Partia Liberal-Demokrate vlerëson se një takim i liderëve ka kuptim vetëm nëse në të diskutohen reforma thelbësore, e jo, siç thonë ata, zgjidhje tregtare dhe PR.

PLD është e gatshme të marrë pjesë në një takim të tillë, por jo nëse ai reduktohet ekskluzivisht në çështjen e shfuqizimit ose mbajtjes së qeverisë teknike si temë e izoluar dhe boshe, pa përgjigje për pyetjet kyçe që prekin drejtpërdrejt jetën e qytetarëve.

“Është joserioze që politika të reduktohet në këtë: ‘ne jemi për shfuqizimin’ ose ‘ne jemi kundër shfuqizimit’ të qeverisë teknike. Dhe pastaj çfarë? Nëse shfuqizohet apo nëse nuk shfuqizohet?! A do të ushqehemi më lirë? A do të marrim frymë ajër më të pastër? A do të marrim më shumë mjete të pakthyeshme nga Bashkimi Evropian? A do ta zgjidhim më në fund korrupsionin? Nëse përgjigjja është jo – atëherë tema në vetvete është boshe. Pse disa ministri po vonohen me realizimin e agjendës reformuese? Deri ku ka arritur paketa e reformave sistemore që duhet ta çojë shtetin përpara? Qytetarëve u ka ardhur në majë të hundës nga deklaratat parciale dhe zgjidhjet ad-hok. Një qasje e tillë tregon se qytetarët nuk janë pikë interesi, por vetëm mjet për dominim mediatik”, thonë nga PLD.

Ata shtojnë se Maqedonisë nuk i duhen 120, por 90 deputetë. Maqedonisë nuk i duhen 25, por 15 ministri funksionale.

"Maqedonisë nuk i duhen grumbuj anëtarësh të bordeve drejtuese dhe mbikëqyrëse, as një ushtri zëvendësdrejtorësh. Maqedonisë i duhen më shumë para në xhepat e qytetarëve. Maqedonisë nuk i duhet qeveri teknike, por një sistem efikas, racional dhe i depolitizuar – një njësi zgjedhore, lista të hapura dhe mundësi që qytetarët vetë të vendosin se kush do t’i përfaqësojë", thuhet në reagimin e partisë.

Arrestohet pronari i resortit të skive në Zvicër, ku 40 persona humbën jetën si pasojë e flakëve që përfshiu resortin natën e ndërrimit të viteve.

Krahas 40 viktimave zjarri në barin Le Constellation në resortin e skive në Crans-Montana la të plagosur 116 persona. Shumica e të vdekurve ishin adoleshentë.

Prokurorët kanë thënë se besojnë se zjarri nisi kur njerëzit po festonin Vitin e Ri dhe kishte shampanja me fishekzjarrë, duke ndezur shkumën izoluese në tavanin e podrumit të barit.

Që nga viti 2019 nuk ishin kryer inspektime sigurie në barin zvicerin ku një zjarr vrau të paktën 40 persona dhe plagosi qindra të tjerë natën e ndërrimit të viteve.

Kryebashkiaku i Crans Montana tha se inspektimet e zjarrit duhet të kryhen çdo vit në baret e qytetit dhe se i fundit në vitin 2019 në barin luksoz të resortit të skive, kishte qenë pozitiv.

Shkuma e izolimit akustik në tavan konsiderohej e pranueshme në atë kohë dhe një alarm zjarri nuk ishte i nevojshëm për shkak të madhësisë së barit, shtoi kryebashkiaku.

Prokurorët kanë thënë se zjarri që u përhap me shpejtësi në orët e para të 1 janarit ka të ngjarë të jetë shkaktuar nga fishekzjarrët në shishet e shampanjës, që i vunë zjarrin tavanit, i cili ishte i mbuluar me një material shkumë të përdorur për izolim akustik./abcnews.al

Modelja amerikane Emily Ratajkowski shkaktoi reagime të shumta nga përdoruesit e rrjeteve sociale për shkak se publikoi një video duke bërë twerk, e më pas një foto nga një xhami në të cilën mban shami.

"New Yorku i Mamdanit", tha ajo në përshkrimin e postimit në Instagram. Shumë e kritikuan për këtë veprim, duke thënë se i kishte ofenduar myslimanët.

"Sllajdi i dytë është bërë në Xhaminë Sheikh Zayed në Abu Dhabi, ku jetoj. Nuk jam fetar dhe gjithmonë kam qenë një fans i yti, por dreqi qoftë... Trego pak respekt", "Mund të bësh çfarë të duash me trupin tënd. Askush nuk po debaton për këtë. Ajo që vihet në dyshim është zgjedhja jote për ta shoqëruar atë me një foto të bërë në një vend të shenjtë për gratë myslimane. Kjo nuk është e guximshme apo progresive, është thjesht mungesë respekti", "E tmerrshme", janë disa nga komentet.

Ajo ende nuk ka folur për reagimet që ka marrë. Më parë ajo ka mbështetur Zohran Mamdani-n, i cili është kryebashkiaku i parë mysliman i Nju Jorkut.

Emily Ratajkowski i ka shprehur pikëpamjet e saj politike edhe në rrjetet sociale në vitet e kaluara. Ajo mbështeti Bernie Sanders në zgjedhjet e viteve 2016 dhe 2020. /Telegrafi/

Kriteret për pushim mjekësor do të rishikohen, kështu deklaroi sot drejtori i përgjithshëm i Fondit të për Sigurim Shëndetësor (FSSH), Sasho Klekovski.

"Po punojmë në një rishikim të kritereve për pushim mjekësor, ku është e nevojshme të arrihet një ekuilibër midis nevojës për qasje të lehtë në pushim mjekësor për ata që kanë nevojë, dhe nga ana tjetër, për të parandaluar keqpërdorimet", tha ai.

Ai theksoi se ka një numër të konsiderueshëm keqpërdorimesh të pushimit mjekësor.

“Jemi të lodhur nga kryerja e kontrolleve të vazhdueshme me kërkesë të firmave ose institucioneve për kontrollet e pushimeve mjekësore", shtoi Klekovski.

Këto deklarata Klekovski i bëri pas lidhjes së marrëveshjes midis FSSH dhe Fakultetit të Shkencave Natyrore, me të cilën Laboratori për Biologji Molekulare dhe Gjenomikë do të fillojë të kryejë procedurat më moderne të diagnostikimit molekular, duke përfshirë analizat gjenetike për sëmundjet onkologjike.

Guvernatori i Bankës Popullore, Trajko Sllaveski, njofton se inflacioni në Maqedoni do të ulet në 2.5% këtë vit, dhe më pas do të kthehet gradualisht në mesataren historike prej rreth 2%.

Ndërsa Banka Popullore pret stabilizim të çmimeve, Enti Shtetëror i Statistikave në raportin e saj të fundit për dhjetorin 2025 tregon se kostoja e jetesës është rritur me 4.1% brenda një viti.

Sipas Sllaveskit, ekonomia vendase deri më tani ka treguar qëndrueshmëri ndaj rreziqeve globale dhe trendet pozitive do të vazhdojnë edhe këtë vit.

Një rol të rëndësishëm, thotë ai, do të luajnë investimet publike në infrastrukturën rrugore dhe hekurudhore, si dhe projektet lokale të infrastrukturës.

"Ne presim një rimëkëmbje të fortë të ekonomisë, të nxitur nga investimet publike dhe private, veçanërisht në sektorët e prodhimit dhe energjisë.

Një shtysë shtesë do të jepet nga fluksi i investimeve të huaja direkte", tha guvernatori në një deklaratë për revistën "Ekonomia dhe Biznesi"./Telegrafi/

Kryeministri i RMV-së, Hristijan Mickoski nuk do t'i kërkojë falje prokurores Lençe Ristovska me arsyetimin se nuk ja ka përmendur emrin e saj në intervistë.

Në përgjigjen ndaj pyetjes së “Sloboden Peçat” drejtuar Qeverisë, nëse Mickoski do t’i kërkojë falje Ristoskas pasi e quajti “mediokre” dhe pasi e mbështeti konstatimin e gazetares, e cila tha se Ristoska është pjesë e një “matrice klienteliste-politike”, si dhe nëse kjo paraqet presion ndaj saj që të zhbllokojë pasurinë e partisë dhe të heqë dorë nga ndjekja penale, nga Qeveria thanë se është e çuditshme se si Ristoska e ka njohur veten në atë intervistë.

Këshilli i Prokurorëve Publikë do të hap procedurë pas deklaratave “mediokre” të Mickoskit ndaj Ristoskës

“Në lidhje me pyetjen tuaj gazetareske, ju informojmë se kryeministri Hristijan Mickoski në intervistë nuk e ka përmendur Lençe Ristoskan me emër dhe mbiemër. Ai ka folur për mediokritete dhe është e çuditshme se si Lençe Ristoska u vetë-njoh në atë intervistë” thuhet në përgjigjen e shkurtër të Qeverisë.

Prokurorja kërkoi nga Mickoski falje publike pas intervistës së tij për “vecer.mk”, ku Mickoski foli se pas ndryshimeve në Kodin Penal të propozuara nga deputetë të OBRM-PDUKM-së, më zëshëm kishin reaguar disa individë nga ish-Prokuroria Speciale Publike (PSP).

Postimi i ri i Emily Ratajkowski, në të cilin ajo shprehu mbështetjen e saj për kryetarin e ri të bashkisë së Nju Jorkut, Zohrab Mamdani, ka shkaktuar reagime në rrjetet sociale. Modelja dhe aktorja 34-vjeçare ndau një postim në Instagram, i cili, megjithatë, për shumë njerëz kufizohej me mungesë respekti.

Në pjesën e parë të postimit, Ratajkowski shfaqet në një video duke bërë twerk brenda një dyqani, në korridorin e patateve të skuqura, e veshur me një fund të zi transparent dhe një bluzë të shkurtër me shpinë të hapur. Videoja u shoqërua me një referencë të qartë për “Nju Jorkun e Mamdanit”, disa ditë pas inaugurimit të kryetarit të ri të bashkisë, i cili u zgjodh si kandidat i Partisë Demokratike dhe është kryetari i parë mysliman në historinë e qytetit.

Megjithatë, reagimet u intensifikuan kur përdoruesit panë foton e dytë në postim. Në të, Ratajkowski shfaqet me një stil krejtësisht të ndryshëm, e veshur me një hixhab të bardhë, gjatë vizitës së saj në Xhaminë Sheikh Zayed në Abu Dhabi.

I njëjti postim përfshinte një foto të tretë, në të cilën Ratajkowski pozon për një selfie me një bluzë të bardhë të ngritur lart, duke zbuluar dekoltenë e saj, të cilën ajo u sigurua ta priste diskret. Postimi përfundoi me një foto nga Halloween, ku ajo pozon me djalin e saj katërvjeçar, Sylvester Apollo Bear, ndërsa ecin në rrugë për festën e zakonshme “truck-or-treat”.

Në komente, disa përdorues e quajtën kombinimin e imazheve të pafat dhe fyes. “Kontrasti midis dy fotove të para është disi i pa respekt”, shkroi një komentues, ndërsa një tjetër vuri në dukje: “E fyen hixhabin në atë mënyrë”. Pati edhe reagime më të ashpra, me komente që akuzonin modelen se thjesht kërkonte vëmendje.

Në të njëjtën kohë, nuk munguan komentet pozitive ose humoristike. Disa përdorues thanë se e gjetën videon argëtuese, me komente të tilla si “patate të skuqura nuk dukeshin kurrë kaq mirë”.

Zohrab Mamdani mori zyrtarisht detyrën si kryetar bashkie i Nju Jorkut më 1 janar , në një stacion historik metroje në Manhattan, duke vendosur dorën mbi Kuran. Zgjedhja e tij u konsiderua historike, pasi ai është kryetari i parë mysliman i qytetit.

 

View this post on Instagram

 

A post shared by Emily Ratajkowski (@emrata)

The post Postimi provokues i Emily Ratajkowski-t: Twerk dhe hixhab për kryebashkiaken e re të New York appeared first on iconstyle.al.

Zëvendëskryeministri dhe ministri i Transportit, Aleksandar Nikolloski, informoi se në nivel të gjithë vendit të gjitha drejtimet rrugore janë të kalueshme dhe nuk ka asnjë bllokim, pavarësisht reshjeve të borës.

Nikolloski theksoi se aktualisht po mbulohen dy seksione kryesore, ai i Kosovrastit dhe Mavrovës, ndërsa në terren janë angazhuar të gjitha kapacitetet e ndërmarrjes publike “Rrugët e Maqedonisë”, si dhe kompani private që ndihmojnë në pastrimin e borës.

“Dua t’i përgëzoj ekipet e ‘Makedonija Pat’, këta njerëz punëtorë që me përkushtim i mbajnë rrugët të pastra dhe të kalueshme. Të gjithë kamionët janë vënë në funksion dhe puna po zhvillohet pa ndërprerje,” deklaroi Nikolloski.

Ai u bëri apel qytetarëve që të jenë të kujdesshëm gjatë vozitjes, të përshtatin shpejtësinë sipas kushteve në rrugë dhe të përdorin goma dimërore, si dhe zinxhirë aty ku është e nevojshme, në përputhje me rekomandimet e institucioneve përgjegjëse, me qëllim të garantimit të një trafiku të sigurt.

Sipas tij, kushtet e tilla atmosferike pritet të vazhdojnë edhe në ditët në vijim, ndërsa institucionet do të jenë në komunikim dhe koordinim të vazhdueshëm për të siguruar zhvillimin normal të trafikut në të gjithë vendin, veçanërisht pas përfundimit të festave, në mënyrë që aktivitetet ekonomike të mos pengohen.

"Për fat të keq kemi opozitë të papërgjegjshme dhe jokontruktive dhe pa ide", tha kryeministri Hristijan Mickoski duke komentuar refuzimin e Venko Filipçes për pjesëmarrje në takimin e liderëve, ku pritet të diskutohet për heqjen e qeverisë teknike dhe konsensus mbi ligjet reformuese.

Mickoski thotë se pushteti ka shumicë për ta shfuqizuar vetë qeverinë teknike, por që ka dashur që procesi të jetë gjithëpërfshirës.
“Ne me 61 deputetë në Kuvend mund ta ndryshojmë Ligjin për Qeverinë dhe ta fshijmë qeverinë teknike. Nuk kemi nevojë për mednimin e opozitës, por ne duam që procesi të jetë gjithëpërfshirës, edhe pse kemi shumicë të kryetarëve të komunave. Më shumë se 90% e kryetarëve të komunave janë nga koalicioni qeverisës, rreth 2/3 shumicë në Kuvend. Kështu që, nëse do të donim të silleshim në mënyrë të papjekur dhe papërgjegjshme, mund ta bënim këtë pa atë takim liderësh”, tha mes tjerash Mickoski.

I pyetur nëse takimi i liderëve ka të bëjë me zgjedhje të parakohshme parlamentare, Mickoski tha se zgjedhjet nuk i ka prioritet.

Filipçe: Nuk ka marrëveshje me kriminelët, Mickoski kërkon alibi për shpalljen e zgjedhjeve të parakohshme

“Prioriteti ynë siç thash, janë reformat dhe projektet. Nuk i kemi prioritet zgjedhjet. Qytetarët më herët në zgjedhjet lokale qartë treguan se ku është mbështetja, më pak se një vjet e gjysmë qartë e thanë edhe në zgjedhje parlamentare dhe presidenciale se cilin opsion politik e mbështesin”, theksoi Mickoski.

Mickoski tha se pavarësisht refuzimit nga LSDM, formalisht sot dhe nesër do të dërgohen ftesat deri tek liderët e partive politike, ndërsa takimi pritet të mbahet më 14 janar në ora 12, në Klubin e deputetëve. Kreu i ekzekutivit tha se mes tjerash, në takim pritet të diskutohet edhe për çështjen e Avokatit të Popullit./tv21/

Me qëllim hapjen e një dialogu për çështjet kyçe politike, kryeministri Hristijan Mickoski ka paralajmëruar se nesër do t’u dërgojë ftesa të gjitha partive politike për mbajtjen e një takimi liderësh.

Sipas paralajmërimeve, takimi do të mbahej brenda shtatë deri në dhjetë ditë, para nisjes së tij drejt Forumit Ekonomik Botëror në Davos, ndërsa fokusi do të vihej në sigurimin e konsensusit për ligjet reformuese dhe mundësinë e shfuqizimit të qeverisë teknike.

Në intervistën e Krishtlindjes për TV Alfa, Mickoski shprehu pritjen që të gjithë liderët e koalicioneve parlamentare ta pranojnë ftesën, duke theksuar se rendi i ditës mund të plotësohet dhe zgjerohet edhe me propozime nga pjesëmarrësit.

Kryeministri theksoi se për çështjet me rëndësi thelbësore për shtetin është i domosdoshëm një marrëveshje më e gjerë politike, veçanërisht në kontekstin e integrimit evropian.

"Të bisedojmë për Avokatin e Shtetit dhe për të gjitha temat e tjera. Të tregojmë pjekuri politike kur para nesh qëndron qëllimi – anëtarësimi në Bashkimin Evropian. Për ligjet tashmë ka mendime pozitive edhe nga Komisioni i Venecias edhe nga Zyra e Komisionit Evropian, prandaj nuk ka arsye të mos ulemi dhe të bisedojmë hapur", theksoi Mickoski.

Sa i përket qeverisë teknike, ai rikujtoi se edhe përfaqësues të LSDM-së para zgjedhjeve të fundit kishin shprehur qëndrimin se ajo nuk është më e nevojshme. Sipas tij, qeveria aktuale tregon një përfshirje më të madhe, gjë që është veçanërisht e rëndësishme në një periudhë kur po zbatohen reforma thelbësore të sistemit politik dhe reforma që lidhen me procesin e anëtarësimit në BE, për një pjesë të të cilave është i domosdoshëm konsensusi.

"Para zgjedhjeve, udhëheqja e LSDM-së thoshte se ishte për shfuqizimin e qeverisë teknike, ndaj mbetet të shihet nëse do të qëndrojnë në atë qëndrim. Nuk do të doja të hynim në këto ndryshime pa një marrëveshje të gjerë, sepse mendoj se ndryshimet në sistemin politik duhet të miratohen me konsensus. Nëse ekziston pajtimi se qeveria teknike e pengon sistemin dhe hap dilema kushtetuese, atëherë duhet t’i bëjmë këto ndryshime së bashku", tha kryeministri Mickoski.

Kryeministri i vendit, Hristijan Mickski tha sot se po konfirmohen tezat se kërkesa që bullgarët të jenë në Kushtetutë nuk është kërkesa e vetme që e kanë ata, por ridefinim të plotë të identitetit maqedonas.

“Mua kjo nuk më habitë, nuk e di nëse dikë e habitë kjo në shtet. Vetëm i konfirmojnë ato teza të cilat i patëm nga çasti i parë se nuk është vetëm bullgarët në Kushtetutë kërkesa e vetme por ridefinim i plotë i identitetit maqedonas. Por këto janë ditë kur duhet të falim, të bashkohemi edhe si popull edhe si komb dhe mendoj se përfundimisht si popull do të kuptojmë, pa dallim nëse jemi në pushtet apo në opozitë se për disa çështje vetëm duhet të jemi së bashku”, deklaroi kryeministri Mickoski.

Bullgaria para disa ditësh nuk e pranoi Propozim – Planin e aksionit për pakicat sepse, siç u kumtua, ishte shkruar në gjuhën maqedonase.

Plani i aksionit për avancim të të drejtave të pakicave, që është në verzionin punues, është përgatitur në pajtim me paragrafin 35 të kornizës negociuese për vendin, e miratuar nga Këshilli i Bashkimit Evropian më 18 korrik 2022.

Kryeministri Hristijan Mickoski pret që inflacioni të jetë diku 4% në nivel vjetor.

Mickoski paralajmëron ndryshime ligjore, me çka pritet të ketë gjoba më të larta për rrjetet e marketeve që manipulojnë me çmimet.

“Mendoj se rreth 4 për qind do të jetë inflacioni i vitit. Këtë e flasim me muaj, dhe atë që ne e bëjmë, janë kontrollet e shpeshta të Inspektoratit Shtetëror të Tregut.

Kontrolle të shpeshta të Komisionit për Mbrojtje të Konkurrencës. Do të propozojmë ndryshime ligjore për vitin e ardhshëm, me gjoba më të mëdha, për të gjitha rrjetet e supermarketeve që po manipulojnë me Ligjin për Praktika të Padrejta Tregtare, për disa prej rrjeteve tashmë kemi dëshmi, dhe mendoj se nëse vazhdojnë ashtu, do të duhet t’i vendosin dry derës”, tha Mickoski.

Vetëm i vërtetojnë ato teza që i kemi pasur nga momenti i parë, se nuk janë bullgarët në Kushtetutë kërkesa e vetme, por ridefinim i plotë i identitetit maqedonas, tha kryeministri Hristijan Mickoski në pyetjen se si e komenton reagimin e Ministrisë së Jashtme bullgare, ku nuk përmendet gjuha maqedonase.

Mikcoski i bëri thirrje opozitës për bashkim në çështjen ndaj Bullgarisë dhe në mbrojtje të interesave kombëtare maqedonase.

“Por këto janë ditë kur duhet të falim, të bashkohemi, të bëhemi bashkë si popull dhe si komb. Mendoj se përfundimisht si popull do të kuptojmë se pa dallim nëse jemi në pushtet apo opozitë, për disa çështje, thjesht duhet të jemi bashkë. Më vjen keq që ndodhi që qeveria e kaluar hyri në atë aventurë në atë mënyrë dhe e bllokoi procesin eurointegrues të shtetit.

Më vjen keq që e pranoi kapitullimin, respektivisht ultimatumin e fqinjit lindor, në vend që të na dëgjonin edhe atëherë, po ja serish apeloj te opozita, është shtrirë dora. Le të heqin dorë nga ato teza që i dëgjojmë në publik dhe përfundimisht le të dalin në mbrojtje të interesave kombëtare maqedonase”, tha Mickoski.

Zëvendëskryeministri dhe ministri i Transportit, Aleksandar Nikolloski, ka publikuar në profilin e tij në Facebook një video nga autostrada Ohër–Kërçovë, me të cilën thekson se pjesa më e madhe e kësaj autostrade është praktikisht e përfunduar.

Ai njoftoi se 40 kilometra të kësaj trase tashmë janë vënë në funksion.

Postimi i plotë:

“Shikoni këtë video të bukur nate nga një pjesë e autostradës Ohër–Kërçovë.

40 kilometra tashmë janë në funksion.

Shpresoj që një numër i madh i qytetarëve të Maqedonisë do të udhëtojnë nëpër këtë autostradë drejt Jerusalemit Ballkanik – Ohrit, për këtë Krishtlindje.

Urime për të gjithë punëtorët e palodhur që u përkushtuan ndërtimit të saj!

Gëzuar Krishtlindjet dhe Buzmin, për shumë vite!”

Dhjetëra skiatorë krijuan një zemër në shpatet e Crans-Montana për të vajtuar viktimat e zjarrit vdekjeprurës në bar në natën e Vitit të Ri.

Dyzet persona u vranë në barin ku filloi zjarri, ndërsa 116 të tjerë u plagosën.

Prokurorët zviceranë kanë hapur një hetim penal ndaj menaxherëve të barit Le Constellation.

Kryetari i bashkisë thotë se bari Le Constellation nuk kishte pasur asnjë kontroll sigurie, hetim apo auditim për pesë vjet.

TIRANË, 5 janar /ATSH/ Ministri i Turizmit, Kulturës dhe Sportit, Blendi Gonxhja, ndau një postim vlerësues për paraqitjet e skiatores kuqezi Lara Colturi në arenën ndërkombëtare, duke theksuar renditjen e saj si e treta në sllallom dhe e teta në renditjen e përgjithshme të Kupës së Botës në Ski për femra.

Sipas ministrit, këto rezultate konfirmojnë një sezon me standarde të larta performance dhe konkurrencë të fortë në arenën ndërkombëtare.

“Këto pozicionime reflektojnë vazhdimësinë, qëndrueshmërinë dhe nivelin e lartë të garimit mes sportisteve më të mira të botës, si edhe praninë e konsoliduar në elitën e garave të skive alpine”, thekson Gonxhja.

Këtë fundjavë u zhvilluan dy garat e radhës të Kupës së Botës për femra, të zhvilluara në Kranjska Gora të Sllovenisë.

Lara Colturi u rendit në vendin e 6-të në sllallomin gjigant të shtunën, ndërsa në garën e sllallomit të së dielës nuk arriti ta përfundojë provën.

Pas përfundimit të etapës së 17-të të Kupës së Botës në Ski (nga 37 etapa gjithsej), skiatorja 19-vjeçare mban vendin e 8-të në renditjen e përgjithshme me 402 pikë.

Ajo ka grumbulluar 280 pikë në sllallom, ku renditet e treta, ndërsa në sllallomin gjigant ka 122 pikë.

Po ashtu, Lara Colturi kryeson renditjen e kategorisë “Yjet e së ardhmes”, e shkëputur ndjeshëm nga rivalet, duke konfirmuar perspektivën e saj si një nga emrat më premtues të skive alpine në nivel botëror.

1 nga 3

/gj.m/r.e/a.f/

The post Gonxhja: Lara Colturi konfirmon sezon elitar në Kupën e Botës në Ski appeared first on Agjencia Telegrafike Shqiptare.

Vazhdon hetimi për incidentin tragjik në të cilin një fëmijë dyvjeçar humbi jetën nga një plumb i humbur në natën e Vitit të Ri, thotë Ministri i Brendshëm Pançe Toshkovski, përcjell Telegrafi Maqedoni.

Ministri konfirmoi se analizat mjeko-ligjore deri më tani kanë përcaktuar se vdekja e fëmijës ishte rezultat i një plumbi të humbur dhe jo i një sulmi të drejtpërdrejtë.

Ai theksoi se policia po ndërmerr të gjitha hapat për të gjetur autorin e krimit, megjithëse pranoi se raste të tilla janë jashtëzakonisht të vështira për t'u zbuluar dhe identifikuar.

"Ajo që është bërë zyrtare deri më tani është se është një plumb i konfirmuar nga autoritetet kompetente. Nuk është një plumb i drejtuar drejtpërdrejt fëmijës, por një plumb i humbur. Po bëjmë gjithçka për të përcaktuar një autor specifik, por në këtë situatë këto janë raste mjaft të vështira për të zbuluar dhe zbuluar autorin", tha Toshkovski në përgjigje të pyetjes së një gazetari në konferencën e sotme për shtyp me Ministrin e Shëndetësisë Azir Aliu.

Lidhur me akuzat nga prindërit e fëmijës së ndjerë për brutalitet policor po atë mbrëmje, Toshkovski sqaroi se policia ndërhyri në Spitalin e Qytetit të Shkupit pas një telefonate nga stafi i spitalit./Telegrafi/

Kryeministri i RMV-së, Hristijan Mickoski njofton se një investitorë ka shprehur dëshirë për të investuar në Kodrën e Diellit

"Mendoj se jemi në rrugë të mirë, të mos them jam i sigurt! Bëhet fjalë për investitorë shumë seriozë", tha kryeministri Hristijan Mickoski në Kodër të Diellit.

Ai tha se si qeveri janë afër marrëveshjes me investitorë të huaj, të cilët pritet ta shndërrojnë Kodrën e Diellit në një nga destinacionet më të kërkuara dimërore në Evropë, përcjell TV21.

“Kemi për qëllim që në afat të shkurtër të sjellim investitor që do të investojë, bashkë me shtetin, kuptohet. Dhe do ta bëjë atë që për të gjithë ne paraqet ëndërr dhe qëllim, që Kodra e Diellit të bëhet qendra më e bukur dimërore në këtë pjesë të Evropës. Që do të jetojë 365 ditë në vit, e jo vetëm disa muaj gjatë sezonit dimëror. Kodra e Diellit, sipas mundësive që ofron, nëse krahasohet me qendrat më të mira të turizmit dimëror në alpe, ka për 10 km më shumë mundësi për ndërtim të shtigjeve për skijim. Nga Aeroporti Ndërkombëtar, për 45 minuta, ju jeni me këpucë të skive në shtigje. Disa muaj në dimër kemi borë natyrale”, deklaroi Mickoski.

Sa i përket ndërtimeve pa leje në këtë qendër skijimi, Mickoski tha se nuk do të sjellin ligj për legalizimin e të njëjtave.

“Nëse flisni për ndërtimet e egra, dhe nëse mendoni për ligj për legalizim të ndërtimeve pa leje, aso qëllime nuk kemi, as nuk planifikojmë që të mendojmë në atë drejtim. Atë që mund të them është që ndërtimet pa leje të mos bëhen, për shkak se shteti ka mekanizma për ta parandaluar këtë”, shtoi Mickoski.

Partia e Konceptit Maqedonas, udhëhequr nga Petar Bogojeski, përshëndet hapin historik të ndërmarrë nga Polonia dhe Republika Çeke, të cilat e kanë ligjëruar propagandën komuniste në propagandën naziste, duke parashikuar dënime me burg për promovimin dhe financimin e saj.

Kjo parti beson se këto vende janë një udhërrëfyes për integrimin tonë të plotë në BE dhe se Maqedonia duhet të miratojë të njëjtën zgjidhje ligjore.

“Hapi i parë është të miratohet një rezolutë në Kuvendin e Maqedonisë, me të cilën Maqedonia do të tregojë se po ndjek këtë shembull evropian të Polonisë dhe Republikës Çeke. Hapi tjetër është të miratohet një ligj që do të mbushë boshllëkun ligjor që lejoi glorifikimin e një regjimi totalitar që kreu shtypje sistematike, likuidime pa vendime gjyqësore dhe persekutim të patriotëve maqedonas. Ndërsa Evropa po pastron shoqëritë e saj nga mbetjet e totalitarizmit, në vendin tonë ende po dëshmojmë përpjekje për të rehabilituar të kaluarën e përgjakshme dhe abuzimin e saj për qëllime politike.

Kërkesat tona kryesore janë:

Kriminalizimi i simboleve komuniste dhe ndalimi i përdorimit të tyre publik, si dhe fjalimet dhe tubimet që nxisin urrejtje ose shtypin të drejtat themelore të njeriut duhet të trajtohen njësoj si ideologjia naziste;

Ndalimi i financimit të totalitarizmit. Çdo lëvizje ose subjekt politik që promovon në mënyrë të qartë ide që çojnë në sundim totalitar dhe heqjen e lirive demokratike duhet t'i nënshtrohet sanksioneve dhe ndjekjes penale të rrepta;

Drejtësi historike përmes njohjes zyrtare të krimeve të kryera nga regjimi komunist në Maqedoni si bazë për mbrojtjen institucionale të brezave të ardhshëm dhe prejardhjen dhe konfiskimin e privilegjeve ekonomike dhe politike të të ashtuquajturve baronë të kuq, të cilat u fituan përmes sundimit të regjimit dhe ruhen pa pengesa", thonë nga partia e Bogojeskit./Telegrafi/

Ministri i Bujqësisë, Pylltarisë dhe Ekonomisë së Ujërave, Cvetan Tripunovski, thotë se sezoni i fundit dhe parafundit i blerjes së duhanit janë ndër më të suksesshmit deri më tani.

Në një intervistë për emisionin “Agrar”, Tripunovski thekson se çmimi mesatar i blerjes është rreth 420 denarë.

“Në të kaluarën pamja ishte traktorë në rrugë, pakënaqësi dhe çmime blerjeje shumë më të ulëta se sot. Sot kemi blerje të duhanit ku, në përputhje me cilësinë, shkohet në klasë të parë pa zbritje. Çmimi mesatar i 21 milionë kilogramëve duhan të blerë deri tani është 419,84 denarë”, theksoi ministri Tripunovski.

Ai kujtoi se gjatë këtij viti prodhuesit e duhanit përfituan edhe naftë të gjelbër si masë stimuluese dhe kompensuese për shpenzimet e prodhimit. Gjithashtu, në Program u përfshi edhe masa për sipërfaqe, prej 6.000 denarësh për hektar, që përfaqëson një stimul shtesë, përkatësisht të ardhura shtesë për prodhuesit e duhanit.

“Kur gjithçka përmblidhet, arrijmë në një shumë mbi 500 denarë për kilogram, që vitin e kaluar përfaqësonte një arritje rekord”, theksoi ministri.

Ministri Tripunovski theksoi se po e ndjek zërin e prodhuesve të duhanit dhe se te ata ka kënaqësi, por paralajmëroi edhe hapa shtesë për përmirësimin e sektorit.

“Pas festave do të punohet në saktësimin e mëtejshëm të disa dispozitave ligjore në Ligjin për duhanin dhe produktet e duhanit, me qëllim eliminimin e mangësive që i kemi vërejtur në periudhën e kaluar”, paralajmëroi ai.

Ministri shtoi se do të formohet një grup pune ku do të marrin pjesë përfaqësues nga Shoqata e prodhuesve të duhanit dhe nga blerësit, me qëllim që sezoni i ardhshëm i blerjes të jetë edhe më i rregulluar dhe më i suksesshëm.