatorin Kombëtar në Athinë, tha se fenomeni “ekstrem” i motit kishte sjellë deri në 170 milimetra shi në kryeqytet.

Kjo përbënte “rreth 40 përqind të shiut që bie çdo vit në Athinë”, tha ai në kuadër të një prezantimi të të dhënave vjetore të motit për Greqinë.

Fronti i stuhisë që lëvizte drejt lindjes nëpër Greqi pa erëra që tejkalonin 100 km/h, duke bërë që autoritetet të mbyllnin shkollat. Departamenti i zjarrfikësve tha se iu ishte përgjigjur mbi 900 thirrjeve emergjente në lidhje me përmbytjet në të gjithë kryeqytetin.

Kryeministri Kyriakos Mitsotakis anuloi një udhëtim të planifikuar për në Forumin Ekonomik Botëror në Davos të Zvicrës. Ndryshe, përmbytjet vdekjeprurëse në Greqi gjatë reshjeve të dendura të shiut në vitet e fundit i kanë detyruar autoritetet të përmirësojnë punimet kundër përmbytjeve për të kufizuar dëmet.

Ekspertët kanë bërë thirrje të përsëritura për përmirësime të infrastrukturës, veçanërisht në zonën më të madhe të Athinës.

Policia e Tiranës ka vënë në pranga 38-vjeçarin Rezart Hyskollari, në zonën e Liqenit të Thatë.

Sipas policisë, 38-vjeçari është i dënuar me burg për shfrytëzim prostitucioni.

Gjykata e Durrësit, në vitin 2019, e ka dënuar këtë shtetas, me 7 vjet e 6 muaj burgim, për veprën penale “Shfrytëzimi i prostitucionit”. Nga dënimi, 38-vjeçarit i kanë mbetur për të vuajtur 5 vjet burgim.

Materialet procedurale iu referuan Prokurorisë së Tiranës, për veprime të mëtejshme.