Aktori spanjoll dhe fituesi i çmimit Oscar, Javier Bardem, komentoi mbi akuzat se ishte futur në listën e zezë nga 'Paramount' për shkak të mbështetjes së tij për Palestinën dhe tha se nuk ishte i befasuar nga kjo.

Bardem më parë nënshkroi një letër së bashku me aktorë të tjerë dhe punonjës të industrisë së filmit, ku deklaronin se refuzojnë të punojnë me kompani që mbështesin Izraelin.

Për shkak të kësaj, thuhet se ai u vu në listën e zezë nga 'Paramount', me kryesues David Ellison, së bashku me yje të tjerë të Hollivudit.

Në një intervistë me Zeteo, Bardem tha: "Nuk është për t'u habitur, nuk jam i befasuar nga kjo. Problemi nuk është aq shumë lista e tyre e zezë, por se me kë doni dhe zgjidhni të punoni. Kjo është diçka që do të zbulohet në vitet në vijim".

Bardem donte të sqaronte kërkesat e nënshkruesve të kësaj letre: "Do të doja të sqaroja diçka, në mënyrë që të gjithë ta kuptojnë. Ne nuk po shkojmë kundër njerëzve, kombësisë, fesë apo etnisë së tyre. Ne po ndjekim penalisht kompanitë dhe subjektet që mbështesin këtë gjenocid dhe këtë aparteid dhe pushtim të paligjshëm."

Bardem e nënshkroi këtë letër së bashku me regjisorë të Hollivudit si Yorgos Lanthimos, Ava DuVernay, Asif Kapadia, Emma Seligman, Boots Riley, Adam McKay, Olivia Colman, Ayo Edebiri, Mark Ruffalo, Riz Ahmed, Tilda Swinton, Gael Garcia Bernal, Emma Stone dhe shumë të tjerë.

Gjithashtu, në ndarjen e çmimeve Emmy në shtator 2025, ai u shfaq në tapetin e kuq i veshur me një shall palestinez. /Telegrafi/

Kryetarja e Bashkisë së Durrësit, Emiriana Sako, është kallëzuar sot në SPAK. Situata e përmbytjeve në qytet ka reflektuar edhe në një kallëzim penal ndaj zyrtares.

Anëtarja e Këshillit Kombëtar të Partisë Demokratike, Ilirjana Kuçana, ka depozituar sot në Strukturën e Posaçme Kundër Korrupsionit dhe Krimit të Organizuar, SPAK, një kallëzim penal ndaj kryetares së Bashkisë Durrës, Emirjana Sako, si dhe ndaj institucioneve të tjera, për veprën penale “Shpërdorim i detyrës në bashkëpunim”, të parashikuar nga neni 248 i Kodit Penal, raporton euronews.al.

Sipas kallëzimit, i cili përfshin gjithashtu Ministrinë e Bujqësisë dhe Zhvillimit Rural dhe Drejtorinë e Ujitjes dhe Kullimit Durrës, dyshohet se personat dhe institucionet e përfshira mund të kenë shpërdoruar fonde publike dhe detyra të tjera zyrtare, duke kontribuar në përkeqësimin e situatës së përmbytjeve në qytetin e Durrësit.

Kallëzimi thekson se hetimi mund të zbulojë edhe veprime të tjera penale të kryera në bashkëpunim nga personat dhe institucionet e përfshira. Dokumenti ligjor referon Kushtetutën e Republikës së Shqipërisë, Kodin Penal dhe ligjet për vetëqeverisjen vendore dhe administrimin e ujitjes dhe të kullimit.

Komuna e Kaçanikut ka angazhuar kompaninë e kontraktuar për mirëmbajtjen dhe pastrimin e rrugëve pas reshjeve të borës, ndërsa punimet kanë nisur që në orët e hershme të mëngjesit.

Ekipet e pastrimit janë në terren dhe po punojnë për largimin e borës dhe sigurimin e qarkullimit normal në rrugët kryesore dhe dytësore.

Sipas Drejtorit të Shërbimeve Publike dhe Emergjencës, Arian Teneqja, “të gjitha rrugët kryesore janë të pastruara dhe të qarkullueshme, ndërsa kërkohet kujdes i shtuar nga drejtuesit e automjeteve për shkak të ngricave eventuale”.

Komuna apelon tek qytetarët që të adaptojnë shpejtësinë dhe të respektojnë udhëzimet për siguri gjatë lëvizjes në rrugë. /Telegrafi/

Benjamin Sesko këmbënguli se thjesht po bënte “punën e tij” pasi realizoi dy gola kundër Burnley, por nuk e fshehu zhgënjimin pas barazimit të Manchester United në Turf Moor, në ndeshjen e parë të Darren Fletcher si trajner i përkohshëm.

Sulmuesi slloven zhvilloi paraqitjen e tij më të mirë me fanellën e United, duke i dhënë fund një serie prej nëntë ndeshjesh pa gol.

Dopieta e tij i siguroi epërsinë mysafirëve, por gabimet në mbrojtje bënë që Burnley të rikthehej dhe të shpëtonte një pikë në minutat e fundit.

Pas përfundimit të takimit, Sesko u shfaq i përmbajtur pavarësisht rolit vendimtar.

“Është puna ime. Duhet të vazhdojmë përpara nga kjo ndeshje", tha Sesko.

Ai theksoi se ekipi po përpiqet të krijojë raste dhe të gjejë vazhdimësi.

“Është gjithmonë e rëndësishme të krijosh mundësi shënimi. Thjesht duhet të vazhdojmë të shtyjmë përpara. Është e vështirë për ne – po luftonim dhe po jepnim maksimumin. Po përpiqeshim të shënonim, por për fat të keq pësuam edhe golin e dytë", deklaroi sulmuesi slloven. /Telegrafi/

Një grua është gjetur pa shenja jete në shtëpinë e saj.

Sipas raportit 24 orësh të Policisë së Kosovës bëhet e ditur se ngjarja ka ndodhur të mërkurën rreth orës 16:05, në Gjakovë.

Tutje bëhet e ditur se në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës.

“Raportohet se viktima femër kosovare është gjetur pa shenja jete në shtëpinë e saj. Në vendin e ngjarjes kanë dalur njësitet përkatëse, ndërsa ekipi mjekësor ka konstatuar vdekjen e viktimës”, thuhet në raport.

Ndërkaq, me vendim të prokurorit trupi i pa jetë i viktimës është dërguar në IML për obduksion. /Telegrafi/

Bashkimi Demokratik për Integrim ka reguar lidhur me spërkatjen e veturave të policisë nga një klerik ortodoks
Nga atje thonë se kjo është shkelje e hapur e parimit të shtetit sekular.

"Riti nuk është kryer në hapësirë private apo objekt fetar, por në oborrin e policisë, mbi mjete zyrtare të shtetit, brenda një institucioni të sigurisë publike. Një veprim i tillë është plotësisht i papranueshëm në një shtet që me Kushtetutë është sekular dhe me realitet multietnik e multikonfesional.

Policia e Republikës së Maqedonisë së Veriut është institucion shtetëror që duhet t’u shërbejë të gjithë qytetarëve njësoj, pa dallim etnie dhe besimi. Ajo nuk i përket asnjë feje dhe nuk guxon të krijojë perceptimin se ekziston fe dominante apo “fe zyrtare” brenda institucioneve të shtetit.

Kur hapësirat dhe mjetet shtetërore përdoren për rituale të vetëm një konfesioni, mesazhi për të tjerët është përjashtues dhe i rrezikshëm: se institucionet publike identifikohen me një religjion, duke nënvlerësuar dhe përjashtuar të tjerët. Kjo nuk është simbolikë e pafajshme, kjo është institucionalizim i fesë dhe shkelje e drejtpërdrejtë e Kushtetutës.

Është veçanërisht ofenduese që këto automjete janë blerë me paratë e të gjithë taksapaguesve dhe do të përdoren nga pjesëtarë të policisë të besimeve të ndryshme. Askush nuk ka të drejtë t’i “shënojë” institucionet publike me simbolikë të një besimi të vetëm", thuhet në reagimin e BDI-së./Telegrafi/

Prokuroria Themelore e Prizrenit sot në orët e mëngjesit ka zhvilluar një aksion të gjerë në disa qytete, ndërsa objekt i bastisjeve janë pronat e ish-zyrtarëve të Byrosë Kosovare të Sigurimeve (BKS).

E lidhur me këto bastisje ka reaguar vetë Byroja Kosovare e Sigurimeve.

BKS thekson se kjo është iniciuar vetë nga ta, në cilësinë e palës së dëmtuar, si rezultat i konstatimeve të identifikuara në raportin e Auditimit të Brendshëm.

Lexoni të plotë reagimin e BKS:

Byroja Kosovare e Sigurimeve (BKS) njofton opinionin publik se rasti i fundit, i cili po trajtohet nga Prokuroria Themelore në Prizren dhe për të cilin janë raportuar bastisje dhe veprime hetimore, është iniciuar nga vetë BKS-ja në cilësinë e palës së dëmtuar, si rezultat i konstatimeve të identifikuara në raportin e Auditimit të Brendshëm.

Në kuadër të angazhimit të vazhdueshëm të Byrosë për transparencë, integritet institucional dhe mbrojtje të interesit publik, pas evidentimit të shkeljeve serioze dhe dyshimeve për keqpërdorime, BKS ka ndërmarrë veprime të menjëhershme ligjore, duke i adresuar gjetjet përkatëse tek organet kompetente të rendit dhe drejtësisë.

Byroja Kosovare e Sigurimeve ka bashkëpunuar dhe vazhdon të bashkëpunojë në mënyrë të plotë dhe aktive me Prokurorinë dhe Policinë e Kosovës, duke vënë në dispozicion të gjithë dokumentacionin dhe informacionin e nevojshëm për zhvillimin e hetimeve.

Theksojmë se BKS mbetet e përkushtuar në forcimin e mekanizmave të kontrollit të brendshëm, parandalimin e keqpërdorimeve dhe garantimin e menaxhimit të përgjegjshëm të mjeteve financiare, në përputhje të plotë me legjislacionin në fuqi.

Byroja Kosovare e Sigurimeve rithekson se respekton parimin e prezumimit të pafajësisë dhe beson se organet e drejtësisë do ta zbardhin plotësisht këtë rast, duke vepruar në përputhje me ligjin.

Për çdo zhvillim të mëtejmë, opinioni publik do të njoftohet në kohë përmes kanaleve zyrtare të Byrosë.

Byroja Kosovare e Sigurimeve shpreh falënderim dhe vlerësim të veçantë për Prokuroritë kompetente dhe Policinë e Kosovës, për angazhimin profesional, veprimet e shpejta dhe bashkëpunimin korrekt institucional në trajtimin e këtij rasti. Ky bashkëpunim dëshmon përkushtimin e përbashkët për forcimin e sundimit të ligjit, luftimin e keqpërdorimeve dhe mbrojtjen e interesit publik. /Telegrafi/

Analistët e Real Madridit thuhet se ishin të pranishëm në ndeshjen gjysmëfinale të Superkupës së Spanjës midis Barcelonës dhe Athletic Bilbao.

Sipas raportimeve të mediave spanjolle, disa analistë të Real Madridit ishin të pranishëm gjatë ndeshjes së mbrëmshme të Superkupës së Spanjës, të cilën katalunasit e fituan me rezultat të thellë 5-0.

Los Blancos do të kërkojnë të mposhtin sonte (e enjte) rivalët e tyre të përbetuar, Atletico Madridin, për të krijuar një El Clasico në finale, të ngjashme me edicionin e kaluar.

Megjithatë, shanset janë kundër skuadrës së Xabi Alonsos për shkak të dëmtimit të Kylian Mbappe dhe pasigurisë rreth gjendjes fizike të Antonio Rudiger.

Për më tepër, ata pësuan një humbje poshtëruese kundër Atletico Madridit në La Liga më herët këtë sezon. /Telegrafi/

Neptun Kosova së bashku me Mane Foundation, po vazhdojnë traditen në mbështetje të arsimit të lartë në Kosovë.

Në kuadër të kësaj nisme, është realizuar një donacion për Fakultetin e Inxhinierisë Mekanike pranë Universitetit të Prishtinës,ku është funksionalizuar një kabinet super modern i teknologjisë së informacionit, i pajisur plotësisht me teknologjinë bashkëkohore.

Kabineti i ri i IT-së ofron një hapesirë miqësore dhe funksionale për studentet e programit Bachelor dhe Master, duke krijuar mundesi ideale për punë praktike dhe studimore. Pajisjet dhe infrastruktura e avancuar u mundësojnë studenteve të realizojnë projekte nga fusha e programimit, CAD software dhe punë praktike me sisteme të ndryshme teknike.

Ky donacion përfaqeson një kontribut të drejtëperdrejtë në përgatitjen e profesioneve të ardhshëm të teknologjisë dhe inxhinerisë, duke ndihmuar në ngritjen e cilësisë së mësimdhënies dhe lidhjen më të fortë mes teorisë dhe praktikës.

Ky është një kontribut i rëndesishëm për profesionistët e ardhshëm të teknologjisë, si dhe një mundësi tjetër që kompanitë e grupit Balfin u ofrojnë studentëve për zhvillimin personal dhe profesional.

Këngëtarja Fjolla Morina ka reaguar për herë të parë publikisht pas largimit të saj të papritur dhe shumë të komentuar nga shtëpia e Big Brother VIP Kosova 4.

Fjolla dha dorëheqjen nga spektakli të hënën, duke vendosur të largohet për shkak të presionit të madh psikologjik që, sipas saj, kishte ndjerë në raport me disa prej banorëve brenda shtëpisë.

Pas zhurmës së madhe të krijuar në publik dhe në rrjetet sociale gjatë ditëve të fundit, këngëtarja ka zgjedhur të thyejë heshtjen me një reagim të veçantë në InstaStory.

Ajo publikoi një fotografi të pazakontë dhe ironike, ku shfaqet në tualetin e meshkujve, duke improvizuar sikur po urinonte — një imazh që u interpretua nga ndjekësit si një mesazh i drejtpërdrejtë dhe provokues ndaj situatave që kishte kaluar.

Në mbishkrimin e fotografisë, Fjolla Morina shkroi shkurt, por me domethënie: “Ju dua ata që më mbështetën… Faleminderit”.

Foto: Fjolla Morina/InstaStory

Ky reagim ka ngjallur menjëherë reagime të shumta në rrjetet sociale, ku ndjekësit e saj kanë shprehur mbështetje, ndërsa të tjerë kanë komentuar mënyrën ironike dhe simbolike me të cilën ajo zgjodhi të reagojë.

Largimi i Fjolla Morinës nga Big Brother VIP Kosova 4 vazhdon të mbetet një nga momentet më të diskutuara të këtij edicioni, ndërsa reagimi i saj i parë ka rikthyer sërish vëmendjen mbi arsyet dhe pasojat e këtij vendimi. /Telegrafi/

Presidenti i SHBA-së, Donald Trump, ka thënë se do të takohet me homologun e tij kolumbian Gustavo Petro në Shtëpinë e Bardhë në "të ardhmen e afërt", vetëm disa ditë pasi tha se një operacion që synon Kolumbinë "tingëllon mirë".

SHBA-të arrestuan presidentin e Venezuelës fqinje, Nicolás Maduro, në një bastisje në Karakas të shtunën në mbrëmje, transmeton Telegrafi.

Ministri i Brendshëm i Venezuelës, Diosdado Cabello, tha të mërkurën se numri i të vdekurve në bastisje ishte dukshëm më i lartë se sa u raportua fillimisht, me më shumë se 100 të vrarë.

Media lokale kishte raportuar më parë se 23 ushtarë venezuelas dhe 32 kubanë vdiqën kur forcat amerikane sulmuan kompleksin e Maduros.

Gjatë një telefonate me Trump, Petro shpjegoi "situatën e drogës dhe mosmarrëveshjeve të tjera", tha presidenti i SHBA-së, duke shtuar se e vlerësonte "tonin" e presidentit kolumbian.

Më herët këtë javë, Trump i kishte lëshuar një paralajmërim Petros, duke i thënë të "kishte kujdes".

Kolumbia është një qendër kyçe për tregtinë e drogës në rajon - veçanërisht kokainën - si dhe ka rezerva të konsiderueshme nafte. Është gjithashtu një prodhues i madh i arit, argjendit, smeraldeve, platinit dhe qymyrit.

SHBA-të kanë thënë se do të kontrollojnë shitjet e naftës venezuelase "për një kohë të pacaktuar", ndërsa përgatiten të heqin kufizimet për naftën bruto të vendit në tregjet globale, sipas Shtëpisë së Bardhë.

Duke folur në bordin e Air Force One pas operacionit në Venezuelë, Trump e përshkroi Petron si një "njeri të sëmurë që i pëlqen të bëjë kokainë dhe ta shesë atë në Shtetet e Bashkuara".

Trump shtoi: "Ai nuk do ta bëjë këtë për shumë gjatë".

Në përgjigje, Petro paralajmëroi se Kolumbia do të "merrte armët" nëse SHBA-të do të nisnin ndonjë veprim ushtarak kundër vendit të tij.

"Nëse arrestoni një president që shumë nga populli im e duan dhe e respektojnë, do të lironi jaguarin e popullit", shkroi Petro në X.

Por duke shkruar në platformën e tij Truth Social të mërkurën vonë, Trump e përshkroi bisedën e tij me Petron si një "nder të madh" dhe tha se Sekretari i Shtetit i SHBA-së, Marco Rubio, dhe homologu i tij kolumbian do të bënin rregullime që Petro të udhëtonte në Uashington.

SHBA-të vendosën sanksione ndaj Petros në tetor, duke thënë se ai po dështonte të frenonte trafikun e drogës dhe po lejonte kartelet të "lulëzonin".

Në atë kohë, Sekretari i Thesarit të SHBA-së, Scott Bessent, tha se që kur Petro erdhi në pushtet në vitin 2022, prodhimi i kokainës në Kolumbi kishte "shpërthyer në shkallën më të lartë në dekada, duke përmbytur Shtetet e Bashkuara dhe duke helmuar amerikanët".

Petro u përgjigj se kishte luftuar trafikimin e drogës "për dekada" dhe se administrata e tij kishte ndaluar rritjen e të korrave të kokës.

Ashtu si Venezuela, Kolumbia është shtëpia e rezervave të konsiderueshme të naftës.

Ndërkohë, presidentja e përkohshme e Venezuelës, Delcy Rodríguez, tha se veprimi i SHBA-së për të rrëzuar Maduron ishte një "njollë në marrëdhëniet tona siç nuk kishte ndodhur kurrë në historinë tonë".

"Venezuela është e hapur për marrëdhënie energjetike ku përfitojnë të gjitha palët", shtoi ajo. /Telegrafi/

Si pasojë e kushteve të rënda atmosferike që kanë përfshirë vijën bregdetare gjatë orëve të fundit, një anije çisternë ka dalë në breg në zonën e Tales, në qarkun e Lezhës.

Sipas informacioneve paraprake, era e fortë dhe dallgëzimi i lartë kanë bërë që anija të shtyhet drejt bregut ranor.

Më poshtë mund të shikoni dhe pamjet e anijes. /Tch/

Punëtorët e NPL Eko-Theranda kanë nisur punën që në orët e hershme të mëngjesit për pastrimin e rrugëve nga gurët dhe dheu i dalë si pasojë e reshjeve të ditëve të fundit.

Ky angazhim, sipas drejtuesve të kompanisë, ka për qëllim rritjen e sigurisë dhe lehtësimin e qarkullimit për të gjithë qytetarët.

“Qëllimi ynë është të sigurojmë që rrugët të jenë të kalueshme dhe të sigurt për qytetarët. Punëtorët tanë janë në terren që nga mëngjesi dhe po punojnë intensivisht për pastrimin e çdo segmenti të bllokuar”, thuhet në postimin e NPL Eko-Theranda në Facebook.

Njoftohet se punimet do të vazhdojnë deri në normalizimin e plotë të gjendjes në rrugë dhe qytetarët ftohen të tregojnë kujdes gjatë lëvizjes deri në përfundimin e operacionit. /Telegrafi/

Me urdhër të Prokurorisë së Prizrenit, në orët e hershme të mëngjesit të sotëm ka nisur një operacion i gjerë policor që përfshin të gjithë territorin e Kosovës.

Sipas raportimeve, nga ky operacion pritet që rreth 40 persona të trajtohen si të dyshuar, ka njoftuar televizioni Dukagjini.

Objekt i bastisjeve janë pronat e ish-zyrtarëve të Byrosë Kosovare të Sigurimeve (BKS), ku aksioni policor ka filluar që në orët e para të mëngjesit.

Deri më tani, është arrestuar ish-drejtori i Byrosë Kosovare të Sigurimeve (BKS), Sami Mazreku, ndërsa Policia e Kosovës është në kërkim të ish-shefit të financave të kësaj ndërmarrjeje, Valon Berisha.

Sipas Kallxo.com, dyshimet që kanë çuar në këtë operacion lidhen me manipulime të mundshme në procesin e kompensimit të dëmeve.

Sipas një raporti të bërë publik, ekzistojnë dyshimet se në mënyrë të kundërligjshme Byroja, me përfshirjen e personave Sami Mazreku dhe Venhar Hana, kanë kompensuar palët M.L dhe N.M. Palët e përfshira në aksident, kishin parashtruar padi në Gjykatën Themelore në Pejë- dega në Istog ndaj Byrosë Kosovare të Sigurimit, pas një aksidenti që kishte ndodhur në vitin 2011.

Sipas raportit, gjykata ua kishte aprovuar pjesërisht kërkesëpadinë për kompensim të dëmit material dhe jomaterial. Byroja kishte bërë ankesë. Rasti kishte shkuar në Gjykatën e Apelit, e cila e kishte refuzuar pjesërisht si të bazuar ankesën e Byrosë dhe kishte vërtetuar aktgjykimin e Gjykatës Themelore në Pejë– dega në Istog për kompensim dëmi.

Më datën 05.03.2019 pala paditëse ka ushtruar revizion në Gjykatën Supreme, duke atakuar vendimin e Gjykatës së Apelit. Me datën e njëjtë kur është dërguar lënda në Gjykatën Supreme, Byroja ka bërë pagesën e kompensimit në vlerë prej 65 mijë e 240 eurove, e cila ishte vendosur në aktgjykimin e Gjykatës së Apelit të Kosovës më 14.01.2019.

Byroja më 15.03.2019 përgatit përgjigje në revizionin e ushtruar nga paditësit kundër aktgjykimit të Gjykatës së Apelit. Me datën 08.04.2019 Gjykata Supreme e Kosovës, nxjerrë aktgjykim ku refuzohet si i pabazuar revizioni i paditësve i paraqitur kundër aktgjykimit të Gjykatës së Apelit. Aktgjykimi i Supremes e kishte bërë të plotfuqishëm vendimin Gjykatës së Apelit.

Ndërkohë, burime të Gazetës Insajderi bëjnë të ditur se hetimet e Prokurorisë së Prizrenit kanë nisur pas raportimeve për zhdukjen e një shume prej mbi një milion eurosh nga xhirollogaritë e BKS-së, gjatë periudhës kur Mazreku ishte në krye të institucionit. Sipas këtyre burimeve, Prokuroria ka gjetur tashmë elemente të mjaftueshme për ta zgjeruar hetimin edhe më tej.

Në këtë operacion janë angazhuar mbi 300 zyrtarë policorë nga njësitë për hetimin e krimeve ekonomike dhe financiare. Aksioni po zhvillohet në rajonet e Prizrenit, Prishtinës, Gjilanit, Mitrovicës, Drenasit, Pejës dhe Obiliqit.

Kujtojmë se më 19 shtator, Gjykata Themelore në Prishtinë kishte lëshuar një Urdhër Ndalues Përfundimtar, përmes të cilit u bllokuan dhjetëra parcela në lagjen Veternik të Prishtinës.

Në mesin e pronarëve të përfshirë ishte edhe Sami Mazreku, ish-drejtor i BKS-së, të cilit i është bllokuar një pronë prej rreth 1,600 metrash katrorë. Në këtë rast, një pronë i është bllokuar edhe Venhar Hanës, ish-avokat i Byrosë Kosovare të Sigurimeve.

Emrat e këtyre dyve, Mazrekut e Hanës, por jo vetëm të tyre, janë në një dokument që ka përpiluar Gjykata në Prishtinë, e një kopje të të cilit e ka Gazeta Insajderi.

Bëhet fjalë për një pronë të vlefshme me miliona, që është nën hetim kohë të gjatë, por u desht shumë përpjekje që më në fund Gjyqi të e vendos nën masë bllokimi. Aty tashmë ka banesa, disa të blera nga qytetarë që mund edhe të mos e kenë ditur fare që e njëjta mund të jetë me telashe.

Kështu, sipas aktvendimit të siguruar nga Insajderi, parcela kadastrale 1743-5, e regjistruar në emër të Mazrekut, është përfshirë në listën e pronave që gjykata ka urdhëruar të ndalohen nga shitja, bartja apo çfarëdo transaksioni tjetër. Një pjesë prej 500 m² të kësaj parcele Mazreku e kishte shitur më herët tek Venhar Hana, ndërsa 1100 m² mbeten drejtpërdrejt në emër të tij, tashmë të bllokuara nga Gjykata.

Sipas Insajderit, në këtë çështje përmendet edhe emri i Dren Pacës, Prokuror Special, për të cilin dyshohet se ka lidhje me individë të përfshirë në afera milionëshe që aktualisht janë nën hetim, i cili shihet në fotografinë e mësipërme.

Po ashtu kujtojmë se para se të emërohej prokuror, Dren Paca, kishte qenë i punësuar në Byronë Kosovare të Sigurimeve (BKS) në vitin 2012.

Komuna e Drenasit ka njoftuar se pas reshjeve të borës, kompania e kontraktuar për mirëmbajtjen dimërore ka nisur punën që në orët e hershme të mëngjesit për pastrimin e rrugëve dhe sigurimin e qarkullimit normal.

Sipas njoftimit zyrtar, ekipet komunale janë të angazhuara në terren dhe po punojnë intensivisht në pastrimin e borës në rrugët kryesore dhe dytësore të komunës.

“Ekipet janë në terren dhe po punojnë intensivisht për pastrimin e borës dhe sigurimin e qarkullimit normal në rrugët kryesore dhe dytësore”, thuhet në njoftimin e Komunës së Drenasit.

Nga komuna u është bërë thirrje vozitësve që të respektojnë rregullat e qarkullimit dhe të jenë të pajisur me pajisje dimërore, duke kërkuar kujdes të shtuar gjatë vozitjes.

“Vozitësit obligohen t’i kenë pajisjet dimërore dhe të kenë kujdes të shtuar gjatë vozitjes”, thekson njoftimi.

Aktualisht, sipas komunës, shumica e rrugëve janë të kalueshme. Megjithatë, dy segmente rrugore vazhdojnë të mbeten të bllokuara.

“Të gjitha rrugët janë të kalueshme, përveç rrugës për tek Guri i Plakës, në fshatin Çikatovë e Vjetër, si dhe rrugës për tek Kroi i Mbretit, në lagjen Bucolli, të cilat janë të pakalueshme si pasojë e reshjeve të shiut”, njofton Komuna e Drenasit.

Nga komuna kanë falënderuar qytetarët për mirëkuptimin dhe kanë bërë të ditur se situata po monitorohet vazhdimisht. /Telegrafi/

Ministri i Brendshëm i Venezuelës, Diosdado Cabello, tha vonë të mërkurën se 100 persona vdiqën në sulmin e SHBA-së, i cili rrëzoi presidentin Nicolas Maduro nga pushteti të shtunën.

Karakasi nuk ka dhënë më parë një numër të të vrarëve, por ushtria ka publikuar një listë me 23 emra të të vdekurve të saj, transmeton Telegrafi.

Zyrtarët venezuelas kanë thënë se një pjesë e madhe e kontingjentit të sigurisë së Maduros u vra "me gjakftohtësi", dhe Kuba ka thënë se 32 anëtarë të shërbimeve të saj ushtarake dhe të inteligjencës në Venezuelë u vranë.

Gruaja e Maduros, Cilia Flores, e ndaluar së bashku me të, pësoi një dëmtim në kokë gjatë bastisjes amerikane, tha Cabello, dhe Maduro një dëmtim në këmbë.

Presidentja e përkohshme e Venezuelës, Delcy Rodriguez, të cilën Cabello e vlerësoi gjatë emisionit të tij javor në televizionin shtetëror si "të guximshme", shpalli të martën një javë zie për anëtarët e ushtrisë të vrarë në bastisje. /Telegrafi/

Një grua është dërguar në QKUK për tretman mjekësor pas problemeve shëndetësore.

Sipas raportit 24 orësh të Policisë së Kosovës bëhet e ditur se rasti ka ndodhur më 07.01.2026 rreth orës 08:30, në Suharekë.

Tutje bëhet e ditur se viktimës i është keqësuar gjendja dhe më pas ka ndërruar jetë.

“Suharekë 07.01.2026-08:30. Viktima femër kosovare është dërguar në QKUK për tretman mjekësor pasi problemeve shëndetësore. Viktimës i është keqësuar gjendja dhe më pas ka ndërruar jetë. Me vendim të prokurorit, trupi i pa jetë i viktimës është dërguar në IML për obduksion”, thuhet në raport. /Telegrafi/

Lojtarët e Evertonit në duelin kundër Wolverhampton (1-1) morën dy kartonë të kuq dhe e përfunduan ndeshjen me vetëm tetë lojtarë në fushë, të dy të cilët u ndëshkuan për shkak të situatave të pazakonta.

Nuk ishin nisjet e dhunshme që normalisht çonin në kartonë të kuq. Përkundrazi, edhe Jack Grealish mori dy kartonë të verdhë pa kryer asnjë faull të vetëm.

Evertoni udhëhoqi që nga minuta e 17-të kundër ekipit më të dobët të ligës me një gol nga Michael Keane, por 18-vjeçari super i talentuar Mateus Mane barazoi për vizitorët në minutën e 69-të.

Vetëm më pas pasuan skenat kaotike. Në minutën e 83-të, pamë kartonin e parë të kuq të çuditshëm dhe ishte Michael Keane ai që shënoi golin për Evertonin.

Video was uploaded to Streamin.me on Jan 07, 2026.

Keane i tërhoqi flokët lojtarit kundërshtar Toluwalase Arokodare dhe mori një karton të kuq direkt për këtë.

Mbrojtësi i Evertonit nuk mund të mos habitej që tërheqja e gërshetit të kundërshtarit mund të rezultonte në një karton të kuq direkt.

Video was uploaded to Streamin.me on Jan 07, 2026.

Jack Grealish ndërhyri aty dhe mori kartonin e parë të verdhë për protestë. Jo shumë kohë më pas, Grealish, i pakënaqur me vendimin e gjyqtarit, filloi ta duartrokiste gjyqtarin Thomas Kirk, kështu që ai mori kartonin e dytë të verdhë dhe u përjashtua pa asnjë faull.

Megjithatë, këta dy kartonë të kuq nuk ndikuan në rezultatin përfundimtar pasi ndeshja u mbyll me barazim 1-1. /Telegrafi/

Lidhja Auto-Moto e Maqedonisë njofton se është ndaluar qarkullimi i autobusëve për në Kodrën e Diellit.

"Për shkak të reshjeve të dendura të borës në rrugën Tetovë - Kodra e Diellit, nga ora 09:25 vendoset ndalim qarkullimi për autobusë, ndërsa pajisjet dimërore (zinxhirët e borës) janë të detyrueshme për automjetet e lehta", njoftojnë nga LAMM.

Sipas Drejtorisë për Punë Hidrometeorologjike, temperatura më e ulët e matur sot në mëngjes deri në orën 7:00 ka qenë në Kodër të Diellit -4 gradë celsius, ku ka edhe shtresë bore prej 31 centimetrash./Telegrafi/

Një person është arrestuar pasi dyshohet se ka ngacmuar seksualisht një grua.

Sipas raportit 24 orësh të Policisë së Kosovës bëhet e ditur se ngjarja ka ndodhur rreth orës 11:30 më 10.06.2025.

Tutje bëhet e ditur se me vendim të prokurorit i dyshuari është dërguar në mbajtje.

“Pas hetimeve të zhvilluara lidhur me rastin me 07.01.2026 është arrestuar i dyshuari mashkull kosovar, i cili dyshohet se kishte kryer veprën e lartcekur ndaj viktimës femër kosovare. Me vendim të prokurorit, i dyshuari është dërguar në mbajtje”, thuhet në raport. /Telegrafi/