Irani ka marrë një përgjigje nga SHBA-të ndaj propozimit të tij të fundit për paqe, thanë mediat iraniane të lidhura me shtetin.
Zëdhënësi i ministrisë së jashtme të Iranit tha se përgjigjja - e cila u dërgua nëpërmjet Pakistanit - tani po shqyrtohet.
SHBA-të ende nuk e kanë konfirmuar se i janë përgjigjur Teheranit.
Të shtunën, presidenti Donald Trump tha se "së shpejti do ta shqyrtojë planin që Irani sapo ka dërguar, por nuk mund ta imagjinojë që do të ishte i pranueshëm".
Media shtetërore iraniane tha se plani 14-pikësh i Teheranit i kërkonte Uashingtonit të tërhiqte forcat e tij nga afërsia e kufijve të Iranit, t'i jepte fund bllokadës detare të porteve iraniane dhe të ndërprisnin të gjitha armiqësitë - përfshirë ofensivën e Izraelit në Liban.
Gjithashtu, kërkoi që një marrëveshje midis dy vendeve të arrihet brenda 30 ditëve. /Telegrafi/
Nxënësit e disa shkollave fillore në Shkup po dëshmojnë se edhe në moshë të re mund të japin zgjidhje konkrete për një të ardhme më të pastër dhe të qëndrueshme.
Përmes projekteve të tyre kreative, ata kanë prezantuar ide inovative për reduktimin e ndotjes së ajrit dhe përmirësimin e jetesës urbane. Një nga propozimet më të veçanta ishte ai për ndërtimin e një tramvaji modern përgjatë lumit Vardar. Një grup tjetër nxënësish prezantoi përdorimin e eko-paneleve me alga për pastrimin e ajrit rreth shkollave.
“Ky tramvaj do të kalojë përgjatë rrjedhës së lumit Vardar dhe do të ketë më shumë stacione, në të cilat udhëtarët do të mblidhen me eko-autobusë. Këta autobusë do të punojnë me panele diellore dhe do t’i dërgojnë udhëtarët deri në komunën përkatëse. Me këtë, ne e reduktojmë ndotjen e ajrit për 60% dhe buxhetin mund ta shfrytëzojmë për diçka tjetër, në vend të rindërtimit të rrugëve, mund ta përdorim për rikonstruimin e parqeve, ndërtimin e parqeve të reja dhe më shumë gjelbërim në Shkup”, deklaroi Mihaill, nxënës I sh.f “Jana Moskominski”.
“Ne kemi pranuar sfidën për të gjetur një zgjidhje për reduktimin e ndotjes rreth shkollave. Kemi krijuar eko-panele me alga. Algat thithin dioksidin e karbonit deri në 50 herë më shumë se pemët. Prandaj, zgjidhja për pastrimin e ajrit nuk është vetëm mbjellja e një peme, por është diçka më inovative dhe më ndryshe. Kemi edhe një maketë, ku në pjesët anësore të shkollave planifikojmë të ketë mur me myshk, pasi edhe ai e shndërron shumë shpejt dioksidin e karbonit në oksigjen”, theksoi Mihaella, nxënëse sh.f “Vera Jociq”.
Një tjetër ide kreative ishte prezantimi i një koshi inteligjent për mbeturina. Ky kosh funksionon me energji diellore, është i pajisur me sensorë dhe ofron shpërblime për përdoruesit që kontribuojnë në ruajtjen e mjedisit. Nxënësit gjithashtu dërguan mesazhe të qarta për ndryshimin e zakoneve të përditshme, duke inkurajuar përdorimin e biçikletave në vend të makinave.
“Kemi prezentuar një kosh mbeturinash, kosh smart, mund të ndihmoj, mund të flas, ka senzor dhe gjithashtu punon me panele solare që ruajnë energjinë dhe gjithashtu mer pikë dhe jep shpërblime për ata që e përdorin dhe janë të ndërgjegjshëm. Kjo ishte një ide jona dhe shpresojmë që është një ide realistike që me të vërtet mund të ndihmoj si një projekt I vërtet në vendin tonë”, tha Blin, nxënës I sh.f”7 Marsi”.
“Në projektin e sotëm, duam të përcjellim një mesazh që do ti informojë qytetarët se, për të parandaluar ndotjen e ajrit, ata duhet të përdorin biçikletat më shumë se sa makinat dhe autobusë”, thotë Ajlin, nxënëse sh.f “Tefejuz”.
Sipas nxënësve, idetë e tyre mund të shërbejnë si frymëzim për politika dhe projekte konkrete në të ardhmen. Idetë u dhanë në kuadër të projektit për mbrojtjen e mjedisit nga Fondi për inovacion./Alsat.mk.
Foltoren e Kuvendit jo rrallë herë e shfrytëzon si vend ku lehtësisht hedh akuza ndaj mediave.
Ngjashëm veprohet edhe jashtë sallës plenare.
Kryeministri tani në detyrë i Kosovës Albin Kurti, nuk heziton të përdorë gjuhë të ashpër në adresë të gazetarëve.
Një qasje e tillë ndaj mediave, po konsiderohet primitive sipas profesorit universitar, Milazim Krasniqit.
“S’mund t’i kontrollosh mediat komerciale, pra është primitivizim dhe flet për një kulturë të ulët morale dhe politike. Gazetarët janë fëmijë të Kosovës, siç janë infermierët, juristët. Çdo sulm ndaj tyre shoqëria duhet ta përjetojë si sulm ndaj vetes”, ka deklaruar Milazim Krasniqi – profesor i gazetarisë.
Krasniqi konsideron se liria e mediave duhet të mbrohet çdo ditë e më shumë, pasi shumë kush i konsideron si rivali kryesor.
“Gjithmonë ka akterë që janë kundër lirisë së mediave. Vetë fakti që është pushtet, pushteti i saj i sfidon të tjerët, në radhë të parë qeverinë, institucionet e ndryshme, ashtu që dëshira e tyre është që media të jetë më e disiplinuar”, ka theksuar Krasniqi.
Ish-kryetarit të Komisionit të Pavarur të Mediave, Jeton Mehmeti, u ka bërë thirrje pushtetarëve që të kenë kujdes me gjuhën që përdorin ndaj gazetarëve, pasi që sic e nënvizon se fjalët e tyre kanë peshë te masa.
“Jemi shumë larg standarde vetë cilat vetë ne si shtet I kemi vendosur. Kemi qenë të ranguar shumë më mirë se tani, duhet të bëhet më shumë në disa rrafshe, legjislacioni sipas BE-së, niveli politik të ketë qasje korrekte ndaj mediave dhe gazetarëve, dhe qëndrueshmëria financiare e mediave”, ka deklaruar Mehmeti.
3 maji njihet ndërkombëtarisht si Dita botërore e Lirisë së Shtypit e shpallur nga OKB e që për qëllim ka mbrojtjen e gazetarisë së pavarur./Tv Dukagjini
Sulmuesi i Kosovës, Albion Rrahmani, është rikthyer te goli në Superligën e Çekisë, duke shënuar në fitoren 2-0 të Sparta Pragës ndaj Jablonec.
Ai u fut në lojë në minutën e 60-të, duke lërë menjëherë shenjë, në fitoren e skuadrës së tij.
Ishte minuta e 77-të, kur pas asistimit të Jan Kuchtës, ai u gjet brenda zonës dhe me një goditje të bukur e dërgoi topin në anën e majtë të rrjetës, duke e mposhtur portierin Jan Hanus për 2-0.
Kleviol Ahmeti, i njohur për publikun si Cllevio, ka dhënë një intervistë pa filtra te Grida Duma Podcast.
Reperi i njohur shqiptar ka hapur 'dosjen' e kërcënimeve që i kanosen dhe jetës së tij në izolim.
Mes filozofisë dhe mbijetesës, ai deklaroi se po jeton një moment kritik ku çdo goditje mund t’i kushtojë shtrenjtë.
Foto: YouTube
Cllevio pranoi hapur se liria e tij është kufizuar maksimalisht për shkak të personave që duan ta eliminojnë.
“Jam futur në bunker. Duan të më vrasin, ndaj lëviz me makinë të blinduar”, u shpreh ai.
Gjatë bisedës, ai hodhi dritë mbi një konflikt të hapur, të cilin e quajti një 'duel' ku palët kanë ngecur. Pa përmendur emra konkretë, ai la të kuptohet se kundërshtari i tij ndodhet në një presion social.
“Jemi të dy në një duel, ngecëm. Ai do të më falë, por ka hallin e turmës…”, theksoi tutje.
Kryetari i Partisë Demokratike në Shqipëri, Sali Berisha, ka reaguar pas paraqitjes së një rezolute në Kongresin e SHBA-së për anëtarësimin e Kosovës në NATO.
Berisha ka thënë se kongresmenët Keith Self, Ritchie Torres dhe Mike Lawler kanë dorëzuar rezolutën në Dhomën e Përfaqësuesve, ndërsa Partia Demokratike e Shqipërisë e ka përshëndetur këtë nismë, duke e cilësuar si “mbështetje të çmuar” për aspiratat euroatlantike të qytetarëve të Kosovës.
Sipas tij, anëtarësimi i Kosovës në NATO përbën kontribut të rëndësishëm për paqen, stabilitetin dhe sigurinë në vend dhe në rajon, si dhe “përgjigjen më të vendosur” ndaj, siç u shpreh, ambicieve ruse në rajon.
“Me këtë rast, PD falënderon me mirënjohje kongresmenët Self, Torres dhe Lawler për iniciativën e tyre tejet të rëndësishme për Kosovën dhe rajonin tonë, si dhe përfaqësuesit e komunitetit shqiptaro-amerikan në Nju-Jork dhe Teksas për angazhimin e tyre të palodhur në mbështetje të Republikës së Kosovës”, ka shkruar Berisha.
Merz tha se Irani i kishte “poshtëruar” SHBA-të kur i kishte bindur zyrtarët të udhëtonin në Pakistan dhe ata u detyruan të largoheshin pa rezultate.
Trump u përgjigj duke akuzuar Merzin për tolerimin e një Irani të armatosur bërthamor dhe duke i thënë atij të rregullonte "vendin e tij të shkatërruar".
Të premten, Pentagoni njoftoi se SHBA-të do të tërheqin 5,000 trupa nga Gjermania. /Telegrafi/
Kryeministri Edi Rama ka reaguar nga Erevani i Armenisë për aksidentin tragjik të ndodhur sot në zonën e Spitallës, ku humbën jetën dy fëmijë dhe u plagos rëndë një i tretë.
Kreu i qeverisë në një mesazh në “X” e konsideron ngjarjen një “tragjedi të pangushëllueshme”.
“Sapo kemi zbritur në Erevan të Armenisë për Komunitetin Politik Europian dhe kam mësuar për tragjedinë e pangushëllueshme të humbjes së dy fëmijëve, ndërkohë që fëmija i tretë lufton për jetën nën kujdesin e mjekëve. Zoti bekoftë dy shpirtrat e vegjël, u dhëntë forcën e jashtëzakonshme prindërve për t’i mbijetuar dhimbjes së madhe, ndërkohë që bashkohem në lutjet për shërimin e fëmijës në spital”, shkruan Rama në platformën "X".
Kujtojmë që katër fëmijë ishin duke luajtur në trotuar në momentin që mjeti tip “Benz ML” i drejtuar nga Nikoll Radaçi, përplasi tre të mitur, ndërsa një i katërt i shpëtoi mrekullisht aksidentit. Dy fëmijë humbën jetën menjëherë në vendngjarje, ndërsa fëmija i tretë u transportua në Spitalin e Traumës, ku ndodhet në gjendje të rëndë. Dyshohet se drejtuesi 57-vjeçar i makinës tip “Benz ML” ishte i dehur në timon.
Në lidhje me ngjarjen ka reaguar më herët edhe Presidenti Bajram Begaj, i cili u bëri thirrje institucioneve përgjegjëse që të marrin masa për rritjen e sigurisë.
E mbijetuara e masakrës në Bukosh të Suharekës, Tahire Llugaxhiu, mes lotëve në sy rrëfen pas 27 viteve për vrasjen në mënyrë makabre të bashkëshortit të saj Avdullah Llugaxhiu nga forcat serbe. Një grua që mbart mbi supe jo vetëm humbjen e burrit, por edhe plagët e një përjetimi që nuk shërohet kurrë. Me një zë që dridhet mes kujtimesh dhe emocioni, ajo rikthen copëza të asaj dite që i ndryshoi jetën përgjithmonë.
“Pesë fëmijë i kam, atë ditë tre fëmijë i kam pas me veti, dy kanë qenë ndamas… fëmijët më kanë pështu, burri është i mbytun. Gjashtë muaj nuk e kemi gjet, tani ashtu e varrosëm pa e pa hiç. Veç nuk po flenë zemra. Burri i ka pas 45 vjeç, unë 39 (në atë kohë). Kam pas kushte të vështira shumë. Ishte fati, fëmija dolën në kurbet, m ‘shtuan. Po tash na ka kaplu mërzia shumë…”, tha ajo.
Momenti kur iu shkëputën me dhunë më të dashurit mbetet një nga plagët më të thella të jetës së saj.
“Kjo ditë s’harrohet kurrë. Jemi kanë në kolonë, jemi kanë me një fshat këtu t’u nejt. Na rrethuan policia, na thanë mu dorëzua nuk ju bëjmë kurgjë, edhe u dorëzuam. Gra, burra, fëmijë, s’po di sa jemi kanë refugjatë, na kanë hy rend.. Secili polic lypke pare, dukat, mi kanë marrë krejt çka i kam pas. Paret na i kanë marrë krejt… Na i kanë marrë, së fundmi kur erdhëm këtu te dyert e shkollës, e kapën edhe atë (burrin). Po kur mi kapën fëmijët, kam piskatë shumë, ma nuk di për ta… Mi kanë marrë fëmijët. Tani më kanë sjellë mua me automat në shpinë dhe më kanë thënë lëshojë fëmijët. Shumë ka qenë e rëndë.”, u shpreh ajo.
Edhe sot, pas kaq shumë vitesh, mbi këtë histori rëndon pasiguria. E vërteta për fatin e burrit të saj nuk u bë kurrë plotësisht e qartë, ndërsa vendimi për varrimin erdhi më shumë si nevojë për t’u dhënë fund vuajtjeve të fëmijëve sesa si një siguri përfundimtare.
“Po, vetëm me ua hek fëmijëve atë stresin. E varrosëm”, tha Llugaxhiu.
Lajmi për vdekjen e tij nuk erdhi si një njoftim i drejtpërdrejtë, por zgjati me muaj të tërë, duke e lënë familjen në ankth e pritje. Në mes të ikjes dhe pasigurisë, ata mbanin gjallë një shpresë të vogël , ditëlindjen e djalit, që besonin se do ta festonin sapo të arrinin në Shqipëri.
“Hiç pa lajm, qashtu. Kur u bënë, s’po di, a gjashtë muaj apo shtatë…, më 10 gusht e kemi varrosë. Qashtu ka ardh sanaku prej Rahovecit, atje ku i bëjnë ato identifikimin, edhe e kemi varrosë…Jo tani, atë ditë kur ka ndodh masakra kemi dalë për Shqipëri. Tani na lëshuan rrugën ma, po këtu u bënë çka deshtën, moj motër. E çka me na bë ma shumë? Ma të madhin fëmijë e kam pas 17 vjet. Ai shkoi në Slloveni e mori agjxha i vet. Ky i dyti, e ka nesër ditëlindjen, e tani tha burri, “grue kur dalim në Shqipëri kena me gjet Jetonin edhe kena me ja urua ditëlindjen”. Po nuk patë ymer…”, tregoi mes lotësh ajo.
Ajo ditëlindje, që duhej të ishte një moment gëzimi dhe ribashkimi, mbeti vetëm një ëndërr. Fjalët e burrit u shndërruan në kujtim të dhimbshëm , një premtim që lufta nuk e la kurrë të bëhej realitet. Në vend të festës, mbeti mungesa, në vend të urimit, heshtja. Dhe kështu, një ditë që duhej të sillte buzëqeshje, u kthye në një plagë tjetër që koha nuk arrin ta shërojë.
Jeta pas luftës ishte po aq e vështirë sa vetë përjetimi i saj. Megjithatë, në mesin e gjithë kësaj tragjedie, një dritë shprese mbetet, shpëtimi i fëmijëve të saj. Ajo e kujton atë moment si një përpjekje për të mbijetuar dhe për të shpëtuar atë që kishte më të shtrenjtë.
“I kanë pre me sopatë...”
“(Dyshohet) I kanë prerë me sakicë (sopatë)… këtu domethënë u bë maltretimi i tyre. Mos me ardhë s’po muj, po edhe me ardh pak zor… tri herë na i kanë djegë shtëpitë… Shumë keq kemi jetua…I ka shpëtuar Zoti fëmijët, se n’atë moment sikur në zjarr mu djegë jemi kanë. I kemi lënë traktorin me tesha këtu. Kur i pashë që në fëmijë po hyn i kapa fëmijët, edhe kunatat fëmijët e vetë, edhe kemi ikë për Shqipëri. Tani kemi dalë te Dubrava, na morën UÇK-ja brenda, tani filloj alarmi. Erdhi një i UÇK-së, tha dilni sa ma shpejt se me ju zënë këtu tha nuk ju mysin, ma keq tha ju keqpërdorin.”, përfundoi ajo.
Rrëfimi i saj nuk është vetëm histori personale. Është dëshmi e gjallë e një kohe të errët, një kujtesë që kërkon të mos harrohet kurrë. Në çdo fjalë të saj ndjehet pesha e humbjes, por edhe forca për të vazhduar përpara, për hir të fëmijëve dhe kujtimit të atij që nuk u kthye kurrë.
Më 3 maj të 1999-ës, 25 banorë u ndanë nga kolona dhe u rreshtuan në oborrin e shkollës në Bukosh, ku dhe u ekzekutuan. /KosovaPress
Në njoftim thuhej se arsyeja e skualifikimit lidhet me “shkelje të përsëritura të rregullave” gjatë qëndrimit të saj.
Përjashtimi ka ndezur menjëherë diskutimet në rrjetet sociale, veçanërisht në faqen zyrtare të programit në Instagram.
Një pjesë e fansave u shprehën të zhgënjyer, duke e konsideruar Malborën si një kandidate të fortë për finalen dhe duke e quajtur largimin e saj një vendim të gabuar.
Në të njëjtën kohë, në komente u ngritën edhe dyshime për standarde të dyfishta, pasi disa ndjekës pretendojnë se konkurrentë të tjerë, të përmendur shpesh me emra si Gresa, Adi apo Ola, kanë thyer rregullat më herët, por nuk janë ndëshkuar në të njëjtën mënyrë. /Telegrafi/
Juventusi ka barazuar 1-1 në shtëpi ndaj Veronës, në ndeshjen e javës së 35-të në Serie A, duke marrë vetëm një pikë pas një paraqitjeje me shumë raste, por edhe me dy shtylla.
Vendasit kaluan në epërsi në minutën e 34-të, kur Domagoj Bradariç asistoi për Kieron Bowie, i cili i pambuluar në zonë finalizoi saktë për 1-0.
Juventusi reagoi menjëherë dhe gjatë pjesës së parë ishte disa herë pranë golit. Bremer goditi shtyllën horizontale me kokë në minutën e 26-të, por pjesa e parë nuk solli gola tjera.
Goli i barazimit erdhi në minutën e 62-të, kur Dusan Vlahovic realizoi një goditje dënimi, duke e dërguar topin direkt në këndin e poshtëm të majtë për 1-1.
Trajneri i Juventusit bëri disa ndryshime gjatë ndeshjes, ku u aktivizua edhe Edon Zhegrova, i cili u shfaq menjëherë i rrezikshëm në minutat e fundit.
Zhegrova ishte shumë afër përmbysjes, por goditja e tij në minutën e 90+3’ u ndal nga shtylla, duke ia mohuar gëzimin dhe golin e parë në Serie A.
Pas këtij barazimi, Juventusi shkon në 65 pikë dhe mbetet në vendin e katërt në renditjen e Serie A, teksa gara për zonën e Ligës së Kampionëve vazhdon të jetë e fortë në javët e fundit. /Telegrafi/
Në grupin e Facebook-ut “Muri i Kisella Vodës”, qytetarët kanë postuar disa herë se dikush po shpërndan helm në komunë, me gjasë për të helmuar qentë endacakë.
Helmi nuk paraqet rrezik vetëm për kafshët, por edhe për njerëzit, pasi edhe fëmijë të vegjël lëvizin në vendet ku është vërejtur helmi.
Janë gjetur trupat e dy qenve endacakë të ngordhur. Ata ishin qen të lagjes dhe për ta kujdesej një grup qytetarësh.
Rasti është raportuar në polici dhe janë njoftuar institucionet përkatëse, ndërsa bëhet apel që të ndërmerren masa urgjente.
Federata e Arteve Mikse Marciale e Kosovës (FAMMK) ka shënuar debutim historik në arenën ndërkombëtare, duke fituar tri medalje në Kampionatin Evropian të MMA-së, i organizuar nga “Global Association of Mixed Martial Arts” në Loutraki të Greqisë.
Suksesin më të madh e arriti garuesi Ermal Berisha, i cili fitoi medaljen e argjendtë në kategorinë -70 kg. Berisha pati një paraqitje shumë të mirë deri në finale, duke regjistruar dy fitore të rëndësishme, por për shkak të një prerjeje serioze në vetull, stafi mjekësor nuk e lejoi të vazhdonte garimin në finalen e madhe.
Medalje për Kosovën siguroi edhe Ylli Rexhaj, i cili u stolis me bronzin në kategorinë -80 kg, duke kompletuar një tjetër paraqitje të suksesshme të ekipit kosovar.
Ndërkohë, në kategoritë e të rinjve, Muhamed Kashtanjeva fitoi medaljen e bronztë në kategorinë -58 kg, duke e rritur bilancin e Kosovës në tri medalje në debutimin e saj në këtë garë.
Me këtë paraqitje, FAMMK konfirmon një hap të rëndësishëm në zhvillimin e MMA-së në vend dhe nis një kapitull të ri me rezultate konkrete në garat evropiane. /Telegrafi/
Një vetaksident me motoçikletë ka ndodhur sot rreth orës 17:10 në rrugën “Perandori Justinian” në Pejë.
Lajmin e ka konfirmuar zëdhënësi i Policisë për rajonin e Pejës, Driton Rugova, i cili bëri të ditur se si pasojë e aksidentit dy persona kanë pësuar lëndime trupore.
Sipas Rugovës, të lënduarit janë dërguar për trajtim mjekësor në Spitalin Rajonal në Pejë, ndërsa njëri prej tyre, për shkak të natyrës së lëndimeve, është dërguar në QKUK në Prishtinë.
“Sot rreth orës 17:10, Policia është njoftuar për një vetaksident me motoçikletë i cili ka ndodhur në rrugën ‘Perandori Justinian’ në Pejë, si pasojë 2 persona kanë pësuar lëndime trupore. Të njëjtit janë dërguar në Spitalin Rajonal në Pejë për tretman mjekësor, ndërsa njëri nga të lënduarit për shkak të natyrës së lëndimeve është dërguar në QKUK–Prishtinë”, ka thënë Rugova.
Mesfushori i Manchester United, Kobbie Mainoo, e ka vlerësuar trajnerin e përkohshëm Michael Carrick dhe bashkëlojtarët pas fitores dramatike 3-2 ndaj Liverpoolit, rezultat që i siguroi “Djajve të Kuq” kualifikimin në Ligën e Kampionëve.
Mainoo, i cili shënoi golin vendimtar të fitores, theksoi ndryshimin e madh që ka pësuar skuadra nën drejtimin e Carrick.
“Të rikthehemi në këtë mënyrë është meritë e lojtarëve dhe e trajnerit. Tani po shohim vetëm përpara dhe ende duhet ta mbyllim sezonin fuqishëm. Duam të vazhdojmë të fitojmë e të fitojmë”, u shpreh ai.
Ai foli edhe për periudhën e vështirë personale, duke treguar se mungesa nga fusha nuk ka qenë e lehtë, por nuk është dorëzuar.
“Është e vështirë kur nuk luan futboll, por unë vazhdova të punoja fort. Michael erdhi dhe na dha sërish besim të gjithëve, jo vetëm mua. Ne duam të luftojmë për të dhe duam të vdesim për të në fushë”, deklaroi Mainoo.
Carrick po merr gjithnjë e më shumë merita për rikthimin e besimit dhe stabilitetit te Manchester United në javët e fundit. /Telegrafi/
Presidenti amerikan Donald Trump ka deklaruar se po e shqyrton propozimin e ri të bërë nga Irani për t’i dhënë fund luftës, por u shpreh skeptik në lidhje me të.
“Do t’ju vë në dijeni më vonë. Pres një fjalë prej tyre”, deklaroi Trump përpara se të hipte në “Air Force One”.
Ndërsa më vonë, presidenti republikan përsëriti qasjen e tij fillestare, por nuk ofroi më shumë informacione mbi propozimin apo pikat e tij.
“Unë do ta shoh planin që na ka dërguar Irani, por nuk besoj se do të jetë i pranueshëm pasi ata nuk e kanë paguar ende çmimin për atë që i kanë bërë njerëzimit dhe botës në 47 vitet e fundit”, deklaroi Trump.
Ndryshe, Korpusi i Gardës Revolucionare Islamike të Iranit (IRGC) ka deklaruar se presidenti amerikan, Donald Trump, duhet të zgjedhë mes një “lufte të pamundur” ose një “marrëveshjeje të keqe” me Iranin.
Në një postim në rrjetin social amerikan X, departamenti i inteligjencës i IRGC-së tha se Teherani i ka dërguar ushtrisë amerikane një afat për përfundimin e bllokadës ndaj porteve iraniane.
Departamenti iranian gjithashtu theksoi se Evropa, Kina dhe Rusia po mbajnë një ton më kritik ndaj SHBA-së. /Telegrafi/
Rabea Shahini, bashkëshortja e Mirit, e surprizoi këtë të fundit në “S’e Luan Topi”, teksa ka folur edhe për marrëdhënien e tij me Selin Bollatin në Big Brother.
Ajo ka deklaruar se Miri nuk ka pasur ndjenja për Selin, andaj nuk është bërë xheloze, pavarësisht aludimeve gjatë rrugëtimit të tyre në formatin e lartpërmendur.
“Mesazhin që kishin dhënë të tjerët jashtë, nëse nuk jeni në të njëjtën situatë mos na gjykoni pa bazë. Mendohuni përpara se të flisni. Nuk jam ndjerë xheloze për Selin, absolutisht që jo. E para punës kam pasur dhe kam besim tek Miri. Nuk kam pse të jem xheloze për një gjë që nuk ekzistonte", tha ajo.
Foto: YouTube
"Jam shumë e bindur. Kur ke besim tek partneri yt nuk ke pse je xheloze. Kisha besim të plotë, e kam akoma”, tha Rabea Shahini.
Miri po ashtu zbuloi se përse nuk e ka marrë deri më tani pasaportën gjermane, megjithëse prej shumë vitesh është i martuar me një shtetase të Gjermanisë.
“Pasaportën gjermane nuk e kam marrë, kam bërë aplikimin tani vonë. Nuk kam dashur ta merrja, nëse do ta merrja gjermanen duhet të lija atë shqiptare".
"Nuk doja të hiqja dorë nga shqiptarja, as nuk do të hiqja kurrë. Tani mund t’i marr të dyja, është shumë në rregull”, theksoi ndër të tjerash. /Telegrafi/
Gjykata e Apelit e ka kthyer në rigjykim rastin ndaj ish-zyrtarit të Agjencisë Kosovare të Inteligjencës (AKI), Muhamet Krasniqi i cili ishte dënuar nga Gjykata Themelore në Prishtinë me 2 vite burgim për “Keqpërdorim të pozitës apo autoritetit zyrtar”, ndërkaq ishte liruar nga akuza për “Zbulim të informacioneve të klasifikuara dhe mosruajtje të informacioneve të klasifikuara”, raporton “Betimi për Drejtësi“..
Gjetjet e Gjykatës së Apelit:
Sipas vendimit të Apelit, shkalla e parë nuk ka paraqitur qartë dhe në mënyrë të plotë se cilat fakte dhe për çfarë arsyesh i konsideron të vërtetuara apo të pavërtetuara.
Apeli gjen se ka kundërthënie për faktet vendimtare ndërmjet asaj që paraqitet në arsyetim lidhur me përmbajtjen e shkresave të lëndës ose të procesverbaleve për deklarimet e dhëna në procedurë.
Sipas Apelit, shkalla e parë është dashur të vlerësojë saktësinë e provave kundërthënëse dhe arsyet në të cilat është bazuar me rastin e zgjedhjes së çështjes juridike- veçanërisht me rastin e vlerësimit të përgjegjësisë penale të të akuzuarit.
Në vendimin e shkallës së dytë thuhet se nga përmbajtja e arsyetimit të Themelores rezulton se nuk është bërë analizë e mjaftueshme dhe në mënyrë të qartë as dispozitivi i aktgjykimit për pjesën dënuese ndaj të akuzuarit, me të cilin është shpallur fajtor për veprën penale.
Më tej, sipas Apelit, Themelorja nuk ka arritur që në arsyetim të aktgjykimit të paraqesë arsye të qarta dhe të mjaftueshme për gjendjen faktike të vërtetuar, e që rezulton se aktgjykimi i shkallës së parë është i përfshirë në shkelje esenciale të procedurës penale.
Në vazhdim të vendimit, Apelit thekson se duhet të vlerësohen provat një nga një dhe në ndërlidhje më provat tjera, e jo duke bërë kopjimin e dëshmive nga procesverbali i shqyrtimit gjyqësor.
Në rekomandimet e vendimit të Apelit thuhet se shkalla e parë duhet të administrojë provat si ato personale dhe materiale dhe të bëjë më pastaj vlerësimin dhe ndërlidhjen e tyre mes vete dhe tek më pas të nxjerrë një vendim të drejtë dhe ligjshëm.
Ndryshe, shqyrtimi i dytë për këtë rast ishte mbajtur në kundërshtim me ligjin, pasi që gjykatësi Foniqi kishte zhvilluar seancën në mungesë të të akuzuarit Krasniqi.
Ndërkaq, në shqyrtimin fillestar të mbajtur më 10 mars 2022, i akuzuari Krasniqi ishte deklaruar i pafajshëm për veprat penale që i vihen në barrë sipas aktit akuzues.
Në kundërshtim të provave, të akuzuarit i janë hequr veprat penale “Keqpërdorim i informatës zyrtare”, “Hyrja në sistemet kompjutrike” dhe “Fotografimi dhe incizimet tjera të paautorizuara”.
Prokuroria Themelore në Prishtinë, Departamenti i Krimeve të Rënda, më 23 shkurt 2022, ka ngritur aktakuzë ndaj të akuzuarit Muhamed Krasniqi, për veprat penale “Keqpërdorim i pozitës apo autoritetit zyrtar”, “Keqpërdorim i informatës zyrtare”, “Hyrje në sistemet kompjuterike”, “Zbulim i informacioneve të klasifikuara dhe mos ruajtja e informacioneve të klasifikuara” dhe “Fotografimi dhe incizimet e tjera të paautorizuara”.
Sipas pikës së parë të aktit akuzues, i akuzuari Krasniqi, më 17 shtator 2020, 25 gusht 2020 dhe 11 mars 2021, në Agjencinë e Kosovës për Inteligjencë dhe në kundërshtim me ligjin, si person zyrtar në cilësinë e zyrtarit të AKI-së, akuzohet se ka tejkaluar kompetencat e tij dhe nuk i ka përmbushur detyrat e tij.
Aktakuza thotë se pa autorizim ka ndërhyrë në sistemin kompjuterik të AKI-së, duke instaluar në mënyrë të paautorizuar programin për monitorimin e kompjuterëve të tjerë “Net Monitor for Employees Pro”, nga i cili program janë infektuar 55 kompjuterë të tjerë brenda selisë qendrore të AKI-së, si dhe ka instaluar file-n e programit të softuerit “Veyon”, ku ka shkelur të drejtat e punonjësve të tjerë, duke krijuar qasje të paautorizuar në përmbajtjen e të dhënave që zyrtarët kanë pasur në posedim, si dhe duke keqpërdorur autorizimet e veta si administrator i sistemit kompjuterik (username dhe paswordat), të cilat i ka pasur autorizim t’i përdorë për qëllime zyrtare, po ashtu ka krijuar qasje të paautorizuar në dokumentacionin e klasifikuar dhe ka mundësuar marrjen e dokumenteve dhe informacioneve nga përdoruesit e kompjuterit.
Me këtë, Krasniqi akuzohet se ka kryer veprën penale të “Keqpërdorimit të pozitës apo autoritetit zyrtar” nga neni 414, paragrafi 1, lidhur me paragrafin 3, pika 3.1. dhe 3.4. të KRPK-së.
Tutje, në pikën e dytë të aktakuzës, Krasniqi akuzohej se duke përdorur programin “Net Monitor for Employees Pro”, dhe file-n e programit të softuerit “Veyon” , të cilat janë dokumentuar që janë instaluar në kompjuterët që ai ka përdorur në rrjetin e AKI-së, ka krijuar qasje në kompjuterë të punonjësve dhe eprorëve brenda rrjetit të komunikimit të AKI-së, nga i cili ka pasur qasje të sheh aktivitetin e secilit kompjuter të infektuar, marrjen e fajllave, marrjen e fjalëkalimeve, video-regjistrimin e aktivitetit të përdorueseve, po ashtu akuzohet se ka arritur të hyjë në fajllat e inspektorit të përgjithshëm, përgjimit të prodhuar nga AKI-ja, listën e pagave të punonjësve, dokumenteve operative të ndryshme, dhe fotografi të paautorizuar të punonjësve.
E që me këtë, Krasniqi akuzohej për veprën penale “Keqpërdorimi i informatës zyrtare” nga neni 416, paragrafi 1, lidhur me paragrafin 5 të KPRK-së.
Kurse, sipas pikës së tretë të aktit akuzues, Krasniqi duke keqpërdorur detyrën zyrtare ka instaluar softuerët “Net Monitor for Employees Pro”, dhe file-n e programit të softuerit “Veyon”, në rrjetin e brendshëm të komunikimit të AKI-së, përmes dy kompjuterëve të tij dhe ka krijuar qasje në 55 kompjuterë të punonjësve të tjerë përmes “Agjentëve të programit”, nga ku akuzohet se ka mundur të marrë informacion duke hyrë në sistemet kompjuterike të punonjësve të AKI-së, si dhe ka pasur të instaluar softuerin “Net Monitor for Employees Pro”, në rrjetin e internetit të AKI-së, të njëjtit softuer ka të instaluar edhe në kompjuterin e tij personal.
Me këtë, Krasniqi akuzohej se ka kryer veprën penale “Hyrja në sistemet kompjuterike” nga neni 327, paragrafi 1 të KPRK-së.
Po ashtu, Krasniqi, sipas pikës katër të aktit akuzues, duke pasur qasje në dokumente të klasifikuara të njësive të AKI-së, e të cilat janë gjetur në kompjuterin e tij në objektin e AKI-së dhe kompjuterin në shtëpinë e ti, gjurmë të fajllave të dokumenteve si: lista e pagave të punonjësve të AKI-së, gjurmë të dokumenteve të klasifikuara të njësive të AKI-së, me nivel sekret dhe tepër sekret, dokumente të inspektorit të përgjithshëm dhe të njëjta fajlle, akuzohet se i ka kopjuar dhe ruajtur ato dokumente të klasifikuara, të cilat nuk është dashur të nxjerren jashtë ambienteve të AKI-së, dhe akuzohet se iu ka dhënë informata grupit kriminal si: Agim Krasniqi, Aqif Krasniqi dhe Arif Krasniqi, që kanë qenë duke u hetuar nga policia për shkak të dyshimit për vepra penale.
Për këtë, Krasniqi akuzohet për veprën penale “Zbulimi i informacioneve të klasifikuara dhe mos ruajtja e informacioneve të klasifikuara” nga neni 125 të KPRK-së, lidhur me nenin 50, paragrafi 3 të Ligjit nr.03/L-178 për klasifikimin e informacioneve dhe verifikimin e sigurisë.
Ndërsa, sipas pikës pesë të aktakuzës, Krasniqi akuzohej se duke keqpërdorur detyrën e tij zyrtare dhe duke keqpërdorë informatat që ka pasur rreth sistemit të video-monitorimit të objekteve të AKI-së, i njëjti akuzohet se është futur në sistemin e video-monitorimit e ka bërë fotografimin e paautorizuar e së paku dy zyrtareve brenda objekteve të AKI-së.
Për këtë, Krasniqi akuzohej se ka kryer veprën penale “Fotografimi dhe incizimet tjera të paautorizuara” nga neni 202, paragrafi 1 lidhur me paragrafin 3 të KPRK-së. /BetimipërDrejtësi
Lufta për ngjitje në Bundesligë po hyn në fazën vendimtare, ndërsa këtë fundjavë zhvillohet raundi i 32-të i Bundesligës 2.
Dy skuadrat e para në renditje sigurojnë ngjitje direkte në elitë, ndërsa ekipi i vendit të tretë e kërkon Bundesligën përmes play-offiit me skuadrën që mbyll sezonin në pozitën e 16-të në Bundesligë.
Schalke e ka siguruar tashmë rikthimin në Bundesligë, por një nga historitë më të veçanta të këtij sezoni po shkruhet nga Elversbergu i vogël.
Në ndeshjen kryesore të raundit të 32-të, Elversberg e mposhti rivalin direkt Paderborn me rezultat bindës 5-1 në shtëpi, duke dhënë një sinjal të fortë se është gati për hapin historik.
Heroi i fitores ishte bullgari Lukas Petkov, i cili realizoi dy gola, ndërsa në listën e shënuesve u regjistruan edhe Maximilian Rohr, David Mokwa Ntusu dhe Raif Adam. Golin e vetëm për mysafirët e shënoi Calvin Brackelmann.
Fenomeni nga një komunë me 13 mijë banorë
Ndeshja u zhvillua në “Ursapharm Arena” të mbushur plot. Stadiumi me kapacitet 9,307 vende mund të mos duket mbresëlënës në shikim të parë, por historia pas tij është e jashtëzakonshme. Komuna Spiesen-Elversberg, në rajonin Saarland të Gjermanisë jugperëndimore, ka rreth 13,000 banorë.
Nëse Elversberg arrin ngjitjen, do të bëhej komuna më e vogël që ka pasur ndonjëherë një klub në Bundesligë, duke ia marrë këtë rekord Unterhachingut (rreth 26,000 banorë).
Edhe pse Hoffenheim shpesh përmendet si “fshati” i Bundesligës, klubi është i regjistruar në Sinsheim, që ka një popullsi shumë më të madhe.
Trajneri i ri dhe rruga drejt historisë
Elversberg, i themeluar në vitin 1907, po luan vetëm sezonin e tretë në historinë e vet në nivelin e dytë të futbollit gjerman. Në krye të ekipit këtë edicion është trajneri Vincent Wagner, i cili e mori drejtimin në fillim të sezonit, pas një zhgënjimi të madh vitin e kaluar.
Në edicionin e kaluar Elversberg e mbylli kampionatin në vendin e tretë dhe u eliminua në “playoff” nga Heidenheim. Pas barazimit 2-2 në ndeshjen e parë, kthimi përfundoi 1-1, ndërsa Heidenheim shënoi gol vendimtar në minutat shtesë, duke mbetur në Bundesligë.
Ai dështim shënoi edhe fundin e epokës së Horst Steffen, ndërsa drejtuesit e klubit vendosën të nisin një kapitull të ri me Wagnerin.
Gjithçka vendoset në dy ndeshjet e fundit
Me fitoren ndaj Paderbornit, Elversberg ka shkuar në 59 pikë dhe, me dy raunde të mbetura, ka një pikë më shumë se Hannoveri në vendin e tretë dhe Paderborni në vendin e katërt.
Në dy sfidat e fundit, Elversberg përballet me Fortuna Düsseldorf dhe MüUnster. Nëse arrin t’i fitojë të dyja, klubi do të kurorëzojë një rrugëtim të jashtëzakonshëm me ngjitjen e parë historike në Bundesligë. /Telegrafi/
Një tjetër aksident i rëndë është shënuar në Durrës.
Një turist, i identifikuar si Arben Karamuco është rrëzuar nga motori dhe për pasojë ka humbur jetën.
Ngjarja është shënuar te Kepi i Rodonit, teksa ka qenë duke eksploruar zonën.
Ky aksident vjen pas tragjedisë që ndodhi më herët gjatë ditës së sotme në Durrës, ku një automjet përplasi 3 fëmijë që ishin duke luajtur në trotuar, duke lënë të vdekur 2 prej tyre dhe të plagosur rëndë një tjetër.
Login
