Mbledhjet një-më-një me drejtuesit janë ndër momentet më të rëndësishme që një punonjës ka për të ndikuar në karrierën e vet.

Megjithatë, shumica i trajton si një formalitet: hyjnë pa u përgatitur, rendisin disa detyra që kanë kryer dhe e mbyllin bisedën pa lënë ndonjë gjurmë.

Sipas Melody Wilding, trajnere ekzekutive që ka punuar për gati 15 vjet me drejtues në kompani si Google, Amazon dhe Apple, kjo qasje i bën njerëzit të padukshëm.

Njerëzit që ngrihen në detyrë më shpejt nuk i përdorin këto takime si raporte teknike, por si hapësira strategjike.

Ata e lidhin punën e tyre me ndikimin në biznes dhe tregojnë se e kuptojnë se çfarë ka rëndësi për organizatën.

Një mënyrë e thjeshtë për ta bërë këtë është të hapësh takimin duke përmbledhur qartë progresin që nga hera e fundit dhe duke e lidhur atë me objektivat e ekipit apo kompanisë.

Një tjetër sjellje që i dallon profesionistët më të fortë është mënyra se si kërkojnë ndihmë. Në vend që të paraqiten me ankesa ose konfuzion, ata vijnë me ide dhe alternativa dhe kërkojnë perspektivën e shefit.

Kjo i pozicionon si njerëz që mendojnë, marrin iniciativa dhe janë gati të marrin përgjegjësi, jo si dikush që pret gjithmonë udhëzime.

Po aq e rëndësishme është të tregosh interes për atë që po ndodh mbi nivelin tënd.

Duke pyetur se çfarë po dëgjon shefi nga drejtuesit e lartë, merr sinjale të hershme për prioritetet, ndryshimet dhe projektet që po vijnë. Kjo të lejon të pozicionoheni më herët dhe të ofrohesh për detyra që mund të të japin më shumë dukshmëri.

Kur lindin iniciativa të reja ose drejtime të reja të biznesit, njerëzit e suksesshëm nuk presin të zgjidhen, por shprehin hapur interesin për t’u përfshirë.

Kjo tregon ambicie, por edhe gatishmëri për të dalë nga zona e rehatisë. Promovimet rrallë vendosen në ditën e vlerësimit, ato ndërtohen gradualisht, përmes këtyre sinjaleve të vogla, por të vazhdueshme.

Në fund të takimit, është thelbësore të ketë qartësi. Përmbledhja e hapave të ardhshëm dhe përgjegjësive të secilit shmang keqkuptimet dhe e bën më të lehtë që gjërat të ndodhin realisht. Kjo krijon besim dhe e tregon punonjësin si dikë që e merr seriozisht ekzekutimin, jo vetëm idetë.

Në thelb, takimet me shefin nuk janë thjesht biseda, por momente ku ndërtohet reputacioni profesional.

Ata që i përdorin me zgjuarsi nuk flasin vetëm për atë që kanë bërë, por për atë që do të thotë puna e tyre për të ardhmen e biznesit, dhe pikërisht kjo i bën të dallohen. / CNBC, Shqip.al

The post Si flasin profesionistët e suksesshëm para eprorëve appeared first on Revista Monitor.

Chelsea mori fitoren e dytë radhazi në Premier League, duke mposhtur 3-1 në transfertë Crystal Palace, në takimin e vlefshëm për javën e 23-të.

Skuadra mike kaloi në avantazh në pjesën e parë me Estevao, ndërsa në pjesën e dytë Joao Pedro dhe Enzo Fernandez vulosën rezultatin përpara se Richards të shënonte golin e vetëm për vendasit.

Me këtë fitore, “Blutë” ngjiten në kuotën e 37 pikëve, duke mbajtur vendin e katërt në klasifikim.

Paralelisht, Aston Villa ka arritur një fitore të rëndësishme 2-0 në fushën e Newcastle, duke u rikthyer te suksesi falë strategjisë së Unai Emery.

Ky triumf e mban ekipin nga Birmingham në vendin e tretë me 46 pikë, ndërsa Newcastle mbetet në vendin e nëntë.

Në ndeshjet e tjera të kësaj jave, Nottingham Forest mposhti Brentford me të njëjtin rezultat, 2-0./mxh

Qeveria e Britanisë së Madhe njoftoi se do të krijojë një Shërbim të Ri Kombëtar të, i përshkruar si një lloj “FBI britanik”.

Kjo njësi do të jetë përgjegjëse për luftimin e terrorizmit, krimit të organizuar dhe formave të tjera serioze të kriminalitetit në mbarë vendin.

Ministria e Brendshme tha se kjo reformë është ndër ndryshimet më të mëdha në sistemin e policimit që nga krijimi i forcës së parë policore në vitin 1829 dhe do të përfshijë konsolidimin e funksioneve të ndryshme nën një agjenci të vetme.

Ministrja e Brendshme, Shabana Mahmoud deklaroi në një komunikatë se modeli aktual i policimit është krijuar për një tjetër epokë dhe me krijimin e kësaj njësie do të jetë e mundur të përdoren teknologji moderne dhe ekspertizë e përqendruar për të luftuar krimet komplekse.

Kjo njësi e re do t’u lejojë policive vendore të fokusohen më shumë në krimet e përditshme në komunitete, ndërsa FBI-ja britanike do të marrë përgjegjësinë kryesore për hetimet e mëdha kombëtare./mxh

Një stuhi dimërore e madhe po shkakton kaos udhëtimesh në Shtetet e Bashkuara, me më shumë se 13,500 fluturime të anuluara, sipas të dhënave të gjurmimit të fluturimeve (FlightAware).

Rreth 9,600 prej tyre ishin të planifikuara për të dielën, duke e bërë këtë ditën e ndalesave më të shumta që nga pandemia e COVID-19, me për më shumë se 29% të fluturimeve në të gjithë SHBA të shtyrë ose anuluar.

Fluturimet u prekën ndjeshëm edhe në aeroportet kryesore, përfshirë Ronald Reagan Washington National Airport, ku afërsisht të gjitha fluturimet e nisjes për atë ditë u anuluan,sipas mediave amerikane.

Anulime të konsiderueshme priten gjithashtu në Dallas-Fort Worth, Charlotte, Philadelphia, Atlanta (aeroporti më i ngarkuar në vend), si dhe në New York, me aeroportet JFK dhe LaGuardia.

Udhëtarët këshillohen të kontaktojnë kompaninë e tyre ajrore për informacion mbi rimbursimet ose rifreskimin e biletave, dhe të jenë të përgatitur për vonesa të konsiderueshme, duke pasur parasysh kushtet e motit që përfshijnë borë të dendur, shi, ngrica dhe temperatura shumë të ulëta për një pjesë të madhe të vendit./mxh

Atalanta u rikthye te fitorja në Serinë A, duke mposhtur Parmën me rezultatin e thellë 4-0, në ndeshjen e javës së 22-të.

Skuadra nga Bergamo e nisi ndeshjen me intensitet dhe kaloi shpejt në avantazh me Scamaccan nga penalltia në minutën e 15-të. De Roon dyfishoi shifrat në minutën e 24-t, pas asistit të De Ketelaere.

Në pjesën e dytë, Atalanta menaxhoi lojën dhe shënoi edhe dy herë të tjera me Raspadorin dhe Krstovic. Me këtë sukses, Atalanta shkon në kuotën e 35 pikëve dhe ngjitet në vendin e shtatë. Parma zbret në vendin e 14-të me 23 pikë.

Në ndeshjen tjetër, Genoa përmbysi Bologna-n dhe fitoi 3-2. Sassuolo ndërkohë triumfoi minimalisht 1-0 ndaj Cremoneses./mxh

Gjatë dimrit, shumë prej nesh vërejnë se ndjesia e tërheqjes ndaj ushqimit ndryshon dhe shpesh shfaqet një dëshirë më e madhe për ushqime të ngrohta e të plotësuara si supe apo gjellëra të rënda.

Për më tepër, ky oreks ndikohet edhe nga faktorë socialë e emocionalë, si festat, mbledhjet familjare dhe darkat shoqërore që rrotullohen rreth ushqimit mund të çojnë në konsum më të madh ushqimi.

1. Reagimi natyror i trupit ndaj të ftohtit

Dimri mund të rrisë metabolizmin tonë sepse trupi përpiqet të mbajë temperaturën e brendshme të qëndrueshme. Kur temperaturat bien, trupi përdor një lloj të veçantë yndyre, për të prodhuar nxehtësi. Kjo mund të rrisë ritmin metabolik dhe të bëjë që trupi të djegë më shumë kalori për të qëndruar i ngrohtë, duke nxitë oreksin për ushqim për t’i kompensuar këto calorie të djegura.

2. Procesi i tretjes

Jo vetëm metabolizmi rritet në dimër, por edhe tretja e ushqimit kërkon punë shtesë nga trupi, gjë që gjithashtu prodhon nxehtësi. Kjo nxehtësi shtesë nga tretja bën që të ndihemi sikur po “ngrohemi” nga ushqimi, dhe kjo mund të motivojë që të hamë shpesh edhe ushqime më të pasura me karbohidrate dhe proteina për të mbajtur trupin më të ngrohtë dhe me energji.

3. Efekti i dritës dhe serotoninës

Dritë më e pakët gjatë dimrit mund të ndikojë në prodhimin e serotoninës, një substancë kimike në tru e cila ndihmon në rregullimin e humorit. Kur nivelet e serotoninës bien për shkak të ditëve më të shkurtra dhe më pak dielli, shumë prej nesh kërkojnë ushqime më të pasura me kalori dhe karbohidrate që ndihmojnë në rritjen e serotoninës dhe përmirësojnë humorin./mxh

Protesta të mëdha janë përhapur në dhjetëra qytete të Shteteve të Bashkuara, pasi Alex Pretti, 37 vjeç, u qëllua për vdekje nga agjentë federalë.

Demonstratat shpërthyen një ditë pas një marshimi masiv kundër Agjencisë së Emigracionit dhe Doganave (ICE) në Minneapolis dhe u shtrinë në New York, Washington DC, San Francisco, Boston, Los Angeles dhe Providence. Pavarësisht temperaturave ekstreme, mijëra persona dolën në rrugë duke kërkuar drejtësi për Pretti-n dhe ndalimin e operacioneve të ICE.

Në Minneapolis, protestuesit u rikthyen në vendin ku Pretti u vra, duke ndezur qirinj dhe duke vendosur pankarta me mesazhin “Drejtësi për Alex Pretti”. Në New York, turma të mëdha u mblodhën në Union Square, ku u dëgjuan thirrje për shpërbërjen e ICE.

Në Washington DC, qindra persona protestuan përpara selisë së Departamentit të Sigurisë Kombëtare (DHS), ndërsa në San Francisco dhe Los Angeles protestat u shoqëruan me slogane kundër “terrorizimit të komuniteteve nga agjentët federalë”.

Sipas pamjeve video që janë bërë virale, Pretti shihet duke u përplasur në tokë nga agjentët federalë dhe më pas qëllohet disa herë. Analistë të pavarur kanë deklaruar se nga pamjet nuk duket se ai kishte armë në dorë në momentin e të shtënave.

Autoritetet federale pretendojnë se Pretti iu afrua agjentëve me një armë zjarri, por shefi i policisë së Minneapolis konfirmoi se ai ishte pronar ligjor i armës dhe me leje mbajtjeje, sipas ligjit të Minesotës.

Ngjarja ka ndezur debat të ashpër kombëtar mbi përdorimin e forcës nga agjentët federalë dhe rolin e ICE në qytetet amerikane./mxh

Pep Guardiola e ka shpallur Arsenalin si ekipin më të mirë në botë, gjë që ai mendon se mund të vërtetohet nga rezultatet e “Topçinjve” në Angli dhe në Evropë.

Arsenali ka një epërsi prej shtatë pikësh në krye të Ligës Premier dhe është skuadra e parë që siguroi kualifikimin në fazën e 1/8-tës në Ligën e Kampionëve.

Ata janë gjithashtu në një pozicion të mirë për të siguruar një vend në finalen e Kupës Carabao, pasi mposhtën Chelsean në ndeshjen e parë të gjysmëfinales.

Këto rezultate këtë edicion kanë bërë që rivali i tyre anglez, Guardiola i Cityt, të cilësoj Arsenalin si skuadrën më të mirë në botë.

“Absolutisht. Ata janë skuadra më e mirë në botë, duke fituar në Ligën Premier, Ligën e Kampionëve, Kupën FA dhe Kupën Carabao”, ka thënë fillimisht Guardiola në një konferencë për shtyp.

“Ata janë skuadra më e mirë tani dhe shpresojmë se mund të jemi afër, duke u përmirësuar dhe ata mund të na japin një shans për t’i arritur”, përfundoi trajneri i Cityt./mxh

Juventusi ka bërë publike listën për ndeshjen ndaj Napolit, që është kryederbi i kësaj xhiroje.

Megjithatë, ajo që ra në sy në listën e Luciano Spallettit ishte se edhe një tjetër shqiptar përpos Edon Zhegrovës ka marrë ftesë për këtë përballje.

Bëhet fjalë për portierin e talentuar Raffaele Huli, i cili është ftuar për herë të parë në ekip te Juventusi për këtë sfidë të rëndësishme.

Kuptohet, gjasat janë minimale për të zhvilluar qoftë një minutë – megjithatë është edhe konfirmim që skuadra italiane po e vëzhgon nga afër dhe ka besim që ky i fundit edhe mund të bëhet portieri kryesor brenda pak viteve.

Huli është pjesë e ekipit U20 pavarësisht moshës 17-vjeçare, kurse ka zhvilluar 16 paraqitje në ligën e të rinjve, ku ka mbajtur gjashtë herë portën e paprekur./mxh

Kryetari i Prishtinës, Përparim Rama, i ka dërguar një letër të hapur kryeministrit në detyrë, Albin Kurti duke kërkuar zhbllokimin e menjëhershëm të projektit të Unazës së Prishtinës, një ndër projektet më të rëndësishme infrastrukturore për kryeqytetin dhe zhvillimin ekonomik të vendit.

Në letrën e tij, Rama thekson se projekti, i cili ka mbetur i bllokuar për më shumë se katër vjet në nivel qendror, ka pasoja të drejtpërdrejta për qytetarët dhe cenon interesin publik.

Ai rikujton se gjatë fushatës zgjedhore, Kryeministri në detyrë kishte shprehur publikisht mbështetje për zhbllokimin e këtij projekti, duke njohur rëndësinë e tij strategjike.

“Megjithatë, për më shumë se katër vjet, realizimi i këtij projekti ka mbetur i bllokuar në nivelin qendror, pavarësisht gatishmërisë së plotë teknike, ligjore dhe procedurale të Komunës së Prishtinës. Ky bllokim i zgjatur ka shkaktuar pasoja të drejtpërdrejta për qytetarët e kryeqytetit dhe po cenon seriozisht interesin publik”, ka njoftuar Rama.

Rama thekson rëndësinë financiare të projektit, i cili është miratuar për financim nga Banka Evropiane për Rindërtim dhe Zhvillim (EBRD) me vlerë totale prej 206 milionë euro, nga të cilat deri në 40% janë fonde grant, respektivisht deri në 82.4 milionë euro të pakthyeshme.

Kryetari i Prishtinës paralajmëron se çdo zvarritje institucionale rrezikon humbjen e këtyre fondeve dhe kredibilitetin institucional të vendit ndaj partnerëve ndërkombëtarë.

“Ky nuk është një projekt politik. Nuk i shërben një partie apo një mandati, por zhvillimit afatgjatë të vendit, ekonomisë, mobilitetit urban dhe cilësisë së jetës së qytetarëve,” shkruan Rama, duke bërë thirrje për vendosjen e interesave të qytetarëve mbi çdo kalkulim politik.

Kryetari i Prishtinës kërkon që Qeveria në detyrë të eliminojë menjëherë pengesat administrative dhe institucionale dhe të mundësojë fillimin e punimeve pa vonesa të mëtejshme, duke e cilësuar projektin si prioritet strategjik kombëtar dhe pjesë të rrjetit të autostradave të Ballkanit Perëndimor./mxh

Instituti i Gjeoshkencave ka ndarë një parashikim për kushtet meteorologjike në vend për fillimjavën.

Sipas të dhënave, në të gjitha qarqet priten reshje intensive deri në mesatare.

Po ashtu, parashikohen probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve për shkak të shtrëngatave dhe intensitetit të lartë të reshjeve.

Reshjet:

Sot pasdite dhe nesër (e hënë, datë 26) priten reshje mesatare deri lokalisht intensive në qarkun Shkodër, Vlorë dhe Gjirokastër, ndërsa në qarqet e tjera reshjet priten të dobëta deri lokalisht mesatare të shoqëruara me shtrëngata.

Në Veri, Lindje dhe Juglindje në lartësitë mbi 900 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Vlorë dhe Gjirokastër.

Temperatura:

Nesër temperaturat minimale dhe maksimale të ajrit pritet të arrijnë:

në bregdet: 8 / 14 °C

në vendet e ulëta: 3 / 13 °C

në vendet malore: 1 / 8 °C

Era:

Sot pasdite dhe nesër era pritet të fryjë mesatare deri e fortë kryesisht në bregdet dhe në vendet malore./mxh

Pas momentit emocional të ribashkimit me të bijën në shtëpinë e “Big Brother VIP”, nëna e Brikenës ka zgjedhur të flasë publikisht për herë të parë. Në një intervistë ekskluzive për “Fan Club”, ajo ndalet te rrugëtimi i vajzës së saj në lojë, vendimi për hyrjen në BBV dhe qëndrimi i familjes për çdo zgjedhje […]

Moderatorja Bora Zemani ka zgjedhur të flasë më hapur se kurrë për një nga periudhat më të ndjeshme të jetës së saj personale. E ftuar në podcast-in e Grida Dumës, ajo prek për herë të parë publikisht temën e faljes në çift, në një rrëfim që lidhet drejtpërdrejt me rikthimin e saj me Donald Veshajn. […]

Një aksident me vdekje ka ndodhur pasditen e sotme në aksin Fier-Libofshë në fshatin Agim.

Një 35-vjeçar ka dalë nga rruga teksa ka qenë duke udhëtuar me motor dhe për pasojë ka marrë lëndime të shumta.

Ai është transportuar me urgjencë drejt spitalit Rajonal Fier, por nuk ka mundur t’u shpëtojë plagëve të marra dhe ka humbur jetën gjatë rrugës për në spital.

Në vendngjarje kanë shkuar menjëherë shërbimet e policisë dhe grupi hetimor të cilët po punojnë për përcaktimin e shkaqeve të këtij aksidenti me pasoja fatale.

Njoftimi i policisë

Në aksin rrugor “Fier-Libofshë”, shtetasi Xh. K., rreth 35 vjeç, duke drejtuar një motomjet pa targa, ka humbur kontrollin e motomjetit dhe ka dalë nga rruga.

Si pasojë e daljes së motomjetit nga rruga ka humbur jetën shtetasi Xh. K.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Kremlini ka ashpërsuar sërish tonet ndaj Ukrainës dhe presidentit Volodymyr Zelensky, duke e akuzuar Kievin për mungesë mirënjohjeje ndaj aleatëve perëndimorë.

Zëdhënësi i Kremlinit, Dmitry Peskov, deklaroi se Ukraina është e gatshme të “kafshojë dorën që e ushqen”, duke iu referuar kritikave të bëra nga Zelensky ndaj Bashkimit Evropian gjatë fjalimit të tij në Forumin Ekonomik Botëror në Davos.

Në një intervistë për televizionin shtetëror Rossiya 1, Peskov tha se “regjimi i Kievit është gati të kafshojë këdo”, duke shtuar se kjo sjellje tregon, sipas tij, qëndrimin e vërtetë të udhëheqjes ukrainase ndaj partnerëve ndërkombëtarë.

Deklaratat e Kremlinit vijnë në një moment tensionesh të shtuara diplomatike, pas kritikave të Zelensky se Evropa nuk po vepron me vendosmëri të mjaftueshme përballë agresionit rus dhe për mbështetjen e Ukrainës.

Moska dhe Kievi mbeten në përplasje të hapur politike dhe retorike, ndërsa lufta dhe pasojat e saj vazhdojnë të ndikojnë marrëdhëniet mes Rusisë, Ukrainës dhe Perëndimit.

Sinjali – aty ku e vërteta flet para lajmit!

/GazetaSinjali/

The post Fjalimi i presidentit ukrainas në Davos, reagon Kremlini: Zelensky është gati të kafshojë dorën që e ushqen appeared first on Sinjali.

Protesta të mëdha janë përhapur në dhjetëra qytete të Shteteve të Bashkuara, pasi Alex Pretti, 37 vjeç, u qëllua për vdekje nga agjentë federalë.

Demonstratat shpërthyen një ditë pas një marshimi masiv kundër Agjencisë së Emigracionit dhe Doganave (ICE) në Minneapolis dhe u shtrinë në New York, Washington DC, San Francisco, Boston, Los Angeles dhe Providence. Pavarësisht temperaturave ekstreme, mijëra persona dolën në rrugë duke kërkuar drejtësi për Pretti-n dhe ndalimin e operacioneve të ICE.

Në Minneapolis, protestuesit u rikthyen në vendin ku Pretti u vra, duke ndezur qirinj dhe duke vendosur pankarta me mesazhin “Drejtësi për Alex Pretti”. Në New York, turma të mëdha u mblodhën në Union Square, ku u dëgjuan thirrje për shpërbërjen e ICE.

Në Washington DC, qindra persona protestuan përpara selisë së Departamentit të Sigurisë Kombëtare (DHS), ndërsa në San Francisco dhe Los Angeles protestat u shoqëruan me slogane kundër “terrorizimit të komuniteteve nga agjentët federalë”.

Sipas pamjeve video që janë bërë virale, Pretti shihet duke u përplasur në tokë nga agjentët federalë dhe më pas qëllohet disa herë. Analistë të pavarur kanë deklaruar se nga pamjet nuk duket se ai kishte armë në dorë në momentin e të shtënave.

Autoritetet federale pretendojnë se Pretti iu afrua agjentëve me një armë zjarri, por shefi i policisë së Minneapolis konfirmoi se ai ishte pronar ligjor i armës dhe me leje mbajtjeje, sipas ligjit të Minesotës.

Ngjarja ka ndezur debat të ashpër kombëtar mbi përdorimin e forcës nga agjentët federalë dhe rolin e ICE në qytetet amerikane.

Sinjali – aty ku e vërteta flet para lajmit!

/GazetaSinjali/

The post Protesta masive në SHBA pas vrasjes së Alex Pretti-it, përplasje të forta me Agjencinë e Emigracionit dhe Doganave appeared first on Sinjali.

Një stuhi masive dimërore, që shtrihet në të gjithë territorin e Shteteve të Bashkuara, ka lënë rreth 730 mijë persona pa energji elektrike në jug të vendit dhe tashmë po lëviz drejt Bregut Lindor, duke shkaktuar kaos në transport dhe paralizim të lëvizjeve.

Që nga mëngjesi i së dielës, më shumë se 190 milionë amerikanë ishin nën paralajmërime për kushte të rrezikshme dimërore, nga Nju Meksiko deri në Karolinën e Veriut dhe më tej deri në Maine.

Stuhia dimërore e quajtur Fern vazhdon të godasë jugun e SHBA-së, duke sjellë borë, shi të përzier me borë dhe shi të ngrirë në një zonë të gjerë. Gjatë orëve të para të së dielës, reshjet e borës kanë arritur edhe në verilindje të vendit.

Sipas parashikimeve, stuhia do të lëvizë drejt lindjes gjatë mëngjesit të së dielës, duke sjellë reshje bore nga Wichita e Kansasit deri në Cincinnati. Flokët e parë të borës pritet të bien në Uashington D.C. që në orët e para të mëngjesit, ndërsa në Filadelfia rreth orës 07:00 sipas orës lokale të Bregut Lindor.

Shi i ngrirë parashikohet deri në lindjen e diellit në zona si Shreveport (Luiziana), Memphis, Atlanta dhe Raleigh (Karolina e Veriut).

Gjatë paradites, zonat në perëndim të lumit Misisipi pritet të fillojnë të thahen, ndërsa stuhia zhvendoset drejt verilindjes.

Nju Jorku pritet të përjetojë reshje bore më vonë gjatë mëngjesit, ndërsa ajri më i ngrohtë që vjen nga jugu mund ta shndërrojë borën në përzierje dimërore në Uashington D.C.

Midis orës 11:00 dhe 16:00 (ET), një brez me reshje të dendura bore dhe përzierje dimërore pritet të prekë korridorin e autostradës I-95, me intensitet deri në 2.5 cm borë në orë. Në Filadelfia parashikohet shi i ngrirë ose përzierje dimërore, ndërsa në Nju Jork dhe më në veri reshjet do të jenë kryesisht borë.

Deri rreth 18:00 (ET), ajri i ngrohtë nga Oqeani Atlantik pritet të depërtojë në korridorin I-95, duke sjellë kalime të shpeshta mes borës, shiut të ngrirë, përzierjes dimërore dhe shiut, ndërkohë që në Nju Angli priten reshje të dendura bore.

Rreth orës 21:00 të së dielës, Nju Jorku pritet të përballet me përzierje dimërore, ndërsa Nju Anglia dhe zonat e brendshme të verilindjes do të vazhdojnë të marrin borë. Reshje të lehta pritet të vazhdojnë deri në mëngjesin e së hënës, me dobësim gradual deri rreth mesditës.

Mbi 10 mijë fluturime të anuluara

Më shumë se 10.000 fluturime janë anuluar të dielën brenda, drejt ose nga SHBA-ja, përfshirë të gjitha fluturimet në aeroportin Ronald Reagan Washington National (DCA) dhe shumicën e fluturimeve në Aeroportin Ndërkombëtar të Filadelfias.

Stuhia ka shkaktuar gjithashtu probleme serioze në rrjetet elektrike të disa shteteve, përfshirë Teksasin dhe Tenesin.

Ndërprerjet e energjisë kanë prekur mbi 244.000 konsumatorë në Tenesi, 134.000 në Teksas, 123.000 në Misisipi, gati 120.000 në Luiziana dhe rreth 40.000 në Kentaki.

Sinjali – aty ku e vërteta flet para lajmit!

/GazetaSinjali/

The post Stuhi e fuqishme dimërore në SHBA, 730 mijë njerëz pa energji elektrike, mbi 10 mijë fluturime të anuluara appeared first on Sinjali.

Kryeministri Edi Rama do të zhvillojë një vizitë pune në Jeruzalem, Izrael, më 25–27 janar, me rastin e pjesëmarrjes së tij në Konferencën Ndërkombëtare për Luftën kundër Antisemitizmit.

Në këtë vizitë, Kryeministri shoqërohet nga delegacioni shqiptar dhe bashkëshortja e tij, Linda Rama.

Ditën e hënë, më 26 janar, ora 11:00 – 12:30 Kryeministri Rama do të zhvillojë një takim kokë më kokë me Kryeministrin e Izraelit, Benjamin Netanyahu, i cili do të pasohet nga takimi mes dy delegacioneve, në përfundim të të cilit do të ketë edhe deklaratë për shtyp.

Paralelisht, Linda Rama, në shoqërinë e znj. Herzog, bashkëshortes së Presidentit të Izraelit, Isaac Herzog, do të zhvillojë një vizitë në Bibliotekën Kombëtare.

Në orën 14:00, Kryeministri Rama, i shoqëruar nga Linda Rama, do të mbërrijë në Knesset “Plaza”, Parlamenti i Izraelit, ku do të pritet me një ceremoni të posaçme shtetërore nga Kryetari i Knessetit. Ceremonia përfshin rojet e nderit, ekzekutimin e himneve kombëtare, si dhe vendosjen e kurorave në monumentin e ushtarëve të rënë dhe në monumentin e viktimave të terrorit.

Më pas, Kryeministri Rama do të firmosë Librin e Përshtypjeve në Hollin Shagall.

Në orën 14:30, Kryeministri Rama dhe delegacioni shqiptar do të zhvillojnë një takim me Kryetarin e Knessetit, Amir Ohana.

Në orën 16:15, do të nisë seanca plenare speciale e Knessetit, e shoqëruar nga hyrja ceremoniale në sallë. Gjatë kësaj seance do të mbajnë fjalën Kryetari i Knessetit, z. Amir Ohana, Kryeministri i Izraelit, Benjamin Netanyahu, Lideri i Opozitës, Yair Lapid, si dhe Kryeministri Edi Rama, i cili do t’i drejtohet Parlamentit të Izraelit me një fjalim historik sipas protokollit të posaçëm që Knesseti u ka rezervuar një numri të kufizuar udhëheqësish të huaj dhe së fundmi Presidentit të SHBA, Donald J. Trump.

Në orën 17:15, do të zhvillohet një pritje zyrtare në nder të Kryeministrit Rama, me pjesëmarrjen e ambasadorëve dhe të ftuarve të posaçëm, në Jerusalem Hall të Knessetit.

Ndërsa, Linda Rama do të ketë një takim të veçantë me gratë parlamentare.

Më 27 janar, Kryeministri Edi Rama do të marrë pjesë në Konferencën Ndërkombëtare për Luftën kundër Antisemitizmit, ku do të mbajë një fjalë, në praninë e Presidentit të Izraelit, Isaac Herzog.

Gjatë qëndrimit në Jeruzalem, Kryeministri Rama do të kryejë gjithashtu vizita simbolike në Western Wall (Muri i Lotëve) dhe në Kishën e Varrit të Krishtit.

Sinjali – aty ku e vërteta flet para lajmit!

/GazetaSinjali/

The post Edi Rama vizitë në Izrael, nga takimi kokë më kokë me Netanyahun te fjalimi në Parlament – zbardhet agjenda appeared first on Sinjali.

Sulmuesi Xherdan Shaqiri ka shënuar dy gola të bukur për ta barazuar rezultatin për Baselin ndaj Zurichut.

Zurichu kaloi herët në epërsi falë Phaeton, që u asistua nga Bledian Krasniqi, mirëpo Baseli u kthye në lojë falë golit të Xherdan Shaqirit.

Lojtari nga Gjilani e finalizoi për mrekulli asistimin e Otele (11’), me një goditje të saktë, ku s’i dha asnjë shans portierit vendas – VIDEO.

Ndërkohë, vlen të ceket se gol shënoi edhe Dion Kacurri, por u anulua nga VAR-i shkaku që kishte prekje të topit me dorë.

Zurichu e riktheu epërsinë në përfundimin e pjesës së parë falë Keny, sidoqoftë vetëm dy minuta më vonë – në skenë doli sërish Shaqiri që e tundi rrjetën.

Këtë herë, Schmid dhuroi një pasim të saktë te Shaqiri, me këtë të fundit që s’gaboi përballë portierit për ta barazuar sërish rezultatin (45+3’).

Sinjali – aty ku e vërteta flet para lajmit!

/GazetaSinjali/

The post Xherdan Shaqiri shënon dy gola të bukur ndaj Zurichut appeared first on Sinjali.