Udhëheqësit evropianë po kërkojnë të ulin tensionet me Shtetet e Bashkuara mbi shtetin e ardhshëm të Groenlandës, edhe pse Donald Trump dyfishon kërcënimet e tij për të vendosur tarifa shtesë ndaj tetë vendeve evropiane për të detyruar shitjen e ishullit të gjerë.

“NATO i ka thënë Danimarkës, për 20 vjet, se ‘duhet ta largoni kërcënimin rus nga Groenlanda’. Fatkeqësisht, Danimarka nuk ka qenë në gjendje të bëjë asgjë në lidhje me këtë. Tani është koha dhe do të bëhet!!!” shkroi Trump në Truth Social gjatë natës.

Kryeministri britanik Keir Starmer e denoncoi përshkallëzimin e situatës nga Trump si “krejtësisht të gabuar” dhe u zotua të gjejë një zgjidhje “pragmatike, të arsyeshme dhe të qëndrueshme” për krizën “serioze”.

“Një luftë tarifore nuk është në interesin e askujt”, tha ai të hënën në mëngjes në një konferencë për shtyp, ndërsa i bëri thirrje “të gjithë vendit të bashkohet”.

Nga Berlini, kancelari gjerman Friedrich Merz bëri thirrje për dialog dhe paralajmëroi se një rritje e papritur e detyrimeve do të dëmtonte të dyja anët e Oqeanit Atlantik.

“Ne duam të shmangim çdo përshkallëzim në këtë mosmarrëveshje nëse është e mundur. Ne thjesht duam të përpiqemi ta zgjidhim këtë problem së bashku dhe qeveria amerikane e di se ne gjithashtu mund të hakmerremi. Unë nuk dua, por nëse është e nevojshme, ne sigurisht do të mbrojmë interesat tona evropiane, si dhe interesat tona kombëtare gjermane”, tha Merz.

Takime të shumta, përfshirë ato midis evropianëve dhe amerikanëve, do të zhvillohen në margjinat e Forumit Ekonomik Botëror në Davos, ku këtë javë do të mblidhen udhëheqësit botërorë. Udhëheqësit e BE-së do të mblidhen më vonë në Bruksel për një samit të jashtëzakonshëm.

Sinjali – aty ku e vërteta flet para lajmit!

/GazetaSinjali/

The post Merz: Evropa do të shmangë çdo përshkallëzim me SHBA, qeveria amerikane e di se mund të hakmerremi appeared first on Sinjali.

Ekipeve të numërimit të votave do t’u duhet t’i rinumërojnë edhe 1 mijë e 947 vendvotime gjatë ditëve në vazhdim, në Qendrën e Numërimit dhe Rezultateve.

Nga 914 vendvotime që ishte vendosur më herët të rinumëroheshin, kanë mbetur edhe 304 të tilla. Por pas vendimit të sotëm të Komisionit Qendror të Zgjedhjeve, në këtë proces do të përfshihen edhe 1,643 vendvotime që i takojnë 28 komunave.

“Duke u mbështetur në dy vendimet e KQZ-së (13 dhe 19 janar 2026) në Qendrën e Numërimit dhe Rezultateve rinumërimi do të përfshijë të gjitha vendvotimet, 2,557 sosh, në të cilat më 28 dhjetor 2025 është zhvilluar votimi i rregullt. Nga fillimi i këtij procesi (e martë, 13 janar 2026, ora 18:00) dhe deri më tani (e hënë, 19 janar 2026, ora 16:00) në QNR janë rinumëruar 610 vendvotime. Pra, gjatë ditëve në vazhdim, në përgjithësi do të rinumërohen 1,947 vendvotime”, tha zëdhënësi i KQZ-së, Valmir Elezi.

Ai tha se në QNR janë shtuar kapacitetet dhe se rinumërimit i 1,947 vendvotime mund të marrë kohë 12 – 14 ditë.

“Në Qendrën e Numërimit dhe Rezultateve është shtuar numri i ekipeve të numërimit. Aktualisht, janë 38 ekipe të tilla vetëm gjatë një ndërrimi pune, pra 76 gjithsej. I gjithë procesi i rinumërimit të 1,947 vendvotimeve / kutive të votimit, mund të zgjasë nga 12 – 14 ditë”.

Në mbledhjen e së hënës, KQZ mori vendim për rinumërimin e të gjitha vendvotimeve në 28 komunat, si: Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut. Ndërkaq, sipas vendimit të mëhershëm të KQZ-së, i datës 13 janar 2026, parashihej rinumërimi i plotë në 10 komuna, si: Dragash, Kaçanik, Lespoaviq, Prizren, Skënderaj, Shtime, Ferizaj, Vushtrri, Mamushë dhe Ranillug.

Rinumërimi i i një të tretës së vendvotimeve nxori dallime prej qindra deri në mijëra vota për kandidatët brenda subjekteve politike. Kësisoj, KQZ vendosi sot në një mbledhje për rinumërim të plotë të të gjitha votave.

KQZ shkarkon përfaqësuesit e të gjitha partive në KKZ të Prizrenit

Sinjali – aty ku e vërteta flet para lajmit!

/GazetaSinjali/

The post KQZ: Për 12-14 ditë mund të rinumërohen të gjitha votat, është shtuar numri i ekipeve të numërimit appeared first on Sinjali.

Prokuroria Themelore në Prishtinë ka lëshuar një komunikatë në lidhje me aksionin e sotëm, ku u arrestuar katër persona.

Prokuroria ka konfirmuar se dy nga të arrestuarit janë zyrtarë të MPB’së që dyshohet se kanë lëshuar certifikata për pajisje me leje armësh për qytetarët pa iu nënshtruar procedurave.

Po ashtu janë arrestuar edhe dy persona për “Pranim të ryshfetit në sektorin privat”.

Komunikata e plotë:

Prokuroria  Themelore në Prishtinë- Departamenti për Krime të Rënda, njofton opinionin publik se, me urdhër të Gjykatës kompetente dhe në bazë të kërkesës me shkrim të Prokurorit të Shtetit, sot është zbatuar një urdhër-kontroll në kuadër të një hetimi penal.

Deri më tani, janë arrestuar dy persona zyrtarë të Ministrisë së Punëve të Brendshme (MPB), për vepren penale ‘’Keqpërdorimi i pozitës apo autoritetit zyrtar’’, sipas nenit 414 të Kodit Penal të Republikës së Kosoves, të cilët dyshohen se kanë lëshuar çertifikata për pajisje me leje armësh për qytetarë, pa iu nënshtruar procedurave të nevojshme ligjore.  Poashtu, janë arrestuar edhe dy persona të tjerë për veprën penale ‘’Pranimi i ryshfetit në sektorin privat’’, sipas  nenit 309 të KPRK-së.

Gjatë ezekutimit të urdhër-kontrollit janë sekuestruar disa dokumente  të nevojshme,  të cilat do të shërbejnë për zhvillimin e mëtejmë të hetimeve lidhur me këtë çështje penale.

Prokurori i Shtetit, brenda afatit ligjor, do të parashtrojë kërkesë për caktimin e masës të sigurisë ndaj të pandehurve.

Prokuroria Themelore në Prishtinë, në bashkëpunim dhe koordinim të plotë më Policinë e Kosovës, mbetet e përkushtuar në luftimin e kryerjes se veprave penale dhe në sundimin e ligjit.

Ekskluzive | Aksioni te “Reload”, këta janë të arrestuarit në rastin e dyshimeve për keqpërdorim të lejeve për armë

Sinjali – aty ku e vërteta flet para lajmit!

/GazetaSinjali/

The post Prokuroria: Dy nga katër të arrestuarit janë zyrtarë të MPB-së, lëshuan leje të armëve jashtë rregullave appeared first on Sinjali.

Anëtarja e Kryesisë së Lidhjes Demokratike të Kosovës, Hykmete Bajrami ka thënë se e mban qëndrimin e njëjtë për dorëheqjen e kreut të partisë, Lumir Abdixhikut.

Bajrami, e cila dha dorëheqje të parevokueshme nga pozita e nënkryetares së partisë para disa ditësh, e ka kërkuar të njëjtën edhe nga Abdixhiku.

“E kam dhënë qëndrimin, të njëjtin qëndrim e mbaj”, tha ajo shkurt për gazetarët para mbledhjes së Kryesisë.

Abdixhiku ka ofruar dorëheqjen e tij nga pozita e kryetarit të LDK-së, por fjalën e fundit për pranimin ose jo të dorëheqjes ka thënë se do ta ketë Kuvendi i LDK-së.

Bajrami ishte nga ata që kanë shprehur pakënaqësinë që dorëheqja e Abdixhikut nuk ishte e parevokueshme.

Sinjali – aty ku e vërteta flet para lajmit!

/GazetaSinjali/

The post Bajrami kërkon dorëheqjen e parevokueshme të Abdixhikut: Të njëjtin qëndrim e mbaj appeared first on Sinjali.

Rezultatet e rinumërimit të 604 vendvotimeve tregojnë një numër të madh keqpërdorimesh edhe tek kandidatët e Aleancës për Ardhmërinë e Kosovës.

Nga zgjedhjet e 28 dhjetorit vota më së shumti i janë hequr Besnik Krasniqit të AAK’së. Pas tij radhitet Tringa Morina dhe Burim Ramadani.

Numër i madh votash po dyshohet se janë vjedhur brenda partive, shkruan Insajderi.

Më poshtë gjeni kandidatët e AAK’së që iu janë hequr vota më së shumti:

Besnik Krasniqi -314 vota

Tringa Morina -161 vota

Burim Ramadani -151 vota

Edmond Hoxha -137 vota

Diellza Fetoshi -104 vota

Dreni Kastrati -66 vota

Pal Lekaj -53 vota

Ferdinand Kolaj -40 vota

Prekë Prekaj -40 vota

Ilirjana Mehmetaj -26 vota

Zafir Berisha -19 vota

Baki Feta -17 vota

Hafize Sallahi -16 vota

Haki Abazi -12 vota

Blerim Bajramaj -11 vota

Qemajl Sejdija -10 vota

Arbër Grabovci -10 vota

Ardian Kastrati -10 vota

Agim Muqaj -9 vota

Liridon Hasani -8 vota

Xhelal Krasniqi -7 vota

Leona Berisha -6 vota

Adil Maloku -5 vota

Nora Boshnjaku -4 vota

Bekë Berisha -4 vota

Feriz Shala -3 vota

Nezir Gashi -3 vota

Dorentina Hiseni -3 vota

Kreshnik Smajlaj -3 vota

Esmehan Kakruki -3 vota

Bujar Tafili -2 vota

Arbina Buzolli -2 vota

Emine Murtezi -2 vota

Ramush Haradinaj -2 vota

Agnesë Mazreku -1 votë

Anjeza Tahiri -1 votë

Xhavit Zariqi -1 votë

Bilall Bushi -1 votë

Sinjali – aty ku e vërteta flet para lajmit!

/GazetaSinjali/

The post Këta janë kandidatë e AAK-së që iu hoqën votat pas rinumërimit appeared first on Sinjali.

Një vjedhje e rëndë, me skenar të dyshuar të organizuar, ka ndodhur në lokalin e argjendarisë “Oxa Gold” në rrugën “Agim Ramadani” në Prishtinë, ku persona të panjohur kanë depërtuar brenda objektit duke shpuar murin nga pjesa e pasme, kanë hapur kasafortën dhe kanë marrë një sasi të madhe ari, me vlerë të raportuar rreth 650 mijë euro.

Sinjali mëson se rasti është raportuar më 19.01.2026, rreth orës 10:00, pasi Policia ka pranuar informacion për thyerje në lokalin “Oxa Gold”.

Burime të besueshme nga strukturat e afërta me hetimin bëjnë të ditur se në vendin e ngjarjes kanë dalë njësitë e hetuesisë dhe forenzikës, të cilët kanë kontaktuar pronarin, i cili ka deklaruar se lokali ishte mbyllur më herët, ndërsa sot rreth orës 10:00, djali i tij kishte shkuar për ta hapur lokalin dhe sapo kishte hyrë brenda, kishte vërejtur se objekti ishte i demoluar dhe se kishte shenja të qarta depërtimi.

Sipas të njëjtave burime, të dyshuarit dyshohet se kanë vepruar në mënyrë të organizuar, duke depërtuar brenda dhe duke vjedhur arin nga kati i parë, por jo vetëm – dyshohet se janë bastisur edhe kati i dytë dhe kati i tretë, ku është raportuar se është marrë ari nga disa hapësira.

Detajet nga vendi i ngjarjes tregojnë se hajnat dyshohet se kanë shfrytëzuar hyrje-daljen nga pjesa e pasme e objektit, duke dëmtuar murin dhe duke hyrë në lokalin përdhesë. Po ashtu, dyshohet se kasaforta është hapur me forcë, ku sipas hetimeve paraprake është përdorur mjet prerës i llojit “bonsek”, ndërsa në vend janë vërejtur edhe mjete të tjera që dyshohet se janë përdorur për thyerjen.

Një detaj tjetër që po hetohet, është edhe dyshimi se gjatë vjedhjes mund të jetë marrë edhe një armë me leje, që sipas raportimeve dyshohet të ketë qenë në pronësi të djalit të pronarit, i cili gjendet jashtë vendit.

Në lidhje me rastin janë intervistuar viktimat dhe dëshmitarët, ndërsa sipas pronarit, vlera e arit të vjedhur arrin shifrën e lartë prej rreth 650 mijë euro, ndërkohë që burime të tjera flasin se dëmi mund të shkojë edhe më lartë.

Për shkak të peshës së rastit, janë njoftuar Hetimet Rajonale, ndërsa në vendin e ngjarjes ka dalë edhe njësia e grabitjeve, e cila ka kontaktuar me Prokurorin Kujdestar, i cili ka udhëzuar që rasti të iniciohet si “Vjedhje e rëndë”.

Hetimet janë në zhvillim dhe autoritetet po punojnë për identifikimin e personave të përfshirë dhe zbardhjen e plotë të rastit.

Sinjali do t’ju sjellë detaje të reja në kohë reale.

Ekskluzive | 650 mijë euro  ari “avullohen” nga Oxa Gold në Prishtinë: Hajnat shpojnë murin dhe vjedhin arin

Sinjali – aty ku e vërteta flet para lajmit!

/GazetaSinjali/

The post Detaje ekskluzive nga vjedhje e rëndë në “Oxa Gold”: Hajnat shpojnë murin nga mbrapa, hapin kasafortën me “bonsek” dhe zhdukin 650 mijë euro ari appeared first on Sinjali.

Gjykata Themelore në Mitrovicë, Dega në Skenderaj, ka shpallur aktgjykimin ndaj të pandehurit E.R., i cili është dënuar për veprën penale “Rrezikimi i trafikut publik”, me pasojë vdekjen e tre personave.

Gjyqtari i vetëm gjykues, Leotrim Gashi, pas përfundimit të shqyrtimit gjyqësor, e ka shpallur fajtor E.R., sipas aktakuzës së Prokurorisë Themelore në Mitrovicë të datës 18 qershor 2025.

Vepra penale për të cilën është dënuar parashihet nga neni 370 paragrafi 9, lidhur me paragrafët 8 dhe 1 të Kodit Penal të Republikës së Kosovës, që parasheh dënim nga një deri në tetë vjet burgim.

Gjykata i ka shqiptuar të pandehurit dënim me burgim në kohëzgjatje prej gjashtë vjet e gjashtë muaj, si dhe dënim plotësues ndalim të drejtimit të automjeteve të kategorisë B për një periudhë prej dy vjetësh.

Ky ndalim do të fillojë të zbatohet pas përfundimit të vuajtjes së dënimit me burgim.

Sipas aktakuzës, më 26 janar 2025, rreth orës 18:45, në rrugën rajonale Mitrovicë–Pejë, në fshatin Qubrel të Komunës së Skenderajt, E.R. nga pakujdesia nuk e kishte përshtatur shpejtësinë me kushtet e rrugës, duke shkelur dispozitat e Ligjit për Trafikun Rrugor. Si pasojë, ai kishte humbur kontrollin mbi automjetin, kishte kaluar në shiritin e kundërt dhe ishte përplasur me një veturë VW Golf IV.

Nga ky aksident kishin pësuar lëndime fatale A.G., G.G. dhe Z.G., ndërsa lëndime të rënda trupore kishte pësuar vetë i pandehuri, pasagjerët e tij D.E. dhe B.H., si dhe pasagjeri i veturës tjetër, fëmija L.G.

Arsyetimi i plotë i aktgjykimit pritet t’u dorëzohet palëve me vendimin e shkruar, ndërsa ndaj këtij aktgjykimi ekziston e drejta e ankesës brenda afatit ligjor, duke filluar nga dita e pranimit të tij.

Natë e kobshme: Këta janë tre anëtarët e një familje që vdiqën tragjikisht sonte në aksidentin në Çubrel

Sinjali – aty ku e vërteta flet para lajmit!

/GazetaSinjali/

The post Aksidenti me tre të vdekur në Qubrel, polici që e shkaktoi aksidentin dënohet me 6 vjet burgim appeared first on Sinjali.

Të gjithë anëtarët e Kryesisë së Lidhjes Demokratike të Kosovës ishin drejtuar të hënën drejt selisë së partisë në Prishtinë.

Me radhë, ata po hynin në selinë qendrore të LDK-së për të marrë pjesë në mbledhjen përcaktuese të kryesisë ku do të vendoset për çështje thelbësore rreth të ardhmes së subjektit.

Nga të gjithë që po kalonin para derës së hyrjes së selisë, përjashtim befasues bëri Xhafer Tahiri, anëtari i kryesisë që përfaqëson Degën e LDK-së në Vushtrri.

Nëse do ta merrnim të mirëqenë një zotim të kryetarit Lumir Abdixhiku, dhënë publikisht në tetor të vitit të kaluar, Xhafer Tahiri nuk do të ishte, lërë më pjesë e kryesisë, por e asnjë funksioni tjetër në LDK në këtë kohë.

Më 23 tetor të 2025-s, në një paraqitje në emisionin Debat Plus në RTV Dukagjini, Abdixhiku u zotua të merrte masa të rënda ndaj Tahirit që lidhi pa autorizimin e partisë marrëveshje koalicioni me Lëvizjen Vetëvendosje për balotazhin e zgjedhjeve lokale në Komunën e Vushtrrisë.

Disa ditë pas mbylljes së raundit të parë të votimit në zgjedhjet lokale, Tahiri, i cili kandidoi për kryetar të Vushtrrisë nga LDK-ja, si i treti në garë zgjodhi të bënte ujdi për balotazh me Sylejman Mehollin e Vetëvendosjes.

Marrëveshjen, të cilën e ‘miratoi’ me prezencë edhe kryetari i Vetëvendosjes Albin Kurti, ‘Xhafa’ e nënshkroi në një ceremoni në qendër të qytetit të Vushtrrisë.

Sipas Abdixhikut, Tahiri nuk kishte marrë leje nga niveli qendror i partisë për ujdinë me Vetëvendosjen dhe se kjo do t’i kushtonte me përjashtim nga partia.

“Më mbani për fjale, më pritni pas datës 9 [nëntor] se nuk e lë pa e trajtu këtë rast”, tha Abdixhiku në paraqitjen e tij në Debat Plus më 23 tetor. “S’ka më me qenë në LDK, e prapa shpinës një kryetar të një partie tjetër. S’ka më!”.

Abdixhiku paralajmëroi marrjen e masave ndëshkuese ndaj Tahirit pas certifikimit të rezultateve të zgjedhjeve lokale.

Kur kanë kaluar gati dy muaj nga certifikimi i rezultateve zgjedhore lokale, duket se Tahiri ka shpëtuar “pa ther në këmbë” për manovrat krye në vete politike në emër të LDK-së në Vushtrri.

Si çdo anëtar tjetër, edhe ai do të jetë vendimmarrës në mbledhjen e kryesisë që po mbahet sot, e cila konsiderohet të jetë një nga takimet vendimtare të LDK-së për të ardhmen e saj politike.

Sinjali – aty ku e vërteta flet para lajmit!

/GazetaSinjali/

The post Abdixhiku i ha fjalët e veta – “Xhafa” që pozoi me Kurtin pas shpine, ende pjesë e Kryesisë së LDK-së appeared first on Sinjali.

Bursat europiane e çelë javën në rënie, duke vijuar trendin negativ të nisur që prej njoftimit të Donald Trump për vendosjen e tarifave doganore ndaj Grenlandës.

Presidenti amerikan deklaroi se nga 1 shkurti, Danimarka, Norvegjia, Suedia, Franca, Gjermania, Britania e Madhe Holanda e Finlanda, vende këto që kanë dërguar trupa në ishull, përballen me tarifa doganore prej 10%.

E teksa në Europë po shqyrtohet tani mundësia e pezullimit të marrëveshjes së arritur me Uashingtonin të vitit të kaluar, por që ende duhet ratifikuar nga Parlamenti Euorpian, kërcënimi i një lufte të re tregtare me SHBA-në po shton nervozizmin në tregje. Presidenti francez Emmanuel Macron, i cili po punon për të koordinuar një përgjigje europiane ndaj tarifave doganore nga ana e SHBA-së, po nxit aktivizimin e Instrumentit  të Bashkimit Evropian Kundër Presioneve. Macron, deklaroi se kërcënimet e Trumpit janë “të papranueshme”.

Tensionet vijnë gjithashtu në një kohë kur në Davos çelet Forumi Ekonomik Botëror. Në terren negativ po lëvizin veçanërisht bursa e Parisit, që u hap me -1.5%, Frankfurti (-1,4%), Madridi (-0,9%) dhe Londra (-0,6%). Sektorët e gjendur nën një presion më të madh janë ata të automobilëve, mallrave të luksit dhe teknologjisë.

Ekspertët thonë se investitorët po orientohen drejt aseteve të sigurta, si metalet e çmuara; ari dhe argjendi arritën nivele të reja maksimale pas një hovi të fortë javën e kaluar.

Sinjali – aty ku e vërteta flet para lajmit!

/GazetaSinjali/

The post ‘Tërmet’ në tregjet financiare – kërcënimet ndaj Grenlandës, bien bursat në Europë appeared first on Sinjali.

Aksionet në Evropë u dobësuan, ndërsa çmimi i arit arriti një kulm të ri pasi presidenti i SHBA-së Donald Trump kërcënoi me tarifa aleatët evropianë derisa të arrihej një marrëveshje për blerjen e Grenlandës nga SHBA.

Çmimi i arit u rrit me 1.6% në 4,671 dollarë për ons (afërsisht 138 euro për gram), pasi arriti nivelin më të lartë historik.

Presidenti amerikan njoftoi se do të vendoste një tarifë prej 10% për mallrat nga tetë vende evropiane duke filluar nga 1 shkurti.

Trump nuk specifikoi nëse tarifa do të ishte përveç asaj që ato tashmë po paguajnë.

Në përgjigje, Bashkimi Evropian po shqyrton vendosjen e tarifave hakmarrëse prej 93 miliardë eurosh kundër SHBA-së, të shpallura më parë.

Presidenti francez Emmanuel Macron thuhet gjithashtu se ka bërë thirrje për aktivizimin e të ashtuquajturit instrument “anti-forcë” të BE-së.

I njohur si “bazuka tregtare”, instrumenti mund të bllokojë disa nga akseset e Amerikës në tregjet e BE-së ose të rezultojë në kontrolle të eksportit, ndër masa të tjera të mundshme.

“Duke pasur parasysh lidhjet e tyre të thella ekonomike dhe financiare, si SHBA-ja ashtu edhe Evropa kanë aftësinë t’i imponojnë njëra-tjetrës pasoja të konsiderueshme, por vetëm me një kosto të madhe për veten e tyre”, tha Jonas Goltermann, ekonomist i lartë i tregjeve në kompaninë konsulente Capital Economics.

“Si i tillë, rezultati më i mundshëm, sipas mendimit tonë, është që të dyja palët të pranojnë se një përshkallëzim i madh do të ishte humbje dhe se kompromisi përfundimisht mbizotëron”, shtoi ai.

Sinjali – aty ku e vërteta flet para lajmit!

/GazetaSinjali/

The post Çmimi i arit arrin rekord të ri pasi Trump kërcënon Evropën me tarifa appeared first on Sinjali.

Këngëtari nga Kosova, Mal Retkoceri, është njëri nga banorët e Big Brother VIP Albania 5.

Që nga hyrja në këtë format ai ka pasur diskutime, debate e përplasje me disa nga banorët atje.

Ka qenë Selin Bollati e Miri që vazhdimisht i kanë hedhur fjalë e madje e kanë ofenduar.

Foto: TikTok

Në TikTok janë publikuar disa pamje të ndryshme, ku ai shihet duke u bullizuar nga këta dy.

Selin një herë e përqesh për të folurën për shkak të dialektit, e më pas i vë edhe epitete të shumta.

Foto: TikTok

"Derr", "Megashkurtabiq", "Derr", "Qen", kanë qenë disa nga fjalët që i ka thënë.

Miri nga ana tjetër e ka kërcënuar në disa raste dhe e ka bërë të ndihet keq.

Mbetet për t'u parë nëse do të ketë ndonjë ndëshkim nga produksioni në lidhje me këtë. /Telegrafi/

Zv. kryeministri Arben Fetai ka reaguar lidhur me njoftimet se gjyqtarit Gjoko Ristov i janë gjetur 350 mijë euro, të dyshuara si para të korrupsionit. Sipas Fetait, ky rast e rrënon edhe grimcën e fundit të besimit që ka mbetur në sistemin e drejtësisë.

Ai në një reagim përmes profilit të tij në Facebook vlerëson se nuk bëhet fjalë për një rast të izoluar, por për “majen e ajsbergut” të një sistemi që, sipas tij, për vite me radhë ka mbrojtur të fuqishmit dhe ka shtypur qytetarët e zakonshëm.

“Ajo që e bën situatën edhe më alarmante është fakti se ky nuk është një emër i panjohur për drejtësinë. Gjoko Ristov, së bashku me gjyqtarin non grata Enver Bexheti, kanë qenë pjesë e vendimeve që i hapën rrugën e lirisë Sasho Mijallkovit, i cili sot shëtit i lirë me Ferrari në Monaco”, shkruan Fetai.

Për këtë arsye, ai kërkon që edhe këto vendime të hetohen deri në fund, për të sqaruar se çfarë ka ndodhur dhe kush ka qenë i përfshirë.

Në reagimin e tij, zëvendëskryeministri ngre pyetjen se sa gjyqtarë dhe prokurorë të tjerë, sipas tij, fshihen pas togës së drejtësisë duke e përdorur ligjin si mbulesë për korrupsion.

Fetai theksoi se puna që pret institucionet është e madhe, por se një gjë është e panegociueshme: veprim pa vonesë, hetime të plota, përgjegjësi konkrete dhe pastrim i një sistemi që ai e cilëson të kalbur deri në palcë.

Sekretari i Thesarit i Donald Trump ka paralajmëruar se hakmarrja evropiane ndaj tarifave të presidentit të SHBA-së, do të ishte "shumë e pamatur".

Scott Bessent gjithashtu i kërkoi Evropës të mos dyshojë në qëllimet e Trumpit mbi Grenlandën, transmeton Telegrafi.

"Kam udhëtuar, kështu që nuk kam qenë në kontakt (me zyrtarë evropianë), por kam folur me presidentin Trump dhe me sa duket ka shumë vizitorë që vijnë, dhe mendoj se të gjithë duhet ta besojnë presidentin për fjalën e tij", u tha ai gazetarëve në Forumin Ekonomik Botëror në Davos të Zvicrës.

Bessent gjithashtu e quajti një "tregim të plotë" (një thashethem të rremë ose të pabazuar) të mendosh se veprimi i Trumpit mbi Grenlandën është për shkak të dështimit të tij për të fituar Çmimin Nobel për Paqen”.

Ndryshe Trump po këmbëngul të marrjes nën kontroll të Grenlandës nga SHBA-të, duke theksuar se nëse nuk ndërmerret një veprim i tillë, ky ishull kërcënohet nga Kina dhe Rusia.

Manchester City kanë zyrtarizuar transferimin e mbrojtësit Marc Guehi nga Crystal Palace, duke i dhënë Pep Guardiolës një përforcim të menjëhershëm në repartin defensiv në një moment kritik të sezonit në Ligën Premier.

Qendërmbrojtësi anglez ishte shumë pranë kalimit te Liverpool gjatë verës, por marrëveshja dështoi në momentet e fundit. Tani, 25-vjeçari ka vendosur t’i bashkohet Cityt, skuadër që synon të rikuperojë diferencën me liderët e Arsenalit, teksa kampionët po përballen me mungesa të rënda në mbrojtje.

Guardiola e sheh Guehin si zgjidhjen ideale për të mbuluar boshllëkun e krijuar nga lëndimi afatgjatë i Josko Gvardiol dhe Ruben Dias, dy shtylla të prapavijës së “Citizens”.

Ky transferim përbën një goditje të fortë për Crystal Palace, fitues të FA Cup, të cilët humbin liderin e skuadrës. Trajneri Oliver Glasner kishte konfirmuar më herët gjatë javës se do të largohet nga posti i tij në fund të sezonit aktual, çka e bën largimin e Guehit edhe më të ndjeshëm për klubin londinez.

Guehi është produkt i akademisë së Chelseat, ku hodhi hapat e parë në futbollin profesionist përpara se të spikaste gjatë huazimit te Swansea. Më pas ai firmosi përfundimisht me Crystal Palace, ku kaloi një periudhë shumë të suksesshme, duke udhëhequr skuadrën drejt triumfit historik në FA Cup dhe Community Shield në vitin 2025./Telegrafi

Presidenti i SHBA-së, Donald Trump, ka thënë se nuk ndihet më i detyruar të mendojë vetëm për paqen pasi nuk mori Çmimin Nobel për Paqen, ndërsa përsëriti përsëri kërkesën e tij për kontrollin e Grenlandës.

Në një mesazh drejtuar kryeministrit të Norvegjisë, Jonas Gahr Støre, Trump fajësoi vendin që nuk ia dha çmimin, transmeton Telegrafi.

Në përgjigjen e tij ndaj Trump, Støre shpjegoi se një komitet i pavarur, jo qeveria e Norvegjisë, ia dha Çmimin Nobel për Paqen në tetor udhëheqëses së opozitës së Venezuelës, María Corina Machado.

"Duke marrë parasysh që vendi juaj vendosi të mos më japë Çmimin Nobel për Paqen për ndalimin e mbi tetë luftërave, nuk ndiej më detyrim të mendoj vetëm për Paqen, megjithëse ajo do të jetë gjithmonë mbizotëruese, por tani mund të mendoj për atë që është e mirë dhe e përshtatshme për SHBA-në", tha Trump në mesazhin e marrë nga mediat amerikane.

"Bota nuk është e sigurt nëse nuk kemi kontroll të plotë dhe total të Grenlandës", shtoi ai.

Kryeministri Støre tha se e kishte marrë mesazhin të dielën në përgjigje të një mesazhi që ai dhe presidenti i Finlandës, Alexander Stubb, i kishin dërguar Trump.

Støre tha se ata kishin përcjellë kundërshtimin ndaj rritjes së propozuar të tarifave për shkak të mosmarrëveshjes së Grenlandës dhe theksuan nevojën për të ulur tensionet, duke propozuar një telefonatë trepalëshe po atë ditë.

Trump nuk e ka mbajtur sekret dëshirën e tij për t'u vlerësuar me çmimin vjetor. Ai ka këmbëngulur gjithnjë e më shumë se SHBA-të duhet të marrin Grenlandën për arsye sigurie kombëtare.

Ishulli Arktik me popullsi të rrallë, por i pasur me burime, është i pozicionuar mirë për sistemet e paralajmërimit të hershëm në rast të sulmeve me raketa dhe për monitorimin e anijeve në rajon.

Trump ka përsëritur se dëshiron që SHBA-të ta blejnë Grenlandën, dhe nuk e ka përjashtuar përdorimin e forcës ushtarake kundër një anëtari të aleancës së sigurisë së NATO-s për ta marrë atë.

Gjatë fundjavës, ai tha se do të vendoste një tarifë prej 10% për mallrat nga tetë aleatë të NATO-s duke filluar nga shkurti nëse ata kundërshtojnë marrjen e tij të propozuar dhe kërcënoi ta rriste atë në 25% deri në qershor.

Në mesazhin e tij drejtuar Støre, Trump tha se Danimarka nuk mund ta mbrojë Grenlandën nga Rusia apo Kina, dhe vuri në dyshim "pse ata kanë një të drejtë pronësie gjithsesi, nuk ka dokumente të shkruara, vetëm se një anije zbarkoi atje qindra vjet më parë, por edhe ne kishim anije që zbarkuan atje".

"Unë kam bërë më shumë për NATO-n se çdo person tjetër që nga themelimi i saj dhe tani, NATO duhet të bëjë diçka për Shtetet e Bashkuara", përfundoi ai. /Telegrafi/

Brahim Diaz ka kërkuar falje për penalltinë e humbur në finalen e Kupës së Afrikës ndaj Senegalit.

Ylli i Real Madridit kishte një mundësi të artë për t’ia fituar Marokut trofeun e Kupës së Afrikës pas mbi 50 viteve, por në kohën shtesë tentoi një “parabolë” që nuk rezultoi e suksesshme.

Për herë të parë, Diaz ka reaguar në rrjetin social “Instagram” duke i kërkuar falje të gjithë popullit maroken si dhe shtoi se do të provojë që në të ardhmen t’ia kthejë.

“Shpirti më dhemb. E kam ëndërruar këtë titull falë të gjithë dashurisë që më keni dhënë, secili mesazh, secila shenjë mbështetje që më bëri të ndihem se nuk jam vetëm. Luftova me gjithçka që kisha, me zemër mbi të gjitha”.

“Dje dështova dhe marrë përgjegjësi të plotë. I kërkoj falje të gjithëve me tërë zemrën. Do të jetë vështirë që të shërohem sepse kjo plagë nuk shërohet lehtë, por do të provoj. Jo për mua, por të gjithë që më besuan dhe të gjithë që vuajtën me mua”.

“Do të vazhdoj derisa ta rikthejë të gjithë dashurinë dhe krenarinë për njerëzit e mi të Marokut”, shkroi ai.

Ndërkohë, Diaz është kritikuar tejmase në rrjetet sociale si dhe e akuzuan se me qëllim e ka humbur penalltinë./Telegrafi/

Jo vetëm familja e presidentit amerikan, Donald Trump, por të gjithë zyrtarët amerikanë janë të mirëpritur në Shqipëri.

Kështu u shpreh ministrja për Europën dhe Punët e Jashtme, Elisa Spiropali, sot, 19 janar, kur doli në një konferencë për mediat për të folur në lidhje me ftesën e Trump për Shqipërinë në Bordin e Paqes.

Por gjatë pyetjeve, ajo u pyet nëse në vijim do të ketë një vizitë në Shqipëri të vajzës së Trump, Ivanka Trump, bashkëshorti i të cilës, Jared Kushner, ka një projekt për ngritjen e hoteleve dhe apartamenteve në ishullin e Sazanit.

Spiropali tha se nuk ka asnjë plan për falje tokash dhe këtë gjë nuk e kërkon askush. Sipas saj, bëhet fjalë për projekte serioze zhvillimore.

“Jo vetëm familja e presidentit Trump, por të gjithë zyrtarët amerikane janë të mirëpritur në Shqipëri dhe nuk kemi asnjë detyrim të japim informacione mbi vizitat e tyre qoftë private apo të tjera. Nuk ka asnjë plan as për falje tokash, as për dhënie të territoreve shqiptare, por ka një partneritet të qartë. Të jeni të sigurt se asnjë nuk kërkon, as SHBA-të, as Trump, as familja e tij që Shqipëria të falë toka siç i quani ju apo të angazhohet në aktivitet të tilla në Shqipëri. Ka projekte serioze që janë pjesë e projekteve tona zhvillimore dhe ne jemi krenarë për to siç jemi krenarë edhe për programe dhe projekte të tjera të cilat padiskutim do t’i bëjmë realitet në Shqipëri”, tha Spiropali.

Ndërkohë më herët Kushner është shprehur se Sazani e ka tërhequr që prej një vizite në vitin 2021.

Kryeministri Edi Rama duke folur për këtë çështje ka thënë se ishulli nuk do të shitet asnjëherë dhe se qeveria shqiptare do të jetë partnere me grupin që do të investojë aty. Ai ka theksuar se ky projekt do të jetë risi për zonën e Mesdheut./Tv Klan

Një grup nxënësish nga Kosova ka përfaqësuar vendin në Neo Science Olympiad, e mbajtur në Shtetet e Bashkuara të Amerikës, duke arritur rezultate të shkëlqyera në disa fusha shkencore dhe teknologjike.

Nxënësit kosovarë u vlerësuan për sukseset e tyre në Shkencë, Matematikë, Biologji, Kimi, Inteligjencë Artificiale dhe Kodim, duke dëshmuar nivel të lartë të dijes dhe përgatitjes akademike.

Në mesin e fituesve të medaljeve është edhe Harun Hondozi, i cili në fushën e shkencës u shpërblye me çmimin “Best of the Best”, ndërsa në matematikë fitoi medaljen e artë, një arritje e veçantë në një garë ndërkombëtare me konkurrencë të lartë.

Nga Kosova Global Talent Center u tha se këto suksese janë rezultat i përkushtimit të vazhdueshëm të nxënësve dhe mbështetjes së prindërve dhe stafit profesional.

“Këto arritje janë rezultat i punës së palodhshme, talentit dhe përkushtimit të nxënësve tanë, si dhe mbështetjes së vazhdueshme të prindërve dhe stafit profesional nga secila shkollë ku nxënësit morën përgatitjet adekuate. Jemi jashtëzakonisht krenarë për secilin prej jush”, thuhet në postimin e Kosova Global Talent Center.

Pjesëmarrja dhe sukseset në Neo Science Olympiad konfirmojnë potencialin e nxënësve nga Kosova në arenën ndërkombëtare dhe dëshmojnë se investimi në arsim dhe talent të ri po sjell rezultate konkrete.

Ky nuk është suksesi i parë për Harunin.

Ai kishte zënë vendin e parë në matematikë në garat ndërkombëtare në Dubai në vitin 2023, në kuadër të Brainobrain Kosova./Telegrafi.

Ministria e Financave, Punës dhe Transfereve përmes një njoftimi tregon se cila kategori e pensionistëve nuk janë të obliguar për paraqitje paraqitje të rregullt para zyrave të pensioneve.

Sipas njoftimit thuhet se pensionistët kontributiv, parciale kontributive, dhe familjare nuk janë të obliguar të paraqiten para zyrave të pensioneve.

Ndërsa siç thuhet në njoftim pensionistët e kategorive të tjera vazhdojnë të kenë obligim për paraqitje sipas legjislacionit në fuqi.

“MFPT ka ndërmarrë hapa të vazhdueshëm për të lehtësuar shërbimet për pensionistët, duke përfshirë: Ekipet mobile që ofrojnë shërbime në shtëpi për ata që nuk mund të paraqiten fizikisht, në të gjitha shtatë rajonet e Kosovës; Thjeshtësimin e procedurave për personat paraplegjikë, tetraplegjikë dhe të verbër, duke eliminuar proceset e panevojshme dhe të lodhshme të rivlerësimit”, thuhet në njoftim. /Telegrafi/

Ish-konkurrentja e edicionit të katërt të Big Brother VIP Kosova, Bia Khalifa, ka folur rreth banorëve që momentalisht janë brenda.

Në emisionin “Ora Shtatë”, ish-banorja theksoi se më false në shtëpi është Elijona Binakaj.

“Ajo ka ardhur e përgatitur, 100 për qind. Kam intuitë të madhe”, u shpreh ajo.

Foto: YouTube

Tutje ka folur edhe për shumë gjëra të tjera që kanë ndodhur në BBVK, madje ka pranuar edhe disa aludime.

Ish-konkurrentja me origjinë nga Rumania u largua nga Big Brother të premten.

E njëjta qëndroi për rreth dy muaj në shtëpinë e famshme, ndonëse e penalizoi paksa gjuha shqipe.

Sidoqoftë, për Bian kjo eksperiencë mbetet e paharruar dhe se tani do të vazhdojë qëndrimin në Kosovë. /Telegrafi/

- YouTube www.youtube.com