Kryeministri në detyrë, Albin Kurti, thotë se ekziston mundësia jo vetëm teorike, por edhe praktike që Kosova të shkojë prapë në zgjedhje, në rast se nuk arrijnë ta zgjedhin presidentin e ri.
Katër muaj para se t’i skadojë mandati presidentes aktuale, Vjosa Osmani, Kurti është më i matur nëse e përkrahin Osmanin edhe për një mandat tjetër pesëvjeçar. Sipas tij, një test dhe indikacion se si mund të ecet përpara edhe në çështjen e presidentit është miratimi i marrëveshjeve ndërkombëtare, për të cilat nevojitet mbështetje edhe e deputetëve të opozitës.
Kurti, në një intervistë për KosovaPress, thotë se fillimisht duhet konstituimi i Kuvendit, formimi i qeverisë, miratimi i buxhetit dhe pastaj të mendohet për çështjen e zgjedhjes së presidentit.
“Nëse nuk arrijmë ta zgjedhim presidentin, ose ta rizgjedhim presidenten, e afati i fundit për këtë gjë është 4 marsi, nëse nuk e kemi të kaluar paraprakisht buxhetin për vitin 2026, ne as nuk mund të mbajmë zgjedhje të reja. Se natyrisht ekziston mundësia, jo vetëm teorike, por edhe praktike, që ne të shkojmë prapë në zgjedhje, në rast se nuk arrijmë ta rizgjedhim presidenten. Por në një situatë të tillë duhet të jemi të gatshëm, pikërisht duke e pasur buxhetin e votuar. Prandaj unë po them, nuk është e shëndetshme të flasim për hapin e katërt pa i trajtuar mirë dhe kaluar këta tre të parët”, thotë ai.
Kurti, i cili është edhe lider i LVV-së, parti e cila sipas rezultateve preliminare të KQZ-së ka mbi 50 për qind të votave në zgjedhjet e 28 dhjetorit, e konsideron të nevojshëm takimin me Osmanin për të diskutuar interesimin e saj për një mandat tjetër në krye të vendit.
Sipas tij, sigurimi i 80 deputetëve në sallë në momentin e zgjedhjes së presidentit është një vështirësi e konsiderueshme.
“Tash, ne e kemi parë deklarimin e presidentes. Së pari duhet ta formojmë Kuvendin dhe qeverinë. Gjithashtu duhet të votojmë buxhetin. Unë besoj që këto janë hapat më të rëndësishëm. Pra, janë tre hapa para se të vijmë te rizgjedhja e presidentes. Dhe unë besoj që nga këta tre hapa ne do t’i shohim se si janë gjasat përpara. Unë kam deklaruar që është e rëndësishme që po ashtu të ulemi me presidenten dhe të diskutojmë të gjitha gjërat. Nevojitet ky takim për shkak se 80 veta në sallë është vështirësi e konsiderueshme. Ju po e keni parasysh që herën e kaluar s’i bëmë dot 61. 80 është numër shumë më i madh se 61. Dhe përderisa kësaj radhe ne 61 i kemi, 80 nuk i kemi. Dhe këto marrëveshje ndërkombëtare, të cilat po përpiqemi t’i kalojmë sa më shpejt, unë besoj që gjithashtu do të mund të na japin indikacione për rrugën përpara. Por nuk besoj që është e drejtë, as e dobishme, që të flasim për hapin e katërt pa i parë këta tre të parët”, deklaron ai.
Duke folur për mundësitë që partitë e opozitës, dhe veçanërisht LDK-ja, të qëndrojnë në sallën plenare kur votohet presidenti, Kurti tha se nuk e di se çfarë qëndrimesh do të mbajnë partitë e opozitës në javët dhe muajt në vijim.
“Për besë nuk e di. Ky viti 2025, me një qasje bllokuese e barrikaduese të partive opozitare, më ka çuditur edhe mua. Po të më thoshte dikush para një viti që viti 2025 do të ishte ashtu siç u bë, mund të dukej me shumë pak gjasa ose pa asnjë gjasë. Mirëpo ja që ndodhi. Prandaj unë nuk e di çfarë qëndrimesh do të mbajnë partitë opozitare në javët dhe muajt në vijim. A është e qartë që as marrëveshjet ndërkombëtare dhe as rizgjedhjen e presidentes, zgjedhjen e presidentit, ne nuk mund t’i kalojmë pa pasur edhe deputetë nga opozita. Ndërkohë që bllokadat sa i përket konstituimit të Kuvendit dhe formimit të qeverisë i ka larguar populli me 28 dhjetor”, thekson ai.
Presidenti i Serbisë, Aleksandar Vuçiq, ka thirrur më 4 janar një seancë urgjente të Këshillit të Sigurisë Kombëtare, duke urdhëruar shërbimet shtetërore të sigurisë dhe diplomacisë që të analizojnë Strategjinë e re të Sigurisë Kombëtare të Shteteve të Bashkuara të Amerikës, të publikuar në dhjetor 2025.
Sipas burimeve të njohura me diskutimet, direktiva përfshin Ministrinë e Punëve të Jashtme, Agjencinë e Sigurisë dhe Informacionit (BIA) si dhe Agjencinë e Inteligjencës Ushtarake (VOA), të cilat janë ngarkuar të përgatisin vlerësime të shpejta mbi ndikimin e kësaj doktrine në Serbi dhe në Ballkanin Perëndimor.
Ky veprim vjen në një kohë të rritjes së shqetësimeve në Beograd se prioritetet strategjike të Uashingtonit po zhvendosen, duke vënë në pikëpyetje nivelin e angazhimit amerikan në Evropë dhe në rajon.
Strategjia e re amerikane
Strategjia e Sigurisë Kombëtare, e shpallur nga administrata e dytë e presidentit amerikan Donald Trump, shënon një kthesë të theksuar drejt qasjes “Amerika e Para”, duke u fokusuar në interesat ekonomike, dominimin strategjik dhe konceptin e “paqes përmes forcës”.
Dokumenti redukton theksin në promovimin e demokracisë dhe multilateralizmin, ndërsa kritikon aleatët evropianë për shpenzime të ulëta në mbrojtje dhe dobësi strukturore. Po ashtu, ai sinjalizon një ridrejtim të vëmendjes amerikane drejt Hemisferës Perëndimore.
Një zyrtar i lartë serb, duke folur në kushte anonimiteti, ka deklaruar se “angazhimi i përhershëm i SHBA-së në Evropë nuk mund të merret më si i mirëqenë”.
Venezuela dhe shqetësimet në Beograd
Urgjenca e thirrjes së Këshillit të Sigurisë lidhet edhe me zhvillimet e fundit në Venezuelë, ku SHBA-ja ndërmori një operacion ushtarak të shpejtë që çoi në rrëzimin e presidentit Nicolás Maduro më 3 janar.
Duke komentuar këtë zhvillim, Vuçiq deklaroi se rasti i Venezuelës është dëshmi se rendi ligjor ndërkombëtar po dobësohet. “Është bërë e qartë se rendi ndërkombëtar nuk funksionon më si më parë. Forca po merr përparësi ndaj ligjit”, tha ai.
Brenda Këshillit, operacioni amerikan u vlerësua si precedent që tregon se fuqitë e mëdha mund të veprojnë jashtë kornizave tradicionale të OKB-së kur interesat e tyre strategjike janë në rrezik.
Pasoja për Ballkanin dhe Kosovën
Analistët vlerësojnë se shqyrtimi i doktrinës së re amerikane nga Serbia synon të kuptojë nëse Ballkani Perëndimor po humb prioritetin në politikën e jashtme të SHBA-së. Një angazhim më selektiv amerikan mund të krijojë hapësira për paqëndrueshmëri në rajon, veçanërisht në raport me çështjet e pazgjidhura.
Në këtë kontekst, Kosova mbetet një element kyç në llogaritjet strategjike, edhe pse kjo nuk artikulohet publikisht nga Beogradi. Burime diplomatike thonë se Serbia po synon të ruajë fleksibilitetin strategjik, duke balancuar rrugën drejt Bashkimit Evropian me marrëdhëniet me Rusinë dhe Kinën.
Planifikim mbrojtës, jo shkëputje
Autoritetet serbe theksojnë se ky proces nuk përfaqëson një largim nga bashkëpunimi me Perëndimin, por një masë planifikimi në kushtet e pasigurisë globale. Vuçiq ka paralajmëruar gjithashtu rritje të kapaciteteve ushtarake dhe të personelit, në atë që e cilëson si një periudhë të çrregullimeve ndërkombëtare.
Mesazh për Prishtinën
Sipas vëzhguesve, zhvillimet e fundit janë një sinjal edhe për Kosovën, në një mjedis gjithnjë e më transaksional të marrëdhënieve ndërkombëtare. Ekspertët vlerësojnë se Prishtina duhet të forcojë vazhdimisht komunikimin strategjik dhe partneritetin me SHBA-në dhe vendet kyçe evropiane, për të shmangur çdo paqartësi rreth angazhimit perëndimor në rajon.
Në një realitet ku vëmendja globale po fragmentohet, prania aktive dhe e qartë diplomatike mbetet thelbësore për ruajtjen e stabilitetit dhe sovranitetit, shkruan kosovodispatch, përcjell TheGeoPost.
Kryeministri në detyrë dhe kryetari i Lëvizjes Vetëvendosje, Albin Kurti, ka shpjeguar faktorët që, sipas tij, ndikuan që LVV-ja të marrë mbi 50 për qind të votave në zgjedhjet e parakohshme parlamentare të 28 dhjetorit.
Në një intervistë ekskluzive për KosovaPress, Kurti tha se qytetarët e Kosovës e kanë kuptuar qartë se kush mbante përgjegjësi për krizën politike të vitit të kaluar, duke përmendur si moment kyç refuzimin e partive të ish-opozitës për të marrë pjesë në seancën ku duhej të miratohej buxheti i vitit 2026 dhe marrëveshje të rëndësishme ndërkombëtare.
Sipas rezultateve preliminare të Komisionit Qendror të Zgjedhjeve, Lëvizja Vetëvendosje ka fituar 50.24 për qind të votave.
Kurti theksoi se refuzimi për miratimin e buxhetit, tri marrëveshjeve me Bankën Botërore dhe Planit të Rritjes së Bashkimit Evropian, në vlerë mbi një miliard euro, ka ndikuar drejtpërdrejt në perceptimin e qytetarëve.
Ai shtoi se përveç krizës politike, faktor i rëndësishëm për rezultatin zgjedhor kanë qenë edhe zotimet e LVV-së gjatë fushatës, përfshirë premtime të reja që, sipas tij, kanë rritur entuziazmin qytetar dhe pjesëmarrjen në zgjedhje.
Kurti vlerësoi se LVV-ja nuk ka marrë votues nga partitë e tjera, por ka arritur një mobilizim të gjerë popullor, duke e cilësuar fitoren e 28 dhjetorit si fitore të popullit dhe të Republikës së Kosovës.
Duke folur për formimin e institucioneve, Kurti shprehu bindjen se procesi do të ecë shpejt, duke theksuar se mandati i ri sjell jo vetëm më shumë besim, por edhe më shumë përgjegjësi.
Ai e quajti fitoren të një përmase historike, duke thënë se ajo e tejkalon edhe rezultatin e zgjedhjeve të 14 shkurtit 2021, si në përqindje ashtu edhe në numër absolut votash.
Në lidhje me votën e diasporës, nga e cila LVV-ja ka marrë mbi 80 për qind të mbështetjes, Kurti tha se mërgata gjen te Vetëvendosja një lloj plotësimi për mallin për atdhe, përmes qëndrimeve politike që theksojnë sigurinë shtetërore dhe mirëqenien për të gjithë qytetarët.
Ai vlerësoi se diaspora dhe qytetarët brenda Kosovës nuk janë të ndarë shpirtërisht, por lidhen përmes përvojave të përbashkëta historike dhe familjare, përfshirë migrimin e detyruar për arsye ekonomike, politike apo si pasojë e luftës.
Kurti komentoi edhe rënien e Lidhjes Demokratike të Kosovës, e cila sipas rezultateve preliminare ka marrë 13.40 për qind të votave, rreth 50 mijë më pak se në zgjedhjet e 9 shkurtit të vitit të kaluar.
Sipas tij, kjo rënie lidhet me perceptimin e qytetarëve se udhëheqja e LDK-së ka qenë bllokuese në procesin e formimit të institucioneve pas zgjedhjeve të kaluara.
Kurti përfundoi duke thënë se me rezultatin e 28 dhjetorit dhe zhvillimet e vitit 2025, nuk ekzistojnë më pengesa për ecjen përpara dhe formimin e institucioneve të reja.
Leonardo DiCaprio mungoi në ceremoninë e ndarjes së çmimeve të filmit në Palm Springs.
DiCaprio duhej të merrte çmimin ‘Desert Palm Achievement Award’ për rolin e tij në filmin "One Battle After Another".
Megjithatë, ai nuk mundi të merrte pjesë në ceremoninë e ndarjes së çmimeve sepse nuk mundi të largohej nga St. Barths, ku po kalonte pushimet me të dashurën Vittoria Ceretti, Tom Brady dhe miqtë, për shkak të kufizimeve të trafikut ajror në Karaibe pas konfliktit midis SHBA-së dhe Venezuelës.
"Leonardo DiCaprio nuk mund të na bashkohet sonte për shkak të problemeve të papritura të udhëtimit dhe hapësirës së kufizuar ajrore. Ndërsa do të na mungojë, jemi të nderuar që njohim punën dhe kontributet e tij të qëndrueshme në kinema. Talenti dhe përkushtimi i tij vazhdojnë të frymëzojnë", tha një zëdhënës i Festivalit të Filmit në Palm Springs.
Megjithatë, gjatë ndarjes së çmimeve të filmit, organizatorët treguan video-mesazhin e DiCaprios ku ai tha se filmat janë ende të menduar si përvoja të përbashkëta në kinema.
"Tani për tani, ky besim është më i rëndësishëm për ne se kurrë”, tha ai.
DiCaprio luajti me Chase Infinity, Teyana Taylor, Benicio del Toro, Sean Penn dhe Regina Hall në filmin fitues të çmimeve "One Battle After Another". /Telegrafi/
Kreu i Kuvendit, Afrim Gashi, së bashku me Zëvendës Kryeministrin e Parë, Bekim Sali, zhvilluan një takim miqësor me Nënkryetarin e Lëvizjes Vetëvendosje, Glauk Konjufca.
Siç njoftuan nga parlamenti, takimi kishte si fokus diskutimin mbi rezultatet e zgjedhjeve parlamentare dhe nevojën për konstituimin e shpejtë të institucioneve për të siguruar stabilitet dhe avancim.
Gashi theksoi rëndësinë e bashkëpunimit ndërinstitucional në një kohë të tillë dhe diskutoi sfidat dhe mundësitë që ofrojnë rrethanat gjeopolitike.
“U pajtuam të vazhdojmë të punojmë fuqishëm në forcimin e marrëdhënieve tona, me qëllim të kontribuimit në zhvillimin dhe integrimin europian të vendeve tona,” tha Gashi.
Në njoftimin e kuvendit u tha se ky takim reflekton angazhimin e institucioneve për të përmirësuar bashkëpunimin dhe stabilitetin rajonal.
Trajneri Hansi Flick është kundër rikthimit të mbrojtësit Joao Cancelo te Barcelona gjatë afatit kalimtar të janarit.
Sipas “Marca”, trajneri i Barcelonës e ka bërë të qartë se nuk po insiston për rikthimin e përfaqësuesit portugez në “Camp Nou”. Vendimi i Flick përputhet me qëndrimin e përgjithshëm të klubit, i cili ka përcaktuar prioritetet për këtë afat kalimtar.
Drejtuesit e Barcelonës kanë vendosur që fokusi kryesor të jetë përforcimi i repartit defensiv, konkretisht afrimi i një qendërmbrojtësi, dhe jo shtimi i Joao Cancelos në skuadër. Kjo lidhet drejtpërdrejt me nevojën për të mbuluar mungesën e Andreas Christensen, i cili është jashtë fushave për shkak të lëndimit.
Një tjetër arsye pse transferimi i Cancelos shihet si shumë i vështirë ka të bëjë me politikën e klubit për merkato. Barcelona dëshiron të shmangë afrimet afatshkurtra dhe po synon lojtarë që përputhen qartë me projektin sportiv afatgjatë.
Edhe pse Cancelo vazhdon të vlerësohet brenda klubit për cilësitë e tij, paga prej rreth 15 milionë eurosh që ai përfiton aktualisht te Al Hilal konsiderohet e pamundur për t’u përballuar nga Barcelona, duke pasur parasysh strukturën aktuale të pagave. Madje, edhe në rast të një uljeje të ndjeshme të pagës, një marrëveshje shihet si shumë pak e realizueshme.
Për pasojë, rikthimi i Joao Cancelos në janar mbetet thuajse i përjashtuar, teksa Barcelona dhe Hansi Flick janë të përqendruar në gjetjen e një zgjidhjeje konkrete për repartin e mbrojtjes.
Kësisoj, gjasat janë të mëdha që Cancelo t’i bashkohet Interit, skuadër që dëshiron ta kompletojë një ofertë shkëmbimi me Al Hilalin./Telegrafi
Injeksionet me kortizon janë injeksione që mund të ndihmojnë në lehtësimin e dhimbjes, ënjtjes dhe acarimit në një zonë specifike të trupit tuaj
Dr. Besim Demolli Specialist i reumatologjisë Tel. +38344727068
Ato më shpesh injektohen në nyje - siç janë kyçi i këmbës, bërryli, kërdhokullat, gjuri, shpatulla, shtylla kurrizore ose kyçi i dorës. Edhe nyjet e vogla në duar ose këmbë mund të përfitojnë nga injeksionet me kortizon.
Çfarë janë injeksionet e kortizonit?
Injeksionet e kortizonit janë një term tjetër për injeksionet steroide, pasi kortizoni është një lloj kortikosteroidi. Ekzistojnë shumë lloje të ndryshme të injeksioneve steroide që mund të përdoren për shumë arsye të ndryshme. Në përgjithësi, injeksionet e kortizonit përdoren për lehtësimin e gjendjeve të dhimbshme që lidhen me diçka që shkon keq në sistemin muskuloskeletor, qoftë në një nyje, një tendin, një muskul apo në shpinë.
Për cilat gjendje përdoren injeksionet e kortizonit?
Injeksionet e kortizonit, të quajtura edhe injeksione steroide, përdoren për të trajtuar gjendjet në të cilat ka dhimbje që lidhet me inflamacionin, qoftë në një nyje të madhe si gjuri ose shpatulla apo në nyje më të vogla si në dorë ose kyçin e këmbës.
Ato gjithashtu mund të përdoren për gjendje të dhimbshme dhe inflamatore nga një hernie diskale në shpinë, qoftë në pjesën lumbale të shtyllës kurrizore (pjesa e poshtme e shpinës), pjesën cervicale të shtyllës kurrizore (qafë) ose në pjesëntorakale (pjesa e mesme e shpinës).
Injeksionet e kortizonit mund të përdoren gjithashtu rreth nyjeve në shpinë të njohura si nyje "facete" për të qetësuar inflamacionin dhe për të zvogëluar dhimbjen e shpinës ose qafës që shoqërohet me të. Injeksionet e kortizonit mund të përdoren gjithashtu për ruptura të vogla, të pjesshme në muskuj ose tendine për të ndihmuar në uljen e dhimbjes dhe për të lehtësuar rehabilitimin më të mirë gjatë terapisë fizike. Kjo mund të bëhet për dëmtimet e manzhetës rrotulluese të shpatullave, për problemet e meniskut dhe gjendje të tjera që lidhen me gjurin, ose për çdo lloj artriti.
Ato mund të përdoren gjithashtu për të qetësuar nervat e inflamuar, siç është nervi ulnar në rastet e sindromës së tunelit kubital.
Si funksionojnë injeksionet e kortizonit?
Kortizoni funksionon duke ulur përgjigjen inflamatore në nyje, muskul ose pjesë tjetër të trupit në të cilën injektohet. Zakonisht, sa herë që ka inflamacion, ka edhe një përgjigje të konsiderueshme ndaj dhimbjes. Prandaj, nëse mund ta ulim inflamacionin, zakonisht mund të ulim një pjesë të dhimbjes. Megjithatë, injeksionet e kortizonit në të vërtetë nuk përmbajnë asnjë lloj veti shëruese - qëllimi i tyre është të lehtësojnë dhimbjen në mënyrë që ju të mund të merrni pjesë në rehabilitim më efektivisht, siç është terapia fizike, e cila është mënyra se si ndodh shërimi aktual. Në varësi të pjesës së trupit që trajtohet, mjeku juaj mund të përdorë udhëzime me imazhe, të tilla si ultratinguj ose rreze X, për të drejtuar injeksionin.
Cilat janë përfitimet e injeksioneve me kortizon?
Përfitimi kryesor i një injeksioni me kortizon është se zvogëlon përgjigjen inflamatore të një dëmtimi akut ose kronik. Kjo nga ana tjetër rrit kontrollin e dhimbjes, gjë që do t'ju ndihmojë të rehabilitoni dëmtimin. Për shembull, mund t'ju ndihmojë të përkulni më tej gjurin e dëmtuar ose të rrotulloni shpatullën tuaj në një gamë më të gjerë lëvizjesh pavarësisht problemit të dhimbshëm që duhet të shërohet. Të qenit në gjendje të zgjeroni gamën tuaj të lëvizjes për terapi fizike ose ushtrime të kryera në shtëpi do të ndihmojë në rehabilitimin e dëmtimit më mirë dhe më shpejt.
Si ta di nëse kam nevojë për një injeksion me kortizon?
Nëse tashmë po kaloni terapi fizike, ose nëse keni pasur dhimbje të vazhdueshme për një kohë të caktuar (zakonisht të paktën disa javë), dhe dhimbja nuk po përmirësohet me kujdes konservativ siç është akulli, nxehtësia ose ilaçet anti-inflamatore, atëherë zakonisht mund të rekomandohet një lloj injeksioni me kortizon. Megjithatë, kjo varet nga diagnoza.
A janë të dhimbshme injeksionet me kortizon?
Injeksionet me kortizon ndonjëherë mund të jenë të dhimbshme, varësisht nga pjesa e trupit që jepen. Por lajmi i mirë është se mjekët reumatolog kanë përvojë në zvogëlimin e çdo dhimbjeje nga vetë injeksioni duke përdorur gjilpëra më të vogla dhe duke përdorur anestezi lokale. Ndonjëherë mund të ketë pak dhimbje të shoqëruara me një injeksion kortizoni pas një rritjeje fillestare të përgjigjes inflamatore, por pas rreth 24 orësh inflamacioni përmirësohet vërtet. Në përgjithësi, shumica e njerëzve i tolerojnë injeksionet e kortizonit shumë mirë.
A ka ndonjë kufizim pas një injeksioni kortizoni?
Mund të ketë disa kufizime, varësisht nga vendi ku po merrni injeksionin. Zakonisht, këto kufizime nënkuptojnë shmangien e aktivitetit ekstrem ose ushtrimeve ekstreme, jo aktiviteteve themelore siç është shkuarja në dyqan ose kryerja e punëve të shtëpisë.
Për injeksionet me kortizon në pjesë të tjera të trupit, kufizimet zakonisht janë për një periudhë kohore shumë më të shkurtër. E gjitha varet nga dëmtimi specifik që po trajtohet, kur duam që pacienti të rikthehet në fizioterapi dhe sa shpejt duam që pacienti të rikthehet në aktivitetet sportive.
Sa zgjat një injeksion me kortizon?
Kohëzgjatja e lehtësimit të dhimbjes pas një injeksioni me kortizon varet nga gjendja që trajtohet, sa kohë ka qenë e pranishme dhe cila pjesë e trupit po injektohet. Nëse një injeksion me kortizon funksionon për pacientin, ajo mund të zgjasë të paktën 3 deri në 6 muaj, dhe ndonjëherë edhe më gjatë. Nëse nuk zgjat aq shumë, mund të ketë probleme të tjera themelore që mund të kenë nevojë për trajtime të tjera, ose edhe trajtime më të avancuara, siç janë procedurat kirurgjikale. Por për rastet në të cilat injeksionet me kortizon funksionojnë, ato duhet të zgjasin për një periudhë 3 deri në 6 muaj.
Me diagnozën e saktë, dhe nëse një injeksion me kortizon përdoret për arsyet e duhura, ndonjëherë e tëra që i duhet një pacienti është një injeksion me kortizon për të kaluar dhimbjen akute, dhe lehtësimi më i gjatë i dhimbjes do të vijë nga rritja graduale e nivelit të aktivitetit dhe rehabilitimi i zonës së dëmtuar. Herë pas here, një injeksion i dytë me kortizon mund të jetë efektiv për të ndaluar çdo problem të përsëritur të dhimbjes ndërsa dëmtimi po shërohet.
Siç u përmend më parë, ndonjëherë një injeksion me kortizon mund të shkaktojë një rritje fillestare të dhimbjes për më së shumti rreth 24 orë. Kjo mund të ndodhë nëse trupi rrit shkurtimisht përgjigjen e tij inflamatore përpara se ta ulë ndjeshëm inflamacionin në përgjigje të kortizonit. Varet nga personi dhe pjesa e prekur e trupit. Por nëse dhimbja fillestare shfaqet pas një injeksioni me kortizon, zakonisht nuk zgjat shumë.
Cilat janë efektet anësore të një injeksioni me kortizon?
Efektet anësore për një injeksion me kortizon zakonisht lidhen me vetë steroidin (përbërësi kryesor) dhe jo me agjentë të tjerë që mund të jenë në injeksion. Efektet anësore të mundshme janë të njëjta me ato të ilaçeve orale me steroide. Efektet anësore serioze janë të rralla, por efektet anësore të zakonshme, të vogla përfshijnë pagjumësinë ose skuqjen e fytyrës.
Efektet anësore të zakonshme
Steroidet mund të shkaktojnë pagjumësi, e cila zakonisht shihet më shpesh tek pacientët rreth moshës 65 vjeç e lart. Pagjumësia nga një injeksion me kortizon mund të zgjasë nga 1 deri në 3 ditë. Një efekt tjetër anësor i mundshëm është një ndjenjë e shtuar e "skuqjes" në fytyrë për disa ditë, varësisht nga doza e steroidit të dhënë. Kjo nuk u ndodh të gjithëve, por mund të ndodhë herë pas here.
Tek njerëzit me diabet, kortizoni do të rrisë sheqerin në gjak, kështu që duhet të ketë plane për ta menaxhuar këtë - veçanërisht tek pacientët që përdorin insulinë. Zakonisht nuk është e rrezikshme sepse ky efekt është zakonisht për një periudhë relativisht të shkurtër, por nëse sheqernat në gjak të dikujt nuk menaxhohen mirë dhe zakonisht janë shumë të larta, pacienti mund të duhet të presë për të marrë një injeksion kortizoni derisa sheqernat në gjak të kontrollohen më mirë.
Efektet anësore të rralla dhe serioze
lNjë efekt anësor i rrallë por beninj i steroideve është lemza. Ne kemi mënyra për ta trajtuar këtë efekt anësor, ose si alternativë, lemza mund të lejohet të vazhdojë gjatë një periudhe shumë të shkurtër kohore.
lNjë pasojë e rrallë dhe më serioze - veçanërisht nëse merrni një dozë shumë të lartë steroidesh ose keni marrë një regjim të zgjatur steroidesh - është se steroidet mund të zvogëlojnë dendësinë e kockave me kalimin e kohës. Kjo është diçka që duhet të diskutohet me mjekun tuaj nëse merrni injeksione kortizoni më shumë se një ose dy herë. Zakonisht, ky efekt anësor mund të ndodhë kur njerëzit marrin injeksione kortizoni çdo muaj, ose ndryshe shumë shpesh dhe për një periudhë të vazhdueshme kohore.
lNjë tjetër pasojë e rrallë, por shumë serioze e marrjes së një doze shumë të lartë ose shumë injeksioneve të kortizonit është supresioni i gjëndrave mbiveshkore. Kjo do të ndodhte edhe me steroidet oralë, kështu që ky është një fakt shumë i njohur për të cilin shumica e mjekëve do t'ju këshillojnë.
Kur është një injeksion me kortizon një mundësi ideale trajtimi?
Ka disa raste në të cilat injeksionet me kortizon mund të kenë rezultate shumë optimale. Dy raste që shpesh mund të kenë rezultate optimale përfshijnë bursitin - inflamacionin e një burse (një qese e mbyllur, e mbushur me lëng që vepron si një jastëk dhe sipërfaqe rrëshqitëse për të zvogëluar fërkimin midis indeve në trup) - ose inflamacionin e lehtë të kyçeve nga një formë më e lehtë e artritit, ose nga një dëmtim i lehtë i tendinit ose muskujve.
Disa gjendje të shtyllës kurrizore gjithashtu mund të kenë rezultate optimale nga injeksionet me kortizon nëse pacienti ka dhimbje të konsiderueshme, por ata gjithashtu po bëjnë terapi të përshtatshme fizike dhe një program ushtrimesh në shtëpi. Për shembull, gjendje të tilla si hernia diskale: Kjo gjendje mund të mos jetë aq e keqe sa të kërkojë ndërhyrje kirurgjikale, por prapëseprapë krijon një ndjesi të dhimbshme që pengon aktivitetin bazë dhe ushtrimet bazë. Një injeksion me kortizon në raste të tilla mund të ketë një rezultat shumë optimal kur shoqërohet me terapi fizike më pas për të parandaluar që pacienti të ketë një situatë kirurgjikale më vonë.
Kush nuk duhet të marrë një injeksion me kortizon?
Injeksionet me kortizon nuk do të rekomandoheshin për njerëzit me gjendje të caktuara, duke përfshirë një infeksion aktual, një frakturë të kohëve të fundit të kockave, një ndërhyrje kirurgjikale të planifikuar në të ardhmen e afërt ose gjendje kurrizore që shkaktojnë neuropati. Në përgjithësi, ne nuk rekomandojmë injeksione me kortizon kur dikush ka pasur një frakturë të kohëve të fundit në ndonjë kockë. Injeksionet me kortizon në atë zonë mund të zvogëlojnë shërimin e frakturës.
Para se të kryeni ndërhyrje kirurgjikale në një zonë specifike të trupit, mund të rekomandojmë që të mos bëni një injeksion me kortizon brenda një periudhe tremujore para operacionit. Meqenëse kortizoni zvogëlon inflamacionin, ai mund të ndikojë negativisht në rezultatet e operacionit dhe shërimin e plagëve, veçanërisht për një zëvendësim të gjurit ose të legenit.
Një arsye tjetër për të mos marrë një injeksion me kortizon është nëse keni një dëmtim shumë serioz në shpinë që shkakton mpirje ose dobësi shumë të konsiderueshme. Në këtë rast, mund të shtyjmë të bëjmë një injeksion kortizoni sepse nuk duam t'i maskojmë këto simptoma nga përkeqësimi, gjë që mund të kërkojë një zgjidhje kirurgjikale për problemin. Sa herë që ndodh diçka më serioze dhe ne duam ta monitorojmë atë dhe të sigurohemi që simptomat nuk po përkeqësohen, mund të mos duam të bëjmë një injeksion kortizoni, sepse ndërsa kjo do të zvogëlonte dhimbjen tuaj, mund të fshehë gjëra të tjera serioze që ndodhin në trup. Kjo ka të ngjarë të ndodhë në rastet kur ne tashmë kemi imazhe të plota diagnostikuese që përfshihen në një diagnozë të plotë që tregon një problem serioz që ne duam të monitorojmë.
Sa shpesh mund të merrni injeksione kortizoni?
Ne rekomandojmë që injeksionet e kortizonit të mos bëhen më shpesh se një periudhë kohore prej 3 deri në 6 muajsh, pavarësisht se në cilën pjesë të trupit pacienti po i merr ato.
Ndonjëherë mund t'i japim injeksionet pak më afër njëra-tjetrës nëse mendojmë se situata e kërkon këtë, dhe nëse nuk mendojmë se do të bëhet një problem kronik dhe thjesht duhet ta trajtojmë dhimbjen në mënyrë akute. Në këto situata, mund të japim një injeksion të dytë kortizoni katër deri në gjashtë javë pas injeksionit të parë. Por në përgjithësi, problemet me injeksionet e kortizonit mund të ndodhin nëse i merrni ato për një periudhë më të gjatë kohore. /Telegrafi/
Kapiteni Amir Rrahmani po dëshmon se është qendërmbrojtësi më i mirë i Napolit, ndërsa edhe ka vendosur një rekord mahnitës.
Me golin ndaj Lazios, Rrahmani ka shkuar në kuotën e 11 golave brenda këtyre pesë viteve të fundit, duke u bërë golashënuesi me më së shumti gola në Serie A në këtë periudhë.
Rrahmani me paraqitje mahnitëse edhe e fitoi çmimin “Lojtari më i mirë i ndeshjes”, si dhe u vlerësua me notën 8.0 nga “SofaScore”.
Pas ndeshjes, kapiteni i Kosovës deklaroi se është tepër i lumtur për golin si dhe fitoren.
“Jam i lumtur që e gjeta sërish rrugën drejtë rrjetës. Duhet të vazhdojmë. Kemi lojtarë me strukturë, që mund të jenë shumë të rrezikshëm”.
“Më kishte munguar ndjenja e golit, por është gjithnjë më e mirë kur fiton skuadra”.
“Është fitorja e katërt radhazi me rezultat 2-0. Jemi skuadër e mirë dhe shpresojmë të vazhdojmë kështu. Në futboll asgjë s’është e pamundur”, deklaroi ai për “DAZN”.
Ndërkohë, Napoli aktualisht zë pozitën e dytë në tabelë me 37 pikë, një më pak se AC Milani./Telegrafi/
Diario AS raporton se Real Madridit i është ofruar mundësia për të nënshkruar me mesfushorin e Crystal Palace, Adam Wharton.
Rritja e jashtëzakonshme e 21-vjeçarit në Ligën Premier ka bërë që ai të tërheqë vëmendjen e disa prej klubeve më të mëdha evropiane, ndërsa “Shqiponjat” e Londrës e vlerësojnë kartonin e tij mbi 70 milionë euro.
Wharton shihet si një opsion i mundshëm për përmirësim ose edhe zëvendësim afatgjatë të Aurelien Tchouameni, falë dominimit të tij fizik, qetësisë me topin dhe aftësive të avancuara teknike në mesfushë.
Megjithatë, prioriteti aktual i “Los Blancos” duket se është sensacioni i mesfushës së AZ Alkmaar, Kees Smit.
Talenti 19-vjeçar pritet të kushtojë mbi 60 milionë euro dhe është në krye të listës për një transferim të mundshëm verën e ardhshme.
Real Madridi mbetet i gatshëm të investojë shuma të mëdha për një organizator mesfushor të nivelit të lartë, i cili mund të kontrollojë ritmin e lojës dhe të dominojë posedimin e topit në vitet në vijim. /Telegrafi/
Raportime dhe pamje që po qarkullojnë gjerësisht në rrjete sociale dhe media ndërkombëtare konfirmojnë se Shtetet e Bashkuara kanë kryer një operacion të nivelit të lartë në Venezuelë, gjatë të cilit presidenti Nicolas Maduro dhe bashkëshortja e tij, Cilia Flores, janë kapur dhe larguar nga vendi.
Operacioni u shoqërua me shpërthime në Karakas dhe zona të tjera strategjike, duke treguar një ndërhyrje të koordinuar dhe të shpejtë ndaj objektivave kyçe.
Në qendër të këtij misioni raportohet se ishte Delta Force, njësia më elitare dhe më sekrete e ushtrisë amerikane, e specializuar në operacione me rrezik dhe rëndësi të jashtëzakonshme.
Pamjet që qarkullojnë tregojnë Maduron të prangosur, të rrethuar nga agjentë amerikanë.
Detaje simbolike, si fakti se ai dyshohet se u kap pa pasur kohë as të mbathte këpucë, janë interpretuar nga komentuesit si tregues i befasimit total dhe i dominimit operacional amerikan.
Paralelisht, imazhet virale ku Maduro shfaqet i veshur me Nike Tech Fleece kanë nxitur edhe një reagim të papritur, duke rritur ndjeshëm interesin global për këtë linjë veshjesh.
Së fundmi janë publikuar edhe pamjet kur ai dhe gruaja e tij mbërrijnë në New York.
Në tërësi, këto zhvillime po paraqiten si demonstrim i qartë i aftësisë së SHBA-së për të vepruar shpejt, në mënyrë të koordinuar dhe vendimtare, duke riafirmuar rolin e saj si fuqi globale me kapacitete të pakrahasueshme ushtarake dhe të sigurisë. /Telegrafi/
Ministri i Bujqësisë, Pylltarisë dhe Ekonomisë së Ujërave, Cvetan Tripunovski, thotë se sezoni i fundit dhe parafundit i blerjes së duhanit janë ndër më të suksesshmit deri më tani.
Në një intervistë për emisionin “Agrar”, Tripunovski thekson se çmimi mesatar i blerjes është rreth 420 denarë.
“Në të kaluarën pamja ishte traktorë në rrugë, pakënaqësi dhe çmime blerjeje shumë më të ulëta se sot. Sot kemi blerje të duhanit ku, në përputhje me cilësinë, shkohet në klasë të parë pa zbritje. Çmimi mesatar i 21 milionë kilogramëve duhan të blerë deri tani është 419,84 denarë”, theksoi ministri Tripunovski.
Ai kujtoi se gjatë këtij viti prodhuesit e duhanit përfituan edhe naftë të gjelbër si masë stimuluese dhe kompensuese për shpenzimet e prodhimit. Gjithashtu, në Program u përfshi edhe masa për sipërfaqe, prej 6.000 denarësh për hektar, që përfaqëson një stimul shtesë, përkatësisht të ardhura shtesë për prodhuesit e duhanit.
“Kur gjithçka përmblidhet, arrijmë në një shumë mbi 500 denarë për kilogram, që vitin e kaluar përfaqësonte një arritje rekord”, theksoi ministri.
Ministri Tripunovski theksoi se po e ndjek zërin e prodhuesve të duhanit dhe se te ata ka kënaqësi, por paralajmëroi edhe hapa shtesë për përmirësimin e sektorit.
“Pas festave do të punohet në saktësimin e mëtejshëm të disa dispozitave ligjore në Ligjin për duhanin dhe produktet e duhanit, me qëllim eliminimin e mangësive që i kemi vërejtur në periudhën e kaluar”, paralajmëroi ai.
Ministri shtoi se do të formohet një grup pune ku do të marrin pjesë përfaqësues nga Shoqata e prodhuesve të duhanit dhe nga blerësit, me qëllim që sezoni i ardhshëm i blerjes të jetë edhe më i rregulluar dhe më i suksesshëm.
Kim Kardashian u shfaq me një veshje ekstravagante në Aspen, vetëm pak ditë pas festës së Vitit të Ri me Kate Hudson.
Ylli i reality show-t publikoi një karusel fotosh në Instagram, ku tregonte dekoltenë e saj të bollshme me një korse të hapur dhe pantallona lëkure të ngushta, të kombinuara me një pallto me gëzof.
Flokët e saj të gjatë dhe të zinj binin mbi supe dhe gjoks, ndërsa manikyri i kuq dhe byzylyku delikat përforconin pamjen glamuroze, shkruan DailyMail.
Në postim shkroi thjesht: “ASPEN.” Fotografitë morën mijëra pëlqime dhe komente admiruese nga ndjekësit e saj.
Kardashian më vonë u shfaq me një kombinim tjetër dramatik të zi, duke veshur xhaketë lëkure me detaje gëzofi dhe pantallona të ngushta.
Ajo mbante syze dielli të mëdha dhe një kapelë prej leshi, duke i shtuar elegancës një prekje dramatike.
Këtë veshje dramatike Kardashian e pasoi me dalje të tjera publike, duke përfshirë një kombinim me pantallona lateksi të kuqe dhe xhaketë të shkurtër lëkure artificiale gjatë një darke me vajzën e saj, North West, në Nobu Malibu.
Kim Kardashian vazhdon të tërheqë vëmendjen me kombinimet e saj ekstravagante, duke u bërë gjithmonë një pikë fokusi në eventet publike. /Telegrafi/
SHBA-të kanë kryer një operacion të madh ushtarak në Venezuelë , me presidentin Donald Trump që konfirmoi se homologu i tij, Nicolas Maduro, dhe gruaja e tij, Cilia Flores, u kapën dhe u larguan me aeroplan nga vendi.
Gjatë operacionit , shpërthime u dëgjuan në Karakas, kryeqytetin e Venezuelës, dhe në zona të tjera, duke treguar se forcat amerikane kryen sulme ndaj objektivave kyçe.
Misioni u krye nga Delta Force, njësia kryesore e misioneve speciale të ushtrisë amerikane, raportoi CBS News .
Çfarë është Delta Force?
E themeluar në vitin 1977 dhe me seli në Fort Bragg, Karolina e Veriut, Delta Force është një nga njësitë ushtarake më elitare dhe sekrete në botë.
Ajo vepron nën Komandën e Operacioneve Speciale të Ushtrisë Amerikane dhe i përgjigjet Komandës së Përbashkët të Operacioneve Speciale (JSOC).
Njihet gjithashtu si Detashmenti i 1-rë Operacional i Forcave Speciale - Delta (1-ri SFOD-D).
Struktura e saj është modeluar sipas SAS-it Britanik (Regjimenti i 22-të i Shërbimit Ajror Special), i cili frymëzoi themeluesin e Deltës, Kolonel Charles Beckwith.
Duke pasur parasysh seriozitetin dhe sekretin e punës, është përfolur se ka përdorur emra të ndryshëm si Elementet e Kompartimenteve të Ushtrisë (ACE), Grupi i Aplikimeve të Luftimit (CAG) ose Delta.
Misioni Kryesor i Delta Force
Njësia specializohet në misione me rrezik të lartë dhe vlerë të lartë dhe është e ngarkuar kryesisht me operacione kundër terrorizmit, shpëtim pengjesh, eliminimin dhe kapjen e kërcënimeve terroriste, si dhe zbulime speciale.
Njësia është gjithashtu e trajnuar në mbrojtje nga afër për individë të profilit të lartë dhe në luftë jokonvencionale, me operatorë të aftë në snajperë, luftime nga afër, eksplozivë dhe teknika të hyrjes së fshehtë.
Ata janë të trajnuar për të trajtuar operacione në aeroplanë, trena, anije dhe automjete që i mundësojnë ata të ndërhyjnë dhe të marrin kontrollin e çdo skenari në çdo mjedis.
Struktura e Delta Force
Forca Delta është e ndarë në katër skuadrone kryesore, dhe secila e ndarë në tre trupa - Trupa e Zbulimit/Snajperëve, e cila merret me mbledhjen e inteligjencës dhe misionet e snajperëve, dhe dy Trupa të Veprimit të Drejtpërdrejtë/Sulmit që përqendrohen në sulmin ndaj objektivave, bastisjet dhe misionet me rrezik të lartë.
Operacionet Delta Force
Shumica e misioneve që kryen Delta Force janë të klasifikuara dhe vetëm disa operacione janë bërë të njohura publikisht me kalimin e kohës.
Disa nga operacionet e famshme të Delta Force janë Operacioni Prime Chance, Hunt for Bin Laden 2001, Sulmi Ajror në Bagdad, Shpëtimi i Pengjeve në Irak, Operacioni Gothic Serpent, Somali, Operacioni Urgent Fury, Grenada dhe Bastisja ndaj udhëheqësit të ISIS-it, Abu Bakr al-Baghdadi.
Kush mund t'i bashkohet Delta Force?
Delta Force rekruton vetëm individët më të aftë dhe më të vendosur.
Zakonisht rekruton ushtarë nga Forcat Speciale të Ushtrisë Amerikane (Beretat e Gjelbra) dhe Regjimenti i 75-të i Rangerëve. Procesi i përzgjedhjes zgjat tre deri në katër javë.
Meqenëse procesi i përzgjedhjes është jashtëzakonisht rigoroz, vetëm një pjesë shumë e vogël e kandidatëve ia dalin mbanë.
Testet fizike përfshijnë një marshim nate prej 28 km duke mbajtur një çantë shpine 15 kg, ose një marshim nate prej 40 km mbi një terren të ashpër dhe të pjerrët duke mbajtur një çantë shpine 20 kg, si dhe një provë noti me uniforma ushtarake.
Ka edhe testime të gjera mendore dhe intervista për të vlerësuar qëndrueshmërinë dhe karakterin.
Njerëzit që i kalojnë këto teste hyjnë në Kursin e Trajnimit të Operatorëve (OTC), i cili zgjat gjashtë muaj, për t'u bërë operatorë elitarë të gatshëm për misionet më të rrezikshme në botë. /Telegrafi/
Procesi i numërimit të votave me postë për zgjedhjet parlamentare të Kosovës 2025 vazhdon në Qendrën e Numërimit të Votave. Deri tani janë numëruar 40.22% e votave të dërguara me postë.
Lëvizja Vetëvendosje vazhdon të udhëheqë me një përqindje të lartë prej 71.15%, duke marrë gjithsej 7,361 vota.
Lidhja Demokratike e Kosovës (LDK) renditet e dyta me 10.43% (1,079 vota), ndërsa Partia Demokratike e Kosovës (PDK) ndodhet në vendin e tretë me 8.81% (911 vota).
Po ashtu, Aleanca për Ardhmërinë e Kosovës (AAK) ka fituar 6.53% të votave (676 vota), dhe partitë më të vogla janë: Partia Liberale Egjiptiane (PLE) me 1.26% (130 vota) dhe PSA me 0.50% (52 vota).
Edhe pse numërimi është ende në proces, LVV po ruan një epërsi të dukshme.
Të dhënat mund të ndryshojnë ndërsa numërimi i votave vazhdon. /Telegrafi/
Amir Rrahmani zhvilloi një paraqitje të jashtëzakonshme në fitoren 2-0 të Napolit kundër Lazios, në ndeshjen e vlefshme për Serie A.
Mbrojtësi kosovar ishte protagonist absolut i takimit, duke u vlerësuar me notën 8.0 nga SofaScore, ndërsa kontribuoi edhe me një gol, duke konfirmuar formën e tij të lartë këtë sezon.
Rrahmani luajti 79 minuta, realizoi 95 pasime të sakta nga 100, kishte 105 prekje të topit, fitoi të gjitha duelet në tokë (4/4) dhe në ajër (3/3), duke treguar siguri maksimale në mbrojtje.
Me këtë paraqitje solide dhe vendimtare, Amir Rrahmani vazhdon të jetë një nga shtyllat kryesore të Napolit, duke dëshmuar rëndësinë e tij si në fazën mbrojtëse ashtu edhe në atë ofensive.
Me fitoren ndaj Lazios, Napoli ngritët në pozitën e dytë në tabelë me 37 pikë, një më pak se lideri Milani. /Telegrafi/
Labinot Rexha ka ndarë mendimet e tij për disa nga banorët e shtëpisë gjatë një bisede me Albën.
Ai u shpreh i sigurt në veten e tij dhe në rrugëtimin profesional që ka ndërtuar ndër vite.
Sipas Labit, përvoja e gjatë në karrierë e bën të palëkundur përballë situatave dhe përplasjeve brenda lojës. “Nuk mund ta rrëzojnë Labinot Rexhën, mbi 30 vjet karrierë”, deklaroi ai.
Më tej, këngëtari komentoi edhe mbi garën për çmimin e madh, duke thënë se sipas tij, disa banorë nuk duhet ta kenë më në fokus fitoren. “Kushtrimi, Londrimi dhe Labinoti le ta harrojnë çmimin”, u shpreh Labi.
Learta Hollaj, shefe e stafit të presidentes së Kosovës Vjosa Osmani, ka reaguar ashpër ndaj deklaratave të presidentit të Serbisë, Aleksandar Vuçiq, lidhur me situatën pas ndërhyrjes së Shteteve të Bashkuara në Venezuelë.
Në një postim në X, Hollaj e ka cilësuar zgjedhjen e Serbisë si “anti‑amerikane” dhe pro‑Maduro, duke nënkuptuar mbështetjen e Beogradit për regjimin e Nikola Maduro në Venezuelë, i cili nga SHBA dhe aleatët e saj akuzohet si regjimi i një narko‑terrorizmit.
“Anti‑Amerikan. Pro‑Maduro. Kjo është zgjedhja e Serbisë”, ka shkruar Hollaj
Hollaj ka komentuar gjithashtu deklaratën e Vuçiqit, i cili pas ndërhyrjes amerikane në Venezuelë tha se “ligji publik ndërkombëtar nuk ekziston më, dhe rendi i OKB‑së ekziston vetëm në letër”.
“Pas ndërhyrjes amerikane në Venezuelë, Vuçiq sulmon @realDonaldTrump‑in, duke pretenduar se “ligji ndërkombëtar publik nuk ekziston më, dhe rendi i OKB‑së ekziston vetëm në letër”, ndërkohë që mbron regjimin narko‑terrorist të Maduros”, u shpreh ajo. /Telegrafi/
Anti-American. Pro-Maduro. This is Serbia’s choice.
After the 🇺🇸 intervention in Venezuela, Vučić rails against @realDonaldTrump, claiming “International public law no longer exists, and the UN order exists only on paper”, while defending Maduro’s narco-terrorist regime. ⬇️ — Learta Hollaj (@LeartaHollaj) January 4, 2026
Manchester United nuk ka arritur më shumë se një barazim në udhëtim te Leeds United 1-1.
Ka qenë një ndeshje shumë e luftuar, por që në 45 minutat e para nuk pati gola dhe pjesa e parë përfundoi baras 0-0.
Gjithçka në ndeshje ndodhi brenda tre minutave, kur vendasit të parët kaluan në epërsi me golin e amerikanit Aaronson që shënoi në minutën e 62-të për 1-0.
Vetëm tre minuta më vonë, Joshua Zirkzee asistoi te Cunha i cili barazoi shifrat në 1-1.
Deri në fund më gola nuk pati dhe ndeshja u mbyll baras 1-1.
Me këtë barazim, Man Utd ngritet në pozitën e pestë në tabelë me 31 pikë, derisa Leeds mbetet e 16-ta me 22 sosh. /Telegrafi/
Interesi për Nike Tech Fleece u rrit ndjeshëm pasi imazhi i presidentit venezuelian Nicolas Maduro i veshur me veshjen e famshme qarkulloi gjerësisht në rrjete sociale.
Fotografia u bë shpejt virale, duke i nxitur përdoruesit në të gjithë botën të kërkonin më shumë informacion rreth veshjeve të paraqitura në imazh.
Të dhënat e trendit të kërkimit tregojnë një rritje të qartë të pyetjeve që lidhen me Nike Tech Fleece menjëherë pasi imazhi fitoi vëmendje në internet.
Përpara këtij momenti, interesi për linjën kishte mbetur relativisht i qëndrueshëm, i nxitur kryesisht nga fansat e hershëm dhe jo nga vëmendja e re ose me bazë të gjerë.
Rritja e papritur sugjeron që imazhi viral veproi si katalizator, duke e shtyrë produktin përsëri në qendër të vëmendjes.
Momentet virale mund ta zhvendosin vëmendjen brenda natës, shpesh duke i çuar trendet e kërkimit në drejtime që askush nuk i pret.
Këtë herë, nuk ishte vetëm politika - zhurma ringjalli edhe interesin për vetë Nike Tech Fleece. /Telegrafi/
Login
