Nga Gazeta Si – Ish-kampioni i Botërs në shah, Garry Kasparov, është objekt i një urdhër-arresti të lëshuar nga Rusia për “justifikim të terrorizmit”.

Figurë historike e shahut ende shumë i respektuar, Kasparov është një kundërshtar i ashpër i Vladimir Putin dhe për të ka pasur edhe më parë urdhër-arresti.

Sipas agjencisë ruse TASS, që prej së hënës, Garry Kasparov akuzohet në mungesë për “thirrje publike dhe justifikim të terrorizmit”.

Kasparov reagoi për këtë urdhër-arresti në platformën X: “Përsëri?

Figurë që kontribuoi në popullarizimin e shahut në shekullin XX, 62 vjeçari Kasparov (i lindur në Azerbajxhan gjatë periudhës sovjetike dhe sot me shtetësi kroate) është një kundërshtar i deklaruar i presidentit rus Vladimir Putin.

I konsideruar si “agjent i huaj” nga Moska që prej Majit 2022, ai është regjistruar në listën e terroristëve dhe ekstremistëve për shkak të aktivitetit të tij politik.

Ai kundërshton veçanërisht luftën në Ukrainë dhe është president i organizatës joqeveritare “Human Rights Foundation”, e cila mbron të drejtat e njeriut.

The post Rusia kërkon kokën e Kasparov – mandat arresti për Legjendën e shahut appeared first on Gazeta Si.

Gazeta Si – Një grup kriminal, prej 33 personash, që tregtonte drogë në zona të ndryshme të Tiranës, në lokale, tabakino dhe mjete taksi, është goditur nga policia në operacionin e koduar “Labirinti 2”.

Sipas njoftimit, 22 prej tyre javë vënë në pranga, 5 janë arrestuar gjatë periudhës hetimore, ndërsa vijon puna për kapjen e 6 personave të tjerë të identifikuar si pjesë e këtij grupi kriminal.

Gjatë operacionit, u sekuestruan rreth 500 gramë lëndë e dyshuar narkotike e llojit kokainë; 10 kg lëndë e dyshuar narkotike kanabis sativa dhe 100 doza të kësaj lënde; 5 automjete; 28 celularë; 6 peshore elektronike dhe 3 000 euro.

Në pranga kanë rënë: R.D., 32 vjeç, E.P., 33 vjeç, A.H., 43 vjeç, O.M., 32 vjeç, F.C. (Ç), 34 vjeç, Xh.B., 31 vjeç, L.M., 23 vjeç, A.P., 47 vjeç, E.S., 39 vjeç, B.M., 34 vjeç, G.V., 39 vjeç, V.B., 19 vjeç, O.H., 35 vjeç, D.A., 39 vjeç, A.M., 23 vjeç, M.M., 19 vjeç, J.H., 29 vjeç, E.Gj., 31 vjeç, A.B., 20 vjeç, K.Rr., 27 vjeç, I.N., 22 vjeç dhe G.K., 20 vjeç.

Gjatë periudhës hetimore, janë arrestuar: A.V., 23 vjeç, E.P., 22 vjeç, G.V., 19 vjeç, S.C., 22 vjeç dhe R.Gj., 22 vjeç, të cilëve iu janë sekuestruar sasi të ndryshme lëndësh narkotike.

Nga hetimet, rezultoi se aktiviteti kriminal i shitjes së lëndëve narkotike shtrihej në disa zona të qytetit të Tiranës, kryesisht në: Bllok, Kamëz, Laprakë, Selitë, Tiranë e Re, Shkozë, Ali Demi, Xhamllik, Pazari i Ri, Shkolla e Kuqe, Astir, Myslym Shyri dhe Komuna e Parisit.

Lëndët narkotike shiteshin në lokale, tabakino, mjete taksi, si dhe të kamufluara si shpërndarje porosish të ndryshme.

The post Operacion antidrogë në Tiranë, 22 të arrestuar. Lënda shitej në lokale, taksi e tabakino appeared first on Gazeta Si.

Nga Gazeta Si – Futbollisti me origjinë shqiptare (nga Shkodra), Brajan Gruda është vënë përballë sfidës që të tregojë më shumë nga cilësitë e tij pas rekuperimit nga dëmtimet.

Mesfushori i Gjermanisë U21 ka nisur si titullar dy ndeshjet e fundit të Albion-it dhe ka treguar herë pas here momente magjie.

Ai u përfshi në një rast të pastër për Diego Gomez ndaj Liverpool-it dhe më pas ishte shumë pranë shënimit pas një veprimi të zgjuar.

Në vazhdim pasuan kontribute të rëndësishme në aksione që përfunduan me goditje nga Yasin Ayari kundër Sunderland-it.

Megjithatë, intervalet mes këtyre momenteve tërheqëse kanë qenë shumë të gjata.

Ai shpreson të ketë një tjetër mundësi, ndërsa Albion do të zhvillojë dy transferta të shpejta në Londër pas Krishtlindjeve, ndaj Arsenal-it dhe West Ham-it.

The post Sfida e Brajan Gruda-s pas dëmtimeve appeared first on Gazeta Si.

Gazeta Si – Kur Departamenti Amerikan i Shtetit i kërkoi John Coale-s të udhëtonte për në Bjellorusi për të negociuar me diktatorin Aleksandër Lukashenko, ai mendoi: “Ku dreqin është ai?”

Një hetim i “Wall Street Journal”, rindërtoi negociatat pasuese, të cilat kanë dhënë rezultate: që kur Donald Trump u kthye në pushtet në janar, Bjellorusia ka liruar afërsisht 250 të burgosur politikë, duke marrë lëshime të rëndësishme nga Shtetet e Bashkuara në këmbim.

Kryesorja është një shkrirje e marrëdhënieve me Lukashenkon, e cila i ka dhënë atij legjitimitet dhe ka zvogëluar izolimin e tij ndërkombëtar.

Hetimi i “Wall Street Journal” bazohet në një intervistë me Coale-n dhe biseda të tjera me rreth një duzinë zyrtarësh anonimë amerikanë dhe evropianë ose ish-zyrtarë.

Ata thanë se Coale u takua disa herë me Lukashenkon në muajt e fundit, duke ndërtuar një marrëdhënie personale.

Figura e tij është emblematike e diplomacisë jo-konvencionale të miratuar nga administrata Trump, në të cilën njerëz të afërt me presidentin (ose anëtarë të familjes së tij) negociojnë duke anashkaluar aparatin tradicional diplomatik, me një qasje transaksionale të frymëzuar nga bota e biznesit: për çdo lëshim të bërë Lukashenkos, ai pranoi të lironte të burgosurit politikë.

Coale ka qenë avokati i Trumpit në disa padi kundër platformave të mediave sociale, më e rëndësishmja ajo për pezullimin e profileve të tij pas sulmit në Kapitol më 6 janar 2021.

Ai është një figurë e besueshme e presidentit, aq sa ka një kopje të çekut prej 22 milionë dollarësh që kompania “Meta” pranoi të paguante për të zgjidhur një nga paditë në vend.

Gjatë pjesës publike të takimeve midis Coale-s dhe Lukashenkos në Minsk (kryeqyteti i Bjellorusisë), pati një përzemërsi të dukshme midis të pranishmëve.

Për shembull, i dërguari special i Trump për Rusinë dhe Ukrainën, Keith Kellog, i cili thuhet se është shefi i Coale-s, dikur përgëzoi luksin e pallatit ku u pritën, duke thënë se i ngjante Mar-a-Lagos, rezidencës së Trump në Florida.

Coale ka thënë në raste të tjera se ai dhe Lukashenko kanë pirë shumë dolli me vodka dhe se ai i ka shijuar ato.

“Wall Street Journal” shtoi se në një moment, një zyrtar amerikan e këshilloi të hante, të mbushte stomakun dhe të shmangte dehjen.

Megjithatë, Coale tha se ai shmangte të gjitha gotat që i ishin servirur ose që i ishin mbushur direkt nga Lukashenko.

Gjatë takimeve, Lukashenko tregoi interes për gjendjen fizike të Coale-s, duke e komplimentuar për dobësimin e tij.

Coale organizoi që diktatori të merrte një furnizim me Zepbound, një ilaç kundër obezitetit të prodhuar nga një kompani amerikane. Gjatë darkave me bukë të zezë, mish dhe patate, Coale ishte mjaft i drejtpërdrejtë.

Ai i krahasoi marrëdhëniet ndërkombëtare me një mensë të shkollës së mesme, duke i thënë Lukashenkos se ishte ulur në “tryezën e humbësve” me Iranin, Venezuelën dhe Korenë e Veriut, por se me ndihmën e SHBA-ve, ai mund të ulej në “tryezën e djemve të mirë”.

Në muajt e fundit, Lukashenko ka marrë shumë më tepër sesa një furnizim me ilaçe, duke liruar të burgosur politikë në këmbim.

• Në qershor, në këmbim të premtimit për lehtësimin e sanksioneve dhe pjesë këmbimi për aeroplanin presidencial, regjimi liroi 14 të burgosur, përfshirë Sergei Tikhanovsky, bashkëshortin e Svetlana Tikhanovskaya, e cila në mungesë të tij ishte bërë udhëheqësja më e njohur e opozitës jashtë vendit.

• Në shtator, ai liroi 52 të tjerë, dhe administrata Trump në fakt hoqi sanksionet ndaj linjës ajrore bjelloruse (“Belavia”).

• Rreth dhjetë ditë më parë, ndodhi lirimi më i madh, me 123 të burgosur të liruar, përfshirë udhëheqësit e opozitës Maria Kalesnikava dhe Viktar Babaryka dhe aktivistin Ales Bialiatski, fitues i Çmimit Nobel për Paqen 2022.

Në këmbim, Shtetet e Bashkuara lehtësuan sanksionet mbi eksportet e karbonatit të kaliumit (ose potasit), një përbërës kimik i përdorur kryesisht në bujqësi, si pleh për të cilin Bjellorusia është prodhuesi i tretë më i madh në botë, për tre kompani me vlerë 4 përqind të produktit të brendshëm bruto të vendit.

Disa zyrtarë të administratës Trump i shpjeguan “Wall Street Journal” se qëllimi i operacionit, përveç sigurimit të lirimit të të burgosurve, është të shfrytëzojë afërsinë e Lukashenkos me presidentin rus, Vladimir Putin për të ndërmjetësuar negociatat për t’i dhënë fund luftës në Ukrainë.

Për shembull, Lukashenko kishte folur me Trumpin para takimit të tij me Putinin në Alaska gushtin e kaluar.

Lukashenko ka ofruar edhe këshilla të tjera të pakërkuara. Javën e kaluar, ai ofroi të priste në Minsk, presidentin venezuelan, Nicolás Maduro, të cilin Shtetet e Bashkuara po kërkojnë ta rrëzojnë nga posti. Ai e tha këtë në një intervistë me gazetaren e “Newsmax”, Greta Van Susteren, gruan e Coale-s.

Qëllimi i Lukashenkos në këtë fazë, është të sigurojë një takim personal me Trump, i cili do të kishte një rëndësi të madhe simbolike.

Kohët e fundit ai tha se po diskuton me Shtetet e Bashkuara mundësinë e rihapjes së ambasadës së saj në Minsk, e mbyllur që nga viti 2022, kur Bjellorusia shërbeu si një bazë logjistike për pushtimin e Ukrainës nga Rusia.

Kjo situatë ka paraqitur një problem për opozitën bjelloruse, e dobësuar ndjeshëm nga vitet e shtypjes. Nga njëra anë, udhëheqësit e saj kryesorë ia detyrojnë lirimit të tyre negociatave dhe për këtë arsye, lëshimeve, nga Shtetet e Bashkuara.

Nga ana tjetër, këto negociata rrezikojnë të forcojnë Lukashenkon dhe regjimin e tij. Gjatë gjithë kësaj, diktatori po mban një retorikë armiqësore dhe tallëse.

Kohët e fundit, ai tha se Rusia i kishte dërguar “Oreshnikun”, një lloj i ri rakete balistike që përdoret në Ukrainë dhe që është veçanërisht e vështirë për t’u kapur.

Nga ana tjetër, ai ka tallur disidentët, duke argumentuar se Babaryka (një nga të liruarit e fundit), duhet ta falënderojë atë që humbi peshë në burg, sepse “ai duket i pashëm”.

“Për Lukashenkon, lirimi i njerëzve ka një kosto dhe ai po përpiqet t’i shesë ata ndërsa mundet”, tha për “Wall Street Journal” Tikhanovskaya, udhëheqësja e opozitës që fitoi zgjedhjet presidenciale të manipuluara të Lukashenkos në vitin 2020.

Përshtati: Gazeta “Si”

The post Negociatat e çuditshme mes SHBA-ve dhe Aleksandër Lukashenkos appeared first on Gazeta Si.

Nga Gazeta “SI”- Jeta e At’ Zef Pllumit ishte një udhëtim i gjatë dhimbjeje, i mbushur me sakrifica dhe vuajtje të panumërta. Por At Zefi mbeti besnik ndaj Fjalës së Zotit, ndaj bindjeve të fesë dhe ndaj vlerave kulturore e kombëtare. Përreth tri dekadave, ai i ruajti këto thesare shpirtërore në errësirën e burgjeve komuniste, dhe më pas i solli nga nata në dritë, nga vuajtja në liri, nga heshtja në ringjallje.

Edhe në mes të vështirësive më të mëdha, At Zefi shpalos devotshmërinë dhe dashurinë e tij për fenë, si rituale, por edhe si një ringjallje shpirtërore për katundet e Malësisë, si një dritë që ndriçonte zemrat dhe shpirtin e njerëzve, duke i mbajtur gjallë shpresën dhe besimin.

Me hyrjen në fuqi të Statutit të Kishës rreth viteve 1950, At Zef Pllumi, i sapodalë nga burgjet dhe i emëruar famulltar në Shosh, rrëfen në librin e tij të kujtimeve “Rrno vetëm për me tregue” ditët kur regjimi komunist nisi të lejonte, festimin e Krishtlindjes në vitin 1958 :

“Mora vesht se qysh me himjen në fuqi të Statutit të Kishës, organet e pushtetit kishin lejue edhe festimin e Natës së Këshëndellave , sikurse lutej dikur.  Fillova pregatitjet : sajova nja dy –tri vjersha Këshëndellash , simbas mendësisë së maleve, Zoti më faltë , por e paraqitshëm sikur Krishti të kishte le ndër këto malet tona e jo në Betlehem. Po gjithashtu pikturova nja dy-tre engjuj; nuk ishëm piktor profesionist, megjithëkëta paesazhet e dekoracionit i kam ushtrue që në fëmijni. Në ni kand të Kishës pregatita Shpellën e Betlehemit me gjethe, lule, bar e shkambij.

Dërgova në Shkodër Vatën, djalin e ri, me nji adresë në dorë, për me ble 10 litër benzinë dhe dy petromaksa. Njanin e vuna në punë menjiherë e, kur e ndeza , dola me të në dorë aty jashtë. Shëndriti e gjithë Kodra e Kishës së Shën Qurkut. Njerëzit atë natë e kishin pa së largu prej katundeve  tjera që shtriheshin ndër shpate e brija të maleve. Mandej hyna në kasollen time të mjerë. Ata dy fëmijë, Pepa e Marashi, ishin tepër të gëzuem. N’e nesre ndër gjithë lagjet e Ndregjinaj, Gjoshaj , Pilotaj edhe Palaj u përhap fjala- si duket ma shumë prej atyne dy fëmijëve- se frati i ri kishte ble dy elektrikë, nji për vedi e nji për lopën. Pa kalue mirë 24 orë, filluen me ardhë njerëz me më këshillue: “More zotni, lopët tona hanë edhe në terr , por a ke gja më u vu përpara”. Të gjithve ua lashë tehin mbarë. Vetëm kurr mbërriti Nata e Këshëndellave, porsa filluen me u dukë nga të gjitha anët e brijave e shpateve flakët e vravashkave të cilat drejtoheshin të gjitha për ka Kisha, pregatita edhe petromaksin e dytë.  Mbasi e ndeza dola jashtë. Bora e ngrime ndriste nën dritën e petromaksit.

Nuk fyente erë. E vendosa atë dritë jashtë, deri që filluen me mbërrijtë çetat e para të njerëzve ; vetëm atëherë e shtina në Kishë, e cila shndriri si hiçmos kurrë. Nga gjashtë dritat e Kishës shpërthejshin rreze që ndritshin borën e bardhë. Nga larg dukeshin si rreze qiellore. Ndërsa udhëtarët, pelegrinët çobanë e mbretën të maleve drejtoheshin kah drita e asaj komete toksore. Kje me të vëertëtë një natë e mrekullueshme. Drita asht ma e fortë se sytë dhe deperton drejt e në mendje e zemra të njerëzve. (Vetëm qorrat mbeten përgjithmonë qorra). U ngazëllye i gjithë populli e me të edhe unë. Ajo kje e para natë që kishëm rreth vedit të mbledhun përfaqësuesit nga të gjitha lagjet e Shoshit.

Para se më fillue ceremonitë fetare të natës, fëmijt e mësuem prej meje filluen programin festiv. Kënduen disa kangë e sidomos recituen aq bukur vjershat e pregatituna për atë natë, sa populli, i kënaqum prej fëmijve të vet, më dhanë lavdet mue se kishëm pasë aq kujdes më i mësue ashtu. E vetmja gja që u prishej ishte mendimi i largimit tem porsa të shkrihej bora e të dalin prandvera”

Fragment i shkëputur nga “Rrno vetëm për me tregue” At’Zef Pllumi ( Botimet Françeskane)

The post Nata e Këshndellave… appeared first on Gazeta Si.

Këshilli i Ministrave ka vendosur që edhe dita e premte, më 26 dhjetor, të jetë ditë pushimi për administratën publike.

Sipas vendimit, pushimi vjen si zgjatje e festës së Krishtlindjes, pasi administrata nuk do të punojë as ditën e enjte, më 25 dhjetor, e cila është festë zyrtare.

Në këtë mënyrë, punonjësit e administratës përfitojnë dy ditë rresht pushimi, ndërsa institucionet publike do t’i rikthehen normalisht aktivitetit të hënën.

The post E premtja pushim për administratën appeared first on Gazeta Si.

Nga Gazeta Si – Momenti i parë vërtet i rëndësishëm në garën e gjatë dhe të ndërlikuar për titullin e Premier League zakonisht është se kush kryeson renditjen në Krishtlindje.

“Topçinjtë” e Arsenal janë aktualisht dy pikë përpara. Skuadra e Pep Guardiola-s ka gjithashtu një golavarazh më të mirë.

Por sa e rëndësishme është realisht të jesh në krye në Krishtlindje?

Në 33 sezonet e fundit, vetëm 17 nga skuadrat që kanë qenë në krye në Krishtlindje kanë arritur ta fitojnë titullin në Maj.

Në sezonin e parë të Premier League, Norwich City kryesonte renditjen më 25 Dhjetor me 39 pikë, por “Canaries” ranë në fund të sezonit dhe përfunduan të tretët, ndërsa Manchester United fitoi titullin.

Një vit më vonë, “Djajtë e Kuq” ishin vetë në krye në Krishtlindje me 52 pikë dhe arritën ta mbronin titullin.

Në sezonin 1994/95, Blackburn Rovers kryesoi në Krishtlindje me 43 pikë dhe me shumë vështirësi ia doli ta mbante pas Manchester United, duke e fituar titullin me vetëm një pikë diferencë.

Sezonin pasues, Liverpool kryesoi në Krishtlindje, por përfundoi i katërti. Në edicionin 1997/98, Manchester United ishte i pari në Krishtlindje, por Arsenali i Arsène Wenger-it e ndoqi dhe e fitoi titullin.

Kryesuesit më të dobët ndonjëherë në Krishtlindje u regjistruan në sezonin 1998/99: Aston Villa ishte në krye në fund të Dhjetorit, por sezonin e mbylli vetëm në vendin e gjashtë.

Në 1999/00, Leeds United kryesuesi 5-të rradhazi në Krishtlindje që nuk fitonte titullin, duke përfunduar i dyti pas Manchester United.

Sezonin tjetër, skuadra e Sir Alex Ferguson kryesoi më 25 Dhjetor dhe fitoi titullin.

Newcastle kryesoi në 2001/02, por përfundoi i katërti, ndërsa Arsenal ishte i pari në 2002/03, por humbi titullin ndaj Manchester United.

Hakmarrja erdhi sezonin pasues, kur United kryesoi në Krishtlindje, por Arsenali i pathyeshëm fitoi titullin në Maj.

Chelsea kryesoi si në Krishtlindje ashtu edhe në fund të sezonit në 2004/05 dhe 2005/06 nën drejtimin e José Mourinhos, ndërsa Arsenal ishte në krye në sezonin pasues, por përfundoi i treti.

Liverpool kryesoi në Krishtlindje në 2008/09, por u rendit i dyti pas Manchester United.

Nga 17 sezonet e para të Premier League, vetëm 6-të skuadra që kryesuan në Krishtlindje e fituan titullin.

Më pas, situata ndryshoi disi. Chelsea (2009/10), Manchester United (2010/11) dhe Manchester City (2011/12) kryesuan si në Krishtlindje ashtu edhe në fund të sezonit, edhe pse City pati nevojë për magjinë e Sergio Agüeros në ditën e fundit për ta fituar titullin e parë në histori.

Në sezonin e fundit të Ferguson-it (2012/13), United kryesoi në Krishtlindje dhe në Maj.

Liverpool kryesoi në Krishtlindje në 2013/14, por Steven Gerrard dhe shokët e tij e humbën titullin ndaj Manchester City.

Më pas, për 4 sezone radhazi, kryesuesit e Krishtlindjes e fituan kampionatin: Chelsea (2014/15), Leicester (2015/16), Chelsea sërish (2016/17) dhe Manchester City (2017/18), që kishte plot 55 pikë në Krishtlindje.

Liverpool ishte në krye në Krishtlindje në 2018/19, por pavarësisht se e mbylli sezonin me 97 pikë, humbi titullin ndaj Manchester City.

Të kuqtë e korrigjuan këtë sezonin pasues, duke kryesuar nga Krishtlindja deri në fund të sezonit 2019/20 të ndërprerë nga Covid-19.

Liverpool ishte sërish në krye në Krishtlindje sezonin pasues, por përfundoi i treti.

Arsenal kryesoi në 2022/23, por u shemb në fund, duke lejuar Manchester City të mbante titullin.

E njëjta gjë ndodhi edhe sezonin pasues. Sezonin e kaluar, Liverpool i drejtuar nga Arne Slot kryesoi nga Krishtlindja deri në Maj dhe fitoi titullin kampion.

The post Skuadrat që kryesuan në Krishtlindje dhe fituan titullin në Premier League appeared first on Gazeta Si.

Nga Gazeta ‘SI’ – Një udhëzim i fundit i ministrisë së Financave, ka rritur kostot e zhdoganimit të mjeteve motorike që vijnë nga jashtë.

Sipas vendimit ka një shtrenjtim me 25% për çdo kategori automjeti, në bazë të fuqisë motorike.

Rritja e çmimeve në zhdoganim pritet të sjellë një rritje edhe të çmimit fundor për konsumatorët, por nga ana tjetër mund të sjellë një filtrim të mjeteve në qarkullim

Për autoveturat çmimet e reja janë: a) deri në 1400 cc jo më pak se 162 500 lekë;

 b) mbi 1400-1900 cc jo më pak se 250 000 lekë;

c) mbi 1900-2500 cc jo më pak se 406 000 lekë;

d) mbi 2500-3000 cc jo më pak se 500 000 lekë;

e) mbi 3000-4500 cc jo më pak se 625 000 lekë;

f) mbi 4500 cc jo më pak se 1 000 000 lekë.

Për kamionçina, furgona dhe kamionë, sipas kapacitetit mbajtës çmimet janë:

 a) deri në 1.5 tonë jo më pak se 500 000 lekë;

b) nga 1.5 tonë deri në 3.5 tonë jo më pak se 750 000 lekë;

c) nga 3.5 tonë deri në 10 tonë jo më pak se 1 062 500 lekë;

d) nga 10 tonë deri në 15 tonë jo më pak se 1 250 000 lekë;

e) mbi 15 tonë jo më pak se 1 500 000 lekë.

The post Rriten çmimet e zhdoganimit për makinat e blera jashtë Shqipërie appeared first on Gazeta Si.

Gazeta Si – Do të ndërtohet në shkretëtirë, midis Dubait dhe Abu Dhabit, në Emiratet e Bashkuara Arabe. Do të jetë vepra më e madhe piktoriale ndonjëherë: 100.000 metra katrorë në madhësi.

Do të projektohet nga Agron Hoti, një artist shqiptar që jeton në Verona dhe ekspozitat e pikturat e të cilit janë shfaqur në të gjithë botën, nga Nju Jorku në Londër, nga Shangai në Paris, Tiranë dhe Kazablanka.

“Ndonjëherë më kap çmenduria dhe ky është një prej atyre rasteve”, – buzëqesh ai. Me Agronin mund të takohesh në studion e tij, në Palazzo Carlotti, në qendrën historike, ku disa nga pikturat e tij më të famshme varen në mure.

Më 9 janar, Hoti do të fluturojë për në Dubai për hapjen që do të shënojë fillimin e instalacionit: “Priten gjithashtu kampionë të mëdhenj të futbollit: Roberto Baggio, Ronaldo, Francesco Totti. Kam një miqësi të shkëlqyer me ta”, shpjegon ai.

“Nata e mbretërve”

Hoti flet për “çmendurinë” e tij, një jetë aventureske që e çoi në Greqi për tetë vjet, përpara se të mbërrinte në Itali dhe të vendosej në Verona.

Ai shpjegon: “Më 2 qershor 2019, pikturova një kanavacë prej 800 metrash katrorë në Romë, për një ngjarje të quajtur ‘Nata e Mbretërve’. Gjatë izolimit, pikturova 400 metra katrorë në ‘Arena’, me shoqërimin e një DJ. Në stadiumin e Tiranës, një vit më parë, pikturova ‘Everflow’, një vepër prej 7,600 metrash katrorë”.

Instalacioni

Numra rekord, të destinuar të tejkalohen shumë nga ajo që Hoti do të bëjë në Dubai, brenda pavionit të ankorimit të anijeve turistike të metropolit të Emirateve: “Por nuk më pëlqen të flas për rekorde”, – shpjegon ai.

“Kur përpiqesh të vendosësh një rekord, fikson një limit. Gjithmonë dua të shkoj përtej kësaj. Për ta tejkaluar, limitin. Nuk kam qenë kurrë i interesuar të hyj në Librin e Rekordeve Guinness”.

Për të pikturuar veprën gjigante, Hoti vlerëson se do të duhen 15 muaj punë. Një kohë e gjatë, gjatë së cilës ai do të udhëtojë midis Dubait dhe Veronës.

Instalacioni, pasi të përfundojë, do të vendoset në një strukturë alumini dhe do të çohet në shkretëtirë: “Do të jetë aq i madh, sa mund të fotografohet nga sateliti. Për të parandaluar erozionin për shkak të agjentëve atmosferikë, do të aplikohen ngjyra shumë rezistente. Titulli i veprës do të jetë Clio”.

“Gjithçka rrjedh”

Artisti shqiptar synon të përfaqësojë pafundësinë, “gjithçka rrjedh”, se si gjithçka është gjithmonë në lëvizje”, thotë Hoti.

Sponsorët, vazhdon ai, “do të jenë Shamal, një kompani e madhe ndërtimi nga Emiratet e Bashkuara Arabe, dhe X Dubai, një kompani e madhe aktive në sektorin e sporteve ekstreme. Ata gjithashtu do të mbështeten nga kompania e filmave Dubai Film. Do të përfshihen edhe shumë sponsorë. Investimi total do të arrijë në 50 milionë euro”.

Ndikimi do të jetë i gjerë, pasi një industri e rëndësishme turistike do të zhvillohet rreth Clio-s: “Priten një milion vizitorë. Ata do të arrijnë në vendin e punimeve në shkretëtirë me karroca për në rërë. Ai do të jetë i rrethuar nga një qendër arti prej 3,000 metrash katrorë, me restorante, mikpritje dhe zona relaksi. Valentina Baldini, gruaja e Andrea Pirlos, do të jetë këshilltarja ime e artit”, vëren Hoti.

Po projektet e tij të radhës? Një çast pushim dhe udhëtimi rifillon: “Gjithmonë kam diçka në mendje. Nuk ndalem kurrë. A ndihem i famshëm? Andy Warhol foli për 15 minuta famë, por për mua, të qenit i famshëm do të thotë tre gjëra: të siguroj jetesën me artin tim, të mbështes familjen time dhe të kem gjithmonë lirinë për të bërë atë që dua dhe shijoj. Pra, po, ju them se jam i famshëm”.

Burimi: “Corriere della Sera”; Përshtati: Gazeta “Si”

The post ‘Çmenduria’ e Agron Hotit në Dubai për pikturën më të madhe dhe miqësia me futbollistët e famshëm appeared first on Gazeta Si.

Gazeta Si – Gjykata e Apelit të Tiranës, ka liruar nga qelia 4 mbështetësit e opozitës, të cilët u mbajtën në paraburgim pas protestës që Partia Demokratike zhvilloi pasditen e së hënës.

Gjykata vendosi caktimin e masës “detyrim paraqitje”, ndërsa edhe prokuroria kishte kërkuar të njëjtën masë, pasi dyshohet e ata hodhën bomba molotov drejt kryeministrisë pas fjalimit të kreut të PD, Sali Berisha.

Të pranishëm në seancë ishin edhe disa prej deputetëve të PD, si Flamur Noka e Klevis Balliu, të cilët kërkonin lirimin e protestuesve.

Deputeti Flamur  Noka, komentoi lirimin e tyre në një prononcim për mediat, ku tha se qytetarët protestuan kundër korrupsionit, krimit dhe lidhjeve të tij me pushtetin.

“Këta qytetarë kanë dalë për të protestuar kundër korrupsionit qeveritar, krimit dhe lidhjeve të tij me pushtetin, Gys Agasit dhe karteleve, ndërsa në gjykatë akuzoheshin si destabilizues. Realiteti është se Edi Rama sot dhe banda e tij po bëjnë gjithçka për të destabilizuar Shqipërinë. Sot kam nxjerrë një provë me zë e figurë, që ndërkohë që qytetarët protestonin, Gysi lëvizte me makinën e kryeministrit”, – tha Noka.

Pasi Berisha përfundoi fjalimin e tij në protestën e 22 dhjetorit, drejt kryeministrisë u hodhën bomba molotov, të cilat dëmtuan edhe 3 policë, të cilët morën ndihmë mjekësore janë jashtë rrezikut për jetën.

Ndërsa atë mbrëmje u shoqëruan 10 persona, 6 prej të cilëve u liruan, ndërsa këtë të mërkurë u liruan edhe 4 të tjerët.

The post Hodhën molotovë drejt kryeministrisë, lirohen nga qelia 4 protestuesit e opozitës appeared first on Gazeta Si.

Nga Gazeta Si- Shumë prej nesh e hedhin modestinë tutje kur bëhet fjalë për drekën dhe darkën e Krishtlindjeve. Por çfarë i bëjnë këto vakte festive të shijshme trupit dhe trurit tonë?

Ndërkohë që ushqimi mbështet trurin tonë për të kryer shumë funksione të rëndësishme, duke përfshirë kujtesën dhe përqendrimin tonë, një dietë e ekuilibruar mund të jetë gjithashtu një mbështetje e fuqishme për shëndetin tonë mendor.

Por çfarë efektesh të menjëhershme ka ngrënia e një vakti të madh, siç është një darkë e Krishtlindjeve e plotë, në trurin tonë?

Çfarë ndodh kur hamë shumë?

Kur hamë, sinjale të ndryshme në të gjithë trupin punojnë së bashku për t’i bërë të ditur trurit tonë se jemi të ngopur, duke përfshirë hormonet e lëshuara nga zorrët dhe metabolitët (molekulat që zbërthejnë ushqimin për energji).

Këto hormone sinjalizojnë gjithashtu lirimin e insulinës nga pankreasi për të kontrolluar sheqerin në gjak. I gjithë ky proces quhet “kaskada e ngopjes”.

“Këto sinjale vijnë nga pjesë të ndryshme të zorrëve tona dhe funksionojnë në periudha kohore paksa të ndryshme”, thotë Tony Goldstone, profesor në Imperial College London dhe endokrinolog.

Kjo kaskadë hormonesh të çliruara nga zorra dhe pankreasi dhe që dërgojnë sinjale në tru mund të ketë të bëjë edhe me ndjesinë e përgjumjes që kemi pas një vakti të madh (të quajtur ‘somnolencë postprandiale’), por mekanizmat e sakta pas kësaj nuk janë kuptuar ende mirë, thotë Aaron Hengist nga Instituti Kombëtar i Shëndetit në Uashington.

Është besuar gjerësisht se kjo ndjesi, e njohur si “koma e ushqimit”, është kryesisht një efekt i gjakut që udhëton larg trurit dhe drejt stomakut. Por studimet tregojnë se rrjedha e gjakut në fakt nuk zvogëlohet pas një vakti të bollshëm.

Por duhen bërë më shumë studime për të kuptuar përgjumjen pas vaktit, thotë Hengist.

“Përgjigja e hormoneve të zorrëve është një koktej; ne nuk e dimë se cilat hormone specifike mund të shkaktojnë përgjumje në cilat qendra të trurit”, thotë ai.

A është e dëmshme të hash shumë?

Të hash shumë në raste të rralla ka çuditërisht pak efekt në metabolizmin tonë, thotë Hengist.

Në vitin 2020, ai publikoi rezultatet e një studimi që shqyrtoi se çfarë ndodh kur njerëzit hanë përtej ngopjes së rehatshme dhe kur hanë pothuajse sa të ngopen.

14 burra të shëndetshëm u ofruan vullnetarë për të ngrënë shumë pica në një vakt. Në një vizitë studimore, atyre iu kërkua të hanin derisa të ngopeshin, dhe në vizitën tjetër studimore, sa më shumë që të mundeshin. Ata hëngrën dyfishin e sasisë së picës në eksperimentin “ha sa të duash”.

Hormonet, oreksi, gjendja shpirtërore dhe përgjigjet metabolike të tyre u matën për katër orë pas vakteve të tyre. Studiuesit zbuluan se nivelet e sheqerit në gjak nuk ishin më të larta se pas një vakti normal, dhe as sasia e yndyrës në gjakun e tyre.

“U habitëm që, pavarësisht dyfishimit të marrjes së energjisë, trupi e rregulloi sheqerin në gjak jashtëzakonisht mirë”, thotë Hengist. “Zbuluam se trupi po punonte shumë për ta bërë këtë, duke sekretuar më shumë insulinë dhe hormone të ndryshme të zorrëve që ndihmojnë në çlirimin e insulinës dhe sinjalizojnë se jemi të ngopur.”

Hulumtimet tregojnë se sëmundja e mëlçisë yndyrore joalkoolike, e cila mund të shkaktohet nga një dietë me shumë yndyrë dhe shumë sheqer në planin afatgjatë, mund të çojë në më pak oksigjen në tru.

Ky studim tregon, thotë ai, se një kënaqësi e vetme nuk është aq e dëmshme sa mund të prisni.

Megjithatë, meqenëse studimi u krye vetëm tek burra të rinj të shëndetshëm, hulumtimi nuk mund të përfshihet tek popullata e përgjithshme pa studiuar më parë gratë dhe njerëzit që janë mbipeshë ose obezë, thotë Hengist.

A ka rëndësi se si po e teprojmë?

Ndërsa një seancë ngrënieje picash mund të mos jetë menjëherë e dëmshme, ka disa hulumtime që tregojnë se orët e shumta ose një ditë gostie mund të fillojnë të prishin metabolizmin dhe të ushtrojnë presion në trup, gjë që, nga ana tjetër, mund të ndikojë në tru.

Në vitin 2021, një studim që shqyrtonte ngrënien e tepërt gjatë një periudhe të zgjatur gjeti rezultate shumë të ndryshme nga studimi i Hengist mbi picën. Studimi titullohet “Studimi i tailgate”, i emëruar sipas traditës amerikane të festave para-sportive që përfshijnë ngrënien e shumë ushqimit dhe pirjen e alkoolit.

Studiuesit u përpoqën ta përsërisnin këtë traditë duke u dhënë 18 burrave mbipeshë, por të shëndetshëm, pije alkoolike dhe ushqime me shumë yndyrë dhe sheqer, duke përfshirë hamburgerë, patate të skuqura dhe ëmbëlsira, për t’i konsumuar gjatë një pasditeje. Ata hëngrën mesatarisht 5,087 kalori gjatë pesë orëve. Testet e gjakut dhe një skanim i mëlçisë zbuluan se shumica e burrave kishin rritur yndyrën në mëlçi pas vakteve të tyre.

Hulumtimet tregojnë se sëmundja e mëlçisë yndyrore joalkoolike, e cila mund të shkaktohet nga një dietë me shumë yndyrë dhe sheqer në planin afatgjatë, mund të çojë në më pak oksigjen në tru dhe inflamacion në indet e trurit, gjë që mund të rrisë rrezikun e sëmundjeve të trurit me kalimin e kohës.

“Studimi ‘tailgate’ tregon se burrat kishin çrregullime metabolike. Kur konsumonin në mënyrë pasive ushqim dhe alkool gjatë disa orëve, është shumë e vështirë për trupat e tyre ta përballojnë këtë,” thotë Hengist.

Pse një vakt i madh nuk na prek?

Evolucioni mund të ndihmojë në kuptimin e arsyes pse mund të mos jetë shumë e dëmshme të hash shumë herë pas here dhe si zorrët dhe truri ynë kanë evoluar për të komunikuar me njëri-tjetrin kur kemi nevojë të hamë.

Kur jemi të uritur, shumë gjëra hyjnë në lojë për të na shtyrë të hamë, thotë Goldstone, për shembull, humori ynë mund të ndryshojë dhe mund të ndihemi ‘të uritur’. Gjithashtu kemi më shumë gjasa të dëshirojmë ushqim me dendësi të lartë energjie.

“Nuk është e qartë se çfarë e nxit saktësisht ‘ngrënien’,” thotë Goldstone. “Por hulumtimet e vazhdueshme tregojnë se uria është një gjendje mjaft e pakëndshme, dhe ndoshta njerëzit po hanë për t’u çliruar nga kjo gjendje.”

Provat në studimet e kafshëve tregojnë sjellje të ngjashme. Studimet nxjerrin në pah se si një pjesë e qarqeve të oreksit në hipotalamus (një pjesë e trurit që kontrollon oreksin) qetësohet kur brejtësit shohin dhe nuhasin ushqimin edhe para se ta kenë ngrënë atë.

“Uria i bëri ata të kërkonin ushqim, dhe pasi e gjetën atë, kjo sjellje nuk ka nevojë të vazhdojë”, thotë Goldstone.

Shumica e këtij procesi, shton Goldstone, vazhdon në mënyrë të pavetëdijshme.

Njerëzit kanë evoluar për të gjetur mënyra për t’u përballur me urinë, sepse pa ushqim, ne do të vdisnim. Por teprica, gjatë gjithë historisë njerëzore, nuk ndodhi dhe efektet e saj janë afatgjata dhe më pak vdekjeprurëse, të paktën në afat të shkurtër, thotë Goldstone.

A ka rëndësi se çfarë po hamë tepër?

Disa studime mbi minjtë sugjerojnë se një dietë afatgjatë me kalori të larta mund të ndikojë në kujtesën dhe funksionin e të mësuarit. Por tek njerëzit, ka më pak kërkime në këtë fushë, thotë Stephanie Kullmann, studiuese.

Megjithatë, një studim jep një pasqyrë të asaj që ndodh në trurin tonë kur hamë tepër ushqim të pasur me sheqer dhe yndyrë. Nuk u reduktua plotësisht në një vakt, por zgjati pesë ditë. Megjithatë, gjetjet e saj mund të zbatohen në një masë më të vogël për periudha më të shkurtra të ngrënies së tepërt, sipas Kullmann.

18 burra të shëndetshëm hëngrën një dietë me kalori të larta për pesë ditë, konkretisht, ushqime ultra të përpunuara me shumë yndyrë dhe ushqime me shumë sheqer, përveç dietës së tyre normale (mesatarisht, ata hëngrën 1,200 kcal më shumë në ditë), ndërsa 11 të tjerë në një grup kontrolli nuk e ndryshuan dietën e tyre.

Rezultatet treguan se dieta me kalori të larta ndikoi në mënyrën se si truri iu përgjigj insulinës në zonat që ndihmojnë në uljen e reagimit të tij ndaj sinjaleve vizuale të ushqimit dhe proceseve të kujtesës. Një tru që është rezistent ndaj insulinës nuk e zvogëlon siç duhet oreksin dhe marrjen e ushqimit, sinjale që na tregojnë të ndalojmë së ngrëni kur jemi të ngopur.

“Një zbulim kyç ishte se truri ndryshon para trupit”, thotë Kullman. “Pjesëmarrësit ende peshonin njësoj, por kur pamë trurin e tyre pamë se ata ishin shumë më të lidhur ngushtë me dikë që kishte qenë obez ose mbipeshë për disa vite”, thotë ajo.

Është vërtetuar mirë se periudhat e zgjatura të të ngrënit, veçanërisht ushqimet me shumë sheqer dhe yndyrna të ngopura, nuk janë të mira për trurin. Ndërsa ka më pak studime që shqyrtojnë ndikimet e një gostie të vetme në trupin tonë, provat ekzistuese sugjerojnë se nuk është e dëmshme për trurin tonë.

The post Çfarë i bën trurit një vakt i madh festiv? appeared first on Gazeta Si.

Nga Gazeta ‘Si’- Kryetari i Partisë Demokratike, Sali Berisha ka publikuar prova që sipas tij vërtetojnë në datën 15 dhjetor, Ergys Agasi ka qenë në shtëpinë e Edi Ramës në Surrel.

Berisha në një deklaratë për mediat tha se “Surreli është zonë krimi”, pasi sipas tij çdo tullë në shtëpinë e kryeministrit është e vjedhur.

“Shihni pak këtu gjobat. Vendi i gjobës së targës 444AA është atje ku duhet, ngjitur me shtëpinë e Edi Ramës. Ka lënë makinën aty dhe është futur me një mjet tjetër ose në këmbë. Çfarë donte ky tek Elda Gas?
Ka lënë makinën… Ka paguar 20 mijë lekë gjobë, kamatë nuk ka fare.

Është kapur në zonën e krimit. Surreli është zonë krimi, sepse çdo tullë është vendosur në vjedhje, e kanë paguar qytetarët shqiptarë. Çdo metër katror aty është e vjedhur ndaj dhe opozita e ka shpallur atë zonë krimi. Ky tani…ja ku është dëshmia. Ka lënë makinën aty. Ja morën apo jo me karotrec këtë nuk do ta them, por aty nuk mund të parkojë askush”, tha Berisha.

Sipas tij, dosja e AKSHI-t është një dosje e zezë. Ai tha se është alarmuese se Ergys Agasi është futur në 15 shtator me 1 mijë euro dhe ka dalë në dhjetor me 234 milionë euro.

“Intim-Agasi, ta quajmë këtë mafioz për ta kuptuar njerëzit më mirë se çfarë ka ndodhur. Pra, ky Intim-Agasi ka vënë aty 1 mijë euro dhe ka dalë në dhjetor me 22 milionë herë më shumë.

A mund të kuptohet kjo? A mund të ndodhë kund në botë kjo përveçse me Intim-Agasin? Të gjitha këto para të vjedhura qytetarëve shqiptarë në kopshtin privat të Edi Ramës, për Edi Ramën”, tha ai.

The post Berisha nxjerr foton: Agasi ka qenë në shtëpinë e Ramës. Surreli, zonë krimi appeared first on Gazeta Si.

Nga Gazeta ‘Si’– Kreu i PD Sali Berisha paralajmëroi kryeministrin Rama se opozita do ta çojë para drejtësisë.

Sipas Berishës, me anë të protetestave të qëndrueshme të opozitës, Rama do rrëzohet nga pushteti.

Referuar tij, Belinda Balluku bashkë me Ergys Agasin janë mafia, me të cilën sipas tij, është i lidhur Rama.

“Siç del qartë, Edi Rama, i ngërthyer tani kokë e këmbë nga mafia e tij, Lubi Balluku, Ergys Agasi, Olta Xhaçka, Taulant Balla, etj, në një vendim in-ekstremis, ka vendosur të asgjësojë, të bllokojë zbatimin e ligjit dhe të vendimit të prokurorisë dhe gjykatave.

Ai del haptas kundër heqjes së imuniteteve dhe arrestimit të kriminelëve, të kryetarëve të organizatave kriminale, Lubi Balluku është me të gjithë të dhënat e veta kryetare e një organizate të strukturuar kriminale. Por problemi në këtë rast është se kapo i kapove është Edi Rama.

Dhe ai e ka shumë të qartë. Ai është skllav i krimeve të veta” tha Berisha.

Ai i garantoi qytetarët se opozita do punojë për të bindur qytetarët në një revoltë paqësore për të larguar nga skena regjimin më të urryer sipas tij.

The post Berisha: Balluku dhe Agasi, mafia e lidhur me Ramën! Protesta derisa të rrëzojmë qeverinë appeared first on Gazeta Si.

Gazeta Si – Rreth dy vite pas përfundimit të hetimeve nga SPAK për mjekun Edvin Prifti, Gjykata e Posaçme vendosi këtë të mërkurë të kalojë çështjen në proces gjyqësor.

Prokuroria e Posaçme ka ngritur ndaj Priftit akuzat, “korrupsion pasiv kryer në 7 raste”, “vjedhje duke shpërdoruar detyrën”, “pastrim parash” dhe “fshehje të ardhurash”.

Sipas hetimeve, është ngritur dyshimi i arsyeshëm se Edvin Prifti në 7 raste ka marrë përfitim të parregullt në shuma monetare nga pacientët e operuar pranë Pavionit të Kardiokirurgjisë në Qendrën Spitalore Universitare “Nënë Tereza”.

Në një nga rastet, Prifti dyshohet se mori ryshfet për të operuar pa radhë nënën e një zyrtareje të Gjykatës së Krujës.

Prokurorët e SPAK pas rreth 5 vite hetimesh, thirrën mjekun dhe i komunikuan zyrtarisht akuzën. Prifti doli në përgjime në dosjen e ish-gjyqtares së Krujës, Enkelejda Hoxha, teksa fliste me një nga punonjësit e gjykatës.

Sipas përgjimeve, Prifti dyshohet se mori ryshfet për të operuara pa radhë nënën e ish-kryesekretares së Gjykatës së Krujës, Manuela Mallakuçi.

Më herët, SPAK po ashtu i ka bllokuar edhe disa llogari bankare, në të cilat u konstuan shuma të mëdha parash dhe euro. Pavarësisht se ai ka bërë një betejë të gjatë për zhbllokimin e tyre, kërkesat e mjekut janë rrëzuar nga gjykatat.

Në shtëpinë dhe zyrën e mjekut, me detyrë kardiokirurg në Qendrën Spitalore Universitare “Nënë Tereza”, u gjetën në total 250 mijë euro dhe 16 milionë lekë.

Agjentët e Byrosë Kombëtare të Hetimit, kanë kryer një hetim të thelluar për pasuritë e kardiokirurgut Priftit dhe subjekteve tregtare të krijuara prej tij.

Dyshohet se mjeku nëpërmjet disa faturave fiktive ka krijuar një skemë për të shmangur detyrimet tatimore.

Nga verifikimet e llogarive bankare të Edvin Priftit apo personave fizik të regjistruar në emër të tij, dyshohet se mjeku kryente depozitime cash në llogari bankare të hapura në banka të ndryshme të nivelit të dytë.

E vetmja betejë që ka fituar Edvin Prifti me drejtësinë pas gati 5 vitesh, lidhet me të drejtën për të ushtruar profesionin e tij të kardiokirurgut.

The post Dyshohet se u pagua për 7 ndërhyrje në zemër, shkon në gjyq dosja ndaj mjekut Edvin Prifti appeared first on Gazeta Si.

Nga Gazeta ‘Si’- Presidenti Volodymyr Zelensky paraqiti për herë të parë pikat kryesore të një kuadri paraprak të një propozimi paqeje me 20 pika, të diskutuar mes Ukrainës dhe Shteteve të Bashkuara, për të cilin ai tha se mund të shërbejë si bazë për marrëveshje të ardhshme për t’i dhënë fund luftës me Rusinë.

Pas javësh bisedimesh për të modifikuar një draft të mëparshëm me 28 pika, i cili shihej si mbështetës i shumë prej kërkesave kryesore të Rusisë, Zelensky tha se shumica e qëndrimeve janë afruar ndjeshëm.

Megjithatë, Ukraina dhe Shtetet e Bashkuara ende nuk kanë arritur konsensus për dy pika kryesore: kontrollin e territorit dhe centralin bërthamor të Zaporizhjës. Zelensky bëri thirrje për bisedime me presidentin amerikan Donald Trump për t’i zgjidhur këto çështje.

Më poshtë janë pikat e draft-propozimit, ashtu siç u paraqitën nga Zelensky dhe u shpërndanë nga zyra e tij të mërkurën:

-Sovraniteti i Ukrainës do të rikonfirmohet.

-Kjo pikë parashikon një marrëveshje të plotë dhe të pakontestueshme mosagresioni mes Rusisë dhe Ukrainës. Ajo specifikon se, për të garantuar paqe afatgjatë, do të krijohet një mekanizëm monitorimi për mbikëqyrjen e vijës së kontaktit përmes mjeteve pa pilot dhe monitorimit nga hapësira, për të siguruar njoftim të hershëm për shkeljet dhe për zgjidhjen e konflikteve.

-Ukraina do të marrë garanci të forta sigurie.

-Ukraina do t’i mbajë forcat e saj të armatosura në nivelin aktual prej 800.000 personash. Drafti i mëparshëm amerikan parashikonte zvogëlimin e madhësisë së ushtrisë ukrainase.

-Shtetet e Bashkuara, NATO dhe vendet evropiane do t’i ofrojnë Ukrainës garanci sigurie që pasqyrojnë Nenin 5, klauzolën e mbrojtjes së ndërsjellë të traktatit themelues të NATO-s.

-Rusia do të formalizojë një politikë mosagresioni ndaj Evropës dhe Ukrainës në të gjitha ligjet dhe dokumentet e nevojshme për ratifikim, përfshirë miratimin me shumicë dërrmuese votash në Dumën e Shtetit.

-Ukraina do të bëhet anëtare e Bashkimit Evropian në një datë të përcaktuar qartë. Ukraina do të përfitojë gjithashtu akses preferencial afatshkurtër në tregun evropian.

-Ukraina do të marrë një paketë të fuqishme globale zhvillimi, e cila do të përcaktohet në një marrëveshje të veçantë për investimet dhe prosperitetin e ardhshëm.

-Do të krijohen disa fonde për të adresuar rimëkëmbjen ekonomike, rindërtimin e zonave dhe rajoneve të dëmtuara dhe çështjet humanitare. Objektivi do të jetë mobilizimi i 800 miliardë dollarëve për ta ndihmuar Ukrainën të realizojë plotësisht potencialin e saj.

-Ukraina do të përshpejtojë procesin e përfundimit të një marrëveshjeje të tregtisë së lirë me Shtetet e Bashkuara. Zelensky tha se qëndrimi amerikan është se, nëse Uashingtoni do t’i japë Ukrainës akses në tregti të lirë, synon t’i ofrojë kushte të ngjashme edhe Rusisë.

-Ukraina do të konfirmojë se do të mbetet një shtet jo-bërthamor, në përputhje me Traktatin për Mospërhapjen e Armëve Bërthamore.

-Centrali bërthamor i Zaporizhjës: Zelensky tha se ende nuk është arritur marrëveshje me Shtetet e Bashkuara për çështjen e centralit më të madh bërthamor të Evropës, i cili ndodhet pranë vijës së frontit në territor aktualisht të kontrolluar nga forcat ruse. Sipas Zelenskyt, propozimi amerikan parashikon që centrali të operohet bashkërisht nga Ukraina, Shtetet e Bashkuara dhe Rusia, secila me pjesë të barabarta në një ndërmarrje të përbashkët, me amerikanët si menaxherë kryesorë. Propozimi i Kievit është që centrali të operohet nga një ndërmarrje e përbashkët 50-50 vetëm mes Shteteve të Bashkuara dhe Ukrainës, ku Ukraina do të merrte gjysmën e energjisë së prodhuar dhe SHBA do të shpërndante në mënyrë të pavarur gjysmën tjetër.

-Ukraina dhe Rusia angazhohen të zbatojnë programe arsimore në shkolla dhe në shoqëri që promovojnë mirëkuptimin dhe tolerancën ndaj kulturave të ndryshme dhe eliminojnë racizmin dhe paragjykimet. Ukraina do të zbatojë rregullat e Bashkimit Evropian për tolerancën fetare dhe mbrojtjen e gjuhëve të pakicave.

Territori: Zelensky tha se kjo është pika më komplekse dhe ende e pazgjidhur. Rusia kërkon që Ukraina të tërheqë trupat nga territoret që ende kontrollon në rajonin lindor të Donetskut. Kievi dëshiron që luftimet të ndalen në vijat aktuale të frontit. Uashingtoni ka propozuar zona të çmilitarizuara dhe një zonë të lirë ekonomike në pjesën e rajonit të Donetskut që kontrollohet nga Kievi.

-Pas arritjes së një marrëveshjeje për rregullimet territoriale të ardhshme, si Rusia ashtu edhe Ukraina angazhohen të mos i ndryshojnë këto marrëveshje me forcë.

-Rusia nuk do ta pengojë Ukrainën të përdorë lumin Dnipro dhe Detin e Zi për qëllime tregtare. Do të lidhen marrëveshje të veçanta detare dhe për akses, që mbulojnë lirinë e lundrimit dhe transportit. Gadishulli Kinburn, përgjatë daljes së Dnipros në det, do të çmilitarizohet.

-Do të krijohet një komitet humanitar për të zgjidhur çështjet e mbetura:
a) Të gjithë të burgosurit e luftës të mbetur do të shkëmbehen sipas parimit “Të gjithë për të gjithë”.
b) Të gjithë të ndaluarit civilë dhe pengjet do të kthehen, përfshirë fëmijët.
c) Do të merren masa për të adresuar vuajtjet e viktimave të konfliktit.

-Ukraina duhet të mbajë zgjedhje sa më shpejt të jetë e mundur pas nënshkrimit të marrëveshjes.

-Kjo marrëveshje do të jetë ligjërisht detyruese. Zbatimi i saj do të monitorohet dhe garantohet nga një Këshill Paqeje, i kryesuar nga presidenti Trump. Ukraina, Evropa, NATO, Rusia dhe Shtetet e Bashkuara do të jenë pjesë e këtij mekanizmi. Në rast shkeljesh, do të aplikohen sanksione.

-Sapo të gjitha palët të bien dakord për këtë marrëveshje, një armëpushim i plotë do të hyjë menjëherë në fuqi.

The post Zelensky publikon planin e paqes me 20 pika- Çështjet që mbeten nyje appeared first on Gazeta Si.

Nga Gazeta ‘SI’ – Shifrat e fundit zyrtare tregojnë se modeli i rritjes së ekonomisë së Shqipërisë po vihet në provë.

Sipas INSTAT, gjate periudhës së verës, pra qershor-korrik, konsumi i popullatës, i cili përbën peshën kryesore të shpenzimeve në ekonomi shënoi rënie prej 0.97%. Një vit më parë ky tregues ishte me rritje 0.83%. Në rënie po ashtu raportohet konsumi i qeverisë, 0.98% kur një vit më parë u rrit me 6.8%.

Rënia e konsumit final në zemër të sezonit veror është një “flamur i kuq”, duke konsideruar dhe faktin që tregtia dhe shërbimet e konsumit janë shtylla e dytë më e rëndësishme e ekonomisë së vendit, pas administratës publike. Dobësimi i konsumit final të familjeve është veçanërisht shqetësues, pasi ky tregues përfshin të gjitha mallrat dhe shërbimet e përdorura drejtpërdrejt për të përmbushur nevojat individuale të familjeve rezidente. Paralelisht, rënia e konsumit final të administratës publike dhe institucioneve jofitimprurëse, që përfshin shërbimet jotregtare në funksion të komunitetit, tregon një ngadalësim më të gjerë të shpenzimeve në ekonomi.

Konkretisht, gjatë periudhës, administrata dhe tregtia+shërbimet e ushqimit dhe akomodimit, kontribuan e 1.7 p.p dhe 0.62 p.p në PBB.

Matur sipas ecurisë, administrata ka kryesuar rritjen, me 15%, ndjekur nga tregu imobiliar me 10.55% dhe tregu i informacionit e komunikimit me 10.4%. Ndërtimi shënoi një rritje me 4.75%. Shërbimet dhe tregtia u rritën me vetëm 2.6%, ndërsa grupi i aktiviteteve industri, energji dhe ujë shënuan rënie prej 4.75 % dhe bujqësia e  peshkimi u ul me 1.73 %.Gjatë së njëjtës periudhë,

Konsumi final i familjeve: Llogarit të gjitha mallrat dhe shërbimet që përdoren direkt për të plotësuar kërkesat individuale të familjeve rezidente. Konsumi final i administratës publike dhe Institucioneve jo fitim prurëse: Përmban vlerën e shërbimeve jotregtare të kryera nga administrata publike dhe nga institucionet jofitimprurëse në përfitim të komuniteteve ose grupe familjesh.

The post Fati i ekonomisë së vendit në ‘dorë’ të administratës. Zhgënjen turizmi appeared first on Gazeta Si.

Gazeta Si – Një 30-vjeçar u arrestua gjatë një operacioni antidrogë të koduar “Black Scale” në Gjirokastër, ku u sekuestrua rreth 51 kg kanabis sativa, të ndarë në 48 pako, të cilat dyshohet se do të trafikoheshin drejt Greqisë.

Policia thotë se në pranga ka rënë N.P., banues në fshatin Rusan, Delvinë, i cili transportonte lëndën narkotike të fshehur në një hapësirë të improvizuar tek shasia e automjetit tip “Nissan”.

Policia identifikoi edhe tre persona të tjerë, bashkëpunëtorë të 30-vjeçarit, të cilët i ka shpallur në kërkim. Njëri prej tyre është vëllai i të arrestuarit, ndërsa dy të tjerët dyshohet se kanë pasur role organizatore dhe ndihmëse.

Gjatë operacionit, përveç lëndës narkotike, u sekuestruan automjeti tip “Nissan” dhe tre celularë të të arrestuarit. Hetimet vazhdojnë për kapjen e tre personave të shpallur në kërkim dhe për dokumentimin e përgjegjësisë penale të të gjithë të përfshirëve.

The post Trafik droge drejt Greqisë, kapen 51 kg kanabis në Gjirokastër appeared first on Gazeta Si.

Nga Gazeta Si- Kryepeshkop Joani ka përcjellë një mesazh urimi për të gjithë besimtarët me rastin e Festës së Krishtlindjes. Ai thotë se festa e Krishtlindjes nuk ka të bëjë vetëm me lindjen e një mësuesi, profeti apo ligjvënësi por vjen si një rreze shprese, ngushëllimi e paqeje për këdo.

“Është detyra e çdo të krishteri ta përhapë dhe ta bashkëndajë këtë dritë me të gjithë botën, sepse vetëm duke e ndarë atë me të tjerët, drita mund të ruhet dhe të rritet, përndryshe ajo do të zbehet dhe përfundimisht do të zhduket. Tani, më shumë se kurrë, bota ka nevojë për dritën e Krishtit. Është e nevojshme, sepse një jetë pa praninë e Zotit bëhet e mjerueshme, kthehet në një jetë pa dashuri, pa gëzim, pa dritë: një jetë në errësirë”, thotë Kryepeshkop Joani në mesazhin e tij, duke shtuar se vetëm prania e Tij mund të ndriçojë zemrat dhe shpirtrat tanë dhe mund t’i japë jetës sonë dritë e gëzim.

Për të festuar shpirtërisht Lindjen Krishtit, Kryepeshkopi bën thirrje që të kujdesemi për të tjerët gjatë këtyre ditëve festive, të përjetojmë më thellë shenjtërinë dhe madhështinë e kësaj dhurate hyjnore.

“Këtë mund ta realizojmë duke e pastruar zemrën tonë nga çdo ligësi dhe duke e mbushur atë me dashuri dhe përulësi ndaj të gjithë njerëzve, sidomos ndaj atyre që janë në nevojë, në varfëri, në sëmundje, në dëshpërim dhe në vetmi”.

The post Kryepeshkop Joani mesazh besimtarëve: Tani, më shumë se kurrë, bota ka nevojë për dritën e Krishtit appeared first on Gazeta Si.

Nga Gazeta ‘Si’- Kurti ka qenë në detyrë që nga viti 2021 dhe marrëveshjet e mëparshme të nënshkruara me Serbinë e cila nuk e njeh pavarësinë e ish-provincës së saj — ende nuk janë respektuar.

“Ne duhet të normalizojmë marrëdhëniet me Serbinë”, tha Kurti. “Por normalizimi i marrëdhënieve me një regjim autoritar fqinj që nuk të njeh, që gjithashtu nuk i pranon krimet e kryera gjatë luftës, është mjaft i vështirë”, shtoi ai.

Tensionet midis dy fqinjëve janë rregullisht të larta, dhe trazirat e ripërtërira do t’i jepnin Rusisë mjetet për të destabilizuar vendin e tij.

“Ne kemi një marrëveshje normalizimi”, tha Kurti, duke iu referuar marrëveshjes së nënshkruar nën kujdesin e Bashkimit Europian në vitin 2023.

“Ne duhet ta zbatojmë atë, që nënkupton njohje të ndërsjellë midis vendeve, të paktën njohje de facto.”

Por për të rifilluar dialogun, Serbia “duhet të dorëzojë Milan Radoiçiçin”, një serb të akuzuar për komplotimin e një sulmi në veri të Kosovës në vitin 2023, pohoi Kurti, duke shpresuar se “BE-ja, Franca dhe Gjermania do të ushtrojnë presion” mbi Beogradin që ta bëjë këtë.

Hija ruse dhe marrëdhëniet me SHBA-në

Hija e Rusisë qëndron edhe mbi marrëdhëniet me Serbinë, e cila nuk i ka ndërprerë kurrë lidhjet me Moskën dhe nga e cila varet për nevojat e saj energjetike.

“Ka shumë lidhje” midis dy vendeve, tha Kurti, dhe nëse Rusia do të vendoste të destabilizonte rajonin, “në marshimin e saj drejt Europës Perëndimore, ajo mund të mbështetet te Serbia si aleate. Dhe kjo është shqetësuese për vendin tonë. Por ne po punojmë me partnerët tanë për ta parandaluar këtë të ndodhë.”

Kosova, e cila shpreson të anëtarësohet në NATO, ka kultivuar gjithashtu marrëdhënie me Uashingtonin në muajt e fundit, duke hequr tarifat për produktet amerikane dhe duke rënë dakord të pranojë deri në 50 emigrantë nga vendet e treta të ekstraduar nga Shtetet e Bashkuara. Deri më tani, vetëm një ka mbërritur.

“Ne nuk po kërkojmë asnjë ndihmë financiare në këmbim”, theksoi Kurti. “Ne po e bëjmë këtë për të ndihmuar Shtetet e Bashkuara, të cilat janë një partner, një aleat, një mik”, shtoi kryeministri, i cili nuk përjashtoi arritjen e marrëveshjeve të ngjashme me vendet europiane.

I paaftë për të siguruar vende të mjaftueshme në zgjedhjet parlamentare të shkurtit 2025, Albin Kurti u detyrua të shpallte zgjedhje të parakohshme të dielën, pas 10 muajsh bllokimi politik gjatë të cilit parlamenti i ndarë dështoi të formonte një koalicion.

“Na duhet një fitore vendimtare. Në shkurt, fituam 42.3 përqind, dhe këtë herë duam të tejkalojmë 50 përqind,” tha ai.

Burimi: AFP/Përshtati Gazeta Si

The post Kurti: Serbia, hija e Rusisë që mund të destabilizojë rajonin appeared first on Gazeta Si.

Nga Gazeta Si- Kisha Katolike ka uruar besimtarët për festën e Krishtlindjes. Të gjithë së bashku, Ipeshkvët kanë përcjellë një mesazh paqeje, shprese dhe dashurie.

“Këtë urim Krishtlindjesh duam t’ua bëjmë bashkërisht ne ipeshkvët e Shqipërisë. Do të kishim dashur që në këtë urim të ishte pjesë dhe imzot Simon Kulli, ipeshkvi i Safës, por jemi të sigurt së ai na i uron nga qielli dhe lutet për ne. Secili nga ne ka një fjalë për t’iu drejtuar popullit të zotit që është në Shqipëri, Zoti ju bekoftë të gjithëve”, thotë Imzot Gjergj Meta.

Më tej, Imzot Giovanne Peragine thotë se Krishtlindja na kujton që zoti është pranë nesh.

“Ai bëhet veçanërisht i pranishëm atje ku ka vështirësi, pasiguri dhe vuajtje. Kremtimi I krishtlindjes është të ndiesh praninë e zotit. Mos mendoni vetëm për vetveten, jo vetëm të marrim por mbi të gjitha të japim, jo të fitojmë gjithçka për vete, por të hapim dyert e zemrave ndaj të tjerëve”, thotë ai.

Më tej, Imzot Arjan Dodaj thotë se Krishtlindja është dalja nga errësira dhe populli ynë ka dalë nga fryma e errët e çdo distance e çdo mungese shprese.

“Të begatojmë familjet tona, të pranojmë me lutje e gëzim atë që po vjen. Ndryshoni dhe kthehuni tek unë thotë zoti. Nëse ne nuk jemi njerëzit e paqes si mund të themi e duam zotin nëse nuk jemi të gatshëm të falim atë që na bën një ofendim”, uron Imzot Ottavio Vitale.

Për çdo 25 dhjetor, besimtarët e krishterë festojnë lindjen e Jezus Krishtit, një datë që kremtohet me familjen e bashkuar në lutje, dashuri dhe paqe. Krishtlindja sjell mesazhin e shpresës dhe të dritës.

The post Kisha Katolike uron besimtarët për festën e Krishtlindjes: Zoti ju bekoftë të gjithëve! appeared first on Gazeta Si.