Kryetari i LSDM-së, Venko Filipce, akuzoi se ekziston një marrëveshje midis OBRM-PDUKM-së dhe BDI-së për të bllokuar punën e Kuvendit, me qëllim që të krijohet alibi për shpalljen e zgjedhjeve të parakohshme parlamentare.
“Si alibi për shpalljen e zgjedhjeve, ekziston një marrëveshje midis Grupit të Krimit të Organizuar OBRM-së dhe BDI-së, dhe kjo është se me ndërhyrje procedurale nga grupi parlamentar i BDI-së, bllokohet puna e Kuvendit dhe kjo çon në zgjedhje të parakohshme”, theksoi Filipçe.
Ai foli edhe për çështjen e ndërtimit të data-qendrave, ndërsa paralajmëroi se konsumi i madh i energjisë elektrike nga ato qendrangre pyetje serioze në lidhje me çmimin e energjisë elektrike, nevojën për importe shtesë dhe nëse do të ketë kapacitet të mjaftueshëm për objekte të reja prodhimi.
Zvicra do të votojë më 27 shtator në një referendum që mund të ndryshojë ndjeshëm mënyrën se si vendi e zbaton politikën e tij të neutralitetit.
Propozimi kërkon që në Kushtetutë të përcaktohet se Zvicra nuk mund t’i bashkohet apo të bashkëpunojë me aleanca ushtarake ose të mbrojtjes, përfshirë NATO-n, përveç rastit kur vendi sulmohet. Gjithashtu, Zvicra do të ndalohej të vendoste sanksione, përveç rasteve kur ato miratohen nga Kombet e Bashkuara.
Nisma ka marrë mbështetjen e Partisë Popullore Zvicerane, ndërsa qeveria dhe shumica e partive politike janë kundër saj. Kritikët paralajmërojnë se një neutralitet më strikt do ta izolonte Zvicrën nga partnerët e saj evropianë dhe do të dobësonte sigurinë e vendit.
Debati është bërë veçanërisht i fortë pas vitit 2022, kur Zvicra iu bashkua sanksioneve të Bashkimit Evropian kundër Rusisë pas pushtimit të Ukrainës. Moska e ka kritikuar Bernën, duke e akuzuar se është larguar nga neutraliteti tradicional.
Ministri i Jashtëm zviceran, Ignazio Cassis, paralajmëron se miratimi i nismës do ta pengonte Zvicrën të zhvillonte edhe stërvitje dhe bashkëpunim të rregullt me NATO-n.
Mbështetësit, megjithatë, argumentojnë se neutraliteti është arsyeja pse Zvicra ka shmangur përfshirjen në luftëra për më shumë se dy shekuj.
Sondazhet e fundit tregojnë se 62 për qind e zviceranëve janë kundër propozimit, ndërsa 36 për qind e mbështesin atë. Megjithatë, mbështetësit e ndryshimit kanë shpenzuar më shumë në fushatë, duke ngritur mundësinë që rezultati të jetë më i ngushtë.
Në qendër të debatit është një pyetje që prek identitetin e Zvicrës: a duhet neutraliteti të mbetet një parim fleksibël i politikës së jashtme, apo të shndërrohet në një rregull kushtetues që kufizon edhe bashkëpunimin me Perëndimin? Më 27 shtator, votuesit zviceranë do të japin përgjigjen. /Telegrafi/
Liverpooli ka hapur bisedime për të nënshkruar me sulmuesin anësor të Crystal Palace, Ismaila Sarr, ndërsa kërkojnë një opsion të ri në krah.
Fabrizio Romano raporton se Reds kanë paraqitur një propozim me vlerë rreth 50 milionë funte (58 milionë euro) për reprezentuesin senegalez, i cili është i etur për këtë transferim.
Interesimi i Reds për Sarr vjen pas dështimit të një marrëveshjeje të mundshme për Yankuba Minteh të Brighton për shkak të kërkesave të “Pulëbardhave”.
🚨💣 EXCLUSIVE: Liverpool open talks to sign Ismaila Sarr as new winger! 🔴🇸🇳
Move follows Minteh deal called off due to Brighton requests.#LFC sent a proposal worth around £50m for Senegal winger who’s keen on move.
Crystal Palace ka refuzuar tashmë dy oferta nga Galatasaray për 28-vjeçarin. Sarr ka qenë një lojtar i shkëlqyer në ‘Selhurst Park’ që kur u bashkua nga Marseille në vitin 2024, duke ndihmuar ‘Eagles’ të fitojnë Kupën FA dhe duke kontribuar shumë në sulm.
Sezonin e kaluar ai shënoi 21 gola në 45 paraqitje në të gjitha garat. Një lojtar i provuar në Ligën Premier me shpejtësi dhe driblim, Sarr do t'i shtonte cilësi të provuar vijës sulmuese të Liverpoolit.
Përveç Sarr, Reds tash e sa kohë janë në kërkim të Bradley Barcola të Paris Saint-Germain, por çmimi prej 140 milionë eurosh po krijon probleme. /Telegrafi/
Brooklyn Beckham ka reaguar publikisht ndaj një komenti negativ për bashkëshorten e tij, Nicola Peltz, duke i dalë në mbrojtje pas kritikave për pamjen.
Komenti u bë në Instagram, poshtë një videoje të Brooklyn-it, ku ai po përgatiste një pjatë.
Një ndjekës shkroi se Nicola dukej “e sëmurë” dhe i sugjeroi Brooklyn-it që ta “ushqente”. 27-vjeçari nuk qëndroi indiferent dhe iu përgjigj drejtpërdrejt.
"Mos flisni më kurrë për gruan time. Ajo është e mrekullueshme dhe nuk duhet të komentoni kurrë për trupin e dikujt. Kjo është e turpshme”, shkroi ai.
Brooklyn dhe Nicola janë të martuar që nga viti 2022, ndërsa vitin e kaluar ata rinovuan betimet e martesës, duke treguar publikisht se vazhdojnë të jenë të bashkuar.
Por komentet në videon e Brooklyn-it nuk u fokusuan vetëm te bashkëshortja e tij.
Edhe mënyra se si ai përgatiti një pjatë tradicionale britanike, u bë objekt diskutimi mes ndjekësve.
Disa përdorues i dhanë këshilla për recetën, duke i sugjeruar të largonte më mirë lëngun nga mishi, ta linte të ftohej para se të shtonte purenë e patateve dhe të përdorte më shumë djathë.
Një grua 66-vjeçare nga Kalifornia po dëshmon se mosha nuk është pengesë për të garuar në nivelet më të larta të skateboard-it.
Judi Oyama, e cila ka hipur në skateboard që në moshën 13-vjeçare, ka zgjatur rekordin e saj si skateboardistja më e moshuar në botë që garon në mënyrë konkurruese.
Oyama ishte 66 vjeç e 25 ditë kur mori pjesë në Kampionatin Botëror Ndërkombëtar të Slalom Skateboarding në Brazil, në nëntor të vitit 2025.
Guinness World Records konfirmoi se pjesëmarrja e saj e re e theu rekordin që ajo vetë kishte vendosur në vitin 2024, kur ishte 64 vjeçe.
Por 66-vjeçarja nuk ka ndërmend të ndalet. Ajo planifikon ta zgjasë sërish rekordin në tetor, gjatë World Skate Games, transmeton Telegrafi.
Oyama nisi të garojë profesionalisht në vitin 1975 dhe në vitin 2018 u përfshi në Skateboarding Hall of Fame, duke u shndërruar në një prej figurave më të respektuara të këtij sporti.
“Ndjej se çdo vit kam garuar në nivelin tim më të mirë, por e di se ndërsa plakem, nuk kam më nevojë t’i dëshmoj asgjë askujt”, tha ajo.
Një histori që tregon se pasioni, jo mosha, është ajo që përcakton se deri ku mund të shkosh. /Telegrafi/
Chevrolet Silverado 1500 i gjeneratës aktuale po i jep lamtumirën tregut me një version të veçantë dhe jashtëzakonisht të rrallë. Callaway Cars dhe Waldoch Crafts do të prodhojnë vetëm 100 ekzemplarë të Silverado 1500 RST Launch Edition 2026.
Ky projekt kombinon motorin 6.2-litër V8 me paketën supercharged SC602 të Callaway, duke e çuar fuqinë në 602 kuaj fuqi dhe çift-rrotullimin në 560 lb-ft, transmeton Telegrafi.
Supermakina e pickup-ëve nuk ndalet vetëm te motori. Waldoch ka instaluar një sistem pezullimi sportiv të ulët, rrota aliazh 22-inç dhe elemente të personalizuara të karrocerisë, duke i dhënë Silverado-s një pamje shumë më agresive.
Çdo automjet do të jetë i numërtuar individualisht, me pllaka identifikuese në kabinë dhe në ndarjen e motorit, ndërsa blerësit mund të zgjedhin mes katër ngjyrave.
Për më tepër, automjetet do të kenë edhe garanci shtesë 3-vjeçare ose 36,000 milje nga Callaway dhe Waldoch, krahas garancisë origjinale të General Motors.
Çmimi pritet të nisë nga rreth 90 mijë dollarë, ndërsa prodhimi do të fillojë më vonë gjatë vitit 2026.
Me vetëm 100 njësi, ky Silverado nuk është thjesht një pickup më i fuqishëm — është një edicion koleksionist dhe një lamtumirë e veçantë për gjeneratën aktuale, përpara se Chevrolet të prezantojë Silverado-n e ridizajnuar për vitin 2027. /Telegrafi/
WhatsApp po forcon masat e sigurisë me disa përditësime të reja që synojnë të mbrojnë përdoruesit nga hakerët, mashtrimet dhe marrja e paautorizuar e llogarive.
Ndryshimi kryesor lidhet me verifikimin me dy hapa. Deri tani përdoruesit mbroheshin me një PIN me gjashtë shifra, ndërsa tani WhatsApp po kalon në një fjalëkalim më të avancuar, i cili mund të përmbajë shkronja, numra dhe karaktere speciale, duke e bërë shumë më të vështirë hamendësimin, transmeton Telegrafi.
Një tjetër risi lidhet me telefonatat nga numra të panjohur. Kur një përdorues merr një telefonatë nga dikush që nuk e ka në kontakte, WhatsApp do të shfaqë më shumë informacion, përfshirë nëse numri është nga një shtet tjetër apo nëse personi ka grupe të përbashkëta me përdoruesin.
Kjo veçori synon të ndihmojë në identifikimin e telefonatave të dyshimta dhe uljen e rrezikut nga mashtrimet online. Për momentin, ajo do të jetë e disponueshme vetëm në pajisjet Android.
WhatsApp po inkurajon gjithashtu përdoruesit të aktivizojnë passkeys, përmes të cilave hyrja në llogari mund të bëhet me gjurmën e gishtit, njohjen e fytyrës ose kodin e ekranit të telefonit.
Sipas WhatsApp, më shumë se 1 miliard përdorues kanë vendosur tashmë një passkey, ndërsa tani është e mundur të regjistrohen edhe disa passkeys në të njëjtën llogari.
Ky përditësim është veçanërisht i dobishëm për ata që përdorin më shumë se një pajisje, për shembull një telefon Android dhe një iPhone. /Telegrafi/
Një zjarr i fuqishëm ka shkaktuar një tragjedi të rëndë në Pakistan, duke marrë jetën e të paktën 14 foshnjave të porsalindura në një prej spitaleve më të mëdha publike të kryeqytetit Islamabad.
Zjarri shpërtheu të mërkurën në mëngjes, në katin e tretë të repartit për nënat dhe fëmijët në Pakistan Institute of Medical Sciences (PIMS).
Sipas autoriteteve, zjarri nisi rreth orës 06:45 me kohën lokale, pasi kompresori i një pajisjeje të ajrit të kondicionuar dyshohet se shpërtheu brenda dhomës ku qëndronin foshnjat.
Ekipet e emergjencës, zjarrfikësit dhe policia mbërritën me shpejtësi në vendngjarje dhe arritën të vinin nën kontroll flakët. Të paktën një foshnjë raportohet se është shpëtuar.
Kryeministri pakistanez Shehbaz Sharif shprehu ngushëllimet për familjet dhe urdhëroi nisjen e menjëhershme të një hetimi për të përcaktuar shkaqet e tragjedisë.
“Humbja e fëmijëve në rrethana të tilla është e pariparueshme”, thuhet në një deklaratë të zyrës së tij, transmeton Telegrafi.
Autoritetet kanë bërë të ditur se foshnjat që humbën jetën u dëmtuan rëndë nga zjarri. Për këtë arsye, policia tha se do të nevojiten teste ADN-je për identifikimin e tyre, përpara se trupat t'u dorëzohen familjeve.
Prindërit ndërkohë kanë kërkuar që trupat e fëmijëve t'u dorëzohen sa më shpejt.
Zjarret në ndërtesa të mëdha janë relativisht të shpeshta në Pakistan dhe shpesh lidhen me standarde të dobëta të sigurisë, mangësi në kodet e ndërtimit dhe zbatim të pamjaftueshëm të rregullave.
Hetimi pritet të përcaktojë nëse shpërthimi i kompresorit ishte shkaku i drejtpërdrejtë i zjarrit dhe nëse kishte masa të mjaftueshme sigurie për mbrojtjen e repartit të neonatologjisë. /Telegrafi/
Dhoma e Tregtisë dhe Industrisë Kosovë ka mbajtur një takim me bizneset anëtare nga sektori prodhues, të cilat kanë shpalosur problemet dhe sfidat me të cilat po përballen, duke theksuar se gjendja aktuale po ndikon në kapacitetet e prodhimit, shitjet dhe qëndrueshmërinë e vendeve të punës.
Sipas njoftimit të DHTIK, ndër shqetësimet kryesore janë çmimet e larta të lëndës së parë dhe prodhimeve bujqësore, rritja e kostove të energjisë dhe kostove të tjera të prodhimit.
“Bizneset kanë raportuar rënie të shitjeve deri në 20 për qind dhe rënie të fitimit, ndërsa kanë paralajmëruar se, nëse kjo situatë vazhdon, shumë kompani mund të detyrohen të ulin numrin e të punësuarve dhe kapacitetet prodhuese”, thuhet në komunikatë.
Po ashtu sipas njoftimit, prodhuesit kanë ngritur shqetësime edhe për mungesën e mbështetjes për prodhimin vendor, problemet në inkasimin e borxheve dhe kërkesën që pagesa e TVSH-së të lidhet me momentin e inkasimit të faturave.
Po ashtu, është kërkuar trajtim më i favorshëm i produkteve vendore në treg dhe mbështetje më e madhe nga marketet dhe pikat e shitjes.
Më tej thuhet se ekonomia informale, mungesa e punëtorëve profesionalë dhe vështirësitë në sigurimin e fuqisë punëtore mbeten gjithashtu sfida të mëdha. Bizneset theksuan se angazhimi i punëtorëve nga jashtë nuk ka qenë zgjidhje afatgjatë, pasi një pjesë e tyre Kosovën e përdorin si vend transit drejt vendeve të Evropës.
“Shqetësim mbetet edhe mosfunksionimi i plotë i institucioneve qendrore si pasojë e krizës politike, mungesa e angazhimit institucional, si dhe problemet në eksport, veçanërisht me Serbinë, e cila vazhdon të mos i njohë dokumentet e lëshuara nga institucionet e Kosovës”, bëhet e ditur në komunikatë.
Dhoma e Tregtisë dhe Industrisë Kosovë vlerëson se shqetësimet e sektorit prodhues kërkojnë reagim urgjent dhe një qasje të koordinuar institucionale. Prodhuesit vendorë nuk duhet të përballen të vetëm me rritjen e kostove, rënien e shitjeve, mungesën e punëtorëve, konkurrencën e padrejtë nga ekonomia informale, vështirësitë në eksport dhe pasojat e mosfunksionimit institucional. /Telegrafi/
BDI ka reaguar pas vendosjes së gurthemelit për rrugën Shkup - Bllacë. Nga kjo parti thonë se "pas dy vitesh humbje kohe, VLEN sot po e paraqet si sukses vazhdimin e autostradës Shkup- Bllacë, projekt i përfunduar më 2 maj 2023 dhe i tenderuar po atë vit nga qeveria e kaluar, me një vlerë prej rreth 183 milionë euro".
"Dy vjet më parë, VLEN dhe partnerët e tyre politikë e sulmonin projektin si “tepër të shtrenjtë” dhe “të papërshtatshëm”. Sot, pa ndryshuar as trasenë dhe as projektin, duke e vonuar pa asnjë nevojë për mbi dy vite, të njëjtën autostradë prej rreth 10 kilometrash do ta ndërtojnë për rreth 210 milionë euro, apo afërsisht 21 milionë euro për kilometër".
"Pra, projekti që e kritikuan nuk është ndryshuar as për 0,1 për qind. Traseja është e njëjtë, projekti është i njëjtë, autostrada është e njëjtë. Të vetmet gjëra që kanë ndryshuar janë dy vite vonesë dhe rreth 30 milionë euro më shumë nga paratë e qytetarëve.VLEN duhet t’i përgjigjet opinionit: pse u bllokua për dy vjet një projekt i gatshëm dhe pse sot i njëjti projekt kushton rreth 30 milionë euro më shumë? Ku përfundojnë këto para dhe cili është arsyetimi për këtë shtrenjtim?".
"Shqiptarët humbën dy vite për një autostradë jetike, ndërsa qytetarët do të paguajnë dhjetëra milionë euro më shumë. Dy vite vonesë, 30 milionë euro më shtrenjtë dhe asnjë ndryshim në projekt, kjo është fatura e paaftësisë dhe keqmenaxhimit të VLEN-it", thonë nga BDI.
Komuna e Gjakovës ka shënuar nivelin më të lartë të zbatimit të masave parandaluese për sigurinë në shkolla, megjithëse sfidat me raportimin e rasteve të dhunës dhe praninë e armëve mbeten të pranishme.
Raporti i Zyrës Kombëtare të Auditimit tregon se në 7 shkollat e përfshira në mostrën e Gjakovës janë identifikuar 107 raste dhune në evidencat e brendshme, kundrejt 49 rasteve të evidentuara nga Policia e Kosovës dhe 25 rasteve të raportuara në sistemin SMIA.
Sipas të dhënave, Gjakova prin me masa konkrete organizative, raporton Telegrafi.
Të gjitha shkollat e vizituara zbatojnë planin e kujdestarisë në korridore, ndërsa 86 për qind e tyre kryejnë kontrolle të rregullta te nxënësit.
Si rezultat i këtyre masave, 71 për qind e nxënësve të anketuar janë deklaruar se ndihen të sigurt në shkollë, që përbën përqindjen më të lartë mes tri komunave të audituara.
Ndër praktikat e veçanta të evidencuara në Gjakovë është ajo e shkollës "Hajdar Dushi", ku në orën e parë të mësimit mblidhen telefonat celularë të të gjithë nxënësve dhe ruhen në sallën e arsimtarëve deri në përfundim të orarit.
Pavarësisht nivelit më të lartë të disiplinës, 16 për qind e nxënësve të anketuar në këtë komunë kanë deklaruar se kanë qenë dëshmitarë të posedimit të armëve në ambientet e shkollës. /Telegrafi/
Komuna e Gjakovës ka përfituar 1.5 milionë euro nga Projekti i Banimit Social Adekuat, financuar nga Qeveria e Kosovës.
Sipas ministres në detyrë të Mjedisit dhe Planifikimit Hapësinor, Fitore Pacolli, marrëveshja e bashkëpunimit është nënshkruar me nënkryetarin e Komunës së Gjakovës, Flamur Fetahaj.
Investimi përfshin 1.35 milionë euro për ndërtimin e rreth 23 njësive të reja të banimit social, ndërsa 150 mijë euro do të ndahen për renovimin e gjashtë shtëpive private të familjeve në nevojë.
Projekti synon të përmirësojë kushtet e banimit për familjet e cenueshme dhe t’u krijojë atyre kushte më të sigurta dhe më dinjitoze për jetesë.
Ministrja Pacolli e ka cilësuar këtë investim si një mbështetje konkrete për familjet që kanë më së shumti nevojë për përkrahje. /Telegrafi/
Komuna e Klinës ka përfituar një grant në vlerë prej 1 milion e 865 mijë eurosh nga Ministria e Mjedisit dhe Planifikimit Hapësinor, në kuadër të Projektit të Banimit Social Adekuat.
Marrëveshja e grantit është nënshkruar nga kryetari i Komunës së Klinës, Zenun Elezaj, dhe ministrja në detyrë e Mjedisit dhe Planifikimit Hapësinor, Fitore Pacolli. Në takim morën pjesë edhe nënkryetari Fadil Gashi dhe drejtori i Qendrës për Punë Sociale, Ilir Bacaj.
Sipas marrëveshjes, 1.35 milionë euro do të ndahen për ndërtimin e rreth 20 njësive të reja të banimit social, 350 mijë euro për renovimin e rreth 14 shtëpive private, ndërsa 165 mijë euro për rindërtimin e tri shtëpive private.
Në total, projekti parasheh trajtimin e rreth 37 njësive të banimit dhe shtëpive, me synim përmirësimin e kushteve të jetesës për familjet në nevojë.
Kryetari Elezaj e ka cilësuar projektin si një hap konkret drejt krijimit të kushteve më të sigurta dhe më dinjitoze të banimit, duke falënderuar institucionet qendrore për mbështetjen dhe ekipet komunale për angazhimin në përgatitjen e projektit. /Telegrafi/
Shqipëria dhe Mbretëria e Bashkuar kanë nënshkruar një marrëveshje historike për Ndarjen e Pasurive pas përfundimit të një çështjeje të lidhur me drogën dhe rikuperimin e fondeve.
Kjo shënon marrëveshjen e parë të këtij lloji në rajon dhe vendos një precedent të ri për bashkëpunimin ndërkombëtar në rikuperimin e pasurive dhe luftën kundër krimit të organizuar.
Marrëveshja vjen pas një çështjeje penale të përfunduar për komplot për furnizimin me kanabis të grupeve të krimit të organizuar në juridiksionin e Anglisë dhe Uellsit. Pas përpjekjeve për rikuperimin e pasurive nga autoritetet britanike dhe shqiptare që punuan së bashku, të ardhurat nga krimi u identifikuan dhe u rikuperuan me sukses në Shqipëri.
Sipas marrëveshjes, të ardhurat e rikuperuara nga kjo çështje do të ndahen në mënyrë të barabartë midis dy vendeve, duke u dhënë një mesazh të qartë kriminelëve se autoritetet britanike dhe shqiptare do të ndjekin të ardhurat e krimit të organizuar dhe do të punojnë përtej kufijve. Marrëveshja hap rrugën që pasuritë e sekuestruara të riinvestohen për të mirën sociale në të dy vendet.
Marrëveshja u miratua në një ceremoni zyrtare në Tiranë më 13 korrik, ku mori pjesë Ambasadori i Madhërisë së Tij në Shqipëri, Nicholas Abbott dhe Risena Xhajën, Kryeadministratore e AAPSK-së. Ajo është rezultat i muajve të bashkëpunimit të ngushtë midis autoriteteve britanike dhe shqiptare të zbatimit të ligjit dhe gjyqësorit, të mbështetur nga Ministria e Brendshme, Agjencia Kombëtare e Krimit, Shërbimi i Prokurorisë së Kurorës dhe Agjencia e Administrimit të Pasurive të Sekuestruara dhe të Konfiskuara e Shqipërisë.
Lexoni më poshtë njoftimin e plotë për media:
Mbretëria e Bashkuar dhe Shqipëria nënshkruajnë Marrëveshjen e parë në rajon për Ndarjen e Pasurive
Mbretëria e Bashkuar dhe Shqipëria kanë nënshkruar një Marrëveshje historike për Ndarjen e Pasurive pas përfundimit të një çështjeje të lidhur me drogën dhe rikuperimin e fondeve. Kjo shënon marrëveshjen e parë të këtij lloji në rajon dhe vendos një precedent të ri për bashkëpunimin ndërkombëtar në rikuperimin e pasurive dhe krimin e rëndë të organizuar.
Marrëveshja lidhet pas një çështjeje penale të përfunduar për komplot për furnizimin me kanabis të grupeve të krimit të organizuar në juridiksionin e Anglisë dhe Uellsit. Pas përpjekjeve për rikuperimin e pasurive nga autoritetet britanike dhe shqiptare që punuan së bashku, të ardhurat nga krimi u identifikuan dhe u rikuperuan me sukses në Shqipëri.
Sipas Marrëveshjes, të ardhurat e rikuperuara nga kjo çështje do të ndahen në mënyrë të barabartë midis dy vendeve, duke u bërë të qartë kriminelëve se autoritetet britanike dhe shqiptare do të ndjekin të ardhurat e krimit të rëndë të organizuar dhe do të punojnë përtej kufijve. Marrëveshja hap rrugën që pasuritë e sekuestruara të riinvestohen për të mirën sociale në të dyja kombet.
Marrëveshja u miratua në një ceremoni zyrtare në Tiranë më 13 korrik, ku mori pjesë Ambasadori i Madhërisë së Tij në Shqipëri, Nicholas Abbott, së bashku me Risena Xhajën, Kryeadministratore e Agjencisë së Administrimit të Pasurive të Sekuestruara dhe të Konfiskuara e Shqipërisë (AAPSK). Ajo është rezultat i muajve të bashkëpunimit të ngushtë midis autoriteteve britanike dhe shqiptare të zbatimit të ligjit dhe gjyqësorit, të mbështetur nga Ministria e Brendshme (Home Office), Agjencia Kombëtare e Krimit (NCA), Shërbimi i Prokurorisë së Kurorës (CPS) dhe AAPSK.
Vijimësi e bashkëpunimit të ngushtë dypalësh Marrëveshja pasqyron angazhimin afatgjatë të Mbretërisë së Bashkuar për të luftuar rrjetet e krimit të rëndë të organizuar që shkaktojnë dëme të konsiderueshme në MB.
Sekuestrimi dhe ndarja e të ardhurave nga kriminaliteti është një pjesë qendrore e strategjisë së Qeverisë së MB-së për të ndërprerë modelet e biznesit kriminal dhe për të reduktuar nxitjet për kryerjen e krimit të organizuar që synon MB-në.
MB ka punuar ngushtë me autoritetet shqiptare për të forcuar kapacitetin dhe aftësinë e tyre për të hetuar dhe ndjekur penalisht krimin e rëndë të organizuar, duke përfshirë trajtimin e pastrimit të parave dhe përdorimin në rritje të kriptomonedhave nga rrjetet kriminale. MB ka ofruar softuer dhe trajnim kapacitetesh për të mbështetur reagimin e Shqipërisë, dhe në vitin 2025 udhëhoqi aktivitetin e Procesit të Berlinit për Financat e Paligjshme, i cili u fokusua në rikuperimin e pasurive në të gjithë Ballkanin Perëndimor.
MB gjithashtu vazhdon të mbështesë shqyrtimin në vazhdim të legjislacionit të Shqipërisë kundër pastrimit të parave.
Shkalla e rrezikut
Krimi i rëndë i organizuar vazhdon të paraqesë sfida të konsiderueshme si për MB-në ashtu edhe Shqipërinë, me rrjetet kriminale që shfrytëzojnë cenueshmëritë kufitare dhe pastrojnë të ardhurat përmes parave në dorë, sistemeve informale të transferimit dhe kriptomonedhave. Si pasqyrim i shkallës së sfidës, të dy qeveritë janë të përkushtuara të punojnë së bashku për të prishur këto rrjete, për të mbrojtur komunitetet e tyre dhe për të siguruar që krimi të mos shpërblehet.
Lufta ndaj modelit të biznesit kriminal
AAPSK ka rritur ndjeshëm të ardhurat e përfituara nga pasuritë e sekuestruara dhe të konfiskuara gjatë dy viteve të fundit, duke demonstruar kapacitetin në rritje të të dy kombeve për të vepruar kundër financave kriminale. Vetëm në tremujorin e parë të vitit 2025, vlera e pasurive të sekuestruara tejkaloi 58 milionë euro, duke përfshirë mbi 1,000 sekuestrime dhe konfiskime të pasurive të paluajtshme, duke pasqyruar masën në të cilën sektori i pasurive të paluajtshme po abuzohet për të pastruar të ardhurat kriminale.
Pavarësisht lodhjes dhe shqetësimeve që po përjeton, Xhuli duket se mezi po pret momentin e shumëpritur.
Ajo ka shprehur dëshirën që kjo fazë të përfundojë sa më shpejt, në mënyrë që të vijë momenti kur do të takojë më në fund vogëlushët e saj. /Telegrafi/
Bayern Munich ka refuzuar interesin e kampionëve të Ligës Premier, Arsenalit, për qendërmbrojtësin koreano-jugor Minjae Kim.
Londinezët thuhet se morën një refuzim të shpejtë dhe në vend të kësaj nënshkruan me Ezri Konsa nga Aston Villa për rreth 60 milionë euro.
Sipas faqes sportive Absolut Bayern, disa klube angleze, përfshirë Manchester United, Nottingham Forest dhe Aston Villa, gjithashtu u interesuan për 29-vjeçarin, por u refuzuan.
⚠️ Antes de fechar com Ezri Konsa, do Aston Villa, o Arsenal consultou a situação de Kim Min-jae.
O zagueiro sul-coreano de 29 anos, no entanto, recusou rapidamente a abordagem.
Além do Arsenal, Manchester United, Nottingham Forest e o próprio Aston Villa também demonstraram… pic.twitter.com/BsPmSvoaBa — Bundesliga Insider (@BundesInsider) August 26, 2026
Drejtori sportiv i Bayernit, Max Eberl, kishte menduar shitjen e Kim në verën e vitit 2025, megjithatë një transferim nuk është më në agjendë.
Trajneri kryesor Vincent Kompany i vlerëson shumë cilësitë e mbrojtësit, duke e përshkruar atë si "një përbindësh të vërtetë mbrojtës dhe shumë të shpejtë" gjatë turneut të fundit të Bayernit në Azi.
Kim mbetet i përkushtuar ndaj gjigantëve të Bundesligës, ku ai vazhdon të ofrojë një mbulim të besueshëm në qendër të mbrojtjes, herë si titullarë dhe herë si alternativë. /Telegrafi/
Studiuesit kanë argumentuar prej kohësh se udhëheqësi legjendar ishte pikërisht i tillë - një legjendë. Por, një histori e re e Mesjetës së Errët sugjeron të kundërtën.
Nga: Francis Young / The Telegraph Përkthimi: Telegrafi.com
Tintageli është vend i zymtë dhe i largët. Kërkohet një vendosmëri për të arritur në këtë fshat në bregdetin verior të Kornuollit: turistët duhet të largohen prej rrugëve kryesore që çojnë drejt diellit dhe sërfit. Por, kjo nuk i pengon ata që tërhiqen nga legjenda e Mbretit Artur. Që nga shekulli XII, kështjella mbresëlënëse është mitizuar si vendi i ngjizjes së tij; një shpellë nëpër të cilën mund të ecësh kur zbatica është e ulët, mban emrin e magjistarit legjendar të Arturit, Merlinit. Kujtimi i Arturit (dhe çështja e ekzistencës së tij) ngrihet mbi Tintagel në kuptimin e mirëfilltë të fjalës - në formën e skulpturës prej bronzi, tetë këmbë të lartë [2.43 metra], të Rubin Eynonit, po aq e joreale dhe eterike sa vetë legjenda.
Historianët kanë hedhur idenë se Tintageli dikur ishte një qendër e rëndësishme mbretëroreFoto: Matt Cardy/Getty Images
Prej kohësh ka qenë në modë të vihet në pikëpyetje nëse Arturi ka qenë ndonjëherë person real - në të vërtetë, skepticizmi i tillë është praktikisht ortodoksi akademike. Por, në [librin] Tyrants and Traders [Tiranë dhe tregtarë] - një histori e periudhës së hershme mesjetare të Britanisë - Ken Dark është i gatshëm ta lëkundë këtë prirje, të paktën deri diku. Mungesa e burimeve, argumenton ai, nuk i asgjëson plotësisht dëshmitë për mbretin.
“Artur” ishte një emër relativisht i rrallë në Britani dhe fakti që nisi të shfaqej si emër për meshkuj mbretërorë, madje që nga gjysma e dytë e shekullit VI e tutje, sugjeron se pas kësaj vale qëndronte një person real. Pretendimi i dëgjuar shpeshherë se Arturi është thjesht “trillim”, shpërfill gjithashtu problemin e sikletshëm se nuk kemi asnjë dëshmi me të cilën britanikët e shekullit V shkruanin letërsi spekulative - dhe as ndonjë arsye për të menduar se e bënin këtë.
Skulptura prej bronzi e Rubin Eynonit, “Galosi”, tetë këmbë e lartë, u vendos në vitin 2016 në Kështjellën Tintagel në KornuollFoto: Education Images/Universal Images Group via Getty Images
Aq e errët është epoka në të cilën Arturi (ndoshta) jetoi, saqë historianët dhe arkeologët nuk janë të sigurt as se si ta quajnë. Periudha, e cila shpesh përshkruhet se shtrihet nga fundi i Britanisë romake në vitin 410 deri te pushtimi i anglo-saksonëve rreth vitit 577 dhe krijimi i mbretërive të tyre, dikur quhej Mesjeta e Errët (një term që është bërë jopopullor, por që i referohet errësirës së dëshmive dhe jo mungesës së kulturës apo arritjeve njerëzore).
Por, sot ajo quhet më shpesh “post-romake”, “sub-romake” ose “arturiane” për ata me prirje më romantike. Nuk ka kronologji të përcaktuar qartë, sepse sundimi romak vazhdoi në shumë pjesë të vendit, veçanërisht në Uells. Burimet tona kufizohen në një grusht tekstesh të mirënjohura nga autorë si Gildasi, Beda, Neniu dhe Patriku dhe, deri vonë, periudha post-romake ishte mjaft e padepërtueshme edhe për arkeologët.
Por, përparimet në arkeologji po e ndryshojnë këtë. Nëse interpretimi arkeologjik shpesh është përqendruar rreth një vendi të vetëm e të famshëm (Stounhenxh për Epokën e Bronzit; Bath për romakët), Tintageli është bërë simboli i arkeologëve të epokës post-romake.
Tintageli është bërë simboli i arkeologëve të epokës post-romakeFoto: Matt Cardy/Getty Images
Në shekullin XX, nën mistrinë e Ralegh Radfordit u zbulua një qendër tregtare e Mesjetës së Errët. Kohët e fundit, historianët kanë hedhur idenë se Tintageli ishte qendër e rëndësishme mbretërore, ndoshta një lloj kryeqyteti i mbretërisë së Dumnonisë (Devoni dhe Kornuolli i sotëm). Në një ishull të përfshirë nga luftërat e brendshme dhe ndëretnike, kishte më shumë kuptim të vendoseshe në një kep të shkretë - edhe nëse kjo nënkuptonte të përballeshe me një det të rrezikshëm.
Gjithçka tjetër që dimë për periudhën vjen nga një numër i vogël burimesh, si De Excidio et Conquestu Britanniae [Mbi shkatërrimin e Britanisë] i Gildasit, një denoncim i fuqishëm i korrupsionit të Britanisë (dhe i fatit të saj nën saksonët pushtues).
Është e vështirë t’i përcaktohet data, por na jep një tablo të gjallë të politikës dhe fesë përçarëse të Britanisë së Mesjetës së Errët, së bashku me pesë mbretër (të krahasuar me një luan, një leopard, një ari dhe një dragua), të cilët Gildasi i dënon ashpër për shkelje të betimeve, sakrilegj, vrasje, kurvëri, tradhti bashkëshortore dhe mashtrim. Beda, ndërkohë, na tregon se komuniteti i britanikëve ishte i shpërndarë në diasporë, nga Skocia jugore në Veri deri në Bretanjë dhe Galici në Jug. Ishte lidhja me Bretanjën ajo që shpjegon përse frëngjishtfolësit mesjetarë shumë shpejt nisën të tregonin histori për Arturin.
Darku ka një kandidat të mundshëm për Arturin - Arturi, i biri i Pedrit, një pjesëtar i rangut të ulët i familjes mbretërore uellsiane të shekullit VI, i cili do të kishte qenë në moshën e duhur për të fituar një betejë në vitin 537 (një nga të dhënat më të besueshme për një betejë ku përfshihej Arturi). Por, edhe nëse jo të gjithë lexuesit binden, pohimi i përgjithshëm i Darkut se ka ekzistuar një Artur prej mishi e gjaku do të mbetet ende bindës.
Libri arrin një ekuilibër të rrallë mes përcjelljes, nga njëra anë, të natyrës shpesh të paqartë dhe të debatueshme të interpretimit arkeologjik dhe, nga ana tjetër, mbajtjes së rrëfimit të kuptueshëm për lexuesin e gjerë.
nTyrants and Traders trajton në mënyrë inteligjente disa çështje të debatueshme, merret në mënyrë gjithëpërfshirëse me kërkimet më të fundit arkeologjike dhe parashtron disa hipoteza intriguese - ndonëse në fund të fundit të paprovueshme, për epokën historike më misterioze të Britanisë. /Telegrafi/
Presidenti ukrainas Volodymyr Zelensky i ka akorduar miliarderit dhe themeluesit të SpaceX, Elon Musk, një prej dekoratave më të larta shtetërore të Ukrainës – “Urdhrin e Lirisë”.
Vendimi vjen pas një marrëdhënieje tejet të ndërlikuar mes Musk dhe Kievit, të shoqëruar ndër vite me përplasje publike dhe kritika të drejtpërdrejta ndaj Zelenskyt.
Në dekretin e publikuar nga Presidenca ukrainase, Musk vlerësohet për “merita të jashtëzakonshme personale në mbrojtjen e jetës dhe lirisë së njerëzve”, si dhe për kontributin në forcimin e marrëdhënieve mes Ukrainës dhe Shteteve të Bashkuara.
Në qendër të këtij vlerësimi qëndron Starlink, sistemi satelitor i SpaceX që është bërë jetik për komunikimet ukrainase që nga ditët e para të pushtimit rus në shkurt 2022, transmeton Telegrafi.
Pas shkatërrimit të një pjese të madhe të infrastrukturës së komunikimit, Starlink u përdor nga civilët, institucionet shtetërore dhe ushtria ukrainase. Me kalimin e kohës, dhjetëra mijëra terminale u integruan edhe në operacionet ushtarake dhe përdorimin e dronëve. Por marrëdhënia nuk ka qenë aspak e qetë.
Musk ka kundërshtuar vazhdimisht përdorimin e Starlink për sulme me rreze të gjatë ndaj objektivave ruse, duke argumentuar se një përdorim i tillë mund ta përfshinte kompaninë e tij drejtpërdrejt në luftë dhe të rriste rrezikun e përshkallëzimit.
Një prej rasteve më të diskutueshme lidhej me Krimenë, ku Musk refuzoi një kërkesë ukrainase për aktivizimin e Starlink pranë Sevastopolit për operacione kundër Flotës ruse të Detit të Zi.
Megjithatë, në vitin 2026 Ukraina dhe SpaceX bashkëpunuan sërish për të penguar përdorimin e paligjshëm të terminaleve Starlink nga forcat ruse, pasi Moska kishte nisur t'i përdorte ato në disa dronë sulmues.
Musk ndërkohë ka kritikuar publikisht edhe politikën e Zelenskyyt dhe ka bërë thirrje për përfundimin e luftës përmes negociatave.
Pavarësisht këtyre përplasjeve, Starlink vazhdon të jetë një komponent kyç i komunikimeve ushtarake ukrainase dhe një teknologji veçanërisht e rëndësishme për operacionet me dronë në zonat ku lufta elektronike ruse mund të ndërpresë lidhjet tradicionale.
Tani Ukraina kërkon që Starlink të përdoret edhe nga dronët ukrainas për operacione shumë më thellë brenda territorit rus, përfshirë potencialisht kundër sistemeve të lëvizshme raketore.
Deri tani, Musk nuk ka dhënë miratimin për një përdorim të tillë.
Dekorimi i tij nga Zelensky është kështu një kthesë e jashtëzakonshme në një marrëdhënie që ka kaluar nga mbështetja teknologjike jetike, te përplasjet politike dhe kritikat publike, por që ende mbetet strategjike për Ukrainën. /Telegrafi/
Crvena Zvezda është ndëshkuar me një total prej 99,500 eurosh pas ndeshjes ndaj Viktoria Plzenit, ndërsa pjesa më e madhe e gjobës lidhet me mesazhet e papërshtatshme të shfaqura nga tifozët.
UEFA ka marrë masa disiplinore ndaj Crvena Zvezdës pas ndeshjes së Ligws sw Evropws kundër Viktoria Plzenit, të zhvilluar më 20 gusht dhe të fituar nga skuadra serbe me rezultatin 3-0.
Gjoba më e madhe, prej 50 mijë eurosh, është vendosur për transmetimin e mesazheve të papërshtatshme për një ngjarje sportive. Në mesin e parullave të shfaqura nga tifozët ishte edhe mesazhi “Kosova është Serbi”, i cili ka sjellë ndëshkimin më të madh financiar në këtë vendim.
UEFA e ka dënuar gjithashtu Crvena Zvezdën me 20 mijë euro për bllokimin e shkallëve të stadiumit, ndërsa për ndezjen e mjeteve piroteknike klubi duhet të paguajë edhe 9,500 euro.
Ndëshkimi më serioz lidhet me sjelljen raciste dhe/ose diskriminuese të tifozëve. Për këtë shkelje, Crvena Zvezda është gjobitur me 20 mijë euro dhe është urdhëruar mbyllja e pjesshme e stadiumit, konkretisht sektori 3 i tribunës veriore, në ndeshjen e ardhshme evropiane si vendas.
Megjithatë, kjo masë është pezulluar për një periudhë prove prej dy vitesh. Nëse klubi kryen shkelje të tjera gjatë kësaj periudhe, mbyllja e sektorit mund të aktivizohet.
Në total, Crvena Zvezda është dënuar me 99,500 euro gjobë, ndërsa UEFA ka dhënë një sinjal të qartë se mesazhet raciste, diskriminuese dhe politike në stadiume nuk do të tolerohen. /Telegrafi/
Zëvendëskryeministri i Parë dhe Ministri për Çështje Evropiane, Bekim Sali, mori pjesë sot në ceremoninë që shënoi fillimin e punimeve në autostradën Shkup–Bllacë, një projekt me rëndësi strategjike për lidhjen infrastrukturore, zhvillimin ekonomik dhe forcimin e bashkëpunimit ndërmjet Maqedonisë së Veriut dhe Kosovës.
Në ceremoni morën pjesë Kryetari i Kuvendit, Afrim Gashi, Kryeministri Hristijan Mickoski, Zëvendëskryeministri dhe Ministri i Transportit, Aleksandar Nikolloski, Kryetari i Çairit, Izet Mexhiti, Kryetari i Tetovës, Bilall Kasami, si dhe përfaqësues të institucioneve dhe mysafirë të tjerë.
Në fjalën e tij, Sali theksoi se fillimi i punimeve paraqet shumë më tepër sesa një investim infrastrukturor, duke e cilësuar atë si një investim në afrimin e njerëzve, familjeve, bizneseve dhe tregjeve të të dyja vendeve.
“Duke i përuruar punimet e kësaj autostrade, po hedhim edhe gurthemelin e së ardhmes sonë të përbashkët, të integruar dhe të zhvilluar. Pas instalimit të sistemit ‘One Stop Shop’, ndërtimi i kësaj rruge do të thotë se Shkupi dhe Prishtina bëhen edhe më pranë njëra-tjetrës. Praktikisht, kështu po e bëjmë Evropën para se të bëhemi anëtarë të Bashkimit Evropian”, theksoi Sali.
Ai nënvizoi se autostrada Shkup–Bllacë do të mundësojë qarkullim më të shpejtë dhe më të sigurt, do të lehtësojë transportin dhe do të krijojë kushte më të mira për zhvillimin ekonomik dhe bashkëpunimin rajonal.
Sali theksoi gjithashtu se fqinjësia e mirë nuk matet vetëm me deklarata, por me projekte konkrete – me rrugë që ndërtohen, ura që lidhin, kufij që kalohen më lehtë dhe mundësi të reja që krijohen për qytetarët.
Në fund, ai shprehu bindjen se ky projekt do të hapë një etapë të re të bashkëpunimit, në të cilën ekonomitë do të jenë më të lidhura, qytetarët më pranë njëri-tjetrit dhe perspektiva e përbashkët evropiane edhe më konkrete.
Login
