Durrësi ka kaluar një natë relativisht të qetë gjatë ndërrimit të viteve, pa incidente të rënda të rendit dhe sigurisë publike.

Burime nga policia bëjnë të ditur se, deri tani, nuk janë raportuar ngjarje problematike, me përjashtim të një zjarri të dyshuar si aksidental, i cili ka rënë gjatë natës në një market në lagjen nr. 8 të qytetit.

Zjarri u vu nën kontroll pas ndërhyrjes së shërbimit zjarrfikës, duke shmangur përhapjen e flakëve dhe dëme më të mëdha materiale. Nga ngjarja nuk raportohet për persona të lënduar

Ndërkohë, situata ka qenë më e ngarkuar në urgjencën e Spitalit Rajonal të Durrësit. Burime spitalore konfirmojnë se rreth 250 persona janë paraqitur gjatë natës së kaluar dhe në orët në vijim, me problematika të ndryshme shëndetësore, përfshirë dhe të sëmurët kronikë.

Mes rasteve të trajtuara kanë qenë dehjet dhe komplikacionet e shkaktuara nga konsumimi i tepruar i pijeve, probleme kardiake, kriza hipertensioni, çrregullime të diabetit, si dhe raste infarkti, të lidhura kryesisht me konsumimin pa kujdes të ushqimit dhe alkoolit gjatë natës festive, shkruan TopChannel.

Mjekët e urgjencës apelojnë për më shumë kujdes me ushqimin e pijet edhe në ditët e para të këtij viti, për të shmangur komplikacione serioze shëndetësore. Ndërkaq mëngjesi i 1 janarit ka sjellë në jetë dhe beben e parë në maternitetin e Durrësit, një vajzë.

Sinjali – aty ku e vërteta flet para lajmit!

/GazetaSinjali/

The post Ndërrimi i motmoteve, 250 persona paraqiten në spitalin e Durrësit appeared first on Sinjali.

Presidentja e Republikës së Kosovës, Vjosa Osmani, përmes një postimi në rrjetin social X, ka shprehur ngushëllime për dhjetëra jetët e humbura pas një shpërthimi të fuqishëm në barin “Le Constellation” në një qendër skijimi në Zvicër.

Gjersa ajo uroi shërim të shpejtë qindar personave të tjerë që kanë mbetur të plagosur.

Dhjetëra persona dyshohet se kanë vdekur pas një shpërthimi në Zvicër

 “Në emër të Republikës së Kosovës, u shpreh ngushëllimet tona më të thella familjeve të viktimave dhe shpreh solidaritetin tonë me popullin dhe institucionet e Zvicrës”, ka shkruar e para e vendit në X.

Sinjali – aty ku e vërteta flet para lajmit!

/GazetaSinjali/

The post Tragjedia në Zvicër, Osmani: Shpreh ngushëllimet më të thella familjeve të viktimave appeared first on Sinjali.

Në Holandë, natën e Vitit të Ri policia u përball me dhunë të jashtëzakonshme, përfshirë sulme me fishekzjarrë dhe eksplozivë, thanë autoritetet.

Në Amsterdam, një kishë historike e shekullit të 19-të u përfshi nga zjarri gjatë orëve të para të vitit të ri, megjithëse ende nuk është përcaktuar shkaku i flakëve. Në pjesë të tjera të vendit, një djalë 17-vjeçar dhe një burrë 38-vjeçar humbën jetën si pasojë e incidenteve me fishekzjarrë. Në Bielefeld të Gjermanisë, dy 18-vjeçarë vdiqën pasi ndezën fishekzjarrë të përgatitur në shtëpi.

Në Hagë, disa grupe nga lagjet e ndryshme përfshinë përleshje në distriktin Transvaal.

Kryetarja e Sindikatës Holandeze të Policisë, Nine Kooiman, tha se gjatë turnit në Amsterdam u godit me fishekzjarrë dhe eksplozivë të tjerë. Ajo e përshkroi situatën si “dhunë të pashembullt”.

Raportet për sulme ndaj policisë dhe zjarrfikësve u përhapën në gjithë vendin. Në qytetin jugor të Bredës, u hodhën bomba molotov kundër policisë, ndërsa në Roterdam spitali i syve trajtoi 14 pacientë me lëndime në sy, përfshirë 10 të mitur; dy prej tyre iu desh të operoheshin, shkruan BBC.

Në Amsterdam, kulla 50 metra e lartë e kishës Vondelkerk u rrëzua. Autoritetet thanë se çatia ishte dëmtuar rëndë, por pritej që pjesa tjetër e strukturës të mbetej e paprekur. Bazilika neo-gotike u projektua nga arkitekti Pierre Cuypers, i njohur edhe për projektin e Rijksmuseum, transmeton Sinjali.

Për të parandaluar incidente të ngjashme, një ndalim jozyrtar për fishekzjarrët pritet të hyjë në fuqi në 2026. Sipas Shoqatës Holandeze të Piroteknikës, vetëm këtë vit janë shpenzuar 129 milionë euro për fishekzjarrë, një rekord i ri.

Sinjali – aty ku e vërteta flet para lajmit!

/GazetaSinjali/

The post Viti i Ri shndërrohet në kaos: Fishekzjarrë, zjarr dhe viktima në Holandë appeared first on Sinjali.

Agjencia e Ushqimit dhe Veterinarisë ka bërë të ditur se, pas një kontrolli zyrtar të kryer nga inspektorët e saj dhe me kërkesë të kompanisë APETIT Sh.p.k., Vushtrri, është konstatuar prania e bakterit Salmonella spp. në një ngarkesë mishi pule të importuar nga Polonia.

“Menjëherë pas konstatimit të këtij rasti, sasia e përgjithshme prej 19,200 kg mish pule është asgjësuar, në përputhje të plotë me procedurat ligjore në fuqi dhe standardet e sigurisë ushqimore”, njofton AUV.

Ata gjithashtu njoftojnë se do të vazhdojnë të monitorojnë situatën me kujdes të shtuar, duke bashkëpunuar ngushtë me institucionet vendore dhe ndërkombëtare, si dhe me operatorët ekonomikë që importojnë mish, për të parandaluar raste të ngjashme në të ardhmen.

Sinjali – aty ku e vërteta flet para lajmit!

/GazetaSinjali/

The post AUV asgjëson 19 mijë e 200 kg mish pule të infektuar me Salmonella appeared first on Sinjali.

Papa Leoni nisi vitin 2026 me një apel për paqe, duke përmendur veçanërisht vendet e shkatërruara nga konflikti dhe familjet që vuajnë nga dhuna.

Ai kremtoi një Meshë për Vitin e Ri në Bazilikën e Shën Pjetrit dhe më pas mbajti një lutje të veçantë në mesditë nga studioja e tij, me pamje nga sheshi i mbushur me pelegrinë dhe turistë në një ditë të ndritshme dhe të ftohtë dimri.

Leoni theksoi se 1 janari përkon me Ditën Botërore të Paqes, duke e përdorur këtë rast për të bërë një thirrje të veçantë, raporton Associated Press

“Le të lutemi të gjithë për paqen: jo vetëm midis kombeve të përfshirë në konflikte dhe të prekur nga vuajtjet, por edhe brenda familjeve tona, ku dhuna ose dhimbja kanë lënë plagë,” deklaroi ai, shkruan Sinjali.

Pas një periudhe të ngjeshur me kremtime të Krishtlindjeve, Papa do të ketë disa ditë pushim para se të përgatitet për festën e Epifanisë më 6 janar. Në këtë ditë, ai gjithashtu do të përmbyllë zyrtarisht Vitin e Shenjtë 2025, një ngjarje që zhvillohet vetëm një herë çdo çerek shekulli dhe tërhoqi miliona pelegrinë në Romë.

Sinjali – aty ku e vërteta flet para lajmit!

/GazetaSinjali/

The post Për vitin 2026, Papa Leoni bën thirrje për paqe appeared first on Sinjali.

Një rast jashtëzakonisht i rëndë dhunimi është raportuar më 31 dhjetor 2025 në Fushë Kosovë, ku një grua rreth 30 vjeçe ka përjetuar dhunë seksuale dhe keqtrajtim çnjerëzor nga dy persona të dyshuar.

Sipas informatave, viktima A.H. 30 vjeçare ishte njohur me njërin nga të dyshuarit përmes rrjetit social Snapchat, të cilin e njeh vetëm sipas inicialeve L.G. Takimi i parë mes tyre kishte ndodhur fizikisht në pompën e derivateve HIB Petrol, në rrugën e Pejës, në Fushë Kosovë.

Pas këtij takimi, viktima kishte pranuar të shkojë me të dyshuarin në motelin “Paris” në Fushë Kosovë. Sipas deklarimit të saj, menjëherë pasi kishin hyrë në dhomë, i dyshuari kishte ftuar edhe një person tjetër të panjohur. Të dy dyshuarit, sipas viktimës, fillimisht i kishin ofruar alkool dhe më pas edhe substanca narkotike, duke e vënë në një gjendje të rëndë fizike dhe psikike.

Në këto rrethana, viktima deklaron se ishte dhunuar seksualisht nga të dy personat. Duke tentuar të shpëtojë, ajo kishte dalë nga dhoma dhe ishte drejtuar drejt garazhit të objektit, por aty ishte kapur sërish nga të dyshuarit, të cilët e kishin futur me forcë në pjesën e pasme të veturës, duke e detyruar të qëndrojë e shtrirë.

Sipas deklarimit, viktima ishte transportuar me veturë drejt një zone malore në afërsi të fshatit Llapushnik, komuna e Drenasit, ku të dyshuarit e kishin nxjerrë nga automjeti dhe e kishin braktisur në gjendje të rëndë shëndetësore, duke u larguar më pas në drejtim të panjohur.

Viktima është hasur më vonë nga njësia e autostradës në afërsi të rrugës së Pejës, pranë HIB Petrol, në gjendje të rënduar, ku ka marrë trajtim të menjëhershëm mjekësor. Pas stabilizimit, ajo ka dhënë deklaratën e saj para organeve kompetente.

Lidhur me rastin është njoftuar Prokurori Kujdestar, i cili ka urdhëruar inicimin e veprës penale “Dhunim”, ndërsa viktima është dërguar për ekzaminime të detajuara në Institutin e Mjekësisë Ligjore (IML). Hetimet janë në zhvillim intensiv për identifikimin dhe arrestimin e personave të dyshuar.

Rasti po trajtohet me prioritet të lartë, ndërsa institucionet janë duke ndërmarrë veprime për zbardhjen e plotë të kësaj ngjarjeje të rëndë që ka tronditur opinionin publik.

Sinjali – aty ku e vërteta flet para lajmit!

/GazetaSinjali/

The post Ekskluzive | Detaje tronditëse për dhunimin e 30-vjeçares në Fushë Kosovë: U njohën në Snapchat, u takuan te HIB Petrol, përfundoi e braktisur në mal appeared first on Sinjali.

Rusia akuzoi Ukrainën të enjten për vrasjen e të paktën 24 personave, përfshirë një fëmijë, në një sulm me dron në një hotel dhe kafene ku civilët po festonin Vitin e Ri në një pjesë të kontrolluar nga Rusia në rajonin jugor Kherson të Ukrainës.

Ushtria e Ukrainës, e cila ka akuzuar Rusinë për vrasjen e shumë civilëve në sulmet e saj ndaj qyteteve ukrainase, nuk iu përgjigj menjëherë një kërkese me email për koment.

Vladimir Saldo, guvernatori i rajonit i instaluar nga Rusia, bëri fillimisht akuzën në lidhje me sulmin në një deklaratë. Ministria e Jashtme e Rusisë dhe politikanë të lartë rusë më vonë akuzuan Ukrainën për kryerjen e “një sulmi terrorist”, raporton Reuters.

Të paktën një trup i vdekur ishte i dukshëm në imazhet nën një çarçaf të bardhë. Ndërtesa tregonte shenja se një zjarr i ashpër kishte shpërthyer dhe kishte diçka që dukej si njolla gjaku në tokë, shkruan Sinjali.

Saldo tha në deklaratën e tij se tre dronë ukrainas kishin goditur vendin e festimeve të Vitit të Ri në Khorly, një fshat bregdetar, në atë që ai e quajti një “sulm të qëllimshëm” kundër civilëve. Ai tha se shumë njerëz ishin djegur të gjallë.

Sinjali – aty ku e vërteta flet para lajmit!

/GazetaSinjali/

The post Rusia akuzon Ukrainën: 24 të vrarë në sulmin me dron gjatë Vitit të Ri appeared first on Sinjali.

Trajneri i Chelseat, Enzo Maresca, raportohet se është pranë largimit nga klubi londinez, që mund të ndodhë që sot.

Ndërkohë, Sky Sports shkruan se Maresca nuk ka qenë i pranishëm në konferencën për shtyp përpara përballjes me Manchester Cityn, duke shtuar spekulimet se ndarja me klubin mund të ndodhë para zhvillimit të ndeshjes.

Sipas Alex Crook, shkaku kryesor i këtij vendimi lidhet me një përplasje mes Marescas dhe bashkëpronarit të Chelseat, Behdad Eghbali.

Chelsea ka zhvilluar një sezon me luhatje deri tani, duke u pozicionuar në vendin e pestë të renditjes, vetëm dy pikë larg zonës së Ligës së Kampionëve.

Gjatë javëve të fundit, vetë Maresca ka pranuar se nuk ka ndjerë mbështetjen e nevojshme nga klubi, ndërsa situata duket se tashmë ka arritur në pikën kulmore.

Sinjali – aty ku e vërteta flet para lajmit!

/GazetaSinjali/

The post A po largohet sot trajneri i Chelseat nga klubi londinez? appeared first on Sinjali.

Tre persona kanë humbur jetën si pasojë e një aksidenti të rëndë rrugor të ndodhur në orët e para të mëngjesit të sotëm në aksin nacional Gjirokastër-Tepelenë, në zonën e Bypass-it.

Sipas të dhënave paraprake, përplasja ka ndodhur rreth orës 03:18 mes dy automjeteve që lëviznin në këtë segment rrugor. Mjetet drejtoheshin nga dy të rinj, 25 dhe 24 vjeç, të dy banues në Tepelenë.

Përplasja rezultoi fatale për të dy drejtuesit e automjeteve, si edhe për një pasagjer 27-vjeçar që udhëtonte në njërin prej mjeteve. Ndërkohë, një vajzë 19-vjeçare ka mbetur e plagosur dhe është dërguar me urgjencë në Spitalin e Traumës, ku po merr ndihmën mjekësore, shkruan Euronews.al.

Në vendngjarje ndodhen shërbimet e policisë dhe grupi hetimor, të cilët po punojnë për të sqaruar rrethanat dhe shkaqet e aksidentit. Si pasojë, qarkullimi i automjeteve në këtë aks është zhvilluar me vështirësi për disa orë.

Sinjali – aty ku e vërteta flet para lajmit!

/GazetaSinjali/

The post E trishtë: 2026 fillon me tragjedi në Gjirokastër, tre viktima në një aksident appeared first on Sinjali.

Viti 2025, shteti i Kosovës e gjeti vetën në krizë të thellë politike, duke zhvilluar 4 procese zgjedhore. Dy prej tyre ishin lokale, përfshirë balotazhin, dhe dy të tjera ishin parlamentare. Përderisa ato të 9 shkurtit ishin të rregullta, zgjedhjet e 28 dhjetorit ishin të jashtëzakonshme për shkak të mosformimit të institucioneve të reja udhëheqëse shtetërore.

Një krizë e tillë, e përcjell edhe me atë të ekonomisë e energjisë, ka bërë që qytetarët e vendit të shprehin pakënaqësitë e tyre për mirëqenien e tyre jetësore në Kosovë.

Pakënaqësia më së shumti është shfaqur tek gjeneratat e reja. Për të kuptuar edhe më mirë qëndrimet e tyre, thuhet se vetëm 28% e të rinjve s’mendojnë të largohen nga Kosova.

Në anën tjetër, rreth 72 për qind e të rinjve në Kosovë e shohin veten, në nivele të ndryshme, me një të ardhme jashtë vendit. Të pyetur se sa e fuqishme është dëshira e tyre për t’u larguar nga Kosova, vetëm 28 për qind thanë se nuk synojnë të emigrojnë, shkruan REL.

Sipas statistikave të mbledhura nga platforma Coverge2EU, e cila ndjek gjendjen në vendet e Ballkanit Perëndimor që synojnë integrimin në Bashkimin Evropian, Kosova vazhdon të mbetet prapa shumicës së vendeve të rajonit në shumë fusha.

Sinjali – aty ku e vërteta flet para lajmit!

/GazetaSinjali/

The post 2025, vit i krizave, 72% e të rinjve shohin shpresë jashtë Kosovës appeared first on Sinjali.

Sot, në ditën e fundit të vitit 2025, kampionia olimpike e xhudos, Nora Gjakova, ka vendosur të përfundojë një kapitull të rëndësishëm të jetës së saj, karrierën e saj sportive.

Pas 23 viteve përkushtim, sfidash, humbjesh dhe fitore të paharrueshme, Nora shpreh mirënjohjen më të thellë për rrugëtimin që ka kaluar dhe për gjithçka që ka arritur gjatë këtyre viteve.

Përmes një postimi në rrjetin sociale Facebook, ajo shprehet: “Sot po e përmbyll një kapitull të rëndësishëm që për mua ka qenë e gjithë jeta ime deri tash. Jam rritur dhe kam marrë frymë me sportin e xhudos, dhe ndihem e lumtur që kam jetuar ëndrrën time”.

Nora gjithashtu falënderon të gjithë ata që kanë qenë pjesë e rrugëtimit të saj: familjes për hapat e parë dhe mbështetjen e vazhdueshme, trajnerin e saj, i cili e ngriti deri në titullin më të lartë të Kampiones Olimpike, shokët dhe shoqet e klubit në Pejë për çdo ndeshje dhe përkrahje, shtetin e Kosovës për nderin dhe krenarinë që i dha për të përfaqësuar vendin, si dhe gjithë shqiptarët kudo për mbështetjen gjatë viteve.

“Faleminderit të gjithëve që më keni qëndruar afër,” shkruan tutje Gjakova.

Sinjali – aty ku e vërteta flet para lajmit!

/GazetaSinjali/

The post I jep fund karrierës si xhudiste, Nora Gjakova: Për mu ka qenë e gjithë jeta ime appeared first on Sinjali.

Përgjatë kontrollit të një automjeti me targa zvicerane në pikën kufitare të Bllacës, janë sekuestruar mbi 40 mijë copë fishekzjarre, duke parandaluar kështu futjen e paligjshme të tyre në Maqedoninë e Veriut.

Në njoftimin e doganës thuhet se e gjithë hapsira e makinës ishte mbushur me mjete piroteknike, si dhe hetimet e mëtejshme treguan se fishekzjarret ishin blerë në Prishtinë dhe ishin të destinuara për kontrabandë në vend.

Në lidhje me këtë rast është ngritur kallëzim penal ndaj një qytetari nga Gostivari për tregti të paligjshme me materie eksplozive sipas njoftimit të Drejtorisë së Doganave.

“Theksojmë se përdorimi i piroteknikës ilegale përbën një kërcënim serioz për sigurinë dhe shëndetin e qytetarëve, veçanërisht të rinjve. Drejtoria e Doganave do të vazhdojë me kontrolle të intensifikuara dhe aktivitete të koordinuara me institucionet kompetente me qëllim parandalimin e tregtisë së paligjshme dhe mbrojtjen e sigurisë publike”, thuhet në njoftimin e Doganës së Maqedonisë së Veriut.

Sinjali – aty ku e vërteta flet para lajmit!

/GazetaSinjali/

The post Parandalohet kontrabanda në Bllacë, sekuestrohen mbi 40 mijë fishekzjarre appeared first on Sinjali.

KEDS ka njoftuar se për festën e ndërrimit të vitit 2025-2026 janë marrë të gjitha masat e nevojshme si në aspektin organizativ, teknik dhe logjistik për të garantuar furnizim të qëndrueshëm me energji elektrike, pavarësisht rritjes së konsumit gjatë periudhës së festave.

Ata tutje njoftuan se për këtë periudhë do të jenë të angazhuar rreth 500 punëtorë, të cilët do të jenë në terren dhe do të sigurojnë shërbime të tjera për të intervenuar menjëherë në rast të ndonjë avarie.

“Janë bërë të gjitha përgatitjet paraprake në mënyrë që natën e ndërrimit të vitit të ketë furnizim stabil me energji elektrike, përkundër ngarkesës së lartë në rrjet, e cila këtë vit është në nivele të papara krahasuar me vitet e kaluara”, thanë nga KEDS.

Pavarësisht përgatitjeve, KEDS ka paralajmëruar se disa rajone mund të kenë vështirësi për shkak të kapaciteteve të kufizuara të transmisionit. Këto zona janë Prizreni, Dragashi, Rahoveci, Shtimja, Xërxa, Malisheva, Suhareka dhe Lipjani.

Për këtë arsye, është punuar intensivisht në përgatitjet e planit operativ për të siguruar furnizim të qëndrueshëm me energji elektrike gjatë ndërrimit të moteve. KEDS është i angazhuar për të siguruar që qytetarët të kenë energji elektrike pa ndërprerje gjatë festave të fundvitit, duke ndërhyrë shpejt në çdo situatë që mund të lindë.

Sinjali – aty ku e vërteta flet para lajmit!

/GazetaSinjali/

The post Shtatë qytete të Kosovës mund të mbesin pa rrymë gjatë festës së ndërrimit të moteve appeared first on Sinjali.

Sekretari i Përgjithshëm i Kombeve të Bashkuara, Antonio Guterres, iu drejtua liderëve botërorë me një thirrje të fuqishme përpara Vitit të Ri, duke kërkuar që prioritetet globale të drejtohen drejt luftës kundër varfërisë dhe jo në rritjen e shpenzimeve ushtarake. Guterres theksoi se bota është përballur me një nivel konflikti që nuk është parë që nga Lufta e Dytë Botërore.

“Ndërsa kthejmë faqen e një viti të trazuar, një fakt flet më shumë se fjalët: Shpenzimet ushtarake globale janë rritur në 2.7 trilionë dollarë, duke u rritur me pothuajse 10 përqind. Kjo është trembëdhjetë herë më shumë se e gjithë ndihma për zhvillim, ekuivalente me të gjithë produktin e brendshëm bruto të Afrikës.”

Ky është një pasqyrë e frikshme e shpenzimeve globale, e cila tregon një tendencë shqetësuese të rritjes së investimeve në luftëra, ndërkohë që ndihma për zhvillim dhe mundësitë për të luftuar varfërinë mbeten të pamjaftueshme. Guterres theksoi se prioritetet e botës duhet të ndryshojnë. Ai kërkoi që të investohet më shumë në sigurinë njerëzore dhe më pak në armatimin ushtarak.

“Në këtë vit të ri, le të vendosim të sqarojmë prioritetet tona. Një botë më e sigurt fillon duke investuar më shumë në luftimin e varfërisë dhe më pak në luftëra. Paqja duhet të mbizotërojë,” shprehet Guterres.

Apeli i tij ishte i qartë dhe i drejtpërdrejtë. Ai i kërkoi liderëve botërorë të marrin situatën seriozisht dhe të vendosin për njerëzit dhe planetin, duke e vënë paqen dhe drejtësinë në krye të axhendave të tyre politike.

“Merreni situatën seriozisht. Zgjidhni njerëzit dhe planetin mbi dhimbjen. Këtë vit të ri, le të ngrihemi së bashku: Për drejtësi. Për njerëzimin. Për paqen,” shtoi ai.

Sinjali – aty ku e vërteta flet para lajmit!

/GazetaSinjali/

The post Guterres paralajmëron liderët botërorë: Merreni seriozisht rrezikun e luftës appeared first on Sinjali.

Është ekstraduar një shtetas shqiptar nga Shqipëria për në Kosovë këtë të martë ka bërë të ditur Policia e Kosovës.

Në njoftim thuhet se ky ekstradim u realizua nëpërmjet Drejtorisë për Bashkëpunim Ndërkombëtar Policor, në koordinim dhe bashkëpunim me njësitet tjera relevante të Policisë së Kosovës dhe institucionet e drejtësisë.

“I dyshuari ishte arrestuar nga autoritetet shqiptare, pasi kërkohej me urdhërarrest ndërkombëtar të lëshuar nga institucionet e drejtësisë së Kosovës, për veprat penale “Kultivim i narkotikëve dhe blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” dhe se i njëjti i ishte shmangur drejtësisë”, thuhet në njoftimin e policisë

Ekstradimi u realizua falë bashkëpunimit të ngushtë mes institucioneve të Republikës së Kosovës dhe Republikës së Shqipërisë. Pas ekstradimit, i dyshuari iu dorëzua njësiteve përkatëse të Policisë së Kosovës, që do të vazhdojnë me procedurat tjera ligjore përkatëse.

“Policia e Kosovës do të vazhdojë shkëmbimin e informacionit me institucionet vendore, shtetet dhe organizatat ndërkombëtare, me qëllim të parandalimit, hetimit dhe zbardhjes së aktiviteteve kriminale, duke përfshirë hetimin e kryesve të veprave penale. Po ashtu, do të vazhdojë gjurmimi dhe arrestimi i personave dhe grupeve kriminale që veprojnë brenda dhe jashtë vendit”, thuhet tutje.

Sinjali – aty ku e vërteta flet para lajmit!

/GazetaSinjali/

The post Ekstradohet nga Shqipëria në Kosovë i dyshuar për trafikim narkotikësh appeared first on Sinjali.

Instituti Kombëtar i Shëndetësisë Publike të Kosovës, ka dhënë disa këshilla se si të mbrohemi nga gripi sezonal duke e cilësuar atë si sëmundje akute infektive.

Disa prej këshillave janë: lani duart shpesh me ujë dhe sapun, mbuloni gojën dhe hundën kur kolliteni ose teshtini, shmangni kontaktin e ngushtë me persona të sëmurë, qëndroni në shtëpi nëse jeni të sëmurë, ushqehuni shëndetshëm dhe pini shumë lëngje si dhe vaksinohuni çdo vit kundër gripit sezozal.

Sipas tyre gripi sezonal te një numër i konsideruar i rasteve shkakton komplikime serioze shëndetësore, veçanërisht te fëmijët, te të moshuarit dhe ata me sëmundje kronike.

Tutje thuhet se vaksina kundër gripit është mënyra më e mirë për të reduktuar rrezikun e infektimit dhe përhapjen e virusit.

Sinjali – aty ku e vërteta flet para lajmit!

/GazetaSinjali/

The post IKSHPK jep këshilla për mbrojtje nga gripi sezonal appeared first on Sinjali.

Kryeminstri i Shqipërisë, Edi Rama, gjatë konferencës vjetore me gazetarët, foli për ushtrinë dhe sistemin mbrojtës.

Ai u shpreh se vendi ynë ka raketa Javelin dhe tre anije patrulluese që i kanë dhuratë nga Italia si dhe radarë falë bashkëpunimit me Francën.

Ndër të tjera kreu i qeverisë deklaroi se Shqipëria ka sot ushtrinë më të mirëpaguar në rajon, duke ia kaluar kështu edhe Serbisë.

“Kemi ushtrinë më të mirëpaguar në rajon, përfshi edhe Serbinë. Ambicia jonë është që ushtria jonë të arrijë në mesataren e vendeve të NATO-s sa I përket anës financiare. Ky vit na gjen me një sistem raketor Javelin, na gjen me tre anije patrulluese që I kemi dhuratë nga Italia, na gjen me radarë falë bashkëpunimit me Francën. Ajo që mbetet ambicia kryesore është Shqipëria një vend prodhues i industrisë ushtarake”,  tha Rama para gazetarëve.

“Do prodhojmë dronët luftarakë dhe sistemet antidron. Në 2026 do të shihni edhe produktet e para. Ne vazhdojmë punën për të bërë kontrata të tjera për industrinë detare dhe ajrore”, shtoi ai tutje.

Sinjali – aty ku e vërteta flet para lajmit!

/GazetaSinjali/

The post “Kemi raketa Javelin dhe anije patrulluese”, Rama: Sot kemi ushtrinë më të mirëpaguar, ia kalojmë Serbisë appeared first on Sinjali.

Një burrë 65-vjeçar është gjetur pa shenja jete në banesën e tij në fshatin Spiten të Lezhës.

Viktima, i identifikuar si Preng Perjaku, është konstatuar me dëmtime trupore, ndërsa nga veprimet paraprake dyshohet se rasti ka ndodhur në rrethana vetjake.

Trupi i pajetë është transportuar në morgun e spitalit të Lezhës për veprime të mëtejme, ndërsa policia ndodhet në vendin e ngjarjes dhe ka nisur hetimet për zbardhjen e plotë të rrethanave.

“Rreth orës 10:05, në banesën e tij në fshatin Spiten, është gjetur pa shenja jete shtetasi P. P., 65 vjeç. Grupi hetimor ndodhet në vendngjarje dhe po punon për sqarimin e rrethanave të rastit”,  thuhet në njoftimin e policisë.

Sinjali – aty ku e vërteta flet para lajmit!

/GazetaSinjali/

The post Gjendet një person i vdekur në Lezhë, dyshohet se është vetëvrarë me armë appeared first on Sinjali.

Arda Güler po kalon një periudhë të rëndësishme dhe të pasigurt në këtë sezon, i mbushur me ndjenja të përziera. Pasi e filloi sezonin si një nga transferimet më të mëdha të Real Madridit, roli i tij ka pësuar një tkurrje të dukshme çdo javë, dhe tani diskutimet për të ardhmen e tij në klub janë gjithnjë e më të shpeshta.

Edhe pse mbetet një lojtar i talentuar, ai nuk është më një titullar i padiskutueshëm. Konkurenca e fortë, ndryshimet taktike dhe rikthimi i lojtarëve të tjerë kyç kanë ndryshuar statusin e tij, duke e bërë më të paqartë pozicionin e tij në ekip.

Ndërkohë, stafi i trajnerëve e vlerëson ende për aftësinë e tij për të krijuar mundësi dhe për vizionin e tij në fushë. Megjithatë, paraqitjet e tij të fundit kanë ngritur dyshime që kërkojnë një rishikim të rolit të tij për pjesën tjetër të sezonit.

Ardhja e Xabi Alonsos si trajner shënoi një pikë kthese për Arda Guler. Trajneri i besoi atij, i dha kohë të vazhdueshme loje dhe e bëri të rregullt në formacionin titullar për pjesën më të madhe të sezonit.

Numrat e mbështesin këtë besim. Turku ka luajtur 25 ndeshje zyrtare, duke qenë titullar në 21 prej tyre, dhe është përfshirë drejtpërdrejt në 10-të gola, me tre gola dhe shtatë asistime. Këto shifra pasqyrojnë rëndësinë e tij të vërtetë për ekipin.

Megjithatë, konteksti ka ndryshuar, sipas mediumin DefensaCentral. Kthimi i Jude Bellingham në mesfushë, përmirësimi i Rodrygos dhe konsolidimi i Aurelien Tchouamenit kanë zvogëluar margjinën e gabimit të Arda Guler, që do të thotë se ai nuk ka më avantazh në rotacion.

Problemi i Gulerit nuk është mungesa e talentit, por konkurrenca e tepërt. Te Real Madridi ka shumë kandidatë për shumë pak pozicione, veçanërisht në mesfushë.

Federico Valverde, Edouardo Camavinga, Brahim Diaz, Franco Mastantuono dhe vetë Guler po garojnë për vendin e fundit titullar, me kusht që sistemi të mos e detyrojë Valverden të luajë si mbrojtës i krahut. Kjo konkurrencë e vazhdueshme kërkon qëndrueshmëri maksimale.

Meqenëse turkut i është dashur të ndryshojë pozicionin e tij, duke u larguar nga zonat ku ndihet më rehat, ndikimi i tij është zvogëluar. Ai lufton për të gjetur hapësirë, e merr topin më larg zonës së penalltisë dhe humbet ndikimin në pjesën e tretë të fushës.

Sinjali – aty ku e vërteta flet para lajmit!

/GazetaSinjali/

The post A po e nxjerr në shitje Real Madridi yllin e madh të skuadrës? appeared first on Sinjali.

Koreja e Veriut njoftoi të hënën se kishte kryer lansimin e raketave strategjike me rreze të gjatë veprimi në drejtim të detit, si pjesë e një testi për forcimin e aftësisë së saj për të parandaluar kërcënimet bërthamore. Ky veprim vjen vetëm disa ditë pas shfaqjes së përparimit të dukshëm në ndërtimin e nëndetëseve të para bërthamore të Phenianit.

Sipas burimeve zyrtare të Koresë së Veriut, këto teste të realizuara gjatë së dielës janë pjesë e shfaqjes më të fundit të kapaciteteve të saj ushtarake, para kongresit të ardhshëm të Partisë së Punëtorëve, i cili pritet të mbahet në fillim të vitit të ardhshëm. Ky do të jetë kongresi i parë pas pesë vitesh pauzë.

Interesi ndërkombëtar për këtë ngjarje do të përqendrohet në mundësinë që udhëheqësi Kim Jong-un të shpallë prioritetet e reja për marrëdhëniet me Shtetet e Bashkuara, dhe nëse ai do të reagojë ndaj kërkesave të Uashingtonit për rinisjen e bisedimeve për denuklearizimin, të cilat janë pezulluar prej kohësh.

Agjencia Koreane e Lajmeve raportoi se Kim Jong-un ka shprehur “kënaqësi të madhe” për suksesin e lëshimeve të raketave të së dielës, të cilat u realizuan në bregun perëndimor të vendit.

Sinjali – aty ku e vërteta flet para lajmit!

/GazetaSinjali/

The post Koreja e Veriut teston raketa strategjike me rreze të gjatë veprimi appeared first on Sinjali.