Viti 2025 ka qenë një nga vitet më të trazuara në botën e showbizit ndërkombëtar.

Ndërsa disa yje shijuan suksese dhe projekte të mëdha, shumë të tjerë u përballën me skandale serioze që vunë në pikëpyetje reputacionin, karrierën dhe jetën e tyre personale.

Nga akuza për ngacmime seksuale e deri te procese gjyqësore të bujshme, ky vit tregoi edhe një herë se fama shpesh shoqërohet me presion, polemika dhe pasoja të rënda.

Gjykatat, rrjetet sociale dhe mediat ndërkombëtare ishin skena kryesore ku u zhvilluan këto ngjarje, ndërsa publiku ndoqi çdo detaj me interes të madh. Shumë prej këtyre rasteve vazhdojnë të kenë ndikim edhe përtej vitit 2025, duke u shndërruar në çështje që pritet të marrin zgjidhje përfundimtare në vitet në vijim.

Më poshtë janë disa nga skandalet më të bujshme që shënuan vitin 2025 dhe që lanë gjurmë të forta në industrinë e argëtimit:

Blake Lively dhe Justin Baldoni

Blake Lively dhe Justin Baldoni

Një nga betejat ligjore më të përfolura të vitit ishte ajo mes Blake Lively dhe Justin Baldoni, ish-regjisor dhe bashkë-punëtor në filmin "It Ends With Us".

Blake e paditi Baldonin për ngacmim seksual duke kërkuar 161 milionë dollarë dëmshpërblim për dëme personale dhe financiare.

Në përgjigje, Baldoni paraqiti një kundërpadi prej 400 milionë dollarësh për shpifje dhe shantazh, por kjo u hodh poshtë nga gjykata.

Procesi kryesor për sjellje të papërshtatshme pritet të nisë në maj 2026, duke mbajtur ende të ndezur vëmendjen e mediave.

Diddy

P.Diddy

Reperi dhe biznesmeni i njohur u dënua me katër vjet e dy muaj burg federal për lidhje me prostitucion, pas një hetimi që fillimisht përfshinte akuza për trafikim seksual dhe organizim kriminal.

Gjatë qëndrimit në burgun federal 'Fort Dix', Diddy është angazhuar në programe rehabilitimi dhe ka organizuar edhe klasa për të burgosurit e tjerë.

Sipas zëdhënësit të tij, ai është i përkushtuar ndaj ndryshimit personal dhe disiplinës.

Coldplay 'Kiss Cam'

Skandali në koncertin e "Coldplay"

Një moment i sikletshëm gjatë një koncerti të "Coldplay" në Boston u shndërrua në një nga incidentet virale të vitit.

Një çift u kap duke u përqafuar në 'Kiss Cam', duke tentuar më pas të fshehë fytyrat.

U zbulua se bëhej fjalë për Andy Byron, drejtues i një kompanie dhe Kristin Cabot, shefe e burimeve njerëzore në të njëjtën kompani.

Skandali përfundoi me largimin e tyre nga puna dhe një reagim kreativ nga kompania, e cila përfshiu Gwyneth Paltrow në një reklamë promovuese.

Russell Brand

Russell Brand

Komediani u përball me akuza të rënda për përdhunim dhe ngacmime seksuale që datojnë nga vitet 1999–2005.

Akuzat përfshijnë incidente të shumta në Londër dhe në ambiente pune.

Brand i ka mohuar të gjitha pretendimet, ndërsa gjyqi i tij është planifikuar të zhvillohet në qershor 2026, duke mbetur një nga rastet më serioze që pritet të tronditin opinionin publik.

ASAP Rocky

ASAP Rocky

Reperi u shpall i pafajshëm për dy akuza për sulm me armë ndaj një miku të tij të mëparshëm, në një rast që daton nga viti 2021.

Gjatë procesit gjyqësor u argumentua se arma e përdorur ishte një replikë dhe se Rocky kishte vepruar në vetëmbrojtje.

Vendimi u shoqërua me emocione të forta, ku Rihanna shpërtheu në lot dhe reperi e përqafoi atë në sallën e gjyqit.

Sydney Sweeney

Sydney Sweeney

Aktorja shkaktoi polemika të mëdha me fushatën reklamuese të American Eagle me sloganin “Sydney Sweeney Has Great Jeans”. Loja e fjalëve u interpretua nga disa si promovim i eugjenikës dhe supremacisë së bardhë.

Sweeney reagoi duke theksuar se reklama kishte të bënte vetëm me modën dhe stilin personal, duke shtuar se ajo qëndron kundër urrejtjes dhe ndarjes.

Jay-Z

Jay Z

Një padi civile që e akuzonte reperin për përdhunim të një 13-vjeçareje në vitin 2000 u hodh poshtë, duke i dhënë fund një prej akuzave më të rënda ndaj tij. Jay-Z e quajti padinë të pabazuar dhe theksoi rëndësinë e mbrojtjes së viktimave, por edhe të individëve që akuzohen pa prova.

Lily Allen dhe David Harbour

Lily Allen dhe David Harbour

Ndarja e çiftit u shndërrua në një skandal publik, pasi Lily Allen zbuloi tradhti të supozuara dhe e ktheu përvojën personale në art.

Albumi i saj "West End Girl" përmban rrëfime të drejtpërdrejta për dhimbjen, zhgënjimin dhe përjetimet emocionale pas prishjes së martesës.

"MasterChef"

John Torode dhe Gregg Wallace

Emisioni i famshëm i gatimit u përball me një krizë të thellë pasi dy prezantuesit kryesorë, John Torode dhe Gregg Wallace, u shkarkuan pas akuzave për gjuhë raciste, komente seksuale dhe sjellje të papërshtatshme ndaj pjesëmarrësve, duke tronditur publikun.

"Strictly Come Dancing"

Programi "Strictly Come Dancing"

Programi u përfshi në disa skandale serioze, përfshirë akuza për ngacmime seksuale, bullizëm dhe përdorim të drogës.

Situata kulmoi me dorëheqjen e dy prezantuesve kryesorë pas më shumë se dy dekadash në ekran dhe arrestimin e disa pjesëmarrësve për akuza të rënda.

Viti 2025 dëshmoi edhe një herë se fama dhe pasuria nuk garantojnë qetësi dhe stabilitet.

Skandalet e vitit të kaluar do të mbeten një pikë referimi për botën e showbizit dhe një kujtesë se çdo veprim, në sytë e publikut, ka pasoja. /Telegrafi/

Videoja virale e Andy Byron, ish-CEO i Astronomer dhe Kristin Cabot, vazhdon të bëjë bujë në rrjetet sociale. Çifti, të dy të martuar me persona të tjerë, u përkulën shpejt dhe mbuluan fytyrat, duke e bërë Chris Martin të Coldplay të bënte shaka: “Ata ose kanë një aferë… ose janë shumë të turpshëm.” Pasojat ishin personale, si dhe […]

The post Pas tradhtisë së bujshme në koncert, ish-CEO i Astronomer ribashkohet me gruan appeared first on BoldNews.al.

Videoja virale e “kiss cam” që pushtoi internetin vazhdon të jetë kryetitull në media.

Andy Byron, ish-CEO i kompanisë së të dhënave "Astronomer", u detyrua të largohej nga puna pasi u kap nga kamera e puthjes gjatë koncertit të Coldplay në Massachusetts në korrik, me krahët rreth Kristin Cabot, e cila punonte në departamentin e HR të kompanisë së tij.

Të dy, të martuar me partnerë të tjerë, u përpoqën të fshiheshin dhe të mbulonin fytyrat, duke nxitur humorin e Chris Martin të Coldplay, i cili tha: “Ose po kanë një aferë… ose janë shumë të turpshëm”.

Ky moment shpërtheu në rrjetet sociale, duke identifikuar shpejt Byron, 51 vjeç, dhe Cabot, 53 vjeçe, të cilët më pas dhanë dorëheqjen nga punët e tyre përkatëse.

Pasojat ishin jo vetëm profesionale, por edhe personale: gruaja e Byron, Megan, ndryshoi profilin e saj në rrjetet sociale duke përdorur mbiemrin e vajzërisë, Kerrigan, dhe u largua nga shtëpia martësore në Northborough, Massachusetts.

Edhe ish-burri i menaxheres HR, Andrew Cabot, u detyrua të bëjë një deklaratë, duke sqaruar se ai dhe gruaja e tij tashmë ishin duke kaluar procesin e divorcit në kohën e koncertit.

Gjatë afro tre muajve pas skandalit të dyshuar të tradhtisë, Megan Byron ka shmangur mediat duke qëndruar në shtëpinë luksoze pranë plazhit të çiftit në Kennebunk, Maine.

Të martën, DailyMail publikoi fotografi të saj dhe bashkëshortit duke shijuar një piknik gjatë perëndimit të diellit në plazh. Ata ishin ulur në karrige të gjata, veshur me pulovra, duke shijuar pije dhe ushqime të lehta, ndërsa shikonin perëndimin e diellit.

— (@)

Të nesërmen në mëngjes, paparacët i kapën duke ecur ngadalë së bashku, të dy duke mbajtur unazat e martesës. Ata dukeshin të qetë dhe të lumtur duke biseduar.

Statusi i punës aktuale i Byron dhe Cabot nuk dihet. Profilet e tyre online janë hequr plotësisht nga interneti.

Ndërkohë, shtëpia e Byron në Massachusetts duket e braktisur. Dokumentet gjyqësore sugjerojnë se Byron dhe gruaja e tij nuk kanë depozituar kërkesë për divorc në Massachusetts apo Maine.

Së fundmi, një burim i afërt me Cabot i tha revistës People se ajo nuk ka prishur martesën e Byron.

“Kristin dhe Andy kishin një marrëdhënie pune të shkëlqyer, një miqësi të madhe. Nuk kishte asnjë aferë,” tha burimi. “Ishte e papërshtatshme të përqafonit shefin tuaj në një koncert, dhe ajo pranon përgjegjësinë e plotë për këtë. Por skandali, rënia, humbja e punës — të gjitha këto janë të padrejta”. /Telegrafi/

Një moment i vetëm gjatë një koncerti të Coldplay në Boston, ku Andy Byron dhe Kristin Cabot u panë duke u përqafuar në kamerë, shkaktoi një stuhi reagimesh në internet dhe pasoi dorëheqjet e tyre nga kompanitë ku punonin. Byron, 51 vjeç, atëherë CEO i Astronomer, dhe Cabot, 53 vjeç, ish-drejtoreshë burimesh njerëzore dhe e martuar, përkulën për të fshehur fytyrat, por komentet e këngëtarit Chris Martin vetëm sa i intensifikuan spekulimet.

Si pasojë, Byron dha dorëheqje, gruaja e tij Megan ndryshoi mbiemrin dhe u largua nga shtëpia, ndërsa Kristin paraqiti kërkesë për divorc nga bashkëshorti i saj, Andrew Cabot, CEO i markës Privateer.

Megjithatë, Daily Mail raporton se çiftit Byron i është rikthyer qetësia. Andy dhe Megan janë parë së fundmi në një piknik në plazhin e Kennebunk, Maine, të buzëqeshur dhe ende me unazat e martesës në gishta, pa kërkesa divorc në proces. Një zëdhënës i Cabot konfirmoi se ndarja e Kristin dhe Andrew ishte vendosur përpara koncertit dhe se marrëdhënia e Cabot me Byron ishte thjesht miqësore dhe profesionale.

Shtëpia e çiftit Byron në Massachusetts mbetet e boshatisur, dhe fqinjët rrallë i shohin së bashku. Megjithatë, duket se çiftit i është dhënë një mundësi për një fillim të ri, larg kamerave dhe vëmendjes publike, duke treguar se pas skandaleve të mëdha mund të vijë edhe pajtim dhe qetësi personale.

The post Skandali Coldplay: CEO i ‘Astronomer’ ribashkohet me gruan pas përqafimit viral appeared first on iconstyle.al.

Dy muaj pas videos virale ku ish-drejtori ekzekutiv i kompanisë teknologjike Astronomer, Andy Byron, u pa në kamera duke përqafuar kolegen Kristin Cabot gjatë një koncerti të Coldplay, një burim pranë Cabot ka folur për herë të parë për të sqaruar të vërtetën.

Sipas këtij burimi, marrëdhënia mes dy kolegëve ishte “vetëm miqësore dhe profesionale”, dhe përqafimi në koncert nuk ishte shenjë e ndonjë afere. Në atë kohë, Cabot ishte në proces divorci dhe kishte jetuar e ndarë nga bashkëshorti i saj. Edhe bashkëshorti i saj ndodhej në të njëjtin koncert, me një takim tjetër.

“Kristin dhe Andy nuk kishin një marrëdhënie romantike,” thotë burimi. “Ishte një moment i papërshtatshëm në një mbrëmje me miq. Ajo e pranon këtë, por reagimi i publikut ka qenë jashtë çdo mase.”

Pas incidentit, të dy dhanë dorëheqjen nga pozicionet e tyre në Astronomer, mes presionit mediatik dhe zhurmës publike. Sipas burimit, Cabot ka marrë qindra kërcënime dhe është ndjekur nga paparacët, gjë që ka ndikuar rëndë në shëndetin dhe privatësinë e saj dhe familjes.

“Ajo po përpiqet të mbrojë fëmijët e saj dhe të ecë përpara,” thotë burimi. “Kjo histori u fry në mënyrë të padrejtë. Kristin është një njeri i zakonshëm që u kap në një moment jo të mirë.”

The post Përqafimi që shkaktoi divorc, merr një tjetër rrjedhë skandali në koncertin e “Coldplay” appeared first on iconstyle.al.

Ish-CEO i “Astronomer”, Andy Byron, dhe ish-drejtoresha e HR-së, Kristin Cabot, u bënë qendra e vëmendjes gjatë një koncerti të “Coldplay” në Massachusetts, kur u shfaqën në ‘Kiss Cam’ të përqafuar.

Momenti u bë viral menjëherë, duke shkaktuar polemika dhe meme në rrjetet sociale, pasi të dy ishin të martuar me persona të tjerë.

Sipas një burimi pranë Cabot, mes tyre nuk kishte asnjë aferë romantike, por vetëm një miqësi të fortë dhe marrëdhënie pune të mirë.

Foto: TikTok

Cabot pranoi se përqafimi ishte i papërshtatshëm në publik, por theksoi se skandali dhe humbja e punës ishin të padrejta.

“Kristin është etiketuar padrejtësisht si shkatërruese familjeje”, tha burimi.

Incidenti çoi në veprime të menjëhershme nga kompania ku punonin. Byron dha dorëheqjen një ditë pas skandalit, ndërsa Cabot u largua brenda një jave.

Seanca e parë gjyqësore për këtë çështje është caktuar për 1 tetor 2025.

- YouTube www.youtube.com

Sipas burimeve, Cabot kishte depozituar kërkesën për divorc nga burri i saj, Andrew, i cili ndodhej në udhëtim biznesi gjatë koncertit.

Raportohet gjithashtu se Andrew po ashtu ndodhej në të njëjtin koncert për një dalje private, pasi çifti kishte jetuar të ndarë për një kohë.

Momenti i sikletshëm u kthye në objekt talljeje në rrjetet sociale dhe frymëzoi meme të shumta, por Cabot përjetoi edhe pasoja serioze: rreth 900 kërcënime me vdekje dhe incidente të tjera shqetësuese në publik, duke e bërë situatën të vështirë për të dhe familjen e saj.

As Byron, as Cabot nuk kanë bërë ende asnjë deklaratë publike për skandalin.

Foto: Facebook

Ky incident është një shembull i qartë se një moment i vogël publik mund të kthehet shpejt në një skandal global dhe të ndikojë jetën personale dhe profesionale të njerëzve. /Telegrafi/

Një moment i kapur nga “Kiss Cam” gjatë një eventi publik ka ndezur rrjetin, pasi në kamerë u panë CEO Andy Byron dhe drejtoresha e burimeve njerëzore Christine Cabot në një përqafim të afërt, që shumë e interpretuan si provë të një lidhjeje sekrete.

Pamjet u përhapën me shpejtësi, dhe reagimi i parë i Byron ishte heshtja. Por pas rritjes së presionit publik dhe spekulimeve në media, ai doli me një deklaratë të fortë:

“Jemi të pafajshëm. Do të padis të gjithë ata që përhapin shpifje. Unë dhe bashkëshortja ime jemi në proces divorci dhe Christine është gjithashtu e ndarë nga bashkëshorti i saj.”

Sipas informacioneve të publikuara nga “The Post”, Christine Cabot ishte martuar më parë me Kenneth C. Thornby, me të cilin ka një vajzë, dhe divorci i tyre është finalizuar në vitin 2022.

Megjithatë, reagimi i publikut mbetet i ndarë. Ndjekësit në rrjetet sociale nuk janë bindur nga deklaratat, duke komentuar se një njeri i pafajshëm nuk përpiqet të shmangë kamerën kur kapet në një moment të tillë.

Skandali ka vënë në pikëpyetje jo vetëm integritetin e personazheve në fjalë, por edhe mënyrën se si opinioni publik reagon ndaj marrëdhënieve të supozuara në ambiente profesionale.

The post Skandali në ‘Kiss Cam’/ Andy Byron reagon pas videos virale: Ishim të ndarë kur ndodhi appeared first on iconstyle.al.

Kristin Cabot, drejtoreshë e personelit në kompaninë teknologjike amerikane Astronomer, ka dhënë dorëheqjen pas publikimit të një videoje që u bë virale në rrjetet sociale. Pamjet e xhiruara në një koncert të grupit Coldplay e treguan atë duke u përqafuar me drejtorin ekzekutiv të kompanisë, Andy Byron, në një ekran gjigant gjatë eventit. Videoja u […]

The post Videoja e “përqafimit” në koncert i kushton postin, jep dorëheqjen drejtoresha e Astronomer appeared first on BoldNews.al.

Drejtoresha e Burimeve Njerëzore të “Astronomer”, Kristin Cabot, ka dhënë dorëheqjen nga pozita e saj pas një incidenti të papritur që ndodhi në një koncert të Coldplay, ku ajo u filmua duke përqafuar ish-CEO-n e kompanisë, Andy Byron. Pamjet u kapën nga kamera e famshme “kiss cam”, e cila transmetoi momentin në ekranin e koncertit, duke shkaktuar një situatë të sikletshme për të dy personat, pasi ata përpiqeshin të fshiheshin pas incidentit.

Dorëheqja e Kristin Cabot vjen menjëherë pas largimit të Andy Byron, i cili dha dorëheqjen javën e kaluar pasi kompania njoftoi se ai do të pezullohej dhe hetohej për shkak të disa çështjeve të brendshme, transmeton Daily Mail.

Në video, shfaqet Cabot dhe Byron duke përqafuar njëri-tjetrin, përpara se të kuptonin se po transmetoheshin përpara një audience të madhe, duke nxitur një reagim të menjëhershëm nga Chris Martin, vokalisti i Coldplay, i cili komentoi me humor: “Oh, shikoni këta të dy.” Publikumet shpërthyen në të qeshura, ndërsa Martin vazhdoi: “Ose janë në lidhje, ose janë shumë të turpshëm.”

Incidenti shpejt u përhap në rrjetet sociale, duke u bërë objekt i meme-ve dhe ironiave online, duke shkaktuar shumë diskutime dhe komente lidhur me sjelljen e dy figurave të larta të kompanisë. Pas largimit të Byron dhe dorëheqjes së Cabot, ngjarja ka ngritur pyetje për kulturën dhe etikën brenda kompanisë “Astronomer”, ndërkohë që shumë po shikojnë me interes se si do të zhvillohen hetimet dhe çfarë do të ndodhë me të ardhmen e kompanisë./KultPlus.com

Drejtoresha e Burimeve Njerëzore, e cila u pa duke përqafuar kolegun e saj dhe u martua me CEO-n e Astronomer në një koncert të Coldplay, do të qëndrojë në detyrë pasi ai dha dorëheqjen.

Edhe pse Andy Byron dha dorëheqjen gjatë fundjavës pasi marrëdhënia e tij e paligjshme me një koleg u zbulua nëpërmjet një “Kiss Cam”, ajo duket se do të qëndrojë në kompani, me menaxhmentin e ri të përkushtuar për të ecur përpara.

Kristin Cabot, drejtuese e burimeve njerëzore në Astronomer, u pa në mënyrë të famshme në një video me Byron në audiencë në një koncert të Coldplay në Boston javën e kaluar. Reagimi i tyre u bë viral kur ajo i ktheu shpejt shpinën kamerës ndërsa ai fshihej nga kamera, duke e bërë Chris Martin të bënte shaka se ata “ose ishin në një lidhje ose thjesht janë shumë të turpshëm”.

Thuhet se si Byron ashtu edhe Cabot janë të martuar, por asnjëri nuk ka folur publikisht për natyrën e marrëdhënies së tyre. Që nga e mërkura, më 23 korrik, Cabot mbeti i listuar në faqen e internetit të kompanisë si drejtues i burimeve njerëzore, ndërsa Byron është shkarkuar.

Në një deklaratë pas dorëheqjes së Byron të titulluar “Të ecësh përpara në Astronomer”, pasardhësi i tij, Pete DeJoy, pranoi se “ngjarjet e ditëve të fundit kanë marrë një nivel vëmendjeje nga shtypi që pak kompani, e lëre më startup-et në cepin e vogël të botës së të dhënave dhe inteligjencës artificiale ku ndodhemi ne, e kanë përballuar ndonjëherë”.

The post U kap duke përqafuar CEO-n e Coldplay në koncert, drejtoresha mbetet ende në kompani appeared first on iconstyle.al.

Andy Byron, ish-drejtori ekzekutiv i “Astronomer”, i cili u shkarkua pas një incidenti me ish-kolegen Kristin Cabot në një koncert të “Coldplay”, teknikisht mund të përpiqet të padisë grupin, por çdo çështje ligjore do të ishte “e pavlerë”, sipas shumë ekspertëve ligjorë.

Polemika shpërtheu gjatë shfaqjes së Coldplay pranë Bostonit, kur këngëtari kryesor Chris Martin vuri re Byron dhe Cabot në kamerën e puthjeve të stadiumit dhe tha me shaka në mikrofon: “Ose kanë një aferë ose janë thjesht të turpshëm”.

Ajo replikë e vetme, e kapur në video dhe e shpërndarë gjerësisht në internet, ndihmoi në ndezjen e spekulimeve rreth natyrës së marrëdhënies së tyre, spekulime që që atëherë janë përforcuar nga raportet se si Byron ashtu edhe Cabot janë të martuar.

Coldplay accidentally exposed an alleged affair between Astronomer CEO Andy Byron and his colleague Kristin Cabot at one of their recent concerts. pic.twitter.com/hsJHV2u5UM

— Pop Base (@PopBase) July 17, 2025

Me Byronin që tani përballet si me shqyrtim publik ashtu edhe me pasoja profesionale, pasi dha dorëheqjen si drejtor ekzekutiv vetëm disa ditë pas momentit viral, disa kanë spekuluar nëse ai mund të ndiqte veprime ligjore kundër “Coldplay”.

Por avokatët thonë se ka pak shanse për sukses, edhe me strategjitë më “kreative” ligjore.

Lexo po ashtu Grupi “Oasis” u thotë fansave se janë të sigurt pas skandalit në koncertin e “Coldplay”

Padia për shpifje nuk ka gjasa të qëndrojë në gjykatë

Avokati Camron Dowlatshahi i ‘MSD Lawyers’ shpjegoi se e vetmja rrugë e mundshme ligjore për Byron do të ishte shpifja, por është e tepruar.

“Nëse po bëhemi kreativë, një padi e mundshme do të ishte për shpifje, konkretisht për sa i përket karakterizimit të të dyve nga Chris Martin si të lidhur ngushtë me njëri-tjetrin”, tha Dowlatshahi për Page Six.

Por ai theksoi gjithashtu se sa e vështirë do të ishte të provohej një pohim i tillë.

“Asnjë nga këto elementë nuk do të përmbushet”, tha Dowlatshahi . “Pra, çdo pretendim kundër Coldplay do të ishte i pavlerë. Dyshoj shumë se Byron do të donte shqyrtim të mëtejshëm publik duke ngritur një padi pothuajse të pavlerë”.

Avokati Ray Seilie i ‘Kinsella Holley Iser Kump Steinsapir LLP’ u pajtua.

“Komentet e Martinit… nuk e arrijnë pragun për shpifje”, tha Seilie . “E vetmja gjë që do të arrinte një padi nga Byron është se do ta mbante mungesën e tij të maturisë në lajme për një kohë shumë më të gjatë”.

Pretendimet për privatësi nuk do të qëndrojnë gjithashtu

“Nuk ka asnjë pritje për privatësi në një arenë publike”, tha Seilie.

Jules Polonetsky, Drejtor Ekzekutiv i Forumit të së Ardhmes së Privatësisë, u pajtua, duke thënë, “Byron nuk kishte asnjë pritje të arsyeshme për privatësi në një vend publik”.

Edhe nëse dikush do të përpiqej të ngrejë një kërkesë sipas ligjeve të përgjimit, ato do të zbatoheshin vetëm për audion, dhe koncerti i “Coldplay” ka të ngjarë të përfshinte terma dhe kushte standarde gjatë blerjes së biletave.

Këto kushte zakonisht u japin organizatorëve të eventeve leje për të përdorur imazhe dhe video të kapura në event. /Telegrafi/

The post Andy Byron mund të përgatitë një padi prej një milion dollarësh kundër “Coldplay” për videon që i shkatërroi jetën? appeared first on Telegrafi.

Megan Kerrigan, gruaja e ish-drejtorit ekzekutiv të kompanisë Astronomer, Andy Byron, është tërhequr nga vëmendja publike dhe po qëndron në rezidencën e çiftit në Maine pas shpërthimit të skandalit të bujshëm në rrjet.

Videoja virale që tregonte bashkëshortin e saj duke u afruar ngushtë me shefen e burimeve njerëzore të kompanisë, Kristin Cabot, gjatë një koncerti të Coldplay, u përhap me shpejtësi dhe ngjalli reagime të ashpra.

Burime për DailyMail thonë se Megan është rrethuar nga familja e saj, përfshirë motrën e madhe, në shtëpinë e tyre luksoze me vlerë 2.4 milionë dollarë (2.18 milionë euro) në Kennebunk, ndërsa zhvillohen bisedime për të ardhmen e martesës së saj me Byron.

Rezidenca ndodhet më shumë se 160 km larg shtëpisë së tyre kryesore në Massachusetts.

Megjithëse nuk ka bërë ndonjë deklaratë publike, Megan ka dhënë shenja të qarta distancimi: ajo ka hequr mbiemrin e bashkëshortit nga rrjetet sociale, duke u rikthyer në mbiemrin e vajzërisë, Kerrigan, dhe ka mbyllur pjesërisht aksesin në profilet e saj.

Veprimet e saj janë interpretuar si një reagim i heshtur por i vendosur ndaj situatës.

Ndërkohë, Andy Byron ka dhënë dorëheqjen nga Astronomer, ndërsa kompania ka nisur një hetim të brendshëm për ngjarjen.

CEO i ri i përkohshëm, Pete DeJoy, ka deklaruar publikisht se pavarësisht rrethanave, kompania do të mbetet e përkushtuar ndaj misionit të saj. /Telegrafi/

The post Gruaja e ish-CEO-së ‘zhduket’ pas turpit publik, ku ndodhet Megan Kerrigan pas skandalit viral? appeared first on Telegrafi.

Gjatë një koncerti të fundit në Camp Randall Stadium në Madison, Wisconsin, Chris Martin, frontmeni i grupit të njohur “Coldplay”, bëri një paralajmërim të pazakontë dhe me humor për publikun.

“Do t’ju nxjerrim në ekranin e madh, kamerat tona janë gati! Nëse s’jeni rregulluar ende, tani është koha”, tha Chris.

Kjo deklaratë, që në pamje të parë duket si një batutë e zakonshme koncertesh, u interpretua si një referencë direkte ndaj një incidenti të ndodhur vetëm tre ditë më parë në Foxborough, Massachusetts.

@instaagraace trouble in paradise?? #coldplay #boston #coldplayconcert #kisscam #fyp ♬ original sound – grace

Gjatë një tjetër performance të “Coldplay”, kamerat e “Kiss Cam”-it zbuluan pa dashje një moment shumë të afërt mes një burri dhe një gruaje, që më vonë, sipas zërave në rrjet, rezultuan të ishin drejtues të një kompanie të quajtur Astronomer, përkatësisht CEO-ja dhe shefja e burimeve njerëzore, të përfshirë në një lidhje të fshehtë.

Skandali që u bë viral

Në momentin që çifti u pa në ekran, gruaja mbuloi menjëherë fytyrën, ndërsa burri u përkul që të mos shihej dhe më pas u zhduk nga pamja.

Lexo po ashtu Skandali në koncert, fotografitë e Andy Byron me familjen bëhen virale - dukej një martesë e lumtur

Gruaja gjithashtu u largua me shpejtësi nga vendi. Videoja u bë virale në rrjete sociale, duke ndezur një mori spekulimesh dhe komentesh për identitetin dhe marrëdhënien e tyre.

@sonia.gogan Coldplay Chris Martin did not mention the CEO at the Madison show following Boston last week. He did give much of a warning to fans, and reccomended they do their makeup if they haven’t already… makes me wonder why the CEO and CPO thought maybe we shouldn’t hug right now.. #coldplay #coldplayconcert #madisonwisconsin #uwmadison #coldplayaffair #affair #astronomerceo ♬ original sound – Sonia Gogan

Pas këtij momenti të sikletshëm, në koncertin tjetër, Martin vendosi të paralajmërojë me humor publikun që të ishte i kujdesshëm: “Nëse jeni me dashnoren/dashnorin, fshihuni tani”, ishte një nga komentet më të shpërndara në rrjet, të cilat pasuan deklaratën e Martin.

Pavarësisht situatës delikate, publiku duket se e ka marrë me sportivitet, ndërsa “Coldplay”, pa e pasur aspak në plan, është bërë shkak i një prej videove më të komentuara të këtij sezoni koncertesh. /Telegrafi/

The post Skandali në koncertin e tij, vokalisti i “Coldplay” nuk i kursen batutat për situatën appeared first on Telegrafi.

Andy Byron, drejtuesi ekzekutiv i firmës së inteligjencës artificiale Astronomer, i cili dha dorëheqjen pas publikimit të një videoje ku shihej duke puthur kolegen e tij Kristin Cabot në një koncert të Coldplay, mund të përballet me pasoja të rënda financiare nëse bashkëshortja e tij, Megan Kerrigan, vendos të kërkojë divorc.

Ekspertët ligjorë thonë se Kerrigan, me të cilën Byron ka dy fëmijë, ka të drejtë të kërkojë gjysmën e pasurisë së tij, e cila vlerësohet të jetë nga 20 deri në 70 milionë dollarë (afërsisht 18.4 deri në 64.4 milionë euro), sipas Economic Times.

Kjo, për shkak të ligjeve martesore të Massachusetts, të cilat kërkojnë ndarje të barabartë të pasurisë për çiftet që kanë qenë të martuar për më shumë se shtatë vjet, shkruan nypost.

Avokatja e njohur e çështjeve familjare, Nancy Chemtob, u shpreh se nëse nuk ka një marrëveshje paramartesore apo pasmartesore, Kerrigan mund të përfitojë një shumë të konsiderueshme.

Ajo theksoi gjithashtu se nëse Byron ka përdorur para nga pasuria martesore për të mbështetur lidhjen e tij me Kristin Cabot, kjo mund të ndikojë negativisht për të në procesin e divorcit.

Ndërkohë, Kristin Cabot, e cila dyshohet se është ende e martuar me biznesmenin Andrew Cabot, mund të mos përballet me të njëjtat pasoja financiare, pasi ajo dhe bashkëshorti i saj duket se janë bashkë prej një kohe më të shkurtë dhe mund të kenë marrëveshje paraprake.

Videoja që bëri xhiron e rrjeteve, ku Byron shihet duke u puthur me kolegen gjatë koncertit, mund të përdoret si provë në gjyq, por ekspertët ligjorë paralajmërojnë se shumica e gjykatave në Massachusetts janë të rezervuara në zbatimin e dispozitave për tradhtinë, përveç rasteve kur ka abuzim financiar apo shkelje të kontratës martesore.

Në gjithë këtë situatë, siç u shpreh edhe avokatja Chemtob, “humbësit e vërtetë janë fëmijët”, të cilët mund të ndihen të përfshirë në një dramë që po zhvillohet para syve të gjithë botës. /Telegrafi/

@news.com.au

A cute moment at a Coldplay moment turned awkward when it busted a tech CEO with his head of HR. #coldplay #concert #music #fyp #usa

♬ original sound – News.com.au

The post Fatura e mundshme e divorcit të Andy Byron pas skandalit në koncertin e Coldplay mund të arrijë shifra marramendëse appeared first on Telegrafi.

Një natë me muzikë dhe argëtim u shndërrua në një skandal viral kur koncerti i Coldplay në Boston mori një kthesë të papritur.

Gjatë shfaqjes, Kissing Cam kapi çiftet dhe një ndër ta ishte CEO i Astronomer Andy Byron dhe drejtoresha e Burimeve Njerëzore Kristin Cabot.

Ata u panë të përqafuar. Të dy të martuar, por jo me njëri-tjetrin.

Ndërsa u shfaqën në ekranin gjigant, ata kuptuan se ishin në qendër të vëmendjes dhe pasoi kaosi.

Incidenti, i quajtur “ColdplayGate”, shkaktoi polemika dhe meme të gjera, me shumë njerëz që vunë në dyshim marrëdhënien e çiftit dhe etikën në vendin e punës.

Klipi ka shkaktuar gjithashtu teori të shumta, përfshirë pretendimin se ‘The Simpsons’ parashikuan këtë incident skandaloz.

Teoria përqendrohet rreth episodit “Kiss Kiss”, ku Homer dhe Marge shfaqen në Kissing Cam në një ndeshje bejsbolli.

Por cila është e vërteta?

Pasi pretendimi u bë viral, shumë përdorues vunë në dyshim vërtetësinë e tij dhe kërkuan konfirmim nëse The Simpsons kishin parashikuar ngjarjen.

Rezulton se fotot që qarkullojnë janë të gjeneruara nga Al dhe jo nga seriali. /Telegrafi/

The post A e parashikoi vërtet The Simpsons skandalin në koncertin e Coldplay? appeared first on Telegrafi.

Andy Byron, CEO i kompanisë teknologjike Astronomer, ka dhënë dorëheqjen nga posti i tij pas një skandali publik që shpërtheu gjatë një koncerti të grupit Coldplay në Boston. Gjatë performancës në stadiumin “Gillette”, përpara më shumë se 55 mijë spektatorëve, fytyrat e buzëqeshura të Byron dhe të Kristin Cabot – me të cilën dyshohet se […]

The post CEO i Astronomer jep dorëheqjen pas zbulimit të lidhjes jashtëmartesore në koncertin e Coldplay appeared first on BoldNews.al.

Andy Byron ka dhënë zyrtarisht dorëheqjen nga posti i CEO-s në kompaninë e inteligjencës artificiale Astronomer, pasi u kap në ekranin gjigand të një koncerti të Coldplay, duke u përqafuar me drejtuesen e burimeve njerëzore të kompanisë, Kristin Cabot.

Ky moment, i cili u bë viral në rrjete sociale, shkaktoi shumë zhurmë në internet dhe çoi përfundimisht në largimin e tij.

Në një deklaratë zyrtare, kompania Astronomer tha se drejtuesit e saj priten të përmbushin standardet më të larta të sjelljes dhe përgjegjshmërisë, standarde që, sipas tyre, Byron nuk i përmbushi. Bordi konfirmoi se dorëheqja e tij është pranuar vetëm pak ditë pas incidentit.

Përqafimi midis Byron dhe Cabot u përhap me shpejtësi në internet, duke nxitur spekulime dhe kritika të shumta. Edhe pse as Byron dhe as Cabot nuk kanë komentuar publikisht, Astronomer theksoi përkushtimin e saj për të ruajtur vlerat dhe kulturën e brendshme të punës, në dritën e këtij skandali.

The post CEO i Astronomer, Andy Byron, jep zyrtarisht dorëheqjen pas skandalit në koncertin e “ColdPlay” appeared first on iconstyle.al.

Një video që po qarkullon me shpejtësi në rrjetet sociale ka vënë në qendër të vëmendjes dy figura të larta të kompanisë teknologjike Astronomer. CEO i kompanisë, Andy Byron, dhe drejtoresha e burimeve njerëzore, Kristin Cabot, janë filmuar në një moment intim gjatë një koncerti të Coldplay, teksa këndonte kënga ikonike “Yellow”.

Pamjet, të filmuara nga pas, i tregojnë të dy duke lëkundur trupat në ritmin e muzikës, në një atmosferë të ndriçuar nga dritat e telefonave të publikut. Në një moment, Andy vendos dorën mbi Kristin, ndërsa pak më vonë shihet duke e puthur.

Ky episod, që duket se ka kaluar nga thjesht një moment romantik në një skandal etik, ka pasur pasoja të menjëhershme për të dy zyrtarët. Sipas raportimeve të Axios, Byron është larguar përkohësisht nga drejtimi i kompanisë, ndërsa Cabot është pezulluar nga detyra e saj si shefe e HR-së.

Pavarësisht se asnjëri nuk ka dhënë ende një deklaratë publike, kompania Astronomer ka konfirmuar nisjen e një hetimi të brendshëm për të analizuar situatën dhe rrethanat që e shoqërojnë. Videoja që po qarkullon ka të ngjarë të shërbejë si provë kyçe në këtë hetim.

Ky skandal ka rindezur diskutimet mbi marrëdhëniet në vendin e punës dhe etikën profesionale, sidomos kur përfshihen figura drejtuese.

The post Puthje pa fund në publik/ Dalin pamje të reja të CEO-s së “Astronomer” me kolegen e tij appeared first on iconstyle.al.

CEO i kompanisë Astronomer, Andy Byron, dhe shefja e burimeve njerëzore, Kristin Cabot, janë kapur në një moment shumë intim gjatë një koncerti të grupit Coldplay – dhe jo vetëm në kamerën e puthjes.

Në një video të siguruar nga pas shpinës së tyre, dyshja shihen teksa shijojnë këngën “Yellow” të kënduar nga Chris Martin, ndërsa turma në stadium mban të ndezura dritat e telefonave në një atmosferë magjike.

Andy dhe Kristin shfaqen siluetë përballë skenës së ndriçuar, duke lëkundur trupat në ritmin e muzikës. Herë pas here, ata mbështesin krahët mbi njëri-tjetrin, dhe në një moment, Andy afrohet për ta puthur Kristin.

View this post on Instagram

A post shared by TMZ (@tmz_tv)

Edhe pse më herët ishin parë bashkë nga pjesa ballore e stadiumit, ky kënd i pasëm tregon një afërsi më të thellë mes tyre – sidomos për faktin se nuk ishin në vëmendjen e gjithë audiencës.

Pas publikimit të videos dhe rrjedhës së ngjarjeve, Andy është larguar përkohësisht nga detyra si CEO, ndërsa Kristin është pezulluar nga pozita e saj – sipas një raporti të Axios.

Asnjëri prej tyre nuk ka komentuar ende publikisht për situatën, por kompania Astronomer ka njoftuar se ka nisur një hetim të brendshëm. Sipas të gjitha gjasave, kjo video do të jetë një nga dëshmitë kryesore në këtë proces. /Telegrafi/

The post Dalin pamjet e reja: CEO i “Astronomer” dhe dashnorja e tij po putheshin vazhdimisht gjatë koncertit të Coldplay appeared first on Telegrafi.

Një kompani teknologjike në SHBA ka vendosur ta vendosë në leje të përkohshme CEO-n e saj, pas një videoje që u bë virale, ku ai shihet në një përqafim në një koncert të Coldplay – përqafim që thuhet se ndodhi me një punonjëse tjetër të kompanisë.

Në videon që fillimisht u shfaq në ekranin gjigant të stadiumit Gillette në Foxborough, Massachusetts, dy persona duken teksa mbajnë njëri-tjetrin në krahë. Në momentin kur fytyrat e tyre shfaqen përballë turmës së mijëra njerëzve, ata reagojnë me siklet dhe përpiqen të fshihen nga kamera, shkruan BBC.

Raportimet që të dy janë drejtues në kompaninë Astronomer, si dhe komentet e frontmen-it të grupit Coldplay, Chris Martin, ndezën spekulimet për një aferë. Kjo solli një vëmendje të madhe në internet, duke e bërë videon virale. Të premten mbrëma, kompania konfirmoi në platformën X (ish-Twitter) se CEO Andy Byron ishte vendosur në leje.

Pamjet ku çifti duket duke kërcyer në ritmin e muzikës e më pas përpiqet të fshihet nga kamera, shpërthyen në rrjet menjëherë pas koncertit të së mërkurës.

Chris Martin, pasi vuri re reagimin e turpshëm të çiftit, iu drejtua publikut: “Ose po kanë një aferë, ose janë shumë të turpshëm”.

Meme of the day: Coldplay concert camera catches cheating CEO on big screen

During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.

All… pic.twitter.com/TlcodY9CCv

— NEXTA (@nexta_tv) July 17, 2025

Videoja origjinale e postuar në TikTok mori miliona shikime dhe më pas u shpërnda në të gjitha platformat, duke u kthyer në meme dhe objekt shakaje në emisione televizive.

Dy ditë pas shpërthimit të komenteve në internet për përqafimin misterioz, Astronomer publikoi një deklaratë duke njoftuar fillimin e një hetimi, pa përmendur drejtpërdrejt videon.

“Astronomer i qëndron vlerave dhe kulturës që na ka udhëhequr që nga themelimi,” thuhej në deklaratë. “Liderët tanë pritet të jenë shembull në sjellje dhe përgjegjësi. Bordi Drejtues ka nisur një hetim zyrtar mbi këtë çështje dhe së shpejti do të japim më shumë detaje.”

Pete DeJoy, bashkëthemelues dhe Shef i Produktit në kompani, është emëruar CEO i përkohshëm.

Sipas shumë burimeve, burri në video dyshohet të jetë vetë CEO Andy Byron, i cili i është bashkuar kompanisë në korrik 2023. Ai nuk ka konfirmuar publikisht nëse është apo jo ai në video.

Gruaja që shihet në video identifikohet në rrjet si Kristin Cabot, Shefja e Burimeve Njerëzore në Astronomer, që nga nëntori 2024. Edhe ajo nuk e ka konfirmuar identitetin e saj.

BBC nuk ka mundur të vërtetojë zyrtarisht identitetin e personave në video.

Në deklaratën e saj, kompania theksoi se z. Byron nuk ka dhënë asnjë deklaratë publike, duke i quajtur të pavërteta raportimet që thonin të kundërtën. Po ashtu, u theksua se në video nuk shihet asnjë tjetër punonjës i kompanisë.

Deklarata të rreme të atribuara CEO-së nisën të qarkullonin në rrjet ditën e enjte dhe u shpërndanë me shpejtësi. /Telegrafi/

The post Suspendohet shefi që u kap duke tradhtuar në koncertin e Coldplay appeared first on Telegrafi.