Protesta gjithëkombëtare e paralajmëruar për të premten, më 17 tetor, në Tiranë, e thirrur nga përfaqësues të kategorive të dala nga lufta e Ushtrisë Çlirimtare të Kosovës, po gjen gjithnjë e më shumë mbështetje publike në mbarë hapësirën shqiptare.

Endriti Thaçi, djali i ish-presidentit të Kosovës, Hashim Thaçi, ka reaguar në rrjetet sociale, duke shpërndarë thirrjen për pjesëmarrje në protestë.

“A jeni gati?”, shkruan ai në një postim në Instagram.

Thaçi i ka bërë apel për pjesëmarrje masive nga të gjitha trojet shqiptare, duke e cilësuar protestën si një akt të domosdoshëm në kërkim të drejtësisë për udhëheqësit e UÇK-së.

Në mbështetje të kësaj proteste janë rreshtuar edhe “Dardanët”, grupi i njohur i tifozëve të përfaqësueses së Kosovës.

Në një deklaratë publike, ata theksojnë se tubimi është një reagim i drejtë dhe i nevojshëm ndaj padrejtësive që po u bëhen atyre që, sipas tyre, “luftuan për liri, jo për krim”.

“Kërkojmë drejtësi të vërtetë, jo barazi fiktive me kriminelët shovinistë serbë. UÇK-ja nuk ka kryer krime lufte – adresa e vetme e krimeve është Beogradi famëkeq”, thuhet në deklaratën e tyre.

Protesta do të zhvillohet në sheshin “Skënderbej” në Tiranë, duke filluar nga ora 17:00. Pritet pjesëmarrja e figurave të njohura politike dhe publike, përfshirë kryeministrin e Shqipërisë Edi Rama, ish-presidentin Alfred Moisiu, si dhe liderin e shqiptarëve në Maqedoninë e Veriut, Ali Ahmeti. /Telegrafi/

Kryeministri i vendit, Albin Kurti ka përkujtuar 28 vjetorin e protestës masive të studentëve më 1 tetor 1997.

Kurti përmes një postimi në rrjetin social në Facebook ka shkruar se atë ditë pas gjashtë vitesh të kaluara pa protesta dhe demostrata, mijëra qytetarë të Kosovës iu bashkuan protestës paqësore të thirrur nga Unioni i Pavarur i Studentëve të Universitetit të Prishtinës.

“Si sot, 28 vite më parë, mijëra njerëz nga e tërë Kosova, u bënë bashkë në një nga demostrimet më masive të vullnetit politik të shqiptarëve në historinë moderne të Kosovës. Atë ditë, më 1 tetor 1997, pas gjashtë vitesh të kaluara pa protesta dhe demostrata, mijëra qytetarë të Kosovës iu bashkuan protestës paqësore të thirrur nga Unioni i Pavarur i Studentëve të Universitetit të Prishtinës (UPSUP), kundër shtypjes, dhunës dhe segregimit të shtetit të Serbisë ndaj shqiptarëve në Kosovë”, ka thënë ai.

Po ashtu Kurti kujtoi se si studentët më 1 tetor 1997 ishin të veshur me këmisha të bardha me stemën e Universitetit të Prishtinës dhe me parulla në duar bërnin thirrje për t’u kthyer në hapësirat e fakulteteve të UP-së.

“Mijëra studentë dhe profesorë universitarë bashkë me qytetarë nga të gjitha anët e Kosovës, me parulla në duar me thirrje për t’u kthyer në hapësirat e fakulteteve të UP-së, kundër shkeljeve të lirive dhe dhunimit të të drejtave të njeriut mbi baza etnike, u nisën nga lagjja Velania për në kampusin e UP-së. Por vetëm disa qindra metra më poshtë, policia dhe punëtorët e sigurimit të fshehtë të Serbisë, ndërhynë dhunshëm ndaj protestuesve paqësorë, duke i rrahur dhe arrestuar shumë prej tyre. Përmes objektivave të kamerave të dhjetëra mediave ndërkombëtare, pamjet e protestës së 1 tetorit 1997, e kthyen Kosovën në një top lajm në mediat botërore. Me rektorin Ejup Statovci në ballë, krah për krah me shokët dhe shoqet studentë nga të gjitha fakultetet, atë ditë u kthyem në një trupë politike të admirueshme dhe të mbështetur nga pothuajse e tërë Kosova”, ka shkruar Kurti.

Ai po ashtu ka shkruar: "Protestat studentore të kthyera në demonstratat popullore, i paraprinë dhe iu bashkëngjitën luftës së drejtë të Ushtrisë Çlirimtare të Kosovës që pasoi nga fundi i vitit 1997 deri në çlirimin e Kosovës në qershor të vitit 1999". /Telegrafi/

Trazirat shpërthyen në Milano gjatë protestës së sotme për Gazën, duke u përshkallëzuar në stacionin qendror, ku një grup protestuesish u përplasën me policinë.

Të rinj të veshur me të zeza u përpoqën të hynin me forcë në stacionin e metrosë, duke shkatërruar hyrjen e stacionit dhe duke lënduar dhjetëra njerëz.

Për shkak të kaosit, trenat u devijuan nga stacioni qendror për më shumë se një orë, raporton la Repubblica.

Rreth gjashtëdhjetë anëtarë të forcave të sigurisë u plagosën në përleshje, 23 prej të cilëve u dërguan në spital, ndërsa dhjetëra protestuesish u ndaluan.

Ambulancat trajtuan gjithashtu dymbëdhjetë pjesëmarrës në marshim, të moshës midis 23 dhe 54 vjeç, transmeton Telegrafi.

Grupi i dhunshëm, i cili numëronte rreth njëqind persona, përdori një fikës zjarri dhe ngriti kosha plehrash si barrikada, duke vazhduar të hidhte shishe dhe kanaçe drejt policisë.

Ata kishin tentuar më parë të hynin në metro, por policia i bllokoi në shkallët lëvizëse duke përdorur shkopinj.

U qëlluan disa bomba tymi dhe protestuesit përdorën skela për të shkatërruar një mur xhami në hyrjen kryesore të stacionit.

Policia më në fund arriti t'i shtyjë protestuesit jashtë stacionit, pas së cilës ata vazhduan të hidhnin çadra, shkopinj, gurë dhe pjesë të inventarit të qytetit ndaj oficerëve përgjatë rrugës Vittor Pisani.

"Vandalizmi i sotëm, i shkaktuar nga grupe të dhunshme, nuk ka asnjë justifikim dhe sigurisht nuk e ndihmon kauzën e Gazës", komentoi kryebashkiaku i Milanos, Giuseppe Sala.

Në javët e fundit, Milano ka parë demonstrata me pjesëmarrje të gjerë në mbrojtje të kauzës palestineze, gjithmonë në mënyrë paqësore. Tani - thotë kryebashkiaku - autorët duhet të identifikohen menjëherë. /Telegrafi/

Franca u zhyt në kaos rrugësh këtë mëngjes, ndërsa një fushatë antiqeveritare me greva dhe protesta "Blloko gjithçka" nisi në të gjithë vendin.

Ministri i Brendshëm njoftoi gati 200 arrestime në orët e para, ndërsa u bënë përpjekje për të prishur lidhjet kryesore të transportit, përfshirë qendrën e Eurostar në Gare du Nord.

"Shumica e atyre që u morën në paraburgim po kërcënonin rendin publik", tha një zëdhënës i policisë në kryeqytetin francez.

"Shumë të tjerë pritet të mblidhen ndërsa dita përparon", tha ndër tjera, transmeton Telegrafi

Grupe protestuesish u përpoqën vazhdimisht të bllokonin rrugën unazore të Parisit gjatë orës së pikut të mëngjesit të mërkurën.

Ata ngritën barrikada dhe hodhën objekte drejt oficerëve të policisë, bllokuan dhe ngadalësuan trafikun dhe kryen veprime të tjera proteste.

Ndërkohë, protestues të veshur me maska dhe bluza me kapuç, mund të shiheshin duke u përpjekur të ngrinin barrikada dhe të bllokonin kryqëzimet rrugore në qytete duke përfshirë Bordeaux dhe Marseilleau.

Ministri i Brendshëm, Bruno Retailleau tha se një autobus u vu në flakë në qytetin perëndimor të Rennes dhe se dëmtimi i një linje elektrike bllokoi trenat në një linjë në jugperëndim.

Ai pretendoi se protestuesit po përpiqeshin të krijonin "një klimë kryengritjeje".

Kryengritja ndodhi më pak se 24 orë pasi presidenti Emmanuel Macron emëroi kryeministrin e tij të shtatë në më pak se nëntë vjet.

Sebastien Lecornu është zotuar të bëjë një punë më të mirë se paraardhësi i tij i menjëhershëm, Francois Bayrou, i cili u detyrua të largohej nga një votim besimi i vetëimponuar në parlamentin francez të hënën në mbrëmje.

Bayrou në fund të fundit u largua sepse donte të shkurtonte ekuivalentin e rreth 35 miliardë funteve nga shpenzimet publike, sepse borxhi kombëtar është aktualisht 114% e GDP-së.

Ai donte konkretisht të shkurtonte dy festa zyrtare dhe të ngrinte pensionet dhe pagesat e ndihmës sociale, ndërsa linte mijëra nëpunës civilë të papunë.

Lecornu është i vendosur të ndërtojë një shumicë në Asamblenë Kombëtare për të çuar përpara të njëjtin buxhet shtrëngues të miratuar nga Macron, dhe kjo ka zemëruar miliona njerëz.

Rreth 80,000 policë dhe xhandarë janë vendosur në të gjithë Francën për t'u marrë me fushatën "Blloko Gjithçka".

Lëvizja protestë bazohet në mediat sociale dhe mbështetet nga CGT (Konfederata e Punëtorëve të Përgjithshëm), sindikata më e madhe tregtare në vend.

Ata gjithashtu synojnë të bllokojnë depot e karburantit, të zhvillojnë operacione ngadalësimi në rrugë dhe të demonstrojnë në qendrat e qyteteve dhe qytezave.

Disa mesazhe online madje i kanë inkurajuar njerëzit të shkojnë në supermarkete, të mbushin çantat e tyre me ushqime dhe pastaj të largohen pa paguar. /Telegrafi/

Organizata e Veteranëve të Luftës së Ushtrisë Çlirimtare të Kosovës (OVL-UÇK) ka bërë të ditur se më 14 shtator, në ora 14:00, do të organizojë një protestë në qytetin e Hagës, aty ku po zhvillohet gjykimi ndaj ish-krerëve të UÇK-së.

Nënkryetari i OVL-UÇK-së, Gazmend Syla, në një intervistë për Ekonomia Online ka deklaruar se organizimi është në fazën përfundimtare dhe interesimi për pjesëmarrje është i madh, si nga Kosova ashtu edhe nga diaspora.

Ai theksoi se lejet për protestën janë marrë nga autoritetet holandeze dhe se gjithçka është gati.

“Organizimi po ndodh shumë mirë, jemi në fazën përfundimtare. E kemi pasur shumë bashkëluftëtarë tanë që kanë qenë të interesuar për të shkuar me autobus të marrin pjesë në protestë. Disa na kanë ndihmuar me përkujdesjen e autobusëve. Diku do të jenë pesë autobusë që do të nisen nga Kosova dhe do të bëjmë rrugën për në Shqipëri, target nga Italia pastaj në Holandë, për shkak se frigohen të kalojnë në vendet tjera, për faktin që në Serbi kujdesen me na vu në listat e Interpolit që të mos na dalin probleme, kalojmë nga Shqipëria. Organizimi në diasporë po shkon si më së miri, ka interesim nga Gjermania, Zvicra, deri tek Australia dhe Amerika. Jemi në fazën finale, me autoritetet holandeze kemi përfunduar të gjitha procedurat e lejes. Gjithçka sa i përket mirëmbajtjes ka përfunduar, vetëm po presim pjesëmarrjen në protestë”, ka deklaruar Syla.

Sipas tij, protesta do të mbahet një ditë para paraqitjes së një dëshmitari amerikan në gjykatë, si shenjë përkrahjeje për ish-bashkëluftëtarët dhe një mesazh për Gjykatën Speciale dhe bashkësinë ndërkombëtare.

“Ideja ka qenë ajo ditë, për shkak se dëshmitari amerikan do të jetë menjëherë në ditën e nesërme. Kjo është një lloj mbështetjeje bashkëluftëtarëve tanë, që ne jemi me ju. I gëzohemi faktit që dëshmitari është amerikan. Mesazhi jonë kryesor është për Gjykatën Speciale dhe Bashkësinë Ndërkombëtare – jo në emrin tim – pra, populli jonë i thotë kësaj gjykate që nuk mundeni me marrë vendime në emrin tonë, sepse ka ndryshuar gjithçka përmbajtja e kësaj gjykate dhe misioni i saj. Për shkak se ka devijuar misionin e saj, nuk mundet me vendos në emër të popullit. Gjithmonë po shkon të rritet numri i organizatorëve që do të merren me protestën. Do të jetë madhështore, sepse interesimi është shumë i madh”, tha ai për EO.

The post Protesta në Hagë, OVL-UÇK: Gjithçka gati – mbi pesë autobusë do të nisen nga Kosova appeared first on Telegrafi.

Një oficer policie në Serbi goditi një grua para zyrës së SNS-së në Vraçar të Beogradit, pasi qytetarët e pakënaqur u mblodhën me thirrjen e studentëve dhe tubimeve pas skenave brutale të dhunës në protestat në Baçka Palanka dhe Vrbas, kur progresistët hodhën çelësa, mjete piroteknike, gurë, shishe dhe objekte të tjera drejt qytetarëve dhe studentëve, duke plagosur disa prej të mbledhurve.

Gjithashtu, para zyrës së Partisë Progresive Serbe në Bulevar në Novi Sad, ndodhi një përleshje midis progresistëve dhe të rinjve të maskuar, transmeton Telegrafi.

Situata ishte e tensionuar në të gjithë Serbinë mbrëmë pasi mbështetësit e SNS-së, të shoqëruar nga të rinj të maskuar, sulmuan qytetarët dhe studentët.

Në Beograd, qytetarët u mblodhën dhe fillimisht u drejtuan nga Beogradska, dhe më pas në komitetin lokal të SNS-së në atë rrugë. Një kordon policie tashmë i priste ata para zyrës së SNS-së, ndërsa qytetarët brohorisnin – “kë po mbroni ju”.

Një kordon policie me pajisje për protesta po i shtynte mbrapsht qytetarët e mbledhur para selisë së SNS-së në Vraçar, dhe më pas një oficer policie qëlloi një grua me shuplakë.

Siç shihet në video, pasi vuri re se po filmohej duke i dhënë shuplakë një gruaje, oficeri i policisë uli kokën kur e kuptoi se po filmohej. /Telegrafi/

PAMTI SRBIJO

“Muškarčina” udara ženi šamar večeras na Vračaru pic.twitter.com/aWcunT7Zf8

— Shonetin (@kaonikotinn) August 13, 2025

The post Polici godet me shuplakë një grua para zyrës së SNS-së në Vraçar, skena brutale gjatë gjithë natës në të gjithë Serbinë appeared first on Telegrafi.

Një ditë përpara protestës së paralajmëruar nga organizatat e dala nga lufta për të kundërshtuar “padrejtësitë” ndaj ish-krerëve të UÇK-së që po gjykohen në Hagë, Dhomat e Specializuara kanë publikuar një video-mesazh nga zëdhënësja Angela Griep.

Në këtë video, Griep thekson rëndësinë që Gjykata i kushton mbrojtjes së dëshmitarëve dhe viktimave që, sipas saj, duhet të kenë mundësinë të tregojnë historinë e tyre “pa frikë”.

Ajo rikujton se vendimi që proceset gjyqësore për krime lufte të zhvillohen jashtë territorit të Kosovës është marrë në marrëveshje mes institucioneve të Kosovës dhe Bashkimit Evropian, pikërisht për të garantuar një nivel më të lartë sigurie për dëshmitarët dhe viktimat.

“Në Kosovë, si në vendet e tjera demokratike, është e paligjshme të përpiqesh të ndalosh një viktimë apo një dëshmitar që të tregojë historinë e tij, qoftë duke e kërcënuar apo duke i premtuar ndonjë shpërblim,” tha ajo.

Griep theksoi gjithashtu se manipulimi i dëshmive përbën vepër penale:

“Është po ashtu e kundërligjshme t’i thuash një dëshmitari të gënjejë në gjykatë apo të ndryshojë dëshminë. Njerëzit që shkelin këto rregulla mund të gjykohen dhe dënohen nga Dhomat e Specializuara.”

Sipas saj, deri tani pesë persona janë shpallur fajtorë ose kanë pranuar fajësinë për frikësimin e dëshmitarëve, ndërsa pesë të tjerë janë akuzuar për përpjekje të paligjshme për të ndikuar në dëshmitarë.

“Mbrojtja dhe mbështetja e dëshmitarëve është prioriteti më i lartë në Dhomat e Specializuara. Ata mbrohen para, gjatë dhe pas dëshmisë së tyre,” përfundoi Griep.

Ndërkohë, nesër nga ora 17:00, organizatat që përfaqësojnë veteranët e UÇK-së kanë paralajmëruar një protestë në Prishtinë, me moton “kundër padrejtësive” që, sipas tyre, po u bëhen ish-drejtuesve të luftës që ndodhen në paraburgim në Hagë.

Protesta vjen në kohën kur është bërë e ditur se Gjykata Speciale ka pranuar dokumente nga Ministria e Punëve të Brendshme të Serbisë (MUP), të cilat do të përdoren si dëshmi në procesin gjyqësor ndaj Hashim Thaçit dhe të tjerëve.

Aktualisht, Dhomat e Specializuara ndodhen në pushim veror deri më 15 gusht dhe gjatë kësaj periudhe janë pezulluar edhe konferencat javore për media – megjithatë, video-mesazhi i publikuar sot nga Specialja u shpërnda si reagim në kohë të tensionuar.

Kosovo and the EU agreed to hold certain war crimes trials outside of Kosovo, to allow the court to better protect witnesses and victims who wish to tell their stories without fear. Find out more here. pic.twitter.com/DCD7m06MyO

— Kosovo Specialist Chambers (@SpecialChambers) August 6, 2025

The post Një ditë para protestës për ish-krerët e UÇK-së, Specialja shpërndan video për “mbrojtjen e dëshmitarëve” appeared first on Telegrafi.

Një gazetare australiane është qëlluar me një plumb gome ndërsa raportonte për protestat kundër bastisjeve të emigracionit në Los Angeles, me incidentin që është kapur drejtpërdrejt nga kamera.

Autoritetet amerikane, përfshirë Departamentin e Policisë së Los Angeles (LAPD) dhe trupat e Gardës Kombëtare, u përleshën me turmat e demonstruesve të dielën.

Ata po protestonin kundër goditjes së Donald Trump ndaj emigracionit, përcjell Telegrafi.

Dhe derisa korrespondentja amerikane e Nine News, Lauren Tomasi, po raportonte para kameras, ajo u qëllua.

Ajo tha se “pas orësh qëndrimi në distancë, kjo situatë tani është përkeqësuar me shpejtësi, LAPD po lëvizte me kalë, duke qëlluar me plumba gome drejt protestuesve, duke i lëvizur ata nëpër zemër të Los Angeles”.

U.S. Correspondent Lauren Tomasi has been caught in the crossfire as the LAPD fired rubber bullets at protesters in the heart of Los Angeles. #9News

LATEST: https://t.co/l5w7JxixxB pic.twitter.com/nvQ7m9TGLj

— 9News Australia (@9NewsAUS) June 9, 2025

Sekonda më vonë, Tomasi u qëllua me një plumb gome.

Pamjet filmike treguan një oficer që synonte në drejtim të Tomasit dhe operatorit të saj të kameras dhe më pas qëllonte.

Në pamjet filmike, Tomasi qan dhe kap pjesën e goditur të saj.

Një kalimtar i rastësishëm dëgjohet duke i thënë oficerit: “Sapo e qëllove gazetaren!”

Në përgjigje të pyetjes së kalimtarëve nëse ishte mirë, Tomasi u përgjigj: “Jam mirë”.

Senatorja e të Gjelbërve australianë, Sarah Hanson-Young, i kërkoi kryeministrit, Anthony Albanese, të kërkonte “një shpjegim urgjent” nga administrata amerikane.

Albanese mund të flasë me Trump javën e ardhshme në konferencën e G7 në Kanada, megjithëse një takim nuk është konfirmuar ende.

Hanson-Young tha se qëllimi i një gazetareje australiane nga autoritetet ishte “thjesht tronditës” dhe “krejtësisht i papranueshëm”. /Telegrafi/

The post Gazetarja australiane qëllohet me plumb gome ndërsa mbulonte protestat në Los Angeles – incidenti është kapur drejtpërdrejt nga kamera appeared first on Telegrafi.

Dhjetëra mijëra protestues marshuan nëpër Hagë të dielën për të kërkuar veprime nga qeveria për të ndaluar fushatën e Izraelit në Gaza.

Sipas mediave të huaja, përcjell Telegrafi, organizatorët e quajtën atë demonstratën më të madhe të vendit në dy dekada.

Grupet e të drejtave të njeriut dhe agjencitë e ndihmës – duke përfshirë Amnesty International, Save the Children dhe Doctors Without Borders – duke vlerësuar turmën paqësore në më shumë se 100,000 njerëz.

Lexo po ashtu Izraeli do të lejojë një "sasi bazë" ushqimi në Rripin e Gazës pas bllokadës dymujore

Rrugët e kryeqytetit politik holandez ishin të mbushura me të moshuar, të rinj dhe madje edhe disa foshnje në protestën e tyre të parë.

Nearly 100,000 people, wearing red to symbolise a call for a moral boundary, marched in The Hague under the slogan “Draw a Red Line for Gaza” to protest the Dutch government’s continued support for Israel’s war on Gaza, in what organizers say was the Netherlands’ largest protest… pic.twitter.com/9Ll8htfqv0

— TRT World (@trtworld) May 18, 2025

“Shpresojmë që kjo të jetë një thirrje zgjimi për qeverinë”, tha mësuesja Roos Lingbeek, duke marrë pjesë në marsh me bashkëshortin e saj dhe vajzën e tyre 12-javore, Dido, e cila flinte në një bartëse ndërsa prindërit e saj valëvitnin një tabelë që thjesht shkruante: “STOP”.

Marshimi kaloi pranë Pallatit të Paqes, selisë së Gjykatës Ndërkombëtare të Drejtësisë të Kombeve të Bashkuara, ku vitin e kaluar gjyqtarët urdhëruan Izraelin të bënte gjithçka që mundej për të parandaluar vdekjen, shkatërrimin dhe çdo akt gjenocidi në Gaza.

Protestuesit ecën një unazë 5 kilometrash rreth qendrës së qytetit të Hagës, për të krijuar simbolikisht vijën e kuqe që thonë se qeveria nuk ka arritur ta vendosë.

“Ne po i bëjmë thirrje qeverisë holandeze: të ndalojë mbështetjen politike, ekonomike dhe ushtarake për Izraelin për sa kohë që bllokon qasjen në furnizimet me ndihmë dhe ndërsa është fajtor për gjenocid, krime lufte dhe shkelje strukturore të të drejtave të njeriut në Gaza dhe Territoret e Pushtuara Palestineze”, tha Marjon Rozema e Amnesty International.

Politika holandeze ndaj Izraelit është vetëm një nga shumë çështjet që shkaktojnë përçarje në qeverinë e brishtë të koalicionit të Holandës.

 

View this post on Instagram

 

A post shared by Middle East Eye (@middleeasteye)

Udhëheqësi i së djathtës ekstreme Geert Wilders është fuqimisht pro-Izraelit dhe Partia e tij anti-emigrante për Liri mban numrin më të madh të vendeve në parlamentin e vendit.

Në një postim në X, Wilders akuzoi protestuesit se mbështesin Hamasin, duke i quajtur ata “të hutuar”.

Lexo po ashtu Trupi i liderit të Hamasit është gjetur në tunelin e Gazës - jepen disa detaje, edhe pse ende të pakonfirmuara

Megjithatë, javën e kaluar, ministri i punëve të jashtme Caspar Veldkamp i partisë së qendrës së djathtë VVD i kërkoi Bashkimit Evropian të rishikojë një marrëveshje tregtare me Izraelin, duke argumentuar se bllokimi i ndihmës humanitare shkelte ligjin ndërkombëtar.

Wilders reagoi, duke e denoncuar thirrjen si një “fyerje ndaj politikës së kabinetit”. /Telegrafi/

The post Dhjetëra mijëra njerëz protestojnë në Hagë duke kërkuar që qeveria holandeze të ndërmarrë veprime ndaj luftës në Gaza appeared first on Telegrafi.

Sindikata e Hekurudhave “Trainkos” ka protestuar sot për shkak të pakënaqësive të tyre lidhur me çështjen e pagave.

Protesta nisi në orën 08:00, në stacionin hekurudhor të Fushë Kosovës dhe si rezultat i kësaj është ndaluar qarkullimi i trenit për një orë.

Lexo po ashtu Ndalet qarkullimi i trenit për një orë në Fushë Kosovë - punëtorët e "Trainkos" kërkojnë rritjen e pagave

Një protestë e ngjashme ishte mbajtur edhe në Ditën Ndërkombëtare të Punëtorve.

Sindikata e “Trainkos” më 29 prill 2025 i është drejtuar me një letër Ministrisë së Ekonomisë.

Në këtë letër të cilën e ka siguruar Telegrafi, Sindikata e kishte paralajmëruar ministrinë për masa sindikale, respektivisht protestën që kishte mbajtur pastaj më 1 maj.

“Protesta 15 minutëshe ka për qëllim që t’ua përkujtojmë që për 15 vite nuk janë rritur pagat, e ndërkohë paga jonë është zhvlerësuar në masë të madhe me inflacion dhe ngritje të vazhdueshme të çmimeve të cilat vazhdojnë edhe sot, sa që është bërë e vështirë mbijetesa për punëtorët”, thuhet në letrën e Sindikatës drejtuar Ministrisë së Ekonomisë.

Tutje theksohet se “pas këtyre hapave do të ndërmarrim edhe hapa të tjerë nëse nuk marrim ndonjë përgjgije positive”. /Telegrafi/

The post Letra që s’u mor parasysh – “Trainkos” javë më parë kishte paralajmëruar Ministrinë e Ekonomisë për protesta appeared first on Telegrafi.

The post Sot pritet të merret vendimi për ngritjen e çmimit të rrymës, protestë në Prishtinë appeared first on Telegrafi.

Qindra banorë, përfaqësues të autoriteteve lokale dhe biznesmenë nga Ulqini protestuan në këtë qytet në jug të Malit të Zi, duke thënë se “Ulqini nuk është në shitje”.

Protesta e 22 marsit u thirr për shkak të pakënaqësive lidhur me tenderin për dhënien me qira të plazheve të Ulqinit, të cilat vitet e fundit janë marrë me qira nga biznesmenët lokalë, por këtë vit oferta më e mirë e marrjes me qira të plazheve u vlerësua të ishte ajo e kompanisë arabe, Eagle Hills.

“Plazhi i Madh nuk është një shkretëtirë që dikush të ndërtojë një Dubai. Plazhi i Madh është një mrekulli e natyrës, 20 kilometra bregdet i paprekur, me rërë të ngrohtë dhe shëruese. Krenaria dhe trashëgimia jonë”, tha Dijana Pellinkoviq, presidente e shoqatës “Ada Bojana”.

Sipas saj, banorët e Ulqinit nuk janë kundër progresit, por janë kundër projekteve megalomane që fshijnë identitetin lokal.

“Komuniteti ynë duhet të marrë pjesë në vendimmarrje. Po ngremë zërin kundër centralizmit”, tha përfaqësuesi i qiramarrësve, Albert Kastrati.

Ai vlerësoi se tenderi për qiramarrjen e plazheve ka diskriminuar qiramarrësit vendas dhe ka favorizuar investitorët e huaj.

Protesta në Ulqin u mbajt pavarësisht nga fakti se kryeministri i Malit të Zi, Millojko Spajiq, më 20 mars njoftoi se Eagle Hills ka ndërmend të tërhiqet dhe t’ua kalojë plazhet qiramarrësve lokalë.

Pakënaqësia nisi nga tenderi

Kompania arabe, Eagle Hills, më 11 mars dorëzoi ofertën më të mirë për dhënien me qira për një periudhë katërvjeçare të nëntë nga 19 plazhet në Plazhin e Madh të Ulqinit.

Kjo shkaktoi revoltë te qiramarrësit aktualë të plazheve dhe autoritetet lokale, të cilët deklaruan se plazhet po u jepen investitorëve të huaj “përmes marrëveshjeve të dyshimta”.

Pas kësaj, siç e ka bërë të ditur kryeministri Spajiq, presidenti i kompanisë arabe, Mohamed Alabar, ka hequr dorë nga oferta.

“Personalisht më ka thënë se për të gjitha plazhet ku kanë konkurruar ulqinakët, është i gatshëm të heqë dorë ose t’i japë me nënqira, siç është e mundur edhe ligjërisht”, tha Spajiq.

Qeveria e Malit të Zi njoftoi se, sipas nismës së Spajiqit, investitori ka vendosur që plazhet që i ka fituar përmes tenderit, që më parë ishin marrë me qira nga ndërmarrësit lokalë, t’ua dorëzojë atyre me çmimin që ata kanë ofertuar në tender.

Lexo po ashtu Rregullat e reja të qirasë së plazheve godasin rëndë Ulqinin

Eagle Hills, që dha ofertën më të lartë për plazhet, është një kompani ndërtimi nga Abu Dabi i Emirateve të Bashkuara Arabe. Kjo kompani njihet për projekte rajonale, sikurse “Belgrade Waterfront”.

Kompania ka përfaqësinë në Mal të Zi, që është regjistruar pas skadimit të afatit fillestar për dorëzimin e ofertave në tenderin për dhënien me qira të plazheve të Ulqinit.

Afati për dorëzimin e ofertave, për tenderin e shpallur më 19 shkurt, ishte 4 mars, por ai u zgjat për shtatë ditë.

Alabar regjistroi kompaninë e tij më 6 mars në Malin e Zi dhe aplikoi në tender. Afatin e zgjati kompania shtetërore që menaxhon plazhet në Mal të Zi.

Plane për investime në Ulqin

Spajiq u ka njoftuar ulqinakët se përveç tërheqjes nga tenderi për dhënien me qira të plazheve, kompania nga Abu Dabi është e interesuar që të bëjë investime në Plazhin e Madh, i cili është afër 13 kilometra i gjatë dhe ende i pa ndërtuar.

Ai tha se kompania është e interesuar të investojnë 30 miliardë euro në një mega-projekt në Ulqin, që do të përfshinte ndërtimin e një aeroporti të madh, spitalit më modern në Ballkan, një marinë dhe rinovimin e qytetit të vjetër të Ulqinit.

Spajiq muajin e kaluar qëndroi në një vizitë zyrtare në Dubai, ku siç u njoftua më 13 shkurt, u nënshkrua një Memorandum Mirëkuptimi mes Qeverisë së Malit të Zi dhe Emirateve, i cili parashikon shkëmbimin e përvojave për modernizimin e administratës dhe bashkëpunim ekonomik.

Çfarë i shqetëson politikanët lokalë

Plani për investimet në mega-projektin në Ulqin nuk ka marrë miratimin e opozitës dhe një pjese të liderëve lokalë.

Deputeti i Bashkimit Demokratik të Shqiptarëve, Mehmet Zenka, konfirmoi se gjatë një takimi, se Spajiq ka thënë se qëllimi i investitorëve arabë është të marrin me qira të gjithë Plazhin e Madh për 99 vjet.

Ai theksoi se kjo është e papranueshme, pasi, edhe pse nuk janë kundër investimeve, “Ulqini nuk është në shitje”.

Sipas tij, një qira për një periudhë 99-vjeçare do të thotë se për Plazhin e Madh do të vendosë dikush tjetër dhe jo komuniteti lokal. Ai shtoi se ekzistojnë edhe lokacione të tjera për investime, por jo 20 milionë metra katrorë të Plazhit të Madh dhe rrethinës së tij.

Spajiq, siç tha Zenka, ka treguar vetëm një plan ideor të investitorëve nëpërmjet një fotografie, e cila nuk ishte e mjaftueshme për një vlerësim serioz.

Një ditë para protestës, u mbajt edhe një mbledhje e Kuvendit të Ulqinit, ku u miratuan në parim projektet e reja për këtë qytet.

Ndër të tjera, u miratua që të gjitha investimet të jenë në përputhje me parimet e zhvillimit të qëndrueshëm, duke respektuar dokumentet planifikues dhe strategjike të komunës dhe shtetit, si dhe duke marrë parasysh qëndrueshmërinë ekonomike, ekologjike dhe shoqërore.

Abazoviq kërkon që Prokuroria Speciale të reagojë

Ish-kryeministri Dritan Abazoviq, i cili është nga Ulqini, ka kërkuar që Prokuroria Speciale e shtetit të hetojë rastin e dhënies së qirasë për Plazhin e Madh, duke pretenduar se bëhet fjalë për një vepër korruptive.

Ai tha se kryeministri Spajiq “ka premtuar pasuri shtetërore dhe komunale pa iu nënshtruar procedurës përkatëse”.

“Spajiq ka prezantuar një projekt që nuk është parashikuar në Planin Hapësinor të Malit të Zi, dhe është paraqitur si përfaqësues i kompanisë që fitoi qiranë. Procedura e tenderit ishte e dyshimtë dhe rregullat për garancinë bankare u ndryshuan në momentin e fundit”, tha Abazoviq për gazetën “Vijesti”.

Mali i Zi nuk ka Plan Hapësinor që nga viti 2020.

Ai shtoi se sipas informacionit që ka, Mohamed Alabar është i pakënaqur, duke theksuar se duke u tërhequr nga qiraja, do të humbiste 100 mijë euro garanci.

“E vendosën në një pozicion të vështirë. Është shumë i zemëruar dhe i gatshëm të humbasë para për të ruajtur reputacionin e tij”, tha Abazoviq.

Dyshimet për parregullsi në tenderin për dhënien me qira të plazheve i kishin shprehur që në fillim edhe sipërmarrësit lokalë, të cilët thonë se nuk janë kundër investitorëve.

“Përmes tenderit, afati i të cilit u shty, në të cilin mori pjesë Eagle Hills Montenegro, ndodhi një sulm i paprecedent i organizuar, i sinkronizuar me institucionet e sistemit”, tha më 18 mars, kryetari i Komunës së Ulqinit, Genci Nimanbegu.

Nga Qeveria e Malit të Zi pohuan se tenderi është realizuar në mënyrë ligjore dhe se çdo veprim tjetër i ofertuesve, përfshirë mundësinë e tërheqjes, është një vendim që u përket atyre.

Ulqinakët kanë nisur një peticion, i cili është nënshkruar edhe gjatë protestës, dhe përmes tij kërkohet, veç tjerash, anulimi i tenderit për qiradhënie.

Plazhi i Madh, i gjatë 13 kilometra dhe me një gjerësi mesatare prej 60 metrash, ndodhet pesë kilometra nga Ulqini, qyteti më jugor i bregdetit malazez, që ndodhet në kufi me Shqipërinë./REL/

The post “Ulqini nuk është në shitje” – protestë kundër tenderit për plazhet appeared first on Telegrafi.

Dhjetëra traktorë të parkuar para parkut Pionirski në Beograd të Serbisë, si mburojë për “studentët” e Vuçiqit apo “studentët që duan vetëm të mësojnë”, siç i quajti qeveria dhe ata vetë, natën e parë kanë humbur xhamat dhe janë shpuar goma dhe kanë pësuar dëmtime të tjera gjatë disa ditëve të qëndrimit në atë vend.

Kështu, traktorët përfunduan në gjendje të keqe, lara-lara, të thyer dhe të shpuar. Është gjithashtu interesante se ka video që tregojnë se traktorët shkatërrohen nga të rinjtë me të zeza, të tilla si ato që shiheshin rëndom në mesin e njerëzve në vendbanimin e tendave në Parkun Pionirski, i quajtur në gjuhën e serbe “Qaciland”.

Sido që të jetë, reagimi i një burri nga Zrenjanini, i cili erdhi për të marrë traktorin e tij, nga i cili padyshim kishte hequr dorë për nevojat e regjimit të Vuçiqit dhe “studentëve” të tij, është regjistruar në video dhe ka shkaktuar komente të shumta në rrjete sociale.

Derisa ky dhe pronarët e tjerë po përpiqeshin t’i bënin gati traktorët e tyre për t’u larguar, turma i pyeti ata se pse i dhanë traktorët e tyre për t’u përdorur si një shtresë gardh shtesë për “studentët” e Vuçiqit, transmeton Telegrafi.

“Ti ke sjellë një traktor nga Zrenjanini. Të ka shpëtuar kjo? Të ka dhënë ndonjë subvencion”, janë pyetjet që mund të dëgjohen në regjistrim, por nuk ka përgjigje nga pronari.

Disa përdorues shprehin simpatinë, ndërsa të tjerë spekulojnë për motivet: “Thjesht për t’u shpjeguar se shteti ua ka shkatërruar pronën, jo studentët”, shkruan një komentues, ndërsa një tjetër shton: “Traktorë me qira dhe tani riparimi kushton më shumë se sa kanë marrë”.

Nga ana tjetër, disa pretendojnë se pronarët e dinin se çfarë i priste: “Këtë rrënojë e dha me vetëdije, iu premtua një e re”.

Një nga komentuesit me ironi u tha pronarëve: “Tani ngaseni me krenari, është shënuar siç e dikton urdhri”. /Telegrafi/

 

View this post on Instagram

 

A post shared by Nova.rs portal (@nova.rs_portal)

The post Ua dha traktorin për ta përdorur si mburojë për “studentët” e Vuçiqit, reagimi interesant i pronarit kur shkon për ta marrë në Beograd appeared first on Telegrafi.

Studentët, të cilët prej muajsh kërkojnë nga autoritetet në Serbi të bëjnë punën e tyre sipas kompetencave të tyre, kanë bllokuar mbrëmë ndërtesën e RTS-së për shkak se prezantuesja i ka quajtur “turmë” gjatë një interviste me presidentin e Serbisë, Aleksandar Vuçiq.

Pas kësaj, pjesëtarët e xhandarmërisë rrahën studentët që po qëndronin para RTS-së dhe pas të gjithave u shfaq ministri i Brendshëm, Ivica Daçiq, i cili tentoi të “justifikojë dhunën ndaj studentëve”.

Ai tha se policia nuk ka ndërhyrë, edhe pse ka video ku shihet se policia godet studentët me shkopinj, madje edhe në kokë, transmeton Telegrafi.

“President, nëse më lejoni, pasi që disa media filluan të gënjejnë menjëherë, nuk ka pasur ndërhyrje policore, si gjithmonë deri më tani”, tha Daçiq.

Në atë moment pranë tij ishte Vuçiq, i cili pas disa sekondash tha: “Nuk mund ta dëgjoj më këtë justifikim” dhe në mënyrë demonstrative u largua.

Vuçiq i quajti studentët “plenumë bolshevik” dhe tha se ata sulmuan një polic. Studentët njoftuan se do të mbajnë nën bllokadë godinën e RTS për 22 orë.

Gjithashtu kanë paralajmëruar protestën më të madhe në Beograd për të shtunën më 15 mars, ku do t’u bashkohen edhe qytetarë nga e gjithë Serbia. Demonstratat filluan pas rënies së tendës në Novi Sad, kur vdiqën 15 persona. /Telegrafi/

Vučić totalno popizdeo

POGLEDAJTE MU FACU U OVIH 10 SEKUNDI!

Prekinuo Dačića i napustio konferenciju za medije,

vidi na njega ne može da računa,

zna da će ga Dačić izdati,

da Vučić neće komandovati policijom!

GOTOV JE!!! pic.twitter.com/pWlQaKg76X

— Mirko Slavkov (@GlobeManipulate) March 11, 2025

The post Vuçiq i zemëruar i thotë Daçiqit para kamerave: Nuk mund ta dëgjoj më këtë justifikim appeared first on Telegrafi.

Ka përfunduar e qetë dhe pa incidente protesta e sotme në veri.

Kështu ka thënë për Telegrafin shefi i operativës rajonale për Mitrovicën Veriore, Petrit Fejza.

“Protesta ka përfunduar e qetë dhe pa incidente”, ka thënë Fejza.

Lexo po ashtu Arrestimi i disa personave për rrahje, serbët protestuan në veri

Ai ka hedhur poshtë pretendimet e protestuesve serb se të rinjtë që janë arrestuar para dy ditëve, u keqtrajtuan nga Policia e Kosovës, shkruan Telegrafi.

Fejza ka thënë se pas intervistimit, ata janë liruar.

“Policia i ka gjetur dhe sjellë në stacion. Pas arrestimit, janë intervistuar e më pas janë liruar. Kamera ka në çdo vend, nuk ka ndodhur asgjë e tillë. Ata nuk janë keqtrajtuar”, ka thënë ai. /Telegrafi/

The post Përfundon e qetë protesta në veri, Policia hedh poshtë pretendimet se të rinjtë serbë u keqtrajtuan nga Policia appeared first on Telegrafi.

Presidenti serb Aleksandar Vuçiq ka shpjeguar procedurën që pason dorëheqjen e kryeministrit Millosh Vuçeviq.

“Procedura është: konstatohet dorëheqja e tij në Kuvend dhe më pas fillon afati 30 ditor për zgjedhjen e qeverisë së re ose thirrjen për zgjedhje. Unë do të filloj procedurën dhe nuk do t’i shmang konsultimet, edhe pse e di që do të marr vetëm ofendime nga ata që lajkatojnë dikë dhe nuk kanë mbështetjen e popullit. Unë jam i hapur për të dyja opsionet, qoftë për zgjedhje, qoftë për përbërjen e një qeverie të re. Falë sjelljes së papërgjegjshme të disave, rrezikohet stabiliteti dhe paqja civile e Serbisë. Disa e përkrahin dhunën në çdo mënyrë”.

Ai tha se në 10 ditët e ardhshme do të merret vendimi nëse do të shkohet apo jo në zgjedhje, transmeton Telegrafi.

“Këtë nuk e prisnim, sepse gjithçka shkonte mirë deri në incidentin e mbrëmshëm, që për mendimin tim është e pashpjegueshme. Si një nga themeluesit e Lëvizjes, së shpejti do të paraqitem në Novi Sad dhe do t’i drejtohem popullit, sepse ikja nga dikush në vendin tim nuk më shkon në mendje”, shtoi presidenti serb.

Gjithashtu bwri tw ditur se nuk do të ketë qeveri tranzitore.

“Nuk do të lejoj që më të papërgjegjshmit ta shkatërrojnë Serbinë siç kanë bërë në të kaluarën. Aq shumë e duan demokracinë, saqë kur u përmend zgjedhjet, të duket sikur u fut gishtin në sy. Është e mundur të marrësh pushtetin me dhunë, ndoshta është e mundur, por për këtë do të duhej të më vrisnin. Populli i Serbisë dëshiron njerëz normalë në pushtet”, theksoi Vuçiq.

Premtoi se nuk do t’i shmanget konsultimeve me të gjitha palët. Tha se është i hapur edhe për zgjedhje edhe për konsultime, dhe shtoi se kryetari i Partisë Socialiste të Serbisë, Ivica Daçiq, është për formimin e qeverisë së re. /Telegrafi/

The post Vuçiq: Në dhjetë ditët e ardhshme do të vendosim nëse do të shkojmë në zgjedhje apo do të formojmë qeverinë e re appeared first on Telegrafi.

Kryetari i Partisë Demokratike, Sali Berisha, njoftoi se opozita do të zhvillojë protestë kombëtare më 8 shkurt, raporton A2 CNN.

“Të gjitha hollësitë dhe ora e protestës do të njoftohen shumë shpejt. Por e shtuna është dita kur shqiptarët zbresin në Tiranë dhe Tirana zbret në sheshe dhe rrugë”, tha Berisha në një komunikim për mediat të martën.

Opozita proteston kundër qeverisë dhe përgatitet të fillojë fushatën për zgjedhjet 11 majit. /Telegrafi/

The post Berisha njofton datën, Partia Demokratike do të organizojë protestë kombëtare më 8 shkurt appeared first on Telegrafi.

Mijëra njerëz kanë përballuar temperaturat e ulëta dhe borën për të protestuar, si pro dhe kundër presidentit të Koresë së Jugut jashtë rezidencës së tij në Seul.

Një urdhërarrest u lëshua javën e kaluar për arrestimin e presidentit Yoon Suk Yeol, mbi dekretin jetëshkurtër të ligjit martesor që ai lëshoi ​​në fillim të dhjetorit 2023, transmeton Telegrafi.

Presidenti konservator, në dukje i frustruar që politikat e tij po bllokoheshin, shpalli ligjin ushtarak dhe urdhëroi trupat të rrethonin Asamblenë Kombëtare të Koresë së Jugut më 3 dhjetor.

Asambleja e rrëzoi unanimisht deklaratën brenda disa orësh dhe e fajësoi Yoon, duke e akuzuar atë për rebelim, më 14 dhjetor.

Në të njëjtën kohë, autoritetet kundër korrupsionit dhe prokurorët hapën hetime të veçanta për ngjarjet.

Të martën e kaluar, një gjykatë në Seul lëshoi ​​urdhra për ndalimin e Yoon dhe për kontrollin e shtëpisë së tij – por zbatimi i tyre derisa ai qëndron brenda rezidencës është i ndërlikuar.

Dhjetëra zyrtarë dështuan në përpjekjen e tyre për të ekzekutuar mandatet të premten, kur u detyruan të tërhiqen pas një përplasjeje gjashtë-orëshe me shërbimin presidencial të sigurisë.

Përpara mandateve që skadonin në mesnatën e së hënës, mijëra protestues anti-Yoon u mblodhën pranë portave të rezidencës presidenciale të dielën, ndërsa grupet pro-Joon u mblodhën në një rrugë aty pranë. Ata u ndanë nga barrikadat e policisë.

Disa nga demonstruesit ishin mbledhur gjatë natës, kur temperaturat ranë nën minus 5 gradë Celsius mes një paralajmërimi për borë të dendur.

Duke folur në skenë në tubimin anti-Yoon, aktivisti Kim Eun-jeong tha: “Shërbimi presidencial i sigurisë vazhdon të fshehë një kriminel”.

Aty pranë, mbështetësit e Yoon mbanin pankarta me mesazhe duke përfshirë “Ne do të luftojmë për presidentin Yoon Suk Yeol” dhe “Stop vjedhjeve” – një frazë e popullarizuar nga mbështetësit e Donald Trump pas humbjes së tij në zgjedhjet e vitit 2020.

Në vetë rezidencën, stafi i sigurisë u pa duke instaluar tela me gjemba, ndoshta në përgatitje për të shmangur një tjetër tentativë arrestimi. /Telegrafi/

The post Mijëra qytetarë nuk i ndalën temperaturat e ulëta në Seul, protestuan kundër presidentit Yoon Suk Yeol appeared first on Telegrafi.

Më shumë se 1 mijë e 100 mjekë kanë nënshkruar një peticion në mbështetje të studentëve dhe kërkesave të tyre në Serbi, ndërsa nga ana tjetër Oda e Mjekëve e këtij shteti është distancuar gjithnjë e më shumë nga kjo nismë.

Mjekët që kanë nisur këtë peticion në internet thonë se “kur studentët ngrenë zërin për drejtësi, është detyra jonë t’i mbështesim, dhe publikisht të qëndrojmë krah për krah me emër dhe mbiemër”.

“Duke qenë se studentët e Fakulteteve të Mjekësisë të Universiteteve të Novi Sadit, Beogradit, Nishit dhe Kragujevcit kanë filluar bllokadë, i bëjmë thirrje Odës Mjekësore të Serbisë që të flasë për këto çështje në emrin tonë – anëtarëve të Odës. dhe t’i mbështesim kolegët tanë të ardhshëm me qëllim të solidaritetit dhe përmbushjes sa më të shpejtë të kërkesave, dhe gjithçka për të mirën e përgjithshme për komunitetin mjekësor dhe bashkëqytetarët tanë – thuhet në publikimin e peticionit, i cili u hodh më 18 dhjetor.

Vetëm pak orë pas publikimit të peticionit, Dhoma e Mjekëve publikoi një deklaratë në faqen e saj në internet ku thotë se si organizatë profesionale kundërshton çdo lloj diskriminimi, qoftë ai në bazë të racës, fesë, përkatësisë kombëtare apo etnike. dhe në bazë të bindjeve politike.

The post Mjekët filluan një peticion në Serbi, mbështesin studentët dhe kërkesat e tyre appeared first on Telegrafi.

Në kryeqytetin serb, Beograd, sot po zhvillohen protesta të reja të mëdha, me qendër grumbullimi në disa pjesë të qendrës së qytetit.

Sipas mediave të huaja, përcjell Telegrafi, protesta filloi në orën 16:00 dhe për ditë me radhë aktorë, profesorë, muzikantë dhe studentë të shumtë u kanë bërë thirrje të gjithë qytetarëve që të vijnë në “Slavija” dhe kështu të tregojnë pakënaqësinë e tyre ndaj pushtetit aktual në Serbi.

Si edhe më parë, nismëtarë të këtyre protestave ishin studentët, ndërsa mediat në Serbi raportojnë se studentë dhe nxënës janë mbledhur në disa lokacione të qytetit.

3:40 puni se Slavija pic.twitter.com/nEVeoGNFAA

— Eko Straža (@EkoStraza) December 22, 2024

Siç dihet, kërkesat e studentëve mbeten të njëjta – hapja e dokumente sekrete për ngjarjen tragjike në stacionin e trenit në Novi Sad, heqja e akuzave ndaj të arrestuarve dhe të ndaluarve në protesta, si dhe ngritja e kallëzimit penal ndaj sulmuesve të studentëve dhe profesorëve.

Studentët po ashtu kërkojnë rritje prej 20 për qind të ndarjeve buxhetore për fakultetet.

#Beograd #NoviSad #Nis #Kragujevac https://t.co/0GyvV89yft

— Serbia INSPECT (@SerbiaINSPECT) December 22, 2024

Në këto protesta mund të shihen edhe pankarta të shumta, ndër të cilat ato me mbishkrimet “Duart e tua të përgjakura”.

Studentëve në protestë do t’i bashkohen edhe fermerët, të cilët sipas raportimeve të mediave tashmë janë vënë re tensionet e para me policinë, duke qenë se policia ka bllokuar mbërritjen e fermerëve me traktorë në këtë shesh. /Telegrafi/

The post Protesta të tjera të mëdha në Beograd, njerëz të shumtë ia mësyjnë qendrës së qytetit – kishte mesazhe si “Duart e tua të përgjakura” appeared first on Telegrafi.