Disa mijëra njerëz po marrin pjesë në një protestë antiqeveritare në Izrael, duke bllokuar hyrjen kryesore të Jerusalemit ndërsa marshojnë drejt rezidencës së Netanyahut, sipas The Times of Israel.

Protestuesit kundërshtojnë rifillimin e sulmeve në Gaza dhe përpjekjet e qeverisë për të shkarkuar shefin e Shin Bet Ronen Bar, raportoi Times of Israel.

“Është koha për t’i dhënë fund kësaj çmendurie përpara se të mos kemi askënd për të shpëtuar, përpara se të mos na mbetet një vend,” i tha turmës udhëheqësi i protestës Shikma Bressler.

Tensionet midis Netanyahut dhe Shin Bet janë përshkallëzuar pas hetimit të brendshëm të agjencisë për sulmin e 7 tetorit 2023 ndaj Izraelit nga luftëtarët palestinezë. Netanyahu hodhi poshtë raportin, duke thënë se nuk iu përgjigj pyetjeve kryesore.

LEXONI GJITHASHTU:

• Prokuroria Speciale në Kosovë ngre aktakuzë kundër një shqiptari për krime lufte
• Përfundon aksioni policor në 21 lokacione në Mitrovicë, arrestohen 16 persona

The post “Jepini fund çmendurisë”, mijëra protestojnë në Izrael kundër rifillimit të luftës appeared first on Euronews Albania.

Disa mijëra protestues u mblodhën jashtë selisë së televizionit shtetëror të Serbisë, në Beograd, për të protestuar kundër transmetimit të materialeve pro-qeveritare.

Manifestimi është pjesë e një proteste të gjerë që mbahet në mbarë vendin që nga shembja në stacionin e trenit të Novi Sadit nëntorin e kaluar, që u mori jetën 15 personave.

Protestuesit u shprehën të zemëruar se RTS raporton deklaratat e presidentit Aleksandër Vuçiç se ata paguhen nga agjentë të huaj për të rrëzuar qeverinë e tij.

Manifestuesit qëndruan 15 minuta në heshtje në kujtim të viktimave të incidentit, për të cilin shumë njerëz në Serbi fajësojnë korrupsionin qeveritar.

Ngjarja është kthyer në një motiv për të shprehur pakënaqësinë ndaj atij që protestuesit e shohin si regjimi autoritar i Vuçiç.

Tubimi i së premtes u mbajt një ditë pasi një student u lëndua rëndë kur një automjet vërshoi mes turmës së protestuesve në Beograd.

LEXONI GJITHASHTU:

• Kush u prin protestave në Serbi? Gazetarja nga Presheva: Novi Sadi, veç një alibi…
• Studentët u rikthehen protestave në Serbi, bllokojnë pikat e qarkullimit në Beograd

The post Beograd, studentët akuzojnë RTS-në për linjë pro-Vuçiç appeared first on Euronews Albania.

Protestuesit u mblodhën në Bratisllavë dhe qytete të tjera të Sllovakisë më 10 janar për të protestuar kundër përpjekjeve të Qeverisë për të kërkuar raporte më të ngushta me Rusinë, pavarësisht se Moska ka nisur më 2022 pushtimin e paprovokuar të Ukrainës.

Kryeministri nacionalist sllovak, Robert Fico, është një nga aleatët e pakët që Kremlini ka brenda Bashkimit Evropian, i cili ka afruar Bratisllavën me Moskën që kur është rikthyer në pushtet më 2023.

Ai së fundi ka udhëtuar për në Moskë për të siguruar furnizime me gaz për konsum në shtetin e tij, pasi Ukraina vendosi që të ndalte rrjedhën e gazit rus përmes territorit të saj për në Evropë.

Mijëra protestuan në qendër të Bratisllavës duke brohoritur “Ne jemi Evropë”, “Turpërohemi nga Fico” dhe “Nuk do të heqim dorë nga Sllovakia”.

Nisma për Paqe në Ukrainë shkroi në Facebook se ka organizuar tubimet “Sllovakia është Evropë” për të treguar se Sllovakia “nuk është Rusi, por një shtet sovran e demokratik”.

Mediat kanë raportuar se protesta janë mbajtur në dhjetëra qytete sllovake.

Deri në ndarjen paqësore më 1993, Sllovakia dhe Republika Çeke ishin pjesë e Çekosllovakisë, që kishte qëndruar katër dekada nën një qeveri totalitare komuniste të udhëhequr nga Moska në periudhën 1948-1989.

Fico tha në Parlament të premten se presidenti rus, Vladimir Putin, të cilin ai e ka takuar, ka garantuar furnizime me gaz për Sllovakinë. Ai e ka përshkruar Moskën si një furnizuese të besueshme.

Evropa ende furnizohet me gaz rus përmes gazsjellësit Rrjedha Turke, por edhe furnizohet me gaz të lëngshëm natyror që transportohet përmes anijeve.

Fico ndërpreu ndihmën ushtarake për Ukrainën kur mori udhëheqjen e Qeverisë në tetor të vitit 2023.

Në kundërpërgjigje për vendimin e Ukrainës për të ndërprerë furnizimet me gaz, Fico ka kërcënuar se do të ndërpresë furnizimet me energji elektrike dhe ndihmën humanitare për Ukrainën.

Ai tha se Sllovakia mund të zvogëlojë ndihmën për refugjatët ukrainas të luftës që janë në këtë shtet.

Fico tha se Sllovakia është e gatshme të jetë mikpritëse e bisedimeve të paqes me Rusinë dhe Ukrainë. Kievi tha se një gjë e tillë do t’i shkonte në favor Putinit.

Udhëheqësi rus ka thënë se për të është e pranueshme që Sllovakia, shtet anëtari i NATO-s, të bëhet një “platformë” për dialog për t’i dhënë fund konfliktit.

Presidenti i zgjedhur amerikan, Donald Trump, ka thënë se ai do t’i japë fund shpejt luftës pasi të marrë detyrën më 20 janar.

LEXONI GJITHASHTU:

• Fico: Sllovakia do marrë masa kundër Ukrainës nëse problemi i gazit nuk zgjidhet 
• Sllovakia kërcënon të ndërpresë ndihmën për refugjatët ukrainas

The post Protesta në Sllovaki kundër raporteve më të ngushta me Rusinë appeared first on Euronews Albania.

Ndërrimi i viteve në Tbilisi dhe qytete të tjera të Gjeorgjisë u shënua nga një demonstrim i fuqishëm.

Në ditën e 34-t të manifestimeve, qytetarët mbushën sërish rrugët për të kërkuar zgjedhje të reja parlamentare dhe lirimin e personave të burgosur në ditët e mëparshme.

Duke ndërthurur festimin dhe aktivizimin, në shëtitoren kryesore të Tbilisit u mbajt ajo që njihet si Supra e Gjatë, një festë tradicionale gjeorgjiane.

Qytetarët e mbledhur deklaruan se ndërrimi i viteve nuk ishte vetëm një celebrim, por një akt sfide dhe rezistence.

Një numër protestuesish u mblodhën jashtë burgut Gldani, ku mbahen dhjetëra aktivistë të arrestuar.

Ndërsa në shëtitoren Rustaveli, përballë pemës së Krishtlindjes, manifestuesit paralajmëruan se protestat e tyre nuk kanë mbaruar.

Dhe ndërsa ka hyrë 2025-a, ata zotohen se do të vazhdojnë luftën për të mbajtur gjallë ëndrrën evropiane.

LEXONI GJITHASHTU:

• Betohet presidenti i ri i Gjeorgjisë, Mikheil Kavelashvili
• SHBA vendos sanksione kundër ish-kryeministrit të Gjeorgjisë

The post Ndërrim vitesh me protesta, manifestuesit pro-evropianë mbushin rrugët e Tbilisit appeared first on Euronews Albania.

Studentët universitarë në Serbi u mblodhën të mërkurën jashtë zyrës së prokurorit të përgjithshëm, për të kërkuar drejtësi për incidentin e ndodhur në stacionin e trenit të Novi Sadit muajin e kaluar, që u mori jetën 15 personave.

Mbi 1 mijë studentë vendosën simbolikisht fletushka në portën e zyrës së kryeprokurorit Zagorka Dolovac, duke i përcjellë atij mesazhin se, “studentët presin që ju të luftoni për ligj dhe drejtësi, i pandikuar nga politika dhe korrupsioni”.

Zyra e zotit Dolovac u përgjigj më vonë përmes një deklarate, ku i ftonte studentët në një takim.

Universitetet në Serbi janë bllokuar prej javësh për shkak të lëvizjes madhore qytetare që kërkon mbajtjen e përgjegjësisë për tragjedinë e 1 nëntorit, kur një strehë e stacionit hekurudhor u shemb duke zënë poshtë njerëzit.

Shumë qytetarë në Serbi fajësojnë për episodin e rëndë korrupsionin e shumëpërhapur dhe punimet e ngadalta për rinovimin e infrastrukturës, ku janë përfshirë kompani shtetërore kineze, efikasiteti i të cilave tani është vënë në dyshim.

Prokurorët kanë arrestuar 13 persona lidhur me tragjedinë e Novi Sadit, përfshirë një ministër, lirimi më vonë i të cilit nxiti skepticizëm mbi qëllimet e vërteta të hetimit.

Studentët serbë që kanë hyrë në grevë kanë gjetur mbështetjen e kategorive të ndryshme si profesorëve, aktorëve, fermerëve, e të tjera.

Në manifestimin e së mërkurës, të rinjtë mbanin në duar banera të bardhë me ngjyrë të kuqe mbi ta, për t’iu thënë autoriteteve se “ju keni gjak në duart tuaja”.

LEXONI GJITHASHTU:

• Kurti: Radoiçiç dha urdhrin për sulmin në Zubin Potok, u financua nga Serbia
• Protestat në Serbi: Vuçiç u betohet qytetarëve mbi flamur, u rikujton seancën në OKB

The post “I keni duart me gjak!’ Studentët në Serbi protestojnë për viktimat e Novi Sadit appeared first on Euronews Albania.

PD po mban sot në Tiranë protestën e radhës në kuadër të asaj që e quan mosbindje civile.

Protestuesit e PD janë shpërndarë në 5 kryqëzime të kryeqytetit duke bllokuar qarkullimin e automjeteve.

Gazetari Eni Ferhati raportoi se në zonë e bashkisë Tiranë, pas largimit të Berishës policia po tenton të shpërndajë protestën dhe të zhbllokojë qarkullimin e bllokuar që nga ora 17:00.

“Me largimin e Berishës protestuesit janë afruar te bashkia, ka pasur një reagim nga policia që ka tentuar t’i largojë. Forcat Shqiponja kanë spostuar protestuesit dhe po tentohet të lirohet rruga. Ka një orientim dhe urdhër për të shpërndarë protestën. Pranë bashkisë janë dislokuar policë për shpërndarjen e turmës, por po tentohet që të largohen protestuesit nga rruga që kanë bllokuar që nga ora 17:00. Ndërkohë, drejtuesit e kësaj pike, Adriana Kalaja dhe Belind Këlliçi po kërkojnë llogari nga policia që ka marrë urdhër të lirojë këtë aks”, raportoi gazetari Eni Ferhati.

LEXONI GJITHASHTU:

• Nis me tensione protesta e opozitës, qytetari futet me makinë mes protestuesve
• Sali Berisha zbret në protestë: Mosbindja civile, kodi i përmbysjes së diktatorit

The post Po tentohet të shpërndahet protesta, forca të policisë dislokohen te bashkia appeared first on Euronews Albania.

Kreu i Partisë Demokratike, Sali Berisha, iu bashkua protestuesve që bllokuan qarkullimin në pesë nyje kyçe të kryeqytetit. Pasi marshoi nga rruga e Elbasanit, Berisha iu bashkua tubuesve para Bashkisë së Tiranës.

Në një deklaratë për mediat, Berisha theksoi se aksioni opozitar nuk do të ndalet deri në krijimin e një qeverie teknike, duke garantuar zgjedhje të lira.

“Tirana në duart e qytetarëve nuk ka qenë kurrë si sot. Pushtetarët janë zhdukur, kryeqyteti është në duart e popullit. As moti i keq dhe as shiu nuk na ndaluan. Ne jemi këtu më shumë se kurrë, nga e gjithë Shqipëria, për të çuar përpara këtë betejë që nuk do të ndalet deri në krijimin e qeverisë teknike dhe garantimin e zgjedhjeve të lira. Ne do të fitojmë, është radha jonë,” deklaroi Berisha.

Ai vlerësoi rolin e Aleancës për Mbrojtjen e Teatrit si një simbol të rezistencës ndaj regjimit aktual:

“Aleanca për Mbrojtjen e Teatrit është aleanca më e fuqishme që ka njohur Shqipëria. Ata bënë një betejë jo vetëm për një ndërtesë me vlera artistike, por për artin dhe kulturën, duke u bërë një shembull i rezistencës ndaj regjimit,” tha Berisha.

Akset e bllokuara janë: “Unaza e Vogël”, “rrethrrotullimi te Zogu i Zi”, ura afër xhamisë në Rrugën e Elbasanit, sheshi “Willson” dhe rruga nga “Pallati me Shigjeta” drejt “Rrugës së Kavajës”.

LEXONI GJITHASHTU:

• “Hapni rrugën, kam fëmijën e sëmurë”- Qytetarja përplaset me protestuesit
• VIDEO-LIVE| Nis me tensione protesta e PD, bllokohen 5 kryqëzime në Tiranë

The post “Pushtetarët u zhdukën”- Berisha: S’ndalemi deri në krijimin e qeverisë teknike appeared first on Euronews Albania.

Protesta e opozitës, e zhvilluar pasditen e së hënës në kryeqytet, ka nisur me tensione mes protestuesve dhe drejtuesve të automjeteve, për shkak të bllokimit të rrugëve kryesore në Tiranë.

Përplasja e parë u shënua te mbikalimi i Pallatit me Shigjeta, ku një nënë që shoqëronte fëmijën e saj të sëmurë u ndalua nga turma e protestuesve. Ajo kërkoi me ngulm të hapet rruga, duke theksuar urgjencën për të shkuar në spital.

“Nuk jam e njoftuar fare për këtë. Ju lutem, hapni rrugën, kam fëmijën për spital. Policit i thashë ta hapë rrugën. Po, kam fëmijën për spital, ju lutem”, u shpreh gruaja në mënyrë të përsëritur.

Tensione pati gjithashtu mes kreut të grupit parlamentar të PD-së, Gazment Bardhi, dhe drejtuesve të policisë në terren. Bardhi akuzoi policinë se duhej të merrte masa për të ridrejtuar trafikun, ndërsa theksoi se protesta është një e drejtë kushtetuese.

“Nuk merret leje nga policia për të protestuar. Ne ju kemi njoftuar, dhe është detyra juaj të menaxhoni trafikun,” deklaroi Bardhi.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Protesta e PD, Policia: Aksioni opozitar do zgjasë 3 orë, ja rrugët që do bllokohen
• VIDEO-LIVE| Nis me tensione protesta e PD, bllokohen 5 kryqëzime në Tiranë

The post “Hapni rrugën, kam fëmijën e sëmurë”- Qytetarja përplaset me protestuesit appeared first on Euronews Albania.

Sot, para shkollës “Fan Noli”, prindërit dhe qytetarët e mbledhur bënë thirrje për drejtësi pas vrasjes së adoleshentit Martin Cani.

Ata kanë njoftuar një protestë nga ku pritet të nis marshimi drejt ministrisë së Arsimit.

Kjo është protesta e pestë që kryhet nga prindër dhe qytetarë që pas vrasjes së 14-vjeçarit Martin Cani. Në shkollën “Fan Noli” pjesmarrësit e protestës kanë vendosur qirinj dhe trëndafil në derën e shkollës.

Gazetarja Ortensa Budlla tregon nga vendngjarja se prindërit tashmë kanë zgjedhur ti dërgojnë dhe t’i presin vetë fëmijët nga shkolla dhe se protestat do të vijojnë.

“Prindërit kanë zgjedhur ti dërgojnë vetë fëmijët në shkollë dhe ti marrin, duke un siguruar që fëmijët janë brenda ambienteve. Gjithashtu protesta e mbajtur ditën e sotme u zhvillua edhe për faktin se sot para një muaji shënohet dhe ngjarja tragjike ku i mituri ndërroi jetë, duke rikujtuar që protestat do vijojnë derisa prindërit të kenë siguri në shkolla”, raporton gazetarja Budlla.

Ditën e djeshme prindërit e Martinit i kanë dërguar letër Ambasadës Amerikane duke kërkuar drejtësi për djalin e tyre lidhur me zbardhjen e ngjarjes.

LEXONI GJITHASHTU:

• Prindërit e Martin Canit letër ambasadës së SHBA: Po tentohet të shpëtohen fajtorët
• Nëna e përlotur: Nuk mbyll dot sytë pasi vdiq Martini, djali im ishte te “Fan Noli”…

The post Qirinj dhe trëndafila para shkollës “Fan Noli”, mbahet protesta e pestë për Martinin appeared first on Euronews Albania.

Në Gjeorgji kanë shpërthyer protesta masive kundër emërimit të Mikheil Kavaleshvili si kandidat për president përmes një votimi indirekt në parlament. Zona përreth parlamentit është bllokuar dhe forca të shumta policore janë vendosur për të mbikëqyrur situatën.

Opozita, e cila beson se zgjedhjet parlamentare ishin manipuluar me ndihmën e Rusisë, e ka kritikuar ashpër procesin dhe ka organizuar marshime të përditshme prej dy javësh. Kavaleshvili, një ish-futbollist me qëndrime të djathta ekstreme, shihet si një figurë kundërthënëse, veçanërisht për qëndrimet e tij ndaj komunitetit LGBTQ.

Kriza politike ka përshkallëzuar pas akuzave për autoritarizëm ndaj qeverisë, ndërsa gazetarët dhe protestuesit kanë hasur dhunë nga autoritetet.

Kritikët paralajmërojnë se kjo situatë mund të dëmtojë aspiratat e Gjeorgjisë për anëtarësim në Bashkimin Evropian.  Gjithashtu, dhuna ndaj protestuesve dhe gazetarëve është dënuar ashpër nga Shtetet e Bashkuara dhe Bashkimi Evropian.

LEXONI GJITHASHTU:

• Euro-deputetët në Gjeorgji, marshojnë me protestuesit pro-evropianë kundër qeverisë
• SHBA vendos kufizime të reja për viza ndaj zyrtarëve gjeorgjianë

The post Protesta masive në Gjeorgji kundër kandidatit të djathtë për president appeared first on Euronews Albania.

Partia Demokratike ka njoftuar datën e protestës së radhës kombëtare në Tiranë. Ishte kreu i PD, Sali Berisha, i cili përmes një konference me gazetarët, njoftoi se akti i radhës i mosbindjes civile do të jetë më 23 dhjetor.

Berisha shtoi se modalitetet e mosbindjes civile do të përcaktohen nga grupi i punës në ditët në vijim.

“Diktatura rrëzohet ose me lëvizje të armatosur siç dje me diktatorin gjakatar Bashar Al Asad, ose me mosbindje civile.

Opozita shqiptare ka zgjedhur mosbindjen civile si rrugën kryesore, të vetme për të çliruar shqiptarët nga narkodiktatori dhe diktatura e tij që kërkon të marrë njëlloj si Lukashenko mandatin e katërt, të grabisë mandatin e katërt.

Ndaj dhe data 23 dhjetor do të jetë dita e mosbindjes më të fuqishme kombëtare që ka njohur Shqipëria gjer sot.

Modalitetet e kësaj mosbindje do përcaktohen nga grupi përgjegjës, por opozitarët dhe demokratët nga mbarë Shqipëria dhe kudo që ndodhen në botë, duhet të bashkohen me 23 në një mosbindje civile që duhet të ketë fuqinë e elektroshokut për regjimin narkodiktatorial të Edi Ramës.

Duke e mbyllur çështjen e rezolutave, shpreh mirënjohjen më të thellë ndaj kryetarëve, kryeministrave, presidentëve, kryetarëve të partive anëtare të këtyre organizatave, që me një shpejtësi të rrufeshme votuan në një hark kohor në më pak se katër javë tre rezoluta kushtuar Shqipërisë, duke faktuar kështu se Shqipëria është bërë problem madhor për vendet ku ato qeverisin ose ku janë në opozitë, pra për mbarë botën më shumë se çdo vend tjetër”, tha Berisha.

The post Berisha njofton datën e protestës kombëtare të Partisë Demokratike appeared first on Euronews Albania.

Kandidati presidencial në Rumani, Calin Georgescu, politikan i ekstremit të djathtë dhe prorus, së bashku me dhjetëra mbështetës të tij kanë protestuar më 8 dhjetor pranë një qendre të mbyllur të votimit në Bukuresht, pasi u anulua mbajtja e rundit të balotazhit nga Gjykata Kushtetuese në këtë shtet.

Më shumë se 100 persona u mblodhën jashtë një qendre votimi në kryeqytetin rumun më 8 dhjetor ditën që paraprakisht ishte vendosur të mbahej rundi i balotazhit, duke brohoritur “poshtë diktatura”, “ne duam të votojmë” dhe “hajdutë”.

Georgescu, komentet proruse të të cilit kanë nxitur protesta të mijëra personave, kryesisht të rinjve rumunë, në ditët e fundit, tha se autoritetet anuluan zgjedhjet sepse ata kanë frikë se ai do të fitojë.

“Jam këtu në emër të demokracisë dhe gjithmonë do të jem”, tha Georgescu para gazetarëve teksa qëndronte para qendrës së votimit.

Georgescu, që garoi si i pavarur, fitoi rundin e parë të zgjedhjeve që u mbajt më 24 nëntor, duke dalë para reformistes, Elena Lasconi, e cila vjen nga radhët e partisë së qendrës së djathtë, Bashkimi për Shpëtimin e Rumanisë.

Të dy pritej të përballeshin në rundin e balotazhit. Por, Gjykata Kushtetuese më 6 dhjetor anuloi të gjithë procesin e zgjedhjeve presidenciale.

Gjykata tha se vendimi u mor pasi ishin përdorur teknologji të paligjshme digjitale, përfshirë inteligjencë artificiale, por ishin përdorur edhe “burime të padeklaruara të financimit”.

Georgescu ka kritikuar vendimin, duke e cilësuar si një “grusht shtet” dhe një goditje ndaj demokracisë.

Më 7 dhjetor, ai u bëri thirrje votuesve që të dalin para qendrave të votimit “dhe të presin që demokracia të fitojë përmes fuqisë së tyre”.

Në balotazh do të vendosej e ardhmja e Rumanisë, anëtares së NATO-s dhe Bashkimit Evropian, mes akuzave për përfshirje ruse, që ka nxitur protesta të rumunëve që mbështesin vendin e shtetit të tyre në komunitetin euroatlantik.

Vendimi i Kushtetueses u bë publik dy ditë pasi presidenti, Klaus Iohannis, bëri publike dokumente të klasifikuara ku thuhet se Rusia kishte organizuar mijëra llogari në rrjete sociale për të promovuar Georgescuun në shumë platforma, sikurse në TikTok dhe Telegram.

LEXONI GJITHASHTU:

• Federata e Futbollit të Kosovës ankimon në CAS ndeshjen kundër Rumanisë
• Rumania nis rinumërimin e votave pas akuzave për shkelje në rrjetet sociale

The post Kandidati për president në Rumani proteston para një qendre votimi appeared first on Euronews Albania.

Partia e Lirisë mbajti këtë të premte një protestë kundër SPAK-ut, ku hodhi akuza të forta për kapjen e sistemit të drejtësisë nga qeveria.

Në fjalën e mbajtur para protestuesve, Sekretari i Partisë së Lirisë, Tedi Blushi, tha se kjo forcë politike nuk po proteston që SPAK të japë drejtësi, por qëllimi është të denoncohet tradhtia që ky organ i akuzës po bën kundër Shqipërisë.

Blushi tha se PL është në një proces për de-sorosifikimin e reformës në drejtësi, e cila mbron korrupsionin qeveritar dhe po ndihmon Partinë Socialiste të marrë mandatin e katërt.

Blushi shtoi gjithashtu që arrestimi i kreut të PL, Ilir Meta është një goditje politike.

“Sot ne jemi këtu në këtë protestë të ligjshme para SPAK, jo për të kërkuar drejtësi, se në striofullën më të sigurt të Ramës ne nuk kërkojmë drejtësi, por për të denoncuar tradhtinë më të lartë që ky institucion duke ecur në rrugën e Esat Toptanit, Edi Ramës dhe George Soros ka bërë kundër interesit kombëtar. Jemi këtu për një mision, historik, patriotik dhe kombëtar për të nisur procesin e de-Sorosifikimit të sistemit të drejtësisë. Ky institucion ka vrarë besimin te drejtësia dhe funksionimi i shtetit ligjor duke u bërë njësh me partinë në pushtet, duke i shërbyer narkoregjimit për t’i garantuar një mandat tjetër 4-vjeçar në kurriz të shqiptarëve. SPAK është shkatërruesi përfundimtar i reformës në drejtësi,” tha Blushi.

Blushi shtoi gjithashtu se Prokuroria e Posaçme është tubi i oksigjenit për krimet zgjedhore të qeverisë.

“Ne jemi sot këtu se SPAK është bunkeri i fundit i narkoqeverisë që po i jep imunitet korrupsionit skizofrenik të Edi Ramës dhe Rilindjes. Ne jemi këtu se SPAK-u është sot tubi i oksigjenit për narkoqeverisjen më të korruptuar të Europës. Jemi këtu sepse SPAK është mbrojtësi i krimit elektoral, duke mbyllur dosjet e Dibrës, Shijakut dhe Elbasanit. Edhe Metamorfoza e Shkodrës u hap pasi u grabit bashkia e Shkodrës.”

LEXONI GJITHASHTU:

• Protesta e Partisë së Lirisë: Blindohet SPAK, policia rrethon godinën
• “Jo drejtësi me regji”, nis protesta e Partisë së Lirisë para SPAK

The post Protesta kundër SPAK, Blushi: Prokuroria po ndihmon Ramën për mandatin e katërt appeared first on Euronews Albania.

Partia e Lirisë do të zhvillojë një protestë këtë të premte, 8 dhjetor, në orën 12:00 para godinës së SPAK. Protesta ka të bëjë me arrestimin e Presidentit të Lirisë, Ilir Meta, të cilin Partia e Lirisë e cilëson si një goditje politike.

Për të siguruar rendin dhe shmangur përshkallëzimin e situatës, forca të shumta policie kanë rrethuar rgodinën SPAK. Aktivistët dhe përkrahësit e PL pritet të mblidhen për të protestuar kundër veprimeve që ata i shohin si të motivuara politikisht.

Kjo është protesta e parë që Partia e Lirisë organizuan pas arrestimit të liderit të saj më 21 tetor.

Por gjithashtu dhe protesta e parë që organizohet në Shqipëri kundër SPAK.

Më herët dhe mbështetësit e Partisë Demokratike janë mbledhur përpara organit të akuzës, por në mbështetje të Berishës, kur ai kishte seancat gjyqësore.

The post Protesta e Partisë së Lirisë: “Blindohet” SPAK, policia rrethon godinën appeared first on Euronews Albania.

Minatorët dhe pensionistët kanë zhvilluar këtë të enjte një protestë jashtë ambienteve të parlamentit, ku po mbahej seanca e radhës plenare.

Bashkimi i Sindikatave të Pensionistëve dhe Minatorëve kërkon nga qeveria miratimin e statusit të minatorit dhe rritjen e pensioneve.

Protestuesit mbanin në dorë një banderolë të madhe ku shkruhej: “BSPSH kërkon statusin për minatorët dhe pensione dinjitoze për pensionistët.”

“Jemi këtu që ta bindim qeverinë shqiptare se kërkesat tona janë të drejta dhe duhet të realizohen. I bëj thirrje deputetëve të mazhorancës dhe opozitës, të cilët duhet të ishin të shqetësuar për këtë protestë dhe duhet të ishin këtu bashkë me ne: merrni parasysh kërkesat tona! Të ngrihen dhe të kërkojnë në atë sallë miratimin e kërkesave që kanë paraqitur Bashkimi i Sindikatave të Pavarura të Shqipërisë dhe sindikata e minatorëve të Shqipërisë,” bëri thirrje një protestues.

Një tjetër protestues i bëri apel shoqërisë civile që t’u bashkohet kauzës së tyre.
“Gjithë shoqëria civile duhet të vijë këtu për të mbështetur pensionistët dhe minatorët,” tha protestuesi.

LEXONI GJITHASHTU:

• “S’hamë dot bukë” Pensionistët protestë te Kryeministria: Do nisim tubimet në rrethe
• “Po u shtrijmë dorën fëmijëve”, gruaja nga Elbasani në protestën e pensionistëve

The post “Status dhe pensione dinjitoze”- Minatorët dhe pensionistët “rrethojnë” parlamentin appeared first on Euronews Albania.

Kryetari i Partisë Demokratike, Sali Berisha, mbajti këtë të hënë një konferencë me gazetarët, ku u pyet nëse do të merrte pjesë në protestën e planifikuar nga Partia e Lirsë përballë ambienteve të SPAK më 6 dhjetor.

Berisha tha se SPAK nuk është në axhendën e opozitës, por theksoi se PD mbështet “çdo protestë kundër diktaturës, kudo që të thirret dhe kundër cilit do”.

Sipas Berishës, fokusi i opozitës nuk duhet të jetë që të merret me SPAK-un, por me kreyeministrin Edi Rama.

“Ka një çështje në themel të debatit. Çështja në themel e debatit është se, SPAK nuk ka pse të jetë axhendë e opozitës, se opozita nuk duhet të merret me SPAK, por duhet të merret me Edi Ramën. Është shumë e drejtë që opozita të merret dhe po merret çdo ditë me Edi Ramën, por do të ishte fatale sikur opozita të injoronte SPAK, aktualisht prokurorinë politike të Edi Ramës. Nëqoftëse opozita injoron SPAK, opozita harron që është shndërruar sot në njërin nga institucionet më themelore të narkodiktaturës.

Nëqoftëse i japim përgjigje pyetjes, është ky regjim një narkodiktarurë apo jo, përqendrimi i të gjitha pushteteve në duart e Edi Ramës, atëherë duhet të besosh se kjo nuk është, Pëllumbesha Spirogjoka një vegël e Edi Ramës. E ka ndërruar dhe emër e mbiemër Elisa, nuk quhet më Elisa kështu dhe ashtu, por quhet Pëllumbesha Spirogjoka.

Duhet të besosh që haram Bega nuk është më një vegël e Edi Ramës, ata që mund të thonë se nuk është diktaturë. Duhet të besosh se Edi Rama nuk ka lidhje me djegësat e Tiranës, se Olsi Rama nuk ka lidhje me Xibrakën dhe se Altin Dumani nuk po mbyll dosjet e tij.

Por nëqoftëse nuk beson se këtu të gjitha pushtet janë në duart e një njeriu, atëherë duhet të jesh politikisht i verbër, ose i korruptuar në shkallën më të lartë, të injorosh faktin se këtu jeton në një diktaturë e cila shkon gjer në atë shkallë sa zvarrit njerëz rrugëve, ish-president, ish-kryeministër, ish-kryetar parlamenti. Si? Si person në hetim, që në asnjë vend demokratik si të tillë nuk e arrestojnë dot, në asnjë vend demokratik, si person në hetim.

Pra ata të cilët pretendojnë se nuk duhet marrë me Skapin opozita, ata duhet ti japin përgjigje një pyetje themelore; a është kjo një narkodiktaturë apo nuk është. Këtë përgjigje e dhanë 108 parti politike nga të gjithë kontinentet e botës. Përgjigja u dha në mënyrën më përfundimtare; Shqipëria është narkoshtet i parë dhe i vetëm në Europë. Askush nuk mund ta mohojë këtë. Shqipëria është narkoshtet i parë dhe i vetëm në Europë. Lexoni rezolutën e internacionales demokrate të qendrës.

Pra pa diskutim që do të mbështetet çdo protestë kundër diktaturës, kudo që të thirret dhe kundër cilido. Nuk ka diskutim. Ndaj të gjithëve. Si jo. Detyrimi, akti lidhet direkt me Altin Dumanin. Pse lidhet direkt? Ligji e detyron prokurorin të përcaktojë dhe të ndjekë procedurën ndaj personit që ka marrë nën hetim, apo të pandehur.

Gjeti një rrugaç Edi Rama për të vënë ministër, ordiner. Dhe i them unë atij, se gradualisht shqiptarët do të mësojnë se çfarë përfaqësojnë ai.

Gjeti një tjetër drejtor policie, që krijoi aktet më të papara ndonjëherë në historinë e Europës dhe botës. Ata çdo lloj proteste e meritojnë dhe stërmeritojnë. Protesta para organeve të diktaturës, institucionet e diktaturës janë të ligjshme, të një rëndësie jetike, janë elementë thelbësorë të betejës për përmbysjen e saj”, tha Berisha.

The post A do ta mbështesë protestën e PL-së te SPAK-u? Flet Sali Berisha appeared first on Euronews Albania.

Mijëra protestues janë kthyer në rrugët e Tbilisit për të protestuar kundër vendimit të qeverisë për të pezulluar bisedimet e anëtarësimit me Bashkimin Evropian. Mbi 100 prej tyre u arrestuan pasi ata mbushën sheshin para parlamentit dhe u përpoqën të depërtonin brenda godinës, të zemëruar për kthimin mbrapa të qeverisë në negociatat me BE.

Policia përdori spërkatje me ujë për t’i larguar ata nga ndërtesa dhe më vonë u zhvendos për t’i detyruar ata më larg përgjatë rrugës Rustaveli, bulevardit kryesor të qytetit.

Disa nga protestuesit përdorën kosha plehrash dhe stola në përpjekje për të ndërtuar barrikada, ndërsa policia hodhi gaz lotsjellës dhe sprej piper ndaj tyre.

Kjo shkaktoi një përgjigje të zemëruar nga presidentja pro-BE e vendit Salome Zourabichvilli, e cila ka qenë prej kohësh në kundërshtim me partinë pro-ruse Ëndrra Gjeorgjiane.

“Edhe një herë, ne jemi dëshmitarë të sulmeve brutale dhe joproporcionale ndaj popullit dhe medias gjeorgjiane, që të kujtojnë represionin e stilit rus”, tha ajo në një postim në X.

Përgjigja gjithnjë e më brutale e policisë u komentua edhe nga një anëtar i partisë opozitare Droa.

“Tani njerëzit tërhiqen zvarrë nga ndërtesat ku janë strehuar, nga farmacitë e kështu me radhë. Pra, nëse kishim ndonjë ndjenjë sigurie në protestat e mëparshme, tani nuk kemi nga mëngjesi, nuk kemi. keni ndonjë ndjenjë sigurie”, tha Marika Mikiashvili për Euronews.

Përleshjet mes policisë dhe protestuesve shpërthyen gjithashtu të premten vonë në mbrëmje në qytetin port të Detit të Zi, Batumi.

Fitore e diskutueshme e zgjedhjeve

Fitorja e diskutueshme e Ëndrrës Gjeorgjiane në zgjedhjet parlamentare të 26 tetorit, e cila u pa gjerësisht si një referendum për aspiratat e vendit për t’u bashkuar me BE-në, ndezi demonstrata masive dhe çoi në një bojkot të parlamentit nga opozita.

Opozita tha se votimi u manipulua nën ndikimin e Rusisë, e cila po kërkon të mbajë Gjeorgjinë në orbitën e saj.

Njoftimi i qeverisë se po pezullonte negociatat për t’u bashkuar me BE-në erdhi disa orë pasi Parlamenti Evropian miratoi një rezolutë që dënonte votimin e muajit të kaluar si as të lirë as të drejtë, duke përfaqësuar një tjetër manifestim të kthimit të vazhdueshëm demokratik “për të cilin është partia në pushtet Ëndrra Gjeorgjiane. plotësisht përgjegjës”.

LEXONI GJITHASHTU:

• Natë protestash në Gjeorgji, qytetarët kundër pezullimit të negociatave me BE
• Protesta anti-qeveritare në Gjeorgji, nuk pranohet rezultati i zgjedhjeve

The post Mbi 100 protestues të arrestuar në Gjeorgji gjatë natës së dytë të trazirave appeared first on Euronews Albania.

Federata e Sindikatave të Shëndetësisë së Kosovës ka paralajmëruar protestë më 5 dhjetor, ku një ndër kërkesat e tyre është rritja e pagave.

Sipas njoftimit të federatës, pas diskutimit të sfidave kryesore me të cilat po përballet sektori i shëndetësisë në Kosovë, kryesia ka marr vendim për protestë.

“Me këtë protestë, FSSHK shpreh pakënaqësinë e thellë për ndërprerjen e dialogut social me Ministrinë e Shëndetësisë, mospajtimin me propozimin e qeverisë për një rritje të vogël të koeficientit prej 0.5, mosnënshkrimin e Kontratës Kolektive Sektoriale, si dhe injorimi i protestës nga ana e Ministrisë së Shëndetësisë ndaj kërkesave të FSSHK-së”, thuhet tutje.

FSSHK ka theksuar se këto veprime pengojnë përmirësimin e kushteve të punës dhe zhvillimin e një sistemi shëndetësor më të qëndrueshëm dhe të drejtë për të gjithë profesionistët shëndetësor.

LEXONI GJITHASHTU:

• Mjekët “ngelin” në klasë! Studimi i ISHP: Pneumologët nuk njohin burime të ndotjes
• Rriten nevojat për gjak, mjekët hasin vështirësi për grupet e rralla

The post Kërkojnë rritje të pagave, mjekët në Kosovë sërish në protestë appeared first on Euronews Albania.

Një protestë e tretë po mbahet këtë të mërkurë në Tiranë për vrasjen e 14-vjeçarit Martin C. nga bashkëmoshatari i tij në shkollën “Fan Noli”.

Nxënësit, të shoqëruar edhe nga prindërit e tyre, kanë vendosur të kryejnë një marshim nga shkolla “Fan Noli”, në drejtim të Ministrisë së Arsimit.

Teksa mbajnë një banderolë të madhe në duar, ku shkruhet: “Institucionet e papërgjegjshme vrasin”, prindërit kërkojnë më shumë siguri në shkolla për fëmijët e tyre.

“Kërkojmë siguri në shkolla”, thotë një prind që ka marrë pjesë në protestë.

The post “Duam siguri në shkolla”- Marshim në Tiranë për vrasjen e 14-vjeçarit te “Fan Noli” appeared first on Euronews Albania.

Policia e Tiranës ka dalë me një deklaratë ku thotë se ka nisur hetimet lidhur me protestën e zhvilluar dje nga opozita në disa akse rrugore të kryeqytetit. Sipas policisë janë arrestuar disa persona dhe proceduar disa të tjerë për veprime të ndryshme penale.

Po ashtu u procedua shtetasi Ervin Minarolli, sekretar në Partinë Demokratike dhe deputetët Flamur Noka, Gazment Bardhi, Oerd Bylykbashi, Luan Baçi, Bledion Nallbati, Lefter Gështenja, Saimir Korreshi, Asllan Dogjani, Albana Vokshi, Petrit Vasili, Petrit Doda, Isuf Çela, Andia Ulliri, Greta Bardeli dhe Lindita Metaliaj.

Gjithashtu, 64 shtetas të tjerë janë proceduar për mosbindje ndaj urdhrave të policisë dhe për prishje të rendit publik ku në flagrancë u arrestuan shtetasit S. N., banues në Tiranë, dhe I. H., 53 vjeç, ndërsa u procedua shtetasi I. H. pasi ka bllokuar një automjet dhe ka goditur drejtuesin e tij.

Njoftimi i Policisë së Tiranës

Drejtoria Vendore e Policisë Tiranë, në lidhje me protestën e zhvilluar më datë 26.11.2024, në disa akse rrugore në Tiranë, ka vijuar veprimet hetimore dhe procedurale të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për shoqërimin dhe vënien përpara përgjegjësisë penale të shtetasve që kanë organizuar tubimet, kryer veprime kundërshtuese dhe të dhunshme, që kanë penguar lëvizjen e automjeteve dhe bllokuar akset rrugore.

U arrestua në flagrancë shtetasi S. N., banues në Tiranë, për veprat penale “Pengimi i qarkullimit të mjeteve të transportit” dhe “Kundërshtimi i punonjësit të policisë së rendit publik”.

U arrestua në flagrancë shtetasi I. H., 53 vjeç, për veprat penale “Pengimi i qarkullimit të mjeteve të transportit”, “Prishja e rendit dhe e qetësisë publike”, “Mosbindja ndaj urdhrave të punonjësit të rendit publik” dhe “Dëmtime të tjera me dashje”. Ky shtetas, me veprime të dhunshme ka bllokuar lëvizjen e një automjeti tip “Benz”, duke bllokuar rrugën, dhe ka goditur drejtuesin e mjetit shtetasin A. G. Drejtuesi i mjetit u procedua në gjendje të lirë për veprën penale “Dëmtime të tjera me dashje”.

U procedua në gjendje të lirë shtetasi E. M., banues në Tiranë, me detyrë Sekretar për Organizimin dhe Burimet Njerëzore pranjë subjektit politik Partia Demokratike, për veprëm penale “Organizimi dhe pjesmarrja në grumbullime e manifestime të paligjshme”.

U proceduan shtetasit F. N., (deputet) për veprat penale “Pengimi i qarkullimit të mjeteve të transportit” dhe “Goditjet për shkak të detyrës”, “Organizimi dhe pjesmarrja në grumbullime e manifestime të paligjshme”, dhe G. B., O. B., L. B., B. N., L. G., S. K., P. V., A. D., A. V., O. B., P. D., I. C., A. U., G. B., L. M., dhe L. B., (deputetë) për veprat penale “Pengimi i qarkullimit të mjeteve të transportit”, “Organizimi dhe pjesmarrja në grumbullime e manifestime të paligjshme”, “Mosbindja ndaj urdhrave të punonjësit të rendit publik”, “Prishja e rendit dhe e qetësisë publike”.

Gjithashtu u proceduan penalisht 64 shtetas për veprat penale “Mosbindja ndaj urdhrave të punonjësit të rendit publik”, “Prishja e qetësisë publike”, “Pengimi i qarkullimit të mjeteve të transportit”.Materialet i kaluan Prokurorisë.

• Nisin shoqërimet në polici pas protestës së opozitës ku u bllokuan disa akse rrugore

The post Policia procedon penalisht deputetët e opozitës dhe dhjetëra protestues appeared first on Euronews Albania.