Zëvendëskryeministri për Qeverisje të Mirë, Arben Fetai, ka deklaruar se Konferenca e Shteteve Palë të Konventës së OKB-së kundër Korrupsionit, e mbajtur në Doha, po shkon drejt përmbylljes me mesazhe të qarta për nevojën e një qasjeje të vendosur dhe pa kompromis në luftën kundër korrupsionit.

Sipas Fetait, gjatë ditëve të konferencës mbi 2.500 përfaqësues nga 170 shtete kanë diskutuar zgjidhje konkrete për sfidat aktuale të korrupsionit, duke përfshirë përdorimin e inteligjencës artificiale, rritjen e transparencës në financimin politik, ndërtimin e kulturës së integritetit dhe adresimin e ndërlidhjes së korrupsionit me forma të tjera të krimit të organizuar.

“Mesazhi është i qartë: lufta kundër korrupsionit kërkon institucione që veprojnë, politika që zbatohen dhe besim që ndërtohet me vepra”, ka theksuar Fetai.

Ai shtoi se kjo është rruga që duhet ndjekur pa asnjë kompromis, duke riafirmuar përkushtimin e Qeverisë për forcimin e qeverisjes së mirë dhe sundimit të ligjit.

Zëvendëskryetari i Republikës së Maqedonisë së Veriut, përgjegjës për Qeverisje të mirë, Arben Fetai, mori pjesë në Sesionin e 11-të të Konferencës së shteteve palë të Konventës së Kombeve të Bashkuara kundër Korrupsionit (COSP11) e cila po mbahet në Doha.

Fetai foli në panelin kushtuar strategjive gjithëpërfshirëse kundër korrupsionit në Evropën Juglindore, ku theksoi se politikat dhe strategjitë kundër korrupsionit japin rezultate të qëndrueshme vetëm kur mbështeten nga udhëheqje e fortë qeveritare, koordinim efektiv institucional dhe përfshirje aktive e shoqërisë civile.

Në fjalën e tij, ai deklaroi se dokumentet strategjike kanë vlerë reale vetëm kur përkthehen në mekanizma konkretë zbatimi, monitorimi dhe llogaridhënieje, duke e zhvendosur fokusin nga deklarimet formale drejt rezultateve të matshme.

"Duke iu referuar përvojës së Republikës së Maqedonisë së Veriut, ai theksoi rëndësinë e qasjeve të bazuara në të dhëna, digjitalizimit të proceseve dhe transparencës institucionale si mjete kyçe për reduktimin e hapësirave për korrupsion dhe për rikthimin e besimit publik në institucione. Pjesëmarrja e zëvendëskryeministrit Fetai në COSP11 është pjesë e angazhimeve të vazhdueshme ndërkombëtare të Qeverisë së Republikës së Maqedonisë së Veriut për forcimin e qeverisjes së mirë, integritetit institucional dhe bashkëpunimit rajonal e ndërkombëtar në luftën kundër korrupsionit", informojnë nga kabineti i Fetait.

Zëvendëskryeministri për qeverisje të mirë, Arben Fetai i është përgjigjur nënkryetarit të BDI-së, Bujar Osmani, pasi ky i fundit përmes një qëndrimi të tij tha sot se Ligji për përfaqësim të drejtë nuk mund ta zëvendësojë balancuesin.

Sipas, Fetait, është vetë Osmani i cili në cilësinë e ministrit, ka dhënë mendim pozitiv për heqjen e balancuesit.

Osmani: Ligji për “përfaqësim adekuat dhe të drejtë” nuk mund të jetë zëvendësim për balansuesin

“Bujari qenka zgjuar pas flakareshës zgjedhore. Paska zbuluar se ligjet “nuk qenkan detyruese”. Sipas llogarisë së Bujarit, “vegla” (Balancuesi) qenka më e fuqishme se LIGJI. Bujar, si duket ndejtja e gjatë me Doktorin të ka ndikuar keq. Tash s’po dihet a ke pasur ti më shumë ndikim te ai, apo ai te ti. Sidoqoftë, mirë është të dihet se sa për Balancuesin, ti vetë në cilësinë e ministrit ke dhënë mendim pozitiv për heqjen e tij”, ka shkruar Fetai.

“Prandaj, kur projekt- ligji të vijë në procedurë parlamentare, ta debatojmë dhe ta votojmë. Është kaq e thjeshtë”, përfundon postimi i Fetait në rrjetet sociale.

Komisioni i Venecias ka dhënë vlerësim pozitiv për Ligjin për Përfaqësim të Drejtë dhe Adekuat, kështu ka informuar zëvendëskryeministri për Qeverisje të Mirë, Arben Fetai.

"Ligji për Përfaqësim të Drejtë dhe Adekuat po bëhet realitet 24 vjet pas Marrëveshjes së Ohrit. Vlerësim pozitiv nga Komisioni i Venecias. Punë, jo futboll në zyrat e shtetit", shkruan Fetai në rrjetin social Facebook.

Kujtojmë se Komisioni i Venecias ka pranuar draft-versionin e ligjit për përfaqësim të drejtë nga qeveria në muajin korrik. Nga atje u kërkua mendim se sa ligji është në përputhje me parimet demokratike dhe të drejtat themelore.

Qeveria përpiloi draft ligjin për përfaqësim të drejtë dhe adekuat në qershor, rreth një vit pasi Gjykata Kushtetuese shfuqizoi mekanizmin e njohur si balancuesi, në bazë të të cilit parim, institucionet ishin të detyruara të bëjnë punësimet në administratë.

Zëvendëskryeministri për qeverisje të mirë, Arben Fetai ka reaguar ndaj lajmeve të rrejshme që po shpërndahen në rrjetet sociale.

Së fundmi po qarkullon një deklaratë në emër të tij e kinse është kundër UÇK-së.

Ai në postimin e tij demantoi shkrimet, duke thënë se ata që mendojnë se mund ta diskreditojnë me metoda të tilla udbashe, “gabohen rëndë” dhe se do të përballen me drejtësinë.

Reagimi i plotë:

“Kushdo që përdor fotografinë time dhe shpik fjalë që nuk i kam thënë me qëllim për të më dëmtuar, le ta dijë mirë se ka kaluar çdo kufi të lejueshëm. Nuk ka tolerancë për shpifësit e porositur. Do të përballen me drejtësinë, secili prej tyre. Shpifja, montazhi dhe fabrikimi i deklaratave nuk më lëkundin aspak. Përkundrazi, ato më forcojnë edhe më shumë në bindjet dhe rrugën time."

Koalicioni VLEN përmes një reagimi për media, thonë se takimi i zëvendëskryeministrit Arben Fetai me Daniel J. Lawton, zëvendës-ndihmës sekretar në Departamentin e Shtetit të SHBA-së, është edhe një dëshmi e qartë se rruga e reformave ka marrë mbështetjen më të fortë ndërkombëtare.

"Kur flasim për qeverisje të mirë, transparencë dhe luftë kundër korrupsionit, nuk jemi vetëm. Sot, partnerët tanë strategjikë në SHBA e njohin dhe e vlerësojnë ndryshimin që po ndërtohet. Ata shohin përpjekjen, seriozitetin dhe vullnetin që po investohet për të rikthyer besimin te institucionet. Në kuadër të kësaj, roli dhe bashkëpunimi me përfaqësues të tjerë kyç të administratës amerikane, si Mark Tervakoski, drejtor i Zyrës për Evropë dhe Azi në Byronë për Çështje Ndërkombëtare të Narkotikëve dhe Zbatimit të Ligjit, mbetet po ashtu thelbësor. Kontributi i tij në forcimin e standardeve të sundimit të ligjit dhe kapaciteteve institucionale është pjesë e partneritetit strategjik që Maqedonia e Veriut po e ndërton me SHBA-të.Arben Fetai artikuloi qartë zotimin tonë për institucione që i shërbejnë popullit, jo interesave të mbyllura", thonë nga VLEN.

Ata shtojnë se VLEN-i ka premtuar ndryshim dhe ndryshimi po ndodh.

Me konkluzion të miratuar në seancën e djeshme qeveritare, Qeveria e Republikës së Maqedonisë së Veriut e ka autorizuar Zëvendëskryeministrin Arben Fetai që, në emër të Kryeministrit Hristijan Mickoski, ta përfaqësojë Qeverinë në sesionin plenar të Komisionit të Venecias, i cili do të mbahet më 13 dhjetor 2025 në Venecia, Itali.

Në rend dite të këtij sesioni është shqyrtimi i Projektligjit për Përfaqësim të Drejtë dhe Adekuat, të cilin Qeveria e ka miratuar si zgjidhje ligjore për rregullimin e plotë të parimit kushtetues të përfaqësimit të drejtë dhe adekuat të komuniteteve në institucionet shtetërore dhe publike.

Ky ligj është akt sistemor dhe institucional me rëndësi të veçantë, sepse për herë të parë e definon qartë me ligj parimin që buron nga Marrëveshja Kornizë e Ohrit, duke paraparë mekanizma funksionalë zbatimi dhe krijimin e një trupi koordinues ndërinstitucional përgjegjës për implementimin e tij.

Zëvendëskryeministri Fetai ka theksuar se miratimi i këtij ligji korrigjon një padrejtësi institucionale të trashëguar më shumë se 20-vjeçare dhe vendos bazë të qëndrueshme ligjore për barazi reale në administratën publike dhe në institucionet e shtetit.
Kryetari i Kuvendit, Afrim Gashi, ka deklaruar se menjëherë pas marrjes së opinionit përfundimtar nga Komisioni i Venecias, ligji do të procedohet për miratim në Kuvend.

Ligji për Përfaqësim të Drejtë dhe Adekuat është dashur të miratohej që nga viti 2003, ndërsa pas më shumë se dy dekadash vonesë, tani po trajtohet për herë të parë si zgjidhje normative e plotë dhe funksionale.

Zv. kryeministri për Qeverisje të Mirë, Arben Fetai, gjatë fjalimit të tij në Konferencën Globale të OKB-së për Përdorimin e të Dhënave në Matjen e Korrupsionit, e cila po zhvillohet në selinë e Kombeve të Bashkuara në New York, tha se lufta kundër korrupsionit kërkon qasje të bazuar në fakte, lista të qarta të rreziqeve dhe vigjilencë të vazhdueshme institucionale.

Nga atje thonë se ngjarja mblodhi përfaqësues të lartë nga shtetet anëtare, organizatat ndërkombëtare dhe ekspertë të fushës.
"Lufta kundër korrupsionit kërkon qasje të bazuar në fakte, lista të qarta të rreziqeve dhe vigjilencë të vazhdueshme institucionale. Duke nënvizuar rëndësinë e të dhënave të sakta në këtë proces, ai tha se “Korrupsioni nuk luftohet me supozime, me intuitë apo me ndërhyrje të rastësishme, por përballet me fakte, me vigjilencë institucionale dhe me një përkushtim të palëkundur ndaj interesit publik”, tha Fetai.

Në këtë drejtim, Fetai shtoi se “Të dhënat nuk janë vetëm instrument teknik, por edhe instrument demokratik që fuqizon mbikëqyrjen, orienton debatin publik dhe forcon kontratën shoqërore ndërmjet shtetit dhe qytetarit”.

Ai theksoi gjithashtu se Republika e Maqedonisë së Veriut mbetet e përkushtuar ndaj forcimit të integritetit institucional dhe adoptimit të standardeve ndërkombëtare në matjen e korrupsionit, si pjesë e agjendës së qeverisjes së mirë dhe modernizimit të administratës publike.

Pjesëmarrja e delegacionit qeveritar në këtë Konferencë, thuhet në njoftimin nga kabineti i Fetait, paraqet një mundësi të rëndësishme për shkëmbimin e përvojave dhe forcimin e bashkëpunimit me partnerët ndërkombëtarë në luftën e përbashkët kundër korrupsionit dhe në ndërtimin e institucioneve më transparente dhe më të qëndrueshme/Telegrafi/

Arben Fetai nga VLEN në Debat 21 ka folur për çështjen e Kërçovës, ku në rreth të dytë do të shkojë kandidati i AKI-së, Fatmir Dehari dhe kandidati i OBRM-PDUKM-së, Aleksandër Jovanovski.

Fetai tha se kandidati i tyre për këtë komunë, Fatmir Limani është prononcuar dy herë, megjithatë shtoi se do të mblidhet sërish shtabi.

“Sa i përket Kërçovës, aty ka folur Fatmir Limani. Fatmir Limani është prononcuar dy herë dhe për momentin ky është qëndrimi i vetëm. Dhe duhet të ulemi në kuadër të shtabit, në kuadër të kryesisë së VLEN-it dhe të nxjerrim qëndrim për rrethin e dytë”, tha Fetai.

Zv. kryeministri i Qeverisë së Maqedonisë së Veriut, përgjegjës për politikat e qeverisjes së mirë, Arben Fetai, priti ministrin e Administratës Publike të Malit të Zi, Marash Dukaj, gjatë vizitës së tij zyrtare në vend.

Siç bëri të ditur Kabineti i zëvendëskryeministrit Fetati, takimi, i cili u zhvillua me qëllim thellimin e bashkëpunimit dypalësh, theksoi rëndësinë e marrëdhënieve të forta dhe miqësore midis dy vendeve, të cilat shërbejnë si model për bashkëpunimin rajonal në Ballkanin Perëndimor.

Fetai dhe Dukaj vunë në dukje se Maqedonia e Veriut dhe Mali i Zi gëzojnë marrëdhënie të shkëlqyera dypalëshe, të cilat mund të avancohen më tej përmes iniciativave të përbashkëta në fusha kryesore si reforma e administratës publike, transformimi digjital dhe siguria e informacionit. Këto sektorë janë të një rëndësie jetike për modernizimin e institucioneve shtetërore dhe përmirësimin e shërbimeve për qytetarët.

“Marrëdhëniet tona ndajnë qëllime dhe vlera të përbashkëta. Përmes shkëmbimit të përvojave dhe ekspertizës, ne mund të arrijmë përparim të rëndësishëm në reforma dhe të forcojmë zhvillimin rajonal”, deklaroi zëvendëskryeministri Fetai.

Fetai dhe Dukaj ranë dakord që thellimi i bashkëpunimit do të realizohet përmes programeve dhe projekteve të përbashkëta, të cilat jo vetëm që do të forcojnë lidhjet midis Maqedonisë së Veriut dhe Malit të Zi, por gjithashtu do të mbështesin zhvillimin e qëndrueshëm në të gjithë rajonin. Kjo përfshin edhe iniciativat për harmonizimin me standardet e Bashkimit Evropian, që është një qëllim i përbashkët i të dy vendeve në rrugën e tyre drejt integrimit evropian.

Vizita zyrtare e ministrit Dukaj konfirmon vullnetin e të dy vendeve për të vazhduar ndërtimin e urave të bashkëpunimit. Në periudhën e ardhshme, pritet një intensifikim i aktiviteteve të përbashkëta, duke përfshirë punëtori, konferenca rajonale dhe projekte të financuara nga partnerë ndërkombëtarë. Këto iniciativa do të forcojnë partneritetin dhe do të kontribuojnë në përparimin ekonomik dhe social në rajon.

“Ky takim shënon një hap të mëtejshëm drejt forcimit të lidhjeve midis Maqedonisë së Veriut dhe Malit të Zi, me një vizion të qartë për një të ardhme të përbashkët të bazuar në bashkëpunim, inovacion dhe zhvillim të qëndrueshëm”, theksohet në komunikatë.

VLEN ka akuzuar BDI-në se n0ë, grusht njerëzish të saj janë pasuruar me djersën e qytetarëve dhe se tani kjo epokë ka përfunduar.

“Me vendimin e Qeverisë, në krye të Këshillit kombëtar për hetime financiare dhe konfiskim të pasurisë është vendosur një nga liderët e VLEN-it, zëvendëskryeministri Arben Fetai. Ky është institucioni më i lartë që do të garantojë se askush nuk do të mund ta mbajë pasurinë e fituar me korrupsion dhe krim.

Për herë të parë, shqiptarët udhëheqin mekanizmin që ua merr pasurinë hajdutëve dhe e kthen për interes publik. Ky është dallimi mes atyre që i mbronin kriminelët dhe shtetit që sot, falë VLEN-it, ua konfiskon pasurinë.

BDI/AKI bërtasin për “botë serbe”, por bota e tyre e vetme është ajo e korrupsionit dhe katrahurës që e lanë pas në çdo komunë. VLEN nuk do të lejojë kurrë ndikime të jashtme që cenojnë rrugën euroatlantike. Ne jemi anëtarë të NATO-s dhe raportet ndërkombëtare si Western Balkans Anti-Disinformation Hub janë paralajmërim serioz për ta.

Shkurt e shqip, ata bërtasin për pushtet dhe kërkojnë çdo mënyrë për t’i shpëtuar korrupsionit që i ka zënë për fyti. Ne veprojmë për qytetarët, komunat po i ringjallim dhe pasurinë e vjedhur do t’ua kthejmë atyre që u takon: qytetarëve”, thonë nga VLEN./Telegrafi/

Zëvendëskryeministri për qeverisje të mirë, Arben Fetai në emisionin “Libero” me Resul Sinanin tha se me kreun e Aleancës për Shqiptarët, Arben Taravarin, është ndarë pa asnjë fjalë të keqe dhe me mirëkuptim.

“Politikisht u ndamë pa asnjë fjalë të keqe, me mirëkuptim. Dje sa pastroja telefonin, pashë mesazhet e fundit që kam këmbyer me të, ku më thotë "po e di, e kemi diskutuar e kuptoj qëndrimin tënd”, tha Fetai.

Ai shtoi se BDI gjen mënyrat për të thyer dhe ndarë, sipas maksimës së vjetër latine, “përçaj dhe sundo” dhe këtë e kanë bërë gjatë këtyre 22 viteve.

“Para Arbenit (Taravarit) e kishim një kryetar tjetër që quhej Ziadin Sela i cili e bëri të njëjtën para një viti duke iu bashkëngjitur BDI-së dhe në fund u fut në lista të përbashkëta me BDI-në për zgjedhjet lokale më 19 tetor.Taravari e bëri të njëjtën, 1 vit pas Selës, e bëmë një betejë atëherë për të vazhduar kursin tonë, për të bërë këtë koalicionin opozitar, pra VLEN. Ende pa u bërë gjashtë muaj qeverisje Arbeni filloi të japë shenjat e para se e ka shitur lojën, tentonte të sabotojë koalicionin në mënyrë që të shkaktohet krizë e shumicës parlamentare dhe të shkohej në zgjedhje të dyfishta”, deklaroi Fetai.

TIRANË, 3 shtator /ATSH/ Shqipëria U-21 do të zhvillojë të premten e 5 shtatorit sfidën e parë miqësore të programuar ndaj Gjermanisë në “Elbasan Arena” në ora 18:00.

Kuqezinjtë e drejtuar nga trajneri Alban Bushi kanë nisur përgatitjet zyrtare prej të hënës në “Shtëpinë e Futbollit”.

Në kuadër të takimit të parë miqësor, por edhe ndeshjes së dytë ndaj Zvicrës, që do të luhet më 8 shtator në Aarau kanë folur për fshf.org sulmuesi Erald Maksuti dhe mesfushori Feta Fetai.

Erald Maksuti, sulmuesi shqiptar i cili aktivizohet me ekipin e Flamurtarit në vendin tonë foli për fshf.org për dy sfidat e rëndësishme të Shpresave. Djaloshi shqiptar vlerësoi Gjermaninë dhe Zvicrën si dy kundërshtarë mjaft të fortë, por theksoi se kuqezinjtë do të futen në fushë për të marrë rezultate pozitive.

Maksuti nënvizoi se objektivi i tij është të shënojë sa më shumë gola, ndërsa ka edhe një thirrje për tifozët shqiptarë.

“E dimë që janë dy miqësore shumë të forta. Luajmë me nënkampionët e Europës dhe me një ekip të fortë si Zvicra. Janë ndeshje shumë të vështira në letër dhe si kundërshtarë, por ne do futemi të japim maksimumin tonë dhe shpresojmë të marrim rezultate pozitive. Objektivi im është që të bëj gola sa më shumë dhe të ndihmoj ekipin që të ecim”, tha Maksuti.

Ai shtoi se, “atmosfera në ekip është shumë e mirë. Jemi një grup njihemi, pasi kemi bërë disa ndeshje së bashku. Janë shtuar disa lojtarë që janë shumë të mirë. Do futemi në fushë për rezultate pozitive”.

Manksuti u bëri thirrje tifozëve “të jenë sa më të shumtë në numër, të na mbështesin dhe ne do japim maksimumin për çdo tifoz që do vijë në stadium”.

Ndërsa mesfushori i talentuar, Feta Fetai, tha se dy ndeshjet miqësore ndaj Gjermanisë dhe Zvicrës janë shumë të forta, por nga ana tjetër një test i mirë në kuadër të përgatitjeve për Kampionatin Europian U-21 2027.

Fetai foli gjithashtu edhe për gjendjen e skuadrës dhe ftoi tifozët në stadiumin “Elbasan Arena” për të mbështetur kuqezinjtë.

“Kemi dy ndeshje shumë të mira dhe të forta për të treguar veten edhe për Europianin U-21 2027. Janë teste shumë të mira për ne, për ekipin dhe për të gjithë lojtarët”, tha ai.

Sa i përket gjendjes së ekipit, Fetai u shpreh se, “kanë ardhur të gjithë. Kanë pasur ndeshje, po rikuperohemi dhe po përgatitemi për ndeshjen me Gjermaninë, pastaj për Zvicrën. Lojtarët janë të gjithë në formë. Janë përgatitur, kanë edhe minuta në këmbë. Shpresoj që të japim më të mirën në këto dy ndeshje”.

Ai bëri edhe një thirrje për tifozët. “Shpresoj që të ketë sa më shumë tifozë që të na përkrahin në “Elbasan Arena” dhe t’i gëzojmë me një fitore”, tha Fetai.

Gjendja e përfaqësueses shqiptare paraqitet mjaft e mirë, teksa ditën e sotme është programuar një tjetër seancë stërvitore nga stafi kuqezi.

Skuadra do të mbyllë përgatitjet nesër dhe të premten do të luajë takimin e parë ndaj nënkampionëve të Europës. Hyrja në stadium do të jetë falas.

/gj.m//a.f/

The post Miqësoret e U-21, Maksuti – Fetai vlerësojnë Gjermaninë dhe Zvicrën: Luajmë për rezultate pozitive appeared first on Agjencia Telegrafike Shqiptare.

Zëvendëskryeministri Arben Fetai ka reaguar ndaj siç thotë shpifjeve në rrjetet sociale, për të cilat ai akuzon Bashkimin Demokratik për Integrim.

“Makineria propagandistike e BDI-së dhe e patericave të saj ka nisur një fushatë të egër kundër personalitetit tim,” shprehet Fetai, duke shtuar se sulmet po bëhen përmes profileve të rreme që synojnë ta njollosin me “lloj-lloj shpifjesh dhe gënjeshtrash”, reagon Fetai.

Sipas tij, këto sulme bëhen nga BDI dhe një pjesë e ASH-së.

“Këto sulme janë një shenjë e fuqisë sonë. Ata sulmojnë sepse lëvizja jonë i ka prishur planet e BDI-së dhe të pengjeve të Gjoka Konstruksion. Duart e mia janë të pastra, ndërgjegjja ime e qetë. Për 20 vjet karrierë, unë nuk kam keqpërdorur as edhe një qindarkë të burimeve publike. Duart e mia janë të pastra, ndërgjegjja ime e qetë. Distanca nga BDI-ja – Jam i vetmi që kurrë nuk ka pasur kontakt, bashkëpunim apo kompromis me BDI-në dhe me kryetarin e tyre. Kam mbajtur dhe do mbaj një distancë higjienike me ta. Pavarësia vendimmarrëse – Askush nuk mund të ndikojë vendimet e mia, të më kushtëzojë apo të më shantazhojë. Varësia ime e vetme është ndaj popullit tonë dhe kombit tonë”, shkruan Fetai.

Fetai në fund të reagimin shkruan se pavarësisht sulmeve, shqiptarët po fuqizohen dhe kjo nuk do të ndalet.

“Karavani ynë ecën përpara, i pandalshëm, drejt një të ardhmeje ku shqiptarët fuqizohen, jo eksploatohen”, thuhet në reagimin e Fetait.

The post Fetai: BDI po sulmon egër personalitetin tim, por unë kurrë nuk kam pasur bashkëpunim apo kompromis me ta appeared first on Telegrafi.

Zëvendëskryeministri Arben Fetai ka reaguar ndaj komenteve të ministrit të Drejtësisë për rishikimin e Badenterit.

Lexo po ashtu Filkov: Ndoshta ka ardhur koha për të rishikuar shumicën e Badenterit

Fetai theksoi rëndësinë e mekanizmit të shumicës së dyfishtë, të njohur si Badenter, si gurthemeli i demokracisë konsensuale në Maqedoninë e Veriut.

Sipas tij e gjitha është zhurmë parazgjedhore dhe se Badenteri nuk do të preket.

Reagimi i plotë:

Jemi të vetëdijshëm se fushata parazgjedhore zgjon lloj lloj fantazira jashtë çdo realiteti që synojnë vetëm një grusht vota më tepër. Megjithatë, po e theksojmë që ta heqim çdo dyshim: Badinteri nuk preket.

Mekanizmi i shumicës së dyfishtë, i njohur si Badinteri, është gurthemeli i demokracisë konsensuale të Republikës së Maqedonisë së Veriut. Ky mekanizëm garanton barazinë, bashkëjetesën dhe paqen në vendin tonë, duke siguruar që vendimet kryesore të reflektojnë vullnetin e dy komuniteteve më të mëdha.

Edhe po të tentonte dikush të shkojë përtej demagogjisë parazgjedhore për ta sfiduar atë në realitet, nuk ka deputet shqiptar që do ta përkrahte një iniciativë të tillë, ndërsa pa shumicën e votave shqiptare është juridikisht e pamundur të preket Badinteri. Prandaj ky debat është humbje kohe.

Madje çdo diskutim në këtë drejtim është anti-evropian, i kotë dhe shërben vetëm si diversion nga prioritetet tona të përbashkëta për një të ardhme më të mirë për të gjithë. Le të qëndrojmë të bashkuar në mbrojtjen e vlerave evropiane dhe të demokracisë konsensuale dhe të vazhdojmë të ndërtojmë një Maqedoni të Veriut të fortë, të drejtë dhe gjithëpërfshirëse.

The post Fetai: E pamundur të preket Badenteri, nuk ka deputet shqiptar që do ta përkrahte një iniciativë të tillë appeared first on Telegrafi.

Sipas vlerësimit të zbatimit të Strategjisë për Transparencë 2023-2026, të koordinuar nga kabineti i zëvendëskryeministrit Arben Fetai, rezulton se Qeveria e kaluar LSDM-BDI ka realizuar vetëm një aktivitet nga 24 masa dhe 56 aktivitete të parashikuara në planin e veprimit të strategjisë.

Ndaj në seancën e sotme të Qeverisë, me propozimin e zëvendëskryeministrit Fetai, u miratuan vendime për të forcuar transparencën dhe llogaridhënien e institucioneve shtetërore.

Me vendimet e sotme, Qeveria obligoi grupin e punës për zbatimin e Strategjisë për Transparencë 2023-2026 që, brenda 7 ditëve, të përgatisë ndryshime në planin aksional, duke përcaktuar afate të reja dhe institucionet përgjegjëse për realizimin e aktiviteteve.

“Ndër masat e ndërmarra, veçojmë tri:

Ministritë dhe organet e administratës shtetërore do të publikojnë, brenda 45 ditëve, të gjitha informacionet nga kërkesat e përgjigjura për qasje në informacione me karakter publik, të anonimizuara, duke filluar nga 24 qershori 2024.
Organet e administratës shtetërore që nuk kanë ueb-faqe, do t’i krijojnë ato brenda 90 ditëve.
Ministritë dhe organet e tjera shtetërore do të publikojnë në ueb-faqet e tyre procedurat e brendshme për prokurime publike.
Transparenca institucionale është prioritet kryesor i kësaj Qeverie. Do të vazhdojmë ta trajtojmë këtë çështje me seriozitetin maksimal për të ndërtuar një administratë të hapur dhe llogaridhënëse ndaj qytetarëve”, njoftojnë nga kabineti i Fetait.

The post Fetai: Qeverisja e kaluar LSDM-BDI ka realizuar vetëm një aktivitet nga 24 masa dhe 56 aktivitete të planifikuara për veprimin strategjik qeveritar appeared first on Telegrafi.

Një delegacion nga koalicioni VLEN sot ka vizituar fshatin Luboten të Shkupit, ndërsa kanë përkujtuar masakrën e 12 gushtit të vitit 2001, kur forcat e policisë dhe ushtrisë së Maqedonisë vranë pamëshirshëm 9 burra dhe një fëmijë 6-vjeçar.

Nga VLEN thonë se ai operacion i forcave policore-ushtarake është i pajustifikueshëm.

“Sot, në fshatin Luboten, së bashku me familjarët e dëshmorëve, ish-ushtarët e UÇK-së dhe banorët e kësaj ane, përkujtuam 12 gushtin 2001, një nga ditët më të dhimbshme për lubotenasit dhe të gjithë shqiptarët. Në mëngjesin e asaj dite, forcat policore-ushtarake të shtetit ndërmorën një operacion të egër dhe të pajustifikuar, duke vrarë dhjetë civilë shqiptarë, mes tyre edhe 6-vjeçarin Erxhan Aliu, simbol i pafajësisë së shuar padrejtësisht. Emrat e Dalip Muratit, Muharrem Ramadanit, Memet Memetit, Rami Jusufit, Xhelal Bajramit, Kadri Jasharit, Bajram Jasharit, Sulejman Bajramit dhe Atulla Qailit janë gdhendur përjetësisht në kujtesën tonë kolektive, si dëshmi e një krimi që nuk do të harrohet kurrë. Masakra e Lubotenit, është rasti i vetëm i luftës së vitit 2001 që u gjykua nga Tribunali Ndërkombëtar i Hagës, me dënim të plotfuqishëm si krim lufte. Sigurisht, ky ishte një hap drejt drejtësisë, por jo mjaftueshëm për të shëruar këtë plagë. Të mos harrojmë kurrë që të mos përsëritet kurrë. Lavdi dhe nderim i përjetshëm për dëshmorët!”, tha Arben Fetai nga VLEN.

Fetai në Luboten ka qenë i shoqëruar nga zëvendëskryeministri i parë, Izet Mexhiti, kryetari i Tetovës, Bilall Kasami dhe kryetari i Alternativës, Zeqirija Ibrahimi.

The post VLEN përkujton masakrën e Lubotenit, Fetai: Të mos e harrojmë kurrë që të mos përsëritet appeared first on Telegrafi.

Sot në Spitalin Klinik të Tetovës është shënuar fillimi i ndërtimit të parkut përkujtimor, për nder të viktimave në zjarrin tragjik në Spitalin Modular. Ministri i Shëndetësisë Azir Aliu, tha se ky park është i vonuar dhe se tani nuk e bëjnë për t’u dukur ose për zbukurim.

“Sot fillojmë ndërtimin e një kujtese kolektive, të vonuar por të domosdoshme. Katër vite më parë ndodhi tragjedia që nuk guxon të harrohet. Dhe institucionet heshtën, nuk vepruan dhe zgjodhën të mos shohën. Ky projekt nuk është për t’u dukur, as për zbukurim, është përgjegjësia e vonuar që një sistem duhet ta kishte dhënë që në fillim”, tha Aliu.

Ndërsa zv.kryeministri Arben Fetai, tha se si qeveri zotohen se do të bëjnë përpjekje për të sjellë drejtësi për rastet si ai në Spitalin Modular, në Llaskarcë dhe rastit “Besa Trans”.

“Sot e kësaj dite nuk ka drejtësi për viktimat për familjarët e tyre, njëjtë siç nuk ka drejtësi për viktimat në rastet e tjera. Drejtësia e vonuar është padrejtësi. Më 8 shtator bëhen katër vite nga tragjedia në Tetovë dhe institucionet ende nuk kanë sjellur drejtësinë në vend. Si qeveri zotohemi se do të bëjmë përpjekjet maksimale për të sjellë drejtësinë për tragjedinë e Tetovës, si dhe për rastet e Llaskarcës dhe autobusit në Bullgari”, tha mes tjerash Fetai.

Ndryshe, në zjarrin tragjik në Spitalin Modular që shpërtheu më 8 shtator të vitit 2021, ndërruan jetë 14 persona. Për zjarrin tragjik Prokuroria ngriti aktakuza ndaj ish-drejtorit mjekësor të Spitalit të Tetovës, Florin Besimi, ish-drejtorit ekononmik Artan Etemi, mjekut përgjegjës për kovid-qendrën Boban Vuçevski, si dhe Spitalit të Tetovës si person juridik./Telegrafi/

The post Do të ndërtohet park përkujtimor për viktimat në Spitalin Modular në Tetovë appeared first on Telegrafi.

“Përfaqësuesit e “Botës serbe” dhe mjeshtrit e dezinformatave, tashmë të njohur nga listat e zeza amerikane, sot sërish kanë shpërndarë lajme të rreme, duke inskenuar një “shqetësim” për faktin se një organizatë joqeveritare maqedonase nuk e kishte përfshirë gjuhën shqipe në një anketë të dedikuar për diasporën”, thonë nga koalicioni VLEN.

Informacionet për “botën serbe në Maqedoni”, nga VLEN u quajnë lajme të rrejshme të publikuara nga BDI.

Reagimi i plotë:

Si gjithmonë, edhe ky rast doli të jetë një fake news klasik, një tjetër blof i dalë nga repertori i propagandës së vjetër. Anketa në fjalë është hartuar nga një shoqatë plotësisht e pavarur, joqeveritare, dhe nuk ka asnjë lidhje me Qeverinë. Madje, ndryshe nga sa pretendojnë shpifësit profesionistë, anketa është në dispozicion edhe në gjuhën shqipe.

Edhe zëvendëskryeministri Arben Fetai ka demaskuar fushatën e orkestruar të BDI-së dhe satelitëve të saj mediatikë, të cilët dje tentuan të manipulojnë opinionin publik me një tjetër gënjeshtër ordinere.

Përfaqësuesit e “non gratave” po përpiqen me çdo kusht të shpikin lajme, sepse fabrikimi i gënjeshtrave u ka mbetur si mjeti i fundit për të fituar ndonjë pikë politike. Por faktet janë të qarta dhe nuk zhbëhen me zhurmë.

Përkundrazi, sot, falë qeverisjes sonë, konkretisht zëvendësministrit të Arsimit, Lulzim Aliu, është hapur për herë të parë në Berlin klasa për mësimin e gjuhës shqipe për fëmijët e mërgatës sonë, një hap historik që nuk ka ndodhur asnjëherë më parë në të kaluarën. Ky është realiteti që i dhemb atyre që për dekada e lanë pas dore gjuhën, identitetin dhe diasporën shqiptare.

U bëjmë thirrje qytetarëve që të mos bien pre e propagandës së ulët, por të qëndrojnë të përkushtuar ndaj të vërtetës dhe vlerave që i bashkojnë.
Shpifjet nuk do të mbulojnë dështimet. Përgjigjen më të mirë ndaj gënjeshtrave dhe bllokimeve, qytetarët do ta japin në zgjedhjet e tetorit, aty ku vendoset e ardhmja.

The post VLEN: “Bota serbe” një lajm i rremë, Arben Fetai zbuloi fushatën e manipulimit të orkestruar nga BDI appeared first on Telegrafi.

Zv.kryeministri për Qeverisje të Mirë, Arben Fetai, sot në konferencë për shtyp tha se nga 1 janari 2026 do të hyjnë në fuqi ligje të reja për administratën publike, me të cilat do të shfuqizohet titulli “bashkëpunëtor i ri” dhe “referent i ri”. Ai tha se këto dy terme kanë poshtëruar shqiptarët në çdo zyrë shtetërore.

“Qeveria VLEN ka marrë një vendim historik në kuadër të reformës së administratës publike. Me ligjet e reja për administratën publike, do të shfuqizohen përfundimisht titujt diskriminues “pomlad sorabotnik” dhe “pomlad referent”, që për dy dekada poshtruan shqiptarët në çdo zyrë shtetërore. Me VLEN, nuk ka më “bashkëpunëtor të ri”! Nuk ka më “referent të ri”!”.

“Duke filluar nga 1 janari 2026, të gjithë të punësuarit me titullin “bashkëpunëtor i ri” do të avancohen automatikisht në gradën “bashkëpunëtor”. Të punësuarit me titullin “bashkëpunëtor” do të bëhen “bashkëpunëtor profesional”. Ata me arsim të mesëm që mbajnë titullin “referent i ri” ose “referent” do të avancohen në gradën “referent i lartë”. Titulli “referent i lartë” do të zëvendësohet me “referent i pavarur”. Të gjitha këto ndodhin automatikisht, me fuqinë e ligjit, pa procedura shtesë. Këto janë vendim i qartë për dinjitetin e nëpunësve administrativ”.

Ai theksoi se BDI kishte gjithë kohën ta bënte këtë gjë, por nuk deshi apo nuk mundi”.

“Kjo nuk është vetëm drejtësi administrative. Është korrigjim i një padrejtësie historike. Është politikë me integritet. Këtu bëhet fjalë për fuqizimin e shqiptarëve në institucione. Kështu japim një mesazh të qartë: se koha e nënçmimit ka përfunduar.
Tash është koha e respektit dhe e barazisë. Sepse për ne, barazia nuk është slogan fushate, por thelbi i pushtetit. Dhe këtë pushtet ne nuk e përdorim për të sunduar, nënshtruar apo kushtëzua. Pushteti për ne përdoret për të çliruar potencialin e shqiptarëve, për t’ua kthyer shqiptarëve dinjitetin e cunguar”, tha mes tjerash Fetai./Telegrafi/

The post Fetai: Nga 1 janari 2026 hiqen termet “bashkëpunëtor i ri” dhe “referent i ri” në administratën shtetërore appeared first on Telegrafi.