Danimarka po përgatitet të rrisë praninë e saj ushtarake në Groenlandë, mes një krize me Shtetet e Bashkuara dhe kërcënimeve të Donald Trump për të aneksuar ishullin.

Rrjeti danez TV2 raportoi se një “forcë e konsiderueshme” ushtarësh danezë pritet të mbërrijë të hënën në mbrëmje në Kangerlussuaq, ku ndodhet aeroporti kryesor ndërkombëtar i Groenlandës.

Komandanti më i lartë ushtarak i Danimarkës në Arktik, Gjeneral Major Andersen, tha se rreth 100 ushtarë danezë kanë mbërritur tashmë në Nuuk, kryeqytetin e Groenlandës, dhe një numër i ngjashëm në Kangerlussuaq, në Groenlandën perëndimore.

Politico raporton se misioni do të jetë afatgjatë. Ushtarët do të marrin pjesë në stërvitjen Arctic Endurance. Andersen tha javën e kaluar se misioni është një përgjigje ndaj kërcënimeve ruse, jo ndaj Trump.

Ndërkohë, siç vëren Politico, Kopenhageni kërkoi një mision të NATO-s në Groenlandë të hënën, një kërkesë që u “vu në dukje” nga Sekretari i Përgjithshëm i NATO-s.

Në deklarata, ministri danez i Mbrojtjes Trolls Lund Poulsen dënoi kërcënimet e Trump kundër Groenlandës si “jashtëzakonisht të dëmshme”, por paralajmëroi se Aleanca “ende nuk mund të përballojë ndërprerjen e marrëdhënieve të saj me Uashingtonin”. 

Sinjali – aty ku e vërteta flet para lajmit!

/GazetaSinjali/

The post Danimarka forcon ndjeshëm praninë e saj ushtarake në Grenlandë, dërgon trupa të tjera në ishull appeared first on Sinjali.

Kreu i Lidhjes Demokratike të Kosovës, Lumir Abdixhiku, është lajmëruar me një postim në Facebook, pas mbledhjes gati katër orëshe që mbajti sot Kryesia e kësaj partie.

Abdixhiku ka thënë se në këtë mbledhje vendosën që Kuvendi i LDK-së të thirret më 31 janar, teksa ka thënë se ky Kuvend nuk është krizë por “mundësi”.

“Në një kohë kur politika shpesh ushqehet me tension dhe gjuhë përçarëse, ne zgjedhim maturinë. Zgjedhim qetësinë, dialogun e gjerë dhe besimin në demokracinë e brendshme. Debati është i shëndetshëm; përçarja pa debat dhe pa demokraci është dëm. LDK ka kaluar shumë sfida dhe gjithmonë ka ditur të ruajë boshtin e saj: demokracinë, dinjitetin dhe besimin te anëtarësia. Edhe kësaj here do të dalim më të bashkuar dhe më të gatshëm për sfidat që na presin, pa i llogaritur fatet tona individuale. Aq më pak timin”, ka shkruar Abdixhiku.

Ai është shprehur i bindur se pas Kuvendit, LDK do të ecë përpara më e qartë, më e bashkuar dhe më e përgatitur.

“Në LDK nuk i ikim asnjëherë përgjegjësisë. As kur është e lehtë, e sidomos kur është e vështirë. Sepse kjo shtëpi nuk është ndërtuar për rehati personale, por për shërbim dhe për përgjegjësi ndaj një ideali më të madh se secili prej nesh. Prandaj, me përgjegjësi përballemi; para anëtarësisë”, ka shkruar Abdixhiku.

Pas mbledhjes së sotme, zëdhënësi i LDK’së, Besian Mustafa, deklaroi se Abdixhiku do ta ofroj dorëheqjen si Kryetar i LDK’së para këtij Kuvendi dhe se pastaj vendimi u mbetet në dorë delegatëve.

Sinjali – aty ku e vërteta flet para lajmit!

/GazetaSinjali/

The post Abdixhiku pas takimit të kryesisë: Zgjodhëm dialogun, përçarja pa debat dhe pa demokraci është dëm appeared first on Sinjali.

Sekretari i Thesarit i Shteteve të Bashkuara, Scott Bessent, ka folur para gazetarëve në Davos, ku pritet të fillojë Forumi Ekonomik Botëror.

Duke mbajtur një shall me flamurin amerikan, ai tha se fokusi i Shteteve të Bashkuara është që të dërgohet një porosi e qartë se “Amerikan e para nuk do të thotë Amerika e vetme” dhe se “presidenti Trump do të flasë për këtë, se si duket në botë lidershipi amerikan”, raporton gazeta “The Guardian”.

Zyrtari i lartë amerikan thotë se fokusi do të jetë “shtytja për rritje dhe heqje të rregullave [kufizimeve]”, duke iu referuar zhvillimit ekonomik.

Sa i përket Grenlandës, ai tha se nuk është i njoftuar me zhvillimet e fundit, pasi ka qenë duke udhëtuar, por “ka shumë telefonata” në ardhje dhe “secili duhet t’i marrë seriozisht fjalët e presidentit”.

Bessent tha se nuk di asgjë për letrën që Trumpi ia ka dërguar kryeministrit norvegjez, por thotë se është “gënjeshtër absolute” që të sugjerohet se presidenti amerikan po vendos për të ardhmen e Grenlandës “për shkak të Çmimit Nobel”.

“Presidenti po e shikon Grenlandën si një aset strategjik për Shtetet e Bashkuara. Ne nuk do t’ia transferojmë askujt tjetër sigurinë tonë të hemisferës” – deklaroi sekretari Ii Thesarit.

Kur u pyet rreth ndonjë hakmarrjeje të mundshme tregtare nga partnerët evropianë, në rast se Trumpi vendos që ta marrë nën kontroll Grenlandën, Bessent tha se një gjë e tillë do të ishte “shumë e pamençur”.

Sinjali – aty ku e vërteta flet para lajmit!

/GazetaSinjali/

The post Sekretari Bessent thotë se Trumpit duhet t’i merren seriozisht fjalët për Grenlandën, ka një paralajmërim appeared first on Sinjali.

Komandanti i misionit të KFOR-it të udhëhequr nga NATO, Gjeneral Major Özkan Ulutaş, është takuar sot me ministrin e Punëve të Brendshme, Xhelal Sveçla, në Kampin “Film City” në Prishtinë.

Sipas njoftimit, ata diskutuan mbi situatën e sigurisë në Kosovë, si dhe mbi përmirësimin e mëtejshëm të komunikimit dhe bashkëpunimit ndërmjet KFOR-it dhe Policisë së Kosovës.

“Ata shkëmbyen pikëpamje mbi situatën e sigurisë në Kosovë dhe mbi përmirësimin e mëtejshëm të komunikimit dhe bashkëpunimit midis KFOR-it dhe Policisë së Kosovës. Gjenerali Ulutaş theksoi angazhimin e palëkundur të KFOR-it për të vazhduar të kontribuojë në sigurinë në të gjithë Kosovën dhe rajonin e gjerë”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Komandanti i KFOR-it takohet me Sveçlën, diskutohet situata e sigurisë në Kosovë appeared first on Sinjali.

Shkenca moderne po punon çdo ditë për të kuptuar autizmin dhe për të zhvilluar trajtime të bazuara në prova, që synojnë të ndihmojnë fëmijët dhe familjet e tyre në mënyrë të sigurt dhe efektive.

Por në Kosovë, dikush që nuk ka lidhje as me shkencën e as me mjekësinë ka gjetur një mënyrë, që prindërve edhe mund t’u japë shpresë.

Me 4 mijë euro në xhep dhe premtime të dyshimta, prindërit e fëmijëve me autizëm po udhëtojnë drejt Gjilanit për të takuar Arianit Sllamnikun, zbulon Kiks Kosova.

Ai pretendon se mund të shërojë autizmin duke larguar parazitët nga trupi i njeriut, me medikamente që zakonisht janë të destinuara për kafshë, e jo për njerëz.

Sinjali – aty ku e vërteta flet para lajmit!

/GazetaSinjali/

The post E tmerrshme: ‘Me 4 mijë € shëron autizmin’ – Arianit Sllamniku u jep fëmijëve ilaçe për kafshë appeared first on Sinjali.

KEK-u ka parashtruar padi ndaj Janina Ymeri nga Lidhja Demokratike e Kosovës, duke pretenduar se kjo është bërë për ndaluar përhapjen e informatave të rrejshme dhe propagandës.

Ndaj kësaj ka reaguar Hykmete Bajrami nga LDK, e cila tha se Qeveria në vend që të luftojë mafinë energjetike, po e lufton Janina Ymerin.

Aj ka rikthesuar se Bordi i ZRRE-së, i zgjedhur nga Albin Kurti, e ka licencuar EFT-në e Vuk Hamoviçit dhe superkompaninë NOA.

“Albin Kurti në vitin 2019 thoshte se nuk je lider shqiptar nëse nuk e lufton mafinë energjetike. Sot, pas pesë vitesh qeverisje, ai nuk po e lufton mafinë energjetike. Përkundrazi, përmes veglave të tij, ka vendosur ta luftojë Janina Ymerin. Për rikujtim: Bordi i ZRRE-së, i zgjedhur nga Albin Kurti, e ka licencuar EFT-në e Vuk Hamoviçit dhe superkompaninë NOA. Këtu jemi! Pavarësisht rezultatit të 28 dhjetorit, nuk heshtim”, ka thënë Bajrami. 

Sinjali – aty ku e vërteta flet para lajmit!

/GazetaSinjali/

The post Padia nga KEK, Hykmete Bajrami: Albin Kurti s’e lufton mafinë energjetike, por përmes veglave të tij lufton Janina Ymerin appeared first on Sinjali.

Presidenti i Bullgarisë, Rumen Radev, njoftoi sot se jep dorëheqjen dhe shtoi se zëvendëspresidentja aktuale Iliana Jotova do të marrë postin e kreut të shtetit.

“Nesër do të jap dorëheqjen nga posti i Presidentit të Republikës së Bullgarisë”, tha Radev në një konferencë të jashtëzakonshme informative, sipas Bulgarian News.

Radev theksoi se demokracia bullgare nuk do të mbijetojë nëse lihet në duart e, siç tha ai, “strukturave të korruptuara dhe ekstremistëve”, duke theksuar se besimi i qytetarëve e detyron të mbrojë institucionet.

Ai kujtoi se u zgjodh për herë të parë president nëntë vjet më parë dhe se besimi iu rinovua në vitin 2021, duke vlerësuar se u përpoq ta justifikonte këtë nder dhe përgjegjësi në të gjitha veprimet e tij.

“Nëntë vjet më parë, ju votuat që unë të shërbeja në Bullgari si president. Së bashku përjetuam një sërë krizash, sulmesh nga oligarkia dhe protesta të mëdha në vitet 2020 dhe 2025. Sot, po ju drejtohem për herë të fundit si president i Bullgarisë. I pranoj gabimet e mia”, tha Radev, raporton Euronews i Bullgarisë.

Sinjali – aty ku e vërteta flet para lajmit!

/GazetaSinjali/

The post Jep dorëheqje presidenti i Bullgarisë, Rumen Radev appeared first on Sinjali.

Ka përfunduar mbledhja e Kryesisë së Lidhjes Demokratike të Kosovës.

Pas saj, zëdhënësi i partisë, Besian Mustafa, ka bërë të ditur se më 31 janar është ftuar mbledhja e Kuvendit të LDK-së.

Ai ka deklaruar se në këtë mbledhje kryetari i LDK-së, Lumir Abdixhiku, do të ofrojë dorëheqjen, me qëllim që Kuvendi i partisë të jetë i lirë të vendosë për këtë dhe çështje të tjera.

Sipas tij, mbledhja e Kryesisë ka zgjatur rreth katër orë dhe është karakterizuar nga diskutime të hapura dhe demokratike, ku është analizuar në detaje edhe rezultati i zgjedhjeve të 28 dhjetorit.

“Pati një diskutim gati katër orësh, të hapur e demokratik, duke shtjerrë debatin në secilën pikë të mundshme, përfshirë edhe analizën e rezultatit të zgjedhjeve të 28 dhjetorit. Më 31 janar është ftuar mbledhja e Kuvendit të LDK-së”.

“Në këtë Kuvend, siç është deklaruar vetë kryetari Lumir Abdixhiku, ai do të ofrojë dorëheqjen për ta lënë të lirë Kuvendin që të vendosë edhe për këtë çështje, por edhe për çështje e diskutime të tjera që mund të ngrihen”, ka thënë Mustafa.

Sinjali – aty ku e vërteta flet para lajmit!

/GazetaSinjali/

The post Përfundon mbledhja, LDK thërret Kuvendin më 31 janar – Abdixhiku do të ofrojë dorëheqjen appeared first on Sinjali.

Danimarka dhe Grenlanda kanë diskutuar mundësinë e të paturit të një misioni të NATO-s në Grenlandë dhe Arktik, thotë ministri i Mbrojtjes i Kopenhagës.

Troels Lund Poulsen i bëri komentet e tij pas një takimi me shefin e NATO-s, Mark Rutte dhe Vivian Motzfeldt, ministren e Jashtme të Grenlandës, në Bruksel.

"Ne e kemi propozuar këtë. Sekretari i përgjithshëm i NATO-s gjithashtu e ka marrë parasysh këtë dhe besoj se tani shpresojmë të krijojmë një kornizë se si mund të arrihet kjo", shtoi ai.

"Kjo është gjithashtu në përputhje me atë që kemi diskutuar me qeverinë e Grenlandës", theksoi ndër tjera, transmeton Telegrafi.

Trump thotë se shqetësimet e sigurisë amerikane dhe globale janë çelësi i dëshirës së tij për të marrë kontrollin e Grenlandës, duke sugjeruar se Rusia dhe Kina mund të marrin kontrollin e Arktikut nëse Uashingtoni nuk e bën. /Telegrafi/

Një sulm me thikë i regjistruar këtë të hënë ka lënë të vdekur 49-vjeçarin shqiptar, Jani Aliaj.

Viktima humbi jetën teksa vuante dënimin në burgun e Koridhallos, në Greqi.

Autori është një grek 28-vjeçar, i cili me një thikë të improvizuar vrau shqiptarin brenda Krahut të 3-të të burgut më të madh të vendit.

Sipas informacioneve nga mediat greke, oficerët e policisë që po merren me çështjen besojnë se kjo është një “kontratë vdekjeje” ndaj 49-vjeçarit pasi dyshohet se 28-vjeçari e ka kryer vrasjen me urdhër të një tjetër krimineli shqiptar.

Sipas të njëjtave burime, trafiku i drogës në Athinë është një tjetër pistë e mundshme. 49-vjeçari kishte kryer dy vrasje në Shqipëri, për të cilat ishin lëshuar urdhër-arreste ndërkombëtare. E para ndodhi në qytetin e tij të lindjes, Tepelenë, në vitin 2005 dhe e dyta u krye në vitin 2016.

Ai ishte anëtar i një bande të fortë në jug të Shqipërisë të përfshirë në trafikun e drogës. Nga ana tjetët edhe 28-vjeçari grek ka kryer dy vrasje.

E para disa muaj më parë në Agios Panteleimonas, kur qëlloi me gjakftohtësi në kokë një burrë nga Shqipëria, i cili kishte qenë në shënjestër të policisë për grabitje dhe vjedhje me thyerje, raporton Euronewsal.

Kryeministri i RMV-së, Hristijan Mickoski njofton se së bashku me një delegacion qeveritar do të marrë pjesë në Forumin Ekonomik në Davos të Zvicrës.

"Të shoqëruar nga një delegacion qeveritar i rangut të lartë, do të marrim pjesë në takimin e 56-të vjetor të Forumit Ekonomik Botëror (WEF) në Davos të Zvicrës.

Në ditët në vijim, do të kemi takime të shumta që presim të ndikojnë ndjeshëm në përmirësimin e situatës ekonomike dhe të tërheqin një numër të madh investimesh.

Do të marr pjesë në tre panele ku do të prezantoj mundësitë e investimit në Maqedoni, dhe njëkohësisht, do të kemi takime të shumta dypalëshe me shumë kompani nga e gjithë bota", thuhet në njoftimin e Mickoskit./Telegrafi/

Një modele e krijuar nga inteligjenca artificiale, e njohur si Nia Noir, ka tërhequr vëmendjen e miliona njerëzve në rrjetet sociale, duke ngritur diskutime rreth mënyrave për të identifikuar përmbajtjen e gjeneruar nga AI.

Llogaria e Nia Noir në TikTok ka arritur të grumbullojë rreth 2.7 milionë ndjekës, ndërsa një nga videot e saj ka mbledhur pothuajse 199 milionë shikime.

Megjithatë, Nia nuk është një person real, por një krijim i plotë i teknologjisë së inteligjencës artificiale.

Foto: TikTok

Shumë përdorues kanë vënë re se lëvizjet e saj në video, si kërcimet, dhe ndonjëherë edhe veshjet, përputhen me ato të krijuesve të vërtetë të përmbajtjes.

Një tjetër detaj që ka tërhequr vëmendjen është sfondi i videove, i cili shpesh duket i qëndrueshëm dhe i papërshtatshëm me figurën e modeles, duke treguar mungesën e natyrshmërisë që zakonisht shfaqet tek njerëzit realë.

Misteri pas Nia Noir

Nuk dihet kush qëndron pas llogarisë së Nia, dhe nuk është e qartë nëse personazhi është bazuar në një person real apo është rezultat i kombinimit të imazheve të ndryshme të grave.

Megjithatë, përmbajtja e krijuar ka rezultuar jashtëzakonisht bindëse për miliona shikues, duke treguar se teknologjia e inteligjencës artificiale është arritur një nivel shumë të avancuar dhe sfidues për t’u dalluar nga realiteti.

Ky fenomen nënvizon rëndësinë e edukimit të publikut për të njohur dhe identifikuar përmbajtjen digjitale të krijuar nga AI, duke shmangur keqinformimin dhe duke rritur vetëdijen mbi ndikimin e teknologjisë në rrjetet sociale. /Telegrafi/

Kryetari i Lidhjes Demokratike të Kosovës (LDK), Lumir Abdixhiku, ka deklaruar se Kryesia e partisë ka vendosur që Kuvendi i LDK-së të thirret më 31 janar, duke e cilësuar këtë proces si një shprehje të demokracisë së brendshme dhe jo si krizë.

Abdixhiku ka bërë të ditur se vendimi është marrë pas një diskutimi të hapur dhe të përgjegjshëm në mbledhjen e Kryesisë, duke theksuar se Kuvendi është organi më i lartë i partisë ku merren vendimet më të rëndësishme, në përputhje me statutin dhe traditën demokratike të LDK-së.

“Kjo është mënyra jonë e veprimit; me rregull, me transparencë dhe me respekt për anëtarësinë. LDK i zgjidh çështjet e brendshme aty ku e kanë vendin; në organet e saj dhe para delegatëve të zgjedhur,” ka deklaruar Abdixhiku.

Ai ka theksuar se në një klimë politike të mbushur shpesh me tensione dhe gjuhë përçarëse, LDK zgjedh qetësinë, dialogun e gjerë dhe besimin në demokracinë e brendshme, duke nënvizuar se debati është i shëndetshëm, ndërsa përçarja pa debat dhe pa demokraci është e dëmshme.

Përfundon mbledhja, LDK thërret Kuvendin më 31 janar

Sipas tij, Kuvendi i 31 janarit përfaqëson një mundësi për reflektim, bashkim dhe forcim të partisë. “Nuk është krizë, por mundësi për t’u dëgjuar, për t’u bashkuar rreth vlerave tona dhe për të dalë më të fortë nga ky proces,” ka shtuar ai.

Abdixhiku ka rikujtuar se LDK ka kaluar shumë sfida ndër vite, por gjithmonë ka ruajtur vlerat themelore të demokracisë, dinjitetit dhe besimit te anëtarësia. Ai ka theksuar se përgjegjësia në parti nuk shmanget asnjëherë, veçanërisht në momente të vështira.

“Në LDK nuk i ikim përgjegjësisë. Kjo shtëpi nuk është ndërtuar për rehati personale, por për shërbim dhe për përgjegjësi ndaj një ideali më të madh se secili prej nesh,” ka deklaruar Abdixhiku.

Në fund, ai ka shprehur bindjen se pas 31 janarit, LDK do të ecë përpara më e qartë, më e bashkuar dhe më e përgatitur për sfidat politike që e presin./Telegrafi/

Strija, njolla, rrudha dhe stres? Një shishe verë e kuqe po cilësohet si “sekreti” i ri i kujdesit natyral

Vera e kuqe ndihmon në reduktimin e strijave, ndaj nënat që kanë lindur së fundmi mund ta përdorin këtë përbërës për të zbutur dhe përmirësuar pamjen e strijave në bark. Dhe kjo nuk është e gjitha…

Vera e kuqe është gjithashtu një nga përbërësit e preferuar të shumë grave, të cilat e përdorin në kujdesin e lëkurës për të luftuar njollat e errëta dhe probleme të tjera të lëkurës.

Edhe pse vera e kuqe cilësore mund të jetë e shtrenjtë për përdorim kozmetik, përbërësit që ajo përmban ndihmojnë në ushqimin e lëkurës dhe e bëjnë atë të duket e shëndetshme, e lëmuar dhe pa të meta. Vera e kuqe ndihmon gjithashtu në mbajtjen larg të problemeve si aknet dhe qimet e padëshiruara.

Larja në verë të kuqe një herë në muaj konsiderohet thelbësore për gratë e ditëve të sotme. Aroma e verës së kuqe ndihmon në çlirimin nga stresi!

Gjithçka që duhet të bëni është të shtoni një shishe verë të kuqe në vaskën e mbushur me ujë të ngrohtë dhe të përkëdhelni lëkurën tuaj çdo muaj me këtë “ilaç” natyral.

Vera e kuqe ndihmon gjithashtu në reduktimin e strijave, ndaj nënat që kanë lindur së fundmi mund ta përdorin këtë përbërës për të përmirësuar pamjen e tyre në bark, transmeton Telegrafi.

Ja disa përdorime të tjera kozmetike të verës së kuqe:

Largimi i strijave
Nëse dëshironi të zbutni strijat e pakëndshme, masazhoni barkun me verë të kuqe. Kryeni këtë trajtim një herë në javë dhe me kalimin e kohës strijat do të bëhen më pak të dukshme.

Largimi i puçrrave në trup
Për shkak të ushqimit të yndyrshëm dhe ndotjes, shumë njerëz përballen me puçrra që shfaqen herë pas here në trup. Për t’u çliruar nga aknet, njomni një copë pambuku me verë të kuqe dhe tampononi zonat problematike. Përsëriteni këtë dy herë në ditë për rezultate më të shpejta.

Njollat e errëta në lëkurë
Njollat e errëta mund të zbuten nëse laheni me verë të kuqe dy herë në javë. Pas larjes, mos aplikoni losion trupi mbi njollat. Për rezultate më të shpejta, shtoni lëngun e një limoni në një gotë verë të kuqe. Masazhoni njollat me këtë përzierje dhe shpëlajeni pas 15 minutash.

Heqja e qimeve të padëshiruara
Të lodhura nga depilimi dhe rruajtja e shpeshtë? Provoni masazhimin e trupit me verë të kuqe. Përbërësit e verës ndikojnë në folikulat e qimeve, duke i bërë ato të bien më lehtë.

Parandalimi i rrudhave
Vera e kuqe ka efekt të shkëlqyer kundër rrudhave. Larja e fytyrës me verë dy herë në javë ndihmon që rrudhat të duken më pak të theksuara.

Poret e zgjeruara të lëkurës
Nëse keni pore të zgjeruara në fytyrë, mund t’i zbusni ato me ndihmën e verës së kuqe. Përzieni verë të kuqe me qumësht dhe masazhoni fytyrën një herë në javë. Poret do të duken dukshëm më të vogla.

Lëkura e thatë
Edhe lëkura e thatë mund të trajtohet me verë të kuqe. Përzieni një gotë verë të kuqe me një filxhan qumësht dhe lani fytyrën dy herë në javë. Brenda pak javësh, lëkura do të bëhet më e butë, me shkëlqim dhe kadifeje.

Largimi i nishaneve
Mos u drejtoni menjëherë trajtimeve me bazë kimike për heqjen e nishaneve. Mund të provoni të masazhoni zonën përkatëse me verë të kuqe.

Përveç efektit relaksues që një gotë verë e kuqe ka mbi organizmin, tani e dini se si pjesën e mbetur të verës ta përdorni edhe në shërbim të bukurisë suaj. /Telegrafi/

Temperaturat mëngjesin e së hënës u ulën në minus, e për këtë mësimi në shkollën e mesme ekonomike në Gjilan vazhdoi me orar të shkurtuar 30 minuta.

Edhe ndërrimi i pasdites që janë nxënësit e mjekësisë e vazhdojnë mësimin me gjysmë orari.

Situatë e njëjtë për shkak të mungesës së furnizimit me dru është edhe në gjimnazin natyror.

Drejtori i shkollës thotë se presin që situata të stabilizohet.

“Javën e parë kemi pasur probleme për dru nuk kena mjaftueshëm por s'kemi mungese, shpresojmë që prap do të vijnë, sa i përket nxemjet edhe shkollës është hapësirë e madhe edhe problemin kryesor e kemi me dritaret që janë deformuar po kemi probleme”, ka thënë Bekim Mustafa – drejtor i shkollës.

Ai thotë se në këtë shkollë nga pasditja synohet të kthehen në orar të rregullt, për shkak se temperaturat janë më të larta.

Nga Lidhja Demokratike e Kosovës, në Gjilan që janë opozitë thonë se partia në pushtet ka dështuar për të bërë furnizimin me dru me kohë.

“Gjithashtu edhe në objekte të administratës komunale është alarmante në secilën zyre ka katër 5 nxemse dhe është një çoroditje totale e pushtetit komunal rreth menaxhimit të kësaj situate. E gjithë kjo mendojmë se është si rezultat i harlisjes së kryetarit para zgjedhjeve që një vit bëri investime të paplanifikuara, shkeli kontratën kornizë”, ka thënë Fitim Guda- asamblist i LDK-së.

Dukagjini ka pyetur për këtë çështje në Komunën e Gjilanit, por ata nuk janë përgjigjur.

Pyetjeve dhe interesimit të televizionit nuk i është përgjigjur as ushtruesi i drejtorit të Arsimit në Gjilan, Luan Kastrati./Tv Dukgjini/

- YouTube youtu.be

Në rajonin italian të Ligurias, më saktësisht në qytetin Voltri pranë Xhenovës, ekziston një klub amator që ka tërhequr vëmendjen e tifozëve të futbollit në mbarë Evropën.

Klubi quhet Aston Birra, një lojë fjalësh humoristike që kombinon emrin e ekipit të famshëm anglez, Aston Villa, me fjalën italiane për birrë, “birra”.

Jo vetëm emri, por edhe identiteti vizual i klubit është një kopje kreative e Aston Villas, e përpunuar me një prekje personale.

Stema e klubit paraqet një luan të dallueshëm, por në vend të një poze luftarake, luani italian mban me krenari një gotë birrë.

Lojtarët e Aston Birra veshin fanellat ngjyrë vjollcë dhe blu, duke ruajtur lidhjen me origjinën angleze, por në mënyrë plot humor dhe stil lokal.

Klubi garon aktualisht në ligat amatore të Xhenovës, dhe ndeshjet e tyre shpesh tërheqin tifozët vendas që e vlerësojnë kombinimin e sportivitetit dhe argëtimit.

Edhe pse niveli i futbollit nuk është profesional, pasioni i lojtarëve dhe marketingu origjinal kanë bërë që Aston Birra të bëhet një markë e njohur në ligat e ulëta italiane.

Është gjithashtu interesante që një homazh i tillë për futbollin anglez ka lindur në Xhenovë, qyteti ku u themelua klubi më i vjetër italian nga britanikët, duke treguar se futbolli nuk ka të bëjë vetëm me miliona euro, por edhe me një shaka të mirë dhe një birrë të freskët.

Popullariteti i Aston Birra po rritet gjithnjë e më shumë në rrjetet sociale, dhe turistët që vizitojnë Ligurian tashmë kërkojnë mënyra për të marrë fanellën e tyre unike, duke i dhënë klubit një njohje edhe më të gjerë përtej Ligurias. /Telegrafi/

Moti nesër do të jetë me vranësira të ndryshueshme me periudha me diell. Drejt fundit të ditës dhe gjatë natës në pjesët perëndimore do të ketë reshje lokale bore, njoftojnë nga DPHM.

Nga atje thonë se në vend do të fryjë erë e dobët deri mesatare nga juglindja.

Temperatura minimale do të lëvizin nga -12 deri në -2, ndërsa temperaturat maksimale do të arrijë nga -2 deri në 8 gradë.

Nesër drejt fundit të ditës, gjatë natës dhe të mërkurën priten reshje të herëpashershme bore, kryesisht me borë.

Të enjten do të jetë kryesisht me vranësira, ndërsa të premten do të mbizotërojë mot me vranësira mesatare me periudha me diellore./Telegrafi/

Safiri i rrallë 'Purple Star' me peshë 3,563 karat zbulohet në Shri Lankë - mund të vlejë mbi 300 milionë dollarë

Një 'safir ylli vjollcë' i rrallë me peshë plot 3,563 karat është zbuluar në Shri Lankë.

Gur i çmuar mahnitës është quajtur 'Ylli i Tokës së Pastër' dhe besohet të jetë safiri më i madh natyror në botë i këtij lloji.

Siç sugjeron edhe emri, safirët yllë janë të njohur për cilësitë e tyre si yje, të quajtura asterizëm, transmeton Telegrafi.

Ky efekt optik krijon një model ylli të shndritshëm në sipërfaqen e gurit.

'Ky është safiri yll vjollcë më i madh i këtij lloji', tha gemologu konsulent Ashan Amarasinghe.

'Ai tregon një asterizëm të përcaktuar mirë. Ka asterizëm me gjashtë rreze. Kjo është diçka e veçantë nga të gjithë gurët e tjerë', shtoi ai.

Ndërsa vlera e gurit mbetet e paqartë, Amarasinghe beson se mund të vlejë të paktën 300 milionë dollarë.

Nëse është ky rasti, kjo do ta bënte Yllin e Tokës së Pastër një nga gurët e çmuar më të vlefshëm të gjetur ndonjëherë.

Safirët yllorë duket se kanë një yll në mes për shkak të asterizmit - një efekt i shkaktuar nga përfshirjet e vogla, si gjilpëra, të rutilit mineral.

"Idealisht, ylli në një safir yllor duhet të jetë në qendër të përkryer kur shihet nga lart, me çdo rreze me gjatësi të barabartë", shpjegon The Natural Sapphire Company në faqen e saj të internetit.

"Rrezet duhet të jenë të ndritshme, të mprehta dhe të përcaktuara qartë - jo të turbullta ose të paqarta - dhe ato duhet të arrijnë nga maja e kaboçonit deri në bazë pa ndërprerje", u tha ndër tjera.

Guri i çmuar është në pronësi të një ekipi të paidentifikuar, të cilët kanë vendosur të mbeten anonimë për arsye sigurie.

Një nga pronarët tha se guri i çmuar u gjet në një gropë gurësh pranë qytetit të largët të Shri Lankës, Rathnapura, i njohur si "qyteti i gurëve të çmuar", në vitin 2023.

U ble së bashku me gurë të tjerë të çmuar atë vit, dhe rreth dy vjet më vonë, pronarët zbuluan se ishte një gur i veçantë. Më pas ata e certifikuan atë nga dy laboratorë.

Amarasinghe tha se vlera e gurit është vlerësuar në 300 milionë deri në 400 milionë dollarë nga vlerësuesit ndërkombëtarë.

Kjo do ta bënte Yllin e Tokës së Pastër një nga gurët më të shtrenjtë në botë - shumë më përpara se disa diamante të çmuara.

Për shembull, Oppenheimer Blue - një diamant blu me peshë 14.62 karat - u shit për 57.5 milionë dollarë në vitin 2016.

Ndërkohë, Williamson Pink Star (11.15 karat) u shit për një shumë mbresëlënëse prej 57.7 milionë dollarësh në vitin 2022. /Telegrafi/

Pjesët serioze që i njihni tashmë: motor V12 i madh, i fuqishëm, 6.3 litra me aspirim natyral, me ndërrim marshi me gjashtë shpejtësi sekuenciale me levë, tërheqje në rrotat e pasme. Një peshë e synuar (me pendë) prej vetëm 1,300 kg. Frena të mëdha. Goma që ngjiten. 1,350 kg+ forcë poshtë. Dy G të plota me kapje anësore. Një kohë nga 0-100 km/orë për 2.7 sekonda dhe një shpejtësi maksimale prej 335 km/orë.

Pjesët argëtuese që i shihni tashmë: duket si një grerëz gjigante! Mirë se vini përsëri në Apollo Evo, një produkt që na vjen nëpërmjet "prodhuesit të vetëm të dedikuar të hipermakinave në Gjermani".

E kemi parë në shtete të ndryshme dhe në variantet e tij të mëparshme, dhe tani takohemi në fazën e tij të fundit. Fazën e prodhimit, transmeton Telegrafi.

Që do të thotë se mund të shohim brendësinë për herë të parë, ose të paktën, atë që mbetet prej saj. Apollo – historia e të cilit daton që nga Gumpert Apollo – ka “skeletuar” pjesën e brendshme, që do të thotë “shkëput gjithçka dhe shto butona”.

Është ndërtuar nga fibra karboni dhe alumini, të cilat mund t’i shihni fjalë për fjalë, sepse “strukturat që mbajnë ngarkesë mbeten plotësisht të dukshme”.

I spërkatur në këtë brendësi spartane, do të gjeni një kuti pedalesh rrëshqitëse, një timon të ri dhe “kontrolle kritike drejtimi të rregulluara horizontalisht në një tra të ekspozuar prej fibre karboni”.

Mjaft i ekspozuar edhe nga jashtë. Është e njëjta pamje e egër që ka krijuar Apollo, vetëm pak e përditësuar që kur e pamë për herë të fundit.

Ka drita të reja gjatë ditës, shumë aerodinamikë aktive, duke përfshirë një krah të lëvizshëm të pasmë që mund të reagojë “nën një sekondë”.

Duhet të jetë i shpejtë: motori V12 prodhon 789 kuaj fuqi nëpërmjet një motori 6.3 litrash.

Vetëm dhjetë janë duke u ndërtuar në dy grupe prej pesë, me Apollo Evo-n e parë tani fjalë për fjalë në linjën e prodhimit.

Duhet thënë se kanë mbetur vetëm disa. Çmimi? Por sigurisht: 3 milionë euro plus taksat dhe tarifat lokale. Po, kjo është një tjetër pjesë serioze. /Telegrafi/

Deputetja e zgjedhur e Lidhjes Demokratike të Kosovës (LDK), Janina Ymeri, ka reaguar pas padisë së parashtruar ndaj saj nga Korporata Energjetike e Kosovës (KEK), duke e cilësuar atë si tentativë frikësimi dhe përndjekje politike.

Në reagimin e saj publik, Ymeri fillimisht ka sqaruar pozicionin nga aspekti ligjor, duke theksuar se deri më tani nuk ka pranuar asnjë njoftim zyrtar apo ftesë nga Gjykata.

Ajo ka bërë të ditur se, derisa të njoftohet formalisht sipas procedurave ligjore, do të përmbahet nga përgjigjet juridike, por se ndihet e obliguar të reagojë publikisht, pasi padia tashmë është bërë publike.

“Sipas Ligjit, unë nuk jam njoftuar ende zyrtarisht. Megjithatë, kjo padi është publikuar për të më frikësuar dhe për këtë arsye po reagoj publikisht”, ka deklaruar Ymeri.

Ajo ka theksuar se, bazuar në Ligjin Civil kundër Shpifjes dhe Fyerjes, autoritetet publike ndalohen shprehimisht të kërkojnë dëmshpërblim për shpifje.

Sipas saj, KEK-u është një ndërmarrje 100 për qind shtetërore dhe juristët e kësaj korporate e dinë, ose do të duhej ta dinin, këtë dispozitë ligjore.

Ymeri ka akuzuar KEK-un se padia është dorëzuar me qëllim frikësimi dhe përndjekjeje, duke shtuar se kjo dëshmohet edhe nga publikimi i qëllimshëm i adresës së saj të banimit, të cilin ajo e ka cilësuar si shkelje flagrante të Ligjit për Mbrojtjen e të Dhënave Personale.

Duke e cilësuar KEK-un si një ndërmarrje të menaxhuar nga të emëruar politikë, Ymeri ka deklaruar se padia përbën një akt përndjekjeje politike të orkestruar nga kryeministri Albin Kurti dhe, siç është shprehur ajo, “sejmenët e tij në KEK”.

Ajo ka theksuar se analizat dhe deklaratat e saj publike janë të bazuara në fakte që mund të verifikohen lehtësisht dhe që, sipas saj, qytetarët i kanë përjetuar drejtpërdrejt përmes ndërprerjeve të energjisë dhe rritjes së çmimit të rrymës.

“Nuk po flasim për akuza të pabazuara. Po flasim për një korporatë, ish-kryeshefi i së cilës, Nagip Krasniqi, aktualisht po gjykohet për keqpërdorim të detyrës zyrtare. Po flasim për ‘dështime teknike’ të çuditshme që ndodhin pikërisht kur çmimet e importit janë në kulm. Të ngresh zërin për këtë nuk është shpifje, është detyrë”, u shpreh Ymeri./Telegrafi.