Shtetet e Bashkuara thanë se janë në pritje të krijimit të kushteve për nisjen e Dialogut Strategjik me Kosovën, duke theksuar se ato përfshijnë edhe përmbushjen e zotimeve të Prishtinës ndaj pakicës serbe.

Në një përgjigje për Radion Evropa e Lirë, një zëdhënës i Departamentit amerikan të Shtetit rikujtoi se Dialogu Strategjik u pezullua në shtator të vitit 2025, “për një periudhë të pacaktuar”, për shkak të shqetësimeve lidhur me veprimet e Qeverisë në detyrë të Kosovës.

“Ne mbetemi të përkushtuar për avancimin e interesave të përbashkëta të Shteteve të Bashkuara dhe popullit të Kosovës. Presim me padurim të zhvillojmë një Dialog Strategjik me Kosovën kur të krijohen kushtet e duhura, përfshirë përmbushjen nga Kosova të zotimeve të saj në raport me serbët e Kosovës”, thuhet në përgjigje.

Departamenti i Shtetit nuk dha një afat se kur mund të nisë Dialogu Strategjik dhe nuk i specifikoi më shumë hapat që i pret nga autoritetet e Kosovës.

Përgjigjja vjen në ditën kur Uashingtoni nis rundin e parë të Dialogut Strategjik me Serbinë - një proces që synon thellimin e bashkëpunimit dypalësh në fusha si: siguria, ekonomia dhe politika e jashtme.

“Nëpërmjet këtij dialogu, SHBA-ja dhe Serbia do të punojnë për arritjen e objektivave të përbashkëta, përfshirë paqen dhe stabilitetin rajonal, zgjerimin e lidhjeve në fushën e biznesit dhe arsimit, si dhe ndërtimin e një të ardhmeje më të begatë”, tha zëdhënësi i Departamentit të Shtetit për Radion Evropa e Lirë.

Kur dhe pse u pezullua Dialogu Strategjik me Kosovën?

Ambasada amerikane në Prishtinë njoftoi më 12 shtator 2025 se Shtetet e Bashkuara e kishin pezulluar për një periudhë të pacaktuar Dialogun Strategjik me Kosovën.

Në atë kohë, Ambasada tha se vendimi është marrë për shkak të “shqetësimeve lidhur me veprimet e Qeverisë në detyrë”, të cilat, sipas saj, “kanë rritur tensionet dhe paqëndrueshmërinë” dhe kanë kufizuar aftësinë e Shteteve të Bashkuara për të punuar në mënyrë produktive me Kosovën për prioritetet e përbashkëta.

Vendimi erdhi pasi autoritetet e Kosovës ndërmorën veprime ndaj institucioneve serbe që funksiononin në Kosovë.

Ato, po ashtu, kritikuan publikisht Gjykatën Kushtetuese të vendit për një vendim lidhur me mandatin e deputetëve.

Uashingtoni i cilësoi këto zhvillime si faktorë që rritën tensionet politike dhe vështirësuan bashkëpunimin, ndërsa Qeveria në detyrë tha se ato ishin “të ligjshme dhe kushtetuese”.

Çfarë pritet nga Kosova në raport me serbët?

Prej vitesh, Shtetet e Bashkuara dhe Bashkimi Evropian i kërkojnë Kosovës të zbatojë marrëveshjet e arritura në dialogun me Serbinë, të ndërmjetësuar nga BE-ja.

Ato përfshijnë, mbi të gjitha, themelimin e Asociacionit të komunave me shumicë serbe dhe sigurimin e një niveli të vetëmenaxhimit për komunitetin serb në Kosovë, në përputhje me Marrëveshjen Bazë të vitit 2023 dhe Aneksin e Ohrit.

Po ashtu, Perëndimi kërkon që Kosova t’i zgjidhë kontestet me Kishën Ortodokse Serbe, të mbrojë liritë fetare dhe të shmangë veprime të njëanshme në veriun e vendit, të cilat, sipas Uashingtonit, kanë rritur tensionet me komunitetin serb.

Kosova argumenton se zbatimi i obligimeve nga dialogu duhet të jetë i ndërsjellë, ndërsa veprimet e saj në veri - nga heqja e dinarit serb nga përdorimi deri te mbyllja e shumicës së institucioneve paralele serbe - kanë pasur për qëllim shtrirjen e sundimit të ligjit.

The US Department of State (DASH) has emphasized the importance of energy cooperation as one of the main pillars of the United States' economic relations with European partners, including Kosovo.

In response to Dukagjini, the State Department stated that American energy exports play an important role in strengthening Europe's energy security.

Regarding Kosovo, American institutions have expressed their willingness to cooperate in the development of the energy sector, with a focus on diversifying energy supply, including liquefied natural gas (LNG).

"American energy exports are a central pillar of our economic cooperation with European partners. American energy exports strengthen energy security in Europe."

"The United States stands ready to work with the U.S. energy industry and the Government of Kosovo to secure Kosovo's energy future through diversification of energy supplies, including U.S. LNG," the response states.

The debate over Kosovo's energy orientation has intensified following American demands for the country to be connected to the American gas network, while the Kosovo Government has expressed a preference for other alternatives, including connecting to the Vlora power plant for importing electricity, instead of building an internal LNG infrastructure.

Departamenti Amerikan i Shtetit (DASH) ka theksuar rëndësinë e bashkëpunimit energjetik si një nga shtyllat kryesore të marrëdhënieve ekonomike të Shteteve të Bashkuara me partnerët evropianë, përfshirë edhe Kosovën.

Në përgjigje për Dukagjinin, nga DASH është deklaruar se eksporti i energjisë amerikane luan rol të rëndësishëm në forcimin e sigurisë energjetike të Evropës.

Sa i përket Kosovës, institucionet amerikane kanë shprehur gatishmërinë për të bashkëpunuar në zhvillimin e sektorit energjetik, me fokus në diversifikimin e furnizimit me energji, përfshirë edhe gazin natyror të lëngshëm (LNG).

“Eksporti i energjisë amerikane është një shtyllë qendrore në bashkëpunimin tonë ekonomik me partnerët evropianë. Eksportet e energjisë amerikane forcojnë sigurinë energjetike në Evropë.

Shtetet e Bashkuara janë të gatshme të punojnë me industrinë energjetike të SHBA-së dhe Qeverinë e Kosovës për të siguruar të ardhmen energjetike të Kosovës përmes diversifikimit të furnizimit me energji, duke përfshirë LNG-në amerikane”, thuhet në përgjigje.

Debati për orientimin energjetik të Kosovës është intensifikuar pas kërkesave amerikane që vendi të lidhet me rrjetin e gazit amerikan, ndërkohë që Qeveria e Kosovës ka shprehur preferencë për alternativa të tjera, përfshirë lidhjen me centralin e Vlorës për import të energjisë elektrike, në vend të ndërtimit të një infrastrukture të brendshme për LNG.

Shtetet e Bashkuara thonë se stabiliteti i Ballkanit Perëndimor dhe avancimi i interesave ekonomike amerikane në rajon e bëjnë SHBA-në “më të sigurt, më të fortë dhe më të begatë”, sipas një dokumenti të ri të Departamentit amerikan të Shtetit (DASH).

Raporti thotë se “kontestet e pazgjidhura dhe ndasitë e mbetura e minojnë stabilitetin rajonal”.

Dokumenti është publikuar në faqen zyrtare të Departamentit amerikan të Shtetit, me titullin “Politika e Shteteve të Bashkuara për Promovimin e Stabilitetit dhe Prosperitetit në Ballkanin Perëndimor”.

Ai lidhet me një kërkesë të Kongresit amerikan nga janari i këtij viti, sipas së cilës sekretari i Shtetit duhej t’u dorëzonte komisioneve përkatëse të Kongresit një raport për politikën e SHBA-së për nxitjen e stabilitetit dhe prosperitetit në Ballkanin Perëndimor.

Dokumenti e paraqet Ballkanin Perëndimor si rajon me rëndësi të drejtpërdrejtë për sigurinë dhe interesat ekonomike të Shteteve të Bashkuara.

Ai thekson se angazhimi amerikan në rajon po kalon nga qasja e dikurshme e “shpëtimit apo rindërtimit” drejt një politike të bazuar në stabilitet, partneritete me përfitim të ndërsjellë dhe përgjegjësi më të madhe të aktorëve lokalë.

Prioritetet kryesore përfshijnë ruajtjen e stabilitetit rajonal, kundërshtimin e ndikimit keqdashës të Rusisë dhe Kinës, zgjerimin e bashkëpunimit ekonomik e tregtar, investimet në energji dhe infrastrukturë, luftën kundër krimit të organizuar dhe forcimin e bashkëpunimit në fushën e sigurisë.

Lidhur me luftimin e kërcënimeve ndaj SHBA-së dhe Ballkanit Perëndimor, dokumenti i veçon Rusinë dhe Kinën si aktorë që “kërkojnë në mënyrë aktive të shfrytëzojnë paqëndrueshmërinë, korrupsionin dhe qeverisjen e dobët” në rajon.

Sipas dokumentit, Moska “nxit pakënaqësi etnike, financon aktorë destabilizues dhe përdor furnizimet me hidrokarbure për të ushtruar presion mbi politikanët”, ndërsa Kina përdor tregtinë, kreditë shtetërore, ryshfetin, propagandën dhe lidhjet me elitat për të zgjeruar ndikimin e saj.

Raporti po ashtu thotë se grupet e krimit të organizuar nga Ballkani Perëndimor përbëjnë “kërcënim të drejtpërdrejtë për sigurinë kombëtare të SHBA-së dhe territorin amerikan”, duke përmendur lidhjet e tyre me kartelet e drogës, trafikimin e narkotikëve, migrimin e paligjshëm, pastrimin e parave dhe krimin kibernetik.

“Kjo administratë do t’i çmontojë dhe shpërbëjë këto rrjete kudo që ato veprojnë, siç u dëshmua në vitin 2025 me përcaktimin e disa shtetasve të Ballkanit Perëndimor të lidhur me kartelet e shpallura organizata të huaja terroriste, që veprojnë në Hemisferën Perëndimore”, thuhet në raport.

Çfarë thotë dokumenti për Kosovën?

Për Kosovën, dokumenti thekson se Shtetet e Bashkuara vazhdojnë ta inkurajojnë atë dhe Serbinë për të bërë përparim drejt normalizimit të marrëdhënieve, me synimin për arritjen e një marrëveshjeje të qëndrueshme, të negociuar dhe të pranueshme për të dyja palët.

Kosova dhe Serbia arritën marrëveshje për rrugën drejt normalizimit të marrëdhënieve më 2023 në dialogun e ndërmjetësuar nga Bashkimi Evropian, i cili mbështetet nga SHBA-ja.

Por, asnjëri vend nuk ka bërë hapa për ta zbatuar atë deri më tani.

Ndërkohë, lidhur me sigurinë, Uashingtoni thotë se “trupat amerikane vazhdojnë të marrin pjesë në KFOR, të cilin e cilëson si komponent kyç për garantimin e një mjedisi të sigurt dhe lirisë së lëvizjes në Kosovë”.

Dokumenti po ashtu thekson mbështetjen për transformimin e Forcës së Sigurisë së Kosovës në një forcë profesionale të mbrojtjes territoriale, si dhe përmend modernizimin e termocentraleve me qymyr dhe projektet e gazifikimit të qymyrit në Kosovë si pjesë të prioriteteve energjetike në rajon./Radio Evropa e Lirë/

Shtetet e Bashkuara të Amerikës kanë vlerësuar Kosovën për qëndrimin e saj të qartë kundër terrorizmit.

Një vlerësim i tillë vjen pas vendimit të Qeverisë së Kosovës për shpalljen e Gardës Revolucionare Islamike të Iranit (IRGC) si organizatë terroriste.

Sipas Byrosë për Kundërterrorizëm në Departamentin Amerikan të Shtetit, ky hap shihet si një tregues i përkushtimit të Kosovës ndaj sigurisë ndërkombëtare dhe luftës kundër terrorizmit.

“Faleminderit Kosovës për qëndrimin kundër terrorizmit dhe për shpalljen e IRGC-së si organizatë terroriste”, shkruan DASH në platformën X.

Qeveria shpall si organizatë terroriste organizatën e Trupave të Gardës Revolucionare Islamike

Ndryshe, më 20 prill Qeveria e Kosovës ka marr vendim për shpalljen e Organizatës së Trupave të Gardës Revolucionare Islamike (IRGC) si organizatë terroriste në territorin e Republikës së Kosovës.

Kryeministri Albin Kurti tha se ky vendim synon forcimin e bazës ligjore dhe strategjike të vendit në raport me sigurinë ndërkombëtare dhe luftën kundër terrorizmit.

“Ky propozim vendim paraqet bazën ligjore dhe strategjike për shpalljen e trupave të Gardës Revolucionare Islamike si organizatë terroriste në Republikën e Kosovës. IRGC-jq është identifikuar si një strukturë që përdor terrorizmin dhe dhunën e organizuar si instrument të politikës së jashtme, duke kontribuar në destabilizimin rajonal dhe global. Përmes këtij vendimi, Kosova forcon qëndrimin e saj në mbrojtje të sigurisë ndërkombëtare, vlerave demokratike dhe të drejtave të njeriut. Është një pozicion i qartë i Kosovës dhe të aleatëve të saj në luftën e përbashkët në luftën kundër terrorizmit”, tha Kurti. /Telegrafi/

Energjia bëhet më intensive dhe e paparashikueshme, duke sjellë guxim dhe veprim, por edhe rrezik për vendime të nxituara dhe përplasje

Nga 9 prilli, energjia në qiell bëhet më e fortë, më e drejtpërdrejtë dhe pothuajse e pakontrollueshme. Marsi, planeti i veprimit dhe luftës, hyn në shenjën e tij – Dashin, duke sjellë një valë guximi dhe dinamizmi që nuk ndodh shpesh.

Ky tranzit sjell shumë energji, iniciativë dhe dëshirë për të ecur përpara pa pritur. Kjo nënkupton më pak analizë dhe më shumë veprim, më pak frikë dhe më shumë vetëbesim, fund të shtyrjes dhe fillim të hapave konkretë.

Por ka edhe një anë tjetër: impulsivitet, vendime të nxituara dhe konflikte nëse kjo energji nuk kanalizohet si duhet, transmeton Telegrafi.

Tre shenjat që përfitojnë më shumë

Dashi

Nëse jeni të lindur në shenjën e Dashit, përgatituni për një “rifillim” personal. Do të ndjeni rritje të energjisë, dëshirë për të realizuar gjërat që keni shtyrë dhe guxim për të marrë kontrollin e jetës suaj.
Është moment ideal për të nisur një projekt, për të marrë vendime të rëndësishme ose për të mbyllur marrëdhënie që ju lodhin.

Luani

Luanët kanë dhënë shumë, por jo gjithmonë kanë marrë të njëjtën në këmbim. Tani situata ndryshon.
Karizma, energjia dhe vetëbesimi juaj dalin në pah dhe të tjerët e vërejnë këtë. Prisni mundësi që ju vendosin në qendër të vëmendjes, por edhe momente kur duhet të qëndroni fort pas vetes.

Shigjetari

Për Shigjetarët nis një fazë pa vonesa. Do të ndjeni një shtysë të fortë për ndryshim, për të marrë rreziqe dhe për të bërë atë që keni dëshiruar prej kohësh.
Ky mund të jetë një periudhë kthesash të mëdha, por vetëm nëse bëni hapin e parë. /Telegrafi/

Shtetet e Bashkuara kanë finalizuar rregulla të reja për Programin e Vizave të emigrantëve të Diversitetit, e njohur ndryshe si Lotaria Amerikane, duke futur kërkesa më të rrepta për verifikimin e identitetit për aplikantët.

Departamenti i Shtetit i SHBA-së publikoi rregulloren përfundimtare në Regjistrin Federal nën titullin “Vizat: Përmirësimi i Verifikimit dhe Luftimi i Mashtrimit në Programin e Vizave të emigrantëve të Diversitetit”.

Sipas njoftimit zyrtar ky rregull do të hyjë në fuqi më 10 prill 2026 dhe sipas rregullores së përditësuar, individët që hyjnë në programin e Lotarisë duhet të japin informacion më të detajuara.

Nis që me një pasaportë të vlefshme dhe e paskaduar si pjesë të formularit të tyre elektronik të regjistrimit.

Aplikantët gjithashtu do të duhet të ngarkojnë një skanim të faqes/faqeve biografike dhe të nënshkrimit të pasaportës kur dorëzojnë regjistrimin e tyre.

Zyrtarët thonë se ndryshimi është hartuar për të forcuar verifikimin e identitetit dhe për të zvogëluar hyrjet përmes mashtrimeve në program.

Çdo vit, deri në 55,000 viza emigrantësh vihen në dispozicion përmes një procesi të kompjuterizuar përzgjedhjeje të rastësishme.

Megjithatë, autoritetet thonë se programi është përballur prej kohësh me sfida që lidhen me regjistrime mashtruese, aplikime të dyfishta dhe dorëzime të bëra nga palë të treta pa dijeninë e individëve të përfshirë.

Sipas Departamentit të Shtetit, kërkesa për dokumentacion pasaporte do të ndihmojë në sigurimin që pjesëmarrjet në Lotari të jenë të lidhura me individë të vërtetë dhe do ta bëjë më të vështirë për agjentët ose ndërmjetësit të paraqesin aplikime të shumëfishta duke përdorur informacionin e personave të tjerë. Zyrtarët kanë vënë në dukje më parë se skemat e organizuara në disa vende kanë përfshirë paraqitjen e një numri të madh aplikimesh në emër të individëve të pasigurt.

Sipas rregullit përfundimtar, aplikantët që hyjnë në programin e Vizave të Diversitetit duhet të përfshijnë të dhënat e pasaportës dhe të ngarkojnë një skanim dixhital të faqeve biografike dhe të nënshkrimit të pasaportës kur plotësojnë formularin e regjistrimit online.

Informacioni i kërkuar përfshin:

Numri i pasaportës

Vendi ose autoriteti që ka lëshuar pasaportën

Data e skadimit të pasaportës

Një kopje e skanuar e faqes biografike dhe të nënshkrimit të pasaportës

Regjistrimet që nuk përfshijnë dokumentacionin e kërkuar të pasaportës mund të skualifikohen.

Rregullorja gjithashtu parashikon përjashtime të kufizuara. Individët që janë pa shtetësi, që nuk janë në gjendje të marrin pasaportë për shkak të kufizimeve qeveritare ose që marrin përjashtime specifike nga autoritetet amerikane mund të përjashtohen nga kërkesa për pasaportë.

Rregulli gjithashtu prezanton disa përditësime teknike në udhëzimet e programit. Midis tyre, Departamenti i Shtetit do ta zëvendësojë termin “gjini” me “seks” dhe do ta zëvendësojë “moshën” me “datën e lindjes” në mënyrë që të pasqyrojë më mirë informacionin e mbledhur në sistemet e aplikimit për vizë.

Zyrtarët thonë se këto ndryshime kanë për qëllim përmirësimin e qëndrueshmërisë dhe saktësisë në mbledhjen e të dhënave të vizave.

Sipas Departamentit të Shtetit, kërkesat e reja do të zbatohen duke filluar me Lotarinë DV e vitit 2027.

Departamenti ka shtyrë nisjen e periudhës së regjistrimit për DV-2027 dhe ende nuk ka njoftuar datat kur do të hapen regjistrimet. Ky pezullim u bë në muajin janar për 75 vende, përfshirë Shqipërinë dhe Kosovën.

Me rregulloren e fundit të finalizuar, aplikantët do të duhet të sigurohen që ta kenë gati pasaportën gjatë plotësimit të aplikimit, pasi procesi i verifikimit të pasaportës ka të ngjarë të bëhet një pjesë e rëndësishme e procesit të aplikimit për Lotarinë Amerikane. /Telegrafi/

Emisari i Bashkimit Evropian për dialogun Kosovë-Serbi, Peter Sorensen, njoftoi për takimin me zyrtarin e lartë të Departamentit Amerikan të Shtetit, Brendan Hanrahan, në Uashington.

Ai në një postim në X shkruan se kanë diskutuar për dialogun dhe harmonizuan qëndrimet për hapat e ardhshëm.

“Takim i shkëlqyer me zyrtarin e lartë të Byrosë, Brendan Hanrahan, në Departamentin e Shtetit. Diskutuam Dialogun, shqyrtuam arritjet e fundit dhe harmonizuam qëndrimet për hapat e ardhshëm”, shkroi Sorensen. /Telegrafi/

Pas dakordimit me Kurtin për serbët, Sorensen takohet në Washington me zyrtarin e lartë amerikan Hanrahan

Departamenti Amerikan i Shtetit ka njoftuar se sot në Washington, zyrtari i Lartë Brendan Hanrahan është takuar me emisarin e BE-së për dialogun Kosovë-Serbi, Peter Sorensen.

Ky takim është mbajtur në orën 11:15 të mëngjesit sipas kohës lokale amerikane.

“Zyrtari i Lartë i Byrosë Hanrahan takohet me Përfaqësuesin Special të Bashkimit Evropian për Dialogun Beograd-Prishtinë, Peter Sørensen, në Departamentin e Shtetit”, thuhet në njoftimin e Departamentit Amerikan të Shtetit. Ky takim ka qenë i mbyllur për shtyp.

Ky udhëtim në SHBA i Sorensen vjen pas arritjes së marrëveshjes së fundit më Qeverinë e Kosovës të drejtuar nga kryeministri Albin Kurti, lidhur me Ligjin për të Huajt.

Ambasada e Shteteve të Bashkuara të Amerikës në Prishtinë ka shpërndarë një njoftim të Departamentit amerikan të Shtetit lidhur me pezullimin e lëshimit të të gjitha vizave imigruese të programit të Diversitetit (DV).

Sipas njoftimit, Departamenti i Shtetit ka ndërmarrë këtë vendim për të marrë kohën dhe masat e nevojshme me qëllim mbrojtjen e sigurisë kombëtare dhe sigurisë publike të Shteteve të Bashkuara.

Po ashtu, në njoftim theksohet se aktualisht nuk ka asnjë informacion të ri lidhur me lotarinë e vizave për vitin 2027.

“Në rast se e keni humbur: Departamenti i Shtetit ka pezulluar lëshimin e të gjitha vizave imigruese të diversitetit. Do të marrim kohën dhe masat e nevojshme për të mbrojtur sigurinë kombëtare dhe sigurinë publike të SHBA-së. Aktualisht nuk ka njoftime të reja lidhur me DV-2027”, thuhet në njoftimin e shpërndarë nga Ambasada amerikane në Prishtinë.

Autoritetet amerikane nuk kanë dhënë afate se kur mund të rishqyrtohet ky vendim.

Zëvendësministri në detyrë i Punëve të Jashtme dhe Diasporës, Kreshnik Ahmeti, ka pritur në takim zëvendësdrejtorin për Evropën Jugore dhe Qendrore në Departamentin e Shtetit të SHBA-së, Lyn Debevoise.

Gjatë takimit, Ahmeti është njoftuar me prioritetet e SCE për Kosovën dhe rajonin, teksa ka prezantuar progresin e Qeverisë së Kosovës në fusha të ndryshme.

“Kosova ka avancuar ndjeshëm në diplomaci, ekonomi dhe mbrojtje. Qeveria është e përkushtuar ndaj thellimit të partneritetit strategjik me SHBA-në”, u shpreh zëvendësministri Ahmeti.

Ai gjithashtu ka informuar përfaqësuesin amerikan lidhur me shqetësimet për veprimet destabilizuese të Serbisë dhe për situatën e rëndë të shqiptarëve në Preshevë, Medvegjë dhe Bujanoc.

Në takim u vlerësua angazhimi i përbashkët për forcimin e mëtejmë të marrëdhënieve dypalëshe ndërmjet Republikës së Kosovës dhe Shteteve të Bashkuara të Amerikës.

Zëvendësministri Ahmeti dhe zëvendësdrejtori Debevoise ripohuan se Kosova dhe SHBA-ja ndajnë prioritete të përbashkëta në forcimin e stabilitetit rajonal, promovimin e vlerave demokratike dhe thellimin e mirëkuptimit të ndërsjellë, duke u mbështetur mbi miqësinë e qëndrueshme dhe partneritetin strategjik ndërmjet dy vendeve. /Telegrafi/

Gjatë dëgjimit në Komitetin për Punët e Jashtme të Dhomës së Përfaqësuesve në ShBA, kongresisti Keith Self prezantoi rezolutën e parë ndonjëherë të Kongresit Amerikan që trajton në mënyrë të drejtpërdrejtë çështjen e diskriminimit të shqiptarëve në Luginë.

Kjo u bë e ditur nga ish-deputeti Faton Bislimi, përmes një postimi në rrjetin social Facebook.

Ai tha se kryetari i Nënkomitetit për Evropë theksoi se “ka ardhur koha që Serbia të mbahet përgjegjëse” për trajtimin e shqiptarëve etnikë në këtë rajon, duke e cilësuar pasivizimin administrativ si formë të “spastrimit etnik me mjete administrative”.

"Rezoluta kërkon që Departamenti i Shtetit të përgatisë një raport zyrtar mbi shkeljet e të drejtave të shqiptarëve në Luginën e Preshevës, duke përfshirë: pasivizimin e adresave, i cili prej vitesh është kritikuar nga organizatat ndërkombëtare, mosnjohjen e diplomave të shqiptarëve, mungesën e përfaqësimit proporcional në institucionet shtetërore të Serbisë, si dhe praktika të tjera të dokumentuara të diskriminimit", shkroi Bislimi në Facebook.

Sipas Bislimit, ky është një moment historik dhe “kapitulli më i rëndësishëm diplomatik për Luginën në SHBA”.

Më tej shtoi se ky hap është rezultat i një pune shumëvjeçare dhe i përkushtimit të komunitetit shqiptaro-amerikan, veçanërisht në Dallas.

Bislimi vlerësoi se rezoluta dërgon një mesazh të qartë se çështja e Luginës së Preshevës nuk do të anashkalohet më dhe se të drejtat e shqiptarëve në atë zonë nuk mund të shkelën pandëshkueshëm.

“Lugina e Preshevës nuk është e harruar. Zëri ynë është dëgjuar në Kongresin e Shteteve të Bashkuara”, u shpreh ai, duke e cilësuar ditën si “historike dhe motivuese për vazhdimin e angazhimit”./Telegrafi/

Klima e investimeve në Serbi është përmirësuar lehtë në vitet e fundit, por mbeten problemet me burokracinë, korrupsionin, ndërmarrjet shtetërore joefikase, sektorin e madh informal dhe drejtësinë joefikase, vlerësoi Departamenti Amerikan i Shtetit dhe shtoi se një arsye për shqetësim është edhe ndikimi politik.

Në raportin "Klima e investimeve në Serbi 2025" përmenden si pozitive stabiliteti financiar, disiplinë fiskale dhe reformat që mbështeten nga Bashkimi Evropian (BE), dhe theksohet se prioritet i Serbisë është tërheqja e investimeve të huaja. Thuhet se angazhimi i Serbisë me Fondin Monetar Ndërkombëtar dhe politika fiskale e arsyeshme kanë kontribuar në kushte makroekonomike përgjithësisht të mira.

Përmendet se koeficienti i borxhit ndaj Prodhimit të Brendshëm Bruto (PBB) është në një nivel relativisht të shëndetshëm, nën 50 për qind të PBB-së, dhe në tetor 2024 agjencia S&P i dha Serbisë për herë të parë një renditje investimi duke rritur vlerësimin nga BB+ në BBB- me perspektivë të qëndrueshme.

Në raport thuhet se investitorët amerikanë përgjithësisht kanë një qëndrim pozitiv ndaj Serbisë për shkak të pozicionit të saj gjeografik, fuqisë punëtore të mirë-arsimuar, kostove konkurruese, megjithëse në rritje të punës, stimujve bujarë për investime dhe marrëveshjeve për tregti të lirë me BE-në dhe tregje të tjera. Gjithashtu, investitorët amerikanë kryesisht përkrahin politikën e barazisë së mundësive.

Departamenti i Shtetit shprehu shqetësim për ndikimin e politikës, duke përmendur shembullin që si përgjigje ndaj protestave në 2022, Qeveria ndaloi projektin e propozuar për nxjerrjen e litiumit, raporton nova.rs.

Në tekst thuhet se reformat e mbështetura nga BE-ja vazhdojnë, por zbatimi nuk është gjithmonë i shpejtë apo i plotë, dhe theksohet se mundësitë për biznes do të vazhdojnë të përmirësohen nëse Qeveria do të zbatojë reformat lidhur me anëtarësimin në BE.

Vlerësohet gjithashtu se digjitalizimi i disa funksioneve të Qeverisë, si lejet ndërtimore dhe Administrata Tatimore, ende nuk ka sjellë përmirësim të dukshëm dhe mungon zbatimi i qëndrueshëm.

Në lidhje me zgjidhjen e çështjes së ndërmarrjeve shtetërore joefikase, Qeveria, sipas raportit të Departamentit të Shtetit, ka bërë përparim gradual. Po ashtu planifikon të privatizojë edhe 43 kompani dhe të zvogëlojë ngadalë sektorin e madh publik dhe fuqinë punëtore të ndërmarrjeve shtetërore.

Në raport flitet edhe për rrëzimin e një strehë në Novi Sad ku humbën jetën 16 persona. Thuhet se kjo tragjedi, që shihet si pasojë e korrupsionit, nxiti protesta të mëdha të udhëhequra nga studentët.

Beogradi zyrtar pretendon se protestat e vazhdueshme ndikojnë negativisht në ekonominë e Serbisë, ndërsa kritikët thonë se Qeveria përdor retorikë të ashpër dhe mjete të tjera për frikësimin përfshirë arrestime, paraqitje negative të protestuesve në media dhe deportimin e disa prej tyre që nuk kanë shtetësi serbe, shkruhet në raportin e Departamentit Amerikan të Shtetit.

Thuhet gjithashtu se fakti që Serbia do të jetë nikoqir i ekspozitës EXPO 2027 është një mundësi për kompanitë amerikane që furnizojnë pajisje dhe shërbime.

Theksohet se agresioni rus ndaj Ukrainës në fillim ndikoi në mënyrë të kufizuar në ekonominë e Serbisë, por që inflacioni arriti në 16 për qind në mars 2023 dhe më pas u ul në 4.5 për qind në shkurt 2025.

Gjithashtu përmendet se Zyra e Departamentit të Financave të SHBA-së për Kontrollin e Pasurive të Huaja (OFAC) në prill ka vendosur në listën e sanksionuara 30 kompani dhe 20 individë nga Serbia, dhe përmenden sanksionet ndaj kompanisë naftës NIS që janë shtyrë disa herë, më së fundi deri më 8 tetor. /Telegrafi/

Kryetari i Gjykatës Kushtetuese të Republikës së Kosovës, Nexhmi Rexhepi, zhvilloi një bisedë telefonike me Drejtorin për Evropën Perëndimore dhe Qendrore në Departamentin e Shtetit të Shteteve të Bashkuara të Amerikës, Mark Fleming.

Sipas një njoftimi nga Gjykata Kushtetuese bëhet e ditur se biseda u fokusua në punën e deritanishme të Gjykatës Kushtetuese të Republikës së Kosovës dhe rolin e saj në ruajtjen dhe forcimin e sundimit të ligjit në vend.

"Kryetari Rexhepi e falënderoi z. Fleming për telefonatën dhe shprehu vlerësimin e tij për mbështetjen e vazhdueshme të Qeverisë së SHBA-së për punën dhe pavarësinë institucionale të Gjykatës Kushtetuese të Republikës së Kosovës", thuhet në njoftim. /Telegrafi/

Departamenti amerikan i Shtetit po shqyrton të dhënat për më shumë se 55 milionë të huaj që kanë viza amerikane, për shkelje të mundshme të rregullave të imigracionit dhe të tjera rregulla që mund të çojnë në anulimin e vizave ose deportim.

Departamenti deklaroi se të gjithë mbajtësit e vizave amerikane i nënshtrohen një “verifikimi të vazhdueshëm” edhe pas lëshimit të vizës.

Zyrtarët po kontrollojnë për shkelje të tilla si qëndrimi më gjatë sesa lejohet nga viza, përfshirja në veprimtari kriminale, kërcënimet ndaj sigurisë publike ose përfshirja në apo mbështetja e organizatave terroriste.

Më herët këtë javë, Departamenti njoftoi se që nga fillimi i presidencës së administratës Trump, më shumë se gjashtë mijë viza studentore janë anuluar për shkak të qëndrimit të paligjshëm apo shkeljeve të ndryshme ligjore.

Ndryshe, SHBA-ja ndaloi lëshimin e vizave të punës për shoferët e huaj të kamionëve, njofton Sekretari amerikan i Shtetit, Marco Rubio.

Masa synon mbrojtjen e shoferëve amerikanë dhe rritjen e sigurisë rrugore. /Telegrafi/

The post Kontroll masiv të vizave amerikane – mund t’iu anulohen 55 milionë poseduesve appeared first on Telegrafi.

Një video e një përleshjeje të pabesueshme po shpërndahet në rrjetet sociale.

Ramadan Ondash dhe Chartpayak Sakastoon u përballën në një ndeshje kikboksi të ONE në Tajlandë, ku fituesi rezervoi një kontratë prej 80,000 eurosh me ONE Championship.

Të dy e nisën luftën në mënyrë agresive, duke pranuar shkëmbimin e goditjeve.

Siç raportohet nga mediat angleze, pas raundit të parë të çmendur, pasoi një i dytë, edhe më i çmendur, në të cilin në një moment të dy luftëtarët përfunduan me shpinë nga forca e goditjeve që dhanë.

Sakastoon ia doli të triumfonte me vendim unanim, duke mposhtur rivalin e tij të përbetuar, për t’u shpallur kampion bote. /Telegrafi/

The post Ndeshja më e çmendur e vitit? Shikoni momentin kur të dy luftëtarët rrëzohen nga goditjet appeared first on Telegrafi.

Ish-ambasadorja e Shteteve të Bashkuara të Amerikës në Tiranë, Yuri Kim, ka marrë një emërim të ri në Departamentin amerikan të Shtetit. Ajo do të mbajë postin e Këshilltares së Lartë për Efiçencë dhe Përgjegjësi.

Ky lajm është konfirmuar nga vetë Departamenti i Shtetit, pas disa aludimeve nga Berisha se Kim ishte shkarkuar nga posti i saj.

Njoftimi i DASH për ish-ambasadoren Kim:
Yuri Kim është Këshilltare e Lartë për Efiçencë dhe Përgjegjësi për Byronë e Çështjeve Evropiane dhe Euroaziatike. Më parë, ambasadorja Kim ishte Zëvendës Ndihmës Sekretare Kryesor i Byrosë nga viti 2023 deri në vitin 2025.

Një diplomate karriere, ambasadorja Kim ka punuar në sfidat kryesore të politikës së jashtme dhe sigurisë kombëtare në Europë, Azi dhe Lindjen e Mesme. Ajo ishte ambasadore e SHBA në Republikën e Shqipërisë nga viti 2020 deri në vitin 2023, e emëruar nga Presidenti Trump dhe në vazhdim nën Presidentin Biden. Para kësaj, ajo ishte drejtore e Çështjeve të Europës Jugore, përgjegjëse për Turqinë, Greqinë, Qipron dhe rajonin e Mesdheut Lindor; drejtore e Qendrës për Studimin e Sjelljes së Diplomacisë; dhe drejtore e Zyrës së Sigurisë Evropiane dhe Çështjeve Politiko-Ushtarake, përgjegjëse për NATO-n dhe Organizatën për Siguri dhe Bashkëpunim në Evropë (OSBE).

Ajo ishte Shefe e Shtabit të Zëvendës Sekretarit të Shtetit dhe, më herët në karrierën e saj, Asistente Speciale e Sekretarit Colin Powell. Ajo ishte gjithashtu një anëtare e delegacion të SHBA në Bisedimet Gjashtëpalëshe për çështjen bërthamore të DPRK-së. Detyrat jashtë shtetit përfshijnë Turqinë, Irakun, Republikën e Koresë, Japoninë dhe Kinën. Yuri Kim ka një B.A. nga Universiteti i Pensilvanisë dhe një M.Phil. nga Universiteti i Kembrixhit. Ajo u rrit në ishullin Guam.

The post DASH sqaron pozicionin e ri të ish-ambasadores Yuri Kim appeared first on Telegrafi.

Departamenti Amerikan i Shtetit ka publikuar raportin për luftën ndaj narkotikëve dhe pastrimit të parave.

Për Shqipërinë, bëhet thirrje që të shtohen hetimet, pjesa më e madhe e pastrimit të parave është e lidhur me trafikun e drogës dhe korrupsionin.

Pjesa më e madhe e pastrimit të parave në Shqipëri është e lidhur me trafikun e drogës, evazionin fiskal dhe korrupsionin. Ky është konkluzioni i Departamentit Amerikan të Shtetit, në raportin e fundit për luftën ndaj krimit dhe narkotikëve, dhe për këtë arsye bëhet thirrje për thellim të hetimit nga drejtësia.

“Shqipëria duhet të zbatojë ligjet ekzistuese dhe të zgjerojë kapacitetin e policisë dhe prokurorëve për t’u fokusuar te korrupsioni, pastrimi i parave dhe krimet ekonomike. Shqipëria duhet të zbatojë plotësisht reformën gjyqësore të nisur në vitet 2016-2017.” DASH

Në raport, Departamenti Amerikan vlerëson punën e Prokurorisë së Posaçme, ku përmend hetimet ndaj ish-kryeministrit Sali Berisha dhe ish-ministrit të Mjedisit Lefter Koka.

“Në tetor 2023, SPAK njoftoi hetim ndaj ish-kryeministrit Sali Berisha, i sanksionuar nga SHBA për korrupsion, pasi dhëndri i tij përfitoi afro 5 milionë dollarë. Po në tetor, gjykatat dënuan ish-ministrin e mjedisit Koka, për pastrim parash, korrupsion dhe shpërdorim detyre sepse një kompani i dha atij 1.47 milionë dollarë.”

Në vlerësimet për aktivitetin e biznesit dhe regjimin e inspektimit, DASH shkruan se duhet të rregullohet legjislacioni për institucionet e mikrokredive dhe monedhat dixhitale.

The post DASH publikon raportin për Shqipërinë: Të shtohen hetimet për korrupsionin appeared first on Telegrafi.

Uashingtoni ka vendosur të vendosë zyrtarin e qeverisë hungareze Antal Rogán në listën e sanksioneve për shkak të përfshirjes së tij të dyshuar në korrupsion, njoftoi të martën Departamenti amerikan i Shtetit.

Rogán, një ekonomist dhe ish-kryetar bashkie i Belváros-Lipótváros, është një nga figurat e larta më me ndikim në qeverinë e kryeministrit Viktor Orbán.

Portofoli i tij si ministër përgjegjës i zyrës së kabinetit të Orban mbulon një gamë të gjerë fushash, duke përfshirë komunikimet zyrtare dhe joformale të qeverisë, si dhe inteligjencën civile.

Para kësaj, Rogán ishte kreu i grupit parlamentar të partisë së Orbanit, Fidesz, transmeton Telegrafi.

“Gjatë mandatit të tij si zyrtar qeveritar, duke përfshirë edhe si ministër përgjegjës për zyrën e kabinetit të Orbanit, Rogán thuhet se ka orkestruar skema të dizajnuara për të kontrolluar sektorët strategjikë të ekonomisë hungareze”, u tha nga  Departamenti i Shtetit të SHBA në një deklaratë të martën.

“Ministri Rogán ka luajtur një rol qendror në mundësimin e një sistemi në Hungari që ka përfituar vet dhe partia e tij në kurriz të popullit hungarez”, u tha ndër tjera nga DASH.

“Ne vazhdojmë t’u bëjmë thirrje liderëve të Hungarisë që të trajtojnë korrupsionin në mënyrë proaktive, pa mëdyshje dhe me vendosmëri. Një Hungari më transparente do të kontribuojë në një aleancë më të fortë transatlantike dhe një Evropë më të begatë”, thuhet në përfundimin e deklaratës.

Ministri i Jashtëm hungarez Péter Szijjártó kritikoi vendimin e Uashingtonit, duke thënë se ishte një akt hakmarrjeje i organizuar nga ambasadori i SHBA në Hungari, David Pressman.

“Kjo është hakmarrja personale ndaj Rogán Antal e ambasadorit të dërguar nga administrata e dështuar amerikane në Hungari, i cili largohet pa sukses dhe me turp”, tha Szijjártó në një postim në Facebook.

“Sa mirë që në pak ditë Shtetet e Bashkuara do të udhëhiqen nga njerëz që e shohin vendin tonë si mik dhe jo armik”, shtoi ai.

Rogan u vendos në listën e Zyrës së Kontrollit të Pasurive të Huaja sipas Aktit Global Magnitsky, i cili synon abuzuesit e të drejtave të njeriut dhe aktorët globalë të korrupsionit. /Telegrafi/

The post Shtetet e Bashkuara sanksionojnë bashkëpunëtorin e ngushtë të Orbanit, dyshohet se është i përfshirë në korrupsion appeared first on Telegrafi.

Shtetet e Bashkuara të Amerikës thonë se mbështesin përpjekjet e SPAK-ut kundër korrupsionit të nivelit të lartë.

Qëndrimi i Uashingtonit u shpreh në një përgjigje të Departamentit amerikan Shtetit të martën në mbrëmje, ndaj një kërkese të Zërit të Amerikës për të komentuar pas arrestimit të ish-Presidentit të Shqipërisë, Ilir Meta.

“Jemi në dijeni të arrestimit. Ju referojmë tek autoritetet shqiptare për detaje të mëtejshme në lidhje me rastin. Shtetet e Bashkuara mbështesin përparimin e Shqipërisë drejt sundimit të ligjit, përfshirë përpjekjet e SPAK-ut për të ndjekur penalisht korrupsionin e nivelit të lartë dhe krimin e organizuar, në përputhje me ligjin”, shprehet një zëdhënës i Departamentit të Shtetit në përgjigje të interesimit të Zërit të Amerikës.

Ish-Presidenti i Republikës dhe kryetari i Partisë së Lirisë, Ilir Meta, u arrestua të hënën me urdhër të Strukturës së Posaçme kundër Korrupsionit dhe Krimit të Organizuar.

SPAK-u e shpalli persona në hetim nën dyshimet për korrupsion pasiv, mosdeklarim dhe fshehje pasurie si dhe pastrim të parave Ilir Metën, si edhe vendosi masën për detyrim paraqitjeje për Monika Kryemadhin, si edhe arrest në shtëpi për Pirro Xhixhon dhe detyrim paraqitjeje për Ema Çokun.

Avokati mbrojtës Genc Gjokutaj, tha për mediat pas takimit me Metën në mjediset e sigurisë, se akuzat janë të pabazuara dhe arrestimi ëshë bërë për qëllime politike.

Politikanë të tjerë opozitarë e cilësuan veprimin si një sulm politik nga kryeministri Edi Rama ndaj opozitës.

Meta, ish bashkëshortja e tij Monika Kryemadhi pritet të dalin para gjykatës në një seancë ku do të shqyrtohen masat e sigurisë ndaj tyre.

Krahas akuzave nga SPAK-u për Metën, të martën vazhduan reagimet mbi mënyrën se si u ndalua të hënën në mesditë nga policia ish presidenti i Republikës, i cili e cilësoi ngjarjen si “rrëmbim në mënyrë banditeske”.

Por ministri i Punëve të Brendshme, Ervin Hoxha, deklaroi në rrjetet sociale se forca lëvizëse operacionale, e specializuar për ndalime sipas standardeve, gjatë zbatimit të vendimit të gjykatës ndeshi me një subjekt, që kundërshtoi forcërisht t’i nënshtrohej vendimit të Gjykatës, sapo mori dijeni për të.

SPAK-u detajoi të hënën në një njoftim publik se Ilir Meta e Monika Kryemadhi, në bashkëpunim mes tyre dhe me funksionarë të tjerë publikë, dyshohet se kanë kryer korrupsion pasiv, pastrim parash dhe fshehje pasurish në një seri episodesh, që nisin nga afro 15 vjet më parë.

The post DASH reagon pas arrestimit të Metës: SHBA mbështet përpjekjet e SPAK-ut kundër korrupsionit të nivelit të lartë appeared first on Telegrafi.