Më 30 janar 1835, në Uashington, Shtetet e Bashkuara përjetuan një moment tronditës që do të hynte në histori: atentatin e parë të njohur kundër një presidenti në detyrë. Objektivi ishte Andrew Jackson, presidenti i shtatë i SHBA-së, një figurë e fortë dhe kontroverse e politikës amerikane. Autori i atentatit ishte Richard Lawrence, një emigrant me origjinë angleze, i cili tentoi ta vriste presidentin brenda godinës së Kongresit, në Dhomën e Përfaqësuesve.

Sulmi brenda Kongresit

Ngjarja ndodhi teksa Andrew Jackson po largohej nga ceremonia mortore e një kongresmeni. Në një hapësirë të mbyllur, përballë përfaqësuesve të popullit dhe zyrtarëve shtetërorë, Lawrence iu afrua presidentit dhe nxori një pistoletë. Ai qëlloi nga një distancë shumë e afërt.

Por arma nuk shkrep. Lawrence provoi menjëherë me një pistoletë të dytë. Edhe ajo dështoi. Dy dështime radhazi, në një epokë kur armët me kapsollë ishin të paqëndrueshme, u konsideruan nga shumëkush si fat i jashtëzakonshëm – madje disa e quajtën mrekulli.

Presidenti që nuk u tërhoq

Andrew Jackson, atëherë 67 vjeç, nuk u tërhoq në panik. Përkundrazi, i njohur për temperamentin e tij luftarak, ai reagoi menjëherë dhe tentoi të godiste atentatorin me bastunin e tij. Ndërkohë, disa kongresmenë dhe dëshmitarë u hodhën mbi Lawrence-in dhe e neutralizuan, duke shmangur një tragjedi që mund të kishte ndryshuar rrjedhën e historisë amerikane.

Profili i atentatorit

Richard Lawrence u arrestua në vend. Hetimet zbuluan se ai vuante nga probleme të rënda mendore. Ai besonte se ishte trashëgimtari i ligjshëm i fronit britanik dhe se Andrew Jackson po i pengonte marrjen e pasurisë që, sipas tij, i takonte. Gjykata e shpalli të pafajshëm për shkak të çrregullimeve mendore, dhe Lawrence u dërgua në një institucion psikiatrik, ku kaloi pjesën tjetër të jetës.

Një precedent historik

Atentati i dështuar i vitit 1835 shënoi një pikë kthese në ndërgjegjësimin për sigurinë e presidentit amerikan. Deri në atë moment, kreu i shtetit lëvizte shpesh pa masa të forta mbrojtjeje. Ngjarja tregoi se edhe në një republikë të re dhe demokratike, institucionet më të larta nuk ishin të paprekshme nga dhuna politike.

Sot, ky episod kujtohet si një paralajmërim i hershëm: historia e presidencës amerikane nuk ka qenë vetëm histori pushteti dhe reformash, por edhe e rrezikut, pasigurisë dhe kërcënimeve që shoqërojnë figurën e njeriut më të pushtetshëm të shtetit.

Përgatiti: L.Veizi

Xhihadistët e grupit Shteti Islamik në Afrikën Perëndimore (ISIS) vranë dhjetëra njerëz, përfshirë ushtarë, në shtetin Borno, në verilindje të Nigerisë.

Situata mbetet shqetësuese mes përshkallëzimit të dhunës në vendin më të populluar të Afrikës dhe presionit ndërkombëtar mbi çështjet e sigurisë kombëtare, thanë për AFP burime lokale dhe mjekësore.

Që nga shpërthimi i kryengritja xhihadiste në Nigeri në vitin 2009, më shumë se 40,000 njerëz janë vrarë dhe rreth 2 milionë të tjerë janë zhvendosur nga shtëpitë e tyre në pjesën verilindore të vendit, sipas OKB-së./K.M

Personat që rrinë zgjuar deri vonë dhe janë më aktivë gjatë natës mund të kenë rrezik më të lartë për sëmundje të zemrës, sipas një studimi të ri të publikuar në Journal of the American Heart Association.

Hulumtimi analizoi të dhëna nga mbi 322 mijë të rritur në kuadër të studimit UK Biobank dhe zbuloi se individët me kronotip mbrëmjeje, kishin shëndet më të dobët kardiovaskular krahasuar me ata që zgjohen herët ose me ata që nuk kanë preferencë të theksuar për orarin e gjumit.

Sipas autores kryesore të studimit, Dr. Sina Kianersi nga Harvard Medical School, lidhja mes qëndrimit zgjuar natën dhe shëndetit të dobët të zemrës ishte veçanërisht e fortë te gratë. Personat që nuk flenë natën kishin rreth 79% më shumë gjasa të kishin shëndet të dobët kardiovaskular dhe rrezik më të lartë për atak në zemër ose goditje në tru gjatë një periudhe ndjekjeje prej gati 14 vitesh.

Ekspertët theksojnë se ky rrezik lidhet shpesh me zakone të pashëndetshme si dieta e dobët, mungesa e aktivitetit fizik, pirja e duhanit dhe oraret e parregullta të gjumit dhe vakteve.

Megjithatë, studiuesit theksojnë se rreziku nuk është i pashmangshëm. “Sëmundjet e zemrës nuk janë të shkruara për ata që nuk flenë natën”, tha Dr. Kristen Knutson nga Universiteti Northwestern. Ajo dhe ekspertë të tjerë rekomandojnë përmirësimin e cilësisë së gjumit, aktivitet të rregullt fizik, lënien e duhanit dhe kontrollin e presionit të gjakut, kolesterolit dhe sheqerit në gjak.

Studimi është vëzhgues dhe nuk provon se kronotipi shkakton drejtpërdrejt sëmundje të zemrës, por tregon se mënyra e jetesës luan rol kyç në mbrojtjen e shëndetit kardiovaskular./K.M

Këtë të premte, një dollar amerikan do të blihet me 80.4 lekë dhe shitet me 81.6 lekë.

Euro blihet me 96.4 lekë dhe do të shitet me 97.1 lekë.

Franga zvicerane blihet me 104.7 lekë dhe shitet me 105.8 lekë.

Paundi britanik blihet me 110.9 lekë dhe shitet me 112 lekë.

Dollari kanadez këmbehet me 59.3 lekë në blerje dhe me 60.5 lekë në shitje.

Për kursin e monedhave të tjera shihni tabelën e mëposhtme./K.M

Donald Trump ka paralajmëruar Mbretërinë e Bashkuar që të mos bëjë marrëveshje me Kinën, vetëm disa orë pasi Keir Starmer vlerësoi marrëdhënien ekonomike gjatë një vizite historike në Pekin, raporton The Guardian.

Presidenti amerikan tha se është “shumë e rrezikshme” për Mbretërinë e Bashkuar që të krijojë lidhje më të ngushta me superfuqinë rivale, ndërsa bisedimet triorëshe të kryeministrit me udhëheqësin Xi Jinping theksuan një zbutje të marrëdhënieve që më parë kishin qenë të tensionuara.

Starmer, kryeministri i parë britanik që udhëton në Pekin pas tetë vitesh, premtoi një marrëdhënie “më të sofistikuar” me Kinën, teksa siguroi akses më të mirë në treg, tarifa më të ulëta dhe marrëveshje investimesh.

Por në Uashington, duke iu përgjigjur pyetjeve rreth përpjekjeve të Starmer për një rivendosje ekonomike, Trump tha: “Epo, është shumë e rrezikshme që ata ta bëjnë këtë.”

Deklaratat e tij mund të shkaktojnë shqetësim brenda Downing Street, duke pasur parasysh paparashikueshmërinë e presidentit amerikan dhe armiqësinë e tij të kahershme ndaj Kinës. Një zyrtar tha se SHBA-ja kishte qenë në dijeni paraprakisht për udhëtimin dhe objektivat e Mbretërisë së Bashkuar.

Pas bisedimeve të tij me Xi-në në Sallën e Madhe të Popullit të enjten, Starmer tha se marrëdhënia e Mbretërisë së Bashkuar me Kinën ishte në një gjendje “të mirë dhe të fortë”, dhe se takimet e tij kishin ofruar “pikërisht nivelin e angazhimit që shpresonim”.

“Ne u angazhuam dhe, në fakt bëmë disa përparime reale, sepse Mbretëria e Bashkuar ka shumë për të ofruar,” u tha ai pjesëmarrësve në një takim të Forumit të Biznesit Mbretëri e Bashkuar–Kinë në Bankën e Kinës në Pekin.

Kryetari i Dhomës Britanike të Tregtisë në Kinë, Chris Torrens, tha se vizita e Starmerit në Pekin ishte “e suksesshme”, duke i thënë BBC-së: “Ka kuptim që Mbretëria e Bashkuar të shikojë nga Kina; ajo është një nga partnerët e saj më të mëdhenj tregtarë.”

Kryeministri britanik më pas pritej të udhëtonte drejt Shangait përpara se të nisej për në Tokio, ku do të takohej me homologen e tij japoneze, Sanae Takaichi, për një darkë pune.

Ai është vetëm udhëheqësi më i fundit perëndimor që ka vizituar Pekinin në javët e fundit, duke kërkuar të ndërtojë lidhje me ekonominë e dytë më të madhe në botë dhe të mbrohet ndaj një presidenti amerikan të paparashikueshëm.

Kjo ndodh në një kohë kur Trump ka bërë kërcënime të herëpashershme për tarifa tregtare dhe ka premtuar të marrë kontrollin e Groenlandës, një territor autonom i Danimarkës, gjë që ka shqetësuar aleatë të vjetër të SHBA-së, përfshirë Mbretërinë e Bashkuar.

Më herët këtë javë, Trump kërcënoi se do të vendoste tarifa ndaj Kanadasë nëse ajo vazhdonte me marrëveshjet ekonomike të arritura me Kinën gjatë një vizite të fundit në Pekin nga kryeministri i saj, Mark Carney.

Pasi komentoi mbi angazhimin e Mbretërisë së Bashkuar me Pekinin, Trump tha se kjo ishte “edhe më e rrezikshme, mendoj, për Kanadanë. Kanadaja nuk po ecën mirë. Ata po ecin shumë keq dhe nuk mund ta shihni Kinën si zgjidhjen.”

Megjithatë, presidenti amerikan, i cili pritet të vizitojë vetë Pekinin në prill dhe vendi i të cilit është partneri më i madh i vetëm tregtar i Kinës, shtoi: “Presidenti Xi është një mik imi, e njoh shumë mirë.”

Para udhëtimit të tij në Pekin, Starmer tha në një intervistë për Bloomberg se Britania nuk do të duhej të zgjidhte mes SHBA-së dhe Kinës, duke thënë se vendi mund të forcojë lidhjet ekonomike me Pekinin pa zemëruar Trumpin apo dëmtuar marrëdhëniet me Uashingtonin.

“Ne kemi marrëdhënie shumë të ngushta me SHBA-të, sigurisht që duam t’i kemi dhe do ta ruajmë atë, së bashku me sigurinë dhe mbrojtjen,” tha ai.

Para komenteve të Trumpit, sekretari amerikan i tregtisë, Hoëard Lutnick, tha se ishte e pamundur që përpjekjet e Starmerit me Kinën të jepnin fryte.

“Kinezët janë eksportuesit më të mëdhenj dhe janë shumë, shumë të vështirë kur përpiqesh të eksportosh tek ata,” u tha ai gazetarëve. “Pra, fat të mbarë nëse britanikët po përpiqen të eksportojnë në Kinë… kjo thjesht nuk ka gjasa.”

Ai minimizoi mundësinë që Trump të kërcënonte Britaninë me tarifa siç bëri me Kanadanë, duke shtuar: “Përveç nëse kryeministri i Britanisë disi del kundër Shteteve të Bashkuara dhe thotë gjëra shumë të vështira, dyshoj se kjo do të ndodhë.”/K.M

Dita pritet me vranësira dhe kthjellime, ndërsa reshje shiu të dobëta e të herëpashershme do të shfaqen në disa zona të vendit. Temperaturat mbeten të ulëta për sezonin, me mot të ftohtë, dhe në zonat malore mund të ketë reshje bore të lehta. Era do të fryjë mesatare, duke u ndjerë më tepër në bregdet.

Gjatë orëve të pasdites vranësirat priren të shtohen, veçanërisht në jug dhe veriperëndim. Kushtet e motit nuk pritet të shkaktojnë problematika të mëdha, por rekomandohet kujdes në zonat malore për shkak të temperaturave të ulëta. Në bregdet, deti paraqitet me valëzim të moderuar./KM

Dashi

Dite mjaft e qëndrueshme kjo e sotmja për ata qe janë ne një lidhje. Gjithçka do ju ece si e kishit programuar, kështu qe nuk do keni as shqetësimin me te vogël. Beqaret do gjenden përballe një zgjedhjeje te vështirë për te cilët duhet te mendohen gjate. Ne planin financiar influenca e yjeve do jete e madhe. Tregohuni te matur ne mënyrë qe financat te përmirësohen.

Demi

Do përballeni me zhgënjime te mëdha gjate kësaj dite juve qe jeni ne një lidhje dhe here pas here do vuani mjaft. Partneri nuk do kujdeset si me pare. As beqaret nuk do kenë fat ne dashuri dhe do vazhdojnë te mbeten te vetmuar. Ne planin financiar gjerat do ecin mire. Mos harroni gjithsesi se keni edhe disa borxhe për te lare kështu qe shpenzoni me maturi.

Binjaket

Dite mjaft e tensionuar kjo e sotmja për te gjithë ata qe janë ne një lidhje. Nuk do ndiheni aspak mire pranë personit qe dashuroni. Beqaret do i refuzojnë te gjitha ftesat qe do ju bëhen dhe do mbeten serish vetëm. Edhe për financat do jete dite goxha e vështirë kjo e sotmja. Vetëm me kujdes dhe maturi mund t’ia dilni ta përmirësoni situatën.

Gaforrja

Sot do filloje një etape e re dhe shume e bukur ne jetën tuaj sentimentale. Do merreni vesh për gjithçka me atë qe keni ne krah dhe gjerat do iu ecin sipas parashikimeve. Do përjetoni kënaqësi dhe kjo është me e rëndësishmja. Beqaret do kenë një nga ditët me te veçanta dhe te mbushur me takime. Ne pune mos u nxitoni te hidhni hapa te pamenduara.

Luani

Marrëdhënia ne çift do jete shume e mire gjate kësaj dite. Për çdo gjë do flisni hapur me partnerin dhe nuk do ju mbetet asnjë brenge. Beqaret do jene plot angazhime dhe nuk do e kenë mendjen tek krijimi i një lidhjeje. Kjo do jete diçka e parëndësishme për momentin. Ne planin financiar duhet te mësoni te ruani ekuilibrin. Po shpenzuar shuma marramendëse do keni probleme serioze.

Virgjeresha

Do jeni shume përtacë gjate kësaj dite dhe nuk do e ndryshoni aspak rutinën e jetës suaj ne çift. Kjo mund te sjelle probleme dhe mërzitje te madhe. Beqaret nuk do jene ende gati te ndryshojnë statusin dhe do vazhdojnë te mbeten si kane qene. Financat do i menaxhoni me shume përkujdes prandaj gjendja sa do vije e do behet me e mire.

Peshorja

Atmosfera për ata qe janë ne një lidhje do ngrohet se tepërmi gjate kësaj dite dhe do ndiheni si ne ëndërr pranë personit qe dashuroni. Çdo çast do jete plot ngjyra. Beqaret do kenë një dite te favorshme dhe plot njohje te reja. Duke reflektuar mire mund te bëni edhe zgjedhje. Financat do fillojnë dalëngadalë te përmirësohen. Do mendoni edhe për te ardhmen.

Akrepi

Dite shume e zakonshme dhe pa asgjë te veçante kjo e sotmja për te dashuruarit. Merrini gjerat si t’iu vijnë dhe bëni atë qe do ju thotë zemra për momentin. Beqaret nuk duhet te kërkojnë gjera te pamundura dhe te palejueshme sepse do vuajnë tej mase. Ne planin financiar mos prisni qe problemet t’iu zgjidhen sa hap e mbyll sytë, prisni disa kohe.

Shigjetari

Dite e mbushur me çaste te lumtura kjo e sotmja për te dashuruarit. Partneri do mendoje si t’iu beje te ndiheni si ne përrallë, kështu qe edhe ju duhet t’ia shpërbleni me dashurinë tuaj. Beqaret duhet te pranojnë te takohen me persona te rinj sepse vetëm ne këtë mënyrë mund te njohin partnerin ideal. Ne planin financiar priten vështirësi goxha te mëdha.

Bricjapi

Mos u tregoni te paduruar gjate kësaj dite ju qe jeni ne një lidhje dhe mos hidhni asnjë hap për te cilin shume shpejt te pendoheni. Beqaret do e kërkojnë gjithë ditën princin e kaltër, por do e gjejnë vetëm atëherë kur do dorëzohen. Jeta është plot surpriza. Gjendja e te ardhurave do jete aq e mire saqë do kryeni edhe ndonjë investim me tepër.

Ujori

Jeta juaj ne çift ka rrezik te jete e paqëndrueshme gjate gjithë kësaj dite. Nuk do merreni vesh si duhet me partnerin dhe situata mund te ndërlikohet me shume nga sa e keni menduar. Beqaret do kërkojnë gjera te pamundura dhe nuk do ju plotësohen dëshirat. Buxheti do jete i mire nëse tregoheni te kujdesshëm me shpenzimet dhe nuk jepni hua.

Peshqit

Dite e mrekullueshme dhe e mbushur me momente fantastike kjo e sotmja për te dashuruarit. Shfrytëzoni çdo sekonde sikur te ishte e fundit. Beqaret do kenë te papritura te këndshme te cilat mund t’ua ndryshojnë idenë qe kishin për jetën ne vazhdimësi. Financat sado qe te mundoheni sot nuk do arrini t’i mbani te qëndrueshme. Do përballeni me pasojat e gabimeve qe keni bere./K.M

TIRANË, 30 janar/ATSH/ Më 30 janar të vititi 1926 lindi Tish Daija (1926-2003), kompozitor, Artist i Popullit, akademik, anëtar i jashtëm i Akademisë së Shkencave dhe Arteve të Kosovës.

Tish Daija lindi në Shkodër. Afrimi i tij me muzikën nisi në vitet e fëmijërisë: 6 vjeç këndonte në korin françeskan, më pas ishte anëtar i orkestrës frymore të Prenk Jakovës. Ndoqi studimet e larta dhe u diplomua për kompozicion në Konservatorin “P. I. Çajkovski” (Moskë, 1951–1956). Punoi në Ministrinë e Arsimit e të Kulturës dhe si udhëheqës artistik i Ansamblit Shtetëror të Këngëve dhe Valleve Popullore (1962–1980).

Fillimet kompozicionale i pati me disa këngë me stil popullor (“Çike, o mori çike”, “Me lule t’bukra” etj.) të cilat ndikoheshin nga muzika qytetare shkodrane. Në gjysmën e dytë të viteve ’50 krijimtaria e tij njohu zhvillime të mirëfillta profesioniste me vepra instrumentale dhe orkestrale, si Kuarteti i parë i harqeve (1955) dhe Suita orkestrale “Një ditë pikniku” (1955). Me operetën “Lejlaja” (1957) dhe operën “Pranvera” (1960) renditet mes krijuesve të parë të këtyre gjinive skenike; me baletin “Halili dhe Hajrija” (1962) u bë krijuesi i baletit të parë shqiptar.

Tish Daija kompozoi gati në të gjitha format e gjinitë muzikore, madje edhe muzikë filmi. Si një ndër përfaqësuesit më origjinalë të këngës shqiptare, Tish Daija shfaqi prirje të vërteta emancipuese për kohën me këngët “Erë pranverore”, “Natën vonë” etj.

Së bashku me Çesk Zadenë krijuan klasën e kompozicionit në Konservatorin Shtetëror të Tiranës.

/j.p/r.e/

The post Tish Daija, mjeshtri i madh i muzikës shqiptare appeared first on Agjencia Telegrafike Shqiptare.

TIRANË, 29 janar /ATSH/ – Në vitin 2026, Shqipëria ka thjeshtuar udhëtimin për shtetasit indianë duke ofruar si akses pa viza ashtu edhe një sistem të lehtë të vizave elektronike, shkruan faqja e njohur turistike ”Travel and Tour Word” (TTW).

Mbajtësit e pasaportave indiane me një vizë të vlefshme dhe të përdorur me shumë hyrje nga zona Schengen, Mbretëria e Bashkuar ose SHBA-ja tani mund të vizitojnë Shqipërinë deri në 90 ditë pa pasur nevojë për një vizë shtesë.

Për ata që nuk kanë këto viza, një vizë elektronike e Tipit C lejon një proces aplikimi pa probleme për qëndrime deri në 90 ditë brenda një periudhe 180-ditore.

Ky ndryshim rrit atraktivitetin e Shqipërisë si një destinacion emocionues evropian, duke e bërë atë më të arritshme për udhëtarët indianë.

Ndërsa shumë udhëtarë indianë tradicionalisht janë përqendruar në rajonin Schengen, Shqipëria është shfaqur vazhdimisht si një destinacion tërheqës.

Më parë, vendi lejonte akses pa viza vetëm gjatë muajve të kufizuar të verës, por në vitin 2026, ajo ka prezantuar një sistem më të qëndrueshëm dhe të efektshëm, duke e bërë më të lehtë për vizitorët indianë të eksplorojnë peizazhet e saj mahnitëse dhe kulturën e pasur të saj.

Sistemi i vizave elektronike për udhëtarët indianë

Nëse jeni shtetas indian me një vizë të vlefshme me shumë hyrje nga zona Schengen, Mbretëria e Bashkuar ose SHBA-ja, nuk do të keni nevojë të aplikoni për një vizë elektronike shqiptare.

Për sa kohë që viza është përdorur të paktën një herë për të hyrë në vendin që e ka lëshuar atë, mund të hyni në Shqipëri pa asnjë dokumentacion të mëtejshëm.

Këta udhëtarë lejohen të qëndrojnë deri në 90 ditë në vend.

Megjithatë, për ata që nuk i plotësojnë këto kritere, Shqipëria ofron një vizë elektronike të Tipit C. Kjo vizë u lejon qytetarëve indianë të qëndrojnë në Shqipëri deri në 90 ditë brenda një periudhe 180-ditore, duke e bërë atë perfekte për turistët që duan të eksplorojnë vendin për një kohëzgjatje më të madhe.

Procesi i aplikimit për vizë elektronike shqiptare është i thjeshtë dhe digjital, duke e bërë atë të arritshëm për udhëtarët indianë që kërkojnë të vizitojnë vendin.

Ja çfarë duhet të dini:

Koha e përpunimit: Pas dorëzimit, zakonisht duhen rreth 15 ditë pune për të përpunuar vizën elektronike. Megjithatë, gjatë sezoneve të pikut të udhëtimit, kjo mund të zgjasë deri në 30 ditë, kështu që rekomandohet të aplikoni shumë kohë më parë.

Tarifat e vizës elektronike: Tarifa për një vizë elektronike shqiptare varion midis 30 eurove dhe 50 eurove në varësi të faktit nëse aplikoni për vizë me një hyrje apo me shumë hyrje. Ekziston gjithashtu një tarifë e vogël aplikimi e pakthyeshme.

Dokumentet e kërkuara: Edhe pse aplikimi plotësohet në internet, aplikantët duhet të ngarkojnë disa dokumente, duke përfshirë:

Një pasaportë të vlefshme me një vlefshmëri minimale prej tre muajsh përtej qëndrimit të synuar.

Deklarata bankare nga 12 muajt e fundit që tregojnë fonde të mjaftueshme (afërsisht 50 euro për ditë qëndrimi).

Vërtetim të punësimit ose regjistrimit të biznesit.

Sigurim mjekësor udhëtimi me të paktën 30 000 euro mbulim.

Bileta fluturimi vajtje-ardhje të konfirmuara dhe rezervime akomodimi.

Këto dokumente sigurojnë që aplikantët plotësojnë kërkesat e udhëtimit të Shqipërisë dhe mund të demonstrojnë aftësinë e tyre për të mbuluar shpenzimet e udhëtimit dhe për të qëndruar të sigurt gjatë qëndrimit të tyre.

Pse duhet ta merrni në konsideratë Shqipërinë në vitin 2026

Shqipëria ofron një përvojë unike udhëtimi, duke përzier peizazhe natyrore mahnitëse, histori të pasur dhe një kulturë të gjallë.

Pavarësisht nëse po eksploroni bregdetin piktoresk të Adriatikut, po bëni shëtitje në malet e ashpra apo po zbuloni rrënoja të lashta, Shqipëria premton një aventurë të paharrueshme.

Me politikën e saj të përditësuar të vizave, tani është më e lehtë se kurrë për udhëtarët indianë të eksplorojnë këtë perlë të fshehur në Evropë.

Si përfundim, politika e re e vizave të Shqipërisë për vitin 2026 shënon një hap të rëndësishëm në bërjen e vendit më të arritshëm për udhëtarët indianë.

Me futjen e hyrjes pa viza për ata që mbajnë viza Shengen, Britani të Madhe ose SHBA, së bashku me procesin e thjeshtë të vizave elektronike online për të tjerët, Shqipëria ka përmirësuar përvojën e udhëtimit, duke hapur dyert për më shumë vizitorë indianë për të eksploruar bukurinë e saj magjepsëse dhe kulturën unike.

Ky veprim jo vetëm që nxit turizmin e Shqipërisë, por edhe e pozicionon atë si një destinacion emocionues dhe të përshtatshëm në Evropë për shtetasit indianë që kërkojnë të zgjerojnë horizontet e tyre të udhëtimit./  /os/

The post TTW: Shqipëria thjeshton udhëtimet për turistët appeared first on Agjencia Telegrafike Shqiptare.

VJENË (Austri) – Mbledhja e Bordit të Guvernatorëve të IAEA-së mbi luftën në Ukrainë dhe sigurinë bërthamore.

BANGKOK (Tajlandë) – Tubim për kryeministrin dhe kandidatin presidencial, Anutin Charnvirakul.

CROTONE (Itali) – Hapet gjyqi për gjashtë personel ushtarak të përfshirë në mbytjen e anijes ”Cutro” më 26 shkurt 2023, në të cilën vdiqën 94 emigrantë.

PARIS (Francë) – Hapet ekspozita “Martin Parr – Ngrohja Globale”, e cila do të zgjasë deri më 24 maj.

ZAGREB (Kroaci) – Takimi i udhëheqësve të Partisë Popullore Evropiane (PPE).

UASHINGTON (Shtetet e Bashkuara) – Premiera e dokumentarit “Melania” për Zonjën e Parë të SHBA-së Melania Trump.

UASHINGTON (Shtetet e Bashkuara) – Donald Trump merr pjesë në premierën e dokumentarit “Melania” për gruan e tij.

LOS ANXHELES (Shtetet e Bashkuara) – Personaliteti i Vitit ”Musicares 2026”.

SANTA BARBARA (Shtetet e Bashkuara) – Takim i Komitetit Kombëtar Republikan (RNC)./ a.jor.

The post AGJENDA NDËRKOMBËTARE 30.01.2026 appeared first on Agjencia Telegrafike Shqiptare.

TIRANË, 30 janar/ATSh/ Shërbimi Meteorologjik Ushtarak njofton se gjatë ditës së sotme do të ketë një përmirësim të lehtë të temperaturave në krahasim me të enjten, teksa kushtet atmosferike mbeten të paqëndrueshme.

Sipas parashikimit, moti pritet të jetë me vranësira mesatare deri të dendura, si dhe intervale të herëpashershme me diell, kryesisht përgjatë Ultësirës Perëndimore.

Reshjet e shiut parashikohen të jenë të herëpashershme që prej orëve të para të 24-orëshit deri në orët e mesditës, në pjesën më të madhe të vendit, me intensitet të ulët. Pas orëve të mesditës, reshjet e shiut me intensitet të ulët mbeten prezente në veri dhe në qendër të vendit.

Në lartësitë mbi 700–800 metra, në veri dhe verilindje, priten reshje bore me intensitet të ulët deri mesatar.

Era do të fryjë me drejtim jugperëndim-perëndim, me shpejtësi mesatare 6 m/s, ndërsa përgjatë vijës bregdetare dhe në zonat luginore shpejtësia e erës do të arrijë deri në 12 m/s, duke u shoqëruar me valëzim në det të forcës 2-3 ballë.

Temperaturat minimale pritet të regjistrohen në Dibër, 4 gradë Celsius, dhe në Korçë, 3 gradë Celsius. Temperatura maksimale pritet të regjistrohet në Gjirokastër, 15 gradë Celsius, ndërsa në Sarandë dhe Vlorë maksimalja do të jetë 14 gradë Celsius.

Parashikimi i temperaturave sipas Shërbimit Meteorologjik Ushtarak/a.f/r.e/

The post Sot mot i paqëndrueshëm, rritje e lehtë e temperaturave appeared first on Agjencia Telegrafike Shqiptare.

Nga Ben Andoni

Ai endet prej ditësh në zgafellet dhe zyrat e pushtetit lokal të kryeqytetit me një problem “të madh”. Në fakt, s’është as i madh dhe asfare i vogël. I duhet të ketë dokumentet në rregull për të aplikuar në një ambasadë të huaj (Uroj të mos ikë nga vendi!). Por, e dini çfarë e pengon?! Në malin me certifikata, marrë nga zyrtarët e sotëm, i janë shkruar keq gjeneralitetet e të parëve. “Shiko këtu, emri i gjyshes është gabim (e shoqja e Petro Nini Luarasit). Dhe, për  vetëm një germë! Atësia e nënës dhe të dhënat e vendlindjes (Nëna ka qenë ukrainase) janë shkruar ndryshe. Kam insistuar t’i ndryshojnë, por më thonë se janë hedhur në sistem dhe me duhet të marr një vërtetim që e justifikon. Por, ky i fundit është efikas këtu, po jashtë vendit…Është kaq e thjeshtë por edhe e pamundur për zyrtarët!!” Mes dokumenteve ruan dhe origjinalin e gjeneraliteteve të babait, hartuar para Luftës së Dytë Botërore, me një kaligrafi të rregullt dhe gjeneralitete të sakta. “Ja, këtu është e shkruar me penë dhe është e shkruar fare korrekt. Pse të ndodhë  kështu sot?!”, më thotë. -Pse nuk e ndryshojnë?!-e pyes naivisht. “Sepse, më thonë është hedhur në sistem dhe është e pamundur të ndryshohen apo se duhet të hapet gjyq!!!” Kur kujton se presin mijëra dosje për t’u shqyrtuar në gjykatat tona, atëherë e kupton hallin e Petros që tashmë është miqësuar edhe me punonjëset e bashkisë dhe ka zbuluar një nga paradokset më të mëdha të vendit tonë, atë që lidhet me dixhitalizimin. Ne kemi sot Ministër Dixhital, mendojmë të dixhitalizojmë shumë shërbime dhe vërtetë janë bërë, por ne nuk zgjidhim dot probleme kaq të vogla që të mbajnë peng. A është papërgjegjshmëri, kakofoni institucionale, ngutje për t’i hedhur të dhënat në sistem apo ajo që sot lidhet me analfabetizmin funksional? Në të gjitha mund të ketë vend argumentimi, por kjo po kthehet në makth për qytetarët. Po të hapej ndonjë anketim kombëtar, kushedi sesa raste të tilla do të shfaqeshin, por shqetësuese është pse nuk ka mekanizma pragmatikë rregullimi për t’ua lehtësuar jetën shqiptarëve. Ndërrojmë pak fjalë përballë godinës së ish-hotel “Dajtit” dhe shqetësimi i tij i rregullt  human ngrihet e vazhdon për çdo gjë që na rrethon. Era që fryn tenton t’ia marrë fletët, gati një mal me certifikata që nuk i ndahen procedurave të individit shqiptar. Dhe, në fund pason një ngritje supesh. Pse, gjithnjë kështu?! Petro është një shqiptar i mirë, që e ngre zërin kudo që mundet për drejtësi, sepse mendon që në këtë bashkësi, ku jetojmë duhet të respektohen vlerat. Dhe, familja e tij e ka paguar me gjak, sakrifica dhe devotshmëri respektin për vlerat…

Petro Luarasi, I Riu është individi shqiptar që ashtu si Sizifi tenton të ngrejë shpesh një gur të madh, atë që lidhet me vlerat por më shumë emrin e madh që mbart. Dhe, ai gur rrokulliset sërish pas, mbarsur me halle.

Nga ana e trashëgimisë, pak njerëzve në Shqipëri u ndodh që të mbartin të gjallë histori të tilla familjare. Stërnipi i Nin Petro Kostallarit; nipi i Petro Nini Kostallari Luarasit; biri i Skënder Luarasit mbart dhe rimishëron jo vetëm emrin por edhe shqetësimin e tyre sublim për Shqipërinë. Petro, i Vjetri, bashkë me miqtë e tij patriotë, më 7 mars1887, hapën shkollën e parë shqipe në Korçës, ku mësues i parë i së cilës u vendos Pandeli Sotiri. Dhe, monumenti më i madh i shqiptarëve është gjuha e tyre. Është i vetmi princip historik që nuk kundërshtohet dot nga bashkëvendasit tanë. Skënder Luarasi, (I ati) nuk e la këtë trashëgimi. Që 11 vjeç kur mbeti jetim, pas helmimit të të atit, dhe më pas do t’i kushtohej vlerave. Ato kulmuan sidomos, kur pas një kalvari të gjatë u bashkua me vullnetarët në Luftën e Spanjës me Brigadat Internacionaliste. Shpëtoi dhe personaliteti i tij në shekullin XX do shfaqej si arsimtar, përkthyes, dramaturg, publicist, studiues dhe komunist idealist, si edhe deri hartues fjalorësh. U përjashtua për disa vjet nga Lidhja e Shkrimtarëve për qëndrimin e tij antikonformist ndaj metodave nga  Kryesia e Lidhjes në fushën e letërsisë e të arteve, të nënshtruara ndaj diktatit të Partisë Komuniste në pushtet…Sa shumë do duhej për t’ua thënë ndoshta nëpunësve të sotëm që mbase Petron, të Vjetrin mund ta kujtojnë se jetoi në Mesjetë; kurse Skënderin (të birin) ta llogarisin andej nga mesi i shekullit XIX.

Petros të sotëm nuk i duhen këto. Ai e ka pjesë të ADN-së këtë trashëgimi ndaj kundërshton kudo që mundet padrejtësinë. Do që të respektohet, ajo që të parët e lanë me gjak po si e tha Petro, i Vjetri duke lënë një nga epigramët më të vyer për atdhedashurinë: “Vritmëni po gjakun ma mblidhni se do t’u duhet për të shkruar gjuhën shqipe”. E shikoj dhe kujtoj që për probleme të tilla, shqiptarët janë peng i gabimeve të vogla në gjendjet civile, kadastrat, institucionet…, me pak fjalë: Ata janë peng i shtetit të tyre ende të pamaturuar. Ku sistemi i ngjan një sfinksi, që askush nuk mund t’i afrohet dot…dhe që nuk mund të riparohet. Edhe pse ai duhet t’ua bëjë jetën e lirë qytetarëve  Kaq e thjeshtë dhe kaq paradoksale. Ndahem me Petron mbi Urën e Lanës, trashëgimi e një patrioti tjetër, Gjovalin Gjadrit, që shumë shqiptarë nuk e dinë se e ka ndërtuar urën që i ka mbijetuar kohërave dhe regjimeve me profesionalizëm të lartë…sepse u bë me kanone ndërtimi dhe me respekt për vendin e vet. Sak, atë që se kuptojnë shqiptarët e rinj të shekullit XXI. Ndahemi pa folur se jemi në një paradoks të gjallë, unë në hiçnajë dhe në mungesë të një përgjigje normale prej muajsh…; Petro, pinjolli i Luarasëve, “i ngelur” në bukurshkrimin e burokracive të lodhshme që e trandin pamëshirë Homo Albanicus. (Javanews)

Sipas një analize të Corriere della Sera, Forcat e Gardës Revolucionare, kanë ndërtuar një rrjet të sofistikuar operativ dhe politik që shtrihet nga Lindja e Mesme deri në Gjirin Persik. Analiza trajton historikun e stërvitjes së tyre, rolin e divizionit Qods, përdorimin e rrjeteve të fshehta dhe taktikat e dhunshme për të mbrojtur interesat e Teheranit.

Në Lindjen e Mesme dhe deri në Gjirin Persik, Forcat e Gardës Revolucionare Iraniane, të njohura si pasdaranët, kanë vepruar në kufijtë e luftës tradicionale dhe operacioneve të fshehta. Bashkimi Europian i ka shpallur “organizatë terroriste”, ndërsa ata kanë marrë pjesë në misione të ndryshme kundër kundërshtarëve të Iranit, duke përdorur metoda të fshehta dhe dhunë selektive.

Që nga krijimi i tyre, pasdaranët janë stërvitur sipas metodave të ngjashme me grupet palestineze dhe libaneze, duke zhvilluar teknika të veçanta për luftë të fshehtë, përfshirë sulme vetëvrasëse me mjete të blinduara dhe koordinimin e milicive aleate.

Me mbështetjen e ajatollahëve, ata kanë ndërtuar një ushtri me rreth 200 mijë anëtarë.

Divizioni Qods, një nga strukturat më të rëndësishme të pasdaranëve, ka menaxhuar stërvitjen e forcave, organizimin e milicive, aktivitetet e fshehta dhe planet strategjike me ndikim politik dhe ushtarak.

Nën drejtimin e gjeneralit Qasem Soleimani nga viti 1998 deri në vrasjen e tij në janar 2020, Qods u bë i njohur për kapacitetin e tij operacional. Sot komandën e mban Ismael Qaani, i cili, megjithëse me më pak karizëm, ruan ndikim të konsiderueshëm.

Për realizimin e misioneve, divizioni ka krijuar nën-struktura të koduara, si “840”, duke përdorur rrjete të fshehta në Iran, koordinues lokalë dhe ekzekutues në terren.

Ekzekutuesit përfshijnë shpesh simpatizantë, qytetarë perëndimorë me origjinë nga Lindja e Mesme dhe individë që veprojnë jashtë ligjit, përfshirë trafikantë dhe kriminelë të zakonshëm.

Pasdaranët dhe Basij kanë luajtur gjithashtu rol kyç në shtypjen e protestave dhe kundërshtimeve brenda Iranit, duke përdorur njësitë anti-protestues, grupet mobile dhe strukturat kibernetike për të ndjekur dhe frikësuar qytetarët.

Për këtë arsye, Bashkimi Europian ka sanksionuar zyrtarë të lartë të këtyre forcave, duke i mbajtur përgjegjës për dhunën dhe shkeljet e të drejtave të njeriut.